𑌰𑌂𑌗𑌨𑌾𑌥 𑌅𑌷𑍍𑌟𑌕𑌂

Collection of Spiritual and Devotional Literature in Various Indian Languages

View this in:

𑌰𑌂𑌗𑌨𑌾𑌥 𑌅𑌷𑍍𑌟𑌕𑌂

𑌆𑌨𑌂𑌦𑌰𑍂𑌪𑍇 𑌨𑌿𑌜𑌬𑍋𑌧𑌰𑍂𑌪𑍇
𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑍇 𑌶𑍍𑌰𑍁𑌤𑌿𑌮𑍂𑌰𑍍𑌤𑌿𑌰𑍂𑌪𑍇 ।
𑌶𑌶𑌾𑌂𑌕𑌰𑍂𑌪𑍇 𑌰𑌮𑌣𑍀𑌯𑌰𑍂𑌪𑍇
𑌶𑍍𑌰𑍀𑌰𑌂𑌗𑌰𑍂𑌪𑍇 𑌰𑌮𑌤𑌾𑌂 𑌮𑌨𑍋 𑌮𑍇 ॥ 1 ॥

𑌕𑌾𑌵𑍇𑌰𑌿𑌤𑍀𑌰𑍇 𑌕𑌰𑍁𑌣𑌾𑌵𑌿𑌲𑍋𑌲𑍇
𑌮𑌂𑌦𑌾𑌰𑌮𑍂𑌲𑍇 𑌧𑍃𑌤𑌚𑌾𑌰𑍁𑌕𑍇𑌲𑍇 ।
𑌦𑍈𑌤𑍍𑌯𑌾𑌂𑌤𑌕𑌾𑌲𑍇𑌽𑌖𑌿𑌲𑌲𑍋𑌕𑌲𑍀𑌲𑍇
𑌶𑍍𑌰𑍀𑌰𑌂𑌗𑌲𑍀𑌲𑍇 𑌰𑌮𑌤𑌾𑌂 𑌮𑌨𑍋 𑌮𑍇 ॥ 2 ॥

𑌲𑌕𑍍𑌷𑍍𑌮𑍀𑌨𑌿𑌵𑌾𑌸𑍇 𑌜𑌗𑌤𑌾𑌂 𑌨𑌿𑌵𑌾𑌸𑍇
𑌹𑍃𑌤𑍍𑌪𑌦𑍍𑌮𑌵𑌾𑌸𑍇 𑌰𑌵𑌿𑌬𑌿𑌂𑌬𑌵𑌾𑌸𑍇 ।
𑌕𑍃𑌪𑌾𑌨𑌿𑌵𑌾𑌸𑍇 𑌗𑍁𑌣𑌬𑍃𑌂𑌦𑌵𑌾𑌸𑍇
𑌶𑍍𑌰𑍀𑌰𑌂𑌗𑌵𑌾𑌸𑍇 𑌰𑌮𑌤𑌾𑌂 𑌮𑌨𑍋 𑌮𑍇 ॥ 3 ॥

𑌬𑍍𑌰𑌹𑍍𑌮𑌾𑌦𑌿𑌵𑌂𑌦𑍍𑌯𑍇 𑌜𑌗𑌦𑍇𑌕𑌵𑌂𑌦𑍍𑌯𑍇
𑌮𑍁𑌕𑍁𑌂𑌦𑌵𑌂𑌦𑍍𑌯𑍇 𑌸𑍁𑌰𑌨𑌾𑌥𑌵𑌂𑌦𑍍𑌯𑍇 ।
𑌵𑍍𑌯𑌾𑌸𑌾𑌦𑌿𑌵𑌂𑌦𑍍𑌯𑍇 𑌸𑌨𑌕𑌾𑌦𑌿𑌵𑌂𑌦𑍍𑌯𑍇
𑌶𑍍𑌰𑍀𑌰𑌂𑌗𑌵𑌂𑌦𑍍𑌯𑍇 𑌰𑌮𑌤𑌾𑌂 𑌮𑌨𑍋 𑌮𑍇 ॥ 4 ॥

𑌬𑍍𑌰𑌹𑍍𑌮𑌾𑌧𑌿𑌰𑌾𑌜𑍇 𑌗𑌰𑍁𑌡𑌾𑌧𑌿𑌰𑌾𑌜𑍇
𑌵𑍈𑌕𑍁𑌂𑌠𑌰𑌾𑌜𑍇 𑌸𑍁𑌰𑌰𑌾𑌜𑌰𑌾𑌜𑍇 ।
𑌤𑍍𑌰𑍈𑌲𑍋𑌕𑍍𑌯𑌰𑌾𑌜𑍇𑌽𑌖𑌿𑌲𑌲𑍋𑌕𑌰𑌾𑌜𑍇
𑌶𑍍𑌰𑍀𑌰𑌂𑌗𑌰𑌾𑌜𑍇 𑌰𑌮𑌤𑌾𑌂 𑌮𑌨𑍋 𑌮𑍇 ॥ 5 ॥

𑌅𑌮𑍋𑌘𑌮𑍁𑌦𑍍𑌰𑍇 𑌪𑌰𑌿𑌪𑍂𑌰𑍍𑌣𑌨𑌿𑌦𑍍𑌰𑍇
𑌶𑍍𑌰𑍀𑌯𑍋𑌗𑌨𑌿𑌦𑍍𑌰𑍇 𑌸𑌸𑌮𑍁𑌦𑍍𑌰𑌨𑌿𑌦𑍍𑌰𑍇 ।
𑌶𑍍𑌰𑌿𑌤𑍈𑌕𑌭𑌦𑍍𑌰𑍇 𑌜𑌗𑌦𑍇𑌕𑌨𑌿𑌦𑍍𑌰𑍇
𑌶𑍍𑌰𑍀𑌰𑌂𑌗𑌭𑌦𑍍𑌰𑍇 𑌰𑌮𑌤𑌾𑌂 𑌮𑌨𑍋 𑌮𑍇 ॥ 6 ॥

𑌸𑌚𑌿𑌤𑍍𑌰𑌶𑌾𑌯𑍀 𑌭𑍁𑌜𑌗𑍇𑌂𑌦𑍍𑌰𑌶𑌾𑌯𑍀
𑌨𑌂𑌦𑌾𑌂𑌕𑌶𑌾𑌯𑍀 𑌕𑌮𑌲𑌾𑌂𑌕𑌶𑌾𑌯𑍀 ।
𑌕𑍍𑌷𑍀𑌰𑌾𑌬𑍍𑌧𑌿𑌶𑌾𑌯𑍀 𑌵𑌟𑌪𑌤𑍍𑌰𑌶𑌾𑌯𑍀
𑌶𑍍𑌰𑍀𑌰𑌂𑌗𑌶𑌾𑌯𑍀 𑌰𑌮𑌤𑌾𑌂 𑌮𑌨𑍋 𑌮𑍇 ॥ 𑍭 ॥

𑌇𑌦𑌂 𑌹𑌿 𑌰𑌂𑌗𑌂 𑌤𑍍𑌯𑌜𑌤𑌾𑌮𑌿𑌹𑌾𑌂𑌗𑌂
𑌪𑍁𑌨𑌰𑍍𑌨 𑌚𑌾𑌂𑌗𑌂 𑌯𑌦𑌿 𑌚𑌾𑌂𑌗𑌮𑍇𑌤𑌿 ।
𑌪𑌾𑌣𑍌 𑌰𑌥𑌾𑌂𑌗𑌂 𑌚𑌰𑌣𑍇𑌽𑌂𑌬𑍁 𑌗𑌾𑌂𑌗𑌂
𑌯𑌾𑌨𑍇 𑌵𑌿𑌹𑌂𑌗𑌂 𑌶𑌯𑌨𑍇 𑌭𑍁𑌜𑌂𑌗𑌮𑍍 ॥ 𑍮 ॥

𑌰𑌂𑌗𑌨𑌾𑌥𑌾𑌷𑍍𑌟𑌕𑌂 𑌪𑍁𑌣𑍍𑌯𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌯𑌃 𑌪𑌠𑍇𑌤𑍍 ।
𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌰𑌂𑌗𑌿𑌸𑌾𑌯𑍁𑌜𑍍𑌯𑌮𑌾𑌪𑍍𑌨𑍁𑌯𑌾𑌤𑍍 ॥ 𑍯 ॥

𑌇𑌤𑌿 𑌶𑍍𑌰𑍀 𑌰𑌂𑌗𑌨𑌾𑌥𑌾𑌷𑍍𑌟𑌕𑌮𑍍 ।

Browse Related Categories: