bhairava uvācha
śatanāma pravakṣyāmi kāḻikāyā varānanē ।
yasya prapaṭhanādvāgmī sarvatra vijayī bhavēt ॥ 1 ॥
kāḻī kapālinī kāntā kāmadā kāmasundarī ।
kāḻarātriḥ kāḻikā cha kālabhairavapūjitā ॥ 2 ॥
kurukuḻḻā kāminī cha kamanīyasvabhāvinī ।
kulīnā kulakartrī cha kulavartmaprakāśinī ॥ 3 ॥
kastūrīrasanīlā cha kāmyā kāmasvarūpiṇī ।
kakāravarṇanilayā kāmadhēnuḥ karāḻikā ॥ 4 ॥
kulakāntā karāḻāsyā kāmārtā cha kaḻāvatī ।
kṛśōdarī cha kāmākhyā kaumārī kulapālinī ॥ 5 ॥
kulajā kulakanyā cha kulahā kulapūjitā ।
kāmēśvarī kāmakāntā kuñjarēśvaragāminī ॥ 6 ॥
kāmadātrī kāmahartrī kṛṣṇā chaiva kapardinī ।
kumudā kṛṣṇadēhā cha kāḻindī kulapūjitā ॥ 7 ॥
kāśyapī kṛṣṇamātā cha kuliśāṅgī kaḻā tathā ।
krīṃ rūpā kulagamyā cha kamalā kṛṣṇapūjitā ॥ 8 ॥
kṛśāṅgī kinnarī kartrī kalakaṇṭhī cha kārtikī ।
kambukaṇṭhī kauḻinī cha kumudā kāmajīvinī ॥ 9 ॥
kulastrī kīrtikā kṛtyā kīrtiścha kulapālikā ।
kāmadēvakaḻā kalpalatā kāmāṅgavardhinī ॥ 10 ॥
kuntā cha kumudaprītā kadambakusumōtsukā ।
kādambinī kamalinī kṛṣṇānandapradāyinī ॥ 11 ॥
kumārīpūjanaratā kumārīgaṇaśōbhitā ।
kumārīrañjanaratā kumārīvratadhāriṇī ॥ 12 ॥
kaṅkāḻī kamanīyā cha kāmaśāstraviśāradā ।
kapālakhaṭvāṅgadharā kālabhairavarūpiṇī ॥ 13 ॥
kōṭarī kōṭarākṣī cha kāśīkailāsavāsinī ।
kātyāyanī kāryakarī kāvyaśāstrapramōdinī ॥ 14 ॥
kāmākarṣaṇarūpā cha kāmapīṭhanivāsinī ।
kaṅkinī kākinī krīḍā kutsitā kalahapriyā ॥ 15 ॥
kuṇḍagōlōdbhavaprāṇā kauśikī kīrtivardhinī ।
kumbhastanī kaṭākṣā cha kāvyā kōkanadapriyā ॥ 16 ॥
kāntāravāsinī kāntiḥ kaṭhinā kṛṣṇavallabhā ।
iti tē kathitaṃ dēvi guhyādguhyataraṃ param ॥ 17 ॥
prapaṭhēdya idaṃ nityaṃ kāḻīnāmaśatāṣṭakam ।
triṣu lōkēṣu dēvēśi tasyā'sādhyaṃ na vidyatē ॥ 18 ॥
prātaḥkālē cha madhyāhnē sāyāhnē cha sadā niśi ।
yaḥ paṭhētparayā bhaktyā kāḻīnāmaśatāṣṭakam ॥ 19 ॥
kāḻikā tasya gēhē cha saṃsthānaṃ kurutē sadā ।
śūnyāgārē śmaśānē vā prāntarē jalamadhyataḥ ॥ 20 ॥
vahnimadhyē cha saṅgrāmē tathā prāṇasya saṃśayē ।
śatāṣṭakaṃ japanmantrī labhatē kṣēmamuttamam ॥ 21 ॥
kāḻīṃ saṃsthāpya vidhivat stutvā nāmaśatāṣṭakaiḥ ।
sādhakaḥ siddhimāpnōti kāḻikāyāḥ prasādataḥ ॥ 22 ॥
iti śrī kāḻī kakārāṣṭōttaraśatanāma stōtram ।
