ଭୈରଵ ଉଵାଚ
ଶତନାମ ପ୍ରଵକ୍ଷ୍ୟାମି କାଳିକାୟା ଵରାନନେ ।
ୟସ୍ୟ ପ୍ରପଠନାଦ୍ଵାଗ୍ମୀ ସର୍ଵତ୍ର ଵିଜୟୀ ଭଵେତ୍ ॥ 1 ॥
କାଳୀ କପାଲିନୀ କାଂତା କାମଦା କାମସୁଂଦରୀ ।
କାଳରାତ୍ରିଃ କାଳିକା ଚ କାଲଭୈରଵପୂଜିତା ॥ 2 ॥
କୁରୁକୁଳ୍ଳା କାମିନୀ ଚ କମନୀୟସ୍ଵଭାଵିନୀ ।
କୁଲୀନା କୁଲକର୍ତ୍ରୀ ଚ କୁଲଵର୍ତ୍ମପ୍ରକାଶିନୀ ॥ 3 ॥
କସ୍ତୂରୀରସନୀଲା ଚ କାମ୍ୟା କାମସ୍ଵରୂପିଣୀ ।
କକାରଵର୍ଣନିଲୟା କାମଧେନୁଃ କରାଳିକା ॥ 4 ॥
କୁଲକାଂତା କରାଳାସ୍ୟା କାମାର୍ତା ଚ କଳାଵତୀ ।
କୃଶୋଦରୀ ଚ କାମାଖ୍ୟା କୌମାରୀ କୁଲପାଲିନୀ ॥ 5 ॥
କୁଲଜା କୁଲକନ୍ୟା ଚ କୁଲହା କୁଲପୂଜିତା ।
କାମେଶ୍ଵରୀ କାମକାଂତା କୁଂଜରେଶ୍ଵରଗାମିନୀ ॥ 6 ॥
କାମଦାତ୍ରୀ କାମହର୍ତ୍ରୀ କୃଷ୍ଣା ଚୈଵ କପର୍ଦିନୀ ।
କୁମୁଦା କୃଷ୍ଣଦେହା ଚ କାଳିଂଦୀ କୁଲପୂଜିତା ॥ 7 ॥
କାଶ୍ୟପୀ କୃଷ୍ଣମାତା ଚ କୁଲିଶାଂଗୀ କଳା ତଥା ।
କ୍ରୀଂ ରୂପା କୁଲଗମ୍ୟା ଚ କମଲା କୃଷ୍ଣପୂଜିତା ॥ 8 ॥
କୃଶାଂଗୀ କିନ୍ନରୀ କର୍ତ୍ରୀ କଲକଂଠୀ ଚ କାର୍ତିକୀ ।
କଂବୁକଂଠୀ କୌଳିନୀ ଚ କୁମୁଦା କାମଜୀଵିନୀ ॥ 9 ॥
କୁଲସ୍ତ୍ରୀ କୀର୍ତିକା କୃତ୍ୟା କୀର୍ତିଶ୍ଚ କୁଲପାଲିକା ।
କାମଦେଵକଳା କଲ୍ପଲତା କାମାଂଗଵର୍ଧିନୀ ॥ 10 ॥
କୁଂତା ଚ କୁମୁଦପ୍ରୀତା କଦଂବକୁସୁମୋତ୍ସୁକା ।
କାଦଂବିନୀ କମଲିନୀ କୃଷ୍ଣାନଂଦପ୍ରଦାୟିନୀ ॥ 11 ॥
କୁମାରୀପୂଜନରତା କୁମାରୀଗଣଶୋଭିତା ।
କୁମାରୀରଂଜନରତା କୁମାରୀଵ୍ରତଧାରିଣୀ ॥ 12 ॥
କଂକାଳୀ କମନୀୟା ଚ କାମଶାସ୍ତ୍ରଵିଶାରଦା ।
କପାଲଖଟ୍ଵାଂଗଧରା କାଲଭୈରଵରୂପିଣୀ ॥ 13 ॥
କୋଟରୀ କୋଟରାକ୍ଷୀ ଚ କାଶୀକୈଲାସଵାସିନୀ ।
କାତ୍ୟାୟନୀ କାର୍ୟକରୀ କାଵ୍ୟଶାସ୍ତ୍ରପ୍ରମୋଦିନୀ ॥ 14 ॥
କାମାକର୍ଷଣରୂପା ଚ କାମପୀଠନିଵାସିନୀ ।
କଂକିନୀ କାକିନୀ କ୍ରୀଡା କୁତ୍ସିତା କଲହପ୍ରିୟା ॥ 15 ॥
କୁଂଡଗୋଲୋଦ୍ଭଵପ୍ରାଣା କୌଶିକୀ କୀର୍ତିଵର୍ଧିନୀ ।
କୁଂଭସ୍ତନୀ କଟାକ୍ଷା ଚ କାଵ୍ୟା କୋକନଦପ୍ରିୟା ॥ 16 ॥
କାଂତାରଵାସିନୀ କାଂତିଃ କଠିନା କୃଷ୍ଣଵଲ୍ଲଭା ।
ଇତି ତେ କଥିତଂ ଦେଵି ଗୁହ୍ୟାଦ୍ଗୁହ୍ୟତରଂ ପରମ୍ ॥ 17 ॥
ପ୍ରପଠେଦ୍ୟ ଇଦଂ ନିତ୍ୟଂ କାଳୀନାମଶତାଷ୍ଟକମ୍ ।
ତ୍ରିଷୁ ଲୋକେଷୁ ଦେଵେଶି ତସ୍ୟାଽସାଧ୍ୟଂ ନ ଵିଦ୍ୟତେ ॥ 18 ॥
ପ୍ରାତଃକାଲେ ଚ ମଧ୍ୟାହ୍ନେ ସାୟାହ୍ନେ ଚ ସଦା ନିଶି ।
ୟଃ ପଠେତ୍ପରୟା ଭକ୍ତ୍ୟା କାଳୀନାମଶତାଷ୍ଟକମ୍ ॥ 19 ॥
କାଳିକା ତସ୍ୟ ଗେହେ ଚ ସଂସ୍ଥାନଂ କୁରୁତେ ସଦା ।
ଶୂନ୍ୟାଗାରେ ଶ୍ମଶାନେ ଵା ପ୍ରାଂତରେ ଜଲମଧ୍ୟତଃ ॥ 20 ॥
ଵହ୍ନିମଧ୍ୟେ ଚ ସଂଗ୍ରାମେ ତଥା ପ୍ରାଣସ୍ୟ ସଂଶୟେ ।
ଶତାଷ୍ଟକଂ ଜପନ୍ମଂତ୍ରୀ ଲଭତେ କ୍ଷେମମୁତ୍ତମମ୍ ॥ 21 ॥
କାଳୀଂ ସଂସ୍ଥାପ୍ୟ ଵିଧିଵତ୍ ସ୍ତୁତ୍ଵା ନାମଶତାଷ୍ଟକୈଃ ।
ସାଧକଃ ସିଦ୍ଧିମାପ୍ନୋତି କାଳିକାୟାଃ ପ୍ରସାଦତଃ ॥ 22 ॥
ଇତି ଶ୍ରୀ କାଳୀ କକାରାଷ୍ଟୋତ୍ତରଶତନାମ ସ୍ତୋତ୍ରମ୍ ।
