කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ පඤ්චමඃ ප්රපාඨකඃ - උපහෝමශේෂඃ

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

2.5.1 උපහෝමාඃ
ප්රා॒ණෝ ර॑ක්ෂති॒ විශ්ව॒මේජ॑ත් । ඉර්යෝ॑ භූ॒ත්වා බ॑හු॒ධා බ॒හූනි॑ । ස ඉථ්සර්වං॒-ව්යාඁ ॑නශේ ॥ යෝ දේ॒වෝ දේ॒වේෂු॑ වි॒භූර॒න්තඃ । ආවෘ॑දූ॒දා-ත්ක්ෂේත්රිය॑ද්ධ්ව॒ගද්වෘෂා᳚ । තමි-ත්ප්රා॒ණ-ම්මන॒සෝ ප॑ශික්ෂත । අග්ර॑-න්දේ॒වානා॑-මි॒දම॑ත්තු නෝ හ॒විඃ ॥ මන॑ස॒ශ්චිත්තේ॒දම් । භූ॒ත-ම්භව්ය॑-ඤ්ච ගුප්යතේ । තද්ධි දේ॒වේෂ්ව॑ග්රි॒යම් ॥ 1 ॥

ආ න॑ ඒතු පුරශ්ච॒රම් । ස॒හ දේ॒වෛරි॒මග්​ම් හව᳚ම් । මන॒-ශ්ශ්රේය॑සි ශ්රේයසි । කර්ම॑න්. ය॒ජ්ඤප॑ති॒-න්දධ॑ත් ॥ ජු॒ෂතා᳚-ම්මේ॒ වාගි॒දග්​ම් හ॒විඃ । වි॒රාඩ්දේ॒වී පු॒රෝහි॑තා । හ॒ව්ය॒වාඩන॑ පායිනී ॥ යයා॑ රූ॒පාණි॑ බහු॒ධා වද॑න්ති । පේශාග්​ම්॑සි දේ॒වාඃ ප॑ර॒මේ ජ॒නිත්රේ᳚ । සානෝ॑ වි॒රාඩන॑පස්ඵුරන්තී ॥ 2 ॥

වාග්දේ॒වී ජු॑ෂතාමි॒දග්​ම් හ॒විඃ ॥ චක්ෂු॑-ර්දේ॒වානා॒-ඤ්ජ්යෝති॑ර॒මෘතේ॒ න්ය॑ක්තම් । අ॒ස්ය වි॒ජ්ඤානා॑ය බහු॒ධා නිධී॑යතේ । තස්ය॑ සු॒ම්න-ම॑ශීමහි । මා නෝ॑ හාසී-ද්විචක්ෂ॒ණම් ॥ ආයු॒රින්නඃ॒ ප්රතී᳚ර්යතාම් । අන॑න්ධා॒-ශ්චක්ෂු॑ෂා ව॒යම් । ජී॒වා ජ්යෝති॑රශීමහි । සුව॒ර්ජ්යෝති॑-රු॒තාමෘත᳚ම් ॥ ශ්රෝත්රේ॑ණ භ॒ද්ර මු॒ත ශෘ॑ණ්වන්ති ස॒ත්යම් । ශ්රෝත්රේ॑ණ॒ වාච॑-ම්බහු॒ධෝද්ය මා॑නාම් । ශ්රෝත්රේ॑ණ॒ මෝද॑ශ්ච॒ මහ॑ශ්ච ශ්රූයතේ । ශ්රෝත්රේ॑ණ॒ සර්වා॒ දිශ॒ ආශෘ॑ණෝමි ॥ යේන॒ ප්රාච්යා॑ උ॒ත ද॑ක්ෂි॒ණා । ප්ර॒තීච්යෛ॑ දි॒ශ-ශ්ශෘ॒ණ්වන්ත්යු॑ත්ත॒රාත් । තදිච්ඡ්රෝත්ර॑-ම්බහු॒ධෝද්යමා॑නම් । අ॒රාන්න නේ॒මිඃ පරි॒ සර්ව॑-ම්බභූව ॥ 3 ॥
(අ॒ග්රි॒ - යමන॑පස්ඵුරන්තී - ස॒ත්යග්​ම් ස॒ප්ත ච॑) (අ. 1)

2.5.2 උපහෝමාඃ
උ॒දේහි॑ වාජි॒න්යෝ අ॑ස්ය॒ඵ්ස්ව॑න්තඃ । ඉ॒දග්​ම් රා॒ෂ්ට්රමාවි॑ශ සූ॒නෘතා॑වත් । යෝ රෝහි॑තෝ॒ විශ්ව॑මි॒ද-ඤ්ජ॒ජාන॑ । ස නෝ॑ රා॒ෂ්ට්රේෂු॒ සුධි॑තාන්දධාතු ॥ රෝහග්​ම්॑ රෝහ॒ග්​ම්॒ රෝහි॑ත॒ ආරු॑රෝහ । ප්ර॒ජාභි॒ර්වෘද්ධි॑-ඤ්ජ॒නුෂා॑මු॒පස්ථ᳚ම් । තාභි॒-ස්සග්​ම්ර॑බ්ධෝ අවිද॒ථ්ෂඩු॒ර්වීඃ । ගා॒තු-ම්ප්ර॒පශ්ය॑න්නි॒හ රා॒ෂ්ට්රමාහාඃ᳚ ॥ ආහා॑ර්​ෂී-ද්රා॒ෂ්ට්රමි॒හ රෝහි॑තඃ । මෘධෝ॒ ව්යා᳚ස්ථ॒දභ॑ය-න්නෝ අස්තු ॥ 4 ॥

අ॒ස්මභ්ය॑-න්ද්යාවාපෘථිවී॒ ශක්ව॑රීභිඃ । රා॒ෂ්ට්ර-න්දු॑හාථාමි॒හ රේ॒වතී॑භිඃ ॥ විම॑මර්​ශ॒ රෝහි॑තෝ වි॒ශ්වරූ॑පඃ । ස॒මා॒ච॒ක්රා॒ණඃ ප්ර॒රුහෝ॒ රුහ॑ශ්ච । දිව॑ග॒න්ත්වාය॑ මහ॒තා ම॑හි॒ම්නා । වි නෝ॑ රා॒ෂ්ට්රමු॑නත්තු॒ පය॑සා॒ ස්වේන॑ ॥ යාස්තේ॒ විශ॒ස්තප॑සා සම්බභූ॒වුඃ । ගා॒ය॒ත්රං-වඁ॒ථ්සමනු॒ තාස්ත॒ ආගුඃ॑ । තාස්ත්වා වි॑ශන්තු॒ මහ॑සා॒ ස්වේන॑ । ස-ම්මා॑තා පු॒ත්රෝ අ॒භ්යේ॑තු॒ රෝහි॑තඃ ॥ 5 ॥

යූ॒යමු॑ග්රා මරුතඃ පෘශ්නිමාතරඃ । ඉන්ද්රේ॑ණ ස॒යුජා॒ ප්රමෘ॑ණීථ॒ ශත්රූන්॑ । ආ වෝ॒ රෝහි॑තෝ අශෘණෝදභිද්යවඃ । ත්රිස॑ප්තාසෝ මරුත-ස්ස්වාදුසම්මුදඃ ॥ රෝහි॑තෝ॒ ද්යාවා॑පෘථි॒වී ජ॑ජාන । තස්මි॒ග්ග්॒ස්තන්තු॑-ම්පරමේ॒ෂ්ඨී ත॑තාන । තස්මි॑ඤ්ඡිශ්රියේ අ॒ජ ඒක॑පාත් । අදෘග්​ම්॑ හ॒ද්ද්යාවා॑පෘථි॒වී බලේ॑න ॥ රෝහි॑තෝ॒ ද්යාවා॑පෘථි॒වී අ॑දෘග්​ම්හත් । තේන॒ සුව॑-ස්ස්තභි॒ත-න්තේන॒ නාකඃ॑ ॥ 6 ॥

සෝ අ॒න්තරි॑ක්ෂේ॒ රජ॑සෝ වි॒මානඃ॑ । තේන॑ දේ॒වා-ස්සුව॒රන්ව॑වින්දන්න් ॥ සු॒ශේව॑-න්ත්වා භා॒නවෝ॑ දීදි॒වාග්​ම්ස᳚ම් । සම॑ග්රාසෝ ජු॒හ්වෝ॑ ජාතවේදඃ । උ॒ක්ෂන්ති॑ ත්වා වා॒ජින॒මා ඝෘ॒තේන॑ । සග්​ම්ස॑මග්නේ යුවසේ॒ භෝජ॑නානි ॥ අග්නේ॒ ශර්ධ॑ මහ॒තේ සෞභ॑ගාය । තව॑ ද්යු॒ම්නා-න්යු॑ත්ත॒මානි॑ සන්තු । ස-ඤ්ජා᳚ස්ප॒ත්යග්​ම් සු॒යම॒මාකෘ॑ණුෂ්ව । ශ॒ත්රූ॒ය॒තාම॒භිති॑ෂ්ඨා॒ මහා॑සි ॥ 7 ॥
(අ॒- ස්ත්වේ॒තු॒ රෝහි॑තෝ॒ - නාකෝ॒ - මහාග්​ම්॑සි) (අ. 2)

2.5.3 උපහෝමාඃ
පුන॑ර්න॒ ඉන්ද්රෝ॑ ම॒ඝවා॑ දදාතු । ධනා॑නි ශ॒ක්රෝ ඝන්ය॑-ස්සු॒රාධාඃ᳚ । අ॒ර්වා॒චීන॑-ඞ්කෘණුතාං-යාඁචි॒තෝ මනඃ॑ । ශ්රු॒ෂ්ටී නෝ॑ අ॒ස්ය හ॒විෂෝ॑ ජුෂා॒ණඃ ॥ යානි॑ නෝ ජි॒න-න්ධනා॑නි । ජ॒හර්ථ॑ ශූර ම॒න්යුනා᳚ । ඉන්ද්රානු॑වින්ද න॒ස්තානි॑ । අ॒නේන॑ හ॒විෂා॒ පුනඃ॑ ॥ ඉන්ද්ර॒ ආශා᳚භ්යඃ॒ පරි॑ । සර්වා॒භ්යෝ-ऽභ॑ය-ඞ්කරත් ॥ 8 ॥

ජේතා॒ ශත්රූ॒න්॒. විච॑ර්​ෂණිඃ ॥ ආකූ᳚ත්යෛ ත්වා॒ කාමා॑ය ත්වා ස॒මෘධේ᳚ ත්වා । පු॒රෝ ද॑ධේ අමෘත॒ත්වාය॑ ජී॒වසේ᳚ ॥ ආකූ॑තිම॒ස්යාව॑සේ । කාම॑මස්ය॒ සමෘ॑ද්ධ්යෛ । ඉන්ද්ර॑ස්ය යුඤ්ජතේ॒ ධියඃ॑ ॥ ආකූ॑ති-න්දේ॒වී-ම්මන॑සඃ පු॒රෝ ද॑ධේ । ය॒ජ්ඤස්ය॑ මා॒තා සු॒හවා॑ මේ අස්තු । යදි॒ච්ඡාමි॒ මන॑සා॒ සකා॑මඃ । වි॒දේය॑මේන॒ද්ධෘද॑යේ॒ නිවි॑ෂ්ටම් ॥ 9 ॥

සේද॒ග්නිර॒ග්නීග්​ම් රත්යේ᳚ත්ය॒න්යාන් । යත්ර॑ වා॒ජී තන॑යෝ වී॒ඩුපා॑ණිඃ । ස॒හස්ර॑පාථා අ॒ක්ෂරා॑ ස॒මේති॑ ॥ ආශා॑නා-න්ත්වා ऽऽශාපා॒ලේභ්යඃ॑ । ච॒තුර්භ්යෝ॑ අ॒මෘතේ᳚භ්යඃ । ඉ॒ද-ම්භූ॒තස්යාද්ධ්ය॑ක්ෂේභ්යඃ । වි॒ධේම॑ හ॒විෂා॑ ව॒යම් ॥ විශ්වා॒ ආශා॒ මධු॑නා॒ සග්​ම්සෘ॑ජාමි । අ॒න॒මී॒වා ආප॒ ඕෂ॑ධයෝ භවන්තු । අ॒යං-යඁජ॑මානෝ॒ මෘධෝ॒ ව්ය॑ස්යතාම් ॥ 10 ॥

අගෘ॑භීතාඃ ප॒ශව॑-ස්සන්තු॒ සර්වේ᳚ ॥ අ॒ග්නි-ස්සෝමෝ॒ වරු॑ණෝ මි॒ත්ර ඉන්ද්රඃ॑ । බෘහ॒ස්පති॑-ස්සවි॒තා ය-ස්ස॑හ॒ස්රී । පූ॒ෂා නෝ॒ ගෝභි॒රව॑සා॒ සර॑ස්වතී । ත්වෂ්ටා॑ රූ॒පාණි॒ සම॑නක්තු ය॒ජ්ඤෛඃ ॥ ත්වෂ්ටා॑ රූ॒පාණි॒ දධ॑තී॒ සර॑ස්වතී । පූ॒ෂා භගග්​ම්॑ සවි॒තා නෝ॑ දදාතු । බෘහ॒ස්පති॒-ර්දද॒දින්ද්ර॑-ස්ස॒හස්ර᳚ම් । මි॒ත්රෝ දා॒තා වරු॑ණ॒-ස්සෝමෝ॑ අ॒ග්නිඃ ॥ 11 ॥
(ක॒ර॒න් - නිවි॑ෂ්ට - මස්යතාං॒ - +නව॑ ච) (අ. 3)

2.5.4 උපහෝමාඃ
ආ නෝ॑ භර॒ භග॑මින්ද්ර ද්යු॒මන්ත᳚ම් । නි තේ॑ දේ॒ෂ්ණස්ය॑ ධීමහි ප්රරේ॒කේ । උ॒ර්ව ඉ॑ව පප්රථේ॒ කාමෝ॑ අ॒ස්මේ । තමාපෘ॑ණා වසුපතේ॒ වසූ॑නාම් ॥ ඉ॒ම-ඞ්කාම॑-ම්මන්දයා॒ ගෝභි॒රශ්වෛඃ᳚ । ච॒න්ද්රව॑තා॒ රාධ॑සා ප॒ප්රථ॑ශ්ච । සු॒ව॒ර්යවෝ॑ ම॒තිභි॒ස්තුභ්යං॒-විඁප්රාඃ᳚ । ඉන්ද්රා॑ය॒ වාහඃ॑ කුශි॒කාසෝ॑ අක්රන්න් ॥ ඉන්ද්ර॑ස්ය॒ නු වී॒ර්යා॑ණි॒ ප්රවෝ॑චම් । යානි॑ ච॒කාර॑ ප්රථ॒මානි॑ ව॒ජ්රී ॥ 12 ॥

අහ॒-න්නහි॒මන්ව॒පස්ත॑තර්ද । ප්ර ව॒ක්ෂණා॑ අභින॒-ත්පර්ව॑තානාම් ॥ අහ॒න්නහි॒-ම්පර්ව॑තේ ශිශ්රියා॒ණම් । ත්වෂ්ටා᳚-ऽස්මෛ॒ වජ්රග්ග්॑ ස්ව॒ර්ය॑-න්තතක්ෂ । වා॒ශ්රා ඉ॑ව ධේ॒නව॒-ස්ස්යන්ද॑මානාඃ । අඤ්ජ॑-ස්සමු॒ද්ර-මව॑ජග්මු॒රාපඃ॑ ॥ වෘ॒ෂා॒යමා॑ණෝ-ऽවෘණීත॒ සෝම᳚ම් । ත්රික॑ද්රුකේෂ්ව-පිබ-ථ්සු॒තස්ය॑ । ආ සාය॑ක-ම්ම॒ඝවා॑ දත්ත॒ වජ්ර᳚ම් । අහ॑න්නේන-ම්ප්රථම॒ජා මහී॑නාම් ॥ 13 ॥

යදින්ද්රාහ॑න්-ප්රථම॒ජා මහී॑නාම් । ආන්මා॒යිනා॒මමි॑නාඃ॒ ප්රෝත මා॒යාඃ । ආ-ථ්සූර්ය॑-ඤ්ජ॒නය॒-න්ද්යාමු॒ෂාස᳚ම් । තා॒දීක්නා॒ ශත්රූ॒න්න කිලා॑විවිථ්සේ ॥ අහ॑න් වෘ॒ත්රං-වෘඁ ॑ත්ර॒තරං॒-ව්යඁග්​ම්ස᳚ම් । ඉන්ද්රෝ॒ වජ්රේ॑ණ මහ॒තා ව॒ධේන॑ । ස්කන්ධාග්​ම්॑සීව॒ කුලි॑ශේනා॒ විවෘ॑ක්ණා । අහි॑-ශ්ශයත උප॒පෘක්-පෘ॑ථි॒ව්යාම් ॥ අ॒යෝ॒ද්ධ්යේව දු॒ර්මද॒ ආ හි ජු॒හ්වේ । ම॒හා॒වී॒ර-න්තු॑ විබා॒ධ-මෘ॑ජී॒ෂම් ॥ 14 ॥

නාතා॑රීරස්ය॒ සමෘ॑තිං-වඁ॒ධානා᳚ම් । සග්​ම් රු॒ජානාඃ᳚ පිපිෂ॒ ඉන්ද්ර॑ශත්රුඃ ॥ විශ්වෝ॒ විහා॑යා අර॒තිඃ । වසු॑ර්දධේ॒ හස්තේ॒ දක්ෂි॑ණේ । ත॒රණි॒ර්න ශි॑ශ්රථත් । ශ්ර॒ව॒ස්ය॑යා॒ න ශි॑ශ්රථත් । විශ්ව॑ස්මා॒ ඉදි॑ෂුද්ධ්ය॒සේ । දේ॒ව॒ත්රා හ॒ව්යමූහි॑ෂේ । විශ්ව॑ස්මා॒ ඉථ්සු॒කෘතේ॒ වාර॑මෘණ්වති । අ॒ග්නි-ර්ද්වාරා॒ ව්යෘ॑ණ්වති ॥ 15 ॥

උදු॒ජ්ජිහා॑නෝ අ॒භි කාම॑මී॒රයන්න්॑ । ප්ර॒පෘ॒ඤ්චන් විශ්වා॒ භුව॑නානි පූ॒ර්වථා᳚ । ආ කේ॒තුනා॒ සුෂ॑මිද්ධෝ॒ යජි॑ෂ්ඨඃ । කාම॑-න්නෝ අග්නේ අ॒භිහ॑ර්ය දි॒ග්භ්යඃ ॥ ජු॒ෂා॒ණෝ හ॒ව්යම॒මෘතේ॑ෂු දූ॒ඪ්යඃ॑ । ආ නෝ॑ ර॒යි-ම්බ॑හු॒ලා-ඞ්ගෝම॑තී॒මිෂ᳚ම් । නිධේ॑හි॒ යක්ෂ॑ද॒මෘතේ॑ෂු॒ භූෂන්න්॑ ॥ අශ්වි॑නා ය॒ජ්ඤමාග॑තම් । දා॒ශුෂඃ॒ පුරු॑දග්​ම්සසා । පූ॒ෂා ර॑ක්ෂතු නෝ ර॒යිම් ॥ 16 ॥

ඉ॒මං-යඁ॒ජ්ඤම॒ශ්විනා॑ ව॒ර්ධය॑න්තා । ඉ॒මෞ ර॒යිං-යඁජ॑මානාය ධත්තම් । ඉ॒මෞ ප॒ශූ-න්ර॑ක්ෂතාං-විඁ॒ශ්වතෝ॑ නඃ । පූ॒ෂා නඃ॑ පාතු॒ සද॒ම-ප්ර॑යුච්ඡන්න් ॥ ප්ර තේ॑ ම॒හේ ස॑රස්වති । සුභ॑ගේ॒ වාජි॑නීවති । ස॒ත්ය॒වාචේ॑ භරේ ම॒තිම් ॥ ඉ॒ද-න්තේ॑ හ॒ව්ය-ඞ්ඝෘ॒තව॑-ථ්සරස්වති । ස॒ත්ය॒වාචේ॒ ප්රභ॑රේමා හ॒වීග්​ම්ෂි॑ । ඉ॒මානි॑ තේ දුරි॒තා සෞභ॑ගානි । තේභි॑ර්ව॒යග්​ම් සු॒භගා॑ස-ස්ස්යාම ॥ 17 ॥
(ව॒ජ් - ය්රහී॑නා - මෘජී॒ෂං - ඁව්යෘ॑ණ්වති - රක්ෂතු නෝ ර॒යිග්​ම් - සෞභ॑ගා॒න්යේක॑-ඤ්ච) (අ. 4)

2.5.5 උපහෝමාඃ
ය॒ජ්ඤෝ රා॒යෝ ය॒ජ්ඤ ඊ॑ශේ॒ වසූ॑නාම් । ය॒ජ්ඤ-ස්ස॒ස්යානා॑මු॒ත සු॑ක්ෂිතී॒නාම් । ය॒ජ්ඤ ඉ॒ෂ්ටඃ පූ॒ර්වචි॑ත්ති-න්දධාතු । ය॒ජ්ඤෝ බ්ර॑හ්ම॒ණ්වාග්​ම් අප්යේ॑තු දේ॒වාන් ॥ අ॒යං-යඁ॒ජ්ඤෝ ව॑ර්ධතා॒-ඞ්ගෝභි॒රශ්වෛඃ᳚ । ඉ॒යං-වේඁදි॑-ස්ස්වප॒ත්යා සු॒වීරා᳚ । ඉ॒ද-ම්බ॒ර්॒හිරති॑ බ॒ර॒ඃඊග්​ෂ්ය॒න්යා । ඉ॒මං-යඁ॒ජ්ඤං-විඁශ්වේ॑ අවන්තු දේ॒වාඃ ॥ භග॑ ඒ॒ව භග॑වාග්​ම් අස්තු දේවාඃ । තේන॑ ව॒ය-ම්භග॑වන්ත-ස්ස්යාම ॥ 18 ॥

ත-න්ත්වා॑ භග॒ සර්ව॒ ඉජ්ජෝ॑හවීමි । ස නෝ॑ භග පුර ඒ॒තා භ॑වේ॒හ ॥ භග॒ ප්රණේ॑ත॒-ර්භග॒ සත්ය॑රාධඃ । භගේ॒මා-න්ධිය॒මුද॑ව॒ දද॑න්නඃ । භග॒ ප්රණෝ॑ ජනය॒ ගෝභි॒රශ්වෛඃ᳚ । භග॒ ප්ර නෘභි॑-ර්නෘ॒වන්ත॑-ස්ස්යාම ॥ ශශ්ව॑තී॒-ස්සමා॒ උප॑යන්ති ලෝ॒කාඃ । ශශ්ව॑තී॒-ස්සමා॒ උප॑ය॒න්ත්යාපඃ॑ । ඉ॒ෂ්ට-ම්පූ॒ර්තග්​ම් ශශ්ව॑තීනා॒ග්​ම්॒ සමා॑නාග්​ම් ශාශ්ව॒තේන॑ । හ॒විෂේ॒ෂ්ට්වා ऽන॒න්තං-ලෝඁ॒ක-ම්පර॒මාරු॑රෝහ ॥ 19 ॥

ඉ॒යමේ॒ව සා යා ප්ර॑ථ॒මා ව්යෞච්ඡ॑ත් । සා රූ॒පාණි॑ කුරුතේ॒ පඤ්ච॑ දේ॒වී ॥ ද්වේ ස්වසා॑රෞ වයත॒ස්තන්ත්ර॑මේ॒තත් । ස॒නා॒තනං॒-විඁත॑ත॒ග්​ම්॒ ෂණ්ම॑යූඛම් । අවා॒න්යාග්​ ස්තන්තූ᳚න් කි॒රතෝ॑ ධ॒ත්තෝ අ॒න්යාන් । නාව॑පෘ॒ජ්යාතේ॒ න ග॑මාතේ॒ අන්ත᳚ම් ॥ ආ වෝ॑ යන්තූදවා॒හාසෝ॑ අ॒ද්ය । වෘෂ්ටිං॒-යේඁ විශ්වේ॑ ම॒රුතෝ॑ ජු॒නන්ති॑ । අ॒යං-යෝඁ අ॒ග්නි-ර්ම॑රුත॒-ස්සමි॑ද්ධඃ । ඒ॒ත-ඤ්ජු॑ෂද්ධ්ව-ඞ්කවයෝ යුවානඃ ॥ 20 ॥

ධා॒රා॒ව॒රා ම॒රුතෝ॑ ධෘ॒ෂ්ණුවෝ॑ජසඃ । මෘ॒ගා න භී॒මාස්ත॑වි॒ෂේභි॑-රූ॒ර්මිභිඃ॑ । අ॒ග්නයෝ॒ න ශු॑ශුචා॒නා ඍ॑ජී॒ෂිණඃ॑ । භ්රුමි॒-න්ධම॑න්ත॒ උප॒ ගා අ॑වෘණ්වත ॥ විච॑ක්රමේ පෘථි॒වීමේ॒ෂ ඒ॒තාම් । ක්ෂේත්රා॑ය॒ විෂ්ණු॒-ර්මනු॑ෂේ දශ॒ස්යන්න් । ධ්රු॒වාසෝ॑ අස්ය කී॒රයෝ॒ ජනා॑සඃ । උ॒රු॒ක්ෂි॒තිග්​ම් සු॒ජනි॑මා චකාර ॥, ත්රිර්දේ॒වඃ පෘ॑ථි॒වීමේ॒ෂ ඒ॒තාම් । විච॑ක්රමේ ශ॒තර්ච॑ස-ම්මහි॒ත්වා । ප්ර විෂ්ණු॑-රස්තු ත॒වස॒ස්ත වී॑යාන් । ත්වේ॒ෂග්ග්​ හ්ය॑ස්ය॒ ස්ථවි॑රස්ය॒ නාම॑ ॥॥ ආවේ॒ධස॒-න්නීල॑පෘෂ්ඨ-ම්බෘ॒හන්ත᳚ම් । බෘහ॒ස්පති॒ග්​ම්॒ සද॑නේ සාදයද්ධ්වම් । සා॒දද්යෝ॑නි॒-න්දම॒ ආදී॑දි॒වාග්​ම්ස᳚ම් । හිර॑ණ්යවර්ණමරු॒ෂග්​ම් ස॑පේම ॥ ස හි ශුචි॑-ශ්ශ॒තප॑ත්ර॒-ස්ස ශු॒න්ධ්යූඃ ॥ 21 ॥

හිර॑ණ්යවාශීරිෂි॒ර-ස්සු॑ව॒ර॒.ෂාඃ । බෘහ॒ස්පති॒-ස්ස ස්වා॑වේ॒ශ ඍ॒ෂ්වාඃ । පූ॒රූ සඛි॑භ්ය ආ සු॒ති-ඞ්ක॑රිෂ්ඨඃ ॥ පූෂ॒ග්ග්॒ස්තව॑ ව්ර॒තේ ව॒යම් । න රි॑ෂ්යේම ක॒දා ච॒න । ස්තෝ॒තාර॑ස්ත ඉ॒හ ස්ම॑සි ॥ යාස්තේ॑ පූෂ॒න්නාවෝ॑ අ॒න්ත-ස්ස॑මු॒ද්රේ । හි॒ර॒ණ්යයී॑ර॒න්තරි॑ක්ෂේ॒ චර॑න්ති । යාභි॑ර්යාසි දූ॒ත්යාග්​ම් සූර්ය॑ස්ය । කාමේ॑න කෘ॒ත-ශ්ශ්රව॑ ඉ॒ච්ඡමා॑නඃ ॥ 22 ॥

අර॑ණ්යා॒න්යර॑ණ්යාන්ය॒සෞ । යා ප්රේව॒ නශ්ය॑සි । ක॒ථා ග්රාම॒-න්න පෘ॑ච්ඡසි । න ත්වා॒ භීරි॑ව වින්දතී(3) ॥ වෘ॒ෂා॒ර॒වාය॒ වද॑තේ । යදු॒පාව॑ති චිච්චි॒කඃ । ආ॒ඝා॒ටීභි॑රිව ධා॒වයන්න්॑ । අ॒ර॒ණ්යා॒නි-ර්ම॑හීයතේ ॥ උ॒ත ගාව॑ ඉවාදන්න් । උ॒තෝ වේශ්මේ॑ව දෘශ්යතේ ॥ 23 ॥

උ॒තෝ අ॑රණ්යා॒නි-ස්සා॒යම් । ශ॒ක॒ටීරි॑ව සර්ජති ॥ ගාම॒ඞ්ගෛෂ॒ ආහ්ව॑යති । දාර්ව॒ඞ්ගෛෂ॒ උපා॑වධීත් । වස॑න්නරණ්යා॒න්යාග්​ම් සා॒යම් । අක්රු॑ක්ෂ॒දිති॑ මන්යතේ ॥ න වා අ॑රණ්යා॒නිර්​හ॑න්ති । අ॒න්යශ්චේන්නාභි॒ගච්ඡ॑ති । ස්වා॒දෝඃ ඵල॑ස්ය ජ॒ග්ධ්වා । යත්ර॒ කාම॒-න්නිප॑ද්යතේ ॥ ආඤ්ජ॑නගන්ධීග්​ම් සුර॒භීම් । බ॒හ්ව॒න්නාමකෘ॑ෂීවලාම් । ප්රාහ-ම්මෘ॒ගාණා᳚-ම්මා॒තර᳚ම් । අ॒ර॒ණ්යා॒නීම॑ශග්​ම්-සිෂම් ॥ 24 ॥
(ස්යා॒ම॒ - රු॒රෝ॒හ॒ - යු॒වා॒නඃ॒ - ශු॒න්ධ් - යූරි॒ච්ඡමා॑නෝ - දෘශ්යතේ॒ - නිප॑ද්යතේ ච॒ත්වාරි॑ ච) (අ. 5)

2.5.6 උපහෝමාඃ
වාර්ත්ර॑හත්යාය॒ ශව॑සේ । පෘ॒ත॒නා॒-සාහ්යා॑ය ච । ඉන්ද්ර॒ත්වා-ऽऽව॑ර්තයාමසි ॥ සු॒බ්රහ්මා॑ණං-වීඁ॒රව॑න්ත-ම්බෘ॒හන්ත᳚ම් । උ॒රු-ඞ්ග॑භී॒ර-ම්පෘ॒ථුබු॑ද්ධ්නමින්ද්ර । ශ්රු॒තර්​ෂි॑-මු॒ග්රම॑භි-මාති॒ෂාහ᳚ම් । අ॒ස්මභ්ය॑-ඤ්චි॒ත්රං-වෘඁෂ॑ණග්​ම් ර॒යි-න්දාඃ᳚ ॥ ක්ෂේ॒ත්රි॒යෛ ත්වා॒ නිර්-ඍ॑ත්යෛ ත්වා । ද්රු॒හෝ මු॑ඤ්චාමි॒ වරු॑ණස්ය॒ පාශා᳚ත් । අ॒නා॒ගස॒-ම්බ්රහ්ම॑ණේ ත්වා කරෝමි ॥ 25 ॥

ශි॒වේ තේ॒ ද්යාවා॑පෘථි॒වී උ॒භේ ඉ॒මේ ॥ ශ-න්තේ॑ අ॒ග්නි-ස්ස॒හාද්භිර॑ස්තු । ශ-න්ද්යාවා॑පෘථි॒වී ස॒හෞෂ॑ධීභිඃ । ශම॒න්තරි॑ක්ෂග්​ම් ස॒හ වාතේ॑න තේ । ශ-න්තේ॒ චත॑ස්රඃ ප්ර॒දිශෝ॑ භවන්තු ॥ යා දෛවී॒ශ්චත॑ස්රඃ ප්ර॒දිශඃ॑ । වාත॑පත්නීර॒භි සූර්යෝ॑ විච॒ෂ්ටේ । තාසා᳚-න්ත්වා ජ॒රස॒ ආද॑ධාමි । ප්ර යක්ෂ්ම॑ ඒතු॒ නිර්-ඍ॑ති-ම්පරා॒චෛඃ ॥ අමෝ॑චි॒ යක්ෂ්මා᳚-ද්දුරි॒තා-දව॑ර්ත්යෛ ॥ 26 ॥

ද්රු॒හඃ පාශා॒න්නිර්-ඍ॑ත්යෛ॒ චෝද॑මෝචි । අහා॒ අව॑ර්ති॒මවි॑ද-ථ්ස්යෝ॒නම් । අප්ය॑භූ-ද්භ॒ද්රේ සු॑කෘ॒තස්ය॑ ලෝ॒කේ ॥ සූර්ය॑මෘ॒ත-න්තම॑සෝ॒ ග්රාහ්යා॒ යත් । දේ॒වා අමු॑ඤ්ච॒-න්නසෘ॑ජ॒න්ව්යේ॑නසඃ । ඒ॒වම॒හමි॒ම-ඞ්ක්ෂේ᳚ත්රි॒යාජ්ජා॑මිශ॒ග්​ම්॒සාත් । ද්රු॒හෝ මු॑ඤ්චාමි॒ වරු॑ණස්ය॒ පාශා᳚ත් ॥ බෘහ॑ස්පතේ යු॒වමින්ද්ර॑ශ්ච॒ වස්වඃ॑ । දි॒ව්යස්යේ॑ශාථේ උ॒ත පාර්ථි॑වස්ය । ධ॒ත්තග්​ම් ර॒යිග්ග්​ ස්තු॑ව॒තේ කී॒රයේ॑ චිත් ॥ 27 ॥

යූ॒ය-ම්පා॑ත ස්ව॒ස්තිභි॒-ස්සදා॑ නඃ ॥ දේ॒වා॒යුධ॒මින්ද්ර॒මාජෝහු॑වානාඃ । වි॒ශ්වා॒වෘධ॑ම॒භි යේ රක්ෂ॑මාණාඃ । යේන॑ හ॒තා දී॒ර්ඝමද්ධ්වා॑න॒මායන්න්॑ । අ॒න॒න්තමර්ථ॒මනි॑වර්-ථ්ස්යමානාඃ ॥ යත්තේ॑ සුජාතේ හි॒මව॑ථ්සු භේෂ॒ජම් । ම॒යෝ॒භූ-ශ්ශන්ත॑මා॒ යද්ධෘ॒දෝ-ऽසි॑ । තතෝ॑ නෝ දේහි සීබලේ ॥ අ॒දෝ ගි॒රිභ්යෝ॒ අධි॒ යත්ප්ර॒ධාව॑සි । ස॒ග්​ම්॒ශෝභ॑මානා ක॒න්යේ॑ව ශුභ්රේ ॥ 28 ॥

තා-න්ත්වා॒ මුද්ග॑ලා හ॒විෂා॑ වර්ධයන්ති । සා න॑-ස්සීබලේ ර॒යිමාභා॑ජයේ॒හ ॥ පූර්ව॑-න්දේවා॒ අප॑රේණා-නු॒පශ්ය॒ඤ්ජන්ම॑භිඃ । ජන්මා॒න්යව॑රෛඃ॒ පරා॑ණි । වේදා॑නි දේවා අ॒යම॒ස්මීති॒ මාම් । අ॒හග්​ම් හි॒ත්වා ශරී॑ර-ඤ්ජ॒රසඃ॑ ප॒රස්තා᳚ත් ॥ ප්රා॒ණා॒පා॒නෞ චක්ෂු॒-ශ්ශ්රෝත්ර᳚ම් । වාච॒-ම්මන॑සි॒ සම්භෘ॑තාම් । හි॒ත්වා ශරී॑ර-ඤ්ජ॒රසඃ॑ ප॒රස්තා᳚ත් । ආ භූති॒-ම්භූතිං॑-වඁ॒යම॑ශ්නවාමහෛ ॥ ඉ॒මා ඒ॒ව තා උ॒ෂසෝ॒ යාඃ ප්ර॑ථ॒මා ව්යෞච්ඡන්න්॑ । තා දේ॒ව්යඃ॑ කුර්වතේ॒ පඤ්ච॑ රූ॒පා । ශශ්ව॑තී॒ර්නාව॑පෘජ්යන්ති । න ග॑ම॒න්ත්යන්ත᳚ම් ॥ 29 ॥
(ක॒රෝ॒ - ම්යව॑ර්ත්යෛ - චි - ච්ඡුභ්රේ - ऽශ්නවාමහෛ ච॒ත්වාරි॑ ච) (අ. 6)

2.5.7 උපහෝමාඃ
වසූ॑නා॒-න්ත්වා-ऽऽධී॑තේන । රු॒ද්රාණා॑මූ॒ර්ම්යා । ආ॒දි॒ත්යානා॒-න්තේජ॑සා । විශ්වේ॑ෂා-න්දේ॒වානා॒-ඞ්ක්රතු॑නා । ම॒රුතා॒මේම්නා॑ ජුහෝමි॒ ස්වාහා᳚ ॥ අ॒භිභූ॑ති-ර॒හමාග॑මම් । ඉන්ද්ර॑සඛා ස්වා॒යුධඃ॑ । ආස්වාශා॑සු දු॒ෂ්ෂහඃ॑ ॥ ඉ॒දං-වඁර්චෝ॑ අ॒ග්නිනා॑ ද॒ත්තමාගා᳚ත් । යශෝ॒ භර්ග॒-ස්සහ॒ ඕජෝ॒ බල॑-ඤ්ච ॥ 30 ॥

දී॒ර්ඝා॒යු॒ත්වාය॑ ශ॒තශා॑රදාය । ප්රති॑ගෘභ්ණාමි මහ॒තේ වී॒ර්යා॑ය ॥ ආයු॑රසි වි॒ශ්වායු॑රසි । ස॒ර්වායු॑රසි॒ සර්ව॒මායු॑රසි । සර්ව॑-ම්ම॒ ආයු॑ර්භූයාත් । සර්ව॒මායු॑ර්ගේෂම් ॥ භූර්භුව॒-ස්සුවඃ॑ ॥ අ॒ග්නි-ර්ධර්මේ॑ණාන්නා॒දඃ । මෘ॒ත්යු-ර්ධර්මේ॒ණාන්න॑පතිඃ । බ්රහ්ම॑ ක්ෂ॒ත්රග්ග්​ ස්වාහා᳚ ॥ 31 ॥

ප්ර॒ජාප॑තිඃ ප්රණේ॒තා । බෘහ॒ස්පතිඃ॑ පුර ඒ॒තා । ය॒මඃ පන්ථාඃ᳚ । ච॒න්ද්රමාඃ᳚ පුනර॒සු-ස්ස්වාහා᳚ ॥ අ॒ග්නිර॑න්නා॒දෝ-ऽන්න॑පතිඃ । අ॒න්නාද්ය॑ම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ සෝමෝ॒ රාජා॒ රාජ॑පතිඃ । රා॒ජ්යම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ වරු॑ණ-ස්ස॒ම්රා-ට්ථ්ස॒ම්රාට්ප॑තිඃ । සාම්රා᳚ජ්යම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ 32 ॥

මි॒ත්රඃ, ක්ෂ॒ත්ර-ඞ්ක්ෂ॒ත්රප॑තිඃ । ක්ෂ॒ත්රම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ ඉන්ද්රෝ॒ බල॒-ම්බල॑පතිඃ । බල॑ම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ බෘහ॒ස්පති॒-ර්බ්රහ්ම॒ බ්රහ්ම॑පතිඃ । බ්රහ්මා॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ ස॒වි॒තා රා॒ෂ්ට්රග්​ම් රා॒ෂ්ට්රප॑තිඃ । රා॒ෂ්ට්රම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ පූ॒ෂා වි॒ශාං-විඁට්ප॑තිඃ । විශ॑ම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ සර॑ස්වතී॒ පුෂ්ටිඃ॒ පුෂ්ටි॑පත්නී । පුෂ්ටි॑ම॒ස්මින්. ය॒ජ්ඤේ යජ॑මානාය දදාතු॒ ස්වාහා᳚ ॥ ත්වෂ්ටා॑ පශූ॒නා-ම්මි॑ථු॒නානාග්​ම්॑ රූප॒කෘ-ද්රූ॒පප॑තිඃ । රූ॒පේණා॒ස්මින්. ය॒ජ්ඤේ යජ॑මානාය ප॒ශූ-න්ද॑දාතු॒ ස්වාහා᳚ ॥ 33 ॥
(ච - ස්වාහා॒ - සාම්රා᳚ජ්යම॒ස්මින්. ය॒ජ්ඤේ යජ॑මානාය දදාතු॒ ස්වාහා॒ - විශ॑ම॒ස්මින්. ය॒ජ්ඤේ යජ॑මානාය දදාතු॒ ස්වාහා॑ ච॒ත්වාරි॑ ච) (අ. 7)

(අ॒ග්නි-ස්සෝමෝ॒ වරු॑ණෝ මි॒ත්ර ඉන්ද්රෝ॒ බෘහ॒ස්පති॑-ස්සවි॒තා පූ॒ෂා සරස්වතී॒ ත්වෂ්ටා॒ දශ॑)

2.5.8 උපහෝමාඃ
ස ඊ᳚-ම්පාහි॒ ය ඍ॑ජී॒ෂී තරු॑ත්රඃ । ය-ශ්ශිප්ර॑වාන් වෘෂ॒භෝ යෝ ම॑තී॒නාම් । යෝ ගෝ᳚ත්ර॒භි-ද්ව॑ජ්ර॒භෘද්යෝ හ॑රි॒ෂ්ඨාඃ । ස ඉ॑න්ද්ර චි॒ත්රාග්​ම් අ॒භිතෘ॑න්ධි॒ වාජාන්॑ ॥ ආ තේ॒ ශුෂ්මෝ॑ වෘෂ॒භ ඒ॑තු ප॒ශ්චාත් । ඕත්ත॒රාද॑ධ॒රාගා පු॒රස්තා᳚ත් । ආ වි॒ශ්වතෝ॑ අ॒භි සමේ᳚ත්ව॒ර්වාම් । ඉන්ද්ර॑ ද්යු॒ම්නග්​ම් සුව॑ර්වද්ධේහ්ය॒ස්මේ ॥ ප්රෝෂ්ව॑ස්මෛ පුරෝර॒ථම් । ඉන්ද්රා॑ය ශූ॒ෂම॑ර්චත ॥ 34 ॥

අ॒භීකේ॑ චිදු ලෝක॒කෘත් । ස॒ඞ්ගේ ස॒මථ්සු॑ වෘත්ර॒හා । අ॒ස්මාක॑-ම්බෝධි චෝදි॒තා । නභ॑න්තා-මන්ය॒කේෂා᳚ම් । ජ්යා॒කා අධි॒ ධන්ව॑සු ॥ ඉන්ද්රං॑-වඁ॒යග්​ම් ශු॑නා॒සීර᳚ම් । අ॒ස්මින්. ය॒ජ්ඤේ හ॑වාමහේ । ආවාජෛ॒රුප॑ නෝ ගමත් ॥ ඉන්ද්රා॑ය॒ ශුනා॒සීරා॑ය । ස්රු॒චා ජු॑හුත නෝ හ॒විඃ ॥ 35 ॥

ජු॒ෂතා॒-ම්ප්රති॒ මේධි॑රඃ ॥ ප්ර හ॒ව්යානි॑ ඝෘ॒තව॑න්ත්යස්මෛ । හර්ය॑ශ්වාය භරතා ස॒ජෝෂාඃ᳚ । ඉන්ද්ර॒ර්තුභි॒-ර්බ්රහ්ම॑ණා වාවෘධා॒නඃ । ශු॒නා॒සී॒රී හ॒විරි॒ද-ඤ්ජු॑ෂස්ව ॥ වය॑-ස්සුප॒ර්ණා උප॑සේදු॒රින්ද්ර᳚ම් । ප්රි॒යමේ॑ධා॒ ඍෂ॑යෝ॒ නාධ॑මානාඃ । අප॑ ධ්වා॒න්තමූ᳚ර්ණු॒හි පූ॒ර්ධි චක්ෂුඃ॑ । මු॒මු॒ග්ධ්ය॑ස්මා-න්නි॒ධයේ॑ව බ॒ද්ධාන් ॥ බෘ॒හදින්ද්රා॑ය ගායත ॥ 36 ॥

මරු॑තෝ වෘත්ර॒හන්ත॑මම් । යේන॒ ජ්යෝති॒-රජ॑නයන්නෘතා॒වෘධඃ॑ । දේ॒ව-න්දේ॒වාය॒ ජාගෘ॑වි ॥ කා මි॒හෛකාඃ॒ ක ඉ॒මේ ප॑ත॒ඞ්ගාඃ । මා॒න්ථා॒ලාඃ කුලි॒ පරි॑ මා පතන්ති । අනා॑වෘතෛනා॒න්-ප්රධ॑මන්තු දේ॒වාඃ । සෞප॑ර්ණ॒-ඤ්චක්ෂු॑ස්ත॒නුවා॑ විදේය ॥ ඒ॒වා ව॑න්දස්ව॒ වරු॑ණ-ම්බෘ॒හන්ත᳚ම් । න॒ම॒ස්යා ධීර॑ම॒මෘත॑ස්ය ගෝ॒පාම් । ස න॒-ශ්ශර්ම॑ ත්රි॒වරූ॑ථං॒-විඁයග්​ම්॑සත් ॥ 37 ॥

යූ॒ය-ම්පා॑ත ස්ව॒ස්තිභි॒-ස්සදා॑ නඃ ॥ නාකේ॑ සුප॒ර්ණමුප॒ යත්-පත॑න්තම් । හෘ॒දා වේන॑න්තෝ අ॒භ්යච॑ක්ෂත ත්වා । හිර॑ණ්යපක්ෂං॒-වඁරු॑ණස්ය දූ॒තම් । ය॒මස්ය॒ යෝනෞ॑ ශකු॒න-ම්භු॑ර॒ණ්යුම් ॥ ශ-න්නෝ॑ දේ॒වීර॒භිෂ්ට॑යේ । ආපෝ॑ භවන්තු පී॒තයේ᳚ । ශං-යෝඁර॒භිස්ර॑වන්තු නඃ ॥ ඊශා॑නා॒ වාර්යා॑ණාම් । ක්ෂය॑න්තී-ශ්චර්​ෂණී॒නාම් ॥ 38 ॥

අ॒පෝ යා॑චාමි භේෂ॒ජම් ॥ අ॒ඵ්සු මේ॒ සෝමෝ॑ අබ්රවීත් । අ॒න්ත-ර්විශ්වා॑නි භේෂ॒ජා । අ॒ග්නි-ඤ්ච॑ වි॒ශ්වශ॑ම්භුවම් । ආප॑ශ්ච වි॒ශ්වභේ॑ෂජීඃ ॥ යද॒ඵ්සු තේ॑ සරස්වති । ගෝෂ්වශ්වේ॑ෂු॒ යන්මධු॑ । තේන॑ මේ වාජිනීවති । මුඛ॑මඞ්ග්ධි සරස්වති ॥ යා සර॑ස්වතී වෛශම්භ॒ල්යා ॥ 39 ॥

තස්යා᳚-ම්මේ රාස්ව । තස්යා᳚ස්තේ භක්ෂීය । තස්යා᳚ස්තේ භූයිෂ්ඨ॒භාජෝ॑ භූයාස්ම ॥ අ॒හ-න්ත්වද॑ස්මි॒ මද॑සි॒ ත්වමේ॒තත් । මමා॑සි॒ යෝනි॒ස්තව॒ යෝනි॑රස්මි । මමේ॒ව සන්වහ॑ හ॒ව්යාන්ය॑ග්නේ । පු॒ත්රඃ පි॒ත්රේ ලෝ॑ක॒කෘජ්ජා॑තවේදඃ ॥ ඉ॒හෛව සන්තත්ර॒ සන්ත॑-න්ත්වා ऽග්නේ । ප්රා॒ණේන॑ වා॒චා මන॑සා බිභර්මි । ති॒රෝ මා॒ සන්ත॒මායු॒ර්මා ප්රහා॑සීත් ॥ 40 ॥

ජ්යෝති॑ෂා ත්වා වෛශ්වාන॒රේණෝප॑තිෂ්ඨේ ॥ අ॒ය-න්තේ॒ යෝනි॑ර්-ඍ॒ත්වියඃ॑ । යතෝ॑ ජා॒තෝ අරෝ॑චථාඃ । ත-ඤ්ජා॒නන්න॑ග්න॒ ආරෝ॑හ । අථා॑ නෝ වර්ධයා ර॒යිම් ॥ යා තේ॑ අග්නේ ය॒ජ්ඤියා॑ ත॒නූස්තයේ-හ්යාරෝ॑හා॒ත්මා-ऽऽත්මාන᳚ම් । අච්ඡා॒ වසූ॑නි කෘ॒ණ්වන්න॒ස්මේ නර්යා॑ පු॒රූණි॑ । ය॒ජ්ඤෝ භූ॒ත්වා ය॒ජ්ඤමාසී॑ද॒ ස්වාං-යෝඁනි᳚ම් । ජාත॑වේදෝ॒ භුව॒ ආජාය॑මාන॒-ස්සක්ෂ॑ය॒ ඒහි॑ ॥ උ॒පාව॑රෝහ ජාතවේදඃ॒ පුන॒ස්ත්වම් ॥ 41 ॥

දේ॒වේභ්යෝ॑ හ॒ව්යං-වඁ ॑හ නඃ ප්රජා॒නන්න් । ආයුඃ॑ ප්ර॒ජාග්​ම් ර॒යිම॒ස්මාසු॑ ධේහි । අජ॑ස්රෝ දීදිහි නෝ දුරෝ॒ණේ ॥ තමින්ද්ර॑-ඤ්ජෝහවීමි ම॒ඝවා॑නමු॒ග්රම් । ස॒ත්රාදධා॑න॒-මප්ර॑තිෂ්කුත॒ග්​ම්॒ ශවාග්​ම්॑සි । මග්​ම්හි॑ෂ්ඨෝ ගී॒ර්භිරා ච॑ ය॒ජ්ඤියෝ॑ ऽව॒වර්ත॑ත් । රා॒යේ නෝ॒ විශ්වා॑ සු॒පථා॑ කෘණෝතු ව॒ජ්රී ॥ ත්රික॑ද්රුකේෂු මහි॒ෂෝ යවා॑ශිර-න්තුවි॒ශුෂ්ම॑ස්තෘ॒පත් । සෝම॑මපිබ॒-ද්විෂ්ණු॑නා සු॒තං-යඁථාව॑ශත් । ස ඊ᳚-ම්මමාද॒ මහි॒ කර්ම॒ කර්ත॑වේ ම॒හාමු॒රුම් ॥ 42 ॥

සෛනග්​ම්॑ සශ්ච-ද්දේ॒ව-න්දේ॒ව-ස්ස॒ත්යමින්දුග්​ම්॑ ස॒ත්ය ඉන්ද්රඃ॑ ॥ වි॒දද්යතී॑ ස॒රමා॑ රු॒ග්ණමද්රේඃ᳚ । මහි॒ පාථඃ॑ පූ॒ර්ව්යග්​ම් ස॒ද්ධ්රිය॑ක්කඃ । අග්ර॑-න්නය-ථ්සු॒පද්යක්ෂ॑රාණාම් । අච්ඡා॒ රව॑-ම්ප්රථ॒මා ජා॑න॒තී ගා᳚ත් ॥ වි॒ද-ද්ගව්යග්​ම්॑ ස॒රමා॑ දෘ॒ඪමූ॒ර්වම් । යේනා॒ නුක॒-ම්මානු॑ෂී॒ භෝජ॑තේ॒ විට් । ආ යේ විශ්වා᳚ ස්වප॒ත්යානි॑ ච॒ක්රුඃ । කෘ॒ණ්වා॒නාසෝ॑ අමෘත॒ත්වාය॑ ගා॒තුම් ॥ ත්ව-න්නෘභි॑ර්නෘපතේ දේ॒වහූ॑තෞ ॥ 43 ॥

භූරී॑ණි වෘ॒ත්වා හ॑ර්යශ්ව හග්​ම්සි । ත්ව-න්නිද॑ස්යු॒-ඤ්චුමු॑රිම් । ධුනි॒-ඤ්චාස්වා॑පයෝ ද॒භීත॑යේ සු॒හන්තු॑ ॥ ඒ॒වා පා॑හි ප්ර॒ත්නථා॒ මන්ද॑තු ත්වා । ශ්රු॒ධි බ්රහ්ම॑ වාවෘධස්වෝ॒ත ගී॒ර්භිඃ । ආ॒වි-ස්සූර්ය॑-ඞ්කෘණු॒හි පී॒පිහී॒ෂඃ । ජ॒හි ශත්රූග්​ම්॑ර॒භි ගා ඉ॑න්ද්ර තෘන්ධි ॥ අග්නේ॒ බාධ॑ස්ව॒ විමෘධෝ॑ නුදස්ව । අපාමී॑වා॒ අප॒ රක්ෂාග්​ම්॑සි සේධ । අ॒ස්මා-ථ්ස॑මු॒ද්රා-ද්බෘ॑හ॒තෝ දි॒වෝ නඃ॑ ॥ 44 ॥

අ॒පා-ම්භූ॒මාන॒මුප॑ න-ස්සෘජේ॒හ ॥ යජ්ඤ॒ ප්රති॑තිෂ්ඨ සුම॒තෞ සු॒ශේවා॒ ආ ත්වා᳚ । වසූ॑නි පුරු॒ධා වි॑ශන්තු । දී॒ර්ඝමායු॒-ර්යජ॑මානාය කෘ॒ණ්වන්න් । අථා॒මෘතේ॑න ජරි॒තාර॑මඞ්ග්ධි ॥ ඉන්ද්ර॑-ශ්ශු॒නාව॒-ද්විත॑නෝති॒ සීර᳚ම් । සං॒​වඁ॒ථ්ස॒රස්ය॑ ප්රති॒මාණ॑මේ॒තත් । අ॒ර්කස්ය॒ ජ්යෝති॒ස්තදිදා॑ස॒ ජ්යේෂ්ඨ᳚ම් । සං॒​වඁ॒ථ්ස॒රග්​ම් ශු॒නව॒ථ්සීර॑මේ॒තත් ॥ ඉන්ද්ර॑ස්ය॒ රාධඃ॒ ප්රය॑ත-ම්පු॒රු ත්මනා᳚ । තද॑ර්කරූ॒පං-විඁ॒මිමා॑නමේති । ද්වාද॑ශාරේ॒ ප්රති॑තිෂ්ඨ॒තී-ද්වෘෂා᳚ ॥ අ॒ශ්වා॒යන්තෝ॑ ග॒ව්යන්තෝ॑ වා॒ජය॑න්තඃ । හවා॑මහේ॒ ත්වෝප॑ගන්ත॒ වා උ॑ । ආ॒භූෂ॑න්තස්ත්වා සුම॒තෞ නවා॑යාම් । ව॒යමි॑න්ද්ර ත්වා ශු॒නග්​ම් හු॑වේම ॥ 45 ॥
(අ॒ර්ච॒ත॒ - හ॒වි--ර් ගා॑යත - යග්​ම්සච් - චර්​ෂණී॒නාං - ඁවෛ॑ශම්භ॒ල්යා - හා॑සී॒ත් - ත්ව - මු॒රුං - දේ॒වහූ॑තෞ - නඃ॒ - ත්මනා॒ ෂට් ච॑) (අ. 8)

(ප්රා॒ණ - උ॒දේහි॒ - පුන॑ර්න॒ - ආ නෝ॑ භර - ය॒ජ්ඤෝ රා॒යෝ - වාර්ත්ර॑හත්යාය॒ - වසූ॑නා॒ග්​ම්॒ - ස ඊ॑-ම්පාහ්ය॒ ෂ්ටෞ)

(ප්රා॒ණෝ ර॑ක්ෂ॒ - ත්යගෘ॑භීතා - ධාරාව॒රා ම॒රුතෝ॑ - දීර්ඝායු॒ත්වාය॒ - ජ්යෝති॑ෂා ත්වා॒ පඤ්ච॑චත්වාරිග්​ම්ශත් )

(ප්රා॒ණඃ - ශු॒නග්​ම් හු॑වේම)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ පඤ්චමඃ ප්රපාඨක-ස්සමාප්තඃ ॥