કૃષ્ણ યજુર્વેદીય તૈત્તિરીય બ્રાહ્મણે કાઠકે પ્રથમઃ પ્રશ્નઃ - સાવિત્રચયનમ્
ઓ-ન્નમઃ પરમાત્મને, શ્રી મહાગણપતયે નમઃ,
શ્રી ગુરુભ્યો નમઃ । હ॒રિઃ॒ ઓમ્ ॥
અનુવાકં 1 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
સ॒ઞ્જ્ઞાનં॑-વિઁ॒જ્ઞાન॑-મ્પ્ર॒જ્ઞાન॑-ઞ્જા॒નદ॑ભિજા॒નત્ । સ॒કંલ્પઁ॑માન-મ્પ્ર॒કલ્પ॑માન-મુપ॒કલ્પ॑માન॒-મુપ॑ક્લૃપ્ત-ઙ્ક્લૃ॒પ્તમ્ ।
શ્રેયો॒ વસી॑ય આ॒યથ્સમ્ભૂ॑ત-મ્ભૂ॒તમ્ ॥
ચિ॒ત્રઃ કે॒તુઃ પ્ર॒ભાના॒ભાન્-થ્સ॒ભાન્ન્ ।
જ્યોતિ॑ષ્મા॒ગ્॒-સ્તેજ॑સ્વાના॒તપ॒ગ્ગ્॒-સ્તપ॑ન્નભિ॒તપન્ન્॑ ।
રો॒ચ॒નો રોચ॑માનઃ-શોભ॒નઃ-શોભ॑માનઃ ક॒લ્યાણઃ॑ ॥ દર્શા॑ દૃ॒ષ્ટા દ॑ર્શ॒તા વિ॒શ્વરૂ॑પા સુદર્શ॒ના । આ॒પ્યાય॑માના॒ પ્યાય॑માના॒-પ્યાયા॑ સૂ॒નૃતેરા᳚ ।
આ॒પૂર્ય॑માણા॒ પૂર્ય॑માણા પૂ॒રય॑ન્તી પૂ॒ર્ણા પૌ᳚ર્ણમા॒સી ॥ દા॒તા પ્ર॑દા॒તા-ઽઽન॒ન્દો મોદઃ॑ પ્રમો॒દઃ ॥ 1 ॥
આ॒વે॒શય॑-ન્નિવે॒શયન્᳚થ્સં॒વેઁશ॑ન॒-સ્સગ્ગ્શા᳚ન્ત-શ્શા॒ન્તઃ । આ॒ભવ॑-ન્પ્ર॒ભવન્᳚-થ્સ॒ભંવઁ॒ન્-થ્સમ્ભૂ॑તો ભૂ॒તઃ ॥
પ્રસ્તુ॑તં॒-વિઁષ્ટુ॑ત॒ગ્મ્॒ સગ્ગ્સ્તુ॑ત-ઙ્ક॒લ્યાણં॑-વિઁ॒શ્વરૂ॑પમ્ । શુ॒ક્રમ॒મૃત॑-ન્તેજ॒સ્વિ તેજ॒-સ્સમિ॑દ્ધમ્ । અ॒રુ॒ણ-મ્ભા॑નુ॒મ-ન્મરી॑ચિમદભિ॒તપ॒-ત્તપ॑સ્વત્ ॥ સ॒વિ॒તા પ્ર॑સવિ॒તા દી॒પ્તો દી॒પય॒-ન્દીપ્ય॑માનઃ । જ્વલ॑-ઞ્જ્વલિ॒તા તપ॑ન્ વિ॒તપન્᳚-થ્સ॒ન્તપન્ન્॑ । રો॒ચ॒નો રોચ॑માન-શ્શુ॒ભૂં-શ્શુમ્ભ॑માનો વા॒મઃ ॥
સુ॒તા સુ॑ન્વ॒તી પ્રસુ॑તા સૂ॒યમા॑ના ઽભિષૂ॒યમા॑ણા । પીતી᳚ પ્ર॒પા સ॒પા-ન્તૃપ્તિ॑-સ્ત॒ર્પય॑ન્તી ॥ 2 ॥
કા॒ન્તા કા॒મ્યા કા॒મજા॒તા ઽઽયુ॑ષ્મતી કામ॒દુઘા᳚ ॥ અ॒ભિ॒શા॒સ્તા ઽનુ॑મ॒ન્તા-ઽઽન॒ન્દો મોદઃ॑ પ્રમો॒દઃ । આ॒સા॒દય॑-ન્નિષા॒દયન્᳚-થ્સ॒ગ્મ્॒સાદ॑ન॒-સ્સગ્મ્સ॑ન્ન-સ્સ॒ન્નઃ ।
આ॒ભૂ ર્વિ॒ભૂઃ પ્ર॒ભૂ-શ્શ॒ભૂં ર્ભુવઃ॑ ॥
પ॒વિત્ર॑-મ્પવયિ॒ષ્ય-ન્પૂ॒તો મેદ્ધ્યઃ॑ ।
યશો॒ યશ॑સ્વા-ના॒યુર॒મૃતઃ॑ । જી॒વો જી॑વિ॒ષ્ય-ન્થ્સ્વ॒ર્ગો લો॒કઃ ॥ સહ॑સ્વા॒-ન્થ્સહી॑યા॒-નોજ॑સ્વા॒-ન્થ્સહ॑માનઃ । જય॑ન્ન-ભિ॒જયન્᳚-થ્સુ॒દ્રવિ॑ણો દ્રવિણો॒દાઃ । આ॒ર્દ્રપ॑વિત્રો॒ હરિ॑કેશો॒ મોદઃ॑ પ્રમો॒દઃ ॥ 3 ॥
અ॒રુ॒ણો॑ ઽરુ॒ણર॑જાઃ પુ॒ણ્ડરી॑કો વિશ્વ॒જિદ॑-ભિ॒જિત્ । આ॒ર્દ્રઃ પિન્વ॑મા॒નો ઽન્ન॑વા॒ન્-રસ॑વા॒-નિરા॑વાન્ ।
સ॒ર્વૌ॒ષ॒ધ-સ્સ॑ભં॒રો મહ॑સ્વાન્ ॥ એ॒જ॒ત્કા જો॑વ॒ત્કાઃ । ક્ષુ॒લ્લ॒કા-શ્શિ॑પિવિષ્ટ॒કાઃ ।
સ॒રિ॒સ્ત્ર॒રા-સ્સુ॒શેર॑વઃ । અ॒જિ॒રાસો॑ ગમિ॒ષ્ણવઃ॑ ॥ ઇ॒દાની᳚-ન્ત॒દાની॑-મે॒તર્હિ॑ ક્ષિ॒પ્રમ॑જિ॒રમ્ । આ॒શુ ર્નિ॑મે॒ષઃ ફ॒ણો દ્રવ॑ન્નતિ॒-દ્રવન્ન્॑ । ત્વર॒ગ્ગ્॒ સ્ત્વર॑માણ આ॒શુરાશી॑યાઞ્જ॒વઃ {આ॒શુરાશી॑યાન્ જ॒વઃ} ॥
અ॒ગ્નિ॒ષ્ટો॒મ ઉ॒ક્થ્યો॑ ઽતિરા॒ત્રો દ્વિ॑રા॒ત્ર-સ્ત્રિ॑રા॒ત્ર-શ્ચ॑તૂરા॒ત્રઃ । અ॒ગ્નિર્-ઋ॒તુ-સ્સૂર્ય॑ ઋ॒તુશ્ચ॒ન્દ્રમા॑ ઋ॒તુઃ ॥ પ્ર॒જાપ॑તિ-સ્સંવઁથ્સ॒રો મ॒હાન્કઃ ॥ 4 ॥
(પ્ર॒મો॒દ - સ્ત॒ર્પય॑ન્તી - પ્રમો॒દો - જ॒વસ્ત્રીણિ॑ ચ) (અ. 1)
અનુવાકં 2 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં
સ્વયમાતૃણ્ણોપધાન-ઞ્ચોચ્યતે
ભૂર॒ગ્નિ-ઞ્ચ॑ પૃથિ॒વી-ઞ્ચ॒ મા-ઞ્ચ॑ ।
ત્રીગ્શ્ચ॑ લો॒કા-ન્થ્સં॑વઁથ્સ॒ર-ઞ્ચ॑ ।
પ્ર॒જાપ॑તિસ્ત્વા સાદયતુ । તયા॑ દે॒વત॑યા ઽઙ્ગિર॒સ્વ-દ્ધ્રુ॒વા સી॑દ ॥
ભુવો॑ વા॒યુ-ઞ્ચા॒ન્તરિ॑ક્ષ-ઞ્ચ॒ મા-ઞ્ચ॑ । ત્રીગ્શ્ચ॑ લો॒કા-ન્થ્સં॑વઁથ્સ॒ર-ઞ્ચ॑ ।
પ્ર॒જાપ॑તિસ્ત્વા સાદયતુ । તયા॑ દે॒વત॑યા-ઽ ઙ્ગિંર॒સ્વ-દ્ધ્રુ॒વા સી॑દ । સ્વ॑રાદિ॒ત્ય-ઞ્ચ॒ દિવ॑-ઞ્ચ॒ મા-ઞ્ચ॑ । ત્રીગ્શ્ચ॑ લો॒કા-ન્થ્સં॑વઁથ્સ॒ર-ઞ્ચ॑ । પ્ર॒જાપ॑તિસ્ત્વા સાદયતુ । તયા॑ દે॒વત॑યા ઽઙ્ગિંર॒સ્વ-દ્ધ્રુ॒વા સી॑દ । ભૂર્ભુવ॒-સ્સ્વ॑-શ્ચ॒ન્દ્રમ॑સ-ઞ્ચ॒ દિશ॑શ્ચ॒ મા-ઞ્ચ॑ ।
ત્રીગ્શ્ચ॑ લો॒કા-ન્થ્સ॑વન્થ્સ॒ર-ઞ્ચ॑ । પ્ર॒જાપ॑તિસ્ત્વા સાદયતુ । તયા॑ દે॒વત॑યા ઽઙ્ગિર॒સ્વ-દ્ધ્રુ॒વા સી॑દ ॥ 5 ॥
(સં॒વઁ॒થ્સ॒ર॒-ઞ્ચ॒ ષટ્ ચ॑)(આ2)
અનુવાકં 3 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
ત્વમે॒વ ત્વાં-વેઁ᳚ત્થ॒ યો॑-ઽસિ॒ સો-ઽસિ॑ । ત્વમે॒વ ત્વામ॑ચૈષીઃ । ચિ॒તશ્ચાસિ॒ સઞ્ચિ॑ત-શ્ચાસ્યગ્ને । એ॒તાવા॒ગ્॒શ્ચાસિ॒ ભૂયાગ્॑શ્ચાસ્યગ્ને ।
યત્તે॑ અગ્ને॒ ન્યૂ॑નં॒-યઁદુ॒ તે-ઽતિ॑રિક્તમ્ । આ॒દિ॒ત્યા-સ્તદંઙ્ગિ॑રસ-શ્ચિન્વન્તુ ।
વિશ્વે॑ તે દે॒વાશ્ચિતિ॒-માપૂ॑રયન્તુ । ચિ॒તશ્ચાસિ॒ સઞ્ચિ॑ત-શ્ચાસ્યગ્ને । એ॒તાવા॒ગ્॒શ્ચાસિ॒ ભૂયાગ્॑શ્ચાસ્યગ્ને । મા તે॑ અગ્ને ઽચ॒યેન॒ મા-ઽતિ॑ ચ॒ યેનાયુ॒રાવૃ॑ક્ષિ । સવ॑ર્ષા॒-ઞ્જ્યોતિ॑ષા॒-ઞ્જ્યોતિ॒ ર્યદ॒દાવુ॒દેતિ॑ । તપ॑સો જા॒તમનિ॑-ભૃષ્ટ॒મોજઃ॑ । તત્તે॒ જ્યોતિ॑રિષ્ટકે । તેન॑ મે તપ । તેન॑ મે જ્વલ । તેન॑ મે દીદિહિ ।
યાવ॑દ્દે॒વાઃ । યાવ॒દસા॑તિ॒ સૂર્યઃ॑ । યાવ॑દુ॒તાપિ॒ બ્રહ્મ॑ ॥ 6 ॥
(આવૃ॑ક્ષિ॒ નવ॑ ચ) (અ. 3)
અનુવાકં 4 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
સં॒વઁ॒થ્સ॒રો॑-ઽસિ પરિવથ્સ॒રો॑-ઽસિ । ઇ॒દા॒વ॒થ્સ॒રો॑-ઽસી-દુવથ્સ॒રો॑-ઽસિ ।
ઇ॒દ્વ॒થ્સ॒રો॑-ઽસિ વથ્સ॒રો॑-ઽસિ । તસ્ય॑ તે વસ॒ન્ત-શ્શિરઃ॑ । ગ્રી॒ષ્મો દક્ષિ॑ણઃ પ॒ક્ષઃ । વ॒ર॒.ષાઃ પુચ્છ᳚મ્ । શ॒રદુત્ત॑રઃ પ॒ક્ષઃ ।
હે॒મ॒ન્તો મદ્ધ્ય᳚મ્ । પૂ॒ર્વ॒પ॒ક્ષાશ્ચિત॑યઃ । અ॒પ॒ર॒પ॒ક્ષાઃ પુરી॑ષમ્ ॥ 7 ॥
અ॒હો॒રા॒ત્રા-ણીષ્ટ॑કાઃ । ઋ॒ષ॒ભો॑-ઽસિ સ્વ॒ર્ગો લો॒કઃ । યસ્યા᳚-ન્દિ॒શિ મ॒હીય॑સે । તતો॑ નો॒ મહ॒ આવ॑હ । વા॒યુ ર્ભૂ॒ત્વા સર્વા॒ દિશ॒ આવા॑હિ । સર્વા॒ દિશો-ઽનુ॒ વિવા॑હિ । સર્વા॒ દિશો-ઽનુ॒ સંવાઁ॑હિ । ચિત્ત્યા॒ ચિતિ॒-માપૃ॑ણ । અચિ॑ત્ત્યા॒ ચિતિ॒-માપૃ॑ણ । ચિદ॑સિ સમુ॒દ્રયો॑નિઃ ॥ 8 ॥
ઇન્દુ॒ ર્દક્ષ॑-શ્શ્યે॒ન ઋ॒તાવા᳚ । હિર॑ણ્યપક્ષ-શ્શકુ॒નો ભુ॑ર॒ણ્યુઃ । મ॒હા-ન્થ્સ॒ધસ્થે᳚ ધ્રુ॒વ આનિષ॑ત્તઃ । નમ॑સ્તે અસ્તુ॒ મા મા॑ હિગ્મ્સીઃ । એતિ॒ પ્રેતિ॒ વીતિ॒ સમિત્યુદિતિ॑ । દિવ॑-મ્મે યચ્છ । અ॒ન્તરિ॑ક્ષ-મ્મે યચ્છ । પૃ॒થિ॒વી-મ્મે॑ યચ્છ ।
પૃ॒થિ॒વી-મ્મે॑ યચ્છ । અ॒ન્તરિ॑ક્ષ-મ્મે યચ્છ । દિવ॑-મ્મે યચ્છ । અહ્ના॒ પ્રસા॑રય । રાત્ર્યા॒ સમ॑ચ । રાત્ર્યા॒ પ્રસા॑રય । અહ્ના॒ સમ॑ચ ।
કામ॒-મ્પ્રસા॑રય । કામ॒ગ્મ્॒ સમ॑ચ ॥ 9 ॥
(પુરી॑ષગ્મ્ - સમુ॒દ્રયો॑નિઃ - પૃથિ॒વી-મ્મે॑ યચ્છા॒ન્તરિ॑ક્ષ-મ્મે યચ્છ સ॒પ્ત ચ॑) (અ. 4)
અનુવાકં 5 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં
સ્વયમાતૃણ્ણોપધાન-ઞ્ચોચ્યતે
ભૂર્ભુવ॒-સ્સ્વઃ॑ । ઓજો॒ બલ᳚મ્ । બ્રહ્મ॑ ક્ષ॒ત્રમ્ । યશો॑ મ॒હત્ । સ॒ત્ય-ન્તપો॒ નામ॑ । રૂ॒પ-મ॒મૃત᳚મ્ । ચક્ષુ॒-શ્શ્રોત્ર᳚મ્ । મન॒ આયુઃ॑ ।
વિશ્વં॒-યઁશો॑ મ॒હઃ । સ॒મ-ન્તપો॒ હરો॒ ભાઃ । જા॒તવે॑દા॒ યદિ॑ વા પાવ॒કો-ઽસિ॑ । વૈ॒શ્વા॒ન॒રો યદિ॑ વા વૈદ્યુ॒તો-ઽસિ॑ । શ-મ્પ્ર॒જાભ્યો॒ યજ॑માનાય લો॒કમ્ । ઊર્જ॒-મ્પુષ્ટિ॒-ન્દદ॑-દ॒ભ્યાવ॑વૃથ્સ્વ ॥ 10 ॥
(ભાશ્ચ॒ત્વારિ॑ ચ) (અ. 5)
અનુવાકં 6 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં
સ્વયમાતૃણ્ણોપધાન-ઞ્ચોચ્યતે
રાજ્ઞી॑ વિરાજ્ઞી᳚ । સ॒મ્રાજ્ઞી᳚ સ્વ॒રાજ્ઞી᳚ । અ॒ર્ચિ-શ્શો॒ચિઃ । તપો॒ હરો॒ ભાઃ । અ॒ગ્નિ-રિન્દ્રો॒ બૃહ॒સ્પતિઃ॑ । વિશ્વે॑ દે॒વા ભુવ॑નસ્ય ગો॒પાઃ ।
તે મા॒ સર્વે॒ યશ॑સા॒ સગ્મ્સૃ॑જન્તુ ॥ 11 ॥
(રાજ્ઞીન્દ્રો॑ મા સ॒પ્ત (અ. 6)
અનુવાકં 7 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
અસ॑વે॒ સ્વાહા॒ વસ॑વે॒ સ્વાહા᳚ । વિભુ॑વે॒ સ્વાહા॒ વિવ॑સ્વતે॒ સ્વાહા᳚ । અ॒ભિ॒ભુવે॒ સ્વાહા-ઽધિ॑પતયે॒ સ્વાહા᳚ । દિ॒વામ્પત॑યે॒ સ્વાહા ઽગ્મ્॑હસ્પ॒ત્યાય॒ સ્વાહા᳚ । ચા॒ક્ષુ॒ષ્મ॒ત્યાય॒ સ્વાહા᳚ જ્યોતિષ્મ॒ત્યાય॒ સ્વાહા᳚ । રાજ્ઞે॒ સ્વાહા॑ વિ॒રાજ્ઞે॒ સ્વાહા᳚ । સ॒મ્રાજ્ઞે॒ સ્વાહા᳚ સ્વ॒રાજ્ઞે॒ સ્વાહા᳚ ।
શૂષા॑ય॒ સ્વાહા॒ સૂર્યા॑ય॒ સ્વાહા᳚ । ચ॒ન્દ્રમ॑સે॒ સ્વાહા॒ જ્યોતિ॑ષે॒ સ્વાહા᳚ ।
સ॒ગ્મ્॒સર્પા॑ય॒ સ્વાહા॑ ક॒લ્યાણા॑ય॒ સ્વાહા᳚ ।
અર્જુ॑નાય॒ સ્વાહા᳚ ॥ 12 ॥
(ક॒લ્યાણા॑ય॒ સ્વાહૈક॑-ઞ્ચ) (અ. 7)
અનુવાકં 8 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
વિ॒પ॒શ્ચિતે॒ પવ॑માનાય ગાયત । મ॒હી ન ધારા ઽત્યન્ધો॑ અર્ષતિ । અહિ॑ર્હ જી॒ર્ણામતિ॑સર્પતિ॒ ત્વચ᳚મ્ । અત્યો॒ ન ક્રીડ॑ન્ન સર॒દ્વૃષા॒ હરિઃ॑ ।
ઉ॒પ॒યા॒મગૃ॑હીતો-ઽસિ મૃ॒ત્યવે᳚ ત્વા॒ જુષ્ટ॑-ઙ્ગૃહ્ણામિ । એ॒ષ તે॒ યોનિ॑ર્મૃ॒ત્યવે᳚ ત્વા ॥ અપ॑ મૃ॒ત્યુ-મપ॒ક્ષુધ᳚મ્ । અપે॒ત-શ્શ॒પથ॑-ઞ્જહિ ।
અધા॑ નો અગ્ન॒ આવ॑હ । રા॒યસ્પોષગ્મ્॑ સહ॒સ્રિણ᳚મ્ ॥ 13 ॥
યે તે॑ સ॒હસ્ર॑મ॒યુત॒-મ્પાશાઃ᳚ । મૃત્યો॒ મર્ત્યા॑ય॒ હન્ત॑વે । તાન્. ય॒જ્ઞસ્ય॑ મા॒યયા᳚ । સર્વા॒નવ॑ યજામહે ॥ ભ॒ક્ષો᳚ ઽસ્યમૃત ભ॒ક્ષઃ । તસ્ય॑ તે મૃ॒ત્યુ-પી॑તસ્યા॒-મૃત॑વતઃ ।
સ્વ॒ગા-કૃ॑તસ્ય॒ મધુ॑મતઃ ।
ઉપ॑હૂત॒સ્યો-પ॑હૂતો ભક્ષયામિ ॥
મ॒ન્દ્રા ઽભિભૂ॑તિઃ કે॒તુ ર્ય॒જ્ઞાનાં॒-વાઁક્ । અસા॒વેહિ॑ ॥ 14 ॥
અ॒ન્ધો જાગૃ॑વિઃ પ્રાણ । અસા॒વેહિ॑ । બ॒ધિ॒ર આ᳚ક્રન્દયિત-રપાન । અસા॒વેહિ॑ । અ॒હ॒સ્તોસ્ત્વા॒ ચક્ષુઃ॑ । અસા॒વેહિ॑ । અ॒પા॒દાશો॒ મનઃ॑ ।
અસા॒વેહિ॑ । કવે॒ વિપ્ર॑ચિત્તે॒ શ્રોત્ર॑ । અસા॒વેહિ॑ ॥ 15 ॥
સુ॒હ॒સ્ત-સ્સુ॑વા॒સાઃ । શૂ॒ષો નામા᳚સ્ય॒-મૃતો॒ મર્ત્યે॑ષુ । તન્ત્વા॒-ઽહ-ન્તથા॒ વેદ॑ । અસા॒વેહિ॑ । અ॒ગ્નિર્મે॑ વા॒ચિ શ્રિ॒તઃ । વાઘૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ । વા॒યુર્મે᳚ પ્રા॒ણે શ્રિ॒તઃ ॥ 16 ॥
પ્રા॒ણો હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
સૂર્યો॑ મે॒ ચક્ષુ॑ષિ શ્રિ॒તઃ ।
ચક્ષુ॒ર્॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
ચ॒ન્દ્રમા॑ મે॒ મન॑સિ શ્રિ॒તઃ ॥ 17 ॥
મનો॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
દિશો॑ મે॒ શ્રોત્રે᳚ શ્રિ॒તાઃ । શ્રોત્ર॒ગ્મ્॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ ।
અ॒મૃત॒-મ્બ્રહ્મ॑ણિ । આપો॑ મે॒ રેત॑સિ શ્રિ॒તાઃ ॥ 18 ॥
રેતો॒ હૃદ॑યે । હૃદ॑ય॒-મ્મયિ॑ ।
અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
પૃ॒થિ॒વી મે॒ શરી॑રે શ્રિ॒તા ।
શરી॑ર॒ગ્મ્॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ । ઓ॒ષ॒ધિ॒વ॒ન॒સ્પ॒તયો॑ મે॒ લોમ॑સુ શ્રિ॒તાઃ ॥ 19 ॥
લોમા॑નિ॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
ઇન્દ્રો॑ મે॒ બલે᳚ શ્રિ॒તઃ । બલ॒ગ્મ્॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ ।
અ॒મૃત॒-મ્બ્રહ્મ॑ણિ । પ॒ર્જન્યો॑ મે મૂ॒ર્ધ્નિ શ્રિ॒તઃ ॥ 20 ॥
મૂ॒દ્ર્ધા હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
ઈશા॑નો મે મ॒ન્યૌ શ્રિ॒તઃ । મ॒ન્યુર્-હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ ।
અ॒મૃત॒-મ્બ્રહ્મ॑ણિ ।
આ॒ત્મા મ॑ આ॒ત્મનિ॑ શ્રિ॒તઃ( ) ॥ 21 ॥
આ॒ત્મા હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।
પુન॑ર્મ આ॒ત્મા પુન॒રાયુ॒રાગા᳚ત્ । પુનઃ॑ પ્રા॒ણઃ પુન॒રાકૂ॑ત॒-માગા᳚ત્ ।
વૈ॒શ્વા॒ન॒રો ર॒શ્મિભિ॑ ર્વાવૃધા॒નઃ । અ॒ન્તસ્તિ॑ષ્ઠત્વ॒મૃત॑સ્ય ગો॒પાઃ ॥ 22 ॥
(સ॒હ॒સ્રિણ॑ - મિહિ॒ - શ્રોત્રાસા॒વેહિ॑ - પ્રા॒ણે શ્રિ॒તો - મન॑સિ શ્રિ॒તો - રેત॑સિ શ્રિ॒તા - લોમ॑સુ શ્રિ॒તા - મૂ॒ર્ધ્નિ શ્રિ॒ત - આ॒ત્મનિ॑ શ્રિ॒તો᳚ - +-ઽષ્ટૌ ચ॑) (અ. 8)
(અ॒ગ્નિ-ર્વા॒યુ-સ્સૂર્ય॑ શ્ચ॒ન્દ્રમા॒ દિશ॒ આપઃ॑ પૃથિ॒ વ્યો॑ષધિવનસ્પ॒તય॒ ઇન્દ્રઃ॑ પ॒ર્જન્ય॒ ઈશા॑ન આ॒ત્મા પુન॑ર્મે॒ ત્રયો॑દશ)
અનુવાકં 9 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
પ્ર॒જાપ॑તિ ર્દે॒વાન॑સૃજત । તે પા॒પ્મના॒ સન્દિ॑તા અજાયન્ત । તાન્ વ્ય॑દ્યત્ । ય-દ્વ્ય॒દ્યત્ । તસ્મા᳚-દ્વિ॒દ્યુત્ । તમ॑વૃશ્ચત્ । યદવૃ॑શ્ચત્ । તસ્મા॒-દ્વૃષ્ટિઃ॑ । તસ્મા॒-દ્યત્રૈ॒તે દે॒વતે॑ અભિ॒પ્રાપ્નુ॑તઃ ।
વિચ॑ હૈ॒વાસ્ય॒ તત્ર॑ પા॒પ્માન॒ન્દ્યતઃ॑ ॥ 23 ॥
વૃ॒શ્ચત॑શ્ચ ॥ સૈષા મી॑મા॒ગ્મ્॒સા-ઽગ્નિ॑હો॒ત્ર એ॒વ સ॑પન્ન્ના । અથો॑ આહુઃ ।
સર્વે॑ષુ યજ્ઞક્ર॒તુષ્વિતિ॑ ॥
હોષ્ય॑ન્ન॒પ ઉપ॑સ્પૃશેત્ ।
વિદ્યુ॑દસિ॒ વિદ્ય॑મે પા॒પ્માન॒મિતિ॑ ।
અથ॑ હુ॒ત્વોપ॑સ્પૃશેત્ ।
વૃષ્ટિ॑રસિ॒ વૃશ્ચ॑ મે પા॒પ્માન॒મિતિ॑ ।
ય॒ક્ષ્યમા॑ણો વે॒ષ્ટ્વા વા᳚ । વિ ચ॑ હૈ॒વાસ્યૈ॒તે દે॒વતે॑ પા॒પ્માન॒-ન્દ્યતઃ॑ ॥ 24 ॥
વૃ॒શ્ચત॑શ્ચ ॥ અ॒ત્ય॒ગ્મ્॒હો હારુ॑ણિઃ । બ્ર॒હ્મ॒ચા॒રિણે᳚ પ્ર॒શ્ના-ન્પ્રોચ્ય॒ પ્રજિ॑ઘાય ।
પરે॑હિ । પ્લ॒ક્ષ-ન્દૈયાં᳚ (દૈય્યાં᳚) પાતિ-મ્પૃચ્છ । વેત્થ॑ સાવિ॒ત્રાં(3) ન વે॒ત્થા(3) ઇતિ॑ ।
તમા॒ગત્ય॑ પપ્રચ્છ । આ॒ચાર્યો॑ મા॒ પ્રાહૈ॑ષીત્ ।
વેત્થ॑ સાવિ॒ત્રાં(3) ન વે॒ત્થા(3) ઇતિ॑ । સહો॑વાચ॒ વેદેતિ॑ ॥ 25 ॥
સ કસ્મિ॒-ન્પ્રતિ॑ષ્ઠિત॒ ઇતિ॑ । પ॒રોર॑જ॒સીતિ॑ ।
કસ્તદ્ય-ત્પ॒રોર॑જા॒ ઇતિ॑ । એ॒ષ વાવ સ પ॒રોર॑જા॒ ઇતિ॑ હોવાચ । ય એ॒ષ તપ॑તિ ।
એ॒ષો᳚ ઽર્વાગ્ર॑જા॒ ઇતિ॑ । સ કસ્મિ॑-ન્ત્વે॒ષ ઇતિ॑ । સ॒ત્ય ઇતિ॑ । કિ-ન્તથ્સ॒ત્યમિતિ॑ । તપ॒ ઇતિ॑ ॥ 26 ॥
કસ્મિ॒ન્નુ તપ॒ ઇતિ॑ । બલ॒ ઇતિ॑ ।
કિ-ન્ત-દ્બ॒લમિતિ॑ । પ્રા॒ણ ઇતિ॑ ।
માસ્મ॑ પ્રા॒ણમતિ॑ પૃચ્છ॒ ઇતિ॑ મા-ઽઽચા॒ર્યો᳚ ઽબ્રવી॒દિતિ॑ હોવાચ બ્રહ્મચા॒રી ॥
સહો॑વાચ પ્લ॒ક્ષો દૈયાં᳚ (દૈય્યાં᳚) પાતિઃ ।
યદ્વૈ બ્ર॑હ્મચારિ-ન્પ્રા॒ણમત્ય॑પ્રક્ષ્યઃ । મૂ॒દ્ર્ધા તે॒ વ્યપ॑તિષ્યત્ ।
અ॒હમુ॑ત આચા॒ર્યા-ચ્છ્રેયા᳚-ન્ભવિષ્યામિ ।
યો મા॑ સાવિ॒ત્રે સ॒મવા॑દિ॒ષ્ટેતિ॑ ॥ 27 ॥
તસ્મા᳚-થ્સાવિ॒ત્રે ન સંવઁ॑દેત ॥
સ યો હ॒વૈ સા॑વિ॒ત્રં-વિઁ॒દુષા॑ સાવિ॒ત્રે સં॒વઁદ॑તે । સહા᳚સ્મિ॒-ઞ્છ્રિય॑-ન્દધાતિ ।
અનુ॑ હ॒વા અ॑સ્મા અ॒સૌ તપ॒ઞ્છ્રિય॑-મ્મન્યતે ।
અન્વ॑સ્મૈ॒ શ્રીસ્તપો॑ મન્યતે । અન્વ॑સ્મૈ॒ તપો॒ બલ॑-મ્મન્યતે । અન્વ॑સ્મૈ॒ બલ॑-મ્પ્રા॒ણ-મ્મ॑ન્યતે ॥ સ યદાહ॑ ।
સ॒જ્ઞાન્નં॑-વિઁ॒જ્ઞાન॒-ન્દર્શા॑ દૃ॒ષ્ટેતિ॑ । એ॒ષ એ॒વ તત્ ॥ 28 ॥
અથ॒ યદાહ॑ । પ્રસ્તુ॑તં॒-વિઁષ્ટુ॑તગ્મ્ સુ॒તા સુ॑ન્વ॒તીતિ॑ । એ॒ષ એ॒વ તત્ ॥ એ॒ષ હ્યે॑વ તાન્યહા॑નિ । એ॒ષ રાત્ર॑યઃ ॥ અથ॒ યદાહ॑ ।
ચિ॒ત્રઃ કે॒તુ ર્દા॒તા પ્ર॑દા॒તા સ॑વિ॒તા પ્ર॑સવિ॒તા ઽભિ॑શા॒સ્તા ઽનુ॑મ॒ન્તેતિ॑ । એ॒ષ એ॒વ તત્ । એ॒ષ હ્યે॑વ તે-ઽહ્નો॑ મુહૂ॒ર્તાઃ । એ॒ષ રાત્રેઃ᳚ ॥ 29 ॥
અથ॒ યદાહ॑ । પ॒વિત્ર॑-મ્પવયિ॒ષ્યન્-થ્સહ॑સ્વા॒ન્-થ્સહી॑યાનરુ॒ણો॑
-ઽરુ॒ણર॑જા॒ ઇતિ॑ । એ॒ષ એ॒વ તત્ । એ॒ષ હ્યે॑વ તે᳚ ઽદ્ર્ધમા॒સાઃ । એ॒ષ માસાઃ᳚ ॥ અથ॒ યદાહ॑ ।
અ॒ગ્નિ॒ષ્ટો॒મ ઉ॒ક્થ્યો᳚-ઽગ્નિર્-ઋ॒તુઃ પ્ર॒જાપ॑તિ-સ્સંવઁથ્સ॒ર ઇતિ॑ । એ॒ષ એ॒વ તત્ । એ॒ષ હ્યે॑વ તે ય॑જ્ઞક્ર॒તવઃ॑ । એ॒ષ ઋ॒તવઃ॑ ॥ 30 ॥
એ॒ષ સં॑વઁથ્સ॒રઃ ॥ અથ॒ યદાહ॑ । ઇ॒દાની᳚-ન્ત॒દાની॒મિતિ॑ । એ॒ષ એ॒વ તત્ । એ॒ષ હ્યે॑વ તે મુ॑હૂ॒ર્તાના᳚-મ્મુહૂ॒ર્તાઃ ॥ જ॒ન॒કો હ॒ વૈ દે॑હઃ । અ॒હો॒રા॒ત્રૈ-સ્સ॒માજ॑ગામ । તગ્મ્ હો॑ચુઃ । યો વા અ॒સ્માન્. વેદ॑ । વિ॒જહ॑ત્-પા॒પ્માન॑મેતિ ॥ 31 ॥
સર્વ॒-માયુ॑રેતિ । અ॒ભિ સ્વ॒ર્ગં-લોઁ॒ક-ઞ્જ॑યતિ ।
નાસ્યા॒-મુષ્મિ॑ન્ ઁલો॒કે-ઽન્ન॑-ઙ્ક્ષીયત॒ ઇતિ॑ ॥ વિ॒જહ॑દ્ધ॒ વૈ પા॒પ્માન॑મેતિ ।
સર્વ॒માયુ॑રેતિ । અ॒ભિ સ્વ॒ર્ગં-લોઁ॒ક-ઞ્જ॑યતિ ।
નાસ્યા॒-મુષ્મિ॑ન્ ઁલો॒કે ઽન્ન॑-ઙ્ક્ષીયતે ।
ય એ॒વં-વેઁદ॑ ॥ અહી॑ના॒ હાશ્વ॑ત્થ્યઃ । સા॒વિ॒ત્રં-વિઁ॒દા-ઞ્ચ॑કાર ॥ 32 ॥
સ હ॑ હ॒ગ્મ્॒સો હિ॑ર॒ણ્મયો॑ ભૂ॒ત્વા । સ્વ॒ર્ગં-લોઁ॒કમિ॑યાય । આ॒દિ॒ત્યસ્ય॒ સાયુ॑જ્યમ્ ॥ હ॒ગ્મ્॒સો હ॒વૈ હિ॑ર॒ણ્મયો॑ ભૂ॒ત્વા ।
સ્વ॒ર્ગં-લોઁ॒કમે॑તિ । આ॒દિ॒ત્યસ્ય॒ સાયુ॑જ્યમ્ । ય એ॒વં-વેઁદ॑ ॥ દે॒વ॒ભા॒ગો હ॑ શ્રૌત॒ર્॒ષઃ । સા॒વિ॒ત્રં-વિઁ॒દા-ઞ્ચ॑કાર ।
તગ્મ્ હ॒ વાગદૃ॑શ્યમા॒ના ઽભ્યુ॑વાચ ॥ 33 ॥
સર્વ॑મ્બત ગૌત॒મો વે॑દ । ય-સ્સા॑વિ॒ત્રં-વેઁદેતિ॑ । સ હો॑વાચ । કૈષા વાગ॒સીતિ॑ । અ॒યમ॒હગ્મ્ સા॑વિ॒ત્રઃ । દે॒વાના॑-મુત્ત॒મો લો॒કઃ । ગુહ્ય॒-મ્મહો॒ બિભ્ર॒દિતિ॑ । એ॒તાવ॑તિ હ ગૌત॒મઃ ।
ય॒જ્ઞો॒પ॒વી॒ત-ઙ્કૃ॒ત્વા-ઽધો નિપ॑પાત ।
નમો॒ નમ॒ ઇતિ॑ ॥ 34 ॥
સ હો॑વાચ । મા ભૈ॑ષી ર્ગૌતમ । જિ॒તો વૈ તે॑ લો॒ક ઇતિ॑ ॥ તસ્મા॒દ્યે કે ચ॑ સાવિ॒ત્રં-વિઁ॒દુઃ । સર્વે॒ તે જિ॒તલો॑કાઃ ॥ સ યો હ॒વૈ સા॑વિ॒ત્ર-સ્યા॒ષ્ટાક્ષ॑ર-મ્પ॒દગ્ગ્ શ્રિ॒યા ઽભિષિ॑ક્તં॒-વેઁદ॑ । શ્રિ॒યા હૈ॒વાભિષિ॑ચ્યતે । ઘૃણિ॒રિતિ॒ દ્વે અ॒ક્ષરે᳚ । સૂર્ય॒ ઇતિ॒ ત્રીણિ॑ । આ॒દિ॒ત્ય ઇતિ॒ ત્રીણિ॑ ॥ 35 ॥
એ॒તદ્વૈ સા॑વિ॒ત્ર-સ્યા॒ષ્ટાક્ષ॑ર-મ્પ॒દગ્ગ્ શ્રિ॒યાભિષિ॑ક્તમ્ । ય એ॒વં-વેઁદ॑ ।
શ્રિ॒યા હૈ॒વાભિષિ॑ચ્યતે ॥ તદે॒-તદૃ॒ચા-ઽભ્યુ॑ક્તમ્ । ઋ॒ચો અ॒ક્ષરે॑ પર॒મે વ્યો॑મન્ન્ ।
યસ્મિ॑-ન્દે॒વા અધિ॒ વિશ્વે॑ નિષે॒દુઃ ।
યસ્તન્ન વેદ॒ કિમૃ॒ચા ક॑રિષ્યતિ । ય ઇ-ત્તદ્વિ॒દુસ્ત ઇ॒મે સમા॑સત॒ ઇતિ॑ ॥ ન હ॒વા એ॒તસ્ય॒ર્ચા ન યજુ॑ષા॒ ન સામ્ના-ઽર્થો᳚-ઽસ્તિ ।
ય-સ્સા॑વિ॒ત્રં-વેઁદ॑ ॥ 36 ॥
તદે॒ત-ત્પ॑રિ॒ યદ્દે॑વચ॒ક્રમ્ ।
આ॒ર્દ્ર-મ્પિન્વ॑માનગ્ગ્ સ્વ॒ર્ગે લો॒ક એ॑તિ ।
વિ॒જહ॒-દ્વિશ્વા॑ ભૂ॒તાનિ॑ સ॒પંશ્ય॑ત્ ॥
આ॒ર્દ્રો હ॒ વૈ પિન્વ॑માન-સ્સ્વ॒ર્ગે લો॒ક એ॑તિ ।
વિ॒જહ॒ન્ વિશ્વા॑ ભૂ॒તાનિ॑ સ॒પંશ્યન્ન્॑ । ય એ॒વં-વેઁદ॑ ॥ શૂ॒ષો હ॒વૈ વા᳚ર્ષ્ણે॒યઃ । આ॒દિ॒ત્યેન॑ સ॒માજ॑ગામ । તગ્મ્ હો॑વાચ ।
એહિ॑ સાવિ॒ત્રં-વિઁ॑દ્ધિ । અ॒યં-વૈઁ સ્વ॒ર્ગ્યો᳚-ઽગ્નિઃ પા॑રયિ॒ષ્ણુ-ર॒મૃતા॒-થ્સમ્ભૂ॑ત॒ ઇતિ॑ । એ॒ષ વાવ સ સા॑વિ॒ત્રઃ ।
ય એ॒ષ તપ॑તિ । એહિ॒ માં-વિઁ॑દ્ધિ । ઇતિ॑ હૈ॒વૈન॒-ન્તદુ॑વાચ ॥ 37 ॥
(દ્યતો॒ - દ્યતો॒ - વેદેતિ॒ - તપ॒ ઇતિ॑ - સ॒મવા॑દિ॒ષ્ટેતિ॒ - ત-દ્- રાત્રેર્॑. - ઋ॒તવઃ॑ - એતિ - ચકારો - વાચ॒ - નમ॒ ઇત્યા॑ - દિ॒ત્ય ઇતિ॒ ત્રીણિ॑ - સાવિ॒ત્રં-વેઁદ॑ - વિદ્ધિ॒ પઞ્ચ॑ ચ) (અ. 9)
(પ્ર॒જાપ॑તિર્દે॒વાન્ સ॒જ્ઞાન્ન॒-મ્પ્રસ્તુ॑ત॒-ન્તાન્યહા᳚ન્યે॒ષ રાત્ર॑યાસ્ચિ॒ત્ર કે॒તુસ્તે-ઽહ્નો॑ મુહૂ॒ર્તો રાત્રેઃ᳚ પ॒વિત્ર॒-ન્તે᳚-ઽર્ધ મા॒સા અ॑ગ્નિષ્ટો॒મો ય॑જ્ઞક્ર॒તવ॑ ઇ॒દાની᳚-મ્મુહૂ॒ર્તાના᳚-ઞ્જન॒કો-ઽહી॑ના દેવભા॒ગઃ કૈષા વામ્મ શૂ॒ષો હ॒ વૈ ષોડ॑શ)
અનુવાકં 10 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
ઇ॒યં-વાઁવ સ॒રઘા᳚ । તસ્યા॑ અ॒ગ્નિરે॒વ સા॑ર॒ઘ-મ્મધુ॑ । યા એ॒તાઃ પૂ᳚ર્વપક્ષા-પરપ॒ક્ષયો॒ રાત્ર॑યઃ । તા મ॑ધુ॒કૃતઃ॑ ।
યાન્યહા॑નિ । તે મ॑ધુવૃ॒ષાઃ ।
સ યો હ॒ વા એ॒તા મ॑ધુ॒કૃત॑શ્ચ મધુવૃ॒ષાગ્શ્ચ॒ વેદ॑ ।
કુ॒ર્વન્તિ॑ હાસ્યૈ॒તા અ॒ગ્નૌ મધુ॑ । નાસ્યે᳚ષ્ટાપૂ॒ર્ત-ન્ધ॑યન્તિ ॥
અથ॒ યો ન વેદ॑ ॥ 38 ॥
ન હા᳚સ્યૈ॒તા અ॒ગ્નૌ મધુ॑ કુર્વન્તિ । ધય॑ન્ત્યસ્યેષ્ટાપૂ॒ર્તમ્ ॥
યો હ॒ વા અ॑હોરા॒ત્રાણા᳚-ન્નામ॒ધેયા॑નિ॒ વેદ॑ ।
નાહો॑રા॒ત્રેષ્વા-ર્તિ॒માર્ચ્છ॑તિ । સ॒જ્ઞાન્નં॑-વિઁ॒જ્ઞાન॒-ન્દર્શા॑ દૃ॒ષ્ટેતિ॑ ।
એ॒તા-વ॑નુવા॒કૌ પૂ᳚ર્વપ॒ક્ષસ્યા॑-હોરા॒ત્રાણા᳚-ન્નામ॒ધેયા॑નિ । પ્રસ્તુ॑તં॒-વિઁષ્ટુ॑તગ્મ્ સુ॒તા સુ॑ન્વ॒તીતિ॑ । એ॒તાવ॑નુ-વા॒કાવ॑-પરપ॒ક્ષસ્યા॑-હોરા॒ત્રાણા᳚-ન્નામ॒ધેયા॑નિ ।
નાહો॑રા॒ત્રેષ્વા-ર્તિ॒માર્ચ્છ॑તિ । ય એ॒વં-વેઁદ॑ ॥ 39 ॥
યો હ॒ વૈ મુ॑હૂ॒ર્તાના᳚-ન્નામ॒ધેયા॑નિ॒ વેદ॑ । ન મુ॑હૂ॒ર્તેષ્વા-ર્તિ॒માર્ચ્છ॑તિ । ચિ॒ત્રઃ કે॒તુ ર્દા॒તા પ્ર॑દા॒તા સ॑વિ॒તા પ્ર॑સવિ॒તા ઽભિ॑શા॒સ્તા ઽનુ॑મ॒ન્તેતિ॑ । એ॒તે॑-ઽનુવા॒કા મુ॑હૂ॒ર્તાના᳚-ન્નામ॒ધેયા॑નિ । ન મુ॑હૂ॒ર્તેષ્વા-ર્તિ॒માર્ચ્છ॑તિ । ય એ॒વં-વેઁદ॑ ॥ યો હ॒ વા અ॑દ્ર્ધમા॒સા-ના᳚ઞ્ચ॒ માસા॑નાઞ્ચ નામ॒ધેયા॑નિ॒ વેદ॑ ।
નાદ્ર્ધ॑મા॒સેષુ॒ ન માસે॒ષ્વા-ર્તિ॒માર્ચ્છ॑તિ ।
પ॒વિત્ર॑-મ્પવયિ॒ષ્યન્-થ્સહ॑સ્વા॒ન્-થ્સહી॑યાનરુ॒ણો॑ ઽરુ॒ણર॑જા॒ ઇતિ॑ ।
એ॒તે॑-ઽનુવા॒કા અ॑દ્ર્ધમા॒સાના᳚ઞ્ચ॒ માસા॑નાઞ્ચ નામ॒ધેયા॑નિ ॥ 40 ॥
નાદ્ર્ધ॑મ॒સેષુ॒ ન માસે॒ષ્વા-ર્તિ॒માર્ચ્છ॑તિ । ય એ॒વં-વેઁદ॑ ॥
યો હ॒ વૈ ય॑જ્ઞક્રતૂ॒ના-ઞ્ચ॑ર્તૂ॒ના-ઞ્ચ॑ સંવઁથ્સ॒રસ્ય॑ ચ નામ॒ધેયા॑નિ॒ વેદ॑ ।
ન ય॑જ્ઞક્ર॒તુષુ॒ નર્તુષુ॒ ન સં॑વઁથ્સ॒ર આર્તિ॒માર્ચ્છ॑તિ । અ॒ગ્નિ॒ષ્ટો॒મ ઉ॒ક્થ્યો᳚-ઽગ્નિર્-ઋ॒તુઃ પ્ર॒જાપ॑તિ-સ્સંવઁથ્સ॒ર ઇતિ॑ ।
એ॒તે॑ ઽનુવા॒કા ય॑જ્ઞક્રતૂ॒ના-ઞ્ચ॑ર્તૂ॒ના-ઞ્ચ॑ સંવઁથ્સ॒રસ્ય॑ ચ નામ॒ધેયા॑નિ ।
ન ય॑જ્ઞક્ર॒તુષુ॒ નર્તુષુ॒ ન સં॑વઁથ્સ॒ર આર્તિ॒માર્ચ્છ॑તિ । ય એ॒વં-વેઁદ॑ ॥
યો હ॒ વૈ મુ॑હૂ॒ર્તાના᳚-મ્મુહૂ॒ર્તાન્. વેદ॑ ।
ન મુ॑હૂ॒ર્તાના᳚-મ્મુહૂ॒ર્તેષ્વાર્તિ॒ માર્ચ્છ॑તિ ॥ 41 ॥
ઇ॒દાની᳚-ન્ત॒દાની॒મિતિ॑ । એ॒તે વૈ મુ॑હૂ॒ર્તાના᳚-મ્મુહૂ॒ર્તાઃ । ન મુ॑હૂ॒ર્તાના᳚-મ્મુહૂ॒ર્તેષ્વાર્તિ॒-માર્ચ્છ॑તિ । ય એ॒વં-વેઁદ॑ ॥
અથો॒ યથા᳚ ક્ષેત્ર॒જ્ઞો ભૂ॒ત્વા ઽનુ॑ પ્ર॒વિશ્યાન્ન॒-મત્તિ॑ । એ॒વમે॒વૈતાન્ ક્ષે᳚ત્ર॒જ્ઞો ભૂ॒ત્વા ઽનુ॑ પ્ર॒વિશ્યા-ન્ન॑મત્તિ । સ એ॒તેષા॑મે॒વ સ॑લો॒કતા॒ગ્મ્॒ સાયુ॑જ્ય-મશ્નુતે ।
અપ॑ પુનર્મૃ॒ત્યુ-ઞ્જ॑યતિ । ય એ॒વં-વેઁદ॑ ॥ 42 ॥
(ન વેદૈ॒ - વં-વેઁદા॑ - નુવા॒કા અ॑દ્ર્ધમા॒સાના᳚-ઞ્ચ॒ મસા॑ના-ઞ્ચ નામ॒ધેયા॑નિ - મુહૂ॒ર્તેષ્વાર્તિ॒માર્ચ્છ॑તિ॒ - +નવ॑ ચ) (અ. 10)
(ઇ॒યમ॑હોરા॒ત્રાણાગ્મ્॑ સ॒જ્ઞાન્ન॑-મ્પૂર્વપ॒ક્ષસ્ય॒ પ્રસ્તુ॑તમપરપ॒ક્ષસ્ય॑ મુહૂ॒ર્તાના᳚-ઞ્ચિ॒ત્રઃ કે॒તુર॑દ્ર્ધમા॒સાના᳚-મ્પ॒વિત્રં॑-યઁજ્ઞક્રતૂ॒નામ॑ગ્નિષ્ટો॒મો ય॑જ્ઞક્રતૂ॒નામિ॒દાની᳚-મ્મુહૂ॒ર્તાના᳚-મ્મુહૂ॒ર્તાન્. વે॒દેદાની॒મથો॒ દ્વાદ॑શ)
અનુવાકં 11 - અનુવાકેષુ નવસુ લેખાસુ નાભ્યા-ઞ્ચેષ્ટકોપધાનં સ્વયમાતૃણ્ણોપધાન-ઞ્ચોચ્યતે
કશ્ચિ॑દ્ધ॒વા અ॒સ્મા-લ્લો॒કા-ત્પ્રેત્ય॑ । આ॒ત્માનં॑-વેઁદ । અ॒ય-મ॒હ-મ॒સ્મીતિ॑ । કશ્ચિ॒થ્સ્વં-લોઁ॒ક-ન્ન પ્રતિ॒ પ્રજા॑નાતિ ॥ અ॒ગ્નિમુ॑ગ્ધો હૈ॒વ ધુ॒મતા᳚ન્તઃ । સ્વં-લોઁ॒ક-ન્ન પ્રતિ॒ પ્રજા॑નાતિ ।
અથ॒ યો હૈ॒વૈત-મ॒ગ્નિગ્મ્ સા॑વિ॒ત્રં-વેઁદ॑ ।
સ એ॒વાસ્મા લ્લો॒કા-ત્પ્રેત્ય॑ । આ॒ત્માનં॑-વેઁદ ।
અ॒ય-મ॒હ-મ॒સ્મીતિ॑ ॥ 43 ॥
સ સ્વં-લોઁ॒ક-મ્પ્રતિ॒ પ્રજા॑નાતિ ॥ એ॒ષ ઉ॑ વે॒વૈન॒-ન્તથ્સા॑વિ॒ત્રઃ । સ્વ॒ર્ગં-લોઁ॒ક-મ॒ભિવ॑હતિ ॥ અ॒હો॒રા॒ત્રૈ ર્વા ઇદગ્મ્ સ॒યુગ્ભિઃ॑ ક્રિયતે । ઇ॒તિ॒ રા॒ત્રાયા॑ દીક્ષિષત । ઇ॒તિ॒ રા॒ત્રાય॑ વ્ર॒ત-મુપા॑ગુ॒રિતિ॑ । તાનિ॒ હાને॑વં-વિઁ॒દુષઃ॑ । અ॒મુષ્મિ॑ન્ ઁલો॒કે શે॑વ॒ધિ-ન્ધ॑યન્તિ ।
ધી॒તગ્મ્ હૈ॒વ સ શે॑વ॒ધિ-મનુ॒પરૈ॑તિ ॥
અથ॒ યો હૈ॒વૈતમ॒ગ્નિગ્મ્ સા॑વિ॒ત્રં-વેઁદ॑ ॥ 44 ॥
તસ્ય॑ હૈ॒વા-હો॑રા॒ત્રાણિ॑ । અ॒મુષ્મિ॑ન્ ઁલો॒કે શે॑વ॒ધિ-ન્ન ધ॑યન્તિ ।
અધી॑તગ્મ્ હૈ॒વ સ શે॑વ॒ધિ-મનુ॒પરૈ॑તિ ॥
ભ॒રદ્વા॑જો હ ત્રિ॒ભિરાયુ॑ર્ભિ ર્બ્રહ્મ॒ચર્ય॑મુવાસ ।
તગ્મ્ હ॒ જીર્ણિ॒ગ્ગ્॒ સ્થવિ॑ર॒ગ્મ્॒ શયા॑નમ્ ।
ઇન્દ્ર॑ ઉપ॒વ્રજ્યો॑ વાચ । ભર॑દ્વાજ । યત્તે॑ ચતુ॒ર્થમાયુ॑ર્દ॒દ્યામ્ । કિમે॑નેન કુર્યા॒ ઇતિ॑ । બ્ર॒હ્મ॒ચર્ય॑મે॒વૈને॑ન ચરેય॒મિતિ॑ હોવાચ ॥ 45 ॥
તગ્મ્ હ॒ ત્રી-ન્ગિ॒રિ-રૂ॑પા॒ન વિ॑જ્ઞાતાનિવ દર્શ॒યા-ઞ્ચ॑કાર । તેષા॒ગ્મ્॒ હૈકૈ॑કસ્મા-ન્મુ॒ષ્ટિના-ઽઽદ॑દે । સ હો॑વાચ ।
ભર॑દ્વા॒જેત્યા॒મન્ત્ર્ય॑ । વેદા॒ વા એ॒તે । અ॒ન॒ન્તા વૈ વેદાઃ᳚ । એ॒તદ્વા એ॒તૈ સ્ત્રિ॒ભિ-રાયુ॑ર્ભિ॒-રન્વ॑વોચથાઃ । અથ॑ ત॒ ઇત॑ર॒-દન॑નૂક્તમે॒વ । એહી॒મં-વિઁ॑દ્ધિ । અ॒યં-વૈઁ સ॑ર્વ વિ॒દ્યેતિ॑ ॥ 46 ॥
તસ્મૈ॑ હૈ॒તમ॒ગ્નિગ્મ્ સા॑વિ॒ત્રમુ॑વાચ । તગ્મ્ સ વિ॑દિ॒ત્વા । અ॒મૃતો॑ ભૂ॒ત્વા । સ્વ॒ર્ગં-લોઁ॒કમિ॑યાય । આ॒દિ॒ત્યસ્ય॒ સાયુ॑જ્યમ્ ॥
અ॒મૃતો॑ હૈ॒વ ભૂ॒ત્વા । સ્વ॒ર્ગં-લોઁ॒કમે॑તિ । આ॒દિ॒ત્યસ્ય॒ સાયુ॑જ્યમ્ । ય એ॒વં-વેઁદ॑ ॥ એ॒ષો એ॒વ ત્રયી॑ વિ॒દ્યા ॥ 47 ॥
યાવ॑ન્તગ્મ્ હ॒ વૈ ત્ર॒ય્યા વિ॒દ્યયા॑ લો॒ક-ઞ્જ॑યતિ । તાવ॑ન્તં-લોઁ॒ક-ઞ્જ॑યતિ । ય એ॒વં-વેઁદ॑ ॥ અ॒ગ્ને ર્વા એ॒તાનિ॑ નામ॒ધેયા॑નિ ।
અ॒ગ્નેરે॒વ સાયુ॑જ્યગ્મ્ સલો॒કતા॑-માપ્નોતિ ।
ય એ॒વં-વેઁદ॑ । વા॒યો ર્વા એ॒તાનિ॑ નામ॒ધેયા॑નિ । વા॒યોરે॒વ સાયુ॑જ્યગ્મ્ સલો॒કતા॑-માપ્નોતિ । ય એ॒વં-વેઁદ॑ । ઇન્દ્ર॑સ્ય॒ વા એ॒તાનિ॑ નામ॒ધેયા॑નિ ॥ 48 ॥
ઇન્દ્ર॑સ્યૈ॒વ સાયુ॑જ્યગ્મ્ સલો॒કતા॑-માપ્નોતિ । ય એ॒વં-વેઁદ॑ ।
બૃહ॒સ્પતે॒ ર્વા એ॒તાનિ॑ નામ॒ધેયા॑નિ ।
બૃહ॒સ્પતે॑રે॒વ સાયુ॑જ્યગ્મ્ સલો॒કતા॑-માપ્નોતિ ।
ય એ॒વં-વેઁદ॑ । પ્ર॒જાપ॑તે॒ ર્વા એ॒તાનિ॑ નામ॒ધેયા॑નિ । પ્ર॒જાપ॑તેરે॒વ સાયુ॑જ્યગ્મ્ સલો॒કતા॑-માપ્નોતિ । ય એ॒વં-વેઁદ॑ ।
બ્રહ્મ॑ણો॒ વા એ॒તાનિ॑ નામ॒ધેયા॑નિ ।
બ્રહ્મ॑ણ એ॒વ સાયુ॑જ્યગ્મ્ સલો॒કતા॑-માપ્નોતિ ।
ય એ॒વં-વેઁદ॑ ॥ સ વા એ॒ષો᳚-ઽગ્નિ-ર॑પક્ષપુ॒ચ્છો વા॒યુરે॒વ ।
તસ્યા॒ગ્નિ ર્મુખ᳚મ્ । અ॒સાવા॑દિ॒ત્ય-શ્શિરઃ॑ ।
સ યદે॒તે દે॒વતે॒ અન્ત॑રેણ ।
તથ્સર્વગ્મ્॑ સીવ્યતિ । તસ્મા᳚-થ્સાવિ॒ત્રઃ ॥ 49 ॥
(અ॒યમ॒હમ॒સ્મીતિ॒ - વેદ॑ - હોવાચ - સર્વવિ॒દ્યેતિ॑ - વિ॒દ્યે - ન્દ્ર॑સ્ય॒ વા એ॒તાનિ॑ નામ॒ધેયા॑નિ॒ - બ્રહ્મ॑ણ એ॒વ સાયુ॑જ્યગ્મ્ સલો॒કતા॑માપ્નોતિ સ॒પ્ત ચ॑) । (અ. 11)
(અ॒ગ્નેર્વા॒યોરિન્દ્ર॑સ્ય॒ બૃહ॒સ્પતેઃ᳚ પ્ર॒જાપ॑તે॒-ર્બ્રહ્મ॑ણ॒-સ્સ વૈ સ॒પ્ત)
(સ॒ઞ્જ્ઞાનં॒ - ભૂ - સ્ત્વમે॒વ - સં॑વઁથ્સ॒રો॑-ઽસિ॒ - ભૂ - રાજ્ઞ્ય - સ॑વ-વિપ॒શ્ચિતે᳚ - પ્ર॒જાપ॑તિ-ર્દે॒વા - નિ॒યં-વાઁવ સ॒રઘા॒ - કશ્ચિ॒દ્ધૈકા॑દશ)
(સ॒ઞ્જ્ઞાન॒ગ્મ્॒ - રાજ્ઞી॑ - મૂ॒દ્ર્ધા હૃદ॑ય - એ॒ષ સં॑વઁથ્સ॒રો - નાદ્ર્ધ॑મા॒સેષુ॒ નવ॑ચત્વારિગ્મ્શત્)
(સ॒ઞ્જ્ઞાનગ્મ્॑ - સાવિ॒ત્રઃ)
॥ હરિઃ॑ ઓમ્ ॥
॥ ઇતિ તૈત્તરીય યજુબ્રાહ્મણે કાઠકે પ્રથમઃ પ્રશ્ન-સ્સમાપ્તઃ ॥
++++++++++++++++++++++++++++++++++++++++++
