କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ନଵମଃ ପ୍ରପାଠକଃ - ଭୃଗୁଵଲ୍ଲୀ

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥

ଭୃଗୁ ଵଲ୍ଲୀ

ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥

ଅନୁଵାକଂ 15
ଭୃଗୁ॒ର୍ଵୈ ଵା॑ରୁ॒ଣିଃ । ଵରୁ॑ଣ॒-ମ୍ପିତ॑ର॒-ମୁପ॑ସସାର । ଅଧୀ॑ହି ଭଗଵୋ॒ ବ୍ରହ୍ମେତି॑ ॥ ତସ୍ମା॑ ଏ॒ତ-ତ୍ପ୍ରୋ॑ଵାଚ । ଅନ୍ନ॑-ମ୍ପ୍ରା॒ଣ-ଞ୍ଚକ୍ଷୁ॒-ଶ୍ଶ୍ରୋତ୍ର॒-ମ୍ମନୋ॒ ଵାଚ॒ମିତି॑ ॥
ତଗ୍​ମ୍ ହୋ॑ଵାଚ । ୟତୋ॒ ଵା ଇ॒ମାନି॒ ଭୂତା॑ନି॒ ଜାୟ॑ନ୍ତେ ।
ୟେନ॒ ଜାତା॑ନି॒ ଜୀଵ॑ନ୍ତି । ୟ-ତ୍ପ୍ରୟ॑ନ୍ତ୍ୟ॒ଭି ସଂ​ଵିଁ॑ଶନ୍ତି ।
ତ-ଦ୍ଵିଜି॑ଜ୍ଞାସସ୍ଵ । ତ-ଦ୍ବ୍ରହ୍ମେତି॑ ॥
ସ ତପୋ॑-ଽତପ୍ୟତ । ସ ତପ॑-ସ୍ତ॒ପ୍ତ୍ଵା ॥ 35 ॥

ଅନ୍ନ॒-ମ୍ବ୍ରହ୍ମେତି॒ ଵ୍ୟ॑ଜାନାତ୍ । ଅ॒ନ୍ନାଦ୍ଧ୍ୟେ॑ଵ ଖଲ୍ଵି॒ମାନି॒ ଭୂତା॑ନି॒ ଜାୟ॑ନ୍ତେ । ଅନ୍ନେ॑ନ॒ ଜାତା॑ନି॒ ଜୀଵ॑ନ୍ତି । ଅନ୍ନ॒-ମ୍ପ୍ରୟ॑ନ୍ତ୍ୟ॒ଭି-ସଂ​ଵିଁ॑ଶ॒ନ୍ତୀତି॑ ॥ ତ-ଦ୍ଵି॒ଜ୍ଞାୟ॑ । ପୁନ॑ରେ॒ଵ ଵରୁ॑ଣ॒-ମ୍ପିତ॑ର॒-ମୁପ॑ସସାର । ଅଧୀ॑ହି ଭଗଵୋ॒ ବ୍ରହ୍ମେତି॑ । ତଗ୍​ମ୍ ହୋ॑ଵାଚ । ତପ॑ସା॒ ବ୍ରହ୍ମ॒ ଵିଜି॑ଜ୍ଞାସସ୍ଵ ।
ତପୋ॒ ବ୍ରହ୍ମେତି॑ । ସ ତପୋ॑-ଽତପ୍ୟତ । ସ ତପ॑-ସ୍ତ॒ପ୍ତ୍ଵା ॥ 36 ॥

ପ୍ରା॒ଣୋ ବ୍ର॒ହ୍ମେତି॒ ଵ୍ୟ॑ଜାନାତ୍ । ପ୍ରା॒ଣାଦ୍ଧ୍ୟେ॑ଵ ଖଲ୍ଵି॒ମାନି॒ ଭୂତା॑ନି॒ ଜାୟ॑ନ୍ତେ । ପ୍ରା॒ଣେନ॒ ଜାତା॑ନି॒ ଜୀଵ॑ନ୍ତି ।
ପ୍ରା॒ଣ-ମ୍ପ୍ରୟ॑ନ୍ତ୍ୟ॒ଭି-ସଂ​ଵିଁ॑ଶ॒ନ୍ତୀତି॑ ॥ ତ-ଦ୍ଵି॒ଜ୍ଞାୟ॑ ।
ପୁନ॑ରେ॒ଵ ଵରୁ॑ଣ॒-ମ୍ପିତ॑ର॒-ମୁପ॑ସସାର । ଅଧୀ॑ହି ଭଗଵୋ॒ ବ୍ରହ୍ମେତି॑ । ତଗ୍​ମ୍ ହୋ॑ଵାଚ । ତପ॑ସା॒ ବ୍ରହ୍ମ॒ ଵିଜି॑ଜ୍ଞାସସ୍ଵ । ତପୋ॒ ବ୍ରହ୍ମେତି॑ । ସ ତପୋ॑-ଽତପ୍ୟତ । ସ ତପ॑-ସ୍ତ॒ପ୍ତ୍ଵା ॥ 37 ॥

ମନୋ॒ ବ୍ରହ୍ମେତି॒ ଵ୍ୟ॑ଜାନାତ୍ । ମନ॑ସୋ॒ ହ୍ୟେ॑ଵ ଖଲ୍ଵି॒ମାନି॒ ଭୂତା॑ନି॒ ଜାୟ॑ନ୍ତେ । ମନ॑ସା॒ ଜାତା॑ନି॒ ଜୀଵ॑ନ୍ତି । ମନଃ॒ ପ୍ରୟ॑ନ୍ତ୍ୟ॒ଭି-ସଂ​ଵିଁ॑ଶ॒ନ୍ତୀତି॑ ॥ ତ-ଦ୍ଵି॒ଜ୍ଞାୟ॑ । ପୁନ॑ରେ॒ଵ ଵରୁ॑ଣ॒-ମ୍ପିତ॑ର॒-ମୁପ॑ସସାର । ଅଧୀ॑ହି ଭଗଵୋ॒ ବ୍ରହ୍ମେତି॑ । ତଗ୍​ମ୍ ହୋ॑ଵାଚ । ତପ॑ସା॒ ବ୍ରହ୍ମ॒ ଵିଜି॑ଜ୍ଞାସସ୍ଵ ।
ତପୋ॒ ବ୍ରହ୍ମେତି॑ । ସ ତପୋ॑-ଽତପ୍ୟତ । ସ ତପ॑-ସ୍ତ॒ପ୍ତ୍ଵା ॥ 38 ॥

ଵି॒ଜ୍ଞାନ॒-ମ୍ବ୍ରହ୍ମେତି॒ ଵ୍ୟ॑ଜାନାତ୍ ।
ଵି॒ଜ୍ଞାନା॒-ଦ୍ଧ୍ୟେ॑ଵ ଖଲ୍ଵି॒ମାନି॒ ଭୂତା॑ନି॒ ଜାୟ॑ନ୍ତେ ।
ଵି॒ଜ୍ଞାନେ॑ନ॒ ଜାତା॑ନି॒ ଜୀଵ॑ନ୍ତି । ଵି॒ଜ୍ଞାନ॒-ମ୍ପ୍ରୟ॑ନ୍ତ୍ୟ॒ଭି-ସଂ​ଵିଁ॑ଶ॒ନ୍ତୀତି॑ ॥
ତ-ଦ୍ଵି॒ଜ୍ଞାୟ॑ । ପୁନ॑ରେ॒ଵ ଵରୁ॑ଣ॒-ମ୍ପିତ॑ର॒-ମୁପ॑ସସାର । ଅଧୀ॑ହି ଭଗଵୋ॒ ବ୍ରହ୍ମେତି॑ । ତଗ୍​ମ୍ ହୋ॑ଵାଚ । ତପ॑ସା॒ ବ୍ରହ୍ମ॒ ଵିଜି॑ଜ୍ଞାସସ୍ଵ । ତପୋ॒ ବ୍ରହ୍ମେତି॑ । ସ ତପୋ॑-ଽତପ୍ୟତ । ସ ତପ॑-ସ୍ତ॒ପ୍ତ୍ଵା ॥ 39 ॥

ଆ॒ନ॒ନ୍ଦୋ ବ୍ର॒ହ୍ମେତି॒ ଵ୍ୟ॑ଜାନାତ୍ । ଆ॒ନନ୍ଦା॒-ଦ୍ଧ୍ୟେ॑ଵ-ଖଲ୍ଵି॒ମାନି॒ ଭୂତା॑ନି॒ ଜାୟ॑ନ୍ତେ ।
ଆ॒ନ॒ନ୍ଦେନ॒ ଜାତା॑ନି॒ ଜୀଵ॑ନ୍ତି । ଆ॒ନ॒ନ୍ଦ-ମ୍ପ୍ରୟ॑ନ୍ତ୍ୟ॒ଭି-ସଂ​ଵିଁ॑ଶ॒ନ୍ତୀତି॑ ॥ ସୈଷା ଭା᳚ର୍ଗ॒ଵୀ ଵା॑ରୁ॒ଣୀ ଵି॒ଦ୍ୟା । ପ॒ର॒ମେ ଵ୍ୟୋ॑ମ॒-ନ୍ପ୍ରତି॑ଷ୍ଠିତା ॥ ୟ ଏ॒ଵଂ-ଵେଁଦ॒ ପ୍ରତି॑ତିଷ୍ଠତି । ଅନ୍ନ॑ଵାନନ୍ନା॒ଦୋ ଭ॑ଵତି ।
ମ॒ହା-ନ୍ଭ॑ଵତି ପ୍ର॒ଜୟା॑ ପ॒ଶୁଭି॑-ର୍ବ୍ରହ୍ମଵର୍ଚ॒ସେନ॑ ।
ମ॒ହାନ୍ କୀ॒ର୍ତ୍ୟା ॥ 40 ॥

ଅନ୍ନ॒-ନ୍ନ ନି॑ନ୍ଦ୍ୟାତ୍ । ତ-ଦ୍ଵ୍ର॒ତମ୍ ॥ ପ୍ରା॒ଣୋ ଵା ଅନ୍ନ᳚ମ୍ । ଶରୀ॑ରମନ୍ନା॒ଦମ୍ । ପ୍ରା॒ଣେ ଶରୀ॑ର॒-ମ୍ପ୍ରତି॑ଷ୍ଠିତମ୍ । ଶରୀ॑ରେ ପ୍ରା॒ଣଃ ପ୍ରତି॑ଷ୍ଠିତଃ ।
ତଦେ॒ତ-ଦନ୍ନ॒-ମନ୍ନେ॒ ପ୍ରତି॑ଷ୍ଠିତମ୍ ॥
ସ ୟ ଏ॒ତ-ଦନ୍ନ॒-ମନ୍ନେ॒ ପ୍ରତି॑ଷ୍ଠିତଂ॒-ଵେଁଦ॒ ପ୍ରତି॑ତିଷ୍ଠତି । ଅନ୍ନ॑ଵା-ନନ୍ନା॒ଦୋ ଭ॑ଵତି ।
ମ॒ହା-ନ୍ଭ॑ଵତି ପ୍ର॒ଜୟା॑ ପ॒ଶୁଭି॑-ର୍ବ୍ରହ୍ମଵର୍ଚ॒ସେନ॑ ।
ମ॒ହାନ୍ କୀ॒ର୍ତ୍ୟା ॥ 41 ॥

ଅନ୍ନ॒-ନ୍ନ ପରି॑ଚକ୍ଷୀତ । ତ-ଦ୍ଵ୍ର॒ତମ୍ । ଆପୋ॒ ଵା ଅନ୍ନ᳚ମ୍ । ଜ୍ୟୋତି॑ରନ୍ନା॒ଦମ୍ । ଅ॒ଫ୍ସୁ ଜ୍ୟୋତିଃ॒ ପ୍ରତି॑ଷ୍ଠିତମ୍ । ଜ୍ୟୋତି॒ଷ୍ୟାପଃ॒ ପ୍ରତି॑ଷ୍ଠିତାଃ ।
ତଦେ॒ତ-ଦନ୍ନ॒-ମନ୍ନେ॒ ପ୍ରତି॑ଷ୍ଠିତମ୍ ॥
ସ ୟ ଏ॒ତ-ଦନ୍ନ॒-ମନ୍ନେ॒ ପ୍ରତି॑ଷ୍ଠିତଂ॒-ଵେଁଦ॒ ପ୍ରତି॑ତିଷ୍ଠତି । ଅନ୍ନ॑ଵା-ନନ୍ନା॒ଦୋ ଭ॑ଵତି । ମ॒ହା-ନ୍ଭ॑ଵତି ପ୍ର॒ଜୟା॑ ପ॒ଶୁଭି॑-ର୍ବ୍ରହ୍ମଵର୍ଚ॒ସେନ॑ ।
ମ॒ହାନ୍ କୀର୍ତ୍ୟା ॥ 42 ॥

ଅନ୍ନ॑-ମ୍ବ॒ହୁ କୁ॑ର୍ଵୀତ । ତ-ଦ୍ଵ୍ର॒ତମ୍ ॥ ପୃ॒ଥି॒ଵୀ ଵା ଅନ୍ନ᳚ମ୍ । ଆ॒କା॒ଶୋ᳚-ଽନ୍ନା॒ଦଃ । ପୃ॒ଥି॒ଵ୍ୟା-ମା॑କା॒ଶଃ ପ୍ରତି॑ଷ୍ଠିତଃ । ଆ॒କା॒ଶେ ପୃ॑ଥି॒ଵୀ ପ୍ରତି॑ଷ୍ଠିତା ।
ତଦେ॒ତ-ଦନ୍ନ॒-ମନ୍ନେ॒ ପ୍ରତି॑ଷ୍ଠିତମ୍ ॥
ସ ୟ ଏ॒ତ-ଦନ୍ନ॒-ମନ୍ନେ॒ ପ୍ରତି॑ଷ୍ଠିତଂ॒-ଵେଁଦ॒ ପ୍ରତି॑ତିଷ୍ଠତି । ଅନ୍ନ॑ଵାନନ୍ନା॒ଦୋ ଭ॑ଵତି । ମ॒ହା-ନ୍ଭ॑ଵତି ପ୍ର॒ଜୟା॑ ପ॒ଶୁଭି॑-ର୍ବ୍ରହ୍ମଵର୍ଚ॒ସେନ॑ ।
ମ॒ହାନ୍ କୀ॒ର୍ତ୍ୟା ॥ 43 ॥

ନ କଞ୍ଚନ ଵସତୌ ପ୍ରତ୍ୟା॑ଚକ୍ଷୀ॒ତ । ତ-ଦ୍ଵ୍ର॒ତମ୍ ॥
ତସ୍ମାଦ୍ୟୟା କୟା ଚ ଵିଧୟା ବହ୍ଵ॑ନ୍ନ-ମ୍ପ୍ରା॒ପ୍ନୁୟାତ୍ ॥
ଅରାଦ୍ଧ୍ୟସ୍ମା ଅନ୍ନମି॑ତ୍ୟାଚ॒କ୍ଷତେ ॥ ଏତଦ୍ଵୈ ମୁଖତୋ᳚-ଽନ୍ନଗ୍​ମ୍ ରା॒ଦ୍ଧମ୍ ।
ମୁଖତୋ-ଽସ୍ମା ଅ॑ନ୍ନଗ୍​ମ୍ ରା॒ଦ୍ଧ୍ୟତେ । ଏତଦ୍ଵୈ ମଦ୍ଧ୍ୟତୋ᳚-ଽନ୍ନଗ୍​ମ୍ ରା॒ଦ୍ଧମ୍ ।
ମଦ୍ଧ୍ୟତୋ-ଽସ୍ମା ଅ॑ନ୍ନଗ୍​ମ୍ ରା॒ଦ୍ଧ୍ୟତେ ।
ଏଦଦ୍ଵା ଅନ୍ତତୋ᳚-ଽନ୍ନଗ୍​ମ୍ ରା॒ଦ୍ଧମ୍ ।
ଅନ୍ତତୋ-ଽସ୍ମା ଅ॑ନ୍ନଗ୍​ମ୍ ରା॒ଦ୍ଧ୍ୟତେ । ॥ 44-ଽ ॥

ୟ ଏ॑ଵଂ-ଵେଁ॒ଦ ॥ କ୍ଷେମ ଇ॑ତି ଵା॒ଚି । ୟୋଗକ୍ଷେମ ଇତି ପ୍ରା॑ଣାପା॒ନୟୋଃ । କର୍ମେ॑ତି ହ॒ସ୍ତୟୋଃ । ଗତି-ରି॑ତି ପା॒ଦୟୋଃ । ଵିମୁକ୍ତି-ରି॑ତି ପା॒ୟୌ । ଇତି ମାନୁଷୀ᳚-ସ୍ସମା॒ଜ୍ଞାଃ ॥ ଅଥ ଦୈ॒ଵୀଃ । ତୃପ୍ତି-ରି॑ତି ଵୃ॒ଷ୍ଟୌ । ବଲ-ମି॑ତି ଵି॒ଦ୍ୟୁତି । ॥ 44.ବ୍ ॥

ୟଶ ଇ॑ତି ପ॒ଶୁଷୁ । ଜ୍ୟୋତିରିତି ନ॑କ୍ଷତ୍ରେ॒ଷୁ ।
ପ୍ରଜାତି-ରମୃତ-ମାନନ୍ଦ ଇ॑ତ୍ୟୁପ॒ସ୍ଥେ । ସର୍ଵ ମି॑ତ୍ୟାକା॒ଶେ ॥
ତ-ତ୍ପ୍ରତିଷ୍ଠେ-ତ୍ୟୁ॑ପାସୀ॒ତ । ପ୍ରତିଷ୍ଠା॑ଵା-ନ୍ଭ॒ଵତି । ତନ୍ମହ ଇତ୍ୟୁ॑ପାସୀ॒ତ । ମ॑ହା-ନ୍ଭ॒ଵତି । ତନ୍ମନ ଇତ୍ୟୁ॑ପାସୀ॒ତ । ମାନ॑ଵା-ନ୍ଭ॒ଵତି । ॥ 44.ଚ୍ ॥

ତନ୍ନମ ଇତ୍ୟୁ॑ପାସୀ॒ତ । ନମ୍ୟନ୍ତେ᳚-ଽସ୍ମୈ କା॒ମାଃ । ତଦ୍ବ୍ରହ୍ମେ-ତ୍ୟୁ॑ପାସୀ॒ତ । ବ୍ରହ୍ମ॑ଵା-ନ୍ଭ॒ଵତି । ତ-ଦ୍ବ୍ରହ୍ମଣଃ ପରିମର ଇତ୍ୟୁ॑ପାସୀ॒ତ । ପର୍ୟେଣ-ମ୍ମ୍ରିୟନ୍ତେ ଦ୍ଵିଷନ୍ତ॑-ସ୍ସପ॒ତ୍ନାଃ । ପରି ୟେ᳚-ଽପ୍ରିୟା᳚ ଭ୍ରାତୃ॒ଵ୍ୟାଃ ॥ ସ ୟଶ୍ଚା॑ୟ-ମ୍ପୁ॒ରୁଷେ । ୟଶ୍ଚାସା॑-ଵାଦି॒ତ୍ୟେ । ସ ଏକଃ॑ । ॥ 44.ଦ୍ ॥

ସ ୟ॑ ଏଵଂ॒-ଵିଁତ୍ । ଅସ୍ମାଲ୍-ଲୋ॑କା-ତ୍ପ୍ରେ॒ତ୍ୟ ।
ଏତମନ୍ନମୟ-ମାତ୍ମାନ-ମୁପ॑ସଙ୍କ୍ର॒ମ୍ୟ ।
ଏତ-ମ୍ପ୍ରାଣମୟ-ମାତ୍ମାନ-ମୁପ॑ସଙ୍କ୍ର॒ମ୍ୟ ।
ଏତ-ମ୍ମନୋମୟ-ମାତ୍ମାନ-ମୁପ॑ସଙ୍କ୍ର॒ମ୍ୟ ।
ଏତଂ-ଵିଁଜ୍ଞାନମୟ-ମାତ୍ମାନ-ମୁପ॑ସଙ୍କ୍ର॒ମ୍ୟ ।
ଏତ ମାନନ୍ଦମୟ ମାତ୍ମାନ ମୁପ॑ସଙ୍କ୍ର॒ମ୍ୟ ।
ଇମାନ୍ ଁଲୋକାନ୍ କାମାନ୍ନୀ କାମ-ରୂପ୍ୟ॑ନୁସ॒ଞ୍ଚରନ୍ନ୍ ।
ଏତ-ଥ୍ସାମ ଗା॑ୟନ୍ନା॒ସ୍ତେ ॥ ହା(3) ଵୁ॒ ହା(3) ଵୁ॒ ହା(3) ଵୁ॑ । ॥ 44ଏ ॥

ଅ॒ହ-ମନ୍ନ-ମ॒ହ-ମନ୍ନ-ମ॒ହମନ୍ନମ୍ ।
ଅ॒ହମନ୍ନା॒ଦୋ(2)-ଽହମନ୍ନା॒ଦୋ(2) ଽହମନ୍ନା॒ଦଃ ।
ଅ॒ହଗ୍ଗ୍​ ଶ୍ଲୋକ॒କୃ-ଦ॒ହଗ୍ଗ୍​ ଶ୍ଲୋକ॒କୃ-ଦ॒ହଗ୍ଗ୍​ ଶ୍ଲୋକ॒କୃତ୍ । ଅ॒ହମସ୍ମି ପ୍ରଥମଜା ଋତା(3) ସ୍ୟ॒ ।
ପୂର୍ଵ-ନ୍ଦେଵେଭ୍ୟୋ ଅମୃତସ୍ୟ ନା(3) ଭା॒ ଇ॒ ।
ୟୋ ମା ଦଦାତି ସ ଇଦେଵ ମା(3)ଵାଃ॒ ।
ଅ॒ହ-ମନ୍ନ॒-ମନ୍ନ॑-ମ॒ଦନ୍ତ॒-ମା(3) ଦ୍ମି॒ ।
ଅ॒ହଂ-ଵିଁଶ୍ଵ॒-ମ୍ଭୁଵ॑ନ॒-ମଭ୍ୟ॑ଭ॒ଵାମ୍ । ସୁଵ॒ର୍ନ ଜ୍ୟୋତୀଃ᳚ ॥ ୟ ଏ॒ଵଂ-ଵେଁଦ॑ ॥ ଇତ୍ୟୁ॑ପ॒ନିଷ॑ତ୍ ॥ 44.f ॥

ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥ ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥

(ଭୃଗୁ॒ସ୍ତ୍ରୟୋ॑ଦ॒ଶା - ନ୍ନ॑ମ୍ - ପ୍ରା॒ଣୋ - ମନୋ॑ - ଵି॒ଜ୍ଞାନ॒-ନ୍ଦ୍ଵାଦ॑ଶ ଦ୍ଵାଦଶା - ନ॒ନ୍ଦୋ ଦଶା - ନ୍ନ॒-ନ୍ନ ନି॑ନ୍ଦ୍ୟା॒ - ଦନ୍ନ॒-ନ୍ନ ପରି॑ଚକ୍ଷୀ॒ତା -ନ୍ନ॑-ମ୍ବ॒ହୁକୁ॑ର୍ଵି॒ ତୈକା॑ଦଶୈକାଦଶ॒ - ନ କଞ୍ଚ ନୈକ॑ଷଷ୍ଟି॒ର୍ଦଶ॑ ) (ଅ. 15)
॥ ଇତି ଭୃଗୁଵଲ୍ଲୀ ସମାପ୍ତା ॥

(ଶ-ନ୍ନଃ॒ - ଶୀକ୍ଷାଗ୍​ମ୍ - ସ॒ହ ନୌ॒ - ୟ ॑007ଆ;ଛନ୍ଦ॑ସା॒ମ୍ - ଭୂଃ - ସ ୟଃ - ପୃ॑ଥି॒ - ଵ୍ୟୋମି - ତ୍ୟୃତ-ଞ୍ଚା॒ - ହମ୍ - ଁଵେଦମନୁଚ୍ୟ - ଶ-ନ୍ନଃ॑ - ସ॒ହ ନା॑ଵଵତୁ - ବ୍ରହ୍ମ॒ଵି-ଦ୍- ଭୃଗୁଃ॒ ପଞ୍ଚ॑ଦଶ)

(ଶ-ନ୍ନୋ॒ - ମହ॒ ଇତ୍ୟା॑ଦି॒ତ୍ୟୋ - ନୋ ଇ॑ତରା॒ଣ୍ୟ - ସ॑ନ୍ନେ॒ଵା - ନ୍ନ॒-ନ୍ନ ନି॑ନ୍ଦ୍ୟା॒ଚ୍ଚତୁ॑ଶ୍ଚତ୍ଵାରିଗ୍​ମ୍ଶତ୍ )

(ଶନ୍ନ॒ - ଇତ୍ୟୁ॑ପ॒ନିଷ॑ତ୍ )

॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ନଵମଃ ପ୍ରପାଠକ-ସ୍ସମାପ୍ତଃ ॥