યા તે॑ રુદ્ર શિ॒વા ત॒નૂરઘો॒રા-ઽપા॑પકાશિની ।
તયા॑ ન સ્ત॒નુવા॒ શંત॑મયા॒ ગિરિ॑શંતા॒ભિ ચા॑કશીહિ ।
શિખાયૈ નમઃ । 1
અ॒સ્મિન્ મ॑હ॒ત્ય॑ર્ણ॒વે᳚-ઽંતરિ॑ક્ષે ભ॒વા અધિ॑ ।
તેષાગ્મ્॑ સહસ્રયોજ॒ને-ઽવ॒ધન્વા॑નિ તન્મસિ ।
શિરસે નમઃ । 2
સ॒હસ્રા॑ણિ સહસ્ર॒શો યે રુ॒દ્રા અધિ॒ ભૂમ્યા᳚મ્ ।
તેષાગ્મ્॑ સહસ્ર-યોજ॒ને-ઽવ॒ધન્વા॑નિ તન્મસિ ।
લલાટાય નમઃ । 3
હ॒ગ્મ્॒સ-શ્શુ॑ચિ॒ષ-દ્વસુ॑રંતરિક્ષ॒સદ્ધોતા॑ વેદિ॒ષદતિ॑થિ-ર્દુરોણ॒સત્ ।
નૃ॒ષદ્વ॑ર॒-સદૃ॑ત॒-સદ્વ્યો॑મ॒ સદ॒બ્જા ગો॒જા ઋ॑ત॒જા અ॑દ્રિ॒જા ઋ॒તં બૃ॒હત્ ।
ભ્રુવોર્મદ્ધ્યાય નમઃ । 4
ત્ર્ય॑બંકં-યઁજામહે સુગં॒ધિં પુ॑ષ્ટિ॒વર્ધ॑નમ્ ।
ઉ॒ર્વા॒રુ॒કમિ॑વ॒ બંધ॑નાન્
મૃ॒ત્યો-ર્મુ॑ક્ષીય॒ માઽમૃતા᳚ત્ ।
નેત્રાભ્યાં નમઃ । 5
નમઃ॒ સ્રુત્યા॑ય ચ॒ પથ્યા॑ય ચ॒ નમઃ॑ કા॒ટ્યા॑ય ચ ની॒પ્યા॑ય ચ ।
કર્ણાભ્યાં નમઃ । 6
મા ન॑સ્તો॒કે તન॑યે॒ મા ન॒ આયુ॑ષિ॒ મા નો॒ ગોષુ॒ મા નો॒ અશ્વે॑ષુ રીરિષઃ ।
વી॒રાન્માનો॑ રુદ્ર ભામિ॒તો વ॑ધી-ર્હ॒વિષ્મં॑તો॒ નમ॑સા વિધેમ તે ।
નાસિકાભ્યાં નમઃ । 7
અ॒વ॒તત્ય॒ ધનુ॒સ્ત્વગ્મ્ સહ॑સ્રાક્ષ॒ શતે॑ષુધે ।
નિ॒શીર્ય॑ શ॒લ્યાનાં॒ મુખા॑ શિ॒વો નઃ॑ સુ॒મના॑ ભવ ।
મુખાય નમઃ । 8
નીલ॑ગ્રીવા શ્શિતિ॒કંઠાઃ᳚ શ॒ર્વા અ॒ધઃ ક્ષ॑માચ॒રાઃ ।
તેષાગ્મ્॑ સહસ્રયોજ॒નેઽ વ॒ધન્વા॑નિ તન્મસિ ।
કંઠાય નમઃ । 9.1
નીલ॑ગ્રીવા-શ્શિતિ॒કંઠા॒ દિવગ્મ્॑ રુ॒દ્રા ઉપ॑શ્રિતાઃ ।
તેષાગ્મ્॑ સહસ્રયોજ॒નેઽ વ॒ધન્વા॑નિ તન્મસિ ।
ઉપકંઠાય નમઃ । 9.2
નમ॑સ્તે અ॒સ્ત્વાયુ॑ધા॒યા-ના॑તતાય ધૃ॒ષ્ણવે᳚ ।
ઉ॒ભાભ્યા॑મુ॒ત તે॒ નમો॑ બા॒હુભ્યાં॒ તવ॒ ધન્વ॑ને ।
બાહુભ્યાં નમઃ । 10
યા તે॑ હે॒તિ-ર્મી॑ઢુષ્ટમ॒ હસ્તે॑ બ॒ભૂવ॑ તે॒ ધનુઃ॑ ।
તયા॒ઽસ્માન્ વિ॒શ્વત॒સ્ત્વ-મ॑ય॒ક્ષ્મયા॒ પરિ॑બ્ભુજ ।
ઉપબાહુભ્યાં નમઃ । 11
પરિ॑ણો રુ॒દ્રસ્ય॑ હે॒તિ-ર્વૃ॑ણક્તુ॒ પરિ॑ત્વે॒ષસ્ય॑ દુર્મ॒તિર॑ઘા॒યોઃ ।
અવ॑ સ્થિ॒રા મ॒ઘવ॑દ્ભ્યઃ તનુષ્વ॒ મીઢ્વ॑સ્તો॒કાય॒ તન॑યાય મૃડય ।
મણિબંધાભ્યાં નમઃ । 12
યે તી॒ર્થાનિ॑ પ્ર॒ચરં॑તિ સૃ॒કાવં॑તો નિષં॒ગિણઃ॑ ।
તેષાગ્મ્॑ સહસ્રયોજ॒નેઽ વ॒ધન્વા॑નિ તન્મસિ ।
હસ્તાભ્યાં નમઃ । 13
સ॒દ્યો જા॒તં પ્ર॑પદ્યા॒મિ॒ સ॒દ્યો જા॒તાય॒ વૈ નમો॒ નમઃ॑ ।
ભ॒વે ભ॑વે॒ નાતિ॑ ભવે ભવસ્વ॒ મામ્ । ભ॒વોદ્-ભ॑વાય॒ નમઃ॑ ॥
અગુંષ્ઠાભ્યાં નમઃ । 14.1
વા॒મ॒દે॒વાય॒ નમો᳚ જ્યે॒ષ્ઠાય॒ નમઃ॑ શ્રે॒ષ્ઠાય॒ નમો॑ રુ॒દ્રાય॒ નમઃ॒ કાલા॑ય॒ નમઃ॒ કલ॑વિકરણાય॒ નમો॒ બલ॑વિકરણાય॒ નમો॒ બલા॑ય॒ નમો॒ બલ॑પ્રમથનાય॒ નમઃ॒ સર્વ॑ભૂતદમનાય॒ નમો॑ મ॒નોન્મ॑નાય॒ નમઃ॑ ।
તર્જનીભ્યાં નમઃ । 14.2
અ॒ઘોરે᳚ભ્યો ઽથ॒ઘોરે᳚ભ્યો॒ ઘોર॒ઘોર॑તરેભ્યઃ ।
સર્વે᳚ભ્યઃ સર્વ॒ શર્વે᳚ભ્યો॒ નમ॑સ્તે અસ્તુ રુ॒દ્ર રૂ॑પેભ્યઃ ॥
મદ્ધ્યમાભ્યાં નમઃ । 14.3
તત્પુરુ॑ષાય વિ॒દ્મહે॑ મહાદે॒વાય॑ ધીમહિ ।
તન્નો॑ રુદ્રઃ પ્રચો॒દયા᳚ત્ ॥
અનામિકાભ્યાં નમઃ । 14.4
ઈશાનઃ સર્વ॑વિદ્યા॒ના॒-મીશ્વરઃ સર્વ॑ભૂતા॒નાં॒
રહ્માધિ॑પતિ॒-ર્બ્રહ્મ॒ણો ઽધિ॑પતિ॒-ર્બ્રહ્મા॑ શિ॒વો મે॑ અસ્તુ સદાશિ॒વોમ્ ॥
કનિષ્ઠિકાભ્યાં નમઃ । 14.5
નમો॑ વઃ કિરિ॒કેભ્યો॑ દે॒વાના॒ગ્મ્॒ હૃદ॑યેભ્યઃ ।
હૃદયાય નમઃ । 15
નમો॑ ગ॒ણેભ્યો॑ ગ॒ણપ॑તિભ્યશ્ચ વો॒ નમઃ॑ ।
પૃષ્ઠાય નમઃ । 16
નમો॒ હિર॑ણ્યબાહવે સેના॒ન્યે॑ દિ॒શાંચ॒ પત॑યે॒ નમઃ॑ ।
પાર્શ્વાભ્યાં નમઃ । 17
વિજ્યં॒ ધનુઃ॑ કપ॒ર્દિનો॒ વિશ॑લ્યો॒ બાણ॑વાગ્મ્ ઉ॒ત ।
અને॑શન્ન॒સ્યેષ॑વ આ॒ભુર॑સ્ય નિષં॒ગથિઃ॑ ।
જઠરાય નમઃ । 18
હિ॒ર॒ણ્ય॒ગ॒ર્ભ સ્સમ॑વર્ત॒તાગ્રે॑ ભૂ॒તસ્ય॑ જા॒તઃ પતિ॒રેક॑ આસીત્ ।
સદા॑ધાર પૃથિ॒વીં દ્યામુ॒તેમાં કસ્મૈ॑ દે॒વાય॑ હ॒વિષા॑ વિધેમ ।
નાભ્યૈ નમઃ । 19
મીઢુ॑ષ્ટમ॒ શિવ॑તમ શિ॒વો ન॑સ્સુ॒મના॑ ભવ ।
પ॒ર॒મે વૃ॒ક્ષ આયુ॑ધં નિ॒ધાય॒ કૃત્તિં॒-વઁસા॑ન॒ આચ॑ર॒ પિના॑કં॒ બિભ્ર॒દાગ॑હિ ।
કઠ્યૈ નમઃ । 20
યે ભૂ॒તાના॒-મધિ॑પતયો વિશિ॒ખાસઃ॑ કપ॒ર્દિ॑નઃ ।
તેષાગ્મ્॑ સહસ્રયોજ॒ને ઽવ॒ધન્વા॑નિ તન્મસિ ।
ગુહ્યાય નમઃ । 21
યે અન્ને॑ષુ વિ॒વિદ્ધ્યં॑તિ॒ પાત્રે॑ષુ॒ પિબ॑તો॒ જનાન્॑ ।
તેષાગ્મ્॑ સહસ્રયોજ॒નેઽ વ॒ધન્વા॑નિ તન્મસિ ।
અંડાભ્યાં નમઃ । 22
સ॒ શિ॒રા જા॒તવે॑દા અ॒ક્ષરં॑ પર॒મં પ॒દમ્ ।
વેદા॑ના॒ગ્મ્॒ શિર॑સિ મા॒તા॒ આ॒યુ॒ષ્મંતં॑ કરોતુ॒ મામ્ ।
અપાનાય નમઃ । 23
મા નો॑ મ॒હાંત॑મુ॒ત મા નો॑ અર્ભ॒કં મા ન॒ ઉક્ષં॑તમુ॒ત મા ન॑ ઉક્ષિ॒તમ્ ।
મા નો॑ વધીઃ પિ॒તરં॒ મોત મા॒તરં॑ પ્રિ॒યા મા ન॑સ્ત॒નુવો॑ રુદ્ર રીરિષઃ ।
ઊરુભ્યાં નમઃ । 24
એ॒ષ તે॑ રુદ્રભા॒ગ-સ્તંજુ॑ષસ્વ॒ તેના॑વ॒સેન॑ પ॒રો
મૂજ॑વ॒તો-ઽતી॒હ્યવ॑તત-ધન્વા॒ પિના॑કહસ્તઃ॒ કૃત્તિ॑વાસાઃ ।
જાનુભ્યાં નમઃ । 25
સ॒ગ્મ્॒ સૃ॒ષ્ટ॒જિથ્સો॑મ॒પા બા॑હુ-શ॒ર્ધ્યૂ᳚ર્ધ્વ ધ॑ન્વા॒ પ્રતિ॑હિતા-ભિ॒રસ્તા᳚ ।
બૃહ॑સ્પતે॒ પરિ॑દીયા॒ રથે॑ન રક્ષો॒હા-ઽમિત્રાગ્મ્॑ અપ॒બાધ॑માનઃ ।
જંઘાભ્યાં નમઃ । 26
વિશ્વં॑ ભૂ॒તં ભુવ॑નં ચિ॒ત્રં બ॑હુ॒ધા જા॒તં જાય॑માનં ચ॒ યત્ ।
સર્વો॒ હ્યે॑ષ રુ॒દ્ર-સ્તસ્મૈ॑ રુ॒દ્રાય॒ નમો॑ અસ્તુ ॥
ગુલ્ફાભ્યાં નમઃ । 27
યે પ॒થાં પ॑થિ॒રક્ષ॑ય ઐલબૃ॒દા ય॒વ્યુધઃ॑ ।
તેષાગ્મ્॑ સહસ્રયોજ॒ને ઽવ॒ધન્વા॑નિ તન્મસિ ।
પાદાભ્યાં નમઃ । 28
અદ્ધ્ય॑વોચ-દધિવ॒ક્તા પ્ર॑થ॒મો દૈવ્યો॑ ભિ॒ષક્ ।
અહીગ્ગ્॑શ્ચ॒ સર્વા᳚ન્ જ॒ભંયઁ॒ન્ થ્સર્વા᳚શ્ચ યાતુ ધા॒ન્યઃ॑ ।
કવચાય હુમ્ । 29
નમો॑ બિ॒લ્મિને॑ ચ કવ॒ચિને॑ ચ॒
નમઃ॑ શ્રુ॒તાય॑ ચ શ્રુતસે॒નાય॑ ચ ।
ઉપકવચાય હુમ્ । 30
નમો॑ અસ્તુ॒ નીલ॑ગ્રીવાય સહસ્રા॒ક્ષાય॑ મી॒ઢુષે᳚ ।
અથો॒ યે અ॑સ્ય॒ સત્વા॑નો॒ઽહં તેભ્યો॑ઽકર॒ન્નમઃ॑ ।
તૃતીય નેત્રાય નમઃ । 31
પ્રમું॑ચ॒ ધન્વ॑ન॒સ્ત્વ-મુ॒ભયો॒-રાર્ત્નિ॑યો॒ર્જ્યામ્ ।
યાશ્ચ॑ તે॒ હસ્ત॒ ઇષ॑વઃ॒ પરા॒ તા ભ॑ગવો વપ ।
અસ્ત્રાય ફટ્ । 32
ય એ॒તાવં॑તશ્ચ॒ ભૂયાગ્મ્॑સશ્ચ॒ દિશો॑ રુ॒દ્રા વિ॑તસ્થિ॒રે ।
તેષાગ્મ્॑॑ સહસ્રયોજ॒ને ઽવ॒ધન્વા॑નિ તન્મસિ ।
ઇતિ દિગ્બંધઃ । 33
-----------ઇતિ પ્રથમ ન્યાસઃ------------
(શિખાદિ અસ્ત્રપર્યંતં એકત્રિંશદંગન્યાસઃ દિગ્બંધ સહિતઃ પ્રથમઃ)
