મનો॒ જ્યોતિ॑ ર્જુષતા॒-માજ્યં॒-વિઁચ્છિ॑ન્નં-યઁ॒જ્ઞગ્મ્ સમિ॒મં દ॑ધાતુ ।
યા ઇ॒ષ્ટા ઉ॒ષસો॑ નિ॒મ્રુચ॑શ્ચ॒ તાસ્સંદ॑ધામિ હ॒વિષા॑ ઘૃ॒તેન॑ ।
(ગુહ્યાય નમઃ) । 1 (તૈ. સં. 1.5.10.2)
અબો᳚દ્ધ્ય॒ગ્નિઃ સ॒મિધા॒ જના॑નાં॒ પ્રતિ॑ધે॒નુ-મિ॑વાય॒તી મુ॒ષાસ᳚મ્ ।
ય॒હ્વા ઇ॑વ॒ પ્રવ॒યા-મુ॒જ્જિહા॑નાઃ॒ પ્રભા॒નવઃ॑ સિસ્રતે॒ નાક॒મચ્છ॑ ।
(નાભ્યૈ નમઃ) । 2 (તૈ. સં. 4.4.4.2)
અ॒ગ્નિ ર્મૂ॒ર્ધા દિ॒વઃ ક॒કુત્પતિઃ॑ પૃથિ॒વ્યા અ॒યમ્ ।
અ॒પાગ્મ્ રેતાગ્મ્॑સિ જિન્વતિ । (હૃદયાય નમઃ) । 3 (તૈ. સં. 1.5.5.1)
મૂ॒ર્ધાનં॑ દિ॒વો અ॑ર॒તિં પૃ॑થિ॒વ્યા વૈ᳚શ્વાન॒ર-મૃ॒તાય॑ જા॒તમ॒ગ્નિમ્ ।
ક॒વિગ્મ્ સ॒મ્રાજ॒-મતિ॑થિં॒ જના॑ના-મા॒સન્ના પાત્રં॑ જનયંત દે॒વાઃ । (કંઠાય નમઃ) । 4 (તૈ. સં. 1.4.13.1)
મર્મા॑ણિ તે॒ વર્મ॑ભિશ્છા-દયામિ॒ સોમ॑સ્ત્વા॒ રાજા॒ઽમૃ॑તે ના॒ભિવ॑સ્તામ્ ।
ઉ॒રો ર્વરી॑યો॒ વરિ॑વસ્તે અસ્તુ॒ જ॑યંતં॒ ત્વા મનુ॑મદંતુ દે॒વાઃ ।
(મુખાય નમઃ) । 5 (તૈ. સં. 4.6.4.5)
જા॒તવે॑દા॒ યદિ॑ વા પાવ॒કોઽસિ॑ । વૈ॒શ્વા॒ન॒રો યદિ॑ વા વૈદ્યુ॒તોઽસિ॑ ।
શં પ્ર॒જાભ્યો॒ યજ॑માનાય લો॒કમ્ । ઊર્જં॒ પુષ્ટિં॒ દદ॑ દ॒ભ્યાવ॑ વૃથ્સ્વ ॥ (શિરસે નમઃ) ॥ 6 (તૈ. બ્રા. 3.10.5.1)
