ഓമ് ॥
(തൈ.സം.1.8.22)
പ്ര ണോ॑ ദേ॒വീ സര॑സ്വതീ॒ വാജേ॑ഭിർവാ॒ജിനീ॑വതീ ।
ധീ॒നാമ॑വി॒ത്ര്യ॑വതു ॥
ആ നോ॑ ദി॒വോ ബൃ॑ഹ॒തഃ പർവ॑താ॒ദാ സര॑സ്വതീ യജ॒താ ഗ॑ന്തു യ॒ജ്ഞമ് ।
ഹവ॑-ന്ദേ॒വീ ജു॑ജുഷാ॒ണാ ഘൃ॒താചീ॑ ശ॒ഗ്മാ-ന്നോ॒ വാച॑മുശ॒തീ ശൃ॑ണോതു ॥
(തൈ.സം.4.1.11)
പാവീ॑രവീ ക॒ന്യാ॑ ചി॒ത്രായു॒-സ്സര॑സ്വതീ വീ॒രപ॑ത്നീ॒ ധിയ॑-ന്ധാത് ।
ഗ്നാഭി॒രച്ഛി॑ദ്രഗ്മ് ശര॒ണഗ്മ് സ॒ജോഷാ॑ ദുരാ॒ധര്ഷ॑-ങ്ഗൃണ॒തേ ശര്മ॑ യഗ്മ്സത് ॥
(ഋ.വേ.7.95.5)
ഇ॒മാ ജുഹ്വാ᳚നാ യു॒ഷ്മദാ നമോ᳚ഭിഃ॒ പ്രതി॒ സ്തോമം᳚ സരസ്വതി ജുഷസ്വ ।
തവ॒ ശര്മ᳚ന്പ്രി॒യത॑മേ॒ ദധാ᳚നാ॒ ഉപ॑ സ്ഥേയാമ ശര॒ണ-ന്ന വൃ॒ക്ഷമ് ॥
(ഋ.വേ.1.164.49)
യസ്തേ॒ സ്തന॑-ശ്ശശ॒യോ യോ മ॑യോ॒ഭൂര്യേന॒ വിശ്വാ॒ പുഷ്യ॑സി॒ വാര്യാ॑ണി ।
യോ ര॑ത്ന॒ധാ വ॑സു॒വിദ്യ-സ്സു॒ദത്ര॒-സ്സര॑സ്വതി॒ തമി॒ഹ ധാത॑വേ കഃ ॥
(ഋ.വേ.6.61.14)
സര॑സ്വത്യ॒ഭി നോ᳚ നേഷി॒ വസ്യോ॒ മാപ॑ സ്ഫരീഃ॒ പയ॑സാ॒ മാ ന॒ ആ ധ॑ക് ।
ജു॒ഷസ്വ॑ ന-സ്സ॒ഖ്യാ വേ॒ശ്യാ᳚ ച॒ മാ ത്വ-ത്ക്ഷേത്രാ॒ണ്യര॑ണാനി ഗന്മ ॥
(ഋ.വേ.6.61.2)
ഇ॒യം ശുഷ്മേ᳚ഭിര്ബിസ॒ഖാ ഇ॑വാരുജ॒ത്സാനു॑ ഗിരീ॒ണാ-ന്ത॑വി॒ഷേഭി॑രൂ॒ര്മിഭിഃ॑ ।
പാ॒രാ॒വ॒ത॒ഘ്നീമവ॑സേ സുവൃ॒ക്തിഭി॑സ്സര॑സ്വതീ॒ മാ വി॑വാസേമ ധീ॒തിഭിഃ॑ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
