ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ದ್ವಿತೀಯಾಷ್ಟಕೇ ತೃತೀಯಃ ಪ್ರಪಾಠಕಃ - ಹೋತೃಬ್ರಾಹ್ಮಣಶೇಷಃ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಅನುವಾಕಂ 1 - ಸರ್ವೇಷಾಂ ಹೋತೃಮನ್ತ್ರಾಣಾ-ಞ್ಚತುರ್​ಹೋತೃಶಬ್ದೇನ ವ್ಯವಹಾರ

ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಕಿ-ಞ್ಚತು॑ರ್​ಹೋತೃಣಾ-ಞ್ಚತುರ್​ಹೋತೃ॒ತ್ವಮಿತಿ॑ । ಯದೇ॒ವೈಷು ಚ॑ತು॒ರ್ಧಾ ಹೋತಾ॑ರಃ । ತೇನ॒ ಚತು॑ರ್​ಹೋತಾರಃ । ತಸ್ಮಾ॒ಚ್ಚತು॑ರ್​ಹೋತಾರ ಉಚ್ಯನ್ತೇ । ತಚ್ಚತು॑ರ್​ಹೋತೃಣಾ-ಞ್ಚತುರ್​ಹೋತೃ॒ತ್ವಮ್ ॥ ಸೋಮೋ॒ ವೈ ಚತು॑ರ್​ಹೋತಾ । ಅ॒ಗ್ನಿಃ ಪಞ್ಚ॑ಹೋತಾ । ಧಾ॒ತಾ ಷಡ್ಢೋ॑ತಾ । ಇನ್ದ್ರ॑-ಸ್ಸ॒ಪ್ತಹೋ॑ತಾ ॥ 1 ॥

ಪ್ರ॒ಜಾಪ॑ತಿ॒-ರ್ದಶ॑ಹೋತಾ । ಯ ಏ॒ವ-ಞ್ಚತು॑ರ್​ಹೋತೃಣಾ॒-ಮೃದ್ಧಿಂ॒-ವೇಁದ॑ । ಋ॒ಧ್ನೋತ್ಯೇ॒ವ ॥ ಯ ಏ॑ಷಾಮೇ॒ವ-ಮ್ಬ॒ನ್ಧುತಾಂ॒-ವೇಁದ॑ । ಬನ್ಧು॑ಮಾನ್ಭವತಿ । ಯ ಏ॑ಷಾಮೇ॒ವ-ಙ್ಕ್ಲೃಪ್ತಿಂ॒-ವೇಁದ॑ । ಕಲ್ಪ॑ತೇ-ಽಸ್ಮೈ । ಯ ಏ॑ಷಾಮೇ॒ವ-ಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್-ಭವತಿ । ಯ ಏ॑ಷಾಮೇ॒ವ-ಮ್ಪ್ರ॑ತಿ॒ಷ್ಠಾಂ-ವೇಁದ॑ ॥ 2 ॥

ಪ್ರತ್ಯೇ॒ವ ತಿ॑ಷ್ಠತಿ ॥ ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ದಶ॑ಹೋತಾ॒ ಚತು॑ರ್​ಹೋತಾ । ಪಞ್ಚ॑ಹೋತಾ॒ ಷಡ್ಢೋ॑ತಾ ಸ॒ಪ್ತಹೋ॑ತಾ । ಅಥ॒ ಕಸ್ಮಾ॒ಚ್ಚತು॑ರ್​ಹೋತಾರ ಉಚ್ಯನ್ತ॒ ಇತಿ॑ । ಇನ್ದ್ರೋ॒ ವೈ ಚತು॑ರ್​ಹೋತಾ । ಇನ್ದ್ರಃ॒ ಖಲು॒ ವೈ ಶ್ರೇಷ್ಠೋ॑ ದೇ॒ವತಾ॑ನಾ-ಮುಪ॒ದೇಶ॑ನಾತ್ । ಯ ಏ॒ವಮಿನ್ದ್ರ॒ಗ್ಗ್॒ ಶ್ರೇಷ್ಠ॑-ನ್ದೇ॒ವತಾ॑ನಾ-ಮುಪ॒ದೇಶ॑ನಾ॒-ದ್ವೇದ॑ । ವಸಿ॑ಷ್ಠ-ಸ್ಸಮಾ॒ನಾನಾ᳚-ಮ್ಭವತಿ । ತಸ್ಮಾ॒ಚ್ಛ್ರೇಷ್ಠ॑ಮಾ॒ಯನ್ತ॑-ಮ್ಪ್ರಥ॒ಮೇನೈ॒ವಾನು॑ಬುದ್ಧ್ಯನ್ತೇ । ಅ॒ಯಮಾಗನ್ನ್॑ । ಅ॒ಯಮವಾ॑ಸಾ॒ದಿತಿ॑ । ಕೀ॒ರ್ತಿರ॑ಸ್ಯ॒ ಪೂರ್ವಾ-ಽಽಗ॑ಚ್ಛತಿ ಜ॒ನತಾ॑ಮಾಯ॒ತಃ । ಅಥೋ॑ ಏನ-ಮ್ಪ್ರಥ॒ಮೇನೈ॒ವಾನು॑ ಬುದ್ಧ್ಯನ್ತೇ । ಅ॒ಯಮಾಗನ್ನ್॑ । ಅ॒ಯಮವಾ॑ಸಾ॒ದಿತಿ॑ ॥ 3 ॥
(ಸ॒ಪ್ತಹೋ॑ತಾ - ಪ್ರತಿ॒ಷ್ಠಾಂ-ವೇಁದ॑ - ಬುದ್ಧ್ಯನ್ತೇ॒ ಷಟ್ಚ॑) (ಅ. 1)

ಅನುವಾಕಂ 2 - ನೈಮಿತ್ತಿಕೋ ಹೋತೃಮನ್ತ್ರಹೋಮಃ
ದಖ್ಷಿ॑ಣಾ-ಮ್ಪ್ರತಿಗ್ರಹೀ॒ಷ್ಯನ್-ಥ್ಸ॒ಪ್ತದ॑ಶ॒ ಕೃತ್ವೋ-ಽಪಾ᳚ನ್ಯಾತ್ । ಆ॒ತ್ಮಾನ॑ಮೇ॒ವ ಸಮಿ॑ನ್ಧೇ । ತೇಜ॑ಸೇ ವೀ॒ರ್ಯಾ॑ಯ । ಅಥೋ᳚ ಪ್ರ॒ಜಾಪ॑ತಿರೇ॒ವೈನಾ᳚-ಮ್ಭೂ॒ತ್ವಾ ಪ್ರತಿ॑ ಗೃಹ್ಣಾತಿ । ಆ॒ತ್ಮನೋ ಽನಾ᳚ರ್ತ್ಯೈ ॥ ಯದ್ಯೇ॑ನ॒ಮಾರ್ತ್-ವಿ॑ಜ್ಯಾ-ದ್ವೃ॒ತಗ್ಂ ಸನ್ತ॑-ನ್ನಿ॒ರ್​ಹರೇ॑ರನ್ನ್ । ಆಗ್ನೀ᳚ದ್ಧ್ರೇ ಜುಹುಯಾ॒-ದ್ದಶ॑ಹೋತಾರಮ್ । ಚ॒ತು॒ರ್ಗೃ॒ಹೀ॒ತೇನಾಜ್ಯೇ॑ನ । ಪು॒ರಸ್ತಾ᳚ತ್-ಪ್ರ॒ತ್ಯನ್ತಿಷ್ಠನ್ನ್॑ । ಪ್ರ॒ತಿ॒ಲೋ॒ಮಂ-ವಿಁ॒ಗ್ರಾಹ᳚ಮ್ ॥ 4 ॥

ಪ್ರಾ॒ಣಾನೇ॒ವಾಸ್ಯೋಪ॑ದಾಸಯತಿ ॥ ಯದ್ಯೇ॑ನ॒-ಮ್ಪುನ॑ರುಪ॒ ಶಿಖ್ಷೇ॑ಯುಃ । ಆಗ್ನೀ᳚ದ್ಧ್ರ ಏ॒ವ ಜು॑ಹುಯಾ॒-ದ್ದಶ॑ಹೋತಾರಮ್ । ಚ॒ತು॒ರ್ಗೃ॒ಹೀ॒ತೇನಾಜ್ಯೇ॑ನ । ಪ॒ಶ್ಚಾ-ತ್ಪ್ರಾಂಆಸೀ॑ನಃ । ಅ॒ನು॒ಲೋ॒ಮ-ಮವಿ॑ಗ್ರಾಹಮ್ । ಪ್ರಾ॒ಣಾನೇ॒ವಾಸ್ಮೈ॑ ಕಲ್ಪಯತಿ ॥ ಪ್ರಾಯ॑ಶ್ಚಿತ್ತೀ॒-ವಾಘೋತೇ-ತ್ಯೃ॑ತುಮು॒ಖ ಋ॑ತುಮುಖೇ ಜುಹೋತಿ । ಋ॒ತೂನೇ॒ವಾಸ್ಮೈ॑ ಕಲ್ಪಯತಿ । ಕಲ್ಪ॑ನ್ತೇ-ಽಸ್ಮಾ ಋ॒ತವಃ॑ ॥ 5 ॥

ಕ್ಲೃ॒ತಾ ಅ॑ಸ್ಮಾ ಋ॒ತವ॒ ಆಯ॑ನ್ತಿ ॥ ಷಡ್ಢೋ॑ತಾ॒ ವೈ ಭೂ॒ತ್ವಾ ಪ್ರ॒ಜಾಪ॑ತಿರಿ॒ದಗ್ಂ ಸರ್ವ॑ಮಸೃಜತ । ಸ ಮನೋ॑-ಽಸೃಜತ । ಮನ॒ಸೋ-ಽಧಿ॑ ಗಾಯ॒ತ್ರೀಮ॑ಸೃಜತ । ತದ್ಗಾ॑ಯ॒ತ್ರೀಂ-ಯಁಶ॑ ಆರ್ಚ್ಛತ್ । ತಾಮಾ-ಽಲ॑ಭತ । ಗಾ॒ಯ॒ತ್ರಿ॒ಯಾ ಅಧಿ॒ ಛನ್ದಾಗ್॑ಸ್ಯ ಸೃಜತ । ಛನ್ದೋ॒ಭ್ಯೋ-ಽಧಿ॒ ಸಾಮ॑ । ತ-ಥ್ಸಾಮ॒ ಯಶ॑ ಆರ್ಚ್ಛತ್ । ತದಾ-ಽಲ॑ಭತ ॥ 6 ॥

ಸಾಮ್ನೋ-ಽಧಿ॒ ಯಜೂಗ್॑ಷ್ಯಸೃಜತ । ಯಜು॒ರ್ಭ್ಯೋ-ಽಧಿ॒ ವಿಷ್ಣು᳚ಮ್ । ತ-ದ್ವಿಷ್ಣುಂ॒-ಯಁಶ॑ ಆರ್ಚ್ಛತ್ । ತಮಾ-ಽಲ॑ಭತ । ವಿ॒ಷ್ಣೋರದ್ಧ್ಯೋಷ॑ಧೀರಸೃಜತ । ಓಷ॑ಧೀ॒ಭ್ಯೋ-ಽಧಿ॒ ಸೋಮ᳚ಮ್ । ತ-ಥ್ಸೋಮಂ॒-ಯಁಶ॑ ಆರ್ಚ್ಛತ್ । ತಮಾ-ಽಲ॑ಭತ । ಸೋಮಾ॒ದಧಿ॑ ಪ॒ಶೂನ॑ಸೃಜತ । ಪ॒ಶುಭ್ಯೋ-ಽಧೀನ್ದ್ರ᳚ಮ್ ॥ 7 ॥

ತದಿನ್ದ್ರಂ॒-ಯಁಶ॑ ಆರ್ಚ್ಛತ್ । ತದೇ॑ನ॒-ನ್ನಾತಿ॒ ಪ್ರಾಚ್ಯ॑ವತ । ಇನ್ದ್ರ॑ ಇವ ಯಶ॒ಸ್ವೀ ಭ॑ವತಿ । ಯ ಏ॒ವಂ-ವೇಁದ॑ । ನೈನಂ॒-ಯಁಶೋ-ಽತಿ॒ ಪ್ರಚ್ಯ॑ವತೇ ॥ ಯದ್ವಾ ಇ॒ದ-ಙ್ಕಿ-ಞ್ಚ॑ । ತ-ಥ್ಸರ್ವ॑ಮುತ್ತಾ॒ನ ಏ॒ವಾಙ್ಗೀ॑ರ॒ಸಃ ಪ್ರತ್ಯ॑ಗೃಹ್ಣಾತ್ । ತದೇ॑ನ॒-ಮ್ಪ್ರತಿ॑ಗೃಹೀತ॒-ನ್ನಾಹಿ॑ನತ್ । ಯ-ತ್ಕಿಞ್ಚ॑ ಪ್ರತಿ ಗೃಹ್ಣೀ॒ಯಾತ್ । ತ-ಥ್ಸರ್ವ॑ಮುತ್ತಾ॒ನಸ್ತ್ವಾ᳚ಙ್ಗೀರ॒ಸಃ ಪ್ರತಿ॑ಗೃಹ್ಣಾ॒ತ್ವಿತ್ಯೇ॒ವ ಪ್ರತಿ॑ಗೃಹ್ಣೀಯಾತ್ । ಇ॒ಯಂ-ವಾಁ ಉ॑ತ್ತಾ॒ನ ಆ᳚ಙ್ಗೀರ॒ಸಃ । ಅ॒ನಯೈ॒ವೈನ॒ತ್-ಪ್ರತಿ॑ ಗೃಹ್ಣಾತಿ । ನೈನಗ್ಂ॑ ಹಿನಸ್ತಿ ॥ ಬ॒ರ॒ಃಇಷಾ॒ ಪ್ರತೀ॑ಯಾ॒ದ್ಗಾಂ-ವಾಁ-ಽಶ್ವಂ॑-ವಾಁ । ಏ॒ತದ್ವೈ ಪ॑ಶೂ॒ನಾ-ಮ್ಪ್ರಿ॒ಯ-ನ್ಧಾಮ॑ । ಪ್ರಿ॒ಯೇಣೈ॒ವೈನ॒-ನ್ಧಾಮ್ನಾ॒ ಪ್ರತ್ಯೇ॑ತಿ ॥ 8 ॥
(ವಿ॒ಗ್ರಾಹ॑ - ಮೃ॒ತವ॒ - ಸ್ತದಾ-ಽಲ॑ಭ॒ - ತೇನ್ದ್ರಂ॑ - ಗೃಹ್ಣೀಯಾ॒-ಥ್ಷಟ್ಚ॑) (ಅ. 2)

ಅನುವಾಕಂ 3 - ಕೇಶವಪನಾಙ್ಗ-ಮ್ಪುಷ್ಟಿವೇದನಂ
ಯೋ ವಾ ಅವಿ॑ದ್ವಾ-ನ್ನಿವ॒ರ್ತಯ॑ತೇ । ವಿಶೀ॑ರ್​ಷಾ॒ ಸಪಾ᳚ಪ್ಮಾ॒ ಽಮುಷ್ಮಿ॑ಲ್ ಁಲೋ॒ಕೇ ಭ॑ವತಿ । ಅಥ॒ ಯೋ ವಿ॒ದ್ವಾ-ನ್ನಿ॑ವ॒ರ್ತಯ॑ತೇ । ಸಶೀ॑ರ್​ಷಾ॒ ವಿಪಾ᳚ಪ್ಮಾ॒ ಽಮುಷ್ಮಿ॑ಲ್ ಁಲೋ॒ಕೇ ಭ॑ವತಿ ॥ ದೇ॒ವತಾ॒ ವೈ ಸ॒ಪ್ತ ಪುಷ್ಟಿ॑ಕಾಮಾ॒ ನ್ಯ॑ವರ್ತಯನ್ತ । ಅ॒ಗ್ನಿಶ್ಚ॑ ಪೃಥಿ॒ವೀ ಚ॑ । ವಾ॒ಯುಶ್ಚಾ॒ನ್ತರಿ॑ಖ್ಷ-ಞ್ಚ । ಆ॒ದಿ॒ತ್ಯಶ್ಚ॒ ದ್ಯೌಶ್ಚ॑ ಚ॒ನ್ದ್ರಮಾಃ᳚ । ಅ॒ಗ್ನಿರ್ನ್ಯ॑ವರ್ತಯತ । ಸ ಸಾ॑ಹ॒ಸ್ರ-ಮ॑ಪುಷ್ಯತ್ ॥ 9 ॥

ಪೃ॒ಥಿ॒ವೀ ನ್ಯ॑ವರ್ತಯತ । ಸೌಷ॑ಧೀಭಿ॒-ರ್ವನ॒ಸ್ಪತಿ॑ಭಿ-ರಪುಷ್ಯತ್ । ವಾ॒ಯುರ್ನ್ಯ॑ವರ್ತಯತ । ಸ ಮರೀ॑ಚೀಭಿ-ರಪುಷ್ಯತ್ । ಅ॒ನ್ತರಿ॑ಖ್ಷ॒-ನ್ನ್ಯ॑ವರ್ತಯತ । ತದ್ವಯೋ॑ಭಿ-ರಪುಷ್ಯತ್ । ಆ॒ದಿ॒ತ್ಯೋ ನ್ಯ॑ವರ್ತಯತ । ಸ ರ॒ಶ್ಮಿಭಿ॑-ರಪುಷ್ಯತ್ । ದ್ಯೌರ್ನ್ಯ॑ವರ್ತಯತ । ಸಾ ನಖ್ಷ॑ತ್ರೈ-ರಪುಷ್ಯತ್ । ಚ॒ನ್ದ್ರಮಾ॒ ನ್ಯ॑ವರ್ತಯತ । ಸೋ॑-ಽಹೋರಾ॒ತ್ರೈ-ರ॑ರ್ಧಮಾ॒ಸೈ-ರ್ಮಾಸೈರ್॑ ಋ॒ತುಭಿ॑-ಸ್ಸಂ​ವಁಥ್ಸ॒ರೇಣಾ॑-ಪುಷ್ಯತ್ । ತಾನ್ಪೋಷಾ᳚ನ್-ಪುಷ್ಯತಿ । ಯಾಗ್​ಸ್ತೇ-ಽಪು॑ಷ್ಯನ್ನ್ । ಯ ಏ॒ವಂ-ವಿಁ॒ದಾನ್ನಿ ಚ॑ ವ॒ರ್ತಯ॑ತೇ॒ ಪರಿ॑ ಚ ॥ 10 ॥
(ಅ॒ಪು॒ಷ್ಯ॒ನ್ - ನಖ್ಷ॑ತ್ರೈರಪುಷ್ಯ॒-ತ್ಪಞ್ಚ॑ ಚ) (ಅ. 3)

ಅನುವಾಕಂ 4 - ಪ್ರತಿಗ್ರಹಮನ್ತ್ರಮಹಿಮಜ್ಞಾನಮ್
ತಸ್ಯ॒ ವಾ ಅ॒ಗ್ನೇರ್-ಹಿರ॑ಣ್ಯ-ಮ್ಪ್ರತಿಜಗ್ರ॒ಹುಷಃ॑ । ಅ॒ರ್ಧಮಿ॑ನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ । ತದೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸೋ᳚-ಽರ್ಧಮಿ॑ನ್ದ್ರಿ॒ಯ-ಸ್ಯಾ॒ತ್ಮ-ನ್ನು॒ಪಾಧ॑ತ್ತ । ಅ॒ರ್ಧಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾನ್. ಹಿರ॑ಣ್ಯ-ಮ್ಪ್ರತಿ ಗೃ॒ಹ್ಣಾತಿ॑ । ಅಥ॒ ಯೋ ಽವಿ॑ದ್ವಾ-ನ್ಪ್ರತಿ ಗೃ॒ಹ್ಣಾತಿ॑ । ಅ॒ರ್ಧಮ॑ಸ್ಯೇನ್ದ್ರಿ॒ಯಸ್ಯಾಪ॑ ಕ್ರಾಮತಿ ॥ ತಸ್ಯ॒ ವೈ ಸೋಮ॑ಸ್ಯ॒ ವಾಸಃ॑ ಪ್ರತಿಜಗ್ರ॒ಹುಷಃ॑ । ತೃತೀ॑ಯಮಿನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ ॥ 11 ॥

ತದೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸ ತೃತೀ॑ಯಮಿನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತ । ತೃತೀ॑ಯಮಿನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾನ್. ವಾಸಃ॑ ಪ್ರತಿ ಗೃ॒ಹ್ಣಾತಿ॑ । ಅಥ॒ ಯೋ-ಽವಿ॑ದ್ವಾ-ನ್ಪ್ರತಿ ಗೃ॒ಹ್ಣಾತಿ॑ । ತೃತೀ॑ಯಮಸ್ಯೇನ್ದ್ರಿ॒ಯಸ್ಯಾಪ॑ ಕ್ರಾಮತಿ ॥ ತಸ್ಯ॒ ವೈ ರು॒ದ್ರಸ್ಯ॒ ಗಾ-ಮ್ಪ್ರ॑ತಿಜಗ್ರ॒ಹುಷಃ॑ । ಚ॒ತು॒ರ್ಥಮಿ॑ನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ । ತಾಮೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸ ಚ॑ತು॒ರ್ಥಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತ ॥ 12 ॥

ಚ॒ತು॒ರ್ಥಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾ-ನ್ಗಾ-ಮ್ಪ್ರ॑ತಿ ಗೃ॒ಹ್ಣಾತಿ॑ । ಅಥ॒ ಯೋ-ಽವಿ॑ದ್ವಾ-ನ್ಪ್ರತಿ ಗೃ॒ಹ್ಣಾತಿ॑ । ಚ॒ತು॒ರ್ಥಮ॑ಸ್ಯೇನ್ದ್ರಿ॒ಯಸ್ಯಾಪ॑ ಕ್ರಾಮತಿ ॥ ತಸ್ಯ॒ ವೈ ವರು॑ಣ॒ಸ್ಯಾಶ್ವ॑-ಮ್ಪ್ರತಿಜಗ್ರ॒ಹುಷಃ॑ । ಪ॒ಞ್ಚ॒ಮಮಿ॑ನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ । ತಮೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸ ಪ॑ಞ್ಚ॒ಮಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತ । ಪ॒ಞ್ಚ॒ಮಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾನಶ್ವ॑-ಮ್ಪ್ರತಿ ಗೃ॒ಹ್ಣಾತಿ॑ ॥ 13 ॥

ಅಥ॒ ಯೋ-ಽವಿ॑ದ್ವಾ-ನ್ಪ್ರತಿಗೃ॒ಹ್ಣಾತಿ॑ । ಪ॒ಞ್ಚ॒ಮಮ॑ಸ್ಯೇನ್ದ್ರಿ॒ಯಸ್ಯಾಪ॑ ಕ್ರಾಮತಿ ॥ ತಸ್ಯ॒ ವೈ ಪ್ರ॒ಜಾಪ॑ತೇಃ॒ ಪುರು॑ಷ-ಮ್ಪ್ರತಿಜಗ್ರ॒ಹುಷಃ॑ । ಷ॒ಷ್ಠಮಿ॑ನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ । ತಮೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸ ಷ॒ಷ್ಠಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತ । ಷ॒ಷ್ಠಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾ-ನ್ಪುರು॑ಷ-ಮ್ಪ್ರತಿ ಗೃ॒ಹ್ಣಾತಿ॑ । ಅಥ॒ ಯೋ-ಽವಿ॑ದ್ವಾ-ನ್ಪ್ರತಿ ಗೃ॒ಹ್ಣಾತಿ॑ । ಷ॒ಷ್ಠಮ॑ಸ್ಯೇನ್ದ್ರಿ॒ಯಸ್ಯಾಪ॑-ಕ್ರಾಮತಿ ॥ 14 ॥

ತಸ್ಯ॒ ವೈ ಮನೋ॒ಸ್ತಲ್ಪ॑-ಮ್ಪ್ರತಿಜಗ್ರ॒ಹುಷಃ॑ । ಸ॒ಪ್ತ॒ಮಮಿ॑ನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ । ತಮೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸ ಸ॑ಪ್ತ॒ಮಮಿ॑ನ್ದ್ರಿ॒ಯ-ಸ್ಯಾ॒ತ್ಮ-ನ್ನು॒ಪಾಧ॑ತ್ತ । ಸ॒ಪ್ತ॒ಮಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾಗ್​ಸ್ತಲ್ಪ॑-ಮ್ಪ್ರತಿಗೃ॒ಹ್ಣಾತಿ॑ । ಅಥ॒ ಯೋ-ಽವಿ॑ದ್ವಾ-ನ್ಪ್ರತಿ ಗೃ॒ಹ್ಣಾತಿ॑ । ಸ॒ಪ್ತ॒ಮಮ॑ಸ್ಯೇನ್ದ್ರಿ॒ಯಸ್ಯಾಪ॑-ಕ್ರಾಮತಿ ॥ ತಸ್ಯ॒ ವಾ ಉ॑ತ್ತಾ॒ನಸ್ಯಾ᳚ಙ್ಗೀರ॒ಸಸ್ಯಾ ಪ್ರಾ॑ಣ-ತ್ಪ್ರತಿಜಗ್ರ॒ಹುಷಃ॑ । ಅ॒ಷ್ಟ॒ಮಮಿ॑ನ್ದ್ರಿ॒ಯಸ್ಯಾ-ಪಾ᳚ಕ್ರಾಮತ್ ॥ 15 ॥

ತದೇ॒ತೇನೈ॒ವ ಪ್ರತ್ಯ॑ಗೃಹ್ಣಾತ್ । ತೇನ॒ ವೈ ಸೋ᳚-ಽಷ್ಟ॒ಮಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಅ॒ಷ್ಟ॒ಮಮಿ॑ನ್ದ್ರಿ॒ಯಸ್ಯಾ॒ತ್ಮ-ನ್ನು॒ಪಾಧ॑ತ್ತೇ । ಯ ಏ॒ವಂ-ವಿಁ॒ದ್ವಾನ ಪ್ರಾ॑ಣ-ತ್ಪ್ರತಿ ಗೃ॒ಹ್ಣಾತಿ॑ । ಅಥ॒ ಯೋ-ಽವಿ॑ದ್ವಾ-ನ್ಪ್ರತಿಗೃ॒ಹ್ಣಾತಿ॑ । ಅ॒ಷ್ಟ॒ಮಮ॑ಸ್ಯೇನ್ದ್ರಿ॒ಯಸ್ಯಾಪ॑ ಕ್ರಾಮತಿ ॥ ಯದ್ವಾ ಇ॒ದ-ಙ್ಕಿ-ಞ್ಚ॑ । ತ-ಥ್ಸರ್ವ॑-ಮುತ್ತಾ॒ನ ಏ॒ವಾಙ್ಗೀ॑ರ॒ಸಃ ಪ್ರತ್ಯ॑ ಗೃಹ್ಣಾತ್ । ತದೇ॑ನ॒-ಮ್ಪ್ರತಿ॑ಗೃಹೀತ॒-ನ್ನಾಹಿ॑ನತ್ । ಯ-ತ್ಕಿ-ಞ್ಚ॑ ಪ್ರತಿ ಗೃಹ್ಣೀ॒ಯಾತ್ । ತ-ಥ್ಸರ್ವ॑-ಮುತ್ತಾ॒ನ-ಸ್ತ್ವಾ᳚ಙ್ಗೀರ॒ಸಃ ಪ್ರತಿ॑ಗೃಹ್ಣಾ॒ತ್ವಿತ್ಯೇ॒ವ ಪ್ರತಿ॑ ಗೃಹ್ಣೀಯಾತ್ । ಇ॒ಯಂ-ವಾಁ ಉ॑ತ್ತಾ॒ನ ಆ᳚ಙ್ಗೀರ॒ಸಃ । ಅ॒ನಯೈ॒ವೈನ॒ತ್-ಪ್ರತಿ॑ಗೃಹ್ಣಾತಿ । ನೈನಗ್ಂ॑ ಹಿನಸ್ತಿ ॥ 16 ॥
(ತೃತೀ॑ಯಮಿನ್ದ್ರಿ॒ಯಸ್ಯಾಪಾ᳚ಕ್ರಾಮಚ್ - ಚತು॒ರ್ಥಮಿ॑ನ್ದ್ರಿ॒ಯಸ್ಯಾ॒ತ್ಮನ್ನು॒ಪಾಧ॒ - ತ್ತಾಶ್ವ॑-ಮ್ಪ್ರತಿಗೃ॒ಹ್ಣಾತಿ॑ - ಷ॒ಷ್ಠ॑ಮಸ್ಯೇನ್ದ್ರಿ॒ಯಸ್ಯಾಪ॑ಕ್ರಾಮ -ತ್ಯಷ್ಟ॒ಮಮಿ॑ನ್ದ್ರಿ॒ಯಸ್ಯಾಪಾ᳚ಕ್ರಾಮತ್ - ಪ್ರತಿ ಗೃಹ್ಣೀ॒ಯಾಚ್ ಚ॒ತ್ವಾರಿ॑ ಚ) (ಅ. 4)

(ತಸ್ಯ॒ ವಾ ಅ॒ಗ್ನೇರ್-ಹಿರ॑ಣ್ಯ॒ಗ್ಂ॒ ಸೋಮ॑ಸ್ಯ॒ ವಾಸ॒ಸ್ತದೇ॒ತೇನ॑ ರು॒ದ್ರಸ್ಯ॒ ಗಾ-ನ್ತಾಮೇ॒ತೇನ॒ ವರು॑ಣ॒ಸ್ಯಾಶ್ವ॑-ಮ್ಪ್ರ॒ಜಾಪ॑ತೇಃ॒ ಪುರು॑ಷ॒-ಮ್ಮನೋ॒ಸ್ತಲ್ಪ॒-ನ್ತಮೇ॒ತೇನೋ᳚ತ್ತಾ॒ನಸ್ಯ॒ ತದೇ॒ತೇನಾಪ್ರಾ॑ಣ॒ದ್ಯ-ದ್ವೈ )
(ಅ॒ರ್ಧ-ನ್ತೃತೀ॑ಯಮಷ್ಟ॒ಮ-ನ್ತಚ್ಚ॑ತು॒ರ್ಥ-ನ್ತಾ-ಮ್ಪ॑ಞ್ಚ॒ಮಗ್ಂ ಷ॒ಷ್ಠಗ್ಂ ಸ॑ಪ್ತ॒ಮನ್ತಮ್ ।
ತದೇ॒ತೇನ॒ ದ್ವೇ ತಾಮೇ॒ತೇನೈಕ॒-ನ್ತಮೇ॒ತೇನ॒ ತ್ರೀಣಿ॒ ತದೇ॒ತೇನೈಕಂ᳚ )

ಅನುವಾಕಂ 5 - ಪ್ರಶ್ನೋತ್ತರರೂಪೋ ಬ್ರಹ್ಮವಿಷಯಸ್ಸಂ​ವಾಁದಃ
ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ ॥ ಯ-ದ್ದಶ॑ಹೋತಾರ-ಸ್ಸ॒ತ್ರಮಾಸ॑ತ । ಕೇನ॒ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ಕೇನ॑ ಪ್ರ॒ಜಾ ಅ॑ಸೃಜ॒ನ್ತೇತಿ॑ । ಪ್ರ॒ಜಾಪ॑ತಿನಾ॒ ವೈ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ತೇನ॑ ಪ್ರ॒ಜಾ ಅ॑ಸೃಜನ್ತ ॥ ಯಚ್ಚತು॑ರ್​ಹೋತಾರ-ಸ್ಸ॒ತ್ರಮಾಸ॑ತ । ಕೇನ॒ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ಕೇನೌಷ॑ಧೀ-ರಸೃಜ॒ನ್ತೇತಿ॑ । ಸೋಮೇ॑ನ॒ ವೈ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ ॥ 17 ॥

ತೇನೌಷ॑ಧೀ-ರಸೃಜನ್ತ ॥ ಯ-ತ್ಪಞ್ಚ॑ಹೋತಾರ-ಸ್ಸ॒ತ್ರಮಾಸ॑ತ । ಕೇನ॒ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ಕೇನೈ॒ಭ್ಯೋ ಲೋ॒ಕೇಭ್ಯೋ-ಽಸು॑ರಾ॒-ನ್ಪ್ರಾಣು॑ದನ್ತ । ಕೇನೈ॑ಷಾ-ಮ್ಪ॒ಶೂನ॑ವೃಞ್ಜ॒ತೇತಿ॑ । ಅ॒ಗ್ನಿನಾ॒ ವೈ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ತೇನೈ॒ಭ್ಯೋ ಲೋ॒ಕೇಭ್ಯೋ-ಽಸು॑ರಾ॒ನ್-ಪ್ರಾಣು॑ದನ್ತ । ತೇನೈ॑ಷಾ-ಮ್ಪ॒ಶೂನ॑ವೃಞ್ಜತ ॥ ಯ-ಥ್ಷಡ್ಢೋ॑ತಾರ-ಸ್ಸ॒ತ್ರಮಾಸ॑ತ । ಕೇನ॒ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ ॥ 18 ॥

ಕೇನ॒ರ್ತೂನ॑-ಕಲ್ಪಯ॒ನ್ತೇತಿ॑ । ಧಾ॒ತ್ರಾ ವೈ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ತೇನ॒ರ್ತೂನ॑ಕಲ್ಪಯನ್ತ ॥ ಯ-ಥ್ಸ॒ಪ್ತಹೋ॑ತಾರ-ಸ್ಸ॒ತ್ರಮಾಸ॑ತ । ಕೇನ॒ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ಕೇನ॒ ಸುವ॑ರಾಯನ್ನ್ । ಕೇನೇ॒ಮಾಲ್ ಁಲೋ॒ಕಾನ್-ಥ್ಸಮ॑ತನ್ವ॒ನ್ನಿತಿ॑ । ಅ॒ರ್ಯ॒ಮ್ಣಾ ವೈ ತೇ ಗೃ॒ಹಪ॑ತಿನಾ ಽಽರ್ಧ್ನುವನ್ನ್ । ತೇನ॒ ಸುವ॑ರಾಯನ್ನ್ । ತೇನೇ॒ಮಾಲ್ ಁಲೋ॒ಕಾನ್-ಥ್ಸಮ॑ತನ್ವ॒ನ್ನಿತಿ॑ ॥ 19 ॥

ಏ॒ತೇ ವೈ ದೇ॒ವಾ ಗೃ॒ಹಪ॑ತಯಃ । ತಾನ್. ಯ ಏ॒ವಂ-ವಿಁ॒ದ್ವಾನ್ । ಅಪ್ಯ॒ನ್ಯಸ್ಯ॑ ಗಾರ್​ಹಪ॒ತೇ ದೀಖ್ಷ॑ತೇ । ಅ॒ವಾ॒ನ್ತ॒ರಮೇ॒ವ ಸ॒ತ್ರಿಣಾ॑-ಮೃದ್ಧ್ನೋತಿ ॥ ಯೋ ವಾ ಅ॑ರ್ಯ॒ಮಣಂ॒-ವೇಁದ॑ । ದಾನ॑ಕಾಮಾ ಅಸ್ಮೈ ಪ್ರ॒ಜಾ ಭ॑ವನ್ತಿ । ಯ॒ಜ್ಞೋ ವಾ ಅ॑ರ್ಯ॒ಮಾ । ಆರ್ಯಾ॑ವಸ॒ತಿರಿತಿ॒ ವೈ ತಮಾ॑ಹು॒ರ್ಯ-ಮ್ಪ್ರ॒ಶಗ್ಂಸ॑ನ್ತಿ ॥ ಆರ್ಯಾ॑ ವಸ॒ತಿರ್ಭ॑ವತಿ । ಯ ಏ॒ವಂ-ವೇಁದ॑ ॥ 20 ॥

ಯದ್ವಾ ಇ॒ದ-ಙ್ಕಿ-ಞ್ಚ॑ । ತ-ಥ್ಸರ್ವ॒-ಞ್ಚತು॑ರ್​ಹೋತಾರಃ । ಚತು॑ರ್​ಹೋತೃ॒ಭ್ಯೋ-ಽಧಿ॑ ಯ॒ಜ್ಞೋ ನಿಮಿ॑ರ್ತಃ । ಸ ಯ ಏ॒ವಂ-ವಿಁ॒ದ್ವಾನ್. ವಿ॒ವದೇ॑ತ । ಅ॒ಹಮೇ॒ವ ಭೂಯೋ॑ ವೇದ । ಯಶ್ಚತು॑ರ್​ಹೋತೄ॒ನ್॒. ವೇದೇತಿ॑ । ಸ ಹ್ಯೇ॑ವ ಭೂಯೋ॒ ವೇದ॑ । ಯಶ್ಚತು॑ರ್​ಹೋತೄ॒ನ್.॒ ವೇದ॑ ॥ ಯೋ ವೈ ಚತು॑ರ್​ಹೋತೃಣಾ॒ಗ್ಂ॒ ಹೋತೄ॒ನ್॒. ವೇದ॑ । ಸರ್ವಾ॑ಸು ಪ್ರ॒ಜಾಸ್ವನ್ನ॑ಮತ್ತಿ ॥ 21 ॥

ಸರ್ವಾ॒ ದಿಶೋ॒-ಽಭಿಜ॑ಯತಿ । ಪ್ರ॒ಜಾಪ॑ತಿ॒ರ್ವೈ ದಶ॑ಹೋತೃಣಾ॒ಗ್ಂ॒ ಹೋತಾ᳚ । ಸೋಮ॒ಶ್ಚತು॑ರ್​ಹೋತೃಣಾ॒ಗ್ಂ॒ ಹೋತಾ᳚ । ಅ॒ಗ್ನಿಃ ಪಞ್ಚ॑ಹೋತೃಣಾ॒ಗ್ಂ॒ ಹೋತಾ᳚ । ಧಾ॒ತಾ ಷಡ್ಢೋ॑ತೃಣಾ॒ಗ್ಂ॒ ಹೋತಾ᳚ । ಅ॒ರ್ಯ॒ಮಾ ಸ॒ಪ್ತಹೋ॑ತೃಣಾ॒ಗ್ಂ॒ ಹೋತಾ᳚ । ಏ॒ತೇ ವೈ ಚತು॑ರ್​ಹೋತೃಣಾ॒ಗ್ಂ॒ ಹೋತಾ॑ರಃ । ತಾನ್. ಯ ಏ॒ವಂ-ವೇಁದ॑ । ಸರ್ವಾ॑ಸು ಪ್ರ॒ಜಾಸ್ವನ್ನ॑ಮತ್ತಿ । ಸರ್ವಾ॒ ದಿಶೋ॒-ಽಭಿ ಜ॑ಯತಿ ॥ 22 ॥
(ಆ॒ರ್ಧ್ನು॒ವ॒ - ನ್ನಾ॒ಧ್ನು॒ವ॒ - ನ್ನಿತ್ಯೇ॒ - ವಂ-ವೇಁದಾ᳚ - ತ್ತಿ॒ - ಸರ್ವಾ॒ ದಿಶೋ॒ಭಿ ಜ॑ಯತಿ ) (ಅ. 5)
(ವೈ ತೇನ॑ ಸ॒ತ್ರ-ಙ್ಕೇನ॑)

2.3.6 ಅನುವಾಕಂ - ಹೋತೃಪ್ರಶಂಸಾಪ್ರಸಙ್ಗೇನ ಕ್ರತೂನಾಮೃತ್ವಿಗ್ ವಿಶೇಷವ್ಯವಸ್ಥಾಪನಮ್, ಅಗ್ನಿಹೋತ್ರಸ್ಯ ಪ್ರಾಶಸ್ತ್ಯ-ಞ್ಚ
ಪ್ರ॒ಜಾಪ॑ತಿಃ ಪ್ರ॒ಜಾ-ಸ್ಸೃ॒ಷ್ಟ್ವಾ ವ್ಯ॑ಸ್ರಗ್ಂಸತ । ಸ ಹೃದ॑ಯ-ಮ್ಭೂ॒ತೋ॑-ಽಶಯತ್ । ಆತ್ಮ॒ನ್॒. ಹಾ(3) ಇತ್ಯಹ್ವ॑ಯತ್ । ಆಪಃ॒ ಪ್ರತ್ಯ॑ಶೃಣ್ವನ್ನ್ । ತಾ ಅ॑ಗ್ನಿಹೋ॒ತ್ರೇಣೈ॒ವ ಯ॑ಜ್ಞಕ್ರ॒ತುನೋಪ॑ ಪ॒ರ್ಯಾವ॑ರ್ತನ್ತ । ತಾಃ ಕುಸಿ॑ನ್ಧ॒ಮುಪೌ॑ಹನ್ನ್ । ತಸ್ಮಾ॑ದಗ್ನಿಹೋ॒ತ್ರಸ್ಯ॑ ಯಜ್ಞಕ್ರ॒ತೋಃ । ಏಕ॑ ಋ॒ತ್ವಿಕ್ ॥ ಚ॒ತು॒ಷ್ಕೃತ್ವೋ-ಽಹ್ವ॑ಯತ್ । ಅ॒ಗ್ನಿ-ರ್ವಾ॒ಯು-ರಾ॑ದಿ॒ತ್ಯ-ಶ್ಚ॒ನ್ದ್ರಮಾಃ᳚ ॥ 23 ॥

ತೇ ಪ್ರತ್ಯ॑ಶೃಣ್ವನ್ನ್ । ತೇ ದ॑ರ್​ಶಪೂರ್ಣಮಾ॒ಸಾಭ್ಯಾ॑ಮೇ॒ವ ಯ॑ಜ್ಞಕ್ರ॒ತುನೋಪ॑ ಪ॒ರ್ಯಾವ॑ರ್ತನ್ತ । ತ ಉಪೌ॑ಹಗ್ಗ್​-ಶ್ಚ॒ತ್ವಾರ್ಯಙ್ಗಾ॑ನಿ । ತಸ್ಮಾ᳚-ದ್ದರ್​ಶಪೂರ್ಣಮಾ॒ಸಯೋ᳚-ರ್ಯಜ್ಞಕ್ರ॒ತೋಃ । ಚ॒ತ್ವಾರ॑ ಋ॒ತ್ವಿಜಃ॑ ॥ ಪ॒ಞ್ಚ॒ ಕೃತ್ವೋ-ಽಹ್ವ॑ಯತ್ । ಪ॒ಶವಃ॒ ಪ್ರತ್ಯ॑ಶೃಣ್ವನ್ನ್ । ತೇ ಚಾ॑ತುರ್ಮಾ॒ಸ್ಯೈರೇ॒ವ ಯ॑ಜ್ಞಕ್ರ॒ತುನೋಪ॑ ಪ॒ರ್ಯಾವ॑ರ್ತನ್ತ । ತ ಉಪೌ॑ಹ॒ಲ್ ಁಲೋಮ॑ ಛ॒ವೀ-ಮ್ಮಾ॒ಗ್ಂ॒ಸಮಸ್ಥಿ॑ ಮ॒ಜ್ಜಾನ᳚ಮ್ । ತಸ್ಮಾ᳚ಚ್ಚಾತುರ್ಮಾ॒ಸ್ಯಾನಾಂ᳚-ಯಁಜ್ಞಕ್ರ॒ತೋಃ ॥ 24 ॥

ಪಞ್ಚ॒ರ್ತ್ವಿಜಃ॑ ॥ ಷ॒ಟ್ಕೃತ್ವೋ-ಽಹ್ವ॑ಯತ್ । ಋ॒ತವಃ॒ ಪ್ರತ್ಯ॑ಶೃಣ್ವನ್ನ್ । ತೇ ಪ॑ಶುಬ॒ನ್ಧೇನೈ॒ವ ಯ॑ಜ್ಞಕ್ರ॒ತುನೋಪ॑ ಪ॒ರ್ಯಾವ॑ರ್ತನ್ತ । ತ ಉಪೌ॑ಹ॒ನ್-ಥ್ಸ್ತನಾ॑ವಾ॒ಣ್ಡೌ ಶಿ॒ಶ್ನಮವಾ᳚ಞ್ಚ-ಮ್ಪ್ರಾ॒ಣಮ್ । ತಸ್ಮಾ᳚ತ್-ಪಶುಬ॒ನ್ಧಸ್ಯ॑ ಯಜ್ಞಕ್ರ॒ತೋಃ । ಷಡೃ॒ತ್ವಿಜಃ॑ ॥ ಸ॒ಪ್ತ॒ಕೃತ್ವೋ-ಽಹ್ವ॑ಯತ್ । ಹೋತ್ರಾಃ॒ ಪ್ರತ್ಯ॑ಶೃಣ್ವನ್ನ್ । ತಾ-ಸ್ಸೌ॒ಮ್ಯೇನೈ॒ವಾದ್ಧ್ವ॒ರೇಣ॑ ಯಜ್ಞಕ್ರ॒ತುನೋಪ॑ ಪ॒ರ್ಯಾವ॑ರ್ತನ್ತ ॥ 25 ॥

ತಾ ಉಪೌ॑ಹನ್-ಥ್ಸ॒ಪ್ತಶೀ॑ರ್​ಷ॒ಣ್ಯಾ᳚ನ್-ಪ್ರಾ॒ಣಾನ್ । ತಸ್ಮಾ᳚-ಥ್ಸೌ॒ಮ್ಯಸ್ಯಾ᳚ದ್ಧ್ವ॒ರಸ್ಯ॑ ಯಜ್ಞಕ್ರ॒ತೋಃ । ಸ॒ಪ್ತ ಹೋತ್ರಾಃ॒ ಪ್ರಾಚೀ॒ರ್ವಷ॑ಟ್ಕುರ್ವನ್ತಿ ॥ ದ॒ಶ॒ಕೃತ್ವೋ-ಽಹ್ವ॑ಯತ್ । ತಪಃ॒ ಪ್ರತ್ಯ॑ಶೃಣೋತ್ । ತತ್-ಕರ್ಮ॑ಣೈ॒ವ ಸಂ॑​ವಁಥ್ಸ॒ರೇಣ॒ ಸರ್ವೈ᳚ರ್ಯಜ್ಞಕ್ರ॒ತುಭಿ॒ರುಪ॑ ಪ॒ರ್ಯಾವ॑ರ್ತತ । ತ-ಥ್ಸರ್ವ॑ಮಾ॒ತ್ಮಾನ॒-ಮಪ॑ರಿವರ್ಗ॒-ಮುಪೌ॑ಹತ್ । ತಸ್ಮಾ᳚ಥ್- ಸಂ​ವಁಥ್ಸ॒ರೇ ಸರ್ವೇ॑ ಯಜ್ಞಕ್ರ॒ತವೋ-ಽವ॑ರುದ್ಧ್ಯನ್ತೇ ॥ ತಸ್ಮಾ॒-ದ್ದಶ॑ಹೋತಾ॒ ಚತು॑ರ್​ಹೋತಾ । ಪಞ್ಚ॑ಹೋತಾ॒ ಷಡ್ಢೋ॑ತಾ ಸ॒ಪ್ತಹೋ॑ತಾ । ಏಕ॑ಹೋತ್ರೇ ಬ॒ಲಿಗ್ಂ ಹ॑ರನ್ತಿ । ಹರ॑ನ್ತ್ಯಸ್ಮೈ ಪ್ರ॒ಜಾ ಬ॒ಲಿಮ್ । ಐನ॒ಮಪ್ರ॑ತಿಖ್ಯಾತ-ಙ್ಗಚ್ಛತಿ । ಯ ಏ॒ವಂ-ವೇಁದ॑ ॥ 26 ॥
(ಚ॒ನ್ದ್ರಮಾ᳚ - ಶ್ಚಾತುರ್ಮಾ॒ಸ್ಯಾನಾಂ᳚-ಯಁಜ್ಞಕ್ರ॒ತೋ - ರ॑ದ್ಧ್ವ॒ರೇಣ॑ ಯಜ್ಞಕ್ರ॒ತುನೋಪ॑ ಪ॒ರ್ಯಾವ॑ರ್ತನ್ತ - ಸ॒ಪ್ತಹೋ॑ತಾ ಚ॒ತ್ವಾರಿ॑ ಚ) (ಅ. 6)

ಅನುವಾಕಂ 7 - ಅಗ್ನಿಹೋತ್ರಸ್ಯ ಸರ್ವಕ್ರತುರುದ್ಭಾವಸಾಧನೇನ ಪ್ರಶಂಸಾ
ಪ್ರ॒ಜಾಪ॑ತಿಃ॒ ಪುರು॑ಷ-ಮಸೃಜತ । ಸೋ᳚-ಽಗ್ನಿರ॑ಬ್ರವೀತ್ । ಮಮಾ॒ಯ-ಮನ್ನ॑ಮ॒ಸ್ತ್ವಿತಿ॑ । ಸೋ॑-ಽಬಿಭೇತ್ । ಸರ್ವಂ॒-ವೈಁ ಮಾ॒-ಽಯ-ಮ್ಪ್ರಧ॑ಖ್ಷ್ಯ॒ತೀತಿ॑ । ಸ ಏ॒ತಾಗ್​-ಶ್ಚತು॑ರ್​ಹೋತೄನಾತ್ಮ॒-ಸ್ಪರ॑ಣಾನಪಶ್ಯತ್ । ತಾನ॑ಜುಹೋತ್ । ತೈರ್ವೈ ಸ ಆ॒ತ್ಮಾನ॑-ಮಸ್ಪೃಣೋತ್ ॥ ಯದ॑ಗ್ನಿಹೋ॒ತ್ರ-ಞ್ಜು॒ಹೋತಿ॑ । ಏಕ॑ಹೋತಾರಮೇ॒ವ ತ-ದ್ಯ॑ಜ್ಞಕ್ರ॒ತು-ಮಾ᳚ಪ್ನೋತ್ಯಗ್ನಿಹೋ॒ತ್ರಮ್ ॥ 27 ॥

ಕುಸಿ॑ನ್ಧ-ಞ್ಚಾ॒ತ್ಮನ॑-ಸ್ಸ್ಪೃ॒ಣೋತಿ॑ । ಆ॒ದಿ॒ತ್ಯಸ್ಯ॑ ಚ॒ ಸಾಯು॑ಜ್ಯ-ಙ್ಗಚ್ಛತಿ ॥ ಚ॒ತುರುನ್ನ॑ಯತಿ । ಚತು॑ರ್​ಹೋತಾರಮೇ॒ವ ತ-ದ್ಯ॑ಜ್ಞಕ್ರ॒ತು-ಮಾ᳚ಪ್ನೋತಿ ದರ್​ಶಪೂರ್ಣಮಾ॒ಸೌ । ಚ॒ತ್ವಾರಿ॑ ಚಾ॒ತ್ಮನೋ-ಽಙ್ಗಾ॑ನಿ ಸ್ಪೃ॒ಣೋತಿ॑ । ಆ॒ದಿ॒ತ್ಯಸ್ಯ॑ ಚ॒ ಸಾಯು॑ಜ್ಯ-ಙ್ಗಚ್ಛತಿ ॥ ಚ॒ತುರುನ್ನ॑ಯತಿ । ಸ॒ಮಿತ್ಪ॑ಞ್ಚ॒ಮೀ । ಪಞ್ಚ॑ಹೋತಾರಮೇ॒ವ ತ-ದ್ಯ॑ಜ್ಞಕ್ರ॒ತು-ಮಾ᳚ಪ್ನೋತಿ ಚಾತುರ್ಮಾ॒ಸ್ಯಾನಿ॑ । ಲೋಮ॑ ಛ॒ವೀ-ಮ್ಮಾ॒ಗ್ಂ॒ಸಮಸ್ಥಿ॑ ಮ॒ಜ್ಜಾನ᳚ಮ್ ॥ 28 ॥

ತಾನಿ॑ ಚಾ॒ತ್ಮನ॑-ಸ್ಸ್ಪೃ॒ಣೋತಿ॑ । ಆ॒ದಿ॒ತ್ಯಸ್ಯ॑ ಚ॒ ಸಾಯು॑ಜ್ಯ-ಙ್ಗಚ್ಛತಿ ॥ ಚ॒ತುರುನ್ನ॑ಯತಿ । ದ್ವಿರ್ಜು॑ಹೋತಿ । ಷಡ್ಢೋ॑ತಾರಮೇ॒ವ ತ-ದ್ಯ॑ಜ್ಞಕ್ರ॒ತು-ಮಾ᳚ಪ್ನೋತಿ ಪಶುಬ॒ನ್ಧಮ್ । ಸ್ತನಾ॑ವಾ॒ಣ್ಡೌ ಶಿ॒ಶ್ನಮವಾ᳚ಞ್ಚ-ಮ್ಪ್ರಾ॒ಣಮ್ । ತಾನಿ॑ ಚಾ॒ತ್ಮನ॑-ಸ್ಸ್ಪೃ॒ಣೋತಿ॑ । ಆ॒ದಿ॒ತ್ಯಸ್ಯ॑ ಚ॒ ಸಾಯು॑ಜ್ಯ-ಙ್ಗಚ್ಛತಿ । ಚ॒ತುರುನ್ನ॑ಯತಿ । ದ್ವಿರ್ಜು॑ಹೋತಿ ॥ 29 ॥

ಸ॒ಮಿ-ಥ್ಸ॑ಪ್ತ॒ಮೀ । ಸ॒ಪ್ತಹೋ॑ತಾರಮೇ॒ವ ತ-ದ್ಯ॑ಜ್ಞಕ್ರ॒ತು-ಮಾ᳚ಪ್ನೋತಿ ಸೌ॒ಮ್ಯ-ಮ॑ದ್ಧ್ವ॒ರಮ್ । ಸ॒ಪ್ತ ಚಾ॒ತ್ಮನ॑-ಶ್ಶೀರ್​ಷ॒ಣ್ಯಾ᳚ನ್-ಪ್ರಾ॒ಣಾನ್-ಥ್ಸ್ಪೃ॒ಣೋತಿ॑ । ಆ॒ದಿ॒ತ್ಯಸ್ಯ॑ ಚ॒ ಸಾಯು॑ಜ್ಯ-ಙ್ಗಚ್ಛತಿ ॥ ಚ॒ತುರುನ್ನ॑ಯತಿ । ದ್ವಿರ್ಜು॒ಹೋತಿ॑ । ದ್ವಿರ್ನಿಮಾ᳚ರ್​ಷ್ಟಿ । ದ್ವಿಃ ಪ್ರಾಶ್ಞಾ॑ತಿ । ದಶ॑ಹೋತಾರಮೇ॒ವ ತ-ದ್ಯ॑ಜ್ಞಕ್ರ॒ತು-ಮಾ᳚ಪ್ನೋತಿ ಸಂ​ವಁಥ್ಸ॒ರಮ್ । ಸರ್ವ॑-ಞ್ಚಾ॒ತ್ಮಾನ॒-ಮಪ॑ರಿವರ್ಗಗ್ಗ್​ ಸ್ಪೃ॒ಣೋತಿ॑ । ಆ॒ದಿ॒ತ್ಯಸ್ಯ॑ ಚ॒ ಸಾಯು॑ಜ್ಯ-ಙ್ಗಚ್ಛತಿ ॥ 30 ॥
(ಅ॒ಗ್ನಿ॒ಹೋ॒ತ್ರಂ - ಮ॒ಜ್ಜಾನಂ॒ - ದ್ವಿರ್ಜು॑ಹೋ॒ - ತ್ಯಪ॑ರಿವರ್ಗಗ್ಗ್​ ಸ್ಪೃ॒ಣೋತ್ಯೇಕ॑-ಞ್ಚ ) (ಅ. 7)

ಅನುವಾಕಂ 8 - ಸೃಷ್ಟಿಸಾಧನತ್ವೇನ ಹೋತೃಮನ್ತ್ರಾಸಾಮರ್ಥ್ಯ ಪ್ರಶಂಸಾ
[(ಅಪ॑ಕ್ರಾಮತ ಗರ್ಭಿ॒ಣ್ಯಃ) ಇಸ್ ಓನ್ಲ್ಯ್ ಇನ್ಸ್ತ್ರುಚ್ತಿಓನ್ , ನೋತ್ ಅ ಮನ್ತ್ರ]
ಪ್ರ॒ಜಾಪ॑ತಿ-ರಕಾಮಯತ॒ ಪ್ರಜಾ॑ಯೇ॒ಯೇತಿ॑ । ಸ ತಪೋ॑-ಽತಪ್ಯತ । ಸೋ᳚-ಽನ್ತರ್ವಾ॑ನಭವತ್ । ಸ ಹರಿ॑ತ-ಶ್ಶ್ಯಾ॒ವೋ॑-ಽಭವತ್ । ತಸ್ಮಾ॒-ಥ್ಸ್ತ್ರ್ಯ॑ನ್ತರ್ವ॑ತ್ನೀ । ಹರಿ॑ಣೀ ಸ॒ತೀ ಶ್ಯಾ॒ವಾ ಭ॑ವತಿ । ಸ ವಿ॒ಜಾಯ॑ಮಾನೋ॒ ಗರ್ಭೇ॑ಣಾತಾಮ್ಯತ್ । ಸ ತಾ॒ನ್ತಃ ಕೃ॒ಷ್ಣ-ಶ್ಶ್ಯಾ॒ವೋ॑-ಽಭವತ್ । ತಸ್ಮಾ᳚-ತ್ತಾ॒ನ್ತಃ ಕೃ॒ಷ್ಣ-ಶ್ಶ್ಯಾ॒ವೋ ಭ॑ವತಿ । ತಸ್ಯಾಸು॑ರೇ॒ವಾಜೀ॑ವತ್ ॥ 31 ॥

ತೇನಾಸು॒ನಾ-ಽಸು॑ರಾನಸೃಜತ । ತದಸು॑ರಾಣಾ-ಮಸುರ॒ತ್ವಮ್ । ಯ ಏ॒ವಮಸು॑ರಾಣಾ-ಮಸುರ॒ತ್ವಂ-ವೇಁದ॑ । ಅಸು॑ಮಾನೇ॒ವ ಭ॑ವತಿ । ನೈನ॒ಮಸು॑ರ್ಜಹಾತಿ ॥ ಸೋ-ಽಸು॑ರಾನ್-ಥ್ಸೃ॒ಷ್ಟ್ವಾ ಪಿ॒ತೇವಾ॑ಮನ್ಯತ । ತದನು॑ ಪಿ॒ತೄನ॑ಸೃಜತ । ತತ್-ಪಿ॑ತೃ॒ಣಾ-ಮ್ಪಿ॑ತೃ॒ತ್ವಮ್ । ಯ ಏ॒ವ-ಮ್ಪಿ॑ತೃ॒ಣಾ-ಮ್ಪಿ॑ತೃ॒ತ್ವಂ-ವೇಁದ॑ । ಪಿ॒ತೇವೈ॒ವ ಸ್ವಾನಾ᳚-ಮ್ಭವತಿ ॥ 32 ॥

ಯನ್ತ್ಯ॑ಸ್ಯ ಪಿ॒ತರೋ॒ ಹವ᳚ಮ್ ॥ ಸ ಪಿ॒ತೄನ್-ಥ್ಸೃ॒ಷ್ಟ್ವಾ ಽಮ॑ನಸ್ಯತ್ । ತದನು॑ ಮನು॒ಷ್ಯಾ॑-ನಸೃಜತ । ತನ್ಮ॑ನು॒ಷ್ಯಾ॑ಣಾ-ಮ್ಮನುಷ್ಯ॒ತ್ವಮ್ । ಯ ಏ॒ವ-ಮ್ಮ॑ನು॒ಷ್ಯಾ॑ಣಾ-ಮ್ಮನುಷ್ಯ॒ತ್ವಂ-ವೇಁದ॑ । ಮ॒ನ॒ಸ್ವ್ಯೇ॑ವ ಭ॑ವತಿ । ನೈನ॒-ಮ್ಮನು॑ರ್ಜಹಾತಿ ॥ ತಸ್ಮೈ॑ ಮನು॒ಷ್ಯಾ᳚ನ್-ಥ್ಸಸೃಜಾ॒ನಾಯ॑ । ದಿವಾ॑ ದೇವ॒ತ್ರಾ ಽಭ॑ವತ್ । ತದನು॑ ದೇ॒ವಾನ॑ಸೃಜತ । ತ-ದ್ದೇ॒ವಾನಾ᳚-ನ್ದೇವ॒ತ್ವಮ್ । ಯ ಏ॒ವ-ನ್ದೇ॒ವಾನಾ᳚-ನ್ದೇವ॒ತ್ವಂ-ವೇಁದ॑ । ದಿವಾ॑ ಹೈ॒ವಾಸ್ಯ॑ ದೇವ॒ತ್ರಾ ಭ॑ವತಿ ॥ ತಾನಿ॒ ವಾ ಏ॒ತಾನಿ॑ ಚ॒ತ್ವಾರ್ಯಮ್ಭಾಗ್ಂ॑ಸಿ । ದೇ॒ವಾ ಮ॑ನು॒ಷ್ಯಾಃ᳚ ಪಿ॒ತರೋ-ಽಸು॑ರಾಃ ॥ ತೇಷು॒ ಸರ್ವೇ॒ಷ್ವಮ್ಭೋ॒ ನಭ॑ ಇವ ಭವತಿ । ಯ ಏ॒ವಂ-ವೇಁದ॑ ॥ 33 ॥
(ಅ॒ಜೀ॒ವ॒ಥ್ - ಸ್ವಾನಾ᳚-ಮ್ಭವತಿ - ದೇ॒ವಾನ॑ಸೃಜತ ಸ॒ಪ್ತ ಚ॑) (ಅ. 8)

ಅನುವಾಕಂ 9 - ವಾಯುರೂಪತ್ವಜ್ಞಾನೇನ ಹೋತೃಮನ್ತ್ರಾಣಾ-ಮ್ಪ್ರಶಂಸಾ
[(ಯ॒ಥಾ॒ಸ್ಥಾ॒ನ-ಙ್ಗ॑ರ್ಭಿ॒ಣ್ಯಃ॑) ಇಸ್ ಒನ್ಲ್ಯ್ ಇನ್ಸ್ತ್ರುಚ್ತಿಒನ್ , ನೊತ್ ಅ ಮನ್ತ್ರ]
ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಯೋ ವಾ ಇ॒ಮಂ-ವಿಁ॒ದ್ಯಾತ್ । ಯತೋ॒-ಽಯ-ಮ್ಪವ॑ತೇ । ಯದ॑ಭಿ॒ ಪವ॑ತೇ । ಯದ॑ಭಿ ಸ॒ಪಂ​ವಁ॑ತೇ । ಸರ್ವ॒ಮಾಯು॑ರಿಯಾತ್ । ನ ಪು॒ರಾ ಽಽಯು॑ಷಃ॒ ಪ್ರಮೀ॑ಯೇತ । ಪ॒ಶು॒ಮಾನ್-ಥ್ಸ್ಯಾ᳚ತ್ । ವಿ॒ನ್ದೇತ॑ ಪ್ರ॒ಜಾಮ್ ॥ ಯೋ ವಾ ಇ॒ಮಂ-ವೇಁದ॑ ॥ 34 ॥

ಯತೋ॒-ಽಯ-ಮ್ಪವ॑ತೇ । ಯದ॑ಭಿ॒ ಪವ॑ತೇ । ಯದ॑ಭಿ ಸ॒ಪಂ​ವಁ॑ತೇ । ಸರ್ವ॒ಮಾಯು॑ರೇತಿ । ನ ಪು॒ರಾ-ಽಽಯು॑ಷಃ॒ ಪ್ರಮೀ॑ಯತೇ । ಪ॒ಶು॒ಮಾ-ನ್ಭ॑ವತಿ । ವಿ॒ನ್ದತೇ᳚ ಪ್ರ॒ಜಾಮ್ ॥ ಅ॒ದ್ಭ್ಯಃ ಪ॑ವತೇ । ಅ॒ಪೋ॑-ಽಭಿ ಪ॑ವತೇ । ಅ॒ಪೋ॑-ಽಭಿ ಸಮ್ಪ॑ವತೇ ॥ 35 ॥

ಅ॒ಸ್ಯಾಃ ಪ॑ವತೇ । ಇ॒ಮಾಮ॒ಭಿ ಪ॑ವತೇ । ಇ॒ಮಾಮ॒ಭಿ ಸಮ್ಪ॑ವತೇ । ಅ॒ಗ್ನೇಃ ಪ॑ವತೇ । ಅ॒ಗ್ನಿಮ॒ಭಿ ಪ॑ವತೇ । ಅ॒ಗ್ನಿಮ॒ಭಿ ಸ-ಮ್ಪ॑ವತೇ । ಅ॒ನ್ತರಿ॑ಖ್ಷಾ-ತ್ಪವತೇ । ಅ॒ನ್ತರಿ॑ಖ್ಷಮ॒ಭಿ ಪ॑ವತೇ । ಅ॒ನ್ತರಿ॑ಖ್ಷಮ॒ಭಿ ಸ-ಮ್ಪ॑ವತೇ । ಆ॒ದಿ॒ತ್ಯಾ-ತ್ಪ॑ವತೇ ॥ 36 ॥

ಆ॒ದಿ॒ತ್ಯಮ॒ಭಿ ಪ॑ವತೇ । ಆ॒ದಿ॒ತ್ಯಮ॒ಭಿ ಸ-ಮ್ಪ॑ವತೇ । ದ್ಯೋಃ ಪ॑ವತೇ । ದಿವ॑ಮ॒ಭಿ ಪ॑ವತೇ ॥ ದಿವ॑ಮ॒ಭಿ ಸ-ಮ್ಪ॑ವತೇ । ದಿ॒ಗ್ಭ್ಯಃ ಪ॑ವತೇ । ದಿಶೋ॒-ಽಭಿ ಪ॑ವತೇ । ದಿಶೋ॒-ಽಭಿ ಸ-ಮ್ಪ॑ವತೇ । ಸ ಯತ್-ಪು॒ರಸ್ತಾ॒ದ್ವಾತಿ॑ । ಪ್ರಾ॒ಣ ಏ॒ವ ಭೂ॒ತ್ವಾ ಪು॒ರಸ್ತಾ᳚ದ್ವಾತಿ ॥ 37 ॥

ತಸ್ಮಾ᳚ತ್-ಪು॒ರಸ್ತಾ॒-ದ್ವಾನ್ತ᳚ಮ್ । ಸರ್ವಾಃ᳚ ಪ್ರ॒ಜಾಃ ಪ್ರತಿ॑ ನನ್ದನ್ತಿ । ಪ್ರಾ॒ಣೋ ಹಿ ಪ್ರಿ॒ಯಃ ಪ್ರ॒ಜಾನಾ᳚ಮ್ । ಪ್ರಾ॒ಣ ಇ॑ವ ಪ್ರಿ॒ಯಃ ಪ್ರ॒ಜಾನಾ᳚-ಮ್ಭವತಿ । ಯ ಏ॒ವಂ-ವೇಁದ॑ । ಸ ವಾ ಏ॒ಷ ಪ್ರಾ॒ಣ ಏ॒ವ ॥ ಅಥ॒ ಯ-ದ್ದ॑ಖ್ಷಿಣ॒ತೋ ವಾತಿ॑ । ಮಾ॒ತ॒ರಿಶ್ವೈ॒ವ ಭೂ॒ತ್ವಾ ದ॑ಖ್ಷಿಣ॒ತೋ ವಾ॑ತಿ । ತಸ್ಮಾ᳚-ದ್ದಖ್ಷಿಣ॒ತೋ ವಾನ್ತಂ॑-ವಿಁ॒ದ್ಯಾತ್ । ಸರ್ವಾ॒ ದಿಶ॒ ಆವಾ॑ತಿ ॥ 38 ॥

ಸರ್ವಾ॒ ದಿಶೋ-ಽನು॒ ವಿವಾ॑ತಿ । ಸರ್ವಾ॒ ದಿಶೋ-ಽನು॒ ಸಂ​ವಾಁ॒ತೀತಿ॑ । ಸ ವಾ ಏ॒ಷ ಮಾ॑ತ॒ರಿಶ್ವೈ॒ವ ॥ ಅಥ॒ ಯತ್-ಪ॒ಶ್ಚಾದ್ವಾತಿ॑ । ಪವ॑ಮಾನ ಏ॒ವ ಭೂ॒ತ್ವಾ ಪ॒ಶ್ಚಾದ್ವಾ॑ತಿ । ಪೂ॒ತಮ॑ಸ್ಮಾ॒ ಆಹ॑ರನ್ತಿ । ಪೂ॒ತಮುಪ॑ಹರನ್ತಿ । ಪೂ॒ತಮ॑ಶ್ನಾತಿ । ಯ ಏ॒ವಂ-ವೇಁದ॑ । ಸ ವಾ ಏ॒ಷ ಪವ॑ಮಾನ ಏ॒ವ ॥ 39 ॥

ಅಥ॒ ಯದು॑ತ್ತರ॒ತೋ ವಾತಿ॑ । ಸ॒ವಿ॒ತೈವ ಭೂ॒ತ್ವೋತ್ತ॑ರ॒ತೋ ವಾ॑ತಿ । ಸ॒ವಿ॒ತೇವ॒ ಸ್ವಾನಾ᳚-ಮ್ಭವತಿ । ಯ ಏ॒ವಂ-ವೇಁದ॑ । ಸ ವಾ ಏ॒ಷ ಸ॑ವಿ॒ತೈವ ॥ ತೇ ಯ ಏ॑ನ-ಮ್ಪು॒ರಸ್ತಾ॑ದಾ॒ಯನ್ತ॑-ಮುಪ॒ವದ॑ನ್ತಿ । ಯ ಏ॒ವಾಸ್ಯ॑ ಪು॒ರಸ್ತಾ᳚ತ್-ಪಾ॒ಪ್ಮಾನಃ॑ । ತಾಗ್​ಸ್ತೇ ಽಪ॑ಘ್ನನ್ತಿ । ಪು॒ರಸ್ತಾ॒ದಿತ॑ರಾನ್-ಪಾ॒ಪ್ಮನ॑-ಸ್ಸಚನ್ತೇ ॥ ಅಥ॒ ಯ ಏ॑ನ-ನ್ದಖ್ಷಿಣ॒ತ ಆ॒ಯನ್ತ॑-ಮುಪ॒ವದ॑ನ್ತಿ ॥ 40 ॥

ಯ ಏ॒ವಾಸ್ಯ॑ ದಖ್ಷಿಣ॒ತಃ ಪಾ॒ಪ್ಮಾನಃ॑ । ತಾಗ್​ಸ್ತೇ ಽಪ॑ಘ್ನನ್ತಿ । ದ॒ಖ್ಷಿ॒ಣ॒ತ ಇತ॑ರಾ-ನ್ಪಾ॒ಪ್ಮನ॑-ಸ್ಸಚನ್ತೇ ॥ ಅಥ॒ ಯ ಏ॑ನ-ಮ್ಪ॒ಶ್ಚಾದಾ॒ಯನ್ತ॑-ಮುಪ॒ವದ॑ನ್ತಿ । ಯ ಏ॒ವಾಸ್ಯ॑ ಪ॒ಶ್ಚಾತ್-ಪಾ॒ಪ್ಮಾನಃ॑ । ತಾಗ್​ಸ್ತೇ ಽಪ॑ಘ್ನನ್ತಿ । ಪ॒ಶ್ಚಾದಿತ॑ರಾನ್-ಪಾ॒ಪ್ಮನ॑-ಸ್ಸಚನ್ತೇ ॥ ಅಥ॒ ಯ ಏ॑ನಮುತ್ತರ॒ತ ಆ॒ಯನ್ತ॑ಮುಪ॒ ವದ॑ನ್ತಿ । ಯ ಏ॒ವಾಸ್ಯೋ᳚ತ್ತರ॒ತಃ ಪಾ॒ಪ್ಮಾನಃ॑ । ತಾಗ್​ಸ್ತೇ ಽಪ॑ಘ್ನನ್ತಿ ॥ 41 ॥

ಉ॒ತ್ತ॒ರ॒ತ ಇತ॑ರಾ-ನ್ಪಾ॒ಪ್ಮನ॑-ಸ್ಸಚನ್ತೇ ॥ ತಸ್ಮಾ॑ ದೇ॒ವಂ-ವಿಁ॒ದ್ವಾನ್ । ವೀವ॑ ನೃತ್ಯೇತ್ । ಪ್ರೇವ॑ ಚಲೇತ್ । ವ್ಯಸ್ಯೇ॑ವಾ॒ಖ್ಷ್ಯೌ ಭಾ॑ಷೇತ । ಮ॒ಣ್ಟಯೇ॑ದಿವ । ಕ್ರಾ॒ಥಯೇ॑ದಿವ । ಶೃ॒ಙ್ಗಾ॒ಯೇತೇ॑ವ ॥ ಉ॒ತ ಮೋಪ॑ವದೇಯುಃ । ಉ॒ತ ಮೇ॑ ಪಾ॒ಪ್ಮಾನ॒-ಮಪ॑ಹನ್ಯು॒ರಿತಿ॑ ॥ ಸ ಯಾ-ನ್ದಿಶಗ್ಂ॑ ಸ॒ನಿಮೇ॒ಷ್ಯನ್-ಥ್ಸ್ಯಾತ್ । ಯ॒ದಾ ತಾ-ನ್ದಿಶಂ॒-ವಾಁತೋ॑ ವಾ॒ಯಾತ್ । ಅಥ॒ ಪ್ರವೇ॒ಯಾತ್ । ಪ್ರ ವಾ॑ ಧಾಪಯೇತ್ (ಧಾವಯೇತ್) । ಸಾ॒ತಮೇ॒ವ ರ॑ದಿ॒ತಂ-ವ್ಯೂಁ॑ಢ-ಙ್ಗ॒ನ್ಧಮ॒ಭಿ ಪ್ರಚ್ಯ॑ವತೇ । ಆ-ಽಸ್ಯ॒ ತ-ಞ್ಜ॑ನಪ॒ದ-ಮ್ಪೂರ್ವಾ॑ ಕೀ॒ರ್ತಿರ್ಗ॑ಚ್ಛತಿ ॥ ದಾನ॑ಕಾಮಾ ಅಸ್ಮೈ ಪ್ರ॒ಜಾ ಭ॑ವನ್ತಿ । ಯ ಏ॒ವಂ-ವೇಁದ॑ ॥ 42 ॥
(ವೇದ॒ - ಸಮ್ಪ॑ವತ - ಆದಿ॒ತ್ಯಾ-ತ್ಪ॑ವತೇ - ವಾ॒ತ್ಯಾ - ವಾ᳚ತ್ಯೇ॒ - ಷ ಪವ॑ಮಾನ ಏ॒ವ - ದ॑ಖ್ಷಿಣ॒ತ ಆ॒ಯನ್ತ॑ಮುಪ॒ ವದ॑ನ್ - ತ್ಯುತ್ತರ॒ತಃ ಪಾ॒ಪ್ಮಾನ॒ಸ್ತಾಗ್​ಸ್ತೇ ಽಪ॑ಘ್ನ॒ - ನ್ತೀತ್ಯ॒ಷ್ಟೌ ಚ॑) (ಅ. 9)

ಅನುವಾಕಂ 10 - ದಶಹೋತೃಮನ್ತ್ರಾಣಾ-ಙ್ಕಾಮ್ಯಪ್ರಯೋಗಃ
ಪ್ರ॒ಜಾಪ॑ತಿ॒-ಸ್ಸೋಮ॒ಗ್ಂ॒ ರಾಜಾ॑ನಮಸೃಜತ । ತ-ನ್ತ್ರಯೋ॒ ವೇದಾ॒ ಅನ್ವ॑ಸೃಜ್ಯನ್ತ । ತಾನ್. ಹಸ್ತೇ॑-ಽಕುರುತ । ಅಥ॒ ಹ ಸೀತಾ॑ ಸಾವಿ॒ತ್ರೀ । ಸೋಮ॒ಗ್ಂ॒ ರಾಜಾ॑ನ-ಞ್ಚಕಮೇ । ಶ್ರ॒ದ್ಧಾಮು॒ ಸ ಚ॑ಕಮೇ । ಸಾ ಹ॑ ಪಿ॒ತರ॑-ಮ್ಪ್ರ॒ಜಾಪ॑ತಿ॒-ಮುಪ॑ಸಸಾರ । ತಗ್ಂ ಹೋ॑ವಾಚ । ನಮ॑ಸ್ತೇ ಅಸ್ತು ಭಗವಃ । ಉಪ॑ ತ್ವಾ-ಽಯಾನಿ ॥ 43 ॥

ಪ್ರ ತ್ವಾ॑ ಪದ್ಯೇ ॥ ಸೋಮಂ॒-ವೈಁ ರಾಜಾ॑ನ-ಙ್ಕಾಮಯೇ । ಶ್ರ॒ದ್ಧಾಮು॒ ಸ ಕಾ॑ಮಯತ॒ ಇತಿ॑ । ತಸ್ಯಾ॑ ಉ॒ ಹ ಸ್ಥಾ॑ಗ॒ರಮ॑ಲಙ್ಕಾ॒ರ-ಙ್ಕ॑ಲ್ಪಯಿ॒ತ್ವಾ । ದಶ॑ಹೋತಾರ-ಮ್ಪು॒ರಸ್ತಾ᳚-ದ್ವ್ಯಾ॒ಖ್ಯಾಯ॑ । ಚತು॑ರ್​ಹೋತಾರ-ನ್ದಖ್ಷಿಣ॒ತಃ । ಪಞ್ಚ॑ ಹೋತಾರ-ಮ್ಪ॒ಶ್ಚಾತ್ । ಷಡ್ಢೋ॑ತಾರ-ಮುತ್ತರ॒ತಃ । ಸ॒ಪ್ತಹೋ॑ತಾರ-ಮು॒ಪರಿ॑ಷ್ಟಾತ್ । ಸ॒ಮ್ಭಾ॒ರೈಶ್ಚ॒ ಪತ್ನಿ॑ಭಿಶ್ಚ॒ ಮುಖೇ॑-ಽಲ॒ಙ್ಕೃತ್ಯ॑ ॥ 44 ॥

ಆ-ಽಸ್ಯಾರ್ಧಂ-ವಁ॑ವ್ರಾಜ । ತಾಗ್ಂ ಹೋ॒ದೀಖ್ಷ್ಯೋ॑ವಾಚ । ಉಪ॒ ಮಾ-ಽಽವ॑ರ್ತ॒ಸ್ವೇತಿ॑ । ತಗ್ಂ ಹೋ॑ವಾಚ । ಭೋಗ॒-ನ್ತು ಮ॒ ಆಚ॑ಖ್ಷ್ವ । ಏ॒ತ-ನ್ಮ॒ ಆಚ॑ಖ್ಷ್ವ । ಯತ್ತೇ॑ ಪಾ॒ಣಾವಿತಿ॑ । ತಸ್ಯಾ॑ ಉ॒ ಹ ತ್ರೀನ್. ವೇದಾ॒-ನ್ಪ್ರದ॑ದೌ । ತಸ್ಮಾ॒ದು ಹ॒ ಸ್ತ್ರಿಯೋ॒ ಭೋಗ॒ಮೈವ ಹಾ॑ರಯನ್ತೇ ॥ ಸ ಯಃ ಕಾ॒ಮಯೇ॑ತ ಪ್ರಿ॒ಯ-ಸ್ಸ್ಯಾ॒ಮಿತಿ॑ ॥ 45 ॥

ಯಂ-ವಾಁ॑ ಕಾ॒ಮಯೇ॑ತ ಪ್ರಿ॒ಯ-ಸ್ಸ್ಯಾ॒ದಿತಿ॑ । ತಸ್ಮಾ॑ ಏ॒ತಗ್ಗ್​ ಸ್ಥಾ॑ಗ॒ರ-ಮ॑ಲಙ್ಕಾ॒ರ-ಙ್ಕ॑ಲ್ಪಯಿ॒ತ್ವಾ । ದಶ॑ಹೋತಾರ-ಮ್ಪು॒ರಸ್ತಾ᳚-ದ್ವ್ಯಾ॒ಖ್ಯಾಯ॑ । ಚತು॑ರ್​ಹೋತಾರ-ನ್ದಖ್ಷಿಣ॒ತಃ । ಪಞ್ಚ॑ಹೋತಾರ-ಮ್ಪ॒ಶ್ಚಾತ್ । ಷಡ್ಢೋ॑ತಾರ-ಮುತ್ತರ॒ತಃ । ಸ॒ಪ್ತಹೋ॑ತಾ-ರಮು॒ಪರಿ॑ಷ್ಟಾತ್ । ಸ॒ಮ್ಭಾ॒ರೈಶ್ಚ॒ ಪತ್ನಿ॑ಭಿಶ್ಚ॒ ಮುಖೇ॑-ಽಲ॒ಙ್ಕೃತ್ಯ॑ । ಆ-ಽಸ್ಯಾರ್ಧಂ-ವ್ರಁ॑ಜೇತ್ । ಪ್ರಿ॒ಯೋ ಹೈ॒ವ ಭ॑ವತಿ ॥ 46 ॥
(ಅ॒ಯಾ॒ - ನ್ಯ॒ಲ॒ಙ್ಕೃತ್ಯ॑ - ಸ್ಯಾ॒ಮಿತಿ॑ - ಭವತಿ) (ಅ. 10)

ಅನುವಾಕಂ 11 - ದಶಹೋತ್ರಾದಿಮನ್ತ್ರನಾಮ್ನಾ-ಮ್ಪ್ರವೃತ್ತಿನಿಮಿತ್ತಮ್
ಬ್ರಹ್ಮಾ᳚ತ್ಮ॒ನ್-ವದ॑ಸೃಜತ । ತದ॑ಕಾಮಯತ । ಸಮಾ॒ತ್ಮನಾ॑ ಪದ್ಯೇ॒ಯೇತಿ॑ । ಆತ್ಮ॒-ನ್ನಾತ್ಮ॒-ನ್ನಿತ್ಯಾಮ॑ನ್ತ್ರಯತ । ತಸ್ಮೈ॑ ದಶ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ । ಸ ದಶ॑ಹೂತೋ-ಽಭವತ್ । ದಶ॑ಹೂತೋ ಹ॒ ವೈ ನಾಮೈ॒ಷಃ । ತಂ-ವಾಁ ಏ॒ತ-ನ್ದಶ॑ಹೂತ॒ಗ್ಂ॒ ಸನ್ತ᳚ಮ್ । ದಶ॑ಹೋ॒ತೇತ್ಯಾಚ॑ಖ್ಷತೇ ಪ॒ರೋಖ್ಷೇ॑ಣ । ಪ॒ರೋಖ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ 47 ॥

ಆತ್ಮ॒-ನ್ನಾತ್ಮ॒-ನ್ನಿತ್ಯಾಮ॑ನ್ತ್ರಯತ । ತಸ್ಮೈ॑ ಸಪ್ತ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ । ಸ ಸ॒ಪ್ತಹೂ॑ತೋ-ಽಭವತ್ । ಸ॒ಪ್ತಹೂ॑ತೋ ಹ॒ ವೈ ನಾಮೈ॒ಷಃ । ತಂ-ವಾಁ ಏ॒ತಗ್ಂ ಸ॒ಪ್ತಹೂ॑ತ॒ಗ್ಂ॒ ಸನ್ತ᳚ಮ್ । ಸ॒ಪ್ತಹೋ॒ತೇತ್ಯಾಚ॑ಖ್ಷತೇ ಪ॒ರೋಖ್ಷೇ॑ಣ । ಪ॒ರೋಖ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ ಆತ್ಮ॒-ನ್ನಾತ್ಮ॒-ನ್ನಿತ್ಯಾಮ॑ನ್ತ್ರಯತ । ತಸ್ಮೈ॑ ಷ॒ಷ್ಠಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ । ಸ ಷಡ್ಢೂ॑ತೋ-ಽಭವತ್ ॥ 48 ॥

ಷಡ್ಢೂ॑ತೋ ಹ॒ ವೈ ನಾಮೈ॒ಷಃ । ತಂ-ವಾಁ ಏ॒ತಗ್ಂ ಷಡ್ಢೂ॑ತ॒ಗ್ಂ॒ ಸನ್ತ᳚ಮ್ । ಷಡ್ಢೋ॒ತೇತ್ಯಾಚ॑ಖ್ಷತೇ ಪ॒ರೋಖ್ಷೇ॑ಣ । ಪ॒ರೋಖ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ ಆತ್ಮ॒-ನ್ನಾತ್ಮ॒-ನ್ನಿತ್ಯಾಮ॑ನ್ತ್ರಯತ । ತಸ್ಮೈ॑ ಪಞ್ಚ॒ಮಗ್ಂ ಹೂ॒ತಃ ಪ್ರತ್ಯ॑ ಶೃಣೋತ್ । ಸ ಪಞ್ಚ॑ ಹೂತೋ-ಽಭವತ್ । ಪಞ್ಚ॑ಹೂತೋ ಹ॒ ವೈ ನಾಮೈ॒ಷಃ । ತಂ-ವಾಁ ಏ॒ತ-ಮ್ಪಞ್ಚ॑ಹೂತ॒ಗ್ಂ॒ ಸನ್ತ᳚ಮ್ । ಪಞ್ಚ॑ಹೋ॒ತೇತ್ಯಾಚ॑ಖ್ಷತೇ ಪ॒ರೋಖ್ಷೇ॑ಣ ॥ 49 ॥

ಪ॒ರೋಖ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ ಆತ್ಮ॒-ನ್ನಾತ್ಮ॒-ನ್ನಿತ್ಯಾಮ॑ನ್ತ್ರಯತ । ತಸ್ಮೈ॑ ಚತು॒ರ್ಥಗ್ಂ ಹೂ॒ತಃ ಪ್ರತ್ಯ॑ಶೃಣೋತ್ । ಸ ಚತು॑ರ್​ಹೂತೋ-ಽಭವತ್ । ಚತು॑ರ್​ಹೂತೋ ಹ॒ ವೈ ನಾಮೈ॒ಷಃ । ತಂ-ವಾಁ ಏ॒ತ-ಞ್ಚತು॑ರ್​ಹೂತ॒ಗ್ಂ॒ ಸನ್ತ᳚ಮ್ । ಚತು॑ರ್​ಹೋ॒ತೇತ್ಯಾಚ॑ಖ್ಷತೇ ಪ॒ರೋಖ್ಷೇ॑ಣ । ಪ॒ರೋಖ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ ॥ ತಮ॑ಬ್ರವೀತ್ । ತ್ವಂ-ವೈಁ ಮೇ॒ ನೇದಿ॑ಷ್ಠಗ್ಂ ಹೂ॒ತಃ ಪ್ರತ್ಯ॑ಶ್ರೌಷೀಃ । ತ್ವಯೈ॑-ನಾನಾಖ್ಯಾ॒ತಾರ॒ ಇತಿ॑ । ತಸ್ಮಾ॒ನ್ನು ಹೈ॑ನಾ॒ಗ್॒-ಶ್ಚತು॑ರ್​ಹೋತಾರ॒ ಇತ್ಯಾಚ॑ಖ್ಷತೇ । ತಸ್ಮಾ᳚-ಚ್ಛುಶ್ರೂ॒ಷುಃ ಪು॒ತ್ರಾಣಾ॒ಗ್ಂ॒ ಹೃದ್ಯ॑ತಮಃ । ನೇದಿ॑ಷ್ಠೋ॒ ಹೃದ್ಯ॑ತಮಃ । ನೇದಿ॑ಷ್ಠೋ॒ ಬ್ರಹ್ಮ॑ಣೋ ಭವತಿ । ಯ ಏ॒ವಂ-ವೇಁದ॑ ॥ 50 ॥
(ದೇ॒ವಾಃ - ಷಡ್ಢೂ॑ತೋ-ಽಭವ॒ತ್ - ಪಞ್ಚ॑ಹೋ॒ತೇತ್ಯಾಚ॑ಖ್ಷತೇ ಪ॒ರೋಖ್ಷೇ॑ಣಾ - ಶ್ರೌಷೀ॒-ಷ್ಷಟ್ಚ॑) (ಅ. 11)

(ಬ್ರ॒ಹ್ಮ॒ವಾ॒ದಿನಃ॒ ಕಿಂ - ದಖ್ಷಿ॑ಣಾಂ॒ - ಁಯೋ ವಾ ಅವಿ॑ದ್ವಾ॒ನ್ - ತಸ್ಯ॒ ವೈ - ಬ್ರ॑ಹ್ಮವಾ॒ದಿನೋ॒ ಯ-ದ್ದಶ॑ಹೋತಾರಃ - ಪ್ರ॒ಜಾಪ॑ತಿ॒ ವ್ಯಸ್ರಂ - ಪ್ರ॒ಜಾಪ॑ತಿಃ॒ ಪುರು॑ಷಂ - ಪ್ರ॒ಜಾಪ॑ತಿರಕಾಮಯತ॒ ಸ ತಪ॒-ಸ್ಸೋ᳚-ಽನ್ತರ್ವಾ᳚ನ್ - ಬ್ರಹ್ಮವಾ॒ದಿನೋ॒ ಯೋ ವಾ ಇ॒ಮಂ-ವಿಁ॒ದ್ಯಾತ್ - ಪ್ರ॒ಜಾಪ॑ತಿ॒-ಸ್ಸೋಮ॒ಗ್ಂ॒ ರಾಜಾ॑ನಂ॒ - ಬ್ರಹ್ಮಾ᳚ತ್ ಮ॒ನ್ವದೇಕಾ॑ದಶ)

(ಬ್ರ॒ಹ್ಮ॒ವಾ॒ದಿನ॒ - ಸ್ತಸ್ಯ॒ ವಾ ಅ॒ಗ್ನೇ--ರ್ ಯದ್ವಾ ಇ॒ದ-ಙ್ಕಿಞ್ಚ॑ - ಪ್ರ॒ಜಾಪ॑ತಿರಕಾಮಯತ॒ -ಯ ಏ॒ವಾಸ್ಯ॑ ದಖ್ಷಿಣ॒ತಃ ಪ॑ಞ್ಚಾ॒ಶತ್)

(ಬ್ರ॒ಹ್ಮ॒ವಾ॒ದಿನೋ॒ - ಯ ಏ॒ವಂ-ವೇಁದ॑ )

॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ದ್ವಿತೀಯಾಷ್ಟಕೇ ತೃತೀಯಃ ಪ್ರಪಾಠಕ-ಸ್ಸಮಾಪ್ತಃ ॥