ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಕಾಠಕೇ ದ್ವಿತೀಯಃ ಪ್ರಶ್ನಃ - ನಾಚಿಕೇತಚಯನಮ್

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಅನುವಾಕಂ 1 - ಇಷ್ಟಕೋಪಧಾನಮನ್ತ್ರಾಃ
ಲೋ॒ಕೋ॑-ಽಸಿ ಸ್ವ॒ರ್ಗೋ॑-ಽಸಿ । ಅ॒ನ॒ನ್ತೋ᳚-ಽಸ್ಯ ಪಾ॒ರೋ॑-ಽಸಿ ।
ಅಖ್ಷಿ॑ತೋ-ಽಸ್ಯ ಖ್ಷ॒ಯ್ಯೋ॑-ಽಸಿ । ತಪ॑ಸಃ ಪ್ರತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ । ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ । ತನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 1 ॥

ತಪೋ॑-ಽಸಿ ಲೋ॒ಕೇ ಶ್ರಿ॒ತಮ್ । ತೇಜ॑ಸಃ ಪ್ರತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತೃ ವಿಶ್ವ॑ಸ್ಯ ಜನಯಿ॒ತೃ ।
ತ-ತ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ ।
ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 2 ॥

ತೇಜೋ॑-ಽಸಿ॒ ತಪ॑ಸಿ ಶ್ರಿ॒ತಮ್ । ಸ॒ಮು॒ದ್ರಸ್ಯ॑ ಪ್ರತಿ॒ಷ್ಠಾ ।
ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತೃವಿಶ್ವ॑ಸ್ಯ ಜನಯಿ॒ತೃ ।
ತ-ತ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ ।
ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 3 ॥

ಸ॒ಮು॒ದ್ರೋ॑-ಽಸಿ॒ ತೇಜ॑ಸಿ ಶ್ರಿ॒ತಃ । ಅ॒ಪಾ-ಮ್ಪ್ರ॑ತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ ।
ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ ।
ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 4 ॥

ಆಪ॑-ಸ್ಸ್ಥ ಸಮು॒ದ್ರೇ ಶ್ರಿ॒ತಾಃ । ಪೃ॒ಥಿ॒ವ್ಯಾಃ ಪ್ರ॑ತಿ॒ಷ್ಠಾ ಯು॒ಷ್ಮಾಸು॑ । ಇ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ । ವಿಶ್ವ॑ಸ್ಯ ಭ॒ರ್ತ್ರ್ಯೋ॑ ವಿಶ್ವ॑ಸ್ಯ ಜನಯಿ॒ತ್ರ್ಯಃ॑ । ತಾ ವ॒ ಉಪ॑ದಧೇ ಕಾಮ॒ದುಘಾ॒ ಅಖ್ಷಿ॑ತಾಃ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 5 ॥

ಪೃ॒ಥಿ॒ವ್ಯ॑-ಸ್ಯ॒ಫ್ಸು ಶ್ರಿ॒ತಾ । ಅ॒ಗ್ನೇಃ ಪ್ರ॑ತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ । ವಿಶ್ವ॑ಸ್ಯ ಭ॒ರ್ತ್ರೀ ವಿಶ್ವ॑ಸ್ಯ ಜನಯಿ॒ತ್ರೀ । ತಾ-ನ್ತ್ವೋಪ॑ದಧೇ ಕಾಮ॒ದುಘಾ॒-ಮಖ್ಷಿ॑ತಾಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 6 ॥

ಅ॒ಗ್ನಿರ॑ಸಿ ಪೃಥಿ॒ವ್ಯಾಗ್​ ಶ್ರಿ॒ತಃ । ಅ॒ನ್ತರಿ॑ಖ್ಷಸ್ಯ ಪ್ರತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ । ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 7 ॥

ಅ॒ನ್ತರಿ॑ಖ್ಷ-ಮಸ್ಯ॒ಗ್ನೌ ಶ್ರಿ॒ತಮ್ ।
ವಾ॒ಯೋಃ ಪ್ರ॑ತಿ॒ಷ್ಠಾ । ತ್ವಯೀ॒ದಮ॒ನ್ತಃ ।
ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತೃ ವಿಶ್ವ॑ಸ್ಯ ಜನಯಿ॒ತೃ ।
ತ-ತ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 8 ॥

ವಾ॒ಯುರ॑ಸ್ಯ॒ನ್ತರಿ॑ಖ್ಷೇ ಶ್ರಿ॒ತಃ । ದಿ॒ವಃ ಪ್ರ॑ತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ ।
ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 9 ॥

ದ್ಯೌರ॑ಸಿ ವಾ॒ಯೌ ಶ್ರಿ॒ತಾ । ಆ॒ದಿ॒ತ್ಯಸ್ಯ॑ ಪ್ರತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತ್ರೀ ವಿಶ್ವ॑ಸ್ಯ ಜನಯಿ॒ತ್ರೀ ।
ತಾ-ನ್ತ್ವೋಪ॑ದಧೇ ಕಾಮ॒ದುಘಾ॒-ಮಖ್ಷಿ॑ತಾಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 10 ॥

ಆ॒ದಿ॒ತ್ಯೋ॑-ಽಸಿ ದಿ॒ವಿ ಶ್ರಿ॒ತಃ । ಚ॒ನ್ದ್ರಮ॑ಸಃ ಪ್ರತಿ॒ಷ್ಠಾ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ ।
ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 11 ॥

ಚ॒ನ್ದ್ರಮಾ॑ ಅಸ್ಯಾದಿ॒ತ್ಯೇ ಶ್ರಿ॒ತಃ ।
ನಖ್ಷ॑ತ್ರಾಣಾ-ಮ್ಪ್ರತಿ॒ಷ್ಠಾ । ತ್ವಯೀ॒ದಮ॒ನ್ತಃ ।
ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ । ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ । ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 12 ॥

ನಖ್ಷ॑ತ್ರಾಣಿ ಸ್ಥ ಚ॒ನ್ದ್ರಮ॑ಸಿ ಶ್ರಿ॒ತಾನಿ॑ । ಸಂ॒​ವಁ॒ಥ್ಸ॒ರಸ್ಯ॑ ಪ್ರತಿ॒ಷ್ಠಾ ಯು॒ಷ್ಮಾಸು॑ ।
ಇ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತೄಣಿ॒ ವಿಶ್ವ॑ಸ್ಯ ಜನಯಿ॒ತೄಣಿ॑ ।
ತಾನಿ॑ ವ॒ ಉಪ॑ದಧೇ ಕಾಮ॒ದುಘಾ॒-ನ್ಯಖ್ಷಿ॑ತಾನಿ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 13 ॥

ಸಂ॒​ವಁ॒ಥ್ಸ॒ರೋ॑-ಽಸಿ॒ ನಖ್ಷ॑ತ್ರೇಷು ಶ್ರಿ॒ತಃ । ಋ॒ತೂ॒ನಾ-ಮ್ಪ್ರ॑ತಿ॒ಷ್ಠಾ । ತ್ವಯೀ॒ದಮ॒ನ್ತಃ ।
ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ । ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ । ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 14 ॥
ಋ॒ತವ॑-ಸ್ಸ್ಥ ಸಂ​ವಁಥ್ಸ॒ರೇ ಶ್ರಿ॒ತಾಃ ।
ಮಾಸಾ॑ನಾ-ಮ್ಪ್ರತಿ॒ಷ್ಠಾ ಯು॒ಷ್ಮಾಸು॑ ।
ಇ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾರೋ॒ ವಿಶ್ವ॑ಸ್ಯ ಜನಯಿ॒ತಾರಃ॑ ।
ತಾನ್. ವ॒ ಉಪ॑ದಧೇ ಕಾಮ॒ದುಘಾ॒-ನಖ್ಷಿ॑ತಾನ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 15 ॥

ಮಾಸಾ᳚-ಸ್ಸ್ಥ॒ರ್ತುಷು॑ ಶ್ರಿ॒ತಾಃ । ಅ॒ದ್ರ್ಧ॒ಮಾ॒ಸಾನಾ᳚-ಮ್ಪ್ರತಿ॒ಷ್ಠಾ ಯು॒ಷ್ಮಾಸು॑ । ಇ॒ದಮ॒ನ್ತಃ ।
ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ । ವಿಶ್ವ॑ಸ್ಯ ಭ॒ರ್ತಾರೋ॒ ವಿಶ್ವ॑ಸ್ಯ ಜನಯಿ॒ತಾರಃ॑ । ತಾನ್. ವ॒ ಉಪ॑ದಧೇ ಕಾಮ॒ದುಘಾ॒-ನಖ್ಷಿ॑ತಾನ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 16 ॥

ಅ॒ದ್ರ್ಧ॒ಮಾ॒ಸಾ-ಸ್ಸ್ಥ॑ ಮಾ॒ಸು ಶ್ರಿ॒ತಾಃ । ಅ॒ಹೋ॒ರಾ॒ತ್ರಯೋಃ᳚ ಪ್ರತಿ॒ಷ್ಠಾ ಯು॒ಷ್ಮಾಸು॑ ।
ಇ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾರೋ॒ ವಿಶ್ವ॑ಸ್ಯ ಜನಯಿ॒ತಾರಃ॑ ।
ತಾನ್. ವ॒ ಉಪ॑ದಧೇ ಕಾಮ॒ದುಘಾ॒-ನಖ್ಷಿ॑ತಾನ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 17 ॥

ಅ॒ಹೋ॒ರಾ॒ತ್ರೇ ಸ್ಥೋ᳚-ಽದ್ರ್ಧಮಾ॒ಸೇಷು॑ ಶ್ರಿ॒ತೇ । ಭೂ॒ತಸ್ಯ॑ ಪ್ರತಿ॒ಷ್ಠೇ ಭವ್ಯ॑ಸ್ಯ ಪ್ರತಿ॒ಷ್ಠೇ ।
ಯು॒ವಯೋ॑-ರಿ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತ್ರ್ಯೌ॑ ವಿಶ್ವ॑ಸ್ಯ ಜನಯಿ॒ತ್ರ್ಯೌ᳚ । ತೇ ವಾ॒ಮುಪ॑ದಧೇ ಕಾಮ॒ದುಘೇ॒ ಅಖ್ಷಿ॑ತೇ ।
ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 18 ॥

ಪೌ॒ರ್ಣ॒ಮಾ॒ಸ್ಯಷ್ಟ॑ಕಾ ಽಮಾವಾ॒ಸ್ಯಾ᳚ । ಅ॒ನ್ನಾ॒ದಾ-ಸ್ಸ್ಥಾ᳚ನ್ನ॒ದುಘೋ॑ ಯು॒ಷ್ಮಾಸು॑ ।
ಇ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತ್ರ್ಯೋ॑ ವಿಶ್ವ॑ಸ್ಯ ಜನಯಿ॒ತ್ರ್ಯಃ॑ ।
ತಾ ವ॒ ಉಪ॑ದಧೇ ಕಾಮ॒ದುಘಾ॒-ಅಖ್ಷಿ॑ತಾಃ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 19 ॥

ರಾಡ॑ಸಿ ಬೃಹ॒ತೀ ಶ್ರೀರ॒ಸೀನ್ದ್ರ॑ಪತ್ನೀ॒ ಧರ್ಮ॑ಪತ್ನೀ । ವಿಶ್ವ॑-ಮ್ಭೂ॒ತಮನು॒ ಪ್ರಭೂ॑ತಾ ।
ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತ್ರೀ ವಿಶ್ವ॑ಸ್ಯ ಜನಯಿ॒ತ್ರೀ । ತಾ-ನ್ತ್ವೋಪ॑ದಧೇ ಕಾಮ॒ದುಘಾ॒-ಮಖ್ಷಿ॑ತಾಮ್ ।
ಪ್ರ॒ಜಾಪ॑ತಿಸ್ತ್ವಾ ಸಾದಯತು । ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 20 ॥

ಓಜೋ॑-ಽಸಿ॒ ಸಹೋ॑-ಽಸಿ । ಬಲ॑ಮಸಿ॒ ಭ್ರಾಜೋ॑-ಽಸಿ ।
ದೇ॒ವಾನಾ॒-ನ್ಧಾಮಾ॒ಮೃತ᳚ಮ್ । ಅಮ॑ರ್ತ್ಯ-ಸ್ತಪೋ॒ಜಾಃ । ತ್ವಯೀ॒ದಮ॒ನ್ತಃ । ವಿಶ್ವಂ॑-ಯಁ॒ಖ್ಷಂ-ವಿಁಶ್ವ॑-ಮ್ಭೂ॒ತಂ-ವಿಁಶ್ವಗ್ಂ॑ ಸುಭೂ॒ತಮ್ ।
ವಿಶ್ವ॑ಸ್ಯ ಭ॒ರ್ತಾ ವಿಶ್ವ॑ಸ್ಯ ಜನಯಿ॒ತಾ ।
ತ-ನ್ತ್ವೋಪ॑ದಧೇ ಕಾಮ॒ದುಘ॒-ಮಖ್ಷಿ॑ತಮ್ । ಪ್ರ॒ಜಾಪ॑ತಿಸ್ತ್ವಾ ಸಾದಯತು ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥ 21 ॥
ಲೋ॒ಕ - ಸ್ತಪ॒ - ಸ್ತೇಜಃ॑ - ಸಮು॒ದ್ರ - ಆಪಃ॑ - ಪೃಥಿ॒ವ್ಯ॑ - ಗ್ನಿ - ರ॒ನ್ತರಿ॑ಖ್ಷಮ್ - ವಾ॒ಯು--ರ್ ದ್ಯೌ - ರಾ॑ದಿ॒ತ್ಯ - ಶ್ಚ॒ನ್ದ್ರಮಾ॒ - ನಖ್ಷ॑ತ್ರಾಣಿ - ಸಂ​ವಁಥ್ಸ॒ರ - ಋ॒ತವೋ॒ - ಮಾಸಾ॑ - ಅದ್ರ್ಧಮಾ॒ಸಾ - ಅ॑ಹೋರಾ॒ತ್ರೇ - ಪೌ᳚ರ್ಣಮಾ॒ಸೀ - ರಾಡ॒ - ಸ್ಯೋಜೋ॒-ಽಸ್ಯೇಕ॑ವಿಗ್ಂಶತಿಃ (ಅ. 1)

ಲೋ॒ಕೋ॑-ಽಸಿ ಭ॒ರ್ತಾ ತಮ್ । ತಪ॒ಸ್ತೇಜೋ॑-ಽಸಿ ಭ॒ರ್ತೃ ತತ್ ।
ಸ॒ಮು॒ದ್ರೋ॑-ಽಸಿ ಭ॒ರ್ತಾ ತಮ್ । ಆಪ॑-ಸ್ಸ್ಥ ಭ॒ರ್ತ್ರ್ಯ॑ಸ್ತಾ ವಃ॑ । ಪೃ॒ಥಿ॒ವೀ ಭ॒ರ್ತ್ರೀ ತಾಮ್ ।
ಅ॒ಗ್ನಿರ॑ಸಿ ಭ॒ರ್ತಾ ತಮ್ । ಅ॒ನ್ತರಿ॑ಖ್ಷ-ಮ್ಭ॒ರ್ತೃ ತತ್ । ವಾ॒ಯುರ॑ಸಿ ಭ॒ರ್ತಾ ತಮ್ । ದ್ಯೌರ॑ಸಿ ಭ॒ರ್ತ್ರೀ ತಾಮ್ ।
ಆ॒ದಿ॒ತ್ಯಶ್ಚ॒ನ್ದ್ರಮಾ॑ ಭ॒ರ್ತಾ ತಮ್ । ನಖ್ಷ॑ತ್ರಾಣಿ ಸ್ಥ ಭ॒ರ್ತೄಣಿ॒ ತಾನಿ॑ ವಃ । ಸಂ॒​ವಁ॒ಥ್ಸ॒ರೋ॑-ಽಸಿ ಭ॒ರ್ತಾ ತಮ್ ।
ಋ॒ತವೋ॒ ಮಾಸಾ॑ ಅದ್ರ್ಧಮಾ॒ಸಾ ಭ॒ರ್ತಾರ॒ಸ್ತಾನ್. ವಃ॑ ।
ಅ॒ಹೋ॒ರಾ॒ತ್ರೇ ಭ॒ರ್ತ್ರ್ಯೌ॑ ತೇ ವಾ᳚ಮ್ । ಪೌ॒ರ್ಣ॒ಮಾ॒ಸೀ ಭ॒ರ್ತ್ರ್ಯ॑ಸ್ತಾ ವಃ॑ । ರಾಡ॑ಸಿ ಭ॒ರ್ತ್ರೀ ತಾಮ್ । ಓಜೋ॑-ಽಸಿ ಭ॒ರ್ತಾ ತಮೇಕ॑ವಿಗ್ಂಶತಿಃ ।

ಅನುವಾಕಂ 2 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಃ ।
ತ್ವಗ್ಂ ಶರ್ಧೋ॒ ಮಾರು॑ತ-ಮ್ಪೃ॒ಖ್ಷ ಈ॑ಶಿಷೇ ।
ತ್ವಂ-ವಾಁತೈ॑ರರು॒ಣೈರ್ಯಾ॑ಸಿ ಶಙ್ಗ॒ಯಃ ।
ತ್ವ-ಮ್ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನು ತ್ಮನಾ᳚ ।
ದೇವಾ॑ ದೇ॒ವೇಷು॑ ಶ್ರಯದ್ಧ್ವಮ್ । ಪ್ರಥ॑ಮಾ ದ್ವಿ॒ತೀಯೇ॑ಷು ಶ್ರಯದ್ಧ್ವಮ್ ।
ದ್ವಿತೀ॑ಯಾ-ಸ್ತೃ॒ತೀಯೇ॑ಷು ಶ್ರಯದ್ಧ್ವಮ್ ।
ತೃತೀ॑ಯಾ-ಶ್ಚತು॒ರ್ಥೇಷು॑ ಶ್ರಯದ್ಧ್ವಮ್ ।
ಚ॒ತು॒ರ್ಥಾಃ ಪ॑ಞ್ಚ॒ಮೇಷು॑ ಶ್ರಯದ್ಧ್ವಮ್ । ಪ॒ಞ್ಚ॒ಮಾ-ಷ್ಷ॒ಷ್ಠೇಷು॑ ಶ್ರಯದ್ಧ್ವಮ್ ॥ 22 ॥

ಷ॒ಷ್ಠಾ-ಸ್ಸ॑ಪ್ತ॒ಮೇಷು॑ ಶ್ರಯದ್ಧ್ವಮ್ । ಸ॒ಪ್ತ॒ಮಾ ಅ॑ಷ್ಟ॒ಮೇಷು॑ ಶ್ರಯದ್ಧ್ವಮ್ ।
ಅ॒ಷ್ಟ॒ಮಾ ನ॑ವ॒ಮೇಷು॑ ಶ್ರಯದ್ಧ್ವಮ್ ।
ನ॒ವ॒ಮಾ ದ॑ಶ॒ಮೇಷು॑ ಶ್ರಯದ್ಧ್ವಮ್ ।
ದ॒ಶ॒ಮಾ ಏ॑ಕಾದ॒ಶೇಷು॑ ಶ್ರಯದ್ಧ್ವಮ್ । ಏ॒ಕ॒ದ॒ಶಾ ದ್ವಾ॑ದ॒ಶೇಷು॑ ಶ್ರಯದ್ಧ್ವಮ್ ।
ದ್ವಾ॒ದ॒ಶಾ-ಸ್ತ್ರ॑ಯೋದ॒ಶೇಷು॑ ಶ್ರಯದ್ಧ್ವಮ್ ।
ತ್ರ॒ಯೋ॒ದ॒ಶಾ-ಶ್ಚ॑ತುರ್ದ॒ಶೇಷು॑ ಶ್ರಯದ್ಧ್ವಮ್ । ಚ॒ತು॒ರ್ದ॒ಶಾಃ ಪ॑ಞ್ಚದ॒ಶೇಷು॑ ಶ್ರಯದ್ಧ್ವಮ್ ।
ಪ॒ಞ್ಚ॒ದ॒ಶಾ-ಷ್ಷೋ॑ಡ॒ಶೇಷು॑ ಶ್ರಯದ್ಧ್ವಮ್ ॥ 23 ॥

ಷೋ॒ಡ॒ಶಾ-ಸ್ಸ॑ಪ್ತದ॒ಶೇಷು॑ ಶ್ರಯದ್ಧ್ವಮ್ । ಸ॒ಪ್ತ॒ದ॒ಶಾ ಅ॑ಷ್ಟಾದ॒ಶೇಷು॑ ಶ್ರಯದ್ಧ್ವಮ್ ।
ಅ॒ಷ್ಟಾ॒ದ॒ಶಾ ಏ॑ಕಾನ್ನವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಏ॒ಕಾ॒ನ್ನ॒ವಿ॒ಗ್ಂ॒ಶಾ ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ವಿ॒ಗ್ಂ॒ಶಾ ಏ॑ಕವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಏ॒ಕ॒ವಿ॒ಗ್ಂ॒ಶಾ ದ್ವಾ॑ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ದ್ವಾ॒ವಿ॒ಗ್ಂ॒ಶಾ ಸ್ತ್ರ॑ಯೋವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ತ್ರ॒ಯೋ॒ವಿ॒ಗ್ಂ॒ಶಾ ಶ್ಚ॑ತುರ್ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಚ॒ತು॒ರ್ವಿ॒ಗ್ಂ॒ಶಾಃ ಪ॑ಞ್ಚವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಪ॒ಞ್ಚ॒ವಿ॒ಗ್ಂ॒ಶಾ-ಷ್ಷ॑ಡ್ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ॥ 24 ॥

ಷ॒ಡ್ವಿ॒ಗ್ಂ॒ಶಾ-ಸ್ಸ॑ಪ್ತವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಸ॒ಪ್ತ॒ವಿ॒ಗ್ಂ॒ಶಾ ಅ॑ಷ್ಟಾವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಅ॒ಷ್ಟಾ॒ವಿ॒ಗ್ಂ॒ಶಾ ಏ॑ಕಾನ್ನತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಏ॒ಕಾ॒ನ್ನ॒ತ್ರಿ॒ಗ್ಂ॒ಶಾ ಸ್ತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ತ್ರಿ॒ಗ್ಂ॒ಶಾ ಏ॑ಕತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ಏ॒ಕ॒ತ್ರಿ॒ಗ್ಂ॒ಶಾ ದ್ವಾ᳚ತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್ ।
ದ್ವಾ॒ತ್ರಿ॒ಗ್ಂ॒ಶಾ ಸ್ತ್ರ॑ಯಸ್ತ್ರಿ॒ಗ್ಂ॒ಶೇಷು॑
ಶ್ರಯದ್ಧ್ವಮ್ ।
ದೇವಾ᳚ಸ್ತ್ರಿರೇ-ಕಾದಶಾ॒ ಸ್ತ್ರಿಸ್ತ್ರ॑ಯಸ್ತ್ರಿಗ್ಂಶಾಃ ।
ಉತ್ತ॑ರೇ ಭವತ । ಉತ್ತ॑ರ ವರ್ತ್ಮಾನ॒ ಉತ್ತ॑ರ ಸತ್ವಾನಃ ।
ಯತ್ಕಾ॑ಮ ಇ॒ದ-ಞ್ಜು॒ಹೋಮಿ॑ । ತನ್ಮೇ॒ ಸಮೃ॑ದ್ಧ್ಯತಾಮ್ ।
ವ॒ಯಗ್ಗ್​ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ । ಭೂರ್ಭುವ॒ಸ್ವ॑-ಸ್ಸ್ವಾಹಾ᳚ ॥ 25 ॥
(ಷ॒ಷ್ಠೇಷು॑ ಶ್ರಯದ್ಧವಗ್ಂ - ಷೋಡ॒ಶೇಷು॑ ಶ್ರಯದ್ಧವಗ್ಂ - ಷಡ್ವಿ॒ಗ್ಂ॒ಶೇಷು॑ ಶ್ರಯದ್ಧ್ವ॒ - ಮುತ್ತ॑ರಸತ್ವಾನಶ್ಚ॒ತ್ವಾರಿ॑ ಚ) (ಅ. 2)

ಅನುವಾಕಂ 3 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ಅಗ್ನಾ॑ವಿಷ್ಣೂ ಸ॒ಜೋಷ॑ಸಾ । ಇ॒ಮಾ ವ॑ರ್ಧನ್ತು ವಾ॒ಙ್ಗಿರಃ॑ । ದ್ಯು॒ಮ್ನೈ ರ್ವಾಜೇ॑ಭಿ॒-ರಾಗ॑ತಮ್ । ರಾಜ್ಞೀ॑ ವಿ॒ರಾಜ್ಞೀ᳚ । ಸ॒ಮ್ರಾಜ್ಞೀ᳚ ಸ್ವ॒ರಾಜ್ಞೀ᳚ । ಅ॒ರ್ಚಿ-ಶ್ಶೋ॒ಚಿಃ । ತಪೋ॒ ಹರೋ॒ ಭಾಃ । ಅ॒ಗ್ನಿ-ಸ್ಸೋಮೋ॒ ಬೃಹ॒ಸ್ಪತಿಃ॑ ।
ವಿಶ್ವೇ॑ ದೇ॒ವಾ ಭುವ॑ನಸ್ಯ ಗೋ॒ಪಾಃ । ತೇ ಸರ್ವೇ॑ ಸ॒ಙ್ಗತ್ಯ॑ । ಇ॒ದ-ಮ್ಮೇ॒ ಪ್ರಾವ॑ತಾ॒ ವಚಃ॑ । ವ॒ಯಗ್ಗ್​ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ।
ಭೂ-ರ್ಭುವ॒ಸ್-ಸ್ವ॑ಸ್ ಸ್ವಾಹಾ᳚ ॥ 26 ॥
(ಸ॒ಙ್ಗತ್ಯ॒ ತ್ರೀಣಿ॑ ಚ) (ಅ. 3)

ಅನುವಾಕಂ 4 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ಅನ್ನ॑ಪ॒ತೇ ಽನ್ನ॑ಸ್ಯ ನೋ ದೇಹಿ । ಅ॒ನ॒ಮೀ॒ವಸ್ಯ॑ ಶು॒ಷ್ಮಿಣಃ॑ । ಪ್ರಪ್ರ॑ದಾ॒ತಾರ॑ನ್ತಾರಿಷಃ । ಊರ್ಜ॑-ನ್ನೋ ಧೇಹಿ ದ್ವಿ॒ಪದೇ॒ ಚತು॑ಷ್ಪದೇ । ಅಗ್ನೇ॑ ಪೃಥಿವೀಪತೇ । ಸೋಮ॑ ವೀರುಧಾ-ಮ್ಪತೇ । ತ್ವಷ್ಟ॑-ಸ್ಸಮಿಧಾ-ಮ್ಪತೇ ।
ವಿಷ್ಣ॑ವಾಶಾನಾ-ಮ್ಪತೇ । ಮಿತ್ರ॑ ಸತ್ಯಾನಾ-ಮ್ಪತೇ । ವರು॑ಣ ಧರ್ಮಣಾ-ಮ್ಪತೇ ॥ 27 ॥

ಮ॒ರುತೋ॑ ಗಣಾನಾ-ಮ್ಪತಯಃ । ರುದ್ರ॑ ಪಶೂನಾ-ಮ್ಪತೇ । ಇನ್ದ್ರೌ॑ಜಸಾ-ಮ್ಪತೇ । ಬೃಹ॑ಸ್ಪತೇ ಬ್ರಹ್ಮಣಸ್ಪತೇ ।
ಆ ರು॒ಚಾ ರೋ॑ಚೇ॒-ಽಹಗ್ಗ್​ ಸ್ವ॒ಯಮ್ ।
ರು॒ಚಾ ರು॑ರುಚೇ॒-ರೋಚ॑ಮಾನಃ । ಅ॒ತೀತ್ಯಾ॒ದ-ಸ್ಸ್ವ॑ರಾಭ॑ರೇ॒ಹ । ತಸ್ಮಿ॒ನ್॒. ಯೋನೌ᳚ ಪ್ರಜ॒ನೌ ಪ್ರಜಾ॑ಯೇಯ । ವ॒ಯಗ್ಗ್​ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ।
ಭೂರ್ಭುವ॒-ಸ್ಸ್ವ॑-ಸ್ಸ್ವಾಹಾ᳚ ॥ 28 ॥
[ವರು॑ಣ ಧರ್ಮಣಾ-ಮ್ಪತೇ॒ ಸ್ವಃ॑ - ಸ್ವಾಹಾ᳚ ] (ಅ. 4)

ಅನುವಾಕಂ 5 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ಸ॒ಪ್ತ ತೇ॑ ಅಗ್ನೇ ಸ॒ಮಿಧ॑-ಸ್ಸ॒ಪ್ತ ಜಿ॒ಹ್ವಾಃ ।
ಸ॒ಪ್ತರ್​ಷ॑ಯ-ಸ್ಸ॒ಪ್ತಧಾಮ॑ ಪ್ರಿ॒ಯಾಣಿ॑ ।
ಸ॒ಪ್ತ ಹೋತ್ರಾ॑ ಅನು ವಿ॒ದ್ವಾನ್ ।
ಸ॒ಪ್ತ ಯೋನೀ॒-ರಾಪೃ॑ಣಸ್ವಾ ಘೃ॒ತೇನ॑ । ಪ್ರಾಚೀ॒ ದಿಕ್ । ಅ॒ಗ್ನಿ ರ್ದೇ॒ವತಾ᳚ । ಅ॒ಗ್ನಿಗ್ಂ ಸ ದಿ॒ಶಾ-ನ್ದೇ॒ವ-ನ್ದೇ॒ವತಾ॑ನಾ-ಮೃಚ್ಛತು । ಯೋ ಮೈ॒ತಸ್ಯೈ॑
ದಿ॒ಶೋ॑ ಽಭಿ॒ದಾಸ॑ತಿ । ದ॒ಖ್ಷಿ॒ಣಾ ದಿಕ್ । ಇನ್ದ್ರೋ॑ ದೇ॒ವತಾ᳚ ॥ 29 ॥

ಇನ್ದ್ರ॒ಗ್ಂ॒ ಸ ದಿ॒ಶಾ-ನ್ದೇ॒ವ-ನ್ದೇ॒ವತಾ॑ನಾ-ಮೃಚ್ಛತು ।
ಯೋ ಮೈ॒ತಸ್ಯೈ॑ ದಿ॒ಶೋ॑ ಽಭಿ॒ದಾಸ॑ತಿ । ಪ್ರ॒ತೀಚೀ॒ ದಿಕ್ । ಸೋಮೋ॑ ದೇ॒ವತಾ᳚ । ಸೋಮ॒ಗ್ಂ॒ ಸ ದಿ॒ಶಾ-ನ್ದೇ॒ವ-ನ್ದೇ॒ವತಾ॑ನಾ-ಮೃಚ್ಛತು । ಯೋ ಮೈ॒ತಸ್ಯೈ॑ ದಿ॒ಶೋ॑ ಽಭಿ॒ದಾಸ॑ತಿ । ಉದೀ॑ಚೀ॒ ದಿಕ್ । ಮಿ॒ತ್ರಾವರು॑ಣೌ ದೇ॒ವತಾ᳚ ।
ಮಿ॒ತ್ರಾವರು॑ಣೌ॒ ಸ ದಿ॒ಶಾ-ನ್ದೇ॒ವೌ ದೇ॒ವತಾ॑ನಾ-ಮೃಚ್ಛತು । ಯೋ ಮೈ॒ತಸ್ಯೈ॑ ದಿ॒ಶೋ॑ ಽಭಿ॒ದಾಸ॑ತಿ ॥ 30 ॥

ಊ॒ದ್ರ್ಧ್ವಾ ದಿಕ್ । ಬೃಹ॒ಸ್ಪತಿ॑ ರ್ದೇ॒ವತಾ᳚ ।
ಬೃಹ॒ಸ್ಪತಿ॒ಗ್ಂ॒ ಸ ದಿ॒ಶಾ-ನ್ದೇ॒ವ-ನ್ದೇ॒ವತಾ॑ನಾ-ಮೃಚ್ಛತು । ಯೋ ಮೈ॒ತಸ್ಯೈ॑ ದಿ॒ಶೋ॑ ಽಭಿ॒ದಾಸ॑ತಿ ।
ಇ॒ಯನ್ದಿಕ್ । ಅದಿ॑ತಿ ರ್ದೇ॒ವತಾ᳚ । ಅದಿ॑ತಿ॒ಗ್ಂ ॒ ಸ ದಿ॒ಶಾ-ನ್ದೇ॒ವೀ-ನ್ದೇ॒ವತಾ॑ನಾ-ಮೃಚ್ಛತು ।
ಯೋ ಮೈ॒ತಸ್ಯೈ॑ ದಿ॒ಶೋ॑ ಽಭಿ॒ದಾಸ॑ತಿ ।
ಪುರು॑ಷೋ॒ ದಿಕ್ । ಪುರು॑ಷೋ ಮೇ॒ ಕಾಮಾ॒-ನ್ಥ್ಸಮ॑ರ್ಧಯತು ॥ 31 ॥

ಅ॒ನ್ಧೋ ಜಾಗೃ॑ವಿಃ ಪ್ರಾಣ । ಅಸಾ॒ವೇಹಿ॑ । ಬ॒ಧಿ॒ರ ಆ᳚ಕ್ರನ್ದಯಿತ-ರಪಾನ । ಅಸಾ॒ವೇಹಿ॑ । ಉ॒ಷಸ॑-ಮುಷಸ-ಮಶೀಯ । ಅ॒ಹಮಸೋ॒ ಜ್ಯೋತಿ॑ರಶೀಯ ।
ಅ॒ಹಮಸೋ॒ ಽಪೋ॑ಶೀಯ । ವ॒ಯಗ್ಗ್​ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ । ಭೂರ್ಭುವ॒-ಸ್ಸ್ವ॑-ಸ್ಸ್ವಾಹಾ᳚ ॥ 32 ॥
(ದ॒ಖ್ಷಿ॒ಣಾ ದಿಗಿನ್ದ್ರೋ॑ ದೇ॒ವತಾ॑ - ಮಿ॒ತ್ರಾವರು॑ಣೌ॒ ಸ ದಿ॒ಶಾ-ನ್ದೇ॒ವೌ ದೇ॒ವತಾ॑ನಾಮೃಚ್ಛತು॒
ಯೋ ಮೈ॒ತಸ್ಯೈ॑ ದಿ॒ಶೋ॑-ಽಭಿ॒ದಾ - ಸ॑ತ್ಯದ್ರ್ಧಯತು॒ - +ನವ॑ ಚ) (ಅ. 5)

ಅನುವಾಕಂ 6 - ಉಪಸ್ಥಾನಮ್
ಯತ್ತೇ-ಽಚಿ॑ತಂ॒-ಯಁದು॑ ಚಿ॒ತನ್ತೇ॑ ಅಗ್ನೇ । ಯತ್ತ॑ ಊ॒ನಂ-ಯಁದು॒ ತೇ-ಽತಿ॑ರಿಕ್ತಮ್ । ಆ॒ದಿ॒ತ್ಯಾಸ್ತ-ದಙ್ಗಿ॑ರಸ-ಶ್ಚಿನ್ವನ್ತು । ವಿಶ್ವೇ॑ ತೇ ದೇ॒ವಾಶ್ಚಿತಿ॒-ಮಾಪೂ॑ರಯನ್ತು ।
ಚಿ॒ತಶ್ಚಾಸಿ॒ ಸಞ್ಚಿ॑ತಶ್ಚಾ-ಸ್ಯಗ್ನೇ । ಏ॒ತಾವಾ॒ಗ್॒ಶ್ಚಾಸಿ॒ ಭೂಯಾಗ್॑ಶ್ಚಾಸ್ಯಗ್ನೇ ॥ ಲೋ॒ಕ-ಮ್ಪೃ॑ಣ ಚ್ಛಿ॒ದ್ರ-ಮ್ಪೃ॑ಣ । ಅಥೋ॑ ಸೀದ ಶಿ॒ವಾ ತ್ವಮ್ ।
ಇ॒ನ್ದ್ರಾ॒ಗ್ನೀ ತ್ವಾ॒ ಬೃಹ॒ಸ್ಪತಿಃ॑ । ಅ॒ಸ್ಮಿನ್. ಯೋನಾ॑ವಸೀಷದನ್ನ್ ॥ 33 ॥

ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥
ತಾ ಅ॑ಸ್ಯ॒ ಸೂದ॑ದೋಹಸಃ ।
ಸೋಮಗ್ಗ್॑ ಶ್ರೀಣನ್ತಿ॒ ಪೃಶ್ನ॑ಯಃ ।
ಜನ್ಮ॑-ನ್ದೇ॒ವಾನಾಂ॒-ವಿಁಶಃ॑ ।
ತ್ರಿ॒ಷ್ವಾ ರೋ॑ಚ॒ನೇ ದಿ॒ವಃ ।
ತಯಾ॑ ದೇ॒ವತ॑ಯಾ-ಽಙ್ಗಿರ॒ಸ್ವ-ದ್ಧ್ರು॒ವಾ ಸೀ॑ದ ॥
ಅಗ್ನೇ॑ ದೇ॒ವಾಗ್ಂ ಇ॒ಹಾವ॑ಹ । ಜ॒ಜ್ಞಾ॒ನೋ ವೃ॒ಕ್ತ ಬ॑ರ್​ಹಿಷೇ । ಅಸಿ॒ ಹೋತಾ॑ ನ॒ ಈಡ್ಯಃ॑ ॥
ಅಗ॑ನ್ಮ ಮ॒ಹಾ ಮನ॑ಸಾ॒ ಯವಿ॑ಷ್ಠಮ್ ॥ 34 ॥

ಯೋ ದೀ॒ದಾಯ॒ ಸಮಿ॑ದ್ಧ॒-ಸ್ಸ್ವೇ ದು॑ರೋ॒ಣೇ । ಚಿ॒ತ್ರಭಾ॑ನೂ॒ ರೋದ॑ಸೀ ಅ॒ನ್ತರು॒ರ್ವೀ ।
ಸ್ವಾ॑ಹುತಂ-ವಿಁ॒ಶ್ವತಃ॑ ಪ್ರ॒ತ್ಯಞ್ಚ᳚ಮ್ ॥ ಮೇ॒ಧಾ॒ಕಾ॒ರಂ-ವಿಁ॒ದಥ॑ಸ್ಯ ಪ್ರ॒ಸಾಧ॑ನಮ್ ।
ಅ॒ಗ್ನಿಗ್ಂ ಹೋತಾ॑ರ-ಮ್ಪರಿ॒ಭೂತ॑ಮ-ಮ್ಮ॒ತಿಮ್ । ತ್ವಾಮರ್ಭ॑ಸ್ಯ ಹ॒ವಿಷ॑-ಸ್ಸಮಾ॒ನಮಿತ್ ।
ತ್ವಾ-ಮ್ಮ॒ಹೋ ವೃ॑ಣತೇ॒ ನರೋ॒ ನಾನ್ಯನ್-ತ್ವತ್ ॥ ಮ॒ನು॒ಷ್ವತ್ತ್ವಾ॒ ನಿಧೀ॑ಮಹಿ ।
ಮ॒ನು॒ಷ್ವ-ಥ್ಸಮಿ॑ಧೀಮಹಿ ।
ಅಗ್ನೇ॑ ಮನು॒ಷ್ವ-ದ॑ಙ್ಗಿರಃ ॥ 35 ॥

ದೇ॒ವಾ-ನ್ದೇ॑ವಾಯ॒ತೇ ಯ॑ಜ ॥ ಅ॒ಗ್ನಿರ್-ಹಿ ವಾ॒ಜಿನಂ॑-ವಿಁ॒ಶೇ । ದದಾ॑ತಿ ವಿ॒ಶ್ವಚ॑ರ್​ಷಣಿಃ ।
ಅ॒ಗ್ನೀ ರಾ॒ಯೇ ಸ್ವಾ॒ಭುವ᳚ಮ್ । ಸ ಪ್ರೀ॒ತೋ ಯಾ॑ತಿ॒ ವಾರ್ಯ᳚ಮ್ । ಇಷಗ್ಗ್॑ ಸ್ತೋ॒ತೃಭ್ಯ॒ ಆಭ॑ರ ॥
ಪೃ॒ಷ್ಟೋ ದಿ॒ವಿ ಪೃ॒ಷ್ಟೋ ಅ॒ಗ್ನಿಃ ಪೃ॑ಥಿ॒ವ್ಯಾಮ್ । ಪೃ॒ಷ್ಟೋ ವಿಶ್ವಾ॒ ಓಷ॑ಧೀ॒-ರಾವಿ॑ವೇಶ ।
ವೈ॒ಶ್ವಾ॒ನ॒ರ-ಸ್ಸಹ॑ಸಾ ಪೃ॒ಷ್ಟೋ ಅ॒ಗ್ನಿಃ ।
ಸ ನೋ॒ ದಿವಾ॒ ಸ ರಿ॒ಷಃ ಪಾ॑ತು॒ ನಕ್ತ᳚ಮ್ ॥ 36 ॥
[ಅ॒ಸೀ॒ಷ॒ದ॒ನ್॒. - ಯವಿ॑ಷ್ಠ - ಮಙ್ಗಿರೋ॒ - ನಕ್ತಂ᳚ ] (ಅ. 6)
ಅನುವಾಕಂ 7 - ನಾಚಿಕೇತಬ್ರಾಹ್ಮಣ-ನ್ತತ್ರ ಆಗ್ನಿದೇವತೋಪಾಸನಮ್
ಅ॒ಯಂ-ವಾಁವ ಯಃ ಪವ॑ತೇ । ಸೋ᳚-ಽಗ್ನಿ ನಾ॑ರ್ಚಿಕೇ॒ತಃ ।
ಸ ಯ-ತ್ಪ್ರಾ-ಮ್ಪವ॑ತೇ । ತದ॑ಸ್ಯ॒ ಶಿರಃ॑ । ಅಥ॒ ಯ-ದ್ದ॑ಖ್ಷಿ॒ಣಾ । ಸ ದಖ್ಷಿ॑ಣಃ ಪ॒ಖ್ಷಃ ।
ಅಥ॒ ಯ-ತ್ಪ್ರ॒ತ್ಯಕ್ । ತ-ತ್ಪುಚ್ಛ᳚ಮ್ । ಯ ದುದಙ್ಙ್॑ ।
ಸ ಉತ್ತ॑ರಃ ಪ॒ಖ್ಷಃ ॥ 37 ॥

ಅಥ॒ ಯ-ಥ್ಸಂ॒​ವಾಁತಿ॑ । ತದ॑ಸ್ಯ ಸ॒ಮಞ್ಚ॑ನ-ಞ್ಚ ಪ್ರ॒ಸಾರ॑ಣ-ಞ್ಚ । ಅಥೋ॑ ಸ॒ಪನ್ದೇ॒ವಾಸ್ಯ॒ ಸಾ ॥ ಸಗ್ಂ ಹ॒ ವಾ ಅ॑ಸ್ಮೈ॒ ಸ ಕಾಮಃ॑ ಪದ್ಯತೇ ।
ಯ-ತ್ಕಾ॑ಮೋ॒ ಯಜ॑ತೇ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ।
ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಯೋ ಹ॒ ವಾ ಅ॒ಗ್ನೇ ರ್ನಾ॑ಚಿಕೇ॒ತಸ್ಯಾ॒ಯತ॑ನ-ಮ್ಪ್ರತಿ॒ಷ್ಠಾಂ-ವೇಁದ॑ । ಆ॒ಯತ॑ನವಾ-ನ್ಭವತಿ । ಗಚ್ಛ॑ತಿ ಪ್ರತಿ॒ಷ್ಠಾಮ್ ॥ 38 ॥

ಹಿರ॑ಣ್ಯಂ॒-ವಾಁ ಅ॒ಗ್ನೇ ರ್ನಾ॑ಚಿಕೇ॒ತಸ್ಯಾ॒ಯತ॑ನ-ಮ್ಪ್ರತಿ॒ಷ್ಠಾ । ಯ ಏ॒ವಂ-ವೇಁದ॑ ।
ಆ॒ಯತ॑ನವಾ-ನ್ಭವತಿ । ಗಚ್ಛ॑ತಿ ಪ್ರತಿ॒ಷ್ಠಾಮ್ ॥
ಯೋ ಹ॒ ವಾ ಅ॒ಗ್ನೇ ರ್ನಾ॑ಚಿಕೇ॒ತಸ್ಯ॒ ಶರೀ॑ರಂ॒-ವೇಁದ॑ ।
ಸ ಶ॑ರೀರ ಏ॒ವ ಸ್ವ॒ರ್ಗಂ-ಲೋಁ॒ಕಮೇ॑ತಿ ।
ಹಿರ॑ಣ್ಯಂ॒-ವಾಁ ಅ॒ಗ್ನೇ ರ್ನಾ॑ಚಿಕೇ॒ತಸ್ಯ॒ ಶರೀ॑ರಮ್ ।
ಯ ಏ॒ವಂ-ವೇಁದ॑ । ಸ ಶ॑ರೀರ ಏ॒ವ ಸ್ವ॒ರ್ಗಂ-ಲೋಁ॒ಕಮೇ॑ತಿ ॥ ಅಥೋ॒ ಯಥಾ॑ ರು॒ಕ್ಮ ಉತ್-ತ॑ಪ್ತೋ
ಭಾ॒ಯ್ಯಾತ್ ॥ 39 ॥

ಏ॒ವಮೇ॒ವ ಸ ತೇಜ॑ಸಾ॒ ಯಶ॑ಸಾ ।
ಅ॒ಸ್ಮಿಗ್ಗ್​ಶ್ಚ॑ ಲೋ॒ಕೇ॑-ಽಮುಷ್ಮಿಗ್ಗ್॑ಶ್ಚ ಭಾತಿ ॥
ಉ॒ರವೋ॑ ಹ॒ ವೈ ನಾಮೈ॒ತೇ ಲೋ॒ಕಾಃ ।
ಯೇ-ಽವ॑ರೇಣಾದಿ॒ತ್ಯಮ್ । ಅಥ॑ ಹೈ॒ತೇ ವರೀ॑ಯಾಗ್ಂಸೋ ಲೋ॒ಕಾಃ । ಯೇ ಪರೇ॑ಣಾದಿ॒ತ್ಯಮ್ । ಅನ್ತ॑ವನ್ತಗ್ಂ ಹ॒ ವಾ ಏ॒ಷ ಖ್ಷ॒ಯ್ಯಂ-ಲೋಁ॒ಕ-ಞ್ಜ॑ಯತಿ ।
ಯೋ-ಽವ॑ರೇಣಾದಿ॒ತ್ಯಮ್ ।
ಅಥ॑ ಹೈ॒ಷೋ॑-ಽನ॒ನ್ತ-ಮ॑ಪಾ॒ರ-ಮ॑ಖ್ಷ॒ಯ್ಯಂ-ಲೋಁ॒ಕ-ಞ್ಜ॑ಯತಿ । ಯಃ ಪರೇ॑ಣಾದಿ॒ತ್ಯಮ್ ॥ 40 ॥

ಅ॒ನ॒ನ್ತಗ್ಂ ಹ॒ ವಾ ಅ॑ಪಾ॒ರ-ಮ॑ಖ್ಷ॒ಯ್ಯಂ-ಲೋಁ॒ಕ-ಞ್ಜ॑ಯತಿ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ।
ಯ ಉ॑ ಚೈನ-ಮೇ॒ವಂ-ವೇಁದ॑ ॥
ಅಥೋ॒ ಯಥಾ॒ ರಥೇ॒ ತಿಷ್ಠ॒-ನ್ಪಖ್ಷ॑ಸೀ ಪರ್ಯಾ॒-ವರ್ತ॑ಮಾನೇ ಪ್ರ॒ತ್ಯಪೇ᳚ಖ್ಷತೇ ।
ಏ॒ವ-ಮ॑ಹೋರಾ॒ತ್ರೇ ಪ್ರ॒ತ್ಯಪೇ᳚ಖ್ಷತೇ ।
ನಾಸ್ಯಾ॑-ಹೋರಾ॒ತ್ರೇ ಲೋ॒ಕಮಾ᳚ಪ್ನುತಃ ।
ಯೋ᳚-ಽಗ್ನಿ-ನ್ನಾ॑ಚಿ॒ಕೇತ-ಞ್ಚಿ॑ನು॒ತೇ ।
ಯ ಉ॑ ಚೈನ-ಮೇ॒ವಂ-ವೇಁದ॑ ॥ 41 ॥
(ಉತ್ತ॑ರಃ ಪ॒ಖ್ಷೋ - ಗಚ್ಛ॑ತಿ ಪ್ರತಿ॒ಷ್ಠಾಂ - ಭಾ॒ಯ್ಯಾ--ದ್ಯಃ ಪರೇ॑ಣಾದಿ॒ತ್ಯ - +ಮ॒ಷ್ಟೌ ಚ॑) (ಅ. 7)

ಅನುವಾಕಂ 8 - ನಾಚಿಕೇತೋಪಾಖ್ಯಾನಮ್
ಉ॒ಶನ್. ಹ॒ ವೈ ವಾ॑ಜಶ್ರವ॒ಸ-ಸ್ಸ॑ರ್ವವೇದ॒ಸ-ನ್ದ॑ದೌ । ತಸ್ಯ॑ ಹ॒ ನಚಿ॑ಕೇತಾ॒ ನಾಮ॑ ಪು॒ತ್ರ ಆ॑ಸ । ತಗ್ಂ ಹ॑ ಕುಮಾ॒ರಗ್ಂ ಸನ್ತ᳚ಮ್ । ದಖ್ಷಿ॑ಣಾಸು ನೀ॒ಯಮಾ॑ನಾಸು ಶ್ರ॒ದ್ಧಾ ಽಽವಿ॑ವೇಶ । ಸ ಹೋ॑ವಾಚ ।
ತತ॒ ಕಸ್ಮೈ॒ ಮಾ-ನ್ದಾ᳚ಸ್ಯ॒ಸೀತಿ॑ । ದ್ವಿ॒ತೀಯ॑-ನ್ತೃ॒ತೀಯ᳚ಮ್ ॥ ತಗ್ಂ ಹ॒ ಪರೀ॑ತ ಉವಾಚ ।
ಮೃ॒ತ್ಯವೇ᳚ ತ್ವಾ ದದಾ॒ಮೀತಿ॑ ॥ ತಗ್ಂ ಹ॒ ಸ್ಮೋತ್ಥಿ॑ತಂ॒-ವಾಁಗ॒ಭಿವ॑ದತಿ ॥ 42 ॥

ಗೌತ॑ಮ ಕುಮಾ॒ರಮಿತಿ॑ । ಸ ಹೋ॑ವಾಚ । ಪರೇ॑ಹಿ ಮೃ॒ತ್ಯೋ ರ್ಗೃ॒ಹಾನ್ । ಮೃ॒ತ್ಯವೇ॒ ವೈ ತ್ವಾ॑-ಽದಾ॒-ಮಿತಿ॑ ॥ ತಂ-ವೈಁ ಪ್ರ॒ವಸ॑ನ್ತ-ಙ್ಗ॒ನ್ತಾಸೀತಿ॑ ಹೋವಾಚ । ತಸ್ಯ॑ ಸ್ಮ ತಿ॒ಸ್ರೋ ರಾತ್ರೀ॒-ರನಾ᳚ಶ್ವಾ-ನ್ಗೃ॒ಹೇ ವ॑ಸತಾತ್ । ಸ ಯದಿ॑ ತ್ವಾ ಪೃ॒ಚ್ಛೇತ್ । ಕುಮಾ॑ರ॒ ಕತಿ॒ ರಾತ್ರೀ॑-ರವಾಥ್ಸೀ॒-ರಿತಿ॑ । ತಿ॒ಸ್ರ ಇತಿ॒ ಪ್ರತಿ॑ ಬ್ರೂತಾತ್ । ಕಿ-ಮ್ಪ್ರ॑ಥ॒ಮಾಗ್ಂ ರಾತ್ರಿ॑-ಮಾಶ್ಞಾ॒ ಇತಿ॑ ॥ 43 ॥

ಪ್ರ॒ಜಾ-ನ್ತ॒ ಇತಿ॑ । ಕಿ-ನ್ದ್ವಿ॒ತೀಯಾ॒-ಮಿತಿ॑ । ಪ॒ಶೂಗ್​ಸ್ತ॒ ಇತಿ॑ ।
ಕಿ-ನ್ತೃ॒ತೀಯಾ॒-ಮಿತಿ॑ । ಸಾ॒ಧು॒ಕೃ॒ತ್ಯಾ-ನ್ತ॒ ಇತಿ॑ ॥ ತಂ-ವೈಁ ಪ್ರ॒ವಸ॑ನ್ತ-ಞ್ಜಗಾಮ । ತಸ್ಯ॑ ಹ ತಿ॒ಸ್ರೋ ರಾತ್ರೀ॒-ರನಾ᳚ಶ್ವಾ-ನ್ಗೃ॒ಹ ಉ॑ವಾಸ । ತಮಾ॒ಗತ್ಯ॑ ಪಪ್ರಚ್ಛ ।
ಕುಮಾ॑ರ॒ ಕತಿ॒ ರಾತ್ರೀ॑-ರವಾಥ್ಸೀ॒-ರಿತಿ॑ । ತಿ॒ಸ್ರ ಇತಿ॒ ಪ್ರತ್ಯು॑ವಾಚ ॥ 44 ॥

ಕಿ-ಮ್ಪ್ರ॑ಥ॒ಮಾಗ್ಂ ರಾತ್ರಿ॑-ಮಾಶ್ಞಾ॒ ಇತಿ॑ । ಪ್ರ॒ಜಾ-ನ್ತ॒ ಇತಿ॑ । ಕಿ-ನ್ದ್ವಿ॒ತೀಯಾ॒-ಮಿತಿ॑ । ಪ॒ಶೂಗ್​ಸ್ತ॒ ಇತಿ॑ । ಕಿ-ನ್ತೃ॒ತೀಯಾ॒-ಮಿತಿ॑ । ಸಾ॒ಧು॒ಕೃ॒ತ್ಯಾ-ನ್ತ॒ ಇತಿ॑ ॥ ನಮ॑ಸ್ತೇ ಅಸ್ತು ಭಗವ॒ ಇತಿ॑ ಹೋವಾಚ । ವರಂ॑-ವೃಁಣೀ॒ಷ್ವೇತಿ॑ ॥ ಪಿ॒ತರ॑ಮೇ॒ವ ಜೀವ॑ನ್ನಯಾ॒ನೀತಿ॑ ॥
ದ್ವಿ॒ತೀಯಂ॑-ವೃಁಣೀ॒ಷ್ವೇತಿ॑ ॥ 45 ॥

ಇ॒ಷ್ಟಾ॒ಪೂ॒ರ್ತಯೋ॒ ರ್ಮೇ ಽಖ್ಷಿ॑ತಿ-ಮ್ಬ್ರೂ॒ಹೀತಿ॑ ಹೋವಾಚ ।
ತಸ್ಮೈ॑ ಹೈ॒ತಮ॒ಗ್ನಿ-ನ್ನಾ॑ಚಿಕೇ॒ತ-ಮು॑ವಾಚ ।
ತತೋ॒ ವೈ ತಸ್ಯೇ᳚-ಷ್ಟಾಪೂ॒ರ್ತೇ ನಾ ಖ್ಷೀ॑ಯೇತೇ ॥
ನಾಸ್ಯೇ᳚ಷ್ಟಾ-ಪೂ॒ರ್ತೇ ಖ್ಷೀ॑ಯೇತೇ । ಯೋ-ಽ᳚ಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ । ಯ ಉ॑ ಚೈನ-ಮೇ॒ವಂ-ವೇಁದ॑ ॥ ತೃ॒ತೀಯಂ॑-ವೃಁಣೀ॒ಷ್ವೇತಿ॑ । ಪು॒ನ॒ ಮೃ॒ರ್ತ್ಯೋ ರ್ಮೇ ಽಪ॑ಜಿತಿ-ಮ್ಬ್ರೂ॒ಹೀತಿ॑ ಹೋವಾಚ । ತಸ್ಮೈ॑ ಹೈ॒ತಮ॒ಗ್ನಿ-ನ್ನಾ॑ಚಿಕೇ॒ತ-ಮು॑ವಾಚ । ತತೋ॒ ವೈ ಸೋ-ಽಪ॑ ಪುನ ರ್ಮೃ॒ತ್ಯು-ಮ॑ಜಯತ್ ॥ 46 ॥

ಅಪ॑ ಪುನ ರ್ಮೃ॒ತ್ಯು-ಞ್ಜ॑ಯತಿ । ಯೋ-ಽ᳚ಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ॥ ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಪ್ರ॒ಜಾಪ॑ತಿ॒ ರ್ವೈ ಪ್ರ॒ಜಾಕಾ॑ಮ॒-ಸ್ತಪೋ॑-ಽತಪ್ಯತ ।
ಸ ಹಿರ॑ಣ್ಯ॒-ಮುದಾ᳚ಸ್ಯತ್ । ತ-ದ॒ಗ್ನೌ ಪ್ರಾಸ್ಯ॑ತ್ ।
ತ-ದ॑ಸ್ಮೈ॒ ನಾಚ್ಛ॑ದಯತ್ । ತ-ದ್ದ್ವಿ॒ತೀಯ॒-ಮ್ಪ್ರಾಸ್ಯ॑ತ್ । ತ-ದ॑ಸ್ಮೈ॒ ನೈ ವಾಚ್ಛ॑ದಯತ್ । ತ-ತ್ತೃ॒ತೀಯ॒-ಮ್ಪ್ರಾಸ್ಯ॑ತ್ ॥ 47 ॥

ತ-ದ॑ಸ್ಮೈ॒ ನೈ ವಾಚ್ಛ॑ದಯತ್ । ತ-ದಾ॒ತ್ಮ-ನ್ನೇ॒ವ ಹೃ॑ದ॒ಯ್ಯೇ᳚-ಽಗ್ನೌ ವೈ᳚ಶ್ವಾನ॒ರೇ ಪ್ರಾಸ್ಯ॑ತ್ ।
ತ-ದ॑ಸ್ಮಾ ಅಚ್ಛದಯತ್ । ತಸ್ಮಾ॒ದ್ಧಿರ॑ಣ್ಯ॒-ಙ್ಕನಿ॑ಷ್ಠ॒-ನ್ಧನಾ॑ನಾಮ್ । ಭು॒ಞ್ಜ-ತ್ಪ್ರಿ॒ಯತ॑ಮಮ್ । ಹೃ॒ದ॒ಯ॒ಜಗ್ಂ ಹಿ । ಸ ವೈ ತಮೇ॒ವ ನಾವಿ॑ನ್ದತ್ ।
ಯಸ್ಮೈ॒ ತಾ-ನ್ದಖ್ಷಿ॑ಣಾ॒-ಮನೇ᳚ಷ್ಯತ್ ।
ತಾಗ್​ ಸ್ವಾಯೈ॒ವ ಹಸ್ತಾ॑ಯ॒ ದಖ್ಷಿ॑ಣಾಯಾನಯತ್ ।
ತಾ-ಮ್ಪ್ರತ್ಯ॑ಗೃಹ್ಣಾತ್ ॥ 48 ॥

ದಖ್ಷಾ॑ಯ ತ್ವಾ॒ ದಖ್ಷಿ॑ಣಾ॒-ಮ್ಪ್ರತಿ॑ಗೃಹ್ಣಾ॒ಮೀತಿ॑ ।
ಸೋ॑ ಽದಖ್ಷತ॒ ದಖ್ಷಿ॑ಣಾ-ಮ್ಪ್ರತಿ॒ಗೃಹ್ಯ॑ ।
ದಖ್ಷ॑ತೇ ಹ॒ ವೈ ದಖ್ಷಿ॑ಣಾ-ಮ್ಪ್ರತಿ॒ಗೃಹ್ಯ॑ ।
ಯ ಏ॒ವಂ-ವೇಁದ॑ ॥ ಏ॒ತದ್ಧ॑ ಸ್ಮ॒ ವೈ ತ-ದ್ವಿ॒ದ್ವಾಗ್ಂಸೋ॑ ವಾಜಶ್ರವ॒ಸಾ ಗೋತ॑ಮಾಃ ।
ಅಪ್ಯ॑ನೂದೇ॒ಶ್ಯಾ᳚-ನ್ದಖ್ಷಿ॑ಣಾ॒-ಮ್ಪ್ರತಿ॑ಗೃಹ್ಣನ್ತಿ ।
ಉ॒ಭಯೇ॑ನ ವ॒ಯ-ನ್ದ॑ಖ್ಷಿಷ್ಯಾಮಹ ಏ॒ವ ದಖ್ಷಿ॑ಣಾ-ಮ್ಪ್ರತಿ॒ಗೃಹ್ಯೇತಿ॑ ।
ತೇ॑ ಽದಖ್ಷನ್ತ॒ ದಖ್ಷಿ॑ಣಾ-ಮ್ಪ್ರತಿ॒ಗೃಹ್ಯ॑ ।
ದಖ್ಷ॑ತೇ ಹ॒ ವೈ ದಖ್ಷಿ॑ಣಾ-ಮ್ಪ್ರತಿ॒ಗೃಹ್ಯ॑ ।
ಯ ಏ॒ವಂ-ವೇಁದ॑ ।
ಪ್ರ ಹಾ॒ನ್ಯಂ-ವ್ಲೀಁ॑ನಾತಿ ॥ 49 ॥
(ವ॒ದ॒ - ತ್ಯಾ॒ಶ್ನಾ॒ ಇತ್ - ಯು॑ವಾಚ - ದ್ವಿ॒ತೀಯಂ॑-ವೃಁಣೀ॒ಷ್ವೇ - ತ್ಯ॑ಜಯತ್ - ತೃ॒ತೀಯ॒-ಮ್ಪ್ರಾಸ್ಯ॑ - ದಗೃಹ್ಣಾ॒--ದ್ಯ ಏ॒ವಂ-ವೇಁದೈಕ॑-ಞ್ಚ) (ಅ. 8)

ಅನುವಾಕಂ 9 - ಚಯನಪ್ರಯೋಗಃ
ತಗ್ಂ ಹೈ॒ತ-ಮೇಕೇ॑ ಪಶುಬ॒ನ್ಧ ಏ॒ವೋತ್ತ॑ರವೇ॒ದ್ಯಾ-ಞ್ಚಿ॑ನ್ವತೇ । ಉ॒ತ್ತ॒ರ॒ವೇ॒ದಿಸ॑ಮ್ಮಿತ ಏ॒ಷೋ᳚-ಽಗ್ನಿರಿತಿ॒ ವದ॑ನ್ತಃ । ತನ್ನ ತಥಾ॑ ಕು॒ರ್ಯಾತ್ । ಏ॒ತ-ಮ॒ಗ್ನಿ-ಙ್ಕಾಮೇ॑ನ॒ ವ್ಯ॑ರ್ಧಯೇತ್ । ಸ ಏ॑ನ॒-ಙ್ಕಾಮೇ॑ನ॒ ವ್ಯೃ॑ದ್ಧಃ । ಕಾಮೇ॑ನ॒ ವ್ಯ॑ರ್ಧಯೇತ್ ।
ಸೌ॒ಮ್ಯೇ ವಾವೈ ನ॑ಮಧ್ವ॒ರೇ ಚಿ॑ನ್ವೀ॒ತ ।
ಯತ್ರ॑ ವಾ॒ ಭೂಯಿ॑ಷ್ಠಾ॒ ಆಹು॑ತಯೋ ಹೂ॒ಯೇರನ್ನ್॑ ।
ಏ॒ತ-ಮ॒ಗ್ನಿ-ಙ್ಕಾಮೇ॑ನ॒ ಸಮ॑ರ್ಧಯತಿ । ಸ ಏ॑ನ॒-ಙ್ಕಾಮೇ॑ನ॒ ಸಮೃ॑ದ್ಧಃ ॥ 50 ॥

ಕಾಮೇ॑ನ॒ ಸಮ॑ರ್ಧಯತಿ ॥ ಅಥ॑ ಹೈನ-ಮ್ಪು॒ರರ್​ಷ॑ಯಃ । ಉ॒ತ್ತ॒ರ॒ವೇ॒ದ್ಯಾ-ಮೇ॒ವ ಸ॒ತ್ರಿಯ॑-ಮಚಿನ್ವತ । ತತೋ॒ ವೈ ತೇ-ಽವಿ॑ನ್ದನ್ತ ಪ್ರ॒ಜಾಮ್ ।
ಅ॒ಭಿ ಸ್ವ॒ರ್ಗಂ-ಲೋಁ॒ಕ-ಮ॑ಜಯನ್ನ್ ।
ವಿ॒ನ್ದತ॑ ಏ॒ವ ಪ॒ಜಾಮ್ । ಅ॒ಭಿ ಸ್ವ॒ರ್ಗಂ-ಲೋಁ॒ಕ-ಞ್ಜ॑ಯತಿ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ।
ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಅಥ॑ ಹೈನಂ-ವಾಁ॒ಯುರ್-ಋದ್ಧಿ॑ಕಾಮಃ ॥ 51 ॥

ಯ॒ಥಾ॒ನ್ಯು॒ಪ್ತ-ಮೇ॒ವೋಪ॑ದಧೇ ।
ತತೋ॒ ವೈ ಸ ಏ॒ತಾ-ಮೃದ್ಧಿ॑-ಮಾದ್ರ್ಧ್ನೋತ್ ।
ಯಾಮಿ॒ದಂ-ವಾಁ॒ಯುರ್-ಋ॒ದ್ಧಃ ।
ಏ॒ತಾ-ಮೃದ್ಧಿ॑-ಮೃದ್ಧ್ನೋತಿ ।
ಯಾಮಿ॒ದಂ-ವಾಁ॒ಯುರ್-ಋ॒ದ್ಧಃ ।
ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ।
ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಅಥ॑ ಹೈನ-ಙ್ಗೋಬ॒ಲೋ ವಾರ್​ಷ್ಣಃ॑ ಪ॒ಶುಕಾ॑ಮಃ । ಪಾಙ್ಕ್ತ॑ಮೇ॒ವ ಚಿ॑ಕ್ಯೇ । ಪಞ್ಚ॑ ಪು॒ರಸ್ತಾ᳚ತ್ ॥ 52 ॥

ಪಞ್ಚ॑ ದಖ್ಷಿಣ॒ತಃ । ಪಞ್ಚ॑ ಪ॒ಶ್ಚಾತ್ । ಪಞ್ಚೋ᳚ತ್ತರ॒ತಃ । ಏಕಾ॒-ಮ್ಮದ್ಧ್ಯೇ᳚ ।
ತತೋ॒ ವೈ ಸ ಸ॒ಹಸ್ರ॑-ಮ್ಪ॒ಶೂ-ನ್ಪ್ರಾಪ್ನೋ᳚ತ್ ।
ಪ್ರ ಸ॒ಹಸ್ರ॑-ಮ್ಪ॒ಶೂ-ನಾ᳚ಪ್ನೋತಿ ।
ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ । ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಅಥ॑ ಹೈನ-ಮ್ಪ್ರ॒ಜಾಪ॑ತಿ॒ ರ್ಜ್ಯೈಷ್ಠ್ಯ॑ಕಾಮೋ॒ ಯಶ॑ಸ್ಕಾಮಃ ಪ್ರ॒ಜನ॑ನಕಾಮಃ ।
ತ್ರಿ॒ವೃತ॑ಮೇ॒ವ ಚಿ॑ಕ್ಯೇ ॥ 53 ॥

ಸ॒ಪ್ತ ಪು॒ರಸ್ತಾ᳚ತ್ । ತಿ॒ಸ್ರೋ ದ॑ಖ್ಷಿಣ॒ತಃ । ಸ॒ಪ್ತ ಪ॒ಶ್ಚಾತ್ । ತಿ॒ಸ್ರ ಉ॑ತ್ತರ॒ತಃ । ಏಕಾ॒-ಮ್ಮದ್ಧ್ಯೇ᳚ । ತತೋ॒ ವೈ ಸ ಪ್ರ ಯಶೋ॒ ಜ್ಯೈಷ್ಠ್ಯ॑-ಮಾಪ್ನೋತ್ ।
ಏ॒ತಾ-ಮ್ಪ್ರಜಾ॑ತಿ॒-ಮ್ಪ್ರಾಜಾ॑ಯತ । ಯಾಮಿ॒ದ-ಮ್ಪ್ರ॒ಜಾಃ ಪ್ರ॒ಜಾಯ॑ನ್ತೇ । ತ್ರಿ॒ವೃ-ದ್ವೈ ಜ್ಯೈಷ್ಠ್ಯ᳚ಮ್ । ಮಾ॒ತಾ ಪಿ॒ತಾ ಪು॒ತ್ರಃ ॥ 54 ॥

ತ್ರಿ॒ವೃ-ತ್ಪ್ರ॒ಜನ॑ನಮ್ । ಉ॒ಪಸ್ಥೋ॒ ಯೋನಿ॑ ರ್ಮದ್ಧ್ಯ॒ಮಾ । ಪ್ರಯಶೋ॒ ಜ್ಯೈಷ್ಠ್ಯ॑-ಮಾಪ್ನೋತಿ । ಏ॒ತಾ-ಮ್ಪ್ರ॑ಜಾತಿ॒-ಮ್ಪ್ರಜಾ॑ಯತೇ । ಯಾಮಿ॒ದ-ಮ್ಪ್ರ॒ಜಾಃ ಪ್ರ॒ಜಾಯ॑ನ್ತೇ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ । ಯ ಉ॑ ಚೈನಮೇ॒ವಂ-ವೇಁದ॑ ॥ ಅಥ॑ ಹೈನ॒-ಮಿನ್ದ್ರೋ॒ ಜ್ಯೈಷ್ಠ್ಯ॑ಕಾಮಃ ।
ಊ॒ದ್ರ್ಧ್ವಾ ಏ॒ವೋಪ॑ದಧೇ । ತತೋ॒ ವೈ ಸ ಜ್ಯೈಷ್ಠ್ಯ॑-ಮಗಚ್ಛತ್ ॥ 55 ॥

ಜ್ಯೈಷ್ಠ್ಯ॑-ಙ್ಗಚ್ಛತಿ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ । ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಅಥ॑ ಹೈನ-ಮ॒ಸಾವಾ॑ದಿ॒ತ್ಯ-ಸ್ಸ್ವ॒ರ್ಗಕಾ॑ಮಃ ।
ಪ್ರಾಚೀ॑ರೇ॒ವೋಪ॑ದಧೇ । ತತೋ॒ ವೈ ಸೋ॑-ಽಭಿ ಸ್ವ॒ರ್ಗಂ-ಲೋಁ॒ಕ-ಮ॑ಜಯತ್ । ಅ॒ಭಿ ಸ್ವ॒ರ್ಗಂ-ಲೋಁ॒ಕ-ಞ್ಜ॑ಯತಿ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ।
ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಸ ಯದೀ॒ಚ್ಛೇತ್ ॥ 56 ॥

ತೇ॒ಜ॒ಸ್ವೀ ಯ॑ಶ॒ಸ್ವೀ ಬ್ರ॑ಹ್ಮವರ್ಚ॒ಸೀ ಸ್ಯಾ॒ಮಿತಿ॑ । ಪ್ರಾಂಆ ಹೋತು॒ರ್ಧಿಷ್ಣ್ಯಾ॒-ದುಥ್ಸ॑ರ್ಪೇತ್ ।
ಯೇಯ-ಮ್ಪ್ರಾಗಾ॒-ದ್ಯಶ॑ಸ್ವತೀ । ಸಾ ಮಾ॒ ಪ್ರೋರ್ಣೋ॑ತು ।
ತೇಜ॑ಸಾ॒ ಯಶ॑ಸಾ ಬ್ರಹ್ಮವರ್ಚ॒ಸೇನೇತಿ॑ ।
ತೇ॒ಜ॒ಸ್ವ್ಯೇ॑ವ ಯ॑ಶ॒ಸ್ವೀ ಬ್ರ॑ಹ್ಮವರ್ಚ॒ಸೀ ಭ॑ವತಿ ॥ ಅಥ॒ ಯದೀ॒ಚ್ಛೇತ್ । ಭೂಯಿ॑ಷ್ಠ-ಮ್ಮೇ॒ ಶ್ರದ್ದ॑ಧೀರನ್ನ್ । ಭೂಯಿ॑ಷ್ಠಾ॒ ದಖ್ಷಿ॑ಣಾ ನಯೇಯು॒ರಿತಿ॑ ।
ದಖ್ಷಿ॑ಣಾಸು ನೀ॒ಯಮಾ॑ನಾಸು॒ ಪ್ರಾಚ್ಯೇಹಿ॒ ಪ್ರಾಚ್ಯೇ॒ಹೀತಿ॒ ಪ್ರಾಚೀ॑ ಜುಷಾ॒ಣಾ ವೇತ್ವಾಜ್ಯ॑ಸ್ಯ॒ ಸ್ವಾಹೇತಿ॑ ಸ್ರು॒ವೇಣೋ॑-ಪ॒ಹತ್ಯಾ॑ ಹವ॒ನೀಯೇ॑ ಜುಹುಯಾತ್ ॥ 57 ॥

ಭೂಯಿ॑ಷ್ಠ-ಮೇ॒ವಾಸ್ಮೈ॒ ಶ್ರದ್ದ॑ಧತೇ । ಭೂಯಿ॑ಷ್ಠಾ॒ ದಖ್ಷಿ॑ಣಾ ನಯನ್ತಿ ॥ ಪುರೀ॑ಷ-ಮುಪ॒ಧಾಯ॑ । ಚಿ॒ತಿ॒-ಕ್ಲೃ॒ಪ್ತಿಭಿ॑-ರಭಿ॒ಮೃಶ್ಯ॑ । ಅ॒ಗ್ನಿ-ಮ್ಪ್ರ॒ಣೀಯೋ॑ಪಸಮಾ॒ಧಾಯ॑ । ಚತ॑ಸ್ರ ಏ॒ತಾ ಆಹು॑ತೀ ರ್ಜುಹೋತಿ । ತ್ವಮ॑ಗ್ನೇ ರು॒ದ್ರ ಇತಿ॑ ಶತರು॒ದ್ರೀಯ॑ಸ್ಯ ರೂ॒ಪಮ್ ।
ಅಗ್ನಾ॑-ವಿಷ್ಣೂ॒ ಇತಿ॑ ವಸೋ॒ದ್ರ್ಧಾರಾ॑ಯಾಃ । ಅನ್ನ॑ಪತ॒ ಇತ್ಯ॑ನ್ನ ಹೋ॒ಮಃ । ಸ॒ಪ್ತ ತೇ॑ ಅಗ್ನೇ ಸ॒ಮಿಧ॑-ಸ್ಸ॒ಪ್ತ ಜಿ॒ಹ್ವಾ ಇತಿ॑ ವಿಶ್ವ॒ಪ್ರೀಃ ॥ 58 ॥
[ಸಮೃ॑ದ್ಧ॒ - ಋದ್ಧಿ॑ಕಾಮಃ - ಪ॒ರಸ್ತಾ᳚ಚ್ - ಚಿಕ್ಯೇ - ಪು॒ತ್ರೋ॑ - ಽಗಚ್ಛ - ದಿ॒ಚ್ಛೇ - ಜ್ಜು॑ಹುಯಾ-ದ್- ವಿಶ್ವ॒ಪ್ರಿಃ ] (ಅ. 9)

(ಪುರರ್​ಷ॑ಯೋ ವಾ॒ಯು-ರ್ಗೋ॑ಬ॒ಲ-ಸ್ಸ॒ಹಸ್ರ॑-ಮ್ಪ್ರ॒ಜಾಪ॑ತಿ ಸ್ತ್ರಿ॒ವೃದಿನ್ದ್ರೋ॒ ಽಸಾವಾ॑ದಿ॒ತ್ಯ-ಸ್ಸ ಯದೀ॒ಚ್ಛೇತ್ )

ಅನುವಾಕಂ 10 - ತತ್ಪ್ರಶಂಸಾ
ಯಾ-ಮ್ಪ್ರ॑ಥ॒ಮಾ-ಮಿಷ್ಟ॑ಕಾ-ಮುಪ॒ದಧಾ॑ತಿ । ಇ॒ಮ-ನ್ತಯಾ॑ ಲೋ॒ಕ-ಮ॒ಭಿ ಜ॑ಯತಿ ।
ಅಥೋ॒ ಯಾ ಅ॒ಸ್ಮಿನ್ ಁಲೋ॒ಕೇ ದೇ॒ವತಾಃ᳚ ।
ತಾಸಾ॒ಗ್ಂ॒ ಸಾಯು॑ಜ್ಯಗ್ಂ ಸಲೋ॒ಕತಾ॑-ಮಾಪ್ನೋತಿ । ಯಾ-ನ್ದ್ವಿ॒ತೀಯಾ॑-ಮುಪ॒ದಧಾ॑ತಿ ।
ಅ॒ನ್ತ॒ರಿ॒ಖ್ಷ॒ಲೋ॒ಕ-ನ್ತಯಾ॒-ಽಭಿ ಜಯ॑ತಿ । ಅಥೋ॒ ಯಾ ಅ॑ನ್ತರಿಖ್ಷ ಲೋ॒ಕೇ ದೇ॒ವತಾಃ᳚ ।
ತಾಸಾ॒ಗ್ಂ॒ ಸಾಯು॑ಜ್ಯಗ್ಂ ಸಲೋ॒ಕತಾ॑-ಮಾಪ್ನೋತಿ ।
ಯಾ-ನ್ತೃ॒ತೀಯಾ॑-ಮುಪ॒ದಧಾ॑ತಿ ।
ಅ॒ಮು-ನ್ತಯಾ॑ ಲೋ॒ಕ-ಮ॒ಭಿಜ॑ಯತಿ ॥ 59 ॥

ಅಥೋ॒ ಯಾ ಅ॒ಮುಷ್ಮಿ॑ನ್ ಁಲೋ॒ಕೇ ದೇ॒ವತಾಃ᳚ ।
ತಾಸಾ॒ಗ್ಂ॒ ಸಾಯು॑ಜ್ಯಗ್ಂ ಸಲೋ॒ಕತಾ॑-ಮಾಪ್ನೋತಿ ।
ಅಥೋ॒ ಯಾ ಅ॒ಮೂರಿತ॑ರಾ ಅ॒ಷ್ಟಾದ॑ಶ ।
ಯ ಏ॒ವಾಮೀ ಉ॒ರವ॑ಶ್ಚ॒ ವರೀ॑ಯಾಗ್ಂಸಶ್ಚ ಲೋ॒ಕಾಃ ।
ತಾನೇ॒ವ ತಾಭಿ॑-ರ॒ಭಿಜ॑ಯತಿ ॥ ಕಾ॒ಮ॒ಚಾರೋ॑ ಹ॒ ವಾ ಅ॑ಸ್ಯೋ॒ರುಷು॑ ಚ॒ ವರೀ॑ಯಸ್ಸು ಚ ಲೋ॒ಕೇಷು॑ ಭವತಿ ।
ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ । ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಸಂ॒​ವಁ॒ಥ್ಸ॒ರೋ ವಾ ಅ॒ಗ್ನಿ ನಾ॑ರ್ಚಿಕೇ॒ತಃ । ತಸ್ಯ॑ ವಸ॒ನ್ತ-ಶ್ಶಿರಃ॑ ॥ 60 ॥

ಗ್ರೀ॒ಷ್ಮೋ ದಖ್ಷಿ॑ಣಃ ಪ॒ಖ್ಷಃ । ವ॒ರ್॒ಷಾ ಉತ್ತ॑ರಃ । ಶ॒ರ-ತ್ಪುಚ್ಛ᳚ಮ್ । ಮಾಸಾಃ᳚ ಕರ್ಮಕಾ॒ರಾಃ । ಅ॒ಹೋ॒ರಾ॒ತ್ರೇ ಶ॑ತರು॒ದ್ರೀಯ᳚ಮ್ । ಪ॒ರ್ಜನ್ಯೋ॒ ವಸೋ॒ದ್ರ್ಧಾರಾ᳚ ।
ಯಥಾ॒ ವೈ ಪ॒ರ್ಜನ್ಯ॒-ಸ್ಸುವೃ॑ಷ್ಟಂ-ವೃಁ॒ಷ್ಟ್ವಾ ।
ಪ್ರ॒ಜಾಭ್ಯ॒-ಸ್ಸರ್ವಾ॒ನ್ ಕಾಮಾ᳚ನ್-ಥ್ಸಮ್ಪೂ॒ರಯ॑ತಿ ।
ಏ॒ವ-ಮೇ॒ವ ಸ ತಸ್ಯ॒ ಸರ್ವಾ॒ನ್ ಕಾಮಾ॒ನ್-ಥ್ಸಮ್ಪೂ॑ರಯತಿ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ ॥ 61 ॥

ಯ ಉ॑ ಚೈನ-ಮೇ॒ವಂ-ವೇಁದ॑ ॥ ಸಂ॒​ವಁ॒ಥ್ಸ॒ರೋ ವಾ ಅ॒ಗ್ನಿ ರ್ನಾ॑ಚಿಕೇ॒ತಃ । ತಸ್ಯ॑ ವಸ॒ನ್ತ-ಶ್ಶಿರಃ॑ । ಗ್ರೀ॒ಷ್ಮೋ ದಖ್ಷಿ॑ಣಃ ಪ॒ಖ್ಷಃ ।
ವ॒ರ್॒ಷಾಃ ಪುಚ್ಛ᳚ಮ್ । ಶ॒ರದುತ್ತ॑ರಃ ಪ॒ಖ್ಷಃ । ಹೇ॒ಮ॒ನ್ತೋ ಮದ್ಧ್ಯ᳚ಮ್ ।
ಪೂ॒ರ್ವ॒ಪ॒ಖ್ಷಾಶ್ಚಿತ॑ಯಃ । ಅ॒ಪ॒ರ॒ಪ॒ಖ್ಷಾಃ ಪುರೀ॑ಷಮ್ । ಅ॒ಹೋ॒ರಾ॒ತ್ರಾಣೀಷ್ಟ॑ಕಾಃ ।
ಏ॒ಷ ವಾವ ಸೋ᳚-ಽಗ್ನಿ-ರ॑ಗ್ನಿ॒ಮಯಃ॑ ಪುನರ್ಣ॒ವಃ ।
ಅ॒ಗ್ನಿ॒ಮಯೋ॑ ಹ॒ ವೈ ಪು॑ನರ್ಣ॒ವೋ ಭೂ॒ತ್ವಾ । ಸ್ವ॒ರ್ಗಂ-ಲೋಁ॒ಕ-ಮೇ॑ತಿ । ಆ॒ದಿ॒ತ್ಯಸ್ಯ॒ ಸಾಯು॑ಜ್ಯಮ್ । ಯೋ᳚-ಽಗ್ನಿ-ನ್ನಾ॑ಚಿಕೇ॒ತ-ಞ್ಚಿ॑ನು॒ತೇ । ಯ ಉ॑ ಚೈನ-ಮೇ॒ವಂ-ವೇಁದ॑ ॥ 62 ॥
ಅ॒ಮು-ನ್ತಯಾ॑ ಲೋ॒ಕಮ॒ಭಿಜ॑ಯತಿ॒ - ಶಿರ॑ - ಶ್ಚಿನು॒ತ - ಇಷ್ಟ॑ಕಾ॒-ಷ್ಷಟ್ಚ॑) (ಅ. 10)

(ಲೋ॒ಕ - ಸ್ತ್ವಮ॒ಗ್ನೇ - ಽಗ್ನಾ॑ವಿಷ್ಣೂ॒ - ಅನ್ನ॑ಪತೇ - ಸ॒ಪ್ತ ತೇ॑ ಅಗ್ನೇ॒ - ಯತ್ತೇ ಽಚಿ॑ತಮ॒ - ಯಂ-ವಾಁ - ವೋಶನ್. ಹ॒ ವೈ - ತಗ್ಂ ಹೈ॒ತಂ - ಁಯಾ-ಮ್ಪ್ರ॑ಥ॒ಮಾಮಿಷ್ಟ॑ಕಾ॒-ನ್ದಶ॑)

(ಲೋ॒ಕ - ಆ॑ದಿ॒ತ್ಯ - ಓಜೋ᳚ - ಽಸ್ಯೂ॒ದ್ರ್ಧ್ವಾ ದಿಗ॑ - ನ॒ನ್ತಗ್ಂ ಹ॒ ವೈ - ಕಾಮೇ॑ನ - ಗ್ರೀ॒ಷ್ಮೋ ದ್ವಿಷ॑ಷ್ಟಿಃ)

(ಲೋ॒ಕೋ - ವೇದ॑)

॥ ಹರಿಃ॑ ಓಮ್ ॥

॥ ತೈತ್ತರೀಯ ಯಜುಬ್ರಾಹ್ಮಣೇ ಕಾಠಕೇ ದ್ವಿತೀಯಃ ಪ್ರಶ್ನ-ಸ್ಸಮಾಪ್ತಃ ॥
+++++++++++++++++++++++++++++++++