ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಚತುರ್ಥಃ ಪ್ರಪಾಠಕಃ - ಪುರುಷಮೇಧಃ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

3.4.1 ತೋ 3.4.19 -ಪುರುಷಮೇಧಃ

ಬ್ರಹ್ಮ॑ಣೇ ಬ್ರಾಹ್ಮ॒ಣಮಾಲ॑ಭತೇ । ಖ್ಷ॒ತ್ರಾಯ॑ ರಾಜ॒ನ್ಯ᳚ಮ್ । ಮ॒ರುದ್ಭ್ಯೋ॒ ವೈಶ್ಯ᳚ಮ್ । ತಪ॑ಸೇ ಶೂ॒ದ್ರಮ್ । ತಮ॑ಸೇ॒ ತಸ್ಕ॑ರಮ್ । ನಾರ॑ಕಾಯ ವೀರ॒ಹಣ᳚ಮ್ । ಪಾ॒ಪ್ಮನೇ᳚ ಕ್ಲೀ॒ಬಮ್ । ಆ॒ಕ್ರ॒ಯಾಯಾ॑ಯೋ॒ಗೂಮ್ । ಕಾಮಾ॑ಯ ಪುಗ್ಗ್​ಶ್ಚ॒ಲೂಮ್ ।
ಅತಿ॑ಕ್ರುಷ್ಟಾಯ ಮಾಗ॒ಧಮ್ ॥ 1 ॥ (ಅ. 1)

ಗೀ॒ತಾಯ॑ ಸೂ॒ತಮ್ । ನೃ॒ತ್ತಾಯ॑ ಶೈಲೂ॒ಷಮ್ । ಧರ್ಮಾ॑ಯ ಸಭಾಚ॒ರಮ್ । ನ॒ರ್ಮಾಯ॑ ರೇ॒ಭಮ್ । ನರಿ॑ಷ್ಠಾಯೈ ಭೀಮ॒ಲಮ್ । ಹಸಾ॑ಯ॒ ಕಾರಿ᳚ಮ್ । ಆ॒ನ॒ನ್ದಾಯ॑ ಸ್ತ್ರೀಷ॒ಖಮ್ ।
ಪ್ರ॒ಮುದೇ॑ ಕುಮಾರೀಪು॒ತ್ರಮ್ । ಮೇ॒ಧಾಯೈ॑ ರಥಕಾ॒ರಮ್ ।
ಧೈರ್ಯಾ॑ಯ॒ ತಖ್ಷಾ॑ಣಮ್ ॥ 2 ॥ (ಅ. 2)

ಶ್ರಮಾ॑ಯ ಕೌಲಾ॒ಲಮ್ । ಮಾ॒ಯಾಯೈ॑ ಕಾರ್ಮಾ॒ರಮ್ । ರೂ॒ಪಾಯ॑ ಮಣಿಕಾ॒ರಮ್ । ಶುಭೇ॑ ವ॒ಪಮ್ । ಶ॒ರ॒ವ್ಯಾ॑ಯಾ ಇಷುಕಾ॒ರಮ್ । ಹೇ॒ತ್ಯೈ ಧ॑ನ್ವಕಾ॒ರಮ್ । ಕರ್ಮ॑ಣೇ ಜ್ಯಾಕಾ॒ರಮ್ । ದಿ॒ಷ್ಟಾಯ॑ ರಜ್ಜುಸ॒ರ್ಗಮ್ । ಮೃ॒ತ್ಯವೇ॑ ಮೃಗ॒ಯುಮ್ ।
ಅನ್ತ॑ಕಾಯ ಶ್ವ॒ನಿತ᳚ಮ್ ॥ 3 ॥ (ಅ. 3)

ಸ॒ನ್ಧಯೇ॑ ಜಾ॒ರಮ್ । ಗೇ॒ಹಾಯೋ॑ಪಪ॒ತಿಮ್ । ನಿರ್-ಋ॑ತ್ಯೈ ಪರಿವಿ॒ತ್ತಮ್ । ಆರ್ತ್ಯೈ॑ ಪರಿವಿವಿದಾ॒ನಮ್ । ಅರಾ᳚ದ್ಧ್ಯೈ ದಿಧಿಷೂ॒ಪತಿ᳚ಮ್ । ಪ॒ವಿತ್ರಾ॑ಯ ಭಿ॒ಷಜ᳚ಮ್ ।
ಪ್ರ॒ಜ್ಞಾನಾ॑ಯ ನಖ್ಷತ್ರದ॒ರ॒.ಶಮ್ । ನಿಷ್ಕೃ॑ತ್ಯೈ ಪೇಶಸ್ಕಾ॒ರೀಮ್ । ಬಲಾ॑ಯೋ ಪ॒ದಾಮ್ ।
ವರ್ಣಾ॑ಯಾನೂ॒ರುಧ᳚ಮ್ ॥ 4 ॥ (ಅ. 4)

ನ॒ದೀಭ್ಯಃ॑ ಪೌಞ್ಜಿ॒ಷ್ಟಮ್ । ಋ॒ಖ್ಷೀಕಾ᳚ಭ್ಯೋ॒ ನೈಷಾ॑ದಮ್ ।
ಪು॒ರು॒ಷ॒ವ್ಯಾ॒ಘ್ರಾಯ॑ ದು॒ರ್ಮದ᳚ಮ್ । ಪ್ರ॒ಯುದ್ಭ್ಯ॒ ಉನ್ಮ॑ತ್ತಮ್ । ಗ॒ನ್ಧ॒ರ್ವಾ॒ಫ್ಸ॒ರಾಭ್ಯೋ॒ ವ್ರಾತ್ಯ᳚ಮ್ ।
ಸ॒ರ್ಪ॒ದೇ॒ವ॒ಜ॒ನೇಭ್ಯೋ ಽಪ್ರ॑ತಿಪದಮ್ । ಅವೇ᳚ಭ್ಯಃ ಕಿತ॒ವಮ್ ।
ಇ॒ರ್ಯತಾ॑ಯಾ॒ ಅಕಿ॑ತವಮ್ । ಪಿ॒ಶಾ॒ಚೇಭ್ಯೋ॑ ಬಿದಲಕಾ॒ರಮ್ ।
ಯಾ॒ತು॒ಧಾನೇ᳚ಭ್ಯಃ ಕಣ್ಟಕಕಾ॒ರಮ್ ॥ 5 ॥ (ಅ. 5)

ಉ॒ಥ್ಸಾ॒ದೇಭ್ಯಃ॑ ಕು॒ಬ್ಜಮ್ । ಪ್ರ॒ಮುದೇ॑ ವಾಮ॒ನಮ್ । ದ್ವಾ॒ರ್ಭ್ಯ-ಸ್ಸ್ರಾ॒ಮಮ್ । ಸ್ವಪ್ನಾ॑ಯಾ॒ನ್ಧಮ್ । ಅಧ॑ರ್ಮಾಯ ಬಧಿ॒ರಮ್ । ಸ॒ಜ್ಞಾನ್ನಾ॑ಯ ಸ್ಮರಕಾ॒ರೀಮ್ ।
ಪ್ರ॒ಕಾ॒ಮೋದ್ಯಾ॑ಯೋಪ॒ಸದ᳚ಮ್ । ಆ॒ಶಿ॒ಖ್ಷಾಯೈ᳚ ಪ್ರ॒ಶ್ನಿನ᳚ಮ್ ।
ಉ॒ಪ॒ಶಿ॒ಖ್ಷಾಯಾ॑ ಅಭಿಪ್ರ॒ಶ್ನಿನ᳚ಮ್ ।
ಮ॒ರ್ಯಾದಾ॑ಯೈ ಪ್ರಶ್ನವಿವಾ॒ಕಮ್ ॥ 6 ॥ (ಅ. 6)

ಋತ್ಯೈ᳚ ಸ್ತೇ॒ನಹೃ॑ದಯಮ್ । ವೈರ॑ಹತ್ಯಾಯ॒ ಪಿಶು॑ನಮ್ । ವಿವಿ॑ತ್ತ್ಯೈ ಖ್ಷ॒ತ್ತಾರ᳚ಮ್ । ಔಪ॑ದ್ರಷ್ಟಾಯ ಸಙ್ಗ್ರಹೀ॒ತಾರ᳚ಮ್ । ಬಲಾ॑ಯಾನುಚ॒ರಮ್ । ಭೂ॒ಮ್ನೇ ಪ॑ರಿಷ್ಕ॒ನ್ದಮ್ ।
ಪ್ರಿ॒ಯಾಯ॑ ಪ್ರಿಯವಾ॒ದಿನ᳚ಮ್ । ಅರಿ॑ಷ್ಟ್ಯಾ ಅಶ್ವಸಾ॒ದಮ್ ।
ಮೇಧಾ॑ಯ ವಾಸಃ ಪಲ್ಪೂ॒ಲೀಮ್ । ಪ್ರ॒ಕಾ॒ಮಾಯ॑ ರಜಯಿ॒ತ್ರೀಮ್ ॥ 7 ॥ (ಅ. 7)

ಭಾಯೈ॑ ದಾರ್ವಾಹಾ॒ರಮ್ । ಪ್ರ॒ಭಾಯಾ॑ ಆಗ್ನೇ॒ನ್ಧಮ್ । ನಾಕ॑ಸ್ಯ ಪೃ॒ಷ್ಠಾಯಾ॑ಭಿಷೇ॒ಕ್ತಾರ᳚ಮ್ । ಬ್ರ॒ದ್ಧ್ನಸ್ಯ॑ ವಿ॒ಷ್ಟಪಾ॑ಯ ಪಾತ್ರನಿರ್ಣೇ॒ಗಮ್ । ದೇ॒ವ॒ಲೋ॒ಕಾಯ॑ ಪೇಶಿ॒ತಾರ᳚ಮ್ ।
ಮ॒ನು॒ಷ್ಯ॒ಲೋ॒ಕಾಯ॑ ಪ್ರಕರಿ॒ತಾರ᳚ಮ್ ।
ಸರ್ವೇ᳚ಭ್ಯೋ ಲೋ॒ಕೇಭ್ಯ॑ ಉಪಸೇ॒ಕ್ತಾರ᳚ಮ್ ।
ಅವ॑ರ್ತ್ಯೈ ವ॒ಧಾಯೋ॑ಪಮನ್ಥಿ॒ತಾರ᳚ಮ್ ।
ಸುವ॒ರ್ಗಾಯ॑ ಲೋ॒ಕಾಯ॑ ಭಾಗ॒ದುಘ᳚ಮ್ ।
ವರ್​ಷಿ॑ಷ್ಠಾಯ॒ ನಾಕಾ॑ಯ ಪರಿವೇ॒ಷ್ಟಾರ᳚ಮ್ ॥ 8 ॥ (ಅ. 8)

ಅರ್ಮೇ᳚ಭ್ಯೋ ಹಸ್ತಿ॒ಪಮ್ । ಜ॒ವಾಯಾ᳚ಶ್ವ॒ಪಮ್ । ಪುಷ್ಟ್ಯೈ॑ ಗೋಪಾ॒ಲಮ್ । ತೇಜ॑ಸೇ-ಽಜಪಾ॒ಲಮ್ । ವೀ॒ರ್ಯಾ॑ಯಾವಿಪಾ॒ಲಮ್ । ಇರಾ॑ಯೈ ಕೀ॒ನಾಶ᳚ಮ್ । ಕೀ॒ಲಾಲಾ॑ಯ ಸುರಾಕಾ॒ರಮ್ । ಭ॒ದ್ರಾಯ॑ ಗೃಹ॒ಪಮ್ । ಶ್ರೇಯ॑ಸೇ ವಿತ್ತ॒ಧಮ್ । ಅದ್ಧ್ಯ॑ಖ್ಷಾಯಾನುಖ್ಷ॒ತ್ತಾರ᳚ಮ್ ॥ 9 ॥ (ಅ. 9)

ಮ॒ನ್ಯವೇ॑-ಽಯಸ್ತಾ॒ಪಮ್ । ಕ್ರೋಧಾ॑ಯ ನಿಸ॒ರಮ್ । ಶೋಕಾ॑ಯಾಭಿಸ॒ರಮ್ । ಉ॒ತ್ಕೂ॒ಲ॒ವಿ॒ಕೂ॒ಲಾಭ್ಯಾ᳚-ನ್ತ್ರಿ॒ಸ್ಥಿನ᳚ಮ್ । ಯೋಗಾ॑ಯ ಯೋ॒ಕ್ತಾರ᳚ಮ್ । ಖ್ಷೇಮಾ॑ಯ ವಿಮೋ॒ಕ್ತಾರ᳚ಮ್ ।
ವಪು॑ಷೇ ಮಾನಸ್ಕೃ॒ತಮ್ । ಶೀಲಾ॑ಯಾಞ್ಜನೀಕಾ॒ರಮ್ ।
ನಿರ್-ಋ॑ತ್ಯೈ ಕೋಶಕಾ॒ರೀಮ್ । ಯ॒ಮಾಯಾ॒ಸೂಮ್ ॥ 10 ॥ (ಅ. 10)

ಯ॒ಮ್ಯೈ॑ ಯಮ॒ಸೂಮ್ । ಅಥ॑ರ್ವ॒ಭ್ಯೋ-ಽವ॑ತೋಕಾಮ್ । ಸಂ॒​ವಁ॒ಥ್ಸ॒ರಾಯ॑ ಪರ್ಯಾ॒ರಿಣೀ᳚ಮ್ ।
ಪ॒ರಿ॒ವ॒ಥ್ಸ॒ರಾಯಾವಿ॑ಜಾತಾಮ್ । ಇ॒ದಾ॒ವ॒ಥ್ಸ॒ರಾಯಾ॑ಪ॒ಸ್ಕದ್ವ॑ರೀಮ್ ।
ಇ॒ದ್ವ॒ಥ್ಸ॒ರಾಯಾ॒ತೀತ್ವ॑ರೀಮ್ । ವ॒ಥ್ಸ॒ರಾಯ॒ ವಿಜ॑ರ್ಜರಾಮ್ ।
ಸ॒ರ್ವ॒ಥ್ಸಂ॒ರಾಯ॒ ಪಲಿ॑ಕ್ನೀಮ್ । ವನಾ॑ಯ ವನ॒ಪಮ್ ।
ಅ॒ನ್ಯತೋ॑ರಣ್ಯಾಯ ದಾವ॒ಪಮ್ ॥ 11 ॥ (ಅ. 11)

ಸರೋ᳚ಭ್ಯೋ ಧೈವ॒ರಮ್ । ವೇಶ॑ನ್ತಾಭ್ಯೋ॒ ದಾಶ᳚ಮ್ । ಉ॒ಪ॒ಸ್ಥಾವ॑ರೀಭ್ಯೋ॒ ಬೈನ್ದ᳚ಮ್ ।
ನ॒ಡ್ವ॒ಲಾಭ್ಯ॑-ಶ್ಶೌಷ್ಕ॒ಲಮ್ । ಪಾ॒ರ್ಯಾ॑ಯ ಕೈವ॒ರ್ತಮ್ । ಅ॒ವಾ॒ರ್ಯಾ॑ಯ ಮಾರ್ಗಾ॒ರಮ್ । ತೀ॒ರ್ಥೇಭ್ಯ॑ ಆ॒ನ್ದಮ್ । ವಿಷ॑ಮೇಭ್ಯೋ ಮೈನಾ॒ಲಮ್ । ಸ್ವನೇ᳚ಭ್ಯಃ॒ ಪರ್ಣ॑ಕಮ್ ।
ಗುಹಾ᳚ಭ್ಯಃ॒ ಕಿರಾ॑ತಮ್ । ಸಾನು॑ಭ್ಯೋ॒ ಜಮ್ಭ॑ಕಮ್ ।
ಪರ್ವ॑ತೇಭ್ಯಃ॒ ಕಿ-ಮ್ಪೂ॑ರುಷಮ್ ॥ 12 ॥ (ಅ. 12)

ಪ್ರ॒ತಿ॒ಶ್ರುತ್ಕಾ॑ಯಾ ಋತು॒ಲಮ್ । ಘೋಷಾ॑ಯ ಭ॒ಷಮ್ ।
ಅನ್ತಾ॑ಯ ಬಹುವಾ॒ದಿನ᳚ಮ್ । ಅ॒ನ॒ನ್ತಾಯ॒ ಮೂಕ᳚ಮ್ ।
ಮಹ॑ಸೇ ವೀಣಾವಾ॒ದಮ್ । ಕ್ರೋಶಾ॑ಯ ತೂಣವ॒ದ್ಧ್ಮಮ್ ।
ಆ॒ಕ್ರ॒ನ್ದಾಯ॑ ದುನ್ದುಭ್ಯಾಘಾ॒ತಮ್ । ಅ॒ವ॒ರ॒ಸ್ಪ॒ರಾಯ॑ ಶಙ್ಖ॒ದ್ಧ್ಮಮ್ । ಋ॒ಭುಭ್ಯೋ॑-ಽಜಿನಸನ್ಧಾ॒ಯಮ್ । ಸಾ॒ದ್ಧ್ಯೇಭ್ಯ॑ಶ್ಚರ್ಮ॒ಮ್ಣಮ್ ॥ 13 ॥ (ಅ. 13)

ಬೀ॒ಭ॒ಥ್ಸಾಯೈ॑ ಪೌಲ್ಕ॒ಸಮ್ । ಭೂತ್ಯೈ॑ ಜಾಗರ॒ಣಮ್ । ಅಭೂ᳚ತ್ಯೈ ಸ್ವಪ॒ನಮ್ । ತು॒ಲಾಯೈ॑ ವಾಣಿ॒ಜಮ್ । ವರ್ಣಾ॑ಯ ಹಿರಣ್ಯಕಾ॒ರಮ್ ।
ವಿಶ್ವೇ᳚ಭ್ಯೋ ದೇ॒ವೇಭ್ಯ॑-ಸ್ಸಿದ್ಧ್ಮ॒ಲಮ್ । ಪ॒ಶ್ಚಾ॒-ದ್ದೋ॒ಷಾಯ॑ ಗ್ಲಾ॒ವಮ್ । ಋತ್ಯೈ॑ ಜನವಾ॒ದಿನ᳚ಮ್ । ವ್ಯೃ॑ದ್ಧ್ಯಾ ಅಪಗ॒ಲ್ಭಮ್ ।
ಸ॒ಗ್ಂ॒ಶ॒ರಾಯ॑ ಪ್ರ॒ಚ್ಛಿದ᳚ಮ್ ॥ 14 ॥ (ಅ. 14)

ಹಸಾ॑ಯ ಪುಗ್ಗ್​ಶ್ಚ॒ಲೂಮಾಲ॑ಭತೇ । ವೀ॒ಣಾ॒ವಾ॒ದ-ಙ್ಗಣ॑ಕ-ಙ್ಗೀ॒ತಾಯ॑ । ಯಾದ॑ಸೇ ಶಾಬು॒ಲ್ಯಾಮ್ । ನ॒ರ್ಮಾಯ॑ ಭದ್ರವ॒ತೀಮ್ ।
ತೂ॒ಣ॒ವ॒ದ್ಧ್ಮ-ಙ್ಗ್ರಾ॑ಮ॒ಣ್ಯ॑-ಮ್ಪಾಣಿಸಙ್ಘಾ॒ತ-ನ್ನೃ॒ತ್ತಾಯ॑ । ಮೋದಾ॑ಯಾನು॒ಕ್ರೋಶ॑ಕಮ್ ।
ಆ॒ನ॒ನ್ದಾಯ॑ ತಲ॒ವಮ್ ॥ 15 ॥ (ಅ. 15)

ಅ॒ಖ್ಷ॒ರಾ॒ಜಾಯ॑ ಕಿತ॒ವಮ್ । ಕೃ॒ತಾಯ॑ ಸಭಾ॒ವಿನ᳚ಮ್ । ತ್ರೇತಾ॑ಯಾ ಆದಿನವದ॒ರ್॒ಶಮ್ । ದ್ವಾ॒ಪ॒ರಾಯ॑ ಬಹಿ॒-ಸ್ಸದ᳚ಮ್ । ಕಲ॑ಯೇ ಸಭಾಸ್ಥಾ॒ಣುಮ್ । ದು॒ಷ್ಕೃ॒ತಾಯ॑ ಚ॒ರಕಾ॑ಚಾರ್ಯಮ್ ।
ಅದ್ಧ್ವ॑ನೇ ಬ್ರಹ್ಮಚಾ॒ರಿಣ᳚ಮ್ । ಪಿ॒ಶಾ॒ಚೇಭ್ಯ॑-ಸ್ಸೈಲ॒ಗಮ್ । ಪಿ॒ಪಾ॒ಸಾಯೈ॑ ಗೋವ್ಯ॒ಚ್ಛಮ್ । ನಿರ್-ಋ॑ತ್ಯೈ ಗೋಘಾ॒ತಮ್ । ಖ್ಷು॒ಧೇ ಗೋ॑ವಿಕ॒ರ್ತಮ್ । ಖ್ಷು॒ತ್ತೃ॒ಷ್ಣಾಭ್ಯಾ॒-ನ್ತಮ್ ।
ಯೋ ಗಾಂ-ವಿಁ॒ಕೃನ್ತ॑ನ್ತ-ಮ್ಮಾ॒ಗ್ಂ॒ಸ-ಮ್ಭಿಖ್ಷ॑ಮಾಣ ಉಪ॒ತಿಷ್ಠ॑ತೇ ॥ 16 ॥ (ಅ. 16)

ಭೂಮ್ಯೈ॑ ಪೀಠಸ॒ರ್ಪಿಣ॒ಮಾಲ॑ಭತೇ । ಅ॒ಗ್ನಯೇ-ಽಗ್ಂ॑ಸ॒ಲಮ್ ।
ವಾ॒ಯವೇ॑ ಚಾಣ್ಡಾ॒ಲಮ್ । ಅ॒ನ್ತರಿ॑ಖ್ಷಾಯ ವಗ್ಂಶನ॒ರ್ತಿನ᳚ಮ್ । ದಿ॒ವೇ ಖ॑ಲ॒ತಿಮ್ । ಸೂರ್ಯಾ॑ಯ ಹರ್ಯ॒ಖ್ಷಮ್ ।
ಚ॒ನ್ದ್ರಮ॑ಸೇ ಮಿರ್ಮಿ॒ರಮ್ । ನಖ್ಷ॑ತ್ರೇಭ್ಯಃ ಕಿ॒ಲಾಸ᳚ಮ್ ।
ಅಹ್ನೇ॑ ಶು॒ಕ್ಲ-ಮ್ಪಿ॑ಙ್ಗ॒ಲಮ್ । ರಾತ್ರಿ॑ಯೈ ಕೃ॒ಷ್ಣ-ಮ್ಪಿ॑ಙ್ಗಾ॒ಖ್ಷಮ್ ॥ 17 ॥ (ಅ. 17)

ವಾ॒ಚೇ ಪುರು॑ಷ॒ಮಾಲ॑ಭತೇ । ಪ್ರಾ॒ಣಮ॑ಪಾ॒ನಂ-ವ್ಯಾಁ॒ನಮು॑ದಾ॒ನಗ್ಂ ಸ॑ಮಾ॒ನ-ನ್ತಾನ್. ವಾ॒ಯವೇ᳚ ।
ಸೂರ್ಯಾ॑ಯ॒ ಚಖ್ಷು॒ರಾಲ॑ಭತೇ । ಮನ॑ಶ್ಚ॒ನ್ದ್ರಮ॑ಸೇ । ದಿ॒ಗ್ಮ್ಯ-ಶ್ಶ್ರೋತ್ರ᳚ಮ್ । ಪ್ರ॒ಜಾಪ॑ತಯೇ॒ ಪುರು॑ಷಮ್ ॥ 18 ॥ (ಅ. 18)

ಅಥೈ॒ತಾನರೂ॑ಪೇಭ್ಯ॒ ಆಲ॑ಭತೇ । ಅತಿ॑ಹ್ರಸ್ವ॒-ಮತಿ॑ದೀರ್ಘಮ್ ।
ಅತಿ॑ಕೃಶ॒ಮತ್ಯಗ್ಂ॑ಸಲಮ್ । ಅತಿ॑ಶುಕ್ಲ॒-ಮತಿ॑ಕೃಷ್ಣಮ್ ।
ಅತಿ॑ಶ್ಲಖ್ಷ್ಣ॒-ಮತಿ॑ಲೋಮಶಮ್ । ಅತಿ॑ಕಿರಿಟ॒-ಮತಿ॑ದನ್ತುರಮ್ ।
ಅತಿ॑ಮಿರ್ಮಿರ॒-ಮತಿ॑ಮೇಮಿಷಮ್ । ಆ॒ಶಾಯೈ॑ ಜಾ॒ಮಿಮ್ ।
ಪ್ರ॒ತೀ॒ಖ್ಷಾಯೈ॑ ಕುಮಾ॒ರೀಮ್ ॥ 19 ॥ (ಅ. 19)

(ಬ್ರಹ್ಮ॑ಣೇ - ಗೀ॒ತಾಯ॒ - ಶ್ರಮಾ॑ಯ - ಸ॒ನ್ಧಯೇ॑ - ನ॒ದೀಭ್ಯ॑ - ಉಥ್ಸಾ॒ದೇಭ್ಯ॒ -ಋತ್ಯೈ॒ - ಭಾಯಾ॒ - ಅರ್ಮೇ᳚ಭ್ಯೋ - ಮ॒ನ್ಯವೇ॑ - ಯ॒ಮ್ಯೈ॑ ದಶ॑ ದಶ॒ - ಸರೋ᳚ಭ್ಯೋ॒ ದ್ವಾದ॑ಶ - ಪ್ರತಿ॒ಶ್ರುತ್ಕಾ॑ಯೈ - ಬೀಭ॒ಥ್ಸಾಯೈ॒ ದಶ॑ ದಶ॒ - ಹಸಾ॑ಯ ಸ॒ಪ್ತಾ-
ಖ್ಷ॑ರಾ॒ಜಾಯ॒ ತ್ರಯೋ॑ದಶ॒ - ಭೂಮ್ಯೈ॒ ದಶ॑ - ವಾ॒ಚೇ ಷಡಥ॒ - ನವೈಕಾ॒ನ್ನ ವಿಗ್ಂ॑ಶತಿಃ )

(ಬ್ರಹ್ಮ॑ಣೇ - ಯ॒ಮ್ಯೈ॑ ನವ॑ದಶ)

(ಬ್ರಹ್ಮ॑ಣೇ - ಕುಮಾ॒ರೀಮ್)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಚತುರ್ಥ ಪ್ರಪಾಠಕ-ಸ್ಸಮಾಪ್ತಃ ॥