ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಆರಣ್ಯಕೇ ಪಞ್ಚಮಃ ಪ್ರಪಾಠಕಃ - ಪ್ರವರ್ಗ್ಯ ಬ್ರಾಹ್ಮಣಮ್
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಅನುವಾಕಂ 1
ದೇ॒ವಾ ವೈ ಸ॒ತ್ರಮಾ॑ಸತ । ಋದ್ಧಿ॑ಪರಿಮಿತ॒ಮ್ ಁಯಶ॑ಸ್ಕಾಮಾಃ । ತೇ᳚-ಽಬ್ರುವನ್ನ್ । ಯನ್ನಃ॑ ಪ್ರಥ॒ಮಂ-ಯಁಶ॑ ಋ॒ಚ್ಛಾತ್ । ಸರ್ವೇ॑ಷಾ-ನ್ನ॒ಸ್ತ-ಥ್ಸ॒ಹಾಸ॒ದಿತಿ॑ ।
ತೇಷಾ᳚-ಙ್ಕುರುಖ್ಷೇ॒ತ್ರಂ-ವೇಁದಿ॑ರಾಸೀತ್ । ತಸ್ಯೈ॑ ಖಾಣ್ಡ॒ವೋ ದ॑ಖ್ಷಿಣಾ॒ರ್ಧ ಆ॑ಸೀತ್ । ತೂರ್ಘ್ನ॑ಮುತ್ತರಾ॒ರ್ಧಃ । ಪ॒ರೀ॒ಣಜ್ಜ॑ಘನಾ॒ರ್ಧಃ । ಮ॒ರವ॑ ಉತ್ಕ॒ರಃ ॥ 1 ॥
ತೇಷಾ᳚-ಮ್ಮ॒ಖಂ-ವೈಁ᳚ಷ್ಣ॒ವಂ-ಯಁಶ॑ ಆರ್ಚ್ಛತ್ । ತನ್ನ್ಯ॑ಕಾಮಯತ । ತೇನಾಪಾ᳚ಕ್ರಾಮತ್ । ತ-ನ್ದೇ॒ವಾ ಅನ್ವಾ॑ಯನ್ನ್ । ಯಶೋ॑-ಽವ॒ರುರು॑ಥ್ಸಮಾನಾಃ । ತಸ್ಯಾ॒ನ್ವಾಗ॑ತಸ್ಯ ।
ಸ॒ವ್ಯಾದ್ಧನು॒ರಜಾ॑ಯತ । ದಖ್ಷಿ॑ಣಾ॒ದಿಷ॑ವಃ । ತಸ್ಮಾ॑ದಿಷುಧ॒ನ್ವ-ಮ್ಪುಣ್ಯ॑ಜನ್ಮ ।
ಯ॒ಜ್ಞಜ॑ನ್ಮಾ॒ ಹಿ ॥ 2 ॥
ತಮೇಕ॒ಗ್ಂ॒ ಸನ್ತ᳚ಮ್ । ಬ॒ಹವೋ॒ ನಾಭ್ಯ॑ಧೃಷ್ಣುವನ್ನ್ । ತಸ್ಮಾ॒ದೇಕ॑ಮಿಷುಧ॒ನ್ವಿನ᳚ಮ್ । ಬ॒ಹವೋ॑-ಽನಿಷುಧ॒ನ್ವಾ ನಾಭಿಧೃ॑ಷ್ಣುವನ್ತಿ । ಸೋ᳚-ಽಸ್ಮಯತ । ಏಕ॑-ಮ್ಮಾ॒ ಸನ್ತ॑-ಮ್ಬ॒ಹವೋ॒ ನಾಭ್ಯ॑ಧರ್ಷಿಷು॒ರಿತಿ॑ ।
ತಸ್ಯ॑ ಸಿಷ್ಮಿಯಾ॒ಣಸ್ಯ॒ ತೇಜೋ-ಽಪಾ᳚ಕ್ರಾಮತ್ । ತ-ದ್ದೇ॒ವಾ ಓಷ॑ಧೀಷು॒ ನ್ಯ॑ಮೃಜುಃ । ತೇ ಶ್ಯಾ॒ಮಾಕಾ॑ ಅಭವನ್ನ್ । ಸ್ಮ॒ಯಾಕಾ॒ ವೈ ನಾಮೈ॒ತೇ ॥ 3 ॥
ತ-ಥ್ಸ್ಮ॒ಯಾಕಾ॑ನಾಗ್ ಸ್ಮಯಾಕ॒ತ್ವಮ್ । ತಸ್ಮಾ᳚-ದ್ದೀಖ್ಷಿ॒ತೇನಾ॑ಪಿ॒ಗೃಹ್ಯ॑ ಸ್ಮೇತ॒ವ್ಯ᳚ಮ್ । ತೇಜ॑ಸೋ॒ ಧೃತ್ಯೈ᳚ । ಸ ಧನುಃ॑ ಪ್ರತಿ॒ಷ್ಕಭ್ಯಾ॑ತಿಷ್ಠತ್ । ತಾ ಉ॑ಪ॒ದೀಕಾ॑ ಅಬ್ರುವ॒ನ್-ವರ॑ಮ್ ಁವೃಣಾಮಹೈ । ಅಥ॑ ವ ಇ॒ಮಗ್ಂ ರ॑ನ್ಧಯಾಮ ।
ಯತ್ರ॒ ಕ್ವ॑ ಚ॒ ಖನಾ॑ಮ । ತದ॒ಪೋ॑-ಽಭಿತೃ॑ಣದಾ॒ಮೇತಿ॑ ।
ತಸ್ಮಾ॑ದುಪ॒ದೀಕಾ॒ ಯತ್ರ॒ ಕ್ವ॑ ಚ॒ ಖನ॑ನ್ತಿ । ತದ॒ಪೋ॑-ಽಭಿತೃ॑ನ್ದನ್ತಿ ॥ 4 ॥
ವಾರೇ॑ವೃತ॒ಗ್ಗ್॒ ಹ್ಯಾ॑ಸಾಮ್ । ತಸ್ಯ॒ ಜ್ಯಾಮಪ್ಯಾ॑ದನ್ನ್ ।
ತಸ್ಯ॒ ಧನು॑ರ್ವಿ॒ಪ್ರವ॑ಮಾಣ॒ಗ್ಂ॒ ಶಿರ॒ ಉದ॑ವರ್ತಯತ್ ।
ತ-ದ್ದ್ಯಾವಾ॑ಪೃಥಿ॒ವೀ ಅನು॒ಪ್ರಾವ॑ರ್ತತ । ಯ-ತ್ಪ್ರಾವ॑ರ್ತತ ।
ತ-ತ್ಪ್ರ॑ವ॒ರ್ಗ್ಯ॑ಸ್ಯ ಪ್ರವರ್ಗ್ಯ॒ತ್ವಮ್ । ಯದ್ಘ್ರಾಁ(4) ಇತ್ಯಪ॑ತತ್ ।
ತದ್ಧ॒ರ್ಮಸ್ಯ॑ ಘರ್ಮ॒ತ್ವಮ್ ।
ಮ॒ಹ॒ತೋ ವೀ॒ರ್ಯ॑ಮಪಪ್ತ॒ದಿತಿ॑ । ತ-ನ್ಮ॑ಹಾವೀ॒ರಸ್ಯ॑ ಮಹಾವೀರ॒ತ್ವಮ್ ॥ 5 ॥
ಯದ॒ಸ್ಯಾ-ಸ್ಸ॒ಮಭ॑ರನ್ನ್ । ತ-ಥ್ಸ॒ಮ್ರಾಜ್ಞ॑-ಸ್ಸಮ್ರಾ॒ಟ್ತ್ವಮ್ ।
ತಗ್ಗ್ ಸ್ತೃ॒ತ-ನ್ದೇ॒ವತಾ᳚ಸ್ತ್ರೇ॒ಧಾ ವ್ಯ॑ಗೃಹ್ಣತ । ಅ॒ಗ್ನಿಃ ಪ್ರಾ॑ತಸ್ಸವ॒ನಮ್ । ಇನ್ದ್ರೋ॒ ಮಾದ್ಧ್ಯ॑ನ್ದಿನ॒ಗ್ಂ॒ ಸವ॑ನಮ್ । ವಿಶ್ವೇ॑ ದೇ॒ವಾಸ್ತೃ॑ತೀಯಸವ॒ನಮ್ । ತೇನಾಪ॑ಶೀರ್ಷ್ಣಾ ಯ॒ಜ್ಞೇನ॒ ಯಜ॑ಮಾನಾಃ । ನಾಶಿಷೋ॒-ಽವಾರು॑ನ್ಧತ ।
ನ ಸು॑ವ॒ರ್ಗಂ-ಲೋಁ॒ಕಮ॒ಭ್ಯ॑ಜಯನ್ನ್ ।
ತೇ ದೇ॒ವಾ ಅ॒ಶ್ವಿನಾ॑ವಬ್ರುವನ್ನ್ ॥ 6 ॥
ಭಿ॒ಷಜೌ॒ ವೈ ಸ್ಥಃ॑ । ಇ॒ದಂ-ಯಁ॒ಜ್ಞಸ್ಯ॒ ಶಿರಃ॒ ಪ್ರತಿ॑ಧತ್ತ॒ಮಿತಿ॑ । ತಾವ॑ಬ್ರೂತಾಂ॒-ವಁರ॑ಮ್ ಁವೃಣಾವಹೈ । ಗ್ರಹ॑ ಏ॒ವ ನಾ॒ವತ್ರಾಪಿ॑ ಗೃಹ್ಯತಾ॒ಮಿತಿ॑ ।
ತಾಭ್ಯಾ॑-ಮೇ॒ತಮಾ᳚ಶ್ವಿ॒ನ-ಮ॑ಗೃಹ್ಣನ್ನ್ ।
ತಾವೇ॒ತ-ದ್ಯ॒ಜ್ಞಸ್ಯ॒ ಶಿರಃ॒ ಪ್ರತ್ಯ॑ಧತ್ತಾಮ್ ।
ಯ-ತ್ಪ್ರ॑ವ॒ರ್ಗ್ಯಃ॑ । ತೇನ॒ ಸಶೀ᳚ರ್ಷ್ಣಾ ಯ॒ಜ್ಞೇನ॒ ಯಜ॑ಮಾನಾಃ । ಅವಾ॒ಶಿಷೋ-ಽರು॑ನ್ಧತ ।
ಅ॒ಭಿ ಸು॑ವ॒ರ್ಗಂ-ಲೋಁ॒ಕಮ॑ಜಯನ್ನ್ । ಯ-ತ್ಪ್ರ॑ವ॒ರ್ಗ್ಯ॑-ಮ್ಪ್ರವೃ॒ಣಕ್ತಿ॑ । ಯ॒ಜ್ಞಸ್ಯೈ॒ವ ತಚ್ಛಿರಃ॒ ಪ್ರತಿ॑ದಧಾತಿ ।
ತೇನ॒ ಸಶೀ᳚ರ್ಷ್ಣಾ ಯ॒ಜ್ಞೇನ॒ ಯಜ॑ಮಾನಃ ।
ಅವಾ॒ಶಿಷೋ॑ ರು॒ನ್ಧೇ । ಅ॒ಭಿ ಸು॑ವ॒ರ್ಗಂ-ಲೋಁ॒ಕ-ಞ್ಜ॑ಯತಿ ।
ತಸ್ಮಾ॑ದೇ॒ಷ ಆ᳚ಶ್ವಿ॒ನಪ್ರ॑ವಯಾ ಇವ । ಯ-ತ್ಪ್ರ॑ವ॒ರ್ಗ್ಯಃ॑ ॥ 7 ॥
(ಉ॒ತ್ಕ॒ರೋ - ಹ್ಯೇ॑ - ತೇ - ತೃ॑ನ್ದನ್ತಿ - ಮಹಾವೀರ॒ತ್ವ - ಮ॑ಬ್ರುವನ್ - ನಜಯನ್-ಥ್ಸ॒ಪ್ತ ಚ॑) (ಅ. 1)
ಅನುವಾಕಂ 2
ಸಾ॒ವಿ॒ತ್ರ-ಞ್ಜು॑ಹೋತಿ॒ ಪ್ರಸೂ᳚ತ್ಯೈ । ಚ॒ತು॒ರ್ಗೃ॒ಹೀ॒ತೇನ॑ ಜುಹೋತಿ ।
ಚತು॑ಷ್ಪಾದಃ ಪ॒ಶವಃ॑ । ಪ॒ಶೂನೇ॒ವಾವ॑ರುನ್ಧೇ । ಚತ॑ಸ್ರೋ॒ ದಿಶಃ॑ । ದಿ॒ಖ್ಷ್ವೇ॑ವ ಪ್ರತಿ॑ತಿಷ್ಠತಿ ।
ಛನ್ದಾಗ್ಂ॑ಸಿ ದೇ॒ವೇಭ್ಯೋ-ಽಪಾ᳚ಕ್ರಾಮನ್ನ್ ।
ನ ವೋ॑-ಽಭಾ॒ಗಾನಿ॑ ಹ॒ವ್ಯಂ-ವಁ॑ಖ್ಷ್ಯಾಮ॒ ಇತಿ॑ ।
ತೇಭ್ಯ॑ ಏ॒ತ-ಚ್ಚ॑ತುರ್ಗೃಹೀ॒ತ-ಮ॑ಧಾರಯನ್ನ್ । ಪು॒ರೋ॒ನು॒ವಾ॒ಕ್ಯಾ॑ಯೈ ಯಾ॒ಜ್ಯಾ॑ಯೈ ॥ 8 ॥
ದೇ॒ವತಾ॑ಯೈ ವಷಟ್ಕಾ॒ರಾಯ॑ । ಯಚ್ಚ॑ತುರ್ಗೃಹೀ॒ತ-ಞ್ಜು॒ಹೋತಿ॑ ।
ಛನ್ದಾಗ್॑ಸ್ಯೇ॒ವ ತ-ತ್ಪ್ರೀ॑ಣಾತಿ । ತಾನ್ಯ॑ಸ್ಯ ಪ್ರೀ॒ತಾನಿ॑ ದೇ॒ವೇಭ್ಯೋ॑ ಹ॒ವ್ಯಂ-ವಁ॑ಹನ್ತಿ । ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಹೋ॒ತ॒ವ್ಯ॑-ನ್ದೀಖ್ಷಿ॒ತಸ್ಯ॑ ಗೃ॒ಹಾ(3) ಇ ನ ಹೋ॑ತ॒ವ್ಯಾ(3) ಮಿತಿ॑ । ಹ॒ವಿರ್ವೈ ದೀ᳚ಖ್ಷಿ॒ತಃ । ಯಜ್ಜು॑ಹು॒ಯಾತ್ । ಹ॒ವಿಷ್ಕೃ॑ತಂ॒-ಯಁಜ॑ಮಾನಮ॒ಗ್ನೌ ಪ್ರದ॑ದ್ಧ್ಯಾತ್ ।
ಯನ್ನ ಜು॑ಹು॒ಯಾತ್ ॥ 9 ॥
ಯ॒ಜ್ಞ॒ಪ॒ರುರ॒ನ್ತರಿ॑ಯಾತ್ । ಯಜು॑ರೇ॒ವ ವ॑ದೇತ್ ।
ನ ಹ॒ವಿಷ್ಕೃ॑ತಂ॒-ಯಁಜ॑ಮಾನಮ॒ಗ್ನೌ ಪ್ರ॒ದಧಾ॑ತಿ । ನ ಯ॑ಜ್ಞಪ॒ರುರ॒ನ್ತರೇ॑ತಿ । ಗಾ॒ಯ॒ತ್ರೀ ಛನ್ದಾ॒ಗ್॒ಸ್ಯತ್ಯ॑ಮನ್ಯತ ।
ತಸ್ಯೈ॑ ವಷಟ್ಕಾ॒ರೋ᳚-ಽಭ್ಯಯ್ಯ॒ ಶಿರೋ᳚-ಽಚ್ಛಿನತ್ ।
ತಸ್ಯೈ᳚ ದ್ವೇ॒ಧಾ ರಸಃ॒ ಪರಾ॑-ಽಪತತ್ । ಪೃ॒ಥಿ॒ವೀಮ॒ರ್ಧಃ ಪ್ರಾವಿ॑ಶತ್ । ಪ॒ಶೂನ॒ರ್ಧಃ । ಯಃ ಪೃ॑ಥಿ॒ವೀ-ಮ್ಪ್ರಾವಿ॑ಶತ್ ॥ 10 ॥
ಸ ಖ॑ದಿ॒ರೋ॑-ಽಭವತ್ । ಯಃ ಪ॒ಶೂನ್ । ಸೋ॑-ಽಜಾಮ್ । ಯತ್ಖಾ॑ದಿ॒ರ್ಯಭ್ರಿ॒-ರ್ಭವ॑ತಿ । ಛನ್ದ॑ಸಾಮೇ॒ವ ರಸೇ॑ನ ಯ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ । ಯದೌದು॑ಮ್ಬರೀ ।
ಊರ್ಗ್ವಾ ಉ॑ದು॒ಮ್ಬರಃ॑ । ಊ॒ರ್ಜೈವ ಯ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ । ಯ-ದ್ವೈ॑ಣ॒ವೀ । ತೇಜೋ॒ ವೈ ವೇಣುಃ॑ ॥ 11 ॥
ತೇಜ॑ಸೈ॒ವ ಯ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ । ಯ-ದ್ವೈಕ॑ಙ್ಕತೀ ।
ಭಾ ಏ॒ವಾವ॑ರುನ್ಧೇ । ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತ್ಯಭ್ರಿ॒ಮಾದ॑ತ್ತೇ॒ ಪ್ರಸೂ᳚ತ್ಯೈ । ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ । ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ ।
ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾಹ॒ ಯತ್ಯೈ᳚ । ವಜ್ರ॑ ಇವ॒ ವಾ ಏ॒ಷಾ । ಯದಭ್ರಿಃ॑ । ಅಭ್ರಿ॑ರಸಿ॒ ನಾರಿ॑ರ॒ಸೀತ್ಯಾ॑ಹ॒ ಶಾನ್ತ್ಯೈ᳚ ॥ 12 ॥
ಅ॒ದ್ಧ್ವ॒ರ॒ಕೃ-ದ್ದೇ॒ವೇಭ್ಯ॒ ಇತ್ಯಾ॑ಹ । ಯ॒ಜ್ಞೋ ವಾ ಅ॑ದ್ಧ್ವ॒ರಃ । ಯ॒ಜ್ಞ॒ಕೃ-ದ್ದೇ॒ವೇಭ್ಯ॒ ಇತಿ॒ ವಾವೈತದಾ॑ಹ । ಉತ್ತಿ॑ಷ್ಠ ಬ್ರಹ್ಮಣಸ್ಪತ॒ ಇತ್ಯಾ॑ಹ ।
ಬ್ರಹ್ಮ॑ಣೈ॒ವ ಯ॒ಜ್ಞಸ್ಯ॒ ಶಿರೋ-ಽಚ್ಛೈ॑ತಿ ।
ಪ್ರೈತು॒ ಬ್ರಹ್ಮ॑ಣ॒ಸ್ಪತಿ॒ರಿತ್ಯಾ॑ಹ । ಪ್ರೇತ್ಯೈ॒ವ ಯ॒ಜ್ಞಸ್ಯ॒ ಶಿರೋ-ಽಚ್ಛೈ॑ತಿ । ಪ್ರ ದೇ॒ವ್ಯೇ॑ತು ಸೂ॒ನೃತೇತ್ಯಾ॑ಹ ।
ಯ॒ಜ್ಞೋ ವೈ ಸೂ॒ನೃತಾ᳚ । ಅಚ್ಛಾ॑ ವೀ॒ರನ್ನರ್ಯ॑-ಮ್ಪ॒ಙ್ಕ್ತಿರಾ॑ಧಸ॒ಮಿತ್ಯಾ॑ಹ ॥ 13 ॥
ಪಾಙ್ಕ್ತೋ॒ ಹಿ ಯ॒ಜ್ಞಃ । ದೇ॒ವಾ ಯ॒ಜ್ಞನ್ನ॑ಯನ್ತು ನ॒ ಇತ್ಯಾ॑ಹ ।
ದೇ॒ವಾನೇ॒ವ ಯ॑ಜ್ಞ॒ನಿಯಃ॑ ಕುರುತೇ । ದೇವೀ᳚ ದ್ಯಾವಾಪೃಥಿವೀ॒ ಅನು॑ ಮೇ ಮಗ್ಂಸಾಥಾ॒ಮಿತ್ಯಾ॑ಹ । ಆ॒ಭ್ಯಾಮೇ॒ವಾನು॑ಮತೋ ಯ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ । ಋ॒ದ್ಧ್ಯಾಸ॑ಮ॒ದ್ಯ ಮ॒ಖಸ್ಯ॒ ಶಿರ॒ ಇತ್ಯಾ॑ಹ । ಯ॒ಜ್ಞೋ ವೈ ಮ॒ಖಃ ।
ಋ॒ದ್ಧ್ಯಾಸ॑ಮ॒ದ್ಯ ಯ॒ಜ್ಞಸ್ಯ॒ ಶಿರ॒ ಇತಿ॒ ವಾವೈತದಾ॑ಹ ।
ಮ॒ಖಾಯ॑ ತ್ವಾ ಮ॒ಖಸ್ಯ॑ ತ್ವಾ ಶೀ॒ರ್ಷ್ಣ ಇತ್ಯಾ॑ಹ ।
ನಿ॒ರ್ದಿಶ್ಯೈ॒ವೈನ॑ದ್ಧರತಿ ॥ 14 ॥
ತ್ರಿರ್ಹ॑ರತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಭ್ಯ ಏ॒ವ ಲೋ॒ಕೇಭ್ಯೋ॑ ಯ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ । ತೂ॒ಷ್ಣೀ-ಞ್ಚ॑ತು॒ರ್ಥಗ್ಂ ಹ॑ರತಿ । ಅಪ॑ರಿಮಿತಾದೇ॒ವ ಯ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ ।
ಮೃ॒ತ್ಖ॒ನಾದಗ್ರೇ॑ ಹರತಿ । ತಸ್ಮಾ᳚-ನ್ಮೃತ್ಖ॒ನಃ ಕ॑ರು॒ಣ್ಯ॑ತಮಃ । ಇಯ॒ತ್ಯಗ್ರ॑ ಆಸೀ॒ರಿತ್ಯಾ॑ಹ । ಅ॒ಸ್ಯಾಮೇ॒ವಾಛ॑ಮ್ಬಟ್ಕಾರಂ-ಯಁ॒ಜ್ಞಸ್ಯ॒ ಶಿರ॒-ಸ್ಸಮ್ಭ॑ರತಿ । ಊರ್ಜ॒ಮ್ ಁವಾ ಏ॒ತಗ್ಂ ರಸ॑-ಮ್ಪೃಥಿ॒ವ್ಯಾ ಉ॑ಪ॒ದೀಕಾ॒ ಉದ್ದಿ॑ಹನ್ತಿ ॥ 15 ॥
ಯ-ದ್ವ॒ಲ್ಮೀಕ᳚ಮ್ । ಯ-ದ್ವ॑ಲ್ಮೀಕವ॒ಪಾ ಸ॑ಮ್ಭಾ॒ರೋ ಭವ॑ತಿ ।
ಊರ್ಜ॑ಮೇ॒ವ ರಸ॑-ಮ್ಪೃಥಿ॒ವ್ಯಾ ಅವ॑ರುನ್ಧೇ । ಅಥೋ॒ ಶ್ರೋತ್ರ॑ಮೇ॒ವ । ಶ್ರೋತ್ರ॒ಗ್ಗ್॒ ಹ್ಯೇ॑ತ-ತ್ಪೃ॑ಥಿ॒ವ್ಯಾಃ । ಯ-ದ್ವ॒ಲ್ಮೀಕಃ॑ । ಅಬ॑ಧಿರೋ ಭವತಿ । ಯ ಏ॒ವಂ-ವೇಁದ॑ । ಇನ್ದ್ರೋ॑ ವೃ॒ತ್ರಾಯ॒ ವಜ್ರ॒ಮುದ॑ಯಚ್ಛತ್ ।
ಸ ಯತ್ರ॑ಯತ್ರ ಪ॒ರಾಕ್ರ॑ಮತ ॥ 16 ॥
ತನ್ನಾದ್ಧ್ರಿ॑ಯತ । ಸ ಪೂ॑ತೀಕಸ್ತ॒ಮ್ಬೇ ಪರಾ᳚ಕ್ರಮತ । ಸೋ᳚-ಽದ್ಧ್ರಿಯತ । ಸೋ᳚-ಽಬ್ರವೀತ್ । ಊ॒ತಿಂ-ವೈಁ ಮೇ॑ ಧಾ॒ ಇತಿ॑ । ತದೂ॒ತೀಕಾ॑ನಾ-ಮೂತೀಕ॒ತ್ವಮ್ । ಯದೂ॒ತೀಕಾ॒ ಭವ॑ನ್ತಿ ।
ಯ॒ಜ್ಞಾಯೈ॒ವೋತಿ-ನ್ದ॑ಧತಿ । ಅ॒ಗ್ನಿ॒ಜಾ ಅ॑ಸಿ ಪ್ರ॒ಜಾಪ॑ತೇ॒ ರೇತ॒ ಇತ್ಯಾ॑ಹ । ಯ ಏ॒ವ ರಸಃ॑ ಪ॒ಶೂ-ನ್ಪ್ರಾವಿ॑ಶತ್ ॥ 17 ॥
ತಮೇ॒ವಾವ॑ರುನ್ಧೇ । ಪಞ್ಚೈ॒ತೇ ಸ॑ಮ್ಭಾ॒ರಾ ಭ॑ವನ್ತಿ । ಪಾಙ್ಕ್ತೋ॑ ಯ॒ಜ್ಞಃ । ಯಾವಾ॑ನೇ॒ವ ಯ॒ಜ್ಞಃ । ತಸ್ಯ॒ ಶಿರ॒-ಸ್ಸಮ್ಭ॑ರತಿ । ಯದ್ಗ್ರಾ॒ಮ್ಯಾಣಾ᳚-ಮ್ಪಶೂ॒ನಾಞ್ಚರ್ಮ॑ಣಾ ಸ॒ಮ್ಭರೇ᳚ತ್ । ಗ್ರಾ॒ಮ್ಯಾ-ನ್ಪ॒ಶೂಞ್ಛು॒ಚಾ-ಽರ್ಪ॑ಯೇತ್ । ಕೃ॒ಷ್ಣಾ॒ಜಿ॒ನೇನ॒ ಸಮ್ಭ॑ರತಿ । ಆ॒ರ॒ಣ್ಯಾನೇ॒ವ ಪ॒ಶೂಞ್ಛು॒ಚಾ-ಽರ್ಪ॑ಯತಿ । ತಸ್ಮಾ᳚-ಥ್ಸ॒ಮಾವ॑ತ್-ಪಶೂ॒ನಾ-ಮ್ಪ್ರ॒ಜಾಯ॑ಮಾನಾನಾಮ್ ॥ 18 ॥
ಆ॒ರ॒ಣ್ಯಾಃ ಪ॒ಶವಃ॒ ಕನೀ॑ಯಾಗ್ಂಸಃ । ಶು॒ಚಾ ಹ್ಯೃ॑ತಾಃ ।
ಲೋ॒ಮ॒ತ-ಸ್ಸಮ್ಭ॑ರತಿ । ಅತೋ॒ ಹ್ಯ॑ಸ್ಯ॒ ಮೇದ್ಧ್ಯ᳚ಮ್ । ಪ॒ರಿ॒ಗೃಹ್ಯಾ ಯ॑ನ್ತಿ । ರಖ್ಷ॑ಸಾ॒ಮಪ॑ಹತ್ಯೈ ।
ಬ॒ಹವೋ॑ ಹರನ್ತಿ । ಅಪ॑ಚಿತಿಮೇ॒ವಾಸ್ಮಿ॑-ನ್ದಧತಿ ।
ಉದ್ಧ॑ತೇ॒ ಸಿಕ॑ತೋಪೋಪ್ತೇ॒ ಪರಿ॑ಶ್ರಿತೇ॒ ನಿದ॑ಧತಿ॒ ಶಾನ್ತ್ಯೈ᳚ ।
ಮದ॑ನ್ತೀಭಿ॒ರುಪ॑ ಸೃಜತಿ ॥ 19 ॥
ತೇಜ॑ ಏ॒ವಾಸ್ಮಿ॑-ನ್ದಧಾತಿ । ಮಧು॑ ತ್ವಾ ಮಧು॒ಲಾ ಕ॑ರೋ॒ತ್ವಿತ್ಯಾ॑ಹ । ಬ್ರಹ್ಮ॑ಣೈ॒ವಾಸ್ಮಿ॒ನ್ -ತೇಜೋ॑ ದಧಾತಿ ।
ಯದ್ಗ್ರಾ॒ಮ್ಯಾಣಾ॒-ಮ್ಪಾತ್ರಾ॑ಣಾ-ಙ್ಕ॒ಪಾಲೈ᳚-ಸ್ಸಗ್ಂಸೃ॒ಜೇತ್ ।
ಗ್ರಾ॒ಮ್ಯಾಣಿ॒ ಪಾತ್ರಾ॑ಣಿ ಶು॒ಚಾ-ಽರ್ಪ॑ಯೇತ್ । ಅ॒ರ್ಮ॒ಕ॒ಪಾ॒ಲೈ-ಸ್ಸಗ್ಂಸೃ॑ಜತಿ । ಏ॒ತಾನಿ॒ ವಾ ಅ॑ನುಪಜೀವನೀ॒ಯಾನಿ॑ । ತಾನ್ಯೇ॒ವ ಶು॒ಚಾ-ಽರ್ಪ॑ಯತಿ ।
ಶರ್ಕ॑ರಾಭಿ॒-ಸ್ಸಗ್ಂಸೃ॑ಜತಿ॒ ಧೃತ್ಯೈ᳚ । ಅಥೋ॑ ಶ॒ನ್ತ್ವಾಯ॑ । ಅ॒ಜ॒ಲೋ॒ಮೈ-ಸ್ಸಗ್ಂಸೃ॑ಜತಿ । ಏ॒ಷಾ ವಾ ಅ॒ಗ್ನೇಃ ಪ್ರಿ॒ಯಾ ತ॒ನೂಃ । ಯದ॒ಜಾ । ಪ್ರಿ॒ಯಯೈ॒ವೈನ॑-ನ್ತ॒ನುವಾ॒ ಸಗ್ಂಸೃ॑ಜತಿ । ಅಥೋ॒ ತೇಜ॑ಸಾ । ಕೃ॒ಷ್ಣಾ॒ಜಿ॒ನಸ್ಯ॒ ಲೋಮ॑ಭಿ॒-ಸ್ಸಗ್ಂಸೃ॑ಜತಿ । ಯ॒ಜ್ಞೋ ವೈ ಕೃ॑ಷ್ಣಾಜಿ॒ನಮ್ ।
ಯ॒ಜ್ಞೇನೈ॒ವ ಯ॒ಜ್ಞಗ್ಂ ಸಗ್ಂಸೃ॑ಜತಿ ॥ 20 ॥
(ಯಾ॒ಜಾ॑ಯೈ॒ - ನ ಜು॑ಹು॒ಯಾ - ದವಿ॑ಶ॒-ದ್- ವೇಣಃ॒ - ಶಾನ್ತ್ಯೈ॑ - ಪ॒ಙ್ಕ್ತಿರಾ॑ಧಸ॒ಮಿತ್ಯಾ॑ಹ - ಹರತಿ - ದಿಹನ್ತಿ - ಪ॒ರಾಕ್ರ॑ಮ॒ - ತಾವಿ॑ಶತ್ - ಪ್ರ॒ಜಾಯ॑ಮಾನಾನಾಗ್ಂ - ಸೃಜತಿ - ಶ॒ನ್ತ್ವಾಯಾ॒ ಷ್ಟೌ ಚ॑) (ಅ. 2)
ಅನುವಾಕಂ 3
ಪರಿ॑ಶ್ರಿತೇ ಕರೋತಿ । ಬ್ರ॒ಹ್ಮ॒ವ॒ರ್ಚ॒ಸಸ್ಯ॒ ಪರಿ॑ಗೃಹೀತ್ಯೈ । ನ ಕು॒ರ್ವನ್ನ॒ಭಿ ಪ್ರಾ᳚ಣ್ಯಾತ್ । ಯ-ತ್ಕು॒ರ್ವನ್ನ॑ಭಿ ಪ್ರಾ॒ಣ್ಯಾತ್ । ಪ್ರಾ॒ಣಾಞ್ಛು॒ಚಾ-ಽರ್ಪ॑ಯೇತ್ । ಅ॒ಪ॒ಹಾಯ॒ ಪ್ರಾಣಿ॑ತಿ ।
ಪ್ರಾ॒ಣಾನಾ᳚-ಙ್ಗೋಪೀ॒ಥಾಯ॑ । ನ ಪ್ರ॑ವ॒ರ್ಗ್ಯ॑ಮ್-ಚಾದಿ॒ತ್ಯಮ್-ಚಾ॒ನ್ತರೇ॑ಯಾತ್ । ಯದ॑ನ್ತರೇ॒ಯಾತ್ । ದು॒ಶ್ಚರ್ಮಾ᳚ ಸ್ಯಾತ್ ॥ 21 ॥
ತಸ್ಮಾ॒ನ್ನಾನ್ತ॒ರಾಯ್ಯ᳚ಮ್ । ಆ॒ತ್ಮನೋ॑ ಗೋಪೀ॒ಥಾಯ॑ । ವೇಣು॑ನಾ ಕರೋತಿ । ತೇಜೋ॒ ವೈ ವೇಣುಃ॑ । ತೇಜಃ॑ ಪ್ರವ॒ರ್ಗ್ಯಃ॑ । ತೇಜ॑ಸೈ॒ವ ತೇಜ॒-ಸ್ಸಮ॑ರ್ಧಯತಿ । ಮ॒ಖಸ್ಯ॒ ಶಿರೋ॒-ಽಸೀತ್ಯಾ॑ಹ । ಯ॒ಜ್ಞೋ ವೈ ಮ॒ಖಃ । ತಸ್ಯೈ॒ತಚ್ಛಿರಃ॑ । ಯ-ತ್ಪ್ರ॑ವ॒ರ್ಗ್ಯಃ॑ ॥ 22 ॥
ತಸ್ಮಾ॑ದೇ॒ವಮಾ॑ಹ । ಯ॒ಜ್ಞಸ್ಯ॑ ಪ॒ದೇ ಸ್ಥ॒ ಇತ್ಯಾ॑ಹ । ಯ॒ಜ್ಞಸ್ಯ॒ ಹ್ಯೇ॑ತೇ ಪ॒ದೇ । ಅಥೋ॒ ಪ್ರತಿ॑ಷ್ಠಿತ್ಯೈ । ಗಾ॒ಯ॒ತ್ರೇಣ॑ ತ್ವಾ॒ ಛನ್ದ॑ಸಾ ಕರೋ॒ಮೀತ್ಯಾ॑ಹ ।
ಛನ್ದೋ॑ಭಿರೇ॒ವೈನ॑-ಙ್ಕರೋತಿ । ತ್ರ್ಯು॑ದ್ಧಿ-ಙ್ಕರೋತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಷಾಮ್ ಁಲೋ॒ಕಾನಾ॒ಮಾಪ್ತ್ಯೈ᳚ । ಛನ್ದೋ॑ಭಿಃ ಕರೋತಿ ॥ 23 ॥
ವೀ॒ರ್ಯ॑ಮ್ ಁವೈ ಛನ್ದಾಗ್ಂ॑ಸಿ । ವೀ॒ರ್ಯೇ॑ಣೈ॒ವೈನ॑-ಙ್ಕರೋತಿ ।
ಯಜು॑ಷಾ॒ ಬಿಲ॑-ಙ್ಕರೋತಿ॒ ವ್ಯಾವೃ॑ಯೈ । ಇಯ॑ನ್ತ-ಙ್ಕರೋತಿ ।
ಪ್ರ॒ಜಾಪ॑ತಿನಾ ಯಜ್ಞಮು॒ಖೇನ॒ ಸಮ್ಮಿ॑ತಮ್ । ಇಯ॑ನ್ತ-ಙ್ಕರೋತಿ ।
ಯ॒ಜ್ಞ॒ಪ॒ರುಷಾ॒ ಸಮ್ಮಿ॑ತಮ್ । ಇಯ॑ನ್ತ-ಙ್ಕರೋತಿ ।
ಏ॒ತಾವ॒ದ್ವೈ ಪುರು॑ಷೇ ವೀ॒ರ್ಯ᳚ಮ್ । ವೀ॒ರ್ಯ॑ಸಮ್ಮಿತಮ್ ॥ 24 ॥
ಅಪ॑ರಿಮಿತ-ಙ್ಕರೋತಿ । ಅಪ॑ರಿಮಿತ॒ಸ್ಯಾವ॑ರುದ್ಧ್ಯೈ । ಪ॒ರಿ॒ಗ್ರೀ॒ವ-ಙ್ಕ॑ರೋತಿ॒ ಧೃತ್ಯೈ᳚ । ಸೂರ್ಯ॑ಸ್ಯ॒ ಹರ॑ಸಾ ಶ್ರಾ॒ಯೇತ್ಯಾ॑ಹ । ಯ॒ಥಾ॒ಯ॒ಜುರೇ॒ವೈತತ್ । ಅ॒ಶ್ವ॒ಶ॒ಕೇನ॑ ಧೂಪಯತಿ । ಪ್ರಾ॒ಜಾ॒ಪ॒ತ್ಯೋ ವಾ ಅಶ್ವ॑-ಸ್ಸಯೋನಿ॒ತ್ವಾಯ॑ । ವೃಷ್ಣೋ॒ ಅಶ್ವ॑ಸ್ಯ ನಿ॒ಷ್ಪದ॒ಸೀತ್ಯಾ॑ಹ ।
ಅ॒ಸೌ ವಾ ಆ॑ದಿ॒ತ್ಯೋ ವೃಷಾ-ಽಶ್ವಃ॑ । ತಸ್ಯ॒ ಛನ್ದಾಗ್ಂ॑ಸಿ ನಿ॒ಷ್ಪತ್ ॥ 25 ॥
ಛನ್ದೋ॑ಭಿರೇ॒ವೈನ॑-ನ್ಧೂಪಯತಿ । ಅ॒ರ್ಚಿಷೇ᳚ ತ್ವಾ ಶೋ॒ಚಿಷೇ॒ ತ್ವೇತ್ಯಾ॑ಹ । ತೇಜ॑ ಏ॒ವಾಸ್ಮಿ॑-ನ್ದಧಾತಿ । ವಾ॒ರು॒ಣೋ॑-ಽಭೀದ್ಧಃ॑ । ಮೈ॒ತ್ರಿಯೋಪೈ॑ತಿ॒ ಶಾನ್ತ್ಯೈ᳚ । ಸಿದ್ಧ್ಯೈ॒ ತ್ವೇತ್ಯಾ॑ಹ । ಯ॒ಥಾ॒ಯ॒ಜುರೇ॒ವೈತತ್ । ದೇ॒ವಸ್ತ್ವಾ॑ ಸವಿ॒ತೋದ್ವ॑ಪ॒ತ್ವಿತ್ಯಾ॑ಹ ।
ಸ॒ವಿ॒ತೃಪ್ರ॑ಸೂತ ಏ॒ವೈನ॒-ಮ್ಬ್ರಹ್ಮ॑ಣಾ ದೇ॒ವತಾ॑ಭಿ॒ರುದ್ವ॑ಪತಿ । ಅಪ॑ದ್ಯಮಾನಃ ಪೃಥಿ॒ವ್ಯಾಮಾಶಾ॒ ದಿಶ॒ ಆಪೃ॒ಣೇತ್ಯಾ॑ಹ ॥ 26 ॥
ತಸ್ಮಾ॑ದ॒ಗ್ನಿ-ಸ್ಸರ್ವಾ॒ ದಿಶೋ-ಽನು॒ ವಿಭಾ॑ತಿ ।
ಉತ್ತಿ॑ಷ್ಠ ಬೃ॒ಹನ್-ಭ॑ವೋ॒ರ್ಧ್ವಸ್ತಿ॑ಷ್ಠ ಧ್ರು॒ವಸ್ತ್ವಮಿತ್ಯಾ॑ಹ॒ ಪ್ರತಿ॑ಷ್ಠಿತ್ಯೈ ।
ಈ॒ಶ್ವ॒ರೋ ವಾ ಏ॒ಷೋ᳚-ಽನ್ಧೋ ಭವಿ॑ತೋಃ ।
ಯಃ ಪ್ರ॑ವ॒ರ್ಗ್ಯ॑ಮ॒ನ್ವೀಖ್ಷ॑ತೇ । ಸೂರ್ಯ॑ಸ್ಯ ತ್ವಾ॒ ಚಖ್ಷು॒ಷಾ-ಽನ್ವೀ᳚ಖ್ಷ॒ ಇತ್ಯಾ॑ಹ ।
ಚಖ್ಷು॑ಷೋ ಗೋಪೀ॒ಥಾಯ॑ । ಋ॒ಜವೇ᳚ ತ್ವಾ ಸಾ॒ಧವೇ᳚ ತ್ವಾ ಸುಖ್ಷಿ॒ತ್ಯೈ ತ್ವಾ॒ ಭೂತ್ಯೈ॒ ತ್ವೇತ್ಯಾ॑ಹ । ಇ॒ಯಂ-ವಾಁ ಋ॒ಜುಃ । ಅ॒ನ್ತರಿ॑ಖ್ಷಗ್ಂ ಸಾ॒ಧು । ಅ॒ಸೌ ಸು॑ಖ್ಷಿ॒ತಿಃ ॥ 27 ॥
ದಿಶೋ॒ ಭೂತಿಃ॑ । ಇ॒ಮಾನೇ॒ವಾಸ್ಮೈ॑ ಲೋ॒ಕಾನ್ ಕ॑ಲ್ಪಯತಿ । ಅಥೋ॒ ಪ್ರತಿ॑ಷ್ಠಿತ್ಯೈ । ಇ॒ದ-ಮ॒ಹ-ಮ॒ಮುಮಾ॑ಮುಷ್ಯಾಯ॒ಣಮ್ ಁವಿ॒ಶಾ ಪ॒ಶುಭಿ॑-ರ್ಬ್ರಹ್ಮವರ್ಚ॒ಸೇನ॒ ಪರ್ಯೂ॑ಹಾ॒ಮೀತ್ಯಾ॑ಹ ।
ವಿ॒ಶೈವೈನ॑-ಮ್ಪ॒ಶುಭಿ॑-ರ್ಬ್ರಹ್ಮವರ್ಚ॒ಸೇನ॒ ಪರ್ಯೂ॑ಹತಿ ।
ವಿ॒ಶೇತಿ॑ ರಾಜ॒ನ್ಯ॑ಸ್ಯ ಬ್ರೂಯಾತ್ । ವಿ॒ಶೈವೈನ॒-ಮ್ಪರ್ಯೂ॑ಹತಿ । ಪ॒ಶುಭಿ॒ರಿತಿ॒ ವೈಶ್ಯ॑ಸ್ಯ । ಪ॒ಶುಭಿ॑ರೇ॒ವೈನ॒-ಮ್ಪರ್ಯೂ॑ಹತಿ । ಅ॒ಸು॒ರ್ಯ॑-ಮ್ಪಾತ್ರ॒ಮನಾ᳚ಚ್ಛೃಣ್ಣಮ್ ॥ 28 ॥
ಆಚ್ಛೃ॑ಣತ್ತಿ । ದೇ॒ವ॒ತ್ರಾ-ಽಕಃ॑ । ಅ॒ಜ॒ಖ್ಷೀ॒ರೇಣಾಚ್ಛೃ॑ಣತ್ತಿ ।
ಪ॒ರ॒ಮಂ-ವಾಁ ಏ॒ತ-ತ್ಪಯಃ॑ । ಯದ॑ಜಖ್ಷೀ॒ರಮ್ । ಪ॒ರ॒ಮೇಣೈ॒ವೈನ॒-ಮ್ಪಯ॒ಸಾ-ಽಽಚ್ಛೃ॑ಣತ್ತಿ ।
ಯಜು॑ಷಾ॒ ವ್ಯಾವೃ॑ತ್ತ್ಯೈ । ಛನ್ದೋ॑ಭಿ॒ರಾಚ್ಛೃ॑ಣತ್ತಿ । ಛನ್ದೋ॑ಭಿ॒ರ್ವಾ ಏ॒ಷ ಕ್ರಿ॑ಯತೇ । ಛನ್ದೋ॑ಭಿರೇ॒ವ ಛನ್ದಾ॒ಗ್॒ಸ್ಯಾಚ್ಛೃ॑ಣತ್ತಿ । ಛೃ॒ನ್ಧಿ ವಾಚ॒ಮಿತ್ಯಾ॑ಹ ।
ವಾಚ॑ಮೇ॒ವಾವ॑ರುನ್ಧೇ । ಛೃ॒ನ್ಧ್ಯೂರ್ಜ॒ಮಿತ್ಯಾ॑ಹ । ಊರ್ಜ॑ಮೇ॒ವಾವ॑ರುನ್ಧೇ । ಛೃ॒ನ್ಧಿ ಹ॒ವಿರಿತ್ಯಾ॑ಹ । ಹ॒ವಿರೇ॒ವಾಕಃ॑ । ದೇವ॑ ಪುರಶ್ಚರ ಸ॒ಘ್ಯಾಸ॒ನ್ತ್ವೇತ್ಯಾ॑ಹ ।
ಯ॒ಥಾ॒ಯ॒ಜುರೇ॒ವೈತತ್ ॥ 29 ॥
(ಸ್ಯಾ॒-ದ್ಯ-ತ್ಪ್ರ॑ವ॒ರ್ಗ್ಯಃ॑ - ಛನ್ದೋ॑ಭಿಃ ಕರೋತಿ - ವೀ॒ರ್ಯ॑ ಸಮ್ಮಿತ॒ಮ್ - ಛನ್ದಾಗ್ಂ॑ಸಿ ನಿ॒ಷ್ಪತ್ - ಪೃ॒ಣೇತ್ಯಾ॑ಹ - ಸುಖ್ಷಿ॒ತಿ - ರನಾ᳚ಚ್ಛೃಣ್ಣ॒ಮ್ - ಛನ್ದಾ॒ಗ್॒ಸ್ಯಾಚ್ಛೃ॑ಣ ತ್ತ್ಯ॒ಷ್ಟೌ ಚ॑) (ಅ. 3)
ಅನುವಾಕಂ 4
ಬ್ರಹ್ಮ॒-ನ್ಪ್ರಚ॑ರಿಷ್ಯಾಮೋ॒ ಹೋತ॑-ರ್ಘ॒ರ್ಮಮ॒ಭಿಷ್ಟು॒ಹೀತ್ಯಾ॑ಹ ।
ಏ॒ಷ ವಾ ಏ॒ತರ್ಹಿ॒ ಬೃಹ॒ಸ್ಪತಿಃ॑ । ಯದ್ಬ್ರ॒ಹ್ಮಾ ।
ತಸ್ಮಾ॑ ಏ॒ವ ಪ್ರ॑ತಿ॒ಪ್ರೋಚ್ಯ॒ ಪ್ರಚ॑ರತಿ ।
ಆ॒ತ್ಮನೋ-ಽನಾ᳚ರ್ತ್ಯೈ । ಯ॒ಮಾಯ॑ ತ್ವಾ ಮ॒ಖಾಯ॒ ತ್ವೇತ್ಯಾ॑ಹ ।
ಏ॒ತಾ ವಾ ಏ॒ತಸ್ಯ॑ ದೇ॒ವತಾಃ᳚ । ತಾಭಿ॑ರೇ॒ವೈನ॒ಗ್ಂ॒ ಸಮ॑ರ್ಧಯತಿ । ಮದ॑ನ್ತೀಭಿಃ॒ ಪ್ರೋಖ್ಷ॑ತಿ । ತೇಜ॑ ಏ॒ವಾಸ್ಮಿ॑-ನ್ದಧಾತಿ ॥ 30 ॥
ಅ॒ಭಿ॒ಪೂ॒ರ್ವ-ಮ್ಪ್ರೋಖ್ಷ॑ತಿ । ಅ॒ಭಿ॒ಪೂ॒ರ್ವ-ಮೇ॒ವಾಸ್ಮಿ॒ನ್-ತೇಜೋ॑ ದಧಾತಿ । ತ್ರಿಃ ಪ್ರೋಖ್ಷ॑ತಿ । ತ್ರ್ಯಾ॑ವೃ॒ದ್ಧಿ ಯ॒ಜ್ಞಃ । ಅಥೋ॑ ಮೇದ್ಧ್ಯ॒ತ್ವಾಯ॑ । ಹೋತಾ-ಽನ್ವಾ॑ಹ । ರಖ್ಷ॑ಸಾ॒ಮಪ॑ಹತ್ಯೈ । ಅನ॑ವಾನಮ್ । ಪ್ರಾ॒ಣಾನಾ॒ಗ್ಂ॒ ಸನ್ತ॑ತ್ಯೈ ।
ತ್ರಿ॒ಷ್ಟುಭ॑-ಸ್ಸ॒ತೀ-ರ್ಗಾ॑ಯ॒ತ್ರೀರಿ॒ವಾನ್ವಾ॑ಹ ॥ 31 ॥
ಗಾ॒ಯ॒ತ್ರೋ ಹಿ ಪ್ರಾ॒ಣಃ । ಪ್ರಾ॒ಣಮೇ॒ವ ಯಜ॑ಮಾನೇ ದಧಾತಿ । ಸನ್ತ॑ತ॒ಮನ್ವಾ॑ಹ । ಪ್ರಾ॒ಣಾನಾ॑ಮ॒ನ್ನಾದ್ಯ॑ಸ್ಯ॒ ಸನ್ತ॑ತ್ಯೈ । ಅಥೋ॒ ರಖ್ಷ॑ಸಾ॒ಮಪ॑ಹತ್ಯೈ । ಯ-ತ್ಪರಿ॑ಮಿತಾ ಅನುಬ್ರೂ॒ಯಾತ್ । ಪರಿ॑ಮಿತ॒ಮವ॑ರುನ್ಧೀತ । ಅಪ॑ರಿಮಿತಾ॒ ಅನ್ವಾ॑ಹ ।
ಅಪ॑ರಿಮಿತ॒ಸ್ಯಾವ॑ರುದ್ಧ್ಯೈ । ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ ॥ 32 ॥
ಯ-ತ್ಪ್ರ॑ವ॒ರ್ಗ್ಯಃ॑ । ಊಂರ್ಮುಞ್ಜಾಃ᳚ । ಯ-ನ್ಮೌ॒ಞ್ಜೋ ವೇ॒ದೋ ಭವ॑ತಿ । ಊ॒ರ್ಜೈವ ಯ॒ಜ್ಞಸ್ಯ॒ ಶಿರ॒-ಸ್ಸಮ॑ರ್ಧಯತಿ । ಪ್ರಾ॒ಣಾ॒ಹು॒ತೀ-ರ್ಜು॑ಹೋತಿ । ಪ್ರಾ॒ಣಾನೇ॒ವ ಯಜ॑ಮಾನೇ ದಧಾತಿ । ಸ॒ಪ್ತ ಜು॑ಹೋತಿ । ಸ॒ಪ್ತ ವೈ ಶೀ॑ರ್ಷ॒ಣ್ಯಾಃ᳚ ಪ್ರಾ॒ಣಾಃ । ಪ್ರಾ॒ಣಾನೇ॒ವಾಸ್ಮಿ॑-ನ್ದಧಾತಿ । ದೇ॒ವಸ್ತ್ವಾ॑ ಸವಿ॒ತಾ ಮದ್ಧ್ವಾ॑-ಽನ॒ಕ್ತ್ವಿತ್ಯಾ॑ಹ ॥ 33 ॥
ತೇಜ॑ಸೈ॒ವೈನ॑ಮನಕ್ತಿ । ಪೃ॒ಥಿ॒ವೀ-ನ್ತಪ॑ಸಸ್ತ್ರಾಯ॒ಸ್ವೇತಿ॒ ಹಿರ॑ಣ್ಯ॒ಮುಪಾ᳚ಸ್ಯತಿ । ಅ॒ಸ್ಯಾ ಅನ॑ತಿದಾಹಾಯ । ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ । ಯ-ತ್ಪ್ರ॑ವ॒ರ್ಗ್ಯಃ॑ । ಅ॒ಗ್ನಿ-ಸ್ಸರ್ವಾ॑ ದೇ॒ವತಾಃ᳚ । ಪ್ರ॒ಲ॒ವಾನಾ॒ದೀಪ್ಯೋಪಾ᳚ಸ್ಯತಿ । ದೇ॒ವತಾ᳚ಸ್ವೇ॒ವ ಯ॒ಜ್ಞಸ್ಯ॒ ಶಿರಃ॒ ಪ್ರತಿ॑ದಧಾತಿ । ಅಪ್ರ॑ತಿಶೀರ್ಣಾಗ್ರ-ಮ್ಭವತಿ ।
ಏ॒ತ-ದ್ಬ॑ರ್ಹಿ॒ರ್ಹ್ಯೇ॑ಷಃ ॥ 34 ॥
ಅ॒ರ್ಚಿರ॑ಸಿ ಶೋ॒ಚಿರ॒ಸೀತ್ಯಾ॑ಹ । ತೇಜ॑ ಏ॒ವಾಸ್ಮಿ॑-ನ್ಬ್ರಹ್ಮವರ್ಚ॒ಸ-ನ್ದ॑ಧಾತಿ । ಸಗ್ಂಸೀ॑ದಸ್ವ ಮ॒ಹಾಗ್ಂ ಅ॒ಸೀತ್ಯಾ॑ಹ । ಮ॒ಹಾನ್. ಹ್ಯೇ॑ಷಃ । ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ ।
ಏ॒ತೇ ವಾವ ತ ಋ॒ತ್ವಿಜಃ॑ । ಯೇ ದ॑ರ್ಶಪೂರ್ಣಮಾ॒ಸಯೋಃ᳚ ।
ಅಥ॑ ಕ॒ಥಾ ಹೋತಾ॒ ಯಜ॑ಮಾನಾಯಾ॒ಶಿಷೋ॒ ನಾಶಾ᳚ಸ್ತ॒ ಇತಿ॑ ।
ಪು॒ರಸ್ತಾ॑ದಾಶೀಃ॒ ಖಲು॒ ವಾ ಅ॒ನ್ಯೋ ಯ॒ಜ್ಞಃ । ಉ॒ಪರಿ॑ಷ್ಟಾದಾಶೀರ॒ನ್ಯಃ ॥ 35 ॥
ಅ॒ನಾ॒ಧೃ॒ಷ್ಯಾ ಪು॒ರಸ್ತಾ॒ದಿತಿ॒ ಯದೇ॒ತಾನಿ॒ ಯಜೂ॒ಗ್॒ಷ್ಯಾಹ॑ । ಶೀ॒ರ್॒ಷ॒ತ ಏ॒ವ ಯ॒ಜ್ಞಸ್ಯ॒ ಯಜ॑ಮಾನ ಆ॒ಶಿಷೋ-ಽವ॑ರುನ್ಧೇ । ಆಯುಃ॑ ಪು॒ರಸ್ತಾ॑ದಾಹ । ಪ್ರ॒ಜಾ-ನ್ದ॑ಖ್ಷಿಣ॒ತಃ । ಪ್ರಾ॒ಣ-ಮ್ಪ॒ಶ್ಚಾತ್ ।
ಶ್ರೋತ್ರ॑ಮುತ್ತರ॒ತಃ । ವಿಧೃ॑ತಿಮು॒ಪರಿ॑ಷ್ಟಾತ್ । ಪ್ರಾ॒ಣಾನೇ॒ವಾಸ್ಮೈ॑ ಸ॒ಮೀಚೋ॑ ದಧಾತಿ ।
ಈ॒ಶ್ವ॒ರೋ ವಾ ಏ॒ಷ ದಿಶೋ-ಽನೂನ್ಮ॑ದಿತೋಃ ।
ಯನ್ದಿಶೋ-ಽನು॑ ವ್ಯಾಸ್ಥಾ॒ಪಯ॑ನ್ತಿ ॥ 36 ॥
ಮನೋ॒ರಶ್ವಾ॑-ಽಸಿ॒ ಭೂರಿ॑ಪು॒ತ್ರೇತೀ॒ಮಾ-ಮ॒ಭಿಮೃ॑ಶತಿ ।
ಇ॒ಯಂ-ವೈಁ ಮನೋ॒ರಶ್ವಾ॒ ಭೂರಿ॑ಪುತ್ರಾ । ಅ॒ಸ್ಯಾಮೇ॒ವ ಪ್ರತಿ॑ತಿಷ್ಠ॒ತ್ಯನು॑ನ್ಮಾದಾಯ । ಸೂ॒ಪ॒ಸದಾ॑ ಮೇ ಭೂಯಾ॒ ಮಾ ಮಾ॑ ಹಿಗ್ಂಸೀ॒ರಿತ್ಯಾ॒ಹಾಹಿಗ್ಂ॑ಸಾಯೈ ।
ಚಿತ॑-ಸ್ಸ್ಥ ಪರಿ॒ಚಿತ॒ ಇತ್ಯಾ॑ಹ । ಅಪ॑ಚಿತಿಮೇ॒ವಾಸ್ಮಿ॑-ನ್ದಧಾತಿ । ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ । ಯ-ತ್ಪ್ರ॑ವ॒ರ್ಗ್ಯಃ॑ ।
ಅ॒ಸೌ ಖಲು॒ ವಾ ಆ॑ದಿ॒ತ್ಯಃ ಪ್ರ॑ವ॒ರ್ಗ್ಯಃ॑ । ತಸ್ಯ॑ ಮ॒ರುತೋ॑ ರ॒ಶ್ಮಯಃ॑ ॥ 37 ॥
ಸ್ವಾಹಾ॑ ಮ॒ರುದ್ಭಿಃ॒ ಪರಿ॑ಶ್ರಯ॒ಸ್ವೇತ್ಯಾ॑ಹ । ಅ॒ಮುಮೇ॒ವಾದಿ॒ತ್ಯಗ್ಂ ರ॒ಶ್ಮಿಭಿಃ॒ ಪರ್ಯೂ॑ಹತಿ ।
ತಸ್ಮಾ॑-ದ॒ಸಾವಾ॑ದಿ॒ತ್ಯೋ॑-ಽಮುಷ್ಮಿ॑ನ್ ಁಲೋ॒ಕೇ ರ॒ಶ್ಮಿಭಿಃ॒ ಪರ್ಯೂ॑ಢಃ । ತಸ್ಮಾ॒-ದ್ರಾಜಾ॑ ವಿ॒ಶಾ ಪರ್ಯೂ॑ಢಃ । ತಸ್ಮಾ᳚-ದ್ಗ್ರಾಮ॒ಣೀ-ಸ್ಸ॑ಜಾ॒ತೈಃ ಪರ್ಯೂ॑ಢಃ । ಅ॒ಗ್ನೇ-ಸ್ಸೃ॒ಷ್ಟಸ್ಯ॑ ಯ॒ತಃ । ವಿಕ॑ಙ್ಕತ॒-ಮ್ಭಾ ಆ᳚ರ್ಚ್ಛತ್ ।
ಯ-ದ್ವೈಕ॑ಙ್ಕತಾಃ ಪರಿ॒ಧಯೋ॒ ಭವ॑ನ್ತಿ ।
ಭಾ ಏ॒ವಾವ॑ರುನ್ಧೇ । ದ್ವಾದ॑ಶ ಭವನ್ತಿ ॥ 38 ॥
ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರಃ । ಸಂ॒ವಁ॒ಥ್ಸ॒ರಮೇ॒ವಾವ॑ರುನ್ಧೇ ।
ಅಸ್ತಿ॑ ತ್ರಯೋದ॒ಶೋ ಮಾಸ॒ ಇತ್ಯಾ॑ಹುಃ । ಯ-ತ್ತ್ರ॑ಯೋದ॒ಶಃ ಪ॑ರಿ॒ಧಿರ್ಭವ॑ತಿ । ತೇನೈ॒ವ ತ್ರ॑ಯೋದ॒ಶ-ಮ್ಮಾಸ॒ಮವ॑ರುನ್ಧೇ । ಅ॒ನ್ತರಿ॑ಖ್ಷಸ್ಯಾನ್ತ॒-ರ್ಧಿರ॒ಸೀತ್ಯಾ॑ಹ॒ ವ್ಯಾವೃ॑ತ್ತ್ಯೈ । ದಿವ॒-ನ್ತಪ॑ಸಸ್ತ್ರಾಯ॒ಸ್ವೇ-ತ್ಯು॒ಪರಿ॑ಷ್ಟಾ॒-ದ್ಧಿರ॑ಣ್ಯ॒ಮಧಿ॒ ನಿದ॑ಧಾತಿ । ಅ॒ಮುಷ್ಯಾ॒ ಅನ॑ತಿದಾಹಾಯ । ಅಥೋ॑ ಆ॒ಭ್ಯಾಮೇ॒ವೈನ॑ಮುಭ॒ಯತಃ॒ ಪರಿ॑ಗೃಹ್ಣಾತಿ ।
ಅರ್ಹ॑-ನ್ಬಿಭರ್ಷಿ॒ ಸಾಯ॑ಕಾನಿ॒ ಧನ್ವೇತ್ಯಾ॑ಹ ॥ 39 ॥
ಸ್ತೌತ್ಯೇ॒ವೈನ॑ಮೇ॒ತತ್ । ಗಾ॒ಯ॒ತ್ರಮ॑ಸಿ॒ ತ್ರೈಷ್ಟು॑ಭಮಸಿ॒ ಜಾಗ॑ತಮ॒ಸೀತಿ॑ ಧ॒ವಿತ್ರಾ॒ಣ್ಯಾದ॑ತ್ತೇ । ಛನ್ದೋ॑ಭಿರೇ॒ವೈನಾ॒ನ್ಯಾದ॑ತ್ತೇ । ಮಧು॒ ಮದ್ಧ್ವಿತಿ॑ ಧೂನೋತಿ । ಪ್ರಾ॒ಣೋ ವೈ ಮಧು॑ । ಪ್ರಾ॒ಣಮೇ॒ವ ಯಜ॑ಮಾನೇ ದಧಾತಿ । ತ್ರಿಃ ಪರಿ॑ಯನ್ತಿ । ತ್ರಿ॒ವೃದ್ಧಿ ಪ್ರಾ॒ಣಃ ।
ತ್ರಿಃ ಪರಿ॑ಯನ್ತಿ । ತ್ರ್ಯಾ॑ವೃ॒ದ್ಧಿ ಯ॒ಜ್ಞಃ ॥ 40 ॥
ಅಥೋ॒ ರಖ್ಷ॑ಸಾ॒ಮಪ॑ಹತ್ಯೈ । ತ್ರಿಃ ಪುನಃ॒ ಪರಿ॑ಯನ್ತಿ ।
ಷಟ್-ಥ್ಸಮ್ಪ॑ದ್ಯನ್ತೇ । ಷಡ್ವಾ ಋ॒ತವಃ॑ । ಋ॒ತುಷ್ವೇ॒ವ ಪ್ರತಿ॑ತಿಷ್ಠನ್ತಿ । ಯೋ ವೈ ಘ॒ರ್ಮಸ್ಯ॑ ಪ್ರಿ॒ಯಾನ್-ತ॒ನುವ॑ಮಾ॒ಕ್ರಾಮ॑ತಿ । ದು॒ಶ್ಚರ್ಮಾ॒ ವೈ ಸ ಭ॑ವತಿ ।
ಏ॒ಷ ಹ॒ ವಾ ಅ॑ಸ್ಯ ಪ್ರಿ॒ಯಾ-ನ್ತ॒ನುವ॒ಮಾಕ್ರಾ॑ಮತಿ ।
ಯ ಸ್ತ್ರಿಃ ಪ॒ರೀತ್ಯ॑ ಚತು॒ರ್ಥ-ಮ್ಪರ್ಯೇ॑ತಿ ।
ಏ॒ತಾಗ್ಂ ಹ॒ ವಾ ಅ॑ಸ್ಯೋ॒ಗ್ರದೇ॑ವೋ॒ ರಾಜ॑ನಿ॒ರಾಚ॑ಕ್ರಾಮ ॥ 41 ॥
ತತೋ॒ ವೈ ಸ ದು॒ಶ್ಚರ್ಮಾ॑-ಽಭವತ್ । ತಸ್ಮಾ॒-ತ್ತ್ರಿಃ ಪ॒ರೀತ್ಯ॒ ನ ಚ॑ತು॒ರ್ಥ-ಮ್ಪರೀ॑ಯಾತ್ । ಆ॒ತ್ಮನೋ॑ ಗೋಪೀ॒ಥಾಯ॑ । ಪ್ರಾ॒ಣಾ ವೈ ಧ॒ವಿತ್ರಾ॑ಣಿ । ಅವ್ಯ॑ತಿಷಙ್ಗ-ನ್ಧೂನ್ವನ್ತಿ ।
ಪ್ರಾ॒ಣಾನಾ॒-ಮವ್ಯ॑ತಿಷಙ್ಗಾಯ॒ ಕ್ಲೃಪ್ತ್ಯೈ᳚ । ವಿ॒ನಿ॒ಷದ್ಯ॑ ಧೂನ್ವನ್ತಿ । ದಿ॒ಖ್ಷ್ವೇ॑ವ ಪ್ರತಿ॑ತಿಷ್ಠನ್ತಿ । ಊ॒ರ್ಧ್ವನ್ಧೂ᳚ನ್ವನ್ತಿ । ಸು॒ವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ । ಸ॒ರ್ವತೋ॑ ಧೂನ್ವನ್ತಿ ।
ತಸ್ಮಾ॑ದ॒ಯಗ್ಂ ಸ॒ರ್ವತಃ॑ ಪವತೇ ॥ 42 ॥
(ದ॒ಧಾ॒- ತೀ॒ವಾನ್ವಾ॑ಹ - ಯ॒ಜ್ಞ - ಸ್ಯಾ॑ಹೈ॒ - ಷ - ಉ॒ಪರಿ॑ಷ್ಟಾದಾಶೀರ॒ನ್ಯೋ - ವ್ಯಾ᳚ಸ್ಥಾ॒ಪಯ॑ನ್ತಿ - ರ॒ಶ್ಮಯೋ॑ - ಭವನ್ತಿ॒ - ಧನ್ವೇತ್ಯಾ॑ಹ - ಯ॒ಜ್ಞ - ಶ್ಚ॑ಕ್ರಾಮ॒ - ಸಮ॑ಷ್ಟ್ಯೈ॒ ದ್ವೇ ಚ॑) (ಅ. 4)
ಅನುವಾಕಂ 5
ಅ॒ಗ್ನಿಷ್ಟ್ವಾ॒ ವಸು॑ಭಿಃ ಪು॒ರಸ್ತಾ᳚-ದ್ರೋಚಯತು ಗಾಯ॒ತ್ರೇಣ॒ ಛನ್ದ॒ಸೇತ್ಯಾ॑ಹ । ಅ॒ಗ್ನಿರೇ॒ವೈನಂ॒-ವಁಸು॑ಭಿಃ ಪು॒ರಸ್ತಾ᳚-ದ್ರೋಚಯತಿ ಗಾಯ॒ತ್ರೇಣ॒ ಛನ್ದ॑ಸಾ । ಸ ಮಾ॑ ರುಚಿ॒ತೋ ರೋ॑ಚ॒ಯೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ಇನ್ದ್ರ॑ಸ್ತ್ವಾ ರು॒ದ್ರೈ-ರ್ದ॑ಖ್ಷಿಣ॒ತೋ ರೋ॑ಚಯತು॒ ತ್ರೈಷ್ಟು॑ಭೇನ॒
ಛನ್ದ॒ಸೇತ್ಯಾ॑ಹ । ಇನ್ದ್ರ॑ ಏ॒ವೈನಗ್ಂ॑ ರು॒ದ್ರೈ-ರ್ದ॑ಖ್ಷಿಣ॒ತೋ ರೋ॑ಚಯತಿ॒ ತ್ರೈಷ್ಟು॑ಭೇನ॒ ಛನ್ದ॑ಸಾ । ಸ ಮಾ॑ ರುಚಿ॒ತೋ ರೋ॑ಚ॒ಯೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ವರು॑ಣಸ್ತ್ವಾ-ಽಽದಿ॒ತ್ಯೈಃ ಪ॒ಶ್ಚಾ-ದ್ರೋ॑ಚಯತು॒ ಜಾಗ॑ತೇನ॒ ಛನ್ದ॒ಸೇತ್ಯಾ॑ಹ । ವರು॑ಣ ಏ॒ವೈನ॑ಮಾದಿ॒ತ್ಯೈಃ ಪ॒ಶ್ಚಾ-ದ್ರೋ॑ಚಯತಿ॒ ಜಾಗ॑ತೇನ॒ ಛನ್ದ॑ಸಾ ॥ 43 ॥
ಸ ಮಾ॑ ರುಚಿ॒ತೋ ರೋ॑ಚ॒ಯೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ದ್ಯು॒ತಾ॒ನಸ್ತ್ವಾ॑ ಮಾರು॒ತೋ ಮ॒ರುದ್ಭಿ॑ರುತ್ತರ॒ತೋ ರೋ॑ಚಯ॒ತ್ವಾನು॑ಷ್ಟುಭೇನ॒ ಛನ್ದ॒ಸೇತ್ಯಾ॑ಹ ।
ದ್ಯು॒ತಾ॒ನ ಏ॒ವೈನ॑-ಮ್ಮಾರು॒ತೋ ಮ॒ರುದ್ಭಿ॑ರುತ್ತರ॒ತೋ ರೋ॑ಚಯ॒ತ್ಯಾನು॑ಷ್ಟುಭೇನ॒ ಛನ್ದ॑ಸಾ ।
ಸ ಮಾ॑ ರುಚಿ॒ತೋ ರೋ॑ಚ॒ಯೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ಬೃಹ॒ಸ್ಪತಿ॑ಸ್ತ್ವಾ॒ ವಿಶ್ವೈ᳚-ರ್ದೇ॒ವೈರು॒ಪರಿ॑ಷ್ಟಾ-ದ್ರೋಚಯತು॒ ಪಾಙ್ಕ್ತೇ॑ನ॒ ಛನ್ದ॒ಸೇತ್ಯಾ॑ಹ ।
ಬೃಹ॒ಸ್ಪತಿ॑ರೇ॒ವೈನ॒ಮ್ ಁವಿಶ್ವೈ᳚-ರ್ದೇ॒ವೈರು॒ಪರಿ॑ಷ್ಟಾ-ದ್ರೋಚಯತಿ॒ ಪಾಙ್ಕ್ತೇ॑ನ॒ ಛನ್ದ॑ಸಾ ।
ಸ ಮಾ॑ ರುಚಿ॒ತೋ ರೋ॑ಚ॒ಯೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ॥ 44 ॥
ರೋ॒ಚಿ॒ತಸ್ತ್ವ-ನ್ದೇ॑ವ ಘರ್ಮ ದೇ॒ವೇಷ್ವಸೀತ್ಯಾ॑ಹ । ರೋ॒ಚಿ॒ತೋ ಹ್ಯೇ॑ಷ ದೇ॒ವೇಷು॑ । ರೋ॒ಚಿ॒ಷೀ॒ಯಾಹ-ಮ್ಮ॑ನು॒ಷ್ಯೇ᳚ಷ್ವಿತ್ಯಾ॑ಹ । ರೋಚ॑ತ ಏ॒ವೈಷ ಮ॑ನು॒ಷ್ಯೇ॑ಷು । ಸಮ್ರಾ᳚ಡ್ ಘರ್ಮ ರುಚಿ॒ತಸ್ತ್ವ-ನ್ದೇ॒ವೇಷ್ವಾಯು॑ಷ್ಮಾಗ್ ಸ್ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸ್ಯ॑ಸೀತ್ಯಾ॑ಹ ।
ರು॒ಚಿ॒ತೋ ಹ್ಯೇ॑ಷ ದೇ॒ವೇಷ್ವಾಯು॑ಷ್ಮಾಗ್ ಸ್ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸೀ ।
ರು॒ಚಿ॒ತೋ॑-ಽಹ-ಮ್ಮ॑ನು॒ಷ್ಯೇ᳚ಷ್ವಾಯು॑ಷ್ಮಾಗ್ ಸ್ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸೀ ಭೂ॑ಯಾಸ॒ಮಿತ್ಯಾ॑ಹ ।
ರು॒ಚಿ॒ತ ಏ॒ವೈಷ ಮ॑ನು॒ಷ್ಯೇ᳚ಷ್ವಾಯು॑ಷ್ಮಾಗ್ ಸ್ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸೀ ಭ॑ವತಿ । ರುಗ॑ಸಿ॒ ರುಚ॒-ಮ್ಮಯಿ॑ ಧೇಹಿ॒ ಮಯಿ॒ ರುಗಿತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ತಂ-ಯಁದೇ॒ತೈ-ರ್ಯಜು॑ರ್ಭಿ॒ರರೋ॑ಚಯಿತ್ವಾ । ರು॒ಚಿ॒ತೋ ಘ॒ರ್ಮ ಇತಿ॑ ಪ್ರಬ್ರೂ॒ಯಾತ್ । ಅರೋ॑ಚುಕೋ-ಽದ್ಧ್ವ॒ರ್ಯು-ಸ್ಸ್ಯಾತ್ ।
ಅರೋ॑ಚುಕೋ॒ ಯಜ॑ಮಾನಃ । ಅಥ॒ ಯದೇ॑ನಮೇ॒ತೈರ್ಯಜು॑ರ್ಭೀ ರೋಚಯಿ॒ತ್ವಾ । ರು॒ಚಿ॒ತೋ ಘರ್ಮ॒ ಇತಿ॒ ಪ್ರಾಹ॑ । ರೋಚು॑ಕೋ-ಽದ್ಧ್ವ॒ರ್ಯು-ರ್ಭವ॑ತಿ । ರೋಚು॑ಕೋ॒ ಯಜ॑ಮಾನಃ ॥ 45 ॥
(ಪ॒ಶ್ಚಾ-ದ್ರೋ॑ಚಯತಿ॒ ಜಗ॑ತೇನ॒ ಛನ್ದ॑ಸಾ॒ - ಪಾಙ್ಕ್ತೇ॑ನ॒ ಛನ್ದ॑ಸಾ॒ ಸ ಮಾ॑ ರುಚಿ॒ತೋ ರೋ॑ಚ॒ಯೇತ್ಯಾ॑ಹಾ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ - ಶಾಸ್ತೇ॒ ಽಷ್ಟೌ ಚ॑) (ಅ. 5)
ಅನುವಾಕಂ 6
ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ । ಯ-ತ್ಪ್ರ॑ವ॒ರ್ಗ್ಯಃ॑ । ಗ್ರೀ॒ವಾ ಉ॑ಪ॒ಸದಃ॑ । ಪು॒ರಸ್ತಾ॑ದುಪ॒ಸದಾ᳚-ಮ್ಪ್ರವ॒ರ್ಗ್ಯ॑-ಮ್ಪ್ರವೃ॑ಣಕ್ತಿ । ಗ್ರೀ॒ವಾಸ್ವೇ॒ವ ಯ॒ಜ್ಞಸ್ಯ॒ ಶಿರಃ॒ ಪ್ರತಿ॑ದಧಾತಿ । ತ್ರಿಃ ಪ್ರವೃ॑ಣಕ್ತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಭ್ಯ ಏ॒ವ ಲೋ॒ಕೇಭ್ಯೋ॑ ಯ॒ಜ್ಞಸ್ಯ॒ ಶಿರೋ-ಽವ॑ರುನ್ಧೇ ।
ಷಟ್-ಥ್ಸಮ್ಪ॑ದ್ಯನ್ತೇ । ಷಡ್ವಾ ಋ॒ತವಃ॑ ॥ 46 ॥
ಋ॒ತುಭ್ಯ॑ ಏ॒ವ ಯ॒ಜ್ಞಸ್ಯ॒ ಶಿರೋ-ಽವ॑ರುನ್ಧೇ । ದ್ವಾದ॑ಶ॒ ಕೃತ್ವಃ॒ ಪ್ರವೃ॑ಣಕ್ತಿ । ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರಃ । ಸಂ॒ವಁ॒ಥ್ಸ॒ರಾದೇ॒ವ ಯ॒ಜ್ಞಸ್ಯ॒ ಶಿರೋ-ಽವ॑ರುನ್ಧೇ । ಚತು॑ರ್ವಿಗ್ಂಶತಿ॒-ಸ್ಸಮ್ಪ॑ದ್ಯನ್ತೇ । ಚತು॑ರ್ವಿಗ್ಂಶತಿರರ್ಧಮಾ॒ಸಾಃ ।
ಅ॒ರ್ಧ॒ಮಾ॒ಸೇಭ್ಯ॑ ಏ॒ವ ಯ॒ಜ್ಞಸ್ಯ॒ ಶಿರೋ-ಽವ॑ರುನ್ಧೇ । ಅಥೋ॒ ಖಲು॑ । ಸ॒ಕೃದೇ॒ವ ಪ್ರ॒ವೃಜ್ಯಃ॑ । ಏಕ॒ಗ್ಂ॒ ಹಿ ಶಿರಃ॑ ॥ 47 ॥
ಅ॒ಗ್ನಿ॒ಷ್ಟೋ॒ಮೇ ಪ್ರವೃ॑ಣಕ್ತಿ । ಏ॒ತಾವಾ॒ನ್॒. ವೈ ಯ॒ಜ್ಞಃ । ಯಾವಾ॑ನಗ್ನಿಷ್ಟೋ॒ಮಃ । ಯಾವಾ॑ನೇ॒ವ ಯ॒ಜ್ಞಃ । ತಸ್ಯ॒ ಶಿರಃ॒ ಪ್ರತಿ॑ದಧಾತಿ । ನೋಕ್ಥ್ಯೇ᳚ ಪ್ರವೃ॑ಞ್ಜ್ಯಾತ್ ।
ಪ್ರ॒ಜಾ ವೈ ಪ॒ಶವ॑ ಉ॒ಕ್ಥಾನಿ॑ । ಯದು॒ಕ್ಥ್ಯೇ᳚ ಪ್ರವೃ॒ಞ್ಜ್ಯಾತ್ ।
ಪ್ರ॒ಜಾ-ಮ್ಪ॒ಶೂನ॑ಸ್ಯ॒ ನಿರ್ದ॑ಹೇತ್ । ವಿ॒ಶ್ವ॒ಜಿತಿ॒ ಸರ್ವ॑ಪೃಷ್ಠೇ॒ ಪ್ರವೃ॑ಣಕ್ತಿ ॥ 48 ॥
ಪೃ॒ಷ್ಠಾನಿ॒ ವಾ ಅಚ್ಯು॑ತಞ್ಚ್ಯಾವಯನ್ತಿ ।
ಪೃ॒ಷ್ಠೈರೇ॒ವಾಸ್ಮಾ॒ ಅಚ್ಯು॑ತಞ್ಚ್ಯಾವಯಿ॒ತ್ವಾ-ಽವ॑ರುನ್ಧೇ । ಅಪ॑ಶ್ಯ-ಙ್ಗೋ॒ಪಾಮಿತ್ಯಾ॑ಹ । ಪ್ರಾ॒ಣೋ ವೈ ಗೋ॒ಪಾಃ । ಪ್ರಾ॒ಣಮೇ॒ವ ಪ್ರ॒ಜಾಸು॒ ವಿಯಾ॑ತಯತಿ ।
ಅಪ॑ಶ್ಯ-ಙ್ಗೋ॒ಪಾಮಿತ್ಯಾ॑ಹ । ಅ॒ಸೌ ವಾ ಆ॑ದಿ॒ತ್ಯೋ ಗೋ॒ಪಾಃ । ಸ ಹೀಮಾಃ ಪ್ರ॒ಜಾ ಗೋ॑ಪಾ॒ಯತಿ॑ । ತಮೇ॒ವ ಪ್ರ॒ಜಾನಾ᳚-ಙ್ಗೋ॒ಪ್ತಾರ॑-ಙ್ಕುರುತೇ । ಅನಿ॑ಪದ್ಯಮಾನ॒ಮಿತ್ಯಾ॑ಹ ॥ 49 ॥
ನ ಹ್ಯೇ॑ಷ ನಿ॒ಪದ್ಯ॑ತೇ । ಆ ಚ॒ ಪರಾ॑ ಚ ಪ॒ಥಿಭಿ॒ಶ್ಚರ॑ನ್ತ॒ಮಿತ್ಯಾ॑ಹ । ಆ ಚ॒ ಹ್ಯೇ॑ಷ ಪರಾ॑ ಚ ಪ॒ಥಿಭಿ॒ಶ್ಚರ॑ತಿ । ಸ ಸ॒ದ್ಧ್ರೀಚೀ॒-ಸ್ಸ ವಿಷೂ॑ಚೀ॒ರ್ವಸಾ॑ನ॒ ಇತ್ಯಾ॑ಹ । ಸ॒ದ್ಧ್ರೀಚೀ᳚ಶ್ಚ॒ ಹ್ಯೇ॑ಷ ವಿಷೂ॑ಚೀಶ್ಚ॒ ವಸಾ॑ನಃ ಪ್ರ॒ಜಾ ಅ॒ಭಿ ವಿ॒ಪಶ್ಯ॑ತಿ । ಆ ವ॑ರೀವರ್ತಿ॒ ಭುವ॑ನೇಷ್ವ॒ನ್ತರಿತ್ಯಾ॑ಹ । ಆ ಹ್ಯೇ॑ಷ ವ॑ರೀ॒ವರ್ತಿ॒ ಭುವ॑ನೇಷ್ವ॒ನ್ತಃ । ಅತ್ರ॑ ಪ್ರಾ॒ವೀರ್ಮಧು॒ ಮಾದ್ಧ್ವೀ᳚ಭ್ಯಾ॒-ಮ್ಮಧು॒ ಮಾಧೂ॑ಚೀಭ್ಯಾ॒ಮಿತ್ಯಾ॑ಹ ।
ವಾಸ॑ನ್ತಿಕಾವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ ।
ಸಮ॒ಗ್ನಿರ॒ಗ್ನಿನಾ॑ ಗ॒ತೇತ್ಯಾ॑ಹ ॥ 50 ॥
ಗ್ರೈಷ್ಮಾ॑ವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ । ಸಮ॒ಗ್ನಿರ॒ಗ್ನಿನಾ॑ ಗ॒ತೇತ್ಯಾ॑ಹ । ಅ॒ಗ್ನಿರ್ಹ್ಯೇ॑ವೈಷೋ᳚-ಽಗ್ನಿನಾ॑ ಸ॒ಙ್ಗಚ್ಛ॑ತೇ । ಸ್ವಾಹಾ॒ ಸಮ॒ಗ್ನಿಸ್ತಪ॑ಸಾ ಗ॒ತೇತ್ಯಾ॑ಹ ।
ಪೂರ್ವ॑ಮೇ॒ವೋದಿ॒ತಮ್ । ಉತ್ತ॑ರೇಣಾ॒ಭಿಗೃ॑ಣಾತಿ ।
ಧ॒ರ್ತಾ ದಿ॒ವೋ ವಿಭಾ॑ಸಿ॒ ರಜ॑ಸಃ ಪೃಥಿ॒ವ್ಯಾ ಇತ್ಯಾ॑ಹ ।
ವಾರ್ಷಿ॑ಕಾವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ ।
ಹೃ॒ದೇ ತ್ವಾ॒ ಮನ॑ಸೇ॒ ತ್ವೇತ್ಯಾ॑ಹ । ಶಾ॒ರ॒ದಾವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ ॥ 51 ॥
ದಿ॒ವಿ ದೇ॒ವೇಷು॒ ಹೋತ್ರಾ॑ ಯ॒ಚ್ಛೇತ್ಯಾ॑ಹ । ಹೋತ್ರಾ॑ಭಿರೇ॒ವೇಮಾನ್ ಁಲೋ॒ಕಾನ್-ಥ್ಸ-ನ್ದ॑ಧಾತಿ । ವಿಶ್ವಾ॑ಸಾ-ಮ್ಭುವಾ-ಮ್ಪತ॒ ಇತ್ಯಾ॑ಹ । ಹೈಮ॑ನ್ತಿಕಾವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ ।
ದೇ॒ವ॒ಶ್ರೂಸ್ತ್ವ-ನ್ದೇ॑ವ ಘರ್ಮ ದೇ॒ವಾ-ನ್ಪಾ॒ಹೀತ್ಯಾ॑ಹ ।
ಶೈ॒ಶಿ॒ರಾವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ ।
ತ॒ಪೋ॒ಜಾಂ-ವಾಁಚ॑ಮ॒ಸ್ಮೇ ನಿಯ॑ಚ್ಛ ದೇವಾ॒ಯುವ॒ಮಿತ್ಯಾ॑ಹ ।
ಯಾ ವೈ ಮೇದ್ಧ್ಯಾ॒ ವಾಕ್ । ಸಾ ತ॑ಪೋ॒ಜಾಃ । ತಾಮೇ॒ವಾವ॑ರುನ್ಧೇ ॥ 52 ॥
ಗರ್ಭೋ॑ ದೇ॒ವಾನಾ॒ಮಿತ್ಯಾ॑ಹ । ಗರ್ಭೋ॒ ಹ್ಯೇ॑ಷ ದೇ॒ವಾನಾ᳚ಮ್ । ಪಿ॒ತಾ ಮ॑ತೀ॒ನಾಮಿತ್ಯಾ॑ಹ । ಪ್ರ॒ಜಾ ವೈ ಮ॒ತಯಃ॑ । ತಾಸಾ॑ಮೇ॒ಷ ಏ॒ವ ಪಿ॒ತಾ । ಯ-ತ್ಪ್ರ॑ವ॒ರ್ಗ್ಯಃ॑ ।
ತಸ್ಮಾ॑ದೇ॒ವಮಾ॑ಹ । ಪತಿಃ॑ ಪ್ರ॒ಜಾನಾ॒ಮಿತ್ಯಾ॑ಹ । ಪತಿ॒ರ್ಹ್ಯೇ॑ಷ ಪ್ರ॒ಜಾನಾ᳚ಮ್ । ಮತಿಃ॑ ಕವೀ॒ನಾಮಿತ್ಯಾ॑ಹ ॥ 53 ॥
ಮತಿ॒ರ್ಹ್ಯೇ॑ಷ ಕ॑ವೀ॒ನಾಮ್ । ಸ-ನ್ದೇ॒ವೋ ದೇ॒ವೇನ॑ ಸವಿ॒ತ್ರಾ ಽಯ॑ತಿಷ್ಟ॒ ಸಗ್ಂ ಸೂರ್ಯೇ॑ಣಾರು॒ಕ್ತೇತ್ಯಾ॑ಹ ।
ಅ॒ಮುಞ್ಚೈ॒ವಾದಿ॒ತ್ಯ-ಮ್ಪ್ರ॑ವ॒ರ್ಗ್ಯ॑ಞ್ಚ॒ ಸಗ್ಂಶಾ᳚ಸ್ತಿ ।
ಆ॒ಯು॒ರ್ದಾಸ್ತ್ವಮ॒ಸ್ಮಭ್ಯ॑-ಙ್ಘರ್ಮ ವರ್ಚೋ॒ದಾ ಅ॒ಸೀತ್ಯಾ॑ಹ ।
ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ । ಪಿ॒ತಾ ನೋ॑-ಽಸಿ ಪಿ॒ತಾ ನೋ॑ ಬೋ॒ಧೇತ್ಯಾ॑ಹ । ಬೋ॒ಧಯ॑ತ್ಯೇ॒ವೈನ᳚ಮ್ । ನ ವೈ॒ ತೇ॑-ಽವಕಾ॒ಶಾ ಭ॑ವನ್ತಿ । ಪತ್ನಿ॑ಯೈ ದಶ॒ಮಃ ।
ನವ॒ ವೈ ಪುರು॑ಷೇ ಪ್ರಾ॒ಣಾಃ ॥ 54 ॥
ನಾಭಿ॑ರ್ದಶ॒ಮೀ । ಪ್ರಾ॒ಣಾನೇ॒ವ ಯಜ॑ಮಾನೇ ದಧಾತಿ । ಅಥೋ॒ ದಶಾ᳚ಖ್ಷರಾ ವಿ॒ರಾಟ್ । ಅನ್ನಂ॑-ವಿಁ॒ರಾಟ್ । ವಿ॒ರಾಜೈ॒ವಾನ್ನಾದ್ಯ॒ಮವ॑ರುನ್ಧೇ । ಯ॒ಜ್ಞಸ್ಯ॒ ಶಿರೋ᳚-ಽಚ್ಛಿದ್ಯತ । ತ-ದ್ದೇ॒ವಾ ಹೋತ್ರಾ॑ಭಿಃ॒ ಪ್ರತ್ಯ॑ದಧುಃ । ಋ॒ತ್ವಿಜೋ-ಽವೇ᳚ಖ್ಷನ್ತೇ । ಏ॒ತಾ ವೈ ಹೋತ್ರಾಃ᳚ । ಹೋತ್ರಾ॑ಭಿರೇ॒ವ ಯ॒ಜ್ಞಸ್ಯ॒ ಶಿರಃ॒ ಪ್ರತಿ॑ದಧಾತಿ ॥ 55 ॥
ರು॒ಚಿ॒ತಮವೇ᳚ಖ್ಷನ್ತೇ । ರು॒ಚಿ॒ತಾದ್ವೈ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ । ಪ್ರ॒ಜಾನಾ॒ಗ್ಂ॒ ಸೃಷ್ಟ್ಯೈ᳚ । ರು॒ಚಿ॒ತಮವೇ᳚ಖ್ಷನ್ತೇ । ರು॒ಚಿ॒ತಾದ್ವೈ ಪ॒ರ್ಜನ್ಯೋ॑ ವರ್ಷತಿ । ವರ್ಷು॑ಕಃ ಪ॒ರ್ಜನ್ಯೋ॑ ಭವತಿ । ಸ-ಮ್ಪ್ರ॒ಜಾ ಏ॑ಧನ್ತೇ । ರು॒ಚಿ॒ತಮವೇ᳚ಖ್ಷನ್ತೇ । ರು॒ಚಿ॒ತಮ್ ಁವೈ ಬ್ರ॑ಹ್ಮವರ್ಚ॒ಸಮ್ । ಬ್ರ॒ಹ್ಮ॒ವ॒ರ್ಚ॒ಸಿನೋ॑ ಭವನ್ತಿ ॥ 56 ॥
ಅ॒ಧೀ॒ಯನ್ತೋ-ಽವೇ᳚ಖ್ಷನ್ತೇ । ಸರ್ವ॒ಮಾಯು॑ರ್ಯನ್ತಿ । ನ ಪತ್ನ್ಯವೇ᳚ಖ್ಷೇತ । ಯ-ತ್ಪನ್ತ್ಯ॒ವೇಖ್ಷೇ॑ತ । ಪ್ರಜಾ॑ಯೇತ । ಪ್ರ॒ಜಾನ್ತ್ವ॑ಸ್ಯೈ॒ ನಿರ್ದ॑ಹೇತ್ । ಯನ್ನಾವೇಖ್ಷೇ॑ತ । ನ ಪ್ರಜಾ॑ಯೇತ ।
ನಾಸ್ಯೈ᳚ ಪ್ರ॒ಜಾನ್ನಿರ್ದ॑ಹೇತ್ । ತಿ॒ರ॒ಸ್ಕೃತ್ಯ॒ ಯಜು॑-ರ್ವಾಚಯತಿ । ಪ್ರಜಾ॑ಯತೇ । ನಾಸ್ಯೈ᳚ ಪ್ರ॒ಜಾನ್ನಿರ್ದ॑ಹತಿ । ತ್ವಷ್ಟೀ॑ಮತೀ ತೇ ಸಪೇ॒ಯೇತ್ಯಾ॑ಹ । ಸಪಾ॒ದ್ಧಿ ಪ್ರ॒ಜಾಃ ಪ್ರ॒ಜಾಯ॑ನ್ತೇ ॥ 57 ॥
(ಋ॒ತವೋ॒ - ಹಿ ಶಿರಃ॒ - ಸರ್ವ॑ಪೃಷ್ಠೇ॒ ಪ್ರವೃ॑ಣ॒ - ಕ್ತ್ಯನಿ॑ಪದ್ಯಮಾನ॒ಮಿತ್ಯಾ॑ಹ - ಗ॒ತೇತ್ಯಾ॑ಹ - ಶಾರ॒ದಾವೇ॒ವಾಸ್ಮಾ॑ ಋ॒ತೂ ಕ॑ಲ್ಪಯತಿ - ರುನ್ಧೇ - ಕವಿ॒ನಾಮಿತ್ಯಾ॑ಹ - ಪ್ರಾ॒ಣಾಃ - ಪ್ರತಿ॑ದಧಾತಿ - ಭವನ್ತಿ - ವಾಚಯತಿ ಚ॒ತ್ವಾರಿ॑ ಚ) (ಅ. 6)
ಅನುವಾಕಂ 7
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತಿ॑ ರಶ॒ನಾಮಾದ॑ತ್ತೇ॒ ಪ್ರಸೂ᳚ತ್ಯೈ । ಅ॒ಶ್ವಿನೋ᳚-ರ್ಬಾ॒ಹುಭ್ಯಾ॒ಮಿತ್ಯಾ॑ಹ । ಅ॒ಶ್ವಿನೌ॒ ಹಿ ದೇ॒ವಾನಾ॑ಮದ್ಧ್ವ॒ರ್ಯೂ ಆಸ್ತಾ᳚ಮ್ । ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಿತ್ಯಾ॑ಹ॒ ಯತ್ಯೈ᳚ । ಆದ॒ದೇ-ಽದಿ॑ತ್ಯೈ॒ ರಾಸ್ನಾ॒-ಽಸೀತ್ಯಾ॑ಹ॒ ಯಜು॑ಷ್ಕೃತ್ಯೈ । ಇಡ॒ ಏಹ್ಯದಿ॑ತ॒ ಏಹಿ॒ ಸರ॑ಸ್ವ॒ತ್ಯೇಹೀತ್ಯಾ॑ಹ । ಏ॒ತಾನಿ॒ ವಾ ಅ॑ಸ್ಯೈ ದೇವನಾ॒ಮಾನಿ॑ ।
ದೇ॒ವ॒ನಾ॒ಮೈರೇ॒ವೈನಾ॒-ಮಾಹ್ವ॑ಯತಿ । ಅಸಾ॒ವೇಹ್ಯ-ಸಾ॒ವೇಹ್ಯ-ಸಾ॒ವೇಹೀತ್ಯಾ॑ಹ । ಏ॒ತಾನಿ॒ ವಾ ಅ॑ಸ್ಯೈ ಮನುಷ್ಯನಾ॒ಮಾನಿ॑ ॥ 58 ॥
ಮ॒ನು॒ಷ್ಯ॒ನಾ॒ಮೈರೇ॒ವೈನಾ॒ಮಾಹ್ವ॑ಯತಿ ।
ಷಟ್-ಥ್ಸಮ್ಪ॑ದ್ಯನ್ತೇ । ಷಡ್ವಾ ಋ॒ತವಃ॑ ।
ಋ॒ತುಭಿ॑ರೇ॒ವೈನಾ॒ಮಾಹ್ವ॑ಯತಿ । ಅದಿ॑ತ್ಯಾ ಉ॒ಷ್ಣೀಷ॑ಮ॒ಸೀತ್ಯಾ॑ಹ । ಯ॒ಥಾ॒ಯ॒ಜುರೇ॒ವೈತತ್ ।
ವಾ॒ಯುರ॑ಸ್ಯೈ॒ಡ ಇತ್ಯಾ॑ಹ । ವಾ॒ಯು॒ದೇ॒ವ॒ತ್ಯೋ॑ ವೈ ವ॒ಥ್ಸಃ ।
ಪೂ॒ಷಾ ತ್ವೋ॒ಪಾವ॑ಸೃಜ॒ತ್ವಿತ್ಯಾ॑ಹ । ಪೌ॒ಷ್ಣಾ ವೈ ದೇ॒ವತ॑ಯಾ ಪ॒ಶವಃ॑ ॥ 59 ॥
ಸ್ವಯೈ॒ವೈನ॑-ನ್ದೇ॒ವತ॑ಯೋ॒ಪಾವ॑ಸೃಜತಿ । ಅ॒ಶ್ವಿಭ್ಯಾ॒-ಮ್ಪ್ರದಾ॑ಪ॒ಯೇತ್ಯಾ॑ಹ । ಅ॒ಶ್ವಿನೌ॒ ವೈ ದೇ॒ವಾನಾ᳚-ಮ್ಭಿ॒ಷಜೌ᳚ । ತಾಭ್ಯಾ॑ಮೇ॒ವಾಸ್ಮೈ॑ ಭೇಷ॒ಜ-ಙ್ಕ॑ರೋತಿ । ಯಸ್ತೇ॒ ಸ್ತನ॑-ಶ್ಶಶ॒ಯ ಇತ್ಯಾ॑ಹ । ಸ್ತೌತ್ಯೇ॒ವೈನಾ᳚ಮ್ । ಉಸ್ರ॑ ಘ॒ರ್ಮಗ್ಂ ಶಿ॒ಗ್ಂ॒ಷೋಸ್ರ॑ ಘ॒ರ್ಮ-ಮ್ಪಾ॑ಹಿ ಘ॒ರ್ಮಾಯ॑ ಶಿ॒ಗ್ಂ॒ಷೇತ್ಯಾ॑ಹ । ಯಥಾ᳚ ಬ್ರೂ॒ಯಾದ॒ಮುಷ್ಮೈ॑ ದೇ॒ಹೀತಿ॑ । ತಾ॒ದೃಗೇ॒ವ ತತ್ । ಬೃಹ॒ಸ್ಪತಿ॒ಸ್ತ್ವೋಪ॑ಸೀದ॒ತ್ವಿತ್ಯಾ॑ಹ ॥ 60 ॥
ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿಃ॑ । ಬ್ರಹ್ಮ॑ಣೈ॒ವೈನಾ॒ಮುಪ॑ಸೀದತಿ ।
ದಾನ॑ವ-ಸ್ಸ್ಥ॒ ಪೇರ॑ವ॒ ಇತ್ಯಾ॑ಹ । ಮೇದ್ಧ್ಯಾ॑ನೇ॒ವೈನಾ᳚ನ್ಕರೋತಿ ।
ವಿ॒ಷ್ವ॒ಗ್ವೃತೋ॒ ಲೋಹಿ॑ತೇ॒ನೇತ್ಯಾ॑ಹ॒ ವ್ಯಾವೃ॑ತ್ತ್ಯೈ ।
ಅ॒ಶ್ವಿಭ್ಯಾ᳚-ಮ್ಪಿನ್ವಸ್ವ॒ ಸರ॑ಸ್ವತ್ಯೈ ಪಿನ್ವಸ್ವ ಪೂ॒ಷ್ಣೇ ಪಿ॑ನ್ವಸ್ವ॒ ಬೃಹ॒ಸ್ಪತ॑ಯೇ ಪಿನ್ವ॒ಸ್ವೇತ್ಯಾ॑ಹ ।
ಏ॒ತಾಭ್ಯೋ॒ ಹ್ಯೇ॑ಷಾ ದೇ॒ವತಾ᳚ಭ್ಯಃ॒ ಪಿನ್ವ॑ತೇ ।
ಇನ್ದ್ರಾ॑ಯ ಪಿನ್ವ॒ಸ್ವೇನ್ದ್ರಾ॑ಯ ಪಿನ್ವ॒ಸ್ವೇತ್ಯಾ॑ಹ ।
ಇನ್ದ್ರ॑ಮೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ । ದ್ವಿರಿನ್ದ್ರಾ॒ಯೇತ್ಯಾ॑ಹ ॥ 61 ॥
ತಸ್ಮಾ॒ದಿನ್ದ್ರೋ॑ ದೇ॒ವತಾ॑ನಾ-ಮ್ಭೂಯಿಷ್ಠ॒ಭಾಕ್ತ॑ಮಃ ।
ಗಾ॒ಯ॒ತ್ರೋ॑-ಽಸಿ॒ ತ್ರೈಷ್ಟು॑ಭೋ-ಽಸಿ॒ ಜಾಗ॑ತಮ॒ಸೀತಿ॑ ಶಫೋಪಯ॒ಮಾನಾದ॑ತ್ತೇ ।
ಛನ್ದೋ॑ಭಿರೇ॒ವೈನಾ॒ನಾದ॑ತ್ತೇ । ಸ॒ಹೋರ್ಜೋ ಭಾ॒ಗೇನೋಪ॒ಮೇಹೀತ್ಯಾ॑ಹ ।
ಊ॒ರ್ಜ ಏ॒ವೈನ॑-ಮ್ಭಾ॒ಗಮ॑ಕಃ ।
ಅ॒ಶ್ವಿನೌ॒ ವಾ ಏ॒ತ-ದ್ಯ॒ಜ್ಞಸ್ಯ॒ ಶಿರಃ॑ ಪ್ರತಿ॒ದಧ॑ತಾವಬ್ರೂತಾಮ್ ।
ಆ॒ವಾಭ್ಯಾ॑ಮೇ॒ವ ಪೂರ್ವಾ᳚ಭ್ಯಾಂ॒-ವಁಷ॑ಟ್ಕ್ರಿಯಾತಾ॒ ಇತಿ॑ ।
ಇನ್ದ್ರಾ᳚ಶ್ವಿನಾ॒ ಮಧು॑ನ-ಸ್ಸಾರ॒ಘಸ್ಯೇತ್ಯಾ॑ಹ ।
ಅ॒ಶ್ವಿಭ್ಯಾ॑ಮೇ॒ವ ಪೂರ್ವಾ᳚ಭ್ಯಾಂ॒-ವಁಷ॑ಟ್ಕರೋತಿ ।
ಅಥೋ॑ ಅ॒ಶ್ವಿನಾ॑ವೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ ॥ 62 ॥
ಘ॒ರ್ಮ-ಮ್ಪಾ॑ತ ವಸವೋ॒ ಯಜ॑ತಾ॒ ವಡಿತ್ಯಾ॑ಹ ।
ವಸೂ॑ನೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ । ಯ-ದ್ವ॑ಷಟ್ಕು॒ರ್ಯಾತ್ । ಯಾ॒ತಯಾ॑ಮಾ-ಽಸ್ಯ ವಷಟ್ಕಾ॒ರ-ಸ್ಸ್ಯಾ᳚ತ್ ।
ಯನ್ನ ವ॑ಷಟ್ಕು॒ರ್ಯಾತ್ । ರಖ್ಷಾಗ್ಂ॑ಸಿ ಯ॒ಜ್ಞಗ್ಂ ಹ॑ನ್ಯುಃ । ವಡಿತ್ಯಾ॑ಹ । ಪ॒ರೋಖ್ಷ॑ಮೇ॒ವ ವಷ॑ಟ್ಕರೋತಿ । ನಾಸ್ಯ॑ ಯಾ॒ತಯಾ॑ಮಾ ವಷಟ್ಕಾ॒ರೋ ಭವ॑ತಿ ।
ನ ಯ॒ಜ್ಞಗ್ಂ ರಖ್ಷಾಗ್ಂ॑ಸಿ ಘ್ನನ್ತಿ ॥ 63 ॥
ಸ್ವಾಹಾ᳚ ತ್ವಾ॒ ಸೂರ್ಯ॑ಸ್ಯ ರ॒ಶ್ಮಯೇ॑ ವೃಷ್ಟಿ॒ವನ॑ಯೇ ಜುಹೋ॒ಮೀತ್ಯಾ॑ಹ । ಯೋ ವಾ ಅ॑ಸ್ಯ॒ ಪುಣ್ಯೋ॑ ರ॒ಶ್ಮಿಃ । ಸ ವೃ॑ಷ್ಟಿ॒ವನಿಃ॑ । ತಸ್ಮಾ॑ ಏ॒ವೈನ॑-ಞ್ಜುಹೋತಿ ।
ಮಧು॑ ಹ॒ವಿರ॒ಸೀತ್ಯಾ॑ಹ । ಸ್ವ॒ದಯ॑ತ್ಯೇ॒ವೈನ᳚ಮ್ । ಸೂರ್ಯ॑ಸ್ಯ॒ ತಪ॑ಸ್ತ॒ಪೇತ್ಯಾ॑ಹ ।
ಯ॒ಥಾ॒ಯ॒ಜುರೇ॒ವೈತತ್ । ದ್ಯಾವಾ॑ಪೃಥಿ॒ವೀಭ್ಯಾ᳚-ನ್ತ್ವಾ॒ ಪರಿ॑ಗೃಹ್ಣಾ॒ಮೀತ್ಯಾ॑ಹ ।
ದ್ಯಾವಾ॑ಪೃಥಿ॒ವೀಭ್ಯಾ॑-ಮೇ॒ವೈನ॒-ಮ್ಪರಿ॑ಗೃಹ್ಣಾತಿ ॥ 64 ॥
ಅ॒ನ್ತರಿ॑ಖ್ಷೇಣ॒ ತ್ವೋಪ॑ಯಚ್ಛಾ॒ಮೀತ್ಯಾ॑ಹ । ಅ॒ನ್ತರಿ॑ಖ್ಷೇಣೈ॒ವೈನ॒-ಮುಪ॑ಯಚ್ಛತಿ ।
ನ ವಾ ಏ॒ತ-ಮ್ಮ॑ನು॒ಷ್ಯೋ॑ ಭರ್ತು॑ಮರ್ಹತಿ ।
ದೇ॒ವಾನಾ᳚-ನ್ತ್ವಾ ಪಿತೃ॒ಣಾಮನು॑ಮತೋ॒ ಭರ್ತುಗ್ಂ॑ ಶಕೇಯ॒ಮಿತ್ಯಾ॑ಹ । ದೇ॒ವೈರೇ॒ವೈನ॑-ಮ್ಪಿ॒ತೃಭಿ॒ರನು॑ಮತ॒ ಆದ॑ತ್ತೇ । ವಿ ವಾ ಏ॑ನಮೇ॒ತದ॑ರ್ಧಯನ್ತಿ । ಯ-ತ್ಪ॒ಶ್ಚಾ-ತ್ಪ್ರ॒ವೃಜ್ಯ॑ ಪು॒ರೋ ಜುಹ್ವ॑ತಿ । ತೇಜೋ॑-ಽಸಿ॒ ತೇಜೋ-ಽನು॒ ಪ್ರೇಹೀತ್ಯಾ॑ಹ । ತೇಜ॑ ಏ॒ವಾಸ್ಮಿ॑-ನ್ದಧಾತಿ । ದಿ॒ವಿ॒ಸ್ಪೃಮ್ಮಾ ಮಾ॑ ಹಿಗ್ಂಸೀ-ರನ್ತರಿಖ್ಷ॒ಸ್ಪೃಮ್ಮಾ ಮಾ॑ ಹಿಗ್ಂಸೀಃ
ಪೃಥಿವಿ॒ಸ್ಪೃಮ್ಮಾ ಮಾ॑ ಹಿಗ್ಂಸೀ॒ರಿತ್ಯಾ॒ಹಾಹಿಗ್ಂ॑ಸಾಯೈ ॥ 65 ॥
ಸುವ॑ರಸಿ॒ ಸುವ॑ರ್ಮೇ ಯಚ್ಛ॒ ದಿವಂ॑-ಯಁಚ್ಛ ದಿ॒ವೋ ಮಾ॑ ಪಾ॒ಹೀತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ । ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ । ಯ-ತ್ಪ್ರ॑ವ॒ರ್ಗ್ಯಃ॑ ।
ಆ॒ತ್ಮಾ ವಾ॒ಯುಃ । ಉ॒ದ್ಯತ್ಯ॑ ವಾತನಾ॒ಮಾನ್ಯಾ॑ಹ ।
ಆ॒ತ್ಮನ್ನೇ॒ವ ಯ॒ಜ್ಞಸ್ಯ॒ ಶಿರಃ॒ ಪ್ರತಿ॑ದಧಾತಿ ।
ಅನ॑ವಾನಮ್ । ಪ್ರಾ॒ಣಾನಾ॒ಗ್ಂ॒ ಸನ್ತ॑ತ್ಯೈ । ಪಞ್ಚಾ॑ಹ ॥ 66 ॥
ಪಾಙ್ಕ್ತೋ॑ ಯ॒ಜ್ಞಃ । ಯಾವಾ॑ನೇ॒ವ ಯ॒ಜ್ಞಃ । ತಸ್ಯ॒ ಶಿರಃ॒ ಪ್ರತಿ॑ದಧಾತಿ । ಅ॒ಗ್ನಯೇ᳚ ತ್ವಾ॒ ವಸು॑ಮತೇ॒ ಸ್ವಾಹೇತ್ಯಾ॑ಹ ।
ಅ॒ಸೌ ವಾ ಆ॑ದಿ॒ತ್ಯೋ᳚-ಽಗ್ನಿ-ರ್ವಸು॑ಮಾನ್ । ತಸ್ಮಾ॑ ಏ॒ವೈನ॑ಞ್ಜುಹೋತಿ । ಸೋಮಾ॑ಯ ತ್ವಾ ರು॒ದ್ರವ॑ತೇ॒ ಸ್ವಾಹೇತ್ಯಾ॑ಹ ।
ಚ॒ನ್ದ್ರಮಾ॒ ವೈ ಸೋಮೋ॑ ರು॒ದ್ರವಾನ್॑ । ತಸ್ಮಾ॑ ಏ॒ವೈನ॑ಞ್ಜುಹೋತಿ । ವರು॑ಣಾಯ ತ್ವಾ-ಽಽದಿ॒ತ್ಯವ॑ತೇ॒ ಸ್ವಾಹೇತ್ಯಾ॑ಹ ॥ 67 ॥
ಅ॒ಫ್ಸು ವೈ ವರು॑ಣ ಆದಿ॒ತ್ಯವಾನ್॑ । ತಸ್ಮಾ॑ ಏ॒ವೈನ॑ಞ್ಜುಹೋತಿ ।
ಬೃಹ॒ಸ್ಪತ॑ಯೇ ತ್ವಾ ವಿ॒ಶ್ವದೇ᳚ವ್ಯಾವತೇ॒ ಸ್ವಾಹೇತ್ಯಾ॑ಹ ।
ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿಃ॑ ।
ಬ್ರಹ್ಮ॑ಣ ಏ॒ವೈನ॑ಞ್ಜುಹೋತಿ ।
ಸ॒ವಿ॒ತ್ರೇ ತ್ವ॑ರ್ಭು॒ಮತೇ॑ ವಿಭು॒ಮತೇ᳚ ಪ್ರಭು॒ಮತೇ॒ ವಾಜ॑ವತೇ॒ ಸ್ವಾಹೇತ್ಯಾ॑ಹ । ಸಂ॒ವಁ॒ಥ್ಸ॒ರೋ ವೈ ಸ॑ವಿ॒ತರ್ಭು॒ಮಾನ್. ವಿ॑ಭು॒ಮಾ-ನ್ಪ್ರ॑ಭು॒ಮಾನ್. ವಾಜ॑ವಾನ್ । ತಸ್ಮಾ॑ ಏ॒ವೈನ॑ಞ್ಜುಹೋತಿ । ಯ॒ಮಾಯ॒ ತ್ವಾ-ಽಙ್ಗಿ॑ರಸ್ವತೇ ಪಿತೃ॒ಮತೇ॒ ಸ್ವಾಹೇತ್ಯಾ॑ಹ ।
ಪ್ರಾ॒ಣೋ ವೈ ಯ॒ಮೋ-ಽಙ್ಗಿ॑ರಸ್ವಾ-ನ್ಪಿತೃ॒ಮಾನ್ ॥ 68 ॥
ತಸ್ಮಾ॑ ಏ॒ವೈನ॑ಞ್ಜುಹೋತಿ । ಏ॒ತಾಭ್ಯ॑ ಏ॒ವೈನ॑-ನ್ದೇ॒ವತಾ᳚ಭ್ಯೋ ಜುಹೋತಿ । ದಶ॒ ಸಮ್ಪ॑ದ್ಯನ್ತೇ । ದಶಾ᳚ಖ್ಷರಾ ವಿ॒ರಾಟ್ । ಅನ್ನಂ॑-ವಿಁ॒ರಾಟ್ । ವಿ॒ರಾಜೈ॒ವಾನ್ನಾದ್ಯ॒ಮವ॑ರುನ್ಧೇ । ರೌ॒ಹಿ॒ಣಾಭ್ಯಾಂ॒-ವೈಁ ದೇ॒ವಾ-ಸ್ಸು॑ವ॒ರ್ಗಂ-ಲೋಁ॒ಕಮಾ॑ಯನ್ನ್ । ತ-ದ್ರೌ॑ಹಿ॒ಣಯೋ॑ ರೌಹಿಣ॒ತ್ವಮ್ । ಯ-ದ್ರೌ॑ಹಿ॒ಣೌ ಭವ॑ತಃ । ರೌ॒ಹಿ॒ಣಾಭ್ಯಾ॑ಮೇ॒ವ ತ-ದ್ಯಜ॑ಮಾನ-ಸ್ಸುವ॒ರ್ಗಂ-ಲೋಁ॒ಕಮೇ॑ತಿ ।
ಅಹ॒ರ್ಜ್ಯೋತಿಃ॑ ಕೇ॒ತುನಾ॑ ಜುಷತಾಗ್ಂ ಸುಜ್ಯೋ॒ತಿರ್ಜ್ಯೋತಿ॑ಷಾ॒ಗ್॒ ಸ್ವಾಹಾ॒ ರಾತ್ರಿ॒ರ್ಜ್ಯೋತಿಃ॑ ಕೇ॒ತುನಾ॑ ಜುಷತಾಗ್ಂ ಸುಜ್ಯೋ॒ತಿರ್ಜ್ಯೋತಿ॑ಷಾ॒ಗ್॒ ಸ್ವಾಹೇತ್ಯಾ॑ಹ ।
ಆ॒ದಿ॒ತ್ಯಮೇ॒ವ ತದ॒ಮುಷ್ಮಿ॑ನ್ ಁಲೋ॒ಕೇ-ಽಹ್ನಾ॑ ಪ॒ರಸ್ತಾ᳚-ದ್ದಾಧಾರ । ರಾತ್ರಿ॑ಯಾ ಅ॒ವಸ್ತಾ᳚ತ್ ।
ತಸ್ಮಾ॑ದ॒ಸಾವಾ॑ದಿ॒ತ್ಯೋ॑ ಽಮುಷ್ಮಿ॑ನ್ ಁಲೋ॒ಕೇ॑-ಽಹೋರಾ॒ತ್ರಾಭ್ಯಾ᳚-ನ್ಧೃ॒ತಃ ॥ 69 ॥
(ಮ॒ನು॒ಷ್ಯ॒ನಾ॒ಮಾನಿ॑ - ಪ॒ಶವಃ॑ - ಸೀದ॒ತ್ವಿತ್ಯಾ॒ - ಹೇನ್ದ್ರಾ॒ಯೇತ್ಯಾ॑ಹಾ - ರ್ಧಯತಿ - ಘ್ನನ್ತಿ - ಗೃಹ್ಣಾ॒ - ತ್ಯಹಿಗ್ಂ॑ಸಾಯೈ॒ - ಪಞ್ಚಾ॑ಹಾ - ದಿ॒ತ್ಯವ॑ತೇ॒ ಸ್ವಾಹೇತ್ಯಾ॑ಹ - ಪಿತೃ॒ಮಾ - ನೇ॑ತಿ ಚ॒ತ್ವಾರಿ॑ ಚ) (ಅ. 7)
ಅನುವಾಕಂ 8
ವಿಶ್ವಾ॒ ಆಶಾ॑ ದಖ್ಷಿಣ॒ಸದಿತ್ಯಾ॑ಹ । ವಿಶ್ವಾ॑ನೇ॒ವ ದೇ॒ವಾ-ನ್ಪ್ರೀ॑ಣಾತಿ । ಅಥೋ॒ ದುರಿ॑ಷ್ಟ್ಯಾ ಏ॒ವೈನ॑-ಮ್ಪಾತಿ । ವಿಶ್ವಾ᳚-ನ್ದೇ॒ವಾನ॑ಯಾಡಿ॒ಹೇತ್ಯಾ॑ಹ । ವಿಶ್ವಾ॑ನೇ॒ವ ದೇ॒ವಾ-ನ್ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ । ಸ್ವಾಹಾ॑ಕೃತಸ್ಯ ಘ॒ರ್ಮಸ್ಯ॒ ಮಧೋಃ᳚ ಪಿಬತಮಶ್ವಿ॒ನೇತ್ಯಾ॑ಹ ।
ಅ॒ಶ್ವಿನಾ॑ವೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ ।
ಸ್ವಾಹಾ॒-ಽಗ್ನಯೇ॑ ಯ॒ಜ್ಞಿಯಾ॑ಯ॒ ಶಂಯಁಜು॑ರ್ಭಿ॒ರಿತ್ಯಾ॑ಹ । ಅ॒ಭ್ಯೇ॑ವೈನ॑-ಙ್ಘಾರಯತಿ । ಅಥೋ॑ ಹ॒ವಿರೇ॒ವಾಕಃ॑ ॥ 70 ॥
ಅಶ್ವಿ॑ನಾ ಘ॒ರ್ಮ-ಮ್ಪಾ॑ತಗ್ಂ ಹಾರ್ದಿವಾ॒ನ-ಮಹ॑ರ್ದಿ॒ವಾಭಿ॑-ರೂ॒ತಿಭಿ॒ರಿತ್ಯಾ॑ಹ । ಅ॒ಶ್ವಿನಾ॑ವೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ । ಅನು॑ ವಾ॒-ನ್ದ್ಯಾವಾ॑ಪೃಥಿ॒ವೀ ಮಗ್ಂ॑ಸಾತಾ॒ಮಿತ್ಯಾ॒ಹಾನು॑ಮತ್ಯೈ ।
ಸ್ವಾಹೇನ್ದ್ರಾ॑ಯ॒ ಸ್ವಾಹೇನ್ದ್ರಾ॒ ವಡಿತ್ಯಾ॑ಹ ।
ಇನ್ದ್ರಾ॑ಯ॒ ಹಿ ಪು॒ರೋ ಹೂ॒ಯತೇ᳚ । ಆ॒ಶ್ರಾವ್ಯಾ॑ಹ ಘ॒ರ್ಮಸ್ಯ॑ ಯ॒ಜೇತಿ॑ । ವಷ॑ಟ್ಕೃತೇ ಜುಹೋತಿ । ರಖ್ಷ॑ಸಾ॒ಮಪ॑ಹತ್ಯೈ । ಅನು॑ಯಜತಿ ಸ್ವ॒ಗಾಕೃ॑ತ್ಯೈ ।
ಘ॒ರ್ಮಮ॑ಪಾತಮಶ್ವಿ॒ನೇತ್ಯಾ॑ಹ ॥ 71 ॥
ಪೂರ್ವ॑ಮೇ॒ವೋದಿ॒ತಮ್ । ಉತ್ತ॑ರೇಣಾ॒ಭಿಗೃ॑ಣಾತಿ ।
ಅನು॑ ವಾ॒ನ್-ದ್ಯಾವಾ॑ಪೃಥಿ॒ವೀ ಅ॑ಮಗ್ಂಸಾತಾ॒ಮಿತ್ಯಾ॒ಹಾನು॑ಮತ್ಯೈ ।
ತ-ಮ್ಪ್ರಾ॒ವ್ಯ॑ಮ್ ಁಯಥಾ॒ವಣ್ಣಮೋ॑ ದಿ॒ವೇ ನಮಃ॑ ಪೃಥಿ॒ವ್ಯಾ ಇತ್ಯಾ॑ಹ । ಯ॒ಥಾ॒ಯ॒ಜುರೇ॒ವೈತತ್ । ದಿ॒ವಿ ಧಾ॑ ಇ॒ಮಂ-ಯಁ॒ಜ್ಞಂ-ಯಁ॒ಜ್ಞಮಿ॒ಮ-ನ್ದಿ॒ವಿ ಧಾ॒ ಇತ್ಯಾ॑ಹ ।
ಸು॒ವ॒ರ್ಗಮೇ॒ವೈನ॑ಮ್ ಁಲೋ॒ಕ-ಙ್ಗ॑ಮಯತಿ ।
ದಿವ॑-ಙ್ಗಚ್ಛಾ॒ನ್ತರಿ॑ಖ್ಷ-ಙ್ಗಚ್ಛ ಪೃಥಿ॒ವೀ-ಙ್ಗ॒ಚ್ಛೇತ್ಯಾ॑ಹ ।
ಏ॒ಷ್ವೇ॑ವೈನ॑ಮ್ ಁಲೋ॒ಕೇಷು॒ ಪ್ರತಿ॑ಷ್ಠಾಪಯತಿ । ಪಞ್ಚ॑ ಪ್ರ॒ದಿಶೋ॑ ಗ॒ಚ್ಛೇತ್ಯಾ॑ಹ ॥ 72 ॥
ದಿ॒ಖ್ಷ್ವೇ॑ವೈನ॒-ಮ್ಪ್ರತಿ॑ಷ್ಠಾಪಯತಿ ।
ದೇ॒ವಾ-ನ್ಘ॑ರ್ಮ॒ಪಾ-ನ್ಗ॑ಚ್ಛ ಪಿ॒ತೄ-ನ್ಘ॑ರ್ಮ॒ಪಾ-ನ್ಗ॒ಚ್ಛೇತ್ಯಾ॑ಹ । ಉ॒ಭಯೇ᳚ಷ್ವೇ॒ವೈನ॒-ಮ್ಪ್ರತಿ॑ಷ್ಠಾಪಯತಿ । ಯ-ತ್ಪಿನ್ವ॑ತೇ । ವರ್ಷು॑ಕಃ ಪ॒ರ್ಜನ್ಯೋ॑ ಭವತಿ । ತಸ್ಮಾ॒-ತ್ಪಿನ್ವ॑ಮಾನಃ॒ ಪುಣ್ಯಃ॑ । ಯ-ತ್ಪ್ರಾಮ್ಪಿನ್ವ॑ತೇ । ತ-ದ್ದೇ॒ವಾನಾ᳚ಮ್ । ಯ-ದ್ದ॑ಖ್ಷಿ॒ಣಾ । ತತ್-ಪಿ॑ತೃ॒ಣಾಮ್ ॥ 73 ॥
ಯ-ತ್ಪ್ರ॒ತ್ಯಕ್ । ತ-ನ್ಮ॑ನು॒ಷ್ಯಾ॑ಣಾಮ್ । ಯದುದಙ್ಙ್॑ । ತ-ದ್ರು॒ದ್ರಾಣಾ᳚ಮ್ । ಪ್ರಾಞ್ಚ॒ಮುದ॑ಞ್ಚ-ಮ್ಪಿನ್ವಯತಿ । ದೇ॒ವ॒ತ್ರಾ-ಽಕಃ॑ । ಅಥೋ॒ ಖಲು॑ । ಸರ್ವಾ॒ ಅನು॒ ದಿಶಃ॑ ಪಿನ್ವಯತಿ । ಸರ್ವಾ॒ ದಿಶ॒-ಸ್ಸಮೇ॑ಧನ್ತೇ । ಅ॒ನ್ತಃ॒ಪ॒ರಿ॒ಧಿ ಪಿ॑ನ್ವಯತಿ ॥ 74 ॥
ತೇಜ॒ಸೋ-ಽಸ್ಕ॑ನ್ದಾಯ । ಇ॒ಷೇ ಪೀ॑ಪಿಹ್ಯೂ॒ರ್ಜೇ ಪೀ॑ಪಿ॒ಹೀತ್ಯಾ॑ಹ ।
ಇಷ॑ಮೇ॒ವೋರ್ಜಂ॒-ಯಁಜ॑ಮಾನೇ ದಧಾತಿ । ಯಜ॑ಮಾನಾಯ ಪೀಪಿ॒ಹೀತ್ಯಾ॑ಹ । ಯಜ॑ಮಾನಾಯೈ॒ವೈತಾ-ಮಾ॒ಶಿಷ॒ಮಾಶಾ᳚ಸ್ತೇ ।
ಮಹ್ಯ॒ಞ್ಜ್ಯೈಷ್ಠ್ಯಾ॑ಯ ಪೀಪಿ॒ಹೀತ್ಯಾ॑ಹ ।
ಆ॒ತ್ಮನ॑ ಏ॒ವೈತಾಮಾ॒ಶಿಷ॒ಮಾಶಾ᳚ಸ್ತೇ ।
ತ್ವಿಷ್ಯೈ᳚ ತ್ವಾ ದ್ಯು॒ಮ್ನಾಯ॑ ತ್ವೇನ್ದ್ರಿ॒ಯಾಯ॑ ತ್ವಾ॒ ಭೂತ್ಯೈ॒ ತ್ವೇತ್ಯಾ॑ಹ । ಯ॒ಥಾ॒ಯ॒ಜುರೇ॒ವೈತತ್ । ಧರ್ಮಾ॑-ಽಸಿ ಸು॒ಧರ್ಮಾ ಮೇ᳚ ನ್ಯ॒ಸ್ಮೇ ಬ್ರಹ್ಮಾ॑ಣಿ ಧಾರ॒ಯೇತ್ಯಾ॑ಹ ॥ 75 ॥
ಬ್ರಹ್ಮ॑ನ್ನೇ॒ವೈನ॒-ಮ್ಪ್ರತಿ॑ಷ್ಠಾಪಯತಿ । ನೇತ್ತ್ವಾ॒ ವಾತ॑-ಸ್ಸ್ಕ॒ನ್ದಯಾ॒ದಿತಿ॒ ಯದ್ಯ॑ಭಿ॒ಚರೇ᳚ತ್ । ಅ॒ಮುಷ್ಯ॑ ತ್ವಾ ಪ್ರಾ॒ಣೇ ಸಾ॑ದಯಾಮ್ಯ॒ಮುನಾ॑ ಸ॒ಹ ನಿ॑ರ॒ರ್ಥ-ಙ್ಗ॒ಚ್ಛೇತಿ॑ ಬ್ರೂಯಾ॒-ದ್ಯ-ನ್ದ್ವಿ॒ಷ್ಯಾತ್ । ಯಮೇ॒ವ ದ್ವೇಷ್ಟಿ॑ । ತೇನೈ॑ನಗ್ಂ ಸ॒ಹ ನಿ॑ರ॒ರ್ಥ-ಙ್ಗ॑ಮಯತಿ । ಪೂ॒ಷ್ಣೇ ಶರ॑ಸೇ॒ ಸ್ವಾಹೇತ್ಯಾ॑ಹ । ಯಾ ಏ॒ವ ದೇ॒ವತಾ॑ ಹು॒ತಭಾ॑ಗಾಃ । ತಾಭ್ಯ॑ ಏ॒ವೈನ॑ಞ್ಜುಹೋತಿ । ಗ್ರಾವ॑ಭ್ಯ॒-ಸ್ಸ್ವಾಹೇತ್ಯಾ॑ಹ । ಯಾ ಏ॒ವಾನ್ತರಿ॑ಖ್ಷೇ॒ ವಾಚಃ॑ ॥ 76 ॥
ತಾಭ್ಯ॑ ಏ॒ವೈನ॑ಞ್ಜುಹೋತಿ । ಪ್ರ॒ತಿ॒ರೇಭ್ಯ॒-ಸ್ಸ್ವಾಹೇತ್ಯಾ॑ಹ । ಪ್ರಾ॒ಣಾ ವೈ ದೇ॒ವಾಃ ಪ್ರ॑ತಿ॒ರಾಃ । ತೇಭ್ಯ॑ ಏ॒ವೈನ॑ಞ್ಜುಹೋತಿ । ದ್ಯಾವಾ॑ಪೃಥಿ॒ವೀಭ್ಯಾ॒ಗ್॒ ಸ್ವಾಹೇತ್ಯಾ॑ಹ ।
ದ್ಯಾವಾ॑ಪೃಥಿ॒ವೀಭ್ಯಾ॑-ಮೇ॒ವೈನ॑ಞ್ಜುಹೋತಿ । ಪಿ॒ತೃಭ್ಯೋ॑ ಘರ್ಮ॒ಪೇಭ್ಯ॒-ಸ್ಸ್ವಾಹೇತ್ಯಾ॑ಹ । ಯೇ ವೈ ಯಜ್ವಾ॑ನಃ । ತೇ ಪಿ॒ತರೋ॑ ಘರ್ಮ॒ಪಾಃ । ತೇಭ್ಯ॑ ಏ॒ವೈನ॑ಞ್ಜುಹೋತಿ ॥ 77 ॥
ರು॒ದ್ರಾಯ॑ ರು॒ದ್ರಹೋ᳚ತ್ರೇ॒ ಸ್ವಾಹೇತ್ಯಾ॑ಹ । ರು॒ದ್ರಮೇ॒ವ ಭಾ॑ಗ॒ಧೇಯೇ॑ನ॒ ಸಮ॑ರ್ಧಯತಿ । ಸ॒ರ್ವತ॒-ಸ್ಸಮ॑ನಕ್ತಿ । ಸ॒ರ್ವತ॑ ಏ॒ವ ರು॒ದ್ರನ್ನಿ॒ರವ॑ದಯತೇ । ಉದ॑ಞ್ಚ॒ನ್ನಿರ॑ಸ್ಯತಿ ।
ಏ॒ಷಾ ವೈ ರು॒ದ್ರಸ್ಯ॒ ದಿಕ್ । ಸ್ವಾಯಾ॑ಮೇ॒ವ ದಿ॒ಶಿ ರು॒ದ್ರನ್ನಿ॒ರವ॑ದಯತೇ । ಅ॒ಪ ಉಪ॑ಸ್ಪೃಶತಿ ಮೇದ್ಧ್ಯ॒ತ್ವಾಯ॑ । ನಾನ್ವೀ᳚ಖ್ಷೇತ । ಯದ॒ನ್ವೀಖ್ಷೇ॑ತ ॥ 78 ॥
ಚಖ್ಷು॑ರಸ್ಯ ಪ್ರ॒ಮಾಯು॑ಕಗ್ಗ್ ಸ್ಯಾತ್ । ತಸ್ಮಾ॒ನ್ನಾನ್ವೀಖ್ಷ್ಯಃ॑ ।
ಅಪೀ॑ಪರೋ॒ ಮಾ-ಽಹ್ನೋ॒ ರಾತ್ರಿ॑ಯೈ ಮಾ ಪಾಹ್ಯೇ॒ಷಾ ತೇ॑ ಅಗ್ನೇ ಸ॒ಮಿತ್ತಯಾ॒ ಸಮಿ॑ದ್ಧ್ಯ॒ಸ್ವಾಯು॑ರ್ಮೇ ದಾ॒ ವರ್ಚ॑ಸಾ ಮಾ-ಽಞ್ಜೀ॒ರಿತ್ಯಾ॑ಹ । ಆಯು॑ರೇ॒ವಾಸ್ಮಿ॒ನ್ ವರ್ಚೋ॑ ದಧಾತಿ ।
ಅಪೀ॑ಪರೋ ಮಾ॒ ರಾತ್ರಿ॑ಯಾ॒ ಅಹ್ನೋ॑ ಮಾ ಪಾಹ್ಯೇ॒ಷಾ ತೇ॑ ಅಗ್ನೇ ಸ॒ಮಿತ್ತಯಾ॒ ಸಮಿ॑ದ್ಧ್ಯ॒ಸ್ವಾಯು॑ರ್ಮೇ ದಾ॒ ವರ್ಚ॑ಸಾ ಮಾ-ಽಞ್ಜೀ॒ರಿತ್ಯಾ॑ಹ । ಆಯು॑ರೇ॒ವಾಸ್ಮಿ॒ನ್ ವರ್ಚೋ॑ ದಧಾತಿ ।
ಅ॒ಗ್ನಿ-ರ್ಜ್ಯೋತಿ॒-ರ್ಜ್ಯೋತಿ॑ರ॒ಗ್ನಿ-ಸ್ಸ್ವಾಹಾ॒ ಸೂರ್ಯೋ॒ ಜ್ಯೋತಿ॒ರ್ಜ್ಯೋತಿ॒-ಸ್ಸೂರ್ಯ॒-ಸ್ಸ್ವಾಹೇತ್ಯಾ॑ಹ । ಯ॒ಥಾ॒ಯ॒ಜುರೇ॒ವೈತತ್ । ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಹೋ॒ತ॒ವ್ಯ॑ಮಗ್ನಿಹೋ॒ತ್ರಾ(3) ನ್ನ ಹೋ॑ತ॒ವ್ಯಾ(3) ಮಿತಿ॑ ॥ 79 ॥
ಯ-ದ್ಯಜು॑ಷಾ ಜುಹು॒ಯಾತ್ । ಅಯ॑ಥಾಪೂರ್ವ॒ಮಾಹು॑ತೀ ಜುಹುಯಾತ್ । ಯನ್ನ ಜು॑ಹು॒ಯಾತ್ । ಅ॒ಗ್ನಿಃ ಪರಾ॑ಭವೇತ್ । ಭೂ-ಸ್ಸ್ವಾಹೇತ್ಯೇ॒ವ ಹೋ॑ತ॒ವ್ಯ᳚ಮ್ । ಯ॒ಥಾ॒ಪೂ॒ರ್ವಮಾಹು॑ತೀ ಜು॒ಹೋತಿ॑ । ನಾಗ್ನಿಃ ಪರಾ॑ಭವತಿ । ಹು॒ತಗ್ಂ ಹ॒ವಿರ್ಮಧು॑ ಹ॒ವಿರಿತ್ಯಾ॑ಹ ।
ಸ್ವ॒ದಯ॑ತ್ಯೇ॒ವೈನ᳚ಮ್ । ಇನ್ದ್ರ॑ತಮೇ॒-ಽಗ್ನಾವಿತ್ಯಾ॑ಹ ॥ 80 ॥
ಪ್ರಾ॒ಣೋ ವಾ ಇನ್ದ್ರ॑ತಮೋ॒-ಽಗ್ನಿಃ ।
ಪ್ರಾ॒ಣ ಏ॒ವೈನ॒ಮಿನ್ದ್ರ॑ತಮೇ॒-ಽಗ್ನೌ ಜು॑ಹೋತಿ ।
ಪಿ॒ತಾ ನೋ॑-ಽಸಿ॒ ಮಾ ಮಾ॑ ಹಿಗ್ಂಸೀ॒ರಿತ್ಯಾ॒ಹಾಹಿಗ್ಂ॑ಸಾಯೈ ।
ಅ॒ಶ್ಯಾಮ॑ ತೇ ದೇವ ಘರ್ಮ॒ ಮಧು॑ಮತೋ॒ ವಾಜ॑ವತಃ ಪಿತು॒ಮತ॒ ಇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ಸ್ವ॒ಧಾ॒ವಿನೋ॑-ಽಶೀ॒ಮಹಿ॑ ತ್ವಾ॒ ಮಾ ಮಾ॑ ಹಿಗ್ಂಸೀ॒-ರಿತ್ಯಾ॒ಹಾಹಿಗ್ಂ॑ಸಾಯೈ । ತೇಜ॑ಸಾ॒ ವಾ ಏ॒ತೇ ವ್ಯೃ॑ದ್ಧ್ಯನ್ತೇ । ಯೇ ಪ್ರ॑ವ॒ರ್ಗ್ಯೇ॑ಣ॒ ಚರ॑ನ್ತಿ । ಪ್ರಾಶ್ಞ॑ನ್ತಿ ।
ತೇಜ॑ ಏ॒ವಾತ್ಮನ್-ದ॑ಧತೇ ॥ 81 ॥
ಸಂ॒ವಁ॒ಥ್ಸ॒ರನ್ನ ಮಾ॒ಗ್ಂ॒ಸಮ॑ಶ್ಞೀಯಾತ್ । ನ ರಾ॒ಮಾಮುಪೇ॑ಯಾತ್ । ನ ಮೃ॒ನ್ಮಯೇ॑ನ ಪಿಬೇತ್ । ನಾಸ್ಯ॑ ರಾ॒ಮ ಉಚ್ಛಿ॑ಷ್ಟ-ಮ್ಪಿಬೇತ್ । ತೇಜ॑ ಏ॒ವ ತಥ್ಸಗ್ಂಶ್ಯ॑ತಿ ।
ದೇ॒ವಾ॒ಸು॒ರಾ-ಸ್ಸಂಯಁ॑ತ್ತಾ ಆಸನ್ನ್ । ತೇ ದೇ॒ವಾ ವಿ॑ಜ॒ಯಮು॑ಪ॒ಯನ್ತಃ॑ । ವಿ॒ಭ್ರಾಜಿ॑ ಸೌ॒ರ್ಯೇ ಬ್ರಹ್ಮ॒ ಸನ್ನ್ಯ॑ದಧತ । ಯ-ತ್ಕಿಞ್ಚ॑ ದಿವಾಕೀ॒ರ್ತ್ಯ᳚ಮ್ ।
ತದೇ॒ತೇನೈ॒ವ ವ್ರ॒ತೇನಾ॑ಗೋಪಾಯತ್ । ತಸ್ಮಾ॑ದೇ॒ತ-ದ್ವ್ರ॒ತ-ಞ್ಚಾ॒ರ್ಯ᳚ಮ್ । ತೇಜ॑ಸೋ ಗೋಪೀ॒ಥಾಯ॑ । ತಸ್ಮಾ॑ದೇ॒ತಾನಿ॒ ಯಜೂಗ್ಂ॑ಷಿ ವಿ॒ಭ್ರಾಜ॑-ಸ್ಸೌ॒ರ್ಯಸ್ಯೇತ್ಯಾ॑ಹುಃ ।
ಸ್ವಾಹಾ᳚ ತ್ವಾ॒ ಸೂರ್ಯ॑ಸ್ಯ ರ॒ಶ್ಮಿಭ್ಯ॒ ಇತಿ॑ ಪ್ರಾ॒ತ-ಸ್ಸಗ್ಂಸಾ॑ದಯತಿ । ಸ್ವಾಹಾ᳚ ತ್ವಾ॒ ನಖ್ಷ॑ತ್ರೇಭ್ಯ॒ ಇತಿ॑ ಸಾ॒ಯಮ್ ।
ಏ॒ತಾ ವಾ ಏ॒ತಸ್ಯ॑ ದೇ॒ವತಾಃ᳚ । ತಾಭಿ॑ರೇ॒ವೈನ॒ಗ್ಂ॒ ಸಮ॑ರ್ಧಯತಿ ॥ 82 ॥
(ಅ॒ಕ॒ - ರ॒ಶ್ವಿ॒ನೇತ್ಯಾ॑ಹ - ಪ್ರ॒ದಿಶೋ॑ ಗ॒ಚ್ಛೇತ್ಯಾ॑ಹ - ಪಿತೃ॒ಣಾ - ಮ॑ನ್ತಃ ಪರಿ॒ಧಿ ಪಿ॑ನ್ವಯತಿ - ಧಾರ॒ಯೇತ್ಯಾ॑ಹ॒ - ವಾಚೋ॑ - ಧರ್ಮ॒ಪಾ ಸ್ತೇಭ್ಯ॑ ಏ॒ವೈನ॑-ಞ್ಜುಹೋ - ತ್ಯ॒ನ್ವೀಖ್ಷೇ॑ತ - ಹೋತ॒ವ್ಯಾ (3) ಮಿ - ತ್ಯ॒ಗ್ರಾವಿತ್ಯಾ॑ಹ - ದಧತೇ - ಽಗೋಪಾಯ-ಥ್ಸ॒ಪ್ತ ಚ॑) (ಅ. 8)
ಅನುವಾಕಂ 9
ಘರ್ಮ॒ ಯಾ ತೇ॑ ದಿ॒ವಿ ಶುಗಿತಿ॑ ತಿ॒ಸ್ರ ಆಹು॑ತೀ-ರ್ಜುಹೋತಿ ।
ಛನ್ದೋ॑ಭಿರೇ॒ವಾಸ್ಯೈ॒ಭ್ಯೋ ಲೋ॒ಕೇಭ್ಯ॒-ಶ್ಶುಚ॒ಮವ॑ ಯಜತೇ । ಇಯ॒ತ್ಯಗ್ರೇ॑ ಜುಹೋತಿ । ಅಥೇಯ॒ತ್ಯಥೇಯ॑ತಿ । ತ್ರಯ॑ ಇ॒ಮೇ ಲೋ॒ಕಾಃ ।
ಏ॒ಭ್ಯ ಏ॒ವ ಲೋ॒ಕೇಭ್ಯ॒-ಶ್ಶುಚ॒ಮವ॑ ಯಜತೇ ।
ಅನು॑ ನೋ॒-ಽದ್ಯಾನು॑ಮತಿ॒ರಿತ್ಯಾ॒ಹಾನು॑ಮತ್ಯೈ । ದಿ॒ವಸ್ತ್ವಾ॑ ಪರ॒ಸ್ಪಾಯಾ॒ ಇತ್ಯಾ॑ಹ । ದಿ॒ವ ಏ॒ವೇಮಾನ್ ಁಲೋ॒ಕಾ-ನ್ದಾ॑ಧಾರ ।
ಬ್ರಹ್ಮ॑ಣಸ್ತ್ವಾ ಪರ॒ಸ್ಪಾಯಾ॒ ಇತ್ಯಾ॑ಹ ॥ 83 ॥
ಏ॒ಷ್ವೇ॑ವ ಲೋ॒ಕೇಷು॑ ಪ್ರ॒ಜಾ ದಾ॑ಧಾರ । ಪ್ರಾ॒ಣಸ್ಯ॑ ತ್ವಾ ಪರ॒ಸ್ಪಾಯಾ॒ ಇತ್ಯಾ॑ಹ । ಪ್ರ॒ಜಾಸ್ವೇ॒ವ ಪ್ರಾ॒ಣಾ-ನ್ದಾ॑ಧಾರ । ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ । ಯ-ತ್ಪ್ರ॑ವ॒ರ್ಗ್ಯಃ॑ । ಅ॒ಸೌ ಖಲು॒ ವಾ ಆ॑ದಿ॒ತ್ಯಃ ಪ್ರ॑ವ॒ರ್ಗ್ಯಃ॑ । ತಂ-ಯಁ-ದ್ದ॑ಖ್ಷಿ॒ಣಾ ಪ್ರ॒ತ್ಯಞ್ಚ॒-ಮುದ॑ಞ್ಚ-ಮುದ್ವಾ॒ಸಯೇ᳚ತ್ ।
ಜಿ॒ಹ್ಮಂ-ಯಁ॒ಜ್ಞಸ್ಯ॒ ಶಿರೋ॑ ಹರೇತ್ ।
ಪ್ರಾಞ್ಚ॒ಮುದ್ವಾ॑ಸಯತಿ । ಪು॒ರಸ್ತಾ॑ದೇ॒ವ ಯ॒ಜ್ಞಸ್ಯ॒ ಶಿರಃ॒ ಪ್ರತಿ॑ದಧಾತಿ ॥ 84 ॥
ಪ್ರಾಞ್ಚ॒ಮುದ್ವಾ॑ಸಯತಿ । ತಸ್ಮಾ॑ದ॒ಸಾವಾ॑ದಿ॒ತ್ಯಃ ಪು॒ರಸ್ತಾ॒ದುದೇ॑ತಿ । ಶ॒ಫೋ॒ಪ॒ಯ॒ಮಾನ್ಧ॒ವಿತ್ರಾ॑ಣಿ॒ ಧೃಷ್ಟೀ॒ ಇತ್ಯ॒ನ್ವವ॑ಹರನ್ತಿ ।
ಸಾತ್ಮಾ॑ನಮೇ॒ವೈನ॒ಗ್ಂ॒ ಸತ॑ನು-ಙ್ಕರೋತಿ । ಸಾತ್ಮಾ॒-ಽಮುಷ್ಮಿ॑ನ್ ಁಲೋ॒ಕೇ ಭ॑ವತಿ ।
ಯ ಏ॒ವಂ-ವೇಁದ॑ । ಔದು॑ಮ್ಬರಾಣಿ ಭವನ್ತಿ । ಊರ್ಗ್ವಾ ಉ॑ದು॒ಮ್ಬರಃ॑ । ಊರ್ಜ॑ಮೇ॒ವಾವ॑ರುನ್ಧೇ । ವರ್ತ್ಮ॑ನಾ॒ ವಾ ಅ॒ನ್ವಿತ್ಯ॑ ॥ 85 ॥
ಯ॒ಜ್ಞಗ್ಂ ರಖ್ಷಾಗ್ಂ॑ಸಿ ಜಿಘಾಗ್ಂಸನ್ತಿ । ಸಾಮ್ನಾ᳚ ಪ್ರಸ್ತೋ॒ತಾ-ಽನ್ವವೈ॑ತಿ । ಸಾಮ॒ ವೈ ರ॑ಖ್ಷೋ॒ಹಾ । ರಖ್ಷ॑ಸಾ॒ಮಪ॑ಹತ್ಯೈ । ತ್ರಿರ್ನಿ॒ಧನ॒ಮುಪೈ॑ತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಭ್ಯ ಏ॒ವ ಲೋ॒ಕೇಭ್ಯೋ॒ ರಖ್ಷಾ॒ಗ್॒ಸ್ಯಪ॑ಹನ್ತಿ । ಪುರು॑ಷಃಪುರುಷೋ ನಿ॒ಧನ॒ಮುಪೈ॑ತಿ । ಪುರು॑ಷಃಪುರುಷೋ॒ ಹಿ ರ॑ಖ್ಷ॒ಸ್ವೀ । ರಖ್ಷ॑ಸಾ॒ಮಪ॑ಹತ್ಯೈ ॥ 86 ॥
ಯ-ತ್ಪೃ॑ಥಿ॒ವ್ಯಾಮು॑ದ್ವಾ॒ಸಯೇ᳚ತ್ । ಪೃ॒ಥಿ॒ವೀಗ್ಂ ಶು॒ಚಾ-ಽರ್ಪ॑ಯೇತ್ । ಯದ॒ಫ್ಸು । ಅ॒ಪ-ಶ್ಶು॒ಚಾರ್ಪ॑ಯೇತ್ । ಯದೋಷ॑ಧೀಷು । ಓಷ॑ಧೀ-ಶ್ಶು॒ಚಾ-ಽರ್ಪ॑ಯೇತ್ ।
ಯ-ದ್ವನ॒ಸ್ಪತಿ॑ಷು । ವನ॒ಸ್ಪತೀ᳚ಞ್ಛು॒ಚಾ-ಽರ್ಪ॑ಯೇತ್ । ಹಿರ॑ಣ್ಯನ್ನಿ॒ಧಾಯೋದ್ವಾ॑ಸಯತಿ ।
ಅ॒ಮೃತಂ॒-ವೈಁ ಹಿರ॑ಣ್ಯಮ್ ॥ 87 ॥
ಅ॒ಮೃತ॑ ಏ॒ವೈನ॒-ಮ್ಪ್ರತಿ॑ಷ್ಠಾಪಯತಿ ।
ವ॒ಲ್ಗುರ॑ಸಿ ಶಂ॒-ಯುಁಧಾ॑ಯಾ॒ ಇತಿ॒ ತ್ರಿಃ ಪ॑ರಿಷಿ॒ಞ್ಚನ್ಪರ್ಯೇ॑ತಿ । ತ್ರಿ॒ವೃದ್ವಾ ಅ॒ಗ್ನಿಃ । ಯಾವಾ॑ನೇ॒ವಾಗ್ನಿಃ । ತಸ್ಯ॒ ಶುಚಗ್ಂ॑ ಶಮಯತಿ । ತ್ರಿಃ ಪುನಃ॒ ಪರ್ಯೇ॑ತಿ । ಷಟ್-ಥ್ಸಮ್ಪ॑ದ್ಯನ್ತೇ । ಷಡ್ವಾ ಋ॒ತವಃ॑ । ಋ॒ತುಭಿ॑ರೇ॒ವಾಸ್ಯ॒ ಶುಚಗ್ಂ॑ ಶಮಯತಿ । ಚತು॑-ಸ್ಸ್ರಕ್ತಿ॒ರ್ನಾಭಿ॑ರ್-ಋ॒ತಸ್ಯೇತ್ಯಾ॑ಹ ॥ 88 ॥
ಇ॒ಯಂ-ವಾಁ ಋ॒ತಮ್ । ತಸ್ಯಾ॑ ಏ॒ಷ ಏ॒ವ ನಾಭಿಃ॑ । ಯ-ತ್ಪ್ರ॑ವ॒ರ್ಗ್ಯಃ॑ । ತಸ್ಮಾ॑ದೇ॒ವಮಾ॑ಹ । ಸದೋ॑ ವಿ॒ಶ್ವಾಯು॒ರಿತ್ಯಾ॑ಹ । ಸದೋ॒ ಹೀಯಮ್ । ಅಪ॒ ದ್ವೇಷೋ॒ ಅಪ॒ ಹ್ವರ॒ ಇತ್ಯಾ॑ಹ॒ ಭ್ರಾತೃ॑ವ್ಯಾಪನುತ್ತ್ಯೈ । ಘರ್ಮೈ॒ತತ್ತೇ-ಽನ್ನ॑ಮೇ॒ತ-ತ್ಪುರೀ॑ಷ॒ಮಿತಿ॑ ದ॒ದ್ಧ್ನಾ ಮ॑ಧುಮಿ॒ಶ್ರೇಣ॑ ಪೂರಯತಿ ।
ಊರ್ಗ್ವಾ ಅ॒ನ್ನಾದ್ಯ॒ನ್ದಧಿ॑ । ಊ॒ರ್ಜೈವೈನ॑ಮ॒ನ್ನಾದ್ಯೇ॑ನ॒ ಸಮ॑ರ್ಧಯತಿ ॥ 89 ॥
ಅನ॑ಶನಾಯುಕೋ ಭವತಿ । ಯ ಏ॒ವಂ-ವೇಁದ॑ ।
ರನ್ತಿ॒ರ್ನಾಮಾ॑ಸಿ ದಿ॒ವ್ಯೋ ಗ॑ನ್ಧ॒ರ್ವ ಇತ್ಯಾ॑ಹ ।
ರೂ॒ಪಮೇ॒ವಾಸ್ಯೈ॒-ತ-ನ್ಮ॑ಹಿ॒ಮಾನ॒ಗ್ಂ॒ ರನ್ತಿ॑-ಮ್ಬ॒ನ್ಧುತಾಂ॒-ವ್ಯಾಁಚ॑ಷ್ಟೇ । ಸಮ॒ಹಮಾಯು॑ಷಾ॒ ಸ-ಮ್ಪ್ರಾ॒ಣೇನೇತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ವ್ಯ॑ಸೌ ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯಞ್ಚ॑ ವ॒ಯ-ನ್ದ್ವಿ॒ಷ್ಮ ಇತ್ಯಾ॑ಹ । ಅ॒ಭಿ॒ಚಾ॒ರ ಏ॒ವಾಸ್ಯೈ॒ಷಃ । ಅಚಿ॑ಕ್ರದ॒-ದ್ವೃಷಾ॒ ಹರಿ॒ರಿತ್ಯಾ॑ಹ । ವೃಷಾ॒ ಹ್ಯೇ॑ಷಃ ॥ 90 ॥
ವೃಷಾ॒ ಹರಿಃ॑ । ಮ॒ಹಾ-ನ್ಮಿ॒ತ್ರೋ ನ ದ॑ರ್ಶ॒ತ ಇತ್ಯಾ॑ಹ । ಸ್ತೌತ್ಯೇ॒ವೈನ॑ಮೇ॒ತತ್ । ಚಿದ॑ಸಿ ಸಮು॒ದ್ರಯೋ॑ನಿ॒ರಿತ್ಯಾ॑ಹ । ಸ್ವಾಮೇ॒ವೈನಂ॒-ಯೋಁನಿ॑ಙ್ಗಮಯತಿ ।
ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿಗ್ಂಸೀ॒ರಿತ್ಯಾ॒ಹಾಹಿಗ್ಂ॑ಸಾಯೈ ।
ವಿ॒ಶ್ವಾವ॑ಸುಗ್ಂ ಸೋಮಗನ್ಧ॒ರ್ವಮಿತ್ಯಾ॑ಹ । ಯದೇ॒ವಾಸ್ಯ॑ ಕ್ರಿ॒ಯಮಾ॑ಣಸ್ಯಾನ್ತ॒ರ್ಯನ್ತಿ॑ । ತದೇ॒ವಾಸ್ಯೈ॒ತೇನಾ ಪ್ಯಾ॑ಯಯತಿ ।
ವಿ॒ಶ್ವಾವ॑ಸುರ॒ಭಿ ತನ್ನೋ॑ ಗೃಣಾ॒ತ್ವಿತ್ಯಾ॑ಹ ॥ 91 ॥
ಪೂರ್ವ॑ಮೇ॒ವೋದಿ॒ತಮ್ । ಉತ್ತ॑ರೇಣಾ॒ಭಿಗೃ॑ಣಾತಿ ।
ಧಿಯೋ॑ ಹಿನ್ವಾ॒ನೋ ಧಿಯ॒ ಇನ್ನೋ॑ ಅವ್ಯಾ॒ದಿತ್ಯಾ॑ಹ । ಋ॒ತೂನೇ॒ವಾಸ್ಮೈ॑ ಕಲ್ಪಯತಿ । ಪ್ರಾಸಾ᳚-ಙ್ಗನ್ಧ॒ರ್ವೋ ಅ॒ಮೃತಾ॑ನಿ ವೋಚ॒ದಿತ್ಯಾ॑ಹ । ಪ್ರಾ॒ಣಾ ವಾ ಅ॒ಮೃತಾಃ᳚ ।
ಪ್ರಾ॒ಣಾನೇ॒ವಾಸ್ಮೈ॑ ಕಲ್ಪಯತಿ । ಏ॒ತತ್ತ್ವನ್ದೇ॑ವ ಘರ್ಮ ದೇ॒ವೋ ದೇ॒ವಾನುಪಾ॑ಗಾ॒ ಇತ್ಯಾ॑ಹ । ದೇ॒ವೋ ಹ್ಯೇ॑ಷ ಸನ್ದೇ॒ವಾನು॒ಪೈತಿ॑ । ಇ॒ದಮ॒ಹ-ಮ್ಮ॑ನು॒ಷ್ಯೋ॑ ಮನು॒ಷ್ಯಾ॑ನಿತ್ಯಾ॑ಹ ॥ 92 ॥
ಮ॒ನು॒ಷ್ಯೋ॑ ಹಿ । ಏ॒ಷ ಸ-ನ್ಮ॑ನು॒ಷ್ಯಾ॑ನು॒ಪೈತಿ॑ ।
ಈ॒ಶ್ವ॒ರೋ ವೈ ಪ್ರ॑ವ॒ರ್ಗ್ಯ॑ಮುದ್ವಾ॒ಸಯನ್ನ್॑ । ಪ್ರ॒ಜಾ-ಮ್ಪ॒ಶೂನ್-ಥ್ಸೋ॑ಮಪೀ॒ಥಮ॑ನೂ॒ದ್ವಾಸ॒-ಸ್ಸೋಮ॑ಪೀ॒ಥಾನು॒ಮೇಹಿ॑ । ಸ॒ಹ ಪ್ರ॒ಜಯಾ॑ ಸ॒ಹ ರಾ॒ಯಸ್ಪೋಷೇ॒ಣೇತ್ಯಾ॑ಹ । ಪ್ರ॒ಜಾಮೇ॒ವ ಪ॒ಶೂನ್-ಥ್ಸೋ॑ಮಪೀ॒ಥಮಾ॒ತ್ಮ-ನ್ಧ॑ತ್ತೇ । ಸು॒ಮಿ॒ತ್ರಾ ನ॒ ಆಪ॒ ಓಷ॑ಧಯ-ಸ್ಸ॒ನ್ತ್ವಿತ್ಯಾ॑ಹ । ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ।
ದು॒ರ್ಮಿ॒ತ್ರಾಸ್ತಸ್ಮೈ॑ ಭೂಯಾಸು॒-ರ್ಯೋ᳚-ಽಸ್ಮಾನ್-ದ್ವೇಷ್ಟಿ॒ ಯಞ್ಚ॑ ವ॒ಯ-ನ್ದ್ವಿ॒ಷ್ಮ ಇತ್ಯಾ॑ಹ । ಅ॒ಭಿ॒ಚಾ॒ರ ಏ॒ವಾಸ್ಯೈ॒ಷಃ । ಪ್ರ ವಾ ಏ॒ಷೋ᳚-ಽಸ್ಮಾ-ಲ್ಲೋ॒ಕಾಚ್ಚ್ಯ॑ವತೇ ।
ಯಃ ಪ್ರ॑ವ॒ರ್ಗ್ಯ॑ಮುದ್ವಾ॒ಸಯ॑ತಿ । ಉದು॒ ತ್ಯ-ಞ್ಚಿ॒ತ್ರಮಿತಿ॑ ಸೌ॒ರೀಭ್ಯಾ॑ಮೃ॒ಗ್ಭ್ಯಾ-ಮ್ಪುನ॒ರೇತ್ಯ॒ ಗಾರ್ಹ॑ಪತ್ಯೇ ಜುಹೋತಿ ।
ಅ॒ಯಮ್ ಁವೈ ಲೋ॒ಕೋ ಗಾರ್ಹ॑ಪತ್ಯಃ । ಅ॒ಸ್ಮಿನ್ನೇ॒ವ ಲೋ॒ಕೇ ಪ್ರತಿ॑ತಿಷ್ಠತಿ ।
ಅ॒ಸೌ ಖಲು॒ ವಾ ಆ॑ದಿ॒ತ್ಯ-ಸ್ಸು॑ವ॒ರ್ಗೋ ಲೋ॒ಕಃ ।
ಯ-ಥ್ಸೌ॒ರೀ ಭವ॑ತಃ । ತೇನೈ॒ವ ಸು॑ವ॒ರ್ಗಾ-ಲ್ಲೋ॒ಕಾನ್ನೈತಿ॑ ॥ 93 ॥
(ಬ್ರಹ್ಮ॑ಣಸ್ತ್ವಾ ಪರ॒ಸ್ಪಾಯಾ॒ ಇತ್ಯಾ॑ಹ - ದಧಾ - ತ್ಯ॒ನ್ವಿತ್ಯ॑ - ರಖ್ಷ॒ಸ್ವೀ ರಖ್ಷ॑ಸಾ॒ಮಪ॑ಹತ್ಯೈ॒ - ವೈ ಹಿರ॑ಣ್ಯ - ಮಾಹಾ - ರ್ಧಯತಿ॒ - ಹ್ಯೇ॑ಷ - ಗೃ॑ಣಾ॒ತ್ವಿತ್ಯಾ॑ಹ - ಮನು॒ಷ್ಯಾ॑ನಿತ್ಯಾ॑ಹಾ - ಸ್ಯೈ॒ಷೋ᳚ ಽಷ್ಟೌ ಚ॑) (ಅ. 9)
ಅನುವಾಕಂ 10
ಪ್ರ॒ಜಾಪ॑ತಿಂ॒-ವೈಁ ದೇ॒ವಾ-ಶ್ಶು॒ಕ್ರ-ಮ್ಪಯೋ॑-ಽದುಹ್ರನ್ನ್ । ತದೇ᳚ಭ್ಯೋ॒ ನ ವ್ಯ॑ಭವತ್ । ತದ॒ಗ್ನಿರ್ವ್ಯ॑ಕರೋತ್ । ತಾನಿ॒ ಶುಕ್ರಿ॑ಯಾಣಿ॒ ಸಾಮಾ᳚ನ್ಯಭವನ್ನ್ । ತೇಷಾಂ॒-ಯೋಁ ರಸೋ॒-ಽತ್ಯಖ್ಷ॑ರತ್ । ತಾನಿ॑ ಶುಕ್ರಯ॒ಜೂಗ್ಷ್ಯ॑ಭವನ್ನ್ ।
ಶುಕ್ರಿ॑ಯಾಣಾಂ॒-ವಾಁ ಏ॒ತಾನಿ॒ ಶುಕ್ರಿ॑ಯಾಣಿ । ಸಾ॒ಮ॒ಪ॒ಯ॒ಸಂವಾಁ ಏ॒ತಯೋ॑ರ॒ನ್ಯತ್ ।
ದೇ॒ವಾನಾ॑ಮ॒ನ್ಯತ್ಪಯಃ॑ । ಯದ್ಗೋಃ ಪಯಃ॑ ॥ 94 ॥
ತ-ಥ್ಸಾಮ್ನಃ॒ ಪಯಃ॑ । ಯದ॒ಜಾಯೈ॒ ಪಯಃ॑ । ತ-ದ್ದೇ॒ವಾನಾ॒-ಮ್ಪಯಃ॑ । ತಸ್ಮಾ॒-ದ್ಯತ್ರೈ॒ತೈ-ರ್ಯಜು॑ರ್ಭಿ॒ಶ್ಚರ॑ನ್ತಿ । ತ-ತ್ಪಯ॑ಸಾ ಚರನ್ತಿ । ಪ್ರ॒ಜಾಪ॑ತಿಮೇ॒ವ ತ-ದ್ದೇ॒ವಾನ್ಪಯ॑ಸಾ॒-ಽನ್ನಾದ್ಯೇ॑ನ॒ ಸಮ॑ರ್ಧಯನ್ತಿ । ಏ॒ಷ ಹ॒ ತ್ವೈ ಸಾ॒ಖ್ಷಾ-ತ್ಪ್ರ॑ವ॒ರ್ಗ್ಯ॑-ಮ್ಭಖ್ಷಯತಿ । ಯಸ್ಯೈ॒ವಂ-ವಿಁ॒ದುಷಃ॑ ಪ್ರವ॒ರ್ಗ್ಯಃ॑ ಪ್ರವೃ॒ಜ್ಯತೇ᳚ । ಉ॒ತ್ತ॒ರ॒ವೇ॒ದ್ಯಾ-ಮುದ್ವಾ॑ಸಯೇ॒ತ್-ತೇಜ॑ಸ್ಕಾಮಸ್ಯ । ತೇಜೋ॒ ವಾ ಉ॑ತ್ತರವೇ॒ದಿಃ ॥ 95 ॥
ತೇಜಃ॑ ಪ್ರವ॒ರ್ಗ್ಯಃ॑ । ತೇಜ॑ಸೈ॒ವ ತೇಜ॒-ಸ್ಸಮ॑ರ್ಧಯತಿ ।
ಉ॒ತ್ತ॒ರ॒ವೇ॒ದ್ಯಾ-ಮುದ್ವಾ॑ಸಯೇ॒-ದನ್ನ॑ಕಾಮಸ್ಯ । ಶಿರೋ॒ ವಾ ಏ॒ತ-ದ್ಯ॒ಜ್ಞಸ್ಯ॑ । ಯ-ತ್ಪ್ರ॑ವ॒ರ್ಗ್ಯಃ॑ । ಮುಖ॑ಮುತ್ತರವೇ॒ದಿಃ ।
ಶೀ॒ರ್ಷ್ಣೈವ ಮುಖ॒ಗ್ಂ॒ ಸನ್ದ॑ಧಾತ್ಯ॒ನ್ನಾದ್ಯಾ॑ಯ । ಅ॒ನ್ನಾ॒ದ ಏ॒ವ ಭ॑ವತಿ । ಯತ್ರ॒ ಖಲು॒ ವಾ ಏ॒ತಮುದ್ವಾ॑ಸಿತಂ॒-ವಁಯಾಗ್ಂ॑ಸಿ ಪ॒ರ್ಯಾಸ॑ತೇ । ಪರಿ॒ ವೈ ತಾಗ್ಂ ಸಮಾ᳚-ಮ್ಪ್ರ॒ಜಾ ವಯಾಗ್॑ಸ್ಯಾಸತೇ ॥ 96 ॥
ತಸ್ಮಾ॑-ದುತ್ತರವೇ॒ದ್ಯಾ-ಮೇ॒ವೋದ್ವಾ॑ಸಯೇತ್ । ಪ್ರ॒ಜಾನಾ᳚-ಙ್ಗೋಪೀ॒ಥಾಯ॑ । ಪು॒ರೋ ವಾ॑ ಪ॒ಶ್ಚಾದ್ವೋದ್ವಾ॑ಸಯೇತ್ । ಪು॒ರಸ್ತಾ॒ದ್ವಾ ಏ॒ತಜ್ಜ್ಯೋತಿ॒ರುದೇ॑ತಿ । ತ-ತ್ಪ॒ಶ್ಚಾನ್ನಿಮ್ರೋ॑ಚತಿ । ಸ್ವಾಮೇ॒ವೈನ॒ಮ್ ಁಯೋನಿ॒ಮನೂದ್ವಾ॑ಸಯತಿ ।
ಅ॒ಪಾ-ಮ್ಮದ್ಧ್ಯ॒ ಉದ್ವಾ॑ಸಯೇತ್ । ಅ॒ಪಾಂ-ವಾಁ ಏ॒ತನ್ಮದ್ಧ್ಯಾ॒-ಜ್ಜ್ಯೋತಿ॑ರಜಾಯತ । ಜ್ಯೋತಿಃ॑ ಪ್ರವ॒ರ್ಗ್ಯಃ॑ । ಸ್ವ ಏ॒ವೈನಂ॒-ಯೋಁನೌ॒ ಪ್ರತಿ॑ಷ್ಠಾಪಯತಿ ॥ 97 ॥
ಯ-ನ್ದ್ವಿ॒ಷ್ಯಾತ್ । ಯತ್ರ॒ ಸ ಸ್ಯಾತ್ । ತಸ್ಯಾ᳚-ನ್ದಿ॒ಶ್ಯುದ್ವಾ॑ಸಯೇತ್ ।
ಏ॒ಷ ವಾ ಅ॒ಗ್ನಿ-ರ್ವೈ᳚ಶ್ವಾನ॒ರಃ । ಯತ್-ಪ್ರ॑ವ॒ರ್ಗ್ಯಃ॑ ।
ಅ॒ಗ್ನಿನೈ॒ವೈನಂ॑-ವೈಁಶ್ವಾನ॒ರೇಣಾ॒ಭಿ ಪ್ರವ॑ರ್ತಯತಿ ।
ಔದು॑ಮ್ಬರ್ಯಾ॒ಗ್ಂ॒ ಶಾಖಾ॑ಯಾ॒ಮುದ್ವಾ॑ಸಯೇತ್ ।
ಊರ್ಗ್ವಾ ಉ॑ದು॒ಮ್ಬರಃ॑ । ಅನ್ನ॑-ಮ್ಪ್ರಾ॒ಣಃ । ಶುಗ್ಘ॒ರ್ಮಃ ॥ 98 ॥
ಇ॒ದಮ॒ಹ-ಮ॒ಮುಷ್ಯಾ॑ಮುಷ್ಯಾಯ॒ಣಸ್ಯ॑ ಶು॒ಚಾ ಪ್ರಾ॒ಣಮಪಿ॑ ದಹಾ॒ಮೀತ್ಯಾ॑ಹ । ಶು॒ಚೈವಾಸ್ಯ॑ ಪ್ರಾ॒ಣಮಪಿ॑ ದಹತಿ । ತಾ॒ಜಗಾರ್ತಿ॒ಮಾರ್ಚ್ಛ॑ತಿ । ಯತ್ರ॑ ದ॒ರ್ಭಾ ಉ॑ಪ॒ದೀಕ॑ಸನ್ತತಾ॒-ಸ್ಸ್ಯುಃ । ತದುದ್ವಾ॑ಸಯೇ॒-ದ್ವೃಷ್ಟಿ॑ಕಾಮಸ್ಯ । ಏ॒ತಾ ವಾ ಅ॒ಪಾಮ॑ನೂ॒ಜ್ಝಾವ॑ರ್ಯೋ॒ ನಾಮ॑ ।
ಯ-ದ್ದ॒ರ್ಭಾಃ । ಅ॒ಸೌ ಖಲು॒ ವಾ ಆ॑ದಿ॒ತ್ಯ ಇ॒ತೋ ವೃಷ್ಟಿ॒ಮುದೀ॑ರಯತಿ । ಅ॒ಸಾವೇ॒ವಾಸ್ಮಾ॑ ಆದಿ॒ತ್ಯೋ ವೃಷ್ಟಿ॒ನ್ನಿಯ॑ಚ್ಛತಿ । ತಾ ಆಪೋ॒ ನಿಯ॑ತಾ॒ ಧನ್ವ॑ನಾ ಯನ್ತಿ ॥ 99 ॥
(ಗೋಃ ಪಯ॑ - ಉತ್ತರವೇ॒ದಿ - ರಾ॑ಸತೇ - ಸ್ಥಾಪಯತಿ - ಘ॒ರ್ಮೋ - ಯ॑ನ್ತಿ) (ಅ. 10)
ಅನುವಾಕಂ 11
ಪ್ರ॒ಜಾಪ॑ತಿ-ಸ್ಸಮ್ಭ್ರಿ॒ಯಮಾ॑ಣಃ । ಸ॒ಮ್ರಾಟ್-ಥ್ಸಮ್ಭೃ॑ತಃ । ಘ॒ರ್ಮಃ ಪ್ರವೃ॑ಕ್ತಃ । ಮ॒ಹಾ॒ವೀ॒ರ ಉದ್ವಾ॑ಸಿತಃ । ಅ॒ಸೌ ಖಲು॒ ವಾವೈಷ ಆ॑ದಿ॒ತ್ಯಃ । ಯ-ತ್ಪ್ರ॑ವ॒ರ್ಗ್ಯಃ॑ ।
ಸ ಏ॒ತಾನಿ॒ ನಾಮಾ᳚ನ್ಯಕುರುತ । ಯ ಏ॒ವಂ-ವೇಁದ॑ । ವಿ॒ದುರೇ॑ನ॒ನ್ನಾಮ್ನಾ᳚ । ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ ॥ 100 ॥
ಯೋ ವೈ ವಸೀ॑ಯಾಗ್ಂ ಸಂಯಁಥಾನಾ॒ಮಮು॑ಪ॒ಚರ॑ತಿ ।
ಪುಣ್ಯಾ᳚ರ್ತಿಂ॒-ವೈಁ ಸ ತಸ್ಮೈ॑ ಕಾಮಯತೇ । ಪುಣ್ಯಾ᳚ರ್ತಿಮಸ್ಮೈ ಕಾಮಯನ್ತೇ । ಯ ಏ॒ವಂ-ವೇಁದ॑ । ತಸ್ಮಾ॑ದೇ॒ವಂ-ವಿಁ॒ದ್ವಾನ್ । ಘ॒ರ್ಮ ಇತಿ॒ ದಿವಾ-ಽಽಚ॑ಖ್ಷೀತ । ಸ॒ಮ್ರಾಡಿತಿ॒ ನಕ್ತ᳚ಮ್ । ಏ॒ತೇ ವಾ ಏ॒ತಸ್ಯ॑ ಪ್ರಿ॒ಯೇ ತ॒ನುವೌ᳚ । ಏ॒ತೇ ಅ॑ಸ್ಯ ಪ್ರಿ॒ಯೇ ನಾಮ॑ನೀ । ಪ್ರಿ॒ಯಯೈ॒ವೈನ॑-ನ್ತ॒ನುವಾ᳚ ॥ 101 ॥
ಪ್ರಿ॒ಯೇಣ॒ ನಾಮ್ನಾ॒ ಸಮ॑ರ್ಧಯತಿ । ಕೀ॒ರ್ತಿರ॑ಸ್ಯ॒ ಪೂರ್ವಾ ಗ॑ಚ್ಛತಿ ಜ॒ನತಾ॑ಮಾಯ॒ತಃ । ಗಾ॒ಯ॒ತ್ರೀ ದೇ॒ವೇಭ್ಯೋ-ಽಪಾ᳚ಕ್ರಾಮತ್ । ತಾನ್ದೇ॒ವಾಃ ಪ್ರ॑ವ॒ರ್ಗ್ಯೇ॑ಣೈ॒ವಾನು॒ ವ್ಯ॑ಭವನ್ನ್ ।
ಪ್ರ॒ವ॒ರ್ಗ್ಯೇ॑ಣಾಪ್ನುವನ್ನ್ । ಯಚ್ಚ॑ತುರ್ವಿಗ್ಂಶತಿಃ॒ ಕೃತ್ವಃ॑ ಪ್ರವ॒ರ್ಗ್ಯ॑-ಮ್ಪ್ರವೃ॒ಣಕ್ತಿ॑ । ಗಾ॒ಯ॒ತ್ರೀಮೇ॒ವ ತದನು॒ ವಿಭ॑ವತಿ । ಗಾ॒ಯ॒ತ್ರೀಮಾ᳚ಪ್ನೋತಿ । ಪೂರ್ವಾ᳚-ಽಸ್ಯ॒ ಜನಂ॑-ಯಁ॒ತಃ ಕೀ॒ರ್ತಿರ್ಗ॑ಚ್ಛತಿ । ವೈ॒ಶ್ವ॒ದೇ॒ವ-ಸ್ಸಗ್ಂಸ॑ನ್ನಃ ॥ 102 ॥
ವಸ॑ವಃ॒ ಪ್ರವೃ॑ಕ್ತಃ । ಸೋಮೋ॑-ಽಭಿಕೀ॒ರ್ಯಮಾ॑ಣಃ । ಆ॒ಶ್ವಿ॒ನಃ ಪಯ॑ಸ್ಯಾನೀ॒ಯಮಾ॑ನೇ ।
ಮಾರು॒ತಃ ಕ್ವಥನ್ನ್॑ । ಪೌ॒ಷ್ಣ ಉದ॑ನ್ತಃ । ಸಾ॒ರ॒ಸ್ವ॒ತೋ ವಿ॒ಷ್ಯನ್ದ॑ಮಾನಃ । ಮೈ॒ತ್ರ-ಶ್ಶರೋ॑ ಗೃಹೀತಃ । ತೇಜ॒ ಉದ್ಯ॑ತೋ ವಾ॒ಯುಃ । ಹ್ರಿ॒ಯಮಾ॑ಣಃ ಪ್ರ॒ಜಾಪ॑ತಿಃ ।
ಹೂ॒ಯಮಾ॑ನೋ॒ ವಾಘು॒ತಃ ॥ 103 ॥
ಅ॒ಸೌ ಖಲು॒ ವಾವೈಷ ಆ॑ದಿ॒ತ್ಯಃ । ಯ-ತ್ಪ್ರ॑ವ॒ರ್ಗ್ಯಃ॑ ।
ಸ ಏ॒ತಾನಿ॒ ನಾಮಾ᳚ನ್ಯಕುರುತ । ಯ ಏ॒ವಂ-ವೇಁದ॑ । ವಿ॒ದುರೇ॑ನ॒ನ್ನಾಮ್ನಾ᳚ । ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ ।
ಯನ್ಮೃ॒ನ್ಮಯ॒-ಮಾಹು॑ತಿ॒ನ್ನಾಶ್ಞು॒ತೇ-ಽಥ॑ । ಕಸ್ಮಾ॑ದೇ॒ಷೋ᳚-ಽಶ್ಞುತ॒ ಇತಿ॑ । ವಾಗೇ॒ಷ ಇತಿ॑ ಬ್ರೂಯಾತ್ । ವಾ॒ಚ್ಯೇ॑ವ ವಾಚ॑-ನ್ದಧಾತಿ ॥ 104 ॥
ತಸ್ಮಾ॑ದಶ್ಞುತೇ । ಪ್ರ॒ಜಾಪ॑ತಿ॒ರ್ವಾ ಏ॒ಷ ದ್ವಾ॑ದಶ॒ಧಾ ವಿಹಿ॑ತಃ । ಯ-ತ್ಪ್ರ॑ವ॒ರ್ಗ್ಯಃ॑ । ಯ-ತ್ಪ್ರಾಗ॑ವಕಾ॒ಶೇಭ್ಯಃ॑ । ತೇನ॑ ಪ್ರ॒ಜಾ ಅ॑ಸೃಜತ । ಅ॒ವ॒ಕಾ॒ಶೈ-ರ್ದೇ॑ವಾಸು॒ರಾನ॑ಸೃಜತ । ಯದೂ॒ರ್ಧ್ವಮ॑ವಕಾ॒ಶೇಭ್ಯಃ॑ ।
ತೇನಾನ್ನ॑ಮಸೃಜತ । ಅನ್ನ॑-ಮ್ಪ್ರ॒ಜಾಪ॑ತಿಃ । ಪ್ರ॒ಜಾಪ॑ತಿ॒ರ್ವಾವೈಷಃ ॥ 105 ॥
(ವ॒ದ॒ನ್ತಿ॒ - ತ॒ನುವಾ॒ - ಸಗ್ಂಸ॑ನ್ನೋ - ಹೂ॒ಯಮಾ॑ನೋ॒ ವಾಘು॒ತೋ - ದ॑ಧಾ - ತ್ಯೇ॒ಷಃ) (ಅ. 11)
ಅನುವಾಕಂ 12
ಸ॒ವಿ॒ತಾ ಭೂ॒ತ್ವಾ ಪ್ರ॑ಥ॒ಮೇ-ಽಹ॒-ನ್ಪ್ರವೃ॑ಜ್ಯತೇ । ತೇನ॒ ಕಾಮಾಗ್ಂ॑ ಏತಿ । ಯ-ದ್ದ್ವಿ॒ತೀಯೇ-ಽಹ॑ನ್-ಪ್ರವೃ॒ಜ್ಯತೇ᳚ । ಅ॒ಗ್ನಿ-ರ್ಭೂ॒ತ್ವಾ ದೇ॒ವಾನೇ॑ತಿ । ಯತ್-ತೃ॒ತೀಯೇ-ಽಹ॑ನ್-ಪ್ರವೃ॒ಜ್ಯತೇ᳚ । ವಾ॒ಯು-ರ್ಭೂ॒ತ್ವಾ ಪ್ರಾ॒ಣಾನೇ॑ತಿ ।
ಯಚ್ಚ॑ತು॒ರ್ಥೇ-ಽಹ॑ನ್-ಪ್ರವೃ॒ಜ್ಯತೇ᳚ । ಆ॒ದಿ॒ತ್ಯೋ ಭೂ॒ತ್ವಾ ರ॒ಶ್ಮೀನೇ॑ತಿ । ಯ-ತ್ಪ॑ಞ್ಚ॒ಮೇ-ಽಹ॑ನ್-ಪ್ರವೃ॒ಜ್ಯತೇ᳚ । ಚ॒ನ್ದ್ರಮಾ॑ ಭೂ॒ತ್ವಾ ನಖ್ಷ॑ತ್ರಾಣ್ಯೇತಿ ॥ 106 ॥
ಯ-ಥ್ಷ॒ಷ್ಠೇ-ಽಹ॑ನ್-ಪ್ರವೃ॒ಜ್ಯತೇ᳚ । ಋ॒ತು-ರ್ಭೂ॒ತ್ವಾ ಸಂ॑ವಁಥ್ಸ॒ರಮೇ॑ತಿ । ಯ-ಥ್ಸ॑ಪ್ತ॒ಮೇ-ಽಹ॑ನ್-ಪ್ರವೃ॒ಜ್ಯತೇ᳚ । ಧಾ॒ತಾ ಭೂ॒ತ್ವಾ ಶಕ್ವ॑ರೀಮೇತಿ । ಯದ॑ಷ್ಟ॒ಮೇ-ಽಹ॑ನ್-ಪ್ರವೃ॒ಜ್ಯತೇ᳚ । ಬೃಹ॒ಸ್ಪತಿ॑-ರ್ಭೂ॒ತ್ವಾ ಗಾ॑ಯ॒ತ್ರೀಮೇ॑ತಿ ।
ಯ-ನ್ನ॑ವ॒ಮೇ-ಽಹ॑ನ್-ಪ್ರವೃ॒ಜ್ಯತೇ᳚ । ಮಿ॒ತ್ರೋ ಭೂ॒ತ್ವಾ ತ್ರಿ॒ವೃತ॑ ಇ॒ಮಾನ್ ಁಲೋ॒ಕಾನೇ॑ತಿ । ಯ-ದ್ದ॑ಶ॒ಮೇ-ಽಹ॑ನ್-ಪ್ರವೃ॒ಜ್ಯತೇ᳚ । ವರು॑ಣೋ ಭೂ॒ತ್ವಾ ವಿ॒ರಾಜ॑ಮೇತಿ ॥ 107 ॥
ಯದೇ॑ಕಾದ॒ಶೇ-ಽಹ॑ನ್-ಪ್ರವೃ॒ಜ್ಯತೇ᳚ । ಇನ್ದ್ರೋ॑ ಭೂ॒ತ್ವಾ ತ್ರಿ॒ಷ್ಟುಭ॑ಮೇತಿ । ಯ-ದ್ದ್ವಾ॑ದ॒ಶೇ-ಽಹ॑ನ್-ಪ್ರವೃ॒ಜ್ಯತೇ᳚ । ಸೋಮೋ॑ ಭೂ॒ತ್ವಾ ಸು॒ತ್ಯಾಮೇ॑ತಿ । ಯತ್-ಪು॒ರಸ್ತಾ॑ದುಪ॒ಸದಾ᳚-ಮ್ಪ್ರವೃ॒ಜ್ಯತೇ᳚ । ತಸ್ಮಾ॑ದಿ॒ತಃ ಪರಾಂ॑ಅ॒ಮೂಂ-ಲೋಁ॒ಕಾಗ್ಸ್ತಪ॑ನ್ನೇತಿ । ಯದು॒ಪರಿ॑ಷ್ಟಾ-ದುಪ॒ಸದಾ᳚-ಮ್ಪ್ರವೃ॒ಜ್ಯತೇ᳚ । ತಸ್ಮಾ॑ದ॒ಮುತೋ॒-ಽರ್ವಾಂಇ॒ಮಾಂ-ಲೋಁ॒ಕಾಗ್ಸ್ತಪ॑ನ್ನೇತಿ । ಯ ಏ॒ವಂ-ವೇಁದ॑ ।
ಐವ ತ॑ಪತಿ ॥ 108 ॥
(ನಖ್ಷ॑ತ್ರಾಣ್ಯೇತಿ - ವಿ॒ರಾಜ॑ಮೇತಿ - ತಪತಿ) (ಅ. 12)
ದೇ॒ವಾ ವೈ ಸ॒ತ್ರಗ್ಂ - ಸಾ॑ವಿ॒ತ್ರಮ್ - ಪರಿ॑ಶ್ರಿತೇ॒ - ಬ್ರಹ್ಮ॒-ನ್ಪ್ರಚ॑ರಿಷ್ಯಾಮೋ॒ - ಽಗ್ನಿಷ್ಟ್ವಾ॒ - ಶಿರೋ᳚ ಗ್ರೀ॒ವಾ - ದೇ॒ವಸ್ಯ॑ ರಶ॒ನಾಂ - ಁವಿಶ್ವಾ॒ ಆಶಾ॒ - ಧರ್ಮ॒ ಯಾ ತ᳚ - ಪ್ರ॒ಜಾಪ॑ತಿಗ್ಂ ಶು॒ಕ್ರಮ್ - ಪ್ರ॒ಜಾಪ॑ತಿ-ಸ್ಸಮ್ಭ್ರಿ॒ಯಮಾ॑ಣಃ -
ಸವಿ॒ತಾ ಭೂ॒ತ್ವಾ ದ್ವಾದ॑ಶ)
(ದೇ॒ವಾ ವೈ ಸ॒ತ್ರಗ್ಂ - ಸ ಖ॑ದಿ॒ರಃ - ಪರಿ॑ಶ್ರಿತೇ - ಽಭಿಪೂ॒ರ್ವ - ಮಥೋ॒ ರಖ್ಷ॑ಸಾ॒ಮ್ - ಗ್ರೈಷ್ಮಾ॑ವೇ॒ವಾಸ್ಮೈ॒ - ಬ್ರಹ್ಮ॒ ವೈ ದೇ॒ವಾನಾ॒ - ಮಶ್ವಿ॑ನಾ ಘ॒ರ್ಮ-ಮ್ಪಾ॑ತಮ್ - ಪ್ರಾ॒ಣೋ ವೈ - ವೃಷಾ॒ ಹರಿ॒--ರ್ ಯೋ ವೈ ವಸೀ॑ಯಾಗ್ಂ ಸಂಯಁಥಾನಾ॒ಮ
ಮ॒ಷ್ಟೋತ್ತ॑ರಶ॒ತಮ್)
(ದೇ॒ವಾ ವೈ ಸ॒ತ್ರ - ಮೈವ ತ॑ಪತಿ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಆರಣ್ಯಕೇ ಪಞ್ಚಮಃ ಪ್ರಪಾಠಕ-ಸ್ಸಮಾಪ್ತಃ ॥
