ಯಂ ಯಂ ಯಂ ಯಕ್ಷರೂಪಂ ದಶದಿಶಿವಿದಿತಂ ಭೂಮಿಕಮ್ಪಾಯಮಾನಂ
ಸಂ ಸಂ ಸಂಹಾರಮೂರ್ತಿಂ ಶಿರಮುಕುಟಜಟಾ ಶೇಖರಂ ಚನ್ದ್ರಬಿಮ್ಬಮ್ ।
ದಂ ದಂ ದಂ ದೀರ್ಘಕಾಯಂ ವಿಕೃತನಖಮುಖಂ ಚೋರ್ಧ್ವರೋಮಂ ಕರಾಳಂ
ಪಂ ಪಂ ಪಂ ಪಾಪನಾಶಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 1 ॥
ರಂ ರಂ ರಂ ರಕ್ತವರ್ಣಂ ಕಟಿಕಟಿತತನುಂ ತೀಕ್ಷ್ಣದಂಷ್ಟ್ರಾಕರಾಳಂ
ಘಂ ಘಂ ಘಂ ಘೋಷ ಘೋಷಂ ಘಘಘಘ ಘಟಿತಂ ಘರ್ಜರಂ ಘೋರನಾದಮ್ ।
ಕಂ ಕಂ ಕಂ ಕಾಲಪಾಶಂ ಧೃಕ ಧೃಕ ಧೃಕಿತಂ ಜ್ವಾಲಿತಂ ಕಾಮದಾಹಂ
ತಂ ತಂ ತಂ ದಿವ್ಯದೇಹಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 2 ॥
ಲಂ ಲಂ ಲಂ ಲಂ ವದನ್ತಂ ಲಲಲಲ ಲಲಿತಂ ದೀರ್ಘಜಿಹ್ವಾ ಕರಾಳಂ
ಧೂಂ ಧೂಂ ಧೂಂ ಧೂಮ್ರವರ್ಣಂ ಸ್ಫುಟವಿಕಟಮುಖಂ ಭಾಸ್ಕರಂ ಭೀಮರೂಪಮ್ ।
ರುಂ ರುಂ ರುಂ ರುಣ್ಡಮಾಲಂ ರವಿತಮನಿಯತಂ ತಾಮ್ರನೇತ್ರಂ ಕರಾಳಂ
ನಂ ನಂ ನಂ ನಗ್ನಭೂಷಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 3 ॥
ವಂ ವಂ ವಂ ವಾಯುವೇಗಂ ನತಜನಸದಯಂ ಬ್ರಹ್ಮಸಾರಂ ಪರನ್ತಂ
ಖಂ ಖಂ ಖಂ ಖಡ್ಗಹಸ್ತಂ ತ್ರಿಭುವನವಿಲಯಂ ಭಾಸ್ಕರಂ ಭೀಮರೂಪಮ್ ।
ಚಂ ಚಂ ಚಂ ಚಲಿತ್ವಾಽಚಲ ಚಲ ಚಲಿತಾಚ್ಚಾಲಿತಂ ಭೂಮಿಚಕ್ರಂ
ಮಂ ಮಂ ಮಂ ಮಾಯಿರೂಪಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 4 ॥
ಶಂ ಶಂ ಶಂ ಶಙ್ಖಹಸ್ತಂ ಶಶಿಕರಧವಳಂ ಮೋಕ್ಷ ಸಮ್ಪೂರ್ಣ ತೇಜಂ
ಮಂ ಮಂ ಮಂ ಮಂ ಮಹಾನ್ತಂ ಕುಲಮಕುಲಕುಲಂ ಮನ್ತ್ರಗುಪ್ತಂ ಸುನಿತ್ಯಮ್ ।
ಯಂ ಯಂ ಯಂ ಭೂತನಾಥಂ ಕಿಲಿಕಿಲಿಕಿಲಿತಂ ಬಾಲಕೇಳಿಪ್ರಧಾನಂ
ಅಂ ಅಂ ಅಂ ಅನ್ತರಿಕ್ಷಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 5 ॥
ಖಂ ಖಂ ಖಂ ಖಡ್ಗಭೇದಂ ವಿಷಮಮೃತಮಯಂ ಕಾಲಕಾಲಂ ಕರಾಳಂ
ಕ್ಷಂ ಕ್ಷಂ ಕ್ಷಂ ಕ್ಷಿಪ್ರವೇಗಂ ದಹದಹದಹನಂ ತಪ್ತಸನ್ದೀಪ್ಯಮಾನಮ್ ।
ಹೌಂ ಹೌಂ ಹೌಙ್ಕಾರನಾದಂ ಪ್ರಕಟಿತಗಹನಂ ಗರ್ಜಿತೈರ್ಭೂಮಿಕಮ್ಪಂ
ವಂ ವಂ ವಂ ವಾಲಲೀಲಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 6 ॥
ಸಂ ಸಂ ಸಂ ಸಿದ್ಧಿಯೋಗಂ ಸಕಲಗುಣಮಖಂ ದೇವದೇವಂ ಪ್ರಸನ್ನಂ
ಪಂ ಪಂ ಪಂ ಪದ್ಮನಾಭಂ ಹರಿಹರಮಯನಂ ಚನ್ದ್ರಸೂರ್ಯಾಗ್ನಿನೇತ್ರಮ್ ।
ಐಂ ಐಂ ಐಂ ಐಶ್ವರ್ಯನಾಥಂ ಸತತಭಯಹರಂ ಪೂರ್ವದೇವಸ್ವರೂಪಂ
ರೌಂ ರೌಂ ರೌಂ ರೌದ್ರರೂಪಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 7 ॥
ಹಂ ಹಂ ಹಂ ಹಂಸಯಾನಂ ಹಸಿತಕಲಹಕಂ ಮುಕ್ತಯೋಗಾಟ್ಟಹಾಸಂ
ನಂ ನಂ ನಂ ನೇತ್ರರೂಪಂ ಶಿರಮುಕುಟಜಟಾಬನ್ಧಬನ್ಧಾಗ್ರಹಸ್ತಮ್ । [ಧಂಧಂಧಂ]
ಟಂ ಟಂ ಟಂ ಟಙ್ಕಾರನಾದಂ ತ್ರಿದಶಲಟಲಟಂ ಕಾಮಗರ್ವಾಪಹಾರಂ
ಭುಂ ಭುಂ ಭುಂ ಭೂತನಾಥಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಮ್ ॥ 8 ॥
ಇತ್ಯೇವಂ ಕಾಮಯುಕ್ತಂ ಪ್ರಪಠತಿ ನಿಯತಂ ಭೈರವಸ್ಯಾಷ್ಟಕಂ ಯೋ
ನಿರ್ವಿಘ್ನಂ ದುಃಖನಾಶಂ ಸುರಭಯಹರಣಂ ಡಾಕಿನೀಶಾಕಿನೀನಾಮ್ ।
ನಶ್ಯೇದ್ಧಿ ವ್ಯಾಘ್ರಸರ್ಪೌ ಹುತವಹ ಸಲಿಲೇ ರಾಜ್ಯಶಂಸಸ್ಯ ಶೂನ್ಯಂ
ಸರ್ವಾ ನಶ್ಯನ್ತಿ ದೂರಂ ವಿಪದ ಇತಿ ಭೃಶಂ ಚಿನ್ತನಾತ್ಸರ್ವಸಿದ್ಧಿಮ್ ॥ 9 ॥
ಭೈರವಸ್ಯಾಷ್ಟಕಮಿದಂ ಷಾಣ್ಮಾಸಂ ಯಃ ಪಠೇನ್ನರಃ
ಸ ಯಾತಿ ಪರಮಂ ಸ್ಥಾನಂ ಯತ್ರ ದೇವೋ ಮಹೇಶ್ವರಃ ॥ 10 ॥
ಸಿನ್ದೂರಾರುಣಗಾತ್ರಂ ಚ ಸರ್ವಜನ್ಮವಿನಿರ್ಮಿತಮ್ ।
ಮುಕುಟಾಗ್ರ್ಯಧರಂ ದೇವಂ ಭೈರವಂ ಪ್ರಣಮಾಮ್ಯಹಮ್ ॥ 11 ॥
ನಮೋ ಭೂತನಾಥಂ ನಮೋ ಪ್ರೇತನಾಥಂ
ನಮಃ ಕಾಲಕಾಲಂ ನಮಃ ರುದ್ರಮಾಲಮ್ ।
ನಮಃ ಕಾಲಿಕಾಪ್ರೇಮಲೋಲಂ ಕರಾಳಂ
ನಮೋ ಭೈರವಂ ಕಾಶಿಕಾಕ್ಷೇತ್ರಪಾಲಮ್ ॥
ಇತಿ ತೀಕ್ಷ್ಣದಂಷ್ಟ್ರ ಕಾಲಭೈರವಾಷ್ಟಕಮ್ ॥
