ಹಿ॒ರ॒ಣ್ಯ॒ಗ॒ರ್ಭ-ಸ್ಸಮ॑ವರ್ತ॒-ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ ।
ಸದಾ॑ಧಾರ ಪೃಥಿ॒ವೀ-ನ್ದ್ಯಾಮು॒ತೇಮಾ-ಙ್ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥
ಉರಸಾ ನಮಃ ॥ 1 (ತೈ. ಸಂ. 4.1.8.3)
ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑ ।
ಯ ಈಶೇ॑ ಅ॒ಸ್ಯ ದ್ವಿ॒ಪದ॒-ಶ್ಚತು॑ಷ್ಪದಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥
ಶಿರಸಾ ನಮಃ ॥ 2 (ತೈ. ಸಂ. 4.1.8.4)
ಬ್ರಹ್ಮ॑ಜಜ್ಞಾ॒ನ-ಮ್ಪ್ರ॑ಥ॒ಮ-ಮ್ಪು॒ರಸ್ತಾ॒-ದ್ವಿಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ ।
ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾ-ಸ್ಸ॒ತಶ್ಚ॒ ಯೋನಿ॒ಮ-ಸ॑ತಶ್ಚ॒ ವಿವಃ॑ । (
ದೃಷ್ಯಾ ನಮಃ । 3 (ತೈ. ಸಂ. 4.2.8.2.)
ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ-ಯಁ॒ಜ್ಞ-ಮ್ಮಿ॑ಮಿಖ್ಷತಾಮ್ ।
ಪಿ॒ಪೃ॒ತಾನ್ನೋ॒ ಭರೀ॑ಮಭಿಃ ।
ಮನಸಾ ನಮಃ ॥ 4 (ತೈ. ಸಂ. 3.3.10.2)
ಉಪ॑ಶ್ವಾಸಯ ಪೃಥಿ॒ವೀ-ಮು॒ತ ದ್ಯಾ-ಮ್ಪು॑ರು॒ತ್ರಾ ತೇ॑ ಮನುತಾಂ॒-ವಿಁಷ್ಠಿ॑ತ॒-ಞ್ಜಗ॑ತ್ ।
ಸ ದು॑ನ್ದುಭೇ ಸ॒ಜೂರಿನ್ದ್ರೇ॑ಣ ದೇ॒ವೈ-ರ್ದೂ॒ರಾದ್ದವೀ॑ಯೋ॒ ಅಪ॑ಸೇಧ॒ ಶತ್ರೂನ್॑ ।
ವಚಸಾ ನಮಃ ॥ 5 (ತೈ. ಸಂ. 4.6.6.6)
ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ ।
ಯು॒ಯೋ॒ದ್ಧ್ಯ॑ಸ್ಮ-ಜ್ಜು॑ಹುರಾ॒ಣ-ಮೇನೋ॒ ಭೂಯಿ॑ಷ್ಠಾನ್ತೇ॒ ನಮ॑ ಉಕ್ತಿಂ-ವಿಁಧೇಮ ॥
ಪಧ್ಭ್ಯಾ-ನ್ನಮಃ ॥ 6 (ತೈ. ಸಂ. 1.1.14.3)
ಯಾ ತೇ॑ ಅಗ್ನೇ॒ ರುದ್ರಿ॑ಯಾ ತ॒ನೂಸ್ತಯಾ॑ ನಃ ಪಾಹಿ॒ ತಸ್ಯಾ᳚ಸ್ತೇ॒ ಸ್ವಾಹಾ᳚ ।
ಯಾ ತೇ॑ ಅಗ್ನೇ-ಽಯಾಶ॒ಯಾ ರ॑ಜಾಶ॒ಯಾ ಹ॑ರಾಶ॒ಯಾ ತ॒ನೂರ್ವರ್ಷಿ॑ಷ್ಠಾ ಗಹ್ವರೇ॒ಷ್ಠೋಗ್ರಂ-ವಁಚೋ॒ ಅಪಾ॑ವಧೀ-ನ್ತ್ವೇ॒ಷಂ-ವಁಚೋ॒ ಅಪಾ॑ವಧೀ॒ಗ್ಂ॒ ಸ್ವಾಹಾ᳚ ॥
ಕರಾಭ್ಯಾ-ನ್ನಮಃ ॥ 7 (ತೈ. ಸಂ. 1.2.11.2)
ಇ॒ಮಂ-ಯಁ॑ಮಪ್ರಸ್ತ॒ರಮಾಹಿ ಸೀದಾಙ್ಗಿ॑ರೋಭಿಃ ಪಿ॒ತೃಭಿ॑-ಸ್ಸಂವಿಁದಾ॒ನಃ ।
ಆತ್ವಾ॒ ಮನ್ತ್ರಾಃ॑ ಕವಿಶ॒ಸ್ತಾ ವ॑ಹನ್ತ್ವೇ॒ನಾ ರಾ॑ಜನ್ ಹ॒ವಿಷಾ॑ ಮಾದಯಸ್ವ ॥
ಕರ್ಣಾಭ್ಯಾ-ನ್ನಮಃ ॥ 8 (ತೈ. ಸಂ. 2.6.12.6)
ಉರಸಾ ಶಿರಸಾ ದೃಷ್ಟ್ಯಾ ಮನ॑ಸಾ ವಚಸಾ ತ॒ಥಾ ।
ಪದ್ಭ್ಯಾ-ಙ್ಕರಾಭ್ಯಾ-ಙ್ಕರ್ಣಾಭ್ಯಾ-ಮ್ಪ್ರಣಾಮೋ-ಽಷ್ಟಾಙ್ಗ॑ ಉಚ್ಯತೇ ॥
ಉಮಾಮಹೇಶ್ವರಾಭ್ಯಾ-ನ್ನಮಃ ॥
