ಅಸ್ಯ ಶ್ರೀದಕ್ಷಿಣಾಮೂರ್ತಿ ಸಹಸ್ರನಾಮಸ್ತೋತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ ಛನ್ದಃ ಶ್ರೀದಕ್ಷಿಣಾಮೂರ್ತಿರ್ದೇವತಾ ಓಂ ಬೀಜಂ ಸ್ವಾಹಾ ಶಕ್ತಿಃ ನಮಃ ಕೀಲಕಂ ಮೇಧಾದಕ್ಷಿಣಾಮೂರ್ತಿ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಹ್ರಾಮಿತ್ಯಾದಿನಾ ನ್ಯಾಸಃ ॥
ಧ್ಯಾನಂ
ಸಿದ್ಧಿತೋಯನಿಧೇರ್ಮಧ್ಯೇ ರತ್ನಗ್ರೈವೇ ಮನೋರಮೇ ।
ಕದಮ್ಬವನಿಕಾಮಧ್ಯೇ ಶ್ರೀಮದ್ವಟತರೋರಧಃ ॥ 1 ॥
ಆಸೀನಮಾದ್ಯಂ ಪುರುಷಮಾದಿಮಧ್ಯಾನ್ತವರ್ಜಿತಮ್ ।
ಶುದ್ಧಸ್ಫಟಿಕಗೋಕ್ಷೀರಶರತ್ಪೂರ್ಣೇನ್ದುಶೇಖರಮ್ ॥ 2 ॥
ದಕ್ಷಿಣೇ ಚಾಕ್ಷಮಾಲಾಂ ಚ ವಹ್ನಿಂ ವೈ ವಾಮಹಸ್ತಕೇ ।
ಜಟಾಮಣ್ಡಲಸಂಲಗ್ನಶೀತಾಂಶುಕರಮಣ್ಡಿತಮ್ ॥ 3 ॥
ನಾಗಹಾರಧರಂ ಚಾರುಕಙ್ಕಣೈಃ ಕಟಿಸೂತ್ರಕೈಃ ।
ವಿರಾಜಮಾನವೃಷಭಂ ವ್ಯಾಘ್ರಚರ್ಮಾಮ್ಬರಾವೃತಮ್ ॥ 4 ॥
ಚಿನ್ತಾಮಣಿಮಹಾಬೃನ್ದೈಃ ಕಲ್ಪಕೈಃ ಕಾಮಧೇನುಭಿಃ ।
ಚತುಃಷಷ್ಟಿಕಲಾವಿದ್ಯಾಮೂರ್ತಿಭಿಃ ಶ್ರುತಿಮಸ್ತಕೈಃ ॥ 5 ॥
ರತ್ನಸಿಂಹಾಸನೇ ಸಾಧುದ್ವೀಪಿಚರ್ಮಸಮಾಯುತೇ ।
ತತ್ರಾಷ್ಟದಳಪದ್ಮಸ್ಯ ಕರ್ಣಿಕಾಯಾಂ ಸುಶೋಭನೇ ॥ 6 ॥
ವೀರಾಸನೇ ಸಮಾಸೀನಂ ಲಮ್ಬದಕ್ಷಪದಾಮ್ಬುಜಮ್ ।
ಜ್ಞಾನಮುದ್ರಾಂ ಪುಸ್ತಕಂ ಚ ವರಾಭೀತಿಧರಂ ಹರಮ್ ॥ 7 ॥
ಪಾದಮೂಲಸಮಾಕ್ರಾನ್ತಮಹಾಪಸ್ಮಾರವೈಭವಮ್ ।
ರುದ್ರಾಕ್ಷಮಾಲಾಭರಣಭೂಷಿತಂ ಭೂತಿಭಾಸುರಮ್ ॥ 8 ॥
ಗಜಚರ್ಮೋತ್ತರೀಯಂ ಚ ಮನ್ದಸ್ಮಿತಮುಖಾಮ್ಬುಜಮ್ ।
ಸಿದ್ಧಬೃನ್ದೈರ್ಯೋಗಿಬೃನ್ದೈರ್ಮುನಿಬೃನ್ದೈರ್ನಿಷೇವಿತಮ್ ॥ 9 ॥
ಆರಾಧ್ಯಮಾನವೃಷಭಮಗ್ನೀನ್ದುರವಿಲೋಚನಮ್ ।
ಪೂರಯನ್ತಂ ಕೃಪಾದೃಷ್ಟ್ಯಾ ಪುಮರ್ಥಾನಾಶ್ರಿತೇ ಜನೇ ॥ 10 ॥
ಏವಂ ವಿಭಾವಯೇದೀಶಂ ಸರ್ವವಿದ್ಯಾಕಳಾನಿಧಿಮ್ ॥ 11 ॥
ಲಮಿತ್ಯಾದಿ ಪಞ್ಚೋಪಚಾರಾಃ ॥
ಸ್ತೋತ್ರಂ
ಓಮ್ । ದೇವದೇವೋ ಮಹಾದೇವೋ ದೇವಾನಾಮಪಿ ದೇಶಿಕಃ ।
ದಕ್ಷಿಣಾಮೂರ್ತಿರೀಶಾನೋ ದಯಾಪೂರಿತದಿಙ್ಮುಖಃ ॥ 1 ॥
ಕೈಲಾಸಶಿಖರೋತ್ತುಙ್ಗಕಮನೀಯನಿಜಾಕೃತಿಃ ।
ವಟದ್ರುಮತಟೀದಿವ್ಯಕನಕಾಸನಸಂಸ್ಥಿತಃ ॥ 2 ॥
ಕಟೀತಟಪಟೀಭೂತಕರಿಚರ್ಮೋಜ್ಜ್ವಲಾಕೃತಿಃ ।
ಪಾಟೀರಪಾಣ್ಡುರಾಕಾರಪರಿಪೂರ್ಣಸುಧಾಧಿಪಃ ।3 ॥
ಜಟಾಕೋಟೀರಘಟಿತಸುಧಾಕರಸುಧಾಪ್ಲುತಃ ।
ಪಶ್ಯಲ್ಲಲಾಟಸುಭಗಸುನ್ದರಭ್ರೂವಿಲಾಸವಾನ್ ॥ 4 ॥
ಕಟಾಕ್ಷಸರಣೀನಿರ್ಯತ್ಕರುಣಾಪೂರ್ಣಲೋಚನಃ ।
ಕರ್ಣಾಲೋಲತಟಿದ್ವರ್ಣಕುಣ್ಡಲೋಜ್ಜ್ವಲಗಣ್ಡಭೂಃ ॥ 5 ॥
ತಿಲಪ್ರಸೂನಸಙ್ಕಾಶನಾಸಿಕಾಪುಟಭಾಸುರಃ ।
ಮನ್ದಸ್ಮಿತಸ್ಫುರನ್ಮುಗ್ಧಮಹನೀಯಮುಖಾಮ್ಬುಜಃ ॥ 6 ॥
ಕುನ್ದಕುಡ್ಮಲಸಂಸ್ಪರ್ಧಿದನ್ತಪಙ್ಕ್ತಿವಿರಾಜಿತಃ ।
ಸಿನ್ದೂರಾರುಣಸುಸ್ನಿಗ್ಧಕೋಮಲಾಧರಪಲ್ಲವಃ ॥ 7 ॥
ಶಙ್ಖಾಟೋಪಗಲದ್ದಿವ್ಯಗಳವೈಭವಮಞ್ಜುಲಃ ।
ಕರಕನ್ದಲಿತಜ್ಞಾನಮುದ್ರಾರುದ್ರಾಕ್ಷಮಾಲಿಕಃ ॥ 8 ॥
ಅನ್ಯಹಸ್ತತಲನ್ಯಸ್ತವೀಣಾಪುಸ್ತೋಲ್ಲಸದ್ವಪುಃ ।
ವಿಶಾಲರುಚಿರೋರಸ್ಕವಲಿಮತ್ಪಲ್ಲವೋದರಃ ॥ 9 ॥
ಬೃಹತ್ಕಟಿನಿತಮ್ಬಾಢ್ಯಃ ಪೀವರೋರುದ್ವಯಾನ್ವಿತಃ ।
ಜಙ್ಘಾವಿಜಿತತೂಣೀರಸ್ತುಙ್ಗಗುಲ್ಫಯುಗೋಜ್ಜ್ವಲಃ ॥ 10 ॥
ಮೃದುಪಾಟಲಪಾದಾಬ್ಜಶ್ಚನ್ದ್ರಾಭನಖದೀಧಿತಿಃ ।
ಅಪಸವ್ಯೋರುವಿನ್ಯಸ್ತಸವ್ಯಪಾದಸರೋರುಹಃ ॥ 11 ॥
ಘೋರಾಪಸ್ಮಾರನಿಕ್ಷಿಪ್ತಧೀರದಕ್ಷಪದಾಮ್ಬುಜಃ ।
ಸನಕಾದಿಮುನಿಧ್ಯೇಯಃ ಸರ್ವಾಭರಣಭೂಷಿತಃ ॥ 12 ॥
ದಿವ್ಯಚನ್ದನಲಿಪ್ತಾಙ್ಗಶ್ಚಾರುಹಾಸಪರಿಷ್ಕೃತಃ ।
ಕರ್ಪೂರಧವಳಾಕಾರಃ ಕನ್ದರ್ಪಶತಸುನ್ದರಃ ॥ 13 ॥
ಕಾತ್ಯಾಯನೀಪ್ರೇಮನಿಧಿಃ ಕರುಣಾರಸವಾರಿಧಿಃ ।
ಕಾಮಿತಾರ್ಥಪ್ರದಃ ಶ್ರೀಮತ್ಕಮಲಾವಲ್ಲಭಪ್ರಿಯಃ ॥ 14 ॥
ಕಟಾಕ್ಷಿತಾತ್ಮವಿಜ್ಞಾನಃ ಕೈವಲ್ಯಾನನ್ದಕನ್ದಲಃ ।
ಮನ್ದಹಾಸಸಮಾನೇನ್ದುಶ್ಛಿನ್ನಾಜ್ಞಾನತಮಸ್ತತಿಃ ॥ 15 ॥
ಸಂಸಾರಾನಲಸನ್ತಪ್ತಜನತಾಮೃತಸಾಗರಃ ।
ಗಮ್ಭೀರಹೃದಯಾಮ್ಭೋಜನಭೋಮಣಿನಿಭಾಕೃತಿಃ ॥ 16 ॥
ನಿಶಾಕರಕರಾಕಾರವಶೀಕೃತಜಗತ್ತ್ರಯಃ ।
ತಾಪಸಾರಾಧ್ಯಪಾದಾಬ್ಜಸ್ತರುಣಾನನ್ದವಿಗ್ರಹಃ ॥ 17 ॥
ಭೂತಿಭೂಷಿತಸರ್ವಾಙ್ಗೋ ಭೂತಾಧಿಪತಿರೀಶ್ವರಃ ।
ವದನೇನ್ದುಸ್ಮಿತಜ್ಯೋತ್ಸ್ನಾನಿಲೀನತ್ರಿಪುರಾಕೃತಿಃ ॥ 18 ॥
ತಾಪತ್ರಯತಮೋಭಾನುಃ ಪಾಪಾರಣ್ಯದವಾನಲಃ ।
ಸಂಸಾರಸಾಗರೋದ್ಧರ್ತಾ ಹಂಸಾಗ್ರ್ಯೋಪಾಸ್ಯವಿಗ್ರಹಃ ॥ 19 ॥
ಲಲಾಟಹುತಭುಗ್ದಗ್ಧಮನೋಭವಶುಭಾಕೃತಿಃ ।
ತುಚ್ಛೀಕೃತಜಗಜ್ಜಾಲಸ್ತುಷಾರಕರಶೀತಲಃ ॥ 20 ॥
ಅಸ್ತಙ್ಗತಸಮಸ್ತೇಚ್ಛೋ ನಿಸ್ತುಲಾನನ್ದಮನ್ಥರಃ ।
ಧೀರೋದಾತ್ತಗುಣಾಧಾರ ಉದಾರವರವೈಭವಃ ॥ 21 ॥
ಅಪಾರಕರುಣಾಮೂರ್ತಿರಜ್ಞಾನಧ್ವಾನ್ತಭಾಸ್ಕರಃ ।
ಭಕ್ತಮಾನಸಹಂಸಾಗ್ರ್ಯೋ ಭವಾಮಯಭಿಷಕ್ತಮಃ ॥ 22 ॥
ಯೋಗೀನ್ದ್ರಪೂಜ್ಯಪಾದಾಬ್ಜೋ ಯೋಗಪಟ್ಟೋಲ್ಲಸತ್ಕಟಿಃ ।
ಶುದ್ಧಸ್ಫಟಿಕಸಙ್ಕಾಶೋ ಬದ್ಧಪನ್ನಗಭೂಷಣಃ ॥ 23 ॥
ನಾನಾಮುನಿಸಮಾಕೀರ್ಣೋ ನಾಸಾಗ್ರನ್ಯಸ್ತಲೋಚನಃ ।
ವೇದಮೂರ್ಧೈಕಸಂವೇದ್ಯೋ ನಾದಧ್ಯಾನಪರಾಯಣಃ ॥ 24 ॥
ಧರಾಧರೇನ್ದುರಾನನ್ದಸನ್ದೋಹರಸಸಾಗರಃ ।
ದ್ವೈತಬೃನ್ದವಿಮೋಹಾನ್ಧ್ಯಪರಾಕೃತದೃಗದ್ಭುತಃ ॥ 25 ॥
ಪ್ರತ್ಯಗಾತ್ಮಾ ಪರಞ್ಜ್ಯೋತಿಃ ಪುರಾಣಃ ಪರಮೇಶ್ವರಃ ।
ಪ್ರಪಞ್ಚೋಪಶಮಃ ಪ್ರಾಜ್ಞಃ ಪುಣ್ಯಕೀರ್ತಿಃ ಪುರಾತನಃ ॥ 26 ॥
ಸರ್ವಾಧಿಷ್ಠಾನಸನ್ಮಾತ್ರಃ ಸ್ವಾತ್ಮಬನ್ಧಹರೋ ಹರಃ ।
ಸರ್ವಪ್ರೇಮನಿಜಾಹಾಸಃ ಸರ್ವಾನುಗ್ರಹಕೃಚ್ಛಿವಃ ॥ 27 ॥
ಸರ್ವೇನ್ದ್ರಿಯಗುಣಾಭಾಸಃ ಸರ್ವಭೂತಗುಣಾಶ್ರಯಃ ।
ಸಚ್ಚಿದಾನನ್ದಪೂರ್ಣಾತ್ಮಾ ಸರ್ವಭೂತಗುಣಾಶ್ರಯಃ ॥ 28 ॥
ಸರ್ವಭೂತಾನ್ತರಃ ಸಾಕ್ಷೀ ಸರ್ವಜ್ಞಃ ಸರ್ವಕಾಮದಃ ।
ಸನಕಾದಿಮಹಾಯೋಗಿಸಮಾರಾಧಿತಪಾದುಕಃ ॥ 29 ॥
ಆದಿದೇವೋ ದಯಾಸಿನ್ಧುಃ ಶಿಕ್ಷಿತಾಸುರವಿಗ್ರಹಃ ।
ಯಕ್ಷಕಿನ್ನರಗನ್ಧರ್ವಸ್ತೂಯಮಾನಾತ್ಮವೈಭವಃ ॥ 30 ॥
ಬ್ರಹ್ಮಾದಿದೇವವಿನುತೋ ಯೋಗಮಾಯಾನಿಯೋಜಕಃ ।
ಶಿವಯೋಗೀ ಶಿವಾನನ್ದಃ ಶಿವಭಕ್ತಸಮುದ್ಧರಃ ॥ 31 ॥
ವೇದಾನ್ತಸಾರಸನ್ದೋಹಃ ಸರ್ವಸತ್ತ್ವಾವಲಮ್ಬನಃ ।
ವಟಮೂಲಾಶ್ರಯೋ ವಾಗ್ಮೀ ಮಾನ್ಯೋ ಮಲಯಜಪ್ರಿಯಃ ॥ 32 ॥
ಸುಶೀಲೋ ವಾಞ್ಛಿತಾರ್ಥಜ್ಞಃ ಪ್ರಸನ್ನವದನೇಕ್ಷಣಃ ।
ನೃತ್ತಗೀತಕಲಾಭಿಜ್ಞಃ ಕರ್ಮವಿತ್ಕರ್ಮಮೋಚಕಃ ॥ 33 ॥
ಕರ್ಮಸಾಕ್ಷೀ ಕರ್ಮಮಯಃ ಕರ್ಮಣಾಂ ಚ ಫಲಪ್ರದಃ ।
ಜ್ಞಾನದಾತಾ ಸದಾಚಾರಃ ಸರ್ವೋಪದ್ರವಮೋಚಕಃ ॥ 34 ॥
ಅನಾಥನಾಥೋ ಭಗವಾನಾಶ್ರಿತಾಮರಪಾದಪಃ ।
ವರಪ್ರದಃ ಪ್ರಕಾಶಾತ್ಮಾ ಸರ್ವಭೂತಹಿತೇ ರತಃ ॥ 35 ॥
ವ್ಯಾಘ್ರಚರ್ಮಾಸನಾಸೀನ ಆದಿಕರ್ತಾ ಮಹೇಶ್ವರಃ ।
ಸುವಿಕ್ರಮಃ ಸರ್ವಗತೋ ವಿಶಿಷ್ಟಜನವತ್ಸಲಃ ॥ 36 ॥
ಚಿನ್ತಾಶೋಕಪ್ರಶಮನೋ ಜಗದಾನನ್ದಕಾರಕಃ ।
ರಶ್ಮಿಮಾನ್ ಭುವನೇಶಶ್ಚ ದೇವಾಸುರಸುಪೂಜಿತಃ ॥ 37 ॥
ಮೃತ್ಯುಞ್ಜಯೋ ವ್ಯೋಮಕೇಶಃ ಷಟ್ತ್ರಿಂಶತ್ತತ್ತ್ವಸಙ್ಗ್ರಹಃ ।
ಅಜ್ಞಾತಸಮ್ಭವೋ ಭಿಕ್ಷುರದ್ವಿತೀಯೋ ದಿಗಮ್ಬರಃ ॥ 38 ॥
ಸಮಸ್ತದೇವತಾಮೂರ್ತಿಃ ಸೋಮಸೂರ್ಯಾಗ್ನಿಲೋಚನಃ ।
ಸರ್ವಸಾಮ್ರಾಜ್ಯನಿಪುಣೋ ಧರ್ಮಮಾರ್ಗಪ್ರವರ್ತಕಃ ॥ 39 ॥
ವಿಶ್ವಾಧಿಕಃ ಪಶುಪತಿಃ ಪಶುಪಾಶವಿಮೋಚಕಃ ।
ಅಷ್ಟಮೂರ್ತಿರ್ದೀಪ್ತಮೂರ್ತಿರ್ನಾಮೋಚ್ಚಾರಣಮುಕ್ತಿದಃ ॥ 40 ॥
ಸಹಸ್ರಾದಿತ್ಯಸಙ್ಕಾಶಃ ಸದಾಷೋಡಶವಾರ್ಷಿಕಃ ।
ದಿವ್ಯಕೇಲೀಸಮಾಯುಕ್ತೋ ದಿವ್ಯಮಾಲ್ಯಾಮ್ಬರಾವೃತಃ ॥ 41 ॥
ಅನರ್ಘರತ್ನಸಮ್ಪೂರ್ಣೋ ಮಲ್ಲಿಕಾಕುಸುಮಪ್ರಿಯಃ ।
ತಪ್ತಚಾಮೀಕರಾಕಾರೋ ಜಿತದಾವಾನಲಾಕೃತಿಃ ॥ 42 ॥
ನಿರಞ್ಜನೋ ನಿರ್ವಿಕಾರೋ ನಿಜಾವಾಸೋ ನಿರಾಕೃತಿಃ ।
ಜಗದ್ಗುರುರ್ಜಗತ್ಕರ್ತಾ ಜಗದೀಶೋ ಜಗತ್ಪತಿಃ ॥ 43 ॥
ಕಾಮಹನ್ತಾ ಕಾಮಮೂರ್ತಿಃ ಕಳ್ಯಾಣವೃಷವಾಹನಃ ।
ಗಙ್ಗಾಧರೋ ಮಹಾದೇವೋ ದೀನಬನ್ಧವಿಮೋಚಕಃ ॥ 44 ॥
ಧೂರ್ಜಟಿಃ ಖಣ್ಡಪರಶುಃ ಸದ್ಗುಣೋ ಗಿರಿಜಾಸಖಃ ।
ಅವ್ಯಯೋ ಭೂತಸೇನೇಶಃ ಪಾಪಘ್ನಃ ಪುಣ್ಯದಾಯಕಃ ॥ 45 ॥
ಉಪದೇಷ್ಟಾ ದೃಢಪ್ರಜ್ಞೋ ರುದ್ರೋ ರೋಗವಿನಾಶನಃ ।
ನಿತ್ಯಾನನ್ದೋ ನಿರಾಧಾರೋ ಹರೋ ದೇವಶಿಖಾಮಣಿಃ ॥ 46 ॥
ಪ್ರಣತಾರ್ತಿಹರಃ ಸೋಮಃ ಸಾನ್ದ್ರಾನನ್ದೋ ಮಹಾಮತಿಃ ।
ಆಶ್ಚರ್ಯವೈಭವೋ ದೇವಃ ಸಂಸಾರಾರ್ಣವತಾರಕಃ ॥ 47 ॥
ಯಜ್ಞೇಶೋ ರಾಜರಾಜೇಶೋ ಭಸ್ಮರುದ್ರಾಕ್ಷಲಾಞ್ಛನಃ ।
ಅನನ್ತಸ್ತಾರಕಃ ಸ್ಥಾಣುಃ ಸರ್ವವಿದ್ಯೇಶ್ವರೋ ಹರಿಃ ॥ 48 ॥
ವಿಶ್ವರೂಪೋ ವಿರೂಪಾಕ್ಷಃ ಪ್ರಭುಃ ಪರಿಬೃಢೋ ದೃಢಃ ।
ಭವ್ಯೋ ಜಿತಾರಿಷಡ್ವರ್ಗೋ ಮಹೋದಾರೋ ವಿಷಾಶನಃ ॥ 49 ॥
ಸುಕೀರ್ತಿರಾದಿಪುರುಷೋ ಜರಾಮರಣವರ್ಜಿತಃ ।
ಪ್ರಮಾಣಭೂತೋ ದುರ್ಜ್ಞೇಯಃ ಪುಣ್ಯಃ ಪರಪುರಞ್ಜಯಃ ॥ 50 ॥
ಗುಣಾಕರೋ ಗುಣಶ್ರೇಷ್ಠಃ ಸಚ್ಚಿದಾನನ್ದವಿಗ್ರಹಃ ।
ಸುಖದಃ ಕಾರಣಂ ಕರ್ತಾ ಭವಬನ್ಧವಿಮೋಚಕಃ ॥ 51 ॥
ಅನಿರ್ವಿಣ್ಣೋ ಗುಣಗ್ರಾಹೀ ನಿಷ್ಕಳಙ್ಕಃ ಕಳಙ್ಕಹಾ ।
ಪುರುಷಃ ಶಾಶ್ವತೋ ಯೋಗೀ ವ್ಯಕ್ತಾವ್ಯಕ್ತಃ ಸನಾತನಃ ॥ 52 ॥
ಚರಾಚರಾತ್ಮಾ ಸೂಕ್ಷ್ಮಾತ್ಮಾ ವಿಶ್ವಕರ್ಮಾ ತಮೋಪಹೃತ್ ।
ಭುಜಙ್ಗಭೂಷಣೋ ಭರ್ಗಸ್ತರುಣಃ ಕರುಣಾಲಯಃ ॥ 53 ॥
ಅಣಿಮಾದಿಗುಣೋಪೇತೋ ಲೋಕವಶ್ಯವಿಧಾಯಕಃ ।
ಯೋಗಪಟ್ಟಧರೋ ಮುಕ್ತೋ ಮುಕ್ತಾನಾಂ ಪರಮಾ ಗತಿಃ ॥ 54 ॥
ಗುರುರೂಪಧರಃ ಶ್ರೀಮತ್ಪರಮಾನನ್ದಸಾಗರಃ ।
ಸಹಸ್ರಬಾಹುಃ ಸರ್ವೇಶಃ ಸಹಸ್ರಾವಯವಾನ್ವಿತಃ ॥ 55 ॥
ಸಹಸ್ರಮೂರ್ಧಾ ಸರ್ವಾತ್ಮಾ ಸಹಸ್ರಾಕ್ಷಃ ಸಹಸ್ರಪಾತ್ ।
ನಿರಾಭಾಸಃ ಸೂಕ್ಷ್ಮತನುರ್ಹೃದಿ ಜ್ಞಾತಃ ಪರಾತ್ಪರಃ ॥ 56 ॥
ಸರ್ವಾತ್ಮಗಃ ಸರ್ವಸಾಕ್ಷೀ ನಿಃಸಙ್ಗೋ ನಿರುಪದ್ರವಃ ।
ನಿಷ್ಕಳಃ ಸಕಲಾಧ್ಯಕ್ಷಶ್ಚಿನ್ಮಯಸ್ತಮಸಃ ಪರಃ ॥ 57 ॥
ಜ್ಞಾನವೈರಾಗ್ಯಸಮ್ಪನ್ನೋ ಯೋಗಾನನ್ದಮಯಃ ಶಿವಃ ।
ಶಾಶ್ವತೈಶ್ವರ್ಯಸಮ್ಪೂರ್ಣೋ ಮಹಾಯೋಗೀಶ್ವರೇಶ್ವರಃ ॥ 58 ॥
ಸಹಸ್ರಶಕ್ತಿಸಂಯುಕ್ತಃ ಪುಣ್ಯಕಾಯೋ ದುರಾಸದಃ ।
ತಾರಕಬ್ರಹ್ಮಸಮ್ಪೂರ್ಣಸ್ತಪಸ್ವಿಜನಸಂವೃತಃ ॥ 59 ॥
ವಿಧೀನ್ದ್ರಾಮರಸಮ್ಪೂಜ್ಯೋ ಜ್ಯೋತಿಷಾಂ ಜ್ಯೋತಿರುತ್ತಮಃ ।
ನಿರಕ್ಷರೋ ನಿರಾಲಮ್ಬಃ ಸ್ವಾತ್ಮಾರಾಮೋ ವಿಕರ್ತನಃ ॥ 60 ॥
ನಿರವದ್ಯೋ ನಿರಾತಙ್ಕೋ ಭೀಮೋ ಭೀಮಪರಾಕ್ರಮಃ ।
ವೀರಭದ್ರಃ ಪುರಾರಾತಿರ್ಜಲನ್ಧರಶಿರೋಹರಃ ॥ 61 ॥
ಅನ್ಧಕಾಸುರಸಂಹರ್ತಾ ಭಗನೇತ್ರಭಿದದ್ಭುತಃ ।
ವಿಶ್ವಗ್ರಾಸೋಽಧರ್ಮಶತ್ರುರ್ಬ್ರಹ್ಮಜ್ಞಾನೈಕಮನ್ಥರಃ ॥ 62 ॥
ಅಗ್ರೇಸರಸ್ತೀರ್ಥಭೂತಃ ಸಿತಭಸ್ಮಾವಕುಣ್ಠನಃ ।
ಅಕುಣ್ಠಮೇಧಾಃ ಶ್ರೀಕಣ್ಠೋ ವೈಕುಣ್ಠಪರಮಪ್ರಿಯಃ ॥ 63 ॥
ಲಲಾಟೋಜ್ಜ್ವಲನೇತ್ರಾಬ್ಜಸ್ತುಷಾರಕರಶೇಖರಃ ।
ಗಜಾಸುರಶಿರಶ್ಛೇತ್ತಾ ಗಙ್ಗೋದ್ಭಾಸಿತಮೂರ್ಧಜಃ ॥ 64 ॥
ಕಳ್ಯಾಣಾಚಲಕೋದಣ್ಡಃ ಕಮಲಾಪತಿಸಾಯಕಃ ।
ವಾರಾಂಶೇವಧಿತೂಣೀರಃ ಸರೋಜಾಸನಸಾರಥಿಃ ॥ 65 ॥
ತ್ರಯೀತುರಙ್ಗಸಙ್ಕ್ರಾನ್ತೋ ವಾಸುಕಿಜ್ಯಾವಿರಾಜಿತಃ ।
ರವೀನ್ದುಚರಣಾಚಾರಿಧರಾರಥವಿರಾಜಿತಃ ॥ 66 ॥
ತ್ರಯ್ಯನ್ತಪ್ರಗ್ರಹೋದಾರಚಾರುಘಣ್ಟಾರವೋಜ್ಜ್ವಲಃ ।
ಉತ್ತಾನಪರ್ವಲೋಮಾಢ್ಯೋ ಲೀಲಾವಿಜಿತಮನ್ಮಥಃ ॥ 67 ॥
ಜಾತುಪ್ರಪನ್ನಜನತಾಜೀವನೋಪಾಯನೋತ್ಸುಕಃ ।
ಸಂಸಾರಾರ್ಣವನಿರ್ಮಗ್ನಸಮುದ್ಧರಣಪಣ್ಡಿತಃ ॥ 68 ॥
ಮದದ್ವಿರದಧಿಕ್ಕಾರಿಗತಿಮಞ್ಜುಲವೈಭವಃ ।
ಮತ್ತಕೋಕಿಲಮಾಧುರ್ಯರಸನಿರ್ಭರಗೀರ್ಗಣಃ ॥ 69 ॥
ಕೈವಲ್ಯೋದಧಿಕಲ್ಲೋಲಲೀಲಾತಾಣ್ಡವಪಣ್ಡಿತಃ ।
ವಿಷ್ಣುರ್ಜಿಷ್ಣುರ್ವಾಸುದೇವಃ ಪ್ರಭವಿಷ್ಣುಃ ಪುರಾತನಃ ॥ 70 ॥
ವರ್ಧಿಷ್ಣುರ್ವರದೋ ವೈದ್ಯೋ ಹರಿರ್ನಾರಾಯಣೋಽಚ್ಯುತಃ ।
ಅಜ್ಞಾನವನದಾವಾಗ್ನಿಃ ಪ್ರಜ್ಞಾಪ್ರಾಸಾದಭೂಪತಿಃ ॥ 71 ॥
ಸರ್ಪಭೂಷಿತಸರ್ವಾಙ್ಗಃ ಕರ್ಪೂರೋಜ್ಜ್ವಲಿತಾಕೃತಿಃ ।
ಅನಾದಿಮಧ್ಯನಿಧನೋ ಗಿರೀಶೋ ಗಿರಿಜಾಪತಿಃ ॥ 72 ॥
ವೀತರಾಗೋ ವಿನೀತಾತ್ಮಾ ತಪಸ್ವೀ ಭೂತಭಾವನಃ ।
ದೇವಾಸುರಗುರುಧ್ಯೇಯೋ ದೇವಾಸುರನಮಸ್ಕೃತಃ ॥ 73 ॥
ದೇವಾದಿದೇವೋ ದೇವರ್ಷಿರ್ದೇವಾಸುರವರಪ್ರದಃ ।
ಸರ್ವದೇವಮಯೋಽಚಿನ್ತ್ಯೋ ದೇವಾತ್ಮಾ ಚಾತ್ಮಸಮ್ಭವಃ ॥ 74 ॥
ನಿರ್ಲೇಪೋ ನಿಷ್ಪ್ರಪಞ್ಚಾತ್ಮಾ ನಿರ್ವಿಘ್ನೋ ವಿಘ್ನನಾಶಕಃ ।
ಏಕಜ್ಯೋತಿರ್ನಿರಾತಙ್ಕೋ ವ್ಯಾಪ್ತಮೂರ್ತಿರನಾಕುಲಃ ॥ 75 ॥
ನಿರವದ್ಯಪದೋಪಾಧಿರ್ವಿದ್ಯಾರಾಶಿರನುತ್ತಮಃ ।
ನಿತ್ಯಾನನ್ದಃ ಸುರಾಧ್ಯಕ್ಷೋ ನಿಃಸಙ್ಕಲ್ಪೋ ನಿರಞ್ಜನಃ ॥ 76 ॥
ನಿಷ್ಕಳಙ್ಕೋ ನಿರಾಕಾರೋ ನಿಷ್ಪ್ರಪಞ್ಚೋ ನಿರಾಮಯಃ ।
ವಿದ್ಯಾಧರೋ ವಿಯತ್ಕೇಶೋ ಮಾರ್ಕಣ್ಡೇಯವರಪ್ರದಃ ॥ 77 ॥
ಭೈರವೋ ಭೈರವೀನಾಥಃ ಕಾಮದಃ ಕಮಲಾಸನಃ ।
ವೇದವೇದ್ಯಃ ಸುರಾನನ್ದೋ ಲಸಜ್ಜ್ಯೋತಿಃ ಪ್ರಭಾಕರಃ ॥ 78 ॥
ಚೂಡಾಮಣಿಃ ಸುರಾಧೀಶೋ ಯಜ್ಞಗೇಯೋ ಹರಿಪ್ರಿಯಃ ।
ನಿರ್ಲೇಪೋ ನೀತಿಮಾನ್ ಸೂತ್ರೀ ಶ್ರೀಹಾಲಾಹಲಸುನ್ದರಃ ॥ 79 ॥
ಧರ್ಮದಕ್ಷೋ ಮಹಾರಾಜಃ ಕಿರೀಟೀ ವನ್ದಿತೋ ಗುಹಃ ।
ಮಾಧವೋ ಯಾಮಿನೀನಾಥಃ ಶಮ್ಬರಃ ಶಬರೀಪ್ರಿಯಃ ॥ 80 ॥
ಸಙ್ಗೀತವೇತ್ತಾ ಲೋಕಜ್ಞಃ ಶಾನ್ತಃ ಕಲಶಸಮ್ಭವಃ ।
ಬ್ರಹ್ಮಣ್ಯೋ ವರದೋ ನಿತ್ಯಃ ಶೂಲೀ ಗುರುವರೋ ಹರಃ ॥ 81 ॥
ಮಾರ್ತಾಣ್ಡಃ ಪುಣ್ಡರೀಕಾಕ್ಷೋ ಲೋಕನಾಯಕವಿಕ್ರಮಃ ।
ಮುಕುನ್ದಾರ್ಚ್ಯೋ ವೈದ್ಯನಾಥಃ ಪುರನ್ದರವರಪ್ರದಃ ॥ 82 ॥
ಭಾಷಾವಿಹೀನೋ ಭಾಷಾಜ್ಞೋ ವಿಘ್ನೇಶೋ ವಿಘ್ನನಾಶನಃ ।
ಕಿನ್ನರೇಶೋ ಬೃಹದ್ಭಾನುಃ ಶ್ರೀನಿವಾಸಃ ಕಪಾಲಭೃತ್ ॥ 83 ॥
ವಿಜಯೋ ಭೂತಭಾವಜ್ಞೋ ಭೀಮಸೇನೋ ದಿವಾಕರಃ ।
ಬಿಲ್ವಪ್ರಿಯೋ ವಸಿಷ್ಠೇಶಃ ಸರ್ವಮಾರ್ಗಪ್ರವರ್ತಕಃ ॥ 84 ॥
ಓಷಧೀಶೋ ವಾಮದೇವೋ ಗೋವಿನ್ದೋ ನೀಲಲೋಹಿತಃ ।
ಷಡರ್ಧನಯನಃ ಶ್ರೀಮನ್ಮಹಾದೇವೋ ವೃಷಧ್ವಜಃ ॥ 85 ॥
ಕರ್ಪೂರದೀಪಿಕಾಲೋಲಃ ಕರ್ಪೂರರಸಚರ್ಚಿತಃ ।
ಅವ್ಯಾಜಕರುಣಾಮೂರ್ತಿಸ್ತ್ಯಾಗರಾಜಃ ಕ್ಷಪಾಕರಃ ॥ 86 ॥
ಆಶ್ಚರ್ಯವಿಗ್ರಹಃ ಸೂಕ್ಷ್ಮಃ ಸಿದ್ಧೇಶಃ ಸ್ವರ್ಣಭೈರವಃ ।
ದೇವರಾಜಃ ಕೃಪಾಸಿನ್ಧುರದ್ವಯೋಽಮಿತವಿಕ್ರಮಃ ॥ 87 ॥
ನಿರ್ಭೇದೋ ನಿತ್ಯಸತ್ವಸ್ಥೋ ನಿರ್ಯೋಗಕ್ಷೇಮ ಆತ್ಮವಾನ್ ।
ನಿರಪಾಯೋ ನಿರಾಸಙ್ಗೋ ನಿಃಶಬ್ದೋ ನಿರುಪಾಧಿಕಃ ॥ 88 ॥
ಭವಃ ಸರ್ವೇಶ್ವರಃ ಸ್ವಾಮೀ ಭವಭೀತಿವಿಭಞ್ಜನಃ ।
ದಾರಿದ್ರ್ಯತೃಣಕೂಟಾಗ್ನಿರ್ದಾರಿತಾಸುರಸನ್ತತಿಃ ॥ 89 ॥
ಮುಕ್ತಿದೋ ಮುದಿತೋಽಕುಬ್ಜೋ ಧಾರ್ಮಿಕೋ ಭಕ್ತವತ್ಸಲಃ ।
ಅಭ್ಯಾಸಾತಿಶಯಜ್ಞೇಯಶ್ಚನ್ದ್ರಮೌಳಿಃ ಕಳಾಧರಃ ॥ 90 ॥
ಮಹಾಬಲೋ ಮಹಾವೀರ್ಯೋ ವಿಭುಃ ಶ್ರೀಶಃ ಶುಭಪ್ರದಃ ।
ಸಿದ್ಧಃ ಪುರಾಣಪುರುಷೋ ರಣಮಣ್ಡಲಭೈರವಃ ॥ 91 ॥
ಸದ್ಯೋಜಾತೋ ವಟಾರಣ್ಯವಾಸೀ ಪುರುಷವಲ್ಲಭಃ ।
ಹರಿಕೇಶೋ ಮಹಾತ್ರಾತಾ ನೀಲಗ್ರೀವಃ ಸುಮಙ್ಗಳಃ ॥ 92 ॥
ಹಿರಣ್ಯಬಾಹುಸ್ತೀಕ್ಷ್ಣಾಂಶುಃ ಕಾಮೇಶಃ ಸೋಮವಿಗ್ರಹಃ ।
ಸರ್ವಾತ್ಮಾ ಸರ್ವಕರ್ತಾ ಚ ತಾಣ್ಡವೋ ಮುಣ್ಡಮಾಲಿಕಃ ॥ 93 ॥
ಅಗ್ರಗಣ್ಯಃ ಸುಗಮ್ಭೀರೋ ದೇಶಿಕೋ ವೈದಿಕೋತ್ತಮಃ ।
ಪ್ರಸನ್ನದೇವೋ ವಾಗೀಶಶ್ಚಿನ್ತಾತಿಮಿರಭಾಸ್ಕರಃ ॥ 94 ॥
ಗೌರೀಪತಿಸ್ತುಙ್ಗಮೌಳಿರ್ಮಖರಾಜೋ ಮಹಾಕವಿಃ ।
ಶ್ರೀಧರಃ ಸರ್ವಸಿದ್ಧೇಶೋ ವಿಶ್ವನಾಥೋ ದಯಾನಿಧಿಃ ॥ 95 ॥
ಅನ್ತರ್ಮುಖೋ ಬಹಿರ್ದೃಷ್ಟಿಃ ಸಿದ್ಧವೇಷಮನೋಹರಃ ।
ಕೃತ್ತಿವಾಸಾಃ ಕೃಪಾಸಿನ್ಧುರ್ಮನ್ತ್ರಸಿದ್ಧೋ ಮತಿಪ್ರದಃ ॥ 96 ॥
ಮಹೋತ್ಕೃಷ್ಟಃ ಪುಣ್ಯಕರೋ ಜಗತ್ಸಾಕ್ಷೀ ಸದಾಶಿವಃ ।
ಮಹಾಕ್ರತುರ್ಮಹಾಯಜ್ವಾ ವಿಶ್ವಕರ್ಮಾ ತಪೋನಿಧಿಃ ॥ 97 ॥
ಛನ್ದೋಮಯೋ ಮಹಾಜ್ಞಾನೀ ಸರ್ವಜ್ಞೋ ದೇವವನ್ದಿತಃ ।
ಸಾರ್ವಭೌಮಃ ಸದಾನನ್ದಃ ಕರುಣಾಮೃತವಾರಿಧಿಃ ॥ 98 ॥
ಕಾಲಕಾಲಃ ಕಲಿಧ್ವಂಸೀ ಜರಾಮರಣನಾಶಕಃ ।
ಶಿತಿಕಣ್ಠಶ್ಚಿದಾನನ್ದೋ ಯೋಗಿನೀಗಣಸೇವಿತಃ ॥ 99 ॥
ಚಣ್ಡೀಶಃ ಶುಕಸಂವೇದ್ಯಃ ಪುಣ್ಯಶ್ಲೋಕೋ ದಿವಸ್ಪತಿಃ ।
ಸ್ಥಾಯೀ ಸಕಲತತ್ತ್ವಾತ್ಮಾ ಸದಾಸೇವಕವರ್ಧನಃ ॥ 100 ॥
ರೋಹಿತಾಶ್ವಃ ಕ್ಷಮಾರೂಪೀ ತಪ್ತಚಾಮೀಕರಪ್ರಭಃ ।
ತ್ರಿಯಮ್ಬಕೋ ವರರುಚಿರ್ದೇವದೇವಶ್ಚತುರ್ಭುಜಃ ॥ 101 ॥
ವಿಶ್ವಮ್ಭರೋ ವಿಚಿತ್ರಾಙ್ಗೋ ವಿಧಾತಾ ಪುರಶಾಸನಃ ।
ಸುಬ್ರಹ್ಮಣ್ಯೋ ಜಗತ್ಸ್ವಾಮೀ ರೋಹಿತಾಕ್ಷಃ ಶಿವೋತ್ತಮಃ ॥ 102 ॥
ನಕ್ಷತ್ರಮಾಲಾಭರಣೋ ಮಘವಾನ್ ಅಘನಾಶನಃ ।
ವಿಧಿಕರ್ತಾ ವಿಧಾನಜ್ಞಃ ಪ್ರಧಾನಪುರುಷೇಶ್ವರಃ ॥ 103 ॥
ಚಿನ್ತಾಮಣಿಃ ಸುರಗುರುರ್ಧ್ಯೇಯೋ ನೀರಾಜನಪ್ರಿಯಃ ।
ಗೋವಿನ್ದೋ ರಾಜರಾಜೇಶೋ ಬಹುಪುಷ್ಪಾರ್ಚನಪ್ರಿಯಃ ॥ 104 ॥
ಸರ್ವಾನನ್ದೋ ದಯಾರೂಪೀ ಶೈಲಜಾಸುಮನೋಹರಃ ।
ಸುವಿಕ್ರಮಃ ಸರ್ವಗತೋ ಹೇತುಸಾಧನವರ್ಜಿತಃ ॥ 105 ॥
ವೃಷಾಙ್ಕೋ ರಮಣೀಯಾಙ್ಗಃ ಸದಙ್ಘ್ರಿಃ ಸಾಮಪಾರಗಃ ।
ಮನ್ತ್ರಾತ್ಮಾ ಕೋಟಿಕನ್ದರ್ಪಸೌನ್ದರ್ಯರಸವಾರಿಧಿಃ ॥ 106 ॥
ಯಜ್ಞೇಶೋ ಯಜ್ಞಪುರುಷಃ ಸೃಷ್ಟಿಸ್ಥಿತ್ಯನ್ತಕಾರಣಮ್ ।
ಪರಹಂಸೈಕಜಿಜ್ಞಾಸ್ಯಃ ಸ್ವಪ್ರಕಾಶಸ್ವರೂಪವಾನ್ ॥ 107 ॥
ಮುನಿಮೃಗ್ಯೋ ದೇವಮೃಗ್ಯೋ ಮೃಗಹಸ್ತೋ ಮೃಗೇಶ್ವರಃ ।
ಮೃಗೇನ್ದ್ರಚರ್ಮವಸನೋ ನರಸಿಂಹನಿಪಾತನಃ ॥ 108 ॥
ಮುನಿವನ್ದ್ಯೋ ಮುನಿಶ್ರೇಷ್ಠೋ ಮುನಿಬೃನ್ದನಿಷೇವಿತಃ ।
ದುಷ್ಟಮೃತ್ಯುರದುಷ್ಟೇಹೋ ಮೃತ್ಯುಹಾ ಮೃತ್ಯುಪೂಜಿತಃ ॥ 109 ॥
ಅವ್ಯಕ್ತೋಽಮ್ಬುಜಜನ್ಮಾದಿಕೋಟಿಕೋಟಿಸುಪೂಜಿತಃ ।
ಲಿಙ್ಗಮೂರ್ತಿರಲಿಙ್ಗಾತ್ಮಾ ಲಿಙ್ಗಾತ್ಮಾ ಲಿಙ್ಗವಿಗ್ರಹಃ ॥ 110 ॥
ಯಜುರ್ಮೂರ್ತಿಃ ಸಾಮಮೂರ್ತಿರೃಙ್ಮೂರ್ತಿರ್ಮೂರ್ತಿವರ್ಜಿತಃ ।
ವಿಶ್ವೇಶೋ ಗಜಚರ್ಮೈಕಚೇಲಾಞ್ಚಿತಕಟೀತಟಃ ॥ 111 ॥
ಪಾವನಾನ್ತೇವಸದ್ಯೋಗಿಜನಸಾರ್ಥಸುಧಾಕರಃ ।
ಅನನ್ತಸೋಮಸೂರ್ಯಾಗ್ನಿಮಣ್ಡಲಪ್ರತಿಮಪ್ರಭಃ ॥ 112 ॥
ಚಿನ್ತಾಶೋಕಪ್ರಶಮನಃ ಸರ್ವವಿದ್ಯಾವಿಶಾರದಃ ।
ಭಕ್ತವಿಜ್ಞಪ್ತಿಸನ್ಧಾತಾ ಕರ್ತಾ ಗಿರಿವರಾಕೃತಿಃ ॥ 113 ॥
ಜ್ಞಾನಪ್ರದೋ ಮನೋವಾಸಃ ಕ್ಷೇಮ್ಯೋ ಮೋಹವಿನಾಶನಃ ।
ಸುರೋತ್ತಮಶ್ಚಿತ್ರಭಾನುಃ ಸದಾವೈಭವತತ್ಪರಃ ॥ 114 ॥
ಸುಹೃದಗ್ರೇಸರಃ ಸಿದ್ಧಜ್ಞಾನಮುದ್ರೋ ಗಣಾಧಿಪಃ ।
ಆಗಮಶ್ಚರ್ಮವಸನೋ ವಾಞ್ಛಿತಾರ್ಥಫಲಪ್ರದಃ ॥ 115 ॥
ಅನ್ತರ್ಹಿತೋಽಸಮಾನಶ್ಚ ದೇವಸಿಂಹಾಸನಾಧಿಪಃ ।
ವಿವಾದಹನ್ತಾ ಸರ್ವಾತ್ಮಾ ಕಾಲಃ ಕಾಲವಿವರ್ಜಿತಃ ॥ 116 ॥
ವಿಶ್ವಾತೀತೋ ವಿಶ್ವಕರ್ತಾ ವಿಶ್ವೇಶೋ ವಿಶ್ವಕಾರಣಮ್ ।
ಯೋಗಿಧ್ಯೇಯೋ ಯೋಗನಿಷ್ಠೋ ಯೋಗಾತ್ಮಾ ಯೋಗವಿತ್ತಮಃ ॥ 117 ॥
ಓಙ್ಕಾರರೂಪೋ ಭಗವಾನ್ ಬಿನ್ದುನಾದಮಯಃ ಶಿವಃ ।
ಚತುರ್ಮುಖಾದಿಸಂಸ್ತುತ್ಯಶ್ಚತುರ್ವರ್ಗಫಲಪ್ರದಃ ॥ 118 ॥
ಸಹ್ಯಾಚಲಗುಹಾವಾಸೀ ಸಾಕ್ಷಾನ್ಮೋಕ್ಷರಸಾಮೃತಃ ।
ದಕ್ಷಾಧ್ವರಸಮುಚ್ಛೇತ್ತಾ ಪಕ್ಷಪಾತವಿವರ್ಜಿತಃ ॥ 119 ॥
ಓಙ್ಕಾರವಾಚಕಃ ಶಮ್ಭುಃ ಶಙ್ಕರಃ ಶಶಿಶೀತಲಃ ।
ಪಙ್ಕಜಾಸನಸಂಸೇವ್ಯಃ ಕಿಙ್ಕರಾಮರವತ್ಸಲಃ ॥ 120 ॥
ನತದೌರ್ಭಾಗ್ಯತೂಲಾಗ್ನಿಃ ಕೃತಕೌತುಕಮಙ್ಗಳಃ ।
ತ್ರಿಲೋಕಮೋಹನಃ ಶ್ರೀಮತ್ತ್ರಿಪುಣ್ಡ್ರಾಙ್ಕಿತಮಸ್ತಕಃ ॥ 121 ॥
ಕ್ರೌಞ್ಚಾರಿಜನಕಃ ಶ್ರೀಮದ್ಗಣನಾಥಸುತಾನ್ವಿತಃ ।
ಅದ್ಭುತಾನನ್ತವರದೋಽಪರಿಚ್ಛಿನಾತ್ಮವೈಭವಃ ॥ 122 ॥
ಇಷ್ಟಾಪೂರ್ತಪ್ರಿಯಃ ಶರ್ವ ಏಕವೀರಃ ಪ್ರಿಯಂವದಃ ।
ಊಹಾಪೋಹವಿನಿರ್ಮುಕ್ತ ಓಙ್ಕಾರೇಶ್ವರಪೂಜಿತಃ ॥ 123 ॥
ರುದ್ರಾಕ್ಷವಕ್ಷಾ ರುದ್ರಾಕ್ಷರೂಪೋ ರುದ್ರಾಕ್ಷಪಕ್ಷಕಃ ।
ಭುಜಗೇನ್ದ್ರಲಸತ್ಕಣ್ಠೋ ಭುಜಙ್ಗಾಭರಣಪ್ರಿಯಃ ॥ 124 ॥
ಕಳ್ಯಾಣರೂಪಃ ಕಳ್ಯಾಣಃ ಕಳ್ಯಾಣಗುಣಸಂಶ್ರಯಃ ।
ಸುನ್ದರಭ್ರೂಃ ಸುನಯನಃ ಸುಲಲಾಟಃ ಸುಕನ್ಧರಃ ॥ 125 ॥
ವಿದ್ವಜ್ಜನಾಶ್ರಯೋ ವಿದ್ವಜ್ಜನಸ್ತವ್ಯಪರಾಕ್ರಮಃ ।
ವಿನೀತವತ್ಸಲೋ ನೀತಿಸ್ವರೂಪೋ ನೀತಿಸಂಶ್ರಯಃ ॥ 126 ॥
ಅತಿರಾಗೀ ವೀತರಾಗೀ ರಾಗಹೇತುರ್ವಿರಾಗವಿತ್ ।
ರಾಗಹಾ ರಾಗಶಮನೋ ರಾಗದೋ ರಾಗಿರಾಗವಿತ್ ॥ 127 ॥
ಮನೋನ್ಮನೋ ಮನೋರೂಪೋ ಬಲಪ್ರಮಥನೋ ಬಲಃ ।
ವಿದ್ಯಾಕರೋ ಮಹಾವಿದ್ಯೋ ವಿದ್ಯಾವಿದ್ಯಾವಿಶಾರದಃ ॥ 128 ॥
ವಸನ್ತಕೃದ್ವಸನ್ತಾತ್ಮಾ ವಸನ್ತೇಶೋ ವಸನ್ತದಃ ।
ಪ್ರಾವೃಟ್ಕೃತ್ ಪ್ರಾವೃಡಾಕಾರಃ ಪ್ರಾವೃಟ್ಕಾಲಪ್ರವರ್ತಕಃ ॥ 129 ॥
ಶರನ್ನಾಥೋ ಶರತ್ಕಾಲನಾಶಕಃ ಶರದಾಶ್ರಯಃ ।
ಕುನ್ದಮನ್ದಾರಪುಷ್ಪೌಘಲಸದ್ವಾಯುನಿಷೇವಿತಃ ॥ 130 ॥
ದಿವ್ಯದೇಹಪ್ರಭಾಕೂಟಸನ್ದೀಪಿತದಿಗನ್ತರಃ ।
ದೇವಾಸುರಗುರುಸ್ತವ್ಯೋ ದೇವಾಸುರನಮಸ್ಕೃತಃ ॥ 131 ॥
ವಾಮಾಙ್ಗಭಾಗವಿಲಸಚ್ಛ್ಯಾಮಲಾವೀಕ್ಷಣಪ್ರಿಯಃ ।
ಕೀರ್ತ್ಯಾಧಾರಃ ಕೀರ್ತಿಕರಃ ಕೀರ್ತಿಹೇತುರಹೇತುಕಃ ॥ 132 ॥
ಶರಣಾಗತದೀನಾರ್ತಪರಿತ್ರಾಣಪರಾಯಣಃ ।
ಮಹಾಪ್ರೇತಾಸನಾಸೀನೋ ಜಿತಸರ್ವಪಿತಾಮಹಃ ॥ 133 ॥
ಮುಕ್ತಾದಾಮಪರೀತಾಙ್ಗೋ ನಾನಾಗಾನವಿಶಾರದಃ ।
ವಿಷ್ಣುಬ್ರಹ್ಮಾದಿವನ್ದ್ಯಾಙ್ಘ್ರಿರ್ನಾನಾದೇಶೈಕನಾಯಕಃ ॥ 134 ॥
ಧೀರೋದಾತ್ತೋ ಮಹಾಧೀರೋ ಧೈರ್ಯದೋ ಧೈರ್ಯವರ್ಧಕಃ ।
ವಿಜ್ಞಾನಮಯ ಆನನ್ದಮಯಃ ಪ್ರಾಣಮಯೋಽನ್ನದಃ ॥ 135 ॥
ಭವಾಬ್ಧಿತರಣೋಪಾಯಃ ಕವಿರ್ದುಃಸ್ವಪ್ನನಾಶನಃ ।
ಗೌರೀವಿಲಾಸಸದನಃ ಪಿಶಚಾನುಚರಾವೃತಃ ॥ 136 ॥
ದಕ್ಷಿಣಾಪ್ರೇಮಸನ್ತುಷ್ಟೋ ದಾರಿದ್ರ್ಯವಡವಾನಲಃ ।
ಅದ್ಭುತಾನನ್ತಸಙ್ಗ್ರಾಮೋ ಢಕ್ಕಾವಾದನತತ್ಪರಃ ॥ 137 ॥
ಪ್ರಾಚ್ಯಾತ್ಮಾ ದಕ್ಷಿಣಾಕಾರಃ ಪ್ರತೀಚ್ಯಾತ್ಮೋತ್ತರಾಕೃತಿಃ ।
ಊರ್ಧ್ವಾದ್ಯನ್ಯದಿಗಾಕಾರೋ ಮರ್ಮಜ್ಞಃ ಸರ್ವಶಿಕ್ಷಕಃ ॥ 138 ॥
ಯುಗಾವಹೋ ಯುಗಾಧೀಶೋ ಯುಗಾತ್ಮಾ ಯುಗನಾಯಕಃ ।
ಜಙ್ಗಮಃ ಸ್ಥಾವರಾಕಾರಃ ಕೈಲಾಸಶಿಖರಪ್ರಿಯಃ ॥ 139 ॥
ಹಸ್ತರಾಜತ್ಪುಣ್ಡರೀಕಃ ಪುಣ್ಡರೀಕನಿಭೇಕ್ಷಣಃ ।
ಲೀಲಾವಿಡಮ್ಬಿತವಪುರ್ಭಕ್ತಮಾನಸಮಣ್ಡಿತಃ ॥ 140 ॥
ಬೃನ್ದಾರಕಪ್ರಿಯತಮೋ ಬೃನ್ದಾರಕವರಾರ್ಚಿತಃ ।
ನಾನಾವಿಧಾನೇಕರತ್ನಲಸತ್ಕುಣ್ಡಲಮಣ್ಡಿತಃ ॥ 141 ॥
ನಿಃಸೀಮಮಹಿಮಾ ನಿತ್ಯಲೀಲಾವಿಗ್ರಹರೂಪಧೃತ್ ।
ಚನ್ದನದ್ರವದಿಗ್ಧಾಙ್ಗಶ್ಚಾಮ್ಪೇಯಕುಸುಮಾರ್ಚಿತಃ ॥ 142 ॥
ಸಮಸ್ತಭಕ್ತಸುಖದಃ ಪರಮಾಣುರ್ಮಹಾಹ್ರದಃ ।
ಅಲೌಕಿಕೋ ದುಷ್ಪ್ರಧರ್ಷಃ ಕಪಿಲಃ ಕಾಲಕನ್ಧರಃ ॥ 143 ॥
ಕರ್ಪೂರಗೌರಃ ಕುಶಲಃ ಸತ್ಯಸನ್ಧೋ ಜಿತೇನ್ದ್ರಿಯಃ ।
ಶಾಶ್ವತೈಶ್ವರ್ಯವಿಭವಃ ಪೋಷಕಃ ಸುಸಮಾಹಿತಃ ॥ 144 ॥
ಮಹರ್ಷಿನಾಥಿತೋ ಬ್ರಹ್ಮಯೋನಿಃ ಸರ್ವೋತ್ತಮೋತ್ತಮಃ ।
ಭೂಮಿಭಾರಾರ್ತಿಸಂಹರ್ತಾ ಷಡೂರ್ಮಿರಹಿತೋ ಮೃಡಃ ॥ 145 ॥
ತ್ರಿವಿಷ್ಟಪೇಶ್ವರಃ ಸರ್ವಹೃದಯಾಮ್ಬುಜಮಧ್ಯಗಃ ।
ಸಹಸ್ರದಳಪದ್ಮಸ್ಥಃ ಸರ್ವವರ್ಣೋಪಶೋಭಿತಃ ॥ 146 ॥
ಪುಣ್ಯಮೂರ್ತಿಃ ಪುಣ್ಯಲಭ್ಯಃ ಪುಣ್ಯಶ್ರವಣಕೀರ್ತನಃ ।
ಸೂರ್ಯಮಣ್ಡಲಮಧ್ಯಸ್ಥಶ್ಚನ್ದ್ರಮಣ್ಡಲಮಧ್ಯಗಃ ॥ 147 ॥
ಸದ್ಭಕ್ತಧ್ಯಾನನಿಗಲಃ ಶರಣಾಗತಪಾಲಕಃ ।
ಶ್ವೇತಾತಪತ್ರರುಚಿರಃ ಶ್ವೇತಚಾಮರವೀಜಿತಃ ॥ 148 ॥
ಸರ್ವಾವಯವಸಮ್ಪೂರ್ಣಃ ಸರ್ವಲಕ್ಷಣಲಕ್ಷಿತಃ ।
ಸರ್ವಮಙ್ಗಳಮಾಙ್ಗಳ್ಯಃ ಸರ್ವಕಾರಣಕಾರಣಃ ॥ 149 ॥
ಆಮೋದೋ ಮೋದಜನಕಃ ಸರ್ಪರಾಜೋತ್ತರೀಯಕಃ ।
ಕಪಾಲೀ ಕೋವಿದಃ ಸಿದ್ಧಕಾನ್ತಿಸಂವಲಿತಾನನಃ ॥ 150 ॥
ಸರ್ವಸದ್ಗುರುಸಂಸೇವ್ಯೋ ದಿವ್ಯಚನ್ದನಚರ್ಚಿತಃ ।
ವಿಲಾಸಿನೀಕೃತೋಲ್ಲಾಸ ಇಚ್ಛಾಶಕ್ತಿನಿಷೇವಿತಃ ॥ 151 ॥
ಅನನ್ತಾನನ್ದಸುಖದೋ ನನ್ದನಃ ಶ್ರೀನಿಕೇತನಃ ।
ಅಮೃತಾಬ್ಧಿಕೃತಾವಾಸೋ ನಿತ್ಯಕ್ಲೀಬೋ ನಿರಾಮಯಃ ॥ 152 ॥
ಅನಪಾಯೋಽನನ್ತದೃಷ್ಟಿರಪ್ರಮೇಯೋಽಜರೋಽಮರಃ ।
ತಮೋಮೋಹಪ್ರತಿಹತಿರಪ್ರತರ್ಕ್ಯೋಽಮೃತೋಽಕ್ಷರಃ ॥ 153 ॥
ಅಮೋಘಬುದ್ಧಿರಾಧಾರ ಆಧಾರಾಧೇಯವರ್ಜಿತಃ ।
ಈಷಣಾತ್ರಯನಿರ್ಮುಕ್ತ ಇಹಾಮುತ್ರವಿವರ್ಜಿತಃ ॥ 154 ॥
ಋಗ್ಯಜುಃಸಾಮನಯನೋ ಬುದ್ಧಿಸಿದ್ಧಿಸಮೃದ್ಧಿದಃ ।
ಔದಾರ್ಯನಿಧಿರಾಪೂರ್ಣ ಐಹಿಕಾಮುಷ್ಮಿಕಪ್ರದಃ ॥ 155 ॥
ಶುದ್ಧಸನ್ಮಾತ್ರಸಂವಿದ್ಧೀಸ್ವರೂಪಸುಖವಿಗ್ರಹಃ ।
ದರ್ಶನಪ್ರಥಮಾಭಾಸೋ ದೃಷ್ಟಿದೃಶ್ಯವಿವರ್ಜಿತಃ ॥ 156 ॥
ಅಗ್ರಗಣ್ಯೋಽಚಿನ್ತ್ಯರೂಪಃ ಕಲಿಕಲ್ಮಷನಾಶನಃ ।
ವಿಮರ್ಶರೂಪೋ ವಿಮಲೋ ನಿತ್ಯರೂಪೋ ನಿರಾಶ್ರಯಃ ॥ 157 ॥
ನಿತ್ಯಶುದ್ಧೋ ನಿತ್ಯಬುದ್ಧೋ ನಿತ್ಯಮುಕ್ತೋಽಪರಾಕೃತಃ ।
ಮೈತ್ರ್ಯಾದಿವಾಸನಾಲಭ್ಯೋ ಮಹಾಪ್ರಳಯಸಂಸ್ಥಿತಃ ॥ 158 ॥
ಮಹಾಕೈಲಾಸನಿಲಯಃ ಪ್ರಜ್ಞಾನಘನವಿಗ್ರಹಃ ।
ಶ್ರೀಮಾನ್ ವ್ಯಾಘ್ರಪುರಾವಾಸೋ ಭುಕ್ತಿಮುಕ್ತಿಪ್ರದಾಯಕಃ ॥ 159 ॥
ಜಗದ್ಯೋನಿರ್ಜಗತ್ಸಾಕ್ಷೀ ಜಗದೀಶೋ ಜಗನ್ಮಯಃ ।
ಜಪೋ ಜಪಪರೋ ಜಪ್ಯೋ ವಿದ್ಯಾಸಿಂಹಾಸನಪ್ರಭುಃ ॥ 160 ॥
ತತ್ತ್ವಾನಾಂ ಪ್ರಕೃತಿಸ್ತತ್ತ್ವಂ ತತ್ತ್ವಮ್ಪದನಿರೂಪಿತಃ ।
ದಿಕ್ಕಾಲಾದ್ಯನವಚ್ಛಿನ್ನಃ ಸಹಜಾನನ್ದಸಾಗರಃ ॥ 161 ॥
ಪ್ರಕೃತಿಃ ಪ್ರಾಕೃತಾತೀತೋ ವಿಜ್ಞಾನೈಕರಸಾಕೃತಿಃ ।
ನಿಃಶಙ್ಕಮತಿದೂರಸ್ಥಶ್ಚೈತ್ಯಚೇತನಚಿನ್ತನಃ ॥ 162 ॥
ತಾರಕಾನಾಂ ಹೃದನ್ತಸ್ಥಸ್ತಾರಕಸ್ತಾರಕಾನ್ತಕಃ ।
ಧ್ಯಾನೈಕಪ್ರಕಟೋ ಧ್ಯೇಯೋ ಧ್ಯಾನೀ ಧ್ಯಾನವಿಭೂಷಣಃ ॥ 163 ॥
ಪರಂ ವ್ಯೋಮ ಪರಂ ಧಾಮ ಪರಮಾತ್ಮಾ ಪರಂ ಪದಮ್ ।
ಪೂರ್ಣಾನನ್ದಃ ಸದಾನನ್ದೋ ನಾದಮಧ್ಯಪ್ರತಿಷ್ಠಿತಃ ॥ 164 ॥
ಪ್ರಮಾವಿಪರ್ಯಯಾತೀತಃ ಪ್ರಣತಾಜ್ಞಾನನಾಶಕಃ ।
ಬಾಣಾರ್ಚಿತಾಙ್ಘ್ರಿರ್ಬಹುದೋ ಬಾಲಕೇಳಿಕುತೂಹಲೀ ॥ 165 ॥
ಬ್ರಹ್ಮರೂಪೀ ಬ್ರಹ್ಮಪದಂ ಬ್ರಹ್ಮವಿದ್ಬ್ರಾಹ್ಮಣಪ್ರಿಯಃ ।
ಭೂಕ್ಷೇಪದತ್ತಲಕ್ಷ್ಮೀಕೋ ಭ್ರೂಮಧ್ಯಧ್ಯಾನಲಕ್ಷಿತಃ ॥ 166 ॥
ಯಶಸ್ಕರೋ ರತ್ನಗರ್ಭೋ ಮಹಾರಾಜ್ಯಸುಖಪ್ರದಃ ।
ಶಬ್ದಬ್ರಹ್ಮ ಶಮಪ್ರಾಪ್ಯೋ ಲಾಭಕೃಲ್ಲೋಕವಿಶ್ರುತಃ ॥ 167 ॥
ಶಾಸ್ತಾ ಶಿವಾದ್ರಿನಿಲಯಃ ಶರಣ್ಯೋ ಯಾಜಕಪ್ರಿಯಃ ।
ಸಂಸಾರವೈದ್ಯಃ ಸರ್ವಜ್ಞಃ ಸಭೇಷಜವಿಭೇಷಜಃ ॥ 168 ॥
ಮನೋವಚೋಭಿರಗ್ರಾಹ್ಯಃ ಪಞ್ಚಕೋಶವಿಲಕ್ಷಣಃ ।
ಅವಸ್ಥಾತ್ರಯನಿರ್ಮುಕ್ತಸ್ತ್ವವಸ್ಥಾಸಾಕ್ಷಿತುರ್ಯಕಃ ॥ 169 ॥
ಪಞ್ಚಭೂತಾದಿದೂರಸ್ಥಃ ಪ್ರತ್ಯಗೇಕರಸೋಽವ್ಯಯಃ ।
ಷಟ್ಚಕ್ರಾನ್ತರ್ಗತೋಲ್ಲಾಸೀ ಷಡ್ವಿಕಾರವಿವರ್ಜಿತಃ ॥ 170 ॥
ವಿಜ್ಞಾನಘನಸಮ್ಪೂರ್ಣೋ ವೀಣಾವಾದನತತ್ಪರಃ ।
ನೀಹಾರಾಕಾರಗೌರಾಙ್ಗೋ ಮಹಾಲಾವಣ್ಯವಾರಿಧಿಃ ॥ 171 ॥
ಪರಾಭಿಚಾರಶಮನಃ ಷಡಧ್ವೋಪರಿಸಂಸ್ಥಿತಃ ।
ಸುಷುಮ್ನಾಮಾರ್ಗಸಞ್ಚಾರೀ ಬಿಸತನ್ತುನಿಭಾಕೃತಿಃ ॥ 172 ॥
ಪಿನಾಕೀ ಲಿಙ್ಗರೂಪಶ್ರೀಃ ಮಙ್ಗಳಾವಯವೋಜ್ಜ್ವಲಃ ।
ಕ್ಷೇತ್ರಾಧಿಪಃ ಸುಸಂವೇದ್ಯಃ ಶ್ರೀಪ್ರದೋ ವಿಭವಪ್ರದಃ ॥ 173 ॥
ಸರ್ವವಶ್ಯಕರಃ ಸರ್ವದೋಷಹಾ ಪುತ್ರಪೌತ್ರದಃ ।
ತೈಲದೀಪಪ್ರಿಯಸ್ತೈಲಪಕ್ವಾನ್ನಪ್ರೀತಮಾನಸಃ ॥ 174 ॥
ತೈಲಾಭಿಷೇಕಸನ್ತುಷ್ಟಸ್ತಿಲಭಕ್ಷಣತತ್ಪರಃ ।
ಆಪಾದಕಣಿಕಾಮುಕ್ತಾಭೂಷಾಶತಮನೋಹರಃ ॥ 175 ॥
ಶಾಣೋಲ್ಲೀಢಮಣಿಶ್ರೇಣೀರಮ್ಯಾಙ್ಘ್ರಿನಖಮಣ್ಡಲಃ ।
ಮಣಿಮಞ್ಜೀರಕಿರಣಕಿಞ್ಜಲ್ಕಿತಪದಾಮ್ಬುಜಃ ॥ 176 ॥
ಅಪಸ್ಮಾರೋಪರಿನ್ಯಸ್ತಸವ್ಯಪಾದಸರೋರುಹಃ ।
ಕನ್ದರ್ಪತೂಣಾಭಜಙ್ಘೋ ಗುಲ್ಫೋದಞ್ಚಿತನೂಪುರಃ ॥ 177 ॥
ಕರಿಹಸ್ತೋಪಮೇಯೋರುರಾದರ್ಶೋಜ್ಜ್ವಲಜಾನುಭೃತ್ ।
ವಿಶಙ್ಕಟಕಟಿನ್ಯಸ್ತವಾಚಾಲಮಣಿಮೇಖಲಃ ॥ 178 ॥
ಆವರ್ತನಾಭಿರೋಮಾಲಿವಲಿಮತ್ಪಲ್ಲವೋದರಃ ।
ಮುಕ್ತಾಹಾರಲಸತ್ತುಙ್ಗವಿಪುಲೋರಸ್ಕರಞ್ಜಿತಃ ॥ 179 ॥
ವೀರಾಸನಸಮಾಸೀನೋ ವೀಣಾಪುಸ್ತೋಲ್ಲಸತ್ಕರಃ ।
ಅಕ್ಷಮಾಲಾಲಸತ್ಪಾಣಿಶ್ಚಿನ್ಮುದ್ರಿತಕರಾಮ್ಬುಜಃ ॥ 180 ॥
ಮಾಣಿಕ್ಯಕಙ್ಕಣೋಲ್ಲಾಸಿಕರಾಮ್ಬುಜವಿರಾಜಿತಃ ।
ಅನರ್ಘರತ್ನಗ್ರೈವೇಯವಿಲಸತ್ಕಮ್ಬುಕನ್ಧರಃ ॥ 181 ॥
ಅನಾಕಲಿತಸಾದೃಶ್ಯಚಿಬುಕಶ್ರೀವಿರಾಜಿತಃ ।
ಮುಗ್ಧಸ್ಮಿತಪರೀಪಾಕಪ್ರಕಾಶಿತರದಾಙ್ಕುರಃ ॥ 182 ॥
ಚಾರುಚಾಮ್ಪೇಯಪುಷ್ಪಾಭನಾಸಿಕಾಪುಟರಞ್ಜಿತಃ ।
ವರವಜ್ರಶಿಲಾದರ್ಶಪರಿಭಾವಿಕಪೋಲಭೂಃ ॥ 183 ॥
ಕರ್ಣದ್ವಯೋಲ್ಲಸದ್ದಿವ್ಯಮಣಿಕುಣ್ಡಲಮಣ್ಡಿತಃ ।
ಕರುಣಾಲಹರೀಪೂರ್ಣಕರ್ಣಾನ್ತಾಯತಲೋಚನಃ ॥ 184 ॥
ಅರ್ಧಚನ್ದ್ರಾಭನಿಟಿಲಪಾಟೀರತಿಲಕೋಜ್ಜ್ವಲಃ ।
ಚಾರುಚಾಮೀಕರಾಕಾರಜಟಾಚರ್ಚಿತಚನ್ದನಃ ।
ಕೈಲಾಸಶಿಖರಸ್ಫರ್ಧಿಕಮನೀಯನಿಜಾಕೃತಿಃ ॥ 185 ॥
ಇತಿ ಶ್ರೀ ದಕ್ಷಿಣಾಮೂರ್ತಿ ಸಹಸ್ರನಾಮ ಸ್ತೋತ್ರಮ್ ॥
