Mahanyasam - 6.1. Mano Jyotih - Shuddha Kannada

ಮನೋ॒ ಜ್ಯೋತಿ॑ ರ್ಜುಷತಾ॒-ಮಾಜ್ಯಂ॒-ವಿಁಚ್ಛಿ॑ನ್ನಂ-ಯಁ॒ಜ್ಞಗ್ಂ ಸಮಿ॒ಮ-ನ್ದ॑ಧಾತು ।
ಯಾ ಇ॒ಷ್ಟಾ ಉ॒ಷಸೋ॑ ನಿ॒ಮ್ರುಚ॑ಶ್ಚ॒ ತಾಸ್ಸನ್ದ॑ಧಾಮಿ ಹ॒ವಿಷಾ॑ ಘೃ॒ತೇನ॑ ।
(ಗುಹ್ಯಾಯ ನಮಃ) । 1 (ತೈ. ಸಂ. 1.5.10.2)

ಅಬೋ᳚ದ್ಧ್ಯ॒ಗ್ನಿ-ಸ್ಸ॒ಮಿಧಾ॒ ಜನಾ॑ನಾ॒-ಮ್ಪ್ರತಿ॑ಧೇ॒ನು-ಮಿ॑ವಾಯ॒ತೀ ಮು॒ಷಾಸ᳚ಮ್ ।
ಯ॒ಹ್ವಾ ಇ॑ವ॒ ಪ್ರವ॒ಯಾ-ಮು॒ಜ್ಜಿಹಾ॑ನಾಃ॒ ಪ್ರಭಾ॒ನವ॑-ಸ್ಸಿಸ್ರತೇ॒ ನಾಕ॒ಮಚ್ಛ॑ ।
(ನಾಭ್ಯೈ ನಮಃ) । 2 (ತೈ. ಸಂ. 4.4.4.2)

ಅ॒ಗ್ನಿ ರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್ ।
ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ । (ಹೃದಯಾಯ ನಮಃ) । 3 (ತೈ. ಸಂ. 1.5.5.1)

ಮೂ॒ರ್ಧಾನ॑-ನ್ದಿ॒ವೋ ಅ॑ರ॒ತಿ-ಮ್ಪೃ॑ಥಿ॒ವ್ಯಾ ವೈ᳚ಶ್ವಾನ॒ರ-ಮೃ॒ತಾಯ॑ ಜಾ॒ತಮ॒ಗ್ನಿಮ್ ।
ಕ॒ವಿಗ್ಂ ಸ॒ಮ್ರಾಜ॒-ಮತಿ॑ಥಿ॒-ಞ್ಜನಾ॑ನಾ-ಮಾ॒ಸನ್ನಾ ಪಾತ್ರ॑-ಞ್ಜನಯನ್ತ ದೇ॒ವಾಃ । (ಕಣ್ಠಾಯ ನಮಃ) । 4 (ತೈ. ಸಂ. 1.4.13.1)
ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾ-ದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒-ಽಮೃ॑ತೇ ನಾ॒ಭಿವ॑ಸ್ತಾಮ್ ।
ಉ॒ರೋ ರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜ॑ಯನ್ತ॒-ನ್ತ್ವಾ ಮನು॑ಮದನ್ತು ದೇ॒ವಾಃ ।
(ಮುಖಾಯ ನಮಃ) । 5 (ತೈ. ಸಂ. 4.6.4.5)

ಜಾ॒ತವೇ॑ದಾ॒ ಯದಿ॑ ವಾ ಪಾವ॒ಕೋ-ಽಸಿ॑ । ವೈ॒ಶ್ವಾ॒ನ॒ರೋ ಯದಿ॑ ವಾ ವೈದ್ಯು॒ತೋ-ಽಸಿ॑ ।
ಶ-ಮ್ಪ್ರ॒ಜಾಭ್ಯೋ॒ ಯಜ॑ಮಾನಾಯ ಲೋ॒ಕಮ್ । ಊರ್ಜ॒-ಮ್ಪುಷ್ಟಿ॒-ನ್ದದ॑ ದ॒ಭ್ಯಾವ॑ ವೃಥ್ಸ್ವ ॥ (ಶಿರಸೇ ನಮಃ) ॥ 6 (ತೈ. ಬ್ರಾ. 3.10.5.1)

Browse Related Categories: