ಓ-ನ್ನಮ್ ॥ ತತ್ಪುರು॒ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ । ತನ್ನೋ॑ ರುದ್ರಃ ಪ್ರಚೋದಯಾ᳚ತ್ ॥
ಸಂವಁರ್ತಾಗ್ನಿ ತಟಿತ್ಪ್ರದೀಪ್ತ ಕನಕ ಪ್ರಸ್ಪರ್ಥಿ ತೇಜೋಮಯಮ್ ।
ಗಮ್ಭೀರಧ್ವನಿ ಸಾಮವೇದಜನಕ-ನ್ತಾಮ್ರಾಧರಂ ಸುನ್ದರಮ್ ।
ಅರ್ಧೇನ್ದುದ್ಯುತಿ ಲೋಲಪಿಙ್ಗಳ ಜಟಾಭಾರಪ್ರಬದ್ಧೋರಗಮ್ ।
ವನ್ದೇ ಸಿದ್ಧ ಸುರಾಸುರೇನ್ದ್ರನಮಿತ-ಮ್ಪೂರ್ವ-ಮ್ಮುಖಂ ಶೂಲಿನಃ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಓ-ನ್ನಮ್ ॥ ಪೂರ್ವ ಮುಖಾಯ॒ ನಮಃ ॥
ಅ॒ಘೋರೇ᳚ಭ್ಯೋ-ಽಥಘೋ॒ರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ॥ ಸರ್ವೇ᳚ಭ್ಯಸ್ಸರ್ವ ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ಕಾಲಾಭ್ರಭ್ರಮರಾಞ್ಜನದ್ಯುತಿನಿಭಂ-ವ್ಯಾಁವೃತ್ತ ಪಿಙ್ಗೇಖ್ಷಣಮ್
ಕರ್ಣೋದ್ಭಾಸಿತ ಭೋಗಿಮಸ್ತಕ ಮಣಿಪ್ರೋದ್ಗೀರ್ಣ ದಂಷ್ಟ್ರಾಙ್ಕುರಮ್ ।
ಸರ್ಪಪ್ರೋತ ಕಪಾಲ ಶುಕ್ತಿ ಶಕಲ ವ್ಯಾಕೀರ್ಣ ಸಚ್ಛೇಖರಮ್
ವನ್ದೇ ದಖ್ಷಿಣಮೀಶ್ವರಸ್ಯ ಕುಟಿಲ ಭ್ರೂಭಙ್ಗ ರೌದ್ರ-ಮ್ಮುಖಮ್ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಓ-ಮ್ಮಮ್ ॥ ದಖ್ಷಿಣ ಮುಖಾಯ॒ ನಮಃ ॥
ಸ॒ದ್ಯೋ ಜಾ॒ತ-ಮ್ಪ್ರ॑ಪದ್ಯಾ॒ಮಿ॒ ಸ॒ದ್ಯೋ ಜಾ॒ತಾಯ॒ ವೈ ನಮೋ॒ ನಮಃ॑ । ಭ॒ವೇ ಭ॑ವೇ॒ ನಾತಿ॑ ಭವೇ ಭವಸ್ವ॒ ಮಾಮ್ । ಭ॒ವೋ-ದ್ಭ॑ವಾಯ॒ ನಮಃ॑ ॥
ಪ್ರಾಲೇಯಾಚಲಮಿನ್ದುಕುನ್ದ ಧವಳ-ಙ್ಗೋಖ್ಷೀರಫೇನಪ್ರಭಮ್
ಭಸ್ಮಾಭ್ಯಕ್ತಮನಙ್ಗ ದೇಹ ದಹನ ಜ್ವಾಲಾವಳೀ ಲೋಚನಮ್ ।
ಬ್ರಹ್ಮೇನ್ದ್ರಾದಿ ಮರುದ್ಗಣೈಸ್ಪುತಿಪದೈ ರಭ್ಯರ್ಚಿತಂ-ಯೋಁಗಿಭಿಃ
ವನ್ದೇ-ಽಹಂ ಸಕಲ-ಙ್ಕಳಙ್ಕರಹಿತಂ ಸ್ಥಾಣೋರ್ಮುಖ-ಮ್ಪಶ್ಚಿಮಮ್ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಓಂ ಶಿಮ್ ॥ ಪಶ್ಚಿಮ ಮುಖಾಯ॒ ನಮಃ ॥
ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮ॑-ಶ್ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒-ಸ್ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑ ॥
ಗೌರ-ಙ್ಕುಙ್ಕುಮ ಪಙ್ಕಿಲಂ ಸ್ತಿಲಕಂ-ವ್ಯಾಁಪಾಣ್ಡು ಗಣ್ಡಸ್ಥಲಮ್
ಭ್ರೂವಿಖ್ಷೇಪ ಕಟಾಖ್ಷ ಲಸತ್ಸಂಸಕ್ತ ಕರ್ಣೋತ್ಫಲಮ್ ।
ಸ್ನಿಗ್ಧ-ಮ್ಬಿಮ್ಬಫಲಾಧರ-ಮ್ಪ್ರಹಸಿತ-ನ್ನೀಲಾಲಕಾಲ-ಙ್ಕೃತಮ್
ವನ್ದೇ ಪೂರ್ಣ ಶಶಾಙ್ಕ ಮಣ್ಡಲನಿಭಂ-ವಁಕ್ತ್ರಂ ಹರಸ್ಯೋತ್ತರಮ್ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಓಂ-ವಾಁಮ್ ॥ ಉತ್ತರ ಮುಖಾಯ॒ ನಮಃ ॥
ಈಶಾನ-ಸ್ಸರ್ವ॑ವಿದ್ಯಾ॒ನಾ॒-ಮೀಶ್ವರ-ಸ್ಸರ್ವ॑ಭೂತಾ॒ನಾ॒-ಮ್ಬ್ರಹ್ಮಾಧಿ॑ಪತಿ॒-ರ್ಬ್ರಹ್ಮ॒ಣೋ ಽಧಿ॑ಪತಿ॒-ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥ (ಕನಿಷ್ಠಿಕಾಭ್ಯಾ-ನ್ನಮಃ)
ವ್ಯಕ್ತಾವ್ಯಕ್ತ ಗುಣೇತರ-ಮ್ಪರತರಂ ಷಟ್ತ್ರಿಂಶತತ್ತ್ವಾತ್ಮಕಮ್
ತಸ್ಮಾದುತ್ತಮ ತತ್ತ್ವಮಖ್ಷರಮಿದ-ನ್ಧ್ಯೇಯಂ ಸದಾ ಯೋಗಿಭಿಃ ।
ಓಙ್ಕಾರಾದಿ ಸಮಸ್ತ ಮನ್ತ್ರಜನಕಂ ಸೂಖ್ಷ್ಮಾದಿ ಸೂಖ್ಷ್ಮ-ಮ್ಪರಂ
ಶಾನ್ತ-ಮ್ಪಞ್ಚಮಮೀಶ್ವರಸ್ಯ ವದನ-ಙ್ಖಂವ್ಯಾಁಪ್ತಿ ತೇಜೋಮಯಮ್ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಓಂ-ವಾಁಮ್ ॥ ಊರ್ಧ್ವ ಮುಖಾಯ॒ ನಮಃ ॥
ದಿಙ್ನಮಸ್ಕಾರಃ
ಪೂರ್ವೇ ಪಶುಪತಿಃ ಪಾತು । ದಖ್ಷಿಣೇ ಪಾತು ಶಙ್ಕರಃ ।
ಪಶ್ಚಿಮೇ ಪಾತು ವಿಶ್ವೇಶಃ । ನೀಲಕಣ್ಠಸ್ತದೋತ್ತರೇ ॥
ಈಶಾನ್ಯಾ-ಮ್ಪಾತು ಮೇ ಶರ್ವಃ । ಆಗ್ನೇಯಾ-ಮ್ಪಾರ್ವತೀಪತಿಃ ।
ನೈಋತ್ಯಾ-ಮ್ಪಾತು ಮೇ ರುದ್ರಃ । ವಾಯವ್ಯಾ-ನ್ನೀಲಲೋಹಿತಃ ॥
ಊರ್ಧ್ವೇ ತ್ರಿಲೋಚನಃ ಪಾತು । ಅಧರಾಯಾ-ಮ್ಮಹೇಶ್ವರಃ ।
ಏತಾಭ್ಯೋ ದಶ ದಿಗ್ಭ್ಯಸ್ತು । ಸರ್ವತಃ ಪಾತು ಶಙ್ಕರಃ ॥
(ನಾ ರುದ್ರೋ ರುದ್ರಮರ್ಚಯೇ᳚ತ್ ।
ನ್ಯಾಸಪೂರ್ವಕ-ಞ್ಜಪಹೋಮಾರ್ಚನಾ-ಽಭಿಷೇಕವಿಧಿ ವ್ಯಾಖ್ಯಾಸ್ಯಾಮಃ ।)
