(ತೈ. ಸಂ. 1.8.6.1 - ತೈ. ಸಂ. 1.8.6.2)
(ತೈ. ಬ್ರಾ. 1.6.10.1 - ತೈ. ಬ್ರಾ. 1.6.10.5)
ಪ್ರ॒ತಿ॒ಪೂ॒ರು॒ಷ ಮೇಕ॑ಕಪಾಲಾ॒-ನ್ನಿರ್ವ॑ಪ॒ತ್ಯೇ-ಕ॒ಮತಿ॑ರಿಕ್ತಂ॒-ಯಾಁವ॑ನ್ತೋ ಗೃ॒ಹ್ಯಾ᳚-ಸ್ಸ್ಮಸ್ತೇಭ್ಯಃ॒ ಕಮ॑ಕರ-ಮ್ಪಶೂ॒ನಾಗ್ಂ ಶರ್ಮಾ॑ಸಿ॒ ಶರ್ಮ॒ ಯಜ॑ಮಾನಸ್ಯ॒ ಶರ್ಮ॑ ಮೇ
ಯ॒ಚ್ಛೈಕ॑ ಏ॒ವ ರು॒ದ್ರೋ ನ ದ್ವಿ॒ತೀಯಾ॑ಯ ತಸ್ಥ ಆ॒ಖುಸ್ತೇ॑ ರುದ್ರ ಪ॒ಶುಸ್ತ-ಞ್ಜು॑ಷಸ್ವೈ॒ಷ ತೇ॑ ರುದ್ರ ಭಾ॒ಗ-ಸ್ಸ॒ಹ ಸ್ವಸ್ರಾಂ-ಽಬಿ॑ಕಯಾ॒ ತಞ್ಜು॑ಷಸ್ವ ಭೇಷ॒ಜ-ಙ್ಗವೇ-ಽಶ್ವಾ॑ಯ॒
ಪುರು॑ಷಾಯ ಭೇಷ॒ಜಮಥೋ॑ ಅ॒ಸ್ಮಭ್ಯ॑-ಮ್ಭೇಷ॒ಜಗ್ಂ ಸುಭೇ॑ಷಜಂ॒-ಯಁಥಾ-ಽಸ॑ತಿ । 1
ಸು॒ಗ-ಮ್ಮೇ॒ಷಾಯ॑ ಮೇ॒ಷ್ಯಾ॑ ಅವಾ᳚ಬಂ ರು॒ದ್ರಮ॑ದಿ-ಮ॒ಹ್ಯವ॑ ದೇ॒ವ-ನ್ತ್ರ್ಯ॑ಬಙ್ಕಮ್ ।
ಯಥಾ॑ ನ॒-ಶ್ಶ್ರೇಯ॑ಸಃ॒ ಕರ॒ದ್ಯಥಾ॑ ನೋ॒ ವಸ್ಯ॑ ಸಃ॒ ಕರ॒ದ್ಯಥಾ॑ ನಃ ಪಶು॒ಮತಃ॒
ಕರ॒ದ್ಯಥಾ॑ ನೋ ವ್ಯವಸಾ॒ಯಯಾ᳚ತ್ । ತ್ರ್ಯ॑ಬಙ್ಕಂ-ಯಁಜಾಮಹೇ ಸುಗ॒ನ್ಧಿ-ಮ್ಪು॑ಷ್ಟಿ॒ವರ್ಧ॑ನಮ್ ।
ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾ-ನ್ಮೃ॒ತ್ಯೋ ರ್ಮು॑ಖ್ಷೀಯ॒ ಮಾ-ಽಮೃತಾ᳚ತ್ । ಏ॒ಷತೇ॑ ರುದ್ರ ಭಾ॒ಗ ಸ್ತಞ್ಜು॑ಷಸ್ವ॒ ತೇನಾ॑ವ॒ಸೇನ॑ ಪ॒ರೋ ಮೂಜ॑ವ॒ತೋ-ಽತೀ॒ಹ್ಯವ॑ತತ
ಧನ್ವಾ॒ ಪಿನಾ॑ಕಹಸ್ತಃ॒ ಕೃತ್ತಿ॑ವಾಸಾಃ ॥ 2
ಪ್ರ॒ತಿ॒ಪೂ॒ರು॒ಷ-ಮೇಕ॑ಕಪಾಲಾ॒-ನ್ನಿರ್ವ॑ಪತಿ । ಜಾ॒ತಾ ಏ॒ವ ಪ್ರ॒ಜಾ ರು॒ದ್ರಾ-ನ್ನಿ॒ರವ॑ದಯತೇ । ಏಕ॒ಮತಿ॑ರಿಕ್ತಮ್ । ಜ॒ನಿ॒ಷ್ಯಮಾ॑ಣಾ ಏ॒ವ ಪ್ರ॒ಜಾ ರು॒ದ್ರಾ-ನ್ನಿ॒ರವ॑ದಯತೇ । ಏಕ॑ಕಪಾಲಾ ಭವನ್ತಿ । ಏ॒ಕ॒ಧೈವ ರು॒ದ್ರ-ನ್ನಿ॒ರವ॑ದಯತೇ । ನಾಭಿಘಾ॑ರಯತಿ । ಯದ॑ಭಿಘಾ॒ರಯೇ᳚ತ್ । ಅ॒ನ್ತ॒ರ॒ವ॒-ಚಾ॒ರಿಣಗ್ಂ॑ ರು॒ದ್ರ-ಙ್ಕು॑ರ್ಯಾತ್ ।
ಏ॒ಕೋ॒ಲ್ಮು॒ಕೇನ॑ ಯನ್ತಿ । 3
ತದ್ಧಿ ರು॒ದ್ರಸ್ಯ॑ ಭಾಗ॒ಧೇಯ᳚ಮ್ । ಇ॒ಮಾ-ನ್ದಿಶಂ॑-ಯಁನ್ತಿ । ಏ॒ಷಾ ವೈ ರು॒ದ್ರಸ್ಯ॒ ದಿಕ್ । ಸ್ವಾಯಾ॑ ಮೇ॒ವ ದಿ॒ಶಿ ರು॒ದ್ರ-ನ್ನಿ॒ರವ॑ದಯತೇ । ರು॒ದ್ರೋ ವಾ ಅ॑ಪ॒ಶುಕಾ॑ಯಾ॒ ಆಹು॑ತ್ಯೈ॒ ನಾತಿ॑ಷ್ಠತ । ಅ॒ಸೌ ತೇ॑ ಪ॒ಶುರಿತಿ॒ ನಿರ್ದಿ॑ಶೇ॒ದ್ಯ-ನ್ದ್ವಿ॒ಷ್ಯಾತ್ । ಯಮೇ॒ವ ದ್ವೇಷ್ಟಿ॑ ।
ತಮ॑ಸ್ಮೈ ಪ॒ಶು-ನ್ನಿರ್ದಿ॑ಶತಿ । ಯದಿ॒ ನ ದ್ವಿ॒ಷ್ಯಾತ್ ।
ಆ॒ಖುಸ್ತೇ॑ ಪ॒ಶುರಿತಿ॑ ಬ್ರೂಯಾತ್ । 4
ನ ಗ್ರಾ॒ಮ್ಯಾ-ನ್ಪ॒ಶೂನ್ ಹಿ॒ನಸ್ತಿ॑ । ನಾರ॒ಣ್ಯಾನ್ । ಚ॒ತು॒ಷ್ಪ॒ಥೇ ಜು॑ಹೋತಿ । ಏ॒ಷ ವಾ ಅ॑ಗ್ನೀ॒ನಾ-ಮ್ಪಡ್ಬೀ॑ಶೋ॒ ನಾಮ॑ । ಅ॒ಗ್ನಿ॒ವತ್ಯೇ॒ವ ಜು॑ಹೋತಿ ।
ಮ॒ದ್ಧ್ಯ॒ಮೇನ॑ ಪ॒ರ್ಣೇನ॑ ಜುಹೋತಿ । ಸ್ರುಗ್ಘ್ಯೇ॑ಷಾ । ಅಥೋ॒ ಖಲು॑ । ಅ॒ನ್ತ॒ಮೇನೈ॒ವ ಹೋ॑ತ॒ವ್ಯ᳚ಮ್ । ಅ॒ನ್ತ॒ತ ಏ॒ವ ರು॒ದ್ರ-ನ್ನಿ॒ರವ॑ದಯತೇ । 5
ಏಷ॒ ತೇ॑ ರುದ್ರಭಾ॒ಗ-ಸ್ಸ॒ಹಸ್ವಸ್ರಾಂ-ಽಬಿ॑ಕ॒ಯೇತ್ಯಾ॑ಹ । ಶ॒ರದ್ವಾ ಅ॒ಸ್ಯಾಮ್ಬಿ॑ಕಾ॒ ಸ್ವಸಾ᳚ ।
ತಯಾ॒ ವಾ ಏ॒ಷ ಹಿ॑ನಸ್ತಿ । ಯಗ್ಂ ಹಿ॒ನಸ್ತಿ॑ । ತಯೈ॒ವೈನಗ್ಂ॑ ಸ॒ಹ ಶ॑ಮಯತಿ ।
ಭೇ॒ಷ॒ಜಙ್ಗವ॒ ಇತ್ಯಾ॑ಹ । ಯಾವ॑ನ್ತ ಏ॒ವ ಗ್ರಾ॒ಮ್ಯಾಃ ಪ॒ಶವಃ॑ । ತೇಭ್ಯೋ॑ ಭೇಷ॒ಜ-ಙ್ಕ॑ರೋತಿ । ಅವಾ᳚ಬಂ ರು॒ದ್ರಮ॑ದಿ ಮ॒ಹೀತ್ಯಾ॑ಹ । ಆ॒ಶಿಷ॑ಮೇ॒ವೈ-ತಾಮಾ ಶಾ᳚ಸ್ತೇ । 6
ತ್ರ್ಯ॑ಬಙ್ಕಂ-ಯಁಜಾಮಹ॒ ಇತ್ಯಾ॑ಹ । ಮೃ॒ತ್ಯೋ ರ್ಮು॑ಖ್ಷೀಯ॒ ಮಾ-ಽಮೃತಾ॒-ದಿತಿ॒ ವಾ ವೈ ತದಾ॑ಹ ।
ಉತ್ಕಿ॑ರನ್ತಿ । ಭಗ॑ಸ್ಯ ಲೀಫ್ಸನ್ತೇ । ಮೂತೇ॑ ಕೃ॒ತ್ವಾ ಸ॑ಜನ್ತಿ ।
ಯಥಾ॒ ಜನಂ॑-ಯಁ॒ತೇ॑-ಽವ॒ಸ-ಙ್ಕ॒ರೋತಿ॑ । ತಾ॒ದೃಗೇ॒ವ ತತ್ । ಏ॒ಷ ತೇ॑ ರುದ್ರಭಾ॒ಗ ಇತ್ಯಾ॑ಹ ನಿ॒ರವ॑ತ್ಯೈ । ಅಪ್ರ॑ತೀಖ್ಷ॒-ಮಾಯ॑ನ್ತಿ । ಅ॒ಪಃ ಪರಿ॑ಷಿಞ್ಚತಿ । ರು॒ದ್ರಸ್ಯಾ॒ನ್ತ ರ್ಹಿ॑ತ್ಯೈ । ಪ್ರವಾ ಏ॒ತೇ᳚-ಽಸ್ಮಾ-ಲ್ಲೋ॒ಕಾ-ಚ್ಚ್ಯ॑ವನ್ತೇ । ಯೇ ತ್ರ್ಯ॑ಬಙ್ಕೈ॒-ಶ್ಚರ॑ನ್ತಿ । ಆ॒ದಿ॒ತ್ಯ-ಞ್ಚ॒ರು-ಮ್ಪುನ॒ರೇತ್ಯ॒ ನಿರ್ವ॑ಪತಿ । ಇ॒ಯಂ-ವಾಁ ಅದಿ॑ತಿಃ । ಅ॒ಸ್ಯಾಮೇ॒ವ ಪ್ರತಿ॑ತಿಷ್ಠನ್ತಿ ॥ 7
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಪ್ರತಿಪೂರುಷಂ-ವಿಁಭಾಡಿತಿ ನೇತ್ರತ್ರಯಾ॑ಯ ವೌ॒ಷಟ್ ॥
