শ্রীভগবানুবাচ ।
জ্ঞানং পরমগুহ্য়ং মে যদ্বিজ্ঞানসমন্বিতম্ ।
সরহস্য়ং তদংগং চ গৃহাণ গদিতং ময়া ॥ 1 ॥
যাবানহং যথাভাবো যদ্রূপগুণকর্মকঃ ।
তথৈব তত্ত্ববিজ্ঞানমস্তু তে মদনুগ্রহাত্ ॥ 2 ॥
অহমেবাসমেবাগ্রে নান্যদ্যত্সদসত্পরম্ ।
পশ্চাদহং যদেতচ্চ যোঽবশিষ্য়েত সোঽস্ম্যহম্ ॥ 3 ॥
ঋতেঽর্থং যত্প্রতীয়েত ন প্রতীয়েত চাত্মনি ।
তদ্বিদ্য়াদাত্মনো মায়াং যথাঽভাসো যথা তমঃ ॥ 4 ॥
যথা মহাংতি ভূতানি ভূতেষূচ্চাবচেষ্বনু ।
প্রবিষ্টান্যপ্রবিষ্টানি তথা তেষু ন তেষ্বহম্ ॥ 5 ॥
এতাবদেব জিজ্ঞাস্য়ং তত্ত্বজিজ্ঞাসুনাঽত্মনঃ ।
অন্বযব্যতিরেকাভ্য়াং যত্স্য়াত্সর্বত্র সর্বদা ॥ 6 ॥
এতন্মতং সমাতিষ্ঠ পরমেণ সমাধিনা ।
ভবান্কল্পবিকল্পেষু ন বিমুহ্যতি কর্হিচিত্ ॥ 7 ॥
.. ইতি শ্রীমদ্ভাগবতে মহাপুরাণেঽষ্টাদশসাহস্র্য়াং
সংহিতায়াং বৈযসিক্য়াং দ্বিতীযস্কংধে ভগবদ্ব্রহ্মসংবাদে
নবমাধ্য়ায়াংতর্গতং চতুঃশ্লোকীভাগবতং সমাপ্তম্ . ।
ভাগবতপুরাণ . অধ্য়ায় 2/9/30-36 . ।
