ශ්රීභගවානුවාච ।
ජ්ඤානං පරමගුහ්යං මේ යද්විජ්ඤානසමන්විතම් ।
සරහස්යං තදංගං ච ගෘහාණ ගදිතං මයා ॥ 1 ॥
යාවානහං යථාභාවෝ යද්රූපගුණකර්මකඃ ।
තථෛව තත්ත්වවිජ්ඤානමස්තු තේ මදනුග්රහාත් ॥ 2 ॥
අහමේවාසමේවාග්රේ නාන්යද්යත්සදසත්පරම් ।
පශ්චාදහං යදේතච්ච යෝऽවශිෂ්යේත සෝऽස්ම්යහම් ॥ 3 ॥
ඍතේऽර්ථං යත්ප්රතීයේත න ප්රතීයේත චාත්මනි ।
තද්විද්යාදාත්මනෝ මායාං යථාऽභාසෝ යථා තමඃ ॥ 4 ॥
යථා මහාංති භූතානි භූතේෂූච්චාවචේෂ්වනු ।
ප්රවිෂ්ටාන්යප්රවිෂ්ටානි තථා තේෂු න තේෂ්වහම් ॥ 5 ॥
ඒතාවදේව ජිජ්ඤාස්යං තත්ත්වජිජ්ඤාසුනාऽත්මනඃ ।
අන්වයව්යතිරේකාභ්යාං යත්ස්යාත්සර්වත්ර සර්වදා ॥ 6 ॥
ඒතන්මතං සමාතිෂ්ඨ පරමේණ සමාධිනා ।
භවාන්කල්පවිකල්පේෂු න විමුහ්යති කර්හිචිත් ॥ 7 ॥
.. ඉති ශ්රීමද්භාගවතේ මහාපුරාණේऽෂ්ටාදශසාහස්ර්යාං
සංහිතායාං වෛයසික්යාං ද්විතීයස්කංධේ භගවද්බ්රහ්මසංවාදේ
නවමාධ්යායාංතර්ගතං චතුඃශ්ලෝකීභාගවතං සමාප්තම් . ।
භාගවතපුරාණ . අධ්යාය 2/9/30-36 . ।
