Chatushloki Bhagavatam

śrībhagavānuvācha ।
jñānaṃ paramaguhyaṃ mē yadvijñānasamanvitam ।
sarahasyaṃ tadaṅgaṃ cha gṛhāṇa gaditaṃ mayā ॥ 1 ॥
yāvānahaṃ yathābhāvō yadrūpaguṇakarmakaḥ ।
tathaiva tattvavijñānamastu tē madanugrahāt ॥ 2 ॥
ahamēvāsamēvāgrē nānyadyatsadasatparam ।
paśchādahaṃ yadētachcha yō'vaśiṣyēta sō'smyaham ॥ 3 ॥
ṛtē'rthaṃ yatpratīyēta na pratīyēta chātmani ।
tadvidyādātmanō māyāṃ yathā'bhāsō yathā tamaḥ ॥ 4 ॥
yathā mahānti bhūtāni bhūtēṣūchchāvachēṣvanu ।
praviṣṭānyapraviṣṭāni tathā tēṣu na tēṣvaham ॥ 5 ॥
ētāvadēva jijñāsyaṃ tattvajijñāsunā'tmanaḥ ।
anvayavyatirēkābhyāṃ yatsyātsarvatra sarvadā ॥ 6 ॥
ētanmataṃ samātiṣṭha paramēṇa samādhinā ।
bhavānkalpavikalpēṣu na vimuhyati karhichit ॥ 7 ॥

.. iti śrīmadbhāgavatē mahāpurāṇē'ṣṭādaśasāhasryāṃ
saṃhitāyāṃ vaiyasikyāṃ dvitīyaskandhē bhagavadbrahmasaṃvādē
navamādhyāyāntargataṃ chatuḥślōkībhāgavataṃ samāptam . ।

bhāgavatapurāṇa . adhyāya 2/9/30-36 . ।

Browse Related Categories: