𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌜𑍍𑌞𑌾𑌨𑌂 𑌪𑌰𑌮𑌗𑍁𑌹𑍍𑌯𑌂 𑌮𑍇 𑌯𑌦𑍍𑌵𑌿𑌜𑍍𑌞𑌾𑌨𑌸𑌮𑌨𑍍𑌵𑌿𑌤𑌮𑍍 ।
𑌸𑌰𑌹𑌸𑍍𑌯𑌂 𑌤𑌦𑌂𑌗𑌂 𑌚 𑌗𑍃𑌹𑌾𑌣 𑌗𑌦𑌿𑌤𑌂 𑌮𑌯𑌾 ॥ 1 ॥
𑌯𑌾𑌵𑌾𑌨𑌹𑌂 𑌯𑌥𑌾𑌭𑌾𑌵𑍋 𑌯𑌦𑍍𑌰𑍂𑌪𑌗𑍁𑌣𑌕𑌰𑍍𑌮𑌕𑌃 ।
𑌤𑌥𑍈𑌵 𑌤𑌤𑍍𑌤𑍍𑌵𑌵𑌿𑌜𑍍𑌞𑌾𑌨𑌮𑌸𑍍𑌤𑍁 𑌤𑍇 𑌮𑌦𑌨𑍁𑌗𑍍𑌰𑌹𑌾𑌤𑍍 ॥ 2 ॥
𑌅𑌹𑌮𑍇𑌵𑌾𑌸𑌮𑍇𑌵𑌾𑌗𑍍𑌰𑍇 𑌨𑌾𑌨𑍍𑌯𑌦𑍍𑌯𑌤𑍍𑌸𑌦𑌸𑌤𑍍𑌪𑌰𑌮𑍍 ।
𑌪𑌶𑍍𑌚𑌾𑌦𑌹𑌂 𑌯𑌦𑍇𑌤𑌚𑍍𑌚 𑌯𑍋𑌽𑌵𑌶𑌿𑌷𑍍𑌯𑍇𑌤 𑌸𑍋𑌽𑌸𑍍𑌮𑍍𑌯𑌹𑌮𑍍 ॥ 3 ॥
𑌋𑌤𑍇𑌽𑌰𑍍𑌥𑌂 𑌯𑌤𑍍𑌪𑍍𑌰𑌤𑍀𑌯𑍇𑌤 𑌨 𑌪𑍍𑌰𑌤𑍀𑌯𑍇𑌤 𑌚𑌾𑌤𑍍𑌮𑌨𑌿 ।
𑌤𑌦𑍍𑌵𑌿𑌦𑍍𑌯𑌾𑌦𑌾𑌤𑍍𑌮𑌨𑍋 𑌮𑌾𑌯𑌾𑌂 𑌯𑌥𑌾𑌽𑌭𑌾𑌸𑍋 𑌯𑌥𑌾 𑌤𑌮𑌃 ॥ 4 ॥
𑌯𑌥𑌾 𑌮𑌹𑌾𑌂𑌤𑌿 𑌭𑍂𑌤𑌾𑌨𑌿 𑌭𑍂𑌤𑍇𑌷𑍂𑌚𑍍𑌚𑌾𑌵𑌚𑍇𑌷𑍍𑌵𑌨𑍁 ।
𑌪𑍍𑌰𑌵𑌿𑌷𑍍𑌟𑌾𑌨𑍍𑌯𑌪𑍍𑌰𑌵𑌿𑌷𑍍𑌟𑌾𑌨𑌿 𑌤𑌥𑌾 𑌤𑍇𑌷𑍁 𑌨 𑌤𑍇𑌷𑍍𑌵𑌹𑌮𑍍 ॥ 5 ॥
𑌏𑌤𑌾𑌵𑌦𑍇𑌵 𑌜𑌿𑌜𑍍𑌞𑌾𑌸𑍍𑌯𑌂 𑌤𑌤𑍍𑌤𑍍𑌵𑌜𑌿𑌜𑍍𑌞𑌾𑌸𑍁𑌨𑌾𑌽𑌤𑍍𑌮𑌨𑌃 ।
𑌅𑌨𑍍𑌵𑌯𑌵𑍍𑌯𑌤𑌿𑌰𑍇𑌕𑌾𑌭𑍍𑌯𑌾𑌂 𑌯𑌤𑍍𑌸𑍍𑌯𑌾𑌤𑍍𑌸𑌰𑍍𑌵𑌤𑍍𑌰 𑌸𑌰𑍍𑌵𑌦𑌾 ॥ 6 ॥
𑌏𑌤𑌨𑍍𑌮𑌤𑌂 𑌸𑌮𑌾𑌤𑌿𑌷𑍍𑌠 𑌪𑌰𑌮𑍇𑌣 𑌸𑌮𑌾𑌧𑌿𑌨𑌾 ।
𑌭𑌵𑌾𑌨𑍍𑌕𑌲𑍍𑌪𑌵𑌿𑌕𑌲𑍍𑌪𑍇𑌷𑍁 𑌨 𑌵𑌿𑌮𑍁𑌹𑍍𑌯𑌤𑌿 𑌕𑌰𑍍𑌹𑌿𑌚𑌿𑌤𑍍 ॥ ॥
.. 𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇𑌽𑌷𑍍𑌟𑌾𑌦𑌶𑌸𑌾𑌹𑌸𑍍𑌰𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌂 𑌵𑍈𑌯𑌸𑌿𑌕𑍍𑌯𑌾𑌂 𑌦𑍍𑌵𑌿𑌤𑍀𑌯𑌸𑍍𑌕𑌂𑌧𑍇 𑌭𑌗𑌵𑌦𑍍𑌬𑍍𑌰𑌹𑍍𑌮𑌸𑌂𑌵𑌾𑌦𑍇
𑌨𑌵𑌮𑌾𑌧𑍍𑌯𑌾𑌯𑌾𑌂𑌤𑌰𑍍𑌗𑌤𑌂 𑌚𑌤𑍁𑌃𑌶𑍍𑌲𑍋𑌕𑍀𑌭𑌾𑌗𑌵𑌤𑌂 𑌸𑌮𑌾𑌪𑍍𑌤𑌮𑍍 . ।
𑌭𑌾𑌗𑌵𑌤𑌪𑍁𑌰𑌾𑌣 . 𑌅𑌧𑍍𑌯𑌾𑌯 2//30-36 . ।
