કૃષ્ણ યજુર્વેદીય તૈત્તિરીય બ્રાહ્મણે પ્રથમાષ્ટકે પઞ્ચમઃ પ્રપાઠકઃ - નક્ષત્રેષ્ટિકાણ્ડમ્

ઓ-ન્નમઃ પરમાત્મને, શ્રી મહાગણપતયે નમઃ,
શ્રી ગુરુભ્યો નમઃ । હ॒રિઃ॒ ઓમ્ ॥

અનુવાકં 1 - નક્ષત્રેષ્ટકામન્ત્રાઃ, વિકૃતિરૂપચયનગતાઃ

અ॒ગ્નેઃ કૃત્તિ॑કાઃ । શુ॒ક્ર-મ્પ॒રસ્તા॒-જ્જ્યોતિ॑-ર॒વસ્તા᳚ત્ ॥ પ્ર॒જાપ॑તે રોહિ॒ણી । આપઃ॑ પ॒રસ્તા॒દોષ॑ધયો॒ ઽવસ્તા᳚ત્ ॥ સોમ॑સ્યેન્વ॒કા વિત॑તાનિ । પ॒રસ્તા॒દ્વય॑ન્તો॒ ઽવસ્તા᳚ત્ ॥ રુ॒દ્રસ્ય॑ બા॒હૂ । મૃ॒ગ॒યવઃ॑ પ॒રસ્તા᳚દ્વિક્ષા॒રો॑-ઽવસ્તા᳚ત્ ॥ અદિ॑ત્યૈ॒ પુન॑ર્વસૂ । વાતઃ॑ પ॒રસ્તા॑દા॒ર્દ્ર-મ॒વસ્તા᳚ત્ ॥ 1 ॥

બૃહ॒સ્પતે᳚સ્તિ॒ષ્યઃ॑ । જુહ્વ॑તઃ પ॒રસ્તા॒-દ્યજ॑માના અ॒વસ્તા᳚ત્ ॥ સ॒ર્પાણા॑-માશ્રે॒ષાઃ । અ॒ભ્યા॒ગચ્છ॑ન્તઃ પ॒રસ્તા॑દભ્યા॒નૃત્ય॑ન્તો॒-ઽવસ્તા᳚ત્ ॥ પિ॒તૃ॒ણા-મ્મ॒ઘાઃ । રુ॒દન્તઃ॑ પ॒રસ્તા॑દપભ્ર॒ગ્​મ્॒શો॑-ઽવસ્તા᳚ત્ ॥ અ॒ર્ય॒મ્ણઃ પૂર્વે॒ ફલ્ગુ॑ની । જા॒યા પ॒રસ્તા॑દૃષ॒ભો॑-ઽવસ્તા᳚ત્ ॥ ભગ॒સ્યોત્ત॑રે । વ॒હ॒તવઃ॑ પ॒રસ્તા॒દ્વહ॑માના અ॒વસ્તા᳚ત્ ॥ 2 ॥

દે॒વસ્ય॑ સવિ॒તુર્-હસ્તઃ॑ । પ્ર॒સ॒વઃ પ॒રસ્તા᳚-થ્સ॒નિર॒વસ્તા᳚ત્ ॥ ઇન્દ્ર॑સ્ય ચિ॒ત્રા । ઋ॒ત-મ્પ॒રસ્તા᳚-થ્સ॒ત્ય-મ॒વસ્તા᳚ત્ ॥ વા॒યો-ર્નિષ્ટ્યા᳚ વ્ર॒તતિઃ॑ । પ॒રસ્તા॒-દસિ॑દ્ધિ-ર॒વસ્તા᳚ત્ ॥ ઇ॒ન્દ્રા॒ગ્નિ॒યો-ર્વિશા॑ખે । યુ॒ગાનિ॑ પ॒રસ્તા᳚ત્-કૃ॒ષમા॑ણા અ॒વસ્તા᳚ત્ ॥ મિ॒ત્રસ્યા॑-નૂરા॒ધાઃ । અ॒ભ્યા॒રોહ॑ત્-પ॒રસ્તા॑-દ॒ભ્યારૂ॑ઢ-મ॒વસ્તા᳚ત્ ॥ 3 ॥

ઇન્દ્ર॑સ્ય રોહિ॒ણી । શૃ॒ણત્-પ॒રસ્તા᳚ત્-પ્રતિશૃ॒ણ-દ॒વસ્તા᳚ત્ ॥ નિર્-ઋ॑ત્યૈ-મૂલ॒વર્​હ॑ણી । પ્ર॒તિ॒ભ॒ઞ્જન્તઃ॑ પ॒રસ્તા᳚ત્-પ્રતિશૃ॒ણન્તો॒-ઽવસ્તા᳚ત્ ॥ અ॒પા-મ્પૂર્વા॑ અષા॒ઢાઃ । વર્ચઃ॑ પ॒રસ્તા॒-થ્સમિ॑તિ-ર॒વસ્તા᳚ત્ ॥ વિશ્વે॑ષા-ન્દે॒વાના॒-મુત્ત॑રાઃ । અ॒ભિ॒જય॑ત્-પ॒રસ્તા॑-દ॒ભિજિ॑ત-મ॒વસ્તા᳚ત્ ॥ વિ॒ષ્ણો᳚-શ્શ્રો॒ણા પૃ॒ચ્છમા॑નાઃ । પ॒રસ્તા॒ત્-પન્થા॑ અ॒વસ્તા᳚ત્ ॥ 4 ॥

વસૂ॑ના॒ગ્॒ શ્રવિ॑ષ્ઠાઃ । ભૂ॒ત-મ્પ॒રસ્તા॒-દ્ભૂતિ॑ર॒વસ્તા᳚ત્ ॥ ઇન્દ્ર॑સ્ય-શ॒તભિ॑ષક્ । વિ॒શ્વવ્ય॑ચાઃ પ॒રસ્તા᳚-દ્વિ॒શ્વક્ષિ॑તિ-ર॒વસ્તા᳚ત્ ॥ અ॒જસ્યૈક॑પદઃ॒ પૂર્વે᳚ પ્રોષ્ઠપ॒દાઃ । વૈ॒શ્વા॒ન॒ર-મ્પ॒રસ્તા᳚-દ્વૈશ્વાવસ॒વ-મ॒વસ્તા᳚ત્ ॥ અહે᳚ર્બુ॒ધ્નિય॒-સ્યોત્ત॑રે । અ॒ભિ॒ષિ॒ઞ્ચન્તઃ॑ પ॒રસ્તા॑-દભિષુ॒ણ્વન્તો॒-ઽવસ્તા᳚ત્ ॥ પૂ॒ષ્ણો રે॒વતી᳚ । ગાવઃ॑ પ॒રસ્તા᳚-દ્વ॒થ્સા અ॒વસ્તા᳚ત્ ॥ અ॒શ્વિનો॑રશ્વ॒યુજૌ᳚ । ગ્રામઃ॑ પ॒રસ્તા॒થ્સેના॒ ઽવસ્તા᳚ત્ ॥ ય॒મસ્યા॑પ॒ભર॑ણીઃ । અ॒પ॒કર્​ષ॑ન્તઃ પ॒રસ્તા॑-દપ॒વહ॑ન્તો॒-ઽવસ્તા᳚ત્ ॥ પૂ॒ર્ણા પ॒શ્ચાદુ॒ત પૂ॒ર્ણા પુ॒રસ્તા॒દુન્મ॑ધ્ય॒તઃ પૌ᳚ર્ણમા॒સી જિ॑ગાય । તસ્યા᳚-ન્દે॒વા અધિ॑ સં॒​વઁસ॑ન્ત ઉત્ત॒મે નાક॑ ઇ॒હ મા॑દયન્તામ્ ॥, યત્તે॑ દે॒વા અદ॑ધુ ર્ભાગ॒ધેય॒મમા॑વાસ્યે સં॒​વઁસ॑ન્તો મહિ॒ત્વા । સાનો॑ ય॒જ્ઞ-મ્પિ॑પૃહિ વિશ્વવારે ર॒યિ-ન્નો॑ ધેહિ સુભગે સુ॒વીર᳚મ્ ॥ ॥ 5 ॥
(આ॒ર્દ્રમ॒વસ્તા॒-દ્- વહ॑માના અ॒વસ્તા॑ - દ॒ભ્યારૂ॑ઢમ॒વસ્તા॒ત્ - પન્થા॑ અ॒વસ્તા᳚-દ્- વ॒થ્સા અ॒વસ્તા॒-ત્પઞ્ચ॑ ચ) (અ. 1)

અનુવાકં 2 - કર્માનુષ્ઠાનાર્​હઃ નક્ષત્રરૂપઃ પુણ્યકાલઃ
ય-ત્પુણ્ય॒-ન્નક્ષ॑ત્રમ્ । ત-દ્બ-ટ્કુ॑ર્વીતોપવ્યુ॒ષમ્ । ય॒દા વૈ સૂર્ય॑ ઉ॒દેતિ॑ । અથ॒ નક્ષ॑ત્ર॒-ન્નૈતિ॑ । યાવ॑તિ॒ તત્ર॒ સૂર્યો॒ ગચ્છે᳚ત્ । યત્ર॑ જઘ॒ન્ય॑-મ્પશ્યે᳚ત્ । તાવ॑તિ કુર્વીત ય-ત્કા॒રી સ્યાત્ । પુ॒ણ્યા॒હ એ॒વ કુ॑રુતે । એ॒વગ્​મ્ હ॒ વૈ ય॒જ્ઞેષુ॑-ઞ્ચ શ॒તદ્યુ॑મ્ન-ઞ્ચ મા॒થ્સ્યો નિ॑રવસાય॒યા-ઞ્ચ॑કાર ॥ 6 ॥

યો વૈ ન॑ક્ષ॒ત્રિય॑-મ્પ્ર॒જાપ॑તિં॒-વેઁદ॑ । ઉ॒ભયો॑રેનં-લોઁ॒કયો᳚ર્વિદુઃ । હસ્ત॑ એ॒વાસ્ય॒ હસ્તઃ॑ । ચિ॒ત્રા શિરઃ॑ । નિષ્ટ્યા॒ હૃદ॑યમ્ । ઊ॒રૂ વિશા॑ખે । પ્ર॒તિ॒ષ્ઠા ઽનૂ॑રા॒ધાઃ । એ॒ષ વૈ ન॑ક્ષ॒ત્રિયઃ॑ પ્ર॒જાપ॑તિઃ । ય એ॒વં-વેઁદ॑ । ઉ॒ભયો॑રેનં-લોઁ॒કયો᳚ર્વિદુઃ ॥ 7 ॥

અ॒સ્મિગ્ગ્​શ્ચા॒-મુષ્મિગ્ગ્॑શ્ચ ॥ યા-ઙ્કા॒મયે॑ત દુહિ॒તર॑-મ્પ્રિ॒યા સ્યા॒દિતિ॑ । તા-ન્નિષ્ટ્યા॑યા-ન્દદ્યાત્ । પ્રિ॒યૈવ ભ॑વતિ । નેવ॒ તુ પુન॒રાગ॑ચ્છતિ ॥ અ॒ભિ॒જિન્નામ॒ નક્ષ॑ત્રમ્ । ઉ॒પરિ॑ષ્ટા-દષા॒ઢાના᳚મ્ । અ॒વસ્તા᳚ચ્છ્રો॒ણાયૈ᳚ । દે॒વા॒સુ॒રા-સ્સં​યઁ॑ત્તા આસન્ન્ । તે દે॒વાસ્તસ્મિ॒-ન્નક્ષ॑ત્રે॒-ઽભ્ય॑જયન્ન્ ॥ 8 ॥

યદ॒ભ્યજ॑યન્ન્ । તદ॑ભિ॒જિતો॑-ઽભિજિ॒ત્ત્વમ્ । ય-ઙ્કા॒મયે॑તા-નપજ॒ય્ય-ઞ્જ॑યે॒દિતિ॑ । તમે॒તસ્મિ॒-ન્નક્ષ॑ત્રે યાતયેત્ । અ॒ન॒પ॒જ॒ય્યમે॒વ જ॑યતિ । પા॒પપ॑રાજિતમિવ॒ તુ ॥ પ્ર॒જાપ॑તિઃ પ॒શૂન॑સૃજત । તે નક્ષ॑ત્ર-ન્નક્ષત્ર॒-મુપા॑તિષ્ઠન્ત । તે સ॒માવ॑ન્ત એ॒વાભ॑વન્ન્ । તે રે॒વતી॒-મુપા॑તિષ્ઠન્ત ॥ 9 ॥

તે રે॒વત્યા॒-મ્પ્રાભ॑વન્ન્ । તસ્મા᳚-દ્રે॒વત્યા᳚-મ્પશૂ॒ના-ઙ્કુ॑ર્વીત । ય-ત્કિઞ્ચા᳚ર્વા॒ચીન॒ગ્​મ્॒ સોમા᳚ત્ । પ્રૈવ ભ॑વન્તિ ॥ સ॒લિ॒લં-વાઁ ઇ॒દમ॑ન્ત॒રાસી᳚ત્ । યદત॑રન્ન્ । ત-ત્તાર॑કાણા-ન્તારક॒ત્વમ્ । યો વા ઇ॒હ યજ॑તે । અ॒મુગ્​મ્ સલો॒ક-ન્ન॑ક્ષતે । તન્નક્ષ॑ત્રાણા-ન્નક્ષત્ર॒ત્વમ્ ॥ 10 ॥

દે॒વ॒ગૃ॒હા વૈ નક્ષ॑ત્રાણિ । ય એ॒વં-વેઁદ॑ । ગૃ॒હ્યે॑વ ભ॑વતિ ॥ યાનિ॒ વા ઇ॒માનિ॑ પૃથિ॒વ્યાશ્ચિ॒ત્રાણિ॑ । તાનિ॒ નક્ષ॑ત્રાણિ । તસ્મા॑-દશ્લી॒લના॑મગ્ગ્​-શ્ચિ॒ત્રે । નાવ॑સ્યે॒ન્ન ય॑જેત । યથા॑ પાપા॒હે કુ॑રુ॒તે । તા॒દૃગે॒વ તત્ ॥ દે॒વ॒ન॒ક્ષ॒ત્રાણિ॒ વા અ॒ન્યાનિ॑ ॥ 11 ॥

ય॒મ॒ન॒ક્ષ॒ત્રાણ્ય॒ન્યાનિ॑ । કૃત્તિ॑કાઃ પ્રથ॒મમ્ । વિશા॑ખે ઉત્ત॒મમ્ । તાનિ॑ દેવનક્ષ॒ત્રાણિ॑ । અ॒નૂ॒રા॒ધાઃ પ્ર॑થ॒મમ્ । અ॒પ॒ભર॑ણી-રુત્ત॒મમ્ । તાનિ॑ યમનક્ષ॒ત્રાણિ॑ । યાનિ॑ દેવનક્ષ॒ત્રાણિ॑ । તાનિ॒ દક્ષિ॑ણેન॒ પરિ॑યન્તિ । યાનિ॑ યમનક્ષ॒ત્રાણિ॑ ॥ 12 ॥

તાન્યુત્ત॑રેણ ॥ અન્વે॑ષામરા॒થ્સ્મેતિ॑ । તદ॑નૂરા॒ધાઃ । જ્યે॒ષ્ઠમે॑ષા-મવધિ॒ષ્મેતિ॑ । તજ્જ્યે᳚ષ્ઠ॒ઘ્ની । મૂલ॑મેષામવૃક્ષા॒મેતિ॑ । ત-ન્મૂ॑લ॒વર્​હ॑ણી । યન્નાસ॑હન્ત । તદ॑ષા॒ઢાઃ । યદશ્લો॑ણત્ ॥ 13 ॥

તચ્છ્રો॒ણા । યદશૃ॑ણોત્ । તચ્છ્રવિ॑ષ્ઠાઃ । યચ્છ॒ત-મભિ॑ષજ્યન્ન્ । તચ્છ॒તભિ॑ષક્ । પ્રો॒ષ્ઠ॒પ॒દેષૂદ॑યચ્છન્ત । રે॒વત્યા॑મરવન્ત । અ॒શ્વ॒યુજો॑રયુઞ્જત । અ॒પ॒ભર॑ણી॒ષ્વ પા॑વહન્ન્ । તાનિ॒ વા એ॒તાનિ॑ યમનક્ષ॒ત્રાણિ॑ ॥ યાન્યે॒વ દે॑વનક્ષ॒ત્રાણિ॑ । તેષુ॑ કુર્વીત યત્કા॒રી સ્યાત્ । પુ॒ણ્યા॒હ એ॒વ કુ॑રુતે ॥ 14 ॥
(ચ॒કા॒ - રૈ॒વં-વેઁદો॒ભયો॑ રેનં-લોઁ॒કયો᳚ર્વિદુ - રજયન્ - રે॒વતી॒મુપા॑તિષ્ઠન્ત - નક્ષત્ર॒ત્વ - મ॒ન્યાનિ॒ - યાનિ॑ યમનક્ષ॒ત્રા - ણ્યશ્લો॑ણ--દ્યમનક્ષ॒ત્રાણિ॒ ત્રીણિ॑ ચ) (અ. 2)

અનુવાકં 3 - કર્માનુષ્ઠાનાર્​હઃ દિવસભાગરૂપઃ હેયોપાદેયકાલ વિભાગઃ
દે॒વસ્ય॑ સવિ॒તુઃ પ્રા॒તઃ પ્ર॑સ॒વઃ પ્રા॒ણઃ । વરુ॑ણસ્ય સા॒યમા॑સ॒વો॑-ઽપા॒નઃ ॥ ય-ત્પ્ર॑તી॒ચીન॑-મ્પ્રાત॒સ્તના᳚ત્ । પ્રા॒ચીનગ્​મ્॑ સઙ્ગ॒વાત્ । તતો॑ દે॒વા અ॑ગ્નિષ્ટો॒મ-ન્નિર॑મિમત । તત્-તદાત્ત॑વીર્ય-ન્નિર્મા॒ર્ગઃ ॥ મિ॒ત્રસ્ય॑ સઙ્ગ॒વઃ । તત્-પુણ્ય॑-ન્તેજ॒સ્વ્યહઃ॑ ।
તસ્મા॒ત્તર્​હિ॑ પ॒શવ॑-સ્સ॒માય॑ન્તિ ॥ ય-ત્પ્ર॑તી॒ચીનગ્​મ્॑ સઙ્ગ॒વાત્ ॥ 15 ॥

પ્રા॒ચીન॑-મ્મ॒દ્ધ્યન્દિ॑નાત્ । તતો॑ દે॒વા ઉ॒ક્થ્ય॑-ન્નિર॑મિમત । તત્-તદાત્ત॑વીર્ય-ન્નિર્મા॒ર્ગઃ ॥ બૃહ॒સ્પતે᳚-ર્મ॒દ્ધ્યન્દિ॑નઃ । તત્-પુણ્ય॑-ન્તેજ॒સ્વ્યહઃ॑ । તસ્મા॒ત્તર્​હિ॒ તેક્ષ્ણિ॑ષ્ઠ-ન્તપતિ ॥ યત્-પ્ર॑તી॒ચીન॑-મ્મ॒દ્ધ્યન્દિ॑નાત્ । પ્રા॒ચીન॑-મપરા॒હ્ણાત્ । તતો॑ દે॒વા-ષ્ષો॑ડ॒શિન॒-ન્નિર॑મિમત । તત્તદાત્ત॑વીર્ય-ન્નિર્મા॒ર્ગઃ ॥ 16 ॥

ભગ॑સ્યાપરા॒હ્ણઃ । તત્-પુણ્ય॑-ન્તેજ॒સ્વ્યહઃ॑ । તસ્મા॑દપરા॒હ્ણે કુ॑મા॒ર્યો॑ ભગ॑મિ॒ચ્છમા॑ના-શ્ચરન્તિ ॥ યત્-પ્ર॑તી॒ચીન॑મપરા॒હ્ણાત્ । પ્રા॒ચીનગ્​મ્॑ સા॒યાત્ । તતો॑ દે॒વા અ॑તિરા॒ત્ર-ન્નિર॑મિમત । તત્તદાત્ત॑વીર્ય-ન્નિર્મા॒ર્ગઃ ॥ વરુ॑ણસ્ય સા॒યમ્ । તત્-પુણ્ય॑-ન્તેજ॒સ્વ્યહઃ॑ । તસ્મા॒ત્તર્​હિ॒ નાનૃ॑તં-વઁદેત્ ॥ 17 ॥

બ્રા॒હ્મ॒ણો વા અ॑ષ્ટાવિ॒ગ્​મ્॒શો નક્ષ॑ત્રાણામ્ । સ॒મા॒નસ્યાહ્નઃ॒ પઞ્ચ॒ પુણ્યા॑નિ॒ નક્ષ॑ત્રાણિ । ચ॒ત્વાર્ય॑શ્લી॒લાનિ॑ । તાનિ॒ નવ॑ । યચ્ચ॑ પ॒રસ્તા॒ન્નક્ષ॑ત્રાણાં॒-યઁચ્ચા॒વસ્તા᳚ત્ । તાન્યેકા॑દશ । બ્રા॒હ્મ॒ણો દ્વા॑દ॒શઃ । ય એ॒વં-વિઁ॒દ્વાન્-થ્સં॑​વઁથ્સ॒રં-વ્રઁ॒ત-ઞ્ચર॑તિ । સં॒​વઁ॒થ્સ॒રેણૈ॒વાસ્ય॑ વ્ર॒ત-ઙ્ગુ॒પ્ત-મ્ભ॑વતિ ॥ સ॒મા॒નસ્યાહ્નઃ॒ પઞ્ચ॒ પુણ્યા॑નિ॒ નક્ષ॑ત્રાણિ । ચ॒ત્વાર્ય॑શ્લી॒લાનિ॑ । તાનિ॒ નવ॑ । આ॒ગ્ને॒યી રાત્રિઃ॑ । ઐ॒ન્દ્રમહઃ॑ । તાન્યેકા॑દશ । આ॒દિ॒ત્યો દ્વા॑દ॒શઃ । ય એ॒વં-વિઁ॒દ્વાન્-થ્સં॑​વઁથ્સ॒રં-વ્રઁ॒ત-ઞ્ચર॑તિ । સં॒​વઁ॒થ્સ॒રેણૈ॒વાસ્ય॑ વ્ર॒ત-ઙ્ગુ॒પ્ત-મ્ભ॑વતિ ॥ 18 ॥
(સ॒ઙ્ગ॒વાથ્ - ષો॑ડ॒શિન॒-ન્નિર॑મિમત॒ તત્તદાત્ત॑વીર્ય-ન્નિર્મા॒ગો - વ॑દે-દ્- ભવતિ સમા॒નસ્યાહ્નઃ॒ પઞ્ચ॒ પુણ્યા॑નિ॒ નક્ષ॑ત્રાણ્ય॒ષ્ટૌ ચ॑) (અ. 3)

અનુવાકં 4 - સોમશેષભૂતા પાત્રસ્તુતિઃ.(આધ્વરબ્રાહ્મણશેષઃ)
બ્ર॒હ્મ॒વા॒દિનો॑ વદન્તિ । કતિ॒ પાત્રા॑ણિ ય॒જ્ઞં-વઁ॑હ॒ન્તીતિ॑ । ત્રયો॑દ॒શેતિ॑ બ્રૂયાત્ । સ યદ્બ્રૂ॒યાત્ । કસ્તાનિ॒ નિર॑મિમી॒તેતિ॑ । પ્ર॒જાપ॑તિ॒રિતિ॑ બ્રૂયાત્ । સ યદ્બ્રૂ॒યાત્ । કુત॒સ્તાનિ॒ નિર॑મિમી॒તેતિ॑ । આ॒ત્મન॒ ઇતિ॑ । પ્રા॒ણા॒પા॒નાભ્યા॑-મે॒વોપાગ્॑-શ્વન્તર્યા॒મૌ નિર॑મિમીત ॥ 19 ॥

વ્યા॒નાદુ॑પાગ્​મ્શુ॒ સવ॑નમ્ । વા॒ચ ઐ᳚ન્દ્રવાય॒વમ્ । દ॒ક્ષ॒ક્ર॒તુભ્યા᳚-મ્મૈત્રાવરુ॒ણમ્ । શ્રોત્રા॑દાશ્વિ॒નમ્ । ચક્ષુ॑ષ-શ્શુ॒ક્રા મ॒ન્થિનૌ᳚ । આ॒ત્મન॑ આગ્રય॒ણમ્ । અઙ્ગે᳚ભ્ય ઉ॒ક્થ્ય᳚મ્ । આયુ॑ષો ધ્રુ॒વમ્ । પ્ર॒તિ॒ષ્ઠાયા॑ ઋતુપા॒ત્રે ॥ ય॒જ્ઞં-વાઁવ ત-મ્પ્ર॒જાપ॑તિ॒-ર્નિર॑મિમીત । સ નિર્મિ॑તો॒ નાદ્ધ્રિ॑યત॒ સમ॑વ્લીયત । સ એ॒તા-ન્પ્ર॒જાપ॑તિ-રપિવા॒પાન॑-પશ્યત્ । તાન્નિર॑વપત્ । તૈર્વૈ સ ય॒જ્ઞમપ્ય॑વપત્ । યદ॑પિવા॒પા ભવ॑ન્તિ । ય॒જ્ઞસ્ય॒ ધૃત્યા॒ અસં॑​વ્લઁયાય ॥ 20 ॥
(ઉ॒પા॒ગ્॒શ્વ॒ન્ત॒ર્યા॒મૌ નિર॑મિમીતા- મિમીત॒ ષટ્ ચ॑) (અ. 4)

અનુવાકં 5 - ચાતુર્માસ્યશેષા વપનમન્ત્રાઃ, (રાજસૂયબ્રાહ્મણમ્)
ઋ॒તમે॒વ પ॑રમે॒ષ્ઠિ । ઋ॒ત-ન્નાત્યે॑તિ॒ કિ-ઞ્ચ॒ન । ઋ॒તે સ॑મુ॒દ્ર આહિ॑તઃ । ઋ॒તે ભૂમિ॑રિ॒યગ્ગ્​ શ્રિ॒તા । અ॒ગ્નિસ્તિ॒ગ્મેન॑ શો॒ચિષા᳚ । તપ॒ આક્રા᳚ન્ત-મુ॒ષ્ણિહા᳚ । શિર॒સ્તપ॒સ્યાહિ॑તમ્ । વૈ॒શ્વા॒ન॒રસ્ય॒ તેજ॑સા । ઋ॒તેના᳚સ્ય॒ નિવ॑ર્તયે । સ॒ત્યેન॒ પરિ॑વર્તયે ॥ 21 ॥

તપ॑સા॒-ઽસ્યાનુ॑વર્તયે । શિ॒વેના॒સ્યોપ॑વર્તયે । શ॒ગ્મેના᳚સ્યા॒-ભિવ॑ર્તયે । તદૃ॒ત-ન્ત-થ્સ॒ત્યમ્ । ત-દ્વ્ર॒ત-ન્તચ્છ॑કેયમ્ । તેન॑ શકેય॒-ન્તેન॑ રાદ્ધ્યાસમ્ ॥ ય-દ્ઘ॒ર્મઃ પ॒ર્યવ॑ર્તયત્ । અન્તા᳚-ન્પૃથિ॒વ્યા દિ॒વઃ । અ॒ગ્નિરીશા॑ન॒ ઓજ॑સા । વરુ॑ણો ધી॒તિભિ॑-સ્સ॒હ ॥ 22 ॥

ઇન્દ્રો॑ મ॒રુદ્ભિ॒-સ્સખિ॑ભિ-સ્સ॒હ ॥ અ॒ગ્નિસ્તિ॒ગ્મેન॑ શો॒ચિષા᳚ । તપ॒ આક્રા᳚ન્ત-મુ॒ષ્ણિહા᳚ । શિર॒સ્તપ॒સ્યાહિ॑તમ્ । વૈ॒શ્વા॒ન॒રસ્ય॒ તેજ॑સા । ઋ॒તેના᳚સ્ય॒ નિવ॑ર્તયે । સ॒ત્યેન॒ પરિ॑વર્તયે । તપ॑સા॒ ઽસ્યાનુ॑વર્તયે । શિ॒વેના॒સ્યોપ॑વર્તયે । શ॒ગ્મેના᳚સ્યા॒ભિવ॑ર્તયે ॥ 23 ॥

તદૃ॒ત-ન્ત-થ્સ॒ત્યમ્ । ત-દ્વ્ર॒ત-ન્તચ્છ॑કેયમ્ । તેન॑ શકેય॒-ન્તેન॑ રાદ્ધ્યાસમ્ ॥ યો અ॒સ્યાઃ પૃ॑થિ॒વ્યાસ્ત્વ॒ચિ । નિ॒વ॒ર્તય॒ત્યોષ॑ધીઃ । અ॒ગ્નિરીશા॑ન॒ ઓજ॑સા । વરુ॑ણો ધી॒તિભિ॑-સ્સ॒હ । ઇન્દ્રો॑ મ॒રુદ્ભિ॒-સ્સખિ॑ભિ-સ્સ॒હ ॥ અ॒ગ્નિસ્તિ॒ગ્મેન॑ શો॒ચિષા᳚ । તપ॒ આક્રા᳚ન્ત-મુ॒ષ્ણિહા᳚ ॥ 24 ॥

શિર॒સ્તપ॒સ્યાહિ॑તમ્ । વૈ॒શ્વા॒ન॒રસ્ય॒ તેજ॑સા । ઋ॒તેના᳚સ્ય॒ નિવ॑ર્તયે । સ॒ત્યેન॒ પરિ॑વર્તયે । તપ॑સા॒ ઽસ્યાનુ॑વર્તયે । શિ॒વેના॒સ્યોપ॑વર્તયે । શ॒ગ્મેના᳚સ્યા॒-ભિવ॑ર્તયે । તદૃ॒ત-ન્ત-થ્સ॒ત્યમ્ । ત-દ્વ॒ત-ન્તચ્છ॑કેયમ્ । તેન॑ શકેય॒-ન્તેન॑ રાદ્ધ્યાસમ્ ॥ 25 ॥

એક॒-મ્માસ॒-મુદ॑સૃજત્ । પ॒ર॒મે॒ષ્ઠી પ્ર॒જાભ્યઃ॑ । તેના᳚ભ્યો॒ મહ॒ આવ॑હત્ । અ॒મૃત॒-મ્મર્ત્યા᳚ભ્યઃ । પ્ર॒જામનુ॒ પ્રજા॑યસે । તદુ॑ તે મર્ત્યા॒મૃત᳚મ્ । યેન॒ માસા॑ અર્ધમા॒સાઃ । ઋ॒તવઃ॑ પરિવથ્સ॒રાઃ । યેન॒ તે તે᳚ પ્રજાપતે । ઈ॒જા॒નસ્ય॒ ન્યવ॑ર્તયન્ન્ ॥ 26 ॥

તેના॒હમ॒સ્ય બ્રહ્મ॑ણા । નિવ॑ર્તયામિ જી॒વસે᳚ ॥ અ॒ગ્નિસ્તિ॒ગ્મેન॑ શો॒ચિષા᳚ । તપ॒ આક્રા᳚ન્ત-મુ॒ષ્ણિહા᳚ । શિર॒સ્તપ॒સ્યાહિ॑તમ્ । વૈ॒શ્વા॒ન॒રસ્ય॒ તેજ॑સા । ઋ॒તેના᳚સ્ય॒ નિવ॑ર્તયે । સ॒ત્યેન॒ પરિ॑વર્તયે । તપ॑સા॒ ઽસ્યાનુ॑વર્તયે । શિ॒વેના॒સ્યોપ॑વર્તયે । શ॒ગ્મેના᳚સ્યા॒ભિવ॑ર્તયે । તદૃ॒ત-ન્ત-થ્સ॒ત્યમ્ । ત-દ્વ્ર॒ત-ન્તચ્છ॑કેયમ્ । તેન॑ શકેય॒-ન્તેન॑ રાદ્ધ્યાસમ્ ॥ 27 ॥
(પરિ॑વર્તયે - સ॒હા - ભિવ॑ર્તય - ઉ॒ષ્ણિહા॑ - રાદ્ધ્યાસં॒ - ન્યવ॑ર્તય॒ન્ - નુપ॑વર્તયે ચ॒ત્વારિ॑ ચ) (અ. 5)

અનુવાકં 6 - ચાતુર્માસ્યશેષા વપનવિધિઃ (રાજસૂયબ્રાહ્મણમ્)
દે॒વા વૈ ય-દ્ય॒જ્ઞે ઽકુ॑ર્વત । તદસુ॑રા અકુર્વત । તે-ઽસુ॑રા ઊ॒ર્ધ્વ-મ્પૃ॒ષ્ઠેભ્યો॒ નાપ॑શ્યન્ન્ । તે કેશા॒નગ્રે॑-ઽવપન્ત । અથ॒ શ્મશ્રૂ॑ણિ । અથો॑પપ॒ક્ષૌ । તત॒સ્તે-ઽવા᳚ઞ્ચ આયન્ન્ । પરા॑-ઽભવન્ન્ । યસ્યૈ॒વં-વઁપ॑ન્તિ । અવાં॑એતિ ॥ 28 ॥

અથો॒ પરૈ॒વ ભ॑વતિ । અથ॑ દે॒વા ઊ॒ર્ધ્વ-મ્પૃ॒ષ્ઠેભ્યો॑-ઽપશ્યન્ન્ । ત ઉ॑પપ॒ક્ષાવગ્રે॑-ઽવપન્ત । અથ॒ શ્મશ્રૂ॑ણિ । અથ॒ કેશાન્॑ । તત॒સ્તે॑-ઽભવન્ન્ । સુ॒વ॒ર્ગં-લોઁ॒કમા॑યન્ન્ । યસ્યૈ॒વં-વઁપ॑ન્તિ । ભવ॑ત્યા॒ત્મના᳚ । અથો॑ સુવ॒ર્ગં-લોઁ॒કમે॑તિ ॥ 29 ॥

અથૈ॒ત-ન્મનુ॑-ર્વ॒પ્ત્રે મિ॑થુ॒ન-મ॑પશ્યત્ । સ શ્મશ્રૂ॒ણ્યગ્રે॑-ઽવપત । અથો॑પપ॒ક્ષૌ । અથ॒ કેશાન્॑ । તતો॒ વૈ સ પ્રાજા॑યત પ્ર॒જયા॑ પ॒શુભિઃ॑ । યસ્યૈ॒વં-વઁપ॑ન્તિ । પ્ર પ્ર॒જયા॑ પ॒શુભિ॑-ર્મિથુ॒નૈ-ર્જા॑યતે ॥ દે॒વા॒સુ॒રા-સ્સં​યઁ॑ત્તા આસન્ન્ । તે સં॑​વઁથ્સ॒રે વ્યાય॑ચ્છન્ત । તા-ન્દે॒વાશ્ચા॑તુ-ર્મા॒સ્યૈરે॒વાભિ પ્રાયુ॑ઞ્જત ॥ 30 ॥

વૈ॒શ્વ॒દે॒વેન॑ ચ॒તુરો॑ મા॒સો॑-ઽવૃઞ્જ॒તેન્દ્ર॑રાજાનઃ । તાઞ્છી॒ર્॒ષન્નિ ચાવ॑ર્તયન્ત॒ પરિ॑ ચ । વ॒રુ॒ણ॒ પ્ર॒ઘા॒સૈ-શ્ચ॒તુરો॑ મા॒સો॑-ઽવૃઞ્જત॒ વરુ॑ણરાજાનઃ । તાઞ્છી॒ર્॒ષન્નિ ચાવ॑ર્તયન્ત॒ પરિ॑ ચ । સા॒ક॒મે॒ધૈશ્ચ॒તુરો॑ મા॒સો॑-ઽવૃઞ્જત॒ સોમ॑રાજાનઃ । તાઞ્છી॒ર॒.ષન્નિ ચાવ॑ર્તયન્ત॒ પરિ॑ ચ । યા સં॑​વઁથ્સ॒ર ઉ॑પજી॒વા ઽઽસી᳚ત્ । તામે॑ષા-મવૃઞ્જત । તતો॑ દે॒વા અભ॑વન્ન્ । પરા-ઽસુ॑રાઃ ॥ 31 ॥

ય એ॒વં-વિઁ॒દ્વાગ્​-શ્ચા॑તુર્મા॒સ્યૈ-ર્યજ॑તે । ભ્રાતૃ॑વ્યસ્યૈ॒વ મા॒સો વૃ॒ક્ત્વા । શી॒ર્॒ષન્નિ ચ॑ વ॒ર્તય॑તે॒ પરિ॑ ચ । યૈષા સં॑​વઁથ્સ॒ર ઉ॑પજી॒વા । વૃ॒ઙ્ક્તે તા-મ્ભ્રાતૃ॑વ્યસ્ય । ક્ષુ॒ધા ઽસ્ય॒ ભ્રાતૃ॑વ્યઃ॒ પરા॑ ભવતિ ॥ લો॒હિ॒તા॒ય॒સેન॒ નિવ॑ર્તયતે । યદ્વા ઇ॒મામ॒ગ્નિર્-ઋ॒તાવાગ॑તે નિવ॒ર્તય॑તિ । એ॒તદે॒વૈનાગ્​મ્॑ રૂ॒પ-ઙ્કૃ॒ત્વા નિવ॑ર્તયતિ । સા તત॒-શ્શ્વ-શ્શ્વો॒ ભૂય॑સી॒ ભવ॑ન્ત્યેતિ ॥ 32 ॥

પ્રજા॑યતે । ય એ॒વં-વિઁ॒દ્વાઁલ્લો॑હિતાય॒સેન॑ નિવ॒ર્તય॑તે । એ॒તદે॒વ રૂ॒પ-ઙ્કૃ॒ત્વા નિવ॑ર્તયતે । સ તત॒-શ્શ્વ-શ્શ્વો॒ ભૂયા॒ન્-ભવ॑ન્નેતિ । પ્રૈવ જા॑યતે ॥ ત્રે॒ણ્યા શ॑લ॒લ્યા નિવ॑ર્તયેત । ત્રીણિ॑ ત્રીણિ॒ વૈ દે॒વાના॑મૃ॒દ્ધાનિ॑ । ત્રીણિ॒ છન્દાગ્​મ્॑સિ । ત્રીણિ॒ સવ॑નાનિ । ત્રય॑ ઇ॒મે લો॒કાઃ ॥ 33 ॥

ઋ॒દ્ધ્યામે॒વ ત-દ્વી॒ર્ય॑ એ॒ષુ લો॒કેષુ॒ પ્રતિ॑ તિષ્ઠતિ ॥ યચ્ચા॑તુર્માસ્યયા॒-જ્યા᳚ત્મનો॒ નાવ॒દ્યેત્ । દે॒વેભ્ય॒ આવૃ॑શ્ચ્યેત । ચ॒તૃ॒ષુ ચ॑તૃષુ॒ માસે॑ષુ॒ નિવ॑ર્તયેત । પ॒રોક્ષ॑મે॒વ ત-દ્દે॒વેભ્ય॑ આ॒ત્મનો-ઽવ॑દ્ય॒ત્યના᳚ વ્રસ્કાય ॥ દે॒વાનાં॒-વાઁ એ॒ષ આની॑તઃ । યશ્ચા॑તુર્માસ્યયા॒જી । ય એ॒વં-વિઁ॒દ્વાન્નિ ચ॑ વ॒ર્તય॑તે॒ પરિ॑ ચ । દે॒વતા॑ એ॒વાપ્યે॑તિ । નાસ્ય॑ રુ॒દ્રઃ પ્ર॒જા-મ્પ॒શૂ-ન॒ભિમ॑ન્યતે ॥ 34 ॥
(એ॒ત્યે॒- ત્ય॒ - યુ॒ઞ્જ॒તા - સુ॑રા - એતિ - લો॒કા - મ॑ન્યતે) (અ. 6)

અનુવાકં 7 - અગ્નિચયનશેષા ઇષ્ટકોપધાનમન્ત્રાઃ, તત્ર સન્તત્યાખ્યેષ્ટકામન્ત્રાઃ
આયુ॑ષઃ પ્રા॒ણગ્​મ્ સન્ત॑નુ । પ્રા॒ણાદ॑પા॒નગ્​મ્ સન્ત॑નુ । અ॒પા॒ના-દ્વ્યા॒નગ્​મ્ સન્ત॑નુ । વ્યા॒નાચ્ચક્ષુ॒-સ્સન્ત॑નુ । ચક્ષુ॑ષ॒-શ્શ્રોત્ર॒ગ્​મ્॒ સન્ત॑નુ । શ્રોત્રા॒-ન્મન॒-સ્સન્ત॑નુ । મન॑સો॒ વાચ॒ગ્​મ્॒ સન્ત॑નુ । વા॒ચ આ॒ત્માન॒ગ્​મ્॒ સન્ત॑નુ । આ॒ત્મનઃ॑ પૃથિ॒વીગ્​મ્ સન્ત॑નુ । પૃ॒થિ॒વ્યા અ॒ન્તરિ॑ક્ષ॒ગ્​મ્॒ સન્ત॑નુ । અ॒ન્તરિ॑ક્ષા॒-દ્દિવ॒ગ્​મ્॒ સન્ત॑નુ ।દિવ॒-સ્સુવ॒-સ્સન્ત॑નુ ॥ 35 ॥
(અ॒ન્તરિ॑ક્ષ॒ગ્​મ્॒ સન્ત॑નુ॒ દ્વે ચ॑) (અ. 7)

અનુવાકં 8 - અગ્નિચયનશેષા થર્વશિરો-ઽભિધાનાનામિષ્ટકાના-મ્મન્ત્રાઃ
ઇન્દ્રો॑ દધી॒ચો અ॒સ્થભિઃ॑ । વૃ॒ત્રાણ્ય પ્ર॑તિષ્કુતઃ । જ॒ઘાન॑ નવ॒ તીર્નવ॑ ॥ ઇ॒ચ્છન્નશ્વ॑સ્ય॒ યચ્છિરઃ॑ । પર્વ॑તે॒ષ્વપ॑ શ્રિતમ્ । ત-દ્વિ॑દચ્છર્ય॒ણાવ॑તિ ॥ અત્રા હ ॒ગોરમ॑ન્વત । નામ॒ ત્વષ્ટુ॑રપી॒ચ્ય᳚મ્ । ઇ॒ત્થા ચ॒ન્દ્રમ॑સો ગૃ॒હે ॥ ઇન્દ્ર॒મિદ્ગા॒થિનો॑ બૃ॒હત્ ॥ 36 ॥

ઇન્દ્ર॑મ॒ર્કેભિ॑ર॒ર્કિણઃ॑ । ઇન્દ્રં॒-વાઁણી॑રનૂષત ॥ ઇન્દ્ર॒ ઇદ્ધર્યો॒-સ્સચા᳚ । સમ્મિ॑શ્લ॒ આવ॑ચો॒ યુજા᳚ । ઇન્દ્રો॑ વ॒જ્રી હિ॑ર॒ણ્યયઃ॑ ॥ ઇન્દ્રો॑ દી॒ર્ઘાય॒ ચક્ષ॑સે । આ સૂર્યગ્​મ્॑ રોહય-દ્દિ॒વિ । વિ ગોભિ॒રદ્રિ॑મૈરયત્ ॥ ઇન્દ્ર॒ વાજે॑ષુ નો અવ । સ॒હસ્ર॑ પ્રધનેષુ ચ ॥ 37 ॥

ઉ॒ગ્ર ઉ॒ગ્રાભિ॑રૂ॒તિભિઃ॑ ॥ તમિન્દ્રં॑-વાઁજયામસિ । મ॒હે વૃ॒ત્રાય॒ હન્ત॑વે । સ વૃષા॑ વૃષ॒ભો ભુ॑વત્ ॥ ઇન્દ્ર॒-સ્સદામ॑ને કૃ॒તઃ । ઓજિ॑ષ્ઠ॒-સ્સ બલે॑ હિ॒તઃ । દ્યુ॒મ્ની શ્લો॒કી સ સૌ॒મ્યઃ॑ ॥ ગિ॒રા વજ્રો॒ ન સમ્ભૃ॑તઃ । સબ॑લો॒ અન॑પચ્યુતઃ । વ॒વ॒ક્ષુ-રુ॒ગ્રો અસ્તૃ॑તઃ ॥ 38 ॥
(બૃ॒હ- ચ્ચા - સ્તૃ॑તઃ) (અ. 8)

અનુવાકં 9 - સોમશેષભૂતા ઇષ્ટયઃ. (આધ્વરબ્રાહ્મણમ્)
દે॒વા॒સુ॒રા-સ્સં​યઁ॑ત્તા આસન્ન્ । સ પ્ર॒જાપ॑તિ॒રિન્દ્ર॑-ઞ્જ્યે॒ષ્ઠ-મ્પુ॒ત્રમપ॒ ન્ય॑ધત્ત । નેદે॑ન॒મસુ॑રા॒ બલી॑યાગ્​મ્ સો-ઽહન॒ન્નિતિ॑ । પ્ર॒હ્રાદો॑ હ॒ વૈ કા॑યાધ॒વઃ । વિ॒રોચ॑ન॒ગ્ગ્॒ સ્વ-મ્પુ॒ત્રમપ॒ ન્ય॑ધત્ત । નેદે॑ન-ન્દે॒વા અ॑હન॒ન્નિતિ॑ । તે દે॒વાઃ પ્ર॒જાપ॑તિ-મુપસ॒મેત્યો॑ચુઃ । નારા॒જક॑સ્ય યુ॒દ્ધમ॑સ્તિ । ઇન્દ્ર॒મન્વિ॑ચ્છા॒મેતિ॑ । તં-યઁ॑જ્ઞક્ર॒તુભિ॒-રન્વૈ᳚ચ્છન્ન્ ॥ 39 ॥

તં-યઁ॑જ્ઞક્ર॒તુભિ॒ર્નાન્વ॑વિન્દન્ન્ । તમિષ્ટિ॑ભિ॒-રન્વૈ᳚ચ્છન્ન્ । તમિષ્ટિ॑ભિ॒-રન્વ॑વિન્દન્ન્ । તદિષ્ટી॑ના-મિષ્ટિ॒ત્વમ્ । એષ્ટ॑યો હ॒ વૈ નામ॑ । તા ઇષ્ટ॑ય॒ ઇત્યાચ॑ક્ષતે પ॒રોક્ષે॑ણ । પ॒રોક્ષ॑પ્રિયા ઇવ॒ હિ દે॒વાઃ ॥ તસ્મા॑ એ॒તમા᳚ગ્નાવૈષ્ણ॒વ-મેકા॑દશકપાલ-ન્દીક્ષ॒ણીય॒-ન્નિર॑વપન્ન્ । તદ॑પ॒દ્રુત્યા॑તન્વત । તાન્પ॑ત્ની સં​યાઁ॒જાન્ત॒ ઉપા॑નયન્ન્ ॥ 40 ॥

તે તદ॑-ન્તમે॒વ કૃ॒ત્વોદ॑દ્રવન્ન્ ॥ તે પ્રા॑ય॒ણીય॑મ॒ભિ સ॒મારો॑હન્ન્ । તદ॑પ॒દ્રુત્યા॑તન્વત । તાઞ્છં॒​ય્વઁ॑ન્ત॒ ઉપા॑નયન્ન્ । તે તદ॑તમ્મે॒વ કૃ॒ત્વોદ॑દ્રવન્ન્ ॥ ત આ॑તિ॒થ્યમ॒ભિ સ॒મારો॑હન્ન્ । તદ॑પ॒દ્રુત્યા॑તન્વત । તાનિડા᳚ન્ત॒ ઉપા॑નયન્ન્ । તે તદ॑તમ્મે॒વ કૃ॒ત્વોદ॑દ્રવન્ન્ । તસ્મા॑ દે॒તા એ॒તદ॑ન્તા॒ ઇષ્ટ॑ય॒-સ્સન્તિ॑ષ્ઠન્તે ॥ 41 ॥

એ॒વગ્​મ્ હિ દે॒વા અકુ॑ર્વત । ઇતિ॑ દે॒વા અ॑કુર્વત । ઇત્યુ॒ વૈ મ॑નુ॒ષ્યાઃ᳚ કુર્વતે ॥ તે દે॒વા ઊ॑ચુઃ । યદ્વા ઇ॒દમુ॒ચ્ચૈ-ર્ય॒જ્ઞેન॒ ચરા॑મ । તન્નો-ઽસુ॑રાઃ પા॒પ્મા-ઽનુ॑વિન્દન્તિ । ઉ॒પા॒ગ્​મ્॒શૂ॑પ॒સદા॑ ચરામ । તથા॒ નો-ઽસુ॑રાઃ પા॒પ્મા નાનુ॑વેથ્સ્ય॒ન્તીતિ॑ । ત ઉ॑પા॒ગ્​મ્॒શૂ॑પ॒સદ॑-મતન્વત । તિ॒સ્ર એ॒વ સા॑મિધે॒નીર॒નૂચ્ય॑ ॥ 42 ॥

સ્રુ॒વેણા॑ઘા॒ર-મા॒ઘાર્ય॑ । તિ॒સ્રઃ પરા॑ચી॒-રાહુ॑તીર્-હુ॒ત્વા । સ્રુ॒વેણો॑પ॒સદ॑-ઞ્જુહ॒વાઞ્ચ॑ક્રુઃ । ઉ॒ગ્રં-વઁચો॒ અપા॑વધી-ન્ત્વે॒ષં-વઁચો॒ અપા॑વધી॒ગ્॒ સ્વાહેતિ॑ । અ॒શ॒ન॒યા॒પિ॒પા॒સે હ॒ વા ઉ॒ગ્રં-વઁચઃ॑ । એન॑શ્ચ॒ વૈર॑હત્ય-ઞ્ચ ત્વે॒ષં-વઁચઃ॑ । એ॒તગ્​મ્ હ॒ વાવ તચ્ચ॑તુર્ધાવિહિ॒ત-મ્પા॒પ્માન॑-ન્દે॒વા અપ॑જઘ્નિરે ॥ તથો॑ એ॒વૈતદે॑વં॒-વિઁદ્યજ॑માનઃ । તિ॒સ્ર એ॒વ સા॑મિધે॒નીર॒નૂચ્ય॑ । સ્રુ॒વેણા॑ઘા॒ર-મા॒ઘાર્ય॑ ॥ 43 ॥

તિ॒સ્રઃ પરા॑ચી॒રાહુ॑તીર્-હુ॒ત્વા । સ્રુ॒વેણો॑પ॒સદ॑-ઞ્જુહોતિ । ઉ॒ગ્રં-વઁચો॒ અપા॑વધી-ન્ત્વે॒ષં-વઁચો॒ અપા॑વધી॒ગ્॒ સ્વાહેતિ॑ । અ॒શ॒ન॒યા॒પિ॒પા॒સે હ॒ વા ઉ॒ગ્રં-વઁચઃ॑ । એન॑શ્ચ॒ વૈર॑હત્ય-ઞ્ચ ત્વે॒ષં-વઁચઃ॑ । એ॒તમે॒વ તચ્ચ॑તુર્ધા-વિહિ॒ત-મ્પા॒પ્માનં॒-યઁજ॑મા॒નો-ઽપ॑હતે ॥ તે॑-ઽભિ॒નીયૈ॒વાહઃ॑ પ॒શુમા-ઽલ॑ભન્ત । અહ્ન॑ એ॒વ ત-દ્દે॒વા અવ॑ર્તિ-મ્પા॒પ્માન॑-મ્મૃ॒ત્યુમપ॑જઘ્નિરે । તેના॑ભિ॒નીયે॑વ॒ રાત્રેઃ॒ પ્રાચ॑રન્ન્ । રાત્રિ॑યા એ॒વ ત-દ્દે॒વા અવ॑ર્તિ-મ્પા॒પ્માન॑-મ્મૃ॒ત્યુમપ॑જઘ્નિરે ॥ 44 ॥

તસ્મા॑દભિ॒નીયૈ॒વાહઃ॑ પ॒શુમાલ॑ભેત । અહ્ન॑ એ॒વ ત-દ્યજ॑મા॒નો ઽવ॑ર્તિ-મ્પા॒પ્માન॒-મ્ભ્રાતૃ॑વ્યા॒નપ॑નુદતે । તેના॑ભિ॒નીયે॑વ॒ રાત્રેઃ॒ પ્રચ॑રેત્ । રાત્રિ॑યા એ॒વ ત-દ્યજ॑મા॒નો ઽવ॑ર્તિ-મ્પા॒પ્માન॒-મ્ભ્રાતૃ॑વ્યા॒નપ॑નુદતે ॥ સ એ॒ષ ઉ॑પવસ॒થીયે ઽહ॑ન્-દ્વિદેવ॒ત્યઃ॑ પ॒શુરાલ॑ભ્યતે । દ્વ॒યં-વાઁ અ॒સ્મિન્ ઁલો॒કે યજ॑માનઃ । અસ્થિ॑ ચ મા॒ગ્​મ્॒સ-ઞ્ચ॑ । અસ્થિ॑ ચૈ॒વ તેન॑ મા॒ગ્​મ્॒સ-ઞ્ચ॒ યજ॑માન॒-સ્સગ્ગ્​ સ્કુ॑રુતે ॥ તા વા એ॒તાઃ પઞ્ચ॑ દે॒વતાઃ᳚ । અ॒ગ્નીષોમા॑-વ॒ગ્નિ-ર્મિ॒ત્રાવરુ॑ણૌ ॥ 45 ॥

પ॒ઞ્ચ॒પ॒ઞ્ચી વૈ યજ॑માનઃ । ત્વમ્મા॒ગ્​મ્॒ સગ્ગ્​ સ્નાવાસ્થિ॑ મ॒જ્જા । એ॒તમે॒વ તત્પ॑ઞ્ચધા વિહિ॒તમા॒ત્માનં॑-વઁરુણપા॒શા-ન્મુ॑ઞ્ચતિ । ભે॒ષ॒જતા॑યૈ નિર્વરુણ॒ત્વાય॑ ॥ તગ્​મ્ સ॒પ્તભિ॒-શ્છન્દો॑ભિઃ પ્રા॒તર॑હ્વયન્ન્ । તસ્મા᳚થ્સ॒પ્ત ચ॑તુરુત્ત॒રાણિ॒ છન્દાગ્​મ્॑સિ પ્રાતરનુવા॒કે-ઽનૂ᳚ચ્યન્તે ॥ તમે॒તયો॑-પસ॒મેત્યો-પા॑સીદન્ન્ । ઉપા᳚સ્મૈ ગાયતા નર॒ ઇતિ॑ । તસ્મા॑ દે॒તયા॑ બહિષ્પવમા॒ન ઉ॑પ॒સદ્યઃ॑ ॥ 46 ॥
(ઐ॒ચ્છ॒ન્ - ન॒ન॒ય॒ગ્ગ્॒ - સ્તિ॒ષ્ઠ॒ન્તે॒ - ઽનૂચ્યા॒ - નૂચ્ય॑ સ્રુ॒વેણા॑ઘા॒રમા॒ઘાર્ય॒ - રાત્રિ॑યા એ॒વ ત-દ્દે॒વા અવ॑ર્તિ-મ્પા॒પ્માનં॑ મૃ॒ત્યુમપ॑જઘ્નિરે - મિ॒ત્રાવરુ॑ણૌ॒ - +નવ॑ ચ ) (અ. 9)

(દે॒વા યજ॑માનો દે॒વા દે॒વા યજ॑માનો॒ યજ॑માનો-ઽલભન્ત॒ પ્રાચ॑રઁલ્લભેત॒ પ્રચ॑રે॒દાલ॑ભ॒ન્તાલ॑ભેત મૃ॒ત્યુમપ॑જઘ્નિરે॒ ભ્રાતૃ॑વ્યાન્)

અનુવાકં 10 - ત્રિવૃદાદિસ્તોમરૂપાણિ સોમઙ્ગાનિ. (આધ્વરબ્રાહ્મણમ્)
સ સ॑મુ॒દ્ર ઉ॑ત્તર॒તઃ પ્રાજ્વ॑લ-દ્ભૂમ્ય॒ન્તેન॑ । એ॒ષ વાવ સ સ॑મુ॒દ્રઃ । યચ્ચાત્વા॑લઃ । એ॒ષ ઉ॑ વે॒વ સ ભૂ᳚મ્ય॒ન્તઃ । યદ્વે᳚દ્ય॒ન્તઃ । તદે॒તત્-ત્રિ॑શ॒લ-ન્ત્રિ॑પૂરુ॒ષમ્ । તસ્મા॒ત્-ત-ન્ત્રિ॑વિત॒સ્ત-ઙ્ખ॑નન્તિ ॥ સ સુ॑વર્ણરજ॒તાભ્યા᳚-ઙ્કુ॒શીભ્યા॒-મ્પરિ॑ગૃહીત આસીત્ । તં-યઁદ॒સ્યા અદ્ધ્ય॒જન॑યન્ન્ । તસ્મા॑દાદિ॒ત્યઃ ॥ 47 ॥

અથ॒ ય-થ્સુ॑વર્ણરજ॒તાભ્યા᳚-ઙ્કુ॒શીભ્યા॒-મ્પરિ॑ગૃહીત॒ આસી᳚ત્ । સા-ઽસ્ય॑ કૌશિ॒કતા᳚ ॥ ત-ન્ત્રિ॒વૃતા॒-ઽભિ પ્રાસ્તુ॑વત । ત-ન્ત્રિ॒વૃતા ઽઽદ॑દત । ત-ન્ત્રિ॒વૃતા ઽઽહ॑રન્ન્ । યાવ॑તી ત્રિ॒વૃતો॒ માત્રા᳚ ॥ ત-મ્પ॑ઞ્ચદ॒શેના॒ભિ પ્રાસ્તુ॑વત । ત-મ્પ॑ઞ્ચદ॒શેનાદ॑દત । ત-મ્પ॑ઞ્ચદ॒શેનાહ॑રન્ન્ । યાવ॑તી પઞ્ચદ॒શસ્ય॒ માત્રા᳚ ॥ 48 ॥

તગ્​મ્ સ॑પ્તદ॒શેના॒ભિ પ્રાસ્તુ॑વત । તગ્​મ્ સ॑પ્તદ॒શેનાદ॑દત । તગ્​મ્ સ॑પ્તદ॒શેનાહ॑રન્ન્ । યાવ॑તી સપ્તદ॒શસ્ય॒ માત્રા᳚ । તસ્ય॑ સપ્તદ॒શેન॑ હ્રિ॒યમા॑ણસ્ય॒ તેજો॒ હરો॑-ઽપતત્ । તમે॑કવિ॒ગ્​મ્॒ શેના॒ભિ પ્રાસ્તુ॑વત । તમે॑કવિ॒ગ્​મ્॒શેનાદ॑દત । તમે॑કવિ॒ગ્​મ્॒શેનાહ॑રન્ન્ । યાવ॑ત્યેકવિ॒ગ્​મ્॒શસ્ય॒ માત્રા᳚ ॥ તે યત્-ત્રિ॒વૃતા᳚ સ્તુ॒વતે᳚ ॥ 49 ॥

ત્રિ॒વૃતૈ॒વ ત-દ્યજ॑માન॒માદ॑દતે । ત-ન્ત્રિ॒વૃતૈ॒વ હ॑રન્તિ । યાવ॑તી ત્રિ॒વૃતો॒ માત્રા᳚ । અ॒ગ્નિર્વૈ ત્રિ॒વૃત્ । યાવ॒દ્વા અ॒ગ્નેર્દહ॑તો ધૂ॒મ ઉ॒દેત્યાનુ॒વ્યેતિ॑ । તાવ॑તી ત્રિ॒વૃતો॒ માત્રા᳚ । અ॒ગ્નેરે॒વૈન॒-ન્તત્ । માત્રા॒ગ્​મ્॒ સાયુ॑જ્યગ્​મ્ સલો॒કતા᳚-ઙ્ગમયન્તિ ॥ અથ॒ યત્પ॑ઞ્ચદ॒શેન॑ સ્તુ॒વતે᳚ । પ॒ઞ્ચ॒દ॒શેનૈ॒વ ત-દ્યજ॑માન॒-માદ॑દતે ॥ 50 ॥

ત-મ્પ॑ઞ્ચદ॒શેનૈ॒વ હ॑રન્તિ । યાવ॑તી પઞ્ચદ॒શસ્ય॒ માત્રા᳚ । ચ॒ન્દ્રમા॒ વૈ પ॑ઞ્ચદ॒શઃ । એ॒ષ હિ પ॑ઞ્ચદ॒શ્યામ॑પક્ષી॒યતે᳚ । પ॒ઞ્ચ॒દશ્યા-મા॑પૂ॒ર્યતે᳚ । ચ॒ન્દ્રમ॑સ એ॒વૈન॒-ન્તત્ । માત્રા॒ગ્​મ્॒ સાયુ॑જ્યગ્​મ્ સલો॒કતા᳚-ઙ્ગમયન્તિ । અથ॒ યથ્સ॑પ્તદ॒શેન॑ સ્તુ॒વતે᳚ । સ॒પ્ત॒દ॒શેનૈ॒વ ત-દ્યજ॑માન॒માદ॑દતે । તગ્​મ્ સ॑પ્તદ॒શેનૈ॒વ હ॑રન્તિ ॥ 51 ॥

યાવ॑તી સપ્તદ॒શસ્ય॒ માત્રા᳚ । પ્ર॒જાપ॑તિ॒ર્વૈ સ॑પ્તદ॒શઃ । પ્ર॒જાપ॑તેરે॒વૈન॒-ન્તત્ । માત્રા॒ગ્​મ્॒ સાયુ॑જ્યગ્​મ્ સલો॒કતા᳚-ઙ્ગમયન્તિ । અથ॒ યદે॑કવિ॒ગ્​મ્॒શેન॑ સ્તુ॒વતે᳚ । એ॒ક॒વિ॒ગ્​મ્॒શેનૈ॒વ ત-દ્યજ॑માન॒-માદ॑દતે । તમે॑કવિ॒ગ્​મ્॒શેનૈ॒વ હ॑રન્તિ । યાવ॑ત્યેકવિ॒ગ્​મ્॒શસ્ય॒ માત્રા᳚ । અ॒સૌ વા આ॑દિ॒ત્ય એ॑કવિ॒ગ્​મ્॒શઃ । આ॒દિ॒ત્યસ્યૈ॒વૈન॒-ન્તત્ ॥ 52 ॥

માત્રા॒ગ્​મ્॒ સાયુ॑જ્યગ્​મ્ સલો॒કતા᳚-ઙ્ગમયન્તિ ॥ તે કુ॒શ્યૌ᳚ । વ્ય॑ઘ્નન્ન્ । તે અ॑હોરા॒ત્રે અ॑ભવતામ્ । અહ॑રે॒વ સુ॒વર્ણા॑ ઽભવત્ । ર॒જ॒તા રાત્રિઃ॑ । સ યદા॑દિ॒ત્ય ઉ॒દેતિ॑ । એ॒તામે॒વ તથ્સુ॒વર્ણા᳚-ઙ્કુ॒શીમનુ॒ સમે॑તિ । અથ॒ યદ॑સ્ત॒મેતિ॑ । એ॒તામે॒વ ત-દ્ર॑જ॒તા-ઙ્કુ॒શીમનુ॒ સં​વિઁ॑શતિ ॥ પ્ર॒હ્રાદો॑ હ॒ વૈ કા॑યાધ॒વઃ । વિ॒રોચ॑ન॒ગ્ગ્॒ સ્વ-મ્પુ॒ત્રમુદા᳚સ્યત્ । સ પ્ર॑દ॒રો॑-ઽભવત્ । તસ્મા᳚-ત્પ્રદ॒રાદુ॑દ॒ક-ન્નાચા॑મેત્ ॥ 53 ॥
(આ॒દિ॒ત્યઃ - પ॑ઞ્ચદ॒શસ્ય॒ માત્રા᳚ - સ્તુ॒વતે॑ - પઞ્ચદ॒શેનૈ॒વ ત-દ્યજ॑માન॒માદ॑દતે - સપ્તદ॒શેનૈ॒વ હ॑રન્ - ત્યાદિ॒ત્યસ્યૈ॒વૈન॒ન્ત-દ્॒ વિ॑શતિ ચ॒ત્વારિ॑ ચ) (અ. 10)

અનુવાકં 11 - સવનીયપશુપુરોડાશાઃ (આધ્વરબ્રાહ્મણમ્)
યે વૈ ચ॒ત્વાર॒-સ્સ્તોમાઃ᳚ । કૃ॒ત-ન્તત્ । અથ॒ યે પઞ્ચ॑ । કલિ॒-સ્સઃ । તસ્મા॒ચ્ચતુ॑ષ્ટોમઃ । તચ્ચતુ॑ષ્ટોમસ્ય ચતુષ્ટોમ॒ત્વમ્ ॥ તદા॑હુઃ । ક॒ત॒માનિ॒ તાનિ॒ જ્યોતીગ્​મ્॑ષિ । ય એ॒તસ્ય॒ સ્તોમા॒ ઇતિ॑ । ત્રિ॒વૃત્-પ॑ઞ્ચદ॒શ-સ્સ॑પ્તદ॒શ એ॑કવિ॒ગ્​મ્॒શઃ ॥ 54 ॥

એ॒તાનિ॒ વાવ તાનિ॒ જ્યોતીગ્​મ્॑ષિ । ય એ॒તસ્ય॒ સ્તોમાઃ᳚ ॥ સો᳚-ઽબ્રવીત્ । સ॒પ્ત॒દ॒શેન॑ હ્રિ॒યમા॑ણો॒ વ્ય॑લેશિષિ । ભિ॒ષજ્ય॑ત॒ મેતિ॑ । તમ॒શ્વિનૌ॑ ધા॒નાભિ॑-રભિષજ્યતામ્ । પૂ॒ષા ક॑ર॒મ્ભેણ॑ । ભાર॑તી પરિવા॒પેણ॑ । મિ॒ત્રાવરુ॑ણૌ પય॒સ્ય॑યા ॥ તદા॑હુઃ ॥ 55 ॥

યદ॒શ્વિભ્યા᳚-ન્ધા॒નાઃ । પૂ॒ષ્ણઃ ક॑ર॒મ્ભઃ । ભાર॑ત્યૈ પરિવા॒પઃ । મિ॒ત્રાવરુ॑ણયોઃ પય॒સ્યા-ઽથ॑ । કસ્મા॑દે॒તેષાગ્​મ્॑ હ॒વિષા॒મિન્દ્ર॑મે॒વ ય॑જ॒ન્તીતિ॑ । એ॒તા હ્યે॑ન-ન્દે॒વતા॒ ઇતિ॑ બ્રૂયાત્ । એ॒તૈર્-હ॒વિર્ભિ॒-રભિ॑ષજ્ય॒ગ્ગ્॒-સ્તસ્મા॒દિતિ॑ ॥ તં-વઁસ॑વો॒-ઽષ્ટાક॑પાલેન પ્રાતસ્સવ॒ને॑-ઽભિષજ્યન્ન્ । રુ॒દ્રા એકા॑દશકપાલેન॒ માદ્ધ્ય॑ન્દિને॒ સવ॑ને । વિશ્વે॑ દે॒વા દ્વાદ॑શકપાલેન તૃતીયસવ॒ને ॥ 56 ॥

સ યદ॒ષ્ટાક॑પાલા-ન્પ્રાતસ્સવ॒ને કુ॒ર્યાત્ । એકા॑દશકપાલા॒-ન્માદ્ધ્ય॑ન્દિને॒ સવ॑ને । દ્વાદ॑શકપાલાગ્​ સ્તૃતીય સવ॒ને । વિલો॑મ॒ ત-દ્ય॒જ્ઞસ્ય॑ ક્રિયેત । એકા॑દશકપાલાને॒વ પ્રા॑તસ્સવ॒ને કુ॑ર્યાત્ । એકા॑દશકપાલા॒-ન્માદ્ધ્ય॑ન્દિને॒ સવ॑ને । એકા॑દશકપાલાગ્​ સ્તૃતીય સવ॒ને । ય॒જ્ઞસ્ય॑ સલોમ॒ત્વાય॑ ॥ તદા॑હુઃ । ય-દ્વસૂ॑ના-મ્પ્રાતસ્સવ॒નમ્ । રુ॒દ્રાણા॒-મ્માદ્ધ્ય॑ન્દિન॒ગ્​મ્॒ સવ॑નમ્ । વિશ્વે॑ષા-ન્દે॒વાના᳚-ન્તૃતીયસવ॒નમ્ । અથ॒ કસ્મા॑દે॒તેષાગ્​મ્॑ હ॒વિષા॒મિન્દ્ર॑મે॒વ ય॑જ॒ન્તીતિ॑ । એ॒તા હ્યે॑ન-ન્દે॒વતા॒ ઇતિ॑ બ્રૂયાત્ । એ॒તૈર્-હ॒વિર્ભિ॒રભિ॑ષજ્ય॒ગ્ગ્॒ સ્તસ્મા॒દિતિ॑ ॥ 57 ॥
(એ॒ક॒વિ॒ગ્​મ્॒શ-આ॑હુ-સ્તૃતીયસવ॒ને-પ્રા॑તસ્સવ॒ન-મ્પઞ્ચ॑ ચ) (અ. 11)

અનુવાકં 12 - સપ્તછન્દાંસિ પ્રપઞ્ચ્યન્તે (આધ્વરબ્રાહ્મણમ્)
તસ્યાવા॑ચો-ઽવપા॒દાદ॑બિભયુઃ । તમે॒તેષુ॑ સ॒પ્તસુ॒ છન્દ॑-સ્સ્વશ્રયન્ન્ । યદશ્ર॑યન્ન્ । તચ્છ્રા॑ય॒ન્તીય॑સ્ય શ્રાયન્તીય॒ત્વમ્ । યદવા॑રયન્ન્ । ત-દ્વા॑રવ॒ન્તીય॑સ્ય વારવન્તીય॒ત્વમ્ ॥ તસ્યાવા॑ચ એ॒વાવ॑પા॒દાદ॑બિભયુઃ । તસ્મા॑ એ॒તાનિ॑ સ॒પ્ત ચ॑તુરુત્ત॒રાણિ॒ છન્દા॒ગ્॒સ્યુપા॑દધુઃ । તેષા॒મતિ॒ ત્રીણ્ય॑રિચ્યન્ત । ન ત્રીણ્યુદ॑ભવન્ન્ ॥ 58 ॥

સ બૃ॑હ॒તીમે॒વા-સ્પૃ॑શત્ । દ્વાભ્યા॑મ॒ક્ષરા᳚ભ્યામ્ । અ॒હો॒રા॒ત્રાભ્યા॑મે॒વ ॥ તદા॑હુઃ । ક॒ત॒મા સા દે॒વાક્ષ॑રા બૃહ॒તી । યસ્યા॒-ન્ત-ત્પ્ર॒ત્યતિ॑ષ્ઠત્ । દ્વાદ॑શ પૌર્ણમા॒સ્યઃ॑ । દ્વાદ॒શાષ્ટ॑કાઃ । દ્વાદ॑શામાવા॒સ્યાઃ᳚ । એ॒ષા વાવ સા દે॒વાક્ષ॑રા બૃહ॒તી ॥ 59 ॥

યસ્યા॒-ન્ત-ત્પ્ર॒ત્યતિ॑ષ્ઠ॒દિતિ॑ ॥ યાનિ॑ ચ॒ છન્દાગ્॑-સ્ય॒ત્યરિ॑ચ્યન્ત । યાનિ॑ ચ॒ નોદભ॑વન્ન્ । તાનિ॒ નિર્વી᳚ર્યાણિ હી॒નાન્ય॑મન્યન્ત । સા ઽબ્ર॑વી-દ્બૃહ॒તી । મામે॒વ ભૂ॒ત્વા । મામુપ॒ સગ્ગ્​ શ્ર॑ય॒તેતિ॑ । ચ॒તુર્ભિ॑ર॒ક્ષરૈ॑-રનુ॒ષ્ટુગ્-બૃ॑હ॒તી-ન્નોદ॑ભવત્ । ચ॒તુર્ભિ॑ર॒ક્ષરૈઃ᳚ પ॒ઙ્ક્તિ-ર્બૃ॑હ॒તી-મત્ય॑રિચ્યત । તસ્યા॑મે॒તાનિ॑ ચ॒ત્વાર્ય॒ક્ષરા᳚ણ્ય-પ॒ચ્છિદ્યા॑-દધાત્ ॥ 60 ॥

તે બૃ॑હ॒તી એ॒વ ભૂ॒ત્વા । બૃ॒હ॒તીમુપ॒ સમ॑શ્રયતામ્ ॥ અ॒ષ્ટા॒ભિ-ર॒ક્ષરૈ॑રુ॒ષ્ણિગ્-બૃ॑હ॒તી-ન્નોદ॑ભવત્ । અ॒ષ્ટા॒ભિર॒ક્ષરૈ᳚સ્ત્રિ॒ષ્ટુગ્-બૃ॑હ॒તી-મત્ય॑રિચ્યત । તસ્યા॑મે॒તા-ન્ય॒ષ્ટાવ॒ક્ષરા᳚ણ્ય-પ॒ચ્છિદ્યા॑દધાત્ । તે બૃ॑હ॒તી એ॒વ ભૂ॒ત્વા । બૃ॒હ॒તીમુપ॒ સમ॑શ્રયતામ્ । દ્વા॒દ॒શભિ॑-ર॒ક્ષરૈ᳚-ર્ગાય॒ત્રી-બૃ॑હ॒તી-ન્નોદ॑ભવત્ । દ્વા॒દ॒શભિ॑-ર॒ક્ષરૈ॒-ર્જગ॑તી-બૃહ॒તી-મત્ય॑રિચ્યત । તસ્યા॑મે॒તાનિ॒ દ્વાદ॑શા॒ક્ષરા᳚ણ્ય-પ॒ચ્છિદ્યા॑દધાત્ ॥ 61 ॥

તે બૃ॑હ॒તી એ॒વ ભૂ॒ત્વા । બૃ॒હ॒તીમુપ॒ સમ॑શ્રયતામ્ ॥ સો᳚-ઽબ્રવીત્-પ્ર॒જાપ॑તિઃ । છન્દાગ્​મ્॑સિ॒ રથો॑ મે ભવત । યુ॒ષ્માભિ॑-ર॒હમે॒ત-મદ્ધ્વા॑ન॒મનુ॒ સઞ્ચ॑રા॒ણીતિ॑ । તસ્ય॑ ગાય॒ત્રી ચ॒ જગ॑તી ચ પ॒ક્ષાવ॑ભવતામ્ । ઉ॒ષ્ણિક્ચ॑ ત્રિ॒ષ્ટુપ્ચ॒ પ્રષ્ટ્યૌ᳚ । અ॒નુ॒ષ્ટુપ્ચ॑ પ॒ઙ્ક્તિશ્ચ॒ ધુર્યૌ᳚ । બૃ॒હ॒ત્યે॑વોદ્ધિર॑ભવત્ । સ એ॒ત-ઞ્છ॑ન્દોર॒થમા॒સ્થાય॑ । એ॒તમદ્ધ્વા॑ન॒મનુ॒ સમ॑ચરત્ । એ॒તગ્​મ્ હ॒ વૈ છ॑ન્દોર॒થમા॒સ્થાય॑ । એ॒તમદ્ધ્વા॑ન॒મનુ॒ સઞ્ચ॑રતિ । યેનૈ॒ષ એ॒ત-થ્સ॒ચંર॑તિ । ય એ॒વં-વિઁ॒દ્વાન્-થ્સોમે॑ન॒ યજ॑તે । ય ઉ॑ચૈનમે॒વં-વેઁદ॑ ॥ 62 ॥
(અ॒ભ॒વ॒ન્ - વાવ સા દે॒વાક્ષ॑રા બૃહ॒ - ત્ય॑દધા॒-દ્- દ્વાદ॑શા॒ક્ષરા᳚ણ્યપ॒ચ્છિદ્યા॑દધા - દા॒સ્થાય॒ ષટ્ચ॑) (અ. 12)

(અ॒ગ્નેઃ કૃત્તિ॑કા॒ - ય-ત્પુણ્યં॑ - દે॒વસ્ય॑ સવિ॒તુ--ર્ બ્ર॑હ્મવા॒દિનઃ॒ ક - ત્યૃ॒તમે॒વ - દે॒વા વા - આયુ॑ષઃ પ્રા॒ણ - મિન્દ્રો॑ દધી॒ચો -દે॑વાસુ॒રા-સ્સ પ્ર॒જાપ॑તિઃ॒ - સ સ॑મુ॒દ્રો - યે વૈ ચ॒ત્વાર॒ - સ્તસ્યાવા॑ચો॒ દ્વાદ॑શ)

(અ॒ગ્નેઃ કૃત્તિ॑કા - દેવગૃ॒હા - ઋ॒તમે॒વ - વૈ᳚શ્વદે॒વેન॒ - તે તદ॑ન્ત॒ - ત-મ્પ॑ઞ્ચદ॒શેન॒ - તે બૃ॑હ॒તી એ॒વ દ્વિષ॑ષ્ટિઃ)

(અ॒ગ્નેઃ કૃત્તિ॑કા॒ - ય ઉ ॑ચૈનમે॒વં-વેઁદ॑)

॥ હરિઃ॑ ઓમ્ ॥

॥ કૃષ્ણ યજુર્વેદીય તૈત્તિરીય બ્રાહ્મણે પ્રથમાષ્ટકે પઞ્ચમઃ પ્રપાઠક-સ્સમાપ્તઃ ।