කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ ප්රථමඃ ප්රපාඨකඃ - අග්නිහෝත්රබ්රාහ්මණම්

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - අග්නිහෝත්රස්යෝපෝද්ධාතඃ
අඞ්ගි॑රසෝ॒ වෛ ස॒ත්රමා॑සත । තේෂා॒-ම්පෘශ්නි॑-ර්ඝර්ම॒ධුගා॑සීත් । සර්ජී॒ෂේණා॑ජීවත් । තේ᳚-ऽබ්රුවන්න් । කස්මෛ॒ නු ස॒ත්රමා᳚ස්මහේ । යේ᳚-ऽස්යා ඕෂ॑ධී॒ර්න ජ॒නයා॑ම॒ ඉති॑ । තේ දි॒වෝ වෘෂ්ටි॑-මසෘජන්ත । යාව॑න්ත-ස්ස්තෝ॒කා අ॒වාප॑ද්යන්ත । තාව॑තී॒රෝෂ॑ධයෝ ऽජායන්ත ॥ තා ජා॒තාඃ පි॒තරෝ॑ වි॒ෂේණා॑ලිම්පන්න් ॥ 1 ॥

තාසා᳚-ඤ්ජ॒ග්ධ්වා රුප්ය॒න්ත්යෛත් । තේ᳚-ऽබ්රුවන්න් । ක ඉ॒දමි॒ත්ථ-ම॑ක॒රිති॑ । ව॒ය-ම්භා॑ග॒ධේය॑-මි॒ච්ඡමා॑නා॒ ඉති॑ පි॒තරෝ᳚-ऽබ්රුවන්න් । කිං-වෝඁ ॑ භාග॒ධේය॒මිති॑ । අ॒ග්නි॒හෝ॒ත්ර ඒ॒ව නෝ-ऽප්ය॒ස්ත්විත්ය॑-බ්රුවන්න් । තේභ්ය॑ ඒ॒ත-ද්භා॑ග॒ධේය॒-ම්ප්රාය॑ච්ඡන්න් । යද්ධු॒ත්වා නි॒මාර්​ෂ්ටි॑ । තතෝ॒ වෛ ත ඕෂ॑ධීර-ස්වදයන්න් ॥ ය ඒ॒වං-වේඁද॑ ॥ 2 ॥

ස්වද॑න්තේ-ऽස්මා॒ ඕෂ॑ධයඃ । තේ ව॒ථ්සමු॒-පාවා॑සෘජන්න් । ඉ॒ද-න්නෝ॑ හ॒ව්ය-ම්ප්රදා॑ප॒යේති॑ । සෝ᳚-ऽබ්රවී॒ද්වරං॑-වෘඁණෛ । දශ॑ මා॒ රාත්රී᳚ර්ජා॒ත-න්න දෝ॑හන්න් । ආ॒ස॒ඞ්ග॒ව-ම්මා॒ත්රා ස॒හ ච॑රා॒ණීති॑ । තස්මා᳚-ද්ව॒ථ්ස-ඤ්ජා॒ත-න්දශ॒ රාත්රී॒ර්න දු॑හන්ති । ආ॒ස॒ඞ්ග॒ව-ම්මා॒ත්රා ස॒හ චර॑ති । වාරේ॑වෘත॒ග්ග්॒හ්ය॑ස්ය । තස්මා᳚-ද්ව॒ථ්සග්​ම් සග්​ම්॑සෘෂ්ටධ॒යග්​ම් රු॒ද්රෝ ඝාතු॑කඃ । අති॒ හි ස॒න්ධා-න්ධය॑ති ॥ 3 ॥
(අ॒ලි॒ම්ප॒න් - වේද॒ - ඝාතු॑ක॒ ඒක॑-ඤ්ච) (අ. 1)

අනුවාකං 2 - අග්නිහෝත්රනිරූපණම්
ප්ර॒ජාප॑ති-ර॒ග්නි-ම॑සෘජත । ත-ම්ප්ර॒ජා අන්ව॑සෘජ්යන්ත । තම॑භා॒ග උපා᳚ස්ත । සෝ᳚-ऽස්ය ප්ර॒ජාභි॒-රපා᳚ක්රාමත් । තම॑ව॒රුරු॑-ථ්සමා॒නෝ-ऽන්වෛ᳚ත් । තම॑ව॒රුධ॒-න්නාශ॑ක්නෝත් । ස තපෝ॑ ऽතප්යත । සෝ᳚-ऽග්නි-රුපා॑රම॒තාතා॑පි॒ වෛ ස්ය ප්ර॒ජාප॑ති॒රිති॑ । ස ර॒රාටා॒දුද॑මෘෂ්ට ॥ 4 ॥

ත-ද්ඝෘ॒තම॑භවත් । තස්මා॒ද්යස්ය॑ දක්ෂිණ॒තඃ කේශා॒ උන්මෘ॑ෂ්ටාඃ । තා-ඤ්ජ්යේ᳚ෂ්ඨල॒ක්ෂ්මී ප්රා॑ජාප॒ත්යේත්යා॑හුඃ । ය-ද්ර॒රාටා॑දු॒දමෘ॑ෂ්ට । තස්මා᳚-ද්ර॒රාටේ॒ කේශා॒ න ස॑න්ති । තද॒ග්නෞ ප්රාගෘ॑හ්ණාත් । තද්ව්ය॑චිකි॒ථ්සත් । ජු॒හවා॒නී(3) මා හෞ॒ෂා(3)මිති॑ । ත-ද්වි॑චිකි॒ථ්සායෛ॒ ජන්ම॑ ॥ ය ඒ॒වං-විඁ॒ද්වාන්. වි॑චි॒කිථ්ස॑ති ॥ 5 ॥

වසී॑ය ඒ॒ව චේ॑තයතේ ॥ තං-වාඁග॒භ්ය॑වද-ජ්ජු॒හුධීති॑ । සෝ᳚-ऽබ්රවීත් । කස්ත්වම॒සීති॑ । ස්වෛව තේ॒ වාගිත්ය॑බ්රවීත් । සෝ॑-ऽජුහෝ॒-ථ්ස්වාහේති॑ । තථ්ස්වා॑හාකා॒රස්ය॒ ජන්ම॑ ॥ ය ඒ॒වග්ග්​ ස්වා॑හාකා॒රස්ය॒ ජන්ම॒ වේද॑ । ක॒රෝති॑ ස්වාහාකා॒රේණ॑ වී॒ර්ය᳚ම් ॥ යස්යෛ॒වං-විඁ॒දුෂ॑-ස්ස්වාහාකා॒රේණ॒ ජුහ්ව॑ති ॥ 6 ॥

භෝගා॑යෛ॒වාස්ය॑ හු॒ත-ම්භ॑වති ॥ තස්යා॒ ආහු॑ත්යෛ॒ පුරු॑ෂ-මසෘජත । ද්වි॒තීය॑-මජුහෝත් । සෝ-ऽශ්ව॑-මසෘජත । තෘ॒තීය॑-මජුහෝත් । ස ගා॑මසෘජත । ච॒තු॒ර්ථ-ම॑ජුහෝත් । සෝ-ऽවි॑මසෘජත । ප॒ඤ්ච॒ම-ම॑ජුහෝත් । සෝ॑-ऽජාම॑සෘජත ॥ 7 ॥

සෝ᳚-ऽග්නි-ර॑බිභේත් । ආහු॑තීභි॒ර්වෛ මා᳚-ऽऽප්නෝ॒තීති॑ । ස ප්ර॒ජාප॑ති॒-ම්පුනඃ॒ ප්රාවි॑ශත් । ත-ම්ප්ර॒ජාප॑ති-රබ්රවීත් । ජාය॒ස්වේති॑ । සෝ᳚-ऽබ්රවීත් । කි-ම්භා॑ග॒ධේය॑ම॒භි ජ॑නිෂ්ය॒ ඉති॑ । තුභ්ය॑මේ॒වේදග්​ම් හූ॑යාතා॒ ඉත්ය॑බ්රවීත් । ස ඒ॒ත-ද්භා॑ග॒ධේය॑ම॒භ්ය॑ජායත । යද॑ග්නිහෝ॒ත්රම් ॥ 8 ॥

තස්මා॑දග්නිහෝ॒ත්ර-මු॑ච්යතේ ॥ තද්ධූ॒යමා॑න-මාදි॒ත්යෝ᳚-ऽබ්රවීත් । මා හෞ॑ෂීඃ । උ॒භයෝ॒ර්වෛ-නා॑වේ॒තදිති॑ । සෝ᳚-ऽග්නි-ර॑බ්රවීත් । ක॒ථ-න්නෞ॑ හෝෂ්ය॒න්තීති॑ । සා॒යමේ॒ව තුභ්ය॑-ඤ්ජු॒හවන්න්॑ । ප්රා॒තර්මහ්ය॒-මිත්ය॑බ්රවීත් । තස්මා॑ද॒ග්නයේ॑ සා॒යග්​ම් හූ॑යතේ । සූර්යා॑ය ප්රා॒තඃ ॥ 9 ॥

ආ॒ග්නේ॒යී වෛ රාත්රිඃ॑ । ඓ॒න්ද්රමහඃ॑ । යදනු॑දිතේ॒ සූර්යේ᳚ ප්රා॒තර්ජු॑හු॒යාත් । උ॒භය॑මේ॒වාග්නේ॒යග්ග්​ ස්යා᳚ත් । උදි॑තේ॒ සූර්යේ᳚ ප්රා॒තර්ජු॑හෝති । තථා॒-ऽග්නයේ॑ සා॒යග්​ම් හූ॑යතේ । සූර්යා॑ය ප්රා॒තඃ ॥ රාත්රිං॒-වාඁ අනු॑ ප්ර॒ජාඃ ප්ර ජා॑යන්තේ । අහ්නා॒ ප්රති॑ තිෂ්ඨන්ති । යථ්සා॒ය-ඤ්ජු॒හෝති॑ ॥ 10 ॥

ප්රෛව තේන॑ ජායතේ । උදි॑තේ॒ සූර්යේ᳚ ප්රා॒ත-ර්ජු॑හෝති । ප්රත්යේ॒ව තේන॑ තිෂ්ඨති ॥ ප්ර॒ජාප॑තිර-කාමයත॒ ප්රජා॑යේ॒යේති॑ । ස ඒ॒තද॑ග්නිහෝ॒ත්ර-ම්මි॑ථු॒න-ම॑පශ්යත් । තදුදි॑තේ॒ සූර්යේ॑-ऽජුහෝත් । යජු॑ෂා॒ ऽන්යත් । තූ॒ෂ්ණීම॒න්යත් । තතෝ॒ වෛ ස ප්රාජා॑යත । යස්යෛ॒වං-විඁ॒දුෂ॒ උදි॑තේ॒ සූර්යේ᳚-ऽග්නිහෝ॒ත්ර-ඤ්ජුහ්ව॑ති ॥ 11 ॥

ප්රෛව ජා॑යතේ । අථෝ॒ යථා॒ දිවා᳚ ප්රජා॒නන්නේති॑ । තා॒දෘගේ॒ව තත් ॥ අථෝ॒ ඛල්වා॑හුඃ । යස්ය॒ වෛ ද්වෞ පුණ්යෞ॑ ගෘ॒හේ වස॑තඃ । යස්තයෝ॑ර॒න්යග්​ම් රා॒ධය॑ත්ය॒න්ය-න්න । උ॒භෞ වාව ස තාවෘ॑ච්ඡ॒තීති॑ । අ॒ග්නිං-වාඁවාදි॒ත්ය-ස්සා॒ය-ම්ප්රවි॑ශති । තස්මා॑ද॒ග්නිර්දූ॒රාන්නක්ත॑-න්දදෘශේ ।
උ॒භේ හි තේජ॑සී ස॒පන්ද්යේ॑තේ ॥ 12 ॥

උ॒ද්යන්තං॒-වාඁවාදි॒ත්ය-ම॒ග්නිරනු॑ ස॒මාරෝ॑හති । තස්මා᳚ද්ධූ॒ම ඒ॒වාග්නේර්දිවා॑ දදෘශේ । යද॒ග්නයේ॑ සා॒ය-ඤ්ජු॑හු॒යාත් । ආ සූර්යා॑ය වෘශ්ච්යේත । යථ්සූර්යා॑ය ප්රා॒ත-ර්ජු॑හු॒යාත් । ආ-ऽග්නයේ॑ වෘශ්ච්යේත । දේ॒වතා᳚භ්ය-ස්ස॒මද॑-න්දද්ධ්යාත් । අ॒ග්නිර්ජ්යෝති॒-ර්ජ්යෝති॒-ස්සූර්ය॒-ස්ස්වාහේත්යේ॒ව සා॒යග්​ම් හෝ॑ත॒ව්ය᳚ම් । සූර්යෝ॒ ජ්යෝති॒-ර්ජ්යෝති॑ර॒ග්නි-ස්ස්වාහේති॑ ප්රා॒තඃ । තථෝ॒භාභ්යාග්​ම්॑ සා॒යග්​ම් හූ॑යතේ ॥ 13 ॥

උ॒භාභ්යා᳚-ම්ප්රා॒තඃ । න දේ॒වතා᳚භ්ය-ස්ස॒මද॑-න්දධාති ॥ අ॒ග්නිර්ජ්යෝති॒රිත්යා॑හ । අ॒ග්නිර්වෛ රේ॑තෝ॒ධාඃ ॥ ප්ර॒ජා ජ්යෝති॒රිත්යා॑හ । ප්ර॒ජා ඒ॒වාස්මෛ॒ ප්ර ජ॑නයති ॥ සූර්යෝ॒ ජ්යෝති॒රිත්යා॑හ । ප්ර॒ජාස්වේ॒ව ප්රජා॑තාසු॒ රේතෝ॑ දධාති ॥ ජ්යෝති॑ර॒ග්නි-ස්ස්වාහේත්යා॑හ । ප්ර॒ජා ඒ॒ව ප්රජා॑තා අ॒ස්යා-ම්ප්රති॑ෂ්ඨාපයති ॥ 14 ॥

තූ॒ෂ්ණීමුත්ත॑රා॒-මාහු॑ති-ඤ්ජුහෝති । මි॒ථු॒න॒ත්වාය॒ ප්රජා᳚ත්යෛ ॥ යදුදි॑තේ॒ සූර්යේ᳚ ප්රා॒ත-ර්ජු॑හු॒යාත් । යථා-ऽති॑ථයේ॒ ප්රද්රු॑තාය ශූ॒න්යායා॑වස॒ථා-යා॑හා॒ර්යග්​ම්॑ හර॑න්ති । තා॒දෘගේ॒ව තත් ।
ක්වාහ॒ තත॒ස්ත-ද්භව॒තීත්යා॑හුඃ । යථ්ස න වේද॑ । යස්මෛ॒ තද්ධර॒න්තීති॑ । තස්මා॒-ද්යදෞ॑ෂ॒ස-ඤ්ජු॒හෝති॑ । තදේ॒ව ස॑ප්ර॒න්ති । අථෝ॒ යථා॒ ප්රාර්ථ॑මෞෂ॒ස-ම්ප॑රි॒ වේවේ᳚ෂ්ටි । තා॒දෘගේ॒ව තත් ॥ 15 ॥
(අ॒මෘ॒ෂ්ට॒ - වි॒චි॒කිථ්ස॑ති॒ - ජුහ්ව॑ - ත්ය॒ජාම॑සෘජ - තාග්නිහෝ॒ත්රග්​ම් - සූර්යා॑ය ප්රා॒ත--ර් ජු॒හෝති॒ - ජුහ්ව॑ති - ස॒ම්පද්යේ॑තේ - හූයතේ - ස්ථාපයති - සම්ප්ර॒ති ද්වේ ච॑) (අ. 2)

අනුවාකං 3 - උපයෝක්ෂ්යමාණස්ය හවිෂ-ස්සංස්කාරඃ
රු॒ද්රෝ වා ඒ॒ෂඃ । යද॒ග්නිඃ । පත්නී᳚ ස්ථා॒ලී । යන්මද්ධ්යේ॒-ऽග්නේ-ර॑ධි॒ශ්රයේ᳚ත් । රු॒ද්රාය॒ පත්නී॒මපි॑ දද්ධ්යාත් । ප්ර॒මායු॑කා ස්යාත් । උදී॒චෝ-ऽඞ්ගා॑රාන්නි॒රූහ්යාධි॑ ශ්රයති । පත්නි॑යෛ ගෝපී॒ථාය॑ ॥ ව්ය॑න්තාන් කරෝති । තථා॒ පත්න්ය-ප්ර॑මායුකා භවති ॥ 16 ॥

ඝ॒ර්මෝ වා ඒ॒ෂෝ-ऽශා᳚න්තඃ । අහ॑රහඃ॒ ප්රවෘ॑ජ්යතේ । යද॑ග්නිහෝ॒ත්රම් । ප්රති॑ෂිඤ්චේ-ත්ප॒ශුකා॑මස්ය । ශා॒න්තමි॑ව॒ හි ප॑ශ॒ව්ය᳚ම් ॥ න ප්රති॑ෂිඤ්චේ-ද්බ්රහ්මවර්ච॒සකා॑මස්ය । සමි॑ද්ධමිව॒ හි බ්ර॑හ්මවර්ච॒සම් ॥ අථෝ॒ ඛලු॑ । ප්ර॒ති॒ෂිච්ය॑මේ॒ව । යත්-ප්ර॑තිෂි॒ඤ්චති॑ ॥ 17 ॥

තත්-ප॑ශ॒ව්ය᳚ම් । යජ්ජු॒හෝති॑ । තද්බ්ර॑හ්මවර්ච॒සි । උ॒භය॑මේ॒වාකඃ॑ ॥ ප්රච්යු॑තං॒-වාඁ ඒ॒තද॒ස්මා-ල්ලෝ॒කාත් । අග॑ත-න්දේවලෝ॒කම් । යච්ඡෘ॒තග්​ම් හ॒විරන॑භිඝාරිතම් । අ॒භිද්යෝ॑තයති । අ॒භ්යේ॑වෛන॑ද්ඝාරයති । අථෝ॑ දේව॒ත්රෛවෛන॑-ද්ගමයති ॥ 18 ॥

පර්ය॑ග්නි කරෝති । රක්ෂ॑සා॒-මප॑හත්යෛ ॥ ත්රිඃ පර්ය॑ග්නි කරෝති । ත්ර්යා॑වෘ॒ද්ධි ය॒ජ්ඤඃ । අථෝ॑ මේද්ධ්ය॒ත්වාය॑ ॥ යත්-ප්රා॒චීන॑-මුද්වා॒සයේ᳚ත් । යජ॑මානග්​ම් ශු॒චා ऽර්ප॑යේත් । ය-ද්ද॑ක්ෂි॒ණා । පි॒තෘ॒දේ॒ව॒ත්යග්ග්॑ ස්යාත් । යත්-ප්ර॒ත්යක් ॥ 19 ॥

පත්නීග්​ම්॑ ශු॒චා ऽර්ප॑යේත් । උ॒දී॒චීන॒-මුද්වා॑සයති । ඒ॒ෂා වෛ දේ॑වමනු॒ෂ්යාණාග්​ම්॑ ශා॒න්තා දික් । තාමේ॒වෛන॒දනූ-ද්වා॑සයති॒ ශාන්ත්යෛ᳚ ॥ වර්ත්ම॑ කරෝති । ය॒ජ්ඤස්ය॒ සන්ත॑ත්යෛ ॥ නිෂ්ට॑පති । උපෛ॒ව තථ්ස්තෘ॑ණාති ॥ ච॒තුරුන්න॑යති । චතු॑ෂ්පාදඃ ප॒ශවඃ॑ ॥ 20 ॥

ප॒ශූනේ॒වා-ව॑රුන්ධේ ॥ සර්වා᳚න්-පූ॒ර්ණානුන්න॑යති । සර්වේ॒ හි පුණ්යා॑ රා॒ද්ධාඃ ॥ අ॒නූච॒ උන්න॑යති । ප්ර॒ජායා॑ අනූචීන॒ත්වාය॑ । අ॒නූච්යේ॒වාස්ය॑ ප්ර॒ජා ऽර්ධු॑කා භවති ॥ ස-ම්මෘ॑ශති॒ ව්යාවෘ॑ත්ත්යෛ ॥ නාහෝ᳚ෂ්ය॒න්නුප॑ සාදයේත් । යදහෝ᳚ෂ්යන්නුප සා॒දයේ᳚ත් । යථා॒ ऽන්යස්මා॑ උපනි॒ධාය॑ ॥ 21 ॥

අ॒න්යස්මෛ᳚ ප්ර॒යච්ඡ॑ති । තා॒දෘගේ॒ව තත් । ආ-ऽස්මෛ॑ වෘශ්ච්යේත । යදේ॒ව ගාර්​හ॑පත්යේ-ऽධි॒ශ්රය॑ති । තේන॒ ගාර්​හ॑පත්ය-ම්ප්රීණාති ॥ අ॒ග්නිර॑බිභේත් । ආහු॑තයෝ॒ මා-ऽත්යේ᳚ෂ්ය॒න්තීති॑ । ස ඒ॒තාග්​ම් ස॒මිධ॑-මපශ්යත් । තාමා-ऽධ॑ත්ත । තතෝ॒ වා අ॒ග්නාවාහු॑තයෝ-ऽද්ධ්රියන්ත ॥ 22 ॥

යදේ॑නග්​ම් ස॒මය॑ච්ඡත් । තථ්ස॒මිධ॑-ස්සමි॒ත්ත්වම් । ස॒මිධ॒මාද॑ධාති । සමේ॒වෛනං॑-යඁච්ඡති । ආහු॑තීනා॒-න්ධෘත්යෛ᳚ । අථෝ॑ අග්නිහෝ॒ත්රමේ॒වේද්ධ්මව॑ත්-කරෝති । ආහු॑තීනා॒-ම්ප්රති॑ෂ්ඨිත්යෛ ॥ බ්ර॒හ්ම॒වා॒දිනෝ॑ වදන්ති । යදේකාග්​ම්॑ ස॒මිධ॑මා॒ධාය॒ ද්වේ ආහු॑තී ජු॒හෝති॑ । අථ॒ කස්යාග්​ම්॑ ස॒මිධි॑ ද්වි॒තීයා॒-මාහු॑ති-ඤ්ජුහෝ॒තීති॑ ॥ 23 ॥

ය-ද්ද්වේ ස॒මිධා॑වාද॒ද්ධ්යාත් । භ්රාතෘ॑ව්යමස්මෛ ජනයේත් । ඒකාග්​ම්॑ ස॒මිධ॑මා॒ධාය॑ । යජු॑ෂා॒ ऽන්යාමාහු॑ති-ඤ්ජුහෝති । උ॒භේ ඒ॒ව ස॒මිද්ව॑තී॒ ආහු॑තී ජුහෝති । නාස්මෛ॒ භ්රාතෘ॑ව්ය-ඤ්ජනයති ॥ ආදී᳚ප්තායා-ඤ්ජුහෝති । සමි॑ද්ධමිව॒ හි බ්ර॑හ්මවර්ච॒සම් । අථෝ॒ යථා-ऽති॑ථි॒-ඤ්ජ්යෝති॑ෂ්කෘ॒ත්වා ප॑රි॒වේවේ᳚ෂ්ටි । තා॒දෘගේ॒ව තත් ॥ ච॒තුරුන්න॑යති । ද්විර්ජු॑හෝති । තස්මා᳚-ද්ද්වි॒පා-ච්චතු॑ෂ්පාදමත්ති । අථෝ᳚ ද්වි॒පද්යේ॒ව චතු॑ෂ්පදඃ॒ ප්රති॑ෂ්ඨාපයති ॥ 24 ॥
(භ॒ව॒ති॒ - ප්ර॒ති॒ෂි॒ඤ්චති॑ - ගමයති - ප්ර॒ත්යක් - ප॒ශව॑ - උපනි॒ධා - යා᳚ද්ඝ්රිය॒න් - තේති॒ - තච්ච॒ත්වාරි॑ ච) (අ. 3)

අනුවාකං 4 - උපයුක්තස්ය හවිෂ-ස්සංස්කාරඃ
උ॒ත්ත॒රාව॑තීං॒-වෛඁ දේ॒වා ආහු॑ති॒මජු॑හවුඃ । අවා॑චී॒මසු॑රාඃ । තතෝ॑ දේ॒වා අභ॑වන්න් । පරා-ऽසු॑රාඃ । ය-ඞ්කා॒මයේ॑ත॒ වසී॑යාන්-ථ්ස්යා॒දිති॑ । කනී॑ය॒ස්තස්ය॒ පූර්වග්​ම්॑ හු॒ත්වා । උත්ත॑ර॒-ම්භූයෝ॑ ජුහුයාත් । ඒ॒ෂා වා උ॑ත්ත॒රාව॒ත්යාහු॑තිඃ । තා-න්දේ॒වා අ॑ජුහවුඃ । තත॒ස්තේ॑-ऽභවන්න් ॥ 25 ॥

යස්යෛ॒ව-ඤ්ජුහ්ව॑ති । භව॑ත්යේ॒ව ॥ ය-ඞ්කා॒මයේ॑ත॒ පාපී॑යාන්-ථ්ස්යා॒දිති॑ । භූය॒ස්තස්ය॒ පූර්වග්​ම්॑ හු॒ත්වා । උත්ත॑ර॒-ඞ්කනී॑යෝ ජුහුයාත් । ඒ॒ෂා වා අවා॒ච්යාහු॑තිඃ । තාමසු॑රා අජුහවුඃ । තත॒ස්තේ පරා॑-ऽභවන්න් । යස්යෛ॒ව-ඤ්ජුහ්ව॑ති । පරෛ॒ව භ॑වති ॥ 26 ॥

හු॒ත්වෝප॑ සාදය॒ත්යජා॑මිත්වාය । අථෝ॒ ව්යාවෘ॑ත්ත්යෛ ॥ ගාර්​හ॑පත්ය॒-ම්ප්රතී᳚ක්ෂතේ । අන॑නුද්ධ්යායින-මේ॒වෛන॑-ඞ්කරෝති ॥ අ॒ග්නි॒හෝ॒ත්රස්ය॒ වෛ ස්ථා॒ණුර॑ස්ති । තං-යඁ ඍ॒ච්ඡේත් । ය॒ජ්ඤ॒ස්ථා॒ණුමෘ॑ච්ඡේත් । ඒ॒ෂ වා අ॑ග්නිහෝ॒ත්රස්ය॑ ස්ථා॒ණුඃ । යත්-පූර්වා-ऽऽහු॑තිඃ । තාං-යඁදුත්ත॑රයා॒-ऽභි ජු॑හු॒යාත් ॥ 27 ॥

ය॒ජ්ඤ॒ස්ථා॒ණු-මෘ॑ච්ඡේත් । අ॒ති॒හාය॒ පූර්වා॒මාහු॑ති-ඤ්ජුහෝති । ය॒ජ්ඤ॒ස්ථා॒ණුමේ॒ව පරි॑ වෘණක්ති । අථෝ॒ භ්රාතෘ॑ව්යමේ॒වාප්ත්වා ऽති॑ක්රාමති ॥ අ॒වා॒චීනග්​ම්॑ සා॒යමුප॑ මාර්​ෂ්ටි । රේත॑ ඒ॒ව ත-ද්ද॑ධාති । ඌ॒ර්ධ්ව-ම්ප්රා॒තඃ । ප්ර ජ॑නයත්යේ॒ව තත් ॥ බ්ර॒හ්ම॒වා॒දිනෝ॑ වදන්ති । ච॒තුරුන්න॑යති ॥ 28 ॥

ද්විර්ජු॑හෝති । අථ॒ ක්ව॑ ද්වේ ආහු॑තී භවත॒ ඉති॑ । අ॒ග්නෞ වෛ᳚ශ්වාන॒ර ඉති॑ බ්රූයාත් । ඒ॒ෂ වා අ॒ග්නිර්වෛ᳚ශ්වාන॒රඃ । යද්බ්රා᳚හ්ම॒ණඃ । හු॒ත්වා ද්විඃ ප්රාශ්ඤා॑ති । අ॒ග්නාවේ॒ව වෛ᳚ශ්වාන॒රේ ද්වේ ආහු॑තී ජුහෝති ॥ ද්විර්ජු॒හෝති॑ । ද්විර්නිමා᳚ර්​ෂ්ටි । ද්විඃ ප්රාශ්ඤා॑ති ॥ 29 ॥

ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ । ඍ॒තූනේ॒ව ප්රී॑ණාති । බ්ර॒හ්ම॒වා॒දිනෝ॑ වදන්ති । කි॒-න්දේ॒ව॒ත්ය॑-මග්නිහෝ॒ත්රමිති॑ । වෛ॒ශ්ව॒දේ॒වමිති॑ බ්රූයාත් । ය-ද්යජු॑ෂා ජු॒හෝති॑ । තදෛ᳚න්ද්රා॒ග්නම් । යත්-තූ॒ෂ්ණීම් । තත්-ප්රා॑ජාප॒ත්යම් ॥ 30 ॥

යන්නි॒මාර්​ෂ්ටි॑ । තදෝෂ॑ධීනාම් । යද්ද්වි॒තීය᳚ම් । තත්-පි॑තෘ॒ණාම් । යත්-ප්රාශ්ඤා॑ති । ත-ද්ගර්භා॑ණාම් । තස්මා॒-ද්ගර්භා॒ අන॑ශ්නන්තෝ වර්ධන්තේ । යදා॒චාම॑ති । තන්ම॑නු॒ෂ්යා॑ණාම් ॥ උද॑ම්පර්යා॒වෘත්යාචා॑මති ॥ 31 ॥

ආ॒ත්මනෝ॑ ගෝපී॒ථාය॑ ॥ නිර්ණේ॑නේක්ති॒ ශුද්ධ්යෛ᳚ ॥ නිෂ්ට॑පති ස්ව॒ගාකෘ॑ත්යෛ । උ-ද්දි॑ශති । ස॒ප්ත॒ර්॒ෂීනේ॒ව ප්රී॑ණාති ॥ ද॒ක්ෂි॒ණා ප॒ර්යාව॑ර්තතේ । ස්වමේ॒ව වී॒ර්ය॑මනු॑ ප॒ර්යාව॑ර්තතේ । තස්මා॒-ද්දක්ෂි॒ණෝ-ऽර්ධ॑ ආ॒ත්මනෝ॑ වී॒ර්යා॑වත්තරඃ । අථෝ॑ ආදි॒ත්යස්යෛ॒වාවෘත॒මනු॑ ප॒ර්යාව॑ර්තතේ ॥ හු॒ත්වෝප॒ සමි॑න්ධේ ॥ 32 ॥

බ්ර॒හ්ම॒ව॒ර්ච॒සස්ය॒ සමි॑ද්ධ්යෛ ॥ න බ॒ර॒ඃඉරනු॒ ප්ර හ॑රේත් । අසග්ග්॑ස්ථිතෝ॒ වා ඒ॒ෂ ය॒ජ්ඤඃ । යද॑ග්නිහෝ॒ත්රම් । යද॑නු ප්ර॒හරේ᳚ත් । ය॒ජ්ඤං-විඁච්ඡි॑න්ද්යාත් । තස්මා॒න්නානු॑ ප්ර॒හෘත්ය᳚ම් । ය॒ජ්ඤස්ය॒ සන්ත॑ත්යෛ ॥ අ॒පෝ නි න॑යති । අ॒ව॒භෘ॒ථස්යෛ॒ව රූ॒පම॑කඃ ॥ 33 ॥
(අ॒භ॒ව॒න් - භ॒ව॒ති॒ - ජු॒හු॒යාන් - න॑යති - මාර්​ෂ්ටි॒ ද්විඃ ප්රාශ්ඤා॑ති - ප්රාජාප॒ත්ය - මාචා॑මතී - න්ධේ - ऽකඃ) (අ. 4)

අනුවාකං 5 - කාම්යානි හෝමද්රව්යාණි
බ්ර॒හ්ම॒වා॒දිනෝ॑ වදන්ති । අ॒ග්නි॒හෝ॒ත්රප්රා॑යණා ය॒ජ්ඤාඃ । කි-ම්ප්රා॑යණ-මග්නිහෝ॒ත්රමිති॑ । ව॒ථ්සෝ වා අ॑ග්නිහෝ॒ත්රස්ය॒ ප්රාය॑ණම් । අ॒ග්නි॒හෝ॒ත්රං-යඁජ්ඤානා᳚ම් ॥ තස්ය॑ පෘථි॒වී සදඃ॑ । අ॒න්තරි॑ක්ෂ॒-මාග්නී᳚ද්ධ්රම් । ද්යෞර්-හ॑වි॒ර්ධාන᳚ම් । දි॒ව්යා ආපඃ॒ ප්රෝක්ෂ॑ණයඃ । ඕෂ॑ධයෝ බ॒ර॒ඃඉඃ ॥ 34 ॥
වන॒ස්පත॑ය ඉ॒ද්ධ්මඃ । දිශඃ॑ පරි॒ධයඃ॑ । ආ॒දි॒ත්යෝ යූපඃ॑ । යජ॑මානඃ ප॒ශුඃ । ස॒මු॒ද්රෝ॑-ऽවභෘ॒ථඃ । සං॒​වඁ॒ථ්ස॒ර-ස්ස්ව॑ගාකා॒රඃ । තස්මා॒දාහි॑තාග්නේ॒-ස්සර්ව॑මේ॒ව බ॑ර්​හි॒ෂ්ය॑-න්ද॒ත්ත-ම්භ॑වති । ය-ථ්සා॒ය-ඤ්ජු॒හෝති॑ । රාත්රි॑මේ॒ව තේන॑ දක්ෂි॒ණ්යා᳚-ඞ්කුරුතේ । යත්-ප්රා॒තඃ ॥ 35 ॥

අහ॑රේ॒ව තේන॑ දක්ෂි॒ණ්ය॑-ඞ්කුරුතේ । යත්-තතෝ॒ දදා॑ති । සා දක්ෂි॑ණා ॥ යාව॑න්තෝ॒ වෛ දේ॒වා අහු॑ත॒මාදන්න්॑ । තේ පරා॑-ऽභවන්න් । ත ඒ॒තද॑ග්නිහෝ॒ත්රග්​ම් සර්ව॑ස්යෛ॒ව ස॑මව॒දායා॑ජුහවුඃ । තස්මා॑දාහුඃ । අ॒ග්නි॒හෝ॒ත්රං-වෛඁ දේ॒වා ගෘ॒හාණා॒-න්නිෂ්කෘ॑ති-මපශ්ය॒න්නිති॑ । ය-ථ්සා॒ය-ඤ්ජු॒හෝති॑ । රාත්රි॑යා ඒ॒ව තද්ධු॒තාද්යා॑ය ॥ 36 ॥

යජ॑මාන॒ස්යා-ප॑රාභාවාය । යත්-ප්රා॒තඃ । අහ්න॑ ඒ॒ව තද්ධු॒තාද්යා॑ය । යජ॑මාන॒ස්යා-ප॑රාභාවාය । යත්-තතෝ॒-ऽශ්නාති॑ । හු॒තමේ॒ව තත් ॥ ද්වයෝඃ॒ පය॑සා ජුහුයාත්-ප॒ශුකා॑මස්ය । ඒ॒තද්වා අ॑ග්නිහෝ॒ත්ර-ම්මි॑ථු॒නම් । ය ඒ॒වං-වේඁද॑ । ප්ර ප්ර॒ජයා॑ ප॒ශුභි॑-ර්මිථු॒නෛ-ර්ජා॑යතේ ॥ 37 ॥

ඉ॒මාමේ॒ව පූර්ව॑යා දු॒හේ । අ॒මූමුත්ත॑රයා । අ॒ධි॒ශ්රිත්යෝත්ත॑ර॒මා න॑යති । යෝනා॑වේ॒ව ත-ද්රේත॑-ස්සිඤ්චති ප්ර॒ජන॑නේ ॥ ආජ්යේ॑න ජුහුයා॒ත්-තේජ॑ස්කාමස්ය । තේජෝ॒ වා ආජ්ය᳚ම් । තේ॒ජ॒ස්ව්යේ॑ව භ॑වති । පය॑සා ප॒ශුකා॑මස්ය । ඒ॒තද්වෛ ප॑ශූ॒නාග්​ම් රූ॒පම් । රූ॒පේණෛ॒වාස්මෛ॑ ප॒ශූනව॑ රුන්ධේ ॥ 38 ॥

ප॒ශු॒මානේ॒ව භ॑වති । ද॒ද්ධ්නේන්ද්රි॒ය කා॑මස්ය । ඉ॒න්ද්රි॒යං-වෛඁ දධි॑ । ඉ॒න්ද්රි॒යා॒ව්යේ॑ව භ॑වති । ය॒වා॒ග්වා᳚ ග්රාම॑කාමස්යෞෂ॒ධා වෛ ම॑නු॒ෂ්යාඃ᳚ । භා॒ග॒ධේයේ॑නෛ॒වාස්මෛ॑ සජා॒තානව॑-රුන්ධේ । ග්රා॒ම්යේ॑ව භ॑වති ॥
අය॑ජ්ඤෝ॒ වා ඒ॒ෂඃ । යෝ॑සා॒මා ॥ 39 ॥

ච॒තුරුන්න॑යති । චතු॑රක්ෂරග්​ම් රථන්ත॒රම් । ර॒ථ॒න්ත॒රස්යෛ॒ෂ වර්ණඃ॑ । උ॒පරී॑ව හරති । අ॒න්තරි॑ක්ෂං-වාඁමදේ॒ව්යම් । වා॒ම॒දේ॒ව්යස්යෛ॒ෂ වර්ණඃ॑ । ද්විර්ජු॑හෝති । ද්ව්ය॑ක්ෂර-ම්බෘ॒හත් । බෘ॒හ॒ත ඒ॒ෂ වර්ණඃ॑ । අ॒ග්නි॒හෝ॒ත්රමේ॒ව ත-ථ්සාම॑න්වත්-කරෝති ॥ 40 ॥

යෝ වා අ॑ග්නිහෝ॒ත්රස්යෝ॑ප॒සදෝ॒ වේද॑ । උපෛ॑නමුප॒සදෝ॑ නමන්ති । වි॒න්දත॑ උපස॒ත්තාර᳚ම් । උ॒න්නීයෝප॑ සාදයති । පෘ॒ථි॒වීමේ॒ව ප්රී॑ණාති । හෝ॒ෂ්යන්නුප॑ සාදයති । අ॒න්තරි॑ක්ෂමේ॒ව ප්රී॑ණාති । හු॒ත්වෝප॑ සාදයති । දිව॑මේ॒ව ප්රී॑ණාති । ඒ॒තා වා අ॑ග්නිහෝ॒ත්රස්යෝ॑ප॒සදඃ॑ ॥ 41 ॥

ය ඒ॒වං-වේඁද॑ । උපෛ॑න-මුප॒සදෝ॑ නමන්ති । වි॒න්දත॑ උපස॒ත්තාර᳚ම් ॥ යෝ වා අ॑ග්නිහෝ॒ත්රස්යාශ්රා॑විත-ම්ප්ර॒ත්යාශ්රා॑විත॒ග්​ම්॒ හෝතා॑ර-ම්බ්ර॒හ්මාණං॑-වඁෂට්කා॒රං-වේඁද॑ । තස්ය॒ ත්වේ॑ව හු॒තම් । ප්රා॒ණෝ වා අ॑ග්නිහෝ॒ත්රස්යාශ්රා॑විතම් । අ॒පා॒නඃ ප්ර॒ත්යාශ්රා॑විතම් । මනෝ॒ හෝතා᳚ । චක්ෂු॑-ර්බ්ර॒හ්මා । නි॒මේ॒ෂෝ ව॑ෂට්කා॒රඃ ॥ 42 ॥

ය ඒ॒වං-වේඁද॑ । තස්ය॒ ත්වේ॑ව හු॒තම් ॥ සා॒යං॒-යාඁවා॑නශ්ච॒ වෛ දේ॒වාඃ ප්රා॑ත॒ර්යාවා॑ණශ්චා-ග්නිහෝ॒ත්රිණෝ॑ ගෘ॒හමාග॑ච්ඡන්ති । තාන්. යන්න ත॒ර්පයේ᳚ත් । ප්ර॒ජයා᳚-ऽස්ය ප॒ශුභි॒ර්වි ති॑ෂ්ඨේරන්න් । යත්ත॒ර්පයේ᳚ත් । තෘ॒ප්තා ඒ॑න-ම්ප්ර॒ජයා॑ ප॒ශුභි॑ස්තර්පයේයුඃ ॥ ස॒ජූර්දේ॒වෛ-ස්සා॒යං-යාඁව॑භි॒රිති॑ සා॒යග්​ම් ස-ම්මෘ॑ශති । ස॒ජූර්දේ॒වෛඃ ප්රා॒තර්යාව॑භි॒රිති॑ ප්රා॒තඃ । යේ චෛ॒ව දේ॒වා-ස්සා॑යං॒-යාඁවා॑නෝ॒ යේ ච॑ ප්රාත॒ර්යාවා॑ණඃ ॥ 43 ॥

තානේ॒වෝභයාග්॑ ස්තර්පයති । ත ඒ॑න-න්තෘ॒ප්තාඃ ප්ර॒ජයා॑ ප॒ශුභි॑ ස්තර්පයන්ති ॥ අ॒රු॒ණෝ හ॑ ස්මා॒හෞප॑වේශිඃ । අ॒ග්නි॒හෝ॒ත්ර ඒ॒වාහග්​ම් සා॒ය-ම්ප්රා॑ත॒ර්වජ්ර॒-ම්භ්රාතෘ॑ව්යේභ්යඃ॒ ප්ර හ॑රාමි । තස්මා॒-න්මත්පාපී॑යාග්​ම්සෝ॒ භ්රාතෘ॑ව්යා॒ ඉති॑ । ච॒තුරුන්න॑යති । ද්විර්ජු॑හෝති । ස॒මි-ථ්ස॑ප්ත॒මී । ස॒ප්තප॑දා॒ ශක්ව॑රී । ශා॒ක්ව॒රෝ වජ්රඃ॑ । අ॒ග්නි॒හෝ॒ත්ර ඒ॒ව තථ්සා॒ය-ම්ප්රා॑ත॒ර්වජ්රං॒-යඁජ॑මානෝ॒ භ්රාතෘ॑ව්යාය॒ ප්ර හ॑රති । භව॑ත්යා॒ත්මනා᳚ । පරා᳚-ऽස්ය॒ භ්රාතෘ॑ව්යෝ භවති ॥ 44 ॥
(බ॒ර්॒හිඃ - ප්රා॒ත--ර් හු॒තාද්යා॑ය - ජායතේ - රුන්ධේ - ऽසා॒මා - ක॑රෝ - ත්යේ॒තා වා අ॑ග්නිහෝ॒ත්රස්යෝ॑ ප॒සදෝ॑ - වෂට්කා॒ර - ශ්ච॑ ප්රාත॒ර්යාවා॑ණෝ॒ - වජ්ර॒ස්ත්රීණි॑ ච) (අ. 5)

අනුවාකං 6 - අභ්යුද්ද්රවණම්, හෝමාභාවප්රතීකාරශ්ච
ප්ර॒ජාප॑ති-රකාමය-තාත්ම॒න් වන්මේ॑ ජායේ॒තේති॑ । සෝ॑-ऽජුහෝත් । තස්යා᳚ත්ම॒න් වද॑ජායත । අ॒ග්නි-ර්වා॒යුරා॑-දි॒ත්යඃ । තේ᳚-ऽබ්රුවන්න් । ප්ර॒ජාප॑ති-රහෞෂී-දාත්ම॒න්-වන්මේ॑ ජායේ॒තේති॑ । තස්ය॑ ව॒යම॑ජනිෂ්මහි । ජාය॑තා-න්න ආත්ම॒න්-වදිති॒ තේ॑-ऽජුහවුඃ । ප්රා॒ණානා॑ම॒ග්නිඃ । ත॒නුවෛ॑ වා॒යුඃ ॥ 45 ॥

චක්ෂු॑ෂ ආදි॒ත්යඃ । තේෂාග්​ම්॑ හු॒තාද॑ජායත॒ ගෞරේ॒ව ॥ තස්යෛ॒ පය॑සි॒ ව්යාය॑ච්ඡන්ත । මම॑ හු॒තාද॑ජනි॒ මමේති॑ । තේ ප්ර॒ජාප॑ති-ම්ප්ර॒ශ්නමා॑යන්න් । ස ආ॑දි॒ත්යෝ᳚-ऽග්නි-ම॑බ්රවීත් । ය॒ත॒රෝ නෞ॒ ජයා᳚ත් । තන්නෞ॑ ස॒හාස॒දිති॑ । කස්යෛ කෝ-ऽහෞ॑ෂී॒දිති॑ ප්ර॒ජාප॑ති-රබ්රවී॒ත්-කස්යෛ ක॒ ඉති॑ । ප්රා॒ණානා॑ම॒හමිත්ය॒ග්නිඃ ॥ 46 ॥

ත॒නුවා॑ අ॒හමිති॑ වා॒යුඃ । චක්ෂු॑ෂෝ॒-ऽහමිත්යා॑දි॒ත්යඃ । ය ඒ॒ව ප්රා॒ණානා॒මහෞ॑ෂීත් । තස්ය॑ හු॒තාද॑ජ॒නීති॑ । අ॒ග්නේර්-හු॒තාද॑ජ॒නීති॑ । තද॑ග්නිහෝ॒ත්රස්යා᳚-ග්නිහෝත්ර॒ත්වම් । ගෞර්වා අ॑ග්නිහෝ॒ත්රම් । ය ඒ॒වං-වේඁද॒ ගෞර॑ග්නිහෝ॒ත්රමිති॑ । ප්රා॒ණා॒පා॒නාභ්යා॑-මේ॒වාග්නිග්​ම් සම॑ර්ධයති । අව්ය॑ර්ධුකඃ ප්රාණාපා॒නාභ්යා᳚-ම්භවති ॥ 47 ॥

ය ඒ॒වං-වේඁද॑ ॥ තෞ වා॒යුර॑බ්රවීත් । අනු॒ මා භ॑ජත॒මිති॑ । යදේ॒ව ගාර්​හ॑පත්යේ-ऽධි॒ශ්රිත්යා॑-හව॒නීය॑-ම॒භ්යු॑ද්ද්රවාන්॑ । තේන॒ ත්වා-ම්ප්රී॑ණා॒නිත්ය॑-බ්රූතාම් । තස්මා॒-ද්ය-ද්ගාර්​හ॑පත්යේ-ऽධි॒-ශ්රිත්යා॑හව॒නීය॑-ම॒භ්යු॑ද්ද්රව॑ති । වා॒යුමේ॒ව තේන॑ ප්රීණාති ॥ ප්ර॒ජාප॑ති-ර්දේ॒වතා᳚-ස්සෘ॒ජමා॑නඃ । අ॒ග්නිමේ॒ව දේ॒වතා॑නා-ම්ප්රථ॒ම-ම॑සෘජත । සෝ᳚-ऽන්යදා॑ල॒ම්-භ්ය॑මවි॑ත්ත්වා ॥ 48 ॥

ප්ර॒ජාප॑තිම॒භි ප॒ර්යාව॑ර්තත । ස මෘ॒ත්යෝ-ර॑බිභේත් । සෝ॑-ऽමුමා॑දි॒ත්ය-මා॒ත්මනෝ॒ නිර॑මිමීත । තග්​ම්හු॒ත්වා පරා᳚ම්ප॒ර්යාව॑ර්තත । තතෝ॒ වෛ ස මෘ॒ත්යුමපා॑ජයත් । අප॑ මෘ॒ත්යු-ඤ්ජ॑යති । ය ඒ॒වං-වේඁද॑ ॥ තස්මා॒-ද්යස්යෛ॒වං-විඁ॒දුෂඃ॑ । උ॒තෛකා॒හමු॒ත ද්ව්ය॒හ-න්න ජුහ්ව॑ති । හු॒තමේ॒වාස්ය॑ භවති । අ॒සෞ හ්යා॑දි॒ත්යෝ᳚-ऽග්නිහෝ॒ත්රම් ॥ 49 ॥
(ත॒නුවෛ॑ වා॒යු - ර॒ග්නි--ර් භ॑ව॒ - ත්යවි॑ත්ත්වා - භව॒ත්යේක॑-ඤ්ච) (අ. 6)

අනුවාකං 7 - හවිෂ-ස්සර්වදේවතාසම්බන්ධේන ප්රශංසා
රෞ॒ද්ර-ඞ්ගවි॑ । වා॒ය॒ව්ය॑-මුප॑සෘෂ්ටම් । ආ॒ශ්වි॒න-න්දු॒හ්යමා॑නම් । සෞ॒ම්ය-න්දු॒ග්ධම් । වා॒රු॒ණමධි॑ශ්රිතම් । වෛ॒ශ්ව॒දේ॒වා භි॒න්දවඃ॑ । පෞ॒ෂ්ණමුද॑න්තම් । සා॒ර॒ස්ව॒තං-විඁ॒ෂ්යන්ද॑මානම් । මෛ॒ත්රග්​ම් ශරඃ॑ । ධා॒තුරුද්වා॑සිතම් । බෘහ॒ස්පතේ॒රුන්නී॑තම් । ස॒වි॒තුඃ ප්රක්රා᳚න්තම් । ද්යා॒වා॒පෘ॒ථි॒ව්යග්ග්॑ හ්රි॒යමා॑ණම් । ඓ॒න්ද්රා॒ග්න-මුප॑සන්නම් । අ॒ග්නේඃ පූර්වා ऽऽහු॑තිඃ । ප්ර॒ජාප॑තේ॒-රුත්ත॑රා । ඓ॒න්ද්රග්​ම් හු॒තම් ॥ 50 ॥
(උද්වා॑සිතග්​ම් ස॒ප්ත ච॑) (අ. 7)

අනුවාකං 8 - දෝහනප්රකාරෝ-ऽග්නිහෝත්රහෝත්රශ්ච
ද॒ක්ෂි॒ණ॒ත උප॑ සෘජති । පි॒තෘ॒ලෝ॒කමේ॒ව තේන॑ ජයති ॥ ප්රාචී॒මාව॑ර්තයති । දේ॒ව॒ලෝ॒කමේ॒ව තේන॑ ජයති । උදී॑චීමා॒වෘත්ය॑ දෝග්ධි । ම॒නු॒ෂ්ය॒ලෝ॒කමේ॒ව තේන॑ ජයති ॥ පූර්වෞ॑ දුහ්යාජ්ජ්යේ॒ෂ්ඨස්ය॑ ජ්යෛෂ්ඨිනේ॒යස්ය॑ । යෝ වා॑ ග॒තශ්රී॒-ස්ස්යාත් । අප॑රෞ දුහ්යාත්-කනි॒ෂ්ඨස්ය॑ කානිෂ්ඨිනේ॒යස්ය॑ । යෝ වා॒ බුභූ॑ෂේත් ॥ 51 ॥

න ස-ම්මෘ॑ශති । පා॒ප॒ව॒ස්ය॒සස්ය॒ ව්යාවෘ॑ත්ත්යෛ ॥ වා॒ය॒ව්යං॑-වාඁ ඒ॒තදුප॑සෘෂ්ටම් । ආ॒ශ්වි॒න-න්දු॒හ්යමා॑නම් । මෛ॒ත්ර-න්දු॒ග්ධම් । අ॒ර්ය॒ම්ණ උ॑ද්වා॒ස්යමා॑නම් । ත්වා॒ෂ්ට්ර-මු॑න්නී॒යමා॑නම් । බෘහ॒ස්පතේ॒-රුන්නී॑තම් । ස॒වි॒තුඃ ප්රක්රා᳚න්තම් । ද්යා॒වා॒පෘ॒ථි॒ව්යග්ග්॑ හ්රි॒යමා॑ණම් ॥ 52 ॥

ඓ॒න්ද්රා॒ග්නමුප॑ සාදිතම් । සර්වා᳚භ්යෝ॒ වා ඒ॒ෂ දේ॒වතා᳚භ්යෝ ජුහෝති । යෝ᳚-ऽග්නිහෝ॒ත්ර-ඤ්ජු॒හෝති॑ ॥ යථා॒ ඛලු॒ වෛ ධේ॒නු-න්තී॒ර්ථේ ත॒ර්පය॑ති । ඒ॒වම॑ග්නිහෝ॒ත්රී යජ॑මාන-න්තර්පයති । තෘප්ය॑ති ප්ර॒ජයා॑ ප॒ශුභිඃ॑ । ප්රසු॑ව॒ර්ගං-ලෝඁ॒ක-ඤ්ජා॑නාති । පශ්ය॑ති පු॒ත්රම් । පශ්ය॑ති॒ පෞත්ර᳚ම් । ප්ර ප්ර॒ජයා॑ ප॒ශුභි॑-ර්මිථු॒නෛ-ර්ජා॑යතේ । යස්යෛ॒වං-විඁ॒දුෂෝ᳚-ऽග්නිහෝ॒ත්ර-ඤ්ජුහ්ව॑ති । ය උ॑ චෛන දේ॒වං-වේඁද॑ ॥ 53 ॥
(බභූ॑ෂේ- ද්ධ්රි॒යමා॑ණං - ජායතේ॒ ද්වේ ච॑) (අ. 8)

අනුවාකං 9 - අග්නිහෝත්රස්යාසංසෘෂ්ටහෝමමන්ත්රෞ
ත්රයෝ॒ වෛ ප්රෛ॑යමේ॒ධා ආ॑සන්න් । තේෂා॒-න්ත්රිරේකෝ᳚-ऽග්නිහෝ॒ත්ර-ම॑ජුහෝත් । ද්විරේකඃ॑ । ස॒කෘදේකඃ॑ । තේෂාං॒-යඁස්ත්රිරජු॑හෝත් । ස ඍ॒චා-ऽජු॑හෝත් । යෝ ද්විඃ । ස යජු॑ෂා । ය-ස්ස॒කෘත් । ස තූ॒ෂ්ණීම් ॥ 54 ॥

යශ්ච॒ යජු॒ෂා ऽජු॑හෝ॒ද්යශ්ච॑ තූ॒ෂ්ණීම් । තාවු॒භාවා᳚ර්ධ්නුතාම් । තස්මා॒-ද්යජු॒ෂා ऽऽහු॑තිඃ॒ පූර්වා॑ හෝත॒ව්යා᳚ । තූ॒ෂ්ණීමුත්ත॑රා । උ॒භේ ඒ॒වර්ධී අව॑රුන්ධේ । අ॒ග්නි-ර්ජ්යෝති॒-ර්ජ්යෝති॑ර॒ග්නි-ස්ස්වාහේති॑ සා॒ය-ඤ්ජු॑හෝති । රේත॑ ඒ॒ව ත-ද්ද॑ධාති । සූර්යෝ॒ ජ්යෝති॒-ර්ජ්යෝති॒-ස්සූර්ය॒-ස්ස්වාහේති॑ ප්රා॒තඃ । රේත॑ ඒ॒ව හි॒ත-ම්ප්ර ජ॑නයති ॥ රේතෝ॒ වා ඒ॒තස්ය॑ හි॒ත-න්න ප්ර ජා॑යතේ ॥ 55 ॥

යස්යා᳚ග්නිහෝ॒ත්රමහු॑ත॒ග්​ම්॒ සූර්යෝ॒-ऽභ්යු॑දේති॑ । ය-ද්යන්තේ॒ ස්යාත් । උ॒න්නීය॒ ප්රාංඋ॒දාද්ර॑වේත් । ස උ॑ප॒සාද්යාතමි॑තෝ-රාසීත । ස ය॒දා තාම්යේ᳚ත් । අථ॒ භූ-ස්ස්වාහේති॑ ජුහුයාත් । ප්ර॒ජාප॑ති॒ර්වෛ භූ॒තඃ । තමේ॒වෝ-පා॑සරත් । ස ඒ॒වෛන॒-න්තත॒ උන්න॑යති । නාර්ති॒මාර්ච්ඡ॑ති॒ යජ॑මානඃ ॥ 56 ॥
(තූ॒ෂ්ණීං - ජා॑යතේ॒ - යජ॑මානඃ) (අ. 9)

අනුවාකං 10 - වහ්නේරවස්ථාවිශේෂානුසාරේණ හෝමඃ
යද॒ග්නි-මු॒ද්ධර॑ති । වස॑ව॒ස්තර්​හ්ය॒ග්නිඃ । තස්මි॒න්॒. යස්ය॒ තථා॑විධේ॒ ජුහ්ව॑ති । වසු॑ෂ්වේ॒වාස්යා᳚ග්නිහෝ॒ත්රග්​ම් හු॒ත-ම්භ॑වති ॥ නිහි॑තෝ ධූපා॒යඤ්ඡේ॑තේ । රු॒ද්රාස්තහ්ය॒ර්ග්නිඃ । තස්මි॒න්.॒ යස්ය॒ තථා॑විධේ॒ ජුහ්ව॑ති । රු॒ද්රේෂ්වේ॒වාස්යා᳚ග්නිහෝ॒ත්රග්​ම් හු॒ත-ම්භ॑වති ॥ ප්ර॒ථ॒මමි॒ද්ධ්මම॒ර්චිරා ල॑භතේ । ආ॒දි॒ත්යාස්තර්​හ්ය॒ග්නිඃ ॥ 57 ॥

තස්මි॒න්॒. යස්ය॒ තථා॑විධේ॒ ජුහ්ව॑ති । ආ॒දි॒ත්යේෂ්වේ॒වාස්යා᳚ග්නිහෝ॒ත්රග්​ම් හු॒ත-ම්භ॑වති ॥ සර්ව॑ ඒ॒ව ස॑ර්ව॒ශ ඉ॒ද්ධ්ම ආදී᳚ප්තෝ භවති । විශ්වේ॑ දේ॒වාස්තහ්ය॒ර්ග්නිඃ । තස්මි॒න්॒. යස්ය॒ තථා॑විධේ॒ ජුහ්ව॑ති । විශ්වේ᳚ෂ්වේ॒වාස්ය॑ දේ॒වේෂ්ව॑ග්නිහෝ॒ත්රග්​ම් හු॒ත-ම්භ॑වති ॥ නි॒ත॒රාම॒ර්චිරු॒පාවෛ॑ති ලෝහි॒නීකේ॑ව භවති । ඉන්ද්ර॒ස්තර්​හ්ය॒ග්නිඃ । තස්මි॒න්॒. යස්ය॒ තථා॑විධේ॒ ජුහ්ව॑ති । ඉන්ද්ර॑ ඒ॒වාස්යා᳚ග්නිහෝ॒ත්රග්​ම් හු॒ත-ම්භ॑වති ॥ 58 ॥

අඞ්ගා॑රා භවන්ති । තේභ්යෝ-ऽඞ්ගා॑රේභ්යෝ॒-ऽර්චිරුදේ॑ති । ප්ර॒ජාප॑ති॒ස්තර්​හ්ය॒ග්නිඃ । තස්මි॒න්॒. යස්ය॒ තථා॑විධේ॒ ජුහ්ව॑ති । ප්ර॒ජාප॑තාවේ॒වාස්යා᳚ග්නිහෝ॒ත්රග්​ම් හු॒ත-ම්භ॑වති ॥ ශරෝ-ऽඞ්ගා॑රා॒ අද්ධ්යූ॑හන්තේ । බ්රහ්ම॒-තර්​හ්ය॒ග්නිඃ । තස්මි॒න්.॒ යස්ය॒ තථා॑විධේ॒ ජුහ්ව॑ති । බ්රහ්ම॑න්නේ॒වාස්යා᳚ග්නිහෝ॒ත්රග්​ම් හු॒ත-ම්භ॑වති ॥ වසු॑ෂු රු॒ද්රේෂ්වා॑දි॒ත්යේෂු॒ විශ්වේ॑ෂු දේ॒වේෂු॑ । ඉන්ද්රේ᳚ ප්ර॒ජාප॑තෞ॒ බ්රහ්මන්න්॑ । අප॑රිවර්ගමේ॒වාස්යෛ॒තාසු॑ දේ॒වතා॑සු හු॒ත-ම්භ॑වති । යස්යෛ॒වං-විඁ॒දුෂෝ᳚-ऽග්නිහෝ॒ත්ර-ඤ්ජුහ්ව॑ති । ය උ॑ චෛන දේ॒වං-වේඁද॑ ॥ 59 ॥
(ආ॒දි॒ත්යාස්තර්​හ්ය॒ග්නි--ර් ඉන්ද්ර॑ ඒ॒වාස්යා᳚ග්නිහෝ॒ත්රග්​ම් හු॒ත-ම්භ॑වති - දේ॒වේෂු॑ ච॒ත්වාරි॑ ච) (අ. 10)

(යද॒ග්නි-න්නිහි॑තඃ ප්රථ॒මග්​ම් සර්ව॑ ඒ॒ව නි॑ත॒රාමඞ්ගා॑රා॒-ශ්ශරෝ-ऽඞ්ගා॑රා॒
බ්රහ්ම॒වසු॑ෂ්ව॒ෂ්ටෞ)

අනුවාකං 11 - කාලභේදේන සමන්ත්රක-ම්පරිෂේචනම්
ඍ॒ත-න්ත්වා॑ ස॒ත්යේන॒ පරි॑ෂිඤ්චා॒මීති॑ සා॒ය-ම්පරි॑ෂිඤ්චති । ස॒ත්ය-න්ත්ව॒ර්තේන॒ පරි॑ෂිඤ්චා॒මීති॑ ප්රා॒තඃ । අ॒ග්නිර්වා ඍ॒තම් । අ॒සාවා॑දි॒ත්ය-ස්ස॒ත්යම් । අ॒ග්නිමේ॒ව තදා॑දි॒ත්යේන॑ සා॒ය-ම්පරි॑ෂිඤ්චති । අ॒ග්නිනා॑ ऽऽදි॒ත්ය-ම්ප්රා॒තස්සඃ । යාව॑දහෝරා॒ත්රේ භව॑තඃ । තාව॑දස්ය ලෝ॒කස්ය॑ । නාර්ති॒ර්න රිෂ්ටිඃ॑ । නාන්තෝ॒ න ප॑ර්ය॒න්තෝ᳚-ऽස්ති । යස්යෛ॒වං-විඁ॒දුෂෝ᳚-ऽග්නිහෝ॒ත්ර-ඤ්ජුහ්ව॑ති । ය උ॑ චෛන දේ॒වං-වේඁද॑ ॥ 60 ॥
(අ॒ස්ති॒ ද්වේ ච॑) (අ. 11)

(අඞ්ගි॑රසඃ - ප්ර॒ජාප॑තිර॒ග්නිග්​ම් - රු॒ද්ර - උ॑ත්ත॒රාව॑තීං - බ්රහ්මවා॒දිනෝ᳚ ऽග්නිහෝ॒ත්රප්රා॑යණා ය॒ජ්ඤාඃ - ප්ර॒ජාප॑තිරකාමයතාත්ම॒න්ව-ද්- රෞ॒ද්ර-ඞ්ගවි॑ -දක්ෂිණ॒ත - ස්ත්රයෝ॒ වෛ - යද॒ග්නි - මෘ॒ත-න්ත්වා॑ ස॒ත්යේනෛකා॑දශ)

(අඞ්ගි॑රසඃ॒ - ප්රෛව තේන॑ - ප॒ශූනේ॒ව - යන්නි॒මාර්​ෂ්ටි॒ - යෝ වා අ॑ග්නිහෝ॒ත්රස්යෝ॑ප॒සදෝ॑ - දක්ෂිණ॒ත-ෂ්ෂ॑ෂ්ටිඃ )

(අඞ්ගි॑රසෝ॒ - ය උ॑ චෛන දේ॒වං-වේඁද॑)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ ප්රථමඃ ප්රපාඨක-ස්සමාප්තඃ ॥