কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকে প্রথমঃ প্রপাঠকঃ - অগ্নিহোত্রব্রাহ্মণম্

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - অগ্নিহোত্রস্য়োপোদ্ধাতঃ
অঙ্গি॑রসো॒ বৈ স॒ত্রমা॑সত । তেষা॒-ম্পৃশ্নি॑-র্ঘর্ম॒ধুগা॑সীত্ । সর্জী॒ষেণা॑জীবত্ । তে᳚-ঽব্রুবন্ন্ । কস্মৈ॒ নু স॒ত্রমা᳚স্মহে । যে᳚-ঽস্য়া ওষ॑ধী॒র্ন জ॒নয়া॑ম॒ ইতি॑ । তে দি॒বো বৃষ্টি॑-মসৃজন্ত । যাব॑ন্ত-স্স্তো॒কা অ॒বাপ॑দ্যন্ত । তাব॑তী॒রোষ॑ধয়ো ঽজাযন্ত ॥ তা জা॒তাঃ পি॒তরো॑ বি॒ষেণা॑লিম্পন্ন্ ॥ 1 ॥

তাসা᳚-ঞ্জ॒গ্ধ্বা রুপ্য়॒ন্ত্য়ৈত্ । তে᳚-ঽব্রুবন্ন্ । ক ই॒দমি॒ত্থ-ম॑ক॒রিতি॑ । ব॒য়-ম্ভা॑গ॒ধেয়॑-মি॒চ্ছমা॑না॒ ইতি॑ পি॒তরো᳚-ঽব্রুবন্ন্ । কিং-বোঁ॑ ভাগ॒ধেয়॒মিতি॑ । অ॒গ্নি॒হো॒ত্র এ॒ব নো-ঽপ্য়॒স্ত্বিত্য়॑-ব্রুবন্ন্ । তেভ্য়॑ এ॒ত-দ্ভা॑গ॒ধেয়॒-ম্প্রায়॑চ্ছন্ন্ । যদ্ধু॒ত্বা নি॒মার্​ষ্টি॑ । ততো॒ বৈ ত ওষ॑ধীর-স্বদযন্ন্ ॥ য এ॒বং-বেঁদ॑ ॥ 2 ॥

স্বদ॑ন্তে-ঽস্মা॒ ওষ॑ধয়ঃ । তে ব॒থ্সমু॒-পাবা॑সৃজন্ন্ । ই॒দ-ন্নো॑ হ॒ব্য়-ম্প্রদা॑প॒য়েতি॑ । সো᳚-ঽব্রবী॒দ্বরং॑-বৃঁণৈ । দশ॑ মা॒ রাত্রী᳚র্জা॒ত-ন্ন দো॑হন্ন্ । আ॒স॒ঙ্গ॒ব-ম্মা॒ত্রা স॒হ চ॑রা॒ণীতি॑ । তস্মা᳚-দ্ব॒থ্স-ঞ্জা॒ত-ন্দশ॒ রাত্রী॒র্ন দু॑হন্তি । আ॒স॒ঙ্গ॒ব-ম্মা॒ত্রা স॒হ চর॑তি । বারে॑বৃত॒গ্গ্॒হ্য়॑স্য় । তস্মা᳚-দ্ব॒থ্সগ্​ম্ সগ্​ম্॑সৃষ্টধ॒য়গ্​ম্ রু॒দ্রো ঘাতু॑কঃ । অতি॒ হি স॒ন্ধা-ন্ধয়॑তি ॥ 3 ॥
(অ॒লি॒ম্প॒ন্ - বেদ॒ - ঘাতু॑ক॒ এক॑-ঞ্চ) (অ. 1)

অনুবাকং 2 - অগ্নিহোত্রনিরূপণম্
প্র॒জাপ॑তি-র॒গ্নি-ম॑সৃজত । ত-ম্প্র॒জা অন্ব॑সৃজ্যন্ত । তম॑ভা॒গ উপা᳚স্ত । সো᳚-ঽস্য় প্র॒জাভি॒-রপা᳚ক্রামত্ । তম॑ব॒রুরু॑-থ্সমা॒নো-ঽন্বৈ᳚ত্ । তম॑ব॒রুধ॒-ন্নাশ॑ক্নোত্ । স তপো॑ ঽতপ্যত । সো᳚-ঽগ্নি-রুপা॑রম॒তাতা॑পি॒ বৈ স্য় প্র॒জাপ॑তি॒রিতি॑ । স র॒রাটা॒দুদ॑মৃষ্ট ॥ 4 ॥

ত-দ্ঘৃ॒তম॑ভবত্ । তস্মা॒দ্যস্য়॑ দক্ষিণ॒তঃ কেশা॒ উন্মৃ॑ষ্টাঃ । তা-ঞ্জ্য়ে᳚ষ্ঠল॒ক্ষ্মী প্রা॑জাপ॒ত্য়েত্য়া॑হুঃ । য-দ্র॒রাটা॑দু॒দমৃ॑ষ্ট । তস্মা᳚-দ্র॒রাটে॒ কেশা॒ ন স॑ন্তি । তদ॒গ্নৌ প্রাগৃ॑হ্ণাত্ । তদ্ব্য়॑চিকি॒থ্সত্ । জু॒হবা॒নী(3) মা হৌ॒ষা(3)মিতি॑ । ত-দ্বি॑চিকি॒থ্সায়ৈ॒ জন্ম॑ ॥ য এ॒বং-বিঁ॒দ্বান্. বি॑চি॒কিথ্স॑তি ॥ 5 ॥

বসী॑য় এ॒ব চে॑তযতে ॥ তং-বাঁগ॒ভ্য়॑বদ-জ্জু॒হুধীতি॑ । সো᳚-ঽব্রবীত্ । কস্ত্বম॒সীতি॑ । স্বৈব তে॒ বাগিত্য়॑ব্রবীত্ । সো॑-ঽজুহো॒-থ্স্বাহেতি॑ । তথ্স্বা॑হাকা॒রস্য়॒ জন্ম॑ ॥ য এ॒বগ্গ্​ স্বা॑হাকা॒রস্য়॒ জন্ম॒ বেদ॑ । ক॒রোতি॑ স্বাহাকা॒রেণ॑ বী॒র্য়᳚ম্ ॥ যস্য়ৈ॒বং-বিঁ॒দুষ॑-স্স্বাহাকা॒রেণ॒ জুহ্ব॑তি ॥ 6 ॥

ভোগা॑য়ৈ॒বাস্য়॑ হু॒ত-ম্ভ॑বতি ॥ তস্য়া॒ আহু॑ত্য়ৈ॒ পুরু॑ষ-মসৃজত । দ্বি॒তীয়॑-মজুহোত্ । সো-ঽশ্ব॑-মসৃজত । তৃ॒তীয়॑-মজুহোত্ । স গা॑মসৃজত । চ॒তু॒র্থ-ম॑জুহোত্ । সো-ঽবি॑মসৃজত । প॒ঞ্চ॒ম-ম॑জুহোত্ । সো॑-ঽজাম॑সৃজত ॥ 7 ॥

সো᳚-ঽগ্নি-র॑বিভেত্ । আহু॑তীভি॒র্বৈ মা᳚-ঽঽপ্নো॒তীতি॑ । স প্র॒জাপ॑তি॒-ম্পুনঃ॒ প্রাবি॑শত্ । ত-ম্প্র॒জাপ॑তি-রব্রবীত্ । জায়॒স্বেতি॑ । সো᳚-ঽব্রবীত্ । কি-ম্ভা॑গ॒ধেয়॑ম॒ভি জ॑নিষ্য়॒ ইতি॑ । তুভ্য়॑মে॒বেদগ্​ম্ হূ॑য়াতা॒ ইত্য়॑ব্রবীত্ । স এ॒ত-দ্ভা॑গ॒ধেয়॑ম॒ভ্য়॑জাযত । যদ॑গ্নিহো॒ত্রম্ ॥ 8 ॥

তস্মা॑দগ্নিহো॒ত্র-মু॑চ্যতে ॥ তদ্ধূ॒যমা॑ন-মাদি॒ত্য়ো᳚-ঽব্রবীত্ । মা হৌ॑ষীঃ । উ॒ভয়ো॒র্বৈ-না॑বে॒তদিতি॑ । সো᳚-ঽগ্নি-র॑ব্রবীত্ । ক॒থ-ন্নৌ॑ হোষ্য়॒ন্তীতি॑ । সা॒যমে॒ব তুভ্য়॑-ঞ্জু॒হবন্ন্॑ । প্রা॒তর্মহ্য়॒-মিত্য়॑ব্রবীত্ । তস্মা॑দ॒গ্নয়ে॑ সা॒য়গ্​ম্ হূ॑যতে । সূর্য়া॑য় প্রা॒তঃ ॥ 9 ॥

আ॒গ্নে॒য়ী বৈ রাত্রিঃ॑ । ঐ॒ন্দ্রমহঃ॑ । যদনু॑দিতে॒ সূর্য়ে᳚ প্রা॒তর্জু॑হু॒য়াত্ । উ॒ভয়॑মে॒বাগ্নে॒যগ্গ্​ স্য়া᳚ত্ । উদি॑তে॒ সূর্য়ে᳚ প্রা॒তর্জু॑হোতি । তথা॒-ঽগ্নয়ে॑ সা॒য়গ্​ম্ হূ॑যতে । সূর্য়া॑য় প্রা॒তঃ ॥ রাত্রিং॒-বাঁ অনু॑ প্র॒জাঃ প্র জা॑যন্তে । অহ্না॒ প্রতি॑ তিষ্ঠন্তি । যথ্সা॒য়-ঞ্জু॒হোতি॑ ॥ 10 ॥

প্রৈব তেন॑ জাযতে । উদি॑তে॒ সূর্য়ে᳚ প্রা॒ত-র্জু॑হোতি । প্রত্য়ে॒ব তেন॑ তিষ্ঠতি ॥ প্র॒জাপ॑তির-কামযত॒ প্রজা॑য়ে॒য়েতি॑ । স এ॒তদ॑গ্নিহো॒ত্র-ম্মি॑থু॒ন-ম॑পশ্যত্ । তদুদি॑তে॒ সূর্য়ে॑-ঽজুহোত্ । যজু॑ষা॒ ঽন্যত্ । তূ॒ষ্ণীম॒ন্যত্ । ততো॒ বৈ স প্রাজা॑যত । যস্য়ৈ॒বং-বিঁ॒দুষ॒ উদি॑তে॒ সূর্য়ে᳚-ঽগ্নিহো॒ত্র-ঞ্জুহ্ব॑তি ॥ 11 ॥

প্রৈব জা॑যতে । অথো॒ যথা॒ দিবা᳚ প্রজা॒নন্নেতি॑ । তা॒দৃগে॒ব তত্ ॥ অথো॒ খল্বা॑হুঃ । যস্য়॒ বৈ দ্বৌ পুণ্য়ৌ॑ গৃ॒হে বস॑তঃ । যস্তয়ো॑র॒ন্য়গ্​ম্ রা॒ধয়॑ত্য়॒ন্য়-ন্ন । উ॒ভৌ বাব স তাবৃ॑চ্ছ॒তীতি॑ । অ॒গ্নিং-বাঁবাদি॒ত্য়-স্সা॒য়-ম্প্রবি॑শতি । তস্মা॑দ॒গ্নির্দূ॒রান্নক্ত॑-ন্দদৃশে ।
উ॒ভে হি তেজ॑সী স॒পন্দ্য়ে॑তে ॥ 12 ॥

উ॒দ্যন্তং॒-বাঁবাদি॒ত্য়-ম॒গ্নিরনু॑ স॒মারো॑হতি । তস্মা᳚দ্ধূ॒ম এ॒বাগ্নের্দিবা॑ দদৃশে । যদ॒গ্নয়ে॑ সা॒য়-ঞ্জু॑হু॒য়াত্ । আ সূর্য়া॑য় বৃশ্চ্য়েত । যথ্সূর্য়া॑য় প্রা॒ত-র্জু॑হু॒য়াত্ । আ-ঽগ্নয়ে॑ বৃশ্চ্য়েত । দে॒বতা᳚ভ্য়-স্স॒মদ॑-ন্দদ্ধ্য়াত্ । অ॒গ্নির্জ্য়োতি॒-র্জ্য়োতি॒-স্সূর্য়॒-স্স্বাহেত্য়ে॒ব সা॒য়গ্​ম্ হো॑ত॒ব্য়᳚ম্ । সূর্য়ো॒ জ্য়োতি॒-র্জ্য়োতি॑র॒গ্নি-স্স্বাহেতি॑ প্রা॒তঃ । তথো॒ভাভ্য়াগ্​ম্॑ সা॒য়গ্​ম্ হূ॑যতে ॥ 13 ॥

উ॒ভাভ্য়া᳚-ম্প্রা॒তঃ । ন দে॒বতা᳚ভ্য়-স্স॒মদ॑-ন্দধাতি ॥ অ॒গ্নির্জ্য়োতি॒রিত্য়া॑হ । অ॒গ্নির্বৈ রে॑তো॒ধাঃ ॥ প্র॒জা জ্য়োতি॒রিত্য়া॑হ । প্র॒জা এ॒বাস্মৈ॒ প্র জ॑নযতি ॥ সূর্য়ো॒ জ্য়োতি॒রিত্য়া॑হ । প্র॒জাস্বে॒ব প্রজা॑তাসু॒ রেতো॑ দধাতি ॥ জ্য়োতি॑র॒গ্নি-স্স্বাহেত্য়া॑হ । প্র॒জা এ॒ব প্রজা॑তা অ॒স্য়া-ম্প্রতি॑ষ্ঠাপযতি ॥ 14 ॥

তূ॒ষ্ণীমুত্ত॑রা॒-মাহু॑তি-ঞ্জুহোতি । মি॒থু॒ন॒ত্বায়॒ প্রজা᳚ত্য়ৈ ॥ যদুদি॑তে॒ সূর্য়ে᳚ প্রা॒ত-র্জু॑হু॒য়াত্ । যথা-ঽতি॑থয়ে॒ প্রদ্রু॑তায় শূ॒ন্য়ায়া॑বস॒থা-য়া॑হা॒র্য়গ্​ম্॑ হর॑ন্তি । তা॒দৃগে॒ব তত্ ।
ক্বাহ॒ তত॒স্ত-দ্ভব॒তীত্য়া॑হুঃ । যথ্স ন বেদ॑ । যস্মৈ॒ তদ্ধর॒ন্তীতি॑ । তস্মা॒-দ্যদৌ॑ষ॒স-ঞ্জু॒হোতি॑ । তদে॒ব স॑প্র॒ন্তি । অথো॒ যথা॒ প্রার্থ॑মৌষ॒স-ম্প॑রি॒ বেবে᳚ষ্টি । তা॒দৃগে॒ব তত্ ॥ 15 ॥
(অ॒মৃ॒ষ্ট॒ - বি॒চি॒কিথ্স॑তি॒ - জুহ্ব॑ - ত্য়॒জাম॑সৃজ - তাগ্নিহো॒ত্রগ্​ম্ - সূর্য়া॑য় প্রা॒ত--র্ জু॒হোতি॒ - জুহ্ব॑তি - স॒ম্পদ্য়ে॑তে - হূযতে - স্থাপযতি - সম্প্র॒তি দ্বে চ॑) (অ. 2)

অনুবাকং 3 - উপয়োক্ষ্যমাণস্য় হবিষ-স্সংস্কারঃ
রু॒দ্রো বা এ॒ষঃ । যদ॒গ্নিঃ । পত্নী᳚ স্থা॒লী । যন্মদ্ধ্য়ে॒-ঽগ্নে-র॑ধি॒শ্রয়ে᳚ত্ । রু॒দ্রায়॒ পত্নী॒মপি॑ দদ্ধ্য়াত্ । প্র॒মায়ু॑কা স্য়াত্ । উদী॒চো-ঽঙ্গা॑রান্নি॒রূহ্য়াধি॑ শ্রযতি । পত্নি॑য়ৈ গোপী॒থায়॑ ॥ ব্য়॑ন্তান্ করোতি । তথা॒ পত্ন্য়-প্র॑মায়ুকা ভবতি ॥ 16 ॥

ঘ॒র্মো বা এ॒ষো-ঽশা᳚ন্তঃ । অহ॑রহঃ॒ প্রবৃ॑জ্যতে । যদ॑গ্নিহো॒ত্রম্ । প্রতি॑ষিঞ্চে-ত্প॒শুকা॑মস্য় । শা॒ন্তমি॑ব॒ হি প॑শ॒ব্য়᳚ম্ ॥ ন প্রতি॑ষিঞ্চে-দ্ব্রহ্মবর্চ॒সকা॑মস্য় । সমি॑দ্ধমিব॒ হি ব্র॑হ্মবর্চ॒সম্ ॥ অথো॒ খলু॑ । প্র॒তি॒ষিচ্য়॑মে॒ব । যত্-প্র॑তিষি॒ঞ্চতি॑ ॥ 17 ॥

তত্-প॑শ॒ব্য়᳚ম্ । যজ্জু॒হোতি॑ । তদ্ব্র॑হ্মবর্চ॒সি । উ॒ভয়॑মে॒বাকঃ॑ ॥ প্রচ্য়ু॑তং॒-বাঁ এ॒তদ॒স্মা-ল্লো॒কাত্ । অগ॑ত-ন্দেবলো॒কম্ । যচ্ছৃ॒তগ্​ম্ হ॒বিরন॑ভিঘারিতম্ । অ॒ভিদ্য়ো॑তযতি । অ॒ভ্য়ে॑বৈন॑দ্ঘারযতি । অথো॑ দেব॒ত্রৈবৈন॑-দ্গমযতি ॥ 18 ॥

পর্য়॑গ্নি করোতি । রক্ষ॑সা॒-মপ॑হত্য়ৈ ॥ ত্রিঃ পর্য়॑গ্নি করোতি । ত্র্য়া॑বৃ॒দ্ধি য॒জ্ঞঃ । অথো॑ মেদ্ধ্য়॒ত্বায়॑ ॥ যত্-প্রা॒চীন॑-মুদ্বা॒সয়ে᳚ত্ । যজ॑মানগ্​ম্ শু॒চা ঽর্প॑য়েত্ । য-দ্দ॑ক্ষি॒ণা । পি॒তৃ॒দে॒ব॒ত্যগ্গ্॑ স্য়াত্ । যত্-প্র॒ত্যক্ ॥ 19 ॥

পত্নীগ্​ম্॑ শু॒চা ঽর্প॑য়েত্ । উ॒দী॒চীন॒-মুদ্বা॑সযতি । এ॒ষা বৈ দে॑বমনু॒ষ্য়াণাগ্​ম্॑ শা॒ন্তা দিক্ । তামে॒বৈন॒দনূ-দ্বা॑সযতি॒ শান্ত্য়ৈ᳚ ॥ বর্ত্ম॑ করোতি । য॒জ্ঞস্য়॒ সন্ত॑ত্য়ৈ ॥ নিষ্ট॑পতি । উপৈ॒ব তথ্স্তৃ॑ণাতি ॥ চ॒তুরুন্ন॑যতি । চতু॑ষ্পাদঃ প॒শবঃ॑ ॥ 20 ॥

প॒শূনে॒বা-ব॑রুন্ধে ॥ সর্বা᳚ন্-পূ॒র্ণানুন্ন॑যতি । সর্বে॒ হি পুণ্য়া॑ রা॒দ্ধাঃ ॥ অ॒নূচ॒ উন্ন॑যতি । প্র॒জায়া॑ অনূচীন॒ত্বায়॑ । অ॒নূচ্য়ে॒বাস্য়॑ প্র॒জা ঽর্ধু॑কা ভবতি ॥ স-ম্মৃ॑শতি॒ ব্য়াবৃ॑ত্ত্য়ৈ ॥ নাহো᳚ষ্য়॒ন্নুপ॑ সাদয়েত্ । যদহো᳚ষ্যন্নুপ সা॒দয়ে᳚ত্ । যথা॒ ঽন্যস্মা॑ উপনি॒ধায়॑ ॥ 21 ॥

অ॒ন্যস্মৈ᳚ প্র॒যচ্ছ॑তি । তা॒দৃগে॒ব তত্ । আ-ঽস্মৈ॑ বৃশ্চ্য়েত । যদে॒ব গার্​হ॑পত্য়ে-ঽধি॒শ্রয়॑তি । তেন॒ গার্​হ॑পত্য়-ম্প্রীণাতি ॥ অ॒গ্নির॑বিভেত্ । আহু॑তয়ো॒ মা-ঽত্য়ে᳚ষ্য়॒ন্তীতি॑ । স এ॒তাগ্​ম্ স॒মিধ॑-মপশ্যত্ । তামা-ঽধ॑ত্ত । ততো॒ বা অ॒গ্নাবাহু॑তয়ো-ঽদ্ধ্রিযন্ত ॥ 22 ॥

যদে॑নগ্​ম্ স॒ময়॑চ্ছত্ । তথ্স॒মিধ॑-স্সমি॒ত্ত্বম্ । স॒মিধ॒মাদ॑ধাতি । সমে॒বৈনং॑-য়ঁচ্ছতি । আহু॑তীনা॒-ন্ধৃত্য়ৈ᳚ । অথো॑ অগ্নিহো॒ত্রমে॒বেদ্ধ্মব॑ত্-করোতি । আহু॑তীনা॒-ম্প্রতি॑ষ্ঠিত্য়ৈ ॥ ব্র॒হ্ম॒বা॒দিনো॑ বদন্তি । যদেকাগ্​ম্॑ স॒মিধ॑মা॒ধায়॒ দ্বে আহু॑তী জু॒হোতি॑ । অথ॒ কস্য়াগ্​ম্॑ স॒মিধি॑ দ্বি॒তীয়া॒-মাহু॑তি-ঞ্জুহো॒তীতি॑ ॥ 23 ॥

য-দ্দ্বে স॒মিধা॑বাদ॒দ্ধ্য়াত্ । ভ্রাতৃ॑ব্যমস্মৈ জনয়েত্ । একাগ্​ম্॑ স॒মিধ॑মা॒ধায়॑ । যজু॑ষা॒ ঽন্য়ামাহু॑তি-ঞ্জুহোতি । উ॒ভে এ॒ব স॒মিদ্ব॑তী॒ আহু॑তী জুহোতি । নাস্মৈ॒ ভ্রাতৃ॑ব্য়-ঞ্জনযতি ॥ আদী᳚প্তায়া-ঞ্জুহোতি । সমি॑দ্ধমিব॒ হি ব্র॑হ্মবর্চ॒সম্ । অথো॒ যথা-ঽতি॑থি॒-ঞ্জ্য়োতি॑ষ্কৃ॒ত্বা প॑রি॒বেবে᳚ষ্টি । তা॒দৃগে॒ব তত্ ॥ চ॒তুরুন্ন॑যতি । দ্বির্জু॑হোতি । তস্মা᳚-দ্দ্বি॒পা-চ্চতু॑ষ্পাদমত্তি । অথো᳚ দ্বি॒পদ্য়ে॒ব চতু॑ষ্পদঃ॒ প্রতি॑ষ্ঠাপযতি ॥ 24 ॥
(ভ॒ব॒তি॒ - প্র॒তি॒ষি॒ঞ্চতি॑ - গমযতি - প্র॒ত্যক্ - প॒শব॑ - উপনি॒ধা - যা᳚দ্ঘ্রিয়॒ন্ - তেতি॒ - তচ্চ॒ত্বারি॑ চ) (অ. 3)

অনুবাকং 4 - উপয়ুক্তস্য় হবিষ-স্সংস্কারঃ
উ॒ত্ত॒রাব॑তীং॒-বৈঁ দে॒বা আহু॑তি॒মজু॑হবুঃ । অবা॑চী॒মসু॑রাঃ । ততো॑ দে॒বা অভ॑বন্ন্ । পরা-ঽসু॑রাঃ । য-ঙ্কা॒ময়ে॑ত॒ বসী॑য়ান্-থ্স্য়া॒দিতি॑ । কনী॑য়॒স্তস্য়॒ পূর্বগ্​ম্॑ হু॒ত্বা । উত্ত॑র॒-ম্ভূয়ো॑ জুহুয়াত্ । এ॒ষা বা উ॑ত্ত॒রাব॒ত্য়াহু॑তিঃ । তা-ন্দে॒বা অ॑জুহবুঃ । তত॒স্তে॑-ঽভবন্ন্ ॥ 25 ॥

যস্য়ৈ॒ব-ঞ্জুহ্ব॑তি । ভব॑ত্য়ে॒ব ॥ য-ঙ্কা॒ময়ে॑ত॒ পাপী॑য়ান্-থ্স্য়া॒দিতি॑ । ভূয়॒স্তস্য়॒ পূর্বগ্​ম্॑ হু॒ত্বা । উত্ত॑র॒-ঙ্কনী॑য়ো জুহুয়াত্ । এ॒ষা বা অবা॒চ্য়াহু॑তিঃ । তামসু॑রা অজুহবুঃ । তত॒স্তে পরা॑-ঽভবন্ন্ । যস্য়ৈ॒ব-ঞ্জুহ্ব॑তি । পরৈ॒ব ভ॑বতি ॥ 26 ॥

হু॒ত্বোপ॑ সাদয়॒ত্যজা॑মিত্বায় । অথো॒ ব্য়াবৃ॑ত্ত্য়ৈ ॥ গার্​হ॑পত্য়॒-ম্প্রতী᳚ক্ষতে । অন॑নুদ্ধ্য়ায়িন-মে॒বৈন॑-ঙ্করোতি ॥ অ॒গ্নি॒হো॒ত্রস্য়॒ বৈ স্থা॒ণুর॑স্তি । তং-য়ঁ ঋ॒চ্ছেত্ । য॒জ্ঞ॒স্থা॒ণুমৃ॑চ্ছেত্ । এ॒ষ বা অ॑গ্নিহো॒ত্রস্য়॑ স্থা॒ণুঃ । যত্-পূর্বা-ঽঽহু॑তিঃ । তাং-য়ঁদুত্ত॑রয়া॒-ঽভি জু॑হু॒য়াত্ ॥ 27 ॥

য॒জ্ঞ॒স্থা॒ণু-মৃ॑চ্ছেত্ । অ॒তি॒হায়॒ পূর্বা॒মাহু॑তি-ঞ্জুহোতি । য॒জ্ঞ॒স্থা॒ণুমে॒ব পরি॑ বৃণক্তি । অথো॒ ভ্রাতৃ॑ব্যমে॒বাপ্ত্বা ঽতি॑ক্রামতি ॥ অ॒বা॒চীনগ্​ম্॑ সা॒যমুপ॑ মার্​ষ্টি । রেত॑ এ॒ব ত-দ্দ॑ধাতি । ঊ॒র্ধ্ব-ম্প্রা॒তঃ । প্র জ॑নযত্য়ে॒ব তত্ ॥ ব্র॒হ্ম॒বা॒দিনো॑ বদন্তি । চ॒তুরুন্ন॑যতি ॥ 28 ॥

দ্বির্জু॑হোতি । অথ॒ ক্ব॑ দ্বে আহু॑তী ভবত॒ ইতি॑ । অ॒গ্নৌ বৈ᳚শ্বান॒র ইতি॑ ব্রূয়াত্ । এ॒ষ বা অ॒গ্নির্বৈ᳚শ্বান॒রঃ । যদ্ব্রা᳚হ্ম॒ণঃ । হু॒ত্বা দ্বিঃ প্রাশ্ঞা॑তি । অ॒গ্নাবে॒ব বৈ᳚শ্বান॒রে দ্বে আহু॑তী জুহোতি ॥ দ্বির্জু॒হোতি॑ । দ্বির্নিমা᳚র্​ষ্টি । দ্বিঃ প্রাশ্ঞা॑তি ॥ 29 ॥

ষট্-থ্সম্প॑দ্যন্তে । ষড্বা ঋ॒তবঃ॑ । ঋ॒তূনে॒ব প্রী॑ণাতি । ব্র॒হ্ম॒বা॒দিনো॑ বদন্তি । কি॒-ন্দে॒ব॒ত্য়॑-মগ্নিহো॒ত্রমিতি॑ । বৈ॒শ্ব॒দে॒বমিতি॑ ব্রূয়াত্ । য-দ্যজু॑ষা জু॒হোতি॑ । তদৈ᳚ন্দ্রা॒গ্নম্ । যত্-তূ॒ষ্ণীম্ । তত্-প্রা॑জাপ॒ত্যম্ ॥ 30 ॥

যন্নি॒মার্​ষ্টি॑ । তদোষ॑ধীনাম্ । যদ্দ্বি॒তীয়᳚ম্ । তত্-পি॑তৃ॒ণাম্ । যত্-প্রাশ্ঞা॑তি । ত-দ্গর্ভা॑ণাম্ । তস্মা॒-দ্গর্ভা॒ অন॑শ্নন্তো বর্ধন্তে । যদা॒চাম॑তি । তন্ম॑নু॒ষ্য়া॑ণাম্ ॥ উদ॑ম্পর্য়া॒বৃত্য়াচা॑মতি ॥ 31 ॥

আ॒ত্মনো॑ গোপী॒থায়॑ ॥ নির্ণে॑নেক্তি॒ শুদ্ধ্য়ৈ᳚ ॥ নিষ্ট॑পতি স্ব॒গাকৃ॑ত্য়ৈ । উ-দ্দি॑শতি । স॒প্ত॒র্॒ষীনে॒ব প্রী॑ণাতি ॥ দ॒ক্ষি॒ণা প॒র্য়াব॑র্ততে । স্বমে॒ব বী॒র্য়॑মনু॑ প॒র্য়াব॑র্ততে । তস্মা॒-দ্দক্ষি॒ণো-ঽর্ধ॑ আ॒ত্মনো॑ বী॒র্য়া॑বত্তরঃ । অথো॑ আদি॒ত্যস্য়ৈ॒বাবৃত॒মনু॑ প॒র্য়াব॑র্ততে ॥ হু॒ত্বোপ॒ সমি॑ন্ধে ॥ 32 ॥

ব্র॒হ্ম॒ব॒র্চ॒সস্য়॒ সমি॑দ্ধ্য়ৈ ॥ ন ব॒র॒ঃইরনু॒ প্র হ॑রেত্ । অসগ্গ্॑স্থিতো॒ বা এ॒ষ য॒জ্ঞঃ । যদ॑গ্নিহো॒ত্রম্ । যদ॑নু প্র॒হরে᳚ত্ । য॒জ্ঞং-বিঁচ্ছি॑ন্দ্য়াত্ । তস্মা॒ন্নানু॑ প্র॒হৃত্য়᳚ম্ । য॒জ্ঞস্য়॒ সন্ত॑ত্য়ৈ ॥ অ॒পো নি ন॑যতি । অ॒ব॒ভৃ॒থস্য়ৈ॒ব রূ॒পম॑কঃ ॥ 33 ॥
(অ॒ভ॒ব॒ন্ - ভ॒ব॒তি॒ - জু॒হু॒য়ান্ - ন॑যতি - মার্​ষ্টি॒ দ্বিঃ প্রাশ্ঞা॑তি - প্রাজাপ॒ত্য় - মাচা॑মতী - ন্ধে - ঽকঃ) (অ. 4)

অনুবাকং 5 - কাম্য়ানি হোমদ্রব্য়াণি
ব্র॒হ্ম॒বা॒দিনো॑ বদন্তি । অ॒গ্নি॒হো॒ত্রপ্রা॑যণা য॒জ্ঞাঃ । কি-ম্প্রা॑যণ-মগ্নিহো॒ত্রমিতি॑ । ব॒থ্সো বা অ॑গ্নিহো॒ত্রস্য়॒ প্রায়॑ণম্ । অ॒গ্নি॒হো॒ত্রং-য়ঁজ্ঞানা᳚ম্ ॥ তস্য়॑ পৃথি॒বী সদঃ॑ । অ॒ন্তরি॑ক্ষ॒-মাগ্নী᳚দ্ধ্রম্ । দ্য়ৌর্-হ॑বি॒র্ধান᳚ম্ । দি॒ব্য়া আপঃ॒ প্রোক্ষ॑ণয়ঃ । ওষ॑ধয়ো ব॒র॒ঃইঃ ॥ 34 ॥
বন॒স্পত॑য় ই॒দ্ধ্মঃ । দিশঃ॑ পরি॒ধয়ঃ॑ । আ॒দি॒ত্য়ো যূপঃ॑ । যজ॑মানঃ প॒শুঃ । স॒মু॒দ্রো॑-ঽবভৃ॒থঃ । সং॒​বঁ॒থ্স॒র-স্স্ব॑গাকা॒রঃ । তস্মা॒দাহি॑তাগ্নে॒-স্সর্ব॑মে॒ব ব॑র্​হি॒ষ্য়॑-ন্দ॒ত্ত-ম্ভ॑বতি । য-থ্সা॒য়-ঞ্জু॒হোতি॑ । রাত্রি॑মে॒ব তেন॑ দক্ষি॒ণ্য়া᳚-ঙ্কুরুতে । যত্-প্রা॒তঃ ॥ 35 ॥

অহ॑রে॒ব তেন॑ দক্ষি॒ণ্য়॑-ঙ্কুরুতে । যত্-ততো॒ দদা॑তি । সা দক্ষি॑ণা ॥ যাব॑ন্তো॒ বৈ দে॒বা অহু॑ত॒মাদন্ন্॑ । তে পরা॑-ঽভবন্ন্ । ত এ॒তদ॑গ্নিহো॒ত্রগ্​ম্ সর্ব॑স্য়ৈ॒ব স॑মব॒দায়া॑জুহবুঃ । তস্মা॑দাহুঃ । অ॒গ্নি॒হো॒ত্রং-বৈঁ দে॒বা গৃ॒হাণা॒-ন্নিষ্কৃ॑তি-মপশ্য়॒ন্নিতি॑ । য-থ্সা॒য়-ঞ্জু॒হোতি॑ । রাত্রি॑য়া এ॒ব তদ্ধু॒তাদ্য়া॑য় ॥ 36 ॥

যজ॑মান॒স্য়া-প॑রাভাবায় । যত্-প্রা॒তঃ । অহ্ন॑ এ॒ব তদ্ধু॒তাদ্য়া॑য় । যজ॑মান॒স্য়া-প॑রাভাবায় । যত্-ততো॒-ঽশ্নাতি॑ । হু॒তমে॒ব তত্ ॥ দ্বয়োঃ॒ পয়॑সা জুহুয়াত্-প॒শুকা॑মস্য় । এ॒তদ্বা অ॑গ্নিহো॒ত্র-ম্মি॑থু॒নম্ । য এ॒বং-বেঁদ॑ । প্র প্র॒জয়া॑ প॒শুভি॑-র্মিথু॒নৈ-র্জা॑যতে ॥ 37 ॥

ই॒মামে॒ব পূর্ব॑য়া দু॒হে । অ॒মূমুত্ত॑রয়া । অ॒ধি॒শ্রিত্য়োত্ত॑র॒মা ন॑যতি । যোনা॑বে॒ব ত-দ্রেত॑-স্সিঞ্চতি প্র॒জন॑নে ॥ আজ্য়ে॑ন জুহুয়া॒ত্-তেজ॑স্কামস্য় । তেজো॒ বা আজ্য়᳚ম্ । তে॒জ॒স্ব্য়ে॑ব ভ॑বতি । পয়॑সা প॒শুকা॑মস্য় । এ॒তদ্বৈ প॑শূ॒নাগ্​ম্ রূ॒পম্ । রূ॒পেণৈ॒বাস্মৈ॑ প॒শূনব॑ রুন্ধে ॥ 38 ॥

প॒শু॒মানে॒ব ভ॑বতি । দ॒দ্ধ্নেন্দ্রি॒য় কা॑মস্য় । ই॒ন্দ্রি॒য়ং-বৈঁ দধি॑ । ই॒ন্দ্রি॒য়া॒ব্য়ে॑ব ভ॑বতি । য॒বা॒গ্বা᳚ গ্রাম॑কামস্য়ৌষ॒ধা বৈ ম॑নু॒ষ্য়াঃ᳚ । ভা॒গ॒ধেয়ে॑নৈ॒বাস্মৈ॑ সজা॒তানব॑-রুন্ধে । গ্রা॒ম্য়ে॑ব ভ॑বতি ॥
অয়॑জ্ঞো॒ বা এ॒ষঃ । যো॑সা॒মা ॥ 39 ॥

চ॒তুরুন্ন॑যতি । চতু॑রক্ষরগ্​ম্ রথন্ত॒রম্ । র॒থ॒ন্ত॒রস্য়ৈ॒ষ বর্ণঃ॑ । উ॒পরী॑ব হরতি । অ॒ন্তরি॑ক্ষং-বাঁমদে॒ব্যম্ । বা॒ম॒দে॒ব্যস্য়ৈ॒ষ বর্ণঃ॑ । দ্বির্জু॑হোতি । দ্ব্য়॑ক্ষর-ম্বৃ॒হত্ । বৃ॒হ॒ত এ॒ষ বর্ণঃ॑ । অ॒গ্নি॒হো॒ত্রমে॒ব ত-থ্সাম॑ন্বত্-করোতি ॥ 40 ॥

যো বা অ॑গ্নিহো॒ত্রস্য়ো॑প॒সদো॒ বেদ॑ । উপৈ॑নমুপ॒সদো॑ নমন্তি । বি॒ন্দত॑ উপস॒ত্তার᳚ম্ । উ॒ন্নীয়োপ॑ সাদযতি । পৃ॒থি॒বীমে॒ব প্রী॑ণাতি । হো॒ষ্যন্নুপ॑ সাদযতি । অ॒ন্তরি॑ক্ষমে॒ব প্রী॑ণাতি । হু॒ত্বোপ॑ সাদযতি । দিব॑মে॒ব প্রী॑ণাতি । এ॒তা বা অ॑গ্নিহো॒ত্রস্য়ো॑প॒সদঃ॑ ॥ 41 ॥

য এ॒বং-বেঁদ॑ । উপৈ॑ন-মুপ॒সদো॑ নমন্তি । বি॒ন্দত॑ উপস॒ত্তার᳚ম্ ॥ যো বা অ॑গ্নিহো॒ত্রস্য়াশ্রা॑বিত-ম্প্র॒ত্য়াশ্রা॑বিত॒গ্​ম্॒ হোতা॑র-ম্ব্র॒হ্মাণং॑-বঁষট্কা॒রং-বেঁদ॑ । তস্য়॒ ত্বে॑ব হু॒তম্ । প্রা॒ণো বা অ॑গ্নিহো॒ত্রস্য়াশ্রা॑বিতম্ । অ॒পা॒নঃ প্র॒ত্য়াশ্রা॑বিতম্ । মনো॒ হোতা᳚ । চক্ষু॑-র্ব্র॒হ্মা । নি॒মে॒ষো ব॑ষট্কা॒রঃ ॥ 42 ॥

য এ॒বং-বেঁদ॑ । তস্য়॒ ত্বে॑ব হু॒তম্ ॥ সা॒য়ং॒-য়াঁবা॑নশ্চ॒ বৈ দে॒বাঃ প্রা॑ত॒র্য়াবা॑ণশ্চা-গ্নিহো॒ত্রিণো॑ গৃ॒হমাগ॑চ্ছন্তি । তান্. যন্ন ত॒র্পয়ে᳚ত্ । প্র॒জয়া᳚-ঽস্য় প॒শুভি॒র্বি তি॑ষ্ঠেরন্ন্ । যত্ত॒র্পয়ে᳚ত্ । তৃ॒প্তা এ॑ন-ম্প্র॒জয়া॑ প॒শুভি॑স্তর্পয়েয়ুঃ ॥ স॒জূর্দে॒বৈ-স্সা॒য়ং-য়াঁব॑ভি॒রিতি॑ সা॒য়গ্​ম্ স-ম্মৃ॑শতি । স॒জূর্দে॒বৈঃ প্রা॒তর্য়াব॑ভি॒রিতি॑ প্রা॒তঃ । যে চৈ॒ব দে॒বা-স্সা॑য়ং॒-য়াঁবা॑নো॒ যে চ॑ প্রাত॒র্য়াবা॑ণঃ ॥ 43 ॥

তানে॒বোভয়াগ্॑ স্তর্পযতি । ত এ॑ন-ন্তৃ॒প্তাঃ প্র॒জয়া॑ প॒শুভি॑ স্তর্পযন্তি ॥ অ॒রু॒ণো হ॑ স্মা॒হৌপ॑বেশিঃ । অ॒গ্নি॒হো॒ত্র এ॒বাহগ্​ম্ সা॒য়-ম্প্রা॑ত॒র্বজ্র॒-ম্ভ্রাতৃ॑ব্য়েভ্য়ঃ॒ প্র হ॑রামি । তস্মা॒-ন্মত্পাপী॑য়াগ্​ম্সো॒ ভ্রাতৃ॑ব্য়া॒ ইতি॑ । চ॒তুরুন্ন॑যতি । দ্বির্জু॑হোতি । স॒মি-থ্স॑প্ত॒মী । স॒প্তপ॑দা॒ শক্ব॑রী । শা॒ক্ব॒রো বজ্রঃ॑ । অ॒গ্নি॒হো॒ত্র এ॒ব তথ্সা॒য়-ম্প্রা॑ত॒র্বজ্রং॒-য়ঁজ॑মানো॒ ভ্রাতৃ॑ব্য়ায়॒ প্র হ॑রতি । ভব॑ত্য়া॒ত্মনা᳚ । পরা᳚-ঽস্য়॒ ভ্রাতৃ॑ব্য়ো ভবতি ॥ 44 ॥
(ব॒র্॒হিঃ - প্রা॒ত--র্ হু॒তাদ্য়া॑য় - জাযতে - রুন্ধে - ঽসা॒মা - ক॑রো - ত্য়ে॒তা বা অ॑গ্নিহো॒ত্রস্য়ো॑ প॒সদো॑ - বষট্কা॒র - শ্চ॑ প্রাত॒র্য়াবা॑ণো॒ - বজ্র॒স্ত্রীণি॑ চ) (অ. 5)

অনুবাকং 6 - অভ্য়ুদ্দ্রবণম্, হোমাভাবপ্রতীকারশ্চ
প্র॒জাপ॑তি-রকাময়-তাত্ম॒ন্ বন্মে॑ জায়ে॒তেতি॑ । সো॑-ঽজুহোত্ । তস্য়া᳚ত্ম॒ন্ বদ॑জাযত । অ॒গ্নি-র্বা॒য়ুরা॑-দি॒ত্য়ঃ । তে᳚-ঽব্রুবন্ন্ । প্র॒জাপ॑তি-রহৌষী-দাত্ম॒ন্-বন্মে॑ জায়ে॒তেতি॑ । তস্য়॑ ব॒যম॑জনিষ্মহি । জায়॑তা-ন্ন আত্ম॒ন্-বদিতি॒ তে॑-ঽজুহবুঃ । প্রা॒ণানা॑ম॒গ্নিঃ । ত॒নুবৈ॑ বা॒য়ুঃ ॥ 45 ॥

চক্ষু॑ষ আদি॒ত্য়ঃ । তেষাগ্​ম্॑ হু॒তাদ॑জাযত॒ গৌরে॒ব ॥ তস্য়ৈ॒ পয়॑সি॒ ব্য়ায়॑চ্ছন্ত । মম॑ হু॒তাদ॑জনি॒ মমেতি॑ । তে প্র॒জাপ॑তি-ম্প্র॒শ্নমা॑যন্ন্ । স আ॑দি॒ত্য়ো᳚-ঽগ্নি-ম॑ব্রবীত্ । য॒ত॒রো নৌ॒ জয়া᳚ত্ । তন্নৌ॑ স॒হাস॒দিতি॑ । কস্য়ৈ কো-ঽহৌ॑ষী॒দিতি॑ প্র॒জাপ॑তি-রব্রবী॒ত্-কস্য়ৈ ক॒ ইতি॑ । প্রা॒ণানা॑ম॒হমিত্য়॒গ্নিঃ ॥ 46 ॥

ত॒নুবা॑ অ॒হমিতি॑ বা॒য়ুঃ । চক্ষু॑ষো॒-ঽহমিত্য়া॑দি॒ত্য়ঃ । য এ॒ব প্রা॒ণানা॒মহৌ॑ষীত্ । তস্য়॑ হু॒তাদ॑জ॒নীতি॑ । অ॒গ্নের্-হু॒তাদ॑জ॒নীতি॑ । তদ॑গ্নিহো॒ত্রস্য়া᳚-গ্নিহোত্র॒ত্বম্ । গৌর্বা অ॑গ্নিহো॒ত্রম্ । য এ॒বং-বেঁদ॒ গৌর॑গ্নিহো॒ত্রমিতি॑ । প্রা॒ণা॒পা॒নাভ্য়া॑-মে॒বাগ্নিগ্​ম্ সম॑র্ধযতি । অব্য়॑র্ধুকঃ প্রাণাপা॒নাভ্য়া᳚-ম্ভবতি ॥ 47 ॥

য এ॒বং-বেঁদ॑ ॥ তৌ বা॒য়ুর॑ব্রবীত্ । অনু॒ মা ভ॑জত॒মিতি॑ । যদে॒ব গার্​হ॑পত্য়ে-ঽধি॒শ্রিত্য়া॑-হব॒নীয়॑-ম॒ভ্য়ু॑দ্দ্রবান্॑ । তেন॒ ত্বা-ম্প্রী॑ণা॒নিত্য়॑-ব্রূতাম্ । তস্মা॒-দ্য়-দ্গার্​হ॑পত্য়ে-ঽধি॒-শ্রিত্য়া॑হব॒নীয়॑-ম॒ভ্য়ু॑দ্দ্রব॑তি । বা॒য়ুমে॒ব তেন॑ প্রীণাতি ॥ প্র॒জাপ॑তি-র্দে॒বতা᳚-স্সৃ॒জমা॑নঃ । অ॒গ্নিমে॒ব দে॒বতা॑না-ম্প্রথ॒ম-ম॑সৃজত । সো᳚-ঽন্যদা॑ল॒ম্-ভ্য়॑মবি॑ত্ত্বা ॥ 48 ॥

প্র॒জাপ॑তিম॒ভি প॒র্য়াব॑র্তত । স মৃ॒ত্য়ো-র॑বিভেত্ । সো॑-ঽমুমা॑দি॒ত্য়-মা॒ত্মনো॒ নির॑মিমীত । তগ্​ম্হু॒ত্বা পরা᳚ম্প॒র্য়াব॑র্তত । ততো॒ বৈ স মৃ॒ত্য়ুমপা॑জযত্ । অপ॑ মৃ॒ত্য়ু-ঞ্জ॑যতি । য এ॒বং-বেঁদ॑ ॥ তস্মা॒-দ্যস্য়ৈ॒বং-বিঁ॒দুষঃ॑ । উ॒তৈকা॒হমু॒ত দ্ব্য়॒হ-ন্ন জুহ্ব॑তি । হু॒তমে॒বাস্য়॑ ভবতি । অ॒সৌ হ্য়া॑দি॒ত্য়ো᳚-ঽগ্নিহো॒ত্রম্ ॥ 49 ॥
(ত॒নুবৈ॑ বা॒য়ু - র॒গ্নি--র্ ভ॑ব॒ - ত্যবি॑ত্ত্বা - ভব॒ত্য়েক॑-ঞ্চ) (অ. 6)

অনুবাকং 7 - হবিষ-স্সর্বদেবতাসম্বন্ধেন প্রশংসা
রৌ॒দ্র-ঙ্গবি॑ । বা॒য়॒ব্য়॑-মুপ॑সৃষ্টম্ । আ॒শ্বি॒ন-ন্দু॒হ্যমা॑নম্ । সৌ॒ম্য়-ন্দু॒গ্ধম্ । বা॒রু॒ণমধি॑শ্রিতম্ । বৈ॒শ্ব॒দে॒বা ভি॒ন্দবঃ॑ । পৌ॒ষ্ণমুদ॑ন্তম্ । সা॒র॒স্ব॒তং-বিঁ॒ষ্যন্দ॑মানম্ । মৈ॒ত্রগ্​ম্ শরঃ॑ । ধা॒তুরুদ্বা॑সিতম্ । বৃহ॒স্পতে॒রুন্নী॑তম্ । স॒বি॒তুঃ প্রক্রা᳚ন্তম্ । দ্য়া॒বা॒পৃ॒থি॒ব্যগ্গ্॑ হ্রি॒যমা॑ণম্ । ঐ॒ন্দ্রা॒গ্ন-মুপ॑সন্নম্ । অ॒গ্নেঃ পূর্বা ঽঽহু॑তিঃ । প্র॒জাপ॑তে॒-রুত্ত॑রা । ঐ॒ন্দ্রগ্​ম্ হু॒তম্ ॥ 50 ॥
(উদ্বা॑সিতগ্​ম্ স॒প্ত চ॑) (অ. 7)

অনুবাকং 8 - দোহনপ্রকারো-ঽগ্নিহোত্রহোত্রশ্চ
দ॒ক্ষি॒ণ॒ত উপ॑ সৃজতি । পি॒তৃ॒লো॒কমে॒ব তেন॑ জযতি ॥ প্রাচী॒মাব॑র্তযতি । দে॒ব॒লো॒কমে॒ব তেন॑ জযতি । উদী॑চীমা॒বৃত্য়॑ দোগ্ধি । ম॒নু॒ষ্য়॒লো॒কমে॒ব তেন॑ জযতি ॥ পূর্বৌ॑ দুহ্য়াজ্জ্য়ে॒ষ্ঠস্য়॑ জ্য়ৈষ্ঠিনে॒যস্য়॑ । যো বা॑ গ॒তশ্রী॒-স্স্য়াত্ । অপ॑রৌ দুহ্য়াত্-কনি॒ষ্ঠস্য়॑ কানিষ্ঠিনে॒যস্য়॑ । যো বা॒ বুভূ॑ষেত্ ॥ 51 ॥

ন স-ম্মৃ॑শতি । পা॒প॒ব॒স্য়॒সস্য়॒ ব্য়াবৃ॑ত্ত্য়ৈ ॥ বা॒য়॒ব্য়ং॑-বাঁ এ॒তদুপ॑সৃষ্টম্ । আ॒শ্বি॒ন-ন্দু॒হ্যমা॑নম্ । মৈ॒ত্র-ন্দু॒গ্ধম্ । অ॒র্য়॒ম্ণ উ॑দ্বা॒স্যমা॑নম্ । ত্বা॒ষ্ট্র-মু॑ন্নী॒যমা॑নম্ । বৃহ॒স্পতে॒-রুন্নী॑তম্ । স॒বি॒তুঃ প্রক্রা᳚ন্তম্ । দ্য়া॒বা॒পৃ॒থি॒ব্যগ্গ্॑ হ্রি॒যমা॑ণম্ ॥ 52 ॥

ঐ॒ন্দ্রা॒গ্নমুপ॑ সাদিতম্ । সর্বা᳚ভ্য়ো॒ বা এ॒ষ দে॒বতা᳚ভ্য়ো জুহোতি । যো᳚-ঽগ্নিহো॒ত্র-ঞ্জু॒হোতি॑ ॥ যথা॒ খলু॒ বৈ ধে॒নু-ন্তী॒র্থে ত॒র্পয়॑তি । এ॒বম॑গ্নিহো॒ত্রী যজ॑মান-ন্তর্পযতি । তৃপ্য়॑তি প্র॒জয়া॑ প॒শুভিঃ॑ । প্রসু॑ব॒র্গং-লোঁ॒ক-ঞ্জা॑নাতি । পশ্য়॑তি পু॒ত্রম্ । পশ্য়॑তি॒ পৌত্র᳚ম্ । প্র প্র॒জয়া॑ প॒শুভি॑-র্মিথু॒নৈ-র্জা॑যতে । যস্য়ৈ॒বং-বিঁ॒দুষো᳚-ঽগ্নিহো॒ত্র-ঞ্জুহ্ব॑তি । য উ॑ চৈন দে॒বং-বেঁদ॑ ॥ 53 ॥
(বভূ॑ষে- দ্ধ্রি॒যমা॑ণং - জাযতে॒ দ্বে চ॑) (অ. 8)

অনুবাকং 9 - অগ্নিহোত্রস্য়াসংসৃষ্টহোমমন্ত্রৌ
ত্রয়ো॒ বৈ প্রৈ॑যমে॒ধা আ॑সন্ন্ । তেষা॒-ন্ত্রিরেকো᳚-ঽগ্নিহো॒ত্র-ম॑জুহোত্ । দ্বিরেকঃ॑ । স॒কৃদেকঃ॑ । তেষাং॒-য়ঁস্ত্রিরজু॑হোত্ । স ঋ॒চা-ঽজু॑হোত্ । যো দ্বিঃ । স যজু॑ষা । য-স্স॒কৃত্ । স তূ॒ষ্ণীম্ ॥ 54 ॥

যশ্চ॒ যজু॒ষা ঽজু॑হো॒দ্যশ্চ॑ তূ॒ষ্ণীম্ । তাবু॒ভাবা᳚র্ধ্নুতাম্ । তস্মা॒-দ্যজু॒ষা ঽঽহু॑তিঃ॒ পূর্বা॑ হোত॒ব্য়া᳚ । তূ॒ষ্ণীমুত্ত॑রা । উ॒ভে এ॒বর্ধী অব॑রুন্ধে । অ॒গ্নি-র্জ্য়োতি॒-র্জ্য়োতি॑র॒গ্নি-স্স্বাহেতি॑ সা॒য়-ঞ্জু॑হোতি । রেত॑ এ॒ব ত-দ্দ॑ধাতি । সূর্য়ো॒ জ্য়োতি॒-র্জ্য়োতি॒-স্সূর্য়॒-স্স্বাহেতি॑ প্রা॒তঃ । রেত॑ এ॒ব হি॒ত-ম্প্র জ॑নযতি ॥ রেতো॒ বা এ॒তস্য়॑ হি॒ত-ন্ন প্র জা॑যতে ॥ 55 ॥

যস্য়া᳚গ্নিহো॒ত্রমহু॑ত॒গ্​ম্॒ সূর্য়ো॒-ঽভ্য়ু॑দেতি॑ । য-দ্যন্তে॒ স্য়াত্ । উ॒ন্নীয়॒ প্রাংউ॒দাদ্র॑বেত্ । স উ॑প॒সাদ্য়াতমি॑তো-রাসীত । স য॒দা তাম্য়ে᳚ত্ । অথ॒ ভূ-স্স্বাহেতি॑ জুহুয়াত্ । প্র॒জাপ॑তি॒র্বৈ ভূ॒তঃ । তমে॒বো-পা॑সরত্ । স এ॒বৈন॒-ন্তত॒ উন্ন॑যতি । নার্তি॒মার্চ্ছ॑তি॒ যজ॑মানঃ ॥ 56 ॥
(তূ॒ষ্ণীং - জা॑যতে॒ - যজ॑মানঃ) (অ. 9)

অনুবাকং 10 - বহ্নেরবস্থাবিশেষানুসারেণ হোমঃ
যদ॒গ্নি-মু॒দ্ধর॑তি । বস॑ব॒স্তর্​হ্য়॒গ্নিঃ । তস্মি॒ন্॒. যস্য়॒ তথা॑বিধে॒ জুহ্ব॑তি । বসু॑ষ্বে॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি ॥ নিহি॑তো ধূপা॒যঞ্ছে॑তে । রু॒দ্রাস্তহ্য়॒র্গ্নিঃ । তস্মি॒ন্.॒ যস্য়॒ তথা॑বিধে॒ জুহ্ব॑তি । রু॒দ্রেষ্বে॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি ॥ প্র॒থ॒মমি॒দ্ধ্মম॒র্চিরা ল॑ভতে । আ॒দি॒ত্য়াস্তর্​হ্য়॒গ্নিঃ ॥ 57 ॥

তস্মি॒ন্॒. যস্য়॒ তথা॑বিধে॒ জুহ্ব॑তি । আ॒দি॒ত্য়েষ্বে॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি ॥ সর্ব॑ এ॒ব স॑র্ব॒শ ই॒দ্ধ্ম আদী᳚প্তো ভবতি । বিশ্বে॑ দে॒বাস্তহ্য়॒র্গ্নিঃ । তস্মি॒ন্॒. যস্য়॒ তথা॑বিধে॒ জুহ্ব॑তি । বিশ্বে᳚ষ্বে॒বাস্য়॑ দে॒বেষ্ব॑গ্নিহো॒ত্রগ্​ম্ হু॒ত-ম্ভ॑বতি ॥ নি॒ত॒রাম॒র্চিরু॒পাবৈ॑তি লোহি॒নীকে॑ব ভবতি । ইন্দ্র॒স্তর্​হ্য়॒গ্নিঃ । তস্মি॒ন্॒. যস্য়॒ তথা॑বিধে॒ জুহ্ব॑তি । ইন্দ্র॑ এ॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি ॥ 58 ॥

অঙ্গা॑রা ভবন্তি । তেভ্য়ো-ঽঙ্গা॑রেভ্য়ো॒-ঽর্চিরুদে॑তি । প্র॒জাপ॑তি॒স্তর্​হ্য়॒গ্নিঃ । তস্মি॒ন্॒. যস্য়॒ তথা॑বিধে॒ জুহ্ব॑তি । প্র॒জাপ॑তাবে॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি ॥ শরো-ঽঙ্গা॑রা॒ অদ্ধ্য়ূ॑হন্তে । ব্রহ্ম॒-তর্​হ্য়॒গ্নিঃ । তস্মি॒ন্.॒ যস্য়॒ তথা॑বিধে॒ জুহ্ব॑তি । ব্রহ্ম॑ন্নে॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি ॥ বসু॑ষু রু॒দ্রেষ্বা॑দি॒ত্য়েষু॒ বিশ্বে॑ষু দে॒বেষু॑ । ইন্দ্রে᳚ প্র॒জাপ॑তৌ॒ ব্রহ্মন্ন্॑ । অপ॑রিবর্গমে॒বাস্য়ৈ॒তাসু॑ দে॒বতা॑সু হু॒ত-ম্ভ॑বতি । যস্য়ৈ॒বং-বিঁ॒দুষো᳚-ঽগ্নিহো॒ত্র-ঞ্জুহ্ব॑তি । য উ॑ চৈন দে॒বং-বেঁদ॑ ॥ 59 ॥
(আ॒দি॒ত্য়াস্তর্​হ্য়॒গ্নি--র্ ইন্দ্র॑ এ॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি - দে॒বেষু॑ চ॒ত্বারি॑ চ) (অ. 10)

(যদ॒গ্নি-ন্নিহি॑তঃ প্রথ॒মগ্​ম্ সর্ব॑ এ॒ব নি॑ত॒রামঙ্গা॑রা॒-শ্শরো-ঽঙ্গা॑রা॒
ব্রহ্ম॒বসু॑ষ্ব॒ষ্টৌ)

অনুবাকং 11 - কালভেদেন সমন্ত্রক-ম্পরিষেচনম্
ঋ॒ত-ন্ত্বা॑ স॒ত্য়েন॒ পরি॑ষিঞ্চা॒মীতি॑ সা॒য়-ম্পরি॑ষিঞ্চতি । স॒ত্য়-ন্ত্ব॒র্তেন॒ পরি॑ষিঞ্চা॒মীতি॑ প্রা॒তঃ । অ॒গ্নির্বা ঋ॒তম্ । অ॒সাবা॑দি॒ত্য়-স্স॒ত্যম্ । অ॒গ্নিমে॒ব তদা॑দি॒ত্য়েন॑ সা॒য়-ম্পরি॑ষিঞ্চতি । অ॒গ্নিনা॑ ঽঽদি॒ত্য়-ম্প্রা॒তস্সঃ । যাব॑দহোরা॒ত্রে ভব॑তঃ । তাব॑দস্য় লো॒কস্য়॑ । নার্তি॒র্ন রিষ্টিঃ॑ । নান্তো॒ ন প॑র্য়॒ন্তো᳚-ঽস্তি । যস্য়ৈ॒বং-বিঁ॒দুষো᳚-ঽগ্নিহো॒ত্র-ঞ্জুহ্ব॑তি । য উ॑ চৈন দে॒বং-বেঁদ॑ ॥ 60 ॥
(অ॒স্তি॒ দ্বে চ॑) (অ. 11)

(অঙ্গি॑রসঃ - প্র॒জাপ॑তির॒গ্নিগ্​ম্ - রু॒দ্র - উ॑ত্ত॒রাব॑তীং - ব্রহ্মবা॒দিনো᳚ ঽগ্নিহো॒ত্রপ্রা॑যণা য॒জ্ঞাঃ - প্র॒জাপ॑তিরকামযতাত্ম॒ন্ব-দ্- রৌ॒দ্র-ঙ্গবি॑ -দক্ষিণ॒ত - স্ত্রয়ো॒ বৈ - যদ॒গ্নি - মৃ॒ত-ন্ত্বা॑ স॒ত্য়েনৈকা॑দশ)

(অঙ্গি॑রসঃ॒ - প্রৈব তেন॑ - প॒শূনে॒ব - যন্নি॒মার্​ষ্টি॒ - যো বা অ॑গ্নিহো॒ত্রস্য়ো॑প॒সদো॑ - দক্ষিণ॒ত-ষ্ষ॑ষ্টিঃ )

(অঙ্গি॑রসো॒ - য উ॑ চৈন দে॒বং-বেঁদ॑)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকে প্রথমঃ প্রপাঠক-স্সমাপ্তঃ ॥