OM namashchaNDikaayai
nyaasaH
asya shree chaMDee kavachasya । brahmaa RRishhiH । anushhTup ChaMdaH ।
chaamuMDaa dEvataa । aMganyaasOkta maatarO beejam । navaavaraNO maMtrashaktiH । digbaMdha dEvataaH tatvaM । shree jagadaMbaa preetyarthE saptashatee paaThaaMgatvEna japE viniyOgaH ॥
OM namashchaMDikaayai
maarkaNDEya uvaaca ।
OM yadguhyaM paramaM lOkE sarvarakshhaakaraM nRRiNaam ।
yanna kasyacidaakhyaataM tanmE broohi pitaamaha ॥ 1 ॥
brahmOvaaca ।
asti guhyatamaM vipra sarvabhootOpakaarakam ।
dEvyaastu kavacaM puNyaM tacChRRiNushhva mahaamunE ॥ 2 ॥
prathamaM shailaputree cha dviteeyaM brahmacaariNee ।
tRRiteeyaM candraghaNTEti kooshhmaaNDEti caturthakam ॥ 3 ॥
pancamaM skandamaatEti shhashhThaM kaatyaayaneeti cha ।
saptamaM kaalaraatreeti mahaagaureeti caashhTamam ॥ 4 ॥
navamaM siddhidaatree ca navadurgaaH prakeertitaaH ।
uktaanyEtaani naamaani brahmaNaiva mahaatmanaa ॥ 5 ॥
agninaa dahyamaanastu shatrumadhyE gatO raNE ।
vishhamE durgamE caiva bhayaartaaH sharaNaM gataaH ॥ 6 ॥
na tEshhaaM jaayatE kincidashubhaM raNasankaTE ।
naapadaM tasya pashyaami shOkaduHkhabhayaM na hi ॥ 7 ॥
yaistu bhaktyaa smRRitaa noonaM tEshhaaM vRRiddhiH prajaayatE ।
yE tvaaM smaranti dEvEshi rakshhasE taannasaMshayaH ॥ 8 ॥
prEtasaMsthaa tu caamuNDaa vaaraahee mahishhaasanaa ।
aindree gajasamaarooDhaa vaishhNavee garuDaasanaa ॥ 9 ॥
maahEshvaree vRRishhaarooDhaa kaumaaree shikhivaahanaa ।
lakshhmeeH padmaasanaa dEvee padmahastaa haripriyaa ॥ 10 ॥
shvEtaroopadharaa dEvee eeshvaree vRRishhavaahanaa ।
braahmee haMsasamaarooDhaa sarvaabharaNabhooshhitaa ॥ 11 ॥
ityEtaa maataraH sarvaaH sarvayOgasamanvitaaH ।
naanaabharaNaashObhaaDhyaa naanaaratnOpashObhitaaH ॥ 12 ॥
dRRishyantE rathamaarooDhaa dEvyaH krOdhasamaakulaaH ।
shankhaM cakraM gadaaM shaktiM halaM ca musalaayudham ॥ 13 ॥
khETakaM tOmaraM caiva parashuM paashamEva ca ।
kuntaayudhaM trishoolaM ca shaarngamaayudhamuttamam ॥ 14 ॥
daityaanaaM dEhanaashaaya bhaktaanaamabhayaaya ca ।
dhaarayantyaayudhaaneetthaM dEvaanaaM ca hitaaya vai ॥ 15 ॥
namastE.astu mahaaraudrE mahaaghOraparaakramE ।
mahaabalE mahOtsaahE mahaabhayavinaashini ॥ 16 ॥
traahi maaM dEvi dushhprEkshhyE shatrooNaaM bhayavardhini ।
praacyaaM rakshhatu maamaindree aagnEyyaamagnidEvataa ॥ 17 ॥
dakshhiNE.avatu vaaraahee nairRRityaaM khaDgadhaariNee ।
prateecyaaM vaaruNee rakshhEdvaayavyaaM mRRigavaahinee ॥ 18 ॥
udeecyaaM paatu kaumaaree aishaanyaaM shooladhaariNee ।
oordhvaM brahmaaNee mE rakshhEdadhastaadvaishhNavee tathaa ॥ 19 ॥
EvaM dasha dishO rakshhEccaamuNDaa shavavaahanaa ।
jayaa mE chaagrataH paatu vijayaa paatu pRRishhThataH ॥ 20 ॥
ajitaa vaamapaarshvE tu dakshhiNE caaparaajitaa ।
shikhaamudyOtinee rakshhEdumaa moordhni vyavasthitaa ॥ 21 ॥
maalaadharee lalaaTE ca bhruvau rakshhEdyashasvinee ।
trinEtraa cha bhruvOrmadhyE yamaghaNTaa cha naasikE ॥ 22 ॥
shankhinee cakshhushhOrmadhyE shrOtrayOrdvaaravaasinee ।
kapOlau kaalikaa rakshhEtkarNamoolE tu shaankaree ॥ 23 ॥
naasikaayaaM sugandhaa ca uttarOshhThE ca carcikaa ।
adharE caamRRitakalaa jihvaayaaM ca sarasvatee ॥ 24 ॥
dantaan rakshhatu kaumaaree kaNThadEshE tu caNDikaa ।
ghaNTikaaM citraghaNTaa ca mahaamaayaa ca taalukE ॥ 25 ॥
kaamaakshhee cibukaM rakshhEdvaacaM mE sarvamangalaa ।
greevaayaaM bhadrakaalee ca pRRishhThavaMshE dhanurdharee ॥ 26 ॥
neelagreevaa bahiH kaNThE nalikaaM nalakoobaree ।
skandhayOH khaDginee rakshhEdbaahoo mE vajradhaariNee ॥ 27 ॥
hastayOrdaNDinee rakshhEdambikaa caanguleeshhu ca ।
nakhaanChoolEshvaree rakshhEtkukshhau rakshhEtkulEshvaree ॥ 28 ॥
stanau rakshhEnmahaadEvee manaHshOkavinaashinee ।
hRRidayE lalitaa dEvee udarE shooladhaariNee ॥ 29 ॥
naabhau ca kaaminee rakshhEdguhyaM guhyEshvaree tathaa ।
pootanaa kaamikaa mEDhraM gudE mahishhavaahinee ॥ 30 ॥
kaTyaaM bhagavatee rakshhEjjaanunee vindhyavaasinee ।
janghE mahaabalaa rakshhEtsarvakaamapradaayinee ॥ 31 ॥
gulphayOrnaarasiMhee ca paadapRRishhThE tu taijasee ।
paadaanguleeshhu shree rakshhEtpaadaadhastalavaasinee ॥ 32 ॥
nakhaan daMshhTrakaraalee ca kEshaaMshcaivOrdhvakEshinee ।
rOmakoopEshhu kaubEree tvacaM vaageeshvaree tathaa ॥ 33 ॥
raktamajjaavasaamaaMsaanyasthimEdaaMsi paarvatee ।
antraaNi kaalaraatrishca pittaM ca mukuTEshvaree ॥ 34 ॥
padmaavatee padmakOshE kaphE cooDaamaNistathaa ।
jvaalaamukhee nakhajvaalaamabhEdyaa sarvasandhishhu ॥ 35 ॥
shukraM brahmaaNi! mE rakshhEcChaayaaM ChatrEshvaree tathaa ।
ahankaaraM manO buddhiM rakshhEnmE dharmadhaariNee ॥ 36 ॥
praaNaapaanau tathaa vyaanamudaanaM ca samaanakam ।
vajrahastaa ca mE rakshhEtpraaNaM kalyaaNashObhanaa ॥ 37 ॥
rasE roopE ca gandhE ca shabdE sparshE ca yOginee ।
sattvaM rajastamashcaiva rakshhEnnaaraayaNee sadaa ॥ 38 ॥
aayoo rakshhatu vaaraahee dharmaM rakshhatu vaishhNavee ।
yashaH keertiM ca lakshhmeeM ca dhanaM vidyaaM cha chakriNee ॥ 39 ॥
gOtramindraaNi! mE rakshhEtpashoonmE rakshha caNDikE ।
putraan rakshhEnmahaalakshhmeerbhaaryaaM rakshhatu bhairavee ॥ 40 ॥
panthaanaM supathaa rakshhEnmaargaM kshhEmakaree tathaa ।
raajadvaarE mahaalakshhmeervijayaa sarvataH sthitaa ॥ 41 ॥
rakshhaaheenaM tu yat-sthaanaM varjitaM kavacEna tu ।
tatsarvaM rakshha mE dEvi! jayantee paapanaashinee ॥ 42 ॥
padamEkaM na gacChEttu yadeecChEcChubhamaatmanaH ।
kavacEnaavRRitO nityaM yatra yatraiva gacChati ॥ 43 ॥
tatra tatraarthalaabhashca vijayaH saarvakaamikaH ।
yaM yaM cintayatE kaamaM taM taM praapnOti nishcitam ॥ 44 ॥
paramaishvaryamatulaM praapsyatE bhootalE pumaan ।
nirbhayO jaayatE martyaH sangraamEshhvaparaajitaH ॥ 45 ॥
trailOkyE tu bhavEtpoojyaH kavacEnaavRRitaH pumaan ।
idaM tu dEvyaaH kavacaM dEvaanaamapi durlabham ॥ 46 ॥
yaH paThEtprayatO nityaM trisandhyaM shraddhayaanvitaH ।
daiveekalaa bhavEttasya trailOkyEshhvaparaajitaH । 47 ॥
jeevEdvarshhashataM saagramapamRRityuvivarjitaH ।
nashyanti vyaadhayaH sarvE lootaavisphOTakaadayaH ॥ 48 ॥
sthaavaraM jangamaM caiva kRRitrimaM caiva yadvishham ।
abhicaaraaNi sarvaaNi mantrayantraaNi bhootalE ॥ 49 ॥
bhoocaraaH khEcaraashcaiva julajaashcOpadEshikaaH ।
sahajaa kulajaa maalaa Daakinee shaakinee tathaa ॥ 50 ॥
antarikshhacaraa ghOraa Daakinyashca mahaabalaaH ।
grahabhootapishaacaashca yakshhagandharvaraakshhasaaH ॥ 51 ॥
brahmaraakshhasavEtaalaaH kooshhmaaNDaa bhairavaadayaH ।
nashyanti darshanaattasya kavacE hRRidi saMsthitE ॥ 52 ॥
maanOnnatirbhavEdraajjhNastEjOvRRiddhikaraM paraM ।
yashasaa vardhatE sO.api keertimaMDitabhootalE ॥ 53 ॥
japEtsaptashateeM caNDeeM kRRitvaa tu kavacaM puraa ।
yaavadbhoomaNDalaM dhattE sashailavanakaananam ॥ 54 ॥
taavattishhThati mEdinyaaM santatiH putrapautrikee ।
dEhaantE paramaM sthaanaM yatsurairapi durlabham ॥ 55 ॥
praapnOti purushhO nityaM mahaamaayaaprasaadataH ।
labhatE paramaM roopaM shivEna saha mOdatE ॥ 56 ॥
॥ iti vaaraahapuraaNE hariharabrahma viracitaM dEvyaaH kavacaM saMpoorNam ॥
Browse Related Categories:
