PDF, Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in plain english. View this in romanized english according to IAST standard.

Mooka Pancha Sathi 1 - Arya Satakam

kaaraNaparacidroopaa kaanceepuraseemni kaamapeeThagataa ।
kaacana viharati karuNaa kaashmeerastabakakOmalaangalataa ॥1॥

kaMcana kaanceenilayaM karadhRRitakOdaNDabaaNasRRiNipaasham ।
kaThinastanabharanamraM kaivalyaanandakandamavalambE ॥2॥

cintitaphalaparipOshhaNacintaamaNirEva kaancinilayaa mE ।
ciratarasucaritasulabhaa cittaM shishirayatu citsukhaadhaaraa ॥3॥

kuTilakacaM kaThinakucaM kundasmitakaanti kunkumacChaayam ।
kurutE vihRRitiM kaancyaaM kulaparvatasaarvabhaumasarvasvam ॥4॥

pancasharashaastrabOdhanaparamaacaaryENa dRRishhTipaatEna ।
kaanceeseemni kumaaree kaacana mOhayati kaamajEtaaram ॥5॥

parayaa kaanceepurayaa parvataparyaayapeenakucabharayaa ।
paratantraa vayamanayaa pankajasabrahmacaarilOcanayaa ॥6॥

aishvaryamindumaulEraikatmyaprakRRiti kaancimadhyagatam ।
aindavakishOrashEkharamaidamparyaM cakaasti nigamaanaam ॥7॥

shritakampaseemaanaM shithilitaparamashivadhairyamahimaanam ।
kalayE paTalimaanaM kaMcana kancukitabhuvanabhoomaanam ॥8॥

aadRRitakaanceenilayamaadyaamaarooDhayauvanaaTOpaam ।
aagamavataMsakalikaamaanandaadvaitakandaleeM vandE ॥9॥

tungaabhiraamakucabharashRRingaaritamaashrayaami kaancigatam ।
gangaadharaparatantraM shRRingaaraadvaitatantrasiddhaantam ॥10॥

kaanceeratnavibhooshhaaM kaamapi kandarpasootikaapaangeem ।
paramaaM kalaamupaasE parashivavaamaankapeeThikaaseenaam ॥11॥

kampaateecaraaNaaM karuNaakOrakitadRRishhTipaataanaam ।
kEleevanaM manO mE kEshhaaMcidbhavatu cidvilaasaanaam ॥12॥

aamratarumoolavasatEraadimapurushhasya nayanapeeyooshham ।
aarabdhayauvanOtsavamaamnaayarahasyamantaravalambE ॥13॥

adhikaanci paramayOgibhiraadimaparapeeThaseemni dRRishyEna ।
anubaddhaM mama maanasamaruNimasarvasvasampradaayEna ॥14॥

ankitashaMkaradEhaamankuritOrOjakankaNaashlEshhaiH ।
adhikaanci nityataruNeemadraakshhaM kaaMcidadbhutaaM baalaam ॥15॥

madhuradhanushhaa maheedharajanushhaa nandaami surabhibaaNajushhaa ।
cidvapushhaa kaancipurE kElijushhaa bandhujeevakaantimushhaa ॥16॥

madhurasmitEna ramatE maaMsalakucabhaaramandagamanEna ।
madhyEkaanci manO mE manasijasaamraajyagarvabeejEna ॥17॥

dharaNimayeeM taraNimayeeM pavanamayeeM gaganadahanahOtRRimayeem ।
ambumayeemindumayeemambaamanukampamaadimaameekshhE ॥18॥

leenasthiti munihRRidayE dhyaanastimitaM tapasyadupakampam ।
peenastanabharameeDE meenadhvajatantraparamataatparyam ॥19॥

shvEtaa mantharahasitE shaataa madhyE ca vaaDbhanO.ateetaa ।
sheetaa lOcanapaatE spheetaa kucaseemni shaashvatee maataa ॥20॥

purataH kadaa na karavai puravairivimardapulakitaangalataam ।
punateeM kaanceedEshaM pushhpaayudhaveeryasarasaparipaaTeem ॥21॥

puNyaa kaa.api purandhree punkhitakandarpasampadaa vapushhaa ।
pulinacaree kampaayaaH puramathanaM pulakaniculitaM kurutE ॥22॥

tanimaadvaitavalagnaM taruNaaruNasampradaayatanulEkham ।
taTaseemani kampaayaastaruNimasarvasvamaadyamadraakshham ॥23॥

paushhTikakarmavipaakaM paushhpasharaM savidhaseemni kampaayaaH ।
adraakshhamaattayauvanamabhyudayaM kaMcidardhashashimaulaiH ॥24॥

saMshritakaanceedEshE sarasijadaurbhaagyajaagraduttaMsE ।
saMvinmayE vileeyE saarasvatapurushhakaarasaamraajyE ॥25॥

mOditamadhukaravishikhaM svaadimasamudaayasaarakOdaNDam ।
aadRRitakaanceekhElanamaadimamaaruNyabhEdamaakalayE ॥26॥

urareekRRitakaancipureemupanishhadaravindakuharamadhudhaaraam ।
unnamrastanakalasheemutsavalahareemupaasmahE shambhOH ॥27॥

ENashishudeerghalOcanamEnaHparipanthi santataM bhajataam ।
EkaamranaathajeevitamEvampadadooramEkamavalambE ॥28॥

smayamaanamukhaM kaanceebhayamaanaM kamapi dEvataabhEdam ।
dayamaanaM veekshhya muhurvayamaanandaamRRitaambudhau magnaaH ॥29॥

kutukajushhi kaancidEshE kumudatapOraashipaakashEkharitE ।
kurutE manOvihaaraM kulagiriparibRRiDhakulaikamaNideepE ॥30॥

veekshhEmahi kaancipurE vipulastanakalashagarimaparavashitam ।
vidrumasahacaradEhaM vibhramasamavaayasaarasannaaham ॥31॥

kuruvindagOtragaatraM koolacaraM kamapi naumi kampaayaaH ।
koolaMkashhakucakumbhaM kusumaayudhaveeryasaarasaMrambham ॥32॥

kuDoomalitakucakishOraiH kurvaaNaiH kaancidEshasauhaardam ।
kunkumashONairnicitaM kushalapathaM shambhusukRRitasambhaaraiH ॥33॥

ankitakacEna kEnacidandhaMkaraNaushhadhEna kamalaanaam ।
antaHpurENa shambhOralaMkriyaa kaa.api kalpyatE kaancyaam ॥34॥

ooreekarOmi santatamooshhmalaphaalEna lalitaM puMsaa ।
upakampamucitakhElanamurveedharavaMshasampadunmEshham ॥35॥

ankuritastanakOrakamankaalaMkaaramEkacootapatEH ।
aalOkEmahi kOmalamaagamasaMlaapasaarayaathaarthyam ॥36॥

punjitakaruNamudancitashinjitamaNikaanci kimapi kaancipurE ।
manjaritamRRidulahaasaM pinjaratanuruci pinaakimooladhanam ॥37॥

lOlahRRidayO.asti shambhOrlOcanayugalEna lEhyamaanaayaam ।
lalitaparamashivaayaaM laavaNyaamRRitatarangamaalaayaam ॥38॥

madhukarasahacaracikurairmadanaagamasamayadeekshhitakaTaakshhaiH ।
maNDitakampaateerairmangalakandairmamaastu saaroopyam ॥39॥

vadanaaravindavakshhOvaamaankataTeevashaMvadeebhootaa ।
poorushhatritayE trEdhaa purandhriroopaa tvamEva kaamaakshhi ॥40॥

baadhaakareeM bhavaabdhEraadhaaraadyambujEshhu vicaranteem ।
aadhaareekRRitakaancee bOdhaamRRitaveecimEva vimRRishaamaH ॥41॥

kalayaamyantaH shashadharakalayaa.ankitamaulimamalacidvalayaam ।
alayaamaagamapeeTheenilayaaM valayaankasundareemambaam ॥42॥

sharvaadiparamasaadhakagurvaaneetaaya kaamapeeThajushhE ।
sarvaakRRitayE shONimagarvaayaasmai samarpyatE hRRidayam ॥43॥

samayaa saandhyamayookhaiH samayaa buddhayaa sadaiva sheelitayaa ।
umayaa kaanceeratayaa na mayaa labhyatE kiM nu taadaatmyam ॥44॥

jantOstava padapoojanasantOshhatarangitasya kaamaakshhi ।
vandhO yadi bhavati punaH sindhOrambhassu bambhrameeti shilaa ॥45॥

kuNDali kumaari kuTilE caNDi caraacarasavitri caamuNDE ।
guNini guhaariNi guhyE gurumoortE tvaaM namaami kaamaakshhi ॥46॥

abhidaakRRitirbhidaakRRitiracidaakRRitirapi cidaakRRitirmaataH ।
anahantaa tvamahantaa bhramayasi kaamaakshhi shaashvatee vishvam ॥47॥

shiva shiva pashyanti samaM shreekaamaakshheekaTaakshhitaaH purushhaaH ।
vipinaM bhavanamamitraM mitraM lOshhTaM ca yuvatibimbOshhTham ॥48॥

kaamaparipanthikaamini kaamEshvari kaamapeeThamadhyagatE ।
kaamadughaa bhava kamalE kaamakalE kaamakOTi kaamaakshhi ॥49॥

madhyEhRRidayaM madhyEniTilaM madhyEshirO.api vaastavyaam ।
caNDakarashakrakaarmukacandrasamaabhaaM namaami kaamaakshheem ॥50॥

adhikaanci kElilOlairakhilaagamayantratantramayaiH ।
atisheetaM mama maanasamasamasharadrOhijeevanOpaayaiH ॥51॥

nandati mama hRRidi kaacana mandirayantaa nirantaraM kaanceem ।
induravimaNDalakucaa binduviyannaadapariNataa taruNee ॥52॥

shampaalataasavarNaM sampaadayituM bhavajvaracikitsaam ।
limpaami manasi kiMcana kampaataTarOhi siddhabhaishhajyam ॥53॥

anumitakucakaaThinyaamadhivakshhaHpeeThamangajanmaripOH ।
aanandadaaM bhajE taamaanangabrahmatatvabOdhasiraam ॥54॥

aikshhishhi paashaankushadharahastaantaM vismayaarhavRRittaantam ।
adhikaanci nigamavaacaaM siddhaantaM shoolapaaNishuddhaantam ॥55॥

aahitavilaasabhangeemaabrahmastambashilpakalpanayaa ।
aashritakaanceematulaamaadyaaM visphoortimaadriyE vidyaam ॥56॥

mookO.api jaTiladurgatishOkO.api smarati yaH kshhaNaM bhavateem ।
EkO bhavati sa janturlOkOttarakeertirEva kaamaakshhi ॥57॥

pancadashavarNaroopaM kaMcana kaanceevihaaradhaurEyam ।
pancashareeyaM shambhOrvancanavaidagdhyamoolamavalambE ॥58॥

pariNatimateeM caturdhaa padaveeM sudhiyaaM samEtya saushhumneem ।
pancaashadarNakalpitamadashilpaaM tvaaM namaami kaamaakshhi ॥59॥

aadikshhanmama gururaaDaadikshhaantaakshharaatmikaaM vidyaam ।
svaadishhThacaapadaNDaaM nEdishhThaamEva kaamapeeThagataam ॥60॥

tushhyaami harshhitasmarashaasanayaa kaancipurakRRitaasanayaa ।
svaasanayaa sakalajagadbhaasanayaa kalitashambaraasanayaa ॥61॥

prEmavatee kampaayaaM sthEmavatee yatimanassu bhoomavatee ।
saamavatee nityagiraa sOmavatee shirasi bhaati haimavatee ॥62॥

kautukinaa kampaayaaM kausumacaapEna keelitEnaantaH ।
kuladaivatEna mahataa kuDmalamudraaM dhunOtu naHpratibhaa ॥63॥

yoonaa kEnaapi miladdEhaa svaahaasahaayatilakEna ।
sahakaaramooladEshE saMvidroopaa kuTumbinee ramatE ॥64॥

kusumasharagarvasampatkOshagRRihaM bhaati kaancidEshagatam ।
sthaapitamasminkathamapi gOpitamantarmayaa manOratnam ॥65॥

dagdhashhaDadhvaaraNyaM daradalitakusumbhasambhRRitaaruNyam ।
kalayE navataaruNyaM kampaataTaseemni kimapi kaaruNyam ॥66॥

adhikaanci vardhamaanaamatulaaM karavaaNi paaraNaamakshhNOH ।
aanandapaakabhEdaamaruNimapariNaamagarvapallavitaam ॥67॥

baaNasRRiNipaashakaarmukapaaNimamuM kamapi kaamapeeThagatam ।
ENadharakONacooDaM shONimaparipaakabhEdamaakalayE ॥68॥

kiM vaa phalati mamaanyaurbimbaadharacumbimandahaasamukhee ।
sambaadhakaree tamasaamambaa jaagarti manasi kaamaakshhee ॥69॥

mancE sadaashivamayE parishivamayalalitapaushhpaparyankE ।
adhicakramadhyamaastE kaamaakshhee naama kimapi mama bhaagyam ॥70॥

rakshhyO.asmi kaamapeeTheelaasikayaa ghanakRRipaamburaashikayaa ।
shrutiyuvatikuntaleemaNimaalikayaa tuhinashailabaalikayaa ॥71॥

leeyE puraharajaayE maayE tava taruNapallavacChaayE ।
caraNE candraabharaNE kaanceesharaNE nataartisaMharaNE ॥72॥

moortimati muktibeejE moordhni stabakitacakOrasaamraajyE ।
mOditakampaakoolE muhurmuhurmanasi mumudishhaa.asmaakam ॥73॥

vEdamayeeM naadamayeeM bindumayeeM parapadOdyadindumayeem ।
mantramayeeM tantramayeeM prakRRitimayeeM naumi vishvavikRRitimayeem ॥74॥

puramathanapuNyakOTee punjitakavilOkasooktirasadhaaTee ।
manasi mama kaamakOTee viharatu karuNaavipaakaparipaaTee ॥75॥

kuTilaM caTulaM pRRithulaM mRRidulaM kacanayanajaghanacaraNEshhu ।
avalOkitamavalambitamadhikampaataTamamEyamasmaabhiH ॥76॥

pratyanmukhyaa dRRishhTayaa prasaadadeepaankurENa kaamaakshhyaaH ।
pashyaami nistulamahO pacElimaM kamapi parashivOllaasam ॥77॥

vidyE vidhaatRRivishhayE kaatyaayani kaali kaamakOTikalE ।
bhaarati bhairavi bhadrE shaakini shaambhavi shivE stuvE bhavateem ॥78॥

maalini mahEshacaalini kaanceekhElini vipakshhakaalini tE ।
shoolini vidrumashaalini surajanapaalini kapaalini namO.astu ॥79॥

dEshika iti kiM shaMkE tattaadRRiktava nu taruNimOnmEshhaH ।
kaamaakshhi shoolapaaNEH kaamaagamasamayadeekshhaayaam ॥80॥

vEtaNDakumbhaDambaravaitaNDikakucabharaartamadhyaaya ।
kunkumarucE namasyaaM shaMkaranayanaamRRitaaya racayaamaH ॥81॥

adhikaancitamaNikaancanakaanceemadhikaanci kaaMcidadraakshham ।
avanatajanaanukampaamanukampaakoolamasmadanukoolaam ॥82॥

paricitakampaateeraM parvataraajanyasukRRitasannaaham ।
paragurukRRipayaa veekshhE paramashivOtsangamangalaabharaNam ॥83॥

dagdhamadanasya shambhOH pratheeyaseeM brahmacaryavaidagdheem ।
tava dEvi taruNimashreecaturimapaakO na cakshhamE maataH ॥84॥

madajalatamaalapatraa vasanitapatraa karaadRRitakhaanitraa ।
viharati pulindayOshhaa gunjaabhooshhaa phaNeendrakRRitavEshhaa ॥85॥

ankE shukinee geetE kautukinee parisarE ca gaayakinee ।
jayasi savidhE.amba bhairavamaNDalinee shravasi shankhakunDalinee ॥86॥

praNatajanataapavargaa kRRitabahusargaa sasiMhasaMsargaa ।
kaamaakshhi muditabhargaa hataripuvargaa tvamEva saa durgaa ॥87॥

shravaNacaladvEtaNDaa samarOddaNDaa dhutaasurashikhaNDaa ।
dEvi kalitaantrashhaNDaa dhRRitanaramuNDaa tvamEva caamuNDaa ॥88॥

urveedharEndrakanyE darveebharitEna bhaktapoorENa ।
gurveemakiMcanaarti kharveekurushhE tvamEva kaamaakshhi ॥89॥

taaDitaripuparipeeDanabhayaharaNa nipuNahalamusalaa ।
krODapatibheeshhaNamukhee kreeDasi jagati tvamEva kaamaakshhi ॥90॥

smaramathanavaraNalOlaa manmathahElaavilaasamaNishaalaa ।
kanakarucicauryasheelaa tvamamba baalaa karaabjadhRRitamaalaa ॥91॥

vimalapaTee kamalakuTee pustakarudraakshhashastahastapuTee ।
kaamaakshhi pakshhmalaakshhee kalitavipancee vibhaasi vairincee ॥92॥

kunkumarucipingamasRRikpankilamuNDaalimaNDitaM maataH ।
shreekaamaakshhi tadeeyasangamakalaamandeebhavatkautukaH
jayati tava roopadhEyaM japapaTapustakavaraabhayakaraabjam ॥93॥

kanakamaNikalitabhooshhaaM kaalaayasakalahasheelakaantikalaam ।
kaamaakshhi sheelayE tvaaM kapaalashoolaabhiraamakarakamalaam ॥94॥

lOhitimapunjamadhyE mOhitabhuvanE mudaa nireekshhantE ।
vadanaM tava kuvayugalaM kaanceeseemaaM ca kE.api kaamaakshhi ॥95॥

jaladhidviguNitahutabahadishaadinEshvarakalaashvinEyadalaiH ।
nalinairmahEshi gacChasi sarvOttarakarakamaladalamamalam ॥96॥

satkRRitadEshikacaraNaaH sabeejanirbeejayOganishrENyaa ।
apavargasaudhavalabheemaarOhantyamba kE.api tava kRRipayaa ॥97॥

antarapi bahirapi tvaM jantutatErantakaantakRRidahantE ।
cintitasantaanavataaM santatamapi tantaneeshhi mahimaanam ॥98॥

kalamanjulavaaganumitagalapanjaragatashukagrahautkaNThyaat ।
amba radanaambaraM tE bimbaphalaM shambaraariNaa nyastam ॥99॥

jaya jaya jagadamba shivE jaya jaya kaamaakshhi jaya jayaadrisutE ।
jaya jaya mahEshadayitE jaya jaya cidgaganakaumudeedhaarE ॥100॥

aaryaashatakaM bhaktyaa paThataamaaryaakaTaakshhENa ।
nissarati vadanakamalaadvaaNee peeyooshhadhOraNee divyaa ॥101॥

॥ iti aaryaashatakaM sampoorNam ॥







Browse Related Categories: