paaNDityaM paramEshvari stutividhau naivaashrayantE giraaM
vairincaanyapi gumphanaani vigaladgarvaaNi sharvaaNi tE ।
stOtuM tvaaM pariphullaneelanalinashyaamaakshhi kaamaakshhi maaM
vaacaaleekurutE tathaapi nitaraaM tvatpaadasEvaadaraH ॥1॥
taapinChastabakatvishhE tanubhRRitaaM daaridryamudraadvishhE
saMsaaraakhyatamOmushhE puraripOrvaamaankaseemaajushhE ।
kampaateeramupEyushhE kavayataaM jihvaakuTeeM jagmushhE
vishvatraaNapushhE namO.astu satataM tasmai paraMjyOtishhE ॥2॥
yE sandhyaaruNayanti shaMkarajaTaakaantaaracanraarbhakaM
sindooranti ca yE purandaravadhooseemantaseemaantarE ।
puNya.m yE paripakkayanti bhajataaM kaanceepurE maamamee
paayaasuH paramEshvarapraNayineepaadOdbhavaaH paaMsavaH ॥3॥
kaamaaDambarapoorayaa shashirucaa kamrasmitaanaaM tvishhaa
kaamaarEranuraagasindhumadhikaM kallOlitaM tanvatee ।
kaamaakshheeti samastasajjananutaa kalyaaNadaatree nRRiNaaM
kaaruNyaakulamaanasaa bhagavatee kampaataTE jRRimbhatE ॥4॥
kaamaakshheeNaparaakramaprakaTanaM sambhaavayantee dRRishaa
shyaamaa kshheerasahOdarasmitaruciprakshhaalitaashaantaraa ।
kaamaakshheejanamaulibhooshhaNamaNirvaacaaM paraa dEvataa
kaamaakshheeti vibhaati kaapi karuNaa kampaataTinyaastaTE ॥5॥
shyaamaa kaacana candrikaa tribhuvanE puNyaatmanaamaananE
seemaashoonyakavitvavarshhajananee yaa kaapi kaadambinee ।
maaraaraatimanOvimOhanavidhau kaacitattamaHkandalee
kaamaakshhyaaH karuNaakaTaakshhalaharee kaamaaya mE kalpataam ॥6॥
prauDhadhvaantakadambakE kumudineepuNyaaMkuraM darshayan
jyOtsnaasaMgamanE.api kOkamithunaM mishraM samudbhaavayan ।
kaalindeelahareedashaaM prakaTayankamraaM nabhasyadbhutaaM
kashcinnEtramahOtsavO vijayatE kaanceepurE shoolinaH ॥7॥
tandraaheenatamaalaneelasushhamaistaaruNyaleelaagRRihaiH
taaraanaathakishOralaanChitakacaistaamraaravindEkshhaNaiH ।
maataH saMshrayataaM manO manasijapraagalbhyanaaDindhamaiH
kampaateeracarairghanastanabharaiH puNyaankaraiH shaaMkaraiH ॥8॥
nityaM nishcalataamupEtya marutaaM rakshhaavidhiM pushhNatee
tEjassaMcayapaaTavEna kiraNaanushhNadyutErmushhNatee ।
kaanceemadhyagataapi deeptijananee vishvaantarE jRRimbhatE
kaaciccitramahO smRRitaapi tamasaaM nirvaapikaa deepikaa ॥9॥
kaantaiH kEsharucaaM cayairbhramaritaM mandasmitaiH pushhpitaM
kaantyaa pallavitaM padaamburuhayOrnEtratvishhaa patritam ।
kampaateeravanaantaraM vidadhatee kalyaaNajanmasthalee
kaanceemadhyamahaamaNirvijayatE kaacitkRRipaakandalee ॥10॥
raakaacandrasamaanakaantivadanaa naakaadhiraajastutaa
mookaanaamapi kurvatee suradhaneeneekaashavaagvaibhavam ।
shreekaanceenagareevihaararasikaa shOkaapahantree sataam
Ekaa puNyaparamparaa pashupatEraakaariNee raajatE ॥11॥
jaataa sheetalashailataH sukRRitinaaM dRRishyaa paraM dEhinaaM
lOkaanaaM kshhaNamaatrasaMsmaraNataH santaapavicChEdinee ।
aashcaryaM bahu khElanaM vitanutE naishcalyamaabibhratee
kampaayaastaTaseemni kaapi taTinee kaaruNyapaathOmayee ॥12॥
aikyaM yEna viracyatE haratanau dambhaavapumbhaavukE
rEkhaa yatkacaseemni shEkharadashaaM naishaakaree gaahatE ।
aunnatyaM muhurEti yEna sa mahaanmEnaasakhaH saanumaan
kampaateeravihaariNaa sasharaNaastEnaiva dhaamnaa vayam ॥13॥
akshhNOshca stanayOH shriyaa shravaNayOrbaahvOshca moolaM spRRishan
uttaMsEna mukhEna ca pratidinaM druhyanpayOjanmanE ।
maadhuryENa giraaM gatEna mRRidunaa haMsaanganaaM hrEpayan
kaanceeseemni cakaasti kO.api kavitaasantaanabeejaankuraH ॥14॥
khaNDaM caandramasaM vataMsamanishaM kaanceepurE khElanaM
kaalaayashChavitaskareeM tanuruciM karNajapE lOcanE ।
taaruNyOshhmanakhampacaM stanabharaM janghaaspRRishaM kuntalaM
bhaagyaM dEshikasaMcitaM mama kadaa sampaadayEdambikE ॥15॥
tanvaanaM nijakElisaudhasaraNiM naisargikeeNaaM giraaM
kEdaaraM kavimallasooktilahareesasyashriyaaM shaashvatam ।
aMhOvancanacuncu kiMcana bhajE kaanceepureemaNDanaM
paryaayacChavi paakashaasanamaNEH paushhpEshhavaM paurushham ॥16॥
aalOkE mukhapankajE ca dadhatee saudhaakareeM caatureeM
cooDaalaMkriyamaaNapankajavaneevairaagamaprakriyaa ।
mugdhasmEramukhee ghansatanataTeemoorcChaalamadhyaancitaa
kaanceeseemani kaaminee vijayatE kaacijjaganmOhinee ॥17॥
yasminnamba bhavatkaTaakshharajanee mandE.api mandasmita-
jyOtsnaasaMsnapitaa bhavatyabhimukhee taM pratyahO dEhinam ।
drakshhaamaakshhikamaadhureemadabharavreeDaakaree vaikharee
kaamaakshhi svayamaatanOtyabhisRRitiM vaamEkshhaNEva kshhaNam ॥18॥
kaalindeejalakaantayaH smitarucisvarvaahineepaathasi
prauDhadhvaantarucaH sphuTaadharamahOlauhityasandhyOdayE ।
maNikyOpalakuNDalaaMshushikhini vyaamishradhoomashriyaH
kalyaaNaikabhuvaH kaTaakshhasushhamaaH kaamaakshhi raajanti tE ॥19॥
kalakalaraNatkaancee kaanceevibhooshhaNamaalikaa
kacabharalasaccandraa candraavataMsasadharmiNee ।
kavikulagiraH shraavaMshraavaM milatpulakaaMkuraa
viracitashiraHkampaa kampaataTE parishObhatE ॥20॥
sarasavacasaaM veecee neeceebhavanmadhumaadhuree
bharitabhuvanaa keertirmoortirmanObhavajitvaree ।
janani manasO yOgyaM bhOgyaM nRRiNaaM tava jaayatE
kathamiva vinaa kaanceebhooshhE kaTaakshhatarangitam ॥21॥
bhramaritasaritkoolO neelOtpalaprabhayaa.a.abhayaa
natajanatamaHkhaNDee tuNDeeraseemni vijRRimbhatE ।
acalatapasaamEkaH paakaH prasoonasharaasana-
pratibhaTamanOhaaree naareekulaikashikhaamaNiH ॥22॥
madhuravacasO mandasmEraa matangajagaaminaH
taruNimajushhastaapicChaabhaastamaHparipanthinaH ।
kucabharanataaH kuryurbhadraM kurangavilOcanaaH
kalitakaruNaaH kaanceebhaajaH kapaalimahOtsavaaH ॥23॥
kamalasushhamaakshhyaarOhE vicakshhaNaveekshhaNaaH
kumudasukRRitakreeDaacooDaalakuntalabandhuraaH ।
rucirarucibhistaapicChashreeprapancanacuncavaH
puravijayinaH kampaateerE sphuranti manOrathaaH ॥24॥
kalitaratayaH kaanceeleelaavidhau kavimaNDalee-
vacanalahareevaasanteenaaM vasantavibhootayaH ।
kushalavidhayE bhooyaasurmE kurangavilOcanaaH
kusumavishikhaaraatErakshhNaaM kutoohalavibhramaaH ॥25॥
kabalitatamaskaaNDaastuNDeeramaNDalamaNDanaaH
sarasijavaneesantaanaanaamaruntudashEkharaaH ।
nayanasaraNErnEdeeyaMsaH kadaa nu bhavanti mE
taruNajaladashyaamaaH shambhOstapaHphalavibhramaaH ॥26॥
acaramamishhuM deenaM meenadhvajasya mukhashriyaa
sarasijabhuvO yaanaM mlaanaM gatEna ca manjunaa ।
tridashasadasaamannaM khinnaM giraa ca vitanvatee
tilakayati saa kampaateeraM trilOcanasundaree ॥27॥
janani bhuvanE cankramyE.ahaM kiyantamanEhasaM
kupurushhakarabhrashhTairdushhTairdhanairudarambhariH ।
taruNakaruNE tandraashoonyE tarangaya lOcanE
namati mayi tE kiMcitkaanceepureemaNideepikE ॥28॥
munijanamanaHpETeeratnaM sphuratkaruNaanaTee-
viharaNakalaagEhaM kaanceepureemaNibhooshhaNam ।
jagati mahatO mOhavyaadhErnRRiNaaM paramaushhadhaM
puraharadRRishaaM saaphalyaM mE puraH parijRRimbhataam ॥29॥
munijanamOdhaamnE dhaamnE vacOmayajaahnavee-
himagiritaTapraagbhaaraayaakshharaaya paraatmanE ।
viharaNajushhE kaanceedEshE mahEshvaralOcana-
tritayasarasakreeDaasaudhaangaNaaya namO namaH ॥30॥
marakatarucaaM pratyaadEshaM mahEshvaracakshhushhaam
amRRitalahareepooraM paaraM bhavaakhyapayOnidhEH ।
sucaritaphalaM kaanceebhaajO janasya pacElimaM
himashikhariNO vaMshasyaikaM vataMsamupaasmahE ॥31॥
praNamanadinaarambhE kampaanadeesakhi taavakE
sarasakavitOnmEshhaH pooshhaa sataaM samudancitaH ।
pratibhaTamahaaprauDhaprOdyatkavitvakumudvateeM
nayati tarasaa nidraamudraaM nagEshvarakanyakE ॥32॥
shamitajaDimaarambhaa kampaataTeenikaTEcaree
nihataduritastOmaa sOmaardhamudritakuntalaa ।
phalitasumanOvaanChaa paancaayudhee paradEvataa
saphalayatu mE nEtrE gOtrEshvarapriyanandinee ॥33॥
mama tu dhishhaNaa peeDyaa jaaDyaatirEka kathaM tvayaa
kumudasushhamaamaitreepaatreevataMsitakuntalaam ।
jagati shamitastambhaaM kampaanadeenilayaamasau
shriyati hi galattandraa candraavataMsasadharmiNeem ॥34॥
parimalapareepaakOdrEkaM payOmuci kaancanE
shikhariNi punardbaidheebhaavaM shashinyaruNaatapam ।
api ca janayankambOrlakshhmeemanambuni kO.apyasau
kusumadhanushhaH kaanceedEshE cakaasti paraakramaH ॥35॥
puradamayiturvaamOtsangasthalEna rasajjhNayaa
sarasakavitaabhaajaa kaanceepurOdaraseemayaa ।
taTaparisarairneehaaraadrErvacObhirakRRitrimaiH
kimiva na tulaamasmaccEtO mahEshvari gaahatE ॥36॥
nayanayugaleemaasmaakeenaaM kadaa nu phalEgraheeM
vidadhati gatau vyaakurvaaNaa gajEndracamatkriyaam ।
maratakarucO maahEshaanaa ghanastananamritaaH
sukRRitavibhavaaH praancaH kaanceevataMsadhurandharaaH ॥37॥
manasijayashaHpaaramparyaM marandajhareesuvaaM
kavikulagiraaM kandaM kampaanadeetaTamaNDanam ।
madhuralalitaM matkaM cakshhurmaneeshhimanOharaM
puravijayinaH sarvasvaM tatpuraskurutE kadaa ॥38॥
shithilitatamOleelaaM neelaaravindavilOcanaaM
dahanavilasatphaalaaM shreekaamakOTimupaasmahE ।
karadhRRitasacChoolaaM kaalaaricittaharaaM paraaM
manasijakRRipaaleelaaM lOlaalakaamalikEkshhaNaam ॥39॥
kalaaleelaashaalaa kavikulavacaHkairavavanee-
sharajjyOtsnaadhaaraa shashadharashishushlaaghyamukuTee ।
puneetE naH kampaapulinataTasauhaardataralaa
kadaa cakshhurmaargaM kanakagiridhaanushhkamahishhee ॥40॥
namaH staannamrEbhyaH stanagarimagarvENa guruNaa
dadhaanEbhyashcooDaabharaNamamRRitasyandi shishiram ।
sadaa vaastavEbhyaH suvidhabhuvi kampaakhyasaritE
yashOvyaapaarEbhyaH sukRRitavibhavEbhyO ratipatEH ॥41॥
asooyantee kaacinmarakatarucO naakimukuTee-
kadambaM cumbantee caraNanakhacandraaMshupaTalaiH ।
tamOmudraaM vidraavayatu mama kaanceernilayanaa
harOtsangashreemanmaNigRRihamahaadeepakalikaa ॥42॥
anaadyantaa kaacitsujananayanaanandajananee
nirundhaanaa kaantiM nijarucivilaasairjalamucaam ।
smaraarEstaaralyaM manasi janayantee svayamahO
galatkampaa shampaa parilasati kampaaparisarE ॥43॥
sudhaaDiNDeerashreeH smitarucishhu tuNDeeravishhayaM
parishhkurvaaNaasau parihasitaneelOtpalaruciH ।
stanaabhyaamaanamraa stabakayatu mE kaankshhitataruM
dRRishaamaishaaneenaaM sukRRitaphalapaaNDityagarimaa ॥44॥
kRRipaadhaaraadrONee kRRipaNadhishhaNaanaaM praNamataaM
nihantree santaapaM nigamamukuTOttaMsakalikaa ।
paraa kaanceeleelaaparicayavatee parvatasutaa
giraaM neevee dEvee girishaparatantraa vijayatE ॥45॥
kavitvashreekandaH sukRRitaparipaaTee himagirEH
vidhaatree vishvEshhaaM vishhamasharaveeradhvajapaTee ।
sakhee kampaanadyaaH padahasitapaathOjayugalee
puraaNO paayaannaH puramathanasaamraajyapadavee ॥46॥
daridraaNaa madhyE daradalitataapicChasushhamaaH
stanaabhOgakkaantaastaruNahariNaankaankitakacaaH ।
haraadheenaa naanaavibudhamukuTeecumbitapadaaH
kadaa kampaateerE kathaya viharaamO girisutE ॥47॥
vareevartu sthEmaa tvayi mama giraaM dEvi manasO
nareenartu prauDhaa vadanakamalE vaakyalaharee ।
careecartu prajjhNaajanani jaDimaanaH parajanE
sareesartu svairaM janani mayi kaamaakshhi karuNaa ॥48॥
kshhaNaattE kaamaakshhi bhramarasushhamaashikshhaNaguruH
kaTaakshhavyaakshhEpO mama bhavatu mOkshhaaya vipadaam ।
nareenartu svairaM vacanalaharee nirjarapuree-
saridveeceeneeceekaraNapaTuraasyE mama sadaa ॥49॥
purastaanmE bhooyaHprashamanaparaH staanmama rujaaM
pracaarastE kampaataTavihRRitisampaadini dRRishOH ।
imaaM yaacnaamooreekuru sapadi dooreekuru tamaH-
pareepaakaM matkaM sapadi budhalOkaM ca naya maam ॥50॥
udancantee kaanceenagaranilayE tvatkaruNayaa
samRRiddhaa vaagdhaaTee parihasitamaadhvee kavayataam ।
upaadattE maarapratibhaTajaTaajooTamukuTee-
kuTeerOllaasinyaaH shatamakhataTinyaa jayapaTeem ॥51॥
shriyaM vidyaaM dadyaajjanani namataaM keertimamitaaM
suputraan praadattE tava jhaTiti kaamaakshhi karuNaa ।
trilOkyaamaadhikyaM tripuraparipanthipraNayini
praNaamastvatpaadE shamitaduritE kiM na kurutE ॥52॥
manaHstambhaM stambhaM gamayadupakampaM praNamataaM
sadaa lOlaM neelaM cikurajitalOlambanikaram ।
giraaM dooraM smEraM dhRRitashashikishOraM pashupatEH
dRRishaaM yOgyaM bhOgyaM tuhinagiribhaagyaM vijayatE ॥53॥
ghanashyaamaankaamaantakamahishhi kaamaakshhi madhuraan
dRRishaaM paataanEtaanamRRitajalasheetaananupamaan ।
bhavOtpaatE bheetE mayi vitara naathE dRRiDhabhava-
nmanashshOkE mookE himagiripataakE karuNayaa ॥54॥
nataanaaM mandaanaaM bhavanigalabandhaakuladhiyaaM
mahaandhyaaM rundhaanaamabhilashhitasantaanalatikaam ।
caranteeM kampaayaastaTabhuvi savitreeM trijagataaM
smaraamastaaM nityaM smaramathanajeevaatukalikaam ॥55॥
paraa vidyaa hRRidyaashritamadanavidyaa marakata-
prabhaaneelaa leelaaparavashitashoolaayudhamanaaH ।
tamaHpooraM dooraM caraNanatapaurandarapuree-
mRRigaakshhee kaamaakshhee kamalataralaakshhee nayatu mE ॥56॥
ahantaakhyaa matkaM kabalayati haa hanta hariNee
haThaatsaMvidroopaM haramahishhi sasyaankuramasau ।
kaTaakshhavyaakshhEpaprakaTaharipaashhaaNapaTalaiH
imaamuccairuccaaTaya jhaTiti kaamaakshhi kRRipayaa ॥57॥
budhE vaa mookE vaa tava patati yasminkshhaNamasau
kaTaakshhaH kaamaakshhi prakaTajaDimakshhOdapaTimaa ।
kathaMkaaraM naasmai karamukulacooDaalamukuTaa
namOvaakaM brooyurnamuciparipanthiprabhRRitayaH ॥58॥
prateeceeM pashyaamaH prakaTarucineevaarakamaNi-
prabhaasadhreeceenaaM pradalitashhaDaadhaarakamalaam ।
caranteeM saushhumnE pathi parapadEndupravigala-
tsudhaardraaM kaamaakshheeM pariNataparaMjyOtirudayaam ॥59॥
jambhaaraatiprabhRRitimukuTeeH paadayOH peeThayantee
gumphaanvaacaaM kavijanakRRitaansvairamaaraamayantee ।
shampaalakshhmeeM maNigaNarucaapaaTalaiH praapayantee
kampaateerE kaviparishhadaaM jRRimbhatE bhaagyaseemaa ॥60॥
candraapeeDaaM caturavadanaaM cancalaapaangaleelaaM
kundasmEraaM kucabharanataaM kuntalOddhootabhRRingaam ।
maaraaraatErmadanashikhinaM maaMsalaM deepayanteeM
kaamaakshheeM taaM kavikulagiraaM kalpavalleemupaasE ॥61॥
kaalaambhOdaprakarasushhamaaM kaantibhistirjayantee
kalyaaNaanaamudayasaraNiH kalpavallee kaveenaam ।
kandarpaarEH priyasahacaree kalmashhaaNaaM nihantree
kaanceedEshaM tilakayati saa kaapi kaaruNyaseemaa ॥62॥
ooreekurvannurasijataTE caatureeM bhoodharaaNaaM
paathOjaanaaM nayanayugalE paripanthyaM vitanvan ।
kampaateerE viharati rucaa mOghayanmEghashaileeM
kOkadvEshhaM shirasi kalayankO.api vidyaavishEshhaH ॥63॥
kaanceeleelaaparicayavatee kaapi taapicChalakshhmeeH
jaaDyaaraNyE hutavahashikhaa janmabhoomiH kRRipaayaaH ।
maakandashreermadhurakavitaacaaturee kOkilaanaaM
maargE bhooyaanmama nayanayOrmaanmathee kaapi vidyaa ॥64॥
sEturmaatarmaratakamayO bhaktibhaajaaM bhavaabdhau
leelaalOlaa kuvalayamayee maanmathee vaijayantee ।
kaanceebhooshhaa pashupatidRRishaaM kaapi kaalaanjanaalee
matkaM duHkhaM shithilayatu tE manjulaapaangamaalaa ॥65॥
vyaavRRiNvaanaaH kuvalayadalaprakriyaavairamudraaM
vyaakurvaaNaa manasijamahaaraajasaamraajyalakshhmeem ।
kaanceeleelaavihRRitirasikE kaankshhitaM naH kriyaasuH
bandhacChEdE tava niyaminaaM baddhadeekshhaaH kaTaakshhaaH ॥66॥
kaalaambhOdE shashiruci dalaM kaitakaM darshayantee
madhyEsaudaamini madhulihaaM maalikaaM raajayantee ।
haMsaaraavaM vikacakamalE manjumullaasayantee
kampaateerE vilasati navaa kaapi kaaruNyalakshhmeeH ॥67॥
citraM citraM nijamRRidutayaa bhartsayanpallavaaleeM
puMsaaM kaamaanbhuvi ca niyataM poorayanpuNyabhaajaam ।
jaataH shailaanna tu jalanidhEH svairasaMcaarasheelaH
kaanceebhooshhaa kalayatu shivaM kO.api cintaamaNirmE ॥68॥
taamraambhOjaM jaladanikaTE tatra bandhookapushhpaM
tasminmalleekusumasushhamaaM tatra veeNaaninaadam ।
vyaavRRinvaanaa sukRRitalaharee kaapi kaancinagaryaam
aishaanee saa kalayatitaraamaindrajaalaM vilaasam ॥69॥
aahaaraaMshaM tridashasadasaamaashrayE caatakaanaam
aakaashOparyapi ca kalayannaalayaM tungamEshhaam ।
kampaateerE viharatitaraaM kaamadhEnuH kaveenaaM
mandasmErO madananigamaprakriyaasampradaayaH ॥70॥
aardreebhootairaviralakRRipairaattaleelaavilaasaiH
aasthaapoorNairadhikacapalairancitaambhOjashilpaiH ।
kaantairlakshhmeelalitabhavanaiH kaantikaivalyasaaraiH
kaashmalyaM naH kabalayatu saa kaamakOTee kaTaakshhaiH ॥71॥
aadhoonvantyai taralanayanairaangajeeM vaijayanteem
aanandinyai nijapadajushhaamaattakaanceepuraayai ।
aasmaakeenaM hRRidayamakhilairaagamaanaaM prapancaiH
aaraadhyaayai spRRihayatitaraamadimaayai jananyai ॥72॥
dooraM vaacaaM tridashasadasaaM duHkhasindhOstaritraM
mOhakshhvElakshhitiruhavanE krooradhaaraM kuThaaram ।
kampaateerapraNayi kavibhirvarNitOdyaccaritraM
shaantyai sEvE sakalavipadaaM shaaMkaraM tatkalatram ॥73॥
khaNDeekRRitya prakRRitikuTilaM kalmashhaM praatibhashree-
shuNDeeratvaM nijapadajushhaaM shoonyatandraM dishantee ।
tuNDeeraakhyai mahati vishhayE svarNavRRishhTipradaatree
caNDee dEvee kalayati ratiM candracooDaalacooDE ॥74॥
yEna khyaatO bhavati sa gRRihee poorushhO mErudhanvaa
yaddRRikkONE madananigamapraabhavaM bObhaveeti ।
yatpreetyaiva trijagadadhipO jRRimbhatE kimpacaanaH
kampaateerE sa jayati mahaankashcidOjOvishEshhaH ॥75॥
dhanyaa dhanyaa gatiriha giraaM dEvi kaamaakshhi yanmE
nindyaaM bhindyaatsapadi jaDataaM kalmashhaadunmishhanteem ।
saadhvee maadhveerasamadhurataabhanjinee manjureetiH
vaaNeevENee jhaTiti vRRiNutaatsvardhuneespardhinee maam ॥76॥
yasyaa vaaTee hRRidayakamalaM kausumee yOgabhaajaaM
yasyaaH peeThee satatashishiraa sheekarairmaakarandaiH ।
yasyaaH pETee shrutiparicalanmauliratnasya kaancee
saa mE sOmaabharaNamahishhee saadhayEtkaankshhitaani ॥77॥
Ekaa maataa sakalajagataameeyushhee dhyaanamudraam
EkaamraadheeshvaracaraNayOrEkataanaaM samindhE ।
taaTankOdyanmaNigaNarucaa taamrakarNapradEshaa
taaruNyashreestabakitatanustaapasee kaapi baalaa ॥78॥
dantaadantiprakaTanakaree dantibhirmandayaanaiH
mandaaraaNaaM madapariNatiM mathnatee mandahaasaiH ।
ankooraabhyaaM manasijatarOrankitOraaH kucaabhyaa-
mantaHkaanci sphurati jagataamaadimaa kaapi maataa ॥79॥
triyambakakuTumbineeM tripurasundareemindiraaM
pulindapatisundareeM tripurabhairaveeM bhaarateem ।
matangakulanaayikaaM mahishhamardaneeM maatRRikaaM
bhaNanti vibudhOttamaa vihRRitimEva kaamaakshhi tE ॥80॥
mahaamunimanOnaTee mahitaramyakampaataTee-
kuTeerakavihaariNee kuTilabOdhasaMhaariNee ।
sadaa bhavatu kaaminee sakaladEhinaaM svaaminee
kRRipaatishayakiMkaree mama vibhootayE shaaMkaree ॥81॥
jaDaaH prakRRitinirdhanaa janavilOcanaaruntudaa
naraa janani veekshhaNaM kshhaNamavaapya kaamaakshhi tE ।
vacassu madhumaadhureeM prakaTayanti paurandaree-
vibhootishhu viDambanaaM vapushhi maanmatheeM prakriyaam ॥82॥
ghansatanataTasphuTasphuritakanculeecancalee-
kRRitatripurashaasanaa sujanasheelitOpaasanaa ।
dRRishOH saraNimashnutE mama kadaa nu kaanceepurE
paraa paramayOginaaM manasi citkulaa pushhkalaa ॥83॥
kaveendrahRRidayEcaree parigRRiheetakaanceepuree
nirooDhakaruNaajharee nikhilalOkarakshhaakaree ।
manaHpathadaveeyasee madanashaasanaprEyasee
mahaaguNagareeyasee mama dRRishO.astu nEdeeyasee ॥84॥
dhanEna na ramaamahE khalajanaanna sEvaamahE
na caapalamayaamahE bhavabhayaanna dooyaamahE ।
sthiraaM tanumahEtaraaM manasi kiM ca kaanceerata-
smaraantakakuTumbineecaraNapallavOpaasanaam ॥85॥
suraaH parijanaa vapurmanasijaaya vairaayatE
trivishhTapanitambineekucataTee ca kEleegiriH ।
giraH surabhayO vayastaruNimaa daridrasya vaa
kaTaakshhasaraNau kshhaNaM nipatitasya kaamaakshhi tE ॥86॥
pavitraya jagattrayeevibudhabOdhajeevaatubhiH
puratrayavimardinaH pulakakanculeedaayibhiH ।
bhavakshhayavicakshhaNairvyasanamOkshhaNairveekshhaNaiH
nirakshharashirOmaNiM karuNayaiva kaamaakshhi maam ॥87॥
kadaa kalitakhElanaaH karuNayaiva kaanceepurE
kalaayamukulatvishhaH shubhakadambapoorNaankuraaH ।
payOdharabharaalasaaH kavijanEshhu tE bandhuraaH
pacElimakRRipaarasaa paripatanti maargE dRRishOH ॥88॥
ashOdhyamacalOdbhavaM hRRidayanandanaM dEhinaam
anarghamadhikaanci tatkimapi ratnamuddyOtatE ।
anEna samalaMkRRitaa jayati shankaraankasthalee
kadaasya mama maanasaM vrajati pETikaavibhramam ॥89॥
paraamRRitajhareeplutaa jayati nityamantashcaree
bhuvaamapi bahishcaree paramasaMvidEkaatmikaa ।
mahadbhiraparOkshhitaa satatamEva kaanceepurE
mamaanvahamahaMmatirmanasi bhaatu maahEshvaree ॥90॥
tamOvipinadhaavinaM satatamEva kaanceepurE
vihaararasikaa paraa paramasaMvidurveeruhE ।
kaTaakshhanigalairdRRiDhaM hRRidayadushhTadantaavalaM
ciraM nayatu maamakaM tripuravairiseemantinee ॥91॥
tvamEva sati caNDikaa tvamasi dEvi caamuNDikaa
tvamEva paramaatRRikaa tvamapi yOgineeroopiNee ।
tvamEva kila shaambhavee tvamasi kaamakOTee jayaa
tvamEva vijayaa tvayi trijagadamba kiM broomahE ॥92॥
parE janani paarvati praNatapaalini praatibha-
pradaatri paramEshvari trijagadaashritE shaashvatE ।
triyambakakuTumbini tripadasangini treekshhaNE
trishaktimayi veekshhaNaM mayi nidhEhi kaamaakshhi tE ॥93॥
manOmadhukarOtsavaM vidadhatee maneeshhaajushhaaM
svayamprabhavavaikhareevipinaveethikaalambinee ।
ahO shishiritaa kRRipaamadhurasEna kampaataTE
caraacaravidhaayinee calati kaapi cinmanjaree ॥94॥
kalaavati kalaabhRRitO mukuTaseemni leelaavati
spRRihaavati mahEshvarE bhuvanamOhanE bhaasvati ।
prabhaavati ramE sadaa mahitaroopashObhaavati
tvaraavati parE sataaM gurukRRipaambudhaaraavati ॥95॥
tvayaiva jagadambayaa bhuvanamaNDalaM sooyatE
tvayaiva karuNaardrayaa tadapi rakshhaNaM neeyatE ।
tvayaiva kharakOpayaa nayanapaavakE hooyatE
tvayaiva kila nityayaa jagati santataM stheeyatE ॥96॥
caraacarajaganmayeeM sakalahRRinmayeeM cinmayeeM
guNatrayamayeeM jagattrayamayeeM tridhaamaamayeem ।
paraaparamayeeM sadaa dashadishaaM nishaaharmayeeM
paraaM satatasanmayeeM manasi cinmayeeM sheelayE ॥97॥
jaya jagadambikE harakuTumbini vaktrarucaa
jitasharadambujE ghanaviDambini kEsharucaa ।
paramavalambanaM kuru sadaa pararoopadharE
mama gatasaMvidO jaDimaDambarataaNDavinaH ॥98॥
bhuvanajanani bhooshhaabhootacandrE namastE
kalushhashamani kampaateeragEhE namastE ।
nikhilanigamavEdyE nityaroopE namastE
parashivamayi paashacChEdahastE namastE ॥99॥
kvaNatkaancee kaanceepuramaNivipanceelayajharee-
shiraHkampaa kampaavasatiranukampaajalanidhiH ।
ghanashyaamaa shyaamaa kaThinakucaseemaa manasi mE
mRRigaakshhee kaamaakshhee haranaTanasaakshhee viharataat ॥100॥
samaravijayakOTee saadhakaanandadhaaTee
mRRiduguNaparipETee mukhyakaadambavaaTee ।
muninutaparipaaTee mOhitaajaaNDakOTee
paramashivavadhooTee paatu maaM kaamakOTee ॥101॥
imaM paravarapradaM prakRRitipEshalaM paavanaM
paraaparacidaakRRitiprakaTanapradeepaayitam ।
stavaM paThati nityadaa manasi bhaavayannambikaaM
japairalamalaM makhairadhikadEhasaMshOshhaNaiH ॥102॥
॥ iti stutishatakaM sampoorNam ॥
Browse Related Categories:
