nityaanandakaree varaabhayakaree sauMdarya ratnaakaree
nirdhootaakhila ghOra paavanakaree pratyakshha maahEshvaree ।
praalEyaachala vaMsha paavanakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 1 ॥
naanaa ratna vichitra bhooshhaNakari hEmaambaraaDambaree
muktaahaara vilambamaana vilasat-vakshhOja kumbhaantaree ।
kaashmeeraagaru vaasitaa ruchikaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 2 ॥
yOgaanandakaree ripukshhayakaree dharmaikya nishhThaakaree
chaMdraarkaanala bhaasamaana laharee trailOkya rakshhaakaree ।
sarvaishvaryakaree tapaH phalakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 3 ॥
kailaasaachala kandaraalayakaree gauree-hyumaashaankaree
kaumaaree nigamaartha-gOcharakaree-hyOnkaara-beejaakshharee ।
mOkshhadvaara-kavaaTapaaTanakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 4 ॥
dRRishyaadRRishya-vibhooti-vaahanakaree brahmaaNDa-bhaaNDOdaree
leelaa-naaTaka-sootra-khElanakaree vijjhNaana-deepaankuree ।
shreevishvEshamanaH-prasaadanakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 5 ॥
urveesarvajayEshvaree jayakaree maataa kRRipaasaagaree
vENee-neelasamaana-kuntaladharee nityaanna-daanEshvaree ।
saakshhaanmOkshhakaree sadaa shubhakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 6 ॥
aadikshhaanta-samastavarNanakaree shaMbhOstribhaavaakaree
kaashmeeraa tripurEshvaree trinayani vishvEshvaree sharvaree ।
svargadvaara-kapaaTa-paaTanakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 7 ॥
dEvee sarvavichitra-ratnaruchitaa daakshhaayiNee sundaree
vaamaa-svaadupayOdharaa priyakaree saubhaagyamaahEshvaree ।
bhaktaabheeshhTakaree sadaa shubhakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 8 ॥
chandraarkaanala-kOTikOTi-sadRRishee chandraaMshu-bimbaadharee
chandraarkaagni-samaana-kuMDala-dharee chaMdraarka-varNEshvaree
maalaa-pustaka-paashasaankushadharee kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 9 ॥
kshhatratraaNakaree mahaabhayakaree maataa kRRipaasaagaree
sarvaanandakaree sadaa shivakaree vishvEshvaree shreedharee ।
dakshhaakrandakaree niraamayakaree kaasheepuraadheeshvaree
bhikshhaaM dEhi kRRipaavalambanakaree maataannapoorNEshvaree ॥ 10 ॥
annapoorNE saadaapoorNE shankara-praaNavallabhE ।
jjhNaana-vairaagya-siddhayarthaM bikbiM dEhi cha paarvatee ॥ 11 ॥
maataa cha paarvateedEvee pitaadEvO mahEshvaraH ।
baaMdhavaa: shivabhaktaashcha svadEshO bhuvanatrayam ॥ 12 ॥
sarva-mangala-maangalyE shivE sarvaartha-saadhikE ।
sharaNyE tryambakE gauri naaraayaNi namO.astu tE ॥ 13 ॥
Browse Related Categories:
