mOhaandhakaaranivahaM vinihantumeeDE
mookaatmanaamapi mahaakavitaavadaanyaan ।
shreekaancidEshashishireekRRitijaagarookaan
EkaamranaathataruNeekaruNaavalOkaan ॥1॥
maatarjayanti mamataagrahamOkshhaNaani
maahEndraneelarucishikshhaNadakshhiNaani ।
kaamaakshhi kalpitajagattrayarakshhaNaani
tvadveekshhaNaani varadaanavicakshhaNaani ॥2॥
aanangatantravidhidarshitakaushalaanaam
aanandamandaparighoorNitamantharaaNaam ।
taaralyamamba tava taaDitakarNaseemnaaM
kaamaakshhi khElati kaTaakshhanireekshhaNaanaam ॥3॥
kallOlitEna karuNaarasavEllitEna
kalmaashhitEna kamaneeyamRRidusmitEna ।
maamancitEna tava kiMcana kuncitEna
kaamaakshhi tEna shishireekuru veekshhitEna ॥4॥
saahaayyakaM gatavatee muhurarjanasya
mandasmitasya paritOshhitabheemacEtaaH ।
kaamaakshhi paaNDavacamooriva taavakeenaa
karNaantikaM calati hanta kaTaakshhalakshhmeeH ॥5॥
astaM kshhaNaannayatu mE paritaapasooryam
aanandacandramasamaanayataaM prakaasham ।
kaalaandhakaarasushhumaaM kalayandigantE
kaamaakshhi kOmalakaTaakshhanishaagamastE ॥6॥
taaTaankamauktikarucaankuradantakaantiH
kaaruNyahastipashikhaamaNinaadhirooDhaH ।
unmoolayatvashubhapaadapamasmadeeyaM
kaamaakshhi taavakakaTaakshhamatangajEtandraH ॥7॥
ChaayaabharaNE jagataaM paritaapahaaree
taaTankaratnamaNitallajapallavashreeH ।
kaaruNyanaama vikiranmakarandajaalaM
kaamaakshhi raajati kaTaakshhasuradrumastE ॥8॥
sooryaashrayapraNayinee maNikuNDalaaMshu-
lauhityakOkanadakaananamaananeeyaa ।
yaantee tava smaraharaananakaantisindhuM
kaamaakshhi raajati kaTaakshhakalindakanyaa ॥9॥
praapnOti yaM sukRRitinaM tava pakshhapaataat
kaamaakshhi veekshhaNavilaasakalaapurandhree ।
sadyastamEva kila muktivadhoorvRRiNeetE
tasmaannitaantamanayOridamaikamatyam ॥10॥
yaantee sadaiva marutaamanukoolabhaavaM
bhroovallishakradhanurullasitaa rasaardraa ।
kaamaakshhi kautukatarangitaneelakaNThaa
kaadambineeva tava bhaati kaTaakshhamaalaa ॥11॥
gangaambhasi smitamayE tapanaatmajEva
gangaadharOrasi navOtpalamaalikEva ।
vaktraprabhaasarasi shaivalamaNDaleeva
kaamaakshhi raajati kaTaakshharucicChaTaa tE ॥12॥
saMskaarataH kimapi kandalitaan rasajjhNa-
kEdaaraseemni sudhiyaamupabhOgayOgyaan ।
kalyaaNasooktilahareekalamaaMkuraannaH
kaamaakshhi pakshhmalayatu tvadapaangamEghaH ॥13॥
caancalyamEva niyataM kalayanprakRRityaa
maalinyabhooH shratipathaakramajaagarookaH ।
kaivalyamEva kimu kalpayatE nataanaaM
kaamaakshhi citramapi tE karuNaakaTaakshhaH ॥14॥
saMjeevanE janani cootashileemukhasya
saMmOhanE shashikishOrakashEkharasya ।
saMstambhanE ca mamataagrahacEshhTitasya
kaamaakshhi veekshhaNakalaa paramaushhadhaM tE ॥15॥
neelO.api raagamadhikaM janayanpuraarEH
lOlO.api bhaktimadhikaaM dRRiDhayannaraaNaam ।
vakrO.api dEvi namataaM samataaM vitanvan
kaamaakshhi nRRityatu mayi tvadapaangapaataH ॥16॥
kaamadruhO hRRidayayantraNajaagarookaa
kaamaakshhi cancaladRRigancalamEkhalaa tE ।
aashcaryamamba bhajataaM jhaTiti svakeeya-
samparka Eva vidhunOti samastabandhaan ॥17॥
kuNTheekarOtu vipadaM mama kuncitabhroo-
caapaancitaH shritavidEhabhavaanuraagaH ।
rakshhOpakaaramanishaM janayanjagatyaaM
kaamaakshhi raama iva tE karuNaakaTaakshhaH ॥18॥
shreekaamakOTi shivalOcanashOshhitasya
shRRingaarabeejavibhavasya punaHprarOhE ।
prEmaambhasaardramaciraatpracurENa shankE
kEdaaramamba tava kEvaladRRishhTipaatam ॥19॥
maahaatmyashEvadhirasau tava durvilanghya-
saMsaaravindhyagirikuNThanakElicuncuH ।
dhairyaambudhiM pashupatEshculakeekarOti
kaamaakshhi veekshhaNavijRRimbhaNakumbhajanmaa ॥20॥
peeyooshhavarshhavashishiraa sphuTadutpalashree-
maitree nisargamadhuraa kRRitataarakaaptiH ।
kaamaakshhi saMshritavatee vapurashhTamoortEH
jyOtsnaayatE bhagavati tvadapaangamaalaa ॥21॥
amba smarapratibhaTasya vapurmanOjjhNam
ambhOjakaananamivaancitakaNTakaabham ।
bhRRingeeva cumbati sadaiva sapakshhapaataa
kaamaakshhi kOmalarucistvadapaangamaalaa ॥22॥
kEshaprabhaapaTalaneelavitaanajaalE
kaamaakshhi kuNDalamaNicChavideepashObhE ।
shankE kaTaakshharucirangatalE kRRipaakhyaa
shailooshhikaa naTati shaMkaravallabhE tE ॥23॥
atyantasheetalamatandrayatu kshhaNaardham
astOkavibhramamanangavilaasakandam ।
alpasmitaadRRitamapaarakRRipaapravaaham
akshhiprarOhamaciraanmayi kaamakOTi ॥24॥
mandaakshharaagataraleekRRitipaaratantryaat
kaamaakshhi mantharataraaM tvadapaangaDOlaam ।
aaruhya mandamatikautukashaali cakshhuH
aanandamEti muhurardhashashaankamaulEH ॥25॥
traiyambakaM tripurasundari harmyabhoomi-
rangaM vihaarasarasee karuNaapravaahaH ।
daasaashca vaasavamukhaaH paripaalaneeyaM
kaamaakshhi vishvamapi veekshhaNabhoobhRRitastE ॥26॥
vaageeshvaree sahacaree niyamEna lakshhmeeH
bhroovallareevashakaree bhuvanaani gEham ।
roopaM trilOkanayanaamRRitamamba tEshhaaM
kaamaakshhi yEshhu tava veekshhaNapaaratantree ॥27॥
maahEshvaraM jhaTiti maanasameenamamba
kaamaakshhi dhairyajaladhau nitaraaM nimagnam ।
jaalEna shRRinkhalayati tvadapaanganaamnaa
vistaaritEna vishhamaayudhadaashakO.asau ॥28॥
unmathya bOdhakamalaakaaramamba jaaDya-
stambEramaM mama manOvipinE bhramantam ।
kuNTheekurushhva tarasaa kuTilaagraseemnaa
kaamaakshhi taavakakaTaakshhamahaankushEna ॥29॥
udvEllitastabakitairlalitairvilaasaiH
utthaaya dEvi tava gaaDhakaTaakshhakunjaat ।
dooraM palaayayatu mOhamRRigeekulaM mE
kaamaakshhi stavaramanugrahakEsareendraH ॥30॥
snEhaadRRitaaM vidalitOtpalakanticOraaM
jEtaaramEva jagadeeshvari jEtukaamaH ।
maanOddhatO makarakEturasau dhuneetE
kaamaakshhi taavakakaTaakshhakRRipaaNavalleem ॥31॥
shrauteeM vrajannapi sadaa saraNiM muneenaaM
kaamaakshhi santatamapi smRRitimaargagaamee ।
kauTilyamamba kathamasthirataaM ca dhattE
cauryaM ca pankajarucaaM tvadapaangapaataH ॥32॥
nityaM shrEtuH paricitau yatamaanamEva
neelOtpalaM nijasameepanivaasalOlam ।
preetyaiva paaThayati veekshhaNadEshikEndraH
kaamaakshhee kintu tava kaalimasampradaayam ॥33॥
bhraantvaa muhuH stabakitasmitaphEnaraashau
kaamaakshhi vaktrarucisaMcayavaariraashau ।
aanandati tripuramardananEtralakshhmeeH
aalambya dEvi tava mandamapaangasEtum ॥34॥
shyaamaa tava tripurasundari lOcanashreeH
kaamaakshhi kandalitamEdurataarakaantiH ।
jyOtsnaavatee smitarucaapi kathaM tanOti
spardhaamahO kuvalayaishca tathaa cakOraiH ॥35॥
kaalaanjanaM ca tava dEvi nireekshhaNaM ca
kaamaakshhi saamyasaraNiM samupaiti kaantyaa ।
nishshEshhanEtrasulabhaM jagateeshhu poorva-
manyattrinEtrasulabhaM tuhinaadrikanyE ॥36॥
dhoomaankurO makarakEtanapaavakasya
kaamaakshhi nEtrarucineelimacaaturee tE ।
atyantamadbhutamidaM nayanatrayasya
harshhOdayaM janayatE haruNaankamaulEH ॥37॥
aarabhbhalEshasamayE tava veekshhaNassa
kaamaakshhi mookamapi veekshhaNamaatranamram ।
sarvajjhNataa sakalalOkasamakshhamEva
keertisvayaMvaraNamaalyavatee vRRiNeetE ॥38॥
kaalaambuvaaha uva tE paritaapahaaree
kaamaakshhi pushhkaramadhaHkurutE kaTaakhxshhaH ।
poorvaH paraM kshhaNarucaa samupaiti maitree-
manyastu sa.tataruciM prakaTeekarOti ॥39॥
sookshhmE.api durgamatarE.api guruprasaada-
saahaayyakEna vicarannapavargamaargE ।
saMsaarapankanicayE na patatyamooM tE
kaamaakshhi gaaDhamavalambya kaTaakshhayashhTim ॥40॥
kaamaakshhi santatamasau harineelaratna-
stambhE kaTaakshharucipunjamayE bhavatyaaH ।
baddhO.api bhaktinigalairmama cittahastee
stambhaM ca bandhamapi muncati hanta citram ॥41॥
kaamaakshhi kaashhNaryamapi santatamanjanaM ca
bibhrannisargataralO.api bhavatkaTaakshhaH ।
vaimalyamanvahamananjanataa ca bhooyaH
sthairyaM ca bhaktahRRidayaaya kathaM dadaati ॥42॥
mandasmitastabakitaM maNikuNDalaaMshu-
stOmapravaalaruciraM shishireekRRitaasham ।
kaamaakshhi raajati kaTaakshharucEH kadambam
udyaanamamba karuNaahariNEkshhaNaayaaH ॥43॥
kaamaakshhi taavakakaTaakshhamahEndraneela-
siMhaasanaM shritavatO makaradhvajasya ।
saamraajyamangalavidhau muNikuNDalashreeH
neeraajanOtsavatarangitadeepamaalaa ॥44॥
maataH kshhaNaM snapaya maaM tava veekshhitEna
mandaakshhitEna sujanairaparOkshhitEna ।
kaamaakshhi karmatimirOtkarabhaaskarENa
shrEyaskarENa madhupadyutitaskarENa ॥45॥
prEmaapagaapayasi majjanamaaracayya
yuktaH smitaaMshukRRitabhasmavilEpanEna ।
kaamaakshhi kuNDalamaNidyutibhirjaTaalaH
shreekaNThamEva bhajatE tava dRRishhTipaataH ॥46॥
kaivalyadaaya karuNaarasakiMkaraaya
kaamaakshhi kandalitavibhramashaMkaraaya ।
aalOkanaaya tava bhaktashivaMkaraaya
maatarnamO.astu paratantritashaMkaraaya ॥47॥
saamraajyamangalavidhau makaradhvajasya
lOlaalakaalikRRitatOraNamaalyashObhE ।
kaamEshvari pracaladutpalavaijayantee-
caaturyamEti tava cancaladRRishhTipaataH ॥48॥
maargENa manjukacakaantitamOvRRitEna
mandaayamaanagamanaa madanaaturaasau ।
kaamaakshhi dRRishhTirayatE tava shaMkaraaya
saMkEtabhoomimaciraadabhisaarikEva ॥49॥
vreeDanuvRRittiramaNeekRRitasaahacaryaa
shaivaalitaaM galarucaa shashishEkharasya ।
kaamaakshhi kaantisaraseeM tvadapaangalakshhmeeH
mandaM samaashrayati majjanakhElanaaya ॥50॥
kaashhaayamaMshukamiva prakaTaM dadhaanO
maaNikyakuNDalaruciM mamataavirOdhee ।
shrutyantaseemani rataH sutaraaM cakaasti
kaamaakshhi taavakakaTaakshhayateeshvarO.asau ॥51॥
paashhaaNa Eva harineelamaNirdinEshhu
pramlanataaM kuvalayaM prakaTeekarOti ।
naumittikO jaladamEcakimaa tatastE
kaamaakshhi shoonyamupamanamapaangalakshhmyaaH ॥52॥
shRRingaaravibhramavatee sutaraaM salajjaa
naasaagramauktikarucaa kRRitamandahaasaa ।
shyaamaa kaTaakshhasushhamaa tava yuktamEtat
kaamaakshhi cumbati digambaravaktrabimbam ॥53॥
neelOtpalEna madhupEna ca dRRishhTipaataH
kaamaakshhi tulya iti tE kathamaamananti ।
shaityEna nindayati yadanvahamindupaadaan
paathOruhENa yadasau kalahaayatE ca ॥54॥
OshhThaprabhaapaTalavidrumamudritE tE
bhroovalliveecisubhagE mukhakaantisindhau ।
kaamaakshhi vaaribharapooraNalambamaana-
kaalaambuvaahasaraNiM labhatE kaTaakshhaH ॥55॥
mandasmitairdhavalitaa maNikuNDalaaMshu-
samparkalOhitarucistvadapaangadhaaraa ।
kaamaakshhi mallikusumairnavapallavaishca
neelOtpalaishca racitEva vibhaati maalaa ॥56॥
kaamaakshhi sheetalakRRipaarasanirjharaambhaH-
samparkapakshhmalarucistvadapaangamaalaa ।
gObhiH sadaa puraripOrabhilashhyamaaNaa
doorvaakadambakaviDambanamaatanOti ॥57॥
hRRitpankajaM mama vikaasayatu pramushhNa-
nnullaasamutpalarucEstamasaaM nirOddhaa ।
dOshhaanushhangajaDataaM jagataaM dhunaanaH
kaamaakshhi veekshhaNavilaasadinOdayastE ॥58॥
cakshhurvimOhayati candravibhooshhaNasya
kaamaakshhi taavakakaTaakshhatamaHprarOhaH ।
pratyanmukhaM tu nayanaM stimitaM muneenaaM
praakaashyamEva nayateeti paraM vicitram ॥59॥
kaamaakshhi veekshhaNarucaa yudhi nirjitaM tE
neelOtpalaM niravashEshhagataabhimaanam ।
aagatya tatparisaraM shravaNavataMsa-
vyOjEna noonamabhayaarthanamaatanOti ॥60॥
aashcaryamamba madaanaabhyudayaavalambaH
kaamaakshhi cancalanireekshhaNavibhramastE ।
dhairyaM vidhooya tanutE hRRidi raagabandhaM
shambhOstadEva vipareetatayaa muneenaam ॥61॥
jantOH sakRRitpraNamatO jagadeeDyataaM ca
tEjaasvitaaM ca nishitaaM ca matiM sabhaayaam ।
kaamaakshhi maakshhikajhareemiva vaikhareeM ca
lakshhmeeM ca pakshhmalayati kshhaNaveekshhaNaM tE ॥62॥
kaadambinee kimayatE na jalaanushhangaM
bhRRingaavalee kimurareekurutE na padmam ।
kiM vaa kalindatanayaa sahatE na bhangaM
kaamaakshhi nishcayapadaM na tavaakshhilakshhmeeH ॥63॥
kaakOlapaavakatRRiNeekaraNE.api dakshhaH
kaamaakshhi baalakasudhaakarashEkharasya ।
atyantasheetalatamO.apyanupaarataM tE
cittaM vimOhayati citramayaM kaTaakshhaH ॥64॥
kaarpaNyapooraparivardhitamamba mOha-
kandOdgataM bhavamayaM vishhapaadapaM mE ।
tungaM Chinattu tuhinaadrisutE bhavatyaaH
kaanceepurEshvari kaTaakshhakuThaaradhaaraa ॥65॥
kaamaakshhi ghOrabhavarOgacikitsanaartha-
mabhyarthya dEshikakaTaakshhabhishhakprasaadaat ।
tatraapi dEvi labhatE sukRRitee kadaaci-
danyasya durlabhamapaangamahaushhadhaM tE ॥66॥
kaamaakshhi dEshikakRRipaaMkuramaashrayantO
naanaatapOniyamanaashitapaashabandhaaH ।
vaasaalayaM tava kaTaakshhamamuM mahaantO
labdhvaa sukhaM samaadhiyO vicaranti lOkE ॥67॥
saakootasaMlapitasambhRRitamugdhahaasaM
vreeDaanuraagasahacaari vilOkanaM tE ।
kaamaakshhi kaamaparipanthini maaraveera-
saamraajyavibhramadashaaM saphaleekarOti ॥68॥
kaamaakshhi vibhramabalaikanidhirvidhaaya
bhroovallicaapakuTileekRRitimEva citram ।
svaadheenataaM tava ninaaya shashaankamaulE-
rangaardharaajyasukhalaabhamapaangaveeraH ॥69॥
kaamaaMkuraikanilayastava dRRishhTipaataH
kaamaakshhi bhaktamanasaaM pradadaatu kaamaan ।
raagaanvitaH svayamapi prakaTeekarOti
vairaagyamEva kathamEshha mahaamuneenaam ॥70॥
kaalaambuvaahanivahaiH kalahaayatE tE
kaamaakshhi kaalimamadEna sadaa kaTaakshhaH ।
citraM tathaapi nitaraamamumEva dRRishhTvaa
sOtkaNTha Eva ramatE kila neelakaNThaH ॥71॥
kaamaakshhi manmatharipuM prati maarataapa-
mOhaandhakaarajaladaagamanEna nRRityan ।
dushhkarmakancukikulaM kabaleekarOtu
vyaamishramEcakarucistvadapaangakEkee ॥72॥
kaamaakshhi manmatharipOravalOkanEshhu
kaantaM payOjamiva taavakamakshhipaatam ।
prEmaagamO divasavadvikaceekarOti
lajjaabharO rajanivanmukuleekarOti ॥73॥
mookO virincati paraM purushhaH kuroopaH
kandarpati tridasharaajati kimpacaanaH ।
kaamaakshhi kEvalamupakramakaala Eva
leelaatarangitakaTaakshharucaH kshhaNaM tE ॥74॥
neelaalakaa madhukaranti manOjjhNanaasaa-
muktaarucaH prakaTakandabisaankuranti ।
kaaruNyamamba makarandati kaamakOTi
manyE tataH kamalamEva vilOcanaM tE ॥75॥
aakaaMkshhyamaaNaphaladaanavicakshhaNaayaaH ।
kaamaakshhi taavakakaTaakshhakakaamadhEnOH ।
samparka Eva kathamamba vimuktapaasha-
bandhaaH sphuTaM tanubhRRitaH pashutaaM tyajanti ॥76॥
saMsaaragharmaparitaapajushhaaM naraaNaaM
kaamaakshhi sheetalataraaNi tavEkshhitaani ।
candraatapanti ghanacandanakardamanti
muktaaguNanti himavaarinishhEcananti ॥77॥
prEmaamburaashisatatasnapitaani citraM
kaamaakshhi taavakakaTaakshhanireekshhaNaani ।
sandhukshhayanti muhurindhanaraashireetyaa
maaradruhO manasi manmathacitrabhaanum ॥78॥
kaalaanjanapratibhaTaM kamaneeyakaantyaa
kandarpatantrakalayaa kalitaanubhaavam ।
kaanceevihaararasikE kalushhaarticOraM
kallOlayasva mayi tE karuNaakaTaakshham ॥79॥
kraantEna manmathadEna vimOhyamaana-
svaantEna cootatarumoolagatasya puMsaH ।
kaantEna kiMcidavalOkaya lOcanasya
praantEna maaM janani kaancipureevibhooshhE ॥80॥
kaamaakshhi kO.api sujanaastvadapaangasaMgE
kaNThEna kandalitakaalimasampradaayaaH ।
uttaMsakalpitacakOrakuTumbapOshhaa
naktandivasaprasavabhoonayanaa bhavanti ॥81॥
neelOtpalaprasavakaantinirdashanEna
kaaruNyavibhramajushhaa tava veekshhaNEna ।
kaamaakshhi karmajaladhEH kalasheesutEna
paashatrayaadvayamamee parimOcaneeyaaH ॥82॥
atyantacancalamakRRitrimamanjanaM kiM
jhaMkaarabhangirahitaa kimu bhRRingamaalaa ।
dhoomaankuraH kimu hutaashanasaMgaheenaH
kaamaakshhi nEtrarucineelimakandalee tE ॥83॥
kaamaakshhi nityamayamanjalirastu mukti-
beejaaya vibhramamadOdayaghoorNitaaya ।
kandarpadarpapunarudbhavasiddhidaaya
kalyaaNadaaya tava dEvi dRRigancalaaya ॥84॥
darpaankurO makarakEtanavibhramaaNaaM
nindaankurO vidalitOtpalacaatureeNaam ।
deepaankurO bhavatamisrakadambakaanaaM
kaamaakshhi paalayatu maaM tvadapaangapaataH ॥85॥
kaivalyadivyamaNirOhaNaparvatEbhyaH
kaaruNyanirjharapayaHkRRitamanjanEbhyaH ।
kaamaakshhi kiMkaritashankaramaanasEbhya-
stEbhyO namO.astu tava veekshhaNavibhramEbhyaH ॥86॥
alpeeya Eva navamutpalamamba heenaa
meenasya vaa saraNiramburuhaaM ca kiM vaa ।
doorE mRRigeedRRigasamanjasamanjanaM ca
kaamaakshhi veekshhaNarucau tava tarkayaamaH ॥87॥
mishreebhavadgaralapankilashankarOras-
seemaangaNE kimapi rinkhaNamaadadhaanaH ।
hElaavadhootalalitashravaNOtpalO.asau
kaamaakshhi baala iva raajati tE kaTaakshhaH ॥88॥
prauDhikarOti vidushhaaM navasooktidhaaTee-
cootaaTaveeshhu budhakOkilalaalyamaanam ।
maadhveerasaM parimalaM ca nirargalaM tE
kaamaakshhi veekshhaNavilaasavasantalakshhmeeH ॥89॥
koolaMkashhaM vitanutE karuNaambuvarshhee
saarasvataM sukRRitinaH sulabhaM pravaaham ।
tucCheekarOti yamunaambutarangabhangeeM
kaamaakshhi kiM tava kaTaakshhamahaambuvaahaH ॥90॥
jagarti dEvi karuNaashukasundaree tE
taaTankaratnarucidaaDimakhaNDashONE ।
kaamaakshhi nirbharakaTaakshhamareecipunja-
maahEndraneelamaNipanjaramadhyabhaagE ॥91॥
kaamaakshhi satkuvalayasya sagOtrabhaavaa-
daakraamati shrutimasau tava dRRishhTipaataH ।
kiMca sphuTaM kuTilataaM prakaTeekarOti
bhroovallareeparicitasya phalaM kimEtat ॥92॥
Eshhaa tavaakshhisushhamaa vishhamaayudhasya
naaraacavarshhalaharee nagaraajakanyE ।
shaMkE karOti shatadhaa hRRidi dhairyamudraaM
shreekaamakOTi yadasau shishiraaMshumaulEH ॥93॥
baaNEna pushhpadhanushhaH parikalpyamaana-
traaNEna bhaktamanasaaM karuNaakarENa ।
kONEna kOmaladRRishastava kaamakOTi
shONEna shOshhaya shivE mama shOkasindhum ॥94॥
maaradruhaa mukuTaseemani laalyamaanE
mandaakineepayasi tE kuTilaM carishhNuH ।
kaamaakshhi kOparabhasaadvalamaanameena-
sandEhamankurayati kshhaNamakshhipaataH ॥95॥
kaamaakshhi saMvalitamauktikakuNDalaaMshu-
cancatsitashravaNacaamaracaatureekaH ।
stambhE nirantaramapaangamayE bhavatyaa
baddhashcakaasti makaradhvajamattahastee ॥96॥
yaavatkaTaakshharajaneesamayaagamastE
kaamaakshhi taavadaciraannamataaM naraaNaam ।
aavirbhavatyamRRitadeedhitibimbamamba
saMvinmayaM hRRidayapoorvagireendrashRRingE ॥97॥
kaamaakshhi kalpaviTapeeva bhavatkaTaakshhO
ditsuH samastavibhavaM namataaM naraaNaam ।
bhRRingasya neelanalinasya ca kaantisampa-
tsarvasvamEva harateeti paraM vicitram ॥98॥
atyantasheetalamanargalakarmapaaka-
kaakOlahaari sulabhaM sumanObhirEtat ।
peeyooshhamEva tava veekshhaNamamba kintu
kaamaakshhi neelamidamityayamEva bhEdaH ॥99॥
ajjhNaatabhaktirasamaprasaradvivEka-
matyantagarvamanadheetasamastashaastram ।
apraaptasatyamasameepagataM ca muktEH
kaamaakshhi naiva tava spRRihayati dRRishhTipaataH ॥100॥
(kaamaakshhi maamavatu tE karuNaakaTaakshhaH)
paatEna lOcanarucEstava kaamakOTi
pOtEna patakapayOdhibhayaaturaaNaam ।
pootEna tEna navakaancanakuNDalaaMshu-
veetEna sheetalaya bhoodharakanyakE maam ॥101॥
॥ iti kaTaakshhashatakaM sampoorNam ॥
Browse Related Categories:
