bhagavati tava teerE neeramaatraashanO.aham
vigatavishhayatRRishhNaH kRRishhNamaaraadhayaami ।
sakala kalushhabhaMgE svargasOpaanasaMgE
taralatarataraMgE dEvi gaMgE praseeda ॥ 1 ॥
bhagavati bhavaleelaa maulimaalE tavaaMbhaH
kaNamaNuparimaaNaM praaNinO yE spRRishaMti ।
amaranagaranaaree caamara graahiNeenaaM
vigata kalikalaMkaataMkamaMkE luThaMti ॥ 2 ॥
brahmaaMDaM khaMDayaMtee harashirasi jaTaavallimullaasayaMtee
svarlOkaadaapataMtee kanakagiriguhaagaMDashailaat skhalaMtee ।
kshhONeepRRishhThE luThaMtee duritacayacamoornirbharaM bhartsayaMtee
paathOdhiM poorayaMtee suranagarasaritpaavanee naH punaatu ॥ 3 ॥
majjanmaataMga kuMbhacyuta madamadiraamOdamattaalijaalaM
snaanaiH siddhaaMganaanaaM kucayuga vilasatkuMkumaasaMgapiMgam ।
saayaM praatarmuneenaaM kushakusumacayaishChinnateerasthaneeraM
paayaannO gaaMgamaMbhaH karikalabha karaakraaMta raMgastaraMgam ॥ 4 ॥
aadaavaadi pitaamahasya niyama vyaapaara paatrE jalaM
pashcaatpannagashaayinO bhagavataH paadOdakaM paavanam ।
bhooyaH shaMbhujaTaavibhooshhaNa maNirjahnOrmaharshhEriyaM
kanyaa kalmashhanaashinee bhagavatee bhaageerathee dRRishyatE ॥ 5 ॥
shailEMdraadavataariNee nijajalE majjajjanOttaariNee
paaraavaaravihaariNee bhavabhayashrENee samutsaariNee ।
shEshhaaMgairanukaariNee harashirOvalleedalaakaariNee
kaasheepraaMtavihaariNee vijayatE gaMgaa manOhaariNee ॥ 6 ॥
kutO veecirveecistava yadi gataa lOcanapathaM
tvamaapeetaa peetaaMbarapuravaasaM vitarasi ।
tvadutsaMgE gaMgE patati yadi kaayastanubhRRitaaM
tadaa maataH shaaMtakratavapadalaabhO.apyatilaghuH ॥ 7 ॥
gaMgE trailOkyasaarE sakalasuravadhoodhautavisteerNatOyE
poorNabrahmasvaroopE haricaraNarajOhaariNi svargamaargE ।
praayashcitaM yadi syaattava jalakaNikaa brahmahatyaadi paapE
kastvaaM stOtuM samarthaH trijagadaghaharE dEvi gaMgE praseeda ॥ 8 ॥
maatarjaahnavee shaMbhusaMgamilitE maulau nidhaayaaMjaliM
tvatteerE vapushhO.avasaanasamayE naaraayaNaaMghridvayam ।
saanaMdaM smaratO bhavishhyati mama praaNaprayaaNOtsavE
bhooyaadbhaktiravicyutaa hariharaadvaitaatmikaa shaashvatee ॥ 9 ॥
gaMgaashhTakamidaM puNyaM yaH paThEtprayatO naraH ।
sarvapaapavinirmuktO vishhNulOkaM sa gacChati ॥ 10 ॥
Browse Related Categories:
