viditaakhila shaastra sudhaa jaladhE
mahitOpanishhat-kathitaartha nidhE ।
hRRidayE kalayE vimalaM charaNaM
bhava shankara dEshika mE sharaNam ॥ 1 ॥
karuNaa varuNaalaya paalaya maaM
bhavasaagara duHkha vidoona hRRidam ।
rachayaakhila darshana tattvavidaM
bhava shankara dEshika mE sharaNam ॥ 2 ॥
bhavataa janataa suhitaa bhavitaa
nijabOdha vichaaraNa chaarumatE ।
kalayEshvara jeeva vivEka vidaM
bhava shankara dEshika mE sharaNam ॥ 3 ॥
bhava eva bhavaaniti me nitaraaM
samajaayata chEtasi kautukitaa ।
mama vaaraya mOha mahaajaladhiM
bhava shankara dEshika mE sharaNam ॥ 4 ॥
sukRRitE.adhikRRitE bahudhaa bhavatO
bhavitaa samadarshana laalasataa ।
ati deenamimaM paripaalaya maaM
bhava shankara dEshika mE sharaNam ॥ 5 ॥
jagateemavituM kalitaakRRitayO
vicharanti mahaamaaha sacChalataH ।
ahimaaMshurivaatra vibhaasi gurO
bhava shankara dEshika mE sharaNam ॥ 6 ॥
gurupungava pungavakEtana tE
samataamayataaM na hi kO.api sudheeH ।
sharaNaagata vatsala tattvanidhE
bhava shankara dEshika mE sharaNam ॥ 7 ॥
viditaa na mayaa vishadaika kalaa
na cha kinchana kaanchanamasti gurO ।
dRRitamEva vidhEhi kRRipaaM sahajaaM
bhava shankara dEshika mE sharaNam ॥ 8 ॥
Browse Related Categories:
