sauraashhTradEshE vishadE.atiramyE jyOtirmayaM chaMdrakalaavataMsam ।
bhaktipradaanaaya kRRipaavateerNaM taM sOmanaathaM sharaNaM prapadyE ॥ 1॥
shreeshailashaRRingE vibudhaatisangE tulaadritungE.api mudaa vasaMtam ।
tamarjunaM mallikapoorvamEkaM namaami saMsaarasamudrasEtum ॥ 2॥
avaMtikaayaaM vihitaavataaraM muktipradaanaaya cha sajjanaanaam ।
akaalamRRityOH parirakshhaNaarthaM vaMdE mahaakaalamahaasurEsham ॥ 3॥
kaavErikaanarmadayOH pavitrE samaagamE sajjanataaraNaaya ।
sadaivamaaMdhaatRRipurE vasaMtamOnkaarameeshaM shivamEkameeDE ॥ 4॥
poorvOttarE prajvalikaanidhaanE sadaa vasaMtaM girijaasamEtam ।
suraasuraaraadhitapaadapadmaM shreevaidyanaathaM tamahaM namaami ॥ 5॥
yaamyE sadangE nagarE.atiramyE vibhooshhitaangaM vividhaishcha bhOgaiH ।
sadbhaktimuktipradameeshamEkaM shreenaaganaathaM sharaNaM prapadyE ॥ 6॥
mahaadripaarshvE cha taTE ramaMtaM saMpoojyamaanaM satataM muneeMdraiH ।
suraasurairyakshha mahOragaaDhyaiH kEdaarameeshaM shivamEkameeDE ॥ 7॥
sahyaadrisheershhE vimalE vasaMtaM gOdaavariteerapavitradEshE ।
yaddharshanaatpaatakamaashu naashaM prayaati taM tryaMbakameeshameeDE ॥ 8॥
sutaamraparNeejalaraashiyOgE nibadhya sEtuM vishikhairasaMkhyaiH ।
shreeraamachaMdrENa samarpitaM taM raamEshvaraakhyaM niyataM namaami ॥ 9॥
yaM DaakinishaakinikaasamaajE nishhEvyamaaNaM pishitaashanaishcha ।
sadaiva bheemaadipadaprasiddaM taM shankaraM bhaktahitaM namaami ॥ 10॥
saanaMdamaanaMdavanE vasaMtamaanaMdakaMdaM hatapaapavRRiMdam ।
vaaraaNaseenaathamanaathanaathaM shreevishvanaathaM sharaNaM prapadyE ॥ 11॥
ilaapurE ramyavishaalakE.asmin samullasaMtaM cha jagadvarENyam ।
vaMdE mahOdaaratarasvabhaavaM ghRRishhNEshvaraakhyaM sharaNam prapadyE ॥ 12॥
jyOtirmayadvaadashalingakaanaaM shivaatmanaaM prOktamidaM kramENa ।
stOtraM paThitvaa manujO.atibhaktyaa phalaM tadaalOkya nijaM bhajEchcha ॥
॥ iti shreemadshankaraachaaryavirachitaM
dvaadashajyOtirlingastOtraM saMpoorNam ॥
Browse Related Categories:
