raNatkshhudraghaMTaaninaadaabhiraamaM
calattaaMDavOddaMDavatpadmataalam ।
lasattuMdilaaMgOparivyaalahaaraM
gaNaadheeshameeshaanasoonuM tameeDE ॥ 1 ॥
dhvanidhvaMsaveeNaalayOllaasivaktraM
sphuracChuMDadaMDOllasadbeejapooram ।
galaddarpasaugaMdhyalOlaalimaalaM
gaNaadheeshameeshaanasoonuM tameeDE ॥ 2 ॥
prakaashajjapaaraktaratnaprasoona-
pravaalaprabhaataaruNajyOtirEkam ।
pralaMbOdaraM vakratuMDaikadaMtaM
gaNaadheeshameeshaanasoonuM tameeDE ॥ 3 ॥
vicitrasphuradratnamaalaakireeTaM
kireeTOllasaccaMdrarEkhaavibhooshham ।
vibhooshhaikabhooshhaM bhavadhvaMsahEtuM
gaNaadheeshameeshaanasoonuM tameeDE ॥ 4 ॥
udaMcadbhujaavallareedRRishyamoolO-
ccaladbhroolataavibhramabhraajadakshham ।
marutsuMdareecaamaraiH sEvyamaanaM
gaNaadheeshameeshaanasoonuM tameeDE ॥ 5 ॥
sphurannishhThuraalOlapiMgaakshhitaaraM
kRRipaakOmalOdaaraleelaavataaram ।
kalaabiMdugaM geeyatE yOgivaryai-
rgaNaadheeshameeshaanasoonuM tameeDE ॥ 6 ॥
yamEkaakshharaM nirmalaM nirvikalpaM
guNaateetamaanaMdamaakaarashoonyam ।
paraM paaramOMkaaramaamnaayagarbhaM
vadaMti pragalbhaM puraaNaM tameeDE ॥ 7 ॥
cidaanaMdasaaMdraaya shaaMtaaya tubhyaM
namO vishvakartrE ca hartrE ca tubhyam ।
namO.anaMtaleelaaya kaivalyabhaasE
namO vishvabeeja praseedEshasoonO ॥ 8 ॥
imaM sustavaM praatarutthaaya bhaktyaa
paThEdyastu martyO labhEtsarvakaamaan ।
gaNEshaprasaadEna siddhyaMti vaacO
gaNEshE vibhau durlabhaM kiM prasannE ॥ 9 ॥
Browse Related Categories:
