kRRipaasaagaraayaashukaavyapradaaya
praNamraakhilaabheeshhTasandaayakaaya ।
yateendrairupaasyaanghripaathOruhaaya
prabOdhapradaatrE namaH shankaraaya ॥1॥
cidaanandaroopaaya cinmudrikOdya-
tkaraayEshaparyaayaroopaaya tubhyam ।
mudaa geeyamaanaaya vEdOttamaangaiH
shritaanandadaatrE namaH shankaraaya ॥2॥
jaTaajooTamadhyE puraa yaa suraaNaaM
dhunee saadya karmandiroopasya shambhOH
galE mallikaamaalikaavyaajatastE
vibhaateeti manyE gurO kiM tathaiva ॥3॥
nakhEnduprabhaadhootanamraalihaardaa-
ndhakaaravrajaayaabjamandasmitaaya ।
mahaamOhapaathOnidhErbaaDabaaya
prashaantaaya kurmO namaH shankaraaya ॥4॥
praNamraantarangaabjabOdhapradaatrE
divaaraatramavyaahatOsraaya kaamam ।
kshhapEshaaya citraaya lakshhma kshhayaabhyaaM
viheenaaya kurmO namaH shankaraaya ॥5॥
praNamraasyapaathOjamOdapradaatrE
sadaantastamastOmasaMhaarakartrE ।
rajanyaa mapeeddhaprakaashaaya kurmO
hyapoorvaaya pooshhNE namaH shankaraaya ॥6॥
nataanaaM hRRidabjaani phullaani sheeghraM
karOmyaashu yOgapradaanEna noonam ।
prabOdhaaya cEtthaM sarOjaani dhatsE
praphullaani kiM bhO gurO broohi mahyam ॥7॥
prabhaadhootacandraayutaayaakhilEshhTa-
pradaayaanataanaaM samoohaaya sheeghram।
prateepaaya namraughaduHkhaaghapanktE-
rmudaa sarvadaa syaannamaH shankaraaya ॥8॥
vinishhkaasitaaneesha tattvaavabOdhaa -
nnataanaaM manObhyO hyananyaashrayaaNi ।
rajaaMsi prapannaani paadaambujaataM
gurO raktavastraapadEshaadbibharshhi ॥9॥
matErvEdasheershhaadhvasampraapakaayaa-
nataanaaM janaanaaM kRRipaardraiH kaTaakshhaiH ।
tatEH paapabRRindasya sheeghraM nihantrE
smitaasyaaya kurmO namaH shankaraaya ॥10॥
suparvOktigandhEna heenaaya toorNaM
puraa tOTakaayaakhilajjhNaanadaatrE।
pravaaleeyagarvaapahaarasya kartrE
padaabjamradimnaa namaH shankaraaya ॥11॥
bhavaambhOdhimagnaanjanaanduHkhayuktaan
javaaduddidheershhurbhavaanityahO.aham ।
viditvaa hi tE keertimanyaadRRishaambhO
sukhaM nirvishankaH svapimyastayatnaH ॥12॥
॥iti shreeshankaraacaarya bhujangaprayaatastOtram॥
Browse Related Categories:
