𑌶𑍍𑌰𑍀 𑌹𑌰𑌿 𑌸𑍍𑌤𑍋𑌤𑍍𑌰𑌮𑍍 (𑌜𑌗𑌜𑍍𑌜𑌾𑌲𑌪𑌾𑌲𑌮𑍍)

Collection of Spiritual and Devotional Literature in Various Indian Languages

View this in:

𑌜𑌗𑌜𑍍𑌜𑌾𑌲𑌪𑌾𑌲𑌂 𑌕𑌨𑌤𑍍𑌕𑌂𑌠𑌮𑌾𑌲𑌂
𑌶𑌰𑌚𑍍𑌚𑌂𑌦𑍍𑌰𑌫𑌾𑌲𑌂 𑌮𑌹𑌾𑌦𑍈𑌤𑍍𑌯𑌕𑌾𑌲𑌮𑍍 ।
𑌨𑌭𑍋𑌨𑍀𑌲𑌕𑌾𑌯𑌂 𑌦𑍁𑌰𑌾𑌵𑌾𑌰𑌮𑌾𑌯𑌂
𑌸𑍁𑌪𑌦𑍍𑌮𑌾𑌸𑌹𑌾𑌯𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 1 ॥

𑌸𑌦𑌾𑌂𑌭𑍋𑌧𑌿𑌵𑌾𑌸𑌂 𑌗𑌲𑌤𑍍𑌪𑍁𑌷𑍍𑌪𑌹𑌾𑌸𑌂
𑌜𑌗𑌤𑍍𑌸𑌨𑍍𑌨𑌿𑌵𑌾𑌸𑌂 𑌶𑌤𑌾𑌦𑌿𑌤𑍍𑌯𑌭𑌾𑌸𑌮𑍍 ।
𑌗𑌦𑌾𑌚𑌕𑍍𑌰𑌶𑌸𑍍𑌤𑍍𑌰𑌂 𑌲𑌸𑌤𑍍𑌪𑍀𑌤𑌵𑌸𑍍𑌤𑍍𑌰𑌂
𑌹𑌸𑌚𑍍𑌚𑌾𑌰𑍁𑌵𑌕𑍍𑌤𑍍𑌰𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 2 ॥

𑌰𑌮𑌾𑌕𑌂𑌠𑌹𑌾𑌰𑌂 𑌶𑍍𑌰𑍁𑌤𑌿𑌵𑍍𑌰𑌾𑌤𑌸𑌾𑌰𑌂
𑌜𑌲𑌾𑌂𑌤𑌰𑍍𑌵𑌿𑌹𑌾𑌰𑌂 𑌧𑌰𑌾𑌭𑌾𑌰𑌹𑌾𑌰𑌮𑍍 ।
𑌚𑌿𑌦𑌾𑌨𑌂𑌦𑌰𑍂𑌪𑌂 𑌮𑌨𑍋𑌜𑍍𑌞𑌸𑍍𑌵𑌰𑍂𑌪𑌂
𑌧𑍃𑌤𑌾𑌨𑍇𑌕𑌰𑍂𑌪𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 3 ॥

𑌜𑌰𑌾𑌜𑌨𑍍𑌮𑌹𑍀𑌨𑌂 𑌪𑌰𑌾𑌨𑌂𑌦𑌪𑍀𑌨𑌂
𑌸𑌮𑌾𑌧𑌾𑌨𑌲𑍀𑌨𑌂 𑌸𑌦𑍈𑌵𑌾𑌨𑌵𑍀𑌨𑌮𑍍 ।
𑌜𑌗𑌜𑍍𑌜𑌨𑍍𑌮𑌹𑍇𑌤𑍁𑌂 𑌸𑍁𑌰𑌾𑌨𑍀𑌕𑌕𑍇𑌤𑍁𑌂
𑌤𑍍𑌰𑌿𑌲𑍋𑌕𑍈𑌕𑌸𑍇𑌤𑍁𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 4 ॥

𑌕𑍃𑌤𑌾𑌮𑍍𑌨𑌾𑌯𑌗𑌾𑌨𑌂 𑌖𑌗𑌾𑌧𑍀𑌶𑌯𑌾𑌨𑌂
𑌵𑌿𑌮𑍁𑌕𑍍𑌤𑍇𑌰𑍍𑌨𑌿𑌦𑌾𑌨𑌂 𑌹𑌰𑌾𑌰𑌾𑌤𑌿𑌮𑌾𑌨𑌮𑍍 ।
𑌸𑍍𑌵𑌭𑌕𑍍𑌤𑌾𑌨𑍁𑌕𑍂𑌲𑌂 𑌜𑌗𑌦𑍍𑌵𑍃𑌕𑍍𑌷𑌮𑍂𑌲𑌂
𑌨𑌿𑌰𑌸𑍍𑌤𑌾𑌰𑍍𑌤𑌶𑍂𑌲𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 5 ॥

𑌸𑌮𑌸𑍍𑌤𑌾𑌮𑌰𑍇𑌶𑌂 𑌦𑍍𑌵𑌿𑌰𑍇𑌫𑌾𑌭𑌕𑍇𑌶𑌂
𑌜𑌗𑌦𑍍𑌬𑌿𑌂𑌬𑌲𑍇𑌶𑌂 𑌹𑍃𑌦𑌾𑌕𑌾𑌶𑌵𑍇𑌶𑌮𑍍 ।
𑌸𑌦𑌾 𑌦𑌿𑌵𑍍𑌯𑌦𑍇𑌹𑌂 𑌵𑌿𑌮𑍁𑌕𑍍𑌤𑌾𑌖𑌿𑌲𑍇𑌹𑌂
𑌸𑍁𑌵𑍈𑌕𑍁𑌂𑌠𑌗𑍇𑌹𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 6 ॥

𑌸𑍁𑌰𑌾𑌲𑍀𑌬𑌲𑌿𑌷𑍍𑌠𑌂 𑌤𑍍𑌰𑌿𑌲𑍋𑌕𑍀𑌵𑌰𑌿𑌷𑍍𑌠𑌂
𑌗𑍁𑌰𑍂𑌣𑌾𑌂 𑌗𑌰𑌿𑌷𑍍𑌠𑌂 𑌸𑍍𑌵𑌰𑍂𑌪𑍈𑌕𑌨𑌿𑌷𑍍𑌠𑌮𑍍 ।
𑌸𑌦𑌾 𑌯𑍁𑌦𑍍𑌧𑌧𑍀𑌰𑌂 𑌮𑌹𑌾𑌵𑍀𑌰𑌵𑍀𑌰𑌂
𑌭𑌵𑌾𑌂𑌭𑍋𑌧𑌿𑌤𑍀𑌰𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 𑍭 ॥

𑌰𑌮𑌾𑌵𑌾𑌮𑌭𑌾𑌗𑌂 𑌤𑌲𑌾𑌲𑌗𑍍𑌨𑌨𑌾𑌗𑌂
𑌕𑍃𑌤𑌾𑌧𑍀𑌨𑌯𑌾𑌗𑌂 𑌗𑌤𑌾𑌰𑌾𑌗𑌰𑌾𑌗𑌮𑍍 ।
𑌮𑍁𑌨𑍀𑌂𑌦𑍍𑌰𑍈𑌸𑍍𑌸𑍁𑌗𑍀𑌤𑌂 𑌸𑍁𑌰𑍈𑌸𑍍𑌸𑌂𑌪𑌰𑍀𑌤𑌂
𑌗𑍁𑌣𑍌𑌘𑍈𑌰𑌤𑍀𑌤𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 𑍮 ॥

𑌫𑌲𑌶𑍍𑌰𑍁𑌤𑌿 ।
𑌇𑌦𑌂 𑌯𑌸𑍍𑌤𑍁 𑌨𑌿𑌤𑍍𑌯𑌂 𑌸𑌮𑌾𑌧𑌾𑌯 𑌚𑌿𑌤𑍍𑌤𑌂
𑌪𑌠𑍇𑌦𑌷𑍍𑌟𑌕𑌂 𑌕𑌂𑌠𑌹𑌾𑌰𑌂 𑌮𑍁𑌰𑌾𑌰𑍇𑌃 ।
𑌸 𑌵𑌿𑌷𑍍𑌣𑍋𑌰𑍍𑌵𑌿𑌶𑍋𑌕𑌂 𑌧𑍍𑌰𑍁𑌵𑌂 𑌯𑌾𑌤𑌿 𑌲𑍋𑌕𑌂
𑌜𑌰𑌾𑌜𑌨𑍍𑌮𑌶𑍋𑌕𑌂 𑌪𑍁𑌨𑌰𑍍𑌵𑌿𑌂𑌦𑌤𑍇 𑌨𑍋 ॥ 𑍯 ॥

𑌇𑌤𑌿 𑌶𑍍𑌰𑍀 𑌪𑌰𑌮𑌹𑌂𑌸𑌸𑍍𑌵𑌾𑌮𑌿 𑌬𑍍𑌰𑌹𑍍𑌮𑌾𑌨𑌂𑌦𑌵𑌿𑌰𑌚𑌿𑌤𑌂 𑌶𑍍𑌰𑍀𑌹𑌰𑌿𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: