කෘෂ්ණ යජුර්වේදීය තෛත්තිරීය ආරණ්යකේ පඤ්චමඃ ප්රපාඨකඃ - ප්රවර්ග්ය බ්රාහ්මණම්
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥
අනුවාකං 1
දේ॒වා වෛ ස॒ත්රමා॑සත । ඍද්ධි॑පරිමිත॒ම් ඁයශ॑ස්කාමාඃ । තේ᳚-ऽබ්රුවන්න් । යන්නඃ॑ ප්රථ॒මං-යඁශ॑ ඍ॒ච්ඡාත් । සර්වේ॑ෂා-න්න॒ස්ත-ථ්ස॒හාස॒දිති॑ ।
තේෂා᳚-ඞ්කුරුක්ෂේ॒ත්රං-වේඁදි॑රාසීත් । තස්යෛ॑ ඛාණ්ඩ॒වෝ ද॑ක්ෂිණා॒ර්ධ ආ॑සීත් । තූර්ඝ්න॑මුත්තරා॒ර්ධඃ । ප॒රී॒ණජ්ජ॑ඝනා॒ර්ධඃ । ම॒රව॑ උත්ක॒රඃ ॥ 1 ॥
තේෂා᳚-ම්ම॒ඛං-වෛඁ᳚ෂ්ණ॒වං-යඁශ॑ ආර්ච්ඡත් । තන්න්ය॑කාමයත । තේනාපා᳚ක්රාමත් । ත-න්දේ॒වා අන්වා॑යන්න් । යශෝ॑-ऽව॒රුරු॑ථ්සමානාඃ । තස්යා॒න්වාග॑තස්ය ।
ස॒ව්යාද්ධනු॒රජා॑යත । දක්ෂි॑ණා॒දිෂ॑වඃ । තස්මා॑දිෂුධ॒න්ව-ම්පුණ්ය॑ජන්ම ।
ය॒ජ්ඤජ॑න්මා॒ හි ॥ 2 ॥
තමේක॒ග්ම්॒ සන්ත᳚ම් । බ॒හවෝ॒ නාභ්ය॑ධෘෂ්ණුවන්න් । තස්මා॒දේක॑මිෂුධ॒න්වින᳚ම් । බ॒හවෝ॑-ऽනිෂුධ॒න්වා නාභිධෘ॑ෂ්ණුවන්ති । සෝ᳚-ऽස්මයත । ඒක॑-ම්මා॒ සන්ත॑-ම්බ॒හවෝ॒ නාභ්ය॑ධර්ෂිෂු॒රිති॑ ।
තස්ය॑ සිෂ්මියා॒ණස්ය॒ තේජෝ-ऽපා᳚ක්රාමත් । ත-ද්දේ॒වා ඕෂ॑ධීෂු॒ න්ය॑මෘජුඃ । තේ ශ්යා॒මාකා॑ අභවන්න් । ස්ම॒යාකා॒ වෛ නාමෛ॒තේ ॥ 3 ॥
ත-ථ්ස්ම॒යාකා॑නාග් ස්මයාක॒ත්වම් । තස්මා᳚-ද්දීක්ෂි॒තේනා॑පි॒ගෘහ්ය॑ ස්මේත॒ව්ය᳚ම් । තේජ॑සෝ॒ ධෘත්යෛ᳚ । ස ධනුඃ॑ ප්රති॒ෂ්කභ්යා॑තිෂ්ඨත් । තා උ॑ප॒දීකා॑ අබ්රුව॒න්-වර॑ම් ඁවෘණාමහෛ । අථ॑ ව ඉ॒මග්ම් ර॑න්ධයාම ।
යත්ර॒ ක්ව॑ ච॒ ඛනා॑ම । තද॒පෝ॑-ऽභිතෘ॑ණදා॒මේති॑ ।
තස්මා॑දුප॒දීකා॒ යත්ර॒ ක්ව॑ ච॒ ඛන॑න්ති । තද॒පෝ॑-ऽභිතෘ॑න්දන්ති ॥ 4 ॥
වාරේ॑වෘත॒ග්ග්॒ හ්යා॑සාම් । තස්ය॒ ජ්යාමප්යා॑දන්න් ।
තස්ය॒ ධනු॑ර්වි॒ප්රව॑මාණ॒ග්ම්॒ ශිර॒ උද॑වර්තයත් ।
ත-ද්ද්යාවා॑පෘථි॒වී අනු॒ප්රාව॑ර්තත । ය-ත්ප්රාව॑ර්තත ।
ත-ත්ප්ර॑ව॒ර්ග්ය॑ස්ය ප්රවර්ග්ය॒ත්වම් । යද්ඝ්රාඁ(4) ඉත්යප॑තත් ।
තද්ධ॒ර්මස්ය॑ ඝර්ම॒ත්වම් ।
ම॒හ॒තෝ වී॒ර්ය॑මපප්ත॒දිති॑ । ත-න්ම॑හාවී॒රස්ය॑ මහාවීර॒ත්වම් ॥ 5 ॥
යද॒ස්යා-ස්ස॒මභ॑රන්න් । ත-ථ්ස॒ම්රාජ්ඤ॑-ස්සම්රා॒ට්ත්වම් ।
තග්ග් ස්තෘ॒ත-න්දේ॒වතා᳚ස්ත්රේ॒ධා ව්ය॑ගෘහ්ණත । අ॒ග්නිඃ ප්රා॑තස්සව॒නම් । ඉන්ද්රෝ॒ මාද්ධ්ය॑න්දින॒ග්ම්॒ සව॑නම් । විශ්වේ॑ දේ॒වාස්තෘ॑තීයසව॒නම් । තේනාප॑ශීර්ෂ්ණා ය॒ජ්ඤේන॒ යජ॑මානාඃ । නාශිෂෝ॒-ऽවාරු॑න්ධත ।
න සු॑ව॒ර්ගං-ලෝඁ॒කම॒භ්ය॑ජයන්න් ।
තේ දේ॒වා අ॒ශ්විනා॑වබ්රුවන්න් ॥ 6 ॥
භි॒ෂජෞ॒ වෛ ස්ථඃ॑ । ඉ॒දං-යඁ॒ජ්ඤස්ය॒ ශිරඃ॒ ප්රති॑ධත්ත॒මිති॑ । තාව॑බ්රූතාං॒-වඁර॑ම් ඁවෘණාවහෛ । ග්රහ॑ ඒ॒ව නා॒වත්රාපි॑ ගෘහ්යතා॒මිති॑ ।
තාභ්යා॑-මේ॒තමා᳚ශ්වි॒න-ම॑ගෘහ්ණන්න් ।
තාවේ॒ත-ද්ය॒ජ්ඤස්ය॒ ශිරඃ॒ ප්රත්ය॑ධත්තාම් ।
ය-ත්ප්ර॑ව॒ර්ග්යඃ॑ । තේන॒ සශී᳚ර්ෂ්ණා ය॒ජ්ඤේන॒ යජ॑මානාඃ । අවා॒ශිෂෝ-ऽරු॑න්ධත ।
අ॒භි සු॑ව॒ර්ගං-ලෝඁ॒කම॑ජයන්න් । ය-ත්ප්ර॑ව॒ර්ග්ය॑-ම්ප්රවෘ॒ණක්ති॑ । ය॒ජ්ඤස්යෛ॒ව තච්ඡිරඃ॒ ප්රති॑දධාති ।
තේන॒ සශී᳚ර්ෂ්ණා ය॒ජ්ඤේන॒ යජ॑මානඃ ।
අවා॒ශිෂෝ॑ රු॒න්ධේ । අ॒භි සු॑ව॒ර්ගං-ලෝඁ॒ක-ඤ්ජ॑යති ।
තස්මා॑දේ॒ෂ ආ᳚ශ්වි॒නප්ර॑වයා ඉව । ය-ත්ප්ර॑ව॒ර්ග්යඃ॑ ॥ 7 ॥
(උ॒ත්ක॒රෝ - හ්යේ॑ - තේ - තෘ॑න්දන්ති - මහාවීර॒ත්ව - ම॑බ්රුවන් - නජයන්-ථ්ස॒ප්ත ච॑) (අ. 1)
අනුවාකං 2
සා॒වි॒ත්ර-ඤ්ජු॑හෝති॒ ප්රසූ᳚ත්යෛ । ච॒තු॒ර්ගෘ॒හී॒තේන॑ ජුහෝති ।
චතු॑ෂ්පාදඃ ප॒ශවඃ॑ । ප॒ශූනේ॒වාව॑රුන්ධේ । චත॑ස්රෝ॒ දිශඃ॑ । දි॒ක්ෂ්වේ॑ව ප්රති॑තිෂ්ඨති ।
ඡන්දාග්ම්॑සි දේ॒වේභ්යෝ-ऽපා᳚ක්රාමන්න් ।
න වෝ॑-ऽභා॒ගානි॑ හ॒ව්යං-වඁ ॑ක්ෂ්යාම॒ ඉති॑ ।
තේභ්ය॑ ඒ॒ත-ච්ච॑තුර්ගෘහී॒ත-ම॑ධාරයන්න් । පු॒රෝ॒නු॒වා॒ක්යා॑යෛ යා॒ජ්යා॑යෛ ॥ 8 ॥
දේ॒වතා॑යෛ වෂට්කා॒රාය॑ । යච්ච॑තුර්ගෘහී॒ත-ඤ්ජු॒හෝති॑ ।
ඡන්දාග්॑ස්යේ॒ව ත-ත්ප්රී॑ණාති । තාන්ය॑ස්ය ප්රී॒තානි॑ දේ॒වේභ්යෝ॑ හ॒ව්යං-වඁ ॑හන්ති । බ්ර॒හ්ම॒වා॒දිනෝ॑ වදන්ති । හෝ॒ත॒ව්ය॑-න්දීක්ෂි॒තස්ය॑ ගෘ॒හා(3) ඉ න හෝ॑ත॒ව්යා(3) මිති॑ । හ॒විර්වෛ දී᳚ක්ෂි॒තඃ । යජ්ජු॑හු॒යාත් । හ॒විෂ්කෘ॑තං॒-යඁජ॑මානම॒ග්නෞ ප්රද॑ද්ධ්යාත් ।
යන්න ජු॑හු॒යාත් ॥ 9 ॥
ය॒ජ්ඤ॒ප॒රුර॒න්තරි॑යාත් । යජු॑රේ॒ව ව॑දේත් ।
න හ॒විෂ්කෘ॑තං॒-යඁජ॑මානම॒ග්නෞ ප්ර॒දධා॑ති । න ය॑ජ්ඤප॒රුර॒න්තරේ॑ති । ගා॒ය॒ත්රී ඡන්දා॒ග්॒ස්යත්ය॑මන්යත ।
තස්යෛ॑ වෂට්කා॒රෝ᳚-ऽභ්යය්ය॒ ශිරෝ᳚-ऽච්ඡිනත් ।
තස්යෛ᳚ ද්වේ॒ධා රසඃ॒ පරා॑-ऽපතත් । පෘ॒ථි॒වීම॒ර්ධඃ ප්රාවි॑ශත් । ප॒ශූන॒ර්ධඃ । යඃ පෘ॑ථි॒වී-ම්ප්රාවි॑ශත් ॥ 10 ॥
ස ඛ॑දි॒රෝ॑-ऽභවත් । යඃ ප॒ශූන් । සෝ॑-ऽජාම් । යත්ඛා॑දි॒ර්යභ්රි॒-ර්භව॑ති । ඡන්ද॑සාමේ॒ව රසේ॑න ය॒ජ්ඤස්ය॒ ශිර॒-ස්සම්භ॑රති । යදෞදු॑ම්බරී ।
ඌර්ග්වා උ॑දු॒ම්බරඃ॑ । ඌ॒ර්ජෛව ය॒ජ්ඤස්ය॒ ශිර॒-ස්සම්භ॑රති । ය-ද්වෛ॑ණ॒වී । තේජෝ॒ වෛ වේණුඃ॑ ॥ 11 ॥
තේජ॑සෛ॒ව ය॒ජ්ඤස්ය॒ ශිර॒-ස්සම්භ॑රති । ය-ද්වෛක॑ඞ්කතී ।
භා ඒ॒වාව॑රුන්ධේ । දේ॒වස්ය॑ ත්වා සවි॒තුඃ ප්ර॑ස॒ව ඉත්යභ්රි॒මාද॑ත්තේ॒ ප්රසූ᳚ත්යෛ । අ॒ශ්විනෝ᳚-ර්බා॒හුභ්යා॒මිත්යා॑හ । අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් ।
පූ॒ෂ්ණෝ හස්තා᳚භ්යා॒මිත්යාහ॒ යත්යෛ᳚ । වජ්ර॑ ඉව॒ වා ඒ॒ෂා । යදභ්රිඃ॑ । අභ්රි॑රසි॒ නාරි॑ර॒සීත්යා॑හ॒ ශාන්ත්යෛ᳚ ॥ 12 ॥
අ॒ද්ධ්ව॒ර॒කෘ-ද්දේ॒වේභ්ය॒ ඉත්යා॑හ । ය॒ජ්ඤෝ වා අ॑ද්ධ්ව॒රඃ । ය॒ජ්ඤ॒කෘ-ද්දේ॒වේභ්ය॒ ඉති॒ වාවෛතදා॑හ । උත්ති॑ෂ්ඨ බ්රහ්මණස්පත॒ ඉත්යා॑හ ।
බ්රහ්ම॑ණෛ॒ව ය॒ජ්ඤස්ය॒ ශිරෝ-ऽච්ඡෛ॑ති ।
ප්රෛතු॒ බ්රහ්ම॑ණ॒ස්පති॒රිත්යා॑හ । ප්රේත්යෛ॒ව ය॒ජ්ඤස්ය॒ ශිරෝ-ऽච්ඡෛ॑ති । ප්ර දේ॒ව්යේ॑තු සූ॒නෘතේත්යා॑හ ।
ය॒ජ්ඤෝ වෛ සූ॒නෘතා᳚ । අච්ඡා॑ වී॒රන්නර්ය॑-ම්ප॒ඞ්ක්තිරා॑ධස॒මිත්යා॑හ ॥ 13 ॥
පාඞ්ක්තෝ॒ හි ය॒ජ්ඤඃ । දේ॒වා ය॒ජ්ඤන්න॑යන්තු න॒ ඉත්යා॑හ ।
දේ॒වානේ॒ව ය॑ජ්ඤ॒නියඃ॑ කුරුතේ । දේවී᳚ ද්යාවාපෘථිවී॒ අනු॑ මේ මග්ම්සාථා॒මිත්යා॑හ । ආ॒භ්යාමේ॒වානු॑මතෝ ය॒ජ්ඤස්ය॒ ශිර॒-ස්සම්භ॑රති । ඍ॒ද්ධ්යාස॑ම॒ද්ය ම॒ඛස්ය॒ ශිර॒ ඉත්යා॑හ । ය॒ජ්ඤෝ වෛ ම॒ඛඃ ।
ඍ॒ද්ධ්යාස॑ම॒ද්ය ය॒ජ්ඤස්ය॒ ශිර॒ ඉති॒ වාවෛතදා॑හ ।
ම॒ඛාය॑ ත්වා ම॒ඛස්ය॑ ත්වා ශී॒ර්ෂ්ණ ඉත්යා॑හ ।
නි॒ර්දිශ්යෛ॒වෛන॑ද්ධරති ॥ 14 ॥
ත්රිර්හ॑රති । ත්රය॑ ඉ॒මේ ලෝ॒කාඃ । ඒ॒භ්ය ඒ॒ව ලෝ॒කේභ්යෝ॑ ය॒ජ්ඤස්ය॒ ශිර॒-ස්සම්භ॑රති । තූ॒ෂ්ණී-ඤ්ච॑තු॒ර්ථග්ම් හ॑රති । අප॑රිමිතාදේ॒ව ය॒ජ්ඤස්ය॒ ශිර॒-ස්සම්භ॑රති ।
මෘ॒ත්ඛ॒නාදග්රේ॑ හරති । තස්මා᳚-න්මෘත්ඛ॒නඃ ක॑රු॒ණ්ය॑තමඃ । ඉය॒ත්යග්ර॑ ආසී॒රිත්යා॑හ । අ॒ස්යාමේ॒වාඡ॑ම්බට්කාරං-යඁ॒ජ්ඤස්ය॒ ශිර॒-ස්සම්භ॑රති । ඌර්ජ॒ම් ඁවා ඒ॒තග්ම් රස॑-ම්පෘථි॒ව්යා උ॑ප॒දීකා॒ උද්දි॑හන්ති ॥ 15 ॥
ය-ද්ව॒ල්මීක᳚ම් । ය-ද්ව॑ල්මීකව॒පා ස॑ම්භා॒රෝ භව॑ති ।
ඌර්ජ॑මේ॒ව රස॑-ම්පෘථි॒ව්යා අව॑රුන්ධේ । අථෝ॒ ශ්රෝත්ර॑මේ॒ව । ශ්රෝත්ර॒ග්ග්॒ හ්යේ॑ත-ත්පෘ॑ථි॒ව්යාඃ । ය-ද්ව॒ල්මීකඃ॑ । අබ॑ධිරෝ භවති । ය ඒ॒වං-වේඁද॑ । ඉන්ද්රෝ॑ වෘ॒ත්රාය॒ වජ්ර॒මුද॑යච්ඡත් ।
ස යත්ර॑යත්ර ප॒රාක්ර॑මත ॥ 16 ॥
තන්නාද්ධ්රි॑යත । ස පූ॑තීකස්ත॒ම්බේ පරා᳚ක්රමත । සෝ᳚-ऽද්ධ්රියත । සෝ᳚-ऽබ්රවීත් । ඌ॒තිං-වෛඁ මේ॑ ධා॒ ඉති॑ । තදූ॒තීකා॑නා-මූතීක॒ත්වම් । යදූ॒තීකා॒ භව॑න්ති ।
ය॒ජ්ඤායෛ॒වෝති-න්ද॑ධති । අ॒ග්නි॒ජා අ॑සි ප්ර॒ජාප॑තේ॒ රේත॒ ඉත්යා॑හ । ය ඒ॒ව රසඃ॑ ප॒ශූ-න්ප්රාවි॑ශත් ॥ 17 ॥
තමේ॒වාව॑රුන්ධේ । පඤ්චෛ॒තේ ස॑ම්භා॒රා භ॑වන්ති । පාඞ්ක්තෝ॑ ය॒ජ්ඤඃ । යාවා॑නේ॒ව ය॒ජ්ඤඃ । තස්ය॒ ශිර॒-ස්සම්භ॑රති । යද්ග්රා॒ම්යාණා᳚-ම්පශූ॒නාඤ්චර්ම॑ණා ස॒ම්භරේ᳚ත් । ග්රා॒ම්යා-න්ප॒ශූඤ්ඡු॒චා-ऽර්ප॑යේත් । කෘ॒ෂ්ණා॒ජි॒නේන॒ සම්භ॑රති । ආ॒ර॒ණ්යානේ॒ව ප॒ශූඤ්ඡු॒චා-ऽර්ප॑යති । තස්මා᳚-ථ්ස॒මාව॑ත්-පශූ॒නා-ම්ප්ර॒ජාය॑මානානාම් ॥ 18 ॥
ආ॒ර॒ණ්යාඃ ප॒ශවඃ॒ කනී॑යාග්ම්සඃ । ශු॒චා හ්යෘ॑තාඃ ।
ලෝ॒ම॒ත-ස්සම්භ॑රති । අතෝ॒ හ්ය॑ස්ය॒ මේද්ධ්ය᳚ම් । ප॒රි॒ගෘහ්යා ය॑න්ති । රක්ෂ॑සා॒මප॑හත්යෛ ।
බ॒හවෝ॑ හරන්ති । අප॑චිතිමේ॒වාස්මි॑-න්දධති ।
උද්ධ॑තේ॒ සික॑තෝපෝප්තේ॒ පරි॑ශ්රිතේ॒ නිද॑ධති॒ ශාන්ත්යෛ᳚ ।
මද॑න්තීභි॒රුප॑ සෘජති ॥ 19 ॥
තේජ॑ ඒ॒වාස්මි॑-න්දධාති । මධු॑ ත්වා මධු॒ලා ක॑රෝ॒ත්විත්යා॑හ । බ්රහ්ම॑ණෛ॒වාස්මි॒න් -තේජෝ॑ දධාති ।
යද්ග්රා॒ම්යාණා॒-ම්පාත්රා॑ණා-ඞ්ක॒පාලෛ᳚-ස්සග්ම්සෘ॒ජේත් ।
ග්රා॒ම්යාණි॒ පාත්රා॑ණි ශු॒චා-ऽර්ප॑යේත් । අ॒ර්ම॒ක॒පා॒ලෛ-ස්සග්ම්සෘ॑ජති । ඒ॒තානි॒ වා අ॑නුපජීවනී॒යානි॑ । තාන්යේ॒ව ශු॒චා-ऽර්ප॑යති ।
ශර්ක॑රාභි॒-ස්සග්ම්සෘ॑ජති॒ ධෘත්යෛ᳚ । අථෝ॑ ශ॒න්ත්වාය॑ । අ॒ජ॒ලෝ॒මෛ-ස්සග්ම්සෘ॑ජති । ඒ॒ෂා වා අ॒ග්නේඃ ප්රි॒යා ත॒නූඃ । යද॒ජා । ප්රි॒යයෛ॒වෛන॑-න්ත॒නුවා॒ සග්ම්සෘ॑ජති । අථෝ॒ තේජ॑සා । කෘ॒ෂ්ණා॒ජි॒නස්ය॒ ලෝම॑භි॒-ස්සග්ම්සෘ॑ජති । ය॒ජ්ඤෝ වෛ කෘ॑ෂ්ණාජි॒නම් ।
ය॒ජ්ඤේනෛ॒ව ය॒ජ්ඤග්ම් සග්ම්සෘ॑ජති ॥ 20 ॥
(යා॒ජා॑යෛ॒ - න ජු॑හු॒යා - දවි॑ශ॒-ද්- වේණඃ॒ - ශාන්ත්යෛ॑ - ප॒ඞ්ක්තිරා॑ධස॒මිත්යා॑හ - හරති - දිහන්ති - ප॒රාක්ර॑ම॒ - තාවි॑ශත් - ප්ර॒ජාය॑මානානාග්ම් - සෘජති - ශ॒න්ත්වායා॒ ෂ්ටෞ ච॑) (අ. 2)
අනුවාකං 3
පරි॑ශ්රිතේ කරෝති । බ්ර॒හ්ම॒ව॒ර්ච॒සස්ය॒ පරි॑ගෘහීත්යෛ । න කු॒ර්වන්න॒භි ප්රා᳚ණ්යාත් । ය-ත්කු॒ර්වන්න॑භි ප්රා॒ණ්යාත් । ප්රා॒ණාඤ්ඡු॒චා-ऽර්ප॑යේත් । අ॒ප॒හාය॒ ප්රාණි॑ති ।
ප්රා॒ණානා᳚-ඞ්ගෝපී॒ථාය॑ । න ප්ර॑ව॒ර්ග්ය॑ම්-චාදි॒ත්යම්-චා॒න්තරේ॑යාත් । යද॑න්තරේ॒යාත් । දු॒ශ්චර්මා᳚ ස්යාත් ॥ 21 ॥
තස්මා॒න්නාන්ත॒රාය්ය᳚ම් । ආ॒ත්මනෝ॑ ගෝපී॒ථාය॑ । වේණු॑නා කරෝති । තේජෝ॒ වෛ වේණුඃ॑ । තේජඃ॑ ප්රව॒ර්ග්යඃ॑ । තේජ॑සෛ॒ව තේජ॒-ස්සම॑ර්ධයති । ම॒ඛස්ය॒ ශිරෝ॒-ऽසීත්යා॑හ । ය॒ජ්ඤෝ වෛ ම॒ඛඃ । තස්යෛ॒තච්ඡිරඃ॑ । ය-ත්ප්ර॑ව॒ර්ග්යඃ॑ ॥ 22 ॥
තස්මා॑දේ॒වමා॑හ । ය॒ජ්ඤස්ය॑ ප॒දේ ස්ථ॒ ඉත්යා॑හ । ය॒ජ්ඤස්ය॒ හ්යේ॑තේ ප॒දේ । අථෝ॒ ප්රති॑ෂ්ඨිත්යෛ । ගා॒ය॒ත්රේණ॑ ත්වා॒ ඡන්ද॑සා කරෝ॒මීත්යා॑හ ।
ඡන්දෝ॑භිරේ॒වෛන॑-ඞ්කරෝති । ත්ර්යු॑ද්ධි-ඞ්කරෝති । ත්රය॑ ඉ॒මේ ලෝ॒කාඃ । ඒ॒ෂාම් ඁලෝ॒කානා॒මාප්ත්යෛ᳚ । ඡන්දෝ॑භිඃ කරෝති ॥ 23 ॥
වී॒ර්ය॑ම් ඁවෛ ඡන්දාග්ම්॑සි । වී॒ර්යේ॑ණෛ॒වෛන॑-ඞ්කරෝති ।
යජු॑ෂා॒ බිල॑-ඞ්කරෝති॒ ව්යාවෘ॑යෛ । ඉය॑න්ත-ඞ්කරෝති ।
ප්ර॒ජාප॑තිනා යජ්ඤමු॒ඛේන॒ සම්මි॑තම් । ඉය॑න්ත-ඞ්කරෝති ।
ය॒ජ්ඤ॒ප॒රුෂා॒ සම්මි॑තම් । ඉය॑න්ත-ඞ්කරෝති ।
ඒ॒තාව॒ද්වෛ පුරු॑ෂේ වී॒ර්ය᳚ම් । වී॒ර්ය॑සම්මිතම් ॥ 24 ॥
අප॑රිමිත-ඞ්කරෝති । අප॑රිමිත॒ස්යාව॑රුද්ධ්යෛ । ප॒රි॒ග්රී॒ව-ඞ්ක॑රෝති॒ ධෘත්යෛ᳚ । සූර්ය॑ස්ය॒ හර॑සා ශ්රා॒යේත්යා॑හ । ය॒ථා॒ය॒ජුරේ॒වෛතත් । අ॒ශ්ව॒ශ॒කේන॑ ධූපයති । ප්රා॒ජා॒ප॒ත්යෝ වා අශ්ව॑-ස්සයෝනි॒ත්වාය॑ । වෘෂ්ණෝ॒ අශ්ව॑ස්ය නි॒ෂ්පද॒සීත්යා॑හ ।
අ॒සෞ වා ආ॑දි॒ත්යෝ වෘෂා-ऽශ්වඃ॑ । තස්ය॒ ඡන්දාග්ම්॑සි නි॒ෂ්පත් ॥ 25 ॥
ඡන්දෝ॑භිරේ॒වෛන॑-න්ධූපයති । අ॒ර්චිෂේ᳚ ත්වා ශෝ॒චිෂේ॒ ත්වේත්යා॑හ । තේජ॑ ඒ॒වාස්මි॑-න්දධාති । වා॒රු॒ණෝ॑-ऽභීද්ධඃ॑ । මෛ॒ත්රියෝපෛ॑ති॒ ශාන්ත්යෛ᳚ । සිද්ධ්යෛ॒ ත්වේත්යා॑හ । ය॒ථා॒ය॒ජුරේ॒වෛතත් । දේ॒වස්ත්වා॑ සවි॒තෝද්ව॑ප॒ත්විත්යා॑හ ।
ස॒වි॒තෘප්ර॑සූත ඒ॒වෛන॒-ම්බ්රහ්ම॑ණා දේ॒වතා॑භි॒රුද්ව॑පති । අප॑ද්යමානඃ පෘථි॒ව්යාමාශා॒ දිශ॒ ආපෘ॒ණේත්යා॑හ ॥ 26 ॥
තස්මා॑ද॒ග්නි-ස්සර්වා॒ දිශෝ-ऽනු॒ විභා॑ති ।
උත්ති॑ෂ්ඨ බෘ॒හන්-භ॑වෝ॒ර්ධ්වස්ති॑ෂ්ඨ ධ්රු॒වස්ත්වමිත්යා॑හ॒ ප්රති॑ෂ්ඨිත්යෛ ।
ඊ॒ශ්ව॒රෝ වා ඒ॒ෂෝ᳚-ऽන්ධෝ භවි॑තෝඃ ।
යඃ ප්ර॑ව॒ර්ග්ය॑ම॒න්වීක්ෂ॑තේ । සූර්ය॑ස්ය ත්වා॒ චක්ෂු॒ෂා-ऽන්වී᳚ක්ෂ॒ ඉත්යා॑හ ।
චක්ෂු॑ෂෝ ගෝපී॒ථාය॑ । ඍ॒ජවේ᳚ ත්වා සා॒ධවේ᳚ ත්වා සුක්ෂි॒ත්යෛ ත්වා॒ භූත්යෛ॒ ත්වේත්යා॑හ । ඉ॒යං-වාඁ ඍ॒ජුඃ । අ॒න්තරි॑ක්ෂග්ම් සා॒ධු । අ॒සෞ සු॑ක්ෂි॒තිඃ ॥ 27 ॥
දිශෝ॒ භූතිඃ॑ । ඉ॒මානේ॒වාස්මෛ॑ ලෝ॒කාන් ක॑ල්පයති । අථෝ॒ ප්රති॑ෂ්ඨිත්යෛ । ඉ॒ද-ම॒හ-ම॒මුමා॑මුෂ්යාය॒ණම් ඁවි॒ශා ප॒ශුභි॑-ර්බ්රහ්මවර්ච॒සේන॒ පර්යූ॑හා॒මීත්යා॑හ ।
වි॒ශෛවෛන॑-ම්ප॒ශුභි॑-ර්බ්රහ්මවර්ච॒සේන॒ පර්යූ॑හති ।
වි॒ශේති॑ රාජ॒න්ය॑ස්ය බ්රූයාත් । වි॒ශෛවෛන॒-ම්පර්යූ॑හති । ප॒ශුභි॒රිති॒ වෛශ්ය॑ස්ය । ප॒ශුභි॑රේ॒වෛන॒-ම්පර්යූ॑හති । අ॒සු॒ර්ය॑-ම්පාත්ර॒මනා᳚ච්ඡෘණ්ණම් ॥ 28 ॥
ආච්ඡෘ॑ණත්ති । දේ॒ව॒ත්රා-ऽකඃ॑ । අ॒ජ॒ක්ෂී॒රේණාච්ඡෘ॑ණත්ති ।
ප॒ර॒මං-වාඁ ඒ॒ත-ත්පයඃ॑ । යද॑ජක්ෂී॒රම් । ප॒ර॒මේණෛ॒වෛන॒-ම්පය॒සා-ऽऽච්ඡෘ॑ණත්ති ।
යජු॑ෂා॒ ව්යාවෘ॑ත්ත්යෛ । ඡන්දෝ॑භි॒රාච්ඡෘ॑ණත්ති । ඡන්දෝ॑භි॒ර්වා ඒ॒ෂ ක්රි॑යතේ । ඡන්දෝ॑භිරේ॒ව ඡන්දා॒ග්॒ස්යාච්ඡෘ॑ණත්ති । ඡෘ॒න්ධි වාච॒මිත්යා॑හ ।
වාච॑මේ॒වාව॑රුන්ධේ । ඡෘ॒න්ධ්යූර්ජ॒මිත්යා॑හ । ඌර්ජ॑මේ॒වාව॑රුන්ධේ । ඡෘ॒න්ධි හ॒විරිත්යා॑හ । හ॒විරේ॒වාකඃ॑ । දේව॑ පුරශ්චර ස॒ඝ්යාස॒න්ත්වේත්යා॑හ ।
ය॒ථා॒ය॒ජුරේ॒වෛතත් ॥ 29 ॥
(ස්යා॒-ද්ය-ත්ප්ර॑ව॒ර්ග්යඃ॑ - ඡන්දෝ॑භිඃ කරෝති - වී॒ර්ය॑ සම්මිත॒ම් - ඡන්දාග්ම්॑සි නි॒ෂ්පත් - පෘ॒ණේත්යා॑හ - සුක්ෂි॒ති - රනා᳚ච්ඡෘණ්ණ॒ම් - ඡන්දා॒ග්॒ස්යාච්ඡෘ॑ණ ත්ත්ය॒ෂ්ටෞ ච॑) (අ. 3)
අනුවාකං 4
බ්රහ්ම॒-න්ප්රච॑රිෂ්යාමෝ॒ හෝත॑-ර්ඝ॒ර්මම॒භිෂ්ටු॒හීත්යා॑හ ।
ඒ॒ෂ වා ඒ॒තර්හි॒ බෘහ॒ස්පතිඃ॑ । යද්බ්ර॒හ්මා ।
තස්මා॑ ඒ॒ව ප්ර॑ති॒ප්රෝච්ය॒ ප්රච॑රති ।
ආ॒ත්මනෝ-ऽනා᳚ර්ත්යෛ । ය॒මාය॑ ත්වා ම॒ඛාය॒ ත්වේත්යා॑හ ।
ඒ॒තා වා ඒ॒තස්ය॑ දේ॒වතාඃ᳚ । තාභි॑රේ॒වෛන॒ග්ම්॒ සම॑ර්ධයති । මද॑න්තීභිඃ॒ ප්රෝක්ෂ॑ති । තේජ॑ ඒ॒වාස්මි॑-න්දධාති ॥ 30 ॥
අ॒භි॒පූ॒ර්ව-ම්ප්රෝක්ෂ॑ති । අ॒භි॒පූ॒ර්ව-මේ॒වාස්මි॒න්-තේජෝ॑ දධාති । ත්රිඃ ප්රෝක්ෂ॑ති । ත්ර්යා॑වෘ॒ද්ධි ය॒ජ්ඤඃ । අථෝ॑ මේද්ධ්ය॒ත්වාය॑ । හෝතා-ऽන්වා॑හ । රක්ෂ॑සා॒මප॑හත්යෛ । අන॑වානම් । ප්රා॒ණානා॒ග්ම්॒ සන්ත॑ත්යෛ ।
ත්රි॒ෂ්ටුභ॑-ස්ස॒තී-ර්ගා॑ය॒ත්රීරි॒වාන්වා॑හ ॥ 31 ॥
ගා॒ය॒ත්රෝ හි ප්රා॒ණඃ । ප්රා॒ණමේ॒ව යජ॑මානේ දධාති । සන්ත॑ත॒මන්වා॑හ । ප්රා॒ණානා॑ම॒න්නාද්ය॑ස්ය॒ සන්ත॑ත්යෛ । අථෝ॒ රක්ෂ॑සා॒මප॑හත්යෛ । ය-ත්පරි॑මිතා අනුබ්රූ॒යාත් । පරි॑මිත॒මව॑රුන්ධීත । අප॑රිමිතා॒ අන්වා॑හ ।
අප॑රිමිත॒ස්යාව॑රුද්ධ්යෛ । ශිරෝ॒ වා ඒ॒ත-ද්ය॒ජ්ඤස්ය॑ ॥ 32 ॥
ය-ත්ප්ර॑ව॒ර්ග්යඃ॑ । ඌංර්මුඤ්ජාඃ᳚ । ය-න්මෞ॒ඤ්ජෝ වේ॒දෝ භව॑ති । ඌ॒ර්ජෛව ය॒ජ්ඤස්ය॒ ශිර॒-ස්සම॑ර්ධයති । ප්රා॒ණා॒හු॒තී-ර්ජු॑හෝති । ප්රා॒ණානේ॒ව යජ॑මානේ දධාති । ස॒ප්ත ජු॑හෝති । ස॒ප්ත වෛ ශී॑ර්ෂ॒ණ්යාඃ᳚ ප්රා॒ණාඃ । ප්රා॒ණානේ॒වාස්මි॑-න්දධාති । දේ॒වස්ත්වා॑ සවි॒තා මද්ධ්වා॑-ऽන॒ක්ත්විත්යා॑හ ॥ 33 ॥
තේජ॑සෛ॒වෛන॑මනක්ති । පෘ॒ථි॒වී-න්තප॑සස්ත්රාය॒ස්වේති॒ හිර॑ණ්ය॒මුපා᳚ස්යති । අ॒ස්යා අන॑තිදාහාය । ශිරෝ॒ වා ඒ॒ත-ද්ය॒ජ්ඤස්ය॑ । ය-ත්ප්ර॑ව॒ර්ග්යඃ॑ । අ॒ග්නි-ස්සර්වා॑ දේ॒වතාඃ᳚ । ප්ර॒ල॒වානා॒දීප්යෝපා᳚ස්යති । දේ॒වතා᳚ස්වේ॒ව ය॒ජ්ඤස්ය॒ ශිරඃ॒ ප්රති॑දධාති । අප්ර॑තිශීර්ණාග්ර-ම්භවති ।
ඒ॒ත-ද්බ॑ර්හි॒ර්හ්යේ॑ෂඃ ॥ 34 ॥
අ॒ර්චිර॑සි ශෝ॒චිර॒සීත්යා॑හ । තේජ॑ ඒ॒වාස්මි॑-න්බ්රහ්මවර්ච॒ස-න්ද॑ධාති । සග්ම්සී॑දස්ව ම॒හාග්ම් අ॒සීත්යා॑හ । ම॒හාන්. හ්යේ॑ෂඃ । බ්ර॒හ්ම॒වා॒දිනෝ॑ වදන්ති ।
ඒ॒තේ වාව ත ඍ॒ත්විජඃ॑ । යේ ද॑ර්ශපූර්ණමා॒සයෝඃ᳚ ।
අථ॑ ක॒ථා හෝතා॒ යජ॑මානායා॒ශිෂෝ॒ නාශා᳚ස්ත॒ ඉති॑ ।
පු॒රස්තා॑දාශීඃ॒ ඛලු॒ වා අ॒න්යෝ ය॒ජ්ඤඃ । උ॒පරි॑ෂ්ටාදාශීර॒න්යඃ ॥ 35 ॥
අ॒නා॒ධෘ॒ෂ්යා පු॒රස්තා॒දිති॒ යදේ॒තානි॒ යජූ॒ග්॒ෂ්යාහ॑ । ශී॒ර්॒ෂ॒ත ඒ॒ව ය॒ජ්ඤස්ය॒ යජ॑මාන ආ॒ශිෂෝ-ऽව॑රුන්ධේ । ආයුඃ॑ පු॒රස්තා॑දාහ । ප්ර॒ජා-න්ද॑ක්ෂිණ॒තඃ । ප්රා॒ණ-ම්ප॒ශ්චාත් ।
ශ්රෝත්ර॑මුත්තර॒තඃ । විධෘ॑තිමු॒පරි॑ෂ්ටාත් । ප්රා॒ණානේ॒වාස්මෛ॑ ස॒මීචෝ॑ දධාති ।
ඊ॒ශ්ව॒රෝ වා ඒ॒ෂ දිශෝ-ऽනූන්ම॑දිතෝඃ ।
යන්දිශෝ-ऽනු॑ ව්යාස්ථා॒පය॑න්ති ॥ 36 ॥
මනෝ॒රශ්වා॑-ऽසි॒ භූරි॑පු॒ත්රේතී॒මා-ම॒භිමෘ॑ශති ।
ඉ॒යං-වෛඁ මනෝ॒රශ්වා॒ භූරි॑පුත්රා । අ॒ස්යාමේ॒ව ප්රති॑තිෂ්ඨ॒ත්යනු॑න්මාදාය । සූ॒ප॒සදා॑ මේ භූයා॒ මා මා॑ හිග්ම්සී॒රිත්යා॒හාහිග්ම්॑සායෛ ।
චිත॑-ස්ස්ථ පරි॒චිත॒ ඉත්යා॑හ । අප॑චිතිමේ॒වාස්මි॑-න්දධාති । ශිරෝ॒ වා ඒ॒ත-ද්ය॒ජ්ඤස්ය॑ । ය-ත්ප්ර॑ව॒ර්ග්යඃ॑ ।
අ॒සෞ ඛලු॒ වා ආ॑දි॒ත්යඃ ප්ර॑ව॒ර්ග්යඃ॑ । තස්ය॑ ම॒රුතෝ॑ ර॒ශ්මයඃ॑ ॥ 37 ॥
ස්වාහා॑ ම॒රුද්භිඃ॒ පරි॑ශ්රය॒ස්වේත්යා॑හ । අ॒මුමේ॒වාදි॒ත්යග්ම් ර॒ශ්මිභිඃ॒ පර්යූ॑හති ।
තස්මා॑-ද॒සාවා॑දි॒ත්යෝ॑-ऽමුෂ්මි॑න් ඁලෝ॒කේ ර॒ශ්මිභිඃ॒ පර්යූ॑ඪඃ । තස්මා॒-ද්රාජා॑ වි॒ශා පර්යූ॑ඪඃ । තස්මා᳚-ද්ග්රාම॒ණී-ස්ස॑ජා॒තෛඃ පර්යූ॑ඪඃ । අ॒ග්නේ-ස්සෘ॒ෂ්ටස්ය॑ ය॒තඃ । වික॑ඞ්කත॒-ම්භා ආ᳚ර්ච්ඡත් ।
ය-ද්වෛක॑ඞ්කතාඃ පරි॒ධයෝ॒ භව॑න්ති ।
භා ඒ॒වාව॑රුන්ධේ । ද්වාද॑ශ භවන්ති ॥ 38 ॥
ද්වාද॑ශ॒ මාසා᳚-ස්සංවඁථ්ස॒රඃ । සං॒වඁ॒ථ්ස॒රමේ॒වාව॑රුන්ධේ ।
අස්ති॑ ත්රයෝද॒ශෝ මාස॒ ඉත්යා॑හුඃ । ය-ත්ත්ර॑යෝද॒ශඃ ප॑රි॒ධිර්භව॑ති । තේනෛ॒ව ත්ර॑යෝද॒ශ-ම්මාස॒මව॑රුන්ධේ । අ॒න්තරි॑ක්ෂස්යාන්ත॒-ර්ධිර॒සීත්යා॑හ॒ ව්යාවෘ॑ත්ත්යෛ । දිව॒-න්තප॑සස්ත්රාය॒ස්වේ-ත්යු॒පරි॑ෂ්ටා॒-ද්ධිර॑ණ්ය॒මධි॒ නිද॑ධාති । අ॒මුෂ්යා॒ අන॑තිදාහාය । අථෝ॑ ආ॒භ්යාමේ॒වෛන॑මුභ॒යතඃ॒ පරි॑ගෘහ්ණාති ।
අර්හ॑-න්බිභර්ෂි॒ සාය॑කානි॒ ධන්වේත්යා॑හ ॥ 39 ॥
ස්තෞත්යේ॒වෛන॑මේ॒තත් । ගා॒ය॒ත්රම॑සි॒ ත්රෛෂ්ටු॑භමසි॒ ජාග॑තම॒සීති॑ ධ॒විත්රා॒ණ්යාද॑ත්තේ । ඡන්දෝ॑භිරේ॒වෛනා॒න්යාද॑ත්තේ । මධු॒ මද්ධ්විති॑ ධූනෝති । ප්රා॒ණෝ වෛ මධු॑ । ප්රා॒ණමේ॒ව යජ॑මානේ දධාති । ත්රිඃ පරි॑යන්ති । ත්රි॒වෘද්ධි ප්රා॒ණඃ ।
ත්රිඃ පරි॑යන්ති । ත්ර්යා॑වෘ॒ද්ධි ය॒ජ්ඤඃ ॥ 40 ॥
අථෝ॒ රක්ෂ॑සා॒මප॑හත්යෛ । ත්රිඃ පුනඃ॒ පරි॑යන්ති ।
ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ । ඍ॒තුෂ්වේ॒ව ප්රති॑තිෂ්ඨන්ති । යෝ වෛ ඝ॒ර්මස්ය॑ ප්රි॒යාන්-ත॒නුව॑මා॒ක්රාම॑ති । දු॒ශ්චර්මා॒ වෛ ස භ॑වති ।
ඒ॒ෂ හ॒ වා අ॑ස්ය ප්රි॒යා-න්ත॒නුව॒මාක්රා॑මති ।
ය ස්ත්රිඃ ප॒රීත්ය॑ චතු॒ර්ථ-ම්පර්යේ॑ති ।
ඒ॒තාග්ම් හ॒ වා අ॑ස්යෝ॒ග්රදේ॑වෝ॒ රාජ॑නි॒රාච॑ක්රාම ॥ 41 ॥
තතෝ॒ වෛ ස දු॒ශ්චර්මා॑-ऽභවත් । තස්මා॒-ත්ත්රිඃ ප॒රීත්ය॒ න ච॑තු॒ර්ථ-ම්පරී॑යාත් । ආ॒ත්මනෝ॑ ගෝපී॒ථාය॑ । ප්රා॒ණා වෛ ධ॒විත්රා॑ණි । අව්ය॑තිෂඞ්ග-න්ධූන්වන්ති ।
ප්රා॒ණානා॒-මව්ය॑තිෂඞ්ගාය॒ ක්ලෘප්ත්යෛ᳚ । වි॒නි॒ෂද්ය॑ ධූන්වන්ති । දි॒ක්ෂ්වේ॑ව ප්රති॑තිෂ්ඨන්ති । ඌ॒ර්ධ්වන්ධූ᳚න්වන්ති । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ । ස॒ර්වතෝ॑ ධූන්වන්ති ।
තස්මා॑ද॒යග්ම් ස॒ර්වතඃ॑ පවතේ ॥ 42 ॥
(ද॒ධා॒- තී॒වාන්වා॑හ - ය॒ජ්ඤ - ස්යා॑හෛ॒ - ෂ - උ॒පරි॑ෂ්ටාදාශීර॒න්යෝ - ව්යා᳚ස්ථා॒පය॑න්ති - ර॒ශ්මයෝ॑ - භවන්ති॒ - ධන්වේත්යා॑හ - ය॒ජ්ඤ - ශ්ච॑ක්රාම॒ - සම॑ෂ්ට්යෛ॒ ද්වේ ච॑) (අ. 4)
අනුවාකං 5
අ॒ග්නිෂ්ට්වා॒ වසු॑භිඃ පු॒රස්තා᳚-ද්රෝචයතු ගාය॒ත්රේණ॒ ඡන්ද॒සේත්යා॑හ । අ॒ග්නිරේ॒වෛනං॒-වඁසු॑භිඃ පු॒රස්තා᳚-ද්රෝචයති ගාය॒ත්රේණ॒ ඡන්ද॑සා । ස මා॑ රුචි॒තෝ රෝ॑ච॒යේත්යා॑හ । ආ॒ශිෂ॑මේ॒වෛතාමාශා᳚ස්තේ ।
ඉන්ද්ර॑ස්ත්වා රු॒ද්රෛ-ර්ද॑ක්ෂිණ॒තෝ රෝ॑චයතු॒ ත්රෛෂ්ටු॑භේන॒
ඡන්ද॒සේත්යා॑හ । ඉන්ද්ර॑ ඒ॒වෛනග්ම්॑ රු॒ද්රෛ-ර්ද॑ක්ෂිණ॒තෝ රෝ॑චයති॒ ත්රෛෂ්ටු॑භේන॒ ඡන්ද॑සා । ස මා॑ රුචි॒තෝ රෝ॑ච॒යේත්යා॑හ । ආ॒ශිෂ॑මේ॒වෛතාමාශා᳚ස්තේ ।
වරු॑ණස්ත්වා-ऽऽදි॒ත්යෛඃ ප॒ශ්චා-ද්රෝ॑චයතු॒ ජාග॑තේන॒ ඡන්ද॒සේත්යා॑හ । වරු॑ණ ඒ॒වෛන॑මාදි॒ත්යෛඃ ප॒ශ්චා-ද්රෝ॑චයති॒ ජාග॑තේන॒ ඡන්ද॑සා ॥ 43 ॥
ස මා॑ රුචි॒තෝ රෝ॑ච॒යේත්යා॑හ । ආ॒ශිෂ॑මේ॒වෛතාමාශා᳚ස්තේ ।
ද්යු॒තා॒නස්ත්වා॑ මාරු॒තෝ ම॒රුද්භි॑රුත්තර॒තෝ රෝ॑චය॒ත්වානු॑ෂ්ටුභේන॒ ඡන්ද॒සේත්යා॑හ ।
ද්යු॒තා॒න ඒ॒වෛන॑-ම්මාරු॒තෝ ම॒රුද්භි॑රුත්තර॒තෝ රෝ॑චය॒ත්යානු॑ෂ්ටුභේන॒ ඡන්ද॑සා ।
ස මා॑ රුචි॒තෝ රෝ॑ච॒යේත්යා॑හ । ආ॒ශිෂ॑මේ॒වෛතාමාශා᳚ස්තේ ।
බෘහ॒ස්පති॑ස්ත්වා॒ විශ්වෛ᳚-ර්දේ॒වෛරු॒පරි॑ෂ්ටා-ද්රෝචයතු॒ පාඞ්ක්තේ॑න॒ ඡන්ද॒සේත්යා॑හ ।
බෘහ॒ස්පති॑රේ॒වෛන॒ම් ඁවිශ්වෛ᳚-ර්දේ॒වෛරු॒පරි॑ෂ්ටා-ද්රෝචයති॒ පාඞ්ක්තේ॑න॒ ඡන්ද॑සා ।
ස මා॑ රුචි॒තෝ රෝ॑ච॒යේත්යා॑හ । ආ॒ශිෂ॑මේ॒වෛතාමාශා᳚ස්තේ ॥ 44 ॥
රෝ॒චි॒තස්ත්ව-න්දේ॑ව ඝර්ම දේ॒වේෂ්වසීත්යා॑හ । රෝ॒චි॒තෝ හ්යේ॑ෂ දේ॒වේෂු॑ । රෝ॒චි॒ෂී॒යාහ-ම්ම॑නු॒ෂ්යේ᳚ෂ්විත්යා॑හ । රෝච॑ත ඒ॒වෛෂ ම॑නු॒ෂ්යේ॑ෂු । සම්රා᳚ඩ් ඝර්ම රුචි॒තස්ත්ව-න්දේ॒වේෂ්වායු॑ෂ්මාග් ස්තේජ॒ස්වී බ්ර॑හ්මවර්ච॒ස්ය॑සීත්යා॑හ ।
රු॒චි॒තෝ හ්යේ॑ෂ දේ॒වේෂ්වායු॑ෂ්මාග් ස්තේජ॒ස්වී බ්ර॑හ්මවර්ච॒සී ।
රු॒චි॒තෝ॑-ऽහ-ම්ම॑නු॒ෂ්යේ᳚ෂ්වායු॑ෂ්මාග් ස්තේජ॒ස්වී බ්ර॑හ්මවර්ච॒සී භූ॑යාස॒මිත්යා॑හ ।
රු॒චි॒ත ඒ॒වෛෂ ම॑නු॒ෂ්යේ᳚ෂ්වායු॑ෂ්මාග් ස්තේජ॒ස්වී බ්ර॑හ්මවර්ච॒සී භ॑වති । රුග॑සි॒ රුච॒-ම්මයි॑ ධේහි॒ මයි॒ රුගිත්යා॑හ । ආ॒ශිෂ॑මේ॒වෛතාමාශා᳚ස්තේ ।
තං-යඁදේ॒තෛ-ර්යජු॑ර්භි॒රරෝ॑චයිත්වා । රු॒චි॒තෝ ඝ॒ර්ම ඉති॑ ප්රබ්රූ॒යාත් । අරෝ॑චුකෝ-ऽද්ධ්ව॒ර්යු-ස්ස්යාත් ।
අරෝ॑චුකෝ॒ යජ॑මානඃ । අථ॒ යදේ॑නමේ॒තෛර්යජු॑ර්භී රෝචයි॒ත්වා । රු॒චි॒තෝ ඝර්ම॒ ඉති॒ ප්රාහ॑ । රෝචු॑කෝ-ऽද්ධ්ව॒ර්යු-ර්භව॑ති । රෝචු॑කෝ॒ යජ॑මානඃ ॥ 45 ॥
(ප॒ශ්චා-ද්රෝ॑චයති॒ ජග॑තේන॒ ඡන්ද॑සා॒ - පාඞ්ක්තේ॑න॒ ඡන්ද॑සා॒ ස මා॑ රුචි॒තෝ රෝ॑ච॒යේත්යා॑හා॒ශිෂ॑මේ॒වෛතාමාශා᳚ස්තේ - ශාස්තේ॒ ऽෂ්ටෞ ච॑) (අ. 5)
අනුවාකං 6
ශිරෝ॒ වා ඒ॒ත-ද්ය॒ජ්ඤස්ය॑ । ය-ත්ප්ර॑ව॒ර්ග්යඃ॑ । ග්රී॒වා උ॑ප॒සදඃ॑ । පු॒රස්තා॑දුප॒සදා᳚-ම්ප්රව॒ර්ග්ය॑-ම්ප්රවෘ॑ණක්ති । ග්රී॒වාස්වේ॒ව ය॒ජ්ඤස්ය॒ ශිරඃ॒ ප්රති॑දධාති । ත්රිඃ ප්රවෘ॑ණක්ති । ත්රය॑ ඉ॒මේ ලෝ॒කාඃ । ඒ॒භ්ය ඒ॒ව ලෝ॒කේභ්යෝ॑ ය॒ජ්ඤස්ය॒ ශිරෝ-ऽව॑රුන්ධේ ।
ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ ॥ 46 ॥
ඍ॒තුභ්ය॑ ඒ॒ව ය॒ජ්ඤස්ය॒ ශිරෝ-ऽව॑රුන්ධේ । ද්වාද॑ශ॒ කෘත්වඃ॒ ප්රවෘ॑ණක්ති । ද්වාද॑ශ॒ මාසා᳚-ස්සංවඁථ්ස॒රඃ । සං॒වඁ॒ථ්ස॒රාදේ॒ව ය॒ජ්ඤස්ය॒ ශිරෝ-ऽව॑රුන්ධේ । චතු॑ර්විග්ම්ශති॒-ස්සම්ප॑ද්යන්තේ । චතු॑ර්විග්ම්ශතිරර්ධමා॒සාඃ ।
අ॒ර්ධ॒මා॒සේභ්ය॑ ඒ॒ව ය॒ජ්ඤස්ය॒ ශිරෝ-ऽව॑රුන්ධේ । අථෝ॒ ඛලු॑ । ස॒කෘදේ॒ව ප්ර॒වෘජ්යඃ॑ । ඒක॒ග්ම්॒ හි ශිරඃ॑ ॥ 47 ॥
අ॒ග්නි॒ෂ්ටෝ॒මේ ප්රවෘ॑ණක්ති । ඒ॒තාවා॒න්॒. වෛ ය॒ජ්ඤඃ । යාවා॑නග්නිෂ්ටෝ॒මඃ । යාවා॑නේ॒ව ය॒ජ්ඤඃ । තස්ය॒ ශිරඃ॒ ප්රති॑දධාති । නෝක්ථ්යේ᳚ ප්රවෘ॑ඤ්ජ්යාත් ।
ප්ර॒ජා වෛ ප॒ශව॑ උ॒ක්ථානි॑ । යදු॒ක්ථ්යේ᳚ ප්රවෘ॒ඤ්ජ්යාත් ।
ප්ර॒ජා-ම්ප॒ශූන॑ස්ය॒ නිර්ද॑හේත් । වි॒ශ්ව॒ජිති॒ සර්ව॑පෘෂ්ඨේ॒ ප්රවෘ॑ණක්ති ॥ 48 ॥
පෘ॒ෂ්ඨානි॒ වා අච්යු॑තඤ්ච්යාවයන්ති ।
පෘ॒ෂ්ඨෛරේ॒වාස්මා॒ අච්යු॑තඤ්ච්යාවයි॒ත්වා-ऽව॑රුන්ධේ । අප॑ශ්ය-ඞ්ගෝ॒පාමිත්යා॑හ । ප්රා॒ණෝ වෛ ගෝ॒පාඃ । ප්රා॒ණමේ॒ව ප්ර॒ජාසු॒ වියා॑තයති ।
අප॑ශ්ය-ඞ්ගෝ॒පාමිත්යා॑හ । අ॒සෞ වා ආ॑දි॒ත්යෝ ගෝ॒පාඃ । ස හීමාඃ ප්ර॒ජා ගෝ॑පා॒යති॑ । තමේ॒ව ප්ර॒ජානා᳚-ඞ්ගෝ॒ප්තාර॑-ඞ්කුරුතේ । අනි॑පද්යමාන॒මිත්යා॑හ ॥ 49 ॥
න හ්යේ॑ෂ නි॒පද්ය॑තේ । ආ ච॒ පරා॑ ච ප॒ථිභි॒ශ්චර॑න්ත॒මිත්යා॑හ । ආ ච॒ හ්යේ॑ෂ පරා॑ ච ප॒ථිභි॒ශ්චර॑ති । ස ස॒ද්ධ්රීචී॒-ස්ස විෂූ॑චී॒ර්වසා॑න॒ ඉත්යා॑හ । ස॒ද්ධ්රීචී᳚ශ්ච॒ හ්යේ॑ෂ විෂූ॑චීශ්ච॒ වසා॑නඃ ප්ර॒ජා අ॒භි වි॒පශ්ය॑ති । ආ ව॑රීවර්ති॒ භුව॑නේෂ්ව॒න්තරිත්යා॑හ । ආ හ්යේ॑ෂ ව॑රී॒වර්ති॒ භුව॑නේෂ්ව॒න්තඃ । අත්ර॑ ප්රා॒වීර්මධු॒ මාද්ධ්වී᳚භ්යා॒-ම්මධු॒ මාධූ॑චීභ්යා॒මිත්යා॑හ ।
වාස॑න්තිකාවේ॒වාස්මා॑ ඍ॒තූ ක॑ල්පයති ।
සම॒ග්නිර॒ග්නිනා॑ ග॒තේත්යා॑හ ॥ 50 ॥
ග්රෛෂ්මා॑වේ॒වාස්මා॑ ඍ॒තූ ක॑ල්පයති । සම॒ග්නිර॒ග්නිනා॑ ග॒තේත්යා॑හ । අ॒ග්නිර්හ්යේ॑වෛෂෝ᳚-ऽග්නිනා॑ ස॒ඞ්ගච්ඡ॑තේ । ස්වාහා॒ සම॒ග්නිස්තප॑සා ග॒තේත්යා॑හ ।
පූර්ව॑මේ॒වෝදි॒තම් । උත්ත॑රේණා॒භිගෘ॑ණාති ।
ධ॒ර්තා දි॒වෝ විභා॑සි॒ රජ॑සඃ පෘථි॒ව්යා ඉත්යා॑හ ।
වාර්ෂි॑කාවේ॒වාස්මා॑ ඍ॒තූ ක॑ල්පයති ।
හෘ॒දේ ත්වා॒ මන॑සේ॒ ත්වේත්යා॑හ । ශා॒ර॒දාවේ॒වාස්මා॑ ඍ॒තූ ක॑ල්පයති ॥ 51 ॥
දි॒වි දේ॒වේෂු॒ හෝත්රා॑ ය॒ච්ඡේත්යා॑හ । හෝත්රා॑භිරේ॒වේමාන් ඁලෝ॒කාන්-ථ්ස-න්ද॑ධාති । විශ්වා॑සා-ම්භුවා-ම්පත॒ ඉත්යා॑හ । හෛම॑න්තිකාවේ॒වාස්මා॑ ඍ॒තූ ක॑ල්පයති ।
දේ॒ව॒ශ්රූස්ත්ව-න්දේ॑ව ඝර්ම දේ॒වා-න්පා॒හීත්යා॑හ ।
ශෛ॒ශි॒රාවේ॒වාස්මා॑ ඍ॒තූ ක॑ල්පයති ।
ත॒පෝ॒ජාං-වාඁච॑ම॒ස්මේ නිය॑ච්ඡ දේවා॒යුව॒මිත්යා॑හ ।
යා වෛ මේද්ධ්යා॒ වාක් । සා ත॑පෝ॒ජාඃ । තාමේ॒වාව॑රුන්ධේ ॥ 52 ॥
ගර්භෝ॑ දේ॒වානා॒මිත්යා॑හ । ගර්භෝ॒ හ්යේ॑ෂ දේ॒වානා᳚ම් । පි॒තා ම॑තී॒නාමිත්යා॑හ । ප්ර॒ජා වෛ ම॒තයඃ॑ । තාසා॑මේ॒ෂ ඒ॒ව පි॒තා । ය-ත්ප්ර॑ව॒ර්ග්යඃ॑ ।
තස්මා॑දේ॒වමා॑හ । පතිඃ॑ ප්ර॒ජානා॒මිත්යා॑හ । පති॒ර්හ්යේ॑ෂ ප්ර॒ජානා᳚ම් । මතිඃ॑ කවී॒නාමිත්යා॑හ ॥ 53 ॥
මති॒ර්හ්යේ॑ෂ ක॑වී॒නාම් । ස-න්දේ॒වෝ දේ॒වේන॑ සවි॒ත්රා ऽය॑තිෂ්ට॒ සග්ම් සූර්යේ॑ණාරු॒ක්තේත්යා॑හ ।
අ॒මුඤ්චෛ॒වාදි॒ත්ය-ම්ප්ර॑ව॒ර්ග්ය॑ඤ්ච॒ සග්ම්ශා᳚ස්ති ।
ආ॒යු॒ර්දාස්ත්වම॒ස්මභ්ය॑-ඞ්ඝර්ම වර්චෝ॒දා අ॒සීත්යා॑හ ।
ආ॒ශිෂ॑මේ॒වෛතාමාශා᳚ස්තේ । පි॒තා නෝ॑-ऽසි පි॒තා නෝ॑ බෝ॒ධේත්යා॑හ । බෝ॒ධය॑ත්යේ॒වෛන᳚ම් । න වෛ॒ තේ॑-ऽවකා॒ශා භ॑වන්ති । පත්නි॑යෛ දශ॒මඃ ।
නව॒ වෛ පුරු॑ෂේ ප්රා॒ණාඃ ॥ 54 ॥
නාභි॑ර්දශ॒මී । ප්රා॒ණානේ॒ව යජ॑මානේ දධාති । අථෝ॒ දශා᳚ක්ෂරා වි॒රාට් । අන්නං॑-විඁ॒රාට් । වි॒රාජෛ॒වාන්නාද්ය॒මව॑රුන්ධේ । ය॒ජ්ඤස්ය॒ ශිරෝ᳚-ऽච්ඡිද්යත । ත-ද්දේ॒වා හෝත්රා॑භිඃ॒ ප්රත්ය॑දධුඃ । ඍ॒ත්විජෝ-ऽවේ᳚ක්ෂන්තේ । ඒ॒තා වෛ හෝත්රාඃ᳚ । හෝත්රා॑භිරේ॒ව ය॒ජ්ඤස්ය॒ ශිරඃ॒ ප්රති॑දධාති ॥ 55 ॥
රු॒චි॒තමවේ᳚ක්ෂන්තේ । රු॒චි॒තාද්වෛ ප්ර॒ජාප॑තිඃ ප්ර॒ජා අ॑සෘජත । ප්ර॒ජානා॒ග්ම්॒ සෘෂ්ට්යෛ᳚ । රු॒චි॒තමවේ᳚ක්ෂන්තේ । රු॒චි॒තාද්වෛ ප॒ර්ජන්යෝ॑ වර්ෂති । වර්ෂු॑කඃ ප॒ර්ජන්යෝ॑ භවති । ස-ම්ප්ර॒ජා ඒ॑ධන්තේ । රු॒චි॒තමවේ᳚ක්ෂන්තේ । රු॒චි॒තම් ඁවෛ බ්ර॑හ්මවර්ච॒සම් । බ්ර॒හ්ම॒ව॒ර්ච॒සිනෝ॑ භවන්ති ॥ 56 ॥
අ॒ධී॒යන්තෝ-ऽවේ᳚ක්ෂන්තේ । සර්ව॒මායු॑ර්යන්ති । න පත්න්යවේ᳚ක්ෂේත । ය-ත්පන්ත්ය॒වේක්ෂේ॑ත । ප්රජා॑යේත । ප්ර॒ජාන්ත්ව॑ස්යෛ॒ නිර්ද॑හේත් । යන්නාවේක්ෂේ॑ත । න ප්රජා॑යේත ।
නාස්යෛ᳚ ප්ර॒ජාන්නිර්ද॑හේත් । ති॒ර॒ස්කෘත්ය॒ යජු॑-ර්වාචයති । ප්රජා॑යතේ । නාස්යෛ᳚ ප්ර॒ජාන්නිර්ද॑හති । ත්වෂ්ටී॑මතී තේ සපේ॒යේත්යා॑හ । සපා॒ද්ධි ප්ර॒ජාඃ ප්ර॒ජාය॑න්තේ ॥ 57 ॥
(ඍ॒තවෝ॒ - හි ශිරඃ॒ - සර්ව॑පෘෂ්ඨේ॒ ප්රවෘ॑ණ॒ - ක්ත්යනි॑පද්යමාන॒මිත්යා॑හ - ග॒තේත්යා॑හ - ශාර॒දාවේ॒වාස්මා॑ ඍ॒තූ ක॑ල්පයති - රුන්ධේ - කවි॒නාමිත්යා॑හ - ප්රා॒ණාඃ - ප්රති॑දධාති - භවන්ති - වාචයති ච॒ත්වාරි॑ ච) (අ. 6)
අනුවාකං 7
දේ॒වස්ය॑ ත්වා සවි॒තුඃ ප්ර॑ස॒ව ඉති॑ රශ॒නාමාද॑ත්තේ॒ ප්රසූ᳚ත්යෛ । අ॒ශ්විනෝ᳚-ර්බා॒හුභ්යා॒මිත්යා॑හ । අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් । පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ᳚ । ආද॒දේ-ऽදි॑ත්යෛ॒ රාස්නා॒-ऽසීත්යා॑හ॒ යජු॑ෂ්කෘත්යෛ । ඉඩ॒ ඒහ්යදි॑ත॒ ඒහි॒ සර॑ස්ව॒ත්යේහීත්යා॑හ । ඒ॒තානි॒ වා අ॑ස්යෛ දේවනා॒මානි॑ ।
දේ॒ව॒නා॒මෛරේ॒වෛනා॒-මාහ්ව॑යති । අසා॒වේහ්ය-සා॒වේහ්ය-සා॒වේහීත්යා॑හ । ඒ॒තානි॒ වා අ॑ස්යෛ මනුෂ්යනා॒මානි॑ ॥ 58 ॥
ම॒නු॒ෂ්ය॒නා॒මෛරේ॒වෛනා॒මාහ්ව॑යති ।
ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ ।
ඍ॒තුභි॑රේ॒වෛනා॒මාහ්ව॑යති । අදි॑ත්යා උ॒ෂ්ණීෂ॑ම॒සීත්යා॑හ । ය॒ථා॒ය॒ජුරේ॒වෛතත් ।
වා॒යුර॑ස්යෛ॒ඩ ඉත්යා॑හ । වා॒යු॒දේ॒ව॒ත්යෝ॑ වෛ ව॒ථ්සඃ ।
පූ॒ෂා ත්වෝ॒පාව॑සෘජ॒ත්විත්යා॑හ । පෞ॒ෂ්ණා වෛ දේ॒වත॑යා ප॒ශවඃ॑ ॥ 59 ॥
ස්වයෛ॒වෛන॑-න්දේ॒වත॑යෝ॒පාව॑සෘජති । අ॒ශ්විභ්යා॒-ම්ප්රදා॑ප॒යේත්යා॑හ । අ॒ශ්විනෞ॒ වෛ දේ॒වානා᳚-ම්භි॒ෂජෞ᳚ । තාභ්යා॑මේ॒වාස්මෛ॑ භේෂ॒ජ-ඞ්ක॑රෝති । යස්තේ॒ ස්තන॑-ශ්ශශ॒ය ඉත්යා॑හ । ස්තෞත්යේ॒වෛනා᳚ම් । උස්ර॑ ඝ॒ර්මග්ම් ශි॒ග්ම්॒ෂෝස්ර॑ ඝ॒ර්ම-ම්පා॑හි ඝ॒ර්මාය॑ ශි॒ග්ම්॒ෂේත්යා॑හ । යථා᳚ බ්රූ॒යාද॒මුෂ්මෛ॑ දේ॒හීති॑ । තා॒දෘගේ॒ව තත් । බෘහ॒ස්පති॒ස්ත්වෝප॑සීද॒ත්විත්යා॑හ ॥ 60 ॥
බ්රහ්ම॒ වෛ දේ॒වානා॒-ම්බෘහ॒ස්පතිඃ॑ । බ්රහ්ම॑ණෛ॒වෛනා॒මුප॑සීදති ।
දාන॑ව-ස්ස්ථ॒ පේර॑ව॒ ඉත්යා॑හ । මේද්ධ්යා॑නේ॒වෛනා᳚න්කරෝති ।
වි॒ෂ්ව॒ග්වෘතෝ॒ ලෝහි॑තේ॒නේත්යා॑හ॒ ව්යාවෘ॑ත්ත්යෛ ।
අ॒ශ්විභ්යා᳚-ම්පින්වස්ව॒ සර॑ස්වත්යෛ පින්වස්ව පූ॒ෂ්ණේ පි॑න්වස්ව॒ බෘහ॒ස්පත॑යේ පින්ව॒ස්වේත්යා॑හ ।
ඒ॒තාභ්යෝ॒ හ්යේ॑ෂා දේ॒වතා᳚භ්යඃ॒ පින්ව॑තේ ।
ඉන්ද්රා॑ය පින්ව॒ස්වේන්ද්රා॑ය පින්ව॒ස්වේත්යා॑හ ।
ඉන්ද්ර॑මේ॒ව භා॑ග॒ධේයේ॑න॒ සම॑ර්ධයති । ද්විරින්ද්රා॒යේත්යා॑හ ॥ 61 ॥
තස්මා॒දින්ද්රෝ॑ දේ॒වතා॑නා-ම්භූයිෂ්ඨ॒භාක්ත॑මඃ ।
ගා॒ය॒ත්රෝ॑-ऽසි॒ ත්රෛෂ්ටු॑භෝ-ऽසි॒ ජාග॑තම॒සීති॑ ශඵෝපය॒මානාද॑ත්තේ ।
ඡන්දෝ॑භිරේ॒වෛනා॒නාද॑ත්තේ । ස॒හෝර්ජෝ භා॒ගේනෝප॒මේහීත්යා॑හ ।
ඌ॒ර්ජ ඒ॒වෛන॑-ම්භා॒ගම॑කඃ ।
අ॒ශ්විනෞ॒ වා ඒ॒ත-ද්ය॒ජ්ඤස්ය॒ ශිරඃ॑ ප්රති॒දධ॑තාවබ්රූතාම් ।
ආ॒වාභ්යා॑මේ॒ව පූර්වා᳚භ්යාං॒-වඁෂ॑ට්ක්රියාතා॒ ඉති॑ ।
ඉන්ද්රා᳚ශ්විනා॒ මධු॑න-ස්සාර॒ඝස්යේත්යා॑හ ।
අ॒ශ්විභ්යා॑මේ॒ව පූර්වා᳚භ්යාං॒-වඁෂ॑ට්කරෝති ।
අථෝ॑ අ॒ශ්විනා॑වේ॒ව භා॑ග॒ධේයේ॑න॒ සම॑ර්ධයති ॥ 62 ॥
ඝ॒ර්ම-ම්පා॑ත වසවෝ॒ යජ॑තා॒ වඩිත්යා॑හ ।
වසූ॑නේ॒ව භා॑ග॒ධේයේ॑න॒ සම॑ර්ධයති । ය-ද්ව॑ෂට්කු॒ර්යාත් । යා॒තයා॑මා-ऽස්ය වෂට්කා॒ර-ස්ස්යා᳚ත් ।
යන්න ව॑ෂට්කු॒ර්යාත් । රක්ෂාග්ම්॑සි ය॒ජ්ඤග්ම් හ॑න්යුඃ । වඩිත්යා॑හ । ප॒රෝක්ෂ॑මේ॒ව වෂ॑ට්කරෝති । නාස්ය॑ යා॒තයා॑මා වෂට්කා॒රෝ භව॑ති ।
න ය॒ජ්ඤග්ම් රක්ෂාග්ම්॑සි ඝ්නන්ති ॥ 63 ॥
ස්වාහා᳚ ත්වා॒ සූර්ය॑ස්ය ර॒ශ්මයේ॑ වෘෂ්ටි॒වන॑යේ ජුහෝ॒මීත්යා॑හ । යෝ වා අ॑ස්ය॒ පුණ්යෝ॑ ර॒ශ්මිඃ । ස වෘ॑ෂ්ටි॒වනිඃ॑ । තස්මා॑ ඒ॒වෛන॑-ඤ්ජුහෝති ।
මධු॑ හ॒විර॒සීත්යා॑හ । ස්ව॒දය॑ත්යේ॒වෛන᳚ම් । සූර්ය॑ස්ය॒ තප॑ස්ත॒පේත්යා॑හ ।
ය॒ථා॒ය॒ජුරේ॒වෛතත් । ද්යාවා॑පෘථි॒වීභ්යා᳚-න්ත්වා॒ පරි॑ගෘහ්ණා॒මීත්යා॑හ ।
ද්යාවා॑පෘථි॒වීභ්යා॑-මේ॒වෛන॒-ම්පරි॑ගෘහ්ණාති ॥ 64 ॥
අ॒න්තරි॑ක්ෂේණ॒ ත්වෝප॑යච්ඡා॒මීත්යා॑හ । අ॒න්තරි॑ක්ෂේණෛ॒වෛන॒-මුප॑යච්ඡති ।
න වා ඒ॒ත-ම්ම॑නු॒ෂ්යෝ॑ භර්තු॑මර්හති ।
දේ॒වානා᳚-න්ත්වා පිතෘ॒ණාමනු॑මතෝ॒ භර්තුග්ම්॑ ශකේය॒මිත්යා॑හ । දේ॒වෛරේ॒වෛන॑-ම්පි॒තෘභි॒රනු॑මත॒ ආද॑ත්තේ । වි වා ඒ॑නමේ॒තද॑ර්ධයන්ති । ය-ත්ප॒ශ්චා-ත්ප්ර॒වෘජ්ය॑ පු॒රෝ ජුහ්ව॑ති । තේජෝ॑-ऽසි॒ තේජෝ-ऽනු॒ ප්රේහීත්යා॑හ । තේජ॑ ඒ॒වාස්මි॑-න්දධාති । දි॒වි॒ස්පෘම්මා මා॑ හිග්ම්සී-රන්තරික්ෂ॒ස්පෘම්මා මා॑ හිග්ම්සීඃ
පෘථිවි॒ස්පෘම්මා මා॑ හිග්ම්සී॒රිත්යා॒හාහිග්ම්॑සායෛ ॥ 65 ॥
සුව॑රසි॒ සුව॑ර්මේ යච්ඡ॒ දිවං॑-යඁච්ඡ දි॒වෝ මා॑ පා॒හීත්යා॑හ । ආ॒ශිෂ॑මේ॒වෛතාමාශා᳚ස්තේ । ශිරෝ॒ වා ඒ॒ත-ද්ය॒ජ්ඤස්ය॑ । ය-ත්ප්ර॑ව॒ර්ග්යඃ॑ ।
ආ॒ත්මා වා॒යුඃ । උ॒ද්යත්ය॑ වාතනා॒මාන්යා॑හ ।
ආ॒ත්මන්නේ॒ව ය॒ජ්ඤස්ය॒ ශිරඃ॒ ප්රති॑දධාති ।
අන॑වානම් । ප්රා॒ණානා॒ග්ම්॒ සන්ත॑ත්යෛ । පඤ්චා॑හ ॥ 66 ॥
පාඞ්ක්තෝ॑ ය॒ජ්ඤඃ । යාවා॑නේ॒ව ය॒ජ්ඤඃ । තස්ය॒ ශිරඃ॒ ප්රති॑දධාති । අ॒ග්නයේ᳚ ත්වා॒ වසු॑මතේ॒ ස්වාහේත්යා॑හ ।
අ॒සෞ වා ආ॑දි॒ත්යෝ᳚-ऽග්නි-ර්වසු॑මාන් । තස්මා॑ ඒ॒වෛන॑ඤ්ජුහෝති । සෝමා॑ය ත්වා රු॒ද්රව॑තේ॒ ස්වාහේත්යා॑හ ।
ච॒න්ද්රමා॒ වෛ සෝමෝ॑ රු॒ද්රවාන්॑ । තස්මා॑ ඒ॒වෛන॑ඤ්ජුහෝති । වරු॑ණාය ත්වා-ऽऽදි॒ත්යව॑තේ॒ ස්වාහේත්යා॑හ ॥ 67 ॥
අ॒ඵ්සු වෛ වරු॑ණ ආදි॒ත්යවාන්॑ । තස්මා॑ ඒ॒වෛන॑ඤ්ජුහෝති ।
බෘහ॒ස්පත॑යේ ත්වා වි॒ශ්වදේ᳚ව්යාවතේ॒ ස්වාහේත්යා॑හ ।
බ්රහ්ම॒ වෛ දේ॒වානා॒-ම්බෘහ॒ස්පතිඃ॑ ।
බ්රහ්ම॑ණ ඒ॒වෛන॑ඤ්ජුහෝති ।
ස॒වි॒ත්රේ ත්ව॑ර්භු॒මතේ॑ විභු॒මතේ᳚ ප්රභු॒මතේ॒ වාජ॑වතේ॒ ස්වාහේත්යා॑හ । සං॒වඁ॒ථ්ස॒රෝ වෛ ස॑වි॒තර්භු॒මාන්. වි॑භු॒මා-න්ප්ර॑භු॒මාන්. වාජ॑වාන් । තස්මා॑ ඒ॒වෛන॑ඤ්ජුහෝති । ය॒මාය॒ ත්වා-ऽඞ්ගි॑රස්වතේ පිතෘ॒මතේ॒ ස්වාහේත්යා॑හ ।
ප්රා॒ණෝ වෛ ය॒මෝ-ऽඞ්ගි॑රස්වා-න්පිතෘ॒මාන් ॥ 68 ॥
තස්මා॑ ඒ॒වෛන॑ඤ්ජුහෝති । ඒ॒තාභ්ය॑ ඒ॒වෛන॑-න්දේ॒වතා᳚භ්යෝ ජුහෝති । දශ॒ සම්ප॑ද්යන්තේ । දශා᳚ක්ෂරා වි॒රාට් । අන්නං॑-විඁ॒රාට් । වි॒රාජෛ॒වාන්නාද්ය॒මව॑රුන්ධේ । රෞ॒හි॒ණාභ්යාං॒-වෛඁ දේ॒වා-ස්සු॑ව॒ර්ගං-ලෝඁ॒කමා॑යන්න් । ත-ද්රෞ॑හි॒ණයෝ॑ රෞහිණ॒ත්වම් । ය-ද්රෞ॑හි॒ණෞ භව॑තඃ । රෞ॒හි॒ණාභ්යා॑මේ॒ව ත-ද්යජ॑මාන-ස්සුව॒ර්ගං-ලෝඁ॒කමේ॑ති ।
අහ॒ර්ජ්යෝතිඃ॑ කේ॒තුනා॑ ජුෂතාග්ම් සුජ්යෝ॒තිර්ජ්යෝති॑ෂා॒ග්॒ ස්වාහා॒ රාත්රි॒ර්ජ්යෝතිඃ॑ කේ॒තුනා॑ ජුෂතාග්ම් සුජ්යෝ॒තිර්ජ්යෝති॑ෂා॒ග්॒ ස්වාහේත්යා॑හ ।
ආ॒දි॒ත්යමේ॒ව තද॒මුෂ්මි॑න් ඁලෝ॒කේ-ऽහ්නා॑ ප॒රස්තා᳚-ද්දාධාර । රාත්රි॑යා අ॒වස්තා᳚ත් ।
තස්මා॑ද॒සාවා॑දි॒ත්යෝ॑ ऽමුෂ්මි॑න් ඁලෝ॒කේ॑-ऽහෝරා॒ත්රාභ්යා᳚-න්ධෘ॒තඃ ॥ 69 ॥
(ම॒නු॒ෂ්ය॒නා॒මානි॑ - ප॒ශවඃ॑ - සීද॒ත්විත්යා॒ - හේන්ද්රා॒යේත්යා॑හා - ර්ධයති - ඝ්නන්ති - ගෘහ්ණා॒ - ත්යහිග්ම්॑සායෛ॒ - පඤ්චා॑හා - දි॒ත්යව॑තේ॒ ස්වාහේත්යා॑හ - පිතෘ॒මා - නේ॑ති ච॒ත්වාරි॑ ච) (අ. 7)
අනුවාකං 8
විශ්වා॒ ආශා॑ දක්ෂිණ॒සදිත්යා॑හ । විශ්වා॑නේ॒ව දේ॒වා-න්ප්රී॑ණාති । අථෝ॒ දුරි॑ෂ්ට්යා ඒ॒වෛන॑-ම්පාති । විශ්වා᳚-න්දේ॒වාන॑යාඩි॒හේත්යා॑හ । විශ්වා॑නේ॒ව දේ॒වා-න්භා॑ග॒ධේයේ॑න॒ සම॑ර්ධයති । ස්වාහා॑කෘතස්ය ඝ॒ර්මස්ය॒ මධෝඃ᳚ පිබතමශ්වි॒නේත්යා॑හ ।
අ॒ශ්විනා॑වේ॒ව භා॑ග॒ධේයේ॑න॒ සම॑ර්ධයති ।
ස්වාහා॒-ऽග්නයේ॑ ය॒ජ්ඤියා॑ය॒ ශංයඁජු॑ර්භි॒රිත්යා॑හ । අ॒භ්යේ॑වෛන॑-ඞ්ඝාරයති । අථෝ॑ හ॒විරේ॒වාකඃ॑ ॥ 70 ॥
අශ්වි॑නා ඝ॒ර්ම-ම්පා॑තග්ම් හාර්දිවා॒න-මහ॑ර්දි॒වාභි॑-රූ॒තිභි॒රිත්යා॑හ । අ॒ශ්විනා॑වේ॒ව භා॑ග॒ධේයේ॑න॒ සම॑ර්ධයති । අනු॑ වා॒-න්ද්යාවා॑පෘථි॒වී මග්ම්॑සාතා॒මිත්යා॒හානු॑මත්යෛ ।
ස්වාහේන්ද්රා॑ය॒ ස්වාහේන්ද්රා॒ වඩිත්යා॑හ ।
ඉන්ද්රා॑ය॒ හි පු॒රෝ හූ॒යතේ᳚ । ආ॒ශ්රාව්යා॑හ ඝ॒ර්මස්ය॑ ය॒ජේති॑ । වෂ॑ට්කෘතේ ජුහෝති । රක්ෂ॑සා॒මප॑හත්යෛ । අනු॑යජති ස්ව॒ගාකෘ॑ත්යෛ ।
ඝ॒ර්මම॑පාතමශ්වි॒නේත්යා॑හ ॥ 71 ॥
පූර්ව॑මේ॒වෝදි॒තම් । උත්ත॑රේණා॒භිගෘ॑ණාති ।
අනු॑ වා॒න්-ද්යාවා॑පෘථි॒වී අ॑මග්ම්සාතා॒මිත්යා॒හානු॑මත්යෛ ।
ත-ම්ප්රා॒ව්ය॑ම් ඁයථා॒වණ්ණමෝ॑ දි॒වේ නමඃ॑ පෘථි॒ව්යා ඉත්යා॑හ । ය॒ථා॒ය॒ජුරේ॒වෛතත් । දි॒වි ධා॑ ඉ॒මං-යඁ॒ජ්ඤං-යඁ॒ජ්ඤමි॒ම-න්දි॒වි ධා॒ ඉත්යා॑හ ।
සු॒ව॒ර්ගමේ॒වෛන॑ම් ඁලෝ॒ක-ඞ්ග॑මයති ।
දිව॑-ඞ්ගච්ඡා॒න්තරි॑ක්ෂ-ඞ්ගච්ඡ පෘථි॒වී-ඞ්ග॒ච්ඡේත්යා॑හ ।
ඒ॒ෂ්වේ॑වෛන॑ම් ඁලෝ॒කේෂු॒ ප්රති॑ෂ්ඨාපයති । පඤ්ච॑ ප්ර॒දිශෝ॑ ග॒ච්ඡේත්යා॑හ ॥ 72 ॥
දි॒ක්ෂ්වේ॑වෛන॒-ම්ප්රති॑ෂ්ඨාපයති ।
දේ॒වා-න්ඝ॑ර්ම॒පා-න්ග॑ච්ඡ පි॒තॄ-න්ඝ॑ර්ම॒පා-න්ග॒ච්ඡේත්යා॑හ । උ॒භයේ᳚ෂ්වේ॒වෛන॒-ම්ප්රති॑ෂ්ඨාපයති । ය-ත්පින්ව॑තේ । වර්ෂු॑කඃ ප॒ර්ජන්යෝ॑ භවති । තස්මා॒-ත්පින්ව॑මානඃ॒ පුණ්යඃ॑ । ය-ත්ප්රාම්පින්ව॑තේ । ත-ද්දේ॒වානා᳚ම් । ය-ද්ද॑ක්ෂි॒ණා । තත්-පි॑තෘ॒ණාම් ॥ 73 ॥
ය-ත්ප්ර॒ත්යක් । ත-න්ම॑නු॒ෂ්යා॑ණාම් । යදුදඞ්ඞ්॑ । ත-ද්රු॒ද්රාණා᳚ම් । ප්රාඤ්ච॒මුද॑ඤ්ච-ම්පින්වයති । දේ॒ව॒ත්රා-ऽකඃ॑ । අථෝ॒ ඛලු॑ । සර්වා॒ අනු॒ දිශඃ॑ පින්වයති । සර්වා॒ දිශ॒-ස්සමේ॑ධන්තේ । අ॒න්තඃ॒ප॒රි॒ධි පි॑න්වයති ॥ 74 ॥
තේජ॒සෝ-ऽස්ක॑න්දාය । ඉ॒ෂේ පී॑පිහ්යූ॒ර්ජේ පී॑පි॒හීත්යා॑හ ।
ඉෂ॑මේ॒වෝර්ජං॒-යඁජ॑මානේ දධාති । යජ॑මානාය පීපි॒හීත්යා॑හ । යජ॑මානායෛ॒වෛතා-මා॒ශිෂ॒මාශා᳚ස්තේ ।
මහ්ය॒ඤ්ජ්යෛෂ්ඨ්යා॑ය පීපි॒හීත්යා॑හ ।
ආ॒ත්මන॑ ඒ॒වෛතාමා॒ශිෂ॒මාශා᳚ස්තේ ।
ත්විෂ්යෛ᳚ ත්වා ද්යු॒ම්නාය॑ ත්වේන්ද්රි॒යාය॑ ත්වා॒ භූත්යෛ॒ ත්වේත්යා॑හ । ය॒ථා॒ය॒ජුරේ॒වෛතත් । ධර්මා॑-ऽසි සු॒ධර්මා මේ᳚ න්ය॒ස්මේ බ්රහ්මා॑ණි ධාර॒යේත්යා॑හ ॥ 75 ॥
බ්රහ්ම॑න්නේ॒වෛන॒-ම්ප්රති॑ෂ්ඨාපයති । නේත්ත්වා॒ වාත॑-ස්ස්ක॒න්දයා॒දිති॒ යද්ය॑භි॒චරේ᳚ත් । අ॒මුෂ්ය॑ ත්වා ප්රා॒ණේ සා॑දයාම්ය॒මුනා॑ ස॒හ නි॑ර॒ර්ථ-ඞ්ග॒ච්ඡේති॑ බ්රූයා॒-ද්ය-න්ද්වි॒ෂ්යාත් । යමේ॒ව ද්වේෂ්ටි॑ । තේනෛ॑නග්ම් ස॒හ නි॑ර॒ර්ථ-ඞ්ග॑මයති । පූ॒ෂ්ණේ ශර॑සේ॒ ස්වාහේත්යා॑හ । යා ඒ॒ව දේ॒වතා॑ හු॒තභා॑ගාඃ । තාභ්ය॑ ඒ॒වෛන॑ඤ්ජුහෝති । ග්රාව॑භ්ය॒-ස්ස්වාහේත්යා॑හ । යා ඒ॒වාන්තරි॑ක්ෂේ॒ වාචඃ॑ ॥ 76 ॥
තාභ්ය॑ ඒ॒වෛන॑ඤ්ජුහෝති । ප්ර॒ති॒රේභ්ය॒-ස්ස්වාහේත්යා॑හ । ප්රා॒ණා වෛ දේ॒වාඃ ප්ර॑ති॒රාඃ । තේභ්ය॑ ඒ॒වෛන॑ඤ්ජුහෝති । ද්යාවා॑පෘථි॒වීභ්යා॒ග්॒ ස්වාහේත්යා॑හ ।
ද්යාවා॑පෘථි॒වීභ්යා॑-මේ॒වෛන॑ඤ්ජුහෝති । පි॒තෘභ්යෝ॑ ඝර්ම॒පේභ්ය॒-ස්ස්වාහේත්යා॑හ । යේ වෛ යජ්වා॑නඃ । තේ පි॒තරෝ॑ ඝර්ම॒පාඃ । තේභ්ය॑ ඒ॒වෛන॑ඤ්ජුහෝති ॥ 77 ॥
රු॒ද්රාය॑ රු॒ද්රහෝ᳚ත්රේ॒ ස්වාහේත්යා॑හ । රු॒ද්රමේ॒ව භා॑ග॒ධේයේ॑න॒ සම॑ර්ධයති । ස॒ර්වත॒-ස්සම॑නක්ති । ස॒ර්වත॑ ඒ॒ව රු॒ද්රන්නි॒රව॑දයතේ । උද॑ඤ්ච॒න්නිර॑ස්යති ।
ඒ॒ෂා වෛ රු॒ද්රස්ය॒ දික් । ස්වායා॑මේ॒ව දි॒ශි රු॒ද්රන්නි॒රව॑දයතේ । අ॒ප උප॑ස්පෘශති මේද්ධ්ය॒ත්වාය॑ । නාන්වී᳚ක්ෂේත । යද॒න්වීක්ෂේ॑ත ॥ 78 ॥
චක්ෂු॑රස්ය ප්ර॒මායු॑කග්ග් ස්යාත් । තස්මා॒න්නාන්වීක්ෂ්යඃ॑ ।
අපී॑පරෝ॒ මා-ऽහ්නෝ॒ රාත්රි॑යෛ මා පාහ්යේ॒ෂා තේ॑ අග්නේ ස॒මිත්තයා॒ සමි॑ද්ධ්ය॒ස්වායු॑ර්මේ දා॒ වර්ච॑සා මා-ऽඤ්ජී॒රිත්යා॑හ । ආයු॑රේ॒වාස්මි॒න් වර්චෝ॑ දධාති ।
අපී॑පරෝ මා॒ රාත්රි॑යා॒ අහ්නෝ॑ මා පාහ්යේ॒ෂා තේ॑ අග්නේ ස॒මිත්තයා॒ සමි॑ද්ධ්ය॒ස්වායු॑ර්මේ දා॒ වර්ච॑සා මා-ऽඤ්ජී॒රිත්යා॑හ । ආයු॑රේ॒වාස්මි॒න් වර්චෝ॑ දධාති ।
අ॒ග්නි-ර්ජ්යෝති॒-ර්ජ්යෝති॑ර॒ග්නි-ස්ස්වාහා॒ සූර්යෝ॒ ජ්යෝති॒ර්ජ්යෝති॒-ස්සූර්ය॒-ස්ස්වාහේත්යා॑හ । ය॒ථා॒ය॒ජුරේ॒වෛතත් । බ්ර॒හ්ම॒වා॒දිනෝ॑ වදන්ති । හෝ॒ත॒ව්ය॑මග්නිහෝ॒ත්රා(3) න්න හෝ॑ත॒ව්යා(3) මිති॑ ॥ 79 ॥
ය-ද්යජු॑ෂා ජුහු॒යාත් । අය॑ථාපූර්ව॒මාහු॑තී ජුහුයාත් । යන්න ජු॑හු॒යාත් । අ॒ග්නිඃ පරා॑භවේත් । භූ-ස්ස්වාහේත්යේ॒ව හෝ॑ත॒ව්ය᳚ම් । ය॒ථා॒පූ॒ර්වමාහු॑තී ජු॒හෝති॑ । නාග්නිඃ පරා॑භවති । හු॒තග්ම් හ॒විර්මධු॑ හ॒විරිත්යා॑හ ।
ස්ව॒දය॑ත්යේ॒වෛන᳚ම් । ඉන්ද්ර॑තමේ॒-ऽග්නාවිත්යා॑හ ॥ 80 ॥
ප්රා॒ණෝ වා ඉන්ද්ර॑තමෝ॒-ऽග්නිඃ ।
ප්රා॒ණ ඒ॒වෛන॒මින්ද්ර॑තමේ॒-ऽග්නෞ ජු॑හෝති ।
පි॒තා නෝ॑-ऽසි॒ මා මා॑ හිග්ම්සී॒රිත්යා॒හාහිග්ම්॑සායෛ ।
අ॒ශ්යාම॑ තේ දේව ඝර්ම॒ මධු॑මතෝ॒ වාජ॑වතඃ පිතු॒මත॒ ඉත්යා॑හ । ආ॒ශිෂ॑මේ॒වෛතාමාශා᳚ස්තේ ।
ස්ව॒ධා॒විනෝ॑-ऽශී॒මහි॑ ත්වා॒ මා මා॑ හිග්ම්සී॒-රිත්යා॒හාහිග්ම්॑සායෛ । තේජ॑සා॒ වා ඒ॒තේ ව්යෘ॑ද්ධ්යන්තේ । යේ ප්ර॑ව॒ර්ග්යේ॑ණ॒ චර॑න්ති । ප්රාශ්ඤ॑න්ති ।
තේජ॑ ඒ॒වාත්මන්-ද॑ධතේ ॥ 81 ॥
සං॒වඁ॒ථ්ස॒රන්න මා॒ග්ම්॒සම॑ශ්ඤීයාත් । න රා॒මාමුපේ॑යාත් । න මෘ॒න්මයේ॑න පිබේත් । නාස්ය॑ රා॒ම උච්ඡි॑ෂ්ට-ම්පිබේත් । තේජ॑ ඒ॒ව තථ්සග්ම්ශ්ය॑ති ।
දේ॒වා॒සු॒රා-ස්සංයඁ ॑ත්තා ආසන්න් । තේ දේ॒වා වි॑ජ॒යමු॑ප॒යන්තඃ॑ । වි॒භ්රාජි॑ සෞ॒ර්යේ බ්රහ්ම॒ සන්න්ය॑දධත । ය-ත්කිඤ්ච॑ දිවාකී॒ර්ත්ය᳚ම් ।
තදේ॒තේනෛ॒ව ව්ර॒තේනා॑ගෝපායත් । තස්මා॑දේ॒ත-ද්ව්ර॒ත-ඤ්චා॒ර්ය᳚ම් । තේජ॑සෝ ගෝපී॒ථාය॑ । තස්මා॑දේ॒තානි॒ යජූග්ම්॑ෂි වි॒භ්රාජ॑-ස්සෞ॒ර්යස්යේත්යා॑හුඃ ।
ස්වාහා᳚ ත්වා॒ සූර්ය॑ස්ය ර॒ශ්මිභ්ය॒ ඉති॑ ප්රා॒ත-ස්සග්ම්සා॑දයති । ස්වාහා᳚ ත්වා॒ නක්ෂ॑ත්රේභ්ය॒ ඉති॑ සා॒යම් ।
ඒ॒තා වා ඒ॒තස්ය॑ දේ॒වතාඃ᳚ । තාභි॑රේ॒වෛන॒ග්ම්॒ සම॑ර්ධයති ॥ 82 ॥
(අ॒ක॒ - ර॒ශ්වි॒නේත්යා॑හ - ප්ර॒දිශෝ॑ ග॒ච්ඡේත්යා॑හ - පිතෘ॒ණා - ම॑න්තඃ පරි॒ධි පි॑න්වයති - ධාර॒යේත්යා॑හ॒ - වාචෝ॑ - ධර්ම॒පා ස්තේභ්ය॑ ඒ॒වෛන॑-ඤ්ජුහෝ - ත්ය॒න්වීක්ෂේ॑ත - හෝත॒ව්යා (3) මි - ත්ය॒ග්රාවිත්යා॑හ - දධතේ - ऽගෝපාය-ථ්ස॒ප්ත ච॑) (අ. 8)
අනුවාකං 9
ඝර්ම॒ යා තේ॑ දි॒වි ශුගිති॑ ති॒ස්ර ආහු॑තී-ර්ජුහෝති ।
ඡන්දෝ॑භිරේ॒වාස්යෛ॒භ්යෝ ලෝ॒කේභ්ය॒-ශ්ශුච॒මව॑ යජතේ । ඉය॒ත්යග්රේ॑ ජුහෝති । අථේය॒ත්යථේය॑ති । ත්රය॑ ඉ॒මේ ලෝ॒කාඃ ।
ඒ॒භ්ය ඒ॒ව ලෝ॒කේභ්ය॒-ශ්ශුච॒මව॑ යජතේ ।
අනු॑ නෝ॒-ऽද්යානු॑මති॒රිත්යා॒හානු॑මත්යෛ । දි॒වස්ත්වා॑ පර॒ස්පායා॒ ඉත්යා॑හ । දි॒ව ඒ॒වේමාන් ඁලෝ॒කා-න්දා॑ධාර ।
බ්රහ්ම॑ණස්ත්වා පර॒ස්පායා॒ ඉත්යා॑හ ॥ 83 ॥
ඒ॒ෂ්වේ॑ව ලෝ॒කේෂු॑ ප්ර॒ජා දා॑ධාර । ප්රා॒ණස්ය॑ ත්වා පර॒ස්පායා॒ ඉත්යා॑හ । ප්ර॒ජාස්වේ॒ව ප්රා॒ණා-න්දා॑ධාර । ශිරෝ॒ වා ඒ॒ත-ද්ය॒ජ්ඤස්ය॑ । ය-ත්ප්ර॑ව॒ර්ග්යඃ॑ । අ॒සෞ ඛලු॒ වා ආ॑දි॒ත්යඃ ප්ර॑ව॒ර්ග්යඃ॑ । තං-යඁ-ද්ද॑ක්ෂි॒ණා ප්ර॒ත්යඤ්ච॒-මුද॑ඤ්ච-මුද්වා॒සයේ᳚ත් ।
ජි॒හ්මං-යඁ॒ජ්ඤස්ය॒ ශිරෝ॑ හරේත් ।
ප්රාඤ්ච॒මුද්වා॑සයති । පු॒රස්තා॑දේ॒ව ය॒ජ්ඤස්ය॒ ශිරඃ॒ ප්රති॑දධාති ॥ 84 ॥
ප්රාඤ්ච॒මුද්වා॑සයති । තස්මා॑ද॒සාවා॑දි॒ත්යඃ පු॒රස්තා॒දුදේ॑ති । ශ॒ඵෝ॒ප॒ය॒මාන්ධ॒විත්රා॑ණි॒ ධෘෂ්ටී॒ ඉත්ය॒න්වව॑හරන්ති ।
සාත්මා॑නමේ॒වෛන॒ග්ම්॒ සත॑නු-ඞ්කරෝති । සාත්මා॒-ऽමුෂ්මි॑න් ඁලෝ॒කේ භ॑වති ।
ය ඒ॒වං-වේඁද॑ । ඖදු॑ම්බරාණි භවන්ති । ඌර්ග්වා උ॑දු॒ම්බරඃ॑ । ඌර්ජ॑මේ॒වාව॑රුන්ධේ । වර්ත්ම॑නා॒ වා අ॒න්විත්ය॑ ॥ 85 ॥
ය॒ජ්ඤග්ම් රක්ෂාග්ම්॑සි ජිඝාග්ම්සන්ති । සාම්නා᳚ ප්රස්තෝ॒තා-ऽන්වවෛ॑ති । සාම॒ වෛ ර॑ක්ෂෝ॒හා । රක්ෂ॑සා॒මප॑හත්යෛ । ත්රිර්නි॒ධන॒මුපෛ॑ති । ත්රය॑ ඉ॒මේ ලෝ॒කාඃ । ඒ॒භ්ය ඒ॒ව ලෝ॒කේභ්යෝ॒ රක්ෂා॒ග්॒ස්යප॑හන්ති । පුරු॑ෂඃපුරුෂෝ නි॒ධන॒මුපෛ॑ති । පුරු॑ෂඃපුරුෂෝ॒ හි ර॑ක්ෂ॒ස්වී । රක්ෂ॑සා॒මප॑හත්යෛ ॥ 86 ॥
ය-ත්පෘ॑ථි॒ව්යාමු॑ද්වා॒සයේ᳚ත් । පෘ॒ථි॒වීග්ම් ශු॒චා-ऽර්ප॑යේත් । යද॒ඵ්සු । අ॒ප-ශ්ශු॒චාර්ප॑යේත් । යදෝෂ॑ධීෂු । ඕෂ॑ධී-ශ්ශු॒චා-ऽර්ප॑යේත් ।
ය-ද්වන॒ස්පති॑ෂු । වන॒ස්පතී᳚ඤ්ඡු॒චා-ऽර්ප॑යේත් । හිර॑ණ්යන්නි॒ධායෝද්වා॑සයති ।
අ॒මෘතං॒-වෛඁ හිර॑ණ්යම් ॥ 87 ॥
අ॒මෘත॑ ඒ॒වෛන॒-ම්ප්රති॑ෂ්ඨාපයති ।
ව॒ල්ගුර॑සි ශං॒-යුඁධා॑යා॒ ඉති॒ ත්රිඃ ප॑රිෂි॒ඤ්චන්පර්යේ॑ති । ත්රි॒වෘද්වා අ॒ග්නිඃ । යාවා॑නේ॒වාග්නිඃ । තස්ය॒ ශුචග්ම්॑ ශමයති । ත්රිඃ පුනඃ॒ පර්යේ॑ති । ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ । ඍ॒තුභි॑රේ॒වාස්ය॒ ශුචග්ම්॑ ශමයති । චතු॑-ස්ස්රක්ති॒ර්නාභි॑ර්-ඍ॒තස්යේත්යා॑හ ॥ 88 ॥
ඉ॒යං-වාඁ ඍ॒තම් । තස්යා॑ ඒ॒ෂ ඒ॒ව නාභිඃ॑ । ය-ත්ප්ර॑ව॒ර්ග්යඃ॑ । තස්මා॑දේ॒වමා॑හ । සදෝ॑ වි॒ශ්වායු॒රිත්යා॑හ । සදෝ॒ හීයම් । අප॒ ද්වේෂෝ॒ අප॒ හ්වර॒ ඉත්යා॑හ॒ භ්රාතෘ॑ව්යාපනුත්ත්යෛ । ඝර්මෛ॒තත්තේ-ऽන්න॑මේ॒ත-ත්පුරී॑ෂ॒මිති॑ ද॒ද්ධ්නා ම॑ධුමි॒ශ්රේණ॑ පූරයති ।
ඌර්ග්වා අ॒න්නාද්ය॒න්දධි॑ । ඌ॒ර්ජෛවෛන॑ම॒න්නාද්යේ॑න॒ සම॑ර්ධයති ॥ 89 ॥
අන॑ශනායුකෝ භවති । ය ඒ॒වං-වේඁද॑ ।
රන්ති॒ර්නාමා॑සි දි॒ව්යෝ ග॑න්ධ॒ර්ව ඉත්යා॑හ ।
රූ॒පමේ॒වාස්යෛ॒-ත-න්ම॑හි॒මාන॒ග්ම්॒ රන්ති॑-ම්බ॒න්ධුතාං॒-ව්යාඁච॑ෂ්ටේ । සම॒හමායු॑ෂා॒ ස-ම්ප්රා॒ණේනේත්යා॑හ । ආ॒ශිෂ॑මේ॒වෛතාමාශා᳚ස්තේ ।
ව්ය॑සෞ යෝ᳚-ऽස්මා-න්ද්වේෂ්ටි॒ යඤ්ච॑ ව॒ය-න්ද්වි॒ෂ්ම ඉත්යා॑හ । අ॒භි॒චා॒ර ඒ॒වාස්යෛ॒ෂඃ । අචි॑ක්රද॒-ද්වෘෂා॒ හරි॒රිත්යා॑හ । වෘෂා॒ හ්යේ॑ෂඃ ॥ 90 ॥
වෘෂා॒ හරිඃ॑ । ම॒හා-න්මි॒ත්රෝ න ද॑ර්ශ॒ත ඉත්යා॑හ । ස්තෞත්යේ॒වෛන॑මේ॒තත් । චිද॑සි සමු॒ද්රයෝ॑නි॒රිත්යා॑හ । ස්වාමේ॒වෛනං॒-යෝඁනි॑ඞ්ගමයති ।
නම॑ස්තේ අස්තු॒ මා මා॑ හිග්ම්සී॒රිත්යා॒හාහිග්ම්॑සායෛ ।
වි॒ශ්වාව॑සුග්ම් සෝමගන්ධ॒ර්වමිත්යා॑හ । යදේ॒වාස්ය॑ ක්රි॒යමා॑ණස්යාන්ත॒ර්යන්ති॑ । තදේ॒වාස්යෛ॒තේනා ප්යා॑යයති ।
වි॒ශ්වාව॑සුර॒භි තන්නෝ॑ ගෘණා॒ත්විත්යා॑හ ॥ 91 ॥
පූර්ව॑මේ॒වෝදි॒තම් । උත්ත॑රේණා॒භිගෘ॑ණාති ।
ධියෝ॑ හින්වා॒නෝ ධිය॒ ඉන්නෝ॑ අව්යා॒දිත්යා॑හ । ඍ॒තූනේ॒වාස්මෛ॑ කල්පයති । ප්රාසා᳚-ඞ්ගන්ධ॒ර්වෝ අ॒මෘතා॑නි වෝච॒දිත්යා॑හ । ප්රා॒ණා වා අ॒මෘතාඃ᳚ ।
ප්රා॒ණානේ॒වාස්මෛ॑ කල්පයති । ඒ॒තත්ත්වන්දේ॑ව ඝර්ම දේ॒වෝ දේ॒වානුපා॑ගා॒ ඉත්යා॑හ । දේ॒වෝ හ්යේ॑ෂ සන්දේ॒වානු॒පෛති॑ । ඉ॒දම॒හ-ම්ම॑නු॒ෂ්යෝ॑ මනු॒ෂ්යා॑නිත්යා॑හ ॥ 92 ॥
ම॒නු॒ෂ්යෝ॑ හි । ඒ॒ෂ ස-න්ම॑නු॒ෂ්යා॑නු॒පෛති॑ ।
ඊ॒ශ්ව॒රෝ වෛ ප්ර॑ව॒ර්ග්ය॑මුද්වා॒සයන්න්॑ । ප්ර॒ජා-ම්ප॒ශූන්-ථ්සෝ॑මපී॒ථම॑නූ॒ද්වාස॒-ස්සෝම॑පී॒ථානු॒මේහි॑ । ස॒හ ප්ර॒ජයා॑ ස॒හ රා॒යස්පෝෂේ॒ණේත්යා॑හ । ප්ර॒ජාමේ॒ව ප॒ශූන්-ථ්සෝ॑මපී॒ථමා॒ත්ම-න්ධ॑ත්තේ । සු॒මි॒ත්රා න॒ ආප॒ ඕෂ॑ධය-ස්ස॒න්ත්විත්යා॑හ । ආ॒ශිෂ॑මේ॒වෛතාමාශා᳚ස්තේ ।
දු॒ර්මි॒ත්රාස්තස්මෛ॑ භූයාසු॒-ර්යෝ᳚-ऽස්මාන්-ද්වේෂ්ටි॒ යඤ්ච॑ ව॒ය-න්ද්වි॒ෂ්ම ඉත්යා॑හ । අ॒භි॒චා॒ර ඒ॒වාස්යෛ॒ෂඃ । ප්ර වා ඒ॒ෂෝ᳚-ऽස්මා-ල්ලෝ॒කාච්ච්ය॑වතේ ।
යඃ ප්ර॑ව॒ර්ග්ය॑මුද්වා॒සය॑ති । උදු॒ ත්ය-ඤ්චි॒ත්රමිති॑ සෞ॒රීභ්යා॑මෘ॒ග්භ්යා-ම්පුන॒රේත්ය॒ ගාර්හ॑පත්යේ ජුහෝති ।
අ॒යම් ඁවෛ ලෝ॒කෝ ගාර්හ॑පත්යඃ । අ॒ස්මින්නේ॒ව ලෝ॒කේ ප්රති॑තිෂ්ඨති ।
අ॒සෞ ඛලු॒ වා ආ॑දි॒ත්ය-ස්සු॑ව॒ර්ගෝ ලෝ॒කඃ ।
ය-ථ්සෞ॒රී භව॑තඃ । තේනෛ॒ව සු॑ව॒ර්ගා-ල්ලෝ॒කාන්නෛති॑ ॥ 93 ॥
(බ්රහ්ම॑ණස්ත්වා පර॒ස්පායා॒ ඉත්යා॑හ - දධා - ත්ය॒න්විත්ය॑ - රක්ෂ॒ස්වී රක්ෂ॑සා॒මප॑හත්යෛ॒ - වෛ හිර॑ණ්ය - මාහා - ර්ධයති॒ - හ්යේ॑ෂ - ගෘ॑ණා॒ත්විත්යා॑හ - මනු॒ෂ්යා॑නිත්යා॑හා - ස්යෛ॒ෂෝ᳚ ऽෂ්ටෞ ච॑) (අ. 9)
අනුවාකං 10
ප්ර॒ජාප॑තිං॒-වෛඁ දේ॒වා-ශ්ශු॒ක්ර-ම්පයෝ॑-ऽදුහ්රන්න් । තදේ᳚භ්යෝ॒ න ව්ය॑භවත් । තද॒ග්නිර්ව්ය॑කරෝත් । තානි॒ ශුක්රි॑යාණි॒ සාමා᳚න්යභවන්න් । තේෂාං॒-යෝඁ රසෝ॒-ऽත්යක්ෂ॑රත් । තානි॑ ශුක්රය॒ජූග්ෂ්ය॑භවන්න් ।
ශුක්රි॑යාණාං॒-වාඁ ඒ॒තානි॒ ශුක්රි॑යාණි । සා॒ම॒ප॒ය॒සංවාඁ ඒ॒තයෝ॑ර॒න්යත් ।
දේ॒වානා॑ම॒න්යත්පයඃ॑ । යද්ගෝඃ පයඃ॑ ॥ 94 ॥
ත-ථ්සාම්නඃ॒ පයඃ॑ । යද॒ජායෛ॒ පයඃ॑ । ත-ද්දේ॒වානා॒-ම්පයඃ॑ । තස්මා॒-ද්යත්රෛ॒තෛ-ර්යජු॑ර්භි॒ශ්චර॑න්ති । ත-ත්පය॑සා චරන්ති । ප්ර॒ජාප॑තිමේ॒ව ත-ද්දේ॒වාන්පය॑සා॒-ऽන්නාද්යේ॑න॒ සම॑ර්ධයන්ති । ඒ॒ෂ හ॒ ත්වෛ සා॒ක්ෂා-ත්ප්ර॑ව॒ර්ග්ය॑-ම්භක්ෂයති । යස්යෛ॒වං-විඁ॒දුෂඃ॑ ප්රව॒ර්ග්යඃ॑ ප්රවෘ॒ජ්යතේ᳚ । උ॒ත්ත॒ර॒වේ॒ද්යා-මුද්වා॑සයේ॒ත්-තේජ॑ස්කාමස්ය । තේජෝ॒ වා උ॑ත්තරවේ॒දිඃ ॥ 95 ॥
තේජඃ॑ ප්රව॒ර්ග්යඃ॑ । තේජ॑සෛ॒ව තේජ॒-ස්සම॑ර්ධයති ।
උ॒ත්ත॒ර॒වේ॒ද්යා-මුද්වා॑සයේ॒-දන්න॑කාමස්ය । ශිරෝ॒ වා ඒ॒ත-ද්ය॒ජ්ඤස්ය॑ । ය-ත්ප්ර॑ව॒ර්ග්යඃ॑ । මුඛ॑මුත්තරවේ॒දිඃ ।
ශී॒ර්ෂ්ණෛව මුඛ॒ග්ම්॒ සන්ද॑ධාත්ය॒න්නාද්යා॑ය । අ॒න්නා॒ද ඒ॒ව භ॑වති । යත්ර॒ ඛලු॒ වා ඒ॒තමුද්වා॑සිතං॒-වඁයාග්ම්॑සි ප॒ර්යාස॑තේ । පරි॒ වෛ තාග්ම් සමා᳚-ම්ප්ර॒ජා වයාග්॑ස්යාසතේ ॥ 96 ॥
තස්මා॑-දුත්තරවේ॒ද්යා-මේ॒වෝද්වා॑සයේත් । ප්ර॒ජානා᳚-ඞ්ගෝපී॒ථාය॑ । පු॒රෝ වා॑ ප॒ශ්චාද්වෝද්වා॑සයේත් । පු॒රස්තා॒ද්වා ඒ॒තජ්ජ්යෝති॒රුදේ॑ති । ත-ත්ප॒ශ්චාන්නිම්රෝ॑චති । ස්වාමේ॒වෛන॒ම් ඁයෝනි॒මනූද්වා॑සයති ।
අ॒පා-ම්මද්ධ්ය॒ උද්වා॑සයේත් । අ॒පාං-වාඁ ඒ॒තන්මද්ධ්යා॒-ජ්ජ්යෝති॑රජායත । ජ්යෝතිඃ॑ ප්රව॒ර්ග්යඃ॑ । ස්ව ඒ॒වෛනං॒-යෝඁනෞ॒ ප්රති॑ෂ්ඨාපයති ॥ 97 ॥
ය-න්ද්වි॒ෂ්යාත් । යත්ර॒ ස ස්යාත් । තස්යා᳚-න්දි॒ශ්යුද්වා॑සයේත් ।
ඒ॒ෂ වා අ॒ග්නි-ර්වෛ᳚ශ්වාන॒රඃ । යත්-ප්ර॑ව॒ර්ග්යඃ॑ ।
අ॒ග්නිනෛ॒වෛනං॑-වෛඁශ්වාන॒රේණා॒භි ප්රව॑ර්තයති ।
ඖදු॑ම්බර්යා॒ග්ම්॒ ශාඛා॑යා॒මුද්වා॑සයේත් ।
ඌර්ග්වා උ॑දු॒ම්බරඃ॑ । අන්න॑-ම්ප්රා॒ණඃ । ශුග්ඝ॒ර්මඃ ॥ 98 ॥
ඉ॒දම॒හ-ම॒මුෂ්යා॑මුෂ්යාය॒ණස්ය॑ ශු॒චා ප්රා॒ණමපි॑ දහා॒මීත්යා॑හ । ශු॒චෛවාස්ය॑ ප්රා॒ණමපි॑ දහති । තා॒ජගාර්ති॒මාර්ච්ඡ॑ති । යත්ර॑ ද॒ර්භා උ॑ප॒දීක॑සන්තතා॒-ස්ස්යුඃ । තදුද්වා॑සයේ॒-ද්වෘෂ්ටි॑කාමස්ය । ඒ॒තා වා අ॒පාම॑නූ॒ජ්ඣාව॑ර්යෝ॒ නාම॑ ।
ය-ද්ද॒ර්භාඃ । අ॒සෞ ඛලු॒ වා ආ॑දි॒ත්ය ඉ॒තෝ වෘෂ්ටි॒මුදී॑රයති । අ॒සාවේ॒වාස්මා॑ ආදි॒ත්යෝ වෘෂ්ටි॒න්නිය॑ච්ඡති । තා ආපෝ॒ නිය॑තා॒ ධන්ව॑නා යන්ති ॥ 99 ॥
(ගෝඃ පය॑ - උත්තරවේ॒දි - රා॑සතේ - ස්ථාපයති - ඝ॒ර්මෝ - ය॑න්ති) (අ. 10)
අනුවාකං 11
ප්ර॒ජාප॑ති-ස්සම්භ්රි॒යමා॑ණඃ । ස॒ම්රාට්-ථ්සම්භෘ॑තඃ । ඝ॒ර්මඃ ප්රවෘ॑ක්තඃ । ම॒හා॒වී॒ර උද්වා॑සිතඃ । අ॒සෞ ඛලු॒ වාවෛෂ ආ॑දි॒ත්යඃ । ය-ත්ප්ර॑ව॒ර්ග්යඃ॑ ।
ස ඒ॒තානි॒ නාමා᳚න්යකුරුත । ය ඒ॒වං-වේඁද॑ । වි॒දුරේ॑න॒න්නාම්නා᳚ । බ්ර॒හ්ම॒වා॒දිනෝ॑ වදන්ති ॥ 100 ॥
යෝ වෛ වසී॑යාග්ම් සංයඁථානා॒මමු॑ප॒චර॑ති ।
පුණ්යා᳚ර්තිං॒-වෛඁ ස තස්මෛ॑ කාමයතේ । පුණ්යා᳚ර්තිමස්මෛ කාමයන්තේ । ය ඒ॒වං-වේඁද॑ । තස්මා॑දේ॒වං-විඁ॒ද්වාන් । ඝ॒ර්ම ඉති॒ දිවා-ऽऽච॑ක්ෂීත । ස॒ම්රාඩිති॒ නක්ත᳚ම් । ඒ॒තේ වා ඒ॒තස්ය॑ ප්රි॒යේ ත॒නුවෞ᳚ । ඒ॒තේ අ॑ස්ය ප්රි॒යේ නාම॑නී । ප්රි॒යයෛ॒වෛන॑-න්ත॒නුවා᳚ ॥ 101 ॥
ප්රි॒යේණ॒ නාම්නා॒ සම॑ර්ධයති । කී॒ර්තිර॑ස්ය॒ පූර්වා ග॑ච්ඡති ජ॒නතා॑මාය॒තඃ । ගා॒ය॒ත්රී දේ॒වේභ්යෝ-ऽපා᳚ක්රාමත් । තාන්දේ॒වාඃ ප්ර॑ව॒ර්ග්යේ॑ණෛ॒වානු॒ ව්ය॑භවන්න් ।
ප්ර॒ව॒ර්ග්යේ॑ණාප්නුවන්න් । යච්ච॑තුර්විග්ම්ශතිඃ॒ කෘත්වඃ॑ ප්රව॒ර්ග්ය॑-ම්ප්රවෘ॒ණක්ති॑ । ගා॒ය॒ත්රීමේ॒ව තදනු॒ විභ॑වති । ගා॒ය॒ත්රීමා᳚ප්නෝති । පූර්වා᳚-ऽස්ය॒ ජනං॑-යඁ॒තඃ කී॒ර්තිර්ග॑ච්ඡති । වෛ॒ශ්ව॒දේ॒ව-ස්සග්ම්ස॑න්නඃ ॥ 102 ॥
වස॑වඃ॒ ප්රවෘ॑ක්තඃ । සෝමෝ॑-ऽභිකී॒ර්යමා॑ණඃ । ආ॒ශ්වි॒නඃ පය॑ස්යානී॒යමා॑නේ ।
මාරු॒තඃ ක්වථන්න්॑ । පෞ॒ෂ්ණ උද॑න්තඃ । සා॒ර॒ස්ව॒තෝ වි॒ෂ්යන්ද॑මානඃ । මෛ॒ත්ර-ශ්ශරෝ॑ ගෘහීතඃ । තේජ॒ උද්ය॑තෝ වා॒යුඃ । හ්රි॒යමා॑ණඃ ප්ර॒ජාප॑තිඃ ।
හූ॒යමා॑නෝ॒ වාඝු॒තඃ ॥ 103 ॥
අ॒සෞ ඛලු॒ වාවෛෂ ආ॑දි॒ත්යඃ । ය-ත්ප්ර॑ව॒ර්ග්යඃ॑ ।
ස ඒ॒තානි॒ නාමා᳚න්යකුරුත । ය ඒ॒වං-වේඁද॑ । වි॒දුරේ॑න॒න්නාම්නා᳚ । බ්ර॒හ්ම॒වා॒දිනෝ॑ වදන්ති ।
යන්මෘ॒න්මය॒-මාහු॑ති॒න්නාශ්ඤු॒තේ-ऽථ॑ । කස්මා॑දේ॒ෂෝ᳚-ऽශ්ඤුත॒ ඉති॑ । වාගේ॒ෂ ඉති॑ බ්රූයාත් । වා॒ච්යේ॑ව වාච॑-න්දධාති ॥ 104 ॥
තස්මා॑දශ්ඤුතේ । ප්ර॒ජාප॑ති॒ර්වා ඒ॒ෂ ද්වා॑දශ॒ධා විහි॑තඃ । ය-ත්ප්ර॑ව॒ර්ග්යඃ॑ । ය-ත්ප්රාග॑වකා॒ශේභ්යඃ॑ । තේන॑ ප්ර॒ජා අ॑සෘජත । අ॒ව॒කා॒ශෛ-ර්දේ॑වාසු॒රාන॑සෘජත । යදූ॒ර්ධ්වම॑වකා॒ශේභ්යඃ॑ ।
තේනාන්න॑මසෘජත । අන්න॑-ම්ප්ර॒ජාප॑තිඃ । ප්ර॒ජාප॑ති॒ර්වාවෛෂඃ ॥ 105 ॥
(ව॒ද॒න්ති॒ - ත॒නුවා॒ - සග්ම්ස॑න්නෝ - හූ॒යමා॑නෝ॒ වාඝු॒තෝ - ද॑ධා - ත්යේ॒ෂඃ) (අ. 11)
අනුවාකං 12
ස॒වි॒තා භූ॒ත්වා ප්ර॑ථ॒මේ-ऽහ॒-න්ප්රවෘ॑ජ්යතේ । තේන॒ කාමාග්ම්॑ ඒති । ය-ද්ද්වි॒තීයේ-ऽහ॑න්-ප්රවෘ॒ජ්යතේ᳚ । අ॒ග්නි-ර්භූ॒ත්වා දේ॒වානේ॑ති । යත්-තෘ॒තීයේ-ऽහ॑න්-ප්රවෘ॒ජ්යතේ᳚ । වා॒යු-ර්භූ॒ත්වා ප්රා॒ණානේ॑ති ।
යච්ච॑තු॒ර්ථේ-ऽහ॑න්-ප්රවෘ॒ජ්යතේ᳚ । ආ॒දි॒ත්යෝ භූ॒ත්වා ර॒ශ්මීනේ॑ති । ය-ත්ප॑ඤ්ච॒මේ-ऽහ॑න්-ප්රවෘ॒ජ්යතේ᳚ । ච॒න්ද්රමා॑ භූ॒ත්වා නක්ෂ॑ත්රාණ්යේති ॥ 106 ॥
ය-ථ්ෂ॒ෂ්ඨේ-ऽහ॑න්-ප්රවෘ॒ජ්යතේ᳚ । ඍ॒තු-ර්භූ॒ත්වා සං॑වඁථ්ස॒රමේ॑ති । ය-ථ්ස॑ප්ත॒මේ-ऽහ॑න්-ප්රවෘ॒ජ්යතේ᳚ । ධා॒තා භූ॒ත්වා ශක්ව॑රීමේති । යද॑ෂ්ට॒මේ-ऽහ॑න්-ප්රවෘ॒ජ්යතේ᳚ । බෘහ॒ස්පති॑-ර්භූ॒ත්වා ගා॑ය॒ත්රීමේ॑ති ।
ය-න්න॑ව॒මේ-ऽහ॑න්-ප්රවෘ॒ජ්යතේ᳚ । මි॒ත්රෝ භූ॒ත්වා ත්රි॒වෘත॑ ඉ॒මාන් ඁලෝ॒කානේ॑ති । ය-ද්ද॑ශ॒මේ-ऽහ॑න්-ප්රවෘ॒ජ්යතේ᳚ । වරු॑ණෝ භූ॒ත්වා වි॒රාජ॑මේති ॥ 107 ॥
යදේ॑කාද॒ශේ-ऽහ॑න්-ප්රවෘ॒ජ්යතේ᳚ । ඉන්ද්රෝ॑ භූ॒ත්වා ත්රි॒ෂ්ටුභ॑මේති । ය-ද්ද්වා॑ද॒ශේ-ऽහ॑න්-ප්රවෘ॒ජ්යතේ᳚ । සෝමෝ॑ භූ॒ත්වා සු॒ත්යාමේ॑ති । යත්-පු॒රස්තා॑දුප॒සදා᳚-ම්ප්රවෘ॒ජ්යතේ᳚ । තස්මා॑දි॒තඃ පරාං॑අ॒මූං-ලෝඁ॒කාග්ස්තප॑න්නේති । යදු॒පරි॑ෂ්ටා-දුප॒සදා᳚-ම්ප්රවෘ॒ජ්යතේ᳚ । තස්මා॑ද॒මුතෝ॒-ऽර්වාංඉ॒මාං-ලෝඁ॒කාග්ස්තප॑න්නේති । ය ඒ॒වං-වේඁද॑ ।
ඓව ත॑පති ॥ 108 ॥
(නක්ෂ॑ත්රාණ්යේති - වි॒රාජ॑මේති - තපති) (අ. 12)
දේ॒වා වෛ ස॒ත්රග්ම් - සා॑වි॒ත්රම් - පරි॑ශ්රිතේ॒ - බ්රහ්ම॒-න්ප්රච॑රිෂ්යාමෝ॒ - ऽග්නිෂ්ට්වා॒ - ශිරෝ᳚ ග්රී॒වා - දේ॒වස්ය॑ රශ॒නාං - ඁවිශ්වා॒ ආශා॒ - ධර්ම॒ යා ත᳚ - ප්ර॒ජාප॑තිග්ම් ශු॒ක්රම් - ප්ර॒ජාප॑ති-ස්සම්භ්රි॒යමා॑ණඃ -
සවි॒තා භූ॒ත්වා ද්වාද॑ශ)
(දේ॒වා වෛ ස॒ත්රග්ම් - ස ඛ॑දි॒රඃ - පරි॑ශ්රිතේ - ऽභිපූ॒ර්ව - මථෝ॒ රක්ෂ॑සා॒ම් - ග්රෛෂ්මා॑වේ॒වාස්මෛ॒ - බ්රහ්ම॒ වෛ දේ॒වානා॒ - මශ්වි॑නා ඝ॒ර්ම-ම්පා॑තම් - ප්රා॒ණෝ වෛ - වෘෂා॒ හරි॒--ර් යෝ වෛ වසී॑යාග්ම් සංයඁථානා॒ම
ම॒ෂ්ටෝත්ත॑රශ॒තම්)
(දේ॒වා වෛ ස॒ත්ර - මෛව ත॑පති)
॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය ආරණ්යකේ පඤ්චමඃ ප්රපාඨක-ස්සමාප්තඃ ॥
