సరస్వతీ సూక్తమ్ (యజుర్వేదీయ)

(తై.సం.4.1.11)
పావీ॑రవీ క॒న్యా॑ చి॒త్రాయు॒-స్సర॑స్వతీ వీ॒రప॑త్నీ॒ ధియ॑-న్ధాత్ ।
గ్నాభి॒రచ్ఛి॑ద్రగ్ం శర॒ణగ్ం స॒జోషా॑ దురా॒ధర్ష॑-ఙ్గృణ॒తే శర్మ॑ యగ్ంసత్ ॥

(ఋ.వే.7.95.5)
ఇ॒మా జుహ్వా᳚నా యు॒ష్మదా నమో᳚భిః॒ ప్రతి॒ స్తోమం᳚ సరస్వతి జుషస్వ ।
తవ॒ శర్మ᳚న్ప్రి॒యత॑మే॒ దధా᳚నా॒ ఉప॑ స్థేయామ శర॒ణ-న్న వృ॒ఖ్షమ్ ॥

(ఋ.వే.1.164.49)
యస్తే॒ స్తన॑-శ్శశ॒యో యో మ॑యో॒భూర్యేన॒ విశ్వా॒ పుష్య॑సి॒ వార్యా॑ణి ।
యో ర॑త్న॒ధా వ॑సు॒విద్య-స్సు॒దత్ర॒-స్సర॑స్వతి॒ తమి॒హ ధాత॑వే కః ॥

(ఋ.వే.6.61.14)
సర॑స్వత్య॒భి నో᳚ నేషి॒ వస్యో॒ మాప॑ స్ఫరీః॒ పయ॑సా॒ మా న॒ ఆ ధ॑క్ ।
జు॒షస్వ॑ న-స్స॒ఖ్యా వే॒శ్యా᳚ చ॒ మా త్వ-త్ఖ్షేత్రా॒ణ్యర॑ణాని గన్మ ॥

(ఋ.వే.6.61.2)
ఇ॒యం శుష్మే᳚భిర్బిస॒ఖా ఇ॑వారుజ॒త్సాను॑ గిరీ॒ణా-న్త॑వి॒షేభి॑రూ॒ర్మిభిః॑ ।
పా॒రా॒వ॒త॒ఘ్నీమవ॑సే సువృ॒క్తిభి॑స్సర॑స్వతీ॒ మా వి॑వాసేమ ధీ॒తిభిః॑ ॥

ఓం శాన్తి॒-శ్శాన్తి॒-శ్శాన్తిః॑ ॥

Browse Related Categories: