కృష్ణ యజుర్వేదీయ తైత్తిరీయ బ్రాహ్మణే ప్రథమాష్టకే అష్టమః ప్రపాఠకః - రాజసూయానుబ్రాహ్మణం

ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥

అనువాకం 1 - సంసృపాం హవీంషి దశ
వరు॑ణస్య సుషువా॒ణస్య॑ దశ॒ధేన్ద్రి॒యం-వీఀ॒ర్య॑-మ్పరా॑-ఽపతత్ । తథ్స॒గ్ం॒ సృద్భి॒రను॒ సమ॑సర్పత్ । తథ్స॒గ్ం॒ సృపాగ్ం॑ సగ్ం సృ॒త్త్వమ్ । అ॒గ్నినా॑ దే॒వేన॑ ప్రథ॒మే ఽహ॒న్నను॒ ప్రాయు॑ఙ్క్త । సర॑స్వత్యా వా॒చా ద్వి॒తీయే᳚ । స॒వి॒త్రా ప్ర॑స॒వేన॑ తృ॒తీయే᳚ । పూ॒ష్ణా ప॒శుభి॑శ్చతు॒ర్థే । బృహ॒స్పతి॑నా॒ బ్రహ్మ॑ణా పఞ్చ॒మే । ఇన్ద్రే॑ణ దే॒వేన॑ ష॒ష్ఠే । వరు॑ణేన॒ స్వయా॑ దే॒వత॑యా సప్త॒మే ॥ 1 ॥

సోమే॑న॒ రాజ్ఞా᳚-ఽష్ట॒మే । త్వష్ట్రా॑ రూ॒పేణ॑ నవ॒మే । విష్ణు॑నా య॒జ్ఞేనా᳚ప్నోత్ । యథ్స॒గ్ం॒ సృపో॒ భవ॑న్తి । ఇ॒న్ద్రి॒యమే॒వ త-ద్వీ॒ర్యం॑-యఀజ॑మాన ఆప్నోతి । పూర్వా॑ పూర్వా॒ వేది॑ర్భవతి । ఇ॒న్ద్రి॒యస్య॑ వీ॒ర్య॑స్యావ॑రుద్ధ్యై । పు॒రస్తా॑-దుప॒సదాగ్ం॑ సౌ॒మ్యేన॒ ప్రచ॑రతి । సోమో॒ వై రే॑తో॒ధాః । రేత॑ ఏ॒వ త-ద్ద॑ధాతి । అ॒న్త॒రా త్వా॒ష్ట్రేణ॑ । రేత॑ ఏ॒వ హి॒త-న్త్వష్టా॑ రూ॒పాణి॒ విక॑రోతి । ఉ॒పరి॑ష్టా-ద్వైష్ణ॒వేన॑ । య॒జ్ఞో వై విష్ణుః॑ । య॒జ్ఞ ఏ॒వాన్త॒తః ప్రతి॑ తిష్ఠతి ॥ 2 ॥
(స॒ప్త॒మే - ద॑ధాతి॒ పఞ్చ॑ చ) (అ. 1)

అనువాకం 2 - దశపేయః
జా॒మి వా ఏ॒త-త్కు॑ర్వన్తి । యథ్స॒ద్యో దీ॒ఖ్షయ॑న్తి స॒ద్య-స్సోమ॑-ఙ్క్రీ॒ణన్తి॑ । పు॒ణ్డ॒రి॒స్ర॒జా-మ్ప్రయ॑చ్ఛ॒త్యజా॑మిత్వాయ । అఙ్గి॑రస-స్సువ॒ర్గం-లోఀ॒కం-యఀన్తః॑ । అ॒ఫ్సు దీ᳚ఖ్షాత॒పసీ॒ ప్రావే॑శయన్న్ । త-త్పు॒ణ్డరీ॑క-మభవత్ । య-త్పు॑ణ్డరిస్ర॒జా-మ్ప్ర॒యచ్ఛ॑తి । సా॒ఖ్షాదే॒వ దీ᳚ఖ్షాత॒పసీ॒ అవ॑రున్ధే । ద॒శభి॑ర్వథ్సత॒రై-స్సోమ॑-ఙ్క్రీణాతి । దశా᳚ఖ్షరా వి॒రాట్ ॥ 3 ॥

అన్నం॑-విఀ॒రాట్ । వి॒రాజై॒వాన్నాద్య॒మవ॑ రున్ధే । ము॒ష్క॒రా భ॑వన్తి సేన్ద్ర॒త్వాయ॑ । ద॒శ॒పేయో॑ భవతి । అ॒న్నాద్య॒స్యావ॑రుద్ధ్యై । శ॒త-మ్బ్రా᳚హ్మ॒ణాః పి॑బన్తి । శ॒తాయుః॒ పురు॑ష-శ్శ॒తేన్ద్రి॑యః । ఆయు॑ష్యే॒వేన్ద్రి॒యే ప్రతి॑ తిష్ఠతి । స॒ప్త॒ద॒శగ్గ్​ స్తో॒త్ర-మ్భ॑వతి । స॒ప్త॒ద॒శః ప్ర॒జాప॑తిః ॥ 4 ॥

ప్ర॒జాప॑తే॒రాప్త్యై᳚ । ప్రా॒కా॒శావ॑ద్ధ్వ॒ర్యవే॑ దదాతి । ప్ర॒కా॒శ-మే॒వైన॑-ఙ్గమయతి । స్రజ॑ము-ద్గా॒త్రే । వ్యే॑వాస్మై॑ వాసయతి । రు॒క్మగ్ం హోత్రే᳚ । ఆ॒ది॒త్యమే॒వాస్మా॒ ఉన్న॑యతి । అశ్వ॑-మ్ప్రస్తోతృప్రతిహ॒ర్తృభ్యా᳚మ్ । ప్రా॒జా॒పత్యో వా అశ్వః॑ । ప్ర॒జాప॑తే॒రాప్త్యై᳚ ॥ 5 ॥

ద్వాద॑శ-పష్ఠౌ॒హీ-ర్బ్ర॒హ్మణే᳚ । ఆయు॑రే॒వావ॑-రున్ధే । వ॒శా-మ్మై᳚త్రావరు॒ణాయ॑ । రా॒ష్ట్రమే॒వ వ॒శ్య॑కః । ఋ॒ష॒భ-మ్బ్రా᳚హ్మణాచ్ఛ॒గ్ం॒సినే᳚ । రా॒ష్ట్ర-మే॒వేన్ద్రి॑యా॒వ్య॑కః । వాస॑సీ నేష్టాపో॒తృభ్యా᳚మ్ । ప॒విత్రే॑ ఏ॒వాస్యై॒తే । స్థూరి॑ యవాచి॒త-మ॑చ్ఛావా॒కాయ॑ । అ॒న్త॒త ఏ॒వ వరు॑ణ॒మవ॑ యజతే ॥ 6 ॥

అ॒న॒డ్వాహ॑-మ॒గ్నీధే᳚ । వహ్ని॒ర్వా అ॑న॒డ్వాన్ । వహ్ని॑ర॒గ్నీత్ । వహ్ని॑నై॒వ వహ్ని॑ య॒జ్ఞస్యావ॑రున్ధే । ఇన్ద్ర॑స్య సుషువా॒ణస్య॑ త్రే॒ధేన్ద్రి॒యం-వీఀ॒ర్య॑-మ్పరా॑-ఽపతత్ । భృగు॒-స్తృతీ॑య-మభవత్ । శ్రా॒య॒న్తీయ॒-న్తృతీ॑యమ్ । సర॑స్వతీ॒ తృతీ॑యమ్ । భా॒ర్గ॒వో హోతా॑ భవతి । శ్రా॒య॒న్తీయ॑-మ్బ్రహ్మసా॒మ-మ్భ॑వతి । వా॒ర॒వ॒న్తీయ॑-మగ్నిష్టోమ-సా॒మమ్ । సా॒ర॒స్వ॒తీర॒పో గృ॑హ్ణాతి । ఇ॒న్ద్రి॒యస్య॑ వీ॒ర్య॑స్యావ॑-రుద్ధ్యై । శ్రా॒య॒న్తీయ॑-మ్బ్రహ్మసా॒మ-మ్భ॑వతి । ఇ॒న్ద్రి॒యమే॒వాస్మి॑న్ వీ॒ర్య॒గ్గ్॑ శ్రయతి । వా॒ర॒వ॒న్తీయ॑-మగ్నిష్టోమ-సా॒మమ్ । ఇ॒న్ద్రి॒యమే॒వాస్మి॑న్ వీ॒ర్యం॑-వాఀరయతి ॥ 7 ॥
(వి॒రాట్ - ప్ర॒జాప॑తి॒ - రశ్వః॑ ప్ర॒జాప॑తే॒రాప్త్యై॑ - యజతే - బ్రహ్మసా॒మ-మ్భ॑వతి స॒ప్త చ॑) (అ. 2)

అనువాకం 3 - దిశామవేష్టయః, పశుబన్ధః, సాత్యదూతహవీంషి చ
ఈ॒శ్వ॒రో వా ఏ॒ష దిశో-ఽనూ-న్మ॑దితోః । య-న్దిశో-ఽను॑ వ్యాస్థా॒పయ॑న్తి । ది॒శామవే᳚ష్టయో భవన్తి । ది॒ఖ్ష్వే॑వ ప్రతి॑ తిష్ఠ॒త్యను॑న్మాదాయ । పఞ్చ॑ దే॒వతా॑ యజతి । పఞ్చ॒ దిశః॑ । ది॒ఖ్ష్వే॑వ ప్రతి॑ తిష్ఠతి । హ॒విషో॑ హవిష ఇ॒ష్ట్వా బా॑ర్​హస్ప॒త్య-మ॒భిఘా॑రయతి । య॒జ॒మా॒న॒దే॒వ॒త్యో॑ వై బృహ॒స్పతిః॑ । యజ॑మానమే॒వ తేజ॑సా॒ సమ॑ర్ధయతి ॥ 8 ॥

ఆ॒ది॒త్యా-మ్మ॒ల్॒ఃఆ-ఙ్గ॒ర్భిణీ॒మా ల॑భతే । మా॒రు॒తీ-మ్పృశ్ఞి॑-మ్పష్ఠౌ॒హీమ్ । విశ॑-ఞ్చై॒వాస్మై॑ రా॒ష్ట్ర-ఞ్చ॑ స॒మీచీ॑ దధాతి । ఆ॒ది॒త్యయా॒ పూర్వ॑యా॒ ప్రచ॑రతి । మా॒రు॒త్యోత్త॑రయా । రా॒ష్ట్ర ఏ॒వ విశ॒మను॑బద్ధ్నాతి । ఉ॒చ్చైరా॑ది॒త్యాయా॒ ఆశ్రా॑వయతి । ఉ॒పా॒గ్ం॒శు మా॑రు॒త్యై । తస్మా᳚-ద్రా॒ష్ట్రం-విఀశ॒మతి॑వదతి । గ॒ర్భిణ్యా॑ది॒త్యా భ॑వతి ॥ 9 ॥

ఇ॒న్ద్రి॒యం-వైఀ గర్భః॑ । రా॒ష్ట్ర-మే॒వేన్ద్రి॑యా॒వ్య॑కః । అ॒గ॒ర్భా మా॑రు॒తీ । విడ్వై మ॒రుతః॑ । విశ॑మే॒వ నిరి॑న్ద్రియామకః । దే॒వా॒సు॒రా-స్సం​యఀ ॑త్తా ఆసన్న్ । తే దే॒వా అ॒శ్వినోః᳚ పూ॒షన్-వా॒చ-స్స॒త్యగ్ం స॑ని॒న్ధాయ॑ । అనృ॑తే॒నాసు॑రా-న॒భ్య॑భవన్న్ । తే᳚-ఽశ్విభ్యా᳚-మ్పూ॒ష్ణే పు॑రో॒డాశ॒-న్ద్వాద॑శకపాల॒-న్నిర॑వపన్న్ । తతో॒ వై తే వా॒చ-స్స॒త్యమవా॑రున్ధత ॥ 10 ॥

యద॒శ్విభ్యా᳚-మ్పూ॒ష్ణే పు॑రో॒డాశ॒-న్ద్వాద॑శకపాల-న్ని॒ర్వప॑తి । అనృ॑తేనై॒వ భ్రాతృ॑వ్యా-నభి॒భూయ॑ । వా॒చ-స్స॒త్యమవ॑రున్ధే । సర॑స్వతే సత్య॒వాచే॑ చ॒రుమ్ । పూర్వ॑మే॒వోది॒తమ్ । ఉత్త॑రేణా॒భి గృ॑ణాతి । స॒వి॒త్రే స॒త్యప్ర॑సవాయ పురో॒డాశ॒-న్ద్వాద॑శకపాల॒-మ్ప్రసూ᳚త్యై । దూ॒తాన్-ప్రహి॑ణోతి । ఆ॒విద॑ ఏ॒తా భ॑వన్తి । ఆ॒విద॑మే॒వైన॑-ఙ్గమయన్తి । అథో॑ దూ॒తేభ్య॑ ఏ॒వ న ఛి॑ద్యతే । తి॒సృ॒ధ॒న్వగ్ం శు॑ష్కదృ॒తి-ర్దఖ్షి॑ణా॒ సమృ॑ద్ధ్యై ॥ 11 ॥
(అ॒ర్ధ॒య॒తి॒ - భ॒వ॒ - త్య॒రు॒న్ధ॒త॒ - గ॒మ॒య॒న్తి॒ ద్వే చ॑) (అ. 3)

అనువాకం 4 - ప్రయుజాం హవీంషి ద్వాదశ
ఆ॒గ్నే॒య-మ॒ష్టాక॑పాల॒-న్నిర్వ॑పతి । తస్మా॒-చ్ఛిశి॑రే కురుపఞ్చా॒లాః ప్రాఞ్చో॑ యాన్తి । సౌ॒మ్య-ఞ్చ॒రుమ్ । తస్మా᳚-ద్వస॒న్తం-వ్యఀ ॑వ॒సాయా॑దయన్తి । సా॒వి॒త్ర-న్ద్వాద॑శకపాలమ్ । తస్మా᳚త్-పు॒రస్తా॒-ద్యవా॑నాగ్ం సవి॒త్రా విరు॑న్ధతే । బా॒ర్॒హ॒స్ప॒త్య-ఞ్చ॒రుమ్ । స॒వి॒త్రైవ వి॒రుద్ధ్య॑ । బ్రహ్మ॑ణా॒ యవా॒నాద॑ధతే । త్వా॒ష్ట్ర-మ॒ష్టాక॑పాలమ్ ॥ 12 ॥

రూ॒పాణ్యే॒వ తేన॑ కుర్వతే । వై॒శ్వా॒న॒ర-న్ద్వాద॑శకపాలమ్ । తస్మా᳚జ్జఘ॒న్యే॑ నైదా॑ఘే ప్ర॒త్యఞ్చః॑ కురుపఞ్చా॒లా యా᳚న్తి । సా॒ర॒స్వ॒త-ఞ్చ॒రు-న్నిర్వ॑పతి । తస్మా᳚త్-ప్రా॒వృషి॒ సర్వా॒ వాచో॑ వదన్తి । పౌ॒ష్ణేన॒ వ్యవ॑స్యన్తి । మై॒త్రేణ॑ కృషన్తే । వా॒రు॒ణేన॒ విధృ॑తా ఆసతే । ఖ్షై॒త్ర॒ప॒త్యేన॑ పాచయన్తే । ఆ॒ది॒త్యేనాద॑ధతే ॥ 13 ॥

మా॒సిమా᳚స్యే॒తాని॑ హ॒వీగ్ంషి॑ ని॒రుప్యా॒ణీత్యా॑హుః । తేనై॒వర్తూన్-ప్రయు॑ఙ్క్త॒ ఇతి॑ । అథో॒ ఖల్వా॑హుః । క-స్సం॑​వఀథ్స॒ర-ఞ్జీ॑విష్య॒తీతి॑ । షడే॒వ పూ᳚ర్వే॒ద్యుర్ని॒రుప్యా॑ణి । షడు॑త్తరే॒ద్యుః । తేనై॒వర్తూన్-ప్రయు॑ఙ్క్తే । దఖ్షి॑ణో రథవాహనవా॒హః పూర్వే॑షా॒-న్దఖ్షి॑ణా । ఉత్త॑ర॒ ఉత్త॑రేషామ్ । సం॒​వఀ॒థ్స॒రస్యై॒వాన్తౌ॑ యునక్తి । సు॒వ॒ర్గస్య॑ లో॒కస్య॒ సమ॑ష్ట్యై ॥ 14 ॥
(త్వా॒ష్ట్రమ॒ష్టాక॑పాలం - దధతే - యున॒క్త్యేకం॑ చ) (అ. 4)

అనువాకం 5 - సౌత్రామణిః, పశవః, హవీంషి చ
ఇన్ద్ర॑స్య సుషువా॒ణస్య॑ దశ॒ధేన్ద్రి॒యం-వీఀ॒ర్య॑-మ్పరా॑-ఽపతత్ । స య-త్ప్ర॑థ॒మ-న్ని॒రష్ఠీ॑వత్ । తత్-క్వ॑లమభవత్ । య-ద్ద్వి॒తీయ᳚మ్ । త-ద్బద॑రమ్ । యత్-తృ॒తీయ᳚మ్ । తత్-క॒ర్కన్ధు॑ । యన్న॒స్తః । స సి॒గ్ం॒హః । యదఖ్ష్యోః᳚ ॥ 15 ॥

స శా᳚ర్దూ॒లః । యత్-కర్ణ॑యోః । స వృకః॑ । య ఊ॒ర్ధ్వః ।
స సోమః॑ । యా ఽవా॑చీ । సా సురా᳚ । త్ర॒యా-స్సక్త॑వో భవన్తి ।
ఇ॒న్ద్రి॒యస్యావ॑-రుద్ధ్యై । త్ర॒యాణి॒ లోమా॑ని ॥ 16 ॥

త్విషి॑మే॒వావ॑ రున్ధే । త్రయో॒ గ్రహాః᳚ । వీ॒ర్య॑మే॒వావ॑ రున్ధే । నామ్నా॑ దశ॒మీ । నవ॒ వై పురు॑షే ప్రా॒ణాః । నాభి॑ర్దశ॒మీ । ప్రా॒ణా ఇ॑న్ద్రి॒యం-వీఀ॒ర్య᳚మ్ । ప్రా॒ణానే॒వేన్ద్రి॒యం-వీఀ॒ర్యం॑-యఀజ॑మాన ఆ॒త్మన్-ధ॑త్తే । సీసే॑న క్లీ॒బాచ్ఛష్పా॑ణి క్రీణాతి । న వా ఏ॒తదయో॒ న హిర॑ణ్యమ్ ॥ 17 ॥

య-థ్సీస᳚మ్ । న స్త్రీ న పుమాన్॑ । యత్-క్లీ॒బః । న సోమో॒ న సురా᳚ । య-థ్సౌ᳚త్రామ॒ణీ సమృ॑ద్ధ్యై । స్వా॒ద్వీ-న్త్వా᳚ స్వా॒దునేత్యా॑హ । సోమ॑మే॒వైనా᳚-ఙ్కరోతి । సోమో᳚-ఽస్య॒శ్విభ్యా᳚-మ్పచ్యస్వ॒ సర॑స్వత్యై పచ్య॒స్వేన్ద్రా॑య సు॒త్రామ్ణే॑ పచ్య॒స్వేత్యా॑హ । ఏ॒తాభ్యో॒ హ్యే॑షా దే॒వతా᳚భ్యః॒ పచ్య॑తే । తి॒స్ర-స్సగ్ంసృ॑ష్టా వసతి ॥ 18 ॥

తి॒స్రో హి రాత్రీః᳚ క్రీ॒త-స్సోమో॒ వస॑తి । పు॒నాతు॑ తే పరి॒స్రుత॒మితి॒ యజు॑షా పునాతి॒ వ్యావృ॑త్త్యై । ప॒విత్రే॑ణ పునాతి । ప॒విత్రే॑ణ॒ హి సోమ॑-మ్పు॒నన్తి॑ । వారే॑ణ॒ శశ్వ॑తా॒ తనేత్యా॑హ । వారే॑ణ॒ హి సోమ॑-మ్పు॒నన్తి॑ ।వా॒యుః పూ॒తః ప॒విత్రే॒ణేతి॒ నైతయా॑ పునీయాత్ । వ్యృ॑ద్ధా॒ హ్యే॑షా । అ॒తి॒ప॒వి॒తస్యై॒తయా॑ పునీయాత్ । కు॒విద॒ఙ్గే-త్యని॑రుక్తయా ప్రాజాప॒త్యయా॑ గృహ్ణాతి ॥ 19 ॥

అని॑రుక్తః ప్ర॒జాప॑తిః । ప్ర॒జాప॑తే॒రాప్త్యై᳚ । ఏక॑య॒ర్చా గృ॑హ్ణాతి । ఏ॒క॒ధైవ యజ॑మానే వీ॒ర్య॑-న్దధాతి । ఆ॒శ్వి॒న-న్ధూ॒మ్రమా ల॑భతే । అ॒శ్వినౌ॒ వై దే॒వానా᳚-మ్భి॒షజౌ᳚ । తాభ్యా॑మే॒వాస్మై॑ భేష॒జ-ఙ్క॑రోతి । సా॒ర॒స్వ॒త-మ్మే॒షమ్ । వాగ్వై సర॑స్వతీ । వా॒చైవైన॑-మ్భిషజ్యతి । ఐ॒న్ద్రమృ॑ష॒భగ్ం సే᳚న్ద్ర॒త్వాయ॑ ॥ 20 ॥
(అఖ్ష్యో॒--ర్ లోమా॑ని॒ - హిర॑ణ్యం - ఀవసతి - గృహ్ణాతి - భిషజ్య॒త్యేక॑-ఞ్చ) (అ. 5)

అనువాకం 6 - సౌత్రామణిః, పశవః, హవీంషి చ
యత్-త్రి॒షు యూపే᳚ష్వా॒-లభే॑త । బ॒హి॒ర్ధా ఽస్మా॑దిన్ద్రి॒యం-వీఀర్య॑-న్దధ్యాత్ । భ్రాతృ॑వ్యమస్మై జనయేత్ । ఏ॒క॒యూ॒ప ఆల॑భతే । ఏ॒క॒ధైవాస్మి॑-న్నిన్ద్రి॒యం-వీఀ॒ర్య॑-న్దధాతి । నాస్మై॒ భ్రాతృ॑వ్య-ఞ్జనయతి । నైతేషా᳚-మ్పశూ॒నా-మ్పు॑రో॒డాశా॑ భవన్తి । గ్రహ॑పురోడాశా॒ హ్యే॑తే । యు॒వగ్ం సు॒రామ॑మశ్వి॒నేతి॑ సర్వదేవ॒త్యే॑ యాజ్యానువా॒క్యే॑ భవతః । సర్వా॑ ఏ॒వ దే॒వతాః᳚ ప్రీణాతి ॥ 21 ॥

బ్రా॒హ్మ॒ణ-మ్పరి॑క్రీణీయా-దు॒చ్ఛేష॑ణస్య పా॒తార᳚మ్ । బ్రా॒హ్మ॒ణో హ్యాహు॑త్యా ఉ॒చ్ఛేష॑ణస్య పా॒తా । యది॑ బ్రాహ్మ॒ణ-న్న వి॒న్దేత్ । వ॒ల్మీ॒క॒వ॒పాయా॒మవ॑ నయేత్ । సైవ తతః॒ ప్రాయ॑శ్చిత్తిః । య-ద్వై సౌ᳚త్రామ॒ణ్యై వ్యృ॑ద్ధమ్ । తద॑స్యై॒ సమృ॑ద్ధమ్ । నా॒నా॒దే॒వ॒త్యాః᳚ ప॒శవ॑శ్చ పురో॒డాశా᳚శ్చ భవన్తి॒ సమృ॑ద్ధ్యై । ఐ॒న్ద్రః ప॑శూ॒నాము॑త్త॒మో భ॑వతి । ఐ॒న్ద్రః పు॑రో॒డాశా॑నా-మ్ప్రథ॒మః ॥ 22 ॥

ఇ॒న్ద్రి॒యే ఏ॒వాస్మై॑ స॒మీచీ॑ దధాతి । పు॒రస్తా॑-దనూయా॒జానా᳚-మ్పురో॒డాశైః॒ ప్రచ॑రతి । ప॒శవో॒ వై పు॑రో॒డాశాః᳚ । ప॒శూనే॒వావ॑ రున్ధే । ఐ॒న్ద్ర-మేకా॑దశకపాల॒-న్నిర్వ॑పతి । ఇ॒న్ద్రి॒యమే॒వావ॑-రున్ధే । సా॒వి॒త్ర-న్ద్వాద॑శకపాల॒-మ్ప్రసూ᳚త్యై । వా॒రు॒ణ-న్దశ॑కపాలమ్ । అ॒న్త॒త ఏ॒వ వరు॑ణ॒మవ॑-యజతే । వడ॑బా॒ దఖ్షి॑ణా ॥ 23 ॥

ఉ॒త వా ఏ॒షా-ఽశ్వగ్ం॑ సూ॒తే । ఉ॒తాశ్వ॑త॒రమ్ । ఉ॒త సోమ॑ ఉ॒త సురా᳚ । య-థ్సౌ᳚త్రామ॒ణీ సమృ॑ద్ధ్యై । బా॒ర్॒హ॒స్ప॒త్య-మ్ప॒శు-ఞ్చ॑తు॒ర్థ-మ॑తిపవి॒తస్యాల॑భతే । బ్రహ్మ॒ వై దే॒వానా॒-మ్బృహ॒స్పతిః॑ । బ్రహ్మ॑ణై॒వ య॒జ్ఞస్య॒ వ్యృ॑ద్ధ॒మపి॑-వపతి । పు॒రో॒డాశ॑వానే॒ష ప॒శుర్భ॑వతి । న హ్యే॑తస్య॒ గ్రహ॑-ఙ్గృ॒హ్ణన్తి॑ । సోమ॑ప్రతీకాః పితర-స్తృప్ణు॒తేతి॑ శతాతృ॒ణ్ణాయాగ్ం॑ స॒మవ॑నయతి ॥ 24 ॥

శ॒తాయుః॒ పురు॑ష-శ్శ॒తేన్ద్రి॑యః । ఆయు॑ష్యే॒వేన్ద్రి॒యే ప్రతి॑తిష్ఠతి । దఖ్షి॑ణే॒-ఽగ్నౌ జు॑హోతి । పా॒ప॒వ॒స్య॒సస్య॒ వ్యావృ॑త్త్యై । హిర॑ణ్యమన్త॒రా ధా॑రయతి । పూ॒తామే॒వైనా᳚-ఞ్జుహోతి । శ॒తమా॑న-మ్భవతి । శ॒తాయుః॒ పురు॑ష-శ్శ॒తేన్ద్రి॑యః । ఆయు॑ష్యే॒వేన్ద్రి॒యే ప్రతి॑ తిష్ఠతి । యత్రై॒వ శ॑తాతృ॒ణ్ణా-న్ధా॒రయ॑తి ॥ 25 ॥

తన్నిద॑ధాతి॒ ప్రతి॑ష్ఠిత్యై । పి॒తౄన్. వా ఏ॒తస్యే᳚న్ద్రి॒యం-వీఀ॒ర్య॑-ఙ్గచ్ఛతి । యగ్ం సోమో॑-ఽతి॒పవ॑తే । పి॒తృ॒ణాం-యాఀ᳚జ్యా-నువా॒క్యా॑భి॒రుప॑ తిష్ఠతే । యదే॒వాస్య॑ పి॒తౄని॑న్ద్రి॒యం-వీఀ॒ర్య॑-ఙ్గచ్ఛ॑తి । తదే॒వావ॑ రున్ధే । తి॒సృభి॒రుప॑ తిష్ఠతే । తృ॒తీయే॒ వా ఇ॒తో లో॒కే పి॒తరః॑ । తానే॒వ ప్రీ॑ణాతి । అథో॒ త్రీణి॒ వై య॒జ్ఞస్యే᳚న్ద్రి॒యాణి॑ । అ॒ద్ధ్వ॒ర్యుర్-హోతా᳚ బ్ర॒హ్మా । త ఉప॑తిష్ఠన్తే । యాన్యే॒వ య॒జ్ఞస్యే᳚న్ద్రి॒యాణి॑ । తైరే॒వాస్మై॑ భేష॒జ-ఙ్క॑రోతి ॥ 26 ॥
(ప్ర॒ణా॒తి॒ - ప్ర॒థ॒మో - దఖ్షి॑ణా - స॒మవ॑నయతి - ధా॒రయ॑ - తీన్ద్రి॒యాణి॑ చ॒త్వారి॑ చ) (అ. 6)

అనువాకం 7 - రాజసూయస్యాగ్రే కర్తవ్య-మ్పవిత్రాఖ్యమగ్నిష్టోమమహః
అ॒గ్ని॒ష్టో॒మమగ్ర॒ ఆహ॑రతి । య॒జ్ఞ॒ము॒ఖం-వాఀ అ॑గ్నిష్టో॒మః । య॒జ్ఞ॒ము॒ఖమే॒వారభ్య॑ స॒వమాక్ర॑మతే । అథై॒షో॑-ఽభిషేచ॒నీయ॑-శ్చతుస్త్రి॒గ్ం॒శప॑వమానో భవతి । త్రయ॑స్త్రిగ్ంశ॒ద్వై దే॒వతాః᳚ । తా ఏ॒వాప్నో॑తి । ప్ర॒జాప॑తి-శ్చతుస్త్రి॒గ్ం॒శః । తమే॒వాప్నో॑తి । స॒గ్ం॒శ॒ర ఏ॒ష స్తోమా॑నా॒మయ॑థాపూర్వమ్ । య-ద్విష॑మా॒-స్స్తోమాః᳚ ॥ 27 ॥

ఏ॒తావా॒న్.॒ వై య॒జ్ఞః । యావా॒న్-పవ॑మానాః । అ॒న్త॒-శ్శ్లేష॑ణ॒-న్త్వా అ॒న్యత్ । య-థ్స॒మాః పవ॑మానాః । తేనాసగ్ం॑శరః । తేన॑ యథాపూ॒ర్వమ్ । ఆ॒త్మనై॒-వాగ్ని॑ష్టో॒మేన॒ర్ధ్నోతి॑ । ఆ॒త్మనా॒ పుణ్యో॑ భవతి । ప్ర॒జా వా ఉ॒క్థాని॑ । ప॒శవ॑ ఉ॒క్థాని॑( ) । యదు॒క్థ్యో॑ భవ॒త్యను॒ సన్త॑త్యై ॥ 28 ॥
(స్తోమాః᳚-ప॒శవ॑ ఉ॒క్థాన్యేక॑-ఞ్చ) (అ. 7)

అనువాకం 8 - అభిషేచనీయే సామమన్త్రవిశేషః
ఉప॑ త్వా జా॒మయో॒ గిర॒ ఇతి॑ ప్రతి॒పద్భ॑వతి । వాగ్వై వా॒యుః । వా॒చ ఏ॒వైషో॑-ఽభిషే॒కః । సర్వా॑సామే॒వ ప్ర॒జానాగ్ం॑ సూయతే । సర్వా॑ ఏన-మ్ప్ర॒జా రాజేతి॑ వదన్తి । ఏ॒తము॒ త్య-న్దశ॒ఖ్షిప॒ ఇత్యా॑హ । ఆ॒ది॒త్యా వై ప్ర॒జాః । ప్ర॒జానా॑మే॒వైతేన॑ సూయతే । యన్తి॒ వా ఏ॒తే య॑జ్ఞము॒ఖాత్ । యే స॑మ్భా॒ర్యా॑ అక్రన్న్॑ ॥ 29 ॥

యదాహ॒ పవ॑స్వ వా॒చో అ॑గ్రియ॒ ఇతి॑ । తేనై॒వ య॑జ్ఞము॒ఖా-న్నయ॑న్తి । అ॒ను॒ష్టుక్-ప్ర॑థ॒మా భ॑వతి । అ॒ను॒ష్టు-గు॑త్త॒మా । వాగ్వా అ॑ను॒ష్టుక్ । వా॒చైవ ప్ర॒యన్తి॑ । వా॒చోద్య॑న్తి । ఉద్వ॑తీ-ర్భవన్తి । ఉద్వ॒ద్వా అ॑ను॒ష్టుభో॑ రూ॒పమ్ । ఆను॑ష్టుభో రాజ॒న్యః॑ ॥ 30 ॥

తస్మా॒దుద్వ॑తీ-ర్భవన్తి । సౌ॒ర్య॑ను॒ష్టు-గు॑త్త॒మా భ॑వతి । సు॒వ॒ర్గస్య॑ లో॒కస్య॒ సన్త॑త్యై । యో వై స॒వాదేతి॑ । నైనగ్ం॑ స॒వ ఉప॑నమతి । య-స్సామ॑భ్య॒ ఏతి॑ । పాపీ॑యాన్-థ్సుషువా॒ణో భ॑వతి । ఏ॒తాని॒ ఖలు॒ వై సామా॑ని । యత్పృ॒ష్ఠాని॑ । యత్పృ॒ష్ఠాని॒ భవ॑న్తి ॥ 31 ॥

తైరే॒వ స॒వాన్నైతి॑ । యాని॑ దేవరా॒జానా॒గ్ం॒ సామా॑ని । తైర॒ముష్మి॑న్ ఀలో॒క ఋ॑ద్ధ్నోతి । యాని॑ మనుష్యరా॒జానా॒గ్ం॒ సామా॑ని । తైర॒స్మిన్ ఀలో॒క ఋ॑ద్ధ్నోతి । ఉ॒భయో॑రే॒వ లో॒కయోర్॑.-ఋద్ధ్నోతి । దే॒వ॒లో॒కే చ॑ మనుష్యలో॒కే చ॑ । ఏ॒క॒వి॒గ్ం॒శో॑ ఽభిషేచ॒నీయ॑-స్యోత్త॒మో భ॑వతి । ఏ॒క॒వి॒గ్ం॒శః కే॑శవప॒నీయ॑స్య ప్రథ॒మః । స॒ప్త॒ద॒శో ద॑శ॒పేయః॑ ॥ 32 ॥

విడ్వా ఏ॑కవి॒గ్ం॒శః । రా॒ష్ట్రగ్ం స॑ప్తద॒శః । విశ॑ ఏ॒వైత-న్మ॑ద్ధ్య॒తో॑-ఽభిషి॑చ్యతే । తస్మా॒ద్వా ఏ॒ష వి॒శా-మ్ప్రి॒యః । వి॒శో హి మ॑ద్ధ్య॒తో॑-ఽభిషి॒చ్యతే᳚ । యద్వా ఏ॑నమ॒దో దిశో-ఽను॑ వ్యాస్థా॒పయ॑న్తి । త-థ్సు॑వ॒ర్గం-లోఀ॒క-మ॒భ్యారో॑హతి । యది॒మం-లోఀ॒క-న్న ప్ర॑త్యవ॒రోహే᳚త్ । అ॒తి॒ జ॒నం-వేఀ॒యాత్ । ఉద్వా॑ మాద్యేత్ । యదే॒ష ప్ర॑తీ॒చీన॑-స్తోమో॒ భవ॑తి । ఇ॒మమే॒వ తేన॑ లో॒క-మ్ప్ర॒త్యవ॑రోహతి । అథో॑ అ॒స్మిన్నే॒వ లో॒కే ప్రతి॑ తిష్ఠ॒త్య-ను॑న్మాదాయ ॥ 33 ॥
(అక్ర॑న్ - రాజ॒న్యో॑ - భవ॑న్తి - దశ॒పేయో॑ - మాద్యే॒-త్త్రీణి॑ చ) (అ. 8)

అనువాకం 9 - అభిషేచనీయవిషయయో రుక్మయో-స్స్తుతిః
ఇ॒యం-వైఀ ర॑జ॒తా । అ॒సౌ హరి॑ణీ । య-ద్రు॒క్మౌ భవ॑తః । ఆ॒భ్యామే॒వైన॑-ముభ॒యతః॒ పరి॑ గృహ్ణాతి । వరు॑ణస్య॒ వా అ॑భిషి॒చ్యమా॑న॒స్యాపః॑ । ఇ॒న్ద్రి॒యం-వీఀ॒ర్య॑-న్నిర॑ఘ్నన్న్ । త-థ్సు॒వర్ణ॒గ్ం॒ హిర॑ణ్య-మభవత్ । య-ద్రు॒క్మ-మ॑న్త॒-ర్దధా॑తి । ఇ॒న్ద్రి॒యస్య॑ వీ॒ర్య॑స్యాని॑ర్ఘాతాయ । శ॒తమా॑నో భవతి శ॒తఖ్ష॑రః । శ॒తాయుః॒ పురు॑ష-శ్శ॒తేన్ద్రి॑యః । ఆయు॑ష్యే॒వేన్ద్రి॒యే ప్రతి॑ తిష్ఠతి । ఆయు॒ర్వై హిర॑ణ్యమ్ । ఆ॒యు॒ష్యా॑ ఏ॒వైన॑-మ॒భ్యతి॑ ఖ్షరన్తి । తేజో॒ వై హిర॑ణ్యమ్ । తే॒జ॒స్యా॑ ఏ॒వైన॑మ॒భ్యతి॑ ఖ్షరన్తి । వర్చో॒ వై హిర॑ణ్యమ్ । వ॒ర్చ॒స్యా॑ ఏ॒వైన॑మ॒భ్యతి॑ ఖ్షరన్తి ॥ 34 ॥
(శ॒తఖ్ష॑రో॒-ఽష్టౌ చ॑) (అ. 9)

అనువాకం 10 - వ్యుష్టిద్విరాత్రం రాజసూయాన్తే కర్తవ్యమ్
అప్ర॑తిష్ఠితో॒ వా ఏ॒ష ఇత్యా॑హుః । యో రా॑జ॒సూయే॑న॒ యజ॑త॒ ఇతి॑ । య॒దా వా ఏ॒ష ఏ॒తేన॑ ద్విరా॒త్రేణ॒ యజ॑తే । అథ॑ ప్రతి॒ష్ఠా । అథ॑ సం​వఀథ్స॒రమా᳚ప్నోతి । యావ॑న్తి సం​వఀథ్స॒రస్యా॑-హోరా॒త్రాణి॑ । తావ॑తీరే॒తస్య॑ స్తో॒త్రీయాః᳚ । అ॒హో॒రా॒త్రేష్వే॒వ ప్రతి॑ తిష్ఠతి । అ॒గ్ని॒ష్టో॒మః పూర్వ॒మహ॑-ర్భవతి । అ॒తి॒రా॒త్ర ఉత్త॑రమ్ ॥ 35 ॥

నానై॒వాహో॑రా॒త్రయోః॒ ప్రతి॑ తిష్ఠతి । పౌ॒ర్ణ॒మా॒స్యా-మ్పూర్వ॒మహ॑-ర్భవతి । వ్య॑ష్టకాయా॒-ముత్త॑రమ్ । నానై॒వార్ధ॑ మా॒సయోః॒ ప్రతి॑తిష్ఠతి । అ॒మా॒వా॒స్యా॑యా॒-మ్పూర్వ॒మహ॑-ర్భవతి । ఉద్దృ॑ష్ట॒ ఉత్త॑రమ్ । నానై॒వ మాస॑యోః॒ ప్రతి॑ తిష్ఠతి । అథో॒ ఖలు॑ । యే ఏ॒వ స॑మానప॒ఖ్షే పు॑ణ్యా॒హే స్యాతా᳚మ్ । తయోః᳚ కా॒ర్య॑-మ్ప్రతి॑ష్ఠిత్యై ॥ 36 ॥

అ॒ప॒శ॒వ్యో ద్వి॑రా॒త్ర ఇత్యా॑హుః । ద్వే హ్యే॑తే ఛన్ద॑సీ । గా॒య॒త్ర-ఞ్చ॒ త్రైష్టు॑భ-ఞ్చ । జగ॑తీమ॒న్తర్య॑న్తి । న తేన॒ జగ॑తీ కృ॒తేత్యా॑హుః । యదే॑నా-న్తృతీయసవ॒నే కు॒ర్వన్తీతి॑ । య॒దా వా ఏ॒షా-ఽహీన॒స్యాహ॒-ర్భజ॑తే । సా॒హ్నస్య॑ వా॒ సవ॑నమ్ । అథై॒వ జగ॑తీ కృ॒తా । అథ॑ పశ॒వ్యః॑ । వ్యు॑ష్టి॒ర్వా ఏ॒ష ద్వి॑రా॒త్రః । య ఏ॒వం-విఀ॒ద్వా-న్ద్వి॑రా॒త్రేణ॒ యజ॑తే । వ్యే॑వాస్మా॑ ఉచ్ఛతి । అథో॒ తమ॑ ఏ॒వాప॑హతే । అ॒గ్ని॒ష్టో॒మ-మ॑న్త॒త ఆహ॑రతి । అ॒గ్ని-స్సర్వా॑ దే॒వతాః᳚ । దే॒వతా᳚స్వే॒వ ప్రతి॑ తిష్ఠతి ॥ 37 ॥
(ఉత్త॑రం॒ - ప్రతి॑ష్ఠిత్యై - పశ॒వ్య॑-స్స॒ప్త చ॑) (అ. 10)

(వరు॑ణస్య - జా॒ - మీశ్వ॒ర - ఆ᳚గ్నే॒య - మిన్ద్ర॑స్య॒ - య-త్త్రి॒ - ష్వ॑గ్నిష్టో॒మ - ముప॑ త్వే॒ - యం-వైఀ ర॑జ॒తా - ఽప్ర॑తిష్ఠితో॒ దశ॑)

(వరు॑ణస్య॒ - యద॒శ్విభ్యాం॒ - ఀయ-త్త్రి॒షు - తస్మా॒దుద్వ॑తీ-స్స॒ప్తత్రిగ్ం॑శత్)

వరు॑ణస్య॒ - ప్రతి॑ తిష్ఠతి ।

॥ హరిః॑ ఓమ్ ॥

॥ కృష్ణ యజుర్వేదీయ తైత్తిరీయ బ్రాహ్మణే ప్రథమాష్టకే అష్టమః ప్రపాఠక-స్సమాప్తః ॥

॥ కృష్ణ యజుర్వేదీయ తైత్తిరీయ బ్రాహ్మణే ప్రథమాష్టకం సమాప్తమ్ ॥