కృష్ణ యజుర్వేదీయ తైత్తిరీయ బ్రాహ్మణే ద్వితీయాష్టకే షష్ఠః ప్రపాఠకః - సౌత్రామణిః కౌకిలీ హోత్ర-ఞ్చ

ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥

అనువాకం 1 - గ్రహాః
స్వా॒ద్వీ-న్త్వా᳚ స్వా॒దునా᳚ । తీ॒వ్రా-న్తీ॒వ్రేణ॑ । అ॒మృతా॑-మ॒మృతే॑న । మధు॑మతీ॒-మ్మధు॑మతా । సృ॒జామి॒ సగ్ం సోమే॑న । సోమో᳚-ఽస్య॒శ్విభ్యా᳚-మ్పచ్యస్వ । సర॑స్వత్యై పచ్యస్వ । ఇన్ద్రా॑య సు॒త్రామ్ణే॑ పచ్యస్వ ॥ పరీ॒తోషి॑ఞ్చతా సు॒తమ్ । సోమో॒ య ఉ॑త్త॒మగ్ం హ॒విః ॥ 1 ॥

ద॒ధ॒న్వా యో నర్యో॑ అ॒ఫ్స్వ॑న్తరా । సు॒షావ॒ సోమ॒మద్రి॑భిః ॥ పు॒నాతు॑ తే పరి॒స్రుత᳚మ్ । సోమ॒గ్ం॒ సూర్య॑స్య దుహి॒తా । వారే॑ణ॒ శశ్వ॑తా॒ తనా᳚ । వా॒యుః పూ॒తః ప॒విత్రే॑ణ । ప్రాఙ్ఖ్సోమో॒ అతి॑ద్రుతః । ఇన్ద్ర॑స్య॒ యుజ్య॒-స్సఖా᳚ ॥ వా॒యుః పూ॒తః ప॒విత్రే॑ణ । ప్ర॒త్యఙ్ఖ్సోమో॒ ఆతి॑ద్రుతః ॥ 2 ॥

ఇన్ద్ర॑స్య॒ యుజ్య॒-స్సఖా᳚ ॥ బ్రహ్మ॑ ఖ్ష॒త్ర-మ్ప॑వతే॒ తేజ॑ ఇన్ద్రి॒యమ్ । సుర॑యా॒ సోమ॑-స్సు॒త ఆసు॑తో॒ మదా॑య । శు॒క్రేణ॑ దేవ దే॒వతాః᳚ పిపృగ్ధి । రసే॒నాన్నం॒-యఀజ॑మానాయ ధేహి ॥ కు॒విద॒ఙ్గ యవ॑మన్తో॒ యవ॑-ఞ్చిత్ । యథా॒ దాన్త్య॑నుపూ॒ర్వం-విఀ॒యూయ॑ । ఇ॒హేహై॑షా-ఙ్కృణుత॒ భోజ॑నాని । యే బ॒ర॒ఃఇషో॒ నమో॑వృక్తి॒-న్న జ॒గ్ముః ॥ ఉ॒ప॒యా॒మ-గృ॑హీతో-ఽస్య॒శ్విభ్యా᳚-న్త్వా॒ జుష్ట॑-ఙ్గృహ్ణామి ॥ 3 ॥

సర॑స్వత్యా॒ ఇన్ద్రా॑య సు॒త్రామ్ణే᳚ ॥ ఏ॒ష తే॒ యోని॒స్తేజ॑సే త్వా । వీ॒ర్యా॑య త్వా॒ బలా॑య త్వా ॥ తేజో॑-ఽసి॒ తేజో॒ మయి॑ ధేహి । వీ॒ర్య॑మసి వీ॒ర్య॑-మ్మయి॑ ధేహి । బల॑మసి॒ బల॒-మ్మయి॑ ధేహి ॥ నానా॒ హి వా᳚-న్దే॒వహి॑త॒గ్ం॒ సదః॑ కృ॒తమ్ । మా సగ్ంసృ॑ఖ్షాథా-మ్పర॒మే వ్యో॑మన్న్ । సురా॒ త్వమసి॑ శు॒ష్మిణీ॒ సోమ॑ ఏ॒షః । మా మా॑ హిగ్ంసీ॒-స్స్వాం-యోఀని॑మావి॒శన్న్ ॥ 4 ॥

ఉ॒ప॒యా॒మగృ॑హీతో-ఽస్యాశ్వి॒న-న్తేజః॑ । సా॒ర॒స్వ॒తం-వీఀ॒ర్య᳚మ్ । ఐ॒న్ద్ర-మ్బల᳚మ్ ॥ ఏ॒ష తే॒ యోని॒ర్మోదా॑య త్వా । ఆ॒న॒న్దాయ॑ త్వా॒ మహ॑సే త్వా ॥ ఓజో॒-ఽస్యోజో॒ మయి॑ ధేహి । మ॒న్యుర॑సి మ॒న్యు-మ్మయి॑ ధేహి । మహో॑-ఽసి॒ మహో॒ మయి॑ ధేహి । సహో॑-ఽసి॒ సహో॒ మయి॑ ధేహి ॥ యా వ్యా॒ఘ్రం-విఀషూ॑చికా । ఉ॒భౌ వృక॑-ఞ్చ॒ రఖ్ష॑తి । శ్యే॒న-మ్ప॑త॒త్రిణగ్ం॑ సి॒గ్ం॒హమ్ । సేమ-మ్పా॒త్వగ్ంహ॑సః ॥ స॒-మ్పృచ॑-స్స్థ॒ స-మ్మా॑ భ॒ద్రేణ॑ పృఙ్క్త । వి॒పృచ॑-స్స్థ॒ వి మా॑ పా॒ప్మనా॑ పృఙ్క్త ॥ 5 ॥
(హ॒విః - ప్ర॒త్యఙ్ఖ్సోమో॒ ఆతి॑ద్రుతో - గృహ్ణా - మ్యావి॒శన్ - విషూ॑చికా॒ పఞ్చ॑ చ) (అ. 1)

అనువాకం 2 - గ్రహోపస్థానమ్
సోమో॒ రాజా॒-ఽమృతగ్ం॑ సు॒తః । ఋ॒జీ॒షేణా॑జహాన్మృ॒త్యుమ్ । ఋ॒తేన॑ స॒త్యమి॑న్ద్రి॒యమ్ । విపానగ్ం॑ శు॒క్రమన్ధ॑సః । ఇన్ద్ర॑స్యేన్ద్రి॒యమ్ । ఇ॒ద-మ్పయో॒-ఽమృత॒-మ్మధు॑ ॥ సోమ॑మ॒ద్భ్యో వ్య॑పిబత్ । ఛన్ద॑సా హ॒గ్ం॒స-శ్శు॑చి॒షత్ । ఋ॒తేన॑ స॒త్యమి॑న్ద్రి॒యమ్ । అ॒ద్భ్యః, ఖ్షీ॒రం-వ్యఀ ॑పిబత్ ॥ 6 ॥

క్రుఙ్ఙా᳚ఙ్గిర॒సో ధి॒యా । ఋ॒తేన॑ స॒త్యమి॑న్ద్రి॒యమ్ । అన్నా᳚-త్పరి॒స్రుతో॒ రస᳚మ్ । బ్రహ్మ॑ణా॒ వ్య॑పిబ-త్ఖ్ష॒త్రమ్ । ఋ॒తేన॑ స॒త్యమి॑న్ద్రి॒యమ్ ॥ రేతో॒ మూత్రం॒-విఀజ॑హాతి । యోని॑-మ్ప్రవి॒శది॑న్ద్రి॒యమ్ । గర్భో॑ జ॒రాయు॒ణా-ఽఽవృ॑తః । ఉల్బ॑-ఞ్జహాతి॒ జన్మ॑నా । ఋ॒తేన॑ స॒త్యమి॑న్ద్రి॒యమ్ ॥ 7 ॥

వేదే॑న రూ॒పే వ్య॑కరోత్ । స॒తా॒స॒తీ ప్ర॒జాప॑తిః । ఋ॒తేన॑ స॒త్యమి॑న్ద్రి॒యమ్ ॥ సోమే॑న॒ సోమౌ॒ వ్య॑పిబత్ । సు॒తా॒సు॒తౌ ప్ర॒జాప॑తిః । ఋ॒తేన॑ స॒త్యమి॑న్ద్రి॒యమ్ । దృ॒ష్ట్వా రూ॒పే వ్యాక॑రోత్ । స॒త్యా॒నృ॒తే ప్ర॒జాప॑తిః । అశ్ర॑ద్ధా॒-మనృ॒తే-ఽద॑ధాత్ । శ్ర॒ద్ధాగ్ం స॒త్యే ప్ర॒జాప॑తిః । ఋ॒తేన॑ స॒త్యమి॑న్ద్రి॒యమ్ ॥ దృ॒ష్ట్వా ప॑రి॒స్రుతో॒ రస᳚మ్ । శు॒క్రేణ॑ శు॒క్రం-వ్యఀ ॑పిబత్ । పయ॒-స్సోమ॑-మ్ప్ర॒జాప॑తిః । ఋ॒తేన॑ స॒త్యమి॑న్ద్రి॒యమ్ । విపానగ్ం॑ శు॒క్రమన్ధ॑సః । ఇన్ద్ర॑స్యేన్ద్రి॒యమ్ । ఇ॒ద-మ్పయో॒-ఽమృత॒-మ్మధు॑ ॥ 8 ॥
(అ॒ద్భ్యః, ఖ్షీ॒రం-వ్యఀ ॑పిబ॒ - జ్జన్మ॑న॒ర్తేన॑ స॒త్యమి॑న్ద్రి॒యగ్గ్​ - శ్ర॒ద్ధాగ్ం స॒త్యే ప్ర॒జాప॑తిర॒ష్టౌ చ॑) (అ. 2)

(సోమో॒ రాజా॒ విపాన॒గ్ం॒ సోమ॑మ॒ద్భ్యో-ఽన్నా॒-ద్రేతో॒ మూత్రం॒-వేఀదే॑న సతాస॒తీ సోమే॑న సుతాసు॒తౌ దృ॒ష్ట్వా రూ॒పే దృ॒ష్ట్వా ప॑రి॒స్రుతో॒ రసం॒-విఀపాన॒-న్దశ॑ )

అనువాకం 3 - గ్రహహోమః
సురా॑వన్త-మ్బర్​హి॒షదగ్ం॑ సు॒వీర᳚మ్ । య॒జ్ఞగ్ం హి॑న్వన్తి మహి॒షా నమో॑భిః । దధా॑నా॒-స్సోమ॑-న్ది॒వి దే॒వతా॑సు । మదే॒మేన్ద్రం॒-యఀజ॑మానా-స్స్వ॒ర్కాః ॥ యస్తే॒ రస॒-స్సమ్భృ॑త॒ ఓష॑ధీషు । సోమ॑స్య॒ శుష్మ॒-స్సుర॑యా సు॒తస్య॑ । తేన॑ జిన్వ॒ యజ॑మాన॒-మ్మదే॑న । సర॑స్వతీ-మ॒శ్వినా॒-విన్ద్ర॑-మ॒గ్నిమ్ ॥ యమ॒శ్వినా॒ నము॑చేరాసు॒రాదధి॑ । సర॑స్వ॒త్యస॑నోదిన్ద్రి॒యాయ॑ ॥ 9 ॥

ఇ॒మ-న్తగ్ం శు॒క్ర-మ్మధు॑మన్త॒-మిన్దు᳚మ్ । సోమ॒గ్ం॒ రాజా॑నమి॒హ భ॑ఖ్షయామి ॥ యదత్ర॑ రి॒ప్తగ్ం ర॒సిన॑-స్సు॒తస్య॑ । యదిన్ద్రో॒ అపి॑బ॒చ్ఛచీ॑భిః । అ॒హ-న్తద॑స్య॒ మన॑సా శి॒వేన॑ । సోమ॒గ్ం॒ రాజా॑నమి॒హ భ॑ఖ్షయామి ॥ పి॒తృభ్య॑-స్స్వధా॒విభ్య॑-స్స్వ॒ధా నమః॑ । పి॒తా॒మ॒హేభ్య॑-స్స్వధా॒విభ్య॑-స్స్వ॒ధా నమః॑ । ప్రపి॑తామహేభ్య-స్స్వధా॒విభ్య॑-స్స్వ॒ధా నమః॑ । అఖ్ష॑-న్పి॒తరః॑ ॥ 10 ॥

అమీ॑మదన్త పి॒తరః॑ । అతీ॑తృపన్త పి॒తరః॑ । అమీ॑మృజన్త పి॒తరః॑ । పిత॑ర॒-శ్శున్ధ॑ద్ధ్వమ్ ॥ పు॒నన్తు॑ మా పి॒తర॑-స్సో॒మ్యాసః॑ । పు॒నన్తు॑ మా పితామ॒హాః । పు॒నన్తు॒ ప్రపి॑తామహాః । ప॒విత్రే॑ణ శ॒తాయు॑షా । పు॒నన్తు॑ మా పితామ॒హాః । పు॒నన్తు॒ ప్రపి॑తామహాః ॥ 11 ॥

ప॒విత్రే॑ణ శ॒తాయు॑షా ॥ విశ్వ॒మాయు॒-ర్వ్య॑శ్నవై । అగ్న॒ ఆయూగ్ం॑షి పవస॒ ఆ సు॒వోర్జ॒మిష॑-ఞ్చ నః । ఆ॒రే బా॑ధస్వ దు॒చ్ఛునా᳚మ్ ॥ అగ్నే॒ పవ॑స్వ॒ స్వపా॑ అ॒స్మే వర్చ॑-స్సు॒వీర్య᳚మ్ । దధ॒-త్పోషగ్ం॑ ర॒యి-మ్మయి॑ ॥। పవ॑మాన॒-స్సువ॒ర్జనః॑ । ప॒విత్రే॑ణ॒ విచ॑ర్​షణిః । యః పోతా॒ స పు॑నాతు మా ॥ పు॒నన్తు॑ మా దేవజ॒నాః । పు॒నన్తు॒ మన॑ వో ధి॒యా । పు॒నన్తు॒ విశ్వ॑ ఆ॒యవః॑ ॥। జాత॑వేదః ప॒విత్ర॑వత్ । ప॒విత్రే॑ణ పునాహి మా । శు॒క్రేణ॑ దేవ॒ దీద్య॑త్ । అగ్నే॒ క్రత్వా॒ క్రతూ॒గ్ం॒రను॑ ॥ యత్తే॑ ప॒విత్ర॑-మ॒ర్చిషి॑ । అగ్నే॒ విత॑తమన్త॒రా । బ్రహ్మ॒ తేన॑ పునీమహే ॥। ఉ॒భాభ్యా᳚-న్దేవ సవితః । ప॒విత్రే॑ణ స॒వేన॑ చ । ఇ॒ద-మ్బ్రహ్మ॑ పునీమహే ॥ వై॒శ్వ॒దే॒వీ పు॑న॒తీ దే॒వ్యాగా᳚త్ । యస్యై॑ బ॒హ్వీ-స్త॒నువో॑ వీ॒తపృ॑ష్ఠాః । తయా॒ మద॑న్త-స్సధ॒మాద్యే॑షు । వ॒యగ్గ్​ స్యా॑మ॒ పత॑యో రయీ॒ణామ్ ॥॥ యే స॑మా॒నా-స్సమ॑నసః । పి॒తరో॑ యమ॒రాజ్యే᳚ । తేషాం᳚-లోఀ॒క-స్స్వ॒ధా నమః॑ । య॒జ్ఞో దే॒వేషు॑ కల్పతామ్ ॥ 12 ॥

యే స॑జా॒తా-స్సమ॑నసః । జీ॒వా జీ॒వేషు॑ మామ॒కాః । తేషా॒గ్॒ శ్రీర్మయి॑ కల్పతామ్ । అ॒స్మిల్ ఀలో॒కే శ॒తగ్ం సమాః᳚ ॥ ద్వే స్రు॒తీ అ॑శృణవ-మ్పితృ॒ణామ్ । అ॒హ-న్దే॒వానా॑ము॒త మర్త్యా॑నామ్ । యాభ్యా॑మి॒దం-విఀశ్వ॒మేజ॒-థ్సమే॑తి । యద॑న్త॒రా పి॒తర॑-మ్మా॒తర॑-ఞ్చ ॥ ఇ॒దగ్ం హ॒విః ప్ర॒జన॑న-మ్మే అస్తు । దశ॑వీరగ్ం స॒ర్వగ॑ణగ్గ్​ స్వ॒స్తయే᳚ । ఆ॒త్మ॒సని॑ ప్రజా॒సని॑ । ప॒శు॒సన్య॑భయ॒సని॑ లోక॒సని॑ । అ॒గ్నిః ప్ర॒జా-మ్బ॑హు॒లా-మ్మే॑ కరోతు । అన్న॒-మ్పయో॒ రేతో॑ అ॒స్మాసు॑ ధత్త । రా॒యస్పోష॒-మిష॒మూర్జ॑మ॒స్మాసు॑ దీధర॒-థ్స్వాహా᳚ ॥ 13 ॥
(ఇ॒న్ద్రి॒యాయ॑ - పి॒తరః॑ - శ॒తాయు॑షా పు॒నన్తు॑ మా పితామ॒హాః పు॒నన్తు॒ ప్రపి॑తామహాః-కల్పతాగ్​-స్వ॒స్తయే॒ పఞ్చ॑ చ) (అ. 3)

అనువాకం 4 - ఉపహోమాః
సీసే॑న॒ తన్త్ర॒-మ్మన॑సా మనీ॒షిణః॑ । ఊ॒ర్ణా॒సూ॒త్రేణ॑ క॒వయో॑ వయన్తి । అ॒శ్వినా॑ య॒జ్ఞగ్ం స॑వి॒తా సర॑స్వతీ । ఇన్ద్ర॑స్య రూ॒పం-వఀరు॑ణో భిష॒జ్యన్న్ ॥ తద॑స్య రూ॒పమ॒మృత॒గ్ం॒ శచీ॑భిః । తి॒స్రో ద॑ధుర్దే॒వతా᳚-స్సగ్ంరరా॒ణాః । లోమా॑ని॒ శష్పై᳚-ర్బహు॒ధా న తోక్మ॑భిః । త్వగ॑స్య మా॒గ్ం॒సమ॑భవ॒న్న లా॒జాః ॥ తద॒శ్వినా॑ భి॒షజా॑ రు॒ద్రవ॑ర్తనీ । సర॑స్వతీ వయతి॒ పేశో॒ అన్త॑రః ॥ 14 ॥

అస్థి॑ మ॒జ్జాన॒-మ్మాస॑రైః । కా॒రో॒త॒రేణ॒ దధ॑తో॒ గవా᳚-న్త్వ॒చి ॥ సర॑స్వతీ॒ మన॑సా పేశ॒లం-వఀసు॑ । నాస॑త్యాభ్యాం-వఀయతి దర్​శ॒తం-వఀపుః॑ । రస॑-మ్పరి॒స్రుతా॒ న రోహి॑తమ్ । న॒గ్నహు॒ర్ధీర॒స్తస॑ర॒-న్న వేమ॑ ॥ పయ॑సా శు॒క్రమ॒మృత॑-ఞ్జ॒నిత్ర᳚మ్ । సుర॑యా॒ మూత్రా᳚జ్జనయన్తి॒ రేతః॑ । అపామ॑తి-న్దుర్మ॒తి-మ్బాధ॑మానాః । ఊవ॑ద్ధ్యం॒-వాఀతగ్ం॑ స॒బువ॒-న్తదా॒రాత్ ॥ 15 ॥

ఇన్ద్ర॑-స్సు॒త్రామా॒ హృద॑యేన స॒త్యమ్ । పు॒రో॒డాశే॑న సవి॒తా జ॑జాన । యకృ॑-త్క్లో॒మానం॒-వఀరు॑ణో భిష॒జ్యన్న్ । మత॑స్నే వాయ॒వ్యై᳚ర్న మి॑నాతి పి॒త్తమ్ ॥ ఆ॒న్త్రాణి॑ స్థా॒లీ మధు॒ పిన్వ॑మానా । గుదా॒ పాత్రా॑ణి సు॒దుఘా॒ న ధే॒నుః । శ్యే॒నస్య॒ పత్ర॒-న్న ప్లీ॒హా శచీ॑భిః । ఆ॒స॒న్దీ నాభి॑రు॒దర॒-న్న మా॒తా ॥ కు॒మ్భో వ॑ని॒ష్ఠుర్జ॑ని॒తా శచీ॑భిః । యస్మి॒న్నగ్రే॒ యోన్యా॒-ఙ్గర్భో॑ అ॒న్తః ॥ 16 ॥

ప్లా॒శీర్వ్య॑క్త-శ్శ॒తధా॑ర॒ ఉథ్సః॑ । దు॒హే న కు॒మ్భీగ్​ స్వ॒ధా-మ్పి॒తృభ్యః॑ ॥ ముఖ॒గ్ం॒ సద॑స్య॒ శిర॒ ఇథ్సదే॑న । జి॒హ్వా ప॒విత్ర॑మ॒శ్వినా॒ సగ్ం సర॑స్వతీ । చప్ప॒-న్న పా॒యుర్భి॒షగ॑స్య॒ వాలః॑ । వ॒స్తిర్న శేపో॒ హర॑సా తర॒స్వీ ॥ అ॒శ్విభ్యా॒-ఞ్చఖ్షు॑ర॒మృత॒-ఙ్గ్రహా᳚భ్యామ్ । ఛాగే॑న॒ తేజో॑ హ॒విషా॑ శృ॒తేన॑ । పఖ్ష్మా॑ణి గో॒ధూమైః॒ క్వ॑లైరు॒తాని॑ । పేశో॒ న శు॒క్లమసి॑తం-వఀసాతే ॥ 17 ॥

అవి॒ర్న మే॒షో న॒సి వీ॒ర్యా॑య । ప్రా॒ణస్య॒ పన్థా॑ అ॒మృతో॒ గ్రహా᳚భ్యామ్ । సర॑స్వ॒త్యుప॒వాకై᳚ర్వ్యా॒నమ్ । నస్యా॑ని బ॒ర॒ఃఇ-ర్బద॑రై-ర్జజాన ॥ ఇన్ద్ర॑స్య రూ॒పమృ॑ష॒భో బలా॑య । కర్ణా᳚భ్యా॒గ్॒ శ్రోత్ర॑మ॒మృత॒-ఙ్గ్రహా᳚భ్యామ్ । యవా॒ న బ॒ర॒ఃఇ-ర్భ్రు॒వి కేస॑రాణి । క॒ర్కన్ధు॑ జజ్ఞే॒ మధు॑ సార॒ఘ-మ్ముఖా᳚త్ ॥ ఆ॒త్మన్ను॒పస్థే॒ న వృక॑స్య॒ లోమ॑ । ముఖే॒ శ్మశ్రూ॑ణి॒ న వ్యా᳚ఘ్రలో॒మమ్ ॥ 18 ॥

కేశా॒ న శీ॒ర॒.షన్. యశ॑సే శ్రి॒యై శిఖా᳚ । సి॒గ్ం॒హస్య॒ లోమ॒ త్విషి॑-రిన్ద్రి॒యాణి॑ ॥ అఙ్గా᳚న్యా॒త్మన్-భి॒షజా॒ తద॒శ్వినా᳚ । ఆ॒త్మాన॒మఙ్గై॒-స్సమ॑ధా॒-థ్సర॑స్వతీ । ఇన్ద్ర॑స్య రూ॒పగ్ం శ॒తమా॑న॒మాయుః॑ । చ॒న్ద్రేణ॒ జ్యోతి॑ర॒మృత॒-న్దధా॑నా ॥ సర॑స్వతీ॒ యోన్యా॒-ఙ్గర్భ॑మ॒న్తః । అ॒శ్విభ్యా॒-మ్పత్నీ॒ సుకృ॑త-మ్బిభర్తి । అ॒పాగ్ం రసే॑న॒ వరు॑ణో॒ న సామ్నా᳚ । ఇన్ద్రగ్గ్॑ శ్రి॒యై జ॒నయ॑న్న॒ఫ్సు రాజా᳚ ॥ తేజః॑ పశూ॒నాగ్ం హ॒విరి॑న్ద్రి॒యావ॑త్ । ప॒రి॒స్రుతా॒ పయ॑సా సార॒ఘ-మ్మధు॑ । అ॒శ్విభ్యా᳚-న్దు॒గ్ధ-మ్భి॒షజా॒ సర॑స్వత్యా సుతాసు॒తాభ్యా᳚మ్ । అ॒మృత॒-స్సోమ॒ ఇన్దుః॑ ॥ 19 ॥
(అన్త॑ర - ఆ॒రా - ద॒న్త--ర్ వ॑సాతే - వ్యాఘ్రలో॒మగ్ం - రాజా॑ చ॒త్వారి॑ చ) (అ. 4)

అనువాకం 5 - అభిషేకః
మి॒త్రో॑-ఽసి॒ వరు॑ణో-ఽసి । సమ॒హం-విఀశ్వై᳚ర్దే॒వైః ॥ ఖ్ష॒త్రస్య॒ నాభి॑రసి । ఖ్ష॒త్రస్య॒ యోని॑రసి ॥ స్యో॒నామాసీ॑ద । సు॒షదా॒మాసీ॑ద । మా త్వా॑ హిగ్ంసీత్ । మా మా॑ హిగ్ంసీత్ ॥ నిష॑సాద ధృ॒తవ్ర॑తో॒ వరు॑ణః । ప॒స్త్యా᳚స్వా ॥ 20 ॥

సామ్రా᳚జ్యాయ సు॒క్రతుః॑ ॥ దే॒వస్య॑ త్వా సవి॒తుః ప్ర॑స॒వే । అ॒శ్వినో᳚-ర్బా॒హుభ్యా᳚మ్ । పూ॒ష్ణో హస్తా᳚భ్యామ్ । అ॒శ్వినో॒-ర్భైష॑జ్యేన । తేజ॑సే బ్రహ్మవర్చ॒సాయా॒భిషి॑ఞ్చామి ॥ దే॒వస్య॑ త్వా సవి॒తుః ప్ర॑స॒వే । అ॒శ్వినో᳚-ర్బా॒హుభ్యా᳚మ్ । పూ॒ష్ణో హస్తా᳚భ్యామ్ । సర॑స్వత్యై॒ భైష॑జ్యేన ॥ 21 ॥

వీ॒ర్యా॑యా॒న్నాద్యా॑యా॒భిషి॑ఞ్చామి ॥ దే॒వస్య॑ త్వా సవి॒తుః ప్ర॑స॒వే । అ॒శ్వినో᳚-ర్బా॒హుభ్యా᳚మ్ । పూ॒ష్ణో హస్తా᳚భ్యామ్ । ఇన్ద్ర॑స్యేన్ద్రి॒యేణ॑ । శ్రి॒యై యశ॑సే॒ బలా॑యా॒భిషి॑ఞ్చామి ॥ కో॑-ఽసి కత॒మో॑-ఽసి । కస్మై᳚ త్వా॒ కాయ॑ త్వా ॥ సుశ్లో॒కాఀ(4) సుమ॑డ్గ॒లాఀ(4) సత్య॑రా॒జా(3)న్ ॥ శిరో॑ మే॒ శ్రీః ॥ 22 ॥

యశో॒ ముఖ᳚మ్ । త్విషిః॒ కేశా᳚శ్చ॒ శ్మశ్రూ॑ణి । రాజా॑ మే ప్రా॒ణో॑-ఽమృత᳚మ్ । స॒మ్రాట్ చఖ్షుః॑ । వి॒రాట్ఛ్రోత్ర᳚మ్ । జి॒హ్వా మే॑ భ॒ద్రమ్ । వామ్మహః॑ । మనో॑ మ॒న్యుః । స్వ॒రాడ్భామః॑ । మోదాః᳚ ప్రమో॒దా అ॒ఙ్గులీ॒రఙ్గా॑ని ॥ 23 ॥

చి॒త్త-మ్మే॒ సహః॑ । బా॒హూ మే॒ బల॑మిన్ద్రి॒యమ్ । హస్తౌ॑ మే॒ కర్మ॑ వీ॒ర్య᳚మ్ । ఆ॒త్మా ఖ్ష॒త్రమురో॒ మమ॑ । పృ॒ష్టీర్మే॑ రా॒ష్ట్రము॒దర॒మగ్ంసౌ᳚ । గ్రీ॒వాశ్చ॒ శ్రోణ్యౌ᳚ । ఊ॒రూ అ॑ర॒త్నీ జాను॑నీ । విశో॒ మే-ఽఙ్గా॑ని స॒ర్వతః॑ । నాభి॑ర్మే చి॒త్తం-విఀ॒జ్ఞాన᳚మ్ । పా॒యుర్మే-ఽప॑చితిర్భ॒సత్ ॥ 24 ॥

ఆ॒న॒న్ద॒న॒న్దావా॒ణ్డౌ మే᳚ । భగ॒-స్సౌభా᳚గ్య॒-మ్పసః॑ ॥ జఙ్ఘా᳚భ్యా-మ్ప॒ద్భ్యా-న్ధర్మో᳚-ఽస్మి । వి॒శి రాజా॒ ప్రతి॑ష్ఠితః ॥ ప్రతి॑ ఖ్ష॒త్రే ప్రతి॑తిష్ఠామి రా॒ష్ట్రే । ప్రత్యశ్వే॑షు॒ ప్రతి॑తిష్ఠామి॒ గోషు॑ । ప్రత్యఙ్గే॑షు॒ ప్రతి॑తిష్ఠామ్యా॒త్మన్న్ । ప్రతి॑ ప్రా॒ణేషు॒ ప్రతి॑తిష్ఠామి పు॒ష్టే । ప్రతి॒ ద్యావా॑పృథి॒వ్యోః । ప్రతితి॑ష్ఠామి య॒జ్ఞే ॥ 25 ॥

త్ర॒యా దే॒వా ఏకా॑దశ । త్ర॒య॒స్త్రి॒గ్ం॒శా-స్సు॒రాధ॑సః । బృహ॒స్పతి॑ పురోహితాః । దే॒వస్య॑ సవి॒తు-స్స॒వే । దే॒వా దే॒వైర॑వన్తు మా । ప్ర॒థ॒మా ద్వి॒తీయైః᳚ । ద్వి॒తీయా᳚స్తృ॒తీయైః᳚ । తృ॒తీయా᳚-స్స॒త్యేన॑ । స॒త్యం-యఀ॒జ్ఞేన॑ ।య॒జ్ఞో యజు॑ర్భిః ॥ 26 ॥

యజూగ్ం॑షి॒ సామ॑భిః । సామా᳚న్యృ॒గ్భిః । ఋచో॑ యా॒జ్యా॑భిః । యా॒జ్యా॑ వషట్కా॒రైః । వ॒ష॒ట్కా॒రా ఆహు॑తిభిః । ఆహు॑తయో మే॒ కామా॒న్-థ్సమ॑ర్ధయన్తు ॥ భూ-స్స్వాహా᳚ ॥ లోమా॑ని॒ ప్రయ॑తి॒ర్మమ॑ । త్వమ్మ॒ ఆన॑తి॒రాగ॑తిః । మా॒గ్ం॒స-మ్మ॒ ఉప॑నతిః । వ స్వస్థి॑ । మ॒జ్జా మ॒ ఆన॑తిః ॥ 27 ॥
(ప॒స్త్యా᳚స్వా - సర॑స్వత్యై॒ భైష॑జ్యేన॒ - శ్రీ - రఙ్గా॑ని - భ॒స--ద్య॒జ్ఞే - య॒జ్ఞో యజు॑ర్భి॒ - రుప॑నతి॒ర్ద్వే చ॑) (అ. 5)

అనువాకం 6 - అవభృథః
య-ద్దే॑వా దేవ॒హేడ॑నమ్ । దేవా॑సశ్చకృ॒మా వ॒యమ్ । అ॒గ్నిర్మా॒ తస్మా॒దేన॑సః । విశ్వా᳚-న్ముఞ్చ॒త్వగ్ంహ॑సః ॥ యది॒ దివా॒ యది॒ నక్త᳚మ్ । ఏనాగ్ం॑సి చకృ॒మా వ॒యమ్ । వా॒యుర్మా॒ తస్మా॒దేన॑సః । విశ్వా᳚-న్ముఞ్చ॒త్వగ్ంహ॑సః ॥ యది॒ జాగ్ర॒-ద్యది॒ స్వప్నే᳚ । ఏనాగ్ం॑సి చకృ॒మా వ॒యమ్ ॥ 28 ॥

సూర్యో॑ మా॒ తస్మా॒దేన॑సః । విశ్వా᳚-న్ముఞ్చ॒త్వగ్ంహ॑సః ॥ యద్గ్రామే॒ యదర॑ణ్యే । య-థ్స॒భాయాం॒-యఀది॑న్ద్రి॒యే । యచ్ఛూ॒ద్రే యద॒ర్యే᳚ । ఏన॑శ్చకృ॒మా వ॒యమ్ । యదేక॒స్యాధి॒ ధర్మ॑ణి । తస్యా॑వ॒యజ॑నమసి ॥ యదాపో॒ అఘ్ని॑యా॒ వరు॒ణేతి॒ శపా॑మహే । తతో॑ వరుణ నో ముఞ్చ ॥ 29 ॥

అవ॑భృథ నిచఙ్కుణ నిచే॒రుర॑సి నిచఙ్కుణ । అవ॑ దే॒వై-ర్దే॒వకృ॑త॒మేనో॑-ఽయాట్ । అవ॒ మర్త్యై॒ర్మర్త్య॑కృతమ్ । ఉ॒రోరా నో॑ దేవ రి॒షస్పా॑హి ॥ సు॒మి॒త్రా న॒ ఆప॒ ఓష॑ధయ-స్సన్తు । దు॒ర్మి॒త్రాస్తస్మై॑ భుయాసుః । యో᳚-ఽస్మా-న్ద్వేష్టి॑ । య-ఞ్చ॑ వ॒య-న్ద్వి॒ష్మః ॥ ద్రు॒ప॒దాది॒వే-న్ము॑ముచా॒నః । స్వి॒న్న-స్స్నా॒త్వీ మలా॑దివ ॥ 30 ॥

పూ॒త-మ్ప॒విత్రే॑ణే॒వాజ్య᳚మ్ । ఆప॑-శ్శున్ధన్తు॒ మైన॑సః ॥ ఉద్వ॒య-న్తమ॑స॒స్పరి॑ । పశ్య॑న్తో॒ జ్యోతి॒రుత్త॑రమ్ । దే॒వ-న్దే॑వ॒త్రా సూర్య᳚మ్ । అగ॑న్మ॒ జ్యోతి॑రుత్త॒మమ్ ॥ ప్రతి॑యుతో॒ వరు॑ణస్య॒ పాశః॑ । ప్రత్య॑స్తో॒ వరు॑ణస్య॒ పాశః॑ ॥ ఏధో᳚-ఽస్యేధిషీ॒మహి॑ । స॒మిద॑సి ॥ 31 ॥

తేజో॑-ఽసి॒ తేజో॒ మయి॑ ధేహి ॥ అ॒పో అన్వ॑చారిషమ్ । రసే॑న॒ సమ॑సృఖ్ష్మహి । పయ॑స్వాగ్ం అగ్న॒ ఆ-ఽగ॑మమ్ । త-మ్మా॒ సగ్ంసృ॑జ॒ వర్చ॑సా । ప్ర॒జయా॑ చ॒ ధనే॑న చ ॥ స॒మావ॑వర్తి పృథి॒వీ । సము॒షాః । సము॒ సూర్యః॑ । సము॒ విశ్వ॑మి॒ద-ఞ్జగ॑త్ । వై॒శ్వా॒న॒ర జ్యో॑తి-ర్భూయాసమ్ । వి॒భు-ఙ్కామం॒-వ్యఀ ॑శ్నవై ॥ భూ-స్స్వాహా᳚ ॥ 32 ॥
(స్వప్న॒ ఏనాగ్ం॑సి చకృ॒మా వ॒యం - ము॑ఞ్చ॒ - మలా॑దివ - స॒మిద॑సి॒ - జగ॒-త్త్రీణి॑ చ) (అ. 6)

అనువాకం 7 - ఐన్ద్రే ప్రశ్నౌ ప్రయాజానామేకాదశ మైత్రావరుణప్రైషాః
హోతా॑ యఖ్ష-థ్స॒మిధేన్ద్ర॑-మి॒డస్ప॒దే । నాభా॑ పృథి॒వ్యా అధి॑ । ది॒వో వర్​ష్మ॒న్-థ్సమి॑ద్ధ్యతే । ఓజి॑ష్ఠశ్చర్​షణీ॒సహాన్॑ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒త్తనూ॒నపా॑తమ్ । ఊ॒తిభి॒-ర్జేతా॑ర॒-మప॑రాజితమ్ । ఇన్ద్ర॑-న్దే॒వగ్ం సు॑వ॒ర్విద᳚మ్ । ప॒థిభి॒-ర్మధు॑మత్తమైః । నరా॒శగ్ంసే॑న॒ తేజ॑సా ॥ 33 ॥

వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒దిడా॑భి॒-రిన్ద్ర॑-మీడి॒తమ్ । ఆ॒జుహ్వా॑న॒-మమ॑ర్త్యమ్ । దే॒వో దే॒వై-స్సవీ᳚ర్యః । వజ్ర॑హస్తః పురన్ద॒రః । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష-ద్బ॒ర॒ఃఇషీన్ద్ర॑-న్నిషద్వ॒రమ్ । వృ॒ష॒భ-న్నర్యా॑పసమ్ । వసు॑భీ రు॒ద్రైరా॑ది॒త్యైః । స॒యుగ్భి॑-ర్బ॒ర॒ఃఇరా ఽస॑దత్ ॥ 34 ॥

వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒దోజో॒ న వీ॒ర్య᳚మ్ । సహో॒ ద్వార॒ ఇన్ద్ర॑మవర్ధయన్న్ । సు॒ప్రా॒య॒ణా విశ్ర॑యన్తామృతా॒వృధః॑ । ద్వార॒ ఇన్ద్రా॑య మీ॒ఢుషే᳚ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్షదు॒షే ఇన్ద్ర॑స్య ధే॒నూ । సు॒దుఘే॑ మా॒తరౌ॑ మ॒హీ । సవా॒తరౌ॒ న తేజ॑సీ । వ॒థ్సమిన్ద్ర॑-మవర్ధతామ్ ॥ 35 ॥

వీ॒తామాజ్య॑స్య॒ హోత॒ర్యజ॑ ॥ హోతా॑ యఖ్ష॒-ద్దైవ్యా॒ హోతా॑రా । భి॒షజా॒ సఖా॑యా । హ॒విషేన్ద్ర॑-మ్భిషజ్యతః । క॒వీ దే॒వౌ ప్రచే॑తసౌ । ఇన్ద్రా॑య ధత్త ఇన్ద్రి॒యమ్ । వీ॒తామాజ్య॑స్య॒ హోత॒ర్యజ॑ ॥ హోతా॑ యఖ్షత్తి॒స్రో దే॒వీః । త్రయ॑స్త్రి॒ధాత॑వో॒-ఽపసః॑ । ఇడా॒ సర॑స్వతీ॒ భార॑తీ ॥ 36 ॥

మ॒హీన్ద్ర॑పత్నీర్-హ॒విష్మ॑తీః । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒త్త్వష్టా॑ర॒-మిన్ద్ర॑-న్దే॒వమ్ । భి॒షజగ్ం॑ సు॒యజ॑-ఙ్ఘృత॒శ్రియ᳚మ్ । పు॒రు॒రూపగ్ం॑ సు॒రేత॑స-మ్మ॒ఘోని᳚మ్ । ఇన్ద్రా॑య॒ త్వష్టా॒ దధ॑దిన్ద్రి॒యాణి॑ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒-ద్వన॒స్పతి᳚మ్ । శ॒మి॒తారగ్ం॑ శ॒తక్ర॑తుమ్ । ధి॒యో జో॒ష్టార॑-మిన్ద్రి॒యమ్ ॥ 37 ॥

మద్ధ్వా॑ సమ॒ఞ్జన్ప॒థిభి॑-స్సు॒గేభిః॑ । స్వదా॑తి హ॒వ్య-మ్మధు॑నా ఘృ॒తేన॑ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒దిన్ద్ర॒గ్గ్॒ స్వాహా-ఽఽజ్య॑స్య । స్వాహా॒ మేద॑సః । స్వాహా᳚ స్తో॒కానా᳚మ్ । స్వాహా॒ స్వాహా॑కృతీనామ్ । స్వాహా॑ హ॒వ్యసూ᳚క్తీనామ్ । స్వాహా॑ దే॒వాగ్ం ఆ᳚జ్య॒పాన్ । స్వాహేన్ద్రగ్ం॑ హో॒త్రాజ్జు॑షా॒ణాః । ఇన్ద్ర॒ ఆజ్య॑స్య వియన్తు । హోత॒ర్యజ॑ ॥ 38 ॥
(తేజ॑సా-ఽసద-దవర్ధతాం॒-భార॑తీ-న్ద్రి॒యం-జు॑షా॒ణా ద్వే చ॑) (అ. 7)

(స॒మిధేన్ద్ర॒-న్తనూ॒నపా॑త॒మిడా॑భి-ర్బ॒ర్॒హిష్యోజ॑ ఉ॒షే దైవ్యా॑ తి॒స్రస్త్వష్టా॑రం॒-వఀన॒స్పతి॒మిన్ద్ర᳚మ్ । స॒మిధేన్ద్ర॑-ఞ్చ॒తుర్వేత్వేకో॑ వి॒యన్తు॒ ద్విర్వీ॒తామేకో॑ వి॒యన్తు॒ ద్విర్వేత్వేకో॑ వి॒యన్తు॒ హోత॒ర్యజ॑ )

అనువాకం 8 - ఐన్ద్రే ప్రశ్నౌ ప్రయాజయాజ్యాః
సమి॑ద్ధ॒ ఇన్ద్ర॑ ఉ॒షసా॒మనీ॑కే । పు॒రో॒రుచా॑ పూర్వ॒కృద్వా॑వృధా॒నః । త్రి॒భిర్దే॒వైస్త్రి॒గ్ం॒శతా॒ వజ్ర॑బాహుః । జ॒ఘాన॑ వృ॒త్రం-విఀ దురో॑ వవార ॥ నరా॒శగ్ంసః॒ ప్రతి॒ శూరో॒ మిమా॑నః । తనూ॒నపా॒త్-ప్రతి॑ య॒జ్ఞస్య॒ ధామ॑ । గోభి॑-ర్వ॒పావా॒-న్మధు॑నా సమ॒ఞ్జన్న్ । హిర॑ణ్యైశ్చ॒న్ద్రీ య॑జతి॒ ప్రచే॑తాః ॥ ఈ॒డి॒తో దే॒వైర్​హరి॑వాగ్ం అభి॒ష్టిః । ఆ॒జుహ్వా॑నో హ॒విషా॒ శర్ధ॑మానః ॥ 39 ॥

పు॒ర॒దం॒రో మ॒ఘవా॒న్॒. వజ్ర॑బాహుః । ఆయా॑తు య॒జ్ఞముప॑ నో జుషా॒ణః ॥ జు॒షా॒ణో బ॒ర॒ఃఇర్​హరి॑వాన్న॒ ఇన్ద్రః॑ । ప్రా॒చీనగ్ం॑ సీదత్ప్ర॒దిశా॑ పృథి॒వ్యాః । ఉ॒రు॒వ్యచాః॒ ప్రథ॑మానగ్గ్​ స్యో॒నమ్ । ఆ॒ది॒త్యైర॒క్తం-వఀసు॑భి-స్స॒జోషాః᳚ ॥ ఇన్ద్ర॒-న్దురః॑ కవ॒ష్యో॑ ధావ॑మానాః । వృషా॑ణం-యఀన్తు॒ జన॑య-స్సు॒పత్నీః᳚ । ద్వారో॑ దే॒వీర॒భితో॒ విశ్ర॑యన్తామ్ । సు॒వీరా॑ వీ॒ర-మ్ప్రథ॑మానా॒ మహో॑భిః ॥ 40 ॥

ఉ॒షాసా॒ నక్తా॑ బృహ॒తీ బృ॒హన్త᳚మ్ । పయ॑స్వతీ సు॒దుఘే॒ శూర॒మిన్ద్ర᳚మ్ । పేశ॑స్వతీ॒ తన్తు॑నా సం॒​వ్యఀయ॑న్తీ । దే॒వానా᳚-న్దే॒వం-యఀ ॑జత-స్సురు॒క్మే ॥ దైవ్యా॒ మిమా॑నా॒ మన॑సా పురు॒త్రా । హోతా॑రా॒విన్ద్ర॑-మ్ప్రథ॒మా సు॒వాచా᳚ । మూ॒ర్ధన్. య॒జ్ఞస్య॒ మధు॑నా॒ దధా॑నా । ప్రా॒చీన॒-ఞ్జ్యోతి॑ర్​హ॒విషా॑ వృధాతః ॥ తి॒స్రో దే॒వీర్​హ॒విషా॒ వర్ధ॑మానాః । ఇన్ద్ర॑-ఞ్జుషా॒ణా వృష॑ణ॒-న్న పత్నీః᳚ ॥ 41 ॥

అచ్ఛి॑న్న॒-న్తన్తు॒-మ్పయ॑సా॒ సర॑స్వతీ । ఇడా॑ దే॒వీ భార॑తీ వి॒శ్వతూ᳚ర్తిః ॥ త్వష్టా॒ దధ॒దిన్ద్రా॑య॒ శుష్మ᳚మ్ । అపా॒కో-ఽచి॑ష్టుర్య॒శసే॑ పు॒రూణి॑ । వృషా॒ యజ॒న్ వృష॑ణ॒-మ్భూరి॑రేతాః । మూ॒ర్ధన్. య॒జ్ఞస్య॒ సమ॑నక్తు దే॒వాన్ ॥ వన॒స్పతి॒-రవ॑సృష్టో॒ న పాశైః᳚ । త్మన్యా॑ సమ॒ఞ్జఞ్ఛ॑మి॒తా న దే॒వః । ఇన్ద్ర॑స్య హ॒వ్యైర్జ॒ఠర॑-మ్పృణా॒నః । స్వదా॑తి హ॒వ్య-మ్మధు॑నా ఘృ॒తేన॑ ॥ స్తో॒కానా॒మిన్దు॒-మ్ప్రతి॒ శూర॒ ఇన్ద్రః॑ । వృ॒షా॒యమా॑ణో వృష॒భ-స్తు॑రా॒షాట్ । ఘృ॒త॒ప్రుషా॒ మధు॑నా హ॒వ్యము॒న్దన్న్ । మూ॒ర్ధన్. య॒జ్ఞస్య॑ జుషతా॒గ్॒ స్వాహా᳚ ॥ 42 ॥
(శర్ధ॑మానో॒ - మహో॑భిః॒ - పత్నీ᳚--ర్ ఘృ॒తేన॑ చ॒త్వారి॑ చ) (అ. 8)

అనువాకం 9 - ఐన్ద్రే ప్రశ్నౌ వపాదీనాం-యాఀజ్యానువాక్యాః
ఆచ॑ర్​షణి॒ప్రా వృ॑ష॒భో జనా॑నామ్ । రాజా॑ కృష్టీ॒నా-మ్పు॑రుహూ॒త ఇన్ద్రః॑ । స్తు॒త-శ్శ్ర॑వ॒స్యన్నవ॒సోప॑మ॒ద్రిక్ । యు॒క్త్వా హరీ॒ వృష॒ణా ఽఽయా᳚హ్య॒ర్వామ్ ॥, వి॒వేష॒ యన్మా॑ ధి॒షణా॑ జ॒జాన॒ స్తవై॑ పు॒రా పార్యా॒దిన్ద్ర॒ మహ్నః॑ । అగ్ంహ॑సో॒ యత్ర॑ పీ॒పర॒ద్యథా॑ నో నా॒వేవ॒ యాన్త॑ ము॒భయే॑ హవన్తే ॥॥ తగ్ం స॒ధ్రీచీ॑రూ॒తయో॒ వృష్ణి॑యాని । పౌగ్గ్​స్యా॑ని ని॒యుత॑-స్సశ్చు॒రిన్ద్ర᳚మ్ । స॒ము॒ద్ర-న్న సిన్ధ॑వ ఉ॒క్థశు॑ష్మాః । ఉ॒రు॒వ్యచ॑స॒గింర॒ ఆవి॑శన్తి ॥॥ స॒త్యమిత్తన్న త్వావాగ్ం॑ అ॒న్యో అస్తి॑ । ఇన్ద్ర॑ దే॒వో న మర్త్యో॒ జ్యాయాన్॑ । అహ॒న్నహి॑-మ్పరి॒శయా॑న॒మర్ణః॑ । అవా॑సృజో॒-ఽపో అచ్ఛా॑ సము॒ద్రమ్ ॥ ప్రస॑సాహిషే పురుహూత॒ శత్రూన్॑ । జ్యేష్ఠ॑స్తే॒ శుష్మ॑ ఇ॒హ రా॒తిర॑స్తు । ఇన్ద్రాభ॑ర॒ దఖ్షి॑ణేనా॒ వసూ॑ని । పతి॒-స్సిన్ధూ॑నామసి రే॒వతీ॑నామ్ ॥ స శేవృ॑ధ॒మధి॑ధా ద్యు॒మ్నమ॒స్మే । మహి॑ ఖ్ష॒త్ర-ఞ్జ॑నా॒షాడి॑న్ద్ర॒ తవ్య᳚మ్ । రఖ్షా॑ చ నో మ॒ఘోనః॑ పా॒హి సూ॒రీన్ । రా॒యే చ॑ న-స్స్వప॒త్యా ఇ॒షే ధాః᳚ ॥ 43 ॥
(రే॒వతీ॑నా-ఞ్చ॒త్వారి॑ చ) (అ. 9)

అనువాకం 10 - ఐన్ద్రే ప్రశ్నౌ అనుయాజానామేకాదశ మైత్రావరుణప్రైషాః
దే॒వ-మ్బ॒ర్॒హిరిన్ద్రగ్ం॑ సుదే॒వ-న్దే॒వైః । వీ॒రవ॑-థ్స్తీ॒ర్ణం-వేఀద్యా॑మవర్ధయత్ । వస్తో᳚ర్వృ॒త-మ్ప్రాక్తో᳚ర్భృ॒తమ్ । రా॒యా బ॒ర్॒హిష్మ॒తో-ఽత్య॑గాత్ । వ॒సు॒వనే॑ వసు॒ధేయ॑స్య వేతు॒ యజ॑ ॥ దే॒వీర్ద్వార॒ ఇన్ద్రగ్ం॑ సఙ్ఘా॒తే । వి॒డ్వీర్యామ॑న్నవర్ధయన్న్ । ఆ వ॒థ్సేన॒ తరు॑ణేన కుమా॒రేణ॑ చ మీవి॒తా అపార్వా॑ణమ్ । రే॒ణుక॑కాట-న్నుదన్తామ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 44 ॥

దే॒వీ ఉ॒షాసా॒ నక్తా᳚ । ఇన్ద్రం॑-యఀ॒జ్ఞే ప్ర॑య॒త్య॑హ్వేతామ్ । దైవీ॒ర్విశః॒ ప్రాయా॑సిష్టామ్ । సుప్రీ॑తే॒ సుధి॑తే అభూతామ్ । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ దే॒వీ జోష్ట్రీ॒ వసు॑ధితీ । దే॒వమిన్ద్ర॑మవర్ధతామ్ । అయా᳚వ్య॒న్యా-ఽఘా ద్వేషాగ్ం॑సి । ఆ-ఽన్యా వా᳚ఖ్షీ॒-ద్వసు॒ వార్యా॑ణి । యజ॑మానాయ శిఖ్షి॒తే ॥ 45 ॥

వ॒సు॒వనే॑ వసు॒ధేయ॑స్య వీతాం॒-యఀజ॑ ॥ దే॒వీ ఊ॒ర్జాహు॑తీ॒ దుఘే॑ సు॒దుఘే᳚ । పయ॒సేన్ద్ర॑మవర్ధతామ్ । ఇష॒మూర్జ॑మ॒న్యా ఽవా᳚ఖ్షీత్ । సగ్ధి॒గ్ం॒ సపీ॑తిమ॒న్యా । నవే॑న॒ పూర్వ॒-న్దయ॑మానే । పు॒రా॒ణేన॒ నవ᳚మ్ । అధా॑తా॒-మూర్జ॑మూ॒ర్జాహు॑తీ॒ వసు॒ వార్యా॑ణి । యజ॑మానాయ శిఖ్షి॒తే । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ 46 ॥

దే॒వా దైవ్యా॒ హోతా॑రా । దే॒వమిన్ద్ర॑మవర్ధతామ్ । హ॒తాఘ॑శగ్ం సా॒వాభా᳚ర్​ష్టాం॒-వఀసు॒ వార్యా॑ణి । యజ॑మానాయ శిఖ్షి॒తౌ । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ దే॒వీస్తి॒స్రస్తి॒స్రో దే॒వీః । పతి॒మిన్ద్ర॑మవర్ధయన్న్ । అస్పృ॑ఖ్ష॒ద్భార॑తీ॒ దివ᳚మ్ । రు॒ద్రైర్య॒జ్ఞగ్ం సర॑స్వతీ । ఇడా॒ వసు॑మతీ గృ॒హాన్ ॥ 47 ॥

వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వ ఇన్ద్రో॒ నరా॒శగ్ంసః॑ । త్రి॒వ॒రూ॒థ-స్త్రి॑వన్ధు॒రః । దే॒వమిన్ద్ర॑మవర్ధయత్ । శ॒తేన॑ శితిపృ॒ష్ఠానా॒మాహి॑తః । స॒హస్రే॑ణ॒ ప్రవ॑ర్తతే । మి॒త్రావరు॒ణేద॑స్య హో॒త్రమర్​హ॑తః । బృహ॒స్పతి॑-స్స్తో॒త్రమ్ । అ॒శ్వినా-ఽఽద్ధ్వ॑ర్యవమ్ । వ॒సు॒వనే॑ వసు॒ధేయ॑స్య వేతు॒ యజ॑ ॥ 48 ॥

దే॒వ ఇన్ద్రో॒ వన॒స్పతిః॑ । హిర॑ణ్యపర్ణో॒ మధు॑శాఖ-స్సుపిప్ప॒లః । దే॒వమిన్ద్ర॑మవర్ధయత్ । దివ॒మగ్రే॑ణాప్రాత్ । ఆ-ఽన్తరి॑ఖ్ష-మ్పృథి॒వీమ॑దృగ్ంహీత్ । వ॒సు॒వనే॑ వసు॒ధేయ॑స్య వేతు॒ యజ॑ ॥ దే॒వ-మ్బ॒ర॒ఃఇర్వారి॑తీనామ్ । దే॒వమిన్ద్ర॑మవర్ధయత్ । స్వా॒స॒స్థ-మిన్ద్రే॒ణాస॑న్నమ్ । అ॒న్యా బ॒ర్॒హీగ్​ష్య॒భ్య॑భూత్ । వ॒సు॒వనే॑ వసు॒ధేయ॑స్య వేతు॒ యజ॑ ॥ దే॒వో అ॒గ్ని-స్స్వి॑ష్ట॒కృత్ । దే॒వమిన్ద్ర॑మవర్ధయత్ । స్వి॑ష్ట-ఙ్కు॒ర్వన్-థ్స్వి॑ష్ట॒కృత్ । స్వి॑ష్టమ॒ద్య క॑రోతు నః । వ॒సు॒వనే॑ వసు॒ధేయ॑స్య వేతు॒ యజే॑ ॥ 49 ॥
(వి॒య॒న్తు॒ యజ॑ - శిఖ్షి॒తే - శి॑ఖ్షి॒తే వ॑సు॒వనే॑ వసు॒ధేయ॑స్య వీతాం॒-యఀజ॑-గృ॒హాన్.-వే॑తు॒ యజా॑-భూ॒-థ్షట్చ॑) (అ. 10)

దే॒వ-మ్బ॒ర్॒హి-ర్దే॒వీర్ద్వారో॑ దే॒వీ ఉ॒షాసా॒ నక్తా॑ దే॒వీ జోష్ట్రీ॑ దే॒వీ ఊ॒ర్జాహు॑తీ దే॒వా దైవ్యా॒ హోతా॑రా శిఖ్షి॒తౌ దే॒వీస్తి॒స్రస్తి॒స్రో దే॒వీః పతి॑-న్దే॒వ ఇన్ద్రో॒ నరా॒శగ్ంసో॑ దే॒వ ఇన్ద్రో॒ వన॒స్పతి॑-ర్దే॒వ-మ్బ॒ర్॒హిర్వారి॑తీనా-న్దే॒వో అ॒గ్ని-స్స్వి॑ష్ట॒కృ-ద్దే॒వమ్ । వే॒తు॒ వి॒య॒న్తు॒ చ॒తుర్వీ॑తా॒మేకో॑ వియన్తు చ॒తుర్వే॑తు । అ॒వ॒ర్ధ॒య॒ద॒వ॒ర్ధ॒య॒-న్త్రిర॑వర్ధతా॒మేకో॑ ఽవర్ధయగ్గ్​ శ్చ॒తుర॑వర్ధయత్ । వస్తో॒రా వ॒థ్సేన॒ దైవీ॒రయా॒వీషగ్ం॑ హ॒తాస్పృ॑ఖ్షచ్ఛ॒తేన॒ దివ॒మిన్ద్రగ్గ్॑ స్వాస॒స్థగ్గ్​ స్వి॑ష్టమ్ । శిఖ్షి॒తే శి॑ఖ్షి॒తే శి॑ఖ్షి॒తౌ ।

అనువాకం 11 - పశుత్రయే ప్రయ జార్థా మైత్రావరుణప్రైషాః
హోతా॑ యఖ్ష-థ్స॒మిధా॒-ఽగ్ని-మి॒డస్ప॒దే । అ॒శ్వినేన్ద్ర॒గ్ం॒ సర॑స్వతీమ్ । అ॒జో ధూ॒మ్రో న గో॒ధూమైః॒ క్వ॑లైర్భేష॒జమ్ । మధు॒ శష్పై॒ర్న తేజ॑ ఇన్ద్రి॒యమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒త్తనూ॒నపా॒-థ్సర॑స్వతీ । అవి॑ర్మే॒షో న భే॑ష॒జమ్ । ప॒థా మధు॑మ॒తా ఽఽభ॑రన్న్ । అ॒శ్వినేన్ద్రా॑య వీ॒ర్య᳚మ్ ॥ 50 ॥

బద॑రైరుప॒వాకా॑భి-ర్భేష॒జ-న్తోక్మ॑భిః । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒న్నరా॒శగ్ంస॒న-న్న॒గ్నహు᳚మ్ । పతి॒గ్ం॒ సురా॑యై భేష॒జమ్ । మే॒ష-స్సర॑స్వతీ భి॒షక్ । రథో॒ న చ॒న్ద్ర్య॑శ్వినో᳚ర్వ॒పా ఇన్ద్ర॑స్య వీ॒ర్య᳚మ్ । బద॑రైరుప॒వాకా॑భి-ర్భేష॒జ-న్తోక్మ॑భిః । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ 51 ॥

హోతా॑ యఖ్షది॒డేడి॒త ఆ॒జుహ్వా॑న॒-స్సర॑స్వతీమ్ । ఇన్ద్ర॒-మ్బలే॑న వ॒ర్ధయన్న్॑ । ఋ॒ష॒భేణ॒ గవే᳚న్ద్రి॒యమ్ । అ॒శ్వినేన్ద్రా॑య వీ॒ర్య᳚మ్ । యవైః᳚ క॒ర్కన్ధు॑భిః । మధు॑ లా॒జైర్న మాస॑రమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష-ద్బ॒ర॒ఃఇ-స్సు॒ష్టరీ॒మో-ఽర్ణ॑మ్రదాః । భి॒షన్నాస॑త్యా ॥ 52 ॥

భి॒షజా॒-ఽశ్వినా-ఽశ్వా॒ శిశు॑మతీ । భి॒షగ్ధే॒ను-స్సర॑స్వతీ । భి॒షగ్దు॒హ ఇన్ద్రా॑య భేష॒జమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒ద్దురో॒ దిశః॑ । క॒వ॒ష్యో॑ న వ్యచ॑స్వతీః । అ॒శ్విభ్యా॒-న్న దురో॒ దిశః॑ । ఇన్ద్రో॒ న రోద॑సీ॒ దుఘే᳚ । దు॒హే కామా॒న్-థ్సర॑స్వతీ ॥ 53 ॥

అ॒శ్వినేన్ద్రా॑య భేష॒జమ్ । శు॒క్ర-న్న జ్యోతి॑రిన్ద్రి॒యమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష-థ్సు॒పేశ॑సో॒షే నక్త॒-న్దివా᳚ । అ॒శ్వినా॑ సఞ్జానా॒నే । సమ॑ఞ్జాతే॒ సర॑స్వత్యా । త్విషి॒మిన్ద్రే॒ న భే॑ష॒జమ్ । శ్యే॒నో న రజ॑సా హృ॒దా । పయ॒-స్సోమః॑ పరి॒స్రుతా॑ ఘృ॒త-మ్మధు॑ ॥ 54 ॥

వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒ద్దైవ్యా॒ హోతా॑రా భి॒షజా॒-ఽశ్వినా᳚ । ఇన్ద్ర॒-న్న జాగృ॑వీ॒ దివా॒ నక్త॒-న్న భే॑ష॒జైః । శూష॒గ్ం॒ సర॑స్వతీ భి॒షక్ । సీసే॑న దుహ ఇన్ద్రి॒యమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష-త్తి॒స్రో దే॒వీర్న భే॑ష॒జమ్ । త్రయ॑స్త్రి॒ధాత॑వో॒-ఽపసః॑ । రూ॒పమిన్ద్రే॑ హిర॒ణ్యయ᳚మ్ ॥ 55 ॥

అ॒శ్వినేడా॒ న భార॑తీ । వా॒చా సర॑స్వతీ । మహ॒ ఇన్ద్రా॑య దధురిన్ద్రి॒యమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒త్త్వష్టా॑ర॒-మిన్ద్ర॑మ॒శ్వినా᳚ । భి॒షజ॒-న్న సర॑స్వతీమ్ । ఓజో॒ న జూ॒తిరి॑న్ద్రి॒యమ్ । వృకో॒ న ర॑భ॒సో భి॒షక్ । యశ॒-స్సుర॑యా భేష॒జమ్ ॥ 56 ॥

శ్రి॒యా న మాస॑రమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్ష॒-ద్వన॒స్పతి᳚మ్ । శ॒మి॒తారగ్ం॑ శ॒తక్ర॑తుమ్ । భీ॒మ-న్న మ॒న్యుగ్ం రాజా॑నం-వ్యాఀ॒ఘ్ర-న్నమ॑సా॒-ఽశ్వినా॒ భామ᳚మ్ । సర॑స్వతీ భి॒షక్ । ఇన్ద్రా॑య దుహ ఇన్ద్రి॒యమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ 57 ॥

హోతా॑ యఖ్షద॒గ్నిగ్గ్​ స్వాహా-ఽఽజ్య॑స్య స్తో॒కానా᳚మ్ । స్వాహా॒ మేద॑సా॒-మ్పృథ॑క్ । స్వాహా॒ ఛాగ॑మ॒శ్విభ్యా᳚మ్ । స్వాహా॑ మే॒షగ్ం సర॑స్వత్యై । స్వాహా॑ర్​ష॒భ-మిన్ద్రా॑య సి॒గ్ం॒హాయ॒ సహ॑సేన్ద్రి॒యమ్ । స్వాహా॒-ఽగ్ని-న్న భే॑ష॒జమ్ । స్వాహా॒ సోమ॑మిన్ద్రి॒యమ్ । స్వాహేన్ద్రగ్ం॑ సు॒త్రామా॑ణగ్ం సవి॒తారం॒-వఀరు॑ణ-మ్భి॒షజా॒-మ్పతి᳚మ్ । స్వాహా॒ వన॒స్పతి॑-మ్ప్రి॒య-మ్పాథో॒ న భే॑ష॒జమ్ । స్వాహా॑ దే॒వాగ్ం ఆ᳚జ్య॒పాన్ ॥ 58 ॥

స్వాహా॒-ఽగ్నిగ్ం హో॒త్రాజ్జు॑షా॒ణో అ॒గ్ని-ర్భే॑ష॒జమ్ । పయ॒-స్సోమః॑ పరి॒స్రుతా॑ ఘృ॒త-మ్మధు॑ । వి॒యన్త్వాజ్య॑స్య॒ హోత॒ర్యజ॑ ॥ హోతా॑ యఖ్షద॒శ్వినా॒ సర॑స్వతీ॒మిన్ద్రగ్ం॑ సు॒త్రామా॑ణమ్ । ఇ॒మే సోమా᳚-స్సు॒రామా॑ణః । ఛాగై॒ర్న మే॒షైర్-ఋ॑ష॒భై-స్సు॒తాః । శష్పై॒ర్న తోక్మ॑భిః । లా॒జైర్మహ॑స్వన్తః । మదా॒ మాస॑రేణ॒ పరి॑ష్కృతాః । శు॒క్రాః పయ॑స్వన్తో॒-ఽమృతాః᳚ । ప్రస్థి॑తా వో మధు॒శ్చుతః॑ । తాన॒శ్వినా॒ సర॑స్వ॒తీన్ద్ర॑-స్సు॒త్రామా॑ వృత్ర॒హా । జు॒షన్తాగ్ం॑ సౌ॒మ్య-మ్మధు॑ । పిబ॑న్తు॒ మద॑న్తు వి॒యన్తు॒ సోమ᳚మ్ । హోత॒ర్యజ॑ ॥ 59 ॥
(వీ॒ర్యం - ఀవి॒యన్త్వాజ్య॑స్య॒ హోత॒ర్యజ॒ - నాస॑త్యా॒ - సర॑స్వతీ॒ - మధు॑ - హిర॒ణ్యయం॑ - భేష॒జం - ఀవి॒యన్త్వాజ్య॑స్య॒ హోత॒ర్యజా᳚ - జ్య॒పా - న॒మృతాః॒ పఞ్చ॑ చ) (అ. 11)

స॒మిధా॒-ఽగ్నిగ్ం షట్ । తనూ॒నపా᳚-థ్స॒ప్త । నరా॒శగ్ంస॒మృషిః॑ । ఇ॒డేడి॒తో యవై॑ర॒ష్టౌ । బ॒ర్॒హి-స్స॒ప్త । దురో॒-ఽశ్వినా॑ శు॒క్రన్నవ॑ । సు॒పేశ॑సో॒షే నక్త॒మృషిః॑। దైవ్యా॒ హోతా॑రా॒ సీసే॑న॒ రసః॑ । తి॒స్రస్త్వష్టా॑రమ॒ష్టావ॑ష్టౌ । వన॒స్పతి॒మృషిః॑ । అ॒గ్ని-న్త్రయో॑దశ । అ॒శ్వినా॒ ద్వాద॑శ॒ త్రయో॑దశ । స॒మిధా॒-ఽగ్ని-మ్బద॑రై॒-ర్బద॑రై॒-ర్యవై॑ర॒శ్వినా॒ త్విషి॑మ॒శ్వినా॒ న భే॑ష॒జగ్ం రూ॒పమ॒శ్వినా॑ భీ॒మ-మ్భామ᳚మ్ ।

అనువాకం 12 - పశుత్రయే ప్రయాజయాజ్యా ఆప్రియః
సమి॑ద్ధో అ॒గ్నిర॑శ్వినా । త॒ప్తో ఘ॒ర్మో వి॒రాట్-థ్సు॒తః । దు॒హే ధే॒ను-స్సర॑స్వతీ । సోమగ్ం॑ శు॒క్రమి॒హేన్ద్రి॒యమ్ ॥ త॒నూ॒పా భి॒షజా॑ సు॒తే । అ॒శ్వినో॒భా సర॑స్వతీ । మద్ధ్వా॒ రజాగ్ం॑సీన్ద్రి॒యమ్ । ఇన్ద్రా॑య ప॒థిభి॑-ర్వహాన్ ॥ ఇన్ద్రా॒యేన్దు॒గ్ం॒ సర॑స్వతీ । నరా॒శగ్ంసే॑న న॒గ్నహుః॑ ॥ 60 ॥

అధా॑తామ॒శ్వినా॒ మధు॑ । భే॒ష॒జ-మ్భి॒షజా॑ సు॒తే ॥ ఆ॒జుహ్వా॑నా॒ సర॑స్వతీ । ఇన్ద్రా॑యేన్ద్రి॒యాణి॑ వీ॒ర్య᳚మ్ । ఇడా॑భిరశ్వినా॒విష᳚మ్ । సమూర్జ॒గ్ం॒ సగ్ం ర॒యి-న్ద॑ధుః ॥ అశ్వి॑నా॒ నము॑చే-స్సు॒తమ్ । సోమగ్ం॑ శు॒క్ర-మ్ప॑రి॒స్రుతా᳚ । సర॑స్వతీ॒ తమాభ॑రత్ । బ॒ర్॒హిషేన్ద్రా॑య॒ పాత॑వే ॥ 61 ॥

క॒వ॒ష్యో॑ న వ్యచ॑స్వతీః । అ॒శ్విభ్యా॒-న్న దురో॒ దిశః॑ । ఇన్ద్రో॒ న రోద॑సీ॒ దుఘే᳚ । దు॒హే కామా॒న్-థ్సర॑స్వతీ ॥ ఉ॒షాసా॒ నక్త॑మశ్వినా । దివేన్ద్రగ్ం॑ సా॒యమి॑న్ద్రి॒యైః । స॒జా॒న్నా॒నే సు॒పేశ॑సా । సమ॑ఞ్జాతే॒ సర॑స్వత్యా ॥ పా॒త-న్నో॑ అశ్వినా॒ దివా᳚ । పా॒హి నక్తగ్ం॑ సరస్వతి ॥ 62 ॥

దైవ్యా॑ హోతారా భిషజా । పా॒తమిన్ద్ర॒గ్ం॒ సచా॑ సు॒తే ॥ తి॒స్రస్త్రే॒ధా సర॑స్వతీ । అ॒శ్వినా॒ భార॒తీడా᳚ । తీ॒వ్ర-మ్ప॑రి॒స్రుతా॒ సోమ᳚మ్ । ఇన్ద్రా॑య సుషవు॒ర్మద᳚మ్ ॥ అశ్వి॑నా భేష॒జ-మ్మధు॑ । భే॒ష॒జ-న్న॒-స్సర॑స్వతీ । ఇన్ద్రే॒ త్వష్టా॒ యశ॒-శ్శ్రియ᳚మ్ । రూ॒పగ్ం రూ॑పమధు-స్సు॒తే ॥ ఋ॒తు॒థేన్ద్రో॒ వన॒స్పతిః॑ । శ॒శ॒మా॒నః ప॑రి॒స్రుతా᳚ । కీ॒లాల॑మ॒శ్విభ్యా॒-మ్మధు॑ । దు॒హే ధే॒ను-స్సర॑స్వతీ ॥ గోభి॒ర్న సోమ॑మశ్వినా । మాస॑రేణ పరి॒ష్కృతా᳚ । సమ॑ధాతా॒గ్ం॒ సర॑స్వత్యా । స్వాహేన్ద్రే॑ సు॒త-మ్మధు॑ ॥ 63 ॥
(న॒గ్నహుః॒ - పాత॑వే - సరస్వ - త్యధు-స్సు॒తే᳚-ఽష్టౌ చ॑) (అ. 12)

అనువాకం 13 - పశుత్రయే వపాదీనాం-యాఀజ్యానువాక్యాః
అ॒శ్వినా॑ హ॒విరి॑న్ద్రి॒యమ్ । నము॑చేర్ధి॒యా సర॑స్వతీ । ఆ శు॒క్రమా॑సు॒రాద్వ॒సు । మ॒ఘమిన్ద్రా॑య జభ్రిరే ॥ యమ॒శ్వినా॒ సర॑స్వతీ । హ॒విషేన్ద్ర॒-మవ॑ర్ధయన్న్ । స బి॑భేద బ॒లం (వ॒లం) మ॒ఘమ్ । నము॑చావాసు॒రే సచా᳚ । తమిన్ద్ర॑-మ్ప॒శవ॒-స్సచా᳚ ॥ అ॒శ్వినో॒భా సర॑స్వతీ ॥ 64 ॥

దధా॑నా అ॒భ్య॑నూషత । హ॒విషా॑ య॒జ్ఞమి॑న్ద్రి॒యమ్ ॥ య ఇన్ద్ర॑ ఇన్ద్రి॒య-న్ద॒ధుః । స॒వి॒తా వరు॑ణో॒ భగః॑ । స సు॒త్రామా॑ హ॒విష్ప॑తిః । యజ॑మానాయ సశ్చత ॥ స॒వి॒తా వరు॑ణో॒ దధ॑త్ । యజ॑మానాయ దా॒శుషే᳚ । ఆద॑త్త॒ నము॑చే॒ర్వసు॑ । సు॒త్రామా॒ బల॑మిన్ద్రి॒యమ్ ॥ 65 ॥

వరు॑ణః, ఖ్ష॒త్రమి॑న్ద్రి॒యమ్ । భగే॑న సవి॒తా శ్రియ᳚మ్ । సు॒త్రామా॒ యశ॑సా॒ బల᳚మ్ । దధా॑నా య॒జ్ఞమా॑శత ॥ అశ్వి॑నా॒ గోభి॑రిన్ద్రి॒యమ్ । అశ్వే॑భి-ర్వీ॒ర్య॑-మ్బల᳚మ్ । హ॒విషేన్ద్ర॒గ్ం॒ సర॑స్వతీ । యజ॑మాన-మవర్ధయన్న్ ॥ తా నాస॑త్యా సు॒పేశ॑సా । హిర॑ణ్యవర్తనీ॒ నరా᳚ । సర॑స్వతీ హ॒విష్మ॑తీ । ఇన్ద్ర॒ కమ॑ర్​సు నో-ఽవత ॥ తా భి॒షజా॑ సు॒కర్మ॑ణా । సా సు॒దుఘా॒ సర॑స్వతీ । స వృ॑త్ర॒హా శ॒తక్ర॑తుః । ఇన్ద్రా॑య దధురిన్ద్రి॒యమ్ ॥ 66 ॥
(ఉ॒భా సర॑స్వతీ॒ - బల॑మిన్ద్రి॒యం - నరా॒ షట్చ॑) (అ. 13)

అనువాకం 14 - పశుత్రయే అనూయాజప్రైషాః
దే॒వ-మ్బ॒ర్॒హి-స్సర॑స్వతీ । సు॒దే॒వమిన్ద్రే॑ అ॒శ్వినా᳚ । తేజో॒ న చఖ్షు॑ర॒ఖ్ష్యోః । బ॒ర్॒హిషా॑ దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వీర్ద్వారో॑ అ॒శ్వినా᳚ । భి॒షజేన్ద్రే॒ సర॑స్వతీ । ప్రా॒ణ-న్న వీ॒ర్య॑-న్న॒సి । ద్వారో॑ దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 67 ॥

దే॒వీ ఉ॒షాసా॑వ॒శ్వినా᳚ । భి॒షజేన్ద్రే॒ సర॑స్వతీ । బల॒-న్న వాచ॑మా॒స్యే᳚ । ఉ॒షాభ్యా᳚-న్దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వీ జోష్ట్రీ॑ అ॒శ్వినా᳚ । సు॒త్రామేన్ద్రే॒ సర॑స్వతీ । శ్రోత్ర॒-న్న కర్ణ॑యో॒ర్యశః॑ । జోష్ట్రీ᳚భ్యా-న్దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 68 ॥

దే॒వీ ఊ॒ర్జాహు॑తీ॒ దుఘే॑ సు॒దుఘే᳚ । పయ॒సేన్ద్ర॒గ్ం॒ సర॑స్వత్య॒శ్వినా॑ భి॒షజా॑-ఽవత । శు॒క్ర-న్న జ్యోతి॒-స్స్తన॑యో॒రాహు॑తీ ధత్త ఇన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వా దే॒వానా᳚-మ్భి॒షజా᳚ । హోతా॑రా॒విన్ద్ర॑-మ॒శ్వినా᳚ । వ॒ష॒ట్కా॒రై-స్సర॑స్వతీ । త్విషి॒-న్న హృద॑యే మ॒తిమ్ । హోతృ॑భ్యా-న్దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 69 ॥

దే॒వీ-స్తి॒స్ర-స్తి॒స్రో దే॒వీః । సర॑స్వత్య॒శ్వినా॒ భార॒తీడా᳚ । శూష॒-న్న మద్ధ్యే॒ నాభ్యా᳚మ్ । ఇన్ద్రా॑య దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వ ఇన్ద్రో॒ నరా॒శగ్ంసః॑ । త్రి॒వ॒రూ॒థ-స్సర॑స్వత్యా॒ ఽశ్విభ్యా॑మీయతే॒ రథః॑ । రేతో॒ న రూ॒పమ॒మృత॑-ఞ్జ॒నిత్ర᳚మ్ । ఇన్ద్రా॑య॒ త్వష్టా॒ దధ॑దిన్ద్రి॒యాణి॑ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 70 ॥

దే॒వ ఇన్ద్రో॒ వన॒స్పతిః॑ । హిర॑ణ్యపర్ణో అ॒శ్విభ్యా᳚మ్ । సర॑స్వత్యా-స్సుపిప్ప॒లః । ఇన్ద్రా॑య పచ్యతే॒ మధు॑ । ఓజో॒ న జూ॒తిమృ॑ష॒భో న భామ᳚మ్ । వన॒స్పతి॑ర్నో॒ దధ॑దిన్ద్రి॒యాణి॑ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వ-మ్బ॒ర్॒హిర్వారి॑తీనామ్ । అ॒ద్ధ్వ॒రే స్తీ॒ర్ణమ॒శ్విభ్యా᳚మ్ । ఊర్ణ॑మ్రదా॒-స్సర॑స్వత్యాః ॥ 71 ॥

స్యో॒నమి॑న్ద్ర తే॒ సదః॑ । ఈ॒శాయై॑ మ॒న్యుగ్ం రాజా॑న-మ్బ॒ర్॒హిషా॑ దధురిన్ద్రి॒యమ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వో అ॒గ్ని-స్స్వి॑ష్ట॒కృత్ । దే॒వాన్.య॑ఖ్ష-ద్యథాయ॒థమ్ । హోతా॑రా॒-విన్ద్ర॑మ॒శ్వినా᳚ । వా॒చా వాచ॒గ్ం॒ సర॑స్వతీమ్ । అ॒గ్నిగ్ం సోమగ్గ్॑ స్విష్ట॒కృత్ । స్వి॑ష్ట॒ ఇన్ద్ర॑-స్సు॒త్రామా॑ సవి॒తా వరు॑ణో భి॒షక్ । ఇ॒ష్టో దే॒వో వన॒స్పతిః॑ । స్వి॑ష్టా దే॒వా ఆ᳚జ్య॒పాః । ఇ॒ష్టో అ॒గ్నిర॒గ్నినా᳚ । హోతా॑ హో॒త్రే స్వి॑ష్ట॒కృత్ । యశో॒ న దధ॑దిన్ద్రి॒యమ్ । ఊర్జ॒మప॑చితిగ్గ్​ స్వ॒ధామ్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 72 ॥
(ద్వారో॑ దధురిన్ద్రి॒యం-వఀ ॑సు॒వనే॑ వసు॒ధేయ॑స్య వియన్తు॒ యజ॒ - జోష్ట్రీ᳚భ్యా-న్దధురిన్ద్రి॒యం-వఀ ॑సు॒వనే॑ వసు॒ధేయ॑స్య వియన్తు॒ యజ॒ -హోతృ॑భ్యా-న్దధురిన్ద్రి॒యం-వఀ ॑సు॒వనే॑ వసు॒ధేయ॑స్య వియన్తు॒ యజే᳚ - న్ద్రి॒యాణి॑ వసు॒వనే॑ వసు॒ధేయ॑స్య వియన్తు॒ యజ॒ - సర॑స్వత్యా॒ - వన॒స్పతి॒-ష్షట్చ॑) (అ. 14)

(దే॒వ-మ్బ॒ర్॒హి-ర్దే॒వీ-ర్ద్వారో॑ దే॒వీ ఉ॒షాసా॑వ॒శ్వినా॑ దే॒వీ జోష్ట్ర॑ దే॒వీ ఊ॒ర్జాహూ॑తీ దే॒వా దే॒వానా᳚-మ్భి॒షజా॑ వషట్కా॒రై-ర్దే॒వీస్తిస్రస్తి॒స్రో దే॒వీ-స్సర॑స్వతీ దే॒వ ఇన్ద్రో॒ నరా॒శగ్ంసో॑ దే॒వ ఇన్ద్రో॒ వన॒స్పతి॑ర్దే॒వ-మ్బ॒ర్॒హిర్వారి॑తీనా-న్దే॒వోఅ॒గ్ని-స్స్వి॑ష్ట॒కృ-ద్దే॒వాన్) ।

(స॒మిధా॒-ఽగ్ని-న్దే॒వ-మ్బ॒ర్॒హి-స్సర॑స్వత్యా॒శ్వినా॒ సర్వం॑-విఀయన్తు । ద్వార॑స్తి॒స్ర-స్సంర్వ॑ వియన్తు । అ॒జ ఇన్ద్ర॒మోజో॒-ఽగ్ని-మ్పర॒-స్సర॑స్వతీమ్ । నక్త॒మ్పూర్వ॒-స్సర॑స్వతి । అ॒న్యత్ర॒ సర॑స్వతి । భి॒ష-క్పూర్వ॑-న్దుహ ఇన్ద్రి॒యమ్ । అ॒న్యత్ర॑ దధురిన్ద్రి॒యమ్ । సౌ॒త్రా॒మ॒ణ్యాగ్ం సు॑తాసు॒తీ । అ॒ఞ్జన్త్య॒యం-యఀజ॑మానః)

అనువాకం 15 - సూక్తవాకప్రైషః
అ॒గ్నిమ॒ద్య హోతా॑రమవృణీత । అ॒యగ్ం సు॑తాసు॒తీ యజ॑మానః । పచ॑-న్ప॒క్తీః । పచ॑-న్పురో॒డాశాన్॑ । గృ॒హ్ణ-న్గ్రహాన్॑ । బ॒ద్ధ్నన్న॒శ్విభ్యా॒-ఞ్ఛాగ॒గ్ం॒ సర॑స్వత్యా॒ ఇన్ద్రా॑య । బ॒ద్ధ్నన్-థ్సర॑స్వత్యై మే॒షమిన్ద్రా॑యా॒శ్విభ్యా᳚మ్ । బ॒ద్ధ్నన్నిన్ద్రా॑యర్​ష॒భ-మ॒శ్విభ్యా॒గ్ం॒ సర॑స్వత్యై । సూ॒ప॒స్థా అ॒ద్య దే॒వో వన॒స్పతి॑రభవత్ । అ॒శ్విభ్యా॒-ఞ్ఛాగే॑న॒ సర॑స్వత్యా॒ ఇన్ద్రా॑య ॥ 73 ॥

సర॑స్వత్యై మే॒షేణేన్ద్రా॑యా॒శ్విభ్యా᳚మ్ । ఇన్ద్రా॑యర్​ష॒భేణా॒శ్విభ్యా॒గ్ం॒ సర॑స్వత్యై । అఖ్ష॒గ్గ్॒స్తాన్మే॑ద॒స్తః ప్రతి॑ పచ॒తా-ఽగ్ర॑భీషుః । అవీ॑వృధన్త॒ గ్రహైః᳚ । అపా॑తామ॒శ్వినా॒ సర॑స్వ॒తీన్ద్ర॑-స్సు॒త్రామా॑ వృత్ర॒హా । సోమా᳚న్-థ్సు॒రామ్ణః॑ । ఉపో॑ ఉక్థామ॒దా-శ్శ్రౌ॒ద్విమదా॑ అదన్న్ । అవీ॑వృధ-న్తాఙ్గూ॒షైః । త్వామ॒ద్యర్​ష॑ ఆర్​షేయర్​షీణా-న్నపాదవృణీత । అ॒యగ్ం సు॑తాసు॒తీ యజ॑మానః । బ॒హుభ్య॒ ఆసఙ్గ॑తేభ్యః । ఏ॒ష మే॑ దే॒వేషు॒ వసు॒ వార్యా య॑ఖ్ష్యత॒ ఇతి॑ । తా యా దే॒వా దే॑వ॒దానా॒న్యదుః॑ । తాన్య॑స్మా॒ ఆ చ॒ శాస్వ॑ । ఆ చ॑ గురస్వ । ఇ॒షి॒తశ్చ॑ హోత॒రసి॑ భద్ర॒వాచ్యా॑య॒ ప్రేషి॑తో॒ మాను॑షః । సూ॒క్త॒వా॒కాయ॑ సూ॒క్తా బ్రూ॑హి ॥ 74 ॥
(ఇన్ద్రా॑య॒ - యజ॑మాన-స్స॒ప్త చ॑) (అ. 15)

అనువాకం 16 - పితృయజ్ఞయాజ్యానువాక్యాః
ఉ॒శన్త॑స్త్వా హవామహ ఉ॒శన్త॒-స్సమి॑ధీమహి । ఉ॒శన్ను॑శ॒త ఆ వ॑హ పి॒తౄన్ హ॒విషే॒ అత్త॑వే ॥, ఆ నో॑ అగ్నే సుకే॒తునా᳚ । ర॒యిం-విఀ॒శ్వాయు॑పోషసమ్ । మా॒ర్డీ॒క-న్ధే॑హి జీ॒వసే᳚ ॥। త్వగ్ం సో॑మ మ॒హే భగ᳚మ్ । త్వం-యూఀన॑ ఋతాయ॒తే । దఖ్ష॑-న్దధాసి జీ॒వసే᳚ ॥,త్వగ్ం సో॑మ॒ ప్రచి॑కితో మనీ॒షా త్వగ్ం రజి॑ష్ఠ॒మను॑ నేషి॒ పన్థా᳚మ్ । తవ॒ ప్రణీ॑తీ పి॒తరో॑ న ఇన్దో దే॒వేషు॒ రత్న॑మ భజన్త॒ ధీరాః᳚ ॥। త్వయా॒ హి నః॑ పి॒తర॑-స్సోమ॒ పూర్వే॒ కర్మా॑ణి చ॒క్రుః ప॑వమాన॒ ధీరాః᳚ । వ॒న్వన్నవా॑తః పరి॒ధీగ్ం రపో᳚ర్ణు వీ॒రేభి॒రశ్వై᳚ర్మ॒ఘవా॑ భవా నః ॥, త్వగ్ం సో॑మ పి॒తృభి॑-స్సం​విఀదా॒నో-ఽను॒ ద్యావా॑పృథి॒వీ ఆ త॑తన్థ । తస్మై॑ త ఇన్దో హ॒విషా॑ విధేమ వ॒యగ్గ్​ స్యా॑మ॒ పత॑యో రయీ॒ణామ్ ॥ । బర్​హి॑షదః పితర ఊ॒త్య॑ర్వాగి॒మా వో॑ హ॒వ్యా చ॑కృమా జు॒షధ్వ᳚మ్ । త ఆ గ॒తా-ఽవ॑సా॒ శ-న్త॑మే॒నాథా॒స్మభ్య॒గ్ం॒ శం-యోఀర॑ర॒పో ద॑ధాత ॥, ఆ-ఽహ-మ్పి॒తౄన్-థ్సు॑వి॒దత్రాగ్ం॑ అవిథ్సి॒ నపా॑త-ఞ్చ వి॒క్రమ॑ణ-ఞ్చ॒ విష్ణోః᳚ । బ॒ర్​హి॒షదో॒ యే స్వ॒ధయా॑ సు॒తస్య॒ భజ॑న్త పి॒త్వస్త ఇ॒హా-ఽఽ గ॑మిష్ఠాః ॥ । ఉప॑హూతాః పి॒తర॑-స్సో॒మ్యాసో॑ బర్​హి॒ష్యే॑షు ని॒ధిషు॑ ప్రి॒యేషు॑ । త ఆ గ॑మన్తు॒ త ఇ॒హ శ్రు॑వ॒న్త్వధి॑ బ్రువన్తు॒ తే అ॑వన్త్వ॒స్మాన్ ॥, అగ్ని॑ష్వాత్తాః పితర॒ ఏహ గ॑చ్ఛత॒ సద॑-స్సద-స్సదత సుప్రణీతయః । అ॒త్తా హ॒వీగ్ంషి॒ ప్రయ॑తాని బ॒ర్॒హిష్యథా॑ ర॒యిగ్ం సర్వ॑వీర-న్దధాతన ॥ ॥ అ॒గ్ని॒ష్వా॒త్తానృ॑తు॒మతో॑ హవామహే । నరా॒శగ్ంసే॑ సోమపీ॒థం-యఀ ఆ॒శుః । తే నో॒ అర్వ॑న్త-స్సు॒హవా॑ భవన్తు । శ-న్నో॑ భవన్తు ద్వి॒పదే॒ శ-ఞ్చతు॑ష్పదే ॥ యే అ॑గ్నిష్వా॒త్తా యే-ఽన॑గ్నిష్వాత్తాః ॥ 75 ॥

అ॒గ్ం॒హో॒ముచః॑ పి॒తర॑-స్సో॒మ్యాసః॑ । పరే-ఽవ॑రే॒-ఽమృతా॑సో॒ భవ॑న్తః । అధి॑బ్రువన్తు॒ తే అ॑వన్త్వ॒స్మాన్ ॥ వా॒న్యా॑యై దు॒గ్ధే జు॒షమా॑ణాః కర॒మ్భమ్ । ఉ॒దీరా॑ణా॒ అవ॑రే॒ పరే॑ చ । అ॒గ్ని॒ష్వా॒త్తా ఋ॒తుభి॑-స్సం​విఀదా॒నాః । ఇన్ద్ర॑వన్తో హ॒విరి॒ద-ఞ్జు॑షన్తామ్ ॥ యద॑గ్నే కవ్యవాహన పి॒తౄన్ యఖ్ష్యృ॑తా॒వృధః॑ । ప్ర చ॑ హ॒వ్యాని॑ వఖ్ష్యసి దే॒వేభ్య॑శ్చ పి॒తృభ్య॒ ఆ ॥, త్వమ॑గ్న ఈడి॒తో జా॑తవే॒దో-ఽవా᳚డ్ఢ॒వ్యాని॑ సుర॒భీణి॑ కృ॒త్వా । ప్రాదాః᳚ పి॒తృభ్య॑-స్స్వ॒ధయా॒ తే అ॑ఖ్షన్న॒ద్ధి త్వ-న్దే॑వ॒ ప్రయ॑తా హ॒వీగ్ంషి॑ । । మాత॑లీ క॒వ్యైర్య॒మో అఙ్గి॑రోభి॒ ర్బృహ॒స్పతి॒ర్-ఋక్వ॑భి ర్వావృధా॒నః । యాగ్​శ్చ॑ దే॒వా వా॑వృ॒ధుర్యే చ॑ దే॒వాన్-థ్స్వాహా॒-ఽన్యే స్వ॒ధయా॒-ఽన్యే మ॑దన్తి ॥ ॥ యే తా॑తృ॒పుర్దే॑వ॒త్రా జేహ॑మానాః । హో॒త్రా॒వృధ॒-స్స్తోమ॑తష్టాసో అ॒ర్కైః । ఆ-ఽగ్నే॑ యాహి సువి॒దత్రే॑భిర॒ర్వామ్ । స॒త్యైః క॒వ్యైః పి॒తృభి॑-ర్ఘర్మ॒సద్భిః॑ ॥ హ॒వ్య॒వాహ॑మ॒జర॑-మ్పురుప్రి॒యమ్ । అ॒గ్ని-ఙ్ఘృ॒తేన॑ హ॒విషా॑ సప॒ర్యన్న్ । ఉపా॑సద-ఙ్కవ్య॒వాహ॑-మ్పితృ॒ణామ్ । స నః॑ ప్ర॒జాం-వీఀ॒రవ॑తీ॒గ్ం॒ సమృ॑ణ్వతు ॥ 76 ॥
(అన॑గ్నిష్వాత్తా॒ - జేహ॑మానా-స్స॒ప్త చ॑) (అ. 16)

అనువాకం 17 - ఐన్ద్రో పశౌ ఏకాదశ ప్రయాజాః
హోతా॑ యఖ్షది॒డస్ప॒దే । స॒మి॒ధా॒న-మ్మ॒హద్యశః॑ । సుష॑మిద్ధం॒-వఀరే᳚ణ్యమ్ । అ॒గ్నిమిన్ద్రం॑-వఀయో॒ధస᳚మ్ । గా॒య॒త్రీ-ఞ్ఛన్ద॑ ఇన్ద్రి॒యమ్ । త్ర్యవి॒-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒చ్ఛుచి॑వ్రతమ్ । తనూ॒నపా॑తము॒ద్భిద᳚మ్ । య-ఙ్గర్భ॒మది॑తిర్ద॒ధే ॥ 77 ॥

శుచి॒మిన్ద్రం॑-వఀయో॒ధస᳚మ్ । ఉ॒ష్ణిహ॒-ఞ్ఛన్ద॑ ఇన్ద్రి॒యమ్ । ది॒త్య॒వాహ॒-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్షదీ॒డేన్య᳚మ్ । ఈ॒డి॒తం-వృఀ ॑త్ర॒హన్త॑మమ్ । ఇడా॑భి॒రీడ్య॒గ్ం॒ సహః॑ । సోమ॒మిన్ద్రం॑-వఀయో॒ధస᳚మ్ । అ॒ను॒ష్టుభ॒-ఞ్ఛన్ద॑ ఇన్ద్రి॒యమ్ । త్రి॒వ॒థ్స-ఙ్గాం-వఀయో॒ దధ॑త్ ॥ 78 ॥

వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష-థ్సుబర్​హి॒షద᳚మ్ । పూ॒ష॒ణ్వన్త॒-మమ॑ర్త్యమ్ । సీద॑న్త-మ్బ॒ర్॒హిషి॑ ప్రి॒యే । అ॒మృతేన్ద్రం॑-వఀయో॒ధస᳚మ్ । బృ॒హ॒తీ-ఞ్ఛన్ద॑ ఇన్ద్రి॒యమ్ । పఞ్చా॑వి॒-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒-ద్వ్యచ॑స్వతీః । సు॒ప్రా॒య॒ణా ఋ॑తా॒వృధః॑ ॥ 79 ॥

ద్వారో॑ దే॒వీర్​హి॑ర॒ణ్యయీః᳚ । బ్ర॒హ్మాణ॒ ఇన్ద్రం॑-వఀయో॒ధస᳚మ్ । ప॒ఙ్క్తి-ఞ్ఛన్ద॑ ఇ॒హేన్ద్రి॒యమ్ । తు॒ర్య॒వాహ॒-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష-థ్సు॒పేశ॑సే । సు॒శి॒ల్పే బృ॑హ॒తీ ఉ॒భే । నక్తో॒షాసా॒ న ద॑ర్​శ॒తే । విశ్వ॒మిన్ద్రం॑-వఀయో॒ధస᳚మ్ । త్రి॒ష్టుభ॒-ఞ్ఛన్ద॑ ఇన్ద్రి॒యమ్ ॥ 80 ॥

ప॒ష్ఠ॒వాహ॒-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒-త్ప్రచే॑తసా । దే॒వానా॑ముత్త॒మం-యఀశః॑ । హోతా॑రా॒ దైవ్యా॑ క॒వీ । స॒యుజేన్ద్రం॑-వఀయో॒ధస᳚మ్ । జగ॑తీ॒-ఞ్ఛన్ద॑ ఇ॒హేన్ద్రి॒యమ్ । అ॒న॒డ్వాహ॒-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒-త్పేశ॑స్వతీః ॥ 81 ॥

తి॒స్రో దే॒వీర్​హి॑ర॒ణ్యయీః᳚ । భార॑తీ-ర్బృహ॒తీర్మ॒హీః । పతి॒మిన్ద్రం॑-వఀయో॒ధస᳚మ్ । వి॒రాజ॒-ఞ్ఛన్ద॑ ఇ॒హేన్ద్రి॒యమ్ । ధే॒ను-ఙ్గా-న్న వయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష-థ్సు॒రేత॑సమ్ । త్వష్టా॑ర-మ్పుష్టి॒వర్ధ॑నమ్ । రూ॒పాణి॒ బిభ్ర॑త॒-మ్పృథ॑క్ । పుష్టి॒మిన్ద్రం॑-వఀయో॒ధస᳚మ్ ॥ 82 ॥

ద్వి॒పద॒-ఞ్ఛన్ద॑ ఇ॒హేన్ద్రి॒యమ్ । ఉ॒ఖ్షాణ॒-ఙ్గా-న్న వయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్షచ్ఛ॒తక్ర॑తుమ్ । హిర॑ణ్యపర్ణ-ము॒క్థిన᳚మ్ । ర॒శ॒నా-మ్బిభ్ర॑తం-వఀ॒శిమ్ । భగ॒మిన్ద్రం॑-వఀయో॒ధస᳚మ్ । క॒కుభ॒-ఞ్ఛన్ద॑ ఇ॒హేన్ద్రి॒యమ్ । వ॒శాం-వేఀ॒హత॒-ఙ్గా-న్న వయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ హోతా॑ యఖ్ష॒-థ్స్వాహా॑కృతీః । అ॒గ్ని-ఙ్గృ॒హప॑తి॒-మ్పృథ॑క్ । వరు॑ణ-మ్భేష॒జ-ఙ్క॒విమ్ । ఖ్ష॒త్రమిన్ద్రం॑-వఀయో॒ధస᳚మ్ । అతి॑చ్ఛన్దస॒-ఞ్ఛన్ద॑ ఇన్ద్రి॒యమ్ । బృ॒హదృ॑ష॒భ-ఙ్గాం-వఀయో॒ దధ॑త్ । వేత్వాజ్య॑స్య॒ హోత॒ర్యజ॑ ॥ 83 ॥
(ద॒ధే - దధ॑-ద్- ఋతా॒వృధ॑ - ఇన్ద్రి॒యం - పేశ॑స్వతీ--ర్ వయో॒ధసం॒ - ఀవేత్వాజ్య॑స్య॒ హోత॒ర్యజ॑ స॒ప్త చ॑) (అ. 17)

ఇ॒డస్ప॒దే᳚-ఽగ్ని-ఙ్గా॑య॒త్రీ-న్త్ర్యవి᳚మ్ । శుచి॑వ్రత॒గ్ం॒ శుచి॑ము॒ష్ణిహ॑-న్దిత్య॒వాహ᳚మ్ । ఈ॒డేన్య॒గ్ం॒ సోమ॑-మన॒ష్టుభ॑-న్త్రివ॒థ్సమ్ । సు॒బ॒ర॒ఃఇ॒షద॑మ॒మృతేన్ద్ర॑-మ్బృహ॒తీ-మ్పఞ్చా॑విమ్ । వ్యచ॑స్వతీ-స్సుప్రాయ॒ణా ద్వారో᳚ బ్రా॒హ్మాణః॑ పా॒ఙ్క్తిమి॒హ తు॑ర్య॒వాహ᳚మ్ । సు॒పేశ॑సే॒ విశ్వ॒మిన్ద్ర॑-న్త్రి॒ష్టుభ॑-మ్పష్ఠ॒వాహ᳚మ్ । ప్రచే॑తసా స॒యుజేన్ద్ర॒-ఞ్జగ॑తీమి॒హాన॒డ్వాహ᳚మ్ । పేశ॑స్వతీస్తి॒స్త్రో భార॑తీః॒ పతిం॑-విఀ॒రాజ॑మి॒హ ధే॒ను-న్న । సు॒రేత॑స॒-న్త్వష్టా॑ర॒-మ్పుష్టి॑-న్ద్వి॒పద॑మి॒హోఖ్షాణ॒-న్న । శ॒తక్ర॑తు॒-మ్భగ॒మిన్ద్ర॑-ఙ్క॒కుభ॑మి॒హ వ॒శాం-వేఀ॒హత॒-ఙ్గా-న్న । స్వాహా॑కృతీః, ఖ్ష॒త్రమతి॑చ్ఛన్దస-మ్బృ॒హదృ॑ష॒భ-ఙ్గాం-వఀయః॑ । ఇ॒న్ద్రి॒యముషి॑వసు॒నవ॑ద॒శేహే᳚న్ద్రియ॒మష్ట॑ నవ దశ॒ గా-న్న వయో॒ దధ॒-థ్సర్వ॑వేతు ।

అనువాకం 18 - ఐన్ద్రో పశౌ ప్రయాజయాజ్యాః
సమి॑ద్ధో అ॒గ్ని-స్స॒మిధా᳚ । సుష॑మిద్ధో॒ వరే᳚ణ్యః । గా॒య॒త్రీ ఛన్ద॑ ఇన్ద్రి॒యమ్ । త్ర్యవి॒ర్గౌర్వయో॑ దధుః ॥ తనూ॒నపా॒-చ్ఛుచి॑వ్రతః । త॒నూ॒నపాచ్చ॒ (త॒నూ॒పాచ్చ) సర॑స్వతీ । ఉ॒ష్ణిక్ఛన్ద॑ ఇన్ద్రి॒యమ్ । ది॒త్య॒వాడ్గౌర్వయో॑ దధుః ॥ ఇడా॑భిర॒గ్నిరీడ్యః॑ । సోమో॑ దే॒వో అమ॑ర్త్యః ॥ 84 ॥

అ॒ను॒ష్టుప్ఛన్ద॑ ఇన్ద్రి॒యమ్ । త్రి॒వ॒థ్సో గౌర్వయో॑ దధుః ॥ సు॒బ॒ర్॒హిర॒గ్నిః పూ॑ష॒ణ్వాన్ । స్తీ॒ర్ణ-బ॑ర్​హి॒రమ॑ర్త్యః । బృ॒హ॒తీ ఛన్ద॑ ఇన్ద్రి॒యమ్ । పఞ్చా॑వి॒-ర్గౌర్వయో॑ దధుః ॥ దురో॑ దే॒వీర్దిశో॑ మ॒హీః । బ్ర॒హ్మా దే॒వో బృహ॒స్పతిః॑ । ప॒ఙ్క్తి-శ్ఛన్ద॑ ఇ॒హేన్ద్రి॒యమ్ । తు॒ర్య॒వాడ్ గౌర్వయో॑ దధుః ॥ 85 ॥

ఉ॒షే య॒హ్వీ సు॒పేశ॑సా । విశ్వే॑ దే॒వా అమ॑ర్త్యాః । త్రి॒ష్టు-ప్ఛన్ద॑ ఇన్ద్రి॒యమ్ । ప॒ష్ఠ॒వాద్గౌర్వయో॑ దధుః ॥ దైవ్యా॑ హోతారా భిషజా । ఇన్ద్రే॑ణ స॒యుజా॑ యు॒జా । జగ॑తీ॒ ఛన్ద॑ ఇ॒హేన్ద్రి॒యమ్ । అ॒న॒డ్వాన్-గౌర్వయో॑ దధుః ॥ తి॒స్ర ఇడా॒ సర॑స్వతీ । భార॑తీ మ॒రుతో॒ విశః॑ ॥ 86 ॥

వి॒రాట్ఛన్ద॑ ఇ॒హేన్ద్రి॒యమ్ । ధే॒నుర్గౌర్న వయో॑ దధుః ॥ త్వష్టా॑ తు॒రీపో॒ అద్భు॑తః । ఇ॒న్ద్రా॒గ్నీ పు॑ష్టి॒వర్ధ॑నా । ద్వి॒పాచ్ఛన్ద॑ ఇ॒హేన్ద్రి॒యమ్ । ఉ॒ఖ్షా గౌర్న వయో॑ దధుః ॥ శ॒మి॒తా నో॒ వన॒స్పతిః॑ । స॒వి॒తా ప్ర॑సు॒వన్భగ᳚మ్ । క॒కుచ్ఛన్ద॑ ఇ॒హేన్ద్రి॒యమ్ । వ॒శా వే॒హద్గౌర్న వయో॑ దధుః ॥ స్వాహా॑ య॒జ్ఞం-వఀరు॑ణః । సు॒ఖ్ష॒త్రో భే॑ష॒జ-ఙ్క॑రత్ । అతి॑-శ్ఛన్దా॒-శ్ఛన్ద॑ ఇన్ద్రి॒యమ్ । బృ॒హదృ॑ష॒భో గౌర్వయో॑ దధుః ॥ 87 ॥
(అమ॑ర్త్య - స్తుర్య॒వాడ్గౌర్వయో॑ దధు॒--ర్ విశో॑ - వ॒శా వే॒హద్గౌర్న వయో॑ దధుశ్చ॒త్వారి॑ చ) (అ. 18)

అనువాకం 19 - ఐన్ద్రో పశౌ వపాదీనాం-యఀజ్యానువాక్యాః
వ॒స॒న్తేన॒ర్తునా॑ దే॒వాః । వస॑వస్త్రి॒వృతా᳚ స్తు॒తమ్ । ర॒థ॒న్త॒రేణ॒ తేజ॑సా । హ॒విరిన్ద్రే॒ వయో॑ దధుః ॥ గ్రీ॒ష్మేణ॑ దే॒వా ఋ॒తునా᳚ । రు॒ద్రాః ప॑ఞ్చద॒శే స్తు॒తమ్ । బృ॒హ॒తా యశ॑సా॒ బల᳚మ్ । హ॒విరిన్ద్రే॒ వయో॑ దధుః ॥ వ॒ర॒.షాభి॑ర్-ఋ॒తునా॑-ఽఽది॒త్యాః । స్తోమే॑ సప్తద॒శే స్తు॒తమ్ ॥ 88 ॥

వై॒రూ॒పేణ॑ వి॒శౌజ॑సా । హ॒విరిన్ద్రే॒ వయో॑ దధుః ॥ శా॒ర॒దేన॒ర్తునా॑ దే॒వాః । ఏ॒క॒వి॒గ్ం॒శ ఋ॒భవ॑-స్స్తు॒తమ్ । వై॒రా॒జేన॑ శ్రి॒యా శ్రియ᳚మ్ । హ॒విరిన్ద్రే॒ వయో॑ దధుః ॥ హే॒మ॒న్తేన॒ర్తునా॑ దే॒వాః । మ॒రుత॑స్త్రిణ॒వే స్తు॒తమ్ । బలే॑న॒ శక్వ॑రీ॒-స్సహః॑ । హ॒విరిన్ద్రే॒ వయో॑ దధుః ॥ శై॒శి॒రేణ॒ర్తునా॑ దే॒వాః । త్ర॒య॒స్త్రి॒గ్ం॒శే॑ ఽమృతగ్గ్॑ స్తు॒తమ్ । స॒త్యేన॑ రే॒వతీః᳚, ఖ్ష॒త్రమ్ । హ॒విరిన్ద్రే॒ వయో॑ దధుః ॥ 89 ॥
(స్తోమే॑ సప్తద॒శే స్తు॒తగ్ం - సహో॑ హ॒విరిన్ద్రే॒ వయో॑ దధుశ్చ॒త్వారి॑ చ) (అ. 19)

(వ॒స॒న్తేన॑ గ్రీ॒ష్మేణ॑ వ॒ర్॒షాభి॑-శ్శార॒దేన॑ హేమ॒న్తేన॑ శైశి॒రేణ॒ షట్ )

అనువాకం 20 - ఐన్ద్రో పశౌ అనూయాజానా-మ్మైత్రావరిణప్రైషాః
దే॒వ-మ్బ॒ర్॒హిరిన్ద్రం॑-వఀయో॒ధస᳚మ్ । దే॒వ-న్దే॒వమ॑వర్ధయత్ । గా॒య॒త్రి॒యా ఛన్ద॑సేన్ద్రి॒యమ్ । తేజ॒ ఇన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వేతు॒ యజ॑ ॥ దే॒వీర్ద్వారో॑ దే॒వమిన్ద్రం॑-వఀయో॒ధస᳚మ్ । దే॒వీర్దే॒వ-మ॑వర్ధయన్న్ । ఉ॒ష్ణిహా॒ ఛన్ద॑సేన్ద్రి॒యమ్ । ప్రా॒ణమిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ 90 ॥

దే॒వీ దే॒వం-వఀ ॑యో॒ధస᳚మ్ । ఉ॒షే ఇన్ద్ర॑మవర్ధతామ్ । అ॒ను॒ష్టుభా॒ ఛన్ద॑సేన్ద్రి॒యమ్ । వాచ॒మిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ దే॒వీ జోష్ట్రీ॑ దే॒వమిన్ద్రం॑-వఀయో॒ధస᳚మ్ । దే॒వీ దే॒వమ॑వర్ధతామ్ । బృ॒హ॒త్యా ఛన్ద॑సేన్ద్రి॒యమ్ । శ్రోత్ర॒మిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ 91 ॥

దే॒వీ ఊ॒ర్జాహు॑తీ దే॒వమిన్ద్రం॑-వఀయో॒ధస᳚మ్ । దే॒వీ దే॒వమ॑వర్ధతామ్ । ప॒ఙ్క్త్యా ఛన్ద॑సేన్ద్రి॒యమ్ । శు॒క్రమిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ దే॒వా దైవ్యా॒ హోతా॑రా దే॒వమిన్ద్రం॑-వఀయో॒ధస᳚మ్ । దే॒వా దే॒వమ॑వర్ధతామ్ । త్రి॒ష్టుభా॒ ఛన్ద॑సేన్ద్రి॒యమ్ । త్విషి॒మిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వీతాం॒-యఀజ॑ ॥ 92 ॥

దే॒వీ-స్తి॒స్ర-స్తి॒స్రో దే॒వీర్వ॑యో॒ధస᳚మ్ । పతి॒మిన్ద్ర॑-మవర్ధయన్న్ । జగ॑త్యా॒ ఛన్ద॑సేన్ద్రి॒యమ్ । బల॒మిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వియన్తు॒ యజ॑ ॥ దే॒వో నరా॒శగ్ంసో॑ దే॒వమిన్ద్రం॑-వఀయో॒ధస᳚మ్ । దే॒వో దే॒వమ॑వర్ధయత్ । వి॒రాజా॒ ఛన్ద॑సేన్ద్రి॒యమ్ । రేత॒ ఇన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వేతు॒ యజ॑ ॥ 93 ॥

దే॒వో వన॒స్పతి॑-ర్దే॒వమిన్ద్రం॑-వఀయో॒ధస᳚మ్ । దే॒వో దే॒వమ॑వర్ధయత్ । ద్వి॒పదా॒ ఛన్ద॑సేన్ద్రి॒యమ్ । భగ॒మిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వేతు॒ యజ॑ ॥ దే॒వ-మ్బ॒ర్॒హిర్వారి॑తీనా-న్దే॒వమిన్ద్రం॑-వఀయో॒ధస᳚మ్ । దే॒వో (దే॒వం) దే॒వమ॑వర్ధయత్ । క॒కుభా॒ ఛన్ద॑సేన్ద్రి॒యమ్ । యశ॒ ఇన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వేతు॒ యజ॑ ॥ దే॒వో అ॒గ్ని-స్స్వి॑ష్ట॒కృ-ద్దే॒వమిన్ద్రం॑-వఀయో॒ధస᳚మ్ । దే॒వో దే॒వమ॑వర్ధయత్ । అతి॑చ్ఛన్దసా॒ ఛన్ద॑సేన్ద్రి॒యమ్ । ఖ్ష॒త్రమిన్ద్రే॒ వయో॒ దధ॑త్ । వ॒సు॒వనే॑ వసు॒ధేయ॑స్య వేతు॒ యజ॑ ॥ 94 ॥
(వి॒య॒న్తు॒ యజ॑ - వీతాం॒-యఀజ॑-వీతాం॒-యఀజ॑-వేతు॒ యజ॑-వేతు॒ యజ॒ పఞ్చ॑ చ) (అ. 20)

(దే॒వ-మ్బ॒ర్॒హి-ర్గా॑యత్రి॒యా తేజః॑ । దే॒వీర్ద్వార॑ ఉ॒ష్ణిహా᳚ ప్రా॒ణమ్ । దే॒వీ దే॒వము॒షే అ॑ను॒ష్టుభా॒ వాచ᳚మ్ । దే॒వీ జోష్ట్రీ॑ బృహ॒త్యా శ్రోత్ర᳚మ్ । దే॒వీ ఊ॒ర్జాహూ॑తీ ప॒ఙ్క్త్యా శు॒క్రమ్ । దే॒వా దైవ్యా॒ హోతా॑రా త్రి॒ష్టుభా॒ త్విషి᳚మ్ । దే॒వీస్తి॒స్రస్తి॒స్రో దే॒వీః పతి॒-ఞ్జగ॑త్యా॒ బల᳚మ్ । దే॒వో నరా॒శగ్ంసో॑ వి॒రాజా॒ రేతః॑ । దే॒వో వన॒స్పతి॑-ర్ద్వి॒పదా॒ భగ᳚మ్ । దే॒వ-మ్బ॒ర్॒హి-ర్వారి॑తీనా-ఙ్క॒కుభా॒ యశః॑ । దే॒వో అ॒గ్ని-స్స్వి॑ష్ట॒కృదతి॑చ్ఛన్దసా ఖ్ష॒త్రమ్ । వే॒తు॒ వి॒య॒న్తు॒ చ॒తు-ర్వీ॑తా॒మేకో॑ వియన్తు చ॒తుర్వే॑తు । అ॒వ॒ర్ధ॒య॒ద॒వ॒ర్ధ॒య॒గ్గ్॒ శ్చ॒తుర॑వర్ధతా॒మేకో॑ ఽవర్ధయగ్గ్​ శ్చ॒తుర॑వర్ధయత్ ।)

(స్వా॒ద్వీ-న్త్వా॒ - సోమః॒ - సురా॑వన్త॒గ్ం॒ - సీసే॑న - మి॒త్రో॑-ఽసి॒ - య-ద్దే॑వా॒ - హోతా॑ యఖ్ష-థ్స॒మిధేన్ద్ర॒గ్ం॒ - సమి॑ద్ధ॒ ఇన్ద్ర॒ - ఆచ॑ర్​షణి॒ప్రా - దే॒వ-మ్బ॒ర్॒హిరిన్ద్రగ్ం॑ సుదే॒వగ్ం - హోతా॑ యఖ్ష-థ్స॒మిధా॒-ఽగ్నిగ్ం - సమి॑ద్ధో అ॒గ్నిర॑శ్వినా॒ - ఽశ్వినా॑ హ॒విరి॑న్ద్రి॒యం - దే॒వ-మ్బ॒ర్॒హి-స్సర॑స్వ - త్యా॒గ్నిమ॒ - ద్యోశన్తో॒ - హోతా॑ యఖ్షది॒డస్ప॒దే - సమి॑ద్ధో అ॒గ్ని-స్స॒మిధా॑ - వస॒న్తేన॑ - దే॒వ-మ్బ॒ర్॒హిరిన్ద్రం॑-వఀయో॒ధసం॑-విఀగ్ంశ॒తిః)

(స్వా॒ద్వీ-న్త్వా-ఽ - మీ॑ మదన్త పి॒తరః॒ - సామ్రా᳚జ్యాయ - పూ॒త-మ్ప॒విత్రే॑ణే॒ వాజ్య॑ - ము॒షాసా॒నక్తా॒ - బద॑రై॒ - రధా॑తామ॒శ్వినా॑ - దే॒వ ఇన్ద్రో॒ వన॒స్పతిః॑ - పష్ఠ॒వాహ॒-ఙ్గాం - దే॒వీ దే॒వం-వఀ ॑యో॒ధస॒-ఞ్చతు॑ర్నవతిః )

(స్వా॒ద్వీన్త్వా॑ - వేతు॒ యజ॑)

॥ హరిః॑ ఓమ్ ॥

॥ కృష్ణ యజుర్వేదీయ తైత్తిరీయ బ్రాహ్మణే ద్వితీయాష్టకే షష్ఠః ప్రపాఠక-స్సమాప్తః ॥