കൃഷ്ണ യജുർവേദീയ തൈത്തിരീയ ബ്രാഹ്മണേ പ്രഥമാഷ്ടകേ അഷ്ടമഃ പ്രപാഠകഃ - രാജസൂയാനുബ്രാഹ്മണം

ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥

അനുവാകം 1 - സംസൃപാം ഹവീംഷി ദശ
വരു॑ണസ്യ സുഷുവാ॒ണസ്യ॑ ദശ॒ധേന്ദ്രി॒യം-വീഁ॒ര്യ॑-മ്പരാ॑-ഽപതത് । തഥ്സ॒ഗ്​മ്॒ സൃദ്ഭി॒രനു॒ സമ॑സര്പത് । തഥ്സ॒ഗ്​മ്॒ സൃപാഗ്​മ്॑ സഗ്​മ് സൃ॒ത്ത്വമ് । അ॒ഗ്നിനാ॑ ദേ॒വേന॑ പ്രഥ॒മേ ഽഹ॒ന്നനു॒ പ്രായു॑ങ്ക്ത । സര॑സ്വത്യാ വാ॒ചാ ദ്വി॒തീയേ᳚ । സ॒വി॒ത്രാ പ്ര॑സ॒വേന॑ തൃ॒തീയേ᳚ । പൂ॒ഷ്ണാ പ॒ശുഭി॑ശ്ചതു॒ര്ഥേ । ബൃഹ॒സ്പതി॑നാ॒ ബ്രഹ്മ॑ണാ പഞ്ച॒മേ । ഇന്ദ്രേ॑ണ ദേ॒വേന॑ ഷ॒ഷ്ഠേ । വരു॑ണേന॒ സ്വയാ॑ ദേ॒വത॑യാ സപ്ത॒മേ ॥ 1 ॥

സോമേ॑ന॒ രാജ്ഞാ᳚-ഽഷ്ട॒മേ । ത്വഷ്ട്രാ॑ രൂ॒പേണ॑ നവ॒മേ । വിഷ്ണു॑നാ യ॒ജ്ഞേനാ᳚പ്നോത് । യഥ്സ॒ഗ്​മ്॒ സൃപോ॒ ഭവ॑ന്തി । ഇ॒ന്ദ്രി॒യമേ॒വ ത-ദ്വീ॒ര്യം॑-യഁജ॑മാന ആപ്നോതി । പൂർവാ॑ പൂർവാ॒ വേദി॑ര്ഭവതി । ഇ॒ന്ദ്രി॒യസ്യ॑ വീ॒ര്യ॑സ്യാവ॑രുദ്ധ്യൈ । പു॒രസ്താ॑-ദുപ॒സദാഗ്​മ്॑ സൌ॒മ്യേന॒ പ്രച॑രതി । സോമോ॒ വൈ രേ॑തോ॒ധാഃ । രേത॑ ഏ॒വ ത-ദ്ദ॑ധാതി । അ॒ന്ത॒രാ ത്വാ॒ഷ്ട്രേണ॑ । രേത॑ ഏ॒വ ഹി॒ത-ന്ത്വഷ്ടാ॑ രൂ॒പാണി॒ വിക॑രോതി । ഉ॒പരി॑ഷ്ടാ-ദ്വൈഷ്ണ॒വേന॑ । യ॒ജ്ഞോ വൈ വിഷ്ണുഃ॑ । യ॒ജ്ഞ ഏ॒വാന്ത॒തഃ പ്രതി॑ തിഷ്ഠതി ॥ 2 ॥
(സ॒പ്ത॒മേ - ദ॑ധാതി॒ പഞ്ച॑ ച) (അ. 1)

അനുവാകം 2 - ദശപേയഃ
ജാ॒മി വാ ഏ॒ത-ത്കു॑ർവന്തി । യഥ്സ॒ദ്യോ ദീ॒ക്ഷയ॑ന്തി സ॒ദ്യ-സ്സോമ॑-ങ്ക്രീ॒ണന്തി॑ । പു॒ണ്ഡ॒രി॒സ്ര॒ജാ-മ്പ്രയ॑ച്ഛ॒ത്യജാ॑മിത്വായ । അങ്ഗി॑രസ-സ്സുവ॒ര്ഗം-ലോഁ॒കം-യഁന്തഃ॑ । അ॒ഫ്സു ദീ᳚ക്ഷാത॒പസീ॒ പ്രാവേ॑ശയന്ന് । ത-ത്പു॒ണ്ഡരീ॑ക-മഭവത് । യ-ത്പു॑ണ്ഡരിസ്ര॒ജാ-മ്പ്ര॒യച്ഛ॑തി । സാ॒ക്ഷാദേ॒വ ദീ᳚ക്ഷാത॒പസീ॒ അവ॑രുന്ധേ । ദ॒ശഭി॑ർവഥ്സത॒രൈ-സ്സോമ॑-ങ്ക്രീണാതി । ദശാ᳚ക്ഷരാ വി॒രാട് ॥ 3 ॥

അന്നം॑-വിഁ॒രാട് । വി॒രാജൈ॒വാന്നാദ്യ॒മവ॑ രുന്ധേ । മു॒ഷ്ക॒രാ ഭ॑വന്തി സേന്ദ്ര॒ത്വായ॑ । ദ॒ശ॒പേയോ॑ ഭവതി । അ॒ന്നാദ്യ॒സ്യാവ॑രുദ്ധ്യൈ । ശ॒ത-മ്ബ്രാ᳚ഹ്മ॒ണാഃ പി॑ബന്തി । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑ തിഷ്ഠതി । സ॒പ്ത॒ദ॒ശഗ്ഗ്​ സ്തോ॒ത്ര-മ്ഭ॑വതി । സ॒പ്ത॒ദ॒ശഃ പ്ര॒ജാപ॑തിഃ ॥ 4 ॥

പ്ര॒ജാപ॑തേ॒രാപ്ത്യൈ᳚ । പ്രാ॒കാ॒ശാവ॑ദ്ധ്വ॒ര്യവേ॑ ദദാതി । പ്ര॒കാ॒ശ-മേ॒വൈന॑-ങ്ഗമയതി । സ്രജ॑മു-ദ്ഗാ॒ത്രേ । വ്യേ॑വാസ്മൈ॑ വാസയതി । രു॒ക്മഗ്​മ് ഹോത്രേ᳚ । ആ॒ദി॒ത്യമേ॒വാസ്മാ॒ ഉന്ന॑യതി । അശ്വ॑-മ്പ്രസ്തോതൃപ്രതിഹ॒ര്തൃഭ്യാ᳚മ് । പ്രാ॒ജാ॒പത്യോ വാ അശ്വഃ॑ । പ്ര॒ജാപ॑തേ॒രാപ്ത്യൈ᳚ ॥ 5 ॥

ദ്വാദ॑ശ-പഷ്ഠൌ॒ഹീ-ര്ബ്ര॒ഹ്മണേ᳚ । ആയു॑രേ॒വാവ॑-രുന്ധേ । വ॒ശാ-മ്മൈ᳚ത്രാവരു॒ണായ॑ । രാ॒ഷ്ട്രമേ॒വ വ॒ശ്യ॑കഃ । ഋ॒ഷ॒ഭ-മ്ബ്രാ᳚ഹ്മണാച്ഛ॒ഗ്​മ്॒സിനേ᳚ । രാ॒ഷ്ട്ര-മേ॒വേന്ദ്രി॑യാ॒വ്യ॑കഃ । വാസ॑സീ നേഷ്ടാപോ॒തൃഭ്യാ᳚മ് । പ॒വിത്രേ॑ ഏ॒വാസ്യൈ॒തേ । സ്ഥൂരി॑ യവാചി॒ത-മ॑ച്ഛാവാ॒കായ॑ । അ॒ന്ത॒ത ഏ॒വ വരു॑ണ॒മവ॑ യജതേ ॥ 6 ॥

അ॒ന॒ഡ്വാഹ॑-മ॒ഗ്നീധേ᳚ । വഹ്നി॒ർവാ അ॑ന॒ഡ്വാന് । വഹ്നി॑ര॒ഗ്നീത് । വഹ്നി॑നൈ॒വ വഹ്നി॑ യ॒ജ്ഞസ്യാവ॑രുന്ധേ । ഇന്ദ്ര॑സ്യ സുഷുവാ॒ണസ്യ॑ ത്രേ॒ധേന്ദ്രി॒യം-വീഁ॒ര്യ॑-മ്പരാ॑-ഽപതത് । ഭൃഗു॒-സ്തൃതീ॑യ-മഭവത് । ശ്രാ॒യ॒ന്തീയ॒-ന്തൃതീ॑യമ് । സര॑സ്വതീ॒ തൃതീ॑യമ് । ഭാ॒ര്ഗ॒വോ ഹോതാ॑ ഭവതി । ശ്രാ॒യ॒ന്തീയ॑-മ്ബ്രഹ്മസാ॒മ-മ്ഭ॑വതി । വാ॒ര॒വ॒ന്തീയ॑-മഗ്നിഷ്ടോമ-സാ॒മമ് । സാ॒ര॒സ്വ॒തീര॒പോ ഗൃ॑ഹ്ണാതി । ഇ॒ന്ദ്രി॒യസ്യ॑ വീ॒ര്യ॑സ്യാവ॑-രുദ്ധ്യൈ । ശ്രാ॒യ॒ന്തീയ॑-മ്ബ്രഹ്മസാ॒മ-മ്ഭ॑വതി । ഇ॒ന്ദ്രി॒യമേ॒വാസ്മി॑ന് വീ॒ര്യ॒ഗ്ഗ്॑ ശ്രയതി । വാ॒ര॒വ॒ന്തീയ॑-മഗ്നിഷ്ടോമ-സാ॒മമ് । ഇ॒ന്ദ്രി॒യമേ॒വാസ്മി॑ന് വീ॒ര്യം॑-വാഁരയതി ॥ 7 ॥
(വി॒രാട് - പ്ര॒ജാപ॑തി॒ - രശ്വഃ॑ പ്ര॒ജാപ॑തേ॒രാപ്ത്യൈ॑ - യജതേ - ബ്രഹ്മസാ॒മ-മ്ഭ॑വതി സ॒പ്ത ച॑) (അ. 2)

അനുവാകം 3 - ദിശാമവേഷ്ടയഃ, പശുബന്ധഃ, സാത്യദൂതഹവീംഷി ച
ഈ॒ശ്വ॒രോ വാ ഏ॒ഷ ദിശോ-ഽനൂ-ന്മ॑ദിതോഃ । യ-ന്ദിശോ-ഽനു॑ വ്യാസ്ഥാ॒പയ॑ന്തി । ദി॒ശാമവേ᳚ഷ്ടയോ ഭവന്തി । ദി॒ക്ഷ്വേ॑വ പ്രതി॑ തിഷ്ഠ॒ത്യനു॑ന്മാദായ । പഞ്ച॑ ദേ॒വതാ॑ യജതി । പഞ്ച॒ ദിശഃ॑ । ദി॒ക്ഷ്വേ॑വ പ്രതി॑ തിഷ്ഠതി । ഹ॒വിഷോ॑ ഹവിഷ ഇ॒ഷ്ട്വാ ബാ॑ര്​ഹസ്പ॒ത്യ-മ॒ഭിഘാ॑രയതി । യ॒ജ॒മാ॒ന॒ദേ॒വ॒ത്യോ॑ വൈ ബൃഹ॒സ്പതിഃ॑ । യജ॑മാനമേ॒വ തേജ॑സാ॒ സമ॑ര്ധയതി ॥ 8 ॥

ആ॒ദി॒ത്യാ-മ്മ॒ല്॒ഃആ-ങ്ഗ॒ര്ഭിണീ॒മാ ല॑ഭതേ । മാ॒രു॒തീ-മ്പൃശ്ഞി॑-മ്പഷ്ഠൌ॒ഹീമ് । വിശ॑-ഞ്ചൈ॒വാസ്മൈ॑ രാ॒ഷ്ട്ര-ഞ്ച॑ സ॒മീചീ॑ ദധാതി । ആ॒ദി॒ത്യയാ॒ പൂർവ॑യാ॒ പ്രച॑രതി । മാ॒രു॒ത്യോത്ത॑രയാ । രാ॒ഷ്ട്ര ഏ॒വ വിശ॒മനു॑ബദ്ധ്നാതി । ഉ॒ച്ചൈരാ॑ദി॒ത്യായാ॒ ആശ്രാ॑വയതി । ഉ॒പാ॒ഗ്​മ്॒ശു മാ॑രു॒ത്യൈ । തസ്മാ᳚-ദ്രാ॒ഷ്ട്രം-വിഁശ॒മതി॑വദതി । ഗ॒ര്ഭിണ്യാ॑ദി॒ത്യാ ഭ॑വതി ॥ 9 ॥

ഇ॒ന്ദ്രി॒യം-വൈഁ ഗര്ഭഃ॑ । രാ॒ഷ്ട്ര-മേ॒വേന്ദ്രി॑യാ॒വ്യ॑കഃ । അ॒ഗ॒ര്ഭാ മാ॑രു॒തീ । വിഡ്വൈ മ॒രുതഃ॑ । വിശ॑മേ॒വ നിരി॑ന്ദ്രിയാമകഃ । ദേ॒വാ॒സു॒രാ-സ്സം​യഁ ॑ത്താ ആസന്ന് । തേ ദേ॒വാ അ॒ശ്വിനോഃ᳚ പൂ॒ഷന്-വാ॒ച-സ്സ॒ത്യഗ്​മ് സ॑നി॒ന്ധായ॑ । അനൃ॑തേ॒നാസു॑രാ-ന॒ഭ്യ॑ഭവന്ന് । തേ᳚-ഽശ്വിഭ്യാ᳚-മ്പൂ॒ഷ്ണേ പു॑രോ॒ഡാശ॒-ന്ദ്വാദ॑ശകപാല॒-ന്നിര॑വപന്ന് । തതോ॒ വൈ തേ വാ॒ച-സ്സ॒ത്യമവാ॑രുന്ധത ॥ 10 ॥

യദ॒ശ്വിഭ്യാ᳚-മ്പൂ॒ഷ്ണേ പു॑രോ॒ഡാശ॒-ന്ദ്വാദ॑ശകപാല-ന്നി॒ർവപ॑തി । അനൃ॑തേനൈ॒വ ഭ്രാതൃ॑വ്യാ-നഭി॒ഭൂയ॑ । വാ॒ച-സ്സ॒ത്യമവ॑രുന്ധേ । സര॑സ്വതേ സത്യ॒വാചേ॑ ച॒രുമ് । പൂർവ॑മേ॒വോദി॒തമ് । ഉത്ത॑രേണാ॒ഭി ഗൃ॑ണാതി । സ॒വി॒ത്രേ സ॒ത്യപ്ര॑സവായ പുരോ॒ഡാശ॒-ന്ദ്വാദ॑ശകപാല॒-മ്പ്രസൂ᳚ത്യൈ । ദൂ॒താന്-പ്രഹി॑ണോതി । ആ॒വിദ॑ ഏ॒താ ഭ॑വന്തി । ആ॒വിദ॑മേ॒വൈന॑-ങ്ഗമയന്തി । അഥോ॑ ദൂ॒തേഭ്യ॑ ഏ॒വ ന ഛി॑ദ്യതേ । തി॒സൃ॒ധ॒ന്വഗ്​മ് ശു॑ഷ്കദൃ॒തി-ര്ദക്ഷി॑ണാ॒ സമൃ॑ദ്ധ്യൈ ॥ 11 ॥
(അ॒ര്ധ॒യ॒തി॒ - ഭ॒വ॒ - ത്യ॒രു॒ന്ധ॒ത॒ - ഗ॒മ॒യ॒ന്തി॒ ദ്വേ ച॑) (അ. 3)

അനുവാകം 4 - പ്രയുജാം ഹവീംഷി ദ്വാദശ
ആ॒ഗ്നേ॒യ-മ॒ഷ്ടാക॑പാല॒-ന്നിർവ॑പതി । തസ്മാ॒-ച്ഛിശി॑രേ കുരുപഞ്ചാ॒ലാഃ പ്രാഞ്ചോ॑ യാന്തി । സൌ॒മ്യ-ഞ്ച॒രുമ് । തസ്മാ᳚-ദ്വസ॒ന്തം-വ്യഁ ॑വ॒സായാ॑ദയന്തി । സാ॒വി॒ത്ര-ന്ദ്വാദ॑ശകപാലമ് । തസ്മാ᳚ത്-പു॒രസ്താ॒-ദ്യവാ॑നാഗ്​മ് സവി॒ത്രാ വിരു॑ന്ധതേ । ബാ॒ര്॒ഹ॒സ്പ॒ത്യ-ഞ്ച॒രുമ് । സ॒വി॒ത്രൈവ വി॒രുദ്ധ്യ॑ । ബ്രഹ്മ॑ണാ॒ യവാ॒നാദ॑ധതേ । ത്വാ॒ഷ്ട്ര-മ॒ഷ്ടാക॑പാലമ് ॥ 12 ॥

രൂ॒പാണ്യേ॒വ തേന॑ കുർവതേ । വൈ॒ശ്വാ॒ന॒ര-ന്ദ്വാദ॑ശകപാലമ് । തസ്മാ᳚ജ്ജഘ॒ന്യേ॑ നൈദാ॑ഘേ പ്ര॒ത്യഞ്ചഃ॑ കുരുപഞ്ചാ॒ലാ യാ᳚ന്തി । സാ॒ര॒സ്വ॒ത-ഞ്ച॒രു-ന്നിർവ॑പതി । തസ്മാ᳚ത്-പ്രാ॒വൃഷി॒ സർവാ॒ വാചോ॑ വദന്തി । പൌ॒ഷ്ണേന॒ വ്യവ॑സ്യന്തി । മൈ॒ത്രേണ॑ കൃഷന്തേ । വാ॒രു॒ണേന॒ വിധൃ॑താ ആസതേ । ക്ഷൈ॒ത്ര॒പ॒ത്യേന॑ പാചയന്തേ । ആ॒ദി॒ത്യേനാദ॑ധതേ ॥ 13 ॥

മാ॒സിമാ᳚സ്യേ॒താനി॑ ഹ॒വീഗ്​മ്ഷി॑ നി॒രുപ്യാ॒ണീത്യാ॑ഹുഃ । തേനൈ॒വര്തൂന്-പ്രയു॑ങ്ക്ത॒ ഇതി॑ । അഥോ॒ ഖല്വാ॑ഹുഃ । ക-സ്സം॑​വഁഥ്സ॒ര-ഞ്ജീ॑വിഷ്യ॒തീതി॑ । ഷഡേ॒വ പൂ᳚ർവേ॒ദ്യുര്നി॒രുപ്യാ॑ണി । ഷഡു॑ത്തരേ॒ദ്യുഃ । തേനൈ॒വര്തൂന്-പ്രയു॑ങ്ക്തേ । ദക്ഷി॑ണോ രഥവാഹനവാ॒ഹഃ പൂർവേ॑ഷാ॒-ന്ദക്ഷി॑ണാ । ഉത്ത॑ര॒ ഉത്ത॑രേഷാമ് । സം॒​വഁ॒ഥ്സ॒രസ്യൈ॒വാന്തൌ॑ യുനക്തി । സു॒വ॒ര്ഗസ്യ॑ ലോ॒കസ്യ॒ സമ॑ഷ്ട്യൈ ॥ 14 ॥
(ത്വാ॒ഷ്ട്രമ॒ഷ്ടാക॑പാലം - ദധതേ - യുന॒ക്ത്യേകം॑ ച) (അ. 4)

അനുവാകം 5 - സൌത്രാമണിഃ, പശവഃ, ഹവീംഷി ച
ഇന്ദ്ര॑സ്യ സുഷുവാ॒ണസ്യ॑ ദശ॒ധേന്ദ്രി॒യം-വീഁ॒ര്യ॑-മ്പരാ॑-ഽപതത് । സ യ-ത്പ്ര॑ഥ॒മ-ന്നി॒രഷ്ഠീ॑വത് । തത്-ക്വ॑ലമഭവത് । യ-ദ്ദ്വി॒തീയ᳚മ് । ത-ദ്ബദ॑രമ് । യത്-തൃ॒തീയ᳚മ് । തത്-ക॒ര്കന്ധു॑ । യന്ന॒സ്തഃ । സ സി॒ഗ്​മ്॒ഹഃ । യദക്ഷ്യോഃ᳚ ॥ 15 ॥

സ ശാ᳚ര്ദൂ॒ലഃ । യത്-കര്ണ॑യോഃ । സ വൃകഃ॑ । യ ഊ॒ര്ധ്വഃ ।
സ സോമഃ॑ । യാ ഽവാ॑ചീ । സാ സുരാ᳚ । ത്ര॒യാ-സ്സക്ത॑വോ ഭവന്തി ।
ഇ॒ന്ദ്രി॒യസ്യാവ॑-രുദ്ധ്യൈ । ത്ര॒യാണി॒ ലോമാ॑നി ॥ 16 ॥

ത്വിഷി॑മേ॒വാവ॑ രുന്ധേ । ത്രയോ॒ ഗ്രഹാഃ᳚ । വീ॒ര്യ॑മേ॒വാവ॑ രുന്ധേ । നാമ്നാ॑ ദശ॒മീ । നവ॒ വൈ പുരു॑ഷേ പ്രാ॒ണാഃ । നാഭി॑ര്ദശ॒മീ । പ്രാ॒ണാ ഇ॑ന്ദ്രി॒യം-വീഁ॒ര്യ᳚മ് । പ്രാ॒ണാനേ॒വേന്ദ്രി॒യം-വീഁ॒ര്യം॑-യഁജ॑മാന ആ॒ത്മന്-ധ॑ത്തേ । സീസേ॑ന ക്ലീ॒ബാച്ഛഷ്പാ॑ണി ക്രീണാതി । ന വാ ഏ॒തദയോ॒ ന ഹിര॑ണ്യമ് ॥ 17 ॥

യ-ഥ്സീസ᳚മ് । ന സ്ത്രീ ന പുമാന്॑ । യത്-ക്ലീ॒ബഃ । ന സോമോ॒ ന സുരാ᳚ । യ-ഥ്സൌ᳚ത്രാമ॒ണീ സമൃ॑ദ്ധ്യൈ । സ്വാ॒ദ്വീ-ന്ത്വാ᳚ സ്വാ॒ദുനേത്യാ॑ഹ । സോമ॑മേ॒വൈനാ᳚-ങ്കരോതി । സോമോ᳚-ഽസ്യ॒ശ്വിഭ്യാ᳚-മ്പച്യസ്വ॒ സര॑സ്വത്യൈ പച്യ॒സ്വേന്ദ്രാ॑യ സു॒ത്രാമ്ണേ॑ പച്യ॒സ്വേത്യാ॑ഹ । ഏ॒താഭ്യോ॒ ഹ്യേ॑ഷാ ദേ॒വതാ᳚ഭ്യഃ॒ പച്യ॑തേ । തി॒സ്ര-സ്സഗ്​മ്സൃ॑ഷ്ടാ വസതി ॥ 18 ॥

തി॒സ്രോ ഹി രാത്രീഃ᳚ ക്രീ॒ത-സ്സോമോ॒ വസ॑തി । പു॒നാതു॑ തേ പരി॒സ്രുത॒മിതി॒ യജു॑ഷാ പുനാതി॒ വ്യാവൃ॑ത്ത്യൈ । പ॒വിത്രേ॑ണ പുനാതി । പ॒വിത്രേ॑ണ॒ ഹി സോമ॑-മ്പു॒നന്തി॑ । വാരേ॑ണ॒ ശശ്വ॑താ॒ തനേത്യാ॑ഹ । വാരേ॑ണ॒ ഹി സോമ॑-മ്പു॒നന്തി॑ ।വാ॒യുഃ പൂ॒തഃ പ॒വിത്രേ॒ണേതി॒ നൈതയാ॑ പുനീയാത് । വ്യൃ॑ദ്ധാ॒ ഹ്യേ॑ഷാ । അ॒തി॒പ॒വി॒തസ്യൈ॒തയാ॑ പുനീയാത് । കു॒വിദ॒ങ്ഗേ-ത്യനി॑രുക്തയാ പ്രാജാപ॒ത്യയാ॑ ഗൃഹ്ണാതി ॥ 19 ॥

അനി॑രുക്തഃ പ്ര॒ജാപ॑തിഃ । പ്ര॒ജാപ॑തേ॒രാപ്ത്യൈ᳚ । ഏക॑യ॒ര്ചാ ഗൃ॑ഹ്ണാതി । ഏ॒ക॒ധൈവ യജ॑മാനേ വീ॒ര്യ॑-ന്ദധാതി । ആ॒ശ്വി॒ന-ന്ധൂ॒മ്രമാ ല॑ഭതേ । അ॒ശ്വിനൌ॒ വൈ ദേ॒വാനാ᳚-മ്ഭി॒ഷജൌ᳚ । താഭ്യാ॑മേ॒വാസ്മൈ॑ ഭേഷ॒ജ-ങ്ക॑രോതി । സാ॒ര॒സ്വ॒ത-മ്മേ॒ഷമ് । വാഗ്വൈ സര॑സ്വതീ । വാ॒ചൈവൈന॑-മ്ഭിഷജ്യതി । ഐ॒ന്ദ്രമൃ॑ഷ॒ഭഗ്​മ് സേ᳚ന്ദ്ര॒ത്വായ॑ ॥ 20 ॥
(അക്ഷ്യോ॒--ര് ലോമാ॑നി॒ - ഹിര॑ണ്യം - ഁവസതി - ഗൃഹ്ണാതി - ഭിഷജ്യ॒ത്യേക॑-ഞ്ച) (അ. 5)

അനുവാകം 6 - സൌത്രാമണിഃ, പശവഃ, ഹവീംഷി ച
യത്-ത്രി॒ഷു യൂപേ᳚ഷ്വാ॒-ലഭേ॑ത । ബ॒ഹി॒ര്ധാ ഽസ്മാ॑ദിന്ദ്രി॒യം-വീഁര്യ॑-ന്ദധ്യാത് । ഭ്രാതൃ॑വ്യമസ്മൈ ജനയേത് । ഏ॒ക॒യൂ॒പ ആല॑ഭതേ । ഏ॒ക॒ധൈവാസ്മി॑-ന്നിന്ദ്രി॒യം-വീഁ॒ര്യ॑-ന്ദധാതി । നാസ്മൈ॒ ഭ്രാതൃ॑വ്യ-ഞ്ജനയതി । നൈതേഷാ᳚-മ്പശൂ॒നാ-മ്പു॑രോ॒ഡാശാ॑ ഭവന്തി । ഗ്രഹ॑പുരോഡാശാ॒ ഹ്യേ॑തേ । യു॒വഗ്​മ് സു॒രാമ॑മശ്വി॒നേതി॑ സർവദേവ॒ത്യേ॑ യാജ്യാനുവാ॒ക്യേ॑ ഭവതഃ । സർവാ॑ ഏ॒വ ദേ॒വതാഃ᳚ പ്രീണാതി ॥ 21 ॥

ബ്രാ॒ഹ്മ॒ണ-മ്പരി॑ക്രീണീയാ-ദു॒ച്ഛേഷ॑ണസ്യ പാ॒താര᳚മ് । ബ്രാ॒ഹ്മ॒ണോ ഹ്യാഹു॑ത്യാ ഉ॒ച്ഛേഷ॑ണസ്യ പാ॒താ । യദി॑ ബ്രാഹ്മ॒ണ-ന്ന വി॒ന്ദേത് । വ॒ല്മീ॒ക॒വ॒പായാ॒മവ॑ നയേത് । സൈവ തതഃ॒ പ്രായ॑ശ്ചിത്തിഃ । യ-ദ്വൈ സൌ᳚ത്രാമ॒ണ്യൈ വ്യൃ॑ദ്ധമ് । തദ॑സ്യൈ॒ സമൃ॑ദ്ധമ് । നാ॒നാ॒ദേ॒വ॒ത്യാഃ᳚ പ॒ശവ॑ശ്ച പുരോ॒ഡാശാ᳚ശ്ച ഭവന്തി॒ സമൃ॑ദ്ധ്യൈ । ഐ॒ന്ദ്രഃ പ॑ശൂ॒നാമു॑ത്ത॒മോ ഭ॑വതി । ഐ॒ന്ദ്രഃ പു॑രോ॒ഡാശാ॑നാ-മ്പ്രഥ॒മഃ ॥ 22 ॥

ഇ॒ന്ദ്രി॒യേ ഏ॒വാസ്മൈ॑ സ॒മീചീ॑ ദധാതി । പു॒രസ്താ॑-ദനൂയാ॒ജാനാ᳚-മ്പുരോ॒ഡാശൈഃ॒ പ്രച॑രതി । പ॒ശവോ॒ വൈ പു॑രോ॒ഡാശാഃ᳚ । പ॒ശൂനേ॒വാവ॑ രുന്ധേ । ഐ॒ന്ദ്ര-മേകാ॑ദശകപാല॒-ന്നിർവ॑പതി । ഇ॒ന്ദ്രി॒യമേ॒വാവ॑-രുന്ധേ । സാ॒വി॒ത്ര-ന്ദ്വാദ॑ശകപാല॒-മ്പ്രസൂ᳚ത്യൈ । വാ॒രു॒ണ-ന്ദശ॑കപാലമ് । അ॒ന്ത॒ത ഏ॒വ വരു॑ണ॒മവ॑-യജതേ । വഡ॑ബാ॒ ദക്ഷി॑ണാ ॥ 23 ॥

ഉ॒ത വാ ഏ॒ഷാ-ഽശ്വഗ്​മ്॑ സൂ॒തേ । ഉ॒താശ്വ॑ത॒രമ് । ഉ॒ത സോമ॑ ഉ॒ത സുരാ᳚ । യ-ഥ്സൌ᳚ത്രാമ॒ണീ സമൃ॑ദ്ധ്യൈ । ബാ॒ര്॒ഹ॒സ്പ॒ത്യ-മ്പ॒ശു-ഞ്ച॑തു॒ര്ഥ-മ॑തിപവി॒തസ്യാല॑ഭതേ । ബ്രഹ്മ॒ വൈ ദേ॒വാനാ॒-മ്ബൃഹ॒സ്പതിഃ॑ । ബ്രഹ്മ॑ണൈ॒വ യ॒ജ്ഞസ്യ॒ വ്യൃ॑ദ്ധ॒മപി॑-വപതി । പു॒രോ॒ഡാശ॑വാനേ॒ഷ പ॒ശുര്ഭ॑വതി । ന ഹ്യേ॑തസ്യ॒ ഗ്രഹ॑-ങ്ഗൃ॒ഹ്ണന്തി॑ । സോമ॑പ്രതീകാഃ പിതര-സ്തൃപ്ണു॒തേതി॑ ശതാതൃ॒ണ്ണായാഗ്​മ്॑ സ॒മവ॑നയതി ॥ 24 ॥

ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑തിഷ്ഠതി । ദക്ഷി॑ണേ॒-ഽഗ്നൌ ജു॑ഹോതി । പാ॒പ॒വ॒സ്യ॒സസ്യ॒ വ്യാവൃ॑ത്ത്യൈ । ഹിര॑ണ്യമന്ത॒രാ ധാ॑രയതി । പൂ॒താമേ॒വൈനാ᳚-ഞ്ജുഹോതി । ശ॒തമാ॑ന-മ്ഭവതി । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑ തിഷ്ഠതി । യത്രൈ॒വ ശ॑താതൃ॒ണ്ണാ-ന്ധാ॒രയ॑തി ॥ 25 ॥

തന്നിദ॑ധാതി॒ പ്രതി॑ഷ്ഠിത്യൈ । പി॒തൄന്. വാ ഏ॒തസ്യേ᳚ന്ദ്രി॒യം-വീഁ॒ര്യ॑-ങ്ഗച്ഛതി । യഗ്​മ് സോമോ॑-ഽതി॒പവ॑തേ । പി॒തൃ॒ണാം-യാഁ᳚ജ്യാ-നുവാ॒ക്യാ॑ഭി॒രുപ॑ തിഷ്ഠതേ । യദേ॒വാസ്യ॑ പി॒തൄനി॑ന്ദ്രി॒യം-വീഁ॒ര്യ॑-ങ്ഗച്ഛ॑തി । തദേ॒വാവ॑ രുന്ധേ । തി॒സൃഭി॒രുപ॑ തിഷ്ഠതേ । തൃ॒തീയേ॒ വാ ഇ॒തോ ലോ॒കേ പി॒തരഃ॑ । താനേ॒വ പ്രീ॑ണാതി । അഥോ॒ ത്രീണി॒ വൈ യ॒ജ്ഞസ്യേ᳚ന്ദ്രി॒യാണി॑ । അ॒ദ്ധ്വ॒ര്യുര്-ഹോതാ᳚ ബ്ര॒ഹ്മാ । ത ഉപ॑തിഷ്ഠന്തേ । യാന്യേ॒വ യ॒ജ്ഞസ്യേ᳚ന്ദ്രി॒യാണി॑ । തൈരേ॒വാസ്മൈ॑ ഭേഷ॒ജ-ങ്ക॑രോതി ॥ 26 ॥
(പ്ര॒ണാ॒തി॒ - പ്ര॒ഥ॒മോ - ദക്ഷി॑ണാ - സ॒മവ॑നയതി - ധാ॒രയ॑ - തീന്ദ്രി॒യാണി॑ ച॒ത്വാരി॑ ച) (അ. 6)

അനുവാകം 7 - രാജസൂയസ്യാഗ്രേ കര്തവ്യ-മ്പവിത്രാഖ്യമഗ്നിഷ്ടോമമഹഃ
അ॒ഗ്നി॒ഷ്ടോ॒മമഗ്ര॒ ആഹ॑രതി । യ॒ജ്ഞ॒മു॒ഖം-വാഁ അ॑ഗ്നിഷ്ടോ॒മഃ । യ॒ജ്ഞ॒മു॒ഖമേ॒വാരഭ്യ॑ സ॒വമാക്ര॑മതേ । അഥൈ॒ഷോ॑-ഽഭിഷേച॒നീയ॑-ശ്ചതുസ്ത്രി॒ഗ്​മ്॒ശപ॑വമാനോ ഭവതി । ത്രയ॑സ്ത്രിഗ്​മ്ശ॒ദ്വൈ ദേ॒വതാഃ᳚ । താ ഏ॒വാപ്നോ॑തി । പ്ര॒ജാപ॑തി-ശ്ചതുസ്ത്രി॒ഗ്​മ്॒ശഃ । തമേ॒വാപ്നോ॑തി । സ॒ഗ്​മ്॒ശ॒ര ഏ॒ഷ സ്തോമാ॑നാ॒മയ॑ഥാപൂർവമ് । യ-ദ്വിഷ॑മാ॒-സ്സ്തോമാഃ᳚ ॥ 27 ॥

ഏ॒താവാ॒ന്.॒ വൈ യ॒ജ്ഞഃ । യാവാ॒ന്-പവ॑മാനാഃ । അ॒ന്ത॒-ശ്ശ്ലേഷ॑ണ॒-ന്ത്വാ അ॒ന്യത് । യ-ഥ്സ॒മാഃ പവ॑മാനാഃ । തേനാസഗ്​മ്॑ശരഃ । തേന॑ യഥാപൂ॒ർവമ് । ആ॒ത്മനൈ॒-വാഗ്നി॑ഷ്ടോ॒മേന॒ര്ധ്നോതി॑ । ആ॒ത്മനാ॒ പുണ്യോ॑ ഭവതി । പ്ര॒ജാ വാ ഉ॒ക്ഥാനി॑ । പ॒ശവ॑ ഉ॒ക്ഥാനി॑( ) । യദു॒ക്ഥ്യോ॑ ഭവ॒ത്യനു॒ സന്ത॑ത്യൈ ॥ 28 ॥
(സ്തോമാഃ᳚-പ॒ശവ॑ ഉ॒ക്ഥാന്യേക॑-ഞ്ച) (അ. 7)

അനുവാകം 8 - അഭിഷേചനീയേ സാമമന്ത്രവിശേഷഃ
ഉപ॑ ത്വാ ജാ॒മയോ॒ ഗിര॒ ഇതി॑ പ്രതി॒പദ്ഭ॑വതി । വാഗ്വൈ വാ॒യുഃ । വാ॒ച ഏ॒വൈഷോ॑-ഽഭിഷേ॒കഃ । സർവാ॑സാമേ॒വ പ്ര॒ജാനാഗ്​മ്॑ സൂയതേ । സർവാ॑ ഏന-മ്പ്ര॒ജാ രാജേതി॑ വദന്തി । ഏ॒തമു॒ ത്യ-ന്ദശ॒ക്ഷിപ॒ ഇത്യാ॑ഹ । ആ॒ദി॒ത്യാ വൈ പ്ര॒ജാഃ । പ്ര॒ജാനാ॑മേ॒വൈതേന॑ സൂയതേ । യന്തി॒ വാ ഏ॒തേ യ॑ജ്ഞമു॒ഖാത് । യേ സ॑മ്ഭാ॒ര്യാ॑ അക്രന്ന്॑ ॥ 29 ॥

യദാഹ॒ പവ॑സ്വ വാ॒ചോ അ॑ഗ്രിയ॒ ഇതി॑ । തേനൈ॒വ യ॑ജ്ഞമു॒ഖാ-ന്നയ॑ന്തി । അ॒നു॒ഷ്ടുക്-പ്ര॑ഥ॒മാ ഭ॑വതി । അ॒നു॒ഷ്ടു-ഗു॑ത്ത॒മാ । വാഗ്വാ അ॑നു॒ഷ്ടുക് । വാ॒ചൈവ പ്ര॒യന്തി॑ । വാ॒ചോദ്യ॑ന്തി । ഉദ്വ॑തീ-ര്ഭവന്തി । ഉദ്വ॒ദ്വാ അ॑നു॒ഷ്ടുഭോ॑ രൂ॒പമ് । ആനു॑ഷ്ടുഭോ രാജ॒ന്യഃ॑ ॥ 30 ॥

തസ്മാ॒ദുദ്വ॑തീ-ര്ഭവന്തി । സൌ॒ര്യ॑നു॒ഷ്ടു-ഗു॑ത്ത॒മാ ഭ॑വതി । സു॒വ॒ര്ഗസ്യ॑ ലോ॒കസ്യ॒ സന്ത॑ത്യൈ । യോ വൈ സ॒വാദേതി॑ । നൈനഗ്​മ്॑ സ॒വ ഉപ॑നമതി । യ-സ്സാമ॑ഭ്യ॒ ഏതി॑ । പാപീ॑യാന്-ഥ്സുഷുവാ॒ണോ ഭ॑വതി । ഏ॒താനി॒ ഖലു॒ വൈ സാമാ॑നി । യത്പൃ॒ഷ്ഠാനി॑ । യത്പൃ॒ഷ്ഠാനി॒ ഭവ॑ന്തി ॥ 31 ॥

തൈരേ॒വ സ॒വാന്നൈതി॑ । യാനി॑ ദേവരാ॒ജാനാ॒ഗ്​മ്॒ സാമാ॑നി । തൈര॒മുഷ്മി॑ന് ഁലോ॒ക ഋ॑ദ്ധ്നോതി । യാനി॑ മനുഷ്യരാ॒ജാനാ॒ഗ്​മ്॒ സാമാ॑നി । തൈര॒സ്മിന് ഁലോ॒ക ഋ॑ദ്ധ്നോതി । ഉ॒ഭയോ॑രേ॒വ ലോ॒കയോര്॑.-ഋദ്ധ്നോതി । ദേ॒വ॒ലോ॒കേ ച॑ മനുഷ്യലോ॒കേ ച॑ । ഏ॒ക॒വി॒ഗ്​മ്॒ശോ॑ ഽഭിഷേച॒നീയ॑-സ്യോത്ത॒മോ ഭ॑വതി । ഏ॒ക॒വി॒ഗ്​മ്॒ശഃ കേ॑ശവപ॒നീയ॑സ്യ പ്രഥ॒മഃ । സ॒പ്ത॒ദ॒ശോ ദ॑ശ॒പേയഃ॑ ॥ 32 ॥

വിഡ്വാ ഏ॑കവി॒ഗ്​മ്॒ശഃ । രാ॒ഷ്ട്രഗ്​മ് സ॑പ്തദ॒ശഃ । വിശ॑ ഏ॒വൈത-ന്മ॑ദ്ധ്യ॒തോ॑-ഽഭിഷി॑ച്യതേ । തസ്മാ॒ദ്വാ ഏ॒ഷ വി॒ശാ-മ്പ്രി॒യഃ । വി॒ശോ ഹി മ॑ദ്ധ്യ॒തോ॑-ഽഭിഷി॒ച്യതേ᳚ । യദ്വാ ഏ॑നമ॒ദോ ദിശോ-ഽനു॑ വ്യാസ്ഥാ॒പയ॑ന്തി । ത-ഥ്സു॑വ॒ര്ഗം-ലോഁ॒ക-മ॒ഭ്യാരോ॑ഹതി । യദി॒മം-ലോഁ॒ക-ന്ന പ്ര॑ത്യവ॒രോഹേ᳚ത് । അ॒തി॒ ജ॒നം-വേഁ॒യാത് । ഉദ്വാ॑ മാദ്യേത് । യദേ॒ഷ പ്ര॑തീ॒ചീന॑-സ്തോമോ॒ ഭവ॑തി । ഇ॒മമേ॒വ തേന॑ ലോ॒ക-മ്പ്ര॒ത്യവ॑രോഹതി । അഥോ॑ അ॒സ്മിന്നേ॒വ ലോ॒കേ പ്രതി॑ തിഷ്ഠ॒ത്യ-നു॑ന്മാദായ ॥ 33 ॥
(അക്ര॑ന് - രാജ॒ന്യോ॑ - ഭവ॑ന്തി - ദശ॒പേയോ॑ - മാദ്യേ॒-ത്ത്രീണി॑ ച) (അ. 8)

അനുവാകം 9 - അഭിഷേചനീയവിഷയയോ രുക്മയോ-സ്സ്തുതിഃ
ഇ॒യം-വൈഁ ര॑ജ॒താ । അ॒സൌ ഹരി॑ണീ । യ-ദ്രു॒ക്മൌ ഭവ॑തഃ । ആ॒ഭ്യാമേ॒വൈന॑-മുഭ॒യതഃ॒ പരി॑ ഗൃഹ്ണാതി । വരു॑ണസ്യ॒ വാ അ॑ഭിഷി॒ച്യമാ॑ന॒സ്യാപഃ॑ । ഇ॒ന്ദ്രി॒യം-വീഁ॒ര്യ॑-ന്നിര॑ഘ്നന്ന് । ത-ഥ്സു॒വര്ണ॒ഗ്​മ്॒ ഹിര॑ണ്യ-മഭവത് । യ-ദ്രു॒ക്മ-മ॑ന്ത॒-ര്ദധാ॑തി । ഇ॒ന്ദ്രി॒യസ്യ॑ വീ॒ര്യ॑സ്യാനി॑ര്ഘാതായ । ശ॒തമാ॑നോ ഭവതി ശ॒തക്ഷ॑രഃ । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑ തിഷ്ഠതി । ആയു॒ർവൈ ഹിര॑ണ്യമ് । ആ॒യു॒ഷ്യാ॑ ഏ॒വൈന॑-മ॒ഭ്യതി॑ ക്ഷരന്തി । തേജോ॒ വൈ ഹിര॑ണ്യമ് । തേ॒ജ॒സ്യാ॑ ഏ॒വൈന॑മ॒ഭ്യതി॑ ക്ഷരന്തി । വര്ചോ॒ വൈ ഹിര॑ണ്യമ് । വ॒ര്ച॒സ്യാ॑ ഏ॒വൈന॑മ॒ഭ്യതി॑ ക്ഷരന്തി ॥ 34 ॥
(ശ॒തക്ഷ॑രോ॒-ഽഷ്ടൌ ച॑) (അ. 9)

അനുവാകം 10 - വ്യുഷ്ടിദ്വിരാത്രം രാജസൂയാന്തേ കര്തവ്യമ്
അപ്ര॑തിഷ്ഠിതോ॒ വാ ഏ॒ഷ ഇത്യാ॑ഹുഃ । യോ രാ॑ജ॒സൂയേ॑ന॒ യജ॑ത॒ ഇതി॑ । യ॒ദാ വാ ഏ॒ഷ ഏ॒തേന॑ ദ്വിരാ॒ത്രേണ॒ യജ॑തേ । അഥ॑ പ്രതി॒ഷ്ഠാ । അഥ॑ സം​വഁഥ്സ॒രമാ᳚പ്നോതി । യാവ॑ന്തി സം​വഁഥ്സ॒രസ്യാ॑-ഹോരാ॒ത്രാണി॑ । താവ॑തീരേ॒തസ്യ॑ സ്തോ॒ത്രീയാഃ᳚ । അ॒ഹോ॒രാ॒ത്രേഷ്വേ॒വ പ്രതി॑ തിഷ്ഠതി । അ॒ഗ്നി॒ഷ്ടോ॒മഃ പൂർവ॒മഹ॑-ര്ഭവതി । അ॒തി॒രാ॒ത്ര ഉത്ത॑രമ് ॥ 35 ॥

നാനൈ॒വാഹോ॑രാ॒ത്രയോഃ॒ പ്രതി॑ തിഷ്ഠതി । പൌ॒ര്ണ॒മാ॒സ്യാ-മ്പൂർവ॒മഹ॑-ര്ഭവതി । വ്യ॑ഷ്ടകായാ॒-മുത്ത॑രമ് । നാനൈ॒വാര്ധ॑ മാ॒സയോഃ॒ പ്രതി॑തിഷ്ഠതി । അ॒മാ॒വാ॒സ്യാ॑യാ॒-മ്പൂർവ॒മഹ॑-ര്ഭവതി । ഉദ്ദൃ॑ഷ്ട॒ ഉത്ത॑രമ് । നാനൈ॒വ മാസ॑യോഃ॒ പ്രതി॑ തിഷ്ഠതി । അഥോ॒ ഖലു॑ । യേ ഏ॒വ സ॑മാനപ॒ക്ഷേ പു॑ണ്യാ॒ഹേ സ്യാതാ᳚മ് । തയോഃ᳚ കാ॒ര്യ॑-മ്പ്രതി॑ഷ്ഠിത്യൈ ॥ 36 ॥

അ॒പ॒ശ॒വ്യോ ദ്വി॑രാ॒ത്ര ഇത്യാ॑ഹുഃ । ദ്വേ ഹ്യേ॑തേ ഛന്ദ॑സീ । ഗാ॒യ॒ത്ര-ഞ്ച॒ ത്രൈഷ്ടു॑ഭ-ഞ്ച । ജഗ॑തീമ॒ന്തര്യ॑ന്തി । ന തേന॒ ജഗ॑തീ കൃ॒തേത്യാ॑ഹുഃ । യദേ॑നാ-ന്തൃതീയസവ॒നേ കു॒ർവന്തീതി॑ । യ॒ദാ വാ ഏ॒ഷാ-ഽഹീന॒സ്യാഹ॒-ര്ഭജ॑തേ । സാ॒ഹ്നസ്യ॑ വാ॒ സവ॑നമ് । അഥൈ॒വ ജഗ॑തീ കൃ॒താ । അഥ॑ പശ॒വ്യഃ॑ । വ്യു॑ഷ്ടി॒ർവാ ഏ॒ഷ ദ്വി॑രാ॒ത്രഃ । യ ഏ॒വം-വിഁ॒ദ്വാ-ന്ദ്വി॑രാ॒ത്രേണ॒ യജ॑തേ । വ്യേ॑വാസ്മാ॑ ഉച്ഛതി । അഥോ॒ തമ॑ ഏ॒വാപ॑ഹതേ । അ॒ഗ്നി॒ഷ്ടോ॒മ-മ॑ന്ത॒ത ആഹ॑രതി । അ॒ഗ്നി-സ്സർവാ॑ ദേ॒വതാഃ᳚ । ദേ॒വതാ᳚സ്വേ॒വ പ്രതി॑ തിഷ്ഠതി ॥ 37 ॥
(ഉത്ത॑രം॒ - പ്രതി॑ഷ്ഠിത്യൈ - പശ॒വ്യ॑-സ്സ॒പ്ത ച॑) (അ. 10)

(വരു॑ണസ്യ - ജാ॒ - മീശ്വ॒ര - ആ᳚ഗ്നേ॒യ - മിന്ദ്ര॑സ്യ॒ - യ-ത്ത്രി॒ - ഷ്വ॑ഗ്നിഷ്ടോ॒മ - മുപ॑ ത്വേ॒ - യം-വൈഁ ര॑ജ॒താ - ഽപ്ര॑തിഷ്ഠിതോ॒ ദശ॑)

(വരു॑ണസ്യ॒ - യദ॒ശ്വിഭ്യാം॒ - ഁയ-ത്ത്രി॒ഷു - തസ്മാ॒ദുദ്വ॑തീ-സ്സ॒പ്തത്രിഗ്​മ്॑ശത്)

വരു॑ണസ്യ॒ - പ്രതി॑ തിഷ്ഠതി ।

॥ ഹരിഃ॑ ഓമ് ॥

॥ കൃഷ്ണ യജുർവേദീയ തൈത്തിരീയ ബ്രാഹ്മണേ പ്രഥമാഷ്ടകേ അഷ്ടമഃ പ്രപാഠക-സ്സമാപ്തഃ ॥

॥ കൃഷ്ണ യജുർവേദീയ തൈത്തിരീയ ബ്രാഹ്മണേ പ്രഥമാഷ്ടകം സമാപ്തമ് ॥