కృష్ణ యజుర్వేదీయ తైత్తిరీయ బ్రాహ్మణే కాఠకే తృతీయః ప్రశ్నః - వైశ్వసృజచయనమ్

ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥

చాతుర్​హోత్రచయనం-వైఀశ్వసృజచయన-ఞ్చ
అనువాకం 1 - వైశ్వసృజచయనాఙ్గభూతాః దివశ్శ్యేనయ ఇష్టయః
తుభ్య॒-న్తా అ॑ఙ్గిరస్తమ॒ విశ్వా᳚-స్సుఖ్షి॒తయః॒ పృథ॑క్ । అగ్నే॒ కామా॑య యేమిరే ॥ అ॒శ్యామ॒ త-ఙ్కామ॑మగ్నే॒ తవో॒ త్య॑శ్యామ॑ ర॒యిగ్ం ర॑యివ-స్సు॒వీర᳚మ్ । అ॒శ్యామ॒ వాజ॑మ॒భి వా॒జయ॑న్తో॒ ఽశ్యామ॑ ద్యు॒మ్నమ॑జరా॒జర॑-న్తే ॥ ।
ఆశా॑నా-న్త్వా ఽఽశాపా॒లేభ్యః॑ । చ॒తుర్భ్యో॑ అ॒మృతే᳚భ్యః । ఇ॒ద-మ్భూ॒తస్యాధ్య॑ఖ్షేభ్యః । వి॒ధేమ॑ హ॒విషా॑ వ॒యమ్ ॥ విశ్వా॒ ఆశా॒ మధు॑నా॒ సగ్ంసృ॑జామి । అ॒న॒మీ॒వా ఆప॒ ఓష॑ధయో భవన్తు । అ॒యం-యఀజ॑మానో॒ మృధో॒ వ్య॑స్యతాం అగృ॑భీతాః ప॒శవ॑-స్సన్తు॒ సర్వే᳚ ॥ ।
అను॑ నో॒-ఽద్యా-ఽను॑మతిర్య॒జ్ఞ-న్దే॒వేషు॑ మన్యతామ్ । అ॒గ్నిశ్చ॑ హవ్య॒వాహ॑నో॒ భవ॑తా-న్దా॒శుషే॒ మయః॑ ॥ అన్విద॑నుమతే॒ త్వ-మ్మన్యా॑సై॒ శఞ్చ॑నః కృధి । క్రత్వే॒ దఖ్షా॑య నో హిను॒ ప్రణ॒ ఆయూగ్ం॑షి తారిషః ॥ ।
కామో॑ భూ॒తస్య॒ భవ్య॑స్య । స॒మ్రాడేకో॒ విరా॑జతి । స ఇ॒ద-మ్ప్రతి॑ పప్రథే । ఋ॒తూను-థ్సృ॑జతే వ॒శీ ॥ కామ॒స్తదగ్రే॒ సమ॑వర్త॒తాధి॑ । మన॑సో॒ రేతః॑ ప్రథ॒మం-యఀదాసీ᳚త్ । స॒తో బన్ధు॒మస॑తి॒ నిర॑విన్దన్న్ । హృ॒ది ప్ర॒తీష్యా॑ క॒వయో॑ మనీ॒షా ॥ ।
బ్రహ్మ॑ జజ్ఞా॒న-మ్ప్ర॑థ॒మ-మ్పు॒రస్తా॒ద్వి సీ॑మ॒త-స్సు॒రుచో॑ వే॒న ఆ॑వః । స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒మస॑తశ్చ॒ వివః॑ ॥ పి॒తా వి॒రాజా॑మృష॒భో ర॑యీ॒ణామ్ । అ॒న్తరి॑ఖ్షం-విఀ॒శ్వరూ॑ప॒ ఆవి॑వేశ । తమ॒ర్కై-ర॒భ్య॑ర్చన్తి వ॒థ్సమ్ । బ్రహ్మ॒ సన్త॒-మ్బ్రహ్మ॑ణా వ॒ర్ధయ॑న్తః ॥ ।
య॒జ్ఞో రా॒యో య॒జ్ఞ ఈ॑శే॒ వసూ॑నామ్ । య॒జ్ఞ-స్స॒స్యానా॑ము॒త సు॑ఖ్షితీ॒నామ్ । య॒జ్ఞ ఇ॒ష్టః పూ॒ర్వచి॑త్తి-న్దధాతు । య॒జ్ఞో బ్ర॑హ్మ॒ణ్వాగ్ం అప్యే॑తు దే॒వాన్ ॥ అ॒యం-యఀ॒జ్ఞో వ॑ర్ధతా॒-ఙ్గోభి॒రశ్వైః᳚ । ఇ॒యం-వేఀది॑-స్స్వప॒త్యా సు॒వీరా᳚ । ఇ॒ద-మ్బ॒ర్॒హిరతి॑ బ॒ర్॒హీగ్​ష్య॒న్యా । ఇ॒మం-యఀ॒జ్ఞం-విఀశ్వే॑ అవన్తు దే॒వాః ॥ । ఆపో॑ భ॒ద్రా ఘృ॒తమిదాప॑ ఆసుర॒గ్నీ-షోమౌ॑ బిభ్ర॒త్యాప॒ ఇ-త్తాః । తీ॒వ్రో రసో॑ మధు॒పృచా॑ మరఙ్గ॒మ ఆ మా᳚ ప్రా॒ణేన॑ స॒హ వర్చ॑సా గన్న్ ॥ ఆది-త్ప॑శ్యామ్యు॒త వా॑ శృణో॒మ్యా మా॒ ఘోషో॑ గచ్ఛతి॒ వాన్న॑ ఆసామ్ । మన్యే॑ భేజా॒నో అ॒మృత॑స్య॒ తర్​హి॒ హిర॑ణ్యవర్ణా॒ అతృ॑పం-యఀ॒దా వః॑ ॥ ।
తుభ్య॑-మ్భరన్తి ఖ్షి॒తయో॑ యవిష్ఠ । బ॒లిమ॑గ్నే॒ అన్తి॑ త॒ ఓత దూ॒రాత్ । ఆ భన్ది॑ష్ఠస్య సుమ॒తి-ఞ్చి॑కిద్ధి । బృ॒హత్తే॑ అగ్నే॒ మహి॒ శర్మ॑ భ॒ద్రమ్ ॥ యో దే॒హ్యో అన॑మయద్వధ॒స్నైః । యో అర్య॑పత్నీ-రు॒షస॑శ్చ॒కార॑ । స ని॒రుధ్యా॒ నహు॑షో య॒హ్వో అ॒గ్నిః । విశ॑శ్చక్రే బలి॒హృత॒-స్సహో॑భిః ॥ ।
పూర్వ॑-న్దేవా॒ అప॑రేణా-ను॒పశ్య॒ఞ్జన్మ॑భిః । జన్మా॒న్యవ॑రైః॒ పరా॑ణి । వేదా॑ని దేవా అ॒యమ॒స్మీతి॒ మామ్ । అ॒హగ్ం హి॒త్వా శరీ॑ర-ఞ్జ॒రసః॑ ప॒రస్తా᳚త్ ॥ ప్రా॒ణా॒పా॒నౌ చఖ్షు॒-శ్శ్రోత్ర᳚మ్ । వాచ॒-మ్మన॑సి॒ సమ్భృ॑తామ్ । హి॒త్వా శరీ॑ర-ఞ్జ॒రసః॑ ప॒రస్తా᳚త్ । ఆ భూతి॒-మ్భూతిం॑-వఀ॒యమ॑శ్నవామహై ॥ ।
హ॒వ్య॒వాహ॑-మభిమాతి॒షా-ఽహ᳚మ్ । ర॒ఖ్షో॒హణ॒-మ్పృత॑నాసు జి॒ష్ణుమ్ । జ్యోతి॑ష్మన్త॒-న్దీద్య॑త॒-మ్పుర॑న్ధిమ్ । అ॒గ్నిగ్గ్​ స్వి॑ష్ట॒కృత॒మా హు॑వేమ ॥ స్వి॑ష్టమగ్నే అ॒భి త-త్పృ॑ణాహి । విశ్వా॑ దేవ॒ పృత॑నా అ॒భిష్య । ఉ॒రు-న్నః॒ పన్థా᳚-మ్ప్రది॒శన్వి భా॑హి । జ్యోతి॑ష్మద్ధేహ్య॒జర॑-న్న॒ ఆయుః॑ ॥ ॥ 1 ॥
తుభ్య॒-న్దశ॑ (అ. 1)

అనువాకం 2 - తాసా-మ్బ్రాహ్మణమ్
దే॒వేభ్యో॒ వై స్వ॒ర్గో లో॒కస్తి॒రో॑-ఽభవత్ ।
తే ప్ర॒జాప॑తి-మబ్రువన్న్ ।
ప్రజా॑పతే స్వ॒ర్గో వై నో॑ లో॒కస్తి॒రో॑-ఽభూత్ । తమన్వి॒చ్ఛేతి॑ । తం-యఀ ॑జ్ఞక్ర॒తుభి॒-రన్వై᳚చ్ఛత్ । తం-యఀ ॑జ్ఞక్ర॒తుభి॒-ర్నాన్వ॑విన్దత్ ।
తమిష్టి॑భి॒-రన్వై᳚చ్ఛత్ । తమిష్టి॑భి॒-రన్వ॑విన్దత్ ।
తదిష్టీ॑నా-మిష్టి॒త్వమ్ । ఏష్ట॑యో హ॒వై నామ॑ ।
తా ఇష్ట॑య॒ ఇత్యాచ॑ఖ్షతే ప॒రోఖ్షే॑ణ । ప॒రోఖ్ష॑ ప్రియా ఇవ॒ హి దే॒వాః ॥ 2 ॥

తమాశా᳚-ఽబ్రవీత్ । ప్రజా॑పత ఆ॒శయా॒ వై శ్రా᳚మ్యసి ।
అ॒హము॒ వా ఆశా᳚-ఽస్మి । మా-న్ను య॑జస్వ ।
అథ॑ తే స॒త్యా-ఽఽశా॑ భవిష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ । స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ ।
ఆ॒శాయై॑ చ॒రుమ్ । అను॑మత్యై చ॒రుమ్ । తతో॒ వై తస్య॑ స॒త్యా-ఽఽశా॑ ఽభవత్ । అను॑ స్వ॒ర్గం-లోఀ॒క-మ॑విన్దత్ । స॒త్యా హ॒ వా అ॒స్యాశా॑ భవతి ।
అను॑ స్వ॒ర్గం-లోఀ॒కం-విఀ ॑న్దతి । య ఏ॒తేన॑ హ॒విషా॒ యజ॑తే । య ఉ॑ చైనదే॒వం-వేఀద॑ ॥ సో-ఽత్ర॑ జుహోతి । అ॒గ్నయే॒ కామా॑య॒ స్వాహా॒-ఽఽశాయై॒ స్వాహా᳚ । అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 3 ॥

త-ఙ్కామో᳚-ఽబ్రవీత్ । ప్రజా॑పతే॒ కామే॑న॒ వై శ్రా᳚మ్యసి । అ॒హము॒వై కామో᳚-ఽస్మి । మా-న్ను య॑జస్వ । అథ॑ తే స॒త్యః కామో॑ భవిష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ । స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ । కామా॑య చ॒రుమ్ । అను॑మత్యై చ॒రుమ్ ।
తతో॒ వై తస్య॑ స॒త్యః కామో॑-ఽభవత్ ।
అను॑ స్వ॒ర్గం-లోఀ॒కమ॑విన్దత్ ।
స॒త్యో హ॒ వా అ॑స్య॒ కామో॑ భవతి ।
అను॑ స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑ చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ కామా॑య॒ స్వాహా॒ కామా॑య॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 4 ॥

త-మ్బ్రహ్మా᳚-ఽబ్రవీత్ । ప్రజా॑పతే॒ బ్రహ్మ॑ణా॒ వైశ్రా᳚మ్యసి । అ॒హము॒ వై బ్రహ్మా᳚-ఽస్మి ।
మా-న్ను య॑జస్వ । అథ॑ తే బ్రహ్మ॒ణ్వాన్. య॒జ్ఞో భ॑విష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ । స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ । బ్రహ్మ॑ణే చ॒రుమ్ । అను॑మత్యై చ॒రుమ్ । తతో॒ వై తస్య॑ బ్రహ్మ॒ణ్వాన్. య॒జ్ఞో॑-ఽభవత్ । అను॑ స్వ॒ర్గం-లోఀ॒కమ॑విన్దత్ । బ్ర॒హ్మ॒ణ్వాన్. హ॒ వా అ॑స్య య॒జ్ఞో భ॑వతి ।
అను॑ స్వ॒ర్గం-లోఀ॒కం-విఀ ॑న్దతి । య ఏ॒తేన॑ హ॒విషా॒ యజ॑తే । య ఉ॑చైనదే॒వం-వేఀద॑ । సో-ఽత్ర॑ జుహోతి । అ॒గ్నయే॒ కామా॑య॒ స్వాహా॒ బ్రహ్మ॑ణే॒ స్వాహా᳚ । అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ । స్వ॒ర్గాయ॑ లో॒కాయ॒ స్వాహా॒ ఽగ్నయే᳚ స్విష్ట॒కృతే॒ స్వాహేతి॑ ॥ 5 ॥

తం-యఀ॒జ్ఞో᳚-ఽబ్రవీత్ । ప్రజా॑పతే య॒జ్ఞేన॒ వై శ్రా᳚మ్యసి । అ॒హము॒ వై య॒జ్ఞో᳚-ఽస్మి ।
మా-న్ను య॑జస్వ । అథ॑ తే స॒త్యో య॒జ్ఞో భ॑వష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ । య॒జ్ఞాయ॑ చ॒రుమ్ । అను॑మత్యై చ॒రుమ్ । తతో॒ వై తస్య॑ స॒త్యో య॒జ్ఞో॑-ఽభవత్ । అను॑ స్వ॒ర్గం-లోఀ॒కమ॑విన్దత్ । స॒త్యో హ॒ వా అ॑స్య య॒జ్ఞో భ॑వతి ।
అను॑ స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ కామా॑య॒ స్వాహా॑ య॒జ్ఞాయ॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 6 ॥

తమాపో᳚-ఽబ్రువన్న్ । ప్రజా॑పతే॒-ఽఫ్సు వై సర్వే॒ కామా᳚-శ్శ్రి॒తాః । వ॒యము॒ వా ఆప॑స్స్మః । అ॒స్మాన్ను య॑జస్వ । అథ॒ త్వయి॒ సర్వే॒ కామా᳚-శ్శ్రయిష్యన్తే । అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ । అ॒ద్భ్యశ్చ॒రుమ్ ।
అను॑మత్యై చ॒రుమ్ । తతో॒ వై తస్మి॒న్-థ్సర్వే॒ కామా॑ అశ్రయన్త । అను॑ స్వ॒ర్గం-లోఀ॒కమ॑విన్దత్ । సర్వే॑ హ॒ వా అ॑స్మి॒న్ కామా᳚-శ్శ్రయన్తే । అను॑ స్వ॒ర్గం-లోఀ॒కం-విఀ ॑న్దతి । య ఏ॒తేన॑ హ॒విషా॒ యజ॑తే ।
య ఉ॑చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ కామా॑య॒ స్వాహా॒ ఽద్భ్య-స్స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 7 ॥
తమ॒గ్ని ర్బ॑లి॒మాన॑బ్రవీత్ ।
ప్రజా॑పతే॒ ఽగ్నయే॒ వై బ॑లి॒మతే॒ సర్వా॑ణి భూ॒తాని॑ బ॒లిగ్ం హ॑రన్తి । అ॒హము॒ వా అ॒గ్ని ర్బ॑లి॒మాన॑స్మి । మా-న్ను య॑జస్వ ।
అథ॑ తే॒ సర్వా॑ణి భూ॒తాని॑ బ॒లిగ్ం హ॑రిష్యన్తి ।
అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ । అ॒గ్నయే॑ బలి॒మతే॑ చ॒రుమ్ । అను॑మత్యై చ॒రుమ్ । తతో॒ వై తస్మై॒ సర్వా॑ణి భూ॒తాని॑ బ॒లి-మ॑హరన్న్ । అను॑ స్వ॒ర్గం-లోఀ॒కమ॑విన్దత్ । సర్వా॑ణి హ॒ వా అ॑స్మై భూ॒తాని॑ బ॒లిగ్ం హ॑రన్తి । అను॑ స్వ॒ర్గం-లోఀ॒కం-విఀ ॑న్దతి । య ఏ॒తేన॑ హ॒విషా॒ యజ॑తే ।
య ఉ॑చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ కామా॑య॒ స్వాహా॒ ఽగ్నయే॑ బలి॒మతే॒ స్వాహా᳚ । అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 8 ॥

తమను॑విత్తిర-బ్రవీత్ । ప్రజా॑పతే స్వ॒ర్గం-వైఀ లో॒కమను॑-వివిథ్ససి । అ॒హము॒ వా అను॑విత్తిరస్మి । మా-న్ను య॑జస్వ । అథ॑ తే స॒త్యా ఽను॑విత్తి-ర్భవిష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమ॒గ్నయే॒ కామా॑య పురో॒డాశ॑-మ॒ష్టాక॑పాల॒-న్నిర॑వపత్ ।
అను॑విత్త్యై చ॒రుమ్ । అను॑మత్యై చ॒రుమ్ ।
తతో॒ వై తస్య॑ స॒త్యా ఽను॑విత్తిరభవత్ ।
అను॑ స్వ॒ర్గం-లోఀ॒క-మ॑విన్దత్ ।
స॒త్యా హ॒ వా అ॒స్యాను॑విత్తి-ర్భవతి ।
అను॑ స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ కామా॑య॒ స్వాహా-ఽను॑విత్త్యై॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 9 ॥

తా వా ఏ॒తా-స్స॒ప్త స్వ॒ర్గస్య॑ లో॒కస్య॒ ద్వారః॑ ।
ది॒వ-శ్శ్యే॑న॒యో ఽను॑విత్తయో॒ నామ॑ ।
ఆశా᳚ ప్రథ॒మాగ్ం ర॑ఖ్షతి ।
కామో᳚ ద్వి॒తీయా᳚మ్ । బ్రహ్మ॑ తృ॒తీయా᳚మ్ । య॒జ్ఞశ్చ॑తు॒ర్థీమ్ । ఆపః॑ పఞ్చ॒మీమ్ ।
అ॒గ్ని ర్బ॑లి॒మాన్-థ్ష॒ష్ఠీమ్ । అను॑విత్తి-స్సప్త॒మీమ్ ।
అను॑ హ॒ వై స్వ॒ర్గం-లోఀ॒కం-విఀ ॑న్దతి ।
కా॒మ॒చారో᳚-ఽస్య స్వ॒ర్గే లో॒కే భ॑వతి ।
య ఏ॒తాభి॒-రిష్టి॑భి॒-ర్యజ॑తే ।
య ఉ॑చైనా ఏ॒వం-వేఀద॑ । తాస్వ॑న్వి॒ష్టి । ప॒ష్ఠౌ॒హీ॒ వ॒రా-న్ద॑ద్యా-త్క॒గ్ం॒ సఞ్చ॑ ।
స్త్రియై॑ చాభా॒రగ్ం సమృ॑ద్ధ్యై ॥ 10 ॥

అనువాకం 3 - ఉపాఘా నామేష్టయః
తప॑సా దే॒వా దే॒వతా॒-మగ్ర॑ ఆయన్న్ । తప॒సర్​ష॑య॒-స్స్వ॑రన్వ॑విన్దన్న్ ।
తప॑సా స॒పత్నా॒-న్ప్రణు॑దా॒మారా॑తీః ।
యేనే॒దం-విఀశ్వ॒-మ్పరి॑భూతం॒-యఀదస్తి॑ ॥
ప్ర॒థ॒మ॒జ-న్దే॒వగ్ం హ॒విషా॑ విధేమ । స్వ॒య॒భు-మ్బ్రహ్మ॑ పర॒మ-న్తపో॒ యత్ ।
స ఏ॒వ పు॒త్ర-స్స పి॒తా స మా॒తా ।
తపో॑ హ య॒ఖ్ష-మ్ప్ర॑థ॒మగ్ం సమ్బ॑భూవ ॥
శ్ర॒ద్ధయా దే॑వో దేవ॒త్వ-మ॑శ్నుతే ।
శ్ర॒ద్ధా ప్ర॑తి॒ష్ఠా లో॒కస్య॑ దే॒వీ ॥ 11 ॥

సా నో॑ జుషా॒ణోప॑ య॒జ్ఞ-మాగా᳚త్ ।
కామ॑వథ్సా॒ ఽమృత॒-న్దుహా॑నా ॥
శ్ర॒ద్ధా దే॒వీ ప్ర॑థమ॒జా ఋ॒తస్య॑ ।
విశ్వ॑స్య భ॒ర్త్రీ జగ॑తః ప్రతి॒ష్ఠా ।
తాగ్​ శ్ర॒ద్ధాగ్ం హ॒విషా॑ యజామహే ।
సా నో॑ లో॒క-మ॒మృత॑-న్దధాతు ।
ఈశా॑నా దే॒వీ భువ॑న॒స్యాధి॑పత్నీ ॥ ఆగా᳚థ్స॒త్యగ్ం హ॒విరి॒ద-ఞ్జు॑షా॒ణమ్ ।
యస్మా᳚ద్దే॒వా జ॑జ్ఞిరే॒ భువ॑నఞ్చ॒ విశ్వే᳚ ।
తస్మై॑ విధేమ హ॒విషా॑ ఘృ॒తేన॑ ॥ 12 ॥

యథా॑ దే॒వై-స్స॑ధ॒మాద॑-మ్మదేమ ॥
యస్య॑ ప్రతి॒ష్ఠో-ర్వ॑న్తరి॑ఖ్షమ్ ।
యస్మా᳚ద్దే॒వా జ॑జ్ఞిరే॒ భువ॑నఞ్చ॒ సర్వే᳚ ।
తథ్స॒త్య-మర్చ॒దుప॑య॒జ్ఞ-న్న॒ ఆగా᳚త్ । బ్రహ్మాహు॑తీ॒-రుప॒మోద॑మానమ్ ॥
మన॑సో॒ వశే॒ సర్వ॑మి॒ద-మ్బ॑భూవ ।
నాన్యస్య॒ మనో॒ వశ॒మన్వి॑యాయ ।
భీ॒ష్మో హి దే॒వ-స్సహ॑స॒-స్సహీ॑యాన్ ।
స నో॑ జుషా॒ణ ఉప॑ య॒జ్ఞమాగా᳚త్ ॥
ఆకూ॑తీనా॒-మధి॑పతి॒-ఞ్చేత॑సా-ఞ్చ ॥ 13 ॥

స॒ఙ్క॒ల్పజూ॑తి-న్దే॒వం-విఀ ॑ప॒శ్చిమ్ ।
మనో॒ రాజా॑నమి॒హ వ॒ర్ధయ॑న్తః ।
ఉ॒ప॒హ॒వే᳚ ఽస్య సుమ॒తౌ స్యా॑మ ॥
చర॑ణ-మ్ప॒విత్రం॒-విఀత॑త-మ్పురా॒ణమ్ ।
యేన॑ పూ॒తస్తర॑తి దుష్కృ॒తాని॑ ।
తేన॑ ప॒విత్రే॑ణ శు॒ద్ధేన॑ పూ॒తాః ।
అతి॑ పా॒ప్మాన॒-మరా॑తి-న్తరేమ ॥
లో॒కస్య॒ ద్వార॑-మర్చి॒మ-త్ప॒విత్ర᳚మ్ ।
జ్యోతి॑ష్మ॒-ద్భ్రాజ॑మాన॒-మ్మహ॑స్వత్ । అ॒మృత॑స్య॒ ధారా॑ బహు॒ధా దోహ॑మానమ్ ।
చర॑ణ-న్నో లో॒కే సుధి॑తా-న్దధాతు ॥
అ॒గ్నిర్మూ॒ర్ధా ది॒వః క॒కు-త్పతిః॑ పృథి॒వ్యా అ॒యమ్ । అ॒పాగ్ం రేతాగ్ం॑సి జిన్వతి ॥ భువో॑ య॒జ్ఞస్య॒ రజ॑సశ్చ నే॒తా యత్రా॑ ని॒యుద్భి॒-స్సచ॑సే శి॒వాభిః॑ । ది॒వి మూ॒ర్ధాన॑-న్దధిషే సువ॒ర్॒షా-ఞ్జి॒హ్వామ॑గ్నే చకృషే హవ్య॒వాహ᳚మ్ ॥ ॥
అను॑ నో॒-ఽద్యా-ఽను॑మతిర్య॒జ్ఞ-న్దే॒వేషు॑ మన్యతామ్ । అ॒గ్నిశ్చ॑ హవ్య॒వాహ॑నో॒ భవ॑తా-న్దా॒శుషే॒ మయః॑ ॥ అన్విద॑నుమతే॒ త్వ-మ్మన్యా॑సై॒ శఞ్చ॑నః కృధి । క్రత్వే॒ దఖ్షా॑య నో హిను॒ ప్రణ॒ ఆయూగ్ం॑షి తారిషః ॥ ॥
హ॒వ్య॒వాహ॑-మభిమాతి॒షా-ఽహ᳚మ్ । ర॒ఖ్షో॒హణ॒-మ్పృత॑నాసు జి॒ష్ణుమ్ । జ్యోతి॑ష్మన్త॒-న్దీద్య॑త॒-మ్పుర॑న్ధిమ్ । అ॒గ్నిగ్గ్​ స్వి॑ష్ట॒కృత॒మా హు॑వేమ ॥ స్వి॑ష్టమగ్నే అ॒భి త-త్పృ॑ణాహి । విశ్వా॑ దేవ॒ పృత॑నా అ॒భిష్య । ఉ॒రు-న్నః॒ పన్థా᳚-మ్ప్రది॒శన్వి భా॑హి । జ్యోతి॑ష్మద్ధేహ్య॒జర॑-న్న॒ ఆయుః॑ ॥ ॥ 14 ॥
(దే॒వీ - ఘృ॒తేన॒ - చేత॑సా-ఞ్చ॒ - దోహ॑మాన-ఞ్చ॒త్వారి॑ చ) (అ. 3)

అనువాకం 4 - తాసా-మ్బ్రాహ్మణమ్
దే॒వేభ్యో॒ వై స్వ॒ర్గో లో॒కస్తి॒రో॑ ఽభవత్ ।
తే ప్ర॒జాప॑తి-మబ్రువన్న్ । ప్రజా॑పతే స్వ॒ర్గో
వై నో॑ లో॒కస్తి॒రో॑-ఽభూత్ । తమన్వి॒చ్ఛేతి॑ ।
తం-యఀ ॑జ్ఞక్ర॒తుభి॒-రన్వై᳚చ్ఛత్ ।
తం-యఀ ॑జ్ఞక్ర॒తుభి॒ ర్నాన్వ॑విన్దత్ ।
తమిష్టి॑భి॒-రన్వై᳚చ్ఛత్ । తమిష్టి॑భి॒-రన్వ॑విన్దత్ । తదిష్టీ॑నా-మిష్టి॒త్వమ్ । ఏష్ట॑యో హ॒ వై నామ॑ । తా ఇష్ట॑య॒ ఇత్యా చ॑ఖ్షతే ప॒రోఖ్షే॑ణ ।
ప॒రోఖ్ష॑ప్రియా ఇవ॒ హి దే॒వాః ॥ 15 ॥

త-న్తపో᳚-ఽ బ్రవీత్ । ప్రజా॑పతే॒ తప॑సా॒ వై
శ్రా᳚మ్యసి । అ॒హము॒ వై తపో᳚-ఽ స్మి ।
మా-న్ను య॑జస్వ ।
అథ॑ తే స॒త్య-న్తపో॑ భవిష్యతి ।
అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమా᳚గ్నే॒య-మ॒ష్టాక॑పాల॒-న్నిర॑వపత్ । తప॑సే చ॒రుమ్ । అను॑మత్యై చ॒రుమ్ ।
తతో॒ వై తస్య॑ స॒త్య-న్తపో॑ ఽభవత్ ।
అను॑ స్వ॒ర్గం-లోఀ॒కమ॑విన్దత్ ।
స॒త్య గ్ం హ॒ వా అ॑స్య॒ తపో॑ భవతి ।
అను॑ స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑ చైనదే॒వం-వేఀద॑ । సో-ఽత్ర॑ జుహోతి । అ॒గ్నయే॒ స్వాహా॒ తప॑సే॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 16 ॥

తగ్గ్​ శ్ర॒ద్ధా-ఽబ్ర॑వీత్ । ప్రజా॑పతే శ్ర॒ద్ధయా॒ వై శ్రా᳚మ్యసి । అ॒హము॒ వై శ్ర॒ద్ధా-ఽస్మి॑ । మా-న్ను య॑జస్వ । అథ॑ తే స॒త్యా శ్ర॒ద్ధా భ॑విష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమా᳚-ఽగ్నే॒య-మ॒ష్టాక॑పాల॒-న్నిర॑వపత్ । శ్ర॒ద్ధాయై॑ చ॒రుమ్ । అను॑మత్యై చ॒రుమ్ । తతో॒ వై తస్య॑ స॒త్యా శ్ర॒ద్ధా-ఽభ॑వత్ ।
అను॑ స్వ॒ర్గం-లోఀ॒కమ॑విన్దత్ ।
స॒త్యా హ॒ వా అ॑స్య శ్ర॒ద్ధా భ॑వతి ।
అను॑ స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑ చైనదే॒వం-వేఀద॑ । సో-ఽత్ర॑ జుహోతి । అ॒గ్నయే॒ స్వాహా᳚ శ్ర॒ద్ధాయై॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 17 ॥

తగ్ం స॒త్య-మ॑బ్రవీత్ । ప్రజా॑పతే స॒త్యేన॒ వై శ్రా᳚మ్యసి । అ॒హము॒ వై స॒త్యమ॑స్మి । మా-న్ను య॑జస్వ । అథ॑ తే స॒త్యగ్ం స॒త్య-మ్భ॑విష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమా᳚-ఽగ్నే॒య-మ॒ష్టాక॑పాల॒-న్నిర॑వపత్ । స॒త్యాయ॑ చ॒రుమ్ । అను॑మత్యై చ॒రుమ్ ।
తతో॒ వై తస్య॑ స॒త్యగ్ం స॒త్యమ॑భవత్ ।
అను॑ స్వ॒ర్గం-లోఀ॒కమ॑విన్దత్ ।
స॒త్యగ్ం హ॒ వా అ॑స్య స॒త్య-మ్భ॑వతి ।
అను॑ స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ స్వాహా॑ స॒త్యాయ॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 18 ॥

త-మ్మనో᳚-ఽబ్రవీత్ । ప్రజా॑పతే॒ మన॑సా॒ వై శ్రా᳚మ్యసి । అ॒హము॒ వై మనో᳚-ఽస్మి ।
మా-న్ను య॑జస్వ ।
అథ॑ తే స॒త్య-మ్మనో॑ భవిష్యతి ।
అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమా᳚-ఽగ్నే॒య-మ॒ష్టాక॑పాల॒-న్నిర॑వపత్ । మన॑సే చ॒రుమ్ । అను॑మత్యై చ॒రుమ్ । తతో॒ వై తస్య॑ స॒త్య-మ్మనో॑-ఽభవత్ ।
అను॑ స్వ॒ర్గం-లోఀ॒కమ॑విన్దత్ । స॒త్యగ్ం హ॒ వా అ॑స్య॒ మనో॑ భవతి । అను॑ స్వ॒ర్గం-లోఀ॒కం-విఀ ॑న్దతి । య ఏ॒తేన॑ హ॒విషా॒ యజ॑తే ।
య ఉ॑చైన దే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ స్వాహా॒ మన॑సే॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 19 ॥

త-ఞ్చర॑ణ-మబ్రవీత్ । ప్రజా॑పతే॒ చర॑ణేన॒ వై శ్రా᳚మ్యసి । అ॒హము॒ వై చర॑ణమస్మి । మా-న్ను య॑జస్వ । అథ॑ తే స॒త్య-ఞ్చర॑ణ-మ్భవిష్యతి । అను॑ స్వ॒ర్గం-లోఀ॒కం-వేఀ॒థ్స్యసీతి॑ ।
స ఏ॒తమా᳚-ఽగ్నే॒య-మ॒ష్టాక॑పాల॒-న్నిర॑వపత్ । చర॑ణాయ చ॒రుమ్ । అను॑మత్యై చ॒రుమ్ । తతో॒ వై తస్య॑ స॒త్య-ఞ్చర॑ణమభవత్ ।
అను॑ స్వ॒ర్గం-లోఀ॒కమ॑విన్దత్ ।
స॒త్యగ్ం హ॒ వా అ॑స్య॒ చర॑ణ-మ్భవతి ।
అను॑స్వ॒ర్గం-లోఀ॒కం-విఀ ॑న్దతి ।
య ఏ॒తేన॑ హ॒విషా॒ యజ॑తే ।
య ఉ॑చైనదే॒వం-వేఀద॑ । సో-ఽత్ర॑ జుహోతి ।
అ॒గ్నయే॒ స్వాహా॒ చర॑ణాయ॒ స్వాహా᳚ ।
అను॑మత్యై॒ స్వాహా᳚ ప్ర॒జాప॑తయే॒ స్వాహా᳚ ।
స్వ॒ర్గాయ॑ లో॒కాయ॒ స్వాహా॒-ఽగ్నయే᳚ స్విష్ట॒కృతే॒ స్వాహేతి॑ ॥ 20 ॥

తా వా ఏ॒తాః పఞ్చ॑ స్వ॒ర్గస్య॑ లో॒కస్య॒ ద్వారః॑ ।
అపా॑ఘా॒ అను॑విత్తయో॒ నామ॑ । తపః॑ ప్రథ॒మాగ్ం ర॑ఖ్షతి । శ్ర॒ద్ధా ద్వి॒తీయా᳚మ్ । స॒త్య-న్తృ॒తీయా᳚మ్ ।
మన॑శ్చతు॒ర్థీమ్ । చర॑ణ-మ్పఞ్చ॒మీమ్ ।
అను॑ హ॒ వై స్వ॒ర్గం-లోఀ॒కం-విఀ ॑న్దతి ।
కా॒మ॒చారో᳚-ఽస్య స్వ॒ర్గే లో॒కే భ॑వతి ।
య ఏ॒తాభి॒-రిష్టి॑భి॒-ర్యజ॑తే ।
య ఉ॑చైనా ఏ॒వం-వేఀద॑ ।

అనువాకం 5 - చాతుర్​హోత్రచయనమ్
బ్రహ్మ॒ వై చతు॑ర్​హోతారః । చతు॑ర్​హోతృ॒భ్యో-ఽధి॑ య॒జ్ఞో నిర్మి॑తః । నైనగ్ం॑ శ॒ప్తమ్ । నాభిచ॑రిత॒-మాగ॑చ్ఛతి । య ఏ॒వం-వేఀద॑ ॥
యో హ॒ వై చతు॑ర్​హోతృణా-ఞ్చతుర్​హోతృ॒త్వం-వేఀద॑ । అథో॒ పఞ్చ॑ హోతృత్వమ్ ।
సర్వా॑ హాస్మై॒ దిశః॑ కల్పన్తే ।
వా॒చస్పతి॒ర్॒ హోతా॒ దశ॑హోతౄణామ్ ।
పృ॒థి॒వీ హోతా॒ చతు॑ర్​హోతౄణామ్ ॥ 22 ॥

అ॒గ్నిర్-హోతా॒ పఞ్చ॑హోతౄణామ్ । వాఘోతా॒ షడ్ఢో॑తౄణామ్ ।
మ॒హాహ॑వి॒ర్॒ హోతా॑ స॒ప్తహో॑తౄణామ్ ।
ఏ॒తద్వై చతు॑ర్​హోతృణా-ఞ్చతుర్​హోతృ॒త్వమ్ ।
అథో॒ పఞ్చ॑హోతృత్వమ్ । సర్వా॑ హాస్మై॒ దిశః॑ కల్పన్తే । య ఏ॒వం-వేఀద॑ ॥
ఏ॒షా వై స॑ర్వ వి॒ద్యా । ఏ॒త-ద్భే॑ష॒జమ్ ।
ఏ॒షా ప॒ఙ్క్తి-స్స్వ॒ర్గస్య॑ లో॒కస్యా᳚-ఞ్జ॒సాయ॑ని-స్స్రు॒తిః ॥ 23 ॥

ఏ॒తాన్. యో-ఽద్ధ్యై-త్యఛ॑దిర్ద॒ర్॒శే యావ॑త్త॒రస᳚మ్ । స్వ॑రేతి । అ॒న॒ప॒బ్ర॒వ-స్సర్వ॒మాయు॑రేతి । వి॒న్దతే᳚ ప్ర॒జామ్ । రా॒యస్పోష॑-ఙ్గౌప॒త్యమ్ ।
బ్ర॒హ్మ॒వ॒ర్చ॒సీ భ॑వతి ॥ ఏ॒తాన్. యో-ఽద్ధ్యైతి॑ । స్పృ॒ణోత్యా॒త్మాన᳚మ్ । ప్ర॒జా-మ్పి॒తౄన్ ॥
ఏ॒తాన్. వా అ॑రు॒ణ ఔ॑పవే॒శి ర్వి॒దాఞ్చ॑కార ॥ 24 ॥

ఏ॒తైర॑ధివా॒దమపా॑జయత్ । అథో॒ విశ్వ॑-మ్పా॒ప్మాన᳚మ్ । స్వ॑ర్యయౌ । ఏ॒తాన్. యో-ఽద్ధ్యైతి॑ । అ॒ధి॒వా॒ద-ఞ్జ॑యతి । అథో॒ విశ్వ॑-మ్పా॒ప్మాన᳚మ్ । స్వ॑రేతి ॥ ఏ॒తైర॒గ్ని-ఞ్చి॑న్వీత స్వ॒ర్గకా॑మః ।
ఏ॒తైరాయు॑ష్కామః । ప్ర॒జా ప॒శుకా॑మో వా ॥ 25 ॥

పు॒రస్తా॒-ద్దశ॑హోతార॒-ముద॑ఞ్చ॒-ముప॑దధాతి యావత్ప॒దమ్ । హృద॑యం॒-యఀజు॑షీ॒ పత్న్యౌ॑ చ । ద॒ఖ్షి॒ణ॒తః ప్రాఞ్చ॒-ఞ్చతు॑ర్​హోతారమ్ ।
ప॒శ్చాదుద॑ఞ్చ॒-మ్పఞ్చ॑ హోతారమ్ । ఉ॒త్త॒ర॒తః ప్రాఞ్చ॒గ్ం॒ షడ్ఢో॑తారమ్ ।
ఉ॒పరి॑ష్టా॒-త్ప్రాఞ్చగ్ం॑ స॒ప్తహో॑తారమ్ । హృద॑యం॒-యఀజూగ్ం॑షి॒ పత్న్య॑శ్చ ।
య॒థా॒వ॒కా॒శ-ఙ్గ్రహాన్॑ । య॒థా॒వ॒కా॒శ-మ్ప్ర॑తిగ్ర॒హాన్ ఀలో॑క-మ్పృ॒ణాశ్చ॑ ।
సర్వా॑ హాస్యై॒తా దే॒వతాః᳚ ప్రీ॒తా అ॒భీష్టా॑ భవన్తి ॥ 26 ॥

సదే॑వమ॒గ్ని-ఞ్చి॑నుతే ॥
ర॒థస॑మిన్త-శ్చేత॒వ్యః॑ । వజ్రో॒ వై రథః॑ ।
వజ్రే॑ణై॒వ పా॒ప్మాన॒-మ్భ్రాతృ॑వ్యగ్గ్​ స్తృణుతే । ప॒ఖ్ష-స్స॑మిన్త-శ్చేత॒వ్యః॑ ।
ఏ॒తావా॒న్॒. వై రథః॑ । యావ॑త్ప॒ఖ్షః । ర॒థస॑మిన్తమే॒వ చి॑నుతే ॥
ఇ॒మమే॒వ లో॒క-మ్ప॑శుబ॒న్ధేనా॒భిజ॑యతి ।
అథో॑ అగ్నిష్టో॒మేన॑ ॥ 27 ॥

అ॒న్తరి॑ఖ్ష-ము॒క్థ్యే॑న । స్వ॑రతిరా॒త్రేణ॑ । సర్వా᳚న్ ఀలో॒కాన॑హీ॒నేన॑ । అథో॑ స॒త్రేణ॑ ॥ వరో॒ దఖ్షి॑ణా । వరే॑ణై॒వ వరగ్గ్॑ స్పృణోతి ।
ఆ॒త్మా హి వరః॑ ॥ ఏక॑విగ్ంశతి॒ ర్దఖ్షి॑ణా దదాతి ।
ఏ॒క॒వి॒గ్ం॒శో వా ఇ॒త-స్స్వ॒ర్గో లో॒కః । ప్రస్వ॒ర్గం-లోఀ॒కమా᳚ప్నోతి ॥ 28 ॥

అ॒సావా॑ది॒త్య ఏ॑కవి॒గ్ం॒శః । అ॒ముమే॒వా-ది॒త్యమా᳚ప్నోతి ॥ శ॒త-న్ద॑దాతి । శ॒తాయుః॒ పురు॑ష-శ్శ॒తేన్ద్రి॑యః । ఆయు॑ష్యే॒వేన్ద్రి॒యే ప్రతి॑తిష్ఠతి ॥ స॒హస్ర॑-న్దదాతి ।
స॒హస్ర॑ సమ్మిత-స్స్వ॒ర్గో లో॒కః ।
స్వ॒ర్గస్య॑ లో॒కస్యా॒-భిజి॑త్యై ॥ అ॒న్వి॒ష్ట॒క-న్దఖ్షి॑ణా దదాతి । సర్వా॑ణి॒ వయాగ్ం॑సి ॥ 29 ॥

సర్వ॒స్యాప్త్యై᳚ । సర్వ॒స్యా-వ॑రుద్ధ్యై ॥ యది॒ న వి॒న్దేత॑ । మ॒న్థానే॑తావ॒తో ద॑ద్యాదోద॒నాన్. వా᳚ । అ॒శ్ను॒తే త-ఙ్కామ᳚మ్ । యస్మై॒ కామా॑యా॒-గ్నిశ్చీ॒యతే᳚ ॥ ప॒ష్ఠౌ॒హీ-న్త్వ॒న్తర్వ॑తీ-న్దద్యాత్ ।
సా హి సర్వా॑ణి॒ వయాగ్ం॑సి । సర్వ॒స్యాప్త్యై᳚ । సర్వ॒స్యా-వ॑రుద్ధ్యై ॥ 30 ॥
హిర॑ణ్య-న్దదాతి । హిర॑ణ్య-జ్యోతిరే॒వ స్వ॒ర్గం-లోఀ॒కమే॑తి ॥ వాసో॑ దదాతి । తేనాయుః॒ ప్రతి॑రతే ॥ వే॒ది॒తృ॒తీ॒యే య॑జేత । త్రిష॑త్యా॒ హి దే॒వాః ।
స స॑త్యమ॒గ్ని-ఞ్చి॑నుతే ॥ తదే॒త-త్ప॑శుబ॒న్ధే బ్రాహ్మ॑ణ-మ్బ్రూయాత్ । నేత॑రేషు య॒జ్ఞేషు॑ ॥
యో హ॒ వై చతు॑ర్​హోతౄ-ననుసవ॒న-న్త॑ర్పయిత॒వ్యాన్॑. వేద॑ ॥ 31 ॥

తృప్య॑తి ప్ర॒జయా॑ ప॒శుభిః॑ ।
ఉపై॑నగ్ం సోమపీ॒థో న॑మతి ।
ఏ॒తే వై చతు॑ర్​హోతారో ఽనుసవ॒న-న్త॑ర్పయిత॒వ్యాః᳚ । యే బ్రా᳚హ్మ॒ణా బ॑హు॒విదః॑ ।
తేభ్యో॒ యద్దఖ్షి॑ణా॒ న నయే᳚త్ । దురి॑ష్టగ్గ్​ స్యాత్ । అ॒గ్నిమ॑స్య వృఞ్జీరన్న్ ।
తేభ్యో॑ యథా శ్ర॒ద్ధ-న్ద॑ద్యాత్ । స్వి॑ష్టమే॒వైతత్క్రి॑యతే ।
నాస్యా॒గ్నిం-వృఀ ॑ఞ్జతే ॥ 32 ॥

హి॒ర॒ణ్యే॒ష్ట॒కో భ॑వతి । యావ॑దుత్త॒మ-మ॑ఙ్గులి-కా॒ణ్డం-యఀ ॑జ్ఞ ప॒రుషా॒ సమ్మి॑తమ్ ।
తేజో॒ హిర॑ణ్యమ్ ॥ యది॒ హిర॑ణ్య॒-న్న వి॒న్దేత్ । శర్క॑రా అ॒క్తా ఉప॑దద్ధ్యాత్ । తేజో॑ ఘృ॒తమ్ । సతే॑జసమే॒-వాగ్ని-ఞ్చి॑నుతే ॥ అ॒గ్నిఞ్చి॒త్వా సౌ᳚త్రామ॒ణ్యా య॑జేత మైత్రావరు॒ణ్యా వా᳚ ।
వీ॒ర్యే॑ణ॒ వా ఏ॒ష వ్యృ॑ద్ధ్యతే ।
యో᳚-ఽగ్నిఞ్చి॑ను॒తే ॥ 33 ॥

యావ॑దే॒వ వీ॒ర్య᳚మ్ । తద॑స్మి-న్దధాతి ॥
బ్రహ్మ॑ణ॒-స్సాయు॑జ్యగ్ం సలో॒కతా॑-మాప్నోతి ।
ఏ॒తాసా॑మే॒వ దే॒వతా॑నా॒గ్ం॒ సాయు॑జ్యమ్ ।
సా॒ర్​ష్టితాగ్ం॑ సమాన లో॒కతా॑-మాప్నోతి । య ఏ॒తమ॒గ్ని-ఞ్చి॑ను॒తే । య ఉ॑చైనమే॒వం-వేఀద॑ ॥ ఏ॒తదే॒వ సా॑వి॒త్రే బ్రాహ్మ॑ణమ్ ।
అథో॑ నాచికే॒తే ॥ 34 ॥
(హోతా॒ చతు॑ర్​హోతౄణాగ్​ - స్రు॒తి - శ్చ॑కార - వా - భవన్త్య - గ్నిష్టో॒మేనా᳚ - ప్నోతి॒ - వయాగ్ం॑సి॒ - వయాగ్ం॑సి॒ - సర్వ॒స్యాప్త్యై॒ సర్వ॒స్యావ॑రుద్ధ్యై॒ - వేద॑ - వృఞ్జతే - చిను॒తే - +నవ॑ చ) (అ. 5)

అనువాకం 6 - వైశ్వసృజచయనమ్
యచ్చా॒మృతం॒-యఀచ్చ మర్త్య᳚మ్ । యచ్చ॒ ప్రాణి॑తి॒ యచ్చ॒ న । సర్వా॒స్తా ఇష్ట॑కాః కృ॒త్వా ।
ఉప॑ కామ॒దుఘా॑ దధే । తేనర్​షి॑ణా॒ తేన॒ బ్రహ్మ॑ణా । తయా॑ దే॒వత॑యా-ఽఙ్గిర॒స్వ-ద్ధ్రు॒వా సీ॑ద ॥ సర్వా॒-స్స్త్రియ॒-స్సర్వా᳚-న్పు॒గ్ం॒సః । సర్వ॒-న్న స్త్రీ॑-పుమఞ్చ॒ యత్ ।
సర్వా॒స్తాః ॥ యావ॑న్తః పా॒గ్ం॒సవో॒ భూమేః᳚ ॥ 35 ॥

సఙ్ఖ్యా॑తా దేవమా॒యయా᳚ । సర్వా॒స్తాః ॥ యావ॑న్త॒ ఊషాః᳚ పశూ॒నామ్ । పృ॒థి॒వ్యా-మ్పుష్టి॑ ర్​హి॒తాః । సర్వా॒స్తాః ॥ యావ॑తీ॒-స్సిక॑తా॒-స్సర్వాః᳚ ।
అ॒ఫ్స్వ॑న్తశ్చ॒ యా-శ్శ్రి॒తాః । సర్వా॒స్తాః ॥ యావ॑తీ॒-శ్శర్క॑రా॒ ధృత్యై᳚ । అ॒స్యా-మ్పృ॑థి॒వ్యామధి॑ ॥ 36 ॥

సర్వా॒స్తాః ॥ యావ॒న్తో-ఽశ్మా॑నో॒-ఽస్యా-మ్పృ॑థి॒వ్యామ్ । ప్ర॒తి॒ష్ఠాసు॒ ప్రతి॑ష్ఠితాః । సర్వా॒స్తాః ॥ యావ॑తీ ర్వీ॒రుధ॒-స్సర్వాః᳚ ।
విష్ఠి॑తాః పృథి॒వీమను॑ । సర్వా॒స్తాః ॥ యావ॑తీ॒రోష॑ధీ॒-స్సర్వాః᳚ ।
విష్ఠి॑తాః పృథి॒వీమను॑ । సర్వా॒స్తాః ॥ 37 ॥

యావ॑న్తో॒ వన॒స్పత॑యః । అ॒స్యా-మ్పృ॑థి॒వ్యామధి॑ । సర్వా॒స్తాః ॥
యావ॑న్తో గ్రా॒మ్యాః ప॒శవ॒-స్సర్వే᳚ । ఆ॒ర॒ణ్యాశ్చ॒ యే । సర్వా॒స్తాః ॥ యే ద్వి॒పాద॒-శ్చతు॑ష్పాదః । అ॒పాద॑ ఉదరస॒ర్పిణః॑ ।
సర్వా॒స్తాః ॥ యావ॒దాఞ్జ॑-నము॒చ్యతే᳚ ॥ 38 ॥

దే॒వ॒త్రా యచ్చ॑ మాను॒షమ్ । సర్వా॒స్తాః ॥ యావ॑త్కృ॒ష్ణాయ॑స॒గ్ం॒ సర్వ᳚మ్ ।
దే॒వ॒త్రా యచ్చ॑ మాను॒షమ్ । సర్వా॒స్తాః ॥
యావ॑ ల్లో॒హాయ॑స॒గ్ం॒ సర్వ᳚మ్ ।
దే॒వ॒త్రా యచ్చ॑ మాను॒షమ్ । సర్వా॒స్తాః ॥ సర్వ॒గ్ం॒ సీస॒గ్ం॒ సర్వ॒-న్త్రపు॑ ।
దే॒వ॒త్రా యచ్చ॑ మాను॒షమ్ ॥ 39 ॥

సర్వా॒స్తాః ॥ సర్వ॒గ్ం॒ హిర॑ణ్యగ్ం రజ॒తమ్ । దే॒వ॒త్రా యచ్చ॑ మాను॒షమ్ ।
సర్వా॒స్తాః ॥ సర్వ॒గ్ం॒ సువ॑ర్ణ॒గ్ం॒ హరి॑తమ్ । దే॒వ॒త్రా యచ్చ॑ మాను॒షమ్ ।
సర్వా॒స్తా ఇష్ట॑కాః కృ॒త్వా । ఉప॑కామ॒దుఘా॑ దధే । తేనర్​షి॑ణా॒ తేన॒ బ్రహ్మ॑ణా ।
తయా॑ దే॒వత॑యా-ఽఙ్గిర॒స్వ-ద్ధ్రు॒వా సీ॑ద ॥ 40 ॥
[భూమే॒ - రధి॒ - విష్ఠి॑తాః పృథి॒వీమను॒ సర్వా॒స్తా - ఉ॒చ్యత॑ - మాను॒షగ్ం - సీ॑ద ] (అ. 6)

(యచ్చ॒ స్త్రియః॑ పా॒గ్ం॒సవ॒ ఊషా॒-స్సిక॑తా॒-శ్శర్క॑రా॒ అశ్మా॑నో వీ॒రుధ॒ ఓష॑ధీ॒-ర్వన॒స్పత॑యో గ్రా॒మ్యా యే ద్వి॒పాదో॒ యావ॒దాఞ్జ॑నం॒-యాఀవ॑-త్కృ॒ష్ణాయ॑సం
ఀలో॒హాయ॑స॒గ్ం॒ సీస॒గ్ం॒ హిర॑ణ్య॒గ్ం॒ సువ॑ర్ణ॒గ్ం॒ హరి॑తమ॒ష్టాద॑శ)

అనువాకం 7 - వైశ్వసృజచయనమ్
సర్వా॒ దిశో॑ ది॒ఖ్షు । యచ్చా॒న్త ర్భూ॒త-మ్ప్రతి॑ష్ఠితమ్ । సర్వా॒స్తా ఇష్ట॑కాః కృ॒త్వా ।
ఉప॑ కామ॒దుఘా॑ దధే ।
తేనర్​షి॑ణా॒ తేన॒ బ్రహ్మ॑ణా ।
తయా॑ దే॒వత॑యా-ఽఙ్గిర॒స్వ-ద్ధ్రు॒వా సీ॑ద ॥
అ॒న్తరి॑ఖ్షఞ్చ॒ కేవ॑లమ్ ।
యచ్చా॒స్మి-న్న॑న్త॒రాహి॑తమ్ ।
సర్వా॒స్తాః ॥ ఆ॒న్త॒రి॒ఖ్ష్య॑శ్చ॒ యాః ప్ర॒జాః ॥ 41 ॥

గ॒న్ధ॒ర్వా॒-ఫ్స॒రస॑శ్చ॒ యే । సర్వా॒స్తాః ॥ సర్వా॑-నుదా॒రాన్-థ్స॒లిలాన్॑ ।
అ॒న్తరి॑ఖ్షే॒ ప్రతి॑ష్ఠితాన్ । సర్వా॒స్తాః ॥
సర్వా॑-నుదా॒రాన్-థ్స॑లి॒లాన్ ।
స్థా॒వ॒రాః ప్రో॒ష్యా᳚శ్చ॒ యే । సర్వా॒స్తాః ॥ సర్వా॒-న్ధుని॒గ్ం॒ సర్వా᳚న్-ధ్వ॒గ్ం॒సాన్ ।
హి॒మో యచ్చ॑ శీ॒యతే᳚ ॥ 42 ॥

సర్వా॒స్తాః ॥ సర్వా॒-న్మరీ॑చీ॒న్॒. విత॑తాన్ । నీ॒హా॒రో యచ్చ॑ శీ॒యతే᳚ । సర్వా॒స్తాః ॥ సర్వా॑ వి॒ద్యుత॒-స్సర్వా᳚న్-థ్స్తనయి॒త్నూన్ । హ్రా॒దునీ॒ ర్యచ్చ॑ శీ॒యతే᳚ । సర్వా॒స్తాః ॥ సర్వా॒-స్స్రవ॑న్తీ-స్స॒రితః॑ ।
సర్వ॑మఫ్సు చ॒రఞ్చ॒ యత్ । సర్వా॒స్తాః ॥ 43 ॥

యాశ్చ॒ కూప్యా॒ యాశ్చ॑ నా॒ద్యా᳚-స్సము॒ద్రియాః᳚ । యాశ్చ॑ వైశ॒న్తీరు॒త ప్రా॑స॒చీర్యాః ।
సర్వా॒స్తాః ॥ యే చో॒త్తిష్ఠ॑న్తి జీ॒మూతాః᳚ ।
యాశ్చ॒ వర్​ష॑న్తి వృ॒ష్టయః॑ । సర్వా॒స్తాః ॥ తప॒స్తేజ॑ ఆకా॒శమ్ । యచ్చా॑కా॒శే ప్రతి॑ష్ఠితమ్ ।
సర్వా॒స్తాః ॥ వా॒యుం-వఀయాగ్ం॑సి॒ సర్వా॑ణి ॥ 44 ॥

అ॒న్త॒రి॒ఖ్ష॒చ॒రఞ్చ॒ యత్ । సర్వా॒స్తాః ॥ అ॒గ్నిగ్ం సూర్య॑-ఞ్చ॒న్ద్రమ్ । మి॒త్రం-వఀరు॑ణ॒-మ్భగ᳚మ్ । సర్వా॒స్తాః ॥ స॒త్యగ్గ్​ శ్ర॒ద్ధా-న్తపో॒ దమ᳚మ్ ।
నామ॑ రూ॒పఞ్చ॑ భూ॒తానా᳚మ్ । సర్వా॒స్తా ఇష్ట॑కాః కృ॒త్వా । ఉప॑ కామ॒దుఘా॑ దధే । తేనర్​షి॑ణా॒ తేన॒ బ్రహ్మ॑ణా ।
తయా॑ దే॒వత॑యా-ఽఙ్గిర॒స్వ-ద్ధ్రు॒వా సీ॑ద ॥ 45 ॥
(ప్ర॒జా-హి॒మో యచ్చ॑ శీ॒యతే॒-సర్వా॒స్తాః-సర్వా॑ణి॒-బ్రహ్మ॒ణైక॑-ఞ్చ) (అ. 7)
(దిశో॒-ఽన్తరి॑ఖ్షమాన్తరి॒ఖ్ష్య॑ ఉదా॒రాను॑దా॒రా-న్ధుని॒-మ్మరీ॑చీన్. వి॒ద్యుతః॒
స్రవ॑న్తీ॒ర్యాశ్చ॒ యే చ॒ తపో॑ వా॒యుమ॒గ్నిగ్ం స॒త్య-మ్పఞ్చ॑దశ)

అనువాకం 8 - వైశ్వసృజచయనమ్
సర్వా॒-న్దివ॒గ్ం॒ సర్వా᳚-న్దే॒వా-న్ది॒వి ।
యచ్చా॒న్త ర్భూ॒త-మ్ప్రతి॑ష్ఠితమ్ ।
సర్వా॒స్తా ఇష్ట॑కాః కృ॒త్వా । ఉప॑ కామ॒దుఘా॑ దధే । తేనర్​షి॑ణా॒ తేన॒ బ్రహ్మ॑ణా ।
తయా॑ దే॒వత॑యా-ఽఙ్గిర॒స్వద-ధ్రు॒వా సీ॑ద ॥ యావ॑తీ॒ స్తార॑కా॒-స్సర్వాః᳚ ।
విత॑తా రోచ॒నే ది॒వి । సర్వా॒స్తాః ॥ ఋచో॒ యజూగ్ం॑షి॒ సామా॑ని ॥ 46 ॥

అ॒థ॒ర్వా॒ఙ్గి॒రస॑శ్చ॒ యే । సర్వా॒స్తాః ॥ ఇ॒తి॒హా॒స॒పు॒రా॒ణఞ్చ॑ ।
స॒ర్ప॒దే॒వ॒జ॒నాశ్చ॒ యే । సర్వా॒స్తాః ॥
యే చ॑ లో॒కా యే చా॑లో॒కాః ।
అ॒న్త ర్భూ॒త-మ్ప్రతి॑ష్ఠితమ్ । సర్వా॒స్తాః ॥
యచ్చ॒ బ్రహ్మ॒ యచ్చా᳚బ్ర॒హ్మ ।
అ॒న్త ర్బ్ర॒హ్మ-న్ప్రతి॑ష్ఠితమ్ ॥ 47 ॥

సర్వా॒స్తాః ॥ అ॒హో॒రా॒త్రాణి॒ సర్వా॑ణి । అ॒ద్ర్ధ॒మా॒సాగ్​శ్చ॒ కేవ॑లాన్ ।
సర్వా॒స్తాః ॥ సర్వా॑నృ॒తూన్-థ్సర్వా᳚-న్మా॒సాన్ । సం॒​వఀ॒థ్స॒రఞ్చ॒ కేవ॑లమ్ ।
సర్వా॒స్తాః ॥ సర్వ॒-మ్భూత॒గ్ం॒ సర్వ॒-మ్భవ్య᳚మ్ । యచ్చా॒తో-ఽధి॑ భవి॒ష్యతి॑ ।
సర్వా॒స్తా ఇష్ట॑కాః కృ॒త్వా ।
ఉప॑ కామ॒దుఘా॑ దధే ।
తేనర్​షి॑ణా॒ తేన॒ బ్రహ్మ॑ణా ।
తయా॑ దే॒వత॑యా-ఽఙ్గిర॒స్వ-ద్ధ్రు॒వా సీ॑ద ॥ 48 ॥
(సామా॑ని - బ్ర॒హ్మ-న్ప్రతి॑ష్ఠితం - కృ॒త్వా త్రీణి॑ చ) (అ. 8)

(దివ॒-న్తార॑కా॒ ఋచ॑ ఇతిహాసపురా॒ణ-ఞ్చ॒ యే చ॒ యచ్చా॑హోరా॒త్రాణ్యృ॒తూ-న్భూత॒-న్నవ॑)

అనువాకం 9 - బ్రహ్మా సదస్యాసీనో వౌశ్వసృజాన్ వ్యాచష్టే
ఋ॒చా-మ్ప్రాచీ॑ మహ॒తీ దిగు॑చ్యతే ।
దఖ్షి॑ణా-మాహు॒ ర్యజు॑షామపా॒రామ్ ।
అథ॑ర్వణా॒-మగ్ంఇ॑రసా-మ్ప్ర॒తీచీ᳚ ।
సామ్నా॒-ముదీ॑చీ మహ॒తీ దిగు॑చ్యతే ॥
ఋ॒గ్భిః పూ᳚ర్వా॒హ్ణే ది॒వి దే॒వ ఈ॑యతే ।
య॒జు॒ర్వే॒దే తి॑ష్ఠతి॒ మద్ధ్యే॒ అహ్నః॑ ।
సా॒మ॒వే॒దే-నా᳚స్తమ॒యే మహీ॑యతే ।
వేదై॒-రశూ᳚న్య-స్త్రి॒భిరే॑తి॒ సూర్యః॑ ॥

ఋ॒గ్భ్యో జా॒తాగ్ం స॑ర్వ॒శో మూర్తి॑-మాహుః ।
సర్వా॒ గతి॑ ర్యాజు॒షీ హై॒వ శశ్వ॑త్ ॥ 49 ॥

సర్వ॒-న్తేజ॑ స్సామరూ॒ప్యగ్ం హ॑ శశ్వత్ । సర్వగ్ం॑ హే॒ద-మ్బ్రహ్మ॑ణా హై॒వ సృ॒ష్టమ్ ॥
ఋ॒గ్భ్యో జా॒తం-వైఀశ్యం॒-వఀర్ణ॑-మాహుః । య॒జు॒ర్వే॒ద-ఙ్ఖ్ష॑త్రి॒యస్యా॑-హు॒ర్యోని᳚మ్ ।
సా॒మ॒వే॒దో బ్రా᳚హ్మ॒ణానా॒-మ్ప్రసూ॑తిః ।
పూర్వే॒ పూర్వే᳚భ్యో॒ వచ॑ ఏ॒త-దూ॑చుః ॥
ఆ॒ద॒ర్॒శ-మ॒గ్ని-ఞ్చి॑న్వా॒నాః ।
పూర్వే॑ విశ్వ॒ సృజో॒-ఽమృతాః᳚ ।
శ॒తం-వఀ ॑ర్​ష సహ॒స్రాణి॑ । దీ॒ఖ్షి॒తా-స్స॒త్ర-మా॑సత ॥ 50 ॥

తప॑ ఆసీ-ద్గృ॒హప॑తిః । బ్రహ్మ॑ బ్ర॒హ్మాభ॑వ-థ్స్వ॒యమ్ । స॒త్యగ్ం హ॒ హో తై॑షా॒మాసీ᳚త్ ।
య-ద్వి॑శ్వ॒సృజ॒ ఆస॑త ॥
అ॒మృత॑-మేభ్య॒ ఉద॑గాయత్ ।
స॒హస్ర॑-మ్పరివథ్స॒రాన్ ।
భూ॒తగ్ం హ॑ ప్రస్తో॒ తైషా॒మాసీ᳚త్ ।
భ॒వి॒ష్య-త్ప్రతి॑ చాహరత్ ॥
ప్రా॒ణో అ॑ద్ధ్వ॒ర్యు-ర॑భవత్ ।
ఇ॒దగ్ం సర్వ॒గ్ం॒ సిషా॑సతామ్ ॥ 51 ॥

అ॒పా॒నో వి॒ద్వా-నా॒వృతః॑ । ప్రతి॒ ప్రాతి॑ష్ఠ-దద్ధ్వ॒రే ॥ ఆ॒ర్త॒వా ఉ॑పగా॒తారః॑ । స॒ద॒స్యా॑ ఋ॒తవో॑-ఽభవన్న్ । అ॒ర్ధ॒మా॒సాశ్చ॒ మాసా᳚శ్చ । చ॒మ॒సా॒-ద్ధ్వ॒ర్య॒వో-ఽభ॑వన్న్ ॥
అశగ్ం॑ స॒-ద్బ్రహ్మ॑ణ॒-స్తేజః॑ ।
అ॒చ్ఛా॒వా॒కో ఽభ॑వ॒-ద్యశః॑ ।
ఋ॒త-మే॑షా-మ్ప్రశా॒స్తా-ఽఽసీ᳚త్ ।
య-ద్వి॑శ్వ॒ సృజ॒ ఆస॑త ॥ 52 ॥

ఊర్గ్-రాజా॑న॒-ముద॑వహత్ । ధ్రు॒వ॒ గో॒ప-స్సహో॑-ఽభవత్ । ఓజో॒-ఽభ్య॑ష్టౌ॒-ద్గ్రావ్.ణ్ణః॑ ।
య-ద్వి॑శ్వ॒ సృజ॒ ఆస॑త ॥
అప॑చితిః పో॒త్రీయా॑-మయజత్ । నే॒ష్ట్రీయా॑-మయజ॒-త్త్విషిః॑ । ఆగ్నీ᳚ద్ధ్రా-ద్వి॒దుషీ॑ స॒త్యమ్ । శ్ర॒ద్ధా హై॒వా య॑జ-థ్స్వ॒యమ్ ॥ ఇరా॒ పత్నీ॑ విశ్వ॒ సృజా᳚మ్ । ఆకూ॑తి-రపినడ్ఢ॒విః ॥ 53 ॥

ఇ॒ద్ధ్మగ్ం హ॒ ఖ్షుచ్ చై᳚భ్య ఉ॒గ్రే । తృ॒ష్ణా చా వ॑హతాము॒భే ॥ వాగే॑షాగ్ం సుబ్రహ్మ॒ణ్యా-ఽఽసీ᳚త్ । ఛ॒న్దో॒ యో॒గాన్. వి॑జాన॒తీ ।
క॒ల్ప॒త॒న్త్రాణి॑ తన్వా॒నా-ఽహః॑ । స॒గ్గ్॒స్థాశ్చ॑ సర్వ॒శః ॥ అ॒హో॒రా॒త్రే ప॑శుపా॒ల్యౌ । ము॒హూ॒ర్తాః ప్రే॒ష్యా॑ అభవన్న్ । మృ॒త్యుస్ తద॑-భవ-ద్ధా॒తా । శ॒మి॒తో గ్రో వి॒శా-మ్పతిః॑ ॥ 54 ॥

వి॒శ్వ॒సృజః॑ ప్రథ॒మా-స్స॒త్ర-మా॑సత । స॒హస్ర॑ సమ॒-మ్ప్రసు॑తేన॒ యన్తః॑ ।
తతో॑ హ జజ్ఞే॒ భువ॑నస్య గో॒పాః । హి॒ర॒ణ్మయ॑-శ్శ॒కుని॒ ర్బ్రహ్మ॒ నామ॑ ॥ యేన॒ సూర్య॒-స్తప॑తి॒ తేజ॑సే॒-ద్ధః । పి॒తా పు॒త్రేణ॑ పితృ॒మాన్. యోని॑యోనౌ । నావే॑దవి-న్మనుతే॒ త-మ్బృ॒హన్త᳚మ్ । స॒ర్వా॒ను॒భు-మా॒త్మానగ్ం॑ సమ్పరా॒యే ॥
ఏ॒ష ని॒త్యో మ॑హి॒మా బ్రా᳚హ్మ॒ణస్య॑ ।
న కర్మ॑ణా వర్ధతే॒ నో కనీ॑యాన్ ॥ 55 ॥

తస్యై॒వాత్మా ప॑ద॒విత్తం-విఀ ॑దిత్వా ।
న కర్మ॑ణా లిప్యతే॒ పాప॑కేన ॥
పఞ్చ॑పఞ్చా॒శత॑-స్త్రి॒వృత॑-స్సం​వఀథ్స॒రాః ।
పఞ్చ॑పఞ్చా॒శతః॑ పఞ్చద॒శాః । పఞ్చ॑పఞ్చా॒శత॑-స్సప్తద॒శాః ।
పఞ్చ॑పఞ్చా॒శత॑ ఏకవి॒గ్ం॒శాః ।
వి॒శ్వ॒సృజాగ్ం॑ స॒హస్ర॑ సం​వఀథ్సరమ్ ॥
ఏ॒తేన॒ వై వి॑శ్వ॒సృజ॑ ఇ॒దం-విఀశ్వ॑-మసృజన్త । య-ద్విశ్వ॒-మసృ॑జన్త । తస్మా᳚-ద్విశ్వ॒సృజః॑ ॥
విశ్వ॑-మేనా॒-నను॒ ప్రజా॑యతే । బ్రహ్మ॑ణ॒-స్సాయు॑జ్యగ్ం సలో॒కతాం᳚-యఀన్తి ।
ఏ॒తాసా॑మే॒వ దే॒వతా॑నా॒గ్ం॒ సాయు॑జ్యమ్ । సా॒ర్​ష్టితాగ్ం॑ సమాన లో॒కతాం᳚-యఀన్తి ।
య ఏ॒త-దు॑ప॒యన్తి॑ । యే చై॑న॒-త్ప్రాహుః॑ ।
యేభ్య॑-శ్చైన॒-త్ప్రాహుః॑ ॥
ఓమ్ ॥ 56 ॥
(శశ్వ॑ - దాసత॒ - సిషా॑సతా॒ - మాస॑త - హ॒విష్ - పతిః॒ - కనీ॑యా॒న్ - తస్మా᳚-ద్విశ్వ॒సృజో॒-ఽష్టౌ చ॑) (అ. 9)

(తుభ్యం॑ - దే॒వేభ్య॒ - స్తప॑సా - దే॒వేభ్యో॒ - బ్రహ్మ॒ వై చతు॑ర్​హోతారో॒ - యచ్చా॒మృత॒గ్ం॒ - సర్వా॒ దిశో॑ ది॒ఖ్షు - సర్వా॒-న్దివ॑ - మృ॒చా-మ్ప్రాచీ॒ నవ॑)

(తుభ్యం॒ - తప॑సా॒ - తా వా ఏ॒తాః పఞ్చ॒ - హిర॑ణ్య-న్దదాతి॒ - సర్వా॒ దిశ॒ - స్తప॑ ఆసీద్గృ॒హప॑తి॒-ష్షట్ప॑ఞ్చా॒శత్)
(తుభ్య॒-మోం)

॥ హరిః॑ ఓమ్ ॥

॥ తైత్తిరీయ యజుర్బ్రాహ్మణే కాఠకే తృతీయ ప్రశ్న-స్సమాప్తః ॥

॥ ఇతి తైత్తిరీయ యజుర్బ్రాహ్మణే కాఠకం సమాప్తమ్ ॥