කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ අෂ්ටමඃ ප්රපාඨකඃ - රාජසූයානුබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - සංසෘපාං හවීංෂි දශ
වරු॑ණස්ය සුෂුවා॒ණස්ය॑ දශ॒ධේන්ද්රි॒යං-වීඁ॒ර්ය॑-ම්පරා॑-ऽපතත් । තථ්ස॒ග්​ම්॒ සෘද්භි॒රනු॒ සම॑සර්පත් । තථ්ස॒ග්​ම්॒ සෘපාග්​ම්॑ සග්​ම් සෘ॒ත්ත්වම් । අ॒ග්නිනා॑ දේ॒වේන॑ ප්රථ॒මේ ऽහ॒න්නනු॒ ප්රායු॑ඞ්ක්ත । සර॑ස්වත්යා වා॒චා ද්වි॒තීයේ᳚ । ස॒වි॒ත්රා ප්ර॑ස॒වේන॑ තෘ॒තීයේ᳚ । පූ॒ෂ්ණා ප॒ශුභි॑ශ්චතු॒ර්ථේ । බෘහ॒ස්පති॑නා॒ බ්රහ්ම॑ණා පඤ්ච॒මේ । ඉන්ද්රේ॑ණ දේ॒වේන॑ ෂ॒ෂ්ඨේ । වරු॑ණේන॒ ස්වයා॑ දේ॒වත॑යා සප්ත॒මේ ॥ 1 ॥

සෝමේ॑න॒ රාජ්ඤා᳚-ऽෂ්ට॒මේ । ත්වෂ්ට්රා॑ රූ॒පේණ॑ නව॒මේ । විෂ්ණු॑නා ය॒ජ්ඤේනා᳚ප්නෝත් । යථ්ස॒ග්​ම්॒ සෘපෝ॒ භව॑න්ති । ඉ॒න්ද්රි॒යමේ॒ව ත-ද්වී॒ර්යං॑-යඁජ॑මාන ආප්නෝති । පූර්වා॑ පූර්වා॒ වේදි॑ර්භවති । ඉ॒න්ද්රි॒යස්ය॑ වී॒ර්ය॑ස්යාව॑රුද්ධ්යෛ । පු॒රස්තා॑-දුප॒සදාග්​ම්॑ සෞ॒ම්යේන॒ ප්රච॑රති । සෝමෝ॒ වෛ රේ॑තෝ॒ධාඃ । රේත॑ ඒ॒ව ත-ද්ද॑ධාති । අ॒න්ත॒රා ත්වා॒ෂ්ට්රේණ॑ । රේත॑ ඒ॒ව හි॒ත-න්ත්වෂ්ටා॑ රූ॒පාණි॒ වික॑රෝති । උ॒පරි॑ෂ්ටා-ද්වෛෂ්ණ॒වේන॑ । ය॒ජ්ඤෝ වෛ විෂ්ණුඃ॑ । ය॒ජ්ඤ ඒ॒වාන්ත॒තඃ ප්රති॑ තිෂ්ඨති ॥ 2 ॥
(ස॒ප්ත॒මේ - ද॑ධාති॒ පඤ්ච॑ ච) (අ. 1)

අනුවාකං 2 - දශපේයඃ
ජා॒මි වා ඒ॒ත-ත්කු॑ර්වන්ති । යථ්ස॒ද්යෝ දී॒ක්ෂය॑න්ති ස॒ද්ය-ස්සෝම॑-ඞ්ක්රී॒ණන්ති॑ । පු॒ණ්ඩ॒රි॒ස්ර॒ජා-ම්ප්රය॑ච්ඡ॒ත්යජා॑මිත්වාය । අඞ්ගි॑රස-ස්සුව॒ර්ගං-ලෝඁ॒කං-යඁන්තඃ॑ । අ॒ඵ්සු දී᳚ක්ෂාත॒පසී॒ ප්රාවේ॑ශයන්න් । ත-ත්පු॒ණ්ඩරී॑ක-මභවත් । ය-ත්පු॑ණ්ඩරිස්ර॒ජා-ම්ප්ර॒යච්ඡ॑ති । සා॒ක්ෂාදේ॒ව දී᳚ක්ෂාත॒පසී॒ අව॑රුන්ධේ । ද॒ශභි॑ර්වථ්සත॒රෛ-ස්සෝම॑-ඞ්ක්රීණාති । දශා᳚ක්ෂරා වි॒රාට් ॥ 3 ॥

අන්නං॑-විඁ॒රාට් । වි॒රාජෛ॒වාන්නාද්ය॒මව॑ රුන්ධේ । මු॒ෂ්ක॒රා භ॑වන්ති සේන්ද්ර॒ත්වාය॑ । ද॒ශ॒පේයෝ॑ භවති । අ॒න්නාද්ය॒ස්යාව॑රුද්ධ්යෛ । ශ॒ත-ම්බ්රා᳚හ්ම॒ණාඃ පි॑බන්ති । ශ॒තායුඃ॒ පුරු॑ෂ-ශ්ශ॒තේන්ද්රි॑යඃ । ආයු॑ෂ්යේ॒වේන්ද්රි॒යේ ප්රති॑ තිෂ්ඨති । ස॒ප්ත॒ද॒ශග්ග්​ ස්තෝ॒ත්ර-ම්භ॑වති । ස॒ප්ත॒ද॒ශඃ ප්ර॒ජාප॑තිඃ ॥ 4 ॥

ප්ර॒ජාප॑තේ॒රාප්ත්යෛ᳚ । ප්රා॒කා॒ශාව॑ද්ධ්ව॒ර්යවේ॑ දදාති । ප්ර॒කා॒ශ-මේ॒වෛන॑-ඞ්ගමයති । ස්රජ॑මු-ද්ගා॒ත්රේ । ව්යේ॑වාස්මෛ॑ වාසයති । රු॒ක්මග්​ම් හෝත්රේ᳚ । ආ॒දි॒ත්යමේ॒වාස්මා॒ උන්න॑යති । අශ්ව॑-ම්ප්රස්තෝතෘප්රතිහ॒ර්තෘභ්යා᳚ම් । ප්රා॒ජා॒පත්යෝ වා අශ්වඃ॑ । ප්ර॒ජාප॑තේ॒රාප්ත්යෛ᳚ ॥ 5 ॥

ද්වාද॑ශ-පෂ්ඨෞ॒හී-ර්බ්ර॒හ්මණේ᳚ । ආයු॑රේ॒වාව॑-රුන්ධේ । ව॒ශා-ම්මෛ᳚ත්රාවරු॒ණාය॑ । රා॒ෂ්ට්රමේ॒ව ව॒ශ්ය॑කඃ । ඍ॒ෂ॒භ-ම්බ්රා᳚හ්මණාච්ඡ॒ග්​ම්॒සිනේ᳚ । රා॒ෂ්ට්ර-මේ॒වේන්ද්රි॑යා॒ව්ය॑කඃ । වාස॑සී නේෂ්ටාපෝ॒තෘභ්යා᳚ම් । ප॒විත්රේ॑ ඒ॒වාස්යෛ॒තේ । ස්ථූරි॑ යවාචි॒ත-ම॑ච්ඡාවා॒කාය॑ । අ॒න්ත॒ත ඒ॒ව වරු॑ණ॒මව॑ යජතේ ॥ 6 ॥

අ॒න॒ඩ්වාහ॑-ම॒ග්නීධේ᳚ । වහ්නි॒ර්වා අ॑න॒ඩ්වාන් । වහ්නි॑ර॒ග්නීත් । වහ්නි॑නෛ॒ව වහ්නි॑ ය॒ජ්ඤස්යාව॑රුන්ධේ । ඉන්ද්ර॑ස්ය සුෂුවා॒ණස්ය॑ ත්රේ॒ධේන්ද්රි॒යං-වීඁ॒ර්ය॑-ම්පරා॑-ऽපතත් । භෘගු॒-ස්තෘතී॑ය-මභවත් । ශ්රා॒ය॒න්තීය॒-න්තෘතී॑යම් । සර॑ස්වතී॒ තෘතී॑යම් । භා॒ර්ග॒වෝ හෝතා॑ භවති । ශ්රා॒ය॒න්තීය॑-ම්බ්රහ්මසා॒ම-ම්භ॑වති । වා॒ර॒ව॒න්තීය॑-මග්නිෂ්ටෝම-සා॒මම් । සා॒ර॒ස්ව॒තීර॒පෝ ගෘ॑හ්ණාති । ඉ॒න්ද්රි॒යස්ය॑ වී॒ර්ය॑ස්යාව॑-රුද්ධ්යෛ । ශ්රා॒ය॒න්තීය॑-ම්බ්රහ්මසා॒ම-ම්භ॑වති । ඉ॒න්ද්රි॒යමේ॒වාස්මි॑න් වී॒ර්ය॒ග්ග්॑ ශ්රයති । වා॒ර॒ව॒න්තීය॑-මග්නිෂ්ටෝම-සා॒මම් । ඉ॒න්ද්රි॒යමේ॒වාස්මි॑න් වී॒ර්යං॑-වාඁරයති ॥ 7 ॥
(වි॒රාට් - ප්ර॒ජාප॑ති॒ - රශ්වඃ॑ ප්ර॒ජාප॑තේ॒රාප්ත්යෛ॑ - යජතේ - බ්රහ්මසා॒ම-ම්භ॑වති ස॒ප්ත ච॑) (අ. 2)

අනුවාකං 3 - දිශාමවේෂ්ටයඃ, පශුබන්ධඃ, සාත්යදූතහවීංෂි ච
ඊ॒ශ්ව॒රෝ වා ඒ॒ෂ දිශෝ-ऽනූ-න්ම॑දිතෝඃ । ය-න්දිශෝ-ऽනු॑ ව්යාස්ථා॒පය॑න්ති । දි॒ශාමවේ᳚ෂ්ටයෝ භවන්ති । දි॒ක්ෂ්වේ॑ව ප්රති॑ තිෂ්ඨ॒ත්යනු॑න්මාදාය । පඤ්ච॑ දේ॒වතා॑ යජති । පඤ්ච॒ දිශඃ॑ । දි॒ක්ෂ්වේ॑ව ප්රති॑ තිෂ්ඨති । හ॒විෂෝ॑ හවිෂ ඉ॒ෂ්ට්වා බා॑ර්​හස්ප॒ත්ය-ම॒භිඝා॑රයති । ය॒ජ॒මා॒න॒දේ॒ව॒ත්යෝ॑ වෛ බෘහ॒ස්පතිඃ॑ । යජ॑මානමේ॒ව තේජ॑සා॒ සම॑ර්ධයති ॥ 8 ॥

ආ॒දි॒ත්යා-ම්ම॒ල්॒ඃආ-ඞ්ග॒ර්භිණී॒මා ල॑භතේ । මා॒රු॒තී-ම්පෘශ්ඤි॑-ම්පෂ්ඨෞ॒හීම් । විශ॑-ඤ්චෛ॒වාස්මෛ॑ රා॒ෂ්ට්ර-ඤ්ච॑ ස॒මීචී॑ දධාති । ආ॒දි॒ත්යයා॒ පූර්ව॑යා॒ ප්රච॑රති । මා॒රු॒ත්යෝත්ත॑රයා । රා॒ෂ්ට්ර ඒ॒ව විශ॒මනු॑බද්ධ්නාති । උ॒ච්චෛරා॑දි॒ත්යායා॒ ආශ්රා॑වයති । උ॒පා॒ග්​ම්॒ශු මා॑රු॒ත්යෛ । තස්මා᳚-ද්රා॒ෂ්ට්රං-විඁශ॒මති॑වදති । ග॒ර්භිණ්යා॑දි॒ත්යා භ॑වති ॥ 9 ॥

ඉ॒න්ද්රි॒යං-වෛඁ ගර්භඃ॑ । රා॒ෂ්ට්ර-මේ॒වේන්ද්රි॑යා॒ව්ය॑කඃ । අ॒ග॒ර්භා මා॑රු॒තී । විඩ්වෛ ම॒රුතඃ॑ । විශ॑මේ॒ව නිරි॑න්ද්රියාමකඃ । දේ॒වා॒සු॒රා-ස්සං​යඁ ॑ත්තා ආසන්න් । තේ දේ॒වා අ॒ශ්විනෝඃ᳚ පූ॒ෂන්-වා॒ච-ස්ස॒ත්යග්​ම් ස॑නි॒න්ධාය॑ । අනෘ॑තේ॒නාසු॑රා-න॒භ්ය॑භවන්න් । තේ᳚-ऽශ්විභ්යා᳚-ම්පූ॒ෂ්ණේ පු॑රෝ॒ඩාශ॒-න්ද්වාද॑ශකපාල॒-න්නිර॑වපන්න් । තතෝ॒ වෛ තේ වා॒ච-ස්ස॒ත්යමවා॑රුන්ධත ॥ 10 ॥

යද॒ශ්විභ්යා᳚-ම්පූ॒ෂ්ණේ පු॑රෝ॒ඩාශ॒-න්ද්වාද॑ශකපාල-න්නි॒ර්වප॑ති । අනෘ॑තේනෛ॒ව භ්රාතෘ॑ව්යා-නභි॒භූය॑ । වා॒ච-ස්ස॒ත්යමව॑රුන්ධේ । සර॑ස්වතේ සත්ය॒වාචේ॑ ච॒රුම් । පූර්ව॑මේ॒වෝදි॒තම් । උත්ත॑රේණා॒භි ගෘ॑ණාති । ස॒වි॒ත්රේ ස॒ත්යප්ර॑සවාය පුරෝ॒ඩාශ॒-න්ද්වාද॑ශකපාල॒-ම්ප්රසූ᳚ත්යෛ । දූ॒තාන්-ප්රහි॑ණෝති । ආ॒විද॑ ඒ॒තා භ॑වන්ති । ආ॒විද॑මේ॒වෛන॑-ඞ්ගමයන්ති । අථෝ॑ දූ॒තේභ්ය॑ ඒ॒ව න ඡි॑ද්යතේ । ති॒සෘ॒ධ॒න්වග්​ම් ශු॑ෂ්කදෘ॒ති-ර්දක්ෂි॑ණා॒ සමෘ॑ද්ධ්යෛ ॥ 11 ॥
(අ॒ර්ධ॒ය॒ති॒ - භ॒ව॒ - ත්ය॒රු॒න්ධ॒ත॒ - ග॒ම॒ය॒න්ති॒ ද්වේ ච॑) (අ. 3)

අනුවාකං 4 - ප්රයුජාං හවීංෂි ද්වාදශ
ආ॒ග්නේ॒ය-ම॒ෂ්ටාක॑පාල॒-න්නිර්ව॑පති । තස්මා॒-ච්ඡිශි॑රේ කුරුපඤ්චා॒ලාඃ ප්රාඤ්චෝ॑ යාන්ති । සෞ॒ම්ය-ඤ්ච॒රුම් । තස්මා᳚-ද්වස॒න්තං-ව්යඁ ॑ව॒සායා॑දයන්ති । සා॒වි॒ත්ර-න්ද්වාද॑ශකපාලම් । තස්මා᳚ත්-පු॒රස්තා॒-ද්යවා॑නාග්​ම් සවි॒ත්රා විරු॑න්ධතේ । බා॒ර්॒හ॒ස්ප॒ත්ය-ඤ්ච॒රුම් । ස॒වි॒ත්රෛව වි॒රුද්ධ්ය॑ । බ්රහ්ම॑ණා॒ යවා॒නාද॑ධතේ । ත්වා॒ෂ්ට්ර-ම॒ෂ්ටාක॑පාලම් ॥ 12 ॥

රූ॒පාණ්යේ॒ව තේන॑ කුර්වතේ । වෛ॒ශ්වා॒න॒ර-න්ද්වාද॑ශකපාලම් । තස්මා᳚ජ්ජඝ॒න්යේ॑ නෛදා॑ඝේ ප්ර॒ත්යඤ්චඃ॑ කුරුපඤ්චා॒ලා යා᳚න්ති । සා॒ර॒ස්ව॒ත-ඤ්ච॒රු-න්නිර්ව॑පති । තස්මා᳚ත්-ප්රා॒වෘෂි॒ සර්වා॒ වාචෝ॑ වදන්ති । පෞ॒ෂ්ණේන॒ ව්යව॑ස්යන්ති । මෛ॒ත්රේණ॑ කෘෂන්තේ । වා॒රු॒ණේන॒ විධෘ॑තා ආසතේ । ක්ෂෛ॒ත්ර॒ප॒ත්යේන॑ පාචයන්තේ । ආ॒දි॒ත්යේනාද॑ධතේ ॥ 13 ॥

මා॒සිමා᳚ස්යේ॒තානි॑ හ॒වීග්​ම්ෂි॑ නි॒රුප්යා॒ණීත්යා॑හුඃ । තේනෛ॒වර්තූන්-ප්රයු॑ඞ්ක්ත॒ ඉති॑ । අථෝ॒ ඛල්වා॑හුඃ । ක-ස්සං॑​වඁථ්ස॒ර-ඤ්ජී॑විෂ්ය॒තීති॑ । ෂඩේ॒ව පූ᳚ර්වේ॒ද්යුර්නි॒රුප්යා॑ණි । ෂඩු॑ත්තරේ॒ද්යුඃ । තේනෛ॒වර්තූන්-ප්රයු॑ඞ්ක්තේ । දක්ෂි॑ණෝ රථවාහනවා॒හඃ පූර්වේ॑ෂා॒-න්දක්ෂි॑ණා । උත්ත॑ර॒ උත්ත॑රේෂාම් । සං॒​වඁ॒ථ්ස॒රස්යෛ॒වාන්තෞ॑ යුනක්ති । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ 14 ॥
(ත්වා॒ෂ්ට්රම॒ෂ්ටාක॑පාලං - දධතේ - යුන॒ක්ත්යේකං॑ ච) (අ. 4)

අනුවාකං 5 - සෞත්රාමණිඃ, පශවඃ, හවීංෂි ච
ඉන්ද්ර॑ස්ය සුෂුවා॒ණස්ය॑ දශ॒ධේන්ද්රි॒යං-වීඁ॒ර්ය॑-ම්පරා॑-ऽපතත් । ස ය-ත්ප්ර॑ථ॒ම-න්නි॒රෂ්ඨී॑වත් । තත්-ක්ව॑ලමභවත් । ය-ද්ද්වි॒තීය᳚ම් । ත-ද්බද॑රම් । යත්-තෘ॒තීය᳚ම් । තත්-ක॒ර්කන්ධු॑ । යන්න॒ස්තඃ । ස සි॒ග්​ම්॒හඃ । යදක්ෂ්යෝඃ᳚ ॥ 15 ॥

ස ශා᳚ර්දූ॒ලඃ । යත්-කර්ණ॑යෝඃ । ස වෘකඃ॑ । ය ඌ॒ර්ධ්වඃ ।
ස සෝමඃ॑ । යා ऽවා॑චී । සා සුරා᳚ । ත්ර॒යා-ස්සක්ත॑වෝ භවන්ති ।
ඉ॒න්ද්රි॒යස්යාව॑-රුද්ධ්යෛ । ත්ර॒යාණි॒ ලෝමා॑නි ॥ 16 ॥

ත්විෂි॑මේ॒වාව॑ රුන්ධේ । ත්රයෝ॒ ග්රහාඃ᳚ । වී॒ර්ය॑මේ॒වාව॑ රුන්ධේ । නාම්නා॑ දශ॒මී । නව॒ වෛ පුරු॑ෂේ ප්රා॒ණාඃ । නාභි॑ර්දශ॒මී । ප්රා॒ණා ඉ॑න්ද්රි॒යං-වීඁ॒ර්ය᳚ම් । ප්රා॒ණානේ॒වේන්ද්රි॒යං-වීඁ॒ර්යං॑-යඁජ॑මාන ආ॒ත්මන්-ධ॑ත්තේ । සීසේ॑න ක්ලී॒බාච්ඡෂ්පා॑ණි ක්රීණාති । න වා ඒ॒තදයෝ॒ න හිර॑ණ්යම් ॥ 17 ॥

ය-ථ්සීස᳚ම් । න ස්ත්රී න පුමාන්॑ । යත්-ක්ලී॒බඃ । න සෝමෝ॒ න සුරා᳚ । ය-ථ්සෞ᳚ත්රාම॒ණී සමෘ॑ද්ධ්යෛ । ස්වා॒ද්වී-න්ත්වා᳚ ස්වා॒දුනේත්යා॑හ । සෝම॑මේ॒වෛනා᳚-ඞ්කරෝති । සෝමෝ᳚-ऽස්ය॒ශ්විභ්යා᳚-ම්පච්යස්ව॒ සර॑ස්වත්යෛ පච්ය॒ස්වේන්ද්රා॑ය සු॒ත්රාම්ණේ॑ පච්ය॒ස්වේත්යා॑හ । ඒ॒තාභ්යෝ॒ හ්යේ॑ෂා දේ॒වතා᳚භ්යඃ॒ පච්ය॑තේ । ති॒ස්ර-ස්සග්​ම්සෘ॑ෂ්ටා වසති ॥ 18 ॥

ති॒ස්රෝ හි රාත්රීඃ᳚ ක්රී॒ත-ස්සෝමෝ॒ වස॑ති । පු॒නාතු॑ තේ පරි॒ස්රුත॒මිති॒ යජු॑ෂා පුනාති॒ ව්යාවෘ॑ත්ත්යෛ । ප॒විත්රේ॑ණ පුනාති । ප॒විත්රේ॑ණ॒ හි සෝම॑-ම්පු॒නන්ති॑ । වාරේ॑ණ॒ ශශ්ව॑තා॒ තනේත්යා॑හ । වාරේ॑ණ॒ හි සෝම॑-ම්පු॒නන්ති॑ ।වා॒යුඃ පූ॒තඃ ප॒විත්රේ॒ණේති॒ නෛතයා॑ පුනීයාත් । ව්යෘ॑ද්ධා॒ හ්යේ॑ෂා । අ॒ති॒ප॒වි॒තස්යෛ॒තයා॑ පුනීයාත් । කු॒විද॒ඞ්ගේ-ත්යනි॑රුක්තයා ප්රාජාප॒ත්යයා॑ ගෘහ්ණාති ॥ 19 ॥

අනි॑රුක්තඃ ප්ර॒ජාප॑තිඃ । ප්ර॒ජාප॑තේ॒රාප්ත්යෛ᳚ । ඒක॑ය॒ර්චා ගෘ॑හ්ණාති । ඒ॒ක॒ධෛව යජ॑මානේ වී॒ර්ය॑-න්දධාති । ආ॒ශ්වි॒න-න්ධූ॒ම්රමා ල॑භතේ । අ॒ශ්විනෞ॒ වෛ දේ॒වානා᳚-ම්භි॒ෂජෞ᳚ । තාභ්යා॑මේ॒වාස්මෛ॑ භේෂ॒ජ-ඞ්ක॑රෝති । සා॒ර॒ස්ව॒ත-ම්මේ॒ෂම් । වාග්වෛ සර॑ස්වතී । වා॒චෛවෛන॑-ම්භිෂජ්යති । ඓ॒න්ද්රමෘ॑ෂ॒භග්​ම් සේ᳚න්ද්ර॒ත්වාය॑ ॥ 20 ॥
(අක්ෂ්යෝ॒--ර් ලෝමා॑නි॒ - හිර॑ණ්යං - ඁවසති - ගෘහ්ණාති - භිෂජ්ය॒ත්යේක॑-ඤ්ච) (අ. 5)

අනුවාකං 6 - සෞත්රාමණිඃ, පශවඃ, හවීංෂි ච
යත්-ත්රි॒ෂු යූපේ᳚ෂ්වා॒-ලභේ॑ත । බ॒හි॒ර්ධා ऽස්මා॑දින්ද්රි॒යං-වීඁර්ය॑-න්දධ්යාත් । භ්රාතෘ॑ව්යමස්මෛ ජනයේත් । ඒ॒ක॒යූ॒ප ආල॑භතේ । ඒ॒ක॒ධෛවාස්මි॑-න්නින්ද්රි॒යං-වීඁ॒ර්ය॑-න්දධාති । නාස්මෛ॒ භ්රාතෘ॑ව්ය-ඤ්ජනයති । නෛතේෂා᳚-ම්පශූ॒නා-ම්පු॑රෝ॒ඩාශා॑ භවන්ති । ග්රහ॑පුරෝඩාශා॒ හ්යේ॑තේ । යු॒වග්​ම් සු॒රාම॑මශ්වි॒නේති॑ සර්වදේව॒ත්යේ॑ යාජ්යානුවා॒ක්යේ॑ භවතඃ । සර්වා॑ ඒ॒ව දේ॒වතාඃ᳚ ප්රීණාති ॥ 21 ॥

බ්රා॒හ්ම॒ණ-ම්පරි॑ක්රීණීයා-දු॒ච්ඡේෂ॑ණස්ය පා॒තාර᳚ම් । බ්රා॒හ්ම॒ණෝ හ්යාහු॑ත්යා උ॒ච්ඡේෂ॑ණස්ය පා॒තා । යදි॑ බ්රාහ්ම॒ණ-න්න වි॒න්දේත් । ව॒ල්මී॒ක॒ව॒පායා॒මව॑ නයේත් । සෛව තතඃ॒ ප්රාය॑ශ්චිත්තිඃ । ය-ද්වෛ සෞ᳚ත්රාම॒ණ්යෛ ව්යෘ॑ද්ධම් । තද॑ස්යෛ॒ සමෘ॑ද්ධම් । නා॒නා॒දේ॒ව॒ත්යාඃ᳚ ප॒ශව॑ශ්ච පුරෝ॒ඩාශා᳚ශ්ච භවන්ති॒ සමෘ॑ද්ධ්යෛ । ඓ॒න්ද්රඃ ප॑ශූ॒නාමු॑ත්ත॒මෝ භ॑වති । ඓ॒න්ද්රඃ පු॑රෝ॒ඩාශා॑නා-ම්ප්රථ॒මඃ ॥ 22 ॥

ඉ॒න්ද්රි॒යේ ඒ॒වාස්මෛ॑ ස॒මීචී॑ දධාති । පු॒රස්තා॑-දනූයා॒ජානා᳚-ම්පුරෝ॒ඩාශෛඃ॒ ප්රච॑රති । ප॒ශවෝ॒ වෛ පු॑රෝ॒ඩාශාඃ᳚ । ප॒ශූනේ॒වාව॑ රුන්ධේ । ඓ॒න්ද්ර-මේකා॑දශකපාල॒-න්නිර්ව॑පති । ඉ॒න්ද්රි॒යමේ॒වාව॑-රුන්ධේ । සා॒වි॒ත්ර-න්ද්වාද॑ශකපාල॒-ම්ප්රසූ᳚ත්යෛ । වා॒රු॒ණ-න්දශ॑කපාලම් । අ॒න්ත॒ත ඒ॒ව වරු॑ණ॒මව॑-යජතේ । වඩ॑බා॒ දක්ෂි॑ණා ॥ 23 ॥

උ॒ත වා ඒ॒ෂා-ऽශ්වග්​ම්॑ සූ॒තේ । උ॒තාශ්ව॑ත॒රම් । උ॒ත සෝම॑ උ॒ත සුරා᳚ । ය-ථ්සෞ᳚ත්රාම॒ණී සමෘ॑ද්ධ්යෛ । බා॒ර්॒හ॒ස්ප॒ත්ය-ම්ප॒ශු-ඤ්ච॑තු॒ර්ථ-ම॑තිපවි॒තස්යාල॑භතේ । බ්රහ්ම॒ වෛ දේ॒වානා॒-ම්බෘහ॒ස්පතිඃ॑ । බ්රහ්ම॑ණෛ॒ව ය॒ජ්ඤස්ය॒ ව්යෘ॑ද්ධ॒මපි॑-වපති । පු॒රෝ॒ඩාශ॑වානේ॒ෂ ප॒ශුර්භ॑වති । න හ්යේ॑තස්ය॒ ග්රහ॑-ඞ්ගෘ॒හ්ණන්ති॑ । සෝම॑ප්රතීකාඃ පිතර-ස්තෘප්ණු॒තේති॑ ශතාතෘ॒ණ්ණායාග්​ම්॑ ස॒මව॑නයති ॥ 24 ॥

ශ॒තායුඃ॒ පුරු॑ෂ-ශ්ශ॒තේන්ද්රි॑යඃ । ආයු॑ෂ්යේ॒වේන්ද්රි॒යේ ප්රති॑තිෂ්ඨති । දක්ෂි॑ණේ॒-ऽග්නෞ ජු॑හෝති । පා॒ප॒ව॒ස්ය॒සස්ය॒ ව්යාවෘ॑ත්ත්යෛ । හිර॑ණ්යමන්ත॒රා ධා॑රයති । පූ॒තාමේ॒වෛනා᳚-ඤ්ජුහෝති । ශ॒තමා॑න-ම්භවති । ශ॒තායුඃ॒ පුරු॑ෂ-ශ්ශ॒තේන්ද්රි॑යඃ । ආයු॑ෂ්යේ॒වේන්ද්රි॒යේ ප්රති॑ තිෂ්ඨති । යත්රෛ॒ව ශ॑තාතෘ॒ණ්ණා-න්ධා॒රය॑ති ॥ 25 ॥

තන්නිද॑ධාති॒ ප්රති॑ෂ්ඨිත්යෛ । පි॒තॄන්. වා ඒ॒තස්යේ᳚න්ද්රි॒යං-වීඁ॒ර්ය॑-ඞ්ගච්ඡති । යග්​ම් සෝමෝ॑-ऽති॒පව॑තේ । පි॒තෘ॒ණාං-යාඁ᳚ජ්යා-නුවා॒ක්යා॑භි॒රුප॑ තිෂ්ඨතේ । යදේ॒වාස්ය॑ පි॒තॄනි॑න්ද්රි॒යං-වීඁ॒ර්ය॑-ඞ්ගච්ඡ॑ති । තදේ॒වාව॑ රුන්ධේ । ති॒සෘභි॒රුප॑ තිෂ්ඨතේ । තෘ॒තීයේ॒ වා ඉ॒තෝ ලෝ॒කේ පි॒තරඃ॑ । තානේ॒ව ප්රී॑ණාති । අථෝ॒ ත්රීණි॒ වෛ ය॒ජ්ඤස්යේ᳚න්ද්රි॒යාණි॑ । අ॒ද්ධ්ව॒ර්යුර්-හෝතා᳚ බ්ර॒හ්මා । ත උප॑තිෂ්ඨන්තේ । යාන්යේ॒ව ය॒ජ්ඤස්යේ᳚න්ද්රි॒යාණි॑ । තෛරේ॒වාස්මෛ॑ භේෂ॒ජ-ඞ්ක॑රෝති ॥ 26 ॥
(ප්ර॒ණා॒ති॒ - ප්ර॒ථ॒මෝ - දක්ෂි॑ණා - ස॒මව॑නයති - ධා॒රය॑ - තීන්ද්රි॒යාණි॑ ච॒ත්වාරි॑ ච) (අ. 6)

අනුවාකං 7 - රාජසූයස්යාග්රේ කර්තව්ය-ම්පවිත්රාඛ්යමග්නිෂ්ටෝමමහඃ
අ॒ග්නි॒ෂ්ටෝ॒මමග්ර॒ ආහ॑රති । ය॒ජ්ඤ॒මු॒ඛං-වාඁ අ॑ග්නිෂ්ටෝ॒මඃ । ය॒ජ්ඤ॒මු॒ඛමේ॒වාරභ්ය॑ ස॒වමාක්ර॑මතේ । අථෛ॒ෂෝ॑-ऽභිෂේච॒නීය॑-ශ්චතුස්ත්රි॒ග්​ම්॒ශප॑වමානෝ භවති । ත්රය॑ස්ත්රිග්​ම්ශ॒ද්වෛ දේ॒වතාඃ᳚ । තා ඒ॒වාප්නෝ॑ති । ප්ර॒ජාප॑ති-ශ්චතුස්ත්රි॒ග්​ම්॒ශඃ । තමේ॒වාප්නෝ॑ති । ස॒ග්​ම්॒ශ॒ර ඒ॒ෂ ස්තෝමා॑නා॒මය॑ථාපූර්වම් । ය-ද්විෂ॑මා॒-ස්ස්තෝමාඃ᳚ ॥ 27 ॥

ඒ॒තාවා॒න්.॒ වෛ ය॒ජ්ඤඃ । යාවා॒න්-පව॑මානාඃ । අ॒න්ත॒-ශ්ශ්ලේෂ॑ණ॒-න්ත්වා අ॒න්යත් । ය-ථ්ස॒මාඃ පව॑මානාඃ । තේනාසග්​ම්॑ශරඃ । තේන॑ යථාපූ॒ර්වම් । ආ॒ත්මනෛ॒-වාග්නි॑ෂ්ටෝ॒මේන॒ර්ධ්නෝති॑ । ආ॒ත්මනා॒ පුණ්යෝ॑ භවති । ප්ර॒ජා වා උ॒ක්ථානි॑ । ප॒ශව॑ උ॒ක්ථානි॑( ) । යදු॒ක්ථ්යෝ॑ භව॒ත්යනු॒ සන්ත॑ත්යෛ ॥ 28 ॥
(ස්තෝමාඃ᳚-ප॒ශව॑ උ॒ක්ථාන්යේක॑-ඤ්ච) (අ. 7)

අනුවාකං 8 - අභිෂේචනීයේ සාමමන්ත්රවිශේෂඃ
උප॑ ත්වා ජා॒මයෝ॒ ගිර॒ ඉති॑ ප්රති॒පද්භ॑වති । වාග්වෛ වා॒යුඃ । වා॒ච ඒ॒වෛෂෝ॑-ऽභිෂේ॒කඃ । සර්වා॑සාමේ॒ව ප්ර॒ජානාග්​ම්॑ සූයතේ । සර්වා॑ ඒන-ම්ප්ර॒ජා රාජේති॑ වදන්ති । ඒ॒තමු॒ ත්ය-න්දශ॒ක්ෂිප॒ ඉත්යා॑හ । ආ॒දි॒ත්යා වෛ ප්ර॒ජාඃ । ප්ර॒ජානා॑මේ॒වෛතේන॑ සූයතේ । යන්ති॒ වා ඒ॒තේ ය॑ජ්ඤමු॒ඛාත් । යේ ස॑ම්භා॒ර්යා॑ අක්රන්න්॑ ॥ 29 ॥

යදාහ॒ පව॑ස්ව වා॒චෝ අ॑ග්රිය॒ ඉති॑ । තේනෛ॒ව ය॑ජ්ඤමු॒ඛා-න්නය॑න්ති । අ॒නු॒ෂ්ටුක්-ප්ර॑ථ॒මා භ॑වති । අ॒නු॒ෂ්ටු-ගු॑ත්ත॒මා । වාග්වා අ॑නු॒ෂ්ටුක් । වා॒චෛව ප්ර॒යන්ති॑ । වා॒චෝද්ය॑න්ති । උද්ව॑තී-ර්භවන්ති । උද්ව॒ද්වා අ॑නු॒ෂ්ටුභෝ॑ රූ॒පම් । ආනු॑ෂ්ටුභෝ රාජ॒න්යඃ॑ ॥ 30 ॥

තස්මා॒දුද්ව॑තී-ර්භවන්ති । සෞ॒ර්ය॑නු॒ෂ්ටු-ගු॑ත්ත॒මා භ॑වති । සු॒ව॒ර්ගස්ය॑ ලෝ॒කස්ය॒ සන්ත॑ත්යෛ । යෝ වෛ ස॒වාදේති॑ । නෛනග්​ම්॑ ස॒ව උප॑නමති । ය-ස්සාම॑භ්ය॒ ඒති॑ । පාපී॑යාන්-ථ්සුෂුවා॒ණෝ භ॑වති । ඒ॒තානි॒ ඛලු॒ වෛ සාමා॑නි । යත්පෘ॒ෂ්ඨානි॑ । යත්පෘ॒ෂ්ඨානි॒ භව॑න්ති ॥ 31 ॥

තෛරේ॒ව ස॒වාන්නෛති॑ । යානි॑ දේවරා॒ජානා॒ග්​ම්॒ සාමා॑නි । තෛර॒මුෂ්මි॑න් ඁලෝ॒ක ඍ॑ද්ධ්නෝති । යානි॑ මනුෂ්යරා॒ජානා॒ග්​ම්॒ සාමා॑නි । තෛර॒ස්මින් ඁලෝ॒ක ඍ॑ද්ධ්නෝති । උ॒භයෝ॑රේ॒ව ලෝ॒කයෝර්॑.-ඍද්ධ්නෝති । දේ॒ව॒ලෝ॒කේ ච॑ මනුෂ්යලෝ॒කේ ච॑ । ඒ॒ක॒වි॒ග්​ම්॒ශෝ॑ ऽභිෂේච॒නීය॑-ස්යෝත්ත॒මෝ භ॑වති । ඒ॒ක॒වි॒ග්​ම්॒ශඃ කේ॑ශවප॒නීය॑ස්ය ප්රථ॒මඃ । ස॒ප්ත॒ද॒ශෝ ද॑ශ॒පේයඃ॑ ॥ 32 ॥

විඩ්වා ඒ॑කවි॒ග්​ම්॒ශඃ । රා॒ෂ්ට්රග්​ම් ස॑ප්තද॒ශඃ । විශ॑ ඒ॒වෛත-න්ම॑ද්ධ්ය॒තෝ॑-ऽභිෂි॑ච්යතේ । තස්මා॒ද්වා ඒ॒ෂ වි॒ශා-ම්ප්රි॒යඃ । වි॒ශෝ හි ම॑ද්ධ්ය॒තෝ॑-ऽභිෂි॒ච්යතේ᳚ । යද්වා ඒ॑නම॒දෝ දිශෝ-ऽනු॑ ව්යාස්ථා॒පය॑න්ති । ත-ථ්සු॑ව॒ර්ගං-ලෝඁ॒ක-ම॒භ්යාරෝ॑හති । යදි॒මං-ලෝඁ॒ක-න්න ප්ර॑ත්යව॒රෝහේ᳚ත් । අ॒ති॒ ජ॒නං-වේඁ॒යාත් । උද්වා॑ මාද්යේත් । යදේ॒ෂ ප්ර॑තී॒චීන॑-ස්තෝමෝ॒ භව॑ති । ඉ॒මමේ॒ව තේන॑ ලෝ॒ක-ම්ප්ර॒ත්යව॑රෝහති । අථෝ॑ අ॒ස්මින්නේ॒ව ලෝ॒කේ ප්රති॑ තිෂ්ඨ॒ත්ය-නු॑න්මාදාය ॥ 33 ॥
(අක්ර॑න් - රාජ॒න්යෝ॑ - භව॑න්ති - දශ॒පේයෝ॑ - මාද්යේ॒-ත්ත්රීණි॑ ච) (අ. 8)

අනුවාකං 9 - අභිෂේචනීයවිෂයයෝ රුක්මයෝ-ස්ස්තුතිඃ
ඉ॒යං-වෛඁ ර॑ජ॒තා । අ॒සෞ හරි॑ණී । ය-ද්රු॒ක්මෞ භව॑තඃ । ආ॒භ්යාමේ॒වෛන॑-මුභ॒යතඃ॒ පරි॑ ගෘහ්ණාති । වරු॑ණස්ය॒ වා අ॑භිෂි॒ච්යමා॑න॒ස්යාපඃ॑ । ඉ॒න්ද්රි॒යං-වීඁ॒ර්ය॑-න්නිර॑ඝ්නන්න් । ත-ථ්සු॒වර්ණ॒ග්​ම්॒ හිර॑ණ්ය-මභවත් । ය-ද්රු॒ක්ම-ම॑න්ත॒-ර්දධා॑ති । ඉ॒න්ද්රි॒යස්ය॑ වී॒ර්ය॑ස්යානි॑ර්ඝාතාය । ශ॒තමා॑නෝ භවති ශ॒තක්ෂ॑රඃ । ශ॒තායුඃ॒ පුරු॑ෂ-ශ්ශ॒තේන්ද්රි॑යඃ । ආයු॑ෂ්යේ॒වේන්ද්රි॒යේ ප්රති॑ තිෂ්ඨති । ආයු॒ර්වෛ හිර॑ණ්යම් । ආ॒යු॒ෂ්යා॑ ඒ॒වෛන॑-ම॒භ්යති॑ ක්ෂරන්ති । තේජෝ॒ වෛ හිර॑ණ්යම් । තේ॒ජ॒ස්යා॑ ඒ॒වෛන॑ම॒භ්යති॑ ක්ෂරන්ති । වර්චෝ॒ වෛ හිර॑ණ්යම් । ව॒ර්ච॒ස්යා॑ ඒ॒වෛන॑ම॒භ්යති॑ ක්ෂරන්ති ॥ 34 ॥
(ශ॒තක්ෂ॑රෝ॒-ऽෂ්ටෞ ච॑) (අ. 9)

අනුවාකං 10 - ව්යුෂ්ටිද්විරාත්රං රාජසූයාන්තේ කර්තව්යම්
අප්ර॑තිෂ්ඨිතෝ॒ වා ඒ॒ෂ ඉත්යා॑හුඃ । යෝ රා॑ජ॒සූයේ॑න॒ යජ॑ත॒ ඉති॑ । ය॒දා වා ඒ॒ෂ ඒ॒තේන॑ ද්විරා॒ත්රේණ॒ යජ॑තේ । අථ॑ ප්රති॒ෂ්ඨා । අථ॑ සං​වඁථ්ස॒රමා᳚ප්නෝති । යාව॑න්ති සං​වඁථ්ස॒රස්යා॑-හෝරා॒ත්රාණි॑ । තාව॑තීරේ॒තස්ය॑ ස්තෝ॒ත්රීයාඃ᳚ । අ॒හෝ॒රා॒ත්රේෂ්වේ॒ව ප්රති॑ තිෂ්ඨති । අ॒ග්නි॒ෂ්ටෝ॒මඃ පූර්ව॒මහ॑-ර්භවති । අ॒ති॒රා॒ත්ර උත්ත॑රම් ॥ 35 ॥

නානෛ॒වාහෝ॑රා॒ත්රයෝඃ॒ ප්රති॑ තිෂ්ඨති । පෞ॒ර්ණ॒මා॒ස්යා-ම්පූර්ව॒මහ॑-ර්භවති । ව්ය॑ෂ්ටකායා॒-මුත්ත॑රම් । නානෛ॒වාර්ධ॑ මා॒සයෝඃ॒ ප්රති॑තිෂ්ඨති । අ॒මා॒වා॒ස්යා॑යා॒-ම්පූර්ව॒මහ॑-ර්භවති । උද්දෘ॑ෂ්ට॒ උත්ත॑රම් । නානෛ॒ව මාස॑යෝඃ॒ ප්රති॑ තිෂ්ඨති । අථෝ॒ ඛලු॑ । යේ ඒ॒ව ස॑මානප॒ක්ෂේ පු॑ණ්යා॒හේ ස්යාතා᳚ම් । තයෝඃ᳚ කා॒ර්ය॑-ම්ප්රති॑ෂ්ඨිත්යෛ ॥ 36 ॥

අ॒ප॒ශ॒ව්යෝ ද්වි॑රා॒ත්ර ඉත්යා॑හුඃ । ද්වේ හ්යේ॑තේ ඡන්ද॑සී । ගා॒ය॒ත්ර-ඤ්ච॒ ත්රෛෂ්ටු॑භ-ඤ්ච । ජග॑තීම॒න්තර්ය॑න්ති । න තේන॒ ජග॑තී කෘ॒තේත්යා॑හුඃ । යදේ॑නා-න්තෘතීයසව॒නේ කු॒ර්වන්තීති॑ । ය॒දා වා ඒ॒ෂා-ऽහීන॒ස්යාහ॒-ර්භජ॑තේ । සා॒හ්නස්ය॑ වා॒ සව॑නම් । අථෛ॒ව ජග॑තී කෘ॒තා । අථ॑ පශ॒ව්යඃ॑ । ව්යු॑ෂ්ටි॒ර්වා ඒ॒ෂ ද්වි॑රා॒ත්රඃ । ය ඒ॒වං-විඁ॒ද්වා-න්ද්වි॑රා॒ත්රේණ॒ යජ॑තේ । ව්යේ॑වාස්මා॑ උච්ඡති । අථෝ॒ තම॑ ඒ॒වාප॑හතේ । අ॒ග්නි॒ෂ්ටෝ॒ම-ම॑න්ත॒ත ආහ॑රති । අ॒ග්නි-ස්සර්වා॑ දේ॒වතාඃ᳚ । දේ॒වතා᳚ස්වේ॒ව ප්රති॑ තිෂ්ඨති ॥ 37 ॥
(උත්ත॑රං॒ - ප්රති॑ෂ්ඨිත්යෛ - පශ॒ව්ය॑-ස්ස॒ප්ත ච॑) (අ. 10)

(වරු॑ණස්ය - ජා॒ - මීශ්ව॒ර - ආ᳚ග්නේ॒ය - මින්ද්ර॑ස්ය॒ - ය-ත්ත්රි॒ - ෂ්ව॑ග්නිෂ්ටෝ॒ම - මුප॑ ත්වේ॒ - යං-වෛඁ ර॑ජ॒තා - ऽප්ර॑තිෂ්ඨිතෝ॒ දශ॑)

(වරු॑ණස්ය॒ - යද॒ශ්විභ්යාං॒ - ඁය-ත්ත්රි॒ෂු - තස්මා॒දුද්ව॑තී-ස්ස॒ප්තත්රිග්​ම්॑ශත්)

වරු॑ණස්ය॒ - ප්රති॑ තිෂ්ඨති ।

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ අෂ්ටමඃ ප්රපාඨක-ස්සමාප්තඃ ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකං සමාප්තම් ॥