adhyāya 2
vallī 3

ūrdhvamūlō-'vāk‍śākha ēṣō-'śvattha-ssanātanaḥ।
tadēva śukra-ntad brahma tadēvāmṛtamuchyatē।
tasmiṃllōkā-śśritā-ssarvē tadu nātyēti kaśchana। ētadvai tat‌ ॥1॥

yadida-ṅki-ñcha jagatsarva-mprāṇa ējati nissṛtam‌।
mahad bhayaṃ vajramudyataṃ ya ētadviduramṛtāstē bhavanti ॥2॥

bhayādasyāgnistapati bhayāttapati sūryaḥ।
bhayādindraścha vāyuścha mṛtyurdhāvati pañchamaḥ ॥3॥

iha chēdaśakad‌bōddhu-mprāk śarīrasya visrasaḥ।
tata-ssargēṣu lōkēṣu śarīratvāya kalpatē ॥4॥

yathā-''dar​śē tathā-''tmani yathā svapnē tathā pitṛlōkē।
yathā-'psu parīva dadṛśē tathā gandharvalōkē Chāyātapayōriva brahmalōkē ॥5॥

indriyāṇā-mpṛthagbhāvamudayāstamayau cha yat‌।
pṛthagutpadyamānānā-mmatvā dhīrō na śōchati ॥6॥

indriyēbhyaḥ para-mmanō manasa-ssattvamuttamam‌।
sattvādadhi mahānātmā mahatō-'vyaktamuttamam‌ ॥7॥

avyaktāttu paraḥ puruṣō vyāpakō-'liṅga ēva cha।
ya-ñjñātvā muchyatē janturamṛtatva-ñcha gachChati ॥8॥

na sandṛśē tiṣṭhati rūpamasya na chakṣuṣā paśyati kaśchanainam‌।
hṛdā manīṣā manasā-'bhiklṛptō ya ētadviduramṛtāstē bhavanti ॥9॥

yadā pañchāvatiṣṭhantē jñānāni manasā saha।
buddhiścha na vichēṣṭatē tāmāhuḥ paramā-ṅgatim‌ ॥10॥

tāṃ yōgamiti manyantē sthirāmindriyadhāraṇām‌।
apramattastadā bhavati yōgō hi prabhavāpyayau ॥11॥

naiva vāchā na manasā prāptuṃ śakyō na chakṣuṣā।
astīti bruvatō-'nyatra katha-ntadupalabhyatē ॥12॥

astītyēvōpalabdhavyastattvabhāvēna chōbhayōḥ।
astītyēvōpalabdhasya tattvabhāvaḥ prasīdati ॥13॥

yadā sarvē pramuchyantē kāmā yē-'sya hṛdi śritāḥ।
atha martyō-'mṛtō bhavatyatra brahma samaśnutē ॥14॥

yathā sarvē prabhidyantē hṛdayasyēha granthayaḥ।
atha martyō-'mṛtō bhavatyētāvaddhyanuśāsanam‌ ॥15॥

śata-ñchaikā cha hṛdayasya nāḍyastāsā-mmūrdhānamabhinissṛtaikā।
tayōrdhvamāyannamṛtatvamēti viśvaṅṅanyā utkramaṇē bhavanti ॥16॥

aṅguṣṭhamātraḥ puruṣō-'ntarātmā sadā janānāṃ hṛdayē sanniviṣṭaḥ।
taṃ svāchCharīrātpravṛhēnmuñjādivēṣīkā-ndhairyēṇa।
taṃ vidyāchChukramamṛta-ntaṃ vidyāchChukramamṛtamiti ॥17॥

mṛtyuprōktā-nnachikētō-'tha labdhvā vidyāmētāṃ yōgavidhi-ñcha kṛtsnam‌।
brahmaprāptō virajō-'bhūdvimṛtyu ranyō-'pyēvaṃ yō vidadhyātmamēva ॥18॥