কৃষ্ণ যজুর্বেদীয় তৈত্তিরীয় আরণ্যকে দ্বিতীয়ঃ প্রপাঠকঃ - স্বাধ্য়াযব্রাহ্মণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1
সহ॒ বৈ দে॒বানা॒-ঞ্চাসু॑রাণা-ঞ্চ য॒জ্ঞৌ প্রত॑তাবাস্তাং-বঁ॒যগ্গ্​ স্ব॒র্গং-লোঁ॒কমে᳚ষ্য়ামো ব॒যমে᳚ষ্য়াম॒ ইতি॒ তে-ঽসু॑রা-স্স॒ন্নহ্য়॒ সহ॑সৈ॒বাচ॑র-ন্ব্রহ্ম॒চর্য়ে॑ণ॒ তপ॑সৈব দে॒বাস্তে-ঽসু॑রা অমুহ্য়॒গ্গ্॒স্তে ন প্রাজা॑ন॒গ্গ্॒স্তে পরা॑ভব॒ন্তে ন স্ব॒র্গং-লোঁ॒কমা॑য়॒ন্, প্রসৃ॑তেন॒ বৈ য॒জ্ঞেন॑ দে॒বা-স্স্ব॒র্গং-লোঁ॒কমা॑য়॒-ন্ন প্রসৃ॑তে॒নাসু॑রা॒-ন্পরা॑-ঽভাবয়॒ন্ ,প্রসৃ॑তো হ॒ বৈ য॑জ্ঞোপবী॒তিনো॑ য॒জ্ঞো-ঽপ্র॑সৃ॒তো-ঽনু॑পবী॒তিনো॒ যত্কিঞ্চ॑ ব্রাহ্ম॒ণো য॑জ্ঞোপবী॒ত্যধী॑তে॒ যজ॑ত এ॒ব ত-ত্তস্মা᳚-দ্যজ্ঞোপবী॒ত্য়ে॑বাধী॑য়ীত যা॒জয়ে॒-দ্যজে॑ত বা য॒জ্ঞস্য়॒ প্রসৃ॑ত্য়া॒ , অজি॑নং॒-বাঁসো॑ বা দক্ষিণ॒ত উ॑প॒বীয়॒ দক্ষি॑ণ-ম্বা॒হুমুদ্ধ॑র॒তে-ঽব॑ ধত্তে স॒ব্যমিতি॑ যজ্ঞোপবী॒তমে॒তদে॒ব বিপ॑রীত-ম্প্রাচীনাবী॒তগ্​ম্ সং॒​বীঁত॑-ম্মানু॒ষম্ ॥ 1 ॥

অনুবাকং 2
রক্ষাগ্​ম্॑সি॒ হবা॑ পুরোনুবা॒কে তপো-ঽগ্র॑মতিষ্ঠন্ত॒ তা-ন্প্র॒জাপ॑তি-র্ব॒রেণো॒পাম॑ন্ত্রযত॒ তানি॒ বর॑মবৃণীতাদি॒ত্য়ো নো॒ যোদ্ধা॒ ইতি॒ তা-ন্প্র॒জাপ॑তি-রব্রবী॒-দ্য়োধ॑য়॒দ্ধ্বমিতি॒ তস্মা॒দুত্তি॑ষ্ঠন্ত॒গ্​ম্॒ হবা॒ তানি॒ রক্ষাগ্॑স্য়াদি॒ত্য়ং-য়োঁধ॑যন্তি॒ যাব॑দস্ত॒মন্ব॑গা॒-ত্তানি॑ হ॒ বা এ॒তানি॒ রক্ষাগ্​ম্॑সি গাযত্রি॒য়া ঽভি॑মন্ত্রিতে॒নাম্ভ॑সা শাম্যন্তি॒ তদু॑ হ॒ বা এ॒তে ব্র॑হ্মবা॒দিনঃ॑ পূ॒র্বাভি॑মু॒খা-স্স॒ন্ধ্য়ায়া᳚-ঙ্গাযত্রি॒য়া-ঽভি॑মন্ত্রিতা॒ আপ॑ ঊ॒র্ধ্বং-বিঁক্ষি॑পন্তি॒ তা এ॒তা আপো॑ ব॒জ্রীভূ॒ত্বা তানি॒ রক্ষাগ্​ম্॑সি
ম॒ন্দেহা-ঽরু॑ণে দ্বী॒পে প্রক্ষি॑পন্তি॒ য-ত্প্র॑দক্ষি॒ণ-ম্প্রক্র॑মন্তি॒ তেন॑ পা॒প্মান॒মব॑ ধূন্বন্ত্য়ু॒দ্যন্ত॑মস্তং॒-য়ঁন্ত॑মাদি॒ত্য়-ম॑ভিদ্ধ্য়া॒যন্ কু॒র্ব-ন্ব্রা᳚হ্ম॒ণো বি॒দ্বান্-থ্স॒কল॑-ম্ভ॒দ্রম॑শ্নুতে॒ ঽসাবা॑দি॒ত্য়ো ব্র॒হ্মেতি॒ ব্রহ্মৈ॒ব স-ন্ব্রহ্মা॒প্য়েতি॒ য এ॒বং-বেঁদ॑ ॥ 2 ॥

অনুবাকং 3
য-দ্দে॑বা দেব॒হেড॑নং॒ (দেব॒হেল॑নং॒) দেবা॑সশ্চকৃ॒মা ব॒যম্ ।
আদি॑ত্য়া॒স্তস্মা᳚ন্মা মুঞ্চত॒র্তস্য়॒র্তেন॒ মামি॒ত ॥
দেবা॑ জীবনকা॒ম্য়া য-দ্বা॒চা-ঽনৃ॑তমূদি॒ম ।
তস্মা᳚ন্ন ই॒হ মু॑ঞ্চত॒ বিশ্বে॑ দেবা-স্স॒জোষ॑সঃ ॥
ঋ॒তেন॑ দ্য়াবাপৃথিবী ঋ॒তেন॒ ত্বগ্​ম্ স॑রস্বতি ।
কৃ॒তান্নঃ॑ পা॒হ্য়েন॑সো॒ য-ত্কিঞ্চানৃ॑তমূদি॒ম ॥
ই॒ন্দ্রা॒গ্নী মি॒ত্রাবরু॑ণৌ॒ সোমো॑ ধা॒তা বৃহ॒স্পতিঃ॑ ।
তে নো॑ মুঞ্চ॒ন্ত্বেন॑সো॒ যদ॒ন্যকৃ॑তমারি॒ম ॥
স॒জা॒ত॒শ॒গ্​ম্॒সাদু॒ত জা॑মিশ॒গ্​ম্॒ সাজ্জ্য়ায়॑স॒-শ্শগ্​ম্সা॑দু॒ত বা॒ কনী॑যসঃ ।
অনা॑ধৃষ্ট-ন্দে॒বকৃ॑তং॒-য়ঁদেন॒স্তস্মা॒-ত্ত্বম॒স্মা-ঞ্জা॑তবেদো মুমুগ্ধি ॥
যদ্বা॒চা য-ন্মন॑সা বা॒হুভ্য়া॑-মূ॒রুভ্য়া॑মষ্ঠী॒বদ্ভ্য়া॑ শি॒শ্নৈর্যদনৃ॑ত-ঞ্চকৃ॒মা ব॒যম্ ।
অ॒গ্নির্মা॒ তস্মা॒দেন॑সা॒ গার্​হ॑পত্য়ঃ॒ প্রমু॑ঞ্চতু চকৃ॒ম যানি॑ দুষ্কৃ॒তা ॥
যেন॑ ত্রি॒তো অ॑র্ণ॒বা-ন্নি॑র্ব॒ভূব॒ যেন॒ সূর্য়॒-ন্তম॑সো নির্মু॒মোচ॑ ।
যেনেন্দ্রো॒ বিশ্বা॒ অজ॑হা॒দরা॑তী॒স্তেনা॒হ-ঞ্জ্য়োতি॑ষা॒ জ্য়োতি॑রানশা॒ন আ᳚ক্ষি ॥
য-ত্কুসী॑দ॒মপ্র॑তীত্ত॒-ম্ময়ে॒হ যেন॑ য॒মস্য়॑ নি॒ধিনা॒ চরা॑মি ।
এ॒তত্তদ॑গ্নে অনৃ॒ণো ভ॑বামি॒ জীব॑ন্নে॒ব প্রতি॒ তত্তে॑ দধামি ॥
যন্ময়ি॑ মা॒তা গর্ভে॑ স॒তি । এন॑শ্চ॒কার॒ যত্পি॒তা । অ॒গ্নির্মা॒ তস্মা॒দেন॑সঃ ॥ যদা॑ পি॒পেষ॑ মা॒তর॑-ম্পি॒তর᳚ম্ । পু॒ত্রঃ প্রমু॑দিতো॒ ধযন্ন্॑ । অহিগ্​ম্॑সিতৌ পি॒তরৌ॒ ময়া॒ তত্ । তদ॑গ্নে অনৃ॒ণো ভ॑বামি ॥ যদ॒ন্তরি॑ক্ষ-ম্পৃথি॒বীমু॒ত দ্য়াম্ । যন্মা॒তর॑-ম্পি॒তরং॑-বাঁ জিহিগ্​ম্সি॒ম । অ॒গ্নির্মা॒ তস্মা॒দেন॑সঃ ॥
যদা॒শসা॑ নি॒শসা॒ যত্প॑রা॒শসা᳚ । যদেন॑শ্চ কৃ॒মা নূত॑নং॒-য়ঁত্পু॑রা॒ণম্ । অ॒গ্নির্মা॒ তস্মা॒দেন॑সঃ ॥ অতি॑ক্রামামি দুরি॒তং-য়ঁদেনঃ॑ । জহা॑মি রি॒প্র-ম্প॑র॒মে স॒ধস্থে᳚ । যত্র॒ যন্তি॑ সু॒কৃতো॒ নাপি॑ দু॒ষ্কৃতঃ॑ । তমারো॑হামি সু॒কৃতা॒-ন্নু লো॒কম্ ॥ ত্রি॒তে দে॒বা অ॑মৃজতৈ॒-তদেনঃ॑ । ত্রি॒ত এ॒তন্ম॑নু॒ষ্য়ে॑ষু মামৃজে । ততো॑ মা॒ যদি॒ কিঞ্চি॑দান॒শে । অ॒গ্নির্মা॒ তস্মা॒দেন॑সঃ ॥
দি॒বি জা॒তা অ॒ফ্সু জা॒তাঃ । যা জা॒তা ওষ॑ধীভ্য়ঃ । অথো॒ যা অ॑গ্নি॒জা আপঃ॑ । তা ন॑-শ্শুন্ধন্তু॒ শুন্ধ॑নীঃ ॥ যদাপো॒ নক্ত॑-ন্দুরি॒ত-ঞ্চরা॑ম । যদ্বা॒ দিবা॒ নূত॑নং॒-য়ঁত্পু॑রা॒ণম্ । হির॑ণ্য়-বর্ণা॒স্তত॒ উত্পু॑নীত নঃ ॥ ই॒ম-ম্মে॑ বরুণ শ্রুধী॒ হব॑ম॒দ্য়া চ॑ মৃডয় । ত্বাম॑ব॒স্য়ুরা চ॑কে ॥
তত্ত্বা॑ যামি॒ ব্রহ্ম॑ণা॒ বন্দ॑মান॒-স্তদা শা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒দ্ধ্য়ুরু॑শস॒ মা ন॒ আয়ুঃ॒ প্রমো॑ষীঃ ॥ ত্ব-ন্নো॑ অগ্নে॒ বরু॑ণস্য় বি॒দ্বা-ন্দে॒বস্য়॒ হেডো-ঽব॑ যাসি সীষ্ঠাঃ । যজি॑ষ্ঠো॒ বহ্নি॑ তম॒-শ্শোশু॑চানো॒ বিশ্বা॒ দ্বেষা॑সি॒ প্রমু॑মুগ্ধ্য়॒স্মত্ ॥ স ত্বন্নো॑ অগ্নে-ঽব॒মো ভ॑বো॒তী নেদি॑ষ্ঠো অ॒স্য়া উ॒ষসো॒ ব্য়ু॑ষ্টৌ । অব॑ যক্ষ্ব নো॒ বরু॑ণ॒ ররা॑ণো বী॒হি মৃ॑ডী॒ক সু॒হবো॑ ন এধি ॥ ত্বম॑গ্নে অ॒য়া-ঽসি॑ । অ॒য়া সন্মন॑সা হি॒তঃ । অ॒য়া সনঃঅ॒ব্যমূ॑হিষে । অ॒য়া নো॑ ধেহি ভেষ॒জম্ । ই॒ষ্টো অ॒গ্নিরাহু॑তঃ । স্বাহা॑কৃতঃ পিপর্তু নঃ । স্ব॒গা দে॒বেভ্য়॑ ই॒দ-ন্নমঃ॑ ॥ 3 ॥
(মু॒মু॒গ্ধি॒ স॒প্ত চ॑) (অ. 3)

অনুবাকং 4
যদদী᳚ব্যন্নৃ॒ণম॒হ-ম্ব॒ভূবাদি॑-থ্সন্বা সঞ্জ॒গর॒ জনে᳚ভ্য়ঃ । অ॒গ্নির্মা॒ তস্মা॒দিন্দ্র॑শ্চ সং​বিঁদা॒নৌ প্রমু॑ঞ্চতাম্ ॥ যদ্ধস্তা᳚ভ্য়া-ঞ্চ॒কর॒ কিল্বি॑ষাণ্য়॒ক্ষাণাং᳚-বঁ॒গ্নুমু॑প॒জিঘ্ন॑মানঃ ।
উ॒গ্র॒ম্প॒শ্য়া চ॑ রাষ্ট্র॒ভৃচ্চ॒ তান্য়॑ফ্স॒রসা॒ বনু॑দত্তা-মৃ॒ণানি॑ ॥ উগ্র॑পংশ্য়ে॒ রাষ্ট্র॑ভৃ॒-ত্কিল্বি॑ষাণি॒ যদ॒ক্ষবৃ॑ত্ত॒মনু॑দত্তমে॒তত্ ।
নেন্ন॑ ঋ॒ণানৃ॒ণব॒ ইথ্স॑মানো য॒মস্য়॑ লো॒কে অধি॑ রজ্জু॒রায়॑ ॥ অব॑ তে॒ হেডো॑ বরুণ॒ নমো॑ভি॒রব॑ য॒জ্ঞেভি॑রীমহে হ॒বির্ভিঃ॑ । ক্ষয়॑ন্ন॒স্মভ্য়॑মসুর প্রচেতো॒ রাজ॒ন্নেনাগ্​ম্॑সি শিশ্রথঃ কৃ॒তানি॑ ॥ উদু॑ত্ত॒মং-বঁ॑রুণ॒ পাশ॑ম॒স্মদবা॑-ঽধ॒মং-বিঁম॑দ্ধ্য়॒মগ্গ্​ শ্র॑থায় । অথা॑ ব॒যমা॑দিত্য় ব্র॒তে তবা-ঽনা॑গসো॒ অদি॑তয়ে স্য়াম ॥ ই॒ম-ম্মে॑ বরুণ শ্রুধী॒ হব॑ম॒দ্য়া চ॑ মৃডয় । ত্বাম॑ব॒স্য়ুরা চ॑কে ॥
তত্ত্বা॑ যামি॒ ব্রহ্ম॑ণা॒ বন্দ॑মান॒-স্তদা শা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒দ্ধ্য়ুরু॑শস॒ মা ন॒ আয়ুঃ॒ প্রমো॑ষীঃ ॥ ত্ব-ন্নো॑ অগ্নে॒ বরু॑ণস্য় বি॒দ্বা-ন্দে॒বস্য়॒ হেডো-ঽব॑ যাসি সীষ্ঠাঃ । যজি॑ষ্ঠো॒ বহ্নি॑ তম॒-শ্শোশু॑চানো॒ বিশ্বা॒ দ্বেষা॑সি॒ প্রমু॑মুগ্ধ্য়॒স্মত্ ॥ স ত্বন্নো॑ অগ্নে-ঽব॒মো ভ॑বো॒তী নেদি॑ষ্ঠো অ॒স্য়া উ॒ষসো॒ ব্য়ু॑ষ্টৌ । অব॑ যক্ষ্ব নো॒ বরু॑ণ॒ ররা॑ণো বী॒হি মৃ॑ডী॒ক সু॒হবো॑ ন এধি ॥ সঙ্কু॑সুকো॒ বিকু॑সুকো নির্-ঋ॒থো যশ্চ॑ নিস্ব॒নঃ । তে-ঽ(1॒)স্ম-দ্যক্ষ্ম॒মনা॑গসো দূ॒রা-দ্দূ॒রম॑চীচতম্ ॥ নির্য়॑ক্ষ্মমচীচতে কৃ॒ত্য়া-ন্নির্-ঋ॑তি-ঞ্চ । তেন॒ যো-ঽ(1॒)স্মথ্সমৃ॑চ্ছাতৈ॒ তম॑স্মৈ॒ প্রসু॑বামসি ॥ দু॒শ্শ॒গ্​ম্॒সা॒নু॒শ॒গ্​ম্॒সাভ্য়া᳚-ঙ্ঘ॒ণেনা॑নুঘ॒ণেন॑ চ । তেনা॒ন্য়ো-ঽ(1)॒স্ম-থ্সমৃ॑চ্ছাতৈ॒ তম॑স্মৈ॒ প্রসু॑বামসি ॥
সং​বঁর্চ॑সা॒ পয়॑সা॒ সন্ত॒নূভি॒রগ॑ন্মহি॒ মন॑সা॒ সগ্​ম্ শি॒বেন॑ । ত্বষ্টা॑ নো॒ অত্র॒ বিদ॑ধাতু রা॒য়ো-ঽনু॑মার্​ষ্টু ত॒ন্বো(1॒) য-দ্বিলি॑ষ্টম্ ॥ 4 ॥
(কৃ॒ত্য়া-ন্নির্-ঋ॑তি-ঞ্চ॒ পঞ্চ॑ চ) (অ. 4)

অনুবাকং 5
আয়ু॑ষ্টে বি॒শ্বতো॑ দধদ॒যম॒গ্নির্বরে᳚ণ্য়ঃ ।
পুন॑স্তে প্রা॒ণ আয়া॑তি॒ পরা॒ যক্ষ্মগ্​ম্॑ সুবামি তে ॥
আ॒য়ু॒র্দা অ॑গ্নে হ॒বিষো॑ জুষা॒ণো ঘৃ॒তপ্র॑তীকো ঘৃ॒তয়ো॑নিরেধি । ঘৃ॒ত-ম্পী॒ত্বা মধু॒ চারু॒ গব্য়॑-ম্পি॒তেব॑ পু॒ত্রম॒ভি র॑ক্ষতাদি॒মম্ ॥
ই॒মম॑গ্ন॒ আয়ু॑ষে॒ বর্চ॑সে কৃধি তি॒গ্মমোজো॑ বরুণ॒ সগ্​ম্শি॑শাধি । মা॒তেবা᳚স্মা অদিতে॒ শর্ম॑ যচ্ছ॒ বিশ্বে॑ দেবা॒ জর॑দষ্টি॒-র্যথা-ঽস॑ত্ ॥
অগ্ন॒ আয়ূগ্​ম্॑ষি পবস॒ আসু॒বোর্জ॒মিষ॑-ঞ্চ নঃ ।
আ॒রে বা॑ধস্ব দু॒চ্ছুনা᳚ম্ ॥ অগ্নে॒ পব॑স্ব॒ স্বপা॑ অ॒স্মে বর্চ॑-স্সু॒বীর্য়᳚ম্ । দধ॑-দ্র॒য়ি-ম্ময়ি॒ পোষ᳚ম্ ॥ 5.1অ ॥
অ॒গ্নির্-ঋষিঃ॒ পব॑মানঃ॒ পাঞ্চ॑জন্য়ঃ পু॒রোহি॑তঃ । তমী॑মহে মহাগ॒যম্ ॥ অগ্নে॑ জা॒তা-ন্প্রণু॑দা ন-স্স॒পত্না॒-ন্প্রত্যজা॑তাঞ্জাতবেদো নুদস্ব ।
অ॒স্মে দী॑দিহি সু॒মনা॒ অহে॑ড॒ঞ্ছর্ম॑ন্তে (অহে॑ল॒ঞ্ছর্ম॑ন্তে) স্য়াম ত্রি॒বরূ॑থ উ॒দ্ভৌ ॥
সহ॑সা জা॒তা-ন্প্রণু॑দা ন-স্স॒পত্না॒-ন্প্রত্যজা॑তাঞ্জাতবেদো নুদস্ব । অধি॑ নো ব্রূহি সুমন॒স্যমা॑নো ব॒যগ্গ্​ স্য়া॑ম॒ প্রণু॑দা ন-স্স॒পত্নান্॑ ॥ অগ্নে॒ যো নো॒-ঽভিতো॒ জনো॒ বৃকো॒ বারো॒ জিঘাগ্​ম্॑সতি । তাগ্​স্ত্বং-বৃঁ॑ত্রহঞ্জহি॒ বস্ব॒স্মভ্য়॒মা ভ॑র ॥ অগ্নে॒ যো নো॑-ঽভি॒দাস॑তি সমা॒নো যশ্চ॒ নিষ্ট্য়ঃ॑ । তং-বঁ॒য়গ্​ম্ স॒মিধ॑-ঙ্কৃ॒ত্বা তুভ্য়॑ম॒গ্নে-ঽপি॑দদ্ধ্মসি ॥ 5.1ব্ ॥

যো ন॒-শ্শপা॒দশ॑পতো॒ যশ্চ॑ ন॒-শ্শপ॑ত॒-শ্শপা᳚ত্ ।
উ॒ষাশ্চ॒ তস্মৈ॑ নি॒ম্রুক্চ॒ সর্ব॑-ম্পা॒পগ্​ম্ সমূ॑হতাম্ ॥
যো ন॑-স্স॒পত্নো॒ যো রণো॒ মর্তো॑-ঽভি॒দাস॑তি দেবাঃ ।
ই॒দ্ধ্মস্য়ে॑ব প্র॒ক্ষায়॑তো॒ মা তস্য়োচ্ছে॑ষি॒ কিঞ্চ॒ন ॥ যো মান্দ্বেষ্টি॑ জাতবেদো॒ য-ঞ্চা॒হ-ন্দ্বেষ্মি॒ যশ্চ॒ মাম্ । সর্বা॒গ্॒স্তান॑গ্নে॒ সন্দ॑হ॒ যাগ্​শ্চা॒হ-ন্দ্বেষ্মি॒ যে চ॒ মাম্ ॥ যো অ॒স্মভ্য়॑মরাতী॒য়া-দ্যশ্চ॑ নো॒ দ্বেষ॑তে॒ জনঃ॑ । নিন্দা॒দ্য়ো অ॒স্মা-ন্দিফ্সা᳚চ্চ॒ সর্বা॒গ্॒স্তান্ম॑ষ্ম॒ষা কু॑রু ॥
সগ্​ম্শি॑ত-ম্মে॒ ব্রহ্ম॒ সগ্​ম্শি॑তং-বীঁ॒র্য়াম্ (1॒) বল᳚ম্ । সগ্​ম্শি॑ত-ঙ্ক্ষ॒ত্র-ম্মে॑ জি॒ষ্ণু যস্য়া॒হমস্মি॑ পু॒রোহি॑তঃ ॥
উদে॑ষা-ম্বা॒হূ অ॑তির॒মু-দ্বর্চো॒ অথো॒ বল᳚ম্ ।
ক্ষি॒ণোমি॒ ব্রহ্ম॑ণা॒-ঽমিত্রা॒নুন্ন॑য়ামি॒ স্বাঁ(2) অ॒হম্ ॥ পুন॒র্মনঃ॒ পুন॒রায়ু॑র্ম॒ আগা॒-ত্পুন॒শ্চক্ষুঃ॒ পুন॒-শ্শ্রোত্র॑-ম্ম॒ আগা॒ত্
পুনঃ॑ প্রা॒ণঃ পুন॒রাধী॑ত-ম্ম॒ আগা᳚ত্ ।
বৈ॒শ্বা॒ন॒রো মে-ঽদ॑ব্ধস্তনূ॒পা অব॑বাধতা-ন্দুরি॒তানি॒ বিশ্বা᳚ ॥ 5.1চ্ ॥
(পোষং॑ - দদ্ধ্মসি - পু॒রোহি॑তশ্চ॒ত্বারি॑ চ) (অ. 5)

অনুবাকং 6
বৈ॒শ্বা॒ন॒রায়॒ প্রতি॑বেদয়ামো॒ যদী॑নৃ॒ণগ্​ম্ স॑ঙ্গ॒রো দে॒বতা॑সু । স এ॒তা-ন্পাশা᳚-ন্প্র॒মুচ॒-ন্প্রবে॑দ॒ স নো॑ মুঞ্চাতু দুরি॒তাদব॒দ্য়াত্ ॥
বৈ॒শ্বা॒ন॒রঃ পব॑য়ান্নঃ প॒বিত্রৈ॒র্য়-থ্স॑ঙ্গ॒র-ম॒ভিধাবা᳚ম্য়া॒শাম্ । অনা॑জান॒-ন্মন॑সা॒ যাচ॑মানো॒ যদত্রৈনো॒ অব॒ ত-থ্সু॑বামি ॥
অ॒মী যে সু॒ভগে॑ দি॒বি বি॒চৃতৌ॒ নাম॒ তার॑কে ।
প্রেহামৃত॑স্য় যচ্ছতা-মে॒ত-দ্ব॑দ্ধক॒মোচ॑নম্ ॥
বিজি॑হীর্​ষ্ব লো॒কান্ কৃ॑ধি ব॒ন্ধা-ন্মু॑ঞ্চাসি॒ বদ্ধ॑কম্ । যোনে॑রিব॒ প্রচ্য়ু॑তো॒ গর্ভ॒-স্সর্বা᳚-ন্প॒থো অ॑নুষ্ব ॥
স প্র॑জা॒ন-ন্প্রতি॑গৃভ্ণীত বি॒দ্বা-ন্প্র॒জাপ॑তিঃ প্রথম॒জা ঋ॒তস্য়॑ । অ॒স্মাভি॑র্দ॒ত্ত-ঞ্জ॒রসঃ॑ প॒রস্তা॒দচ্ছি॑ন্ন॒-ন্তন্তু॑মনু॒ সঞ্চ॑রেম ॥ 6.1অ ॥

ত॒ত-ন্তন্তু॒মন্বেকে॒ অনু॒ সঞ্চ॑রন্তি॒ যেষা᳚-ন্দ॒ত্ত-ম্পিত্র্য়॒মায়॑নবত্ । অ॒ব॒ন্ধ্বেকে॒ দদ॑তঃ প্র॒যচ্ছা॒-দ্দাতু॒চ্চে-চ্ছ॒ক্নবা॒গ্​ম্॒ স-স্স্ব॒র্গ এ॑ষাম্ ॥
আর॑ভেথা॒মনু॒ সগ্​ম্র॑ভেথাগ্​ম্ সমা॒ন-ম্পন্থা॑মবথো ঘৃ॒তেন॑ । যদ্বা᳚-ম্পূ॒র্ত-ম্পরি॑বিষ্টং॒-য়ঁদ॒গ্নৌ তস্মৈ॒ গোত্রা॑য়ে॒হ জায়া॑পতী॒ সগ্​ম্র॑ভেথাম্ ॥ যদ॒ন্তরি॑ক্ষ-ম্পৃথি॒বীমু॒ত দ্য়াং-য়ঁন্মা॒তর॑-ম্পি॒তরং॑-বাঁ জিহিগ্​ম্সি॒ম ।
অ॒গ্নির্মা॒ তস্মা॒দেন॑সো॒ গার্​হ॑পত্য়॒ উন্নো॑ নেষ-দ্দুরি॒তা যানি॑ চকৃ॒ম ॥ ভূমি॑র্মা॒তা-ঽদি॑তির্নো জ॒নিত্র॒-ম্ভ্রাতা॒ন্তরি॑ক্ষ-ম॒ভিশ॑স্ত এনঃ ।
দ্য়ৌর্নঃ॑ পি॒তা পি॑তৃ॒য়াচ্ছ-ম্ভ॑বাসি জা॒মি মি॒ত্বা মা বি॑বিথ্সি লো॒কাত্ ॥ যত্র॑ সু॒হার্দ॑-স্সু॒কৃতো॒ মদ॑ন্তে বি॒হায়॒ রোগ॑-ন্ত॒ন্বা(1)॒গ্গ্॒ স্বায়া᳚ম্ ।
অ॒শ্লো॒ণাঙ্গৈ॒রহ্রু॑তা-স্স্ব॒র্গে তত্র॑ পশ্য়েম পি॒তর॑-ঞ্চ পু॒ত্রম্ ॥ যদন্ন॒মদ্ম্যনৃ॑তেন দেবা দা॒স্যন্নদা᳚স্যন্নু॒ত বা॑ করি॒ষ্যন্ন্ ।
য-দ্দে॒বানা॒-ঞ্চক্ষু॒ষ্য়াগো॒ অস্তি॒ যদে॒ব কিঞ্চ॑ প্রতিজগ্রা॒হম॒গ্নির্মা॒ তস্মা॑দনৃ॒ণ-ঙ্কৃ॑ণোতু ॥
যদন্ন॒মদ্মি॑ বহু॒ধা বিরূ॑পং॒-বাঁসো॒ হির॑ণ্যমু॒ত গাম॒জামবি᳚ম্ ।
য-দ্দে॒বানা॒-ঞ্চক্ষু॒ষ্য়াগো॒ অস্তি॒ যদে॒ব কিঞ্চ॑ প্রতিজগ্রা॒হম॒গ্নির্মা॒ তস্মা॑দনৃ॒ণ-ঙ্কৃ॑ণোতু ॥
য॒ন্ময়া॑ মন॑সা বা॒চা॒ কৃ॒ত॒মেনঃ॑ কদা॒চন ।
সর্বস্মা᳚-ন্মেডি॑তো (মেল॑তা) মো॒গ্ধি॒ ত্বগ্​ম্ হি
বেত্থ॑ যথাত॒থম্ ॥ 6.1ব্ ॥
(চ॒রে॒ম॒ - পু॒ত্রগ্​ম্ ষট্চ॑) (অ. 6)

অনুবাকং 7
বাত॑রশনা হ॒ বা ঋষ॑য়-শ্শ্রম॒ণা ঊ॒র্ধ্বম॑ন্থি॒নো ব॑ভূবু॒স্তা-নৃষ॑য়ো॒-ঽর্থ-মা॑য়॒গ্গ্॒স্তে নি॒লায়॑-মচর॒গ্গ্॒স্তে-ঽনু॑প্রবিশুঃ কূশ্মা॒ণ্ডানি॒ তাগ্​-স্তেষ্বন্ব॑বিন্দ-ঞ্ছ্র॒দ্ধয়া॑ চ॒ তপ॑সা চ॒ , তানৃষ॑য়ো-ঽব্রুবন্ ক॒থা নি॒লায়॑-ঞ্চর॒থেতি॒ ত ঋষী॑নব্রুব॒ন্নমো॑ বো-ঽস্তু ভগবন্তো॒-ঽস্মি-ন্ধা᳚ম্নি॒ কেন॑ ব-স্সপর্য়া॒মেতি॒ তানৃষ॑য়ো-ঽব্রুব-ন্প॒বিত্র॑-ন্নো ব্রূত॒ যেনা॑রে॒পস॑-স্স্য়া॒মেতি॒ ত এ॒তানি॑ সূ॒ক্তান্য়॑পশ্য়॒ন্॒. ,
য-দ্দে॑বা দেব॒হেড॑নং॒ (দেব॒হেল॑নং॒) ঁযদদী᳚ব্যন্নৃ॒ণম॒হ-ম্ব॒ভূবায়ু॑ষ্টে বি॒শ্বতো॑
দধ॒দিত্য়ে॒তৈরাজ্য়॑-ঞ্জুহুত বৈশ্বান॒রায়॒ প্রতি॑বেদয়াম॒ ইত্য়ুপ॑তিষ্ঠত॒ যদ॑র্বা॒চীন॒মেনো᳚ ভ্রূণহ॒ত্য়ায়া॒স্তস্মা᳚-ন্মোক্ষ্যদ্ধ্ব॒ ইতি॒ ,ত এ॒তৈর॑জুহবু॒স্তে-ঽরে॒পসো॑-ঽভবন্ কর্মা॒দিষ্বে॒তৈ-র্জু॑হুয়া-ত্পূ॒তো দে॑বলো॒কা-ন্থ্সম॑শ্নুতে ॥ 7 ॥

অনুবাকং 8
কূ॒শ্মা॒ণ্ডৈ-র্জু॑হুয়া॒-দ্য়ো-ঽপূ॑ত ইব॒ মন্য়ে॑ত॒ যথা᳚ স্তে॒নো যথা᳚ ভ্রূণ॒হৈবমে॒ষ ভ॑বতি॒ যো-ঽয়োনৌ॒ রেত॑-স্সি॒ঞ্চতি॒, যদ॑র্বা॒চীন॒মেনো᳚ ভ্রূণহ॒ত্য়ায়া॒স্তস্মা᳚-ন্মুচ্যতে॒ যাব॒দেনো॑ দী॒ক্ষামুপৈ॑তি দীক্ষি॒ত এ॒তৈ-স্স॑ত॒তি জু॑হোতি সং​বঁথ্স॒র-ন্দী᳚ক্ষি॒তো ভ॑বতি সং​বঁথ্স॒রাদে॒বাত্মান॑-ম্পুনীতে॒ মাস॑-ন্দীক্ষি॒তো ভ॑বতি॒ যো মাস॒-স্স সং​বঁথ্স॒র-স্সং॑​বঁথ্স॒রাদে॒বাত্মান॑-ম্পুনীতে॒ চতু॑র্বিগ্​ম্শতি॒গ্​ম্॒ রাত্রী᳚র্দীক্ষি॒তো ভ॑বতি॒ চতু॑র্বিগ্​ম্শতি-রর্ধমা॒সা-স্সং॑​বঁথ্স॒র-স্সং॑​বঁথ্স॒রাদে॒বাত্মান॑-ম্পুনীতে॒ দ্বাদ॑শ॒ রাত্রী᳚র্দীক্ষি॒তো ভ॑বতি॒ দ্বাদ॑শ॒ মাসা᳚-স্সং​বঁথ্স॒র-স্সং॑​বঁথ্স॒রাদে॒বাত্মান॑-ম্পুনীতে॒ ষড্রাত্রী᳚র্দীক্ষি॒তো ভ॑বতি॒ ষড্বা ঋ॒তব॑-স্সং​বঁথ্স॒র-স্সং॑​বঁথ্স॒রাদে॒বাত্মান॑-ম্পুনীতে তি॒স্রো রাত্রী᳚-র্দীক্ষি॒তো ভ॑বতি ত্রি॒পদা॑ গায়॒ত্রী গা॑যত্রি॒য়া এ॒বাত্মান॑-ম্পুনীতে॒ ন মা॒গ্​ম্॒সম॑শ্ঞীয়া॒ন্ন স্ত্রিয়॒মুপে॑য়া॒ন্নোপর্য়া॑সীত॒ জুগু॑ফ্সে॒তানৃ॑তা॒ত্পয়ো᳚ ব্রাহ্ম॒ণস্য়॑ ব্র॒তং-য়ঁ॑বা॒গূ রা॑জ॒ন্য়॑স্য়া॒মিক্ষা॒ বৈশ্য়॒স্য়াথো॑ সৌ॒ম্য়ে-ঽপ্য়॑দ্ধ্ব॒র এ॒তদ্ব্র॒ত-ম্ব্রূ॑য়া॒-দ্যদি॒ মন্য়ে॑-তোপ॒দস্য়া॒মীত্য়ো॑দ॒ন-ন্ধা॒না-স্সক্তূ᳚-ঙ্ঘৃ॒তমিত্যনু॑ব্রতয়েদা॒ত্মনো-ঽনু॑পদাসায় ॥ 8 ॥

অনুবাকং 9
অ॒জান্. হ॒ বৈ পৃশ্ঞীগ্॑স্তপ॒স্যমা॑না॒-ন্ব্রহ্ম॑ স্বয়॒ম্ভ্ব॑ভ্য়ান॑র্​ষ॒ত্ত ঋষ॑য়ো-ঽভব॒-ন্তদৃষী॑ণা-মৃষি॒ত্ব-ন্তা-ন্দে॒বতা॒মুপা॑তিষ্ঠন্ত য॒জ্ঞকা॑মা॒স্ত এ॒ত-ম্ব্র॑হ্ময়॒জ্ঞ-ম॑পশ্য়॒ন্-তমা-ঽহ॑র॒ন্-তেনা॑যজন্ত॒ যদৃ॒চো-ঽদ্ধ্যগী॑ষত॒ তাঃ পয়॑ আহুতয়ো দে॒বানা॑মভব॒ন্॒. য-দ্যজূগ্​ম্॑ষি ঘৃ॒তাহু॑তয়ো॒ য-থ্সামা॑নি॒ সোমা॑হুতয়ো॒ যদথ॑র্বাঙ্গি॒রসো॒ মদ্ধ্বা॑হুতয়ো॒ যদ্ব্রা᳚হ্ম॒ণানী॑তিহা॒সান্-পু॑রা॒ণানি॒ কল্পা॒-ন্গাথা॑ নারাশ॒গ্​ম্॒সীর্মে॑দাহু॒তয়ো॑ দে॒বানা॑-মভব॒ন্তাভিঃ॒, ক্ষুধ॑-ম্পা॒প্মান॒-মপা᳚ঘ্ন॒-ন্নপ॑হতপাপ্মানো দে॒বা-স্স্ব॒র্গং-লোঁ॒কমা॑য়॒-ন্ব্রহ্ম॑ণ॒-স্সায়ু॑জ্য়॒-মৃষ॑য়ো-ঽগচ্ছন্ন্ ॥ 9 ॥

অনুবাকং 10
পঞ্চ॒ বা এ॒তে ম॑হায়॒জ্ঞা-স্স॑ত॒তি প্রতা॑যন্তে সত॒তি সন্তি॑ষ্ঠন্তে দেবয়॒জ্ঞঃ পি॑তৃয়॒জ্ঞো ভূ॑তয়॒জ্ঞো ম॑নুষ্যয়॒জ্ঞো ব্র॑হ্ময়॒জ্ঞ ইতি॒ যদ॒গ্নৌ জু॒হোত্য়॒পি স॒মিধ॒-ন্ত-দ্দে॑বয়॒জ্ঞ-স্সন্তি॑ষ্ঠতে॒ য-ত্পি॒তৃভ্য়॑-স্স্ব॒ধা ক॒রোত্যপ্য়॒পস্ত-ত্পি॑তৃয়॒জ্ঞ-স্সন্তি॑ষ্ঠতে॒য়-দ্ভূ॒তেভ্য়ো॑ ব॒লিগ্​ম্ হর॑তি॒ ত-দ্ভূ॑তয়॒জ্ঞ-স্সন্তি॑ষ্ঠতে॒ যদ্ব্রা᳚হ্ম॒ণেভ্য়ো-ঽন্ন॒-ন্দদা॑তি॒ তন্ম॑নুষ্যয়॒জ্ঞ-স্সন্তি॑ষ্ঠতে॒ যথ্স্বা᳚দ্ধ্য়া॒য়-মধী॑য়ী॒-তৈকা॑মপ্য়ৃ॒চং-য়ঁজুঃ॒-সাম॑ বা॒ তদ্ব্র॑হ্ময়॒জ্ঞ-স্সন্তি॑ষ্ঠতে॒ যদৃ॒চো-ঽধী॑তে॒ পয়॑সঃ॒ কূল্য়া॑ অস্য় পি॒তৄ-ন্থ্স্ব॒ধা অ॒ভিব॑হন্তি॒ য-দ্যজূগ্​ম্॑ষি ঘৃ॒তস্য়॑ কূল্য়া॒ য-থ্সামা॑নি॒ সোম॑ এভ্য়ঃ পবতে॒ যদথ॑র্বাঙ্গি॒রসো॒ মধোঃ᳚ কূল্য়া॒ যদ্ব্রা᳚হ্ম॒ণা-নী॑তিহা॒সান্-পু॑রা॒ণানি॒ কল্পা॒-ন্গাথা॑ নারাশ॒গ্​ম্॒সী-র্মেদ॑সঃ॒ কূল্য়া॑ অস্য় পি॒তৄন্-থ্স্ব॒ধা অ॒ভিব॑হন্তি॒ যদৃ॒চো-ঽধী॑তে॒ পয়॑ আহুতিভিরে॒ব ত-দ্দে॒বাগ্​স্ত॑র্পযতি॒ য-দ্যজূগ্​ম্॑ষি ঘৃ॒তাহু॑তিভি॒র্য়-থ্সামা॑নি॒ সোমা॑হুতিভি॒-র্যদথ॑র্বাঙ্গি॒রসো॒ মদ্ধ্বা॑হুতিভি॒-র্যদ্ব্রা᳚হ্ম॒ণা-নী॑তিহা॒সান্-পু॑রা॒ণানি॒ কল্পা॒-ন্গাথা॑ নারাশ॒গ্​ম্॒সী-র্মে॑দাহু॒তিভি॑রে॒ব ত-দ্দে॒বাগ্​স্ত॑র্পযতি॒ ত এ॑ন-ন্তৃ॒প্তা আয়ু॑ষা॒ তেজ॑সা॒ বর্চ॑সা শ্রি॒য়া যশ॑সা ব্রহ্মবর্চ॒সেনা॒ন্নাদ্য়ে॑ন চ তর্পযন্তি ॥ 10 ॥

অনুবাকং 11
ব্র॒হ্ম॒য়॒জ্ঞেন॑ য॒ক্ষ্যমা॑ণঃ॒ প্রাচ্য়া᳚-ন্দি॒শি গ্রামা॒দছ॑দির্দ॒র্॒শ উদী᳚চ্য়া-ম্প্রাগুদী॒চ্য়াং-বোঁ॒দিত॑ আদি॒ত্য়ে দ॑ক্ষিণ॒ত উ॑প॒বীয়ো॑প॒বিশ্য়॒ হস্তা॑বব॒নিজ্য়॒ ত্রিরাচা॑মে॒দ্দ্বিঃ প॑রি॒মৃজ্য়॑ স॒কৃদু॑প॒স্পৃশ্য়॒ শির॒শ্চক্ষু॑ষী॒ নাসি॑কে॒ শ্রোত্রে॒ হৃদ॑যমা॒লভ্য়॒ য-ত্ত্রিরা॒চাম॑তি॒ তেন॒ ঋচঃ॑ প্রীণাতি॒ যদ্দ্বিঃ প॑রি॒মৃজ॑তি॒ তেন যজূগ্​ম্॑ষি॒ য-থ্স॒কৃদু॑প॒স্পৃশ॑তি॒ তেন॒ সামা॑নি॒ (য়-থ্স॒ব্য়-ম্পা॒ণি পা॒দৌ প্রো॒ক্ষতি॒) যচ্ছির॒শ্চক্ষু॑ষী॒ নাসি॑কে॒ শ্রোত্রে॒ হৃদ॑যমা॒লভ॑তে॒ তেনাথ॑র্বাঙ্গি॒রসো᳚ ব্রাহ্ম॒ণা-নী॑তিহা॒সা-ন্পু॑রা॒ণানি॒ কল্পা॒-ন্গাথা॑ নারাশ॒গ্​ম্॒সীঃ প্রী॑ণাতি॒ দর্ভা॑ণা-ম্ম॒হদু॑প॒স্তীর্য়ো॒পস্থ॑-ঙ্কৃ॒ত্বা প্রাংআসী॑ন-স্স্বাদ্ধ্য়া॒যমধী॑য়ীতা॒পাং-বাঁ এ॒ষ ওষ॑ধীনা॒গ্​ম্॒ রসো॒ য-দ্দ॒র্ভা-স্সর॑সমে॒ব ব্রহ্ম॑ কুরুতে দক্ষিণোত্ত॒রৌ পা॒ণী (পা॒দৌ) কৃ॒ত্বা সপ॒বিত্রা॒বোমিতি॒ প্রতি॑পদ্যত এ॒তদ্বৈ যজু॑স্ত্রয়ীং-বিঁ॒দ্য়া-ম্প্রত্য়ে॒ষা বাগে॒তত্প॑র॒মম॒ক্ষর॒-ন্তদে॒তদৃ॒চা-ঽভ্য়ু॑ক্তমৃ॒চো অ॒ক্ষরে॑ পর॒মে ব্য়ো॑ম॒ন্॒. যস্মি॑-ন্দে॒বা অধি॒ বিশ্বে॑ নিষে॒দুর্যস্তন্ন বেদ॒ কিমৃ॒চা ক॑রিষ্যতি॒ য ইত্তদ্বি॒দুস্ত ই॒মে সমা॑সত॒ ইতি॒ ত্রীনে॒ব প্রায়ু॑ঙ্ক্ত॒ ভূর্ভুব॒স্স্ব॑রিত্য়া॑হৈ॒তদ্বৈ বা॒চ-স্স॒ত্য়ং-য়ঁদে॒ব বা॒চ-স্স॒ত্য়-ন্ত-ত্প্রায়ু॒ঙ্ক্তাথ॑ সাবি॒ত্রী-ঙ্গা॑য়॒ত্রী-ন্ত্রিরন্বা॑হ প॒চ্ছো᳚-ঽর্ধর্চ॑শো-ঽনবা॒নগ্​ম্ স॑বি॒তা শ্রিয়ঃ॑ প্রসবি॒তা শ্রিয়॑মে॒বাপ্নো॒ত্ যথো᳚ প্র॒জ্ঞাত॑য়ৈ॒ব প্র॑তি॒পদা॒ ছন্দাগ্​ম্॑সি॒ প্রতি॑পদ্যতে ॥ 11 ॥

অনুবাকং 12
গ্রামে॒ মন॑সা স্বাদ্ধ্য়া॒যমধী॑য়ীত॒ দিবা॒ নক্তং॑-বেঁ॒তি হ॑ স্মা॒হ শৌ॒চ আ᳚হ্নে॒য় উ॒তার॑ণ্য়ে॒-ঽবল॑ উ॒ত বা॒চোত তিষ্ঠ॑ন্নু॒ত ব্রজ॑ন্নু॒তাসী॑ন উ॒ত শয়া॑নো॒-ঽধীয়ী॑তৈ॒ব স্বা᳚দ্ধ্য়া॒য়-ন্তপ॑স্বী॒ পুণ্য়ো॑ ভবতি॒ য এ॒বং-বিঁ॒দ্বান্-থ্স্বা᳚দ্ধ্য়া॒যমধী॑তে॒ নমো॒ ব্রহ্ম॑ণে॒ নমো॑ অস্ত্ব॒গ্নয়ে॒ নমঃ॑ পৃথি॒ব্য়ৈ নম॒ ওষ॑ধীভ্য়ঃ ।
নমো॑ বা॒চে নমো॑ বা॒চস্পত॑য়ে॒ নমো॒ বিষ্ণ॑বে বৃহ॒তে ক॑রোমি ॥ 12 ॥

অনুবাকং 13
ম॒দ্ধ্যন্দি॑নে প্র॒বল॒মধী॑য়ীতা॒সৌ খলু॒ বাবৈষ আ॑দি॒ত্য়ো যদ্ব্রা᳚হ্ম॒ণস্তস্মা॒ত্তর্​হি॒ তেক্ষ্ণি॑ষ্ঠ-ন্তপতি॒ তদে॒ষা-ঽভ্য়ু॑ক্তা ॥
চি॒ত্র-ন্দে॒বানা॒মুদ॑গা॒দনী॑ক॒-ঞ্চক্ষু॑র্মি॒ত্রস্য়॒ বরু॑ণস্য়া॒গ্নেঃ ।
আ-ঽপ্রা॒ দ্য়াবা॑পৃথি॒বী অ॒ন্তরি॑ক্ষ॒গ্​ম্॒ সূর্য়॑ আ॒ত্মা জগ॑তস্ত॒স্থুষ॒শ্চেতি॒ স বা এ॒ষ য॒জ্ঞ-স্স॒দ্য়ঃ প্রতা॑যতে স॒দ্য়-স্সন্তি॑ষ্ঠতে॒ তস্য়॒ প্রাখ্সা॒যম॑বভৃ॒থো নমো॒ ব্রহ্ম॑ণ॒ ইতি॑ পরিধা॒নীয়া॒-ন্ত্রিরন্বা॑হা॒প উ॑প॒স্পৃশ্য়॑ গৃ॒হানে॑তি॒ ততো॒ যত্কিঞ্চ॒ দদা॑তি॒ সা দক্ষি॑ণা ॥ 13 ॥

অনুবাকং 14
তস্য়॒ বা এ॒তস্য়॑ য॒জ্ঞস্য়॒ মেঘো॑ হবি॒র্ধানং॑-বিঁ॒দ্য়ুদ॒গ্নির্ব॒র্॒ষগ্​ম্ হ॒বি-স্স্ত॑নয়ি॒ত্নু-র্ব॑ষট্কা॒রো যদ॑ব॒স্ফূর্জ॑তি॒ সো-ঽনু॑বষট্কা॒রো বা॒য়ুরা॒ত্মা-ঽমা॑বা॒স্য়া᳚ স্বিষ্ট॒কৃদ্য় এ॒বং-বিঁ॒দ্বান্মে॒ঘে ব॒র্॒ষতি॑ বি॒দ্য়োত॑মানে স্ত॒নয়॑ত্যব॒স্ফূর্জ॑তি॒ পব॑মানে বা॒য়াব॑মাবা॒স্য়া॑য়াগ্​ স্বাদ্ধ্য়া॒যমধী॑তে॒
তপ॑ এ॒ব তত্ত॑প্যতে॒ তপো॑ হি স্বাদ্ধ্য়া॒য় ইত্য়ু॑ত্ত॒ম-ন্নাকগ্​ম্॑ রোহত্য়ুত্ত॒ম-স্স॑মা॒নানা᳚-ম্ভবতি॒ যাব॑ন্তগ্​ম্ হ॒ বা ই॒মাং-বিঁ॒ত্তস্য়॑ পূ॒র্ণা-ন্দদ॑থ্স্ব॒র্গং-লোঁ॒ক-ঞ্জ॑যতি॒ তাব॑ন্তং-লোঁ॒ক-ঞ্জ॑যতি॒ ভূয়াগ্​ম্॑স-ঞ্চাক্ষ॒য়্য়-ঞ্চাপ॑ পুনর্মৃ॒ত্য়ু-ঞ্জ॑যতি॒ ব্রহ্ম॑ণ॒-স্সায়ু॑জ্য়-ঙ্গচ্ছতি ॥ 14 ॥

অনুবাকং 15
তস্য়॒ বা এ॒তস্য়॑ য॒জ্ঞস্য়॒ দ্বাব॑নদ্ধ্য়া॒য়ৌ যদা॒-ঽঽত্মা-ঽশুচি॒-র্য়-দ্দে॒শ-স্সমৃ॑দ্ধির্দৈব॒তানি॒ য এ॒বং-বিঁ॒দ্বা-ন্ম॑হারা॒ত্র উ॒ষস্য়ুদি॑তে॒ ব্রজ॒গ্গ্॒স্তিষ্ঠ॒-ন্নাসী॑ন॒-শ্শয়া॑নো॒-ঽরণ্য়ে᳚ গ্রামে॒ বা যাব॑ত্ত॒রসগ্গ্॑ স্বাদ্ধ্য়া॒যমধী॑তে॒ সর্বা᳚ন্ ঁলো॒কাঞ্জ॑যতি॒ সর্বা᳚ন্ ঁলো॒কান॑নৃ॒ণো-ঽনু॒ সঞ্চ॑রতি॒ তদে॒ষা-ঽভ্য়ু॑ক্তা ॥ অ॒নৃ॒ণা অ॒স্মিন্ন॑নৃ॒ণাঃ পর॑স্মিগ্গ্​স্তৃ॒তীয়ে॑ লো॒কে অ॑নৃ॒ণা-স্স্য়া॑ম । যে দে॑ব॒য়ানা॑ উ॒ত পি॑তৃ॒য়াণা॒-স্সর্বা᳚-ন্প॒থো অ॑নৃ॒ণা আক্ষী॑য়ে॒মেত্য়॒গ্নিং-বৈঁ জা॒ত-ম্পা॒প্মা জ॑গ্রাহ॒ তন্দে॒বা আহু॑তীভিঃ পা॒প্মান॒মপা᳚ঘ্ন॒-ন্নাহু॑তীনাং-য়ঁ॒জ্ঞেন॑ য॒জ্ঞস্য়॒ দক্ষি॑ণাভি॒-র্দক্ষি॑ণানা-ম্ব্রাহ্ম॒ণেন॑ ব্রাহ্ম॒ণস্য়॒ ছন্দো॑ভি॒-শ্ছন্দ॑সাগ্​ স্বাদ্ধ্য়া॒য়েনাপ॑হতপাপ্মা স্বাদ্ধ্য়া॒য়ো॑ দে॒বপ॑বিত্রং॒-বাঁ এ॒তত্তং-য়োঁ-ঽনূ᳚-থ্সৃ॒জত্যভা॑গো বা॒চি ভ॑ব॒ত্যভা॑গো না॒কে তদে॒ষা-ঽভ্য়ু॑ক্তা ॥ যস্তি॒ত্য়াজ॑ সখি॒বিদ॒গ্​ম্॒ সখা॑য়॒-ন্ন তস্য়॑ বা॒চ্যপি॑ ভা॒গো অ॑স্তি । যদীগ্​ম্॑ শৃ॒ণোত্য়॒লকগ্​ম্॑ শৃণোতি॒ ন হি প্র॒বেদ॑ সুকৃ॒তস্য়॒ পন্থা॒মিতি॒ তস্মা᳚-থ্স্বাদ্ধ্য়া॒য়ো-ঽদ্ধ্য়ে॑ত॒ব্য়ো॑ যং-য়ঁ॑-ঙ্ক্র॒তুমধী॑তে॒ তেন॑ তেনাস্য়ে॒ষ্ট-ম্ভ॑বত্য়॒গ্নে-র্বা॒য়ো-রা॑দি॒ত্যস্য়॒ সায়ু॑জ্য়-ঙ্গচ্ছতি॒ তদে॒ষা-ঽভ্য়ু॑ক্তা ॥
যে অ॒র্বাংউ॒ত বা॑ পুরা॒ণে বে॒দং-বিঁ॒দ্বাগ্​ম্স॑ম॒ভিতো॑ বদন্ত্য়াদি॒ত্যমে॒ব তে পরি॑বদন্তি॒ সর্বে॑ অ॒গ্নি-ন্দ্বি॒তীয়॑-ন্তৃ॒তীয়॑-ঞ্চ হ॒গ্​ম্॒সমিতি॒ যাব॑তী॒র্বৈ দে॒বতা॒স্তা-স্সর্বা॑ বেদ॒বিদি॑ ব্রাহ্ম॒ণে ব॑সন্তি॒ তস্মা᳚-দ্ব্রাহ্ম॒ণেভ্য়ো॑ বেদ॒বিদ্ভ্য়ো॑ দি॒বেদি॑বে॒ নম॑স্কুর্য়া॒ন্নাশ্লী॒ল-ঙ্কী᳚র্তয়েদে॒তা এ॒ব দে॒বতাঃ᳚ প্রীণাতি ॥ 15 ॥

অনুবাকং 16
রিচ্য়॑ত ইব॒ বা এ॒ষ প্রেব রি॑চ্যতে॒ যো যা॒জয়॑তি॒ প্রতি॑ বা গৃ॒হ্ণাতি॑ যা॒জয়ি॑ত্বা প্রতিগৃ॒হ্য় বা-ঽন॑শ্ন॒ন্ত্রি-স্স্বা᳚দ্ধ্য়া॒য়ং-বেঁ॒দমধী॑য়ীত ত্রিরা॒ত্রং-বাঁ॑ সাবি॒ত্রী-ঙ্গা॑য়॒ত্রী-ম॒ন্বাতি॑রেচযতি॒ বরো॒ দক্ষি॑ণা॒ বরে॑ণৈ॒ব বরগ্গ্॑ স্পৃণোত্য়া॒ত্মা হি বরঃ॑ ॥ 16 ॥

অনুবাকং 17
দু॒হে হ॒ বা এ॒ষ ছন্দাগ্​ম্॑সি॒ যো যা॒জয়॑তি॒ স যেন॑ যজ্ঞক্র॒তুনা॑ যা॒জয়ে॒-থ্সো-ঽর॑ণ্য়-ম্প॒রেত্য়॑ শুচৌ দে॒শে স্বা᳚দ্ধ্য়া॒য়-মে॒বৈন॒-মধী॑যন্নাসী॒ত তস্য়া॒নশ॑ন-ন্দী॒ক্ষা স্থা॒নমু॑প॒সদ॒ আস॑নগ্​ম্ সু॒ত্য়া বাগ্জু॒হূর্মন॑ উপ॒ভৃদ্ধৃ॒তির্ধ্রু॒বা প্রা॒ণো হ॒বি-স্সামা᳚দ্ধ্ব॒র্য়ু-স্স বা এ॒ষ য॒জ্ঞঃ
প্রা॒ণদ॑ক্ষি॒ণো-ঽন॑ন্তদক্ষিণ॒-স্সমৃ॑দ্ধতরঃ ॥ 17 ॥

অনুবাকং 18
ক॒তি॒ধা-ঽব॑কীর্ণী প্রবি॒শতি॑ চতু॒র্ধেত্য়া॑হু-র্ব্রহ্মবা॒দিনো॑ ম॒রুতঃ॑ প্রা॒ণৈরিন্দ্র॒-ম্বলে॑ন॒ বৃহ॒স্পতি॑-ম্ব্রহ্মবর্চ॒সেনা॒গ্নিমে॒বেত॑রেণ॒ সর্বে॑ণ॒ তস্য়ৈ॒তা-ম্প্রায়॑শ্চিত্তিং-বিঁ॒দাঞ্চ॑কার সুদে॒বঃ কা᳚শ্য়॒পো যো
ব্র॑হ্মচা॒র্য়॑ব॒কিরে॑দমাবা॒স্য়া॑য়া॒গ্​ম্॒ রাত্র্য়া॑ম॒গ্নি-ম্প্র॒ণীয়ো॑পসমা॒ধায়॒ দ্বিরাজ্য়॑স্য়োপ॒ঘাত॑-ঞ্জুহোতি॒ কামাব॑কীর্ণো॒-ঽস্ম্যব॑কীর্ণো-ঽস্মি॒ কাম॒ কামা॑য়॒ স্বাহা॒ কামাভি॑দ্রুগ্ধো॒-ঽস্ম্যভি॑দ্রুগ্ধো-ঽস্মি॒ কাম॒ কামা॑য়॒ স্বাহেত্য়॒মৃতং॒-বাঁ আজ্য়॑ম॒মৃত॑মে॒বাত্ম-ন্ধ॑ত্তে হু॒ত্বা প্রয়॑তাঞ্জ॒লিঃ কবা॑তির্যঙ্ঙ॒গ্নিম॒ভি ম॑ন্ত্রয়েত॒ স-ম্মা॑ সিঞ্চন্তু ম॒রুত॒-স্সমিন্দ্র॒-স্সম্বৃহ॒স্পতিঃ॑ ।
স-ম্মা॒-ঽযম॒গ্নি-স্সি॑ঞ্চ॒ত্বায়ু॑ষা চ॒ বলে॑ন॒ চায়ু॑ষ্মন্ত-ঙ্করোত॒ মেতি॒ প্রতি॑ হাস্মৈ ম॒রুতঃ॑ প্রা॒ণা-ন্দ॑ধতি॒ প্রতীন্দ্রো॒ বল॒-ম্প্রতি॒ বৃহ॒স্পতি॑-র্ব্রহ্মবর্চ॒স-ম্প্রত্য়॒গ্নিরি॒তর॒থ্সর্ব॒গ্​ম্॒ সর্ব॑তনুর্ভূ॒ত্বা সর্ব॒মায়ু॑রেতি॒ ত্রির॒ভিম॑ন্ত্রয়েত॒ ত্রিষ॑ত্য়া॒ হি দে॒বা যো-ঽপূ॑ত ইব॒ মন্য়ে॑ত॒ স ই॒ত্থ-ঞ্জু॑হুয়াদি॒ত্থ-ম॒ভিম॑ন্ত্রয়েত॒ পুনী॑ত এ॒বাত্মান॒-মায়ু॑রে॒বাত্ম-ন্ধ॑ত্তে॒ বরো॒ দক্ষি॑ণা॒ বরে॑ণৈ॒ব বরগ্গ্॑ স্পৃণোত্য়া॒ত্মা হি বরঃ॑ ॥ 18 ॥

অনুবাকং 19
ভূঃ প্রপ॑দ্য়ে॒ ভুবঃ॒ প্রপ॑দ্য়ে॒ স্বঃ॑ প্রপ॑দ্য়ে॒ ভূর্ভুব॒স্স্বঃ॑ প্রপ॑দ্য়ে॒ ব্রহ্ম॒ প্রপ॑দ্য়ে ব্রহ্মকো॒শ-ম্প্রপ॑দ্য়ে॒-ঽমৃত॒-ম্প্রপ॑দ্য়ে-ঽমৃতকো॒শ-ম্প্রপ॑দ্য়ে চতুর্জা॒ল-ম্ব্র॑হ্মকো॒শং-য়ঁ-ম্মৃ॒ত্য়ুর্নাব॒পশ্য়॑তি॒ ত-ম্প্রপ॑দ্য়ে দে॒বা-ন্প্রপ॑দ্য়ে দেবপু॒র-ম্প্রপ॑দ্য়ে॒ পরী॑বৃতো॒ বরী॑বৃতো॒ ব্রহ্ম॑ণা॒ বর্ম॑ণা॒-ঽহ-ন্তেজ॑সা॒ কশ্য়॑পস্য়॒ যস্মৈ॒ নম॒স্তচ্ছিরো॒ ধর্মো॑ মূ॒র্ধান॑-ম্ব্র॒হ্মোত্ত॑রা॒ হনু॑র্য়॒জ্ঞো-ঽধ॑রা॒ বিষ্ণু॒র্॒ হৃদ॑য়গ্​ম্ সং​বঁথ্স॒রঃ প্র॒জন॑নম॒শ্বিনৌ॑ পূর্ব॒পাদা॑ব॒ত্রির্মদ্ধ্য়॑-ম্মি॒ত্রাবরু॑ণা বপর॒পাদা॑ব॒গ্নিঃ পুচ্ছ॑স্য় প্রথ॒ম-ঙ্কাণ্ড॒-ন্তত॒ ইন্দ্র॒স্ততঃ॑ প্র॒জাপ॑তি॒রভ॑য়-ঞ্চতু॒র্থগ্​ম্ স বা এ॒ষ দি॒ব্য়-শ্শা᳚ক্ব॒র-শ্শিশু॑মার॒স্তগ্​ম্ হ॒ য এ॒বং-বেঁদাপ॑ পুনর্মৃ॒ত্য়ু-ঞ্জ॑যতি॒ জয়॑তি স্ব॒র্গং-লোঁ॒ক-ন্নাদ্ধ্বনি॒ প্রমী॑যতে॒ নাফ্সু প্রমী॑যতে॒ নাগ্নৌ প্রমী॑যতে॒ নান॒পত্য়ঃ॑ প্রমী॒যতে॑ ল॒ঘ্বান্নো॑ ভবতি ধ্রু॒বস্ত্বম॑সি ধ্রু॒বস্য় ক্ষি॑তমসি॒ ত্ব-ম্ভূ॒তানা॒মধি॑পতিরসি॒ ত্ব-ম্ভূ॒তানা॒গ্॒ শ্রেষ্ঠো॑-ঽসি॒ ত্বা-ম্ভূ॒তান্য়ুপ॑প॒র্য়াব॑র্তন্তে॒ নম॑স্তে॒ নম॒-স্সর্ব॑-ন্তে॒ নমো॒ নমঃ॑ ॥
[ফাট ভ্হেদম্ - নমো॒ নম॑-শ্শিশুকুমারায়॒ নমঃ॑ ] ॥ 19 ॥

অনুবাকং 20
নমঃ॒ প্রাচ্য়ৈ॑ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নমো দক্ষি॑ণায়ৈ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নমঃ॒ প্রতী᳚চ্য়ৈ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নম॒ উদী᳚চ্য়ৈ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নম॑ ঊ॒র্ধ্বায়ৈ॑ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নমো-ঽধ॑রায়ৈ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নমো॑-ঽবান্ত॒রায়ৈ॑ দি॒শে যাশ্চ॑ দে॒বতা॑ এ॒তস্য়া॒-ম্প্রতি॑বসন্ত্য়ে॒ তাভ্য়॑শ্চ॒ নমো॒ নমো গঙ্গাযমুনয়োর্মদ্ধ্য়ে যে॑ বস॒ন্তি॒ তে মে প্রসন্নাত্মানস্চির-ঞ্জীবিতং-বঁ॑র্ধয়॒ন্তি॒ নমো গঙ্গাযমুনয়োর্মুনি॑ভ্যশ্চ॒ নমো॒ নমো গঙ্গাযমুনয়োর্মুনি॑ভ্যশ্চ॒ নমঃ ॥ 20 ॥

(সহ॒ - রক্ষাগ্​ম্॑সি॒ - য-দ্দে॑বা-স্স॒প্তদ॑শ॒ - যদদী᳚ব্য়॒-ন্পঞ্চ॑দশ॒ - যু॑ষ্টে॒ চতু॑স্ত্রিগ্​ম্শ-দ্- বৈশ্বান॒রায়॒ ষড্বিগ্​ম্॑শতি॒-র্বাত॑রশনা হ - কুশ্মা॒ণ্ডৈ- র॒জান্. হ॒ - পঞ্চ॑ - ব্রহ্ময়॒জ্ঞেন॒ - গ্রামে॑ - ম॒দ্ধ্যন্দি॑নে॒ - তস্য়॒ বৈ মেঘ॒ - স্তস্য়॒ বৈ দ্বৌ - রিচ্য়॑তে - দু॒হে হ॑ - কতি॒ধা-ঽব॑কীর্ণী॒ - ভূ--র্ নমঃ॒ প্রাচ্য়ৈ॑ বিগ্​ম্শ॒তিঃ )

(সহ॑ বৈ - মুনি॑ভ্যশ্চ॒ নমঃ )

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় আরণ্যকে দ্বিতীয়ঃ প্রপাঠক-স্সমাপ্তঃ ॥