കൃഷ്ണ യജുർവേദീയ തൈത്തിരീയ ആരണ്യകേ ദ്വിതീയഃ പ്രപാഠകഃ - സ്വാധ്യായബ്രാഹ്മണം

ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥

അനുവാകം 1
സഹ॒ വൈ ദേ॒വാനാ॒-ഞ്ചാസു॑രാണാ-ഞ്ച യ॒ജ്ഞൌ പ്രത॑താവാസ്താം-വഁ॒യഗ്ഗ്​ സ്വ॒ര്ഗം-ലോഁ॒കമേ᳚ഷ്യാമോ വ॒യമേ᳚ഷ്യാമ॒ ഇതി॒ തേ-ഽസു॑രാ-സ്സ॒ന്നഹ്യ॒ സഹ॑സൈ॒വാച॑ര-ന്ബ്രഹ്മ॒ചര്യേ॑ണ॒ തപ॑സൈവ ദേ॒വാസ്തേ-ഽസു॑രാ അമുഹ്യ॒ഗ്ഗ്॒സ്തേ ന പ്രാജാ॑ന॒ഗ്ഗ്॒സ്തേ പരാ॑ഭവ॒ന്തേ ന സ്വ॒ര്ഗം-ലോഁ॒കമാ॑യ॒ന്, പ്രസൃ॑തേന॒ വൈ യ॒ജ്ഞേന॑ ദേ॒വാ-സ്സ്വ॒ര്ഗം-ലോഁ॒കമാ॑യ॒-ന്ന പ്രസൃ॑തേ॒നാസു॑രാ॒-ന്പരാ॑-ഽഭാവയ॒ന് ,പ്രസൃ॑തോ ഹ॒ വൈ യ॑ജ്ഞോപവീ॒തിനോ॑ യ॒ജ്ഞോ-ഽപ്ര॑സൃ॒തോ-ഽനു॑പവീ॒തിനോ॒ യത്കിഞ്ച॑ ബ്രാഹ്മ॒ണോ യ॑ജ്ഞോപവീ॒ത്യധീ॑തേ॒ യജ॑ത ഏ॒വ ത-ത്തസ്മാ᳚-ദ്യജ്ഞോപവീ॒ത്യേ॑വാധീ॑യീത യാ॒ജയേ॒-ദ്യജേ॑ത വാ യ॒ജ്ഞസ്യ॒ പ്രസൃ॑ത്യാ॒ , അജി॑നം॒-വാഁസോ॑ വാ ദക്ഷിണ॒ത ഉ॑പ॒വീയ॒ ദക്ഷി॑ണ-മ്ബാ॒ഹുമുദ്ധ॑ര॒തേ-ഽവ॑ ധത്തേ സ॒വ്യമിതി॑ യജ്ഞോപവീ॒തമേ॒തദേ॒വ വിപ॑രീത-മ്പ്രാചീനാവീ॒തഗ്​മ് സം॒​വീഁത॑-മ്മാനു॒ഷമ് ॥ 1 ॥

അനുവാകം 2
രക്ഷാഗ്​മ്॑സി॒ ഹവാ॑ പുരോനുവാ॒കേ തപോ-ഽഗ്ര॑മതിഷ്ഠന്ത॒ താ-ന്പ്ര॒ജാപ॑തി-ർവ॒രേണോ॒പാമ॑ന്ത്രയത॒ താനി॒ വര॑മവൃണീതാദി॒ത്യോ നോ॒ യോദ്ധാ॒ ഇതി॒ താ-ന്പ്ര॒ജാപ॑തി-രബ്രവീ॒-ദ്യോധ॑യ॒ദ്ധ്വമിതി॒ തസ്മാ॒ദുത്തി॑ഷ്ഠന്ത॒ഗ്​മ്॒ ഹവാ॒ താനി॒ രക്ഷാഗ്॑സ്യാദി॒ത്യം-യോഁധ॑യന്തി॒ യാവ॑ദസ്ത॒മന്വ॑ഗാ॒-ത്താനി॑ ഹ॒ വാ ഏ॒താനി॒ രക്ഷാഗ്​മ്॑സി ഗായത്രി॒യാ ഽഭി॑മന്ത്രിതേ॒നാമ്ഭ॑സാ ശാമ്യന്തി॒ തദു॑ ഹ॒ വാ ഏ॒തേ ബ്ര॑ഹ്മവാ॒ദിനഃ॑ പൂ॒ർവാഭി॑മു॒ഖാ-സ്സ॒ന്ധ്യായാ᳚-ങ്ഗായത്രി॒യാ-ഽഭി॑മന്ത്രിതാ॒ ആപ॑ ഊ॒ര്ധ്വം-വിഁക്ഷി॑പന്തി॒ താ ഏ॒താ ആപോ॑ വ॒ജ്രീഭൂ॒ത്വാ താനി॒ രക്ഷാഗ്​മ്॑സി
മ॒ന്ദേഹാ-ഽരു॑ണേ ദ്വീ॒പേ പ്രക്ഷി॑പന്തി॒ യ-ത്പ്ര॑ദക്ഷി॒ണ-മ്പ്രക്ര॑മന്തി॒ തേന॑ പാ॒പ്മാന॒മവ॑ ധൂന്വന്ത്യു॒ദ്യന്ത॑മസ്തം॒-യഁന്ത॑മാദി॒ത്യ-മ॑ഭിദ്ധ്യാ॒യന് കു॒ർവ-ന്ബ്രാ᳚ഹ്മ॒ണോ വി॒ദ്വാന്-ഥ്സ॒കല॑-മ്ഭ॒ദ്രമ॑ശ്നുതേ॒ ഽസാവാ॑ദി॒ത്യോ ബ്ര॒ഹ്മേതി॒ ബ്രഹ്മൈ॒വ സ-ന്ബ്രഹ്മാ॒പ്യേതി॒ യ ഏ॒വം-വേഁദ॑ ॥ 2 ॥

അനുവാകം 3
യ-ദ്ദേ॑വാ ദേവ॒ഹേഡ॑നം॒ (ദേവ॒ഹേള॑നം॒) ദേവാ॑സശ്ചകൃ॒മാ വ॒യമ് ।
ആദി॑ത്യാ॒സ്തസ്മാ᳚ന്മാ മുഞ്ചത॒ര്തസ്യ॒ര്തേന॒ മാമി॒ത ॥
ദേവാ॑ ജീവനകാ॒മ്യാ യ-ദ്വാ॒ചാ-ഽനൃ॑തമൂദി॒മ ।
തസ്മാ᳚ന്ന ഇ॒ഹ മു॑ഞ്ചത॒ വിശ്വേ॑ ദേവാ-സ്സ॒ജോഷ॑സഃ ॥
ഋ॒തേന॑ ദ്യാവാപൃഥിവീ ഋ॒തേന॒ ത്വഗ്​മ് സ॑രസ്വതി ।
കൃ॒താന്നഃ॑ പാ॒ഹ്യേന॑സോ॒ യ-ത്കിഞ്ചാനൃ॑തമൂദി॒മ ॥
ഇ॒ന്ദ്രാ॒ഗ്നീ മി॒ത്രാവരു॑ണൌ॒ സോമോ॑ ധാ॒താ ബൃഹ॒സ്പതിഃ॑ ।
തേ നോ॑ മുഞ്ച॒ന്ത്വേന॑സോ॒ യദ॒ന്യകൃ॑തമാരി॒മ ॥
സ॒ജാ॒ത॒ശ॒ഗ്​മ്॒സാദു॒ത ജാ॑മിശ॒ഗ്​മ്॒ സാജ്ജ്യായ॑സ॒-ശ്ശഗ്​മ്സാ॑ദു॒ത വാ॒ കനീ॑യസഃ ।
അനാ॑ധൃഷ്ട-ന്ദേ॒വകൃ॑തം॒-യഁദേന॒സ്തസ്മാ॒-ത്ത്വമ॒സ്മാ-ഞ്ജാ॑തവേദോ മുമുഗ്ധി ॥
യദ്വാ॒ചാ യ-ന്മന॑സാ ബാ॒ഹുഭ്യാ॑-മൂ॒രുഭ്യാ॑മഷ്ഠീ॒വദ്ഭ്യാ॑ ശി॒ശ്നൈര്യദനൃ॑ത-ഞ്ചകൃ॒മാ വ॒യമ് ।
അ॒ഗ്നിര്മാ॒ തസ്മാ॒ദേന॑സാ॒ ഗാര്​ഹ॑പത്യഃ॒ പ്രമു॑ഞ്ചതു ചകൃ॒മ യാനി॑ ദുഷ്കൃ॒താ ॥
യേന॑ ത്രി॒തോ അ॑ര്ണ॒വാ-ന്നി॑ര്ബ॒ഭൂവ॒ യേന॒ സൂര്യ॒-ന്തമ॑സോ നിര്മു॒മോച॑ ।
യേനേന്ദ്രോ॒ വിശ്വാ॒ അജ॑ഹാ॒ദരാ॑തീ॒സ്തേനാ॒ഹ-ഞ്ജ്യോതി॑ഷാ॒ ജ്യോതി॑രാനശാ॒ന ആ᳚ക്ഷി ॥
യ-ത്കുസീ॑ദ॒മപ്ര॑തീത്ത॒-മ്മയേ॒ഹ യേന॑ യ॒മസ്യ॑ നി॒ധിനാ॒ ചരാ॑മി ।
ഏ॒തത്തദ॑ഗ്നേ അനൃ॒ണോ ഭ॑വാമി॒ ജീവ॑ന്നേ॒വ പ്രതി॒ തത്തേ॑ ദധാമി ॥
യന്മയി॑ മാ॒താ ഗര്ഭേ॑ സ॒തി । ഏന॑ശ്ച॒കാര॒ യത്പി॒താ । അ॒ഗ്നിര്മാ॒ തസ്മാ॒ദേന॑സഃ ॥ യദാ॑ പി॒പേഷ॑ മാ॒തര॑-മ്പി॒തര᳚മ് । പു॒ത്രഃ പ്രമു॑ദിതോ॒ ധയന്ന്॑ । അഹിഗ്​മ്॑സിതൌ പി॒തരൌ॒ മയാ॒ തത് । തദ॑ഗ്നേ അനൃ॒ണോ ഭ॑വാമി ॥ യദ॒ന്തരി॑ക്ഷ-മ്പൃഥി॒വീമു॒ത ദ്യാമ് । യന്മാ॒തര॑-മ്പി॒തരം॑-വാഁ ജിഹിഗ്​മ്സി॒മ । അ॒ഗ്നിര്മാ॒ തസ്മാ॒ദേന॑സഃ ॥
യദാ॒ശസാ॑ നി॒ശസാ॒ യത്പ॑രാ॒ശസാ᳚ । യദേന॑ശ്ച കൃ॒മാ നൂത॑നം॒-യഁത്പു॑രാ॒ണമ് । അ॒ഗ്നിര്മാ॒ തസ്മാ॒ദേന॑സഃ ॥ അതി॑ക്രാമാമി ദുരി॒തം-യഁദേനഃ॑ । ജഹാ॑മി രി॒പ്ര-മ്പ॑ര॒മേ സ॒ധസ്ഥേ᳚ । യത്ര॒ യന്തി॑ സു॒കൃതോ॒ നാപി॑ ദു॒ഷ്കൃതഃ॑ । തമാരോ॑ഹാമി സു॒കൃതാ॒-ന്നു ലോ॒കമ് ॥ ത്രി॒തേ ദേ॒വാ അ॑മൃജതൈ॒-തദേനഃ॑ । ത്രി॒ത ഏ॒തന്മ॑നു॒ഷ്യേ॑ഷു മാമൃജേ । തതോ॑ മാ॒ യദി॒ കിഞ്ചി॑ദാന॒ശേ । അ॒ഗ്നിര്മാ॒ തസ്മാ॒ദേന॑സഃ ॥
ദി॒വി ജാ॒താ അ॒ഫ്സു ജാ॒താഃ । യാ ജാ॒താ ഓഷ॑ധീഭ്യഃ । അഥോ॒ യാ അ॑ഗ്നി॒ജാ ആപഃ॑ । താ ന॑-ശ്ശുന്ധന്തു॒ ശുന്ധ॑നീഃ ॥ യദാപോ॒ നക്ത॑-ന്ദുരി॒ത-ഞ്ചരാ॑മ । യദ്വാ॒ ദിവാ॒ നൂത॑നം॒-യഁത്പു॑രാ॒ണമ് । ഹിര॑ണ്യ-വര്ണാ॒സ്തത॒ ഉത്പു॑നീത നഃ ॥ ഇ॒മ-മ്മേ॑ വരുണ ശ്രുധീ॒ ഹവ॑മ॒ദ്യാ ച॑ മൃഡയ । ത്വാമ॑വ॒സ്യുരാ ച॑കേ ॥
തത്ത്വാ॑ യാമി॒ ബ്രഹ്മ॑ണാ॒ വന്ദ॑മാന॒-സ്തദാ ശാ᳚സ്തേ॒ യജ॑മാനോ ഹ॒വിര്ഭിഃ॑ । അഹേ॑ഡമാനോ വരുണേ॒ഹ ബോ॒ദ്ധ്യുരു॑ശസ॒ മാ ന॒ ആയുഃ॒ പ്രമോ॑ഷീഃ ॥ ത്വ-ന്നോ॑ അഗ്നേ॒ വരു॑ണസ്യ വി॒ദ്വാ-ന്ദേ॒വസ്യ॒ ഹേഡോ-ഽവ॑ യാസി സീഷ്ഠാഃ । യജി॑ഷ്ഠോ॒ വഹ്നി॑ തമ॒-ശ്ശോശു॑ചാനോ॒ വിശ്വാ॒ ദ്വേഷാ॑സി॒ പ്രമു॑മുഗ്ധ്യ॒സ്മത് ॥ സ ത്വന്നോ॑ അഗ്നേ-ഽവ॒മോ ഭ॑വോ॒തീ നേദി॑ഷ്ഠോ അ॒സ്യാ ഉ॒ഷസോ॒ വ്യു॑ഷ്ടൌ । അവ॑ യക്ഷ്വ നോ॒ വരു॑ണ॒ രരാ॑ണോ വീ॒ഹി മൃ॑ഡീ॒ക സു॒ഹവോ॑ ന ഏധി ॥ ത്വമ॑ഗ്നേ അ॒യാ-ഽസി॑ । അ॒യാ സന്മന॑സാ ഹി॒തഃ । അ॒യാ സനഃഅ॒വ്യമൂ॑ഹിഷേ । അ॒യാ നോ॑ ധേഹി ഭേഷ॒ജമ് । ഇ॒ഷ്ടോ അ॒ഗ്നിരാഹു॑തഃ । സ്വാഹാ॑കൃതഃ പിപര്തു നഃ । സ്വ॒ഗാ ദേ॒വേഭ്യ॑ ഇ॒ദ-ന്നമഃ॑ ॥ 3 ॥
(മു॒മു॒ഗ്ധി॒ സ॒പ്ത ച॑) (അ. 3)

അനുവാകം 4
യദദീ᳚വ്യന്നൃ॒ണമ॒ഹ-മ്ബ॒ഭൂവാദി॑-ഥ്സന്വാ സഞ്ജ॒ഗര॒ ജനേ᳚ഭ്യഃ । അ॒ഗ്നിര്മാ॒ തസ്മാ॒ദിന്ദ്ര॑ശ്ച സം​വിഁദാ॒നൌ പ്രമു॑ഞ്ചതാമ് ॥ യദ്ധസ്താ᳚ഭ്യാ-ഞ്ച॒കര॒ കില്ബി॑ഷാണ്യ॒ക്ഷാണാം᳚-വഁ॒ഗ്നുമു॑പ॒ജിഘ്ന॑മാനഃ ।
ഉ॒ഗ്ര॒മ്പ॒ശ്യാ ച॑ രാഷ്ട്ര॒ഭൃച്ച॒ താന്യ॑ഫ്സ॒രസാ॒ വനു॑ദത്താ-മൃ॒ണാനി॑ ॥ ഉഗ്ര॑പംശ്യേ॒ രാഷ്ട്ര॑ഭൃ॒-ത്കില്ബി॑ഷാണി॒ യദ॒ക്ഷവൃ॑ത്ത॒മനു॑ദത്തമേ॒തത് ।
നേന്ന॑ ഋ॒ണാനൃ॒ണവ॒ ഇഥ്സ॑മാനോ യ॒മസ്യ॑ ലോ॒കേ അധി॑ രജ്ജു॒രായ॑ ॥ അവ॑ തേ॒ ഹേഡോ॑ വരുണ॒ നമോ॑ഭി॒രവ॑ യ॒ജ്ഞേഭി॑രീമഹേ ഹ॒വിര്ഭിഃ॑ । ക്ഷയ॑ന്ന॒സ്മഭ്യ॑മസുര പ്രചേതോ॒ രാജ॒ന്നേനാഗ്​മ്॑സി ശിശ്രഥഃ കൃ॒താനി॑ ॥ ഉദു॑ത്ത॒മം-വഁ ॑രുണ॒ പാശ॑മ॒സ്മദവാ॑-ഽധ॒മം-വിഁമ॑ദ്ധ്യ॒മഗ്ഗ്​ ശ്ര॑ഥായ । അഥാ॑ വ॒യമാ॑ദിത്യ വ്ര॒തേ തവാ-ഽനാ॑ഗസോ॒ അദി॑തയേ സ്യാമ ॥ ഇ॒മ-മ്മേ॑ വരുണ ശ്രുധീ॒ ഹവ॑മ॒ദ്യാ ച॑ മൃഡയ । ത്വാമ॑വ॒സ്യുരാ ച॑കേ ॥
തത്ത്വാ॑ യാമി॒ ബ്രഹ്മ॑ണാ॒ വന്ദ॑മാന॒-സ്തദാ ശാ᳚സ്തേ॒ യജ॑മാനോ ഹ॒വിര്ഭിഃ॑ । അഹേ॑ഡമാനോ വരുണേ॒ഹ ബോ॒ദ്ധ്യുരു॑ശസ॒ മാ ന॒ ആയുഃ॒ പ്രമോ॑ഷീഃ ॥ ത്വ-ന്നോ॑ അഗ്നേ॒ വരു॑ണസ്യ വി॒ദ്വാ-ന്ദേ॒വസ്യ॒ ഹേഡോ-ഽവ॑ യാസി സീഷ്ഠാഃ । യജി॑ഷ്ഠോ॒ വഹ്നി॑ തമ॒-ശ്ശോശു॑ചാനോ॒ വിശ്വാ॒ ദ്വേഷാ॑സി॒ പ്രമു॑മുഗ്ധ്യ॒സ്മത് ॥ സ ത്വന്നോ॑ അഗ്നേ-ഽവ॒മോ ഭ॑വോ॒തീ നേദി॑ഷ്ഠോ അ॒സ്യാ ഉ॒ഷസോ॒ വ്യു॑ഷ്ടൌ । അവ॑ യക്ഷ്വ നോ॒ വരു॑ണ॒ രരാ॑ണോ വീ॒ഹി മൃ॑ഡീ॒ക സു॒ഹവോ॑ ന ഏധി ॥ സങ്കു॑സുകോ॒ വികു॑സുകോ നിര്-ഋ॒ഥോ യശ്ച॑ നിസ്വ॒നഃ । തേ-ഽ(1॒)സ്മ-ദ്യക്ഷ്മ॒മനാ॑ഗസോ ദൂ॒രാ-ദ്ദൂ॒രമ॑ചീചതമ് ॥ നിര്യ॑ക്ഷ്മമചീചതേ കൃ॒ത്യാ-ന്നിര്-ഋ॑തി-ഞ്ച । തേന॒ യോ-ഽ(1॒)സ്മഥ്സമൃ॑ച്ഛാതൈ॒ തമ॑സ്മൈ॒ പ്രസു॑വാമസി ॥ ദു॒ശ്ശ॒ഗ്​മ്॒സാ॒നു॒ശ॒ഗ്​മ്॒സാഭ്യാ᳚-ങ്ഘ॒ണേനാ॑നുഘ॒ണേന॑ ച । തേനാ॒ന്യോ-ഽ(1)॒സ്മ-ഥ്സമൃ॑ച്ഛാതൈ॒ തമ॑സ്മൈ॒ പ്രസു॑വാമസി ॥
സം​വഁര്ച॑സാ॒ പയ॑സാ॒ സന്ത॒നൂഭി॒രഗ॑ന്മഹി॒ മന॑സാ॒ സഗ്​മ് ശി॒വേന॑ । ത്വഷ്ടാ॑ നോ॒ അത്ര॒ വിദ॑ധാതു രാ॒യോ-ഽനു॑മാര്​ഷ്ടു ത॒ന്വോ(1॒) യ-ദ്വിലി॑ഷ്ടമ് ॥ 4 ॥
(കൃ॒ത്യാ-ന്നിര്-ഋ॑തി-ഞ്ച॒ പഞ്ച॑ ച) (അ. 4)

അനുവാകം 5
ആയു॑ഷ്ടേ വി॒ശ്വതോ॑ ദധദ॒യമ॒ഗ്നിർവരേ᳚ണ്യഃ ।
പുന॑സ്തേ പ്രാ॒ണ ആയാ॑തി॒ പരാ॒ യക്ഷ്മഗ്​മ്॑ സുവാമി തേ ॥
ആ॒യു॒ര്ദാ അ॑ഗ്നേ ഹ॒വിഷോ॑ ജുഷാ॒ണോ ഘൃ॒തപ്ര॑തീകോ ഘൃ॒തയോ॑നിരേധി । ഘൃ॒ത-മ്പീ॒ത്വാ മധു॒ ചാരു॒ ഗവ്യ॑-മ്പി॒തേവ॑ പു॒ത്രമ॒ഭി ര॑ക്ഷതാദി॒മമ് ॥
ഇ॒മമ॑ഗ്ന॒ ആയു॑ഷേ॒ വര്ച॑സേ കൃധി തി॒ഗ്മമോജോ॑ വരുണ॒ സഗ്​മ്ശി॑ശാധി । മാ॒തേവാ᳚സ്മാ അദിതേ॒ ശര്മ॑ യച്ഛ॒ വിശ്വേ॑ ദേവാ॒ ജര॑ദഷ്ടി॒-ര്യഥാ-ഽസ॑ത് ॥
അഗ്ന॒ ആയൂഗ്​മ്॑ഷി പവസ॒ ആസു॒വോര്ജ॒മിഷ॑-ഞ്ച നഃ ।
ആ॒രേ ബാ॑ധസ്വ ദു॒ച്ഛുനാ᳚മ് ॥ അഗ്നേ॒ പവ॑സ്വ॒ സ്വപാ॑ അ॒സ്മേ വര്ച॑-സ്സു॒വീര്യ᳚മ് । ദധ॑-ദ്ര॒യി-മ്മയി॒ പോഷ᳚മ് ॥ 5.1അ ॥
അ॒ഗ്നിര്-ഋഷിഃ॒ പവ॑മാനഃ॒ പാഞ്ച॑ജന്യഃ പു॒രോഹി॑തഃ । തമീ॑മഹേ മഹാഗ॒യമ് ॥ അഗ്നേ॑ ജാ॒താ-ന്പ്രണു॑ദാ ന-സ്സ॒പത്നാ॒-ന്പ്രത്യജാ॑താഞ്ജാതവേദോ നുദസ്വ ।
അ॒സ്മേ ദീ॑ദിഹി സു॒മനാ॒ അഹേ॑ഡ॒ഞ്ഛര്മ॑ന്തേ (അഹേ॑ള॒ഞ്ഛര്മ॑ന്തേ) സ്യാമ ത്രി॒വരൂ॑ഥ ഉ॒ദ്ഭൌ ॥
സഹ॑സാ ജാ॒താ-ന്പ്രണു॑ദാ ന-സ്സ॒പത്നാ॒-ന്പ്രത്യജാ॑താഞ്ജാതവേദോ നുദസ്വ । അധി॑ നോ ബ്രൂഹി സുമന॒സ്യമാ॑നോ വ॒യഗ്ഗ്​ സ്യാ॑മ॒ പ്രണു॑ദാ ന-സ്സ॒പത്നാന്॑ ॥ അഗ്നേ॒ യോ നോ॒-ഽഭിതോ॒ ജനോ॒ വൃകോ॒ വാരോ॒ ജിഘാഗ്​മ്॑സതി । താഗ്​സ്ത്വം-വൃഁ ॑ത്രഹഞ്ജഹി॒ വസ്വ॒സ്മഭ്യ॒മാ ഭ॑ര ॥ അഗ്നേ॒ യോ നോ॑-ഽഭി॒ദാസ॑തി സമാ॒നോ യശ്ച॒ നിഷ്ട്യഃ॑ । തം-വഁ॒യഗ്​മ് സ॒മിധ॑-ങ്കൃ॒ത്വാ തുഭ്യ॑മ॒ഗ്നേ-ഽപി॑ദദ്ധ്മസി ॥ 5.1ബ് ॥

യോ ന॒-ശ്ശപാ॒ദശ॑പതോ॒ യശ്ച॑ ന॒-ശ്ശപ॑ത॒-ശ്ശപാ᳚ത് ।
ഉ॒ഷാശ്ച॒ തസ്മൈ॑ നി॒മ്രുക്ച॒ സർവ॑-മ്പാ॒പഗ്​മ് സമൂ॑ഹതാമ് ॥
യോ ന॑-സ്സ॒പത്നോ॒ യോ രണോ॒ മര്തോ॑-ഽഭി॒ദാസ॑തി ദേവാഃ ।
ഇ॒ദ്ധ്മസ്യേ॑വ പ്ര॒ക്ഷായ॑തോ॒ മാ തസ്യോച്ഛേ॑ഷി॒ കിഞ്ച॒ന ॥ യോ മാന്ദ്വേഷ്ടി॑ ജാതവേദോ॒ യ-ഞ്ചാ॒ഹ-ന്ദ്വേഷ്മി॒ യശ്ച॒ മാമ് । സർവാ॒ഗ്॒സ്താന॑ഗ്നേ॒ സന്ദ॑ഹ॒ യാഗ്​ശ്ചാ॒ഹ-ന്ദ്വേഷ്മി॒ യേ ച॒ മാമ് ॥ യോ അ॒സ്മഭ്യ॑മരാതീ॒യാ-ദ്യശ്ച॑ നോ॒ ദ്വേഷ॑തേ॒ ജനഃ॑ । നിന്ദാ॒ദ്യോ അ॒സ്മാ-ന്ദിഫ്സാ᳚ച്ച॒ സർവാ॒ഗ്॒സ്താന്മ॑ഷ്മ॒ഷാ കു॑രു ॥
സഗ്​മ്ശി॑ത-മ്മേ॒ ബ്രഹ്മ॒ സഗ്​മ്ശി॑തം-വീഁ॒ര്യാമ് (1॒) ബല᳚മ് । സഗ്​മ്ശി॑ത-ങ്ക്ഷ॒ത്ര-മ്മേ॑ ജി॒ഷ്ണു യസ്യാ॒ഹമസ്മി॑ പു॒രോഹി॑തഃ ॥
ഉദേ॑ഷാ-മ്ബാ॒ഹൂ അ॑തിര॒മു-ദ്വര്ചോ॒ അഥോ॒ ബല᳚മ് ।
ക്ഷി॒ണോമി॒ ബ്രഹ്മ॑ണാ॒-ഽമിത്രാ॒നുന്ന॑യാമി॒ സ്വാഁ(2) അ॒ഹമ് ॥ പുന॒ര്മനഃ॒ പുന॒രായു॑ര്മ॒ ആഗാ॒-ത്പുന॒ശ്ചക്ഷുഃ॒ പുന॒-ശ്ശ്രോത്ര॑-മ്മ॒ ആഗാ॒ത്
പുനഃ॑ പ്രാ॒ണഃ പുന॒രാധീ॑ത-മ്മ॒ ആഗാ᳚ത് ।
വൈ॒ശ്വാ॒ന॒രോ മേ-ഽദ॑ബ്ധസ്തനൂ॒പാ അവ॑ബാധതാ-ന്ദുരി॒താനി॒ വിശ്വാ᳚ ॥ 5.1ച് ॥
(പോഷം॑ - ദദ്ധ്മസി - പു॒രോഹി॑തശ്ച॒ത്വാരി॑ ച) (അ. 5)

അനുവാകം 6
വൈ॒ശ്വാ॒ന॒രായ॒ പ്രതി॑വേദയാമോ॒ യദീ॑നൃ॒ണഗ്​മ് സ॑ങ്ഗ॒രോ ദേ॒വതാ॑സു । സ ഏ॒താ-ന്പാശാ᳚-ന്പ്ര॒മുച॒-ന്പ്രവേ॑ദ॒ സ നോ॑ മുഞ്ചാതു ദുരി॒താദവ॒ദ്യാത് ॥
വൈ॒ശ്വാ॒ന॒രഃ പവ॑യാന്നഃ പ॒വിത്രൈ॒ര്യ-ഥ്സ॑ങ്ഗ॒ര-മ॒ഭിധാവാ᳚മ്യാ॒ശാമ് । അനാ॑ജാന॒-ന്മന॑സാ॒ യാച॑മാനോ॒ യദത്രൈനോ॒ അവ॒ ത-ഥ്സു॑വാമി ॥
അ॒മീ യേ സു॒ഭഗേ॑ ദി॒വി വി॒ചൃതൌ॒ നാമ॒ താര॑കേ ।
പ്രേഹാമൃത॑സ്യ യച്ഛതാ-മേ॒ത-ദ്ബ॑ദ്ധക॒മോച॑നമ് ॥
വിജി॑ഹീര്​ഷ്വ ലോ॒കാന് കൃ॑ധി ബ॒ന്ധാ-ന്മു॑ഞ്ചാസി॒ ബദ്ധ॑കമ് । യോനേ॑രിവ॒ പ്രച്യു॑തോ॒ ഗര്ഭ॒-സ്സർവാ᳚-ന്പ॒ഥോ അ॑നുഷ്വ ॥
സ പ്ര॑ജാ॒ന-ന്പ്രതി॑ഗൃഭ്ണീത വി॒ദ്വാ-ന്പ്ര॒ജാപ॑തിഃ പ്രഥമ॒ജാ ഋ॒തസ്യ॑ । അ॒സ്മാഭി॑ര്ദ॒ത്ത-ഞ്ജ॒രസഃ॑ പ॒രസ്താ॒ദച്ഛി॑ന്ന॒-ന്തന്തു॑മനു॒ സഞ്ച॑രേമ ॥ 6.1അ ॥

ത॒ത-ന്തന്തു॒മന്വേകേ॒ അനു॒ സഞ്ച॑രന്തി॒ യേഷാ᳚-ന്ദ॒ത്ത-മ്പിത്ര്യ॒മായ॑നവത് । അ॒ബ॒ന്ധ്വേകേ॒ ദദ॑തഃ പ്ര॒യച്ഛാ॒-ദ്ദാതു॒ച്ചേ-ച്ഛ॒ക്നവാ॒ഗ്​മ്॒ സ-സ്സ്വ॒ര്ഗ ഏ॑ഷാമ് ॥
ആര॑ഭേഥാ॒മനു॒ സഗ്​മ്ര॑ഭേഥാഗ്​മ് സമാ॒ന-മ്പന്ഥാ॑മവഥോ ഘൃ॒തേന॑ । യദ്വാ᳚-മ്പൂ॒ര്ത-മ്പരി॑വിഷ്ടം॒-യഁദ॒ഗ്നൌ തസ്മൈ॒ ഗോത്രാ॑യേ॒ഹ ജായാ॑പതീ॒ സഗ്​മ്ര॑ഭേഥാമ് ॥ യദ॒ന്തരി॑ക്ഷ-മ്പൃഥി॒വീമു॒ത ദ്യാം-യഁന്മാ॒തര॑-മ്പി॒തരം॑-വാഁ ജിഹിഗ്​മ്സി॒മ ।
അ॒ഗ്നിര്മാ॒ തസ്മാ॒ദേന॑സോ॒ ഗാര്​ഹ॑പത്യ॒ ഉന്നോ॑ നേഷ-ദ്ദുരി॒താ യാനി॑ ചകൃ॒മ ॥ ഭൂമി॑ര്മാ॒താ-ഽദി॑തിര്നോ ജ॒നിത്ര॒-മ്ഭ്രാതാ॒ന്തരി॑ക്ഷ-മ॒ഭിശ॑സ്ത ഏനഃ ।
ദ്യൌര്നഃ॑ പി॒താ പി॑തൃ॒യാച്ഛ-മ്ഭ॑വാസി ജാ॒മി മി॒ത്വാ മാ വി॑വിഥ്സി ലോ॒കാത് ॥ യത്ര॑ സു॒ഹാര്ദ॑-സ്സു॒കൃതോ॒ മദ॑ന്തേ വി॒ഹായ॒ രോഗ॑-ന്ത॒ന്വാ(1)॒ഗ്ഗ്॒ സ്വായാ᳚മ് ।
അ॒ശ്ലോ॒ണാങ്ഗൈ॒രഹ്രു॑താ-സ്സ്വ॒ര്ഗേ തത്ര॑ പശ്യേമ പി॒തര॑-ഞ്ച പു॒ത്രമ് ॥ യദന്ന॒മദ്മ്യനൃ॑തേന ദേവാ ദാ॒സ്യന്നദാ᳚സ്യന്നു॒ത വാ॑ കരി॒ഷ്യന്ന് ।
യ-ദ്ദേ॒വാനാ॒-ഞ്ചക്ഷു॒ഷ്യാഗോ॒ അസ്തി॒ യദേ॒വ കിഞ്ച॑ പ്രതിജഗ്രാ॒ഹമ॒ഗ്നിര്മാ॒ തസ്മാ॑ദനൃ॒ണ-ങ്കൃ॑ണോതു ॥
യദന്ന॒മദ്മി॑ ബഹു॒ധാ വിരൂ॑പം॒-വാഁസോ॒ ഹിര॑ണ്യമു॒ത ഗാമ॒ജാമവി᳚മ് ।
യ-ദ്ദേ॒വാനാ॒-ഞ്ചക്ഷു॒ഷ്യാഗോ॒ അസ്തി॒ യദേ॒വ കിഞ്ച॑ പ്രതിജഗ്രാ॒ഹമ॒ഗ്നിര്മാ॒ തസ്മാ॑ദനൃ॒ണ-ങ്കൃ॑ണോതു ॥
യ॒ന്മയാ॑ മന॑സാ വാ॒ചാ॒ കൃ॒ത॒മേനഃ॑ കദാ॒ചന ।
സർവസ്മാ᳚-ന്മേഡി॑തോ (മേള॑താ) മോ॒ഗ്ധി॒ ത്വഗ്​മ് ഹി
വേത്ഥ॑ യഥാത॒ഥമ് ॥ 6.1ബ് ॥
(ച॒രേ॒മ॒ - പു॒ത്രഗ്​മ് ഷട്ച॑) (അ. 6)

അനുവാകം 7
വാത॑രശനാ ഹ॒ വാ ഋഷ॑യ-ശ്ശ്രമ॒ണാ ഊ॒ര്ധ്വമ॑ന്ഥി॒നോ ബ॑ഭൂവു॒സ്താ-നൃഷ॑യോ॒-ഽര്ഥ-മാ॑യ॒ഗ്ഗ്॒സ്തേ നി॒ലായ॑-മചര॒ഗ്ഗ്॒സ്തേ-ഽനു॑പ്രവിശുഃ കൂശ്മാ॒ണ്ഡാനി॒ താഗ്​-സ്തേഷ്വന്വ॑വിന്ദ-ഞ്ഛ്ര॒ദ്ധയാ॑ ച॒ തപ॑സാ ച॒ , താനൃഷ॑യോ-ഽബ്രുവന് ക॒ഥാ നി॒ലായ॑-ഞ്ചര॒ഥേതി॒ ത ഋഷീ॑നബ്രുവ॒ന്നമോ॑ വോ-ഽസ്തു ഭഗവന്തോ॒-ഽസ്മി-ന്ധാ᳚മ്നി॒ കേന॑ വ-സ്സപര്യാ॒മേതി॒ താനൃഷ॑യോ-ഽബ്രുവ-ന്പ॒വിത്ര॑-ന്നോ ബ്രൂത॒ യേനാ॑രേ॒പസ॑-സ്സ്യാ॒മേതി॒ ത ഏ॒താനി॑ സൂ॒ക്താന്യ॑പശ്യ॒ന്॒. ,
യ-ദ്ദേ॑വാ ദേവ॒ഹേഡ॑നം॒ (ദേവ॒ഹേള॑നം॒) ഁയദദീ᳚വ്യന്നൃ॒ണമ॒ഹ-മ്ബ॒ഭൂവായു॑ഷ്ടേ വി॒ശ്വതോ॑
ദധ॒ദിത്യേ॒തൈരാജ്യ॑-ഞ്ജുഹുത വൈശ്വാന॒രായ॒ പ്രതി॑വേദയാമ॒ ഇത്യുപ॑തിഷ്ഠത॒ യദ॑ർവാ॒ചീന॒മേനോ᳚ ഭ്രൂണഹ॒ത്യായാ॒സ്തസ്മാ᳚-ന്മോക്ഷ്യദ്ധ്വ॒ ഇതി॒ ,ത ഏ॒തൈര॑ജുഹവു॒സ്തേ-ഽരേ॒പസോ॑-ഽഭവന് കര്മാ॒ദിഷ്വേ॒തൈ-ര്ജു॑ഹുയാ-ത്പൂ॒തോ ദേ॑വലോ॒കാ-ന്ഥ്സമ॑ശ്നുതേ ॥ 7 ॥

അനുവാകം 8
കൂ॒ശ്മാ॒ണ്ഡൈ-ര്ജു॑ഹുയാ॒-ദ്യോ-ഽപൂ॑ത ഇവ॒ മന്യേ॑ത॒ യഥാ᳚ സ്തേ॒നോ യഥാ᳚ ഭ്രൂണ॒ഹൈവമേ॒ഷ ഭ॑വതി॒ യോ-ഽയോനൌ॒ രേത॑-സ്സി॒ഞ്ചതി॒, യദ॑ർവാ॒ചീന॒മേനോ᳚ ഭ്രൂണഹ॒ത്യായാ॒സ്തസ്മാ᳚-ന്മുച്യതേ॒ യാവ॒ദേനോ॑ ദീ॒ക്ഷാമുപൈ॑തി ദീക്ഷി॒ത ഏ॒തൈ-സ്സ॑ത॒തി ജു॑ഹോതി സം​വഁഥ്സ॒ര-ന്ദീ᳚ക്ഷി॒തോ ഭ॑വതി സം​വഁഥ്സ॒രാദേ॒വാത്മാന॑-മ്പുനീതേ॒ മാസ॑-ന്ദീക്ഷി॒തോ ഭ॑വതി॒ യോ മാസ॒-സ്സ സം​വഁഥ്സ॒ര-സ്സം॑​വഁഥ്സ॒രാദേ॒വാത്മാന॑-മ്പുനീതേ॒ ചതു॑ർവിഗ്​മ്ശതി॒ഗ്​മ്॒ രാത്രീ᳚ര്ദീക്ഷി॒തോ ഭ॑വതി॒ ചതു॑ർവിഗ്​മ്ശതി-രര്ധമാ॒സാ-സ്സം॑​വഁഥ്സ॒ര-സ്സം॑​വഁഥ്സ॒രാദേ॒വാത്മാന॑-മ്പുനീതേ॒ ദ്വാദ॑ശ॒ രാത്രീ᳚ര്ദീക്ഷി॒തോ ഭ॑വതി॒ ദ്വാദ॑ശ॒ മാസാ᳚-സ്സം​വഁഥ്സ॒ര-സ്സം॑​വഁഥ്സ॒രാദേ॒വാത്മാന॑-മ്പുനീതേ॒ ഷഡ്രാത്രീ᳚ര്ദീക്ഷി॒തോ ഭ॑വതി॒ ഷഡ്വാ ഋ॒തവ॑-സ്സം​വഁഥ്സ॒ര-സ്സം॑​വഁഥ്സ॒രാദേ॒വാത്മാന॑-മ്പുനീതേ തി॒സ്രോ രാത്രീ᳚-ര്ദീക്ഷി॒തോ ഭ॑വതി ത്രി॒പദാ॑ ഗായ॒ത്രീ ഗാ॑യത്രി॒യാ ഏ॒വാത്മാന॑-മ്പുനീതേ॒ ന മാ॒ഗ്​മ്॒സമ॑ശ്ഞീയാ॒ന്ന സ്ത്രിയ॒മുപേ॑യാ॒ന്നോപര്യാ॑സീത॒ ജുഗു॑ഫ്സേ॒താനൃ॑താ॒ത്പയോ᳚ ബ്രാഹ്മ॒ണസ്യ॑ വ്ര॒തം-യഁ ॑വാ॒ഗൂ രാ॑ജ॒ന്യ॑സ്യാ॒മിക്ഷാ॒ വൈശ്യ॒സ്യാഥോ॑ സൌ॒മ്യേ-ഽപ്യ॑ദ്ധ്വ॒ര ഏ॒തദ്വ്ര॒ത-മ്ബ്രൂ॑യാ॒-ദ്യദി॒ മന്യേ॑-തോപ॒ദസ്യാ॒മീത്യോ॑ദ॒ന-ന്ധാ॒നാ-സ്സക്തൂ᳚-ങ്ഘൃ॒തമിത്യനു॑വ്രതയേദാ॒ത്മനോ-ഽനു॑പദാസായ ॥ 8 ॥

അനുവാകം 9
അ॒ജാന്. ഹ॒ വൈ പൃശ്ഞീഗ്॑സ്തപ॒സ്യമാ॑നാ॒-ന്ബ്രഹ്മ॑ സ്വയ॒മ്ഭ്വ॑ഭ്യാന॑ര്​ഷ॒ത്ത ഋഷ॑യോ-ഽഭവ॒-ന്തദൃഷീ॑ണാ-മൃഷി॒ത്വ-ന്താ-ന്ദേ॒വതാ॒മുപാ॑തിഷ്ഠന്ത യ॒ജ്ഞകാ॑മാ॒സ്ത ഏ॒ത-മ്ബ്ര॑ഹ്മയ॒ജ്ഞ-മ॑പശ്യ॒ന്-തമാ-ഽഹ॑ര॒ന്-തേനാ॑യജന്ത॒ യദൃ॒ചോ-ഽദ്ധ്യഗീ॑ഷത॒ താഃ പയ॑ ആഹുതയോ ദേ॒വാനാ॑മഭവ॒ന്॒. യ-ദ്യജൂഗ്​മ്॑ഷി ഘൃ॒താഹു॑തയോ॒ യ-ഥ്സാമാ॑നി॒ സോമാ॑ഹുതയോ॒ യദഥ॑ർവാങ്ഗി॒രസോ॒ മദ്ധ്വാ॑ഹുതയോ॒ യദ്ബ്രാ᳚ഹ്മ॒ണാനീ॑തിഹാ॒സാന്-പു॑രാ॒ണാനി॒ കല്പാ॒-ന്ഗാഥാ॑ നാരാശ॒ഗ്​മ്॒സീര്മേ॑ദാഹു॒തയോ॑ ദേ॒വാനാ॑-മഭവ॒ന്താഭിഃ॒, ക്ഷുധ॑-മ്പാ॒പ്മാന॒-മപാ᳚ഘ്ന॒-ന്നപ॑ഹതപാപ്മാനോ ദേ॒വാ-സ്സ്വ॒ര്ഗം-ലോഁ॒കമാ॑യ॒-ന്ബ്രഹ്മ॑ണ॒-സ്സായു॑ജ്യ॒-മൃഷ॑യോ-ഽഗച്ഛന്ന് ॥ 9 ॥

അനുവാകം 10
പഞ്ച॒ വാ ഏ॒തേ മ॑ഹായ॒ജ്ഞാ-സ്സ॑ത॒തി പ്രതാ॑യന്തേ സത॒തി സന്തി॑ഷ്ഠന്തേ ദേവയ॒ജ്ഞഃ പി॑തൃയ॒ജ്ഞോ ഭൂ॑തയ॒ജ്ഞോ മ॑നുഷ്യയ॒ജ്ഞോ ബ്ര॑ഹ്മയ॒ജ്ഞ ഇതി॒ യദ॒ഗ്നൌ ജു॒ഹോത്യ॒പി സ॒മിധ॒-ന്ത-ദ്ദേ॑വയ॒ജ്ഞ-സ്സന്തി॑ഷ്ഠതേ॒ യ-ത്പി॒തൃഭ്യ॑-സ്സ്വ॒ധാ ക॒രോത്യപ്യ॒പസ്ത-ത്പി॑തൃയ॒ജ്ഞ-സ്സന്തി॑ഷ്ഠതേ॒യ-ദ്ഭൂ॒തേഭ്യോ॑ ബ॒ലിഗ്​മ് ഹര॑തി॒ ത-ദ്ഭൂ॑തയ॒ജ്ഞ-സ്സന്തി॑ഷ്ഠതേ॒ യദ്ബ്രാ᳚ഹ്മ॒ണേഭ്യോ-ഽന്ന॒-ന്ദദാ॑തി॒ തന്മ॑നുഷ്യയ॒ജ്ഞ-സ്സന്തി॑ഷ്ഠതേ॒ യഥ്സ്വാ᳚ദ്ധ്യാ॒യ-മധീ॑യീ॒-തൈകാ॑മപ്യൃ॒ചം-യഁജുഃ॒-സാമ॑ വാ॒ തദ്ബ്ര॑ഹ്മയ॒ജ്ഞ-സ്സന്തി॑ഷ്ഠതേ॒ യദൃ॒ചോ-ഽധീ॑തേ॒ പയ॑സഃ॒ കൂല്യാ॑ അസ്യ പി॒തൄ-ന്ഥ്സ്വ॒ധാ അ॒ഭിവ॑ഹന്തി॒ യ-ദ്യജൂഗ്​മ്॑ഷി ഘൃ॒തസ്യ॑ കൂല്യാ॒ യ-ഥ്സാമാ॑നി॒ സോമ॑ ഏഭ്യഃ പവതേ॒ യദഥ॑ർവാങ്ഗി॒രസോ॒ മധോഃ᳚ കൂല്യാ॒ യദ്ബ്രാ᳚ഹ്മ॒ണാ-നീ॑തിഹാ॒സാന്-പു॑രാ॒ണാനി॒ കല്പാ॒-ന്ഗാഥാ॑ നാരാശ॒ഗ്​മ്॒സീ-ര്മേദ॑സഃ॒ കൂല്യാ॑ അസ്യ പി॒തൄന്-ഥ്സ്വ॒ധാ അ॒ഭിവ॑ഹന്തി॒ യദൃ॒ചോ-ഽധീ॑തേ॒ പയ॑ ആഹുതിഭിരേ॒വ ത-ദ്ദേ॒വാഗ്​സ്ത॑ര്പയതി॒ യ-ദ്യജൂഗ്​മ്॑ഷി ഘൃ॒താഹു॑തിഭി॒ര്യ-ഥ്സാമാ॑നി॒ സോമാ॑ഹുതിഭി॒-ര്യദഥ॑ർവാങ്ഗി॒രസോ॒ മദ്ധ്വാ॑ഹുതിഭി॒-ര്യദ്ബ്രാ᳚ഹ്മ॒ണാ-നീ॑തിഹാ॒സാന്-പു॑രാ॒ണാനി॒ കല്പാ॒-ന്ഗാഥാ॑ നാരാശ॒ഗ്​മ്॒സീ-ര്മേ॑ദാഹു॒തിഭി॑രേ॒വ ത-ദ്ദേ॒വാഗ്​സ്ത॑ര്പയതി॒ ത ഏ॑ന-ന്തൃ॒പ്താ ആയു॑ഷാ॒ തേജ॑സാ॒ വര്ച॑സാ ശ്രി॒യാ യശ॑സാ ബ്രഹ്മവര്ച॒സേനാ॒ന്നാദ്യേ॑ന ച തര്പയന്തി ॥ 10 ॥

അനുവാകം 11
ബ്ര॒ഹ്മ॒യ॒ജ്ഞേന॑ യ॒ക്ഷ്യമാ॑ണഃ॒ പ്രാച്യാ᳚-ന്ദി॒ശി ഗ്രാമാ॒ദഛ॑ദിര്ദ॒ര്॒ശ ഉദീ᳚ച്യാ-മ്പ്രാഗുദീ॒ച്യാം-വോഁ॒ദിത॑ ആദി॒ത്യേ ദ॑ക്ഷിണ॒ത ഉ॑പ॒വീയോ॑പ॒വിശ്യ॒ ഹസ്താ॑വവ॒നിജ്യ॒ ത്രിരാചാ॑മേ॒ദ്ദ്വിഃ പ॑രി॒മൃജ്യ॑ സ॒കൃദു॑പ॒സ്പൃശ്യ॒ ശിര॒ശ്ചക്ഷു॑ഷീ॒ നാസി॑കേ॒ ശ്രോത്രേ॒ ഹൃദ॑യമാ॒ലഭ്യ॒ യ-ത്ത്രിരാ॒ചാമ॑തി॒ തേന॒ ഋചഃ॑ പ്രീണാതി॒ യദ്ദ്വിഃ പ॑രി॒മൃജ॑തി॒ തേന യജൂഗ്​മ്॑ഷി॒ യ-ഥ്സ॒കൃദു॑പ॒സ്പൃശ॑തി॒ തേന॒ സാമാ॑നി॒ (യ-ഥ്സ॒വ്യ-മ്പാ॒ണി പാ॒ദൌ പ്രോ॒ക്ഷതി॒) യച്ഛിര॒ശ്ചക്ഷു॑ഷീ॒ നാസി॑കേ॒ ശ്രോത്രേ॒ ഹൃദ॑യമാ॒ലഭ॑തേ॒ തേനാഥ॑ർവാങ്ഗി॒രസോ᳚ ബ്രാഹ്മ॒ണാ-നീ॑തിഹാ॒സാ-ന്പു॑രാ॒ണാനി॒ കല്പാ॒-ന്ഗാഥാ॑ നാരാശ॒ഗ്​മ്॒സീഃ പ്രീ॑ണാതി॒ ദര്ഭാ॑ണാ-മ്മ॒ഹദു॑പ॒സ്തീര്യോ॒പസ്ഥ॑-ങ്കൃ॒ത്വാ പ്രാംആസീ॑ന-സ്സ്വാദ്ധ്യാ॒യമധീ॑യീതാ॒പാം-വാഁ ഏ॒ഷ ഓഷ॑ധീനാ॒ഗ്​മ്॒ രസോ॒ യ-ദ്ദ॒ര്ഭാ-സ്സര॑സമെ॒വ ബ്രഹ്മ॑ കുരുതേ ദക്ഷിണോത്ത॒രൌ പാ॒ണീ (പാ॒ദൌ) കൃ॒ത്വാ സപ॒വിത്രാ॒വോമിതി॒ പ്രതി॑പദ്യത ഏ॒തദ്വൈ യജു॑സ്ത്രയീം-വിഁ॒ദ്യാ-മ്പ്രത്യേ॒ഷാ വാഗേ॒തത്പ॑ര॒മമ॒ക്ഷര॒-ന്തദേ॒തദൃ॒ചാ-ഽഭ്യു॑ക്തമൃ॒ചോ അ॒ക്ഷരേ॑ പര॒മേ വ്യോ॑മ॒ന്॒. യസ്മി॑-ന്ദേ॒വാ അധി॒ വിശ്വേ॑ നിഷേ॒ദുര്യസ്തന്ന വേദ॒ കിമൃ॒ചാ ക॑രിഷ്യതി॒ യ ഇത്തദ്വി॒ദുസ്ത ഇ॒മേ സമാ॑സത॒ ഇതി॒ ത്രീനേ॒വ പ്രായു॑ങ്ക്ത॒ ഭൂര്ഭുവ॒സ്സ്വ॑രിത്യാ॑ഹൈ॒തദ്വൈ വാ॒ച-സ്സ॒ത്യം-യഁദേ॒വ വാ॒ച-സ്സ॒ത്യ-ന്ത-ത്പ്രായു॒ങ്ക്താഥ॑ സാവി॒ത്രീ-ങ്ഗാ॑യ॒ത്രീ-ന്ത്രിരന്വാ॑ഹ പ॒ച്ഛോ᳚-ഽര്ധര്ച॑ശോ-ഽനവാ॒നഗ്​മ് സ॑വി॒താ ശ്രിയഃ॑ പ്രസവി॒താ ശ്രിയ॑മേ॒വാപ്നോ॒ത് യഥോ᳚ പ്ര॒ജ്ഞാത॑യൈ॒വ പ്ര॑തി॒പദാ॒ ഛന്ദാഗ്​മ്॑സി॒ പ്രതി॑പദ്യതേ ॥ 11 ॥

അനുവാകം 12
ഗ്രാമേ॒ മന॑സാ സ്വാദ്ധ്യാ॒യമധീ॑യീത॒ ദിവാ॒ നക്തം॑-വേഁ॒തി ഹ॑ സ്മാ॒ഹ ശൌ॒ച ആ᳚ഹ്നേ॒യ ഉ॒താര॑ണ്യേ॒-ഽബല॑ ഉ॒ത വാ॒ചോത തിഷ്ഠ॑ന്നു॒ത വ്രജ॑ന്നു॒താസീ॑ന ഉ॒ത ശയാ॑നോ॒-ഽധീയീ॑തൈ॒വ സ്വാ᳚ദ്ധ്യാ॒യ-ന്തപ॑സ്വീ॒ പുണ്യോ॑ ഭവതി॒ യ ഏ॒വം-വിഁ॒ദ്വാന്-ഥ്സ്വാ᳚ദ്ധ്യാ॒യമധീ॑തേ॒ നമോ॒ ബ്രഹ്മ॑ണേ॒ നമോ॑ അസ്ത്വ॒ഗ്നയേ॒ നമഃ॑ പൃഥി॒വ്യൈ നമ॒ ഓഷ॑ധീഭ്യഃ ।
നമോ॑ വാ॒ചേ നമോ॑ വാ॒ചസ്പത॑യേ॒ നമോ॒ വിഷ്ണ॑വേ ബൃഹ॒തേ ക॑രോമി ॥ 12 ॥

അനുവാകം 13
മ॒ദ്ധ്യന്ദി॑നേ പ്ര॒ബല॒മധീ॑യീതാ॒സൌ ഖലു॒ വാവൈഷ ആ॑ദി॒ത്യോ യദ്ബ്രാ᳚ഹ്മ॒ണസ്തസ്മാ॒ത്തര്​ഹി॒ തേക്ഷ്ണി॑ഷ്ഠ-ന്തപതി॒ തദേ॒ഷാ-ഽഭ്യു॑ക്താ ॥
ചി॒ത്ര-ന്ദേ॒വാനാ॒മുദ॑ഗാ॒ദനീ॑ക॒-ഞ്ചക്ഷു॑ര്മി॒ത്രസ്യ॒ വരു॑ണസ്യാ॒ഗ്നേഃ ।
ആ-ഽപ്രാ॒ ദ്യാവാ॑പൃഥി॒വീ അ॒ന്തരി॑ക്ഷ॒ഗ്​മ്॒ സൂര്യ॑ ആ॒ത്മാ ജഗ॑തസ്ത॒സ്ഥുഷ॒ശ്ചേതി॒ സ വാ ഏ॒ഷ യ॒ജ്ഞ-സ്സ॒ദ്യഃ പ്രതാ॑യതേ സ॒ദ്യ-സ്സന്തി॑ഷ്ഠതേ॒ തസ്യ॒ പ്രാഖ്സാ॒യമ॑വഭൃ॒ഥോ നമോ॒ ബ്രഹ്മ॑ണ॒ ഇതി॑ പരിധാ॒നീയാ॒-ന്ത്രിരന്വാ॑ഹാ॒പ ഉ॑പ॒സ്പൃശ്യ॑ ഗൃ॒ഹാനേ॑തി॒ തതോ॒ യത്കിഞ്ച॒ ദദാ॑തി॒ സാ ദക്ഷി॑ണാ ॥ 13 ॥

അനുവാകം 14
തസ്യ॒ വാ ഏ॒തസ്യ॑ യ॒ജ്ഞസ്യ॒ മേഘോ॑ ഹവി॒ര്ധാനം॑-വിഁ॒ദ്യുദ॒ഗ്നിർവ॒ര്॒ഷഗ്​മ് ഹ॒വി-സ്സ്ത॑നയി॒ത്നു-ർവ॑ഷട്കാ॒രോ യദ॑വ॒സ്ഫൂര്ജ॑തി॒ സോ-ഽനു॑വഷട്കാ॒രോ വാ॒യുരാ॒ത്മാ-ഽമാ॑വാ॒സ്യാ᳚ സ്വിഷ്ട॒കൃദ്യ ഏ॒വം-വിഁ॒ദ്വാന്മേ॒ഘേ വ॒ര്॒ഷതി॑ വി॒ദ്യോത॑മാനേ സ്ത॒നയ॑ത്യവ॒സ്ഫൂര്ജ॑തി॒ പവ॑മാനേ വാ॒യാവ॑മാവാ॒സ്യാ॑യാഗ്​ സ്വാദ്ധ്യാ॒യമധീ॑തേ॒
തപ॑ ഏ॒വ തത്ത॑പ്യതേ॒ തപോ॑ ഹി സ്വാദ്ധ്യാ॒യ ഇത്യു॑ത്ത॒മ-ന്നാകഗ്​മ്॑ രോഹത്യുത്ത॒മ-സ്സ॑മാ॒നാനാ᳚-മ്ഭവതി॒ യാവ॑ന്തഗ്​മ് ഹ॒ വാ ഇ॒മാം-വിഁ॒ത്തസ്യ॑ പൂ॒ര്ണാ-ന്ദദ॑ഥ്സ്വ॒ര്ഗം-ലോഁ॒ക-ഞ്ജ॑യതി॒ താവ॑ന്തം-ലോഁ॒ക-ഞ്ജ॑യതി॒ ഭൂയാഗ്​മ്॑സ-ഞ്ചാക്ഷ॒യ്യ-ഞ്ചാപ॑ പുനര്മൃ॒ത്യു-ഞ്ജ॑യതി॒ ബ്രഹ്മ॑ണ॒-സ്സായു॑ജ്യ-ങ്ഗച്ഛതി ॥ 14 ॥

അനുവാകം 15
തസ്യ॒ വാ ഏ॒തസ്യ॑ യ॒ജ്ഞസ്യ॒ ദ്വാവ॑നദ്ധ്യാ॒യൌ യദാ॒-ഽഽത്മാ-ഽശുചി॒-ര്യ-ദ്ദേ॒ശ-സ്സമൃ॑ദ്ധിര്ദൈവ॒താനി॒ യ ഏ॒വം-വിഁ॒ദ്വാ-ന്മ॑ഹാരാ॒ത്ര ഉ॒ഷസ്യുദി॑തേ॒ വ്രജ॒ഗ്ഗ്॒സ്തിഷ്ഠ॒-ന്നാസീ॑ന॒-ശ്ശയാ॑നോ॒-ഽരണ്യേ᳚ ഗ്രാമേ॒ വാ യാവ॑ത്ത॒രസഗ്ഗ്॑ സ്വാദ്ധ്യാ॒യമധീ॑തേ॒ സർവാ᳚ന് ഁലോ॒കാഞ്ജ॑യതി॒ സർവാ᳚ന് ഁലോ॒കാന॑നൃ॒ണോ-ഽനു॒ സഞ്ച॑രതി॒ തദേ॒ഷാ-ഽഭ്യു॑ക്താ ॥ അ॒നൃ॒ണാ അ॒സ്മിന്ന॑നൃ॒ണാഃ പര॑സ്മിഗ്ഗ്​സ്തൃ॒തീയേ॑ ലോ॒കേ അ॑നൃ॒ണാ-സ്സ്യാ॑മ । യേ ദേ॑വ॒യാനാ॑ ഉ॒ത പി॑തൃ॒യാണാ॒-സ്സർവാ᳚-ന്പ॒ഥോ അ॑നൃ॒ണാ ആക്ഷീ॑യേ॒മേത്യ॒ഗ്നിം-വൈഁ ജാ॒ത-മ്പാ॒പ്മാ ജ॑ഗ്രാഹ॒ തന്ദേ॒വാ ആഹു॑തീഭിഃ പാ॒പ്മാന॒മപാ᳚ഘ്ന॒-ന്നാഹു॑തീനാം-യഁ॒ജ്ഞേന॑ യ॒ജ്ഞസ്യ॒ ദക്ഷി॑ണാഭി॒-ര്ദക്ഷി॑ണാനാ-മ്ബ്രാഹ്മ॒ണേന॑ ബ്രാഹ്മ॒ണസ്യ॒ ഛന്ദോ॑ഭി॒-ശ്ഛന്ദ॑സാഗ്​ സ്വാദ്ധ്യാ॒യേനാപ॑ഹതപാപ്മാ സ്വാദ്ധ്യാ॒യോ॑ ദേ॒വപ॑വിത്രം॒-വാഁ ഏ॒തത്തം-യോഁ-ഽനൂ᳚-ഥ്സൃ॒ജത്യഭാ॑ഗോ വാ॒ചി ഭ॑വ॒ത്യഭാ॑ഗോ നാ॒കേ തദേ॒ഷാ-ഽഭ്യു॑ക്താ ॥ യസ്തി॒ത്യാജ॑ സഖി॒വിദ॒ഗ്​മ്॒ സഖാ॑യ॒-ന്ന തസ്യ॑ വാ॒ച്യപി॑ ഭാ॒ഗോ അ॑സ്തി । യദീഗ്​മ്॑ ശൃ॒ണോത്യ॒ലകഗ്​മ്॑ ശൃണോതി॒ ന ഹി പ്ര॒വേദ॑ സുകൃ॒തസ്യ॒ പന്ഥാ॒മിതി॒ തസ്മാ᳚-ഥ്സ്വാദ്ധ്യാ॒യോ-ഽദ്ധ്യേ॑ത॒വ്യോ॑ യം-യഁ ॑-ങ്ക്ര॒തുമധീ॑തേ॒ തേന॑ തേനാസ്യേ॒ഷ്ട-മ്ഭ॑വത്യ॒ഗ്നേ-ർവാ॒യോ-രാ॑ദി॒ത്യസ്യ॒ സായു॑ജ്യ-ങ്ഗച്ഛതി॒ തദേ॒ഷാ-ഽഭ്യു॑ക്താ ॥
യേ അ॒ർവാംഉ॒ത വാ॑ പുരാ॒ണേ വേ॒ദം-വിഁ॒ദ്വാഗ്​മ്സ॑മ॒ഭിതോ॑ വദന്ത്യാദി॒ത്യമേ॒വ തേ പരി॑വദന്തി॒ സർവേ॑ അ॒ഗ്നി-ന്ദ്വി॒തീയ॑-ന്തൃ॒തീയ॑-ഞ്ച ഹ॒ഗ്​മ്॒സമിതി॒ യാവ॑തീ॒ർവൈ ദേ॒വതാ॒സ്താ-സ്സർവാ॑ വേദ॒വിദി॑ ബ്രാഹ്മ॒ണേ വ॑സന്തി॒ തസ്മാ᳚-ദ്ബ്രാഹ്മ॒ണേഭ്യോ॑ വേദ॒വിദ്ഭ്യോ॑ ദി॒വേദി॑വേ॒ നമ॑സ്കുര്യാ॒ന്നാശ്ലീ॒ല-ങ്കീ᳚ര്തയേദേ॒താ ഏ॒വ ദേ॒വതാഃ᳚ പ്രീണാതി ॥ 15 ॥

അനുവാകം 16
രിച്യ॑ത ഇവ॒ വാ ഏ॒ഷ പ്രേവ രി॑ച്യതേ॒ യോ യാ॒ജയ॑തി॒ പ്രതി॑ വാ ഗൃ॒ഹ്ണാതി॑ യാ॒ജയി॑ത്വാ പ്രതിഗൃ॒ഹ്യ വാ-ഽന॑ശ്ന॒ന്ത്രി-സ്സ്വാ᳚ദ്ധ്യാ॒യം-വേഁ॒ദമധീ॑യീത ത്രിരാ॒ത്രം-വാഁ ॑ സാവി॒ത്രീ-ങ്ഗാ॑യ॒ത്രീ-മ॒ന്വാതി॑രേചയതി॒ വരോ॒ ദക്ഷി॑ണാ॒ വരേ॑ണൈ॒വ വരഗ്ഗ്॑ സ്പൃണോത്യാ॒ത്മാ ഹി വരഃ॑ ॥ 16 ॥

അനുവാകം 17
ദു॒ഹേ ഹ॒ വാ ഏ॒ഷ ഛന്ദാഗ്​മ്॑സി॒ യോ യാ॒ജയ॑തി॒ സ യേന॑ യജ്ഞക്ര॒തുനാ॑ യാ॒ജയേ॒-ഥ്സോ-ഽര॑ണ്യ-മ്പ॒രേത്യ॑ ശുചൌ ദേ॒ശേ സ്വാ᳚ദ്ധ്യാ॒യ-മേ॒വൈന॒-മധീ॑യന്നാസീ॒ത തസ്യാ॒നശ॑ന-ന്ദീ॒ക്ഷാ സ്ഥാ॒നമു॑പ॒സദ॒ ആസ॑നഗ്​മ് സു॒ത്യാ വാഗ്ജു॒ഹൂര്മന॑ ഉപ॒ഭൃദ്ധൃ॒തിര്ധ്രു॒വാ പ്രാ॒ണോ ഹ॒വി-സ്സാമാ᳚ദ്ധ്വ॒ര്യു-സ്സ വാ ഏ॒ഷ യ॒ജ്ഞഃ
പ്രാ॒ണദ॑ക്ഷി॒ണോ-ഽന॑ന്തദക്ഷിണ॒-സ്സമൃ॑ദ്ധതരഃ ॥ 17 ॥

അനുവാകം 18
ക॒തി॒ധാ-ഽവ॑കീര്ണീ പ്രവി॒ശതി॑ ചതു॒ര്ധേത്യാ॑ഹു-ര്ബ്രഹ്മവാ॒ദിനോ॑ മ॒രുതഃ॑ പ്രാ॒ണൈരിന്ദ്ര॒-മ്ബലേ॑ന॒ ബൃഹ॒സ്പതി॑-മ്ബ്രഹ്മവര്ച॒സേനാ॒ഗ്നിമേ॒വേത॑രേണ॒ സർവേ॑ണ॒ തസ്യൈ॒താ-മ്പ്രായ॑ശ്ചിത്തിം-വിഁ॒ദാഞ്ച॑കാര സുദേ॒വഃ കാ᳚ശ്യ॒പോ യോ
ബ്ര॑ഹ്മചാ॒ര്യ॑വ॒കിരേ॑ദമാവാ॒സ്യാ॑യാ॒ഗ്​മ്॒ രാത്ര്യാ॑മ॒ഗ്നി-മ്പ്ര॒ണീയോ॑പസമാ॒ധായ॒ ദ്വിരാജ്യ॑സ്യോപ॒ഘാത॑-ഞ്ജുഹോതി॒ കാമാവ॑കീര്ണോ॒-ഽസ്മ്യവ॑കീര്ണോ-ഽസ്മി॒ കാമ॒ കാമാ॑യ॒ സ്വാഹാ॒ കാമാഭി॑ദ്രുഗ്ധോ॒-ഽസ്മ്യഭി॑ദ്രുഗ്ധോ-ഽസ്മി॒ കാമ॒ കാമാ॑യ॒ സ്വാഹേത്യ॒മൃതം॒-വാഁ ആജ്യ॑മ॒മൃത॑മേ॒വാത്മ-ന്ധ॑ത്തേ ഹു॒ത്വാ പ്രയ॑താഞ്ജ॒ലിഃ കവാ॑തിര്യങ്ങ॒ഗ്നിമ॒ഭി മ॑ന്ത്രയേത॒ സ-മ്മാ॑ സിഞ്ചന്തു മ॒രുത॒-സ്സമിന്ദ്ര॒-സ്സമ്ബൃഹ॒സ്പതിഃ॑ ।
സ-മ്മാ॒-ഽയമ॒ഗ്നി-സ്സി॑ഞ്ച॒ത്വായു॑ഷാ ച॒ ബലേ॑ന॒ ചായു॑ഷ്മന്ത-ങ്കരോത॒ മേതി॒ പ്രതി॑ ഹാസ്മൈ മ॒രുതഃ॑ പ്രാ॒ണാ-ന്ദ॑ധതി॒ പ്രതീന്ദ്രോ॒ ബല॒-മ്പ്രതി॒ ബൃഹ॒സ്പതി॑-ര്ബ്രഹ്മവര്ച॒സ-മ്പ്രത്യ॒ഗ്നിരി॒തര॒ഥ്സർവ॒ഗ്​മ്॒ സർവ॑തനുര്ഭൂ॒ത്വാ സർവ॒മായു॑രേതി॒ ത്രിര॒ഭിമ॑ന്ത്രയേത॒ ത്രിഷ॑ത്യാ॒ ഹി ദേ॒വാ യോ-ഽപൂ॑ത ഇവ॒ മന്യേ॑ത॒ സ ഇ॒ത്ഥ-ഞ്ജു॑ഹുയാദി॒ത്ഥ-മ॒ഭിമ॑ന്ത്രയേത॒ പുനീ॑ത ഏ॒വാത്മാന॒-മായു॑രേ॒വാത്മ-ന്ധ॑ത്തേ॒ വരോ॒ ദക്ഷി॑ണാ॒ വരേ॑ണൈ॒വ വരഗ്ഗ്॑ സ്പൃണോത്യാ॒ത്മാ ഹി വരഃ॑ ॥ 18 ॥

അനുവാകം 19
ഭൂഃ പ്രപ॑ദ്യേ॒ ഭുവഃ॒ പ്രപ॑ദ്യേ॒ സ്വഃ॑ പ്രപ॑ദ്യേ॒ ഭൂര്ഭുവ॒സ്സ്വഃ॑ പ്രപ॑ദ്യേ॒ ബ്രഹ്മ॒ പ്രപ॑ദ്യേ ബ്രഹ്മകോ॒ശ-മ്പ്രപ॑ദ്യേ॒-ഽമൃത॒-മ്പ്രപ॑ദ്യേ-ഽമൃതകോ॒ശ-മ്പ്രപ॑ദ്യേ ചതുര്ജാ॒ല-മ്ബ്ര॑ഹ്മകോ॒ശം-യഁ-മ്മൃ॒ത്യുര്നാവ॒പശ്യ॑തി॒ ത-മ്പ്രപ॑ദ്യേ ദേ॒വാ-ന്പ്രപ॑ദ്യേ ദേവപു॒ര-മ്പ്രപ॑ദ്യേ॒ പരീ॑വൃതോ॒ വരീ॑വൃതോ॒ ബ്രഹ്മ॑ണാ॒ വര്മ॑ണാ॒-ഽഹ-ന്തേജ॑സാ॒ കശ്യ॑പസ്യ॒ യസ്മൈ॒ നമ॒സ്തച്ഛിരോ॒ ധര്മോ॑ മൂ॒ര്ധാന॑-മ്ബ്ര॒ഹ്മോത്ത॑രാ॒ ഹനു॑ര്യ॒ജ്ഞോ-ഽധ॑രാ॒ വിഷ്ണു॒ര്॒ ഹൃദ॑യഗ്​മ് സം​വഁഥ്സ॒രഃ പ്ര॒ജന॑നമ॒ശ്വിനൌ॑ പൂർവ॒പാദാ॑വ॒ത്രിര്മദ്ധ്യ॑-മ്മി॒ത്രാവരു॑ണാ വപര॒പാദാ॑വ॒ഗ്നിഃ പുച്ഛ॑സ്യ പ്രഥ॒മ-ങ്കാണ്ഡ॒-ന്തത॒ ഇന്ദ്ര॒സ്തതഃ॑ പ്ര॒ജാപ॑തി॒രഭ॑യ-ഞ്ചതു॒ര്ഥഗ്​മ് സ വാ ഏ॒ഷ ദി॒വ്യ-ശ്ശാ᳚ക്വ॒ര-ശ്ശിശു॑മാര॒സ്തഗ്​മ് ഹ॒ യ ഏ॒വം-വേഁദാപ॑ പുനര്മൃ॒ത്യു-ഞ്ജ॑യതി॒ ജയ॑തി സ്വ॒ര്ഗം-ലോഁ॒ക-ന്നാദ്ധ്വനി॒ പ്രമീ॑യതേ॒ നാഫ്സു പ്രമീ॑യതേ॒ നാഗ്നൌ പ്രമീ॑യതേ॒ നാന॒പത്യഃ॑ പ്രമീ॒യതേ॑ ല॒ഘ്വാന്നോ॑ ഭവതി ധ്രു॒വസ്ത്വമ॑സി ധ്രു॒വസ്യ ക്ഷി॑തമസി॒ ത്വ-മ്ഭൂ॒താനാ॒മധി॑പതിരസി॒ ത്വ-മ്ഭൂ॒താനാ॒ഗ്॒ ശ്രേഷ്ഠോ॑-ഽസി॒ ത്വാ-മ്ഭൂ॒താന്യുപ॑പ॒ര്യാവ॑ര്തന്തേ॒ നമ॑സ്തേ॒ നമ॒-സ്സർവ॑-ന്തേ॒ നമോ॒ നമഃ॑ ॥
[ഫാട ഭ്ഹേദമ് - നമോ॒ നമ॑-ശ്ശിശുകുമാരായ॒ നമഃ॑ ] ॥ 19 ॥

അനുവാകം 20
നമഃ॒ പ്രാച്യൈ॑ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമോ ദക്ഷി॑ണായൈ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമഃ॒ പ്രതീ᳚ച്യൈ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമ॒ ഉദീ᳚ച്യൈ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമ॑ ഊ॒ര്ധ്വായൈ॑ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമോ-ഽധ॑രായൈ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമോ॑-ഽവാന്ത॒രായൈ॑ ദി॒ശേ യാശ്ച॑ ദേ॒വതാ॑ ഏ॒തസ്യാ॒-മ്പ്രതി॑വസന്ത്യേ॒ താഭ്യ॑ശ്ച॒ നമോ॒ നമോ ഗങ്ഗായമുനയോര്മദ്ധ്യേ യേ॑ വസ॒ന്തി॒ തേ മേ പ്രസന്നാത്മാനസ്ചിര-ഞ്ജീവിതം-വഁ ॑ര്ധയ॒ന്തി॒ നമോ ഗങ്ഗായമുനയോര്മുനി॑ഭ്യശ്ച॒ നമോ॒ നമോ ഗങ്ഗായമുനയോര്മുനി॑ഭ്യശ്ച॒ നമഃ ॥ 20 ॥

(സഹ॒ - രക്ഷാഗ്​മ്॑സി॒ - യ-ദ്ദേ॑വാ-സ്സ॒പ്തദ॑ശ॒ - യദദീ᳚വ്യ॒-ന്പഞ്ച॑ദശ॒ - യു॑ഷ്ടേ॒ ചതു॑സ്ത്രിഗ്​മ്ശ-ദ്- വൈശ്വാന॒രായ॒ ഷഡ്വിഗ്​മ്॑ശതി॒-ർവാത॑രശനാ ഹ - കുശ്മാ॒ണ്ഡൈ- ര॒ജാന്. ഹ॒ - പഞ്ച॑ - ബ്രഹ്മയ॒ജ്ഞേന॒ - ഗ്രാമേ॑ - മ॒ദ്ധ്യന്ദി॑നേ॒ - തസ്യ॒ വൈ മേഘ॒ - സ്തസ്യ॒ വൈ ദ്വൌ - രിച്യ॑തേ - ദു॒ഹേ ഹ॑ - കതി॒ധാ-ഽവ॑കീര്ണീ॒ - ഭൂ--ര് നമഃ॒ പ്രാച്യൈ॑ വിഗ്​മ്ശ॒തിഃ )

(സഹ॑ വൈ - മുനി॑ഭ്യശ്ച॒ നമഃ )

॥ ഹരിഃ॑ ഓമ് ॥

॥ കൃഷ്ണ യജുർവേദീയ തൈത്തിരീയ ആരണ്യകേ ദ്വിതീയഃ പ്രപാഠക-സ്സമാപ്തഃ ॥