කෘෂ්ණ යජුර්වේදීය තෛත්තිරීය ආරණ්යකේ ද්විතීයඃ ප්රපාඨකඃ - ස්වාධ්යායබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1
සහ॒ වෛ දේ॒වානා॒-ඤ්චාසු॑රාණා-ඤ්ච ය॒ජ්ඤෞ ප්රත॑තාවාස්තාං-වඁ॒යග්ග්​ ස්ව॒ර්ගං-ලෝඁ॒කමේ᳚ෂ්යාමෝ ව॒යමේ᳚ෂ්යාම॒ ඉති॒ තේ-ऽසු॑රා-ස්ස॒න්නහ්ය॒ සහ॑සෛ॒වාච॑ර-න්බ්රහ්ම॒චර්යේ॑ණ॒ තප॑සෛව දේ॒වාස්තේ-ऽසු॑රා අමුහ්ය॒ග්ග්॒ස්තේ න ප්රාජා॑න॒ග්ග්॒ස්තේ පරා॑භව॒න්තේ න ස්ව॒ර්ගං-ලෝඁ॒කමා॑ය॒න්, ප්රසෘ॑තේන॒ වෛ ය॒ජ්ඤේන॑ දේ॒වා-ස්ස්ව॒ර්ගං-ලෝඁ॒කමා॑ය॒-න්න ප්රසෘ॑තේ॒නාසු॑රා॒-න්පරා॑-ऽභාවය॒න් ,ප්රසෘ॑තෝ හ॒ වෛ ය॑ජ්ඤෝපවී॒තිනෝ॑ ය॒ජ්ඤෝ-ऽප්ර॑සෘ॒තෝ-ऽනු॑පවී॒තිනෝ॒ යත්කිඤ්ච॑ බ්රාහ්ම॒ණෝ ය॑ජ්ඤෝපවී॒ත්යධී॑තේ॒ යජ॑ත ඒ॒ව ත-ත්තස්මා᳚-ද්යජ්ඤෝපවී॒ත්යේ॑වාධී॑යීත යා॒ජයේ॒-ද්යජේ॑ත වා ය॒ජ්ඤස්ය॒ ප්රසෘ॑ත්යා॒ , අජි॑නං॒-වාඁසෝ॑ වා දක්ෂිණ॒ත උ॑ප॒වීය॒ දක්ෂි॑ණ-ම්බා॒හුමුද්ධ॑ර॒තේ-ऽව॑ ධත්තේ ස॒ව්යමිති॑ යජ්ඤෝපවී॒තමේ॒තදේ॒ව විප॑රීත-ම්ප්රාචීනාවී॒තග්​ම් සං॒​වීඁත॑-ම්මානු॒ෂම් ॥ 1 ॥

අනුවාකං 2
රක්ෂාග්​ම්॑සි॒ හවා॑ පුරෝනුවා॒කේ තපෝ-ऽග්ර॑මතිෂ්ඨන්ත॒ තා-න්ප්ර॒ජාප॑ති-ර්ව॒රේණෝ॒පාම॑න්ත්රයත॒ තානි॒ වර॑මවෘණීතාදි॒ත්යෝ නෝ॒ යෝද්ධා॒ ඉති॒ තා-න්ප්ර॒ජාප॑ති-රබ්රවී॒-ද්යෝධ॑ය॒ද්ධ්වමිති॒ තස්මා॒දුත්ති॑ෂ්ඨන්ත॒ග්​ම්॒ හවා॒ තානි॒ රක්ෂාග්॑ස්යාදි॒ත්යං-යෝඁධ॑යන්ති॒ යාව॑දස්ත॒මන්ව॑ගා॒-ත්තානි॑ හ॒ වා ඒ॒තානි॒ රක්ෂාග්​ම්॑සි ගායත්රි॒යා ऽභි॑මන්ත්රිතේ॒නාම්භ॑සා ශාම්යන්ති॒ තදු॑ හ॒ වා ඒ॒තේ බ්ර॑හ්මවා॒දිනඃ॑ පූ॒ර්වාභි॑මු॒ඛා-ස්ස॒න්ධ්යායා᳚-ඞ්ගායත්රි॒යා-ऽභි॑මන්ත්රිතා॒ ආප॑ ඌ॒ර්ධ්වං-විඁක්ෂි॑පන්ති॒ තා ඒ॒තා ආපෝ॑ ව॒ජ්රීභූ॒ත්වා තානි॒ රක්ෂාග්​ම්॑සි
ම॒න්දේහා-ऽරු॑ණේ ද්වී॒පේ ප්රක්ෂි॑පන්ති॒ ය-ත්ප්ර॑දක්ෂි॒ණ-ම්ප්රක්ර॑මන්ති॒ තේන॑ පා॒ප්මාන॒මව॑ ධූන්වන්ත්යු॒ද්යන්ත॑මස්තං॒-යඁන්ත॑මාදි॒ත්ය-ම॑භිද්ධ්යා॒යන් කු॒ර්ව-න්බ්රා᳚හ්ම॒ණෝ වි॒ද්වාන්-ථ්ස॒කල॑-ම්භ॒ද්රම॑ශ්නුතේ॒ ऽසාවා॑දි॒ත්යෝ බ්ර॒හ්මේති॒ බ්රහ්මෛ॒ව ස-න්බ්රහ්මා॒ප්යේති॒ ය ඒ॒වං-වේඁද॑ ॥ 2 ॥

අනුවාකං 3
ය-ද්දේ॑වා දේව॒හේඩ॑නං॒ (දේව॒හේළ॑නං॒) දේවා॑සශ්චකෘ॒මා ව॒යම් ।
ආදි॑ත්යා॒ස්තස්මා᳚න්මා මුඤ්චත॒ර්තස්ය॒ර්තේන॒ මාමි॒ත ॥
දේවා॑ ජීවනකා॒ම්යා ය-ද්වා॒චා-ऽනෘ॑තමූදි॒ම ।
තස්මා᳚න්න ඉ॒හ මු॑ඤ්චත॒ විශ්වේ॑ දේවා-ස්ස॒ජෝෂ॑සඃ ॥
ඍ॒තේන॑ ද්යාවාපෘථිවී ඍ॒තේන॒ ත්වග්​ම් ස॑රස්වති ।
කෘ॒තාන්නඃ॑ පා॒හ්යේන॑සෝ॒ ය-ත්කිඤ්චානෘ॑තමූදි॒ම ॥
ඉ॒න්ද්රා॒ග්නී මි॒ත්රාවරු॑ණෞ॒ සෝමෝ॑ ධා॒තා බෘහ॒ස්පතිඃ॑ ।
තේ නෝ॑ මුඤ්ච॒න්ත්වේන॑සෝ॒ යද॒න්යකෘ॑තමාරි॒ම ॥
ස॒ජා॒ත॒ශ॒ග්​ම්॒සාදු॒ත ජා॑මිශ॒ග්​ම්॒ සාජ්ජ්යාය॑ස॒-ශ්ශග්​ම්සා॑දු॒ත වා॒ කනී॑යසඃ ।
අනා॑ධෘෂ්ට-න්දේ॒වකෘ॑තං॒-යඁදේන॒ස්තස්මා॒-ත්ත්වම॒ස්මා-ඤ්ජා॑තවේදෝ මුමුග්ධි ॥
යද්වා॒චා ය-න්මන॑සා බා॒හුභ්යා॑-මූ॒රුභ්යා॑මෂ්ඨී॒වද්භ්යා॑ ශි॒ශ්නෛර්යදනෘ॑ත-ඤ්චකෘ॒මා ව॒යම් ।
අ॒ග්නිර්මා॒ තස්මා॒දේන॑සා॒ ගාර්​හ॑පත්යඃ॒ ප්රමු॑ඤ්චතු චකෘ॒ම යානි॑ දුෂ්කෘ॒තා ॥
යේන॑ ත්රි॒තෝ අ॑ර්ණ॒වා-න්නි॑ර්බ॒භූව॒ යේන॒ සූර්ය॒-න්තම॑සෝ නිර්මු॒මෝච॑ ।
යේනේන්ද්රෝ॒ විශ්වා॒ අජ॑හා॒දරා॑තී॒ස්තේනා॒හ-ඤ්ජ්යෝති॑ෂා॒ ජ්යෝති॑රානශා॒න ආ᳚ක්ෂි ॥
ය-ත්කුසී॑ද॒මප්ර॑තීත්ත॒-ම්මයේ॒හ යේන॑ ය॒මස්ය॑ නි॒ධිනා॒ චරා॑මි ।
ඒ॒තත්තද॑ග්නේ අනෘ॒ණෝ භ॑වාමි॒ ජීව॑න්නේ॒ව ප්රති॒ තත්තේ॑ දධාමි ॥
යන්මයි॑ මා॒තා ගර්භේ॑ ස॒ති । ඒන॑ශ්ච॒කාර॒ යත්පි॒තා । අ॒ග්නිර්මා॒ තස්මා॒දේන॑සඃ ॥ යදා॑ පි॒පේෂ॑ මා॒තර॑-ම්පි॒තර᳚ම් । පු॒ත්රඃ ප්රමු॑දිතෝ॒ ධයන්න්॑ । අහිග්​ම්॑සිතෞ පි॒තරෞ॒ මයා॒ තත් । තද॑ග්නේ අනෘ॒ණෝ භ॑වාමි ॥ යද॒න්තරි॑ක්ෂ-ම්පෘථි॒වීමු॒ත ද්යාම් । යන්මා॒තර॑-ම්පි॒තරං॑-වාඁ ජිහිග්​ම්සි॒ම । අ॒ග්නිර්මා॒ තස්මා॒දේන॑සඃ ॥
යදා॒ශසා॑ නි॒ශසා॒ යත්ප॑රා॒ශසා᳚ । යදේන॑ශ්ච කෘ॒මා නූත॑නං॒-යඁත්පු॑රා॒ණම් । අ॒ග්නිර්මා॒ තස්මා॒දේන॑සඃ ॥ අති॑ක්රාමාමි දුරි॒තං-යඁදේනඃ॑ । ජහා॑මි රි॒ප්ර-ම්ප॑ර॒මේ ස॒ධස්ථේ᳚ । යත්ර॒ යන්ති॑ සු॒කෘතෝ॒ නාපි॑ දු॒ෂ්කෘතඃ॑ । තමාරෝ॑හාමි සු॒කෘතා॒-න්නු ලෝ॒කම් ॥ ත්රි॒තේ දේ॒වා අ॑මෘජතෛ॒-තදේනඃ॑ । ත්රි॒ත ඒ॒තන්ම॑නු॒ෂ්යේ॑ෂු මාමෘජේ । තතෝ॑ මා॒ යදි॒ කිඤ්චි॑දාන॒ශේ । අ॒ග්නිර්මා॒ තස්මා॒දේන॑සඃ ॥
දි॒වි ජා॒තා අ॒ඵ්සු ජා॒තාඃ । යා ජා॒තා ඕෂ॑ධීභ්යඃ । අථෝ॒ යා අ॑ග්නි॒ජා ආපඃ॑ । තා න॑-ශ්ශුන්ධන්තු॒ ශුන්ධ॑නීඃ ॥ යදාපෝ॒ නක්ත॑-න්දුරි॒ත-ඤ්චරා॑ම । යද්වා॒ දිවා॒ නූත॑නං॒-යඁත්පු॑රා॒ණම් । හිර॑ණ්ය-වර්ණා॒ස්තත॒ උත්පු॑නීත නඃ ॥ ඉ॒ම-ම්මේ॑ වරුණ ශ්රුධී॒ හව॑ම॒ද්යා ච॑ මෘඩය । ත්වාම॑ව॒ස්යුරා ච॑කේ ॥
තත්ත්වා॑ යාමි॒ බ්රහ්ම॑ණා॒ වන්ද॑මාන॒-ස්තදා ශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ද්ධ්යුරු॑ශස॒ මා න॒ ආයුඃ॒ ප්රමෝ॑ෂීඃ ॥ ත්ව-න්නෝ॑ අග්නේ॒ වරු॑ණස්ය වි॒ද්වා-න්දේ॒වස්ය॒ හේඩෝ-ऽව॑ යාසි සීෂ්ඨාඃ । යජි॑ෂ්ඨෝ॒ වහ්නි॑ තම॒-ශ්ශෝශු॑චානෝ॒ විශ්වා॒ ද්වේෂා॑සි॒ ප්රමු॑මුග්ධ්ය॒ස්මත් ॥ ස ත්වන්නෝ॑ අග්නේ-ऽව॒මෝ භ॑වෝ॒තී නේදි॑ෂ්ඨෝ අ॒ස්යා උ॒ෂසෝ॒ ව්යු॑ෂ්ටෞ । අව॑ යක්ෂ්ව නෝ॒ වරු॑ණ॒ රරා॑ණෝ වී॒හි මෘ॑ඩී॒ක සු॒හවෝ॑ න ඒධි ॥ ත්වම॑ග්නේ අ॒යා-ऽසි॑ । අ॒යා සන්මන॑සා හි॒තඃ । අ॒යා සනඃඅ॒ව්යමූ॑හිෂේ । අ॒යා නෝ॑ ධේහි භේෂ॒ජම් । ඉ॒ෂ්ටෝ අ॒ග්නිරාහු॑තඃ । ස්වාහා॑කෘතඃ පිපර්තු නඃ । ස්ව॒ගා දේ॒වේභ්ය॑ ඉ॒ද-න්නමඃ॑ ॥ 3 ॥
(මු॒මු॒ග්ධි॒ ස॒ප්ත ච॑) (අ. 3)

අනුවාකං 4
යදදී᳚ව්යන්නෘ॒ණම॒හ-ම්බ॒භූවාදි॑-ථ්සන්වා සඤ්ජ॒ගර॒ ජනේ᳚භ්යඃ । අ॒ග්නිර්මා॒ තස්මා॒දින්ද්ර॑ශ්ච සං​විඁදා॒නෞ ප්රමු॑ඤ්චතාම් ॥ යද්ධස්තා᳚භ්යා-ඤ්ච॒කර॒ කිල්බි॑ෂාණ්ය॒ක්ෂාණාං᳚-වඁ॒ග්නුමු॑ප॒ජිඝ්න॑මානඃ ।
උ॒ග්ර॒ම්ප॒ශ්යා ච॑ රාෂ්ට්ර॒භෘච්ච॒ තාන්ය॑ඵ්ස॒රසා॒ වනු॑දත්තා-මෘ॒ණානි॑ ॥ උග්ර॑පංශ්යේ॒ රාෂ්ට්ර॑භෘ॒-ත්කිල්බි॑ෂාණි॒ යද॒ක්ෂවෘ॑ත්ත॒මනු॑දත්තමේ॒තත් ।
නේන්න॑ ඍ॒ණානෘ॒ණව॒ ඉථ්ස॑මානෝ ය॒මස්ය॑ ලෝ॒කේ අධි॑ රජ්ජු॒රාය॑ ॥ අව॑ තේ॒ හේඩෝ॑ වරුණ॒ නමෝ॑භි॒රව॑ ය॒ජ්ඤේභි॑රීමහේ හ॒විර්භිඃ॑ । ක්ෂය॑න්න॒ස්මභ්ය॑මසුර ප්රචේතෝ॒ රාජ॒න්නේනාග්​ම්॑සි ශිශ්රථඃ කෘ॒තානි॑ ॥ උදු॑ත්ත॒මං-වඁ ॑රුණ॒ පාශ॑ම॒ස්මදවා॑-ऽධ॒මං-විඁම॑ද්ධ්ය॒මග්ග්​ ශ්ර॑ථාය । අථා॑ ව॒යමා॑දිත්ය ව්ර॒තේ තවා-ऽනා॑ගසෝ॒ අදි॑තයේ ස්යාම ॥ ඉ॒ම-ම්මේ॑ වරුණ ශ්රුධී॒ හව॑ම॒ද්යා ච॑ මෘඩය । ත්වාම॑ව॒ස්යුරා ච॑කේ ॥
තත්ත්වා॑ යාමි॒ බ්රහ්ම॑ණා॒ වන්ද॑මාන॒-ස්තදා ශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ද්ධ්යුරු॑ශස॒ මා න॒ ආයුඃ॒ ප්රමෝ॑ෂීඃ ॥ ත්ව-න්නෝ॑ අග්නේ॒ වරු॑ණස්ය වි॒ද්වා-න්දේ॒වස්ය॒ හේඩෝ-ऽව॑ යාසි සීෂ්ඨාඃ । යජි॑ෂ්ඨෝ॒ වහ්නි॑ තම॒-ශ්ශෝශු॑චානෝ॒ විශ්වා॒ ද්වේෂා॑සි॒ ප්රමු॑මුග්ධ්ය॒ස්මත් ॥ ස ත්වන්නෝ॑ අග්නේ-ऽව॒මෝ භ॑වෝ॒තී නේදි॑ෂ්ඨෝ අ॒ස්යා උ॒ෂසෝ॒ ව්යු॑ෂ්ටෞ । අව॑ යක්ෂ්ව නෝ॒ වරු॑ණ॒ රරා॑ණෝ වී॒හි මෘ॑ඩී॒ක සු॒හවෝ॑ න ඒධි ॥ සඞ්කු॑සුකෝ॒ විකු॑සුකෝ නිර්-ඍ॒ථෝ යශ්ච॑ නිස්ව॒නඃ । තේ-ऽ(1॒)ස්ම-ද්යක්ෂ්ම॒මනා॑ගසෝ දූ॒රා-ද්දූ॒රම॑චීචතම් ॥ නිර්ය॑ක්ෂ්මමචීචතේ කෘ॒ත්යා-න්නිර්-ඍ॑ති-ඤ්ච । තේන॒ යෝ-ऽ(1॒)ස්මථ්සමෘ॑ච්ඡාතෛ॒ තම॑ස්මෛ॒ ප්රසු॑වාමසි ॥ දු॒ශ්ශ॒ග්​ම්॒සා॒නු॒ශ॒ග්​ම්॒සාභ්යා᳚-ඞ්ඝ॒ණේනා॑නුඝ॒ණේන॑ ච । තේනා॒න්යෝ-ऽ(1)॒ස්ම-ථ්සමෘ॑ච්ඡාතෛ॒ තම॑ස්මෛ॒ ප්රසු॑වාමසි ॥
සං​වඁර්ච॑සා॒ පය॑සා॒ සන්ත॒නූභි॒රග॑න්මහි॒ මන॑සා॒ සග්​ම් ශි॒වේන॑ । ත්වෂ්ටා॑ නෝ॒ අත්ර॒ විද॑ධාතු රා॒යෝ-ऽනු॑මාර්​ෂ්ටු ත॒න්වෝ(1॒) ය-ද්විලි॑ෂ්ටම් ॥ 4 ॥
(කෘ॒ත්යා-න්නිර්-ඍ॑ති-ඤ්ච॒ පඤ්ච॑ ච) (අ. 4)

අනුවාකං 5
ආයු॑ෂ්ටේ වි॒ශ්වතෝ॑ දධද॒යම॒ග්නිර්වරේ᳚ණ්යඃ ।
පුන॑ස්තේ ප්රා॒ණ ආයා॑ති॒ පරා॒ යක්ෂ්මග්​ම්॑ සුවාමි තේ ॥
ආ॒යු॒ර්දා අ॑ග්නේ හ॒විෂෝ॑ ජුෂා॒ණෝ ඝෘ॒තප්ර॑තීකෝ ඝෘ॒තයෝ॑නිරේධි । ඝෘ॒ත-ම්පී॒ත්වා මධු॒ චාරු॒ ගව්ය॑-ම්පි॒තේව॑ පු॒ත්රම॒භි ර॑ක්ෂතාදි॒මම් ॥
ඉ॒මම॑ග්න॒ ආයු॑ෂේ॒ වර්ච॑සේ කෘධි ති॒ග්මමෝජෝ॑ වරුණ॒ සග්​ම්ශි॑ශාධි । මා॒තේවා᳚ස්මා අදිතේ॒ ශර්ම॑ යච්ඡ॒ විශ්වේ॑ දේවා॒ ජර॑දෂ්ටි॒-ර්යථා-ऽස॑ත් ॥
අග්න॒ ආයූග්​ම්॑ෂි පවස॒ ආසු॒වෝර්ජ॒මිෂ॑-ඤ්ච නඃ ।
ආ॒රේ බා॑ධස්ව දු॒ච්ඡුනා᳚ම් ॥ අග්නේ॒ පව॑ස්ව॒ ස්වපා॑ අ॒ස්මේ වර්ච॑-ස්සු॒වීර්ය᳚ම් । දධ॑-ද්ර॒යි-ම්මයි॒ පෝෂ᳚ම් ॥ 5.1අ ॥
අ॒ග්නිර්-ඍෂිඃ॒ පව॑මානඃ॒ පාඤ්ච॑ජන්යඃ පු॒රෝහි॑තඃ । තමී॑මහේ මහාග॒යම් ॥ අග්නේ॑ ජා॒තා-න්ප්රණු॑දා න-ස්ස॒පත්නා॒-න්ප්රත්යජා॑තාඤ්ජාතවේදෝ නුදස්ව ।
අ॒ස්මේ දී॑දිහි සු॒මනා॒ අහේ॑ඩ॒ඤ්ඡර්ම॑න්තේ (අහේ॑ළ॒ඤ්ඡර්ම॑න්තේ) ස්යාම ත්රි॒වරූ॑ථ උ॒ද්භෞ ॥
සහ॑සා ජා॒තා-න්ප්රණු॑දා න-ස්ස॒පත්නා॒-න්ප්රත්යජා॑තාඤ්ජාතවේදෝ නුදස්ව । අධි॑ නෝ බ්රූහි සුමන॒ස්යමා॑නෝ ව॒යග්ග්​ ස්යා॑ම॒ ප්රණු॑දා න-ස්ස॒පත්නාන්॑ ॥ අග්නේ॒ යෝ නෝ॒-ऽභිතෝ॒ ජනෝ॒ වෘකෝ॒ වාරෝ॒ ජිඝාග්​ම්॑සති । තාග්​ස්ත්වං-වෘඁ ॑ත්රහඤ්ජහි॒ වස්ව॒ස්මභ්ය॒මා භ॑ර ॥ අග්නේ॒ යෝ නෝ॑-ऽභි॒දාස॑ති සමා॒නෝ යශ්ච॒ නිෂ්ට්යඃ॑ । තං-වඁ॒යග්​ම් ස॒මිධ॑-ඞ්කෘ॒ත්වා තුභ්ය॑ම॒ග්නේ-ऽපි॑දද්ධ්මසි ॥ 5.1බ් ॥

යෝ න॒-ශ්ශපා॒දශ॑පතෝ॒ යශ්ච॑ න॒-ශ්ශප॑ත॒-ශ්ශපා᳚ත් ।
උ॒ෂාශ්ච॒ තස්මෛ॑ නි॒ම්රුක්ච॒ සර්ව॑-ම්පා॒පග්​ම් සමූ॑හතාම් ॥
යෝ න॑-ස්ස॒පත්නෝ॒ යෝ රණෝ॒ මර්තෝ॑-ऽභි॒දාස॑ති දේවාඃ ।
ඉ॒ද්ධ්මස්යේ॑ව ප්ර॒ක්ෂාය॑තෝ॒ මා තස්යෝච්ඡේ॑ෂි॒ කිඤ්ච॒න ॥ යෝ මාන්ද්වේෂ්ටි॑ ජාතවේදෝ॒ ය-ඤ්චා॒හ-න්ද්වේෂ්මි॒ යශ්ච॒ මාම් । සර්වා॒ග්॒ස්තාන॑ග්නේ॒ සන්ද॑හ॒ යාග්​ශ්චා॒හ-න්ද්වේෂ්මි॒ යේ ච॒ මාම් ॥ යෝ අ॒ස්මභ්ය॑මරාතී॒යා-ද්යශ්ච॑ නෝ॒ ද්වේෂ॑තේ॒ ජනඃ॑ । නින්දා॒ද්යෝ අ॒ස්මා-න්දිඵ්සා᳚ච්ච॒ සර්වා॒ග්॒ස්තාන්ම॑ෂ්ම॒ෂා කු॑රු ॥
සග්​ම්ශි॑ත-ම්මේ॒ බ්රහ්ම॒ සග්​ම්ශි॑තං-වීඁ॒ර්යාම් (1॒) බල᳚ම් । සග්​ම්ශි॑ත-ඞ්ක්ෂ॒ත්ර-ම්මේ॑ ජි॒ෂ්ණු යස්යා॒හමස්මි॑ පු॒රෝහි॑තඃ ॥
උදේ॑ෂා-ම්බා॒හූ අ॑තිර॒මු-ද්වර්චෝ॒ අථෝ॒ බල᳚ම් ।
ක්ෂි॒ණෝමි॒ බ්රහ්ම॑ණා॒-ऽමිත්රා॒නුන්න॑යාමි॒ ස්වාඁ(2) අ॒හම් ॥ පුන॒ර්මනඃ॒ පුන॒රායු॑ර්ම॒ ආගා॒-ත්පුන॒ශ්චක්ෂුඃ॒ පුන॒-ශ්ශ්රෝත්ර॑-ම්ම॒ ආගා॒ත්
පුනඃ॑ ප්රා॒ණඃ පුන॒රාධී॑ත-ම්ම॒ ආගා᳚ත් ।
වෛ॒ශ්වා॒න॒රෝ මේ-ऽද॑බ්ධස්තනූ॒පා අව॑බාධතා-න්දුරි॒තානි॒ විශ්වා᳚ ॥ 5.1ච් ॥
(පෝෂං॑ - දද්ධ්මසි - පු॒රෝහි॑තශ්ච॒ත්වාරි॑ ච) (අ. 5)

අනුවාකං 6
වෛ॒ශ්වා॒න॒රාය॒ ප්රති॑වේදයාමෝ॒ යදී॑නෘ॒ණග්​ම් ස॑ඞ්ග॒රෝ දේ॒වතා॑සු । ස ඒ॒තා-න්පාශා᳚-න්ප්ර॒මුච॒-න්ප්රවේ॑ද॒ ස නෝ॑ මුඤ්චාතු දුරි॒තාදව॒ද්යාත් ॥
වෛ॒ශ්වා॒න॒රඃ පව॑යාන්නඃ ප॒විත්රෛ॒ර්ය-ථ්ස॑ඞ්ග॒ර-ම॒භිධාවා᳚ම්යා॒ශාම් । අනා॑ජාන॒-න්මන॑සා॒ යාච॑මානෝ॒ යදත්රෛනෝ॒ අව॒ ත-ථ්සු॑වාමි ॥
අ॒මී යේ සු॒භගේ॑ දි॒වි වි॒චෘතෞ॒ නාම॒ තාර॑කේ ।
ප්රේහාමෘත॑ස්ය යච්ඡතා-මේ॒ත-ද්බ॑ද්ධක॒මෝච॑නම් ॥
විජි॑හීර්​ෂ්ව ලෝ॒කාන් කෘ॑ධි බ॒න්ධා-න්මු॑ඤ්චාසි॒ බද්ධ॑කම් । යෝනේ॑රිව॒ ප්රච්යු॑තෝ॒ ගර්භ॒-ස්සර්වා᳚-න්ප॒ථෝ අ॑නුෂ්ව ॥
ස ප්ර॑ජා॒න-න්ප්රති॑ගෘභ්ණීත වි॒ද්වා-න්ප්ර॒ජාප॑තිඃ ප්රථම॒ජා ඍ॒තස්ය॑ । අ॒ස්මාභි॑ර්ද॒ත්ත-ඤ්ජ॒රසඃ॑ ප॒රස්තා॒දච්ඡි॑න්න॒-න්තන්තු॑මනු॒ සඤ්ච॑රේම ॥ 6.1අ ॥

ත॒ත-න්තන්තු॒මන්වේකේ॒ අනු॒ සඤ්ච॑රන්ති॒ යේෂා᳚-න්ද॒ත්ත-ම්පිත්ර්ය॒මාය॑නවත් । අ॒බ॒න්ධ්වේකේ॒ දද॑තඃ ප්ර॒යච්ඡා॒-ද්දාතු॒ච්චේ-ච්ඡ॒ක්නවා॒ග්​ම්॒ ස-ස්ස්ව॒ර්ග ඒ॑ෂාම් ॥
ආර॑භේථා॒මනු॒ සග්​ම්ර॑භේථාග්​ම් සමා॒න-ම්පන්ථා॑මවථෝ ඝෘ॒තේන॑ । යද්වා᳚-ම්පූ॒ර්ත-ම්පරි॑විෂ්ටං॒-යඁද॒ග්නෞ තස්මෛ॒ ගෝත්රා॑යේ॒හ ජායා॑පතී॒ සග්​ම්ර॑භේථාම් ॥ යද॒න්තරි॑ක්ෂ-ම්පෘථි॒වීමු॒ත ද්යාං-යඁන්මා॒තර॑-ම්පි॒තරං॑-වාඁ ජිහිග්​ම්සි॒ම ।
අ॒ග්නිර්මා॒ තස්මා॒දේන॑සෝ॒ ගාර්​හ॑පත්ය॒ උන්නෝ॑ නේෂ-ද්දුරි॒තා යානි॑ චකෘ॒ම ॥ භූමි॑ර්මා॒තා-ऽදි॑තිර්නෝ ජ॒නිත්ර॒-ම්භ්රාතා॒න්තරි॑ක්ෂ-ම॒භිශ॑ස්ත ඒනඃ ।
ද්යෞර්නඃ॑ පි॒තා පි॑තෘ॒යාච්ඡ-ම්භ॑වාසි ජා॒මි මි॒ත්වා මා වි॑විථ්සි ලෝ॒කාත් ॥ යත්ර॑ සු॒හාර්ද॑-ස්සු॒කෘතෝ॒ මද॑න්තේ වි॒හාය॒ රෝග॑-න්ත॒න්වා(1)॒ග්ග්॒ ස්වායා᳚ම් ।
අ॒ශ්ලෝ॒ණාඞ්ගෛ॒රහ්රු॑තා-ස්ස්ව॒ර්ගේ තත්ර॑ පශ්යේම පි॒තර॑-ඤ්ච පු॒ත්රම් ॥ යදන්න॒මද්ම්යනෘ॑තේන දේවා දා॒ස්යන්නදා᳚ස්යන්නු॒ත වා॑ කරි॒ෂ්යන්න් ।
ය-ද්දේ॒වානා॒-ඤ්චක්ෂු॒ෂ්යාගෝ॒ අස්ති॒ යදේ॒ව කිඤ්ච॑ ප්රතිජග්රා॒හම॒ග්නිර්මා॒ තස්මා॑දනෘ॒ණ-ඞ්කෘ॑ණෝතු ॥
යදන්න॒මද්මි॑ බහු॒ධා විරූ॑පං॒-වාඁසෝ॒ හිර॑ණ්යමු॒ත ගාම॒ජාමවි᳚ම් ।
ය-ද්දේ॒වානා॒-ඤ්චක්ෂු॒ෂ්යාගෝ॒ අස්ති॒ යදේ॒ව කිඤ්ච॑ ප්රතිජග්රා॒හම॒ග්නිර්මා॒ තස්මා॑දනෘ॒ණ-ඞ්කෘ॑ණෝතු ॥
ය॒න්මයා॑ මන॑සා වා॒චා॒ කෘ॒ත॒මේනඃ॑ කදා॒චන ।
සර්වස්මා᳚-න්මේඩි॑තෝ (මේළ॑තා) මෝ॒ග්ධි॒ ත්වග්​ම් හි
වේත්ථ॑ යථාත॒ථම් ॥ 6.1බ් ॥
(ච॒රේ॒ම॒ - පු॒ත්රග්​ම් ෂට්ච॑) (අ. 6)

අනුවාකං 7
වාත॑රශනා හ॒ වා ඍෂ॑ය-ශ්ශ්රම॒ණා ඌ॒ර්ධ්වම॑න්ථි॒නෝ බ॑භූවු॒ස්තා-නෘෂ॑යෝ॒-ऽර්ථ-මා॑ය॒ග්ග්॒ස්තේ නි॒ලාය॑-මචර॒ග්ග්॒ස්තේ-ऽනු॑ප්රවිශුඃ කූශ්මා॒ණ්ඩානි॒ තාග්​-ස්තේෂ්වන්ව॑වින්ද-ඤ්ඡ්ර॒ද්ධයා॑ ච॒ තප॑සා ච॒ , තානෘෂ॑යෝ-ऽබ්රුවන් ක॒ථා නි॒ලාය॑-ඤ්චර॒ථේති॒ ත ඍෂී॑නබ්රුව॒න්නමෝ॑ වෝ-ऽස්තු භගවන්තෝ॒-ऽස්මි-න්ධා᳚ම්නි॒ කේන॑ ව-ස්සපර්යා॒මේති॒ තානෘෂ॑යෝ-ऽබ්රුව-න්ප॒විත්ර॑-න්නෝ බ්රූත॒ යේනා॑රේ॒පස॑-ස්ස්යා॒මේති॒ ත ඒ॒තානි॑ සූ॒ක්තාන්ය॑පශ්ය॒න්॒. ,
ය-ද්දේ॑වා දේව॒හේඩ॑නං॒ (දේව॒හේළ॑නං॒) ඁයදදී᳚ව්යන්නෘ॒ණම॒හ-ම්බ॒භූවායු॑ෂ්ටේ වි॒ශ්වතෝ॑
දධ॒දිත්යේ॒තෛරාජ්ය॑-ඤ්ජුහුත වෛශ්වාන॒රාය॒ ප්රති॑වේදයාම॒ ඉත්යුප॑තිෂ්ඨත॒ යද॑ර්වා॒චීන॒මේනෝ᳚ භ්රූණහ॒ත්යායා॒ස්තස්මා᳚-න්මෝක්ෂ්යද්ධ්ව॒ ඉති॒ ,ත ඒ॒තෛර॑ජුහවු॒ස්තේ-ऽරේ॒පසෝ॑-ऽභවන් කර්මා॒දිෂ්වේ॒තෛ-ර්ජු॑හුයා-ත්පූ॒තෝ දේ॑වලෝ॒කා-න්ථ්සම॑ශ්නුතේ ॥ 7 ॥

අනුවාකං 8
කූ॒ශ්මා॒ණ්ඩෛ-ර්ජු॑හුයා॒-ද්යෝ-ऽපූ॑ත ඉව॒ මන්යේ॑ත॒ යථා᳚ ස්තේ॒නෝ යථා᳚ භ්රූණ॒හෛවමේ॒ෂ භ॑වති॒ යෝ-ऽයෝනෞ॒ රේත॑-ස්සි॒ඤ්චති॒, යද॑ර්වා॒චීන॒මේනෝ᳚ භ්රූණහ॒ත්යායා॒ස්තස්මා᳚-න්මුච්යතේ॒ යාව॒දේනෝ॑ දී॒ක්ෂාමුපෛ॑ති දීක්ෂි॒ත ඒ॒තෛ-ස්ස॑ත॒ති ජු॑හෝති සං​වඁථ්ස॒ර-න්දී᳚ක්ෂි॒තෝ භ॑වති සං​වඁථ්ස॒රාදේ॒වාත්මාන॑-ම්පුනීතේ॒ මාස॑-න්දීක්ෂි॒තෝ භ॑වති॒ යෝ මාස॒-ස්ස සං​වඁථ්ස॒ර-ස්සං॑​වඁථ්ස॒රාදේ॒වාත්මාන॑-ම්පුනීතේ॒ චතු॑ර්විග්​ම්ශති॒ග්​ම්॒ රාත්රී᳚ර්දීක්ෂි॒තෝ භ॑වති॒ චතු॑ර්විග්​ම්ශති-රර්ධමා॒සා-ස්සං॑​වඁථ්ස॒ර-ස්සං॑​වඁථ්ස॒රාදේ॒වාත්මාන॑-ම්පුනීතේ॒ ද්වාද॑ශ॒ රාත්රී᳚ර්දීක්ෂි॒තෝ භ॑වති॒ ද්වාද॑ශ॒ මාසා᳚-ස්සං​වඁථ්ස॒ර-ස්සං॑​වඁථ්ස॒රාදේ॒වාත්මාන॑-ම්පුනීතේ॒ ෂඩ්රාත්රී᳚ර්දීක්ෂි॒තෝ භ॑වති॒ ෂඩ්වා ඍ॒තව॑-ස්සං​වඁථ්ස॒ර-ස්සං॑​වඁථ්ස॒රාදේ॒වාත්මාන॑-ම්පුනීතේ ති॒ස්රෝ රාත්රී᳚-ර්දීක්ෂි॒තෝ භ॑වති ත්රි॒පදා॑ ගාය॒ත්රී ගා॑යත්රි॒යා ඒ॒වාත්මාන॑-ම්පුනීතේ॒ න මා॒ග්​ම්॒සම॑ශ්ඤීයා॒න්න ස්ත්රිය॒මුපේ॑යා॒න්නෝපර්යා॑සීත॒ ජුගු॑ඵ්සේ॒තානෘ॑තා॒ත්පයෝ᳚ බ්රාහ්ම॒ණස්ය॑ ව්ර॒තං-යඁ ॑වා॒ගූ රා॑ජ॒න්ය॑ස්යා॒මික්ෂා॒ වෛශ්ය॒ස්යාථෝ॑ සෞ॒ම්යේ-ऽප්ය॑ද්ධ්ව॒ර ඒ॒තද්ව්ර॒ත-ම්බ්රූ॑යා॒-ද්යදි॒ මන්යේ॑-තෝප॒දස්යා॒මීත්යෝ॑ද॒න-න්ධා॒නා-ස්සක්තූ᳚-ඞ්ඝෘ॒තමිත්යනු॑ව්රතයේදා॒ත්මනෝ-ऽනු॑පදාසාය ॥ 8 ॥

අනුවාකං 9
අ॒ජාන්. හ॒ වෛ පෘශ්ඤීග්॑ස්තප॒ස්යමා॑නා॒-න්බ්රහ්ම॑ ස්වය॒ම්භ්ව॑භ්යාන॑ර්​ෂ॒ත්ත ඍෂ॑යෝ-ऽභව॒-න්තදෘෂී॑ණා-මෘෂි॒ත්ව-න්තා-න්දේ॒වතා॒මුපා॑තිෂ්ඨන්ත ය॒ජ්ඤකා॑මා॒ස්ත ඒ॒ත-ම්බ්ර॑හ්මය॒ජ්ඤ-ම॑පශ්ය॒න්-තමා-ऽහ॑ර॒න්-තේනා॑යජන්ත॒ යදෘ॒චෝ-ऽද්ධ්යගී॑ෂත॒ තාඃ පය॑ ආහුතයෝ දේ॒වානා॑මභව॒න්॒. ය-ද්යජූග්​ම්॑ෂි ඝෘ॒තාහු॑තයෝ॒ ය-ථ්සාමා॑නි॒ සෝමා॑හුතයෝ॒ යදථ॑ර්වාඞ්ගි॒රසෝ॒ මද්ධ්වා॑හුතයෝ॒ යද්බ්රා᳚හ්ම॒ණානී॑තිහා॒සාන්-පු॑රා॒ණානි॒ කල්පා॒-න්ගාථා॑ නාරාශ॒ග්​ම්॒සීර්මේ॑දාහු॒තයෝ॑ දේ॒වානා॑-මභව॒න්තාභිඃ॒, ක්ෂුධ॑-ම්පා॒ප්මාන॒-මපා᳚ඝ්න॒-න්නප॑හතපාප්මානෝ දේ॒වා-ස්ස්ව॒ර්ගං-ලෝඁ॒කමා॑ය॒-න්බ්රහ්ම॑ණ॒-ස්සායු॑ජ්ය॒-මෘෂ॑යෝ-ऽගච්ඡන්න් ॥ 9 ॥

අනුවාකං 10
පඤ්ච॒ වා ඒ॒තේ ම॑හාය॒ජ්ඤා-ස්ස॑ත॒ති ප්රතා॑යන්තේ සත॒ති සන්ති॑ෂ්ඨන්තේ දේවය॒ජ්ඤඃ පි॑තෘය॒ජ්ඤෝ භූ॑තය॒ජ්ඤෝ ම॑නුෂ්යය॒ජ්ඤෝ බ්ර॑හ්මය॒ජ්ඤ ඉති॒ යද॒ග්නෞ ජු॒හෝත්ය॒පි ස॒මිධ॒-න්ත-ද්දේ॑වය॒ජ්ඤ-ස්සන්ති॑ෂ්ඨතේ॒ ය-ත්පි॒තෘභ්ය॑-ස්ස්ව॒ධා ක॒රෝත්යප්ය॒පස්ත-ත්පි॑තෘය॒ජ්ඤ-ස්සන්ති॑ෂ්ඨතේ॒ය-ද්භූ॒තේභ්යෝ॑ බ॒ලිග්​ම් හර॑ති॒ ත-ද්භූ॑තය॒ජ්ඤ-ස්සන්ති॑ෂ්ඨතේ॒ යද්බ්රා᳚හ්ම॒ණේභ්යෝ-ऽන්න॒-න්දදා॑ති॒ තන්ම॑නුෂ්යය॒ජ්ඤ-ස්සන්ති॑ෂ්ඨතේ॒ යථ්ස්වා᳚ද්ධ්යා॒ය-මධී॑යී॒-තෛකා॑මප්යෘ॒චං-යඁජුඃ॒-සාම॑ වා॒ තද්බ්ර॑හ්මය॒ජ්ඤ-ස්සන්ති॑ෂ්ඨතේ॒ යදෘ॒චෝ-ऽධී॑තේ॒ පය॑සඃ॒ කූල්යා॑ අස්ය පි॒තॄ-න්ථ්ස්ව॒ධා අ॒භිව॑හන්ති॒ ය-ද්යජූග්​ම්॑ෂි ඝෘ॒තස්ය॑ කූල්යා॒ ය-ථ්සාමා॑නි॒ සෝම॑ ඒභ්යඃ පවතේ॒ යදථ॑ර්වාඞ්ගි॒රසෝ॒ මධෝඃ᳚ කූල්යා॒ යද්බ්රා᳚හ්ම॒ණා-නී॑තිහා॒සාන්-පු॑රා॒ණානි॒ කල්පා॒-න්ගාථා॑ නාරාශ॒ග්​ම්॒සී-ර්මේද॑සඃ॒ කූල්යා॑ අස්ය පි॒තॄන්-ථ්ස්ව॒ධා අ॒භිව॑හන්ති॒ යදෘ॒චෝ-ऽධී॑තේ॒ පය॑ ආහුතිභිරේ॒ව ත-ද්දේ॒වාග්​ස්ත॑ර්පයති॒ ය-ද්යජූග්​ම්॑ෂි ඝෘ॒තාහු॑තිභි॒ර්ය-ථ්සාමා॑නි॒ සෝමා॑හුතිභි॒-ර්යදථ॑ර්වාඞ්ගි॒රසෝ॒ මද්ධ්වා॑හුතිභි॒-ර්යද්බ්රා᳚හ්ම॒ණා-නී॑තිහා॒සාන්-පු॑රා॒ණානි॒ කල්පා॒-න්ගාථා॑ නාරාශ॒ග්​ම්॒සී-ර්මේ॑දාහු॒තිභි॑රේ॒ව ත-ද්දේ॒වාග්​ස්ත॑ර්පයති॒ ත ඒ॑න-න්තෘ॒ප්තා ආයු॑ෂා॒ තේජ॑සා॒ වර්ච॑සා ශ්රි॒යා යශ॑සා බ්රහ්මවර්ච॒සේනා॒න්නාද්යේ॑න ච තර්පයන්ති ॥ 10 ॥

අනුවාකං 11
බ්ර॒හ්ම॒ය॒ජ්ඤේන॑ ය॒ක්ෂ්යමා॑ණඃ॒ ප්රාච්යා᳚-න්දි॒ශි ග්රාමා॒දඡ॑දිර්ද॒ර්॒ශ උදී᳚ච්යා-ම්ප්රාගුදී॒ච්යාං-වෝඁ॒දිත॑ ආදි॒ත්යේ ද॑ක්ෂිණ॒ත උ॑ප॒වීයෝ॑ප॒විශ්ය॒ හස්තා॑වව॒නිජ්ය॒ ත්රිරාචා॑මේ॒ද්ද්විඃ ප॑රි॒මෘජ්ය॑ ස॒කෘදු॑ප॒ස්පෘශ්ය॒ ශිර॒ශ්චක්ෂු॑ෂී॒ නාසි॑කේ॒ ශ්රෝත්රේ॒ හෘද॑යමා॒ලභ්ය॒ ය-ත්ත්රිරා॒චාම॑ති॒ තේන॒ ඍචඃ॑ ප්රීණාති॒ යද්ද්විඃ ප॑රි॒මෘජ॑ති॒ තේන යජූග්​ම්॑ෂි॒ ය-ථ්ස॒කෘදු॑ප॒ස්පෘශ॑ති॒ තේන॒ සාමා॑නි॒ (ය-ථ්ස॒ව්ය-ම්පා॒ණි පා॒දෞ ප්රෝ॒ක්ෂති॒) යච්ඡිර॒ශ්චක්ෂු॑ෂී॒ නාසි॑කේ॒ ශ්රෝත්රේ॒ හෘද॑යමා॒ලභ॑තේ॒ තේනාථ॑ර්වාඞ්ගි॒රසෝ᳚ බ්රාහ්ම॒ණා-නී॑තිහා॒සා-න්පු॑රා॒ණානි॒ කල්පා॒-න්ගාථා॑ නාරාශ॒ග්​ම්॒සීඃ ප්රී॑ණාති॒ දර්භා॑ණා-ම්ම॒හදු॑ප॒ස්තීර්යෝ॒පස්ථ॑-ඞ්කෘ॒ත්වා ප්රාංආසී॑න-ස්ස්වාද්ධ්යා॒යමධී॑යීතා॒පාං-වාඁ ඒ॒ෂ ඕෂ॑ධීනා॒ග්​ම්॒ රසෝ॒ ය-ද්ද॒ර්භා-ස්සර॑සමෙ॒ව බ්රහ්ම॑ කුරුතේ දක්ෂිණෝත්ත॒රෞ පා॒ණී (පා॒දෞ) කෘ॒ත්වා සප॒විත්රා॒වෝමිති॒ ප්රති॑පද්යත ඒ॒තද්වෛ යජු॑ස්ත්රයීං-විඁ॒ද්යා-ම්ප්රත්යේ॒ෂා වාගේ॒තත්ප॑ර॒මම॒ක්ෂර॒-න්තදේ॒තදෘ॒චා-ऽභ්යු॑ක්තමෘ॒චෝ අ॒ක්ෂරේ॑ පර॒මේ ව්යෝ॑ම॒න්॒. යස්මි॑-න්දේ॒වා අධි॒ විශ්වේ॑ නිෂේ॒දුර්යස්තන්න වේද॒ කිමෘ॒චා ක॑රිෂ්යති॒ ය ඉත්තද්වි॒දුස්ත ඉ॒මේ සමා॑සත॒ ඉති॒ ත්රීනේ॒ව ප්රායු॑ඞ්ක්ත॒ භූර්භුව॒ස්ස්ව॑රිත්යා॑හෛ॒තද්වෛ වා॒ච-ස්ස॒ත්යං-යඁදේ॒ව වා॒ච-ස්ස॒ත්ය-න්ත-ත්ප්රායු॒ඞ්ක්තාථ॑ සාවි॒ත්රී-ඞ්ගා॑ය॒ත්රී-න්ත්රිරන්වා॑හ ප॒ච්ඡෝ᳚-ऽර්ධර්ච॑ශෝ-ऽනවා॒නග්​ම් ස॑වි॒තා ශ්රියඃ॑ ප්රසවි॒තා ශ්රිය॑මේ॒වාප්නෝ॒ත් යථෝ᳚ ප්ර॒ජ්ඤාත॑යෛ॒ව ප්ර॑ති॒පදා॒ ඡන්දාග්​ම්॑සි॒ ප්රති॑පද්යතේ ॥ 11 ॥

අනුවාකං 12
ග්රාමේ॒ මන॑සා ස්වාද්ධ්යා॒යමධී॑යීත॒ දිවා॒ නක්තං॑-වේඁ॒ති හ॑ ස්මා॒හ ශෞ॒ච ආ᳚හ්නේ॒ය උ॒තාර॑ණ්යේ॒-ऽබල॑ උ॒ත වා॒චෝත තිෂ්ඨ॑න්නු॒ත ව්රජ॑න්නු॒තාසී॑න උ॒ත ශයා॑නෝ॒-ऽධීයී॑තෛ॒ව ස්වා᳚ද්ධ්යා॒ය-න්තප॑ස්වී॒ පුණ්යෝ॑ භවති॒ ය ඒ॒වං-විඁ॒ද්වාන්-ථ්ස්වා᳚ද්ධ්යා॒යමධී॑තේ॒ නමෝ॒ බ්රහ්ම॑ණේ॒ නමෝ॑ අස්ත්ව॒ග්නයේ॒ නමඃ॑ පෘථි॒ව්යෛ නම॒ ඕෂ॑ධීභ්යඃ ।
නමෝ॑ වා॒චේ නමෝ॑ වා॒චස්පත॑යේ॒ නමෝ॒ විෂ්ණ॑වේ බෘහ॒තේ ක॑රෝමි ॥ 12 ॥

අනුවාකං 13
ම॒ද්ධ්යන්දි॑නේ ප්ර॒බල॒මධී॑යීතා॒සෞ ඛලු॒ වාවෛෂ ආ॑දි॒ත්යෝ යද්බ්රා᳚හ්ම॒ණස්තස්මා॒ත්තර්​හි॒ තේක්ෂ්ණි॑ෂ්ඨ-න්තපති॒ තදේ॒ෂා-ऽභ්යු॑ක්තා ॥
චි॒ත්ර-න්දේ॒වානා॒මුද॑ගා॒දනී॑ක॒-ඤ්චක්ෂු॑ර්මි॒ත්රස්ය॒ වරු॑ණස්යා॒ග්නේඃ ।
ආ-ऽප්රා॒ ද්යාවා॑පෘථි॒වී අ॒න්තරි॑ක්ෂ॒ග්​ම්॒ සූර්ය॑ ආ॒ත්මා ජග॑තස්ත॒ස්ථුෂ॒ශ්චේති॒ ස වා ඒ॒ෂ ය॒ජ්ඤ-ස්ස॒ද්යඃ ප්රතා॑යතේ ස॒ද්ය-ස්සන්ති॑ෂ්ඨතේ॒ තස්ය॒ ප්රාඛ්සා॒යම॑වභෘ॒ථෝ නමෝ॒ බ්රහ්ම॑ණ॒ ඉති॑ පරිධා॒නීයා॒-න්ත්රිරන්වා॑හා॒ප උ॑ප॒ස්පෘශ්ය॑ ගෘ॒හානේ॑ති॒ තතෝ॒ යත්කිඤ්ච॒ දදා॑ති॒ සා දක්ෂි॑ණා ॥ 13 ॥

අනුවාකං 14
තස්ය॒ වා ඒ॒තස්ය॑ ය॒ජ්ඤස්ය॒ මේඝෝ॑ හවි॒ර්ධානං॑-විඁ॒ද්යුද॒ග්නිර්ව॒ර්॒ෂග්​ම් හ॒වි-ස්ස්ත॑නයි॒ත්නු-ර්ව॑ෂට්කා॒රෝ යද॑ව॒ස්ඵූර්ජ॑ති॒ සෝ-ऽනු॑වෂට්කා॒රෝ වා॒යුරා॒ත්මා-ऽමා॑වා॒ස්යා᳚ ස්විෂ්ට॒කෘද්ය ඒ॒වං-විඁ॒ද්වාන්මේ॒ඝේ ව॒ර්॒ෂති॑ වි॒ද්යෝත॑මානේ ස්ත॒නය॑ත්යව॒ස්ඵූර්ජ॑ති॒ පව॑මානේ වා॒යාව॑මාවා॒ස්යා॑යාග්​ ස්වාද්ධ්යා॒යමධී॑තේ॒
තප॑ ඒ॒ව තත්ත॑ප්යතේ॒ තපෝ॑ හි ස්වාද්ධ්යා॒ය ඉත්යු॑ත්ත॒ම-න්නාකග්​ම්॑ රෝහත්යුත්ත॒ම-ස්ස॑මා॒නානා᳚-ම්භවති॒ යාව॑න්තග්​ම් හ॒ වා ඉ॒මාං-විඁ॒ත්තස්ය॑ පූ॒ර්ණා-න්දද॑ථ්ස්ව॒ර්ගං-ලෝඁ॒ක-ඤ්ජ॑යති॒ තාව॑න්තං-ලෝඁ॒ක-ඤ්ජ॑යති॒ භූයාග්​ම්॑ස-ඤ්චාක්ෂ॒ය්ය-ඤ්චාප॑ පුනර්මෘ॒ත්යු-ඤ්ජ॑යති॒ බ්රහ්ම॑ණ॒-ස්සායු॑ජ්ය-ඞ්ගච්ඡති ॥ 14 ॥

අනුවාකං 15
තස්ය॒ වා ඒ॒තස්ය॑ ය॒ජ්ඤස්ය॒ ද්වාව॑නද්ධ්යා॒යෞ යදා॒-ऽऽත්මා-ऽශුචි॒-ර්ය-ද්දේ॒ශ-ස්සමෘ॑ද්ධිර්දෛව॒තානි॒ ය ඒ॒වං-විඁ॒ද්වා-න්ම॑හාරා॒ත්ර උ॒ෂස්යුදි॑තේ॒ ව්රජ॒ග්ග්॒ස්තිෂ්ඨ॒-න්නාසී॑න॒-ශ්ශයා॑නෝ॒-ऽරණ්යේ᳚ ග්රාමේ॒ වා යාව॑ත්ත॒රසග්ග්॑ ස්වාද්ධ්යා॒යමධී॑තේ॒ සර්වා᳚න් ඁලෝ॒කාඤ්ජ॑යති॒ සර්වා᳚න් ඁලෝ॒කාන॑නෘ॒ණෝ-ऽනු॒ සඤ්ච॑රති॒ තදේ॒ෂා-ऽභ්යු॑ක්තා ॥ අ॒නෘ॒ණා අ॒ස්මින්න॑නෘ॒ණාඃ පර॑ස්මිග්ග්​ස්තෘ॒තීයේ॑ ලෝ॒කේ අ॑නෘ॒ණා-ස්ස්යා॑ම । යේ දේ॑ව॒යානා॑ උ॒ත පි॑තෘ॒යාණා॒-ස්සර්වා᳚-න්ප॒ථෝ අ॑නෘ॒ණා ආක්ෂී॑යේ॒මේත්ය॒ග්නිං-වෛඁ ජා॒ත-ම්පා॒ප්මා ජ॑ග්රාහ॒ තන්දේ॒වා ආහු॑තීභිඃ පා॒ප්මාන॒මපා᳚ඝ්න॒-න්නාහු॑තීනාං-යඁ॒ජ්ඤේන॑ ය॒ජ්ඤස්ය॒ දක්ෂි॑ණාභි॒-ර්දක්ෂි॑ණානා-ම්බ්රාහ්ම॒ණේන॑ බ්රාහ්ම॒ණස්ය॒ ඡන්දෝ॑භි॒-ශ්ඡන්ද॑සාග්​ ස්වාද්ධ්යා॒යේනාප॑හතපාප්මා ස්වාද්ධ්යා॒යෝ॑ දේ॒වප॑විත්රං॒-වාඁ ඒ॒තත්තං-යෝඁ-ऽනූ᳚-ථ්සෘ॒ජත්යභා॑ගෝ වා॒චි භ॑ව॒ත්යභා॑ගෝ නා॒කේ තදේ॒ෂා-ऽභ්යු॑ක්තා ॥ යස්ති॒ත්යාජ॑ සඛි॒විද॒ග්​ම්॒ සඛා॑ය॒-න්න තස්ය॑ වා॒ච්යපි॑ භා॒ගෝ අ॑ස්ති । යදීග්​ම්॑ ශෘ॒ණෝත්ය॒ලකග්​ම්॑ ශෘණෝති॒ න හි ප්ර॒වේද॑ සුකෘ॒තස්ය॒ පන්ථා॒මිති॒ තස්මා᳚-ථ්ස්වාද්ධ්යා॒යෝ-ऽද්ධ්යේ॑ත॒ව්යෝ॑ යං-යඁ ॑-ඞ්ක්ර॒තුමධී॑තේ॒ තේන॑ තේනාස්යේ॒ෂ්ට-ම්භ॑වත්ය॒ග්නේ-ර්වා॒යෝ-රා॑දි॒ත්යස්ය॒ සායු॑ජ්ය-ඞ්ගච්ඡති॒ තදේ॒ෂා-ऽභ්යු॑ක්තා ॥
යේ අ॒ර්වාංඋ॒ත වා॑ පුරා॒ණේ වේ॒දං-විඁ॒ද්වාග්​ම්ස॑ම॒භිතෝ॑ වදන්ත්යාදි॒ත්යමේ॒ව තේ පරි॑වදන්ති॒ සර්වේ॑ අ॒ග්නි-න්ද්වි॒තීය॑-න්තෘ॒තීය॑-ඤ්ච හ॒ග්​ම්॒සමිති॒ යාව॑තී॒ර්වෛ දේ॒වතා॒ස්තා-ස්සර්වා॑ වේද॒විදි॑ බ්රාහ්ම॒ණේ ව॑සන්ති॒ තස්මා᳚-ද්බ්රාහ්ම॒ණේභ්යෝ॑ වේද॒විද්භ්යෝ॑ දි॒වේදි॑වේ॒ නම॑ස්කුර්යා॒න්නාශ්ලී॒ල-ඞ්කී᳚ර්තයේදේ॒තා ඒ॒ව දේ॒වතාඃ᳚ ප්රීණාති ॥ 15 ॥

අනුවාකං 16
රිච්ය॑ත ඉව॒ වා ඒ॒ෂ ප්රේව රි॑ච්යතේ॒ යෝ යා॒ජය॑ති॒ ප්රති॑ වා ගෘ॒හ්ණාති॑ යා॒ජයි॑ත්වා ප්රතිගෘ॒හ්ය වා-ऽන॑ශ්න॒න්ත්රි-ස්ස්වා᳚ද්ධ්යා॒යං-වේඁ॒දමධී॑යීත ත්රිරා॒ත්රං-වාඁ ॑ සාවි॒ත්රී-ඞ්ගා॑ය॒ත්රී-ම॒න්වාති॑රේචයති॒ වරෝ॒ දක්ෂි॑ණා॒ වරේ॑ණෛ॒ව වරග්ග්॑ ස්පෘණෝත්යා॒ත්මා හි වරඃ॑ ॥ 16 ॥

අනුවාකං 17
දු॒හේ හ॒ වා ඒ॒ෂ ඡන්දාග්​ම්॑සි॒ යෝ යා॒ජය॑ති॒ ස යේන॑ යජ්ඤක්ර॒තුනා॑ යා॒ජයේ॒-ථ්සෝ-ऽර॑ණ්ය-ම්ප॒රේත්ය॑ ශුචෞ දේ॒ශේ ස්වා᳚ද්ධ්යා॒ය-මේ॒වෛන॒-මධී॑යන්නාසී॒ත තස්යා॒නශ॑න-න්දී॒ක්ෂා ස්ථා॒නමු॑ප॒සද॒ ආස॑නග්​ම් සු॒ත්යා වාග්ජු॒හූර්මන॑ උප॒භෘද්ධෘ॒තිර්ධ්රු॒වා ප්රා॒ණෝ හ॒වි-ස්සාමා᳚ද්ධ්ව॒ර්යු-ස්ස වා ඒ॒ෂ ය॒ජ්ඤඃ
ප්රා॒ණද॑ක්ෂි॒ණෝ-ऽන॑න්තදක්ෂිණ॒-ස්සමෘ॑ද්ධතරඃ ॥ 17 ॥

අනුවාකං 18
ක॒ති॒ධා-ऽව॑කීර්ණී ප්රවි॒ශති॑ චතු॒ර්ධේත්යා॑හු-ර්බ්රහ්මවා॒දිනෝ॑ ම॒රුතඃ॑ ප්රා॒ණෛරින්ද්ර॒-ම්බලේ॑න॒ බෘහ॒ස්පති॑-ම්බ්රහ්මවර්ච॒සේනා॒ග්නිමේ॒වේත॑රේණ॒ සර්වේ॑ණ॒ තස්යෛ॒තා-ම්ප්රාය॑ශ්චිත්තිං-විඁ॒දාඤ්ච॑කාර සුදේ॒වඃ කා᳚ශ්ය॒පෝ යෝ
බ්ර॑හ්මචා॒ර්ය॑ව॒කිරේ॑දමාවා॒ස්යා॑යා॒ග්​ම්॒ රාත්ර්යා॑ම॒ග්නි-ම්ප්ර॒ණීයෝ॑පසමා॒ධාය॒ ද්විරාජ්ය॑ස්යෝප॒ඝාත॑-ඤ්ජුහෝති॒ කාමාව॑කීර්ණෝ॒-ऽස්ම්යව॑කීර්ණෝ-ऽස්මි॒ කාම॒ කාමා॑ය॒ ස්වාහා॒ කාමාභි॑ද්රුග්ධෝ॒-ऽස්ම්යභි॑ද්රුග්ධෝ-ऽස්මි॒ කාම॒ කාමා॑ය॒ ස්වාහේත්ය॒මෘතං॒-වාඁ ආජ්ය॑ම॒මෘත॑මේ॒වාත්ම-න්ධ॑ත්තේ හු॒ත්වා ප්රය॑තාඤ්ජ॒ලිඃ කවා॑තිර්යඞ්ඞ॒ග්නිම॒භි ම॑න්ත්රයේත॒ ස-ම්මා॑ සිඤ්චන්තු ම॒රුත॒-ස්සමින්ද්ර॒-ස්සම්බෘහ॒ස්පතිඃ॑ ।
ස-ම්මා॒-ऽයම॒ග්නි-ස්සි॑ඤ්ච॒ත්වායු॑ෂා ච॒ බලේ॑න॒ චායු॑ෂ්මන්ත-ඞ්කරෝත॒ මේති॒ ප්රති॑ හාස්මෛ ම॒රුතඃ॑ ප්රා॒ණා-න්ද॑ධති॒ ප්රතීන්ද්රෝ॒ බල॒-ම්ප්රති॒ බෘහ॒ස්පති॑-ර්බ්රහ්මවර්ච॒ස-ම්ප්රත්ය॒ග්නිරි॒තර॒ථ්සර්ව॒ග්​ම්॒ සර්ව॑තනුර්භූ॒ත්වා සර්ව॒මායු॑රේති॒ ත්රිර॒භිම॑න්ත්රයේත॒ ත්රිෂ॑ත්යා॒ හි දේ॒වා යෝ-ऽපූ॑ත ඉව॒ මන්යේ॑ත॒ ස ඉ॒ත්ථ-ඤ්ජු॑හුයාදි॒ත්ථ-ම॒භිම॑න්ත්රයේත॒ පුනී॑ත ඒ॒වාත්මාන॒-මායු॑රේ॒වාත්ම-න්ධ॑ත්තේ॒ වරෝ॒ දක්ෂි॑ණා॒ වරේ॑ණෛ॒ව වරග්ග්॑ ස්පෘණෝත්යා॒ත්මා හි වරඃ॑ ॥ 18 ॥

අනුවාකං 19
භූඃ ප්රප॑ද්යේ॒ භුවඃ॒ ප්රප॑ද්යේ॒ ස්වඃ॑ ප්රප॑ද්යේ॒ භූර්භුව॒ස්ස්වඃ॑ ප්රප॑ද්යේ॒ බ්රහ්ම॒ ප්රප॑ද්යේ බ්රහ්මකෝ॒ශ-ම්ප්රප॑ද්යේ॒-ऽමෘත॒-ම්ප්රප॑ද්යේ-ऽමෘතකෝ॒ශ-ම්ප්රප॑ද්යේ චතුර්ජා॒ල-ම්බ්ර॑හ්මකෝ॒ශං-යඁ-ම්මෘ॒ත්යුර්නාව॒පශ්ය॑ති॒ ත-ම්ප්රප॑ද්යේ දේ॒වා-න්ප්රප॑ද්යේ දේවපු॒ර-ම්ප්රප॑ද්යේ॒ පරී॑වෘතෝ॒ වරී॑වෘතෝ॒ බ්රහ්ම॑ණා॒ වර්ම॑ණා॒-ऽහ-න්තේජ॑සා॒ කශ්ය॑පස්ය॒ යස්මෛ॒ නම॒ස්තච්ඡිරෝ॒ ධර්මෝ॑ මූ॒ර්ධාන॑-ම්බ්ර॒හ්මෝත්ත॑රා॒ හනු॑ර්ය॒ජ්ඤෝ-ऽධ॑රා॒ විෂ්ණු॒ර්॒ හෘද॑යග්​ම් සං​වඁථ්ස॒රඃ ප්ර॒ජන॑නම॒ශ්විනෞ॑ පූර්ව॒පාදා॑ව॒ත්රිර්මද්ධ්ය॑-ම්මි॒ත්රාවරු॑ණා වපර॒පාදා॑ව॒ග්නිඃ පුච්ඡ॑ස්ය ප්රථ॒ම-ඞ්කාණ්ඩ॒-න්තත॒ ඉන්ද්ර॒ස්තතඃ॑ ප්ර॒ජාප॑ති॒රභ॑ය-ඤ්චතු॒ර්ථග්​ම් ස වා ඒ॒ෂ දි॒ව්ය-ශ්ශා᳚ක්ව॒ර-ශ්ශිශු॑මාර॒ස්තග්​ම් හ॒ ය ඒ॒වං-වේඁදාප॑ පුනර්මෘ॒ත්යු-ඤ්ජ॑යති॒ ජය॑ති ස්ව॒ර්ගං-ලෝඁ॒ක-න්නාද්ධ්වනි॒ ප්රමී॑යතේ॒ නාඵ්සු ප්රමී॑යතේ॒ නාග්නෞ ප්රමී॑යතේ॒ නාන॒පත්යඃ॑ ප්රමී॒යතේ॑ ල॒ඝ්වාන්නෝ॑ භවති ධ්රු॒වස්ත්වම॑සි ධ්රු॒වස්ය ක්ෂි॑තමසි॒ ත්ව-ම්භූ॒තානා॒මධි॑පතිරසි॒ ත්ව-ම්භූ॒තානා॒ග්॒ ශ්රේෂ්ඨෝ॑-ऽසි॒ ත්වා-ම්භූ॒තාන්යුප॑ප॒ර්යාව॑ර්තන්තේ॒ නම॑ස්තේ॒ නම॒-ස්සර්ව॑-න්තේ॒ නමෝ॒ නමඃ॑ ॥
[ඵාට භ්හේදම් - නමෝ॒ නම॑-ශ්ශිශුකුමාරාය॒ නමඃ॑ ] ॥ 19 ॥

අනුවාකං 20
නමඃ॒ ප්රාච්යෛ॑ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නමෝ දක්ෂි॑ණායෛ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නමඃ॒ ප්රතී᳚ච්යෛ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නම॒ උදී᳚ච්යෛ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නම॑ ඌ॒ර්ධ්වායෛ॑ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නමෝ-ऽධ॑රායෛ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නමෝ॑-ऽවාන්ත॒රායෛ॑ දි॒ශේ යාශ්ච॑ දේ॒වතා॑ ඒ॒තස්යා॒-ම්ප්රති॑වසන්ත්යේ॒ තාභ්ය॑ශ්ච॒ නමෝ॒ නමෝ ගඞ්ගායමුනයෝර්මද්ධ්යේ යේ॑ වස॒න්ති॒ තේ මේ ප්රසන්නාත්මානස්චිර-ඤ්ජීවිතං-වඁ ॑ර්ධය॒න්ති॒ නමෝ ගඞ්ගායමුනයෝර්මුනි॑භ්යශ්ච॒ නමෝ॒ නමෝ ගඞ්ගායමුනයෝර්මුනි॑භ්යශ්ච॒ නමඃ ॥ 20 ॥

(සහ॒ - රක්ෂාග්​ම්॑සි॒ - ය-ද්දේ॑වා-ස්ස॒ප්තද॑ශ॒ - යදදී᳚ව්ය॒-න්පඤ්ච॑දශ॒ - යු॑ෂ්ටේ॒ චතු॑ස්ත්රිග්​ම්ශ-ද්- වෛශ්වාන॒රාය॒ ෂඩ්විග්​ම්॑ශති॒-ර්වාත॑රශනා හ - කුශ්මා॒ණ්ඩෛ- ර॒ජාන්. හ॒ - පඤ්ච॑ - බ්රහ්මය॒ජ්ඤේන॒ - ග්රාමේ॑ - ම॒ද්ධ්යන්දි॑නේ॒ - තස්ය॒ වෛ මේඝ॒ - ස්තස්ය॒ වෛ ද්වෞ - රිච්ය॑තේ - දු॒හේ හ॑ - කති॒ධා-ऽව॑කීර්ණී॒ - භූ--ර් නමඃ॒ ප්රාච්යෛ॑ විග්​ම්ශ॒තිඃ )

(සහ॑ වෛ - මුනි॑භ්යශ්ච॒ නමඃ )

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය ආරණ්යකේ ද්විතීයඃ ප්රපාඨක-ස්සමාප්තඃ ॥