କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଦ୍ଵିତୀୟଃ ପ୍ରପାଠକଃ - ସ୍ଵାଧ୍ୟାୟବ୍ରାହ୍ମଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1
ସହ॒ ଵୈ ଦେ॒ଵାନା॒-ଞ୍ଚାସୁ॑ରାଣା-ଞ୍ଚ ୟ॒ଜ୍ଞୌ ପ୍ରତ॑ତାଵାସ୍ତାଂ-ଵଁ॒ୟଗ୍ଗ୍ ସ୍ଵ॒ର୍ଗଂ-ଲୋଁ॒କମେ᳚ଷ୍ୟାମୋ ଵ॒ୟମେ᳚ଷ୍ୟାମ॒ ଇତି॒ ତେ-ଽସୁ॑ରା-ସ୍ସ॒ନ୍ନହ୍ୟ॒ ସହ॑ସୈ॒ଵାଚ॑ର-ନ୍ବ୍ରହ୍ମ॒ଚର୍ୟେ॑ଣ॒ ତପ॑ସୈଵ ଦେ॒ଵାସ୍ତେ-ଽସୁ॑ରା ଅମୁହ୍ୟ॒ଗ୍ଗ୍॒ସ୍ତେ ନ ପ୍ରାଜା॑ନ॒ଗ୍ଗ୍॒ସ୍ତେ ପରା॑ଭଵ॒ନ୍ତେ ନ ସ୍ଵ॒ର୍ଗଂ-ଲୋଁ॒କମା॑ୟ॒ନ୍, ପ୍ରସୃ॑ତେନ॒ ଵୈ ୟ॒ଜ୍ଞେନ॑ ଦେ॒ଵା-ସ୍ସ୍ଵ॒ର୍ଗଂ-ଲୋଁ॒କମା॑ୟ॒-ନ୍ନ ପ୍ରସୃ॑ତେ॒ନାସୁ॑ରା॒-ନ୍ପରା॑-ଽଭାଵୟ॒ନ୍ ,ପ୍ରସୃ॑ତୋ ହ॒ ଵୈ ୟ॑ଜ୍ଞୋପଵୀ॒ତିନୋ॑ ୟ॒ଜ୍ଞୋ-ଽପ୍ର॑ସୃ॒ତୋ-ଽନୁ॑ପଵୀ॒ତିନୋ॒ ୟତ୍କିଞ୍ଚ॑ ବ୍ରାହ୍ମ॒ଣୋ ୟ॑ଜ୍ଞୋପଵୀ॒ତ୍ୟଧୀ॑ତେ॒ ୟଜ॑ତ ଏ॒ଵ ତ-ତ୍ତସ୍ମା᳚-ଦ୍ୟଜ୍ଞୋପଵୀ॒ତ୍ୟେ॑ଵାଧୀ॑ୟୀତ ୟା॒ଜୟେ॒-ଦ୍ୟଜେ॑ତ ଵା ୟ॒ଜ୍ଞସ୍ୟ॒ ପ୍ରସୃ॑ତ୍ୟା॒ , ଅଜି॑ନଂ॒-ଵାଁସୋ॑ ଵା ଦକ୍ଷିଣ॒ତ ଉ॑ପ॒ଵୀୟ॒ ଦକ୍ଷି॑ଣ-ମ୍ବା॒ହୁମୁଦ୍ଧ॑ର॒ତେ-ଽଵ॑ ଧତ୍ତେ ସ॒ଵ୍ୟମିତି॑ ୟଜ୍ଞୋପଵୀ॒ତମେ॒ତଦେ॒ଵ ଵିପ॑ରୀତ-ମ୍ପ୍ରାଚୀନାଵୀ॒ତଗ୍ମ୍ ସଂ॒ଵୀଁତ॑-ମ୍ମାନୁ॒ଷମ୍ ॥ 1 ॥
ଅନୁଵାକଂ 2
ରକ୍ଷାଗ୍ମ୍॑ସି॒ ହଵା॑ ପୁରୋନୁଵା॒କେ ତପୋ-ଽଗ୍ର॑ମତିଷ୍ଠନ୍ତ॒ ତା-ନ୍ପ୍ର॒ଜାପ॑ତି-ର୍ଵ॒ରେଣୋ॒ପାମ॑ନ୍ତ୍ରୟତ॒ ତାନି॒ ଵର॑ମଵୃଣୀତାଦି॒ତ୍ୟୋ ନୋ॒ ୟୋଦ୍ଧା॒ ଇତି॒ ତା-ନ୍ପ୍ର॒ଜାପ॑ତି-ରବ୍ରଵୀ॒-ଦ୍ୟୋଧ॑ୟ॒ଦ୍ଧ୍ଵମିତି॒ ତସ୍ମା॒ଦୁତ୍ତି॑ଷ୍ଠନ୍ତ॒ଗ୍ମ୍॒ ହଵା॒ ତାନି॒ ରକ୍ଷାଗ୍॑ସ୍ୟାଦି॒ତ୍ୟଂ-ୟୋଁଧ॑ୟନ୍ତି॒ ୟାଵ॑ଦସ୍ତ॒ମନ୍ଵ॑ଗା॒-ତ୍ତାନି॑ ହ॒ ଵା ଏ॒ତାନି॒ ରକ୍ଷାଗ୍ମ୍॑ସି ଗାୟତ୍ରି॒ୟା ଽଭି॑ମନ୍ତ୍ରିତେ॒ନାମ୍ଭ॑ସା ଶାମ୍ୟନ୍ତି॒ ତଦୁ॑ ହ॒ ଵା ଏ॒ତେ ବ୍ର॑ହ୍ମଵା॒ଦିନଃ॑ ପୂ॒ର୍ଵାଭି॑ମୁ॒ଖା-ସ୍ସ॒ନ୍ଧ୍ୟାୟା᳚-ଙ୍ଗାୟତ୍ରି॒ୟା-ଽଭି॑ମନ୍ତ୍ରିତା॒ ଆପ॑ ଊ॒ର୍ଧ୍ଵଂ-ଵିଁକ୍ଷି॑ପନ୍ତି॒ ତା ଏ॒ତା ଆପୋ॑ ଵ॒ଜ୍ରୀଭୂ॒ତ୍ଵା ତାନି॒ ରକ୍ଷାଗ୍ମ୍॑ସି
ମ॒ନ୍ଦେହା-ଽରୁ॑ଣେ ଦ୍ଵୀ॒ପେ ପ୍ରକ୍ଷି॑ପନ୍ତି॒ ୟ-ତ୍ପ୍ର॑ଦକ୍ଷି॒ଣ-ମ୍ପ୍ରକ୍ର॑ମନ୍ତି॒ ତେନ॑ ପା॒ପ୍ମାନ॒ମଵ॑ ଧୂନ୍ଵନ୍ତ୍ୟୁ॒ଦ୍ୟନ୍ତ॑ମସ୍ତଂ॒-ୟଁନ୍ତ॑ମାଦି॒ତ୍ୟ-ମ॑ଭିଦ୍ଧ୍ୟା॒ୟନ୍ କୁ॒ର୍ଵ-ନ୍ବ୍ରା᳚ହ୍ମ॒ଣୋ ଵି॒ଦ୍ଵାନ୍-ଥ୍ସ॒କଲ॑-ମ୍ଭ॒ଦ୍ରମ॑ଶ୍ନୁତେ॒ ଽସାଵା॑ଦି॒ତ୍ୟୋ ବ୍ର॒ହ୍ମେତି॒ ବ୍ରହ୍ମୈ॒ଵ ସ-ନ୍ବ୍ରହ୍ମା॒ପ୍ୟେତି॒ ୟ ଏ॒ଵଂ-ଵେଁଦ॑ ॥ 2 ॥
ଅନୁଵାକଂ 3
ୟ-ଦ୍ଦେ॑ଵା ଦେଵ॒ହେଡ॑ନଂ॒ (ଦେଵ॒ହେଳ॑ନଂ॒) ଦେଵା॑ସଶ୍ଚକୃ॒ମା ଵ॒ୟମ୍ ।
ଆଦି॑ତ୍ୟା॒ସ୍ତସ୍ମା᳚ନ୍ମା ମୁଞ୍ଚତ॒ର୍ତସ୍ୟ॒ର୍ତେନ॒ ମାମି॒ତ ॥
ଦେଵା॑ ଜୀଵନକା॒ମ୍ୟା ୟ-ଦ୍ଵା॒ଚା-ଽନୃ॑ତମୂଦି॒ମ ।
ତସ୍ମା᳚ନ୍ନ ଇ॒ହ ମୁ॑ଞ୍ଚତ॒ ଵିଶ୍ଵେ॑ ଦେଵା-ସ୍ସ॒ଜୋଷ॑ସଃ ॥
ଋ॒ତେନ॑ ଦ୍ୟାଵାପୃଥିଵୀ ଋ॒ତେନ॒ ତ୍ଵଗ୍ମ୍ ସ॑ରସ୍ଵତି ।
କୃ॒ତାନ୍ନଃ॑ ପା॒ହ୍ୟେନ॑ସୋ॒ ୟ-ତ୍କିଞ୍ଚାନୃ॑ତମୂଦି॒ମ ॥
ଇ॒ନ୍ଦ୍ରା॒ଗ୍ନୀ ମି॒ତ୍ରାଵରୁ॑ଣୌ॒ ସୋମୋ॑ ଧା॒ତା ବୃହ॒ସ୍ପତିଃ॑ ।
ତେ ନୋ॑ ମୁଞ୍ଚ॒ନ୍ତ୍ଵେନ॑ସୋ॒ ୟଦ॒ନ୍ୟକୃ॑ତମାରି॒ମ ॥
ସ॒ଜା॒ତ॒ଶ॒ଗ୍ମ୍॒ସାଦୁ॒ତ ଜା॑ମିଶ॒ଗ୍ମ୍॒ ସାଜ୍ଜ୍ୟାୟ॑ସ॒-ଶ୍ଶଗ୍ମ୍ସା॑ଦୁ॒ତ ଵା॒ କନୀ॑ୟସଃ ।
ଅନା॑ଧୃଷ୍ଟ-ନ୍ଦେ॒ଵକୃ॑ତଂ॒-ୟଁଦେନ॒ସ୍ତସ୍ମା॒-ତ୍ତ୍ଵମ॒ସ୍ମା-ଞ୍ଜା॑ତଵେଦୋ ମୁମୁଗ୍ଧି ॥
ୟଦ୍ଵା॒ଚା ୟ-ନ୍ମନ॑ସା ବା॒ହୁଭ୍ୟା॑-ମୂ॒ରୁଭ୍ୟା॑ମଷ୍ଠୀ॒ଵଦ୍ଭ୍ୟା॑ ଶି॒ଶ୍ନୈର୍ୟଦନୃ॑ତ-ଞ୍ଚକୃ॒ମା ଵ॒ୟମ୍ ।
ଅ॒ଗ୍ନିର୍ମା॒ ତସ୍ମା॒ଦେନ॑ସା॒ ଗାର୍ହ॑ପତ୍ୟଃ॒ ପ୍ରମୁ॑ଞ୍ଚତୁ ଚକୃ॒ମ ୟାନି॑ ଦୁଷ୍କୃ॒ତା ॥
ୟେନ॑ ତ୍ରି॒ତୋ ଅ॑ର୍ଣ॒ଵା-ନ୍ନି॑ର୍ବ॒ଭୂଵ॒ ୟେନ॒ ସୂର୍ୟ॒-ନ୍ତମ॑ସୋ ନିର୍ମୁ॒ମୋଚ॑ ।
ୟେନେନ୍ଦ୍ରୋ॒ ଵିଶ୍ଵା॒ ଅଜ॑ହା॒ଦରା॑ତୀ॒ସ୍ତେନା॒ହ-ଞ୍ଜ୍ୟୋତି॑ଷା॒ ଜ୍ୟୋତି॑ରାନଶା॒ନ ଆ᳚କ୍ଷି ॥
ୟ-ତ୍କୁସୀ॑ଦ॒ମପ୍ର॑ତୀତ୍ତ॒-ମ୍ମୟେ॒ହ ୟେନ॑ ୟ॒ମସ୍ୟ॑ ନି॒ଧିନା॒ ଚରା॑ମି ।
ଏ॒ତତ୍ତଦ॑ଗ୍ନେ ଅନୃ॒ଣୋ ଭ॑ଵାମି॒ ଜୀଵ॑ନ୍ନେ॒ଵ ପ୍ରତି॒ ତତ୍ତେ॑ ଦଧାମି ॥
ୟନ୍ମୟି॑ ମା॒ତା ଗର୍ଭେ॑ ସ॒ତି । ଏନ॑ଶ୍ଚ॒କାର॒ ୟତ୍ପି॒ତା । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ୟଦା॑ ପି॒ପେଷ॑ ମା॒ତର॑-ମ୍ପି॒ତର᳚ମ୍ । ପୁ॒ତ୍ରଃ ପ୍ରମୁ॑ଦିତୋ॒ ଧୟନ୍ନ୍॑ । ଅହିଗ୍ମ୍॑ସିତୌ ପି॒ତରୌ॒ ମୟା॒ ତତ୍ । ତଦ॑ଗ୍ନେ ଅନୃ॒ଣୋ ଭ॑ଵାମି ॥ ୟଦ॒ନ୍ତରି॑କ୍ଷ-ମ୍ପୃଥି॒ଵୀମୁ॒ତ ଦ୍ୟାମ୍ । ୟନ୍ମା॒ତର॑-ମ୍ପି॒ତରଂ॑-ଵାଁ ଜିହିଗ୍ମ୍ସି॒ମ । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥
ୟଦା॒ଶସା॑ ନି॒ଶସା॒ ୟତ୍ପ॑ରା॒ଶସା᳚ । ୟଦେନ॑ଶ୍ଚ କୃ॒ମା ନୂତ॑ନଂ॒-ୟଁତ୍ପୁ॑ରା॒ଣମ୍ । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ଅତି॑କ୍ରାମାମି ଦୁରି॒ତଂ-ୟଁଦେନଃ॑ । ଜହା॑ମି ରି॒ପ୍ର-ମ୍ପ॑ର॒ମେ ସ॒ଧସ୍ଥେ᳚ । ୟତ୍ର॒ ୟନ୍ତି॑ ସୁ॒କୃତୋ॒ ନାପି॑ ଦୁ॒ଷ୍କୃତଃ॑ । ତମାରୋ॑ହାମି ସୁ॒କୃତା॒-ନ୍ନୁ ଲୋ॒କମ୍ ॥ ତ୍ରି॒ତେ ଦେ॒ଵା ଅ॑ମୃଜତୈ॒-ତଦେନଃ॑ । ତ୍ରି॒ତ ଏ॒ତନ୍ମ॑ନୁ॒ଷ୍ୟେ॑ଷୁ ମାମୃଜେ । ତତୋ॑ ମା॒ ୟଦି॒ କିଞ୍ଚି॑ଦାନ॒ଶେ । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥
ଦି॒ଵି ଜା॒ତା ଅ॒ଫ୍ସୁ ଜା॒ତାଃ । ୟା ଜା॒ତା ଓଷ॑ଧୀଭ୍ୟଃ । ଅଥୋ॒ ୟା ଅ॑ଗ୍ନି॒ଜା ଆପଃ॑ । ତା ନ॑-ଶ୍ଶୁନ୍ଧନ୍ତୁ॒ ଶୁନ୍ଧ॑ନୀଃ ॥ ୟଦାପୋ॒ ନକ୍ତ॑-ନ୍ଦୁରି॒ତ-ଞ୍ଚରା॑ମ । ୟଦ୍ଵା॒ ଦିଵା॒ ନୂତ॑ନଂ॒-ୟଁତ୍ପୁ॑ରା॒ଣମ୍ । ହିର॑ଣ୍ୟ-ଵର୍ଣା॒ସ୍ତତ॒ ଉତ୍ପୁ॑ନୀତ ନଃ ॥ ଇ॒ମ-ମ୍ମେ॑ ଵରୁଣ ଶ୍ରୁଧୀ॒ ହଵ॑ମ॒ଦ୍ୟା ଚ॑ ମୃଡୟ । ତ୍ଵାମ॑ଵ॒ସ୍ୟୁରା ଚ॑କେ ॥
ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵନ୍ଦ॑ମାନ॒-ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ । ଅହେ॑ଡମାନୋ ଵରୁଣେ॒ହ ବୋ॒ଦ୍ଧ୍ୟୁରୁ॑ଶସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥ ତ୍ଵ-ନ୍ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵା-ନ୍ଦେ॒ଵସ୍ୟ॒ ହେଡୋ-ଽଵ॑ ୟାସି ସୀଷ୍ଠାଃ । ୟଜି॑ଷ୍ଠୋ॒ ଵହ୍ନି॑ ତମ॒-ଶ୍ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷା॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥ ସ ତ୍ଵନ୍ନୋ॑ ଅଗ୍ନେ-ଽଵ॒ମୋ ଭ॑ଵୋ॒ତୀ ନେଦି॑ଷ୍ଠୋ ଅ॒ସ୍ୟା ଉ॒ଷସୋ॒ ଵ୍ୟୁ॑ଷ୍ଟୌ । ଅଵ॑ ୟକ୍ଷ୍ଵ ନୋ॒ ଵରୁ॑ଣ॒ ରରା॑ଣୋ ଵୀ॒ହି ମୃ॑ଡୀ॒କ ସୁ॒ହଵୋ॑ ନ ଏଧି ॥ ତ୍ଵମ॑ଗ୍ନେ ଅ॒ୟା-ଽସି॑ । ଅ॒ୟା ସନ୍ମନ॑ସା ହି॒ତଃ । ଅ॒ୟା ସନଃଅ॒ଵ୍ୟମୂ॑ହିଷେ । ଅ॒ୟା ନୋ॑ ଧେହି ଭେଷ॒ଜମ୍ । ଇ॒ଷ୍ଟୋ ଅ॒ଗ୍ନିରାହୁ॑ତଃ । ସ୍ଵାହା॑କୃତଃ ପିପର୍ତୁ ନଃ । ସ୍ଵ॒ଗା ଦେ॒ଵେଭ୍ୟ॑ ଇ॒ଦ-ନ୍ନମଃ॑ ॥ 3 ॥
(ମୁ॒ମୁ॒ଗ୍ଧି॒ ସ॒ପ୍ତ ଚ॑) (ଅ. 3)
ଅନୁଵାକଂ 4
ୟଦଦୀ᳚ଵ୍ୟନ୍ନୃ॒ଣମ॒ହ-ମ୍ବ॒ଭୂଵାଦି॑-ଥ୍ସନ୍ଵା ସଞ୍ଜ॒ଗର॒ ଜନେ᳚ଭ୍ୟଃ । ଅ॒ଗ୍ନିର୍ମା॒ ତସ୍ମା॒ଦିନ୍ଦ୍ର॑ଶ୍ଚ ସଂଵିଁଦା॒ନୌ ପ୍ରମୁ॑ଞ୍ଚତାମ୍ ॥ ୟଦ୍ଧସ୍ତା᳚ଭ୍ୟା-ଞ୍ଚ॒କର॒ କିଲ୍ବି॑ଷାଣ୍ୟ॒କ୍ଷାଣାଂ᳚-ଵଁ॒ଗ୍ନୁମୁ॑ପ॒ଜିଘ୍ନ॑ମାନଃ ।
ଉ॒ଗ୍ର॒ମ୍ପ॒ଶ୍ୟା ଚ॑ ରାଷ୍ଟ୍ର॒ଭୃଚ୍ଚ॒ ତାନ୍ୟ॑ଫ୍ସ॒ରସା॒ ଵନୁ॑ଦତ୍ତା-ମୃ॒ଣାନି॑ ॥ ଉଗ୍ର॑ପଂଶ୍ୟେ॒ ରାଷ୍ଟ୍ର॑ଭୃ॒-ତ୍କିଲ୍ବି॑ଷାଣି॒ ୟଦ॒କ୍ଷଵୃ॑ତ୍ତ॒ମନୁ॑ଦତ୍ତମେ॒ତତ୍ ।
ନେନ୍ନ॑ ଋ॒ଣାନୃ॒ଣଵ॒ ଇଥ୍ସ॑ମାନୋ ୟ॒ମସ୍ୟ॑ ଲୋ॒କେ ଅଧି॑ ରଜ୍ଜୁ॒ରାୟ॑ ॥ ଅଵ॑ ତେ॒ ହେଡୋ॑ ଵରୁଣ॒ ନମୋ॑ଭି॒ରଵ॑ ୟ॒ଜ୍ଞେଭି॑ରୀମହେ ହ॒ଵିର୍ଭିଃ॑ । କ୍ଷୟ॑ନ୍ନ॒ସ୍ମଭ୍ୟ॑ମସୁର ପ୍ରଚେତୋ॒ ରାଜ॒ନ୍ନେନାଗ୍ମ୍॑ସି ଶିଶ୍ରଥଃ କୃ॒ତାନି॑ ॥ ଉଦୁ॑ତ୍ତ॒ମଂ-ଵଁ॑ରୁଣ॒ ପାଶ॑ମ॒ସ୍ମଦଵା॑-ଽଧ॒ମଂ-ଵିଁମ॑ଦ୍ଧ୍ୟ॒ମଗ୍ଗ୍ ଶ୍ର॑ଥାୟ । ଅଥା॑ ଵ॒ୟମା॑ଦିତ୍ୟ ଵ୍ର॒ତେ ତଵା-ଽନା॑ଗସୋ॒ ଅଦି॑ତୟେ ସ୍ୟାମ ॥ ଇ॒ମ-ମ୍ମେ॑ ଵରୁଣ ଶ୍ରୁଧୀ॒ ହଵ॑ମ॒ଦ୍ୟା ଚ॑ ମୃଡୟ । ତ୍ଵାମ॑ଵ॒ସ୍ୟୁରା ଚ॑କେ ॥
ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵନ୍ଦ॑ମାନ॒-ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ । ଅହେ॑ଡମାନୋ ଵରୁଣେ॒ହ ବୋ॒ଦ୍ଧ୍ୟୁରୁ॑ଶସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥ ତ୍ଵ-ନ୍ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵା-ନ୍ଦେ॒ଵସ୍ୟ॒ ହେଡୋ-ଽଵ॑ ୟାସି ସୀଷ୍ଠାଃ । ୟଜି॑ଷ୍ଠୋ॒ ଵହ୍ନି॑ ତମ॒-ଶ୍ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷା॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥ ସ ତ୍ଵନ୍ନୋ॑ ଅଗ୍ନେ-ଽଵ॒ମୋ ଭ॑ଵୋ॒ତୀ ନେଦି॑ଷ୍ଠୋ ଅ॒ସ୍ୟା ଉ॒ଷସୋ॒ ଵ୍ୟୁ॑ଷ୍ଟୌ । ଅଵ॑ ୟକ୍ଷ୍ଵ ନୋ॒ ଵରୁ॑ଣ॒ ରରା॑ଣୋ ଵୀ॒ହି ମୃ॑ଡୀ॒କ ସୁ॒ହଵୋ॑ ନ ଏଧି ॥ ସଙ୍କୁ॑ସୁକୋ॒ ଵିକୁ॑ସୁକୋ ନିର୍-ଋ॒ଥୋ ୟଶ୍ଚ॑ ନିସ୍ଵ॒ନଃ । ତେ-ଽ(1॒)ସ୍ମ-ଦ୍ୟକ୍ଷ୍ମ॒ମନା॑ଗସୋ ଦୂ॒ରା-ଦ୍ଦୂ॒ରମ॑ଚୀଚତମ୍ ॥ ନିର୍ୟ॑କ୍ଷ୍ମମଚୀଚତେ କୃ॒ତ୍ୟା-ନ୍ନିର୍-ଋ॑ତି-ଞ୍ଚ । ତେନ॒ ୟୋ-ଽ(1॒)ସ୍ମଥ୍ସମୃ॑ଚ୍ଛାତୈ॒ ତମ॑ସ୍ମୈ॒ ପ୍ରସୁ॑ଵାମସି ॥ ଦୁ॒ଶ୍ଶ॒ଗ୍ମ୍॒ସା॒ନୁ॒ଶ॒ଗ୍ମ୍॒ସାଭ୍ୟା᳚-ଙ୍ଘ॒ଣେନା॑ନୁଘ॒ଣେନ॑ ଚ । ତେନା॒ନ୍ୟୋ-ଽ(1)॒ସ୍ମ-ଥ୍ସମୃ॑ଚ୍ଛାତୈ॒ ତମ॑ସ୍ମୈ॒ ପ୍ରସୁ॑ଵାମସି ॥
ସଂଵଁର୍ଚ॑ସା॒ ପୟ॑ସା॒ ସନ୍ତ॒ନୂଭି॒ରଗ॑ନ୍ମହି॒ ମନ॑ସା॒ ସଗ୍ମ୍ ଶି॒ଵେନ॑ । ତ୍ଵଷ୍ଟା॑ ନୋ॒ ଅତ୍ର॒ ଵିଦ॑ଧାତୁ ରା॒ୟୋ-ଽନୁ॑ମାର୍ଷ୍ଟୁ ତ॒ନ୍ଵୋ(1॒) ୟ-ଦ୍ଵିଲି॑ଷ୍ଟମ୍ ॥ 4 ॥
(କୃ॒ତ୍ୟା-ନ୍ନିର୍-ଋ॑ତି-ଞ୍ଚ॒ ପଞ୍ଚ॑ ଚ) (ଅ. 4)
ଅନୁଵାକଂ 5
ଆୟୁ॑ଷ୍ଟେ ଵି॒ଶ୍ଵତୋ॑ ଦଧଦ॒ୟମ॒ଗ୍ନିର୍ଵରେ᳚ଣ୍ୟଃ ।
ପୁନ॑ସ୍ତେ ପ୍ରା॒ଣ ଆୟା॑ତି॒ ପରା॒ ୟକ୍ଷ୍ମଗ୍ମ୍॑ ସୁଵାମି ତେ ॥
ଆ॒ୟୁ॒ର୍ଦା ଅ॑ଗ୍ନେ ହ॒ଵିଷୋ॑ ଜୁଷା॒ଣୋ ଘୃ॒ତପ୍ର॑ତୀକୋ ଘୃ॒ତୟୋ॑ନିରେଧି । ଘୃ॒ତ-ମ୍ପୀ॒ତ୍ଵା ମଧୁ॒ ଚାରୁ॒ ଗଵ୍ୟ॑-ମ୍ପି॒ତେଵ॑ ପୁ॒ତ୍ରମ॒ଭି ର॑କ୍ଷତାଦି॒ମମ୍ ॥
ଇ॒ମମ॑ଗ୍ନ॒ ଆୟୁ॑ଷେ॒ ଵର୍ଚ॑ସେ କୃଧି ତି॒ଗ୍ମମୋଜୋ॑ ଵରୁଣ॒ ସଗ୍ମ୍ଶି॑ଶାଧି । ମା॒ତେଵା᳚ସ୍ମା ଅଦିତେ॒ ଶର୍ମ॑ ୟଚ୍ଛ॒ ଵିଶ୍ଵେ॑ ଦେଵା॒ ଜର॑ଦଷ୍ଟି॒-ର୍ୟଥା-ଽସ॑ତ୍ ॥
ଅଗ୍ନ॒ ଆୟୂଗ୍ମ୍॑ଷି ପଵସ॒ ଆସୁ॒ଵୋର୍ଜ॒ମିଷ॑-ଞ୍ଚ ନଃ ।
ଆ॒ରେ ବା॑ଧସ୍ଵ ଦୁ॒ଚ୍ଛୁନା᳚ମ୍ ॥ ଅଗ୍ନେ॒ ପଵ॑ସ୍ଵ॒ ସ୍ଵପା॑ ଅ॒ସ୍ମେ ଵର୍ଚ॑-ସ୍ସୁ॒ଵୀର୍ୟ᳚ମ୍ । ଦଧ॑-ଦ୍ର॒ୟି-ମ୍ମୟି॒ ପୋଷ᳚ମ୍ ॥ 5.1ଅ ॥
ଅ॒ଗ୍ନିର୍-ଋଷିଃ॒ ପଵ॑ମାନଃ॒ ପାଞ୍ଚ॑ଜନ୍ୟଃ ପୁ॒ରୋହି॑ତଃ । ତମୀ॑ମହେ ମହାଗ॒ୟମ୍ ॥ ଅଗ୍ନେ॑ ଜା॒ତା-ନ୍ପ୍ରଣୁ॑ଦା ନ-ସ୍ସ॒ପତ୍ନା॒-ନ୍ପ୍ରତ୍ୟଜା॑ତାଞ୍ଜାତଵେଦୋ ନୁଦସ୍ଵ ।
ଅ॒ସ୍ମେ ଦୀ॑ଦିହି ସୁ॒ମନା॒ ଅହେ॑ଡ॒ଞ୍ଛର୍ମ॑ନ୍ତେ (ଅହେ॑ଳ॒ଞ୍ଛର୍ମ॑ନ୍ତେ) ସ୍ୟାମ ତ୍ରି॒ଵରୂ॑ଥ ଉ॒ଦ୍ଭୌ ॥
ସହ॑ସା ଜା॒ତା-ନ୍ପ୍ରଣୁ॑ଦା ନ-ସ୍ସ॒ପତ୍ନା॒-ନ୍ପ୍ରତ୍ୟଜା॑ତାଞ୍ଜାତଵେଦୋ ନୁଦସ୍ଵ । ଅଧି॑ ନୋ ବ୍ରୂହି ସୁମନ॒ସ୍ୟମା॑ନୋ ଵ॒ୟଗ୍ଗ୍ ସ୍ୟା॑ମ॒ ପ୍ରଣୁ॑ଦା ନ-ସ୍ସ॒ପତ୍ନାନ୍॑ ॥ ଅଗ୍ନେ॒ ୟୋ ନୋ॒-ଽଭିତୋ॒ ଜନୋ॒ ଵୃକୋ॒ ଵାରୋ॒ ଜିଘାଗ୍ମ୍॑ସତି । ତାଗ୍ସ୍ତ୍ଵଂ-ଵୃଁ॑ତ୍ରହଞ୍ଜହି॒ ଵସ୍ଵ॒ସ୍ମଭ୍ୟ॒ମା ଭ॑ର ॥ ଅଗ୍ନେ॒ ୟୋ ନୋ॑-ଽଭି॒ଦାସ॑ତି ସମା॒ନୋ ୟଶ୍ଚ॒ ନିଷ୍ଟ୍ୟଃ॑ । ତଂ-ଵଁ॒ୟଗ୍ମ୍ ସ॒ମିଧ॑-ଙ୍କୃ॒ତ୍ଵା ତୁଭ୍ୟ॑ମ॒ଗ୍ନେ-ଽପି॑ଦଦ୍ଧ୍ମସି ॥ 5.1ବ୍ ॥
ୟୋ ନ॒-ଶ୍ଶପା॒ଦଶ॑ପତୋ॒ ୟଶ୍ଚ॑ ନ॒-ଶ୍ଶପ॑ତ॒-ଶ୍ଶପା᳚ତ୍ ।
ଉ॒ଷାଶ୍ଚ॒ ତସ୍ମୈ॑ ନି॒ମ୍ରୁକ୍ଚ॒ ସର୍ଵ॑-ମ୍ପା॒ପଗ୍ମ୍ ସମୂ॑ହତାମ୍ ॥
ୟୋ ନ॑-ସ୍ସ॒ପତ୍ନୋ॒ ୟୋ ରଣୋ॒ ମର୍ତୋ॑-ଽଭି॒ଦାସ॑ତି ଦେଵାଃ ।
ଇ॒ଦ୍ଧ୍ମସ୍ୟେ॑ଵ ପ୍ର॒କ୍ଷାୟ॑ତୋ॒ ମା ତସ୍ୟୋଚ୍ଛେ॑ଷି॒ କିଞ୍ଚ॒ନ ॥ ୟୋ ମାନ୍ଦ୍ଵେଷ୍ଟି॑ ଜାତଵେଦୋ॒ ୟ-ଞ୍ଚା॒ହ-ନ୍ଦ୍ଵେଷ୍ମି॒ ୟଶ୍ଚ॒ ମାମ୍ । ସର୍ଵା॒ଗ୍॒ସ୍ତାନ॑ଗ୍ନେ॒ ସନ୍ଦ॑ହ॒ ୟାଗ୍ଶ୍ଚା॒ହ-ନ୍ଦ୍ଵେଷ୍ମି॒ ୟେ ଚ॒ ମାମ୍ ॥ ୟୋ ଅ॒ସ୍ମଭ୍ୟ॑ମରାତୀ॒ୟା-ଦ୍ୟଶ୍ଚ॑ ନୋ॒ ଦ୍ଵେଷ॑ତେ॒ ଜନଃ॑ । ନିନ୍ଦା॒ଦ୍ୟୋ ଅ॒ସ୍ମା-ନ୍ଦିଫ୍ସା᳚ଚ୍ଚ॒ ସର୍ଵା॒ଗ୍॒ସ୍ତାନ୍ମ॑ଷ୍ମ॒ଷା କୁ॑ରୁ ॥
ସଗ୍ମ୍ଶି॑ତ-ମ୍ମେ॒ ବ୍ରହ୍ମ॒ ସଗ୍ମ୍ଶି॑ତଂ-ଵୀଁ॒ର୍ୟାମ୍ (1॒) ବଲ᳚ମ୍ । ସଗ୍ମ୍ଶି॑ତ-ଙ୍କ୍ଷ॒ତ୍ର-ମ୍ମେ॑ ଜି॒ଷ୍ଣୁ ୟସ୍ୟା॒ହମସ୍ମି॑ ପୁ॒ରୋହି॑ତଃ ॥
ଉଦେ॑ଷା-ମ୍ବା॒ହୂ ଅ॑ତିର॒ମୁ-ଦ୍ଵର୍ଚୋ॒ ଅଥୋ॒ ବଲ᳚ମ୍ ।
କ୍ଷି॒ଣୋମି॒ ବ୍ରହ୍ମ॑ଣା॒-ଽମିତ୍ରା॒ନୁନ୍ନ॑ୟାମି॒ ସ୍ଵାଁ(2) ଅ॒ହମ୍ ॥ ପୁନ॒ର୍ମନଃ॒ ପୁନ॒ରାୟୁ॑ର୍ମ॒ ଆଗା॒-ତ୍ପୁନ॒ଶ୍ଚକ୍ଷୁଃ॒ ପୁନ॒-ଶ୍ଶ୍ରୋତ୍ର॑-ମ୍ମ॒ ଆଗା॒ତ୍
ପୁନଃ॑ ପ୍ରା॒ଣଃ ପୁନ॒ରାଧୀ॑ତ-ମ୍ମ॒ ଆଗା᳚ତ୍ ।
ଵୈ॒ଶ୍ଵା॒ନ॒ରୋ ମେ-ଽଦ॑ବ୍ଧସ୍ତନୂ॒ପା ଅଵ॑ବାଧତା-ନ୍ଦୁରି॒ତାନି॒ ଵିଶ୍ଵା᳚ ॥ 5.1ଚ୍ ॥
(ପୋଷଂ॑ - ଦଦ୍ଧ୍ମସି - ପୁ॒ରୋହି॑ତଶ୍ଚ॒ତ୍ଵାରି॑ ଚ) (ଅ. 5)
ଅନୁଵାକଂ 6
ଵୈ॒ଶ୍ଵା॒ନ॒ରାୟ॒ ପ୍ରତି॑ଵେଦୟାମୋ॒ ୟଦୀ॑ନୃ॒ଣଗ୍ମ୍ ସ॑ଙ୍ଗ॒ରୋ ଦେ॒ଵତା॑ସୁ । ସ ଏ॒ତା-ନ୍ପାଶା᳚-ନ୍ପ୍ର॒ମୁଚ॒-ନ୍ପ୍ରଵେ॑ଦ॒ ସ ନୋ॑ ମୁଞ୍ଚାତୁ ଦୁରି॒ତାଦଵ॒ଦ୍ୟାତ୍ ॥
ଵୈ॒ଶ୍ଵା॒ନ॒ରଃ ପଵ॑ୟାନ୍ନଃ ପ॒ଵିତ୍ରୈ॒ର୍ୟ-ଥ୍ସ॑ଙ୍ଗ॒ର-ମ॒ଭିଧାଵା᳚ମ୍ୟା॒ଶାମ୍ । ଅନା॑ଜାନ॒-ନ୍ମନ॑ସା॒ ୟାଚ॑ମାନୋ॒ ୟଦତ୍ରୈନୋ॒ ଅଵ॒ ତ-ଥ୍ସୁ॑ଵାମି ॥
ଅ॒ମୀ ୟେ ସୁ॒ଭଗେ॑ ଦି॒ଵି ଵି॒ଚୃତୌ॒ ନାମ॒ ତାର॑କେ ।
ପ୍ରେହାମୃତ॑ସ୍ୟ ୟଚ୍ଛତା-ମେ॒ତ-ଦ୍ବ॑ଦ୍ଧକ॒ମୋଚ॑ନମ୍ ॥
ଵିଜି॑ହୀର୍ଷ୍ଵ ଲୋ॒କାନ୍ କୃ॑ଧି ବ॒ନ୍ଧା-ନ୍ମୁ॑ଞ୍ଚାସି॒ ବଦ୍ଧ॑କମ୍ । ୟୋନେ॑ରିଵ॒ ପ୍ରଚ୍ୟୁ॑ତୋ॒ ଗର୍ଭ॒-ସ୍ସର୍ଵା᳚-ନ୍ପ॒ଥୋ ଅ॑ନୁଷ୍ଵ ॥
ସ ପ୍ର॑ଜା॒ନ-ନ୍ପ୍ରତି॑ଗୃଭ୍ଣୀତ ଵି॒ଦ୍ଵା-ନ୍ପ୍ର॒ଜାପ॑ତିଃ ପ୍ରଥମ॒ଜା ଋ॒ତସ୍ୟ॑ । ଅ॒ସ୍ମାଭି॑ର୍ଦ॒ତ୍ତ-ଞ୍ଜ॒ରସଃ॑ ପ॒ରସ୍ତା॒ଦଚ୍ଛି॑ନ୍ନ॒-ନ୍ତନ୍ତୁ॑ମନୁ॒ ସଞ୍ଚ॑ରେମ ॥ 6.1ଅ ॥
ତ॒ତ-ନ୍ତନ୍ତୁ॒ମନ୍ଵେକେ॒ ଅନୁ॒ ସଞ୍ଚ॑ରନ୍ତି॒ ୟେଷା᳚-ନ୍ଦ॒ତ୍ତ-ମ୍ପିତ୍ର୍ୟ॒ମାୟ॑ନଵତ୍ । ଅ॒ବ॒ନ୍ଧ୍ଵେକେ॒ ଦଦ॑ତଃ ପ୍ର॒ୟଚ୍ଛା॒-ଦ୍ଦାତୁ॒ଚ୍ଚେ-ଚ୍ଛ॒କ୍ନଵା॒ଗ୍ମ୍॒ ସ-ସ୍ସ୍ଵ॒ର୍ଗ ଏ॑ଷାମ୍ ॥
ଆର॑ଭେଥା॒ମନୁ॒ ସଗ୍ମ୍ର॑ଭେଥାଗ୍ମ୍ ସମା॒ନ-ମ୍ପନ୍ଥା॑ମଵଥୋ ଘୃ॒ତେନ॑ । ୟଦ୍ଵା᳚-ମ୍ପୂ॒ର୍ତ-ମ୍ପରି॑ଵିଷ୍ଟଂ॒-ୟଁଦ॒ଗ୍ନୌ ତସ୍ମୈ॒ ଗୋତ୍ରା॑ୟେ॒ହ ଜାୟା॑ପତୀ॒ ସଗ୍ମ୍ର॑ଭେଥାମ୍ ॥ ୟଦ॒ନ୍ତରି॑କ୍ଷ-ମ୍ପୃଥି॒ଵୀମୁ॒ତ ଦ୍ୟାଂ-ୟଁନ୍ମା॒ତର॑-ମ୍ପି॒ତରଂ॑-ଵାଁ ଜିହିଗ୍ମ୍ସି॒ମ ।
ଅ॒ଗ୍ନିର୍ମା॒ ତସ୍ମା॒ଦେନ॑ସୋ॒ ଗାର୍ହ॑ପତ୍ୟ॒ ଉନ୍ନୋ॑ ନେଷ-ଦ୍ଦୁରି॒ତା ୟାନି॑ ଚକୃ॒ମ ॥ ଭୂମି॑ର୍ମା॒ତା-ଽଦି॑ତିର୍ନୋ ଜ॒ନିତ୍ର॒-ମ୍ଭ୍ରାତା॒ନ୍ତରି॑କ୍ଷ-ମ॒ଭିଶ॑ସ୍ତ ଏନଃ ।
ଦ୍ୟୌର୍ନଃ॑ ପି॒ତା ପି॑ତୃ॒ୟାଚ୍ଛ-ମ୍ଭ॑ଵାସି ଜା॒ମି ମି॒ତ୍ଵା ମା ଵି॑ଵିଥ୍ସି ଲୋ॒କାତ୍ ॥ ୟତ୍ର॑ ସୁ॒ହାର୍ଦ॑-ସ୍ସୁ॒କୃତୋ॒ ମଦ॑ନ୍ତେ ଵି॒ହାୟ॒ ରୋଗ॑-ନ୍ତ॒ନ୍ଵା(1)॒ଗ୍ଗ୍॒ ସ୍ଵାୟା᳚ମ୍ ।
ଅ॒ଶ୍ଲୋ॒ଣାଙ୍ଗୈ॒ରହ୍ରୁ॑ତା-ସ୍ସ୍ଵ॒ର୍ଗେ ତତ୍ର॑ ପଶ୍ୟେମ ପି॒ତର॑-ଞ୍ଚ ପୁ॒ତ୍ରମ୍ ॥ ୟଦନ୍ନ॒ମଦ୍ମ୍ୟନୃ॑ତେନ ଦେଵା ଦା॒ସ୍ୟନ୍ନଦା᳚ସ୍ୟନ୍ନୁ॒ତ ଵା॑ କରି॒ଷ୍ୟନ୍ନ୍ ।
ୟ-ଦ୍ଦେ॒ଵାନା॒-ଞ୍ଚକ୍ଷୁ॒ଷ୍ୟାଗୋ॒ ଅସ୍ତି॒ ୟଦେ॒ଵ କିଞ୍ଚ॑ ପ୍ରତିଜଗ୍ରା॒ହମ॒ଗ୍ନିର୍ମା॒ ତସ୍ମା॑ଦନୃ॒ଣ-ଙ୍କୃ॑ଣୋତୁ ॥
ୟଦନ୍ନ॒ମଦ୍ମି॑ ବହୁ॒ଧା ଵିରୂ॑ପଂ॒-ଵାଁସୋ॒ ହିର॑ଣ୍ୟମୁ॒ତ ଗାମ॒ଜାମଵି᳚ମ୍ ।
ୟ-ଦ୍ଦେ॒ଵାନା॒-ଞ୍ଚକ୍ଷୁ॒ଷ୍ୟାଗୋ॒ ଅସ୍ତି॒ ୟଦେ॒ଵ କିଞ୍ଚ॑ ପ୍ରତିଜଗ୍ରା॒ହମ॒ଗ୍ନିର୍ମା॒ ତସ୍ମା॑ଦନୃ॒ଣ-ଙ୍କୃ॑ଣୋତୁ ॥
ୟ॒ନ୍ମୟା॑ ମନ॑ସା ଵା॒ଚା॒ କୃ॒ତ॒ମେନଃ॑ କଦା॒ଚନ ।
ସର୍ଵସ୍ମା᳚-ନ୍ମେଡି॑ତୋ (ମେଳ॑ତା) ମୋ॒ଗ୍ଧି॒ ତ୍ଵଗ୍ମ୍ ହି
ଵେତ୍ଥ॑ ୟଥାତ॒ଥମ୍ ॥ 6.1ବ୍ ॥
(ଚ॒ରେ॒ମ॒ - ପୁ॒ତ୍ରଗ୍ମ୍ ଷଟ୍ଚ॑) (ଅ. 6)
ଅନୁଵାକଂ 7
ଵାତ॑ରଶନା ହ॒ ଵା ଋଷ॑ୟ-ଶ୍ଶ୍ରମ॒ଣା ଊ॒ର୍ଧ୍ଵମ॑ନ୍ଥି॒ନୋ ବ॑ଭୂଵୁ॒ସ୍ତା-ନୃଷ॑ୟୋ॒-ଽର୍ଥ-ମା॑ୟ॒ଗ୍ଗ୍॒ସ୍ତେ ନି॒ଲାୟ॑-ମଚର॒ଗ୍ଗ୍॒ସ୍ତେ-ଽନୁ॑ପ୍ରଵିଶୁଃ କୂଶ୍ମା॒ଣ୍ଡାନି॒ ତାଗ୍-ସ୍ତେଷ୍ଵନ୍ଵ॑ଵିନ୍ଦ-ଞ୍ଛ୍ର॒ଦ୍ଧୟା॑ ଚ॒ ତପ॑ସା ଚ॒ , ତାନୃଷ॑ୟୋ-ଽବ୍ରୁଵନ୍ କ॒ଥା ନି॒ଲାୟ॑-ଞ୍ଚର॒ଥେତି॒ ତ ଋଷୀ॑ନବ୍ରୁଵ॒ନ୍ନମୋ॑ ଵୋ-ଽସ୍ତୁ ଭଗଵନ୍ତୋ॒-ଽସ୍ମି-ନ୍ଧା᳚ମ୍ନି॒ କେନ॑ ଵ-ସ୍ସପର୍ୟା॒ମେତି॒ ତାନୃଷ॑ୟୋ-ଽବ୍ରୁଵ-ନ୍ପ॒ଵିତ୍ର॑-ନ୍ନୋ ବ୍ରୂତ॒ ୟେନା॑ରେ॒ପସ॑-ସ୍ସ୍ୟା॒ମେତି॒ ତ ଏ॒ତାନି॑ ସୂ॒କ୍ତାନ୍ୟ॑ପଶ୍ୟ॒ନ୍॒. ,
ୟ-ଦ୍ଦେ॑ଵା ଦେଵ॒ହେଡ॑ନଂ॒ (ଦେଵ॒ହେଳ॑ନଂ॒) ଁୟଦଦୀ᳚ଵ୍ୟନ୍ନୃ॒ଣମ॒ହ-ମ୍ବ॒ଭୂଵାୟୁ॑ଷ୍ଟେ ଵି॒ଶ୍ଵତୋ॑
ଦଧ॒ଦିତ୍ୟେ॒ତୈରାଜ୍ୟ॑-ଞ୍ଜୁହୁତ ଵୈଶ୍ଵାନ॒ରାୟ॒ ପ୍ରତି॑ଵେଦୟାମ॒ ଇତ୍ୟୁପ॑ତିଷ୍ଠତ॒ ୟଦ॑ର୍ଵା॒ଚୀନ॒ମେନୋ᳚ ଭ୍ରୂଣହ॒ତ୍ୟାୟା॒ସ୍ତସ୍ମା᳚-ନ୍ମୋକ୍ଷ୍ୟଦ୍ଧ୍ଵ॒ ଇତି॒ ,ତ ଏ॒ତୈର॑ଜୁହଵୁ॒ସ୍ତେ-ଽରେ॒ପସୋ॑-ଽଭଵନ୍ କର୍ମା॒ଦିଷ୍ଵେ॒ତୈ-ର୍ଜୁ॑ହୁୟା-ତ୍ପୂ॒ତୋ ଦେ॑ଵଲୋ॒କା-ନ୍ଥ୍ସମ॑ଶ୍ନୁତେ ॥ 7 ॥
ଅନୁଵାକଂ 8
କୂ॒ଶ୍ମା॒ଣ୍ଡୈ-ର୍ଜୁ॑ହୁୟା॒-ଦ୍ୟୋ-ଽପୂ॑ତ ଇଵ॒ ମନ୍ୟେ॑ତ॒ ୟଥା᳚ ସ୍ତେ॒ନୋ ୟଥା᳚ ଭ୍ରୂଣ॒ହୈଵମେ॒ଷ ଭ॑ଵତି॒ ୟୋ-ଽୟୋନୌ॒ ରେତ॑-ସ୍ସି॒ଞ୍ଚତି॒, ୟଦ॑ର୍ଵା॒ଚୀନ॒ମେନୋ᳚ ଭ୍ରୂଣହ॒ତ୍ୟାୟା॒ସ୍ତସ୍ମା᳚-ନ୍ମୁଚ୍ୟତେ॒ ୟାଵ॒ଦେନୋ॑ ଦୀ॒କ୍ଷାମୁପୈ॑ତି ଦୀକ୍ଷି॒ତ ଏ॒ତୈ-ସ୍ସ॑ତ॒ତି ଜୁ॑ହୋତି ସଂଵଁଥ୍ସ॒ର-ନ୍ଦୀ᳚କ୍ଷି॒ତୋ ଭ॑ଵତି ସଂଵଁଥ୍ସ॒ରାଦେ॒ଵାତ୍ମାନ॑-ମ୍ପୁନୀତେ॒ ମାସ॑-ନ୍ଦୀକ୍ଷି॒ତୋ ଭ॑ଵତି॒ ୟୋ ମାସ॒-ସ୍ସ ସଂଵଁଥ୍ସ॒ର-ସ୍ସଂ॑ଵଁଥ୍ସ॒ରାଦେ॒ଵାତ୍ମାନ॑-ମ୍ପୁନୀତେ॒ ଚତୁ॑ର୍ଵିଗ୍ମ୍ଶତି॒ଗ୍ମ୍॒ ରାତ୍ରୀ᳚ର୍ଦୀକ୍ଷି॒ତୋ ଭ॑ଵତି॒ ଚତୁ॑ର୍ଵିଗ୍ମ୍ଶତି-ରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ରାଦେ॒ଵାତ୍ମାନ॑-ମ୍ପୁନୀତେ॒ ଦ୍ଵାଦ॑ଶ॒ ରାତ୍ରୀ᳚ର୍ଦୀକ୍ଷି॒ତୋ ଭ॑ଵତି॒ ଦ୍ଵାଦ॑ଶ॒ ମାସା᳚-ସ୍ସଂଵଁଥ୍ସ॒ର-ସ୍ସଂ॑ଵଁଥ୍ସ॒ରାଦେ॒ଵାତ୍ମାନ॑-ମ୍ପୁନୀତେ॒ ଷଡ୍ରାତ୍ରୀ᳚ର୍ଦୀକ୍ଷି॒ତୋ ଭ॑ଵତି॒ ଷଡ୍ଵା ଋ॒ତଵ॑-ସ୍ସଂଵଁଥ୍ସ॒ର-ସ୍ସଂ॑ଵଁଥ୍ସ॒ରାଦେ॒ଵାତ୍ମାନ॑-ମ୍ପୁନୀତେ ତି॒ସ୍ରୋ ରାତ୍ରୀ᳚-ର୍ଦୀକ୍ଷି॒ତୋ ଭ॑ଵତି ତ୍ରି॒ପଦା॑ ଗାୟ॒ତ୍ରୀ ଗା॑ୟତ୍ରି॒ୟା ଏ॒ଵାତ୍ମାନ॑-ମ୍ପୁନୀତେ॒ ନ ମା॒ଗ୍ମ୍॒ସମ॑ଶ୍ଞୀୟା॒ନ୍ନ ସ୍ତ୍ରିୟ॒ମୁପେ॑ୟା॒ନ୍ନୋପର୍ୟା॑ସୀତ॒ ଜୁଗୁ॑ଫ୍ସେ॒ତାନୃ॑ତା॒ତ୍ପୟୋ᳚ ବ୍ରାହ୍ମ॒ଣସ୍ୟ॑ ଵ୍ର॒ତଂ-ୟଁ॑ଵା॒ଗୂ ରା॑ଜ॒ନ୍ୟ॑ସ୍ୟା॒ମିକ୍ଷା॒ ଵୈଶ୍ୟ॒ସ୍ୟାଥୋ॑ ସୌ॒ମ୍ୟେ-ଽପ୍ୟ॑ଦ୍ଧ୍ଵ॒ର ଏ॒ତଦ୍ଵ୍ର॒ତ-ମ୍ବ୍ରୂ॑ୟା॒-ଦ୍ୟଦି॒ ମନ୍ୟେ॑-ତୋପ॒ଦସ୍ୟା॒ମୀତ୍ୟୋ॑ଦ॒ନ-ନ୍ଧା॒ନା-ସ୍ସକ୍ତୂ᳚-ଙ୍ଘୃ॒ତମିତ୍ୟନୁ॑ଵ୍ରତୟେଦା॒ତ୍ମନୋ-ଽନୁ॑ପଦାସାୟ ॥ 8 ॥
ଅନୁଵାକଂ 9
ଅ॒ଜାନ୍. ହ॒ ଵୈ ପୃଶ୍ଞୀଗ୍॑ସ୍ତପ॒ସ୍ୟମା॑ନା॒-ନ୍ବ୍ରହ୍ମ॑ ସ୍ଵୟ॒ମ୍ଭ୍ଵ॑ଭ୍ୟାନ॑ର୍ଷ॒ତ୍ତ ଋଷ॑ୟୋ-ଽଭଵ॒-ନ୍ତଦୃଷୀ॑ଣା-ମୃଷି॒ତ୍ଵ-ନ୍ତା-ନ୍ଦେ॒ଵତା॒ମୁପା॑ତିଷ୍ଠନ୍ତ ୟ॒ଜ୍ଞକା॑ମା॒ସ୍ତ ଏ॒ତ-ମ୍ବ୍ର॑ହ୍ମୟ॒ଜ୍ଞ-ମ॑ପଶ୍ୟ॒ନ୍-ତମା-ଽହ॑ର॒ନ୍-ତେନା॑ୟଜନ୍ତ॒ ୟଦୃ॒ଚୋ-ଽଦ୍ଧ୍ୟଗୀ॑ଷତ॒ ତାଃ ପୟ॑ ଆହୁତୟୋ ଦେ॒ଵାନା॑ମଭଵ॒ନ୍॒. ୟ-ଦ୍ୟଜୂଗ୍ମ୍॑ଷି ଘୃ॒ତାହୁ॑ତୟୋ॒ ୟ-ଥ୍ସାମା॑ନି॒ ସୋମା॑ହୁତୟୋ॒ ୟଦଥ॑ର୍ଵାଙ୍ଗି॒ରସୋ॒ ମଦ୍ଧ୍ଵା॑ହୁତୟୋ॒ ୟଦ୍ବ୍ରା᳚ହ୍ମ॒ଣାନୀ॑ତିହା॒ସାନ୍-ପୁ॑ରା॒ଣାନି॒ କଲ୍ପା॒-ନ୍ଗାଥା॑ ନାରାଶ॒ଗ୍ମ୍॒ସୀର୍ମେ॑ଦାହୁ॒ତୟୋ॑ ଦେ॒ଵାନା॑-ମଭଵ॒ନ୍ତାଭିଃ॒, କ୍ଷୁଧ॑-ମ୍ପା॒ପ୍ମାନ॒-ମପା᳚ଘ୍ନ॒-ନ୍ନପ॑ହତପାପ୍ମାନୋ ଦେ॒ଵା-ସ୍ସ୍ଵ॒ର୍ଗଂ-ଲୋଁ॒କମା॑ୟ॒-ନ୍ବ୍ରହ୍ମ॑ଣ॒-ସ୍ସାୟୁ॑ଜ୍ୟ॒-ମୃଷ॑ୟୋ-ଽଗଚ୍ଛନ୍ନ୍ ॥ 9 ॥
ଅନୁଵାକଂ 10
ପଞ୍ଚ॒ ଵା ଏ॒ତେ ମ॑ହାୟ॒ଜ୍ଞା-ସ୍ସ॑ତ॒ତି ପ୍ରତା॑ୟନ୍ତେ ସତ॒ତି ସନ୍ତି॑ଷ୍ଠନ୍ତେ ଦେଵୟ॒ଜ୍ଞଃ ପି॑ତୃୟ॒ଜ୍ଞୋ ଭୂ॑ତୟ॒ଜ୍ଞୋ ମ॑ନୁଷ୍ୟୟ॒ଜ୍ଞୋ ବ୍ର॑ହ୍ମୟ॒ଜ୍ଞ ଇତି॒ ୟଦ॒ଗ୍ନୌ ଜୁ॒ହୋତ୍ୟ॒ପି ସ॒ମିଧ॒-ନ୍ତ-ଦ୍ଦେ॑ଵୟ॒ଜ୍ଞ-ସ୍ସନ୍ତି॑ଷ୍ଠତେ॒ ୟ-ତ୍ପି॒ତୃଭ୍ୟ॑-ସ୍ସ୍ଵ॒ଧା କ॒ରୋତ୍ୟପ୍ୟ॒ପସ୍ତ-ତ୍ପି॑ତୃୟ॒ଜ୍ଞ-ସ୍ସନ୍ତି॑ଷ୍ଠତେ॒ୟ-ଦ୍ଭୂ॒ତେଭ୍ୟୋ॑ ବ॒ଲିଗ୍ମ୍ ହର॑ତି॒ ତ-ଦ୍ଭୂ॑ତୟ॒ଜ୍ଞ-ସ୍ସନ୍ତି॑ଷ୍ଠତେ॒ ୟଦ୍ବ୍ରା᳚ହ୍ମ॒ଣେଭ୍ୟୋ-ଽନ୍ନ॒-ନ୍ଦଦା॑ତି॒ ତନ୍ମ॑ନୁଷ୍ୟୟ॒ଜ୍ଞ-ସ୍ସନ୍ତି॑ଷ୍ଠତେ॒ ୟଥ୍ସ୍ଵା᳚ଦ୍ଧ୍ୟା॒ୟ-ମଧୀ॑ୟୀ॒-ତୈକା॑ମପ୍ୟୃ॒ଚଂ-ୟଁଜୁଃ॒-ସାମ॑ ଵା॒ ତଦ୍ବ୍ର॑ହ୍ମୟ॒ଜ୍ଞ-ସ୍ସନ୍ତି॑ଷ୍ଠତେ॒ ୟଦୃ॒ଚୋ-ଽଧୀ॑ତେ॒ ପୟ॑ସଃ॒ କୂଲ୍ୟା॑ ଅସ୍ୟ ପି॒ତୄ-ନ୍ଥ୍ସ୍ଵ॒ଧା ଅ॒ଭିଵ॑ହନ୍ତି॒ ୟ-ଦ୍ୟଜୂଗ୍ମ୍॑ଷି ଘୃ॒ତସ୍ୟ॑ କୂଲ୍ୟା॒ ୟ-ଥ୍ସାମା॑ନି॒ ସୋମ॑ ଏଭ୍ୟଃ ପଵତେ॒ ୟଦଥ॑ର୍ଵାଙ୍ଗି॒ରସୋ॒ ମଧୋଃ᳚ କୂଲ୍ୟା॒ ୟଦ୍ବ୍ରା᳚ହ୍ମ॒ଣା-ନୀ॑ତିହା॒ସାନ୍-ପୁ॑ରା॒ଣାନି॒ କଲ୍ପା॒-ନ୍ଗାଥା॑ ନାରାଶ॒ଗ୍ମ୍॒ସୀ-ର୍ମେଦ॑ସଃ॒ କୂଲ୍ୟା॑ ଅସ୍ୟ ପି॒ତୄନ୍-ଥ୍ସ୍ଵ॒ଧା ଅ॒ଭିଵ॑ହନ୍ତି॒ ୟଦୃ॒ଚୋ-ଽଧୀ॑ତେ॒ ପୟ॑ ଆହୁତିଭିରେ॒ଵ ତ-ଦ୍ଦେ॒ଵାଗ୍ସ୍ତ॑ର୍ପୟତି॒ ୟ-ଦ୍ୟଜୂଗ୍ମ୍॑ଷି ଘୃ॒ତାହୁ॑ତିଭି॒ର୍ୟ-ଥ୍ସାମା॑ନି॒ ସୋମା॑ହୁତିଭି॒-ର୍ୟଦଥ॑ର୍ଵାଙ୍ଗି॒ରସୋ॒ ମଦ୍ଧ୍ଵା॑ହୁତିଭି॒-ର୍ୟଦ୍ବ୍ରା᳚ହ୍ମ॒ଣା-ନୀ॑ତିହା॒ସାନ୍-ପୁ॑ରା॒ଣାନି॒ କଲ୍ପା॒-ନ୍ଗାଥା॑ ନାରାଶ॒ଗ୍ମ୍॒ସୀ-ର୍ମେ॑ଦାହୁ॒ତିଭି॑ରେ॒ଵ ତ-ଦ୍ଦେ॒ଵାଗ୍ସ୍ତ॑ର୍ପୟତି॒ ତ ଏ॑ନ-ନ୍ତୃ॒ପ୍ତା ଆୟୁ॑ଷା॒ ତେଜ॑ସା॒ ଵର୍ଚ॑ସା ଶ୍ରି॒ୟା ୟଶ॑ସା ବ୍ରହ୍ମଵର୍ଚ॒ସେନା॒ନ୍ନାଦ୍ୟେ॑ନ ଚ ତର୍ପୟନ୍ତି ॥ 10 ॥
ଅନୁଵାକଂ 11
ବ୍ର॒ହ୍ମ॒ୟ॒ଜ୍ଞେନ॑ ୟ॒କ୍ଷ୍ୟମା॑ଣଃ॒ ପ୍ରାଚ୍ୟା᳚-ନ୍ଦି॒ଶି ଗ୍ରାମା॒ଦଛ॑ଦିର୍ଦ॒ର୍॒ଶ ଉଦୀ᳚ଚ୍ୟା-ମ୍ପ୍ରାଗୁଦୀ॒ଚ୍ୟାଂ-ଵୋଁ॒ଦିତ॑ ଆଦି॒ତ୍ୟେ ଦ॑କ୍ଷିଣ॒ତ ଉ॑ପ॒ଵୀୟୋ॑ପ॒ଵିଶ୍ୟ॒ ହସ୍ତା॑ଵଵ॒ନିଜ୍ୟ॒ ତ୍ରିରାଚା॑ମେ॒ଦ୍ଦ୍ଵିଃ ପ॑ରି॒ମୃଜ୍ୟ॑ ସ॒କୃଦୁ॑ପ॒ସ୍ପୃଶ୍ୟ॒ ଶିର॒ଶ୍ଚକ୍ଷୁ॑ଷୀ॒ ନାସି॑କେ॒ ଶ୍ରୋତ୍ରେ॒ ହୃଦ॑ୟମା॒ଲଭ୍ୟ॒ ୟ-ତ୍ତ୍ରିରା॒ଚାମ॑ତି॒ ତେନ॒ ଋଚଃ॑ ପ୍ରୀଣାତି॒ ୟଦ୍ଦ୍ଵିଃ ପ॑ରି॒ମୃଜ॑ତି॒ ତେନ ୟଜୂଗ୍ମ୍॑ଷି॒ ୟ-ଥ୍ସ॒କୃଦୁ॑ପ॒ସ୍ପୃଶ॑ତି॒ ତେନ॒ ସାମା॑ନି॒ (ୟ-ଥ୍ସ॒ଵ୍ୟ-ମ୍ପା॒ଣି ପା॒ଦୌ ପ୍ରୋ॒କ୍ଷତି॒) ୟଚ୍ଛିର॒ଶ୍ଚକ୍ଷୁ॑ଷୀ॒ ନାସି॑କେ॒ ଶ୍ରୋତ୍ରେ॒ ହୃଦ॑ୟମା॒ଲଭ॑ତେ॒ ତେନାଥ॑ର୍ଵାଙ୍ଗି॒ରସୋ᳚ ବ୍ରାହ୍ମ॒ଣା-ନୀ॑ତିହା॒ସା-ନ୍ପୁ॑ରା॒ଣାନି॒ କଲ୍ପା॒-ନ୍ଗାଥା॑ ନାରାଶ॒ଗ୍ମ୍॒ସୀଃ ପ୍ରୀ॑ଣାତି॒ ଦର୍ଭା॑ଣା-ମ୍ମ॒ହଦୁ॑ପ॒ସ୍ତୀର୍ୟୋ॒ପସ୍ଥ॑-ଙ୍କୃ॒ତ୍ଵା ପ୍ରାଂଆସୀ॑ନ-ସ୍ସ୍ଵାଦ୍ଧ୍ୟା॒ୟମଧୀ॑ୟୀତା॒ପାଂ-ଵାଁ ଏ॒ଷ ଓଷ॑ଧୀନା॒ଗ୍ମ୍॒ ରସୋ॒ ୟ-ଦ୍ଦ॒ର୍ଭା-ସ୍ସର॑ସମେ॒ଵ ବ୍ରହ୍ମ॑ କୁରୁତେ ଦକ୍ଷିଣୋତ୍ତ॒ରୌ ପା॒ଣୀ (ପା॒ଦୌ) କୃ॒ତ୍ଵା ସପ॒ଵିତ୍ରା॒ଵୋମିତି॒ ପ୍ରତି॑ପଦ୍ୟତ ଏ॒ତଦ୍ଵୈ ୟଜୁ॑ସ୍ତ୍ରୟୀଂ-ଵିଁ॒ଦ୍ୟା-ମ୍ପ୍ରତ୍ୟେ॒ଷା ଵାଗେ॒ତତ୍ପ॑ର॒ମମ॒କ୍ଷର॒-ନ୍ତଦେ॒ତଦୃ॒ଚା-ଽଭ୍ୟୁ॑କ୍ତମୃ॒ଚୋ ଅ॒କ୍ଷରେ॑ ପର॒ମେ ଵ୍ୟୋ॑ମ॒ନ୍॒. ୟସ୍ମି॑-ନ୍ଦେ॒ଵା ଅଧି॒ ଵିଶ୍ଵେ॑ ନିଷେ॒ଦୁର୍ୟସ୍ତନ୍ନ ଵେଦ॒ କିମୃ॒ଚା କ॑ରିଷ୍ୟତି॒ ୟ ଇତ୍ତଦ୍ଵି॒ଦୁସ୍ତ ଇ॒ମେ ସମା॑ସତ॒ ଇତି॒ ତ୍ରୀନେ॒ଵ ପ୍ରାୟୁ॑ଙ୍କ୍ତ॒ ଭୂର୍ଭୁଵ॒ସ୍ସ୍ଵ॑ରିତ୍ୟା॑ହୈ॒ତଦ୍ଵୈ ଵା॒ଚ-ସ୍ସ॒ତ୍ୟଂ-ୟଁଦେ॒ଵ ଵା॒ଚ-ସ୍ସ॒ତ୍ୟ-ନ୍ତ-ତ୍ପ୍ରାୟୁ॒ଙ୍କ୍ତାଥ॑ ସାଵି॒ତ୍ରୀ-ଙ୍ଗା॑ୟ॒ତ୍ରୀ-ନ୍ତ୍ରିରନ୍ଵା॑ହ ପ॒ଚ୍ଛୋ᳚-ଽର୍ଧର୍ଚ॑ଶୋ-ଽନଵା॒ନଗ୍ମ୍ ସ॑ଵି॒ତା ଶ୍ରିୟଃ॑ ପ୍ରସଵି॒ତା ଶ୍ରିୟ॑ମେ॒ଵାପ୍ନୋ॒ତ୍ ୟଥୋ᳚ ପ୍ର॒ଜ୍ଞାତ॑ୟୈ॒ଵ ପ୍ର॑ତି॒ପଦା॒ ଛନ୍ଦାଗ୍ମ୍॑ସି॒ ପ୍ରତି॑ପଦ୍ୟତେ ॥ 11 ॥
ଅନୁଵାକଂ 12
ଗ୍ରାମେ॒ ମନ॑ସା ସ୍ଵାଦ୍ଧ୍ୟା॒ୟମଧୀ॑ୟୀତ॒ ଦିଵା॒ ନକ୍ତଂ॑-ଵେଁ॒ତି ହ॑ ସ୍ମା॒ହ ଶୌ॒ଚ ଆ᳚ହ୍ନେ॒ୟ ଉ॒ତାର॑ଣ୍ୟେ॒-ଽବଲ॑ ଉ॒ତ ଵା॒ଚୋତ ତିଷ୍ଠ॑ନ୍ନୁ॒ତ ଵ୍ରଜ॑ନ୍ନୁ॒ତାସୀ॑ନ ଉ॒ତ ଶୟା॑ନୋ॒-ଽଧୀୟୀ॑ତୈ॒ଵ ସ୍ଵା᳚ଦ୍ଧ୍ୟା॒ୟ-ନ୍ତପ॑ସ୍ଵୀ॒ ପୁଣ୍ୟୋ॑ ଭଵତି॒ ୟ ଏ॒ଵଂ-ଵିଁ॒ଦ୍ଵାନ୍-ଥ୍ସ୍ଵା᳚ଦ୍ଧ୍ୟା॒ୟମଧୀ॑ତେ॒ ନମୋ॒ ବ୍ରହ୍ମ॑ଣେ॒ ନମୋ॑ ଅସ୍ତ୍ଵ॒ଗ୍ନୟେ॒ ନମଃ॑ ପୃଥି॒ଵ୍ୟୈ ନମ॒ ଓଷ॑ଧୀଭ୍ୟଃ ।
ନମୋ॑ ଵା॒ଚେ ନମୋ॑ ଵା॒ଚସ୍ପତ॑ୟେ॒ ନମୋ॒ ଵିଷ୍ଣ॑ଵେ ବୃହ॒ତେ କ॑ରୋମି ॥ 12 ॥
ଅନୁଵାକଂ 13
ମ॒ଦ୍ଧ୍ୟନ୍ଦି॑ନେ ପ୍ର॒ବଲ॒ମଧୀ॑ୟୀତା॒ସୌ ଖଲୁ॒ ଵାଵୈଷ ଆ॑ଦି॒ତ୍ୟୋ ୟଦ୍ବ୍ରା᳚ହ୍ମ॒ଣସ୍ତସ୍ମା॒ତ୍ତର୍ହି॒ ତେକ୍ଷ୍ଣି॑ଷ୍ଠ-ନ୍ତପତି॒ ତଦେ॒ଷା-ଽଭ୍ୟୁ॑କ୍ତା ॥
ଚି॒ତ୍ର-ନ୍ଦେ॒ଵାନା॒ମୁଦ॑ଗା॒ଦନୀ॑କ॒-ଞ୍ଚକ୍ଷୁ॑ର୍ମି॒ତ୍ରସ୍ୟ॒ ଵରୁ॑ଣସ୍ୟା॒ଗ୍ନେଃ ।
ଆ-ଽପ୍ରା॒ ଦ୍ୟାଵା॑ପୃଥି॒ଵୀ ଅ॒ନ୍ତରି॑କ୍ଷ॒ଗ୍ମ୍॒ ସୂର୍ୟ॑ ଆ॒ତ୍ମା ଜଗ॑ତସ୍ତ॒ସ୍ଥୁଷ॒ଶ୍ଚେତି॒ ସ ଵା ଏ॒ଷ ୟ॒ଜ୍ଞ-ସ୍ସ॒ଦ୍ୟଃ ପ୍ରତା॑ୟତେ ସ॒ଦ୍ୟ-ସ୍ସନ୍ତି॑ଷ୍ଠତେ॒ ତସ୍ୟ॒ ପ୍ରାଖ୍ସା॒ୟମ॑ଵଭୃ॒ଥୋ ନମୋ॒ ବ୍ରହ୍ମ॑ଣ॒ ଇତି॑ ପରିଧା॒ନୀୟା॒-ନ୍ତ୍ରିରନ୍ଵା॑ହା॒ପ ଉ॑ପ॒ସ୍ପୃଶ୍ୟ॑ ଗୃ॒ହାନେ॑ତି॒ ତତୋ॒ ୟତ୍କିଞ୍ଚ॒ ଦଦା॑ତି॒ ସା ଦକ୍ଷି॑ଣା ॥ 13 ॥
ଅନୁଵାକଂ 14
ତସ୍ୟ॒ ଵା ଏ॒ତସ୍ୟ॑ ୟ॒ଜ୍ଞସ୍ୟ॒ ମେଘୋ॑ ହଵି॒ର୍ଧାନଂ॑-ଵିଁ॒ଦ୍ୟୁଦ॒ଗ୍ନିର୍ଵ॒ର୍॒ଷଗ୍ମ୍ ହ॒ଵି-ସ୍ସ୍ତ॑ନୟି॒ତ୍ନୁ-ର୍ଵ॑ଷଟ୍କା॒ରୋ ୟଦ॑ଵ॒ସ୍ଫୂର୍ଜ॑ତି॒ ସୋ-ଽନୁ॑ଵଷଟ୍କା॒ରୋ ଵା॒ୟୁରା॒ତ୍ମା-ଽମା॑ଵା॒ସ୍ୟା᳚ ସ୍ଵିଷ୍ଟ॒କୃଦ୍ୟ ଏ॒ଵଂ-ଵିଁ॒ଦ୍ଵାନ୍ମେ॒ଘେ ଵ॒ର୍॒ଷତି॑ ଵି॒ଦ୍ୟୋତ॑ମାନେ ସ୍ତ॒ନୟ॑ତ୍ୟଵ॒ସ୍ଫୂର୍ଜ॑ତି॒ ପଵ॑ମାନେ ଵା॒ୟାଵ॑ମାଵା॒ସ୍ୟା॑ୟାଗ୍ ସ୍ଵାଦ୍ଧ୍ୟା॒ୟମଧୀ॑ତେ॒
ତପ॑ ଏ॒ଵ ତତ୍ତ॑ପ୍ୟତେ॒ ତପୋ॑ ହି ସ୍ଵାଦ୍ଧ୍ୟା॒ୟ ଇତ୍ୟୁ॑ତ୍ତ॒ମ-ନ୍ନାକଗ୍ମ୍॑ ରୋହତ୍ୟୁତ୍ତ॒ମ-ସ୍ସ॑ମା॒ନାନା᳚-ମ୍ଭଵତି॒ ୟାଵ॑ନ୍ତଗ୍ମ୍ ହ॒ ଵା ଇ॒ମାଂ-ଵିଁ॒ତ୍ତସ୍ୟ॑ ପୂ॒ର୍ଣା-ନ୍ଦଦ॑ଥ୍ସ୍ଵ॒ର୍ଗଂ-ଲୋଁ॒କ-ଞ୍ଜ॑ୟତି॒ ତାଵ॑ନ୍ତଂ-ଲୋଁ॒କ-ଞ୍ଜ॑ୟତି॒ ଭୂୟାଗ୍ମ୍॑ସ-ଞ୍ଚାକ୍ଷ॒ୟ୍ୟ-ଞ୍ଚାପ॑ ପୁନର୍ମୃ॒ତ୍ୟୁ-ଞ୍ଜ॑ୟତି॒ ବ୍ରହ୍ମ॑ଣ॒-ସ୍ସାୟୁ॑ଜ୍ୟ-ଙ୍ଗଚ୍ଛତି ॥ 14 ॥
ଅନୁଵାକଂ 15
ତସ୍ୟ॒ ଵା ଏ॒ତସ୍ୟ॑ ୟ॒ଜ୍ଞସ୍ୟ॒ ଦ୍ଵାଵ॑ନଦ୍ଧ୍ୟା॒ୟୌ ୟଦା॒-ଽଽତ୍ମା-ଽଶୁଚି॒-ର୍ୟ-ଦ୍ଦେ॒ଶ-ସ୍ସମୃ॑ଦ୍ଧିର୍ଦୈଵ॒ତାନି॒ ୟ ଏ॒ଵଂ-ଵିଁ॒ଦ୍ଵା-ନ୍ମ॑ହାରା॒ତ୍ର ଉ॒ଷସ୍ୟୁଦି॑ତେ॒ ଵ୍ରଜ॒ଗ୍ଗ୍॒ସ୍ତିଷ୍ଠ॒-ନ୍ନାସୀ॑ନ॒-ଶ୍ଶୟା॑ନୋ॒-ଽରଣ୍ୟେ᳚ ଗ୍ରାମେ॒ ଵା ୟାଵ॑ତ୍ତ॒ରସଗ୍ଗ୍॑ ସ୍ଵାଦ୍ଧ୍ୟା॒ୟମଧୀ॑ତେ॒ ସର୍ଵା᳚ନ୍ ଁଲୋ॒କାଞ୍ଜ॑ୟତି॒ ସର୍ଵା᳚ନ୍ ଁଲୋ॒କାନ॑ନୃ॒ଣୋ-ଽନୁ॒ ସଞ୍ଚ॑ରତି॒ ତଦେ॒ଷା-ଽଭ୍ୟୁ॑କ୍ତା ॥ ଅ॒ନୃ॒ଣା ଅ॒ସ୍ମିନ୍ନ॑ନୃ॒ଣାଃ ପର॑ସ୍ମିଗ୍ଗ୍ସ୍ତୃ॒ତୀୟେ॑ ଲୋ॒କେ ଅ॑ନୃ॒ଣା-ସ୍ସ୍ୟା॑ମ । ୟେ ଦେ॑ଵ॒ୟାନା॑ ଉ॒ତ ପି॑ତୃ॒ୟାଣା॒-ସ୍ସର୍ଵା᳚-ନ୍ପ॒ଥୋ ଅ॑ନୃ॒ଣା ଆକ୍ଷୀ॑ୟେ॒ମେତ୍ୟ॒ଗ୍ନିଂ-ଵୈଁ ଜା॒ତ-ମ୍ପା॒ପ୍ମା ଜ॑ଗ୍ରାହ॒ ତନ୍ଦେ॒ଵା ଆହୁ॑ତୀଭିଃ ପା॒ପ୍ମାନ॒ମପା᳚ଘ୍ନ॒-ନ୍ନାହୁ॑ତୀନାଂ-ୟଁ॒ଜ୍ଞେନ॑ ୟ॒ଜ୍ଞସ୍ୟ॒ ଦକ୍ଷି॑ଣାଭି॒-ର୍ଦକ୍ଷି॑ଣାନା-ମ୍ବ୍ରାହ୍ମ॒ଣେନ॑ ବ୍ରାହ୍ମ॒ଣସ୍ୟ॒ ଛନ୍ଦୋ॑ଭି॒-ଶ୍ଛନ୍ଦ॑ସାଗ୍ ସ୍ଵାଦ୍ଧ୍ୟା॒ୟେନାପ॑ହତପାପ୍ମା ସ୍ଵାଦ୍ଧ୍ୟା॒ୟୋ॑ ଦେ॒ଵପ॑ଵିତ୍ରଂ॒-ଵାଁ ଏ॒ତତ୍ତଂ-ୟୋଁ-ଽନୂ᳚-ଥ୍ସୃ॒ଜତ୍ୟଭା॑ଗୋ ଵା॒ଚି ଭ॑ଵ॒ତ୍ୟଭା॑ଗୋ ନା॒କେ ତଦେ॒ଷା-ଽଭ୍ୟୁ॑କ୍ତା ॥ ୟସ୍ତି॒ତ୍ୟାଜ॑ ସଖି॒ଵିଦ॒ଗ୍ମ୍॒ ସଖା॑ୟ॒-ନ୍ନ ତସ୍ୟ॑ ଵା॒ଚ୍ୟପି॑ ଭା॒ଗୋ ଅ॑ସ୍ତି । ୟଦୀଗ୍ମ୍॑ ଶୃ॒ଣୋତ୍ୟ॒ଲକଗ୍ମ୍॑ ଶୃଣୋତି॒ ନ ହି ପ୍ର॒ଵେଦ॑ ସୁକୃ॒ତସ୍ୟ॒ ପନ୍ଥା॒ମିତି॒ ତସ୍ମା᳚-ଥ୍ସ୍ଵାଦ୍ଧ୍ୟା॒ୟୋ-ଽଦ୍ଧ୍ୟେ॑ତ॒ଵ୍ୟୋ॑ ୟଂ-ୟଁ॑-ଙ୍କ୍ର॒ତୁମଧୀ॑ତେ॒ ତେନ॑ ତେନାସ୍ୟେ॒ଷ୍ଟ-ମ୍ଭ॑ଵତ୍ୟ॒ଗ୍ନେ-ର୍ଵା॒ୟୋ-ରା॑ଦି॒ତ୍ୟସ୍ୟ॒ ସାୟୁ॑ଜ୍ୟ-ଙ୍ଗଚ୍ଛତି॒ ତଦେ॒ଷା-ଽଭ୍ୟୁ॑କ୍ତା ॥
ୟେ ଅ॒ର୍ଵାଂଉ॒ତ ଵା॑ ପୁରା॒ଣେ ଵେ॒ଦଂ-ଵିଁ॒ଦ୍ଵାଗ୍ମ୍ସ॑ମ॒ଭିତୋ॑ ଵଦନ୍ତ୍ୟାଦି॒ତ୍ୟମେ॒ଵ ତେ ପରି॑ଵଦନ୍ତି॒ ସର୍ଵେ॑ ଅ॒ଗ୍ନି-ନ୍ଦ୍ଵି॒ତୀୟ॑-ନ୍ତୃ॒ତୀୟ॑-ଞ୍ଚ ହ॒ଗ୍ମ୍॒ସମିତି॒ ୟାଵ॑ତୀ॒ର୍ଵୈ ଦେ॒ଵତା॒ସ୍ତା-ସ୍ସର୍ଵା॑ ଵେଦ॒ଵିଦି॑ ବ୍ରାହ୍ମ॒ଣେ ଵ॑ସନ୍ତି॒ ତସ୍ମା᳚-ଦ୍ବ୍ରାହ୍ମ॒ଣେଭ୍ୟୋ॑ ଵେଦ॒ଵିଦ୍ଭ୍ୟୋ॑ ଦି॒ଵେଦି॑ଵେ॒ ନମ॑ସ୍କୁର୍ୟା॒ନ୍ନାଶ୍ଲୀ॒ଲ-ଙ୍କୀ᳚ର୍ତୟେଦେ॒ତା ଏ॒ଵ ଦେ॒ଵତାଃ᳚ ପ୍ରୀଣାତି ॥ 15 ॥
ଅନୁଵାକଂ 16
ରିଚ୍ୟ॑ତ ଇଵ॒ ଵା ଏ॒ଷ ପ୍ରେଵ ରି॑ଚ୍ୟତେ॒ ୟୋ ୟା॒ଜୟ॑ତି॒ ପ୍ରତି॑ ଵା ଗୃ॒ହ୍ଣାତି॑ ୟା॒ଜୟି॑ତ୍ଵା ପ୍ରତିଗୃ॒ହ୍ୟ ଵା-ଽନ॑ଶ୍ନ॒ନ୍ତ୍ରି-ସ୍ସ୍ଵା᳚ଦ୍ଧ୍ୟା॒ୟଂ-ଵେଁ॒ଦମଧୀ॑ୟୀତ ତ୍ରିରା॒ତ୍ରଂ-ଵାଁ॑ ସାଵି॒ତ୍ରୀ-ଙ୍ଗା॑ୟ॒ତ୍ରୀ-ମ॒ନ୍ଵାତି॑ରେଚୟତି॒ ଵରୋ॒ ଦକ୍ଷି॑ଣା॒ ଵରେ॑ଣୈ॒ଵ ଵରଗ୍ଗ୍॑ ସ୍ପୃଣୋତ୍ୟା॒ତ୍ମା ହି ଵରଃ॑ ॥ 16 ॥
ଅନୁଵାକଂ 17
ଦୁ॒ହେ ହ॒ ଵା ଏ॒ଷ ଛନ୍ଦାଗ୍ମ୍॑ସି॒ ୟୋ ୟା॒ଜୟ॑ତି॒ ସ ୟେନ॑ ୟଜ୍ଞକ୍ର॒ତୁନା॑ ୟା॒ଜୟେ॒-ଥ୍ସୋ-ଽର॑ଣ୍ୟ-ମ୍ପ॒ରେତ୍ୟ॑ ଶୁଚୌ ଦେ॒ଶେ ସ୍ଵା᳚ଦ୍ଧ୍ୟା॒ୟ-ମେ॒ଵୈନ॒-ମଧୀ॑ୟନ୍ନାସୀ॒ତ ତସ୍ୟା॒ନଶ॑ନ-ନ୍ଦୀ॒କ୍ଷା ସ୍ଥା॒ନମୁ॑ପ॒ସଦ॒ ଆସ॑ନଗ୍ମ୍ ସୁ॒ତ୍ୟା ଵାଗ୍ଜୁ॒ହୂର୍ମନ॑ ଉପ॒ଭୃଦ୍ଧୃ॒ତିର୍ଧ୍ରୁ॒ଵା ପ୍ରା॒ଣୋ ହ॒ଵି-ସ୍ସାମା᳚ଦ୍ଧ୍ଵ॒ର୍ୟୁ-ସ୍ସ ଵା ଏ॒ଷ ୟ॒ଜ୍ଞଃ
ପ୍ରା॒ଣଦ॑କ୍ଷି॒ଣୋ-ଽନ॑ନ୍ତଦକ୍ଷିଣ॒-ସ୍ସମୃ॑ଦ୍ଧତରଃ ॥ 17 ॥
ଅନୁଵାକଂ 18
କ॒ତି॒ଧା-ଽଵ॑କୀର୍ଣୀ ପ୍ରଵି॒ଶତି॑ ଚତୁ॒ର୍ଧେତ୍ୟା॑ହୁ-ର୍ବ୍ରହ୍ମଵା॒ଦିନୋ॑ ମ॒ରୁତଃ॑ ପ୍ରା॒ଣୈରିନ୍ଦ୍ର॒-ମ୍ବଲେ॑ନ॒ ବୃହ॒ସ୍ପତି॑-ମ୍ବ୍ରହ୍ମଵର୍ଚ॒ସେନା॒ଗ୍ନିମେ॒ଵେତ॑ରେଣ॒ ସର୍ଵେ॑ଣ॒ ତସ୍ୟୈ॒ତା-ମ୍ପ୍ରାୟ॑ଶ୍ଚିତ୍ତିଂ-ଵିଁ॒ଦାଞ୍ଚ॑କାର ସୁଦେ॒ଵଃ କା᳚ଶ୍ୟ॒ପୋ ୟୋ
ବ୍ର॑ହ୍ମଚା॒ର୍ୟ॑ଵ॒କିରେ॑ଦମାଵା॒ସ୍ୟା॑ୟା॒ଗ୍ମ୍॒ ରାତ୍ର୍ୟା॑ମ॒ଗ୍ନି-ମ୍ପ୍ର॒ଣୀୟୋ॑ପସମା॒ଧାୟ॒ ଦ୍ଵିରାଜ୍ୟ॑ସ୍ୟୋପ॒ଘାତ॑-ଞ୍ଜୁହୋତି॒ କାମାଵ॑କୀର୍ଣୋ॒-ଽସ୍ମ୍ୟଵ॑କୀର୍ଣୋ-ଽସ୍ମି॒ କାମ॒ କାମା॑ୟ॒ ସ୍ଵାହା॒ କାମାଭି॑ଦ୍ରୁଗ୍ଧୋ॒-ଽସ୍ମ୍ୟଭି॑ଦ୍ରୁଗ୍ଧୋ-ଽସ୍ମି॒ କାମ॒ କାମା॑ୟ॒ ସ୍ଵାହେତ୍ୟ॒ମୃତଂ॒-ଵାଁ ଆଜ୍ୟ॑ମ॒ମୃତ॑ମେ॒ଵାତ୍ମ-ନ୍ଧ॑ତ୍ତେ ହୁ॒ତ୍ଵା ପ୍ରୟ॑ତାଞ୍ଜ॒ଲିଃ କଵା॑ତିର୍ୟଙ୍ଙ॒ଗ୍ନିମ॒ଭି ମ॑ନ୍ତ୍ରୟେତ॒ ସ-ମ୍ମା॑ ସିଞ୍ଚନ୍ତୁ ମ॒ରୁତ॒-ସ୍ସମିନ୍ଦ୍ର॒-ସ୍ସମ୍ବୃହ॒ସ୍ପତିଃ॑ ।
ସ-ମ୍ମା॒-ଽୟମ॒ଗ୍ନି-ସ୍ସି॑ଞ୍ଚ॒ତ୍ଵାୟୁ॑ଷା ଚ॒ ବଲେ॑ନ॒ ଚାୟୁ॑ଷ୍ମନ୍ତ-ଙ୍କରୋତ॒ ମେତି॒ ପ୍ରତି॑ ହାସ୍ମୈ ମ॒ରୁତଃ॑ ପ୍ରା॒ଣା-ନ୍ଦ॑ଧତି॒ ପ୍ରତୀନ୍ଦ୍ରୋ॒ ବଲ॒-ମ୍ପ୍ରତି॒ ବୃହ॒ସ୍ପତି॑-ର୍ବ୍ରହ୍ମଵର୍ଚ॒ସ-ମ୍ପ୍ରତ୍ୟ॒ଗ୍ନିରି॒ତର॒ଥ୍ସର୍ଵ॒ଗ୍ମ୍॒ ସର୍ଵ॑ତନୁର୍ଭୂ॒ତ୍ଵା ସର୍ଵ॒ମାୟୁ॑ରେତି॒ ତ୍ରିର॒ଭିମ॑ନ୍ତ୍ରୟେତ॒ ତ୍ରିଷ॑ତ୍ୟା॒ ହି ଦେ॒ଵା ୟୋ-ଽପୂ॑ତ ଇଵ॒ ମନ୍ୟେ॑ତ॒ ସ ଇ॒ତ୍ଥ-ଞ୍ଜୁ॑ହୁୟାଦି॒ତ୍ଥ-ମ॒ଭିମ॑ନ୍ତ୍ରୟେତ॒ ପୁନୀ॑ତ ଏ॒ଵାତ୍ମାନ॒-ମାୟୁ॑ରେ॒ଵାତ୍ମ-ନ୍ଧ॑ତ୍ତେ॒ ଵରୋ॒ ଦକ୍ଷି॑ଣା॒ ଵରେ॑ଣୈ॒ଵ ଵରଗ୍ଗ୍॑ ସ୍ପୃଣୋତ୍ୟା॒ତ୍ମା ହି ଵରଃ॑ ॥ 18 ॥
ଅନୁଵାକଂ 19
ଭୂଃ ପ୍ରପ॑ଦ୍ୟେ॒ ଭୁଵଃ॒ ପ୍ରପ॑ଦ୍ୟେ॒ ସ୍ଵଃ॑ ପ୍ରପ॑ଦ୍ୟେ॒ ଭୂର୍ଭୁଵ॒ସ୍ସ୍ଵଃ॑ ପ୍ରପ॑ଦ୍ୟେ॒ ବ୍ରହ୍ମ॒ ପ୍ରପ॑ଦ୍ୟେ ବ୍ରହ୍ମକୋ॒ଶ-ମ୍ପ୍ରପ॑ଦ୍ୟେ॒-ଽମୃତ॒-ମ୍ପ୍ରପ॑ଦ୍ୟେ-ଽମୃତକୋ॒ଶ-ମ୍ପ୍ରପ॑ଦ୍ୟେ ଚତୁର୍ଜା॒ଲ-ମ୍ବ୍ର॑ହ୍ମକୋ॒ଶଂ-ୟଁ-ମ୍ମୃ॒ତ୍ୟୁର୍ନାଵ॒ପଶ୍ୟ॑ତି॒ ତ-ମ୍ପ୍ରପ॑ଦ୍ୟେ ଦେ॒ଵା-ନ୍ପ୍ରପ॑ଦ୍ୟେ ଦେଵପୁ॒ର-ମ୍ପ୍ରପ॑ଦ୍ୟେ॒ ପରୀ॑ଵୃତୋ॒ ଵରୀ॑ଵୃତୋ॒ ବ୍ରହ୍ମ॑ଣା॒ ଵର୍ମ॑ଣା॒-ଽହ-ନ୍ତେଜ॑ସା॒ କଶ୍ୟ॑ପସ୍ୟ॒ ୟସ୍ମୈ॒ ନମ॒ସ୍ତଚ୍ଛିରୋ॒ ଧର୍ମୋ॑ ମୂ॒ର୍ଧାନ॑-ମ୍ବ୍ର॒ହ୍ମୋତ୍ତ॑ରା॒ ହନୁ॑ର୍ୟ॒ଜ୍ଞୋ-ଽଧ॑ରା॒ ଵିଷ୍ଣୁ॒ର୍॒ ହୃଦ॑ୟଗ୍ମ୍ ସଂଵଁଥ୍ସ॒ରଃ ପ୍ର॒ଜନ॑ନମ॒ଶ୍ଵିନୌ॑ ପୂର୍ଵ॒ପାଦା॑ଵ॒ତ୍ରିର୍ମଦ୍ଧ୍ୟ॑-ମ୍ମି॒ତ୍ରାଵରୁ॑ଣା ଵପର॒ପାଦା॑ଵ॒ଗ୍ନିଃ ପୁଚ୍ଛ॑ସ୍ୟ ପ୍ରଥ॒ମ-ଙ୍କାଣ୍ଡ॒-ନ୍ତତ॒ ଇନ୍ଦ୍ର॒ସ୍ତତଃ॑ ପ୍ର॒ଜାପ॑ତି॒ରଭ॑ୟ-ଞ୍ଚତୁ॒ର୍ଥଗ୍ମ୍ ସ ଵା ଏ॒ଷ ଦି॒ଵ୍ୟ-ଶ୍ଶା᳚କ୍ଵ॒ର-ଶ୍ଶିଶୁ॑ମାର॒ସ୍ତଗ୍ମ୍ ହ॒ ୟ ଏ॒ଵଂ-ଵେଁଦାପ॑ ପୁନର୍ମୃ॒ତ୍ୟୁ-ଞ୍ଜ॑ୟତି॒ ଜୟ॑ତି ସ୍ଵ॒ର୍ଗଂ-ଲୋଁ॒କ-ନ୍ନାଦ୍ଧ୍ଵନି॒ ପ୍ରମୀ॑ୟତେ॒ ନାଫ୍ସୁ ପ୍ରମୀ॑ୟତେ॒ ନାଗ୍ନୌ ପ୍ରମୀ॑ୟତେ॒ ନାନ॒ପତ୍ୟଃ॑ ପ୍ରମୀ॒ୟତେ॑ ଲ॒ଘ୍ଵାନ୍ନୋ॑ ଭଵତି ଧ୍ରୁ॒ଵସ୍ତ୍ଵମ॑ସି ଧ୍ରୁ॒ଵସ୍ୟ କ୍ଷି॑ତମସି॒ ତ୍ଵ-ମ୍ଭୂ॒ତାନା॒ମଧି॑ପତିରସି॒ ତ୍ଵ-ମ୍ଭୂ॒ତାନା॒ଗ୍॒ ଶ୍ରେଷ୍ଠୋ॑-ଽସି॒ ତ୍ଵା-ମ୍ଭୂ॒ତାନ୍ୟୁପ॑ପ॒ର୍ୟାଵ॑ର୍ତନ୍ତେ॒ ନମ॑ସ୍ତେ॒ ନମ॒-ସ୍ସର୍ଵ॑-ନ୍ତେ॒ ନମୋ॒ ନମଃ॑ ॥
[ଫାଟ ଭ୍ହେଦମ୍ - ନମୋ॒ ନମ॑-ଶ୍ଶିଶୁକୁମାରାୟ॒ ନମଃ॑ ] ॥ 19 ॥
ଅନୁଵାକଂ 20
ନମଃ॒ ପ୍ରାଚ୍ୟୈ॑ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମୋ ଦକ୍ଷି॑ଣାୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମଃ॒ ପ୍ରତୀ᳚ଚ୍ୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମ॒ ଉଦୀ᳚ଚ୍ୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମ॑ ଊ॒ର୍ଧ୍ଵାୟୈ॑ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମୋ-ଽଧ॑ରାୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମୋ॑-ଽଵାନ୍ତ॒ରାୟୈ॑ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟା॒-ମ୍ପ୍ରତି॑ଵସନ୍ତ୍ୟେ॒ ତାଭ୍ୟ॑ଶ୍ଚ॒ ନମୋ॒ ନମୋ ଗଙ୍ଗାୟମୁନୟୋର୍ମଦ୍ଧ୍ୟେ ୟେ॑ ଵସ॒ନ୍ତି॒ ତେ ମେ ପ୍ରସନ୍ନାତ୍ମାନସ୍ଚିର-ଞ୍ଜୀଵିତଂ-ଵଁ॑ର୍ଧୟ॒ନ୍ତି॒ ନମୋ ଗଙ୍ଗାୟମୁନୟୋର୍ମୁନି॑ଭ୍ୟଶ୍ଚ॒ ନମୋ॒ ନମୋ ଗଙ୍ଗାୟମୁନୟୋର୍ମୁନି॑ଭ୍ୟଶ୍ଚ॒ ନମଃ ॥ 20 ॥
(ସହ॒ - ରକ୍ଷାଗ୍ମ୍॑ସି॒ - ୟ-ଦ୍ଦେ॑ଵା-ସ୍ସ॒ପ୍ତଦ॑ଶ॒ - ୟଦଦୀ᳚ଵ୍ୟ॒-ନ୍ପଞ୍ଚ॑ଦଶ॒ - ୟୁ॑ଷ୍ଟେ॒ ଚତୁ॑ସ୍ତ୍ରିଗ୍ମ୍ଶ-ଦ୍- ଵୈଶ୍ଵାନ॒ରାୟ॒ ଷଡ୍ଵିଗ୍ମ୍॑ଶତି॒-ର୍ଵାତ॑ରଶନା ହ - କୁଶ୍ମା॒ଣ୍ଡୈ- ର॒ଜାନ୍. ହ॒ - ପଞ୍ଚ॑ - ବ୍ରହ୍ମୟ॒ଜ୍ଞେନ॒ - ଗ୍ରାମେ॑ - ମ॒ଦ୍ଧ୍ୟନ୍ଦି॑ନେ॒ - ତସ୍ୟ॒ ଵୈ ମେଘ॒ - ସ୍ତସ୍ୟ॒ ଵୈ ଦ୍ଵୌ - ରିଚ୍ୟ॑ତେ - ଦୁ॒ହେ ହ॑ - କତି॒ଧା-ଽଵ॑କୀର୍ଣୀ॒ - ଭୂ--ର୍ ନମଃ॒ ପ୍ରାଚ୍ୟୈ॑ ଵିଗ୍ମ୍ଶ॒ତିଃ )
(ସହ॑ ଵୈ - ମୁନି॑ଭ୍ୟଶ୍ଚ॒ ନମଃ )
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଦ୍ଵିତୀୟଃ ପ୍ରପାଠକ-ସ୍ସମାପ୍ତଃ ॥
