કૃષ્ણ યજુર્વેદીય તૈત્તિરીય બ્રાહ્મણે કાઠકે તૃતીયઃ પ્રશ્નઃ - વૈશ્વસૃજચયનમ્
ઓ-ન્નમઃ પરમાત્મને, શ્રી મહાગણપતયે નમઃ,
શ્રી ગુરુભ્યો નમઃ । હ॒રિઃ॒ ઓમ્ ॥
ચાતુર્હોત્રચયનં-વૈઁશ્વસૃજચયન-ઞ્ચ
અનુવાકં 1 - વૈશ્વસૃજચયનાઙ્ગભૂતાઃ દિવશ્શ્યેનય ઇષ્ટયઃ
તુભ્ય॒-ન્તા અ॑ઙ્ગિરસ્તમ॒ વિશ્વા᳚-સ્સુક્ષિ॒તયઃ॒ પૃથ॑ક્ । અગ્ને॒ કામા॑ય યેમિરે ॥ અ॒શ્યામ॒ ત-ઙ્કામ॑મગ્ને॒ તવો॒ ત્ય॑શ્યામ॑ ર॒યિગ્મ્ ર॑યિવ-સ્સુ॒વીર᳚મ્ । અ॒શ્યામ॒ વાજ॑મ॒ભિ વા॒જય॑ન્તો॒ ઽશ્યામ॑ દ્યુ॒મ્નમ॑જરા॒જર॑-ન્તે ॥ ।
આશા॑ના-ન્ત્વા ઽઽશાપા॒લેભ્યઃ॑ । ચ॒તુર્ભ્યો॑ અ॒મૃતે᳚ભ્યઃ । ઇ॒દ-મ્ભૂ॒તસ્યાધ્ય॑ક્ષેભ્યઃ । વિ॒ધેમ॑ હ॒વિષા॑ વ॒યમ્ ॥ વિશ્વા॒ આશા॒ મધુ॑ના॒ સગ્મ્સૃ॑જામિ । અ॒ન॒મી॒વા આપ॒ ઓષ॑ધયો ભવન્તુ । અ॒યં-યઁજ॑માનો॒ મૃધો॒ વ્ય॑સ્યતાં અગૃ॑ભીતાઃ પ॒શવ॑-સ્સન્તુ॒ સર્વે᳚ ॥ ।
અનુ॑ નો॒-ઽદ્યા-ઽનુ॑મતિર્ય॒જ્ઞ-ન્દે॒વેષુ॑ મન્યતામ્ । અ॒ગ્નિશ્ચ॑ હવ્ય॒વાહ॑નો॒ ભવ॑તા-ન્દા॒શુષે॒ મયઃ॑ ॥ અન્વિદ॑નુમતે॒ ત્વ-મ્મન્યા॑સૈ॒ શઞ્ચ॑નઃ કૃધિ । ક્રત્વે॒ દક્ષા॑ય નો હિનુ॒ પ્રણ॒ આયૂગ્મ્॑ષિ તારિષઃ ॥ ।
કામો॑ ભૂ॒તસ્ય॒ ભવ્ય॑સ્ય । સ॒મ્રાડેકો॒ વિરા॑જતિ । સ ઇ॒દ-મ્પ્રતિ॑ પપ્રથે । ઋ॒તૂનુ-થ્સૃ॑જતે વ॒શી ॥ કામ॒સ્તદગ્રે॒ સમ॑વર્ત॒તાધિ॑ । મન॑સો॒ રેતઃ॑ પ્રથ॒મં-યઁદાસી᳚ત્ । સ॒તો બન્ધુ॒મસ॑તિ॒ નિર॑વિન્દન્ન્ । હૃ॒દિ પ્ર॒તીષ્યા॑ ક॒વયો॑ મની॒ષા ॥ ।
બ્રહ્મ॑ જજ્ઞા॒ન-મ્પ્ર॑થ॒મ-મ્પુ॒રસ્તા॒દ્વિ સી॑મ॒ત-સ્સુ॒રુચો॑ વે॒ન આ॑વઃ । સ બુ॒ધ્નિયા॑ ઉપ॒મા અ॑સ્ય વિ॒ષ્ઠા-સ્સ॒તશ્ચ॒ યોનિ॒મસ॑તશ્ચ॒ વિવઃ॑ ॥ પિ॒તા વિ॒રાજા॑મૃષ॒ભો ર॑યી॒ણામ્ । અ॒ન્તરિ॑ક્ષં-વિઁ॒શ્વરૂ॑પ॒ આવિ॑વેશ । તમ॒ર્કૈ-ર॒ભ્ય॑ર્ચન્તિ વ॒થ્સમ્ । બ્રહ્મ॒ સન્ત॒-મ્બ્રહ્મ॑ણા વ॒ર્ધય॑ન્તઃ ॥ ।
ય॒જ્ઞો રા॒યો ય॒જ્ઞ ઈ॑શે॒ વસૂ॑નામ્ । ય॒જ્ઞ-સ્સ॒સ્યાના॑મુ॒ત સુ॑ક્ષિતી॒નામ્ । ય॒જ્ઞ ઇ॒ષ્ટઃ પૂ॒ર્વચિ॑ત્તિ-ન્દધાતુ । ય॒જ્ઞો બ્ર॑હ્મ॒ણ્વાગ્મ્ અપ્યે॑તુ દે॒વાન્ ॥ અ॒યં-યઁ॒જ્ઞો વ॑ર્ધતા॒-ઙ્ગોભિ॒રશ્વૈઃ᳚ । ઇ॒યં-વેઁદિ॑-સ્સ્વપ॒ત્યા સુ॒વીરા᳚ । ઇ॒દ-મ્બ॒ર્॒હિરતિ॑ બ॒ર્॒હીગ્ષ્ય॒ન્યા । ઇ॒મં-યઁ॒જ્ઞં-વિઁશ્વે॑ અવન્તુ દે॒વાઃ ॥ । આપો॑ ભ॒દ્રા ઘૃ॒તમિદાપ॑ આસુર॒ગ્ની-ષોમૌ॑ બિભ્ર॒ત્યાપ॒ ઇ-ત્તાઃ । તી॒વ્રો રસો॑ મધુ॒પૃચા॑ મરઙ્ગ॒મ આ મા᳚ પ્રા॒ણેન॑ સ॒હ વર્ચ॑સા ગન્ન્ ॥ આદિ-ત્પ॑શ્યામ્યુ॒ત વા॑ શૃણો॒મ્યા મા॒ ઘોષો॑ ગચ્છતિ॒ વાન્ન॑ આસામ્ । મન્યે॑ ભેજા॒નો અ॒મૃત॑સ્ય॒ તર્હિ॒ હિર॑ણ્યવર્ણા॒ અતૃ॑પં-યઁ॒દા વઃ॑ ॥ ।
તુભ્ય॑-મ્ભરન્તિ ક્ષિ॒તયો॑ યવિષ્ઠ । બ॒લિમ॑ગ્ને॒ અન્તિ॑ ત॒ ઓત દૂ॒રાત્ । આ ભન્દિ॑ષ્ઠસ્ય સુમ॒તિ-ઞ્ચિ॑કિદ્ધિ । બૃ॒હત્તે॑ અગ્ને॒ મહિ॒ શર્મ॑ ભ॒દ્રમ્ ॥ યો દે॒હ્યો અન॑મયદ્વધ॒સ્નૈઃ । યો અર્ય॑પત્ની-રુ॒ષસ॑શ્ચ॒કાર॑ । સ નિ॒રુધ્યા॒ નહુ॑ષો ય॒હ્વો અ॒ગ્નિઃ । વિશ॑શ્ચક્રે બલિ॒હૃત॒-સ્સહો॑ભિઃ ॥ ।
પૂર્વ॑-ન્દેવા॒ અપ॑રેણા-નુ॒પશ્ય॒ઞ્જન્મ॑ભિઃ । જન્મા॒ન્યવ॑રૈઃ॒ પરા॑ણિ । વેદા॑નિ દેવા અ॒યમ॒સ્મીતિ॒ મામ્ । અ॒હગ્મ્ હિ॒ત્વા શરી॑ર-ઞ્જ॒રસઃ॑ પ॒રસ્તા᳚ત્ ॥ પ્રા॒ણા॒પા॒નૌ ચક્ષુ॒-શ્શ્રોત્ર᳚મ્ । વાચ॒-મ્મન॑સિ॒ સમ્ભૃ॑તામ્ । હિ॒ત્વા શરી॑ર-ઞ્જ॒રસઃ॑ પ॒રસ્તા᳚ત્ । આ ભૂતિ॒-મ્ભૂતિં॑-વઁ॒યમ॑શ્નવામહૈ ॥ ।
હ॒વ્ય॒વાહ॑-મભિમાતિ॒ષા-ઽહ᳚મ્ । ર॒ક્ષો॒હણ॒-મ્પૃત॑નાસુ જિ॒ષ્ણુમ્ । જ્યોતિ॑ષ્મન્ત॒-ન્દીદ્ય॑ત॒-મ્પુર॑ન્ધિમ્ । અ॒ગ્નિગ્ગ્ સ્વિ॑ષ્ટ॒કૃત॒મા હુ॑વેમ ॥ સ્વિ॑ષ્ટમગ્ને અ॒ભિ ત-ત્પૃ॑ણાહિ । વિશ્વા॑ દેવ॒ પૃત॑ના અ॒ભિષ્ય । ઉ॒રુ-ન્નઃ॒ પન્થા᳚-મ્પ્રદિ॒શન્વિ ભા॑હિ । જ્યોતિ॑ષ્મદ્ધેહ્ય॒જર॑-ન્ન॒ આયુઃ॑ ॥ ॥ 1 ॥
તુભ્ય॒-ન્દશ॑ (અ. 1)
અનુવાકં 2 - તાસા-મ્બ્રાહ્મણમ્
દે॒વેભ્યો॒ વૈ સ્વ॒ર્ગો લો॒કસ્તિ॒રો॑-ઽભવત્ ।
તે પ્ર॒જાપ॑તિ-મબ્રુવન્ન્ ।
પ્રજા॑પતે સ્વ॒ર્ગો વૈ નો॑ લો॒કસ્તિ॒રો॑-ઽભૂત્ । તમન્વિ॒ચ્છેતિ॑ । તં-યઁ॑જ્ઞક્ર॒તુભિ॒-રન્વૈ᳚ચ્છત્ । તં-યઁ॑જ્ઞક્ર॒તુભિ॒-ર્નાન્વ॑વિન્દત્ ।
તમિષ્ટિ॑ભિ॒-રન્વૈ᳚ચ્છત્ । તમિષ્ટિ॑ભિ॒-રન્વ॑વિન્દત્ ।
તદિષ્ટી॑ના-મિષ્ટિ॒ત્વમ્ । એષ્ટ॑યો હ॒વૈ નામ॑ ।
તા ઇષ્ટ॑ય॒ ઇત્યાચ॑ક્ષતે પ॒રોક્ષે॑ણ । પ॒રોક્ષ॑ પ્રિયા ઇવ॒ હિ દે॒વાઃ ॥ 2 ॥
તમાશા᳚-ઽબ્રવીત્ । પ્રજા॑પત આ॒શયા॒ વૈ શ્રા᳚મ્યસિ ।
અ॒હમુ॒ વા આશા᳚-ઽસ્મિ । મા-ન્નુ ય॑જસ્વ ।
અથ॑ તે સ॒ત્યા-ઽઽશા॑ ભવિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ । સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ ।
આ॒શાયૈ॑ ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્ય॑ સ॒ત્યા-ઽઽશા॑ ઽભવત્ । અનુ॑ સ્વ॒ર્ગં-લોઁ॒ક-મ॑વિન્દત્ । સ॒ત્યા હ॒ વા અ॒સ્યાશા॑ ભવતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ ॥ સો-ઽત્ર॑ જુહોતિ । અ॒ગ્નયે॒ કામા॑ય॒ સ્વાહા॒-ઽઽશાયૈ॒ સ્વાહા᳚ । અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 3 ॥
ત-ઙ્કામો᳚-ઽબ્રવીત્ । પ્રજા॑પતે॒ કામે॑ન॒ વૈ શ્રા᳚મ્યસિ । અ॒હમુ॒વૈ કામો᳚-ઽસ્મિ । મા-ન્નુ ય॑જસ્વ । અથ॑ તે સ॒ત્યઃ કામો॑ ભવિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ । સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ । કામા॑ય ચ॒રુમ્ । અનુ॑મત્યૈ ચ॒રુમ્ ।
તતો॒ વૈ તસ્ય॑ સ॒ત્યઃ કામો॑-ઽભવત્ ।
અનુ॑ સ્વ॒ર્ગં-લોઁ॒કમ॑વિન્દત્ ।
સ॒ત્યો હ॒ વા અ॑સ્ય॒ કામો॑ ભવતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ કામા॑ય॒ સ્વાહા॒ કામા॑ય॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 4 ॥
ત-મ્બ્રહ્મા᳚-ઽબ્રવીત્ । પ્રજા॑પતે॒ બ્રહ્મ॑ણા॒ વૈશ્રા᳚મ્યસિ । અ॒હમુ॒ વૈ બ્રહ્મા᳚-ઽસ્મિ ।
મા-ન્નુ ય॑જસ્વ । અથ॑ તે બ્રહ્મ॒ણ્વાન્. ય॒જ્ઞો ભ॑વિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ । સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ । બ્રહ્મ॑ણે ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્ય॑ બ્રહ્મ॒ણ્વાન્. ય॒જ્ઞો॑-ઽભવત્ । અનુ॑ સ્વ॒ર્ગં-લોઁ॒કમ॑વિન્દત્ । બ્ર॒હ્મ॒ણ્વાન્. હ॒ વા અ॑સ્ય ય॒જ્ઞો ભ॑વતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ । ય એ॒તેન॑ હ॒વિષા॒ યજ॑તે । ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ । અ॒ગ્નયે॒ કામા॑ય॒ સ્વાહા॒ બ્રહ્મ॑ણે॒ સ્વાહા᳚ । અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ । સ્વ॒ર્ગાય॑ લો॒કાય॒ સ્વાહા॒ ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 5 ॥
તં-યઁ॒જ્ઞો᳚-ઽબ્રવીત્ । પ્રજા॑પતે ય॒જ્ઞેન॒ વૈ શ્રા᳚મ્યસિ । અ॒હમુ॒ વૈ ય॒જ્ઞો᳚-ઽસ્મિ ।
મા-ન્નુ ય॑જસ્વ । અથ॑ તે સ॒ત્યો ય॒જ્ઞો ભ॑વષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ । ય॒જ્ઞાય॑ ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્ય॑ સ॒ત્યો ય॒જ્ઞો॑-ઽભવત્ । અનુ॑ સ્વ॒ર્ગં-લોઁ॒કમ॑વિન્દત્ । સ॒ત્યો હ॒ વા અ॑સ્ય ય॒જ્ઞો ભ॑વતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ કામા॑ય॒ સ્વાહા॑ ય॒જ્ઞાય॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 6 ॥
તમાપો᳚-ઽબ્રુવન્ન્ । પ્રજા॑પતે॒-ઽફ્સુ વૈ સર્વે॒ કામા᳚-શ્શ્રિ॒તાઃ । વ॒યમુ॒ વા આપ॑સ્સ્મઃ । અ॒સ્માન્નુ ય॑જસ્વ । અથ॒ ત્વયિ॒ સર્વે॒ કામા᳚-શ્શ્રયિષ્યન્તે । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ । અ॒દ્ભ્યશ્ચ॒રુમ્ ।
અનુ॑મત્યૈ ચ॒રુમ્ । તતો॒ વૈ તસ્મિ॒ન્-થ્સર્વે॒ કામા॑ અશ્રયન્ત । અનુ॑ સ્વ॒ર્ગં-લોઁ॒કમ॑વિન્દત્ । સર્વે॑ હ॒ વા અ॑સ્મિ॒ન્ કામા᳚-શ્શ્રયન્તે । અનુ॑ સ્વ॒ર્ગં-લોઁ॒કં-વિઁ॑ન્દતિ । ય એ॒તેન॑ હ॒વિષા॒ યજ॑તે ।
ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ કામા॑ય॒ સ્વાહા॒ ઽદ્ભ્ય-સ્સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 7 ॥
તમ॒ગ્નિ ર્બ॑લિ॒માન॑બ્રવીત્ ।
પ્રજા॑પતે॒ ઽગ્નયે॒ વૈ બ॑લિ॒મતે॒ સર્વા॑ણિ ભૂ॒તાનિ॑ બ॒લિગ્મ્ હ॑રન્તિ । અ॒હમુ॒ વા અ॒ગ્નિ ર્બ॑લિ॒માન॑સ્મિ । મા-ન્નુ ય॑જસ્વ ।
અથ॑ તે॒ સર્વા॑ણિ ભૂ॒તાનિ॑ બ॒લિગ્મ્ હ॑રિષ્યન્તિ ।
અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ । અ॒ગ્નયે॑ બલિ॒મતે॑ ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્મૈ॒ સર્વા॑ણિ ભૂ॒તાનિ॑ બ॒લિ-મ॑હરન્ન્ । અનુ॑ સ્વ॒ર્ગં-લોઁ॒કમ॑વિન્દત્ । સર્વા॑ણિ હ॒ વા અ॑સ્મૈ ભૂ॒તાનિ॑ બ॒લિગ્મ્ હ॑રન્તિ । અનુ॑ સ્વ॒ર્ગં-લોઁ॒કં-વિઁ॑ન્દતિ । ય એ॒તેન॑ હ॒વિષા॒ યજ॑તે ।
ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ કામા॑ય॒ સ્વાહા॒ ઽગ્નયે॑ બલિ॒મતે॒ સ્વાહા᳚ । અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 8 ॥
તમનુ॑વિત્તિર-બ્રવીત્ । પ્રજા॑પતે સ્વ॒ર્ગં-વૈઁ લો॒કમનુ॑-વિવિથ્સસિ । અ॒હમુ॒ વા અનુ॑વિત્તિરસ્મિ । મા-ન્નુ ય॑જસ્વ । અથ॑ તે સ॒ત્યા ઽનુ॑વિત્તિ-ર્ભવિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમ॒ગ્નયે॒ કામા॑ય પુરો॒ડાશ॑-મ॒ષ્ટાક॑પાલ॒-ન્નિર॑વપત્ ।
અનુ॑વિત્ત્યૈ ચ॒રુમ્ । અનુ॑મત્યૈ ચ॒રુમ્ ।
તતો॒ વૈ તસ્ય॑ સ॒ત્યા ઽનુ॑વિત્તિરભવત્ ।
અનુ॑ સ્વ॒ર્ગં-લોઁ॒ક-મ॑વિન્દત્ ।
સ॒ત્યા હ॒ વા અ॒સ્યાનુ॑વિત્તિ-ર્ભવતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ કામા॑ય॒ સ્વાહા-ઽનુ॑વિત્ત્યૈ॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 9 ॥
તા વા એ॒તા-સ્સ॒પ્ત સ્વ॒ર્ગસ્ય॑ લો॒કસ્ય॒ દ્વારઃ॑ ।
દિ॒વ-શ્શ્યે॑ન॒યો ઽનુ॑વિત્તયો॒ નામ॑ ।
આશા᳚ પ્રથ॒માગ્મ્ ર॑ક્ષતિ ।
કામો᳚ દ્વિ॒તીયા᳚મ્ । બ્રહ્મ॑ તૃ॒તીયા᳚મ્ । ય॒જ્ઞશ્ચ॑તુ॒ર્થીમ્ । આપઃ॑ પઞ્ચ॒મીમ્ ।
અ॒ગ્નિ ર્બ॑લિ॒માન્-થ્ષ॒ષ્ઠીમ્ । અનુ॑વિત્તિ-સ્સપ્ત॒મીમ્ ।
અનુ॑ હ॒ વૈ સ્વ॒ર્ગં-લોઁ॒કં-વિઁ॑ન્દતિ ।
કા॒મ॒ચારો᳚-ઽસ્ય સ્વ॒ર્ગે લો॒કે ભ॑વતિ ।
ય એ॒તાભિ॒-રિષ્ટિ॑ભિ॒-ર્યજ॑તે ।
ય ઉ॑ચૈના એ॒વં-વેઁદ॑ । તાસ્વ॑ન્વિ॒ષ્ટિ । પ॒ષ્ઠૌ॒હી॒ વ॒રા-ન્દ॑દ્યા-ત્ક॒ગ્મ્॒ સઞ્ચ॑ ।
સ્ત્રિયૈ॑ ચાભા॒રગ્મ્ સમૃ॑દ્ધ્યૈ ॥ 10 ॥
અનુવાકં 3 - ઉપાઘા નામેષ્ટયઃ
તપ॑સા દે॒વા દે॒વતા॒-મગ્ર॑ આયન્ન્ । તપ॒સર્ષ॑ય॒-સ્સ્વ॑રન્વ॑વિન્દન્ન્ ।
તપ॑સા સ॒પત્ના॒-ન્પ્રણુ॑દા॒મારા॑તીઃ ।
યેને॒દં-વિઁશ્વ॒-મ્પરિ॑ભૂતં॒-યઁદસ્તિ॑ ॥
પ્ર॒થ॒મ॒જ-ન્દે॒વગ્મ્ હ॒વિષા॑ વિધેમ । સ્વ॒ય॒ભુ-મ્બ્રહ્મ॑ પર॒મ-ન્તપો॒ યત્ ।
સ એ॒વ પુ॒ત્ર-સ્સ પિ॒તા સ મા॒તા ।
તપો॑ હ ય॒ક્ષ-મ્પ્ર॑થ॒મગ્મ્ સમ્બ॑ભૂવ ॥
શ્ર॒દ્ધયા દે॑વો દેવ॒ત્વ-મ॑શ્નુતે ।
શ્ર॒દ્ધા પ્ર॑તિ॒ષ્ઠા લો॒કસ્ય॑ દે॒વી ॥ 11 ॥
સા નો॑ જુષા॒ણોપ॑ ય॒જ્ઞ-માગા᳚ત્ ।
કામ॑વથ્સા॒ ઽમૃત॒-ન્દુહા॑ના ॥
શ્ર॒દ્ધા દે॒વી પ્ર॑થમ॒જા ઋ॒તસ્ય॑ ।
વિશ્વ॑સ્ય ભ॒ર્ત્રી જગ॑તઃ પ્રતિ॒ષ્ઠા ।
તાગ્ શ્ર॒દ્ધાગ્મ્ હ॒વિષા॑ યજામહે ।
સા નો॑ લો॒ક-મ॒મૃત॑-ન્દધાતુ ।
ઈશા॑ના દે॒વી ભુવ॑ન॒સ્યાધિ॑પત્ની ॥ આગા᳚થ્સ॒ત્યગ્મ્ હ॒વિરિ॒દ-ઞ્જુ॑ષા॒ણમ્ ।
યસ્મા᳚દ્દે॒વા જ॑જ્ઞિરે॒ ભુવ॑નઞ્ચ॒ વિશ્વે᳚ ।
તસ્મૈ॑ વિધેમ હ॒વિષા॑ ઘૃ॒તેન॑ ॥ 12 ॥
યથા॑ દે॒વૈ-સ્સ॑ધ॒માદ॑-મ્મદેમ ॥
યસ્ય॑ પ્રતિ॒ષ્ઠો-ર્વ॑ન્તરિ॑ક્ષમ્ ।
યસ્મા᳚દ્દે॒વા જ॑જ્ઞિરે॒ ભુવ॑નઞ્ચ॒ સર્વે᳚ ।
તથ્સ॒ત્ય-મર્ચ॒દુપ॑ય॒જ્ઞ-ન્ન॒ આગા᳚ત્ । બ્રહ્માહુ॑તી॒-રુપ॒મોદ॑માનમ્ ॥
મન॑સો॒ વશે॒ સર્વ॑મિ॒દ-મ્બ॑ભૂવ ।
નાન્યસ્ય॒ મનો॒ વશ॒મન્વિ॑યાય ।
ભી॒ષ્મો હિ દે॒વ-સ્સહ॑સ॒-સ્સહી॑યાન્ ।
સ નો॑ જુષા॒ણ ઉપ॑ ય॒જ્ઞમાગા᳚ત્ ॥
આકૂ॑તીના॒-મધિ॑પતિ॒-ઞ્ચેત॑સા-ઞ્ચ ॥ 13 ॥
સ॒ઙ્ક॒લ્પજૂ॑તિ-ન્દે॒વં-વિઁ॑પ॒શ્ચિમ્ ।
મનો॒ રાજા॑નમિ॒હ વ॒ર્ધય॑ન્તઃ ।
ઉ॒પ॒હ॒વે᳚ ઽસ્ય સુમ॒તૌ સ્યા॑મ ॥
ચર॑ણ-મ્પ॒વિત્રં॒-વિઁત॑ત-મ્પુરા॒ણમ્ ।
યેન॑ પૂ॒તસ્તર॑તિ દુષ્કૃ॒તાનિ॑ ।
તેન॑ પ॒વિત્રે॑ણ શુ॒દ્ધેન॑ પૂ॒તાઃ ।
અતિ॑ પા॒પ્માન॒-મરા॑તિ-ન્તરેમ ॥
લો॒કસ્ય॒ દ્વાર॑-મર્ચિ॒મ-ત્પ॒વિત્ર᳚મ્ ।
જ્યોતિ॑ષ્મ॒-દ્ભ્રાજ॑માન॒-મ્મહ॑સ્વત્ । અ॒મૃત॑સ્ય॒ ધારા॑ બહુ॒ધા દોહ॑માનમ્ ।
ચર॑ણ-ન્નો લો॒કે સુધિ॑તા-ન્દધાતુ ॥
અ॒ગ્નિર્મૂ॒ર્ધા દિ॒વઃ ક॒કુ-ત્પતિઃ॑ પૃથિ॒વ્યા અ॒યમ્ । અ॒પાગ્મ્ રેતાગ્મ્॑સિ જિન્વતિ ॥ ભુવો॑ ય॒જ્ઞસ્ય॒ રજ॑સશ્ચ ને॒તા યત્રા॑ નિ॒યુદ્ભિ॒-સ્સચ॑સે શિ॒વાભિઃ॑ । દિ॒વિ મૂ॒ર્ધાન॑-ન્દધિષે સુવ॒ર્॒ષા-ઞ્જિ॒હ્વામ॑ગ્ને ચકૃષે હવ્ય॒વાહ᳚મ્ ॥ ॥
અનુ॑ નો॒-ઽદ્યા-ઽનુ॑મતિર્ય॒જ્ઞ-ન્દે॒વેષુ॑ મન્યતામ્ । અ॒ગ્નિશ્ચ॑ હવ્ય॒વાહ॑નો॒ ભવ॑તા-ન્દા॒શુષે॒ મયઃ॑ ॥ અન્વિદ॑નુમતે॒ ત્વ-મ્મન્યા॑સૈ॒ શઞ્ચ॑નઃ કૃધિ । ક્રત્વે॒ દક્ષા॑ય નો હિનુ॒ પ્રણ॒ આયૂગ્મ્॑ષિ તારિષઃ ॥ ॥
હ॒વ્ય॒વાહ॑-મભિમાતિ॒ષા-ઽહ᳚મ્ । ર॒ક્ષો॒હણ॒-મ્પૃત॑નાસુ જિ॒ષ્ણુમ્ । જ્યોતિ॑ષ્મન્ત॒-ન્દીદ્ય॑ત॒-મ્પુર॑ન્ધિમ્ । અ॒ગ્નિગ્ગ્ સ્વિ॑ષ્ટ॒કૃત॒મા હુ॑વેમ ॥ સ્વિ॑ષ્ટમગ્ને અ॒ભિ ત-ત્પૃ॑ણાહિ । વિશ્વા॑ દેવ॒ પૃત॑ના અ॒ભિષ્ય । ઉ॒રુ-ન્નઃ॒ પન્થા᳚-મ્પ્રદિ॒શન્વિ ભા॑હિ । જ્યોતિ॑ષ્મદ્ધેહ્ય॒જર॑-ન્ન॒ આયુઃ॑ ॥ ॥ 14 ॥
(દે॒વી - ઘૃ॒તેન॒ - ચેત॑સા-ઞ્ચ॒ - દોહ॑માન-ઞ્ચ॒ત્વારિ॑ ચ) (અ. 3)
અનુવાકં 4 - તાસા-મ્બ્રાહ્મણમ્
દે॒વેભ્યો॒ વૈ સ્વ॒ર્ગો લો॒કસ્તિ॒રો॑ ઽભવત્ ।
તે પ્ર॒જાપ॑તિ-મબ્રુવન્ન્ । પ્રજા॑પતે સ્વ॒ર્ગો
વૈ નો॑ લો॒કસ્તિ॒રો॑-ઽભૂત્ । તમન્વિ॒ચ્છેતિ॑ ।
તં-યઁ॑જ્ઞક્ર॒તુભિ॒-રન્વૈ᳚ચ્છત્ ।
તં-યઁ॑જ્ઞક્ર॒તુભિ॒ ર્નાન્વ॑વિન્દત્ ।
તમિષ્ટિ॑ભિ॒-રન્વૈ᳚ચ્છત્ । તમિષ્ટિ॑ભિ॒-રન્વ॑વિન્દત્ । તદિષ્ટી॑ના-મિષ્ટિ॒ત્વમ્ । એષ્ટ॑યો હ॒ વૈ નામ॑ । તા ઇષ્ટ॑ય॒ ઇત્યા ચ॑ક્ષતે પ॒રોક્ષે॑ણ ।
પ॒રોક્ષ॑પ્રિયા ઇવ॒ હિ દે॒વાઃ ॥ 15 ॥
ત-ન્તપો᳚-ઽ બ્રવીત્ । પ્રજા॑પતે॒ તપ॑સા॒ વૈ
શ્રા᳚મ્યસિ । અ॒હમુ॒ વૈ તપો᳚-ઽ સ્મિ ।
મા-ન્નુ ય॑જસ્વ ।
અથ॑ તે સ॒ત્ય-ન્તપો॑ ભવિષ્યતિ ।
અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમા᳚ગ્ને॒ય-મ॒ષ્ટાક॑પાલ॒-ન્નિર॑વપત્ । તપ॑સે ચ॒રુમ્ । અનુ॑મત્યૈ ચ॒રુમ્ ।
તતો॒ વૈ તસ્ય॑ સ॒ત્ય-ન્તપો॑ ઽભવત્ ।
અનુ॑ સ્વ॒ર્ગં-લોઁ॒કમ॑વિન્દત્ ।
સ॒ત્ય ગ્મ્ હ॒ વા અ॑સ્ય॒ તપો॑ ભવતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । અ॒ગ્નયે॒ સ્વાહા॒ તપ॑સે॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 16 ॥
તગ્ગ્ શ્ર॒દ્ધા-ઽબ્ર॑વીત્ । પ્રજા॑પતે શ્ર॒દ્ધયા॒ વૈ શ્રા᳚મ્યસિ । અ॒હમુ॒ વૈ શ્ર॒દ્ધા-ઽસ્મિ॑ । મા-ન્નુ ય॑જસ્વ । અથ॑ તે સ॒ત્યા શ્ર॒દ્ધા ભ॑વિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમા᳚-ઽગ્ને॒ય-મ॒ષ્ટાક॑પાલ॒-ન્નિર॑વપત્ । શ્ર॒દ્ધાયૈ॑ ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્ય॑ સ॒ત્યા શ્ર॒દ્ધા-ઽભ॑વત્ ।
અનુ॑ સ્વ॒ર્ગં-લોઁ॒કમ॑વિન્દત્ ।
સ॒ત્યા હ॒ વા અ॑સ્ય શ્ર॒દ્ધા ભ॑વતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । અ॒ગ્નયે॒ સ્વાહા᳚ શ્ર॒દ્ધાયૈ॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 17 ॥
તગ્મ્ સ॒ત્ય-મ॑બ્રવીત્ । પ્રજા॑પતે સ॒ત્યેન॒ વૈ શ્રા᳚મ્યસિ । અ॒હમુ॒ વૈ સ॒ત્યમ॑સ્મિ । મા-ન્નુ ય॑જસ્વ । અથ॑ તે સ॒ત્યગ્મ્ સ॒ત્ય-મ્ભ॑વિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમા᳚-ઽગ્ને॒ય-મ॒ષ્ટાક॑પાલ॒-ન્નિર॑વપત્ । સ॒ત્યાય॑ ચ॒રુમ્ । અનુ॑મત્યૈ ચ॒રુમ્ ।
તતો॒ વૈ તસ્ય॑ સ॒ત્યગ્મ્ સ॒ત્યમ॑ભવત્ ।
અનુ॑ સ્વ॒ર્ગં-લોઁ॒કમ॑વિન્દત્ ।
સ॒ત્યગ્મ્ હ॒ વા અ॑સ્ય સ॒ત્ય-મ્ભ॑વતિ ।
અનુ॑ સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ સ્વાહા॑ સ॒ત્યાય॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 18 ॥
ત-મ્મનો᳚-ઽબ્રવીત્ । પ્રજા॑પતે॒ મન॑સા॒ વૈ શ્રા᳚મ્યસિ । અ॒હમુ॒ વૈ મનો᳚-ઽસ્મિ ।
મા-ન્નુ ય॑જસ્વ ।
અથ॑ તે સ॒ત્ય-મ્મનો॑ ભવિષ્યતિ ।
અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમા᳚-ઽગ્ને॒ય-મ॒ષ્ટાક॑પાલ॒-ન્નિર॑વપત્ । મન॑સે ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્ય॑ સ॒ત્ય-મ્મનો॑-ઽભવત્ ।
અનુ॑ સ્વ॒ર્ગં-લોઁ॒કમ॑વિન્દત્ । સ॒ત્યગ્મ્ હ॒ વા અ॑સ્ય॒ મનો॑ ભવતિ । અનુ॑ સ્વ॒ર્ગં-લોઁ॒કં-વિઁ॑ન્દતિ । ય એ॒તેન॑ હ॒વિષા॒ યજ॑તે ।
ય ઉ॑ચૈન દે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ સ્વાહા॒ મન॑સે॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 19 ॥
ત-ઞ્ચર॑ણ-મબ્રવીત્ । પ્રજા॑પતે॒ ચર॑ણેન॒ વૈ શ્રા᳚મ્યસિ । અ॒હમુ॒ વૈ ચર॑ણમસ્મિ । મા-ન્નુ ય॑જસ્વ । અથ॑ તે સ॒ત્ય-ઞ્ચર॑ણ-મ્ભવિષ્યતિ । અનુ॑ સ્વ॒ર્ગં-લોઁ॒કં-વેઁ॒થ્સ્યસીતિ॑ ।
સ એ॒તમા᳚-ઽગ્ને॒ય-મ॒ષ્ટાક॑પાલ॒-ન્નિર॑વપત્ । ચર॑ણાય ચ॒રુમ્ । અનુ॑મત્યૈ ચ॒રુમ્ । તતો॒ વૈ તસ્ય॑ સ॒ત્ય-ઞ્ચર॑ણમભવત્ ।
અનુ॑ સ્વ॒ર્ગં-લોઁ॒કમ॑વિન્દત્ ।
સ॒ત્યગ્મ્ હ॒ વા અ॑સ્ય॒ ચર॑ણ-મ્ભવતિ ।
અનુ॑સ્વ॒ર્ગં-લોઁ॒કં-વિઁ॑ન્દતિ ।
ય એ॒તેન॑ હ॒વિષા॒ યજ॑તે ।
ય ઉ॑ચૈનદે॒વં-વેઁદ॑ । સો-ઽત્ર॑ જુહોતિ ।
અ॒ગ્નયે॒ સ્વાહા॒ ચર॑ણાય॒ સ્વાહા᳚ ।
અનુ॑મત્યૈ॒ સ્વાહા᳚ પ્ર॒જાપ॑તયે॒ સ્વાહા᳚ ।
સ્વ॒ર્ગાય॑ લો॒કાય॒ સ્વાહા॒-ઽગ્નયે᳚ સ્વિષ્ટ॒કૃતે॒ સ્વાહેતિ॑ ॥ 20 ॥
તા વા એ॒તાઃ પઞ્ચ॑ સ્વ॒ર્ગસ્ય॑ લો॒કસ્ય॒ દ્વારઃ॑ ।
અપા॑ઘા॒ અનુ॑વિત્તયો॒ નામ॑ । તપઃ॑ પ્રથ॒માગ્મ્ ર॑ક્ષતિ । શ્ર॒દ્ધા દ્વિ॒તીયા᳚મ્ । સ॒ત્ય-ન્તૃ॒તીયા᳚મ્ ।
મન॑શ્ચતુ॒ર્થીમ્ । ચર॑ણ-મ્પઞ્ચ॒મીમ્ ।
અનુ॑ હ॒ વૈ સ્વ॒ર્ગં-લોઁ॒કં-વિઁ॑ન્દતિ ।
કા॒મ॒ચારો᳚-ઽસ્ય સ્વ॒ર્ગે લો॒કે ભ॑વતિ ।
ય એ॒તાભિ॒-રિષ્ટિ॑ભિ॒-ર્યજ॑તે ।
ય ઉ॑ચૈના એ॒વં-વેઁદ॑ ।
અનુવાકં 5 - ચાતુર્હોત્રચયનમ્
બ્રહ્મ॒ વૈ ચતુ॑ર્હોતારઃ । ચતુ॑ર્હોતૃ॒ભ્યો-ઽધિ॑ ય॒જ્ઞો નિર્મિ॑તઃ । નૈનગ્મ્॑ શ॒પ્તમ્ । નાભિચ॑રિત॒-માગ॑ચ્છતિ । ય એ॒વં-વેઁદ॑ ॥
યો હ॒ વૈ ચતુ॑ર્હોતૃણા-ઞ્ચતુર્હોતૃ॒ત્વં-વેઁદ॑ । અથો॒ પઞ્ચ॑ હોતૃત્વમ્ ।
સર્વા॑ હાસ્મૈ॒ દિશઃ॑ કલ્પન્તે ।
વા॒ચસ્પતિ॒ર્॒ હોતા॒ દશ॑હોતૄણામ્ ।
પૃ॒થિ॒વી હોતા॒ ચતુ॑ર્હોતૄણામ્ ॥ 22 ॥
અ॒ગ્નિર્-હોતા॒ પઞ્ચ॑હોતૄણામ્ । વાઘોતા॒ ષડ્ઢો॑તૄણામ્ ।
મ॒હાહ॑વિ॒ર્॒ હોતા॑ સ॒પ્તહો॑તૄણામ્ ।
એ॒તદ્વૈ ચતુ॑ર્હોતૃણા-ઞ્ચતુર્હોતૃ॒ત્વમ્ ।
અથો॒ પઞ્ચ॑હોતૃત્વમ્ । સર્વા॑ હાસ્મૈ॒ દિશઃ॑ કલ્પન્તે । ય એ॒વં-વેઁદ॑ ॥
એ॒ષા વૈ સ॑ર્વ વિ॒દ્યા । એ॒ત-દ્ભે॑ષ॒જમ્ ।
એ॒ષા પ॒ઙ્ક્તિ-સ્સ્વ॒ર્ગસ્ય॑ લો॒કસ્યા᳚-ઞ્જ॒સાય॑નિ-સ્સ્રુ॒તિઃ ॥ 23 ॥
એ॒તાન્. યો-ઽદ્ધ્યૈ-ત્યછ॑દિર્દ॒ર્॒શે યાવ॑ત્ત॒રસ᳚મ્ । સ્વ॑રેતિ । અ॒ન॒પ॒બ્ર॒વ-સ્સર્વ॒માયુ॑રેતિ । વિ॒ન્દતે᳚ પ્ર॒જામ્ । રા॒યસ્પોષ॑-ઙ્ગૌપ॒ત્યમ્ ।
બ્ર॒હ્મ॒વ॒ર્ચ॒સી ભ॑વતિ ॥ એ॒તાન્. યો-ઽદ્ધ્યૈતિ॑ । સ્પૃ॒ણોત્યા॒ત્માન᳚મ્ । પ્ર॒જા-મ્પિ॒તૄન્ ॥
એ॒તાન્. વા અ॑રુ॒ણ ઔ॑પવે॒શિ ર્વિ॒દાઞ્ચ॑કાર ॥ 24 ॥
એ॒તૈર॑ધિવા॒દમપા॑જયત્ । અથો॒ વિશ્વ॑-મ્પા॒પ્માન᳚મ્ । સ્વ॑ર્યયૌ । એ॒તાન્. યો-ઽદ્ધ્યૈતિ॑ । અ॒ધિ॒વા॒દ-ઞ્જ॑યતિ । અથો॒ વિશ્વ॑-મ્પા॒પ્માન᳚મ્ । સ્વ॑રેતિ ॥ એ॒તૈર॒ગ્નિ-ઞ્ચિ॑ન્વીત સ્વ॒ર્ગકા॑મઃ ।
એ॒તૈરાયુ॑ષ્કામઃ । પ્ર॒જા પ॒શુકા॑મો વા ॥ 25 ॥
પુ॒રસ્તા॒-દ્દશ॑હોતાર॒-મુદ॑ઞ્ચ॒-મુપ॑દધાતિ યાવત્પ॒દમ્ । હૃદ॑યં॒-યઁજુ॑ષી॒ પત્ન્યૌ॑ ચ । દ॒ક્ષિ॒ણ॒તઃ પ્રાઞ્ચ॒-ઞ્ચતુ॑ર્હોતારમ્ ।
પ॒શ્ચાદુદ॑ઞ્ચ॒-મ્પઞ્ચ॑ હોતારમ્ । ઉ॒ત્ત॒ર॒તઃ પ્રાઞ્ચ॒ગ્મ્॒ ષડ્ઢો॑તારમ્ ।
ઉ॒પરિ॑ષ્ટા॒-ત્પ્રાઞ્ચગ્મ્॑ સ॒પ્તહો॑તારમ્ । હૃદ॑યં॒-યઁજૂગ્મ્॑ષિ॒ પત્ન્ય॑શ્ચ ।
ય॒થા॒વ॒કા॒શ-ઙ્ગ્રહાન્॑ । ય॒થા॒વ॒કા॒શ-મ્પ્ર॑તિગ્ર॒હાન્ ઁલો॑ક-મ્પૃ॒ણાશ્ચ॑ ।
સર્વા॑ હાસ્યૈ॒તા દે॒વતાઃ᳚ પ્રી॒તા અ॒ભીષ્ટા॑ ભવન્તિ ॥ 26 ॥
સદે॑વમ॒ગ્નિ-ઞ્ચિ॑નુતે ॥
ર॒થસ॑મિન્ત-શ્ચેત॒વ્યઃ॑ । વજ્રો॒ વૈ રથઃ॑ ।
વજ્રે॑ણૈ॒વ પા॒પ્માન॒-મ્ભ્રાતૃ॑વ્યગ્ગ્ સ્તૃણુતે । પ॒ક્ષ-સ્સ॑મિન્ત-શ્ચેત॒વ્યઃ॑ ।
એ॒તાવા॒ન્॒. વૈ રથઃ॑ । યાવ॑ત્પ॒ક્ષઃ । ર॒થસ॑મિન્તમે॒વ ચિ॑નુતે ॥
ઇ॒મમે॒વ લો॒ક-મ્પ॑શુબ॒ન્ધેના॒ભિજ॑યતિ ।
અથો॑ અગ્નિષ્ટો॒મેન॑ ॥ 27 ॥
અ॒ન્તરિ॑ક્ષ-મુ॒ક્થ્યે॑ન । સ્વ॑રતિરા॒ત્રેણ॑ । સર્વા᳚ન્ ઁલો॒કાન॑હી॒નેન॑ । અથો॑ સ॒ત્રેણ॑ ॥ વરો॒ દક્ષિ॑ણા । વરે॑ણૈ॒વ વરગ્ગ્॑ સ્પૃણોતિ ।
આ॒ત્મા હિ વરઃ॑ ॥ એક॑વિગ્મ્શતિ॒ ર્દક્ષિ॑ણા દદાતિ ।
એ॒ક॒વિ॒ગ્મ્॒શો વા ઇ॒ત-સ્સ્વ॒ર્ગો લો॒કઃ । પ્રસ્વ॒ર્ગં-લોઁ॒કમા᳚પ્નોતિ ॥ 28 ॥
અ॒સાવા॑દિ॒ત્ય એ॑કવિ॒ગ્મ્॒શઃ । અ॒મુમે॒વા-દિ॒ત્યમા᳚પ્નોતિ ॥ શ॒ત-ન્દ॑દાતિ । શ॒તાયુઃ॒ પુરુ॑ષ-શ્શ॒તેન્દ્રિ॑યઃ । આયુ॑ષ્યે॒વેન્દ્રિ॒યે પ્રતિ॑તિષ્ઠતિ ॥ સ॒હસ્ર॑-ન્દદાતિ ।
સ॒હસ્ર॑ સમ્મિત-સ્સ્વ॒ર્ગો લો॒કઃ ।
સ્વ॒ર્ગસ્ય॑ લો॒કસ્યા॒-ભિજિ॑ત્યૈ ॥ અ॒ન્વિ॒ષ્ટ॒ક-ન્દક્ષિ॑ણા દદાતિ । સર્વા॑ણિ॒ વયાગ્મ્॑સિ ॥ 29 ॥
સર્વ॒સ્યાપ્ત્યૈ᳚ । સર્વ॒સ્યા-વ॑રુદ્ધ્યૈ ॥ યદિ॒ ન વિ॒ન્દેત॑ । મ॒ન્થાને॑તાવ॒તો દ॑દ્યાદોદ॒નાન્. વા᳚ । અ॒શ્નુ॒તે ત-ઙ્કામ᳚મ્ । યસ્મૈ॒ કામા॑યા॒-ગ્નિશ્ચી॒યતે᳚ ॥ પ॒ષ્ઠૌ॒હી-ન્ત્વ॒ન્તર્વ॑તી-ન્દદ્યાત્ ।
સા હિ સર્વા॑ણિ॒ વયાગ્મ્॑સિ । સર્વ॒સ્યાપ્ત્યૈ᳚ । સર્વ॒સ્યા-વ॑રુદ્ધ્યૈ ॥ 30 ॥
હિર॑ણ્ય-ન્દદાતિ । હિર॑ણ્ય-જ્યોતિરે॒વ સ્વ॒ર્ગં-લોઁ॒કમે॑તિ ॥ વાસો॑ દદાતિ । તેનાયુઃ॒ પ્રતિ॑રતે ॥ વે॒દિ॒તૃ॒તી॒યે ય॑જેત । ત્રિષ॑ત્યા॒ હિ દે॒વાઃ ।
સ સ॑ત્યમ॒ગ્નિ-ઞ્ચિ॑નુતે ॥ તદે॒ત-ત્પ॑શુબ॒ન્ધે બ્રાહ્મ॑ણ-મ્બ્રૂયાત્ । નેત॑રેષુ ય॒જ્ઞેષુ॑ ॥
યો હ॒ વૈ ચતુ॑ર્હોતૄ-નનુસવ॒ન-ન્ત॑ર્પયિત॒વ્યાન્॑. વેદ॑ ॥ 31 ॥
તૃપ્ય॑તિ પ્ર॒જયા॑ પ॒શુભિઃ॑ ।
ઉપૈ॑નગ્મ્ સોમપી॒થો ન॑મતિ ।
એ॒તે વૈ ચતુ॑ર્હોતારો ઽનુસવ॒ન-ન્ત॑ર્પયિત॒વ્યાઃ᳚ । યે બ્રા᳚હ્મ॒ણા બ॑હુ॒વિદઃ॑ ।
તેભ્યો॒ યદ્દક્ષિ॑ણા॒ ન નયે᳚ત્ । દુરિ॑ષ્ટગ્ગ્ સ્યાત્ । અ॒ગ્નિમ॑સ્ય વૃઞ્જીરન્ન્ ।
તેભ્યો॑ યથા શ્ર॒દ્ધ-ન્દ॑દ્યાત્ । સ્વિ॑ષ્ટમે॒વૈતત્ક્રિ॑યતે ।
નાસ્યા॒ગ્નિં-વૃઁ॑ઞ્જતે ॥ 32 ॥
હિ॒ર॒ણ્યે॒ષ્ટ॒કો ભ॑વતિ । યાવ॑દુત્ત॒મ-મ॑ઙ્ગુલિ-કા॒ણ્ડં-યઁ॑જ્ઞ પ॒રુષા॒ સમ્મિ॑તમ્ ।
તેજો॒ હિર॑ણ્યમ્ ॥ યદિ॒ હિર॑ણ્ય॒-ન્ન વિ॒ન્દેત્ । શર્ક॑રા અ॒ક્તા ઉપ॑દદ્ધ્યાત્ । તેજો॑ ઘૃ॒તમ્ । સતે॑જસમે॒-વાગ્નિ-ઞ્ચિ॑નુતે ॥ અ॒ગ્નિઞ્ચિ॒ત્વા સૌ᳚ત્રામ॒ણ્યા ય॑જેત મૈત્રાવરુ॒ણ્યા વા᳚ ।
વી॒ર્યે॑ણ॒ વા એ॒ષ વ્યૃ॑દ્ધ્યતે ।
યો᳚-ઽગ્નિઞ્ચિ॑નુ॒તે ॥ 33 ॥
યાવ॑દે॒વ વી॒ર્ય᳚મ્ । તદ॑સ્મિ-ન્દધાતિ ॥
બ્રહ્મ॑ણ॒-સ્સાયુ॑જ્યગ્મ્ સલો॒કતા॑-માપ્નોતિ ।
એ॒તાસા॑મે॒વ દે॒વતા॑ના॒ગ્મ્॒ સાયુ॑જ્યમ્ ।
સા॒ર્ષ્ટિતાગ્મ્॑ સમાન લો॒કતા॑-માપ્નોતિ । ય એ॒તમ॒ગ્નિ-ઞ્ચિ॑નુ॒તે । ય ઉ॑ચૈનમે॒વં-વેઁદ॑ ॥ એ॒તદે॒વ સા॑વિ॒ત્રે બ્રાહ્મ॑ણમ્ ।
અથો॑ નાચિકે॒તે ॥ 34 ॥
(હોતા॒ ચતુ॑ર્હોતૄણાગ્ - સ્રુ॒તિ - શ્ચ॑કાર - વા - ભવન્ત્ય - ગ્નિષ્ટો॒મેના᳚ - પ્નોતિ॒ - વયાગ્મ્॑સિ॒ - વયાગ્મ્॑સિ॒ - સર્વ॒સ્યાપ્ત્યૈ॒ સર્વ॒સ્યાવ॑રુદ્ધ્યૈ॒ - વેદ॑ - વૃઞ્જતે - ચિનુ॒તે - +નવ॑ ચ) (અ. 5)
અનુવાકં 6 - વૈશ્વસૃજચયનમ્
યચ્ચા॒મૃતં॒-યઁચ્ચ મર્ત્ય᳚મ્ । યચ્ચ॒ પ્રાણિ॑તિ॒ યચ્ચ॒ ન । સર્વા॒સ્તા ઇષ્ટ॑કાઃ કૃ॒ત્વા ।
ઉપ॑ કામ॒દુઘા॑ દધે । તેનર્ષિ॑ણા॒ તેન॒ બ્રહ્મ॑ણા । તયા॑ દે॒વત॑યા-ઽઙ્ગિર॒સ્વ-દ્ધ્રુ॒વા સી॑દ ॥ સર્વા॒-સ્સ્ત્રિય॒-સ્સર્વા᳚-ન્પુ॒ગ્મ્॒સઃ । સર્વ॒-ન્ન સ્ત્રી॑-પુમઞ્ચ॒ યત્ ।
સર્વા॒સ્તાઃ ॥ યાવ॑ન્તઃ પા॒ગ્મ્॒સવો॒ ભૂમેઃ᳚ ॥ 35 ॥
સઙ્ખ્યા॑તા દેવમા॒યયા᳚ । સર્વા॒સ્તાઃ ॥ યાવ॑ન્ત॒ ઊષાઃ᳚ પશૂ॒નામ્ । પૃ॒થિ॒વ્યા-મ્પુષ્ટિ॑ ર્હિ॒તાઃ । સર્વા॒સ્તાઃ ॥ યાવ॑તી॒-સ્સિક॑તા॒-સ્સર્વાઃ᳚ ।
અ॒ફ્સ્વ॑ન્તશ્ચ॒ યા-શ્શ્રિ॒તાઃ । સર્વા॒સ્તાઃ ॥ યાવ॑તી॒-શ્શર્ક॑રા॒ ધૃત્યૈ᳚ । અ॒સ્યા-મ્પૃ॑થિ॒વ્યામધિ॑ ॥ 36 ॥
સર્વા॒સ્તાઃ ॥ યાવ॒ન્તો-ઽશ્મા॑નો॒-ઽસ્યા-મ્પૃ॑થિ॒વ્યામ્ । પ્ર॒તિ॒ષ્ઠાસુ॒ પ્રતિ॑ષ્ઠિતાઃ । સર્વા॒સ્તાઃ ॥ યાવ॑તી ર્વી॒રુધ॒-સ્સર્વાઃ᳚ ।
વિષ્ઠિ॑તાઃ પૃથિ॒વીમનુ॑ । સર્વા॒સ્તાઃ ॥ યાવ॑તી॒રોષ॑ધી॒-સ્સર્વાઃ᳚ ।
વિષ્ઠિ॑તાઃ પૃથિ॒વીમનુ॑ । સર્વા॒સ્તાઃ ॥ 37 ॥
યાવ॑ન્તો॒ વન॒સ્પત॑યઃ । અ॒સ્યા-મ્પૃ॑થિ॒વ્યામધિ॑ । સર્વા॒સ્તાઃ ॥
યાવ॑ન્તો ગ્રા॒મ્યાઃ પ॒શવ॒-સ્સર્વે᳚ । આ॒ર॒ણ્યાશ્ચ॒ યે । સર્વા॒સ્તાઃ ॥ યે દ્વિ॒પાદ॒-શ્ચતુ॑ષ્પાદઃ । અ॒પાદ॑ ઉદરસ॒ર્પિણઃ॑ ।
સર્વા॒સ્તાઃ ॥ યાવ॒દાઞ્જ॑-નમુ॒ચ્યતે᳚ ॥ 38 ॥
દે॒વ॒ત્રા યચ્ચ॑ માનુ॒ષમ્ । સર્વા॒સ્તાઃ ॥ યાવ॑ત્કૃ॒ષ્ણાય॑સ॒ગ્મ્॒ સર્વ᳚મ્ ।
દે॒વ॒ત્રા યચ્ચ॑ માનુ॒ષમ્ । સર્વા॒સ્તાઃ ॥
યાવ॑ લ્લો॒હાય॑સ॒ગ્મ્॒ સર્વ᳚મ્ ।
દે॒વ॒ત્રા યચ્ચ॑ માનુ॒ષમ્ । સર્વા॒સ્તાઃ ॥ સર્વ॒ગ્મ્॒ સીસ॒ગ્મ્॒ સર્વ॒-ન્ત્રપુ॑ ।
દે॒વ॒ત્રા યચ્ચ॑ માનુ॒ષમ્ ॥ 39 ॥
સર્વા॒સ્તાઃ ॥ સર્વ॒ગ્મ્॒ હિર॑ણ્યગ્મ્ રજ॒તમ્ । દે॒વ॒ત્રા યચ્ચ॑ માનુ॒ષમ્ ।
સર્વા॒સ્તાઃ ॥ સર્વ॒ગ્મ્॒ સુવ॑ર્ણ॒ગ્મ્॒ હરિ॑તમ્ । દે॒વ॒ત્રા યચ્ચ॑ માનુ॒ષમ્ ।
સર્વા॒સ્તા ઇષ્ટ॑કાઃ કૃ॒ત્વા । ઉપ॑કામ॒દુઘા॑ દધે । તેનર્ષિ॑ણા॒ તેન॒ બ્રહ્મ॑ણા ।
તયા॑ દે॒વત॑યા-ઽઙ્ગિર॒સ્વ-દ્ધ્રુ॒વા સી॑દ ॥ 40 ॥
[ભૂમે॒ - રધિ॒ - વિષ્ઠિ॑તાઃ પૃથિ॒વીમનુ॒ સર્વા॒સ્તા - ઉ॒ચ્યત॑ - માનુ॒ષગ્મ્ - સી॑દ ] (અ. 6)
(યચ્ચ॒ સ્ત્રિયઃ॑ પા॒ગ્મ્॒સવ॒ ઊષા॒-સ્સિક॑તા॒-શ્શર્ક॑રા॒ અશ્મા॑નો વી॒રુધ॒ ઓષ॑ધી॒-ર્વન॒સ્પત॑યો ગ્રા॒મ્યા યે દ્વિ॒પાદો॒ યાવ॒દાઞ્જ॑નં॒-યાઁવ॑-ત્કૃ॒ષ્ણાય॑સં
ઁલો॒હાય॑સ॒ગ્મ્॒ સીસ॒ગ્મ્॒ હિર॑ણ્ય॒ગ્મ્॒ સુવ॑ર્ણ॒ગ્મ્॒ હરિ॑તમ॒ષ્ટાદ॑શ)
અનુવાકં 7 - વૈશ્વસૃજચયનમ્
સર્વા॒ દિશો॑ દિ॒ક્ષુ । યચ્ચા॒ન્ત ર્ભૂ॒ત-મ્પ્રતિ॑ષ્ઠિતમ્ । સર્વા॒સ્તા ઇષ્ટ॑કાઃ કૃ॒ત્વા ।
ઉપ॑ કામ॒દુઘા॑ દધે ।
તેનર્ષિ॑ણા॒ તેન॒ બ્રહ્મ॑ણા ।
તયા॑ દે॒વત॑યા-ઽઙ્ગિર॒સ્વ-દ્ધ્રુ॒વા સી॑દ ॥
અ॒ન્તરિ॑ક્ષઞ્ચ॒ કેવ॑લમ્ ।
યચ્ચા॒સ્મિ-ન્ન॑ન્ત॒રાહિ॑તમ્ ।
સર્વા॒સ્તાઃ ॥ આ॒ન્ત॒રિ॒ક્ષ્ય॑શ્ચ॒ યાઃ પ્ર॒જાઃ ॥ 41 ॥
ગ॒ન્ધ॒ર્વા॒-ફ્સ॒રસ॑શ્ચ॒ યે । સર્વા॒સ્તાઃ ॥ સર્વા॑-નુદા॒રાન્-થ્સ॒લિલાન્॑ ।
અ॒ન્તરિ॑ક્ષે॒ પ્રતિ॑ષ્ઠિતાન્ । સર્વા॒સ્તાઃ ॥
સર્વા॑-નુદા॒રાન્-થ્સ॑લિ॒લાન્ ।
સ્થા॒વ॒રાઃ પ્રો॒ષ્યા᳚શ્ચ॒ યે । સર્વા॒સ્તાઃ ॥ સર્વા॒-ન્ધુનિ॒ગ્મ્॒ સર્વા᳚ન્-ધ્વ॒ગ્મ્॒સાન્ ।
હિ॒મો યચ્ચ॑ શી॒યતે᳚ ॥ 42 ॥
સર્વા॒સ્તાઃ ॥ સર્વા॒-ન્મરી॑ચી॒ન્॒. વિત॑તાન્ । ની॒હા॒રો યચ્ચ॑ શી॒યતે᳚ । સર્વા॒સ્તાઃ ॥ સર્વા॑ વિ॒દ્યુત॒-સ્સર્વા᳚ન્-થ્સ્તનયિ॒ત્નૂન્ । હ્રા॒દુની॒ ર્યચ્ચ॑ શી॒યતે᳚ । સર્વા॒સ્તાઃ ॥ સર્વા॒-સ્સ્રવ॑ન્તી-સ્સ॒રિતઃ॑ ।
સર્વ॑મફ્સુ ચ॒રઞ્ચ॒ યત્ । સર્વા॒સ્તાઃ ॥ 43 ॥
યાશ્ચ॒ કૂપ્યા॒ યાશ્ચ॑ ના॒દ્યા᳚-સ્સમુ॒દ્રિયાઃ᳚ । યાશ્ચ॑ વૈશ॒ન્તીરુ॒ત પ્રા॑સ॒ચીર્યાઃ ।
સર્વા॒સ્તાઃ ॥ યે ચો॒ત્તિષ્ઠ॑ન્તિ જી॒મૂતાઃ᳚ ।
યાશ્ચ॒ વર્ષ॑ન્તિ વૃ॒ષ્ટયઃ॑ । સર્વા॒સ્તાઃ ॥ તપ॒સ્તેજ॑ આકા॒શમ્ । યચ્ચા॑કા॒શે પ્રતિ॑ષ્ઠિતમ્ ।
સર્વા॒સ્તાઃ ॥ વા॒યું-વઁયાગ્મ્॑સિ॒ સર્વા॑ણિ ॥ 44 ॥
અ॒ન્ત॒રિ॒ક્ષ॒ચ॒રઞ્ચ॒ યત્ । સર્વા॒સ્તાઃ ॥ અ॒ગ્નિગ્મ્ સૂર્ય॑-ઞ્ચ॒ન્દ્રમ્ । મિ॒ત્રં-વઁરુ॑ણ॒-મ્ભગ᳚મ્ । સર્વા॒સ્તાઃ ॥ સ॒ત્યગ્ગ્ શ્ર॒દ્ધા-ન્તપો॒ દમ᳚મ્ ।
નામ॑ રૂ॒પઞ્ચ॑ ભૂ॒તાના᳚મ્ । સર્વા॒સ્તા ઇષ્ટ॑કાઃ કૃ॒ત્વા । ઉપ॑ કામ॒દુઘા॑ દધે । તેનર્ષિ॑ણા॒ તેન॒ બ્રહ્મ॑ણા ।
તયા॑ દે॒વત॑યા-ઽઙ્ગિર॒સ્વ-દ્ધ્રુ॒વા સી॑દ ॥ 45 ॥
(પ્ર॒જા-હિ॒મો યચ્ચ॑ શી॒યતે॒-સર્વા॒સ્તાઃ-સર્વા॑ણિ॒-બ્રહ્મ॒ણૈક॑-ઞ્ચ) (અ. 7)
(દિશો॒-ઽન્તરિ॑ક્ષમાન્તરિ॒ક્ષ્ય॑ ઉદા॒રાનુ॑દા॒રા-ન્ધુનિ॒-મ્મરી॑ચીન્. વિ॒દ્યુતઃ॒
સ્રવ॑ન્તી॒ર્યાશ્ચ॒ યે ચ॒ તપો॑ વા॒યુમ॒ગ્નિગ્મ્ સ॒ત્ય-મ્પઞ્ચ॑દશ)
અનુવાકં 8 - વૈશ્વસૃજચયનમ્
સર્વા॒-ન્દિવ॒ગ્મ્॒ સર્વા᳚-ન્દે॒વા-ન્દિ॒વિ ।
યચ્ચા॒ન્ત ર્ભૂ॒ત-મ્પ્રતિ॑ષ્ઠિતમ્ ।
સર્વા॒સ્તા ઇષ્ટ॑કાઃ કૃ॒ત્વા । ઉપ॑ કામ॒દુઘા॑ દધે । તેનર્ષિ॑ણા॒ તેન॒ બ્રહ્મ॑ણા ।
તયા॑ દે॒વત॑યા-ઽઙ્ગિર॒સ્વદ-ધ્રુ॒વા સી॑દ ॥ યાવ॑તી॒ સ્તાર॑કા॒-સ્સર્વાઃ᳚ ।
વિત॑તા રોચ॒ને દિ॒વિ । સર્વા॒સ્તાઃ ॥ ઋચો॒ યજૂગ્મ્॑ષિ॒ સામા॑નિ ॥ 46 ॥
અ॒થ॒ર્વા॒ઙ્ગિ॒રસ॑શ્ચ॒ યે । સર્વા॒સ્તાઃ ॥ ઇ॒તિ॒હા॒સ॒પુ॒રા॒ણઞ્ચ॑ ।
સ॒ર્પ॒દે॒વ॒જ॒નાશ્ચ॒ યે । સર્વા॒સ્તાઃ ॥
યે ચ॑ લો॒કા યે ચા॑લો॒કાઃ ।
અ॒ન્ત ર્ભૂ॒ત-મ્પ્રતિ॑ષ્ઠિતમ્ । સર્વા॒સ્તાઃ ॥
યચ્ચ॒ બ્રહ્મ॒ યચ્ચા᳚બ્ર॒હ્મ ।
અ॒ન્ત ર્બ્ર॒હ્મ-ન્પ્રતિ॑ષ્ઠિતમ્ ॥ 47 ॥
સર્વા॒સ્તાઃ ॥ અ॒હો॒રા॒ત્રાણિ॒ સર્વા॑ણિ । અ॒દ્ર્ધ॒મા॒સાગ્શ્ચ॒ કેવ॑લાન્ ।
સર્વા॒સ્તાઃ ॥ સર્વા॑નૃ॒તૂન્-થ્સર્વા᳚-ન્મા॒સાન્ । સં॒વઁ॒થ્સ॒રઞ્ચ॒ કેવ॑લમ્ ।
સર્વા॒સ્તાઃ ॥ સર્વ॒-મ્ભૂત॒ગ્મ્॒ સર્વ॒-મ્ભવ્ય᳚મ્ । યચ્ચા॒તો-ઽધિ॑ ભવિ॒ષ્યતિ॑ ।
સર્વા॒સ્તા ઇષ્ટ॑કાઃ કૃ॒ત્વા ।
ઉપ॑ કામ॒દુઘા॑ દધે ।
તેનર્ષિ॑ણા॒ તેન॒ બ્રહ્મ॑ણા ।
તયા॑ દે॒વત॑યા-ઽઙ્ગિર॒સ્વ-દ્ધ્રુ॒વા સી॑દ ॥ 48 ॥
(સામા॑નિ - બ્ર॒હ્મ-ન્પ્રતિ॑ષ્ઠિતં - કૃ॒ત્વા ત્રીણિ॑ ચ) (અ. 8)
(દિવ॒-ન્તાર॑કા॒ ઋચ॑ ઇતિહાસપુરા॒ણ-ઞ્ચ॒ યે ચ॒ યચ્ચા॑હોરા॒ત્રાણ્યૃ॒તૂ-ન્ભૂત॒-ન્નવ॑)
અનુવાકં 9 - બ્રહ્મા સદસ્યાસીનો વૌશ્વસૃજાન્ વ્યાચષ્ટે
ઋ॒ચા-મ્પ્રાચી॑ મહ॒તી દિગુ॑ચ્યતે ।
દક્ષિ॑ણા-માહુ॒ ર્યજુ॑ષામપા॒રામ્ ।
અથ॑ર્વણા॒-મગ્મ્ઇ॑રસા-મ્પ્ર॒તીચી᳚ ।
સામ્ના॒-મુદી॑ચી મહ॒તી દિગુ॑ચ્યતે ॥
ઋ॒ગ્ભિઃ પૂ᳚ર્વા॒હ્ણે દિ॒વિ દે॒વ ઈ॑યતે ।
ય॒જુ॒ર્વે॒દે તિ॑ષ્ઠતિ॒ મદ્ધ્યે॒ અહ્નઃ॑ ।
સા॒મ॒વે॒દે-ના᳚સ્તમ॒યે મહી॑યતે ।
વેદૈ॒-રશૂ᳚ન્ય-સ્ત્રિ॒ભિરે॑તિ॒ સૂર્યઃ॑ ॥
ઋ॒ગ્ભ્યો જા॒તાગ્મ્ સ॑ર્વ॒શો મૂર્તિ॑-માહુઃ ।
સર્વા॒ ગતિ॑ ર્યાજુ॒ષી હૈ॒વ શશ્વ॑ત્ ॥ 49 ॥
સર્વ॒-ન્તેજ॑ સ્સામરૂ॒પ્યગ્મ્ હ॑ શશ્વત્ । સર્વગ્મ્॑ હે॒દ-મ્બ્રહ્મ॑ણા હૈ॒વ સૃ॒ષ્ટમ્ ॥
ઋ॒ગ્ભ્યો જા॒તં-વૈઁશ્યં॒-વઁર્ણ॑-માહુઃ । ય॒જુ॒ર્વે॒દ-ઙ્ક્ષ॑ત્રિ॒યસ્યા॑-હુ॒ર્યોનિ᳚મ્ ।
સા॒મ॒વે॒દો બ્રા᳚હ્મ॒ણાના॒-મ્પ્રસૂ॑તિઃ ।
પૂર્વે॒ પૂર્વે᳚ભ્યો॒ વચ॑ એ॒ત-દૂ॑ચુઃ ॥
આ॒દ॒ર્॒શ-મ॒ગ્નિ-ઞ્ચિ॑ન્વા॒નાઃ ।
પૂર્વે॑ વિશ્વ॒ સૃજો॒-ઽમૃતાઃ᳚ ।
શ॒તં-વઁ॑ર્ષ સહ॒સ્રાણિ॑ । દી॒ક્ષિ॒તા-સ્સ॒ત્ર-મા॑સત ॥ 50 ॥
તપ॑ આસી-દ્ગૃ॒હપ॑તિઃ । બ્રહ્મ॑ બ્ર॒હ્માભ॑વ-થ્સ્વ॒યમ્ । સ॒ત્યગ્મ્ હ॒ હો તૈ॑ષા॒માસી᳚ત્ ।
ય-દ્વિ॑શ્વ॒સૃજ॒ આસ॑ત ॥
અ॒મૃત॑-મેભ્ય॒ ઉદ॑ગાયત્ ।
સ॒હસ્ર॑-મ્પરિવથ્સ॒રાન્ ।
ભૂ॒તગ્મ્ હ॑ પ્રસ્તો॒ તૈષા॒માસી᳚ત્ ।
ભ॒વિ॒ષ્ય-ત્પ્રતિ॑ ચાહરત્ ॥
પ્રા॒ણો અ॑દ્ધ્વ॒ર્યુ-ર॑ભવત્ ।
ઇ॒દગ્મ્ સર્વ॒ગ્મ્॒ સિષા॑સતામ્ ॥ 51 ॥
અ॒પા॒નો વિ॒દ્વા-ના॒વૃતઃ॑ । પ્રતિ॒ પ્રાતિ॑ષ્ઠ-દદ્ધ્વ॒રે ॥ આ॒ર્ત॒વા ઉ॑પગા॒તારઃ॑ । સ॒દ॒સ્યા॑ ઋ॒તવો॑-ઽભવન્ન્ । અ॒ર્ધ॒મા॒સાશ્ચ॒ માસા᳚શ્ચ । ચ॒મ॒સા॒-દ્ધ્વ॒ર્ય॒વો-ઽભ॑વન્ન્ ॥
અશગ્મ્॑ સ॒-દ્બ્રહ્મ॑ણ॒-સ્તેજઃ॑ ।
અ॒ચ્છા॒વા॒કો ઽભ॑વ॒-દ્યશઃ॑ ।
ઋ॒ત-મે॑ષા-મ્પ્રશા॒સ્તા-ઽઽસી᳚ત્ ।
ય-દ્વિ॑શ્વ॒ સૃજ॒ આસ॑ત ॥ 52 ॥
ઊર્ગ્-રાજા॑ન॒-મુદ॑વહત્ । ધ્રુ॒વ॒ ગો॒પ-સ્સહો॑-ઽભવત્ । ઓજો॒-ઽભ્ય॑ષ્ટૌ॒-દ્ગ્રાવ્.ણ્ણઃ॑ ।
ય-દ્વિ॑શ્વ॒ સૃજ॒ આસ॑ત ॥
અપ॑ચિતિઃ પો॒ત્રીયા॑-મયજત્ । ને॒ષ્ટ્રીયા॑-મયજ॒-ત્ત્વિષિઃ॑ । આગ્ની᳚દ્ધ્રા-દ્વિ॒દુષી॑ સ॒ત્યમ્ । શ્ર॒દ્ધા હૈ॒વા ય॑જ-થ્સ્વ॒યમ્ ॥ ઇરા॒ પત્ની॑ વિશ્વ॒ સૃજા᳚મ્ । આકૂ॑તિ-રપિનડ્ઢ॒વિઃ ॥ 53 ॥
ઇ॒દ્ધ્મગ્મ્ હ॒ ક્ષુચ્ ચૈ᳚ભ્ય ઉ॒ગ્રે । તૃ॒ષ્ણા ચા વ॑હતામુ॒ભે ॥ વાગે॑ષાગ્મ્ સુબ્રહ્મ॒ણ્યા-ઽઽસી᳚ત્ । છ॒ન્દો॒ યો॒ગાન્. વિ॑જાન॒તી ।
ક॒લ્પ॒ત॒ન્ત્રાણિ॑ તન્વા॒ના-ઽહઃ॑ । સ॒ગ્ગ્॒સ્થાશ્ચ॑ સર્વ॒શઃ ॥ અ॒હો॒રા॒ત્રે પ॑શુપા॒લ્યૌ । મુ॒હૂ॒ર્તાઃ પ્રે॒ષ્યા॑ અભવન્ન્ । મૃ॒ત્યુસ્ તદ॑-ભવ-દ્ધા॒તા । શ॒મિ॒તો ગ્રો વિ॒શા-મ્પતિઃ॑ ॥ 54 ॥
વિ॒શ્વ॒સૃજઃ॑ પ્રથ॒મા-સ્સ॒ત્ર-મા॑સત । સ॒હસ્ર॑ સમ॒-મ્પ્રસુ॑તેન॒ યન્તઃ॑ ।
તતો॑ હ જજ્ઞે॒ ભુવ॑નસ્ય ગો॒પાઃ । હિ॒ર॒ણ્મય॑-શ્શ॒કુનિ॒ ર્બ્રહ્મ॒ નામ॑ ॥ યેન॒ સૂર્ય॒-સ્તપ॑તિ॒ તેજ॑સે॒-દ્ધઃ । પિ॒તા પુ॒ત્રેણ॑ પિતૃ॒માન્. યોનિ॑યોનૌ । નાવે॑દવિ-ન્મનુતે॒ ત-મ્બૃ॒હન્ત᳚મ્ । સ॒ર્વા॒નુ॒ભુ-મા॒ત્માનગ્મ્॑ સમ્પરા॒યે ॥
એ॒ષ નિ॒ત્યો મ॑હિ॒મા બ્રા᳚હ્મ॒ણસ્ય॑ ।
ન કર્મ॑ણા વર્ધતે॒ નો કની॑યાન્ ॥ 55 ॥
તસ્યૈ॒વાત્મા પ॑દ॒વિત્તં-વિઁ॑દિત્વા ।
ન કર્મ॑ણા લિપ્યતે॒ પાપ॑કેન ॥
પઞ્ચ॑પઞ્ચા॒શત॑-સ્ત્રિ॒વૃત॑-સ્સંવઁથ્સ॒રાઃ ।
પઞ્ચ॑પઞ્ચા॒શતઃ॑ પઞ્ચદ॒શાઃ । પઞ્ચ॑પઞ્ચા॒શત॑-સ્સપ્તદ॒શાઃ ।
પઞ્ચ॑પઞ્ચા॒શત॑ એકવિ॒ગ્મ્॒શાઃ ।
વિ॒શ્વ॒સૃજાગ્મ્॑ સ॒હસ્ર॑ સંવઁથ્સરમ્ ॥
એ॒તેન॒ વૈ વિ॑શ્વ॒સૃજ॑ ઇ॒દં-વિઁશ્વ॑-મસૃજન્ત । ય-દ્વિશ્વ॒-મસૃ॑જન્ત । તસ્મા᳚-દ્વિશ્વ॒સૃજઃ॑ ॥
વિશ્વ॑-મેના॒-નનુ॒ પ્રજા॑યતે । બ્રહ્મ॑ણ॒-સ્સાયુ॑જ્યગ્મ્ સલો॒કતાં᳚-યઁન્તિ ।
એ॒તાસા॑મે॒વ દે॒વતા॑ના॒ગ્મ્॒ સાયુ॑જ્યમ્ । સા॒ર્ષ્ટિતાગ્મ્॑ સમાન લો॒કતાં᳚-યઁન્તિ ।
ય એ॒ત-દુ॑પ॒યન્તિ॑ । યે ચૈ॑ન॒-ત્પ્રાહુઃ॑ ।
યેભ્ય॑-શ્ચૈન॒-ત્પ્રાહુઃ॑ ॥
ઓમ્ ॥ 56 ॥
(શશ્વ॑ - દાસત॒ - સિષા॑સતા॒ - માસ॑ત - હ॒વિષ્ - પતિઃ॒ - કની॑યા॒ન્ - તસ્મા᳚-દ્વિશ્વ॒સૃજો॒-ઽષ્ટૌ ચ॑) (અ. 9)
(તુભ્યં॑ - દે॒વેભ્ય॒ - સ્તપ॑સા - દે॒વેભ્યો॒ - બ્રહ્મ॒ વૈ ચતુ॑ર્હોતારો॒ - યચ્ચા॒મૃત॒ગ્મ્॒ - સર્વા॒ દિશો॑ દિ॒ક્ષુ - સર્વા॒-ન્દિવ॑ - મૃ॒ચા-મ્પ્રાચી॒ નવ॑)
(તુભ્યં॒ - તપ॑સા॒ - તા વા એ॒તાઃ પઞ્ચ॒ - હિર॑ણ્ય-ન્દદાતિ॒ - સર્વા॒ દિશ॒ - સ્તપ॑ આસીદ્ગૃ॒હપ॑તિ॒-ષ્ષટ્પ॑ઞ્ચા॒શત્)
(તુભ્ય॒-મોં)
॥ હરિઃ॑ ઓમ્ ॥
॥ તૈત્તિરીય યજુર્બ્રાહ્મણે કાઠકે તૃતીય પ્રશ્ન-સ્સમાપ્તઃ ॥
॥ ઇતિ તૈત્તિરીય યજુર્બ્રાહ્મણે કાઠકં સમાપ્તમ્ ॥
